BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ឯកឧត្ដម ហ៊ុន ម៉ាណែត ស្នើកងទ័ពចូលរួមសហការការពារសន្តិសុខសណ្ដាប់ធ្នាប់នៃកិច្ចប្រជុំអាស៊ាន

ភ្នំពេញ ៖ ថ្លែងក្នុងពិធីប្រជុំឆ្លងរបាយការណ៍បូកសរុបលទ្ធផលសកម្មភាពការងារយោធា-សន្តិសុខ ឆ្នាំ២០២១ និងលើកទិសដៅបន្តឆ្នាំ២០២២ របស់កងទ័ពជើងគោក នៃកងយោធពលខេមរភូមិន្ទ នៅថ្ងៃទី១ ខែកុម្ភៈ ឆ្នាំ២០២២ ឯកឧត្ដមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានស្នើដល់គ្រប់ស្ថាប័ន-កងឯកភាពចំណុះកងទ័ពជើងគោកទាំងអស់បន្តយកចិត្តទុកដាក់ និងត្រៀមលក្ខណៈអនុវត្តគ្រប់ភារកិច្ចទាំងកិច្ចការងារស្នូល និងភារកិច្ចនានាតាមបទបញ្ជារបស់រាជរដ្ឋាភិបាល, ក្រសួងការពារជាតិ និងអគ្គបញ្ជាការដ្ឋាន ក្នុងនោះមានដូចជាចូលរួមសហការការពារសន្តិសុខ សណ្តាប់ធ្នាប់សាធារណៈ ជាមួយគ្រប់ស្ថាប័ន-អង្គភាព និងអាជ្ញាធរពាក់ព័ន្ធ ជាពិសេសការការពារសន្តិសុខ សុវត្ថិភាព ជូនថ្នាក់ដឹកនាំជាតិ អន្តរជាតិ ក្នុងដំណើរការនៃកិច្ចប្រជុំនានា ដែលកម្ពុជាធ្វើជាម្ចាស់ផ្ទះក្នុងនាមជាប្រធានអាស៊ានឆ្នាំ២០២២ ក៏ដូចជាដំណើរការឃោសនា និងការប្រព្រឹត្តិទៅនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នាពេលខាងមុខ។ឯកឧត្ដមក៏បានស្នើឱ្យត្រៀមបម្រុងកម្លាំង មធ្យោបាយ និងសម្ភារ សម្រាប់ប្រតិបត្តិការជួយសង្គ្រោះគ្រោះមហន្តរាយជាយថាហេតុផ្សេងៗ ព្រមទាំងការបន្តយកចិត្តទុកដាក់គិតគូរលើកស្ទួយជីវភាព និងសម្រួលដោះស្រាយការលំបាកផ្សេងៗរបស់គ្រួសារយោធិន និងអតីតយុទ្ធជន តាមរយៈសកម្មភាពមួ យចំនួនដូចជា ការផ្តល់នូវការបណ្តុះបណ្តាលជំនាញវិជ្ជាជីវៈចាំបាច់នានា និងការស្វែងទីផ្សាសម្រាប់ផ លិតផលដែលគ្រួសារយោធិន និងអតីតយុទ្ធជនផលិតបានជាដើម។ និងបន្តចូលរួមអនុវត្តវិធានការសុខាភិបាល “៣កុំ ៣ការពារ” ឱ្យបានខ្ជាប់ខ្ជាប់ ដើម្បីការពារខ្លួន ក្រុមគ្រួសារ និងអង្គភាព ជាពិសេសនៅចំពោះមុខប្រភេទមេរោគកូវីដ-១៩ បំប្លែងថ្មីៗនានាដែលអាចកើតមានឡើងជាបន្តបន្ទាប់។ក្នុងពិធីនោះដែរ ឯកឧត្ដម ហ៊ុន ម៉ាណែត ក៏បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំគ្រប់លំដាប់ថ្នាក់ នាយទាហាន នាយទាហានរង និងពលទាហានទូទាំងកងទ័ពជើងគោក ដែលពេញមួយ ឆ្នាំកន្លងទៅនេះ បានខិតខំប្រឹងប្រែងរួមគ្នាបំពេញតួនាទី និងភារកិច្ច ទទួលបានលទ្ធផលល្អប្រសើរស្រ បតាមផែនការ ក៏ដូចជាការឆ្លើយតបបានទាន់ពេលវេលា និងប្រកបដោយប្រសិទ្ធភាពចំពោះស្ថានភាពយថាហេតុផ្សេងទៀត ជាពិសេសការចូលរួមជាមួយនឹងរាជរដ្ឋាភិបាលក្នុងយុទ្ធនាការប្រយុទ្ធនឹងជំងឺកូវីដ-១៩ ដែលជាបញ្ហាប្រឈមចំពោះមុខដ៏ស្រួចស្រាល់ និងសូមបន្តកិច្ចខិតខំប្រឹងប្រែងឱ្យបានខ្លាំងក្លាថែមទៀត ដើម្បីសម្រេចបានសមិទ្ធផលកាន់តែល្អប្រសើរជូនជាតិ ប្រជាជន និងមាតុភូមិ៕ អត្ថបទ ៖ គង់ ឌិន

WHO៖ មិនទាន់ដល់ពេលប្រទេសណាមួយចុះចាញ់ ឬប្រកាសជ័យជម្នះលើវីរុសនោះទេ

WHO៖ អគ្គនាយកអង្គការសុខភាពពិភពលោក លោកវេជ្ជបណ្ឌិត Tedros Ghebreyesus បាននិយាយថា វាមិនទាន់ដល់ពេលសម្រាប់ប្រទេសណាមួយក្នុងការចុះចាញ់ ឬប្រកាសពីជ័យជម្នះលើវីរុស SARS-CoV-2 ដែលលោកបាននិយាយថា វាគ្រោះថ្នាក់ ហើយវាបន្តវិវត្តន៍នៅចំពោះមុខយើង។ លោកវេជ្ជបណ្ឌិត Tedros បាននិយាយថា ចាប់តាំងពីវីរុសបម្លែងខ្លួនថ្មី Omicron ត្រូវបានកំណត់អត្តសញ្ញាណជាលើកដំបូងកាលពី ១០សប្តាហ៍មុន ស្ទើរតែ ៩០លានករណីត្រូវបានរាយការណ៍មកកាន់អង្គការសុខភាពពិភពលោក ច្រើនជាងត្រូវបានរាយការណ៍កាលពីឆ្នាំ២០២០។ លោកនិយាយថា បច្ចុប្បន្ននេះយើងកំពុងចាប់ផ្តើមមើលឃើញការកើនឡើង គួរឱ្យព្រួយបារម្ភនៃករណីស្លាប់នៅក្នុងតំបន់ភាគច្រើននៃពិភពលោក។ លោកវេជ្ជបណ្ឌិត Tedros បាននិយាយថា គ្មានអ្វីអាចលើសពីការពិតនោះទេ ហើយអង្គការសុខភាពពិភពលោក (WHO) បច្ចុប្បន្នកំពុងតាមដានវីរុសតំណរពូជចំនួន ៤ប្រភេទនៃវីរុសបម្លែងខ្លួថ្មី Omicron នៃការព្រួយបារម្ភរួមទាំងវីរុស BA.2។ វីរុសនេះនឹងបន្តវិវឌ្ឍជាមូលហេតុដែលយើងអំពាវនាវដល់ប្រទេសនានា បន្តការធ្វើតេស្តតាមដានជាបន្តបន្ទាប់។ យើងមិនអាចប្រយុទ្ធប្រឆាំងនឹងវីរុសនេះបានទេ ប្រសិនបើយើងមិនដឹងថាវាកំពុងធ្វើអ្វី។ ហើយយើងត្រូវបន្តធ្វើការដើម្បីធានាថា មនុស្សទាំងអស់មានលទ្ធភាពទទួលបានវ៉ាក់សាំងបង្ការ។ក្នុងពេលជាមួយគ្នានេះ វាក៏ច្បាស់ដែរថានៅពេលដែលវីរុសវិវឌ្ឍ ដូច្នេះវ៉ាក់សាំងប្រហែលជាត្រូវវិវឌ្ឍដូចគ្នា។ វីរុសបម្លែងខ្លួនថ្មី SARS-CoV-2 អាចបន្តគេចផុតពីអង្គបដិបក្ខប្រាណដែលប្រឆាំងវីរុស បង្កើតឡើងដោយវ៉ាក់សាំងប្រឆាំងវីរុស។ ជាមួយគ្នានេះប្រធានអង្គការសុខភាពពិភពលោកបាននិយាយថា អង្គការរបស់លោកបានចេញផ្សាយនូវរបាយការណ៍ថ្មីមួយ ស្តីពីបន្ទុកនៃកាកសំណល់វេជ្ជសាស្ត្រពីការរាតត្បាតជំងឺ ដូចជាឧបករណ៍ការពារផ្ទាល់ខ្លួន ឧបករណ៍តេស្ត សារធាតុគីមី សេរ៉ាង ម្ជុល និងផលិតផលប្រើប្រាស់ចោលផ្សេងទៀត ដើម្បីការពារខ្លួនយើង និងអ្នកដទៃដែលកំពុងគំរាមកំហែងដល់សុខភាពមនុស្ស និងបរិស្ថាន និងបង្ហាញពីតម្រូវការដើម្បីកែលម្អការគ្រប់គ្រងកាកសំណល់។ លោកស្រីវេជ្ជបណ្ឌិត Maria Van Kerkhove អ្នកដឹកនាំបច្ចេកទេសរបស់អង្គការ WHO បានជំរុញឱ្យមានការប្រុងប្រយ័ត្ន ខណៈដែលប្រទេសជាច្រើនមិនទាន់បានឆ្លងកាត់ករណីខ្ពស់នៃវីរុសបម្លែងខ្លួន Omicron នៅឡើយ ខណៈប្រទេសជាច្រើននៅមានកម្រិតទាបក្នុងការចាក់វ៉ាក់សាំង ដល់បុគ្គលដែលងាយរងគ្រោះខ្លាំងនៅក្នុងចំនួនប្រជាជនរបស់ពួកគេ៕អត្ថបទ៖ ប៊ុនថន

WHO៖ ប្រទេសជាច្រើនមិនទាន់ឈានដល់ចំណុចកំពូលនៃករណីឆ្លងវីរុសបម្លែងថ្មី Omicron នៅឡើយ

WHO៖ មន្ត្រីជាន់ខ្ពស់ផ្នែកបច្ចេកទេសនៃជំងឺ COVID-19 របស់អង្គការសុខភាពពិភពលោកបាននិយាយកាលពីថ្ងៃអង្គារថា ប្រទេសជាច្រើននៅមិនទាន់ឈានដល់ចំណុចកំពូលនៃករណីឆ្លងវីរុសកូរ៉ូណាបម្លែងថ្មី Omicron នៅឡើយ ហើយវិធានការនានាដែលបានដាក់ដើម្បីបញ្ឈប់ការឆ្លងរាលដាល គួរតែបន្ធូរបន្ថយជាបណ្តើរៗ។លោកស្រី Maria Van Kerkhove បានប្រាប់សន្និសីទសារព័ត៌មានតាម online ថា យើងកំពុងជំរុញឲ្យមានការប្រុងប្រយ័ត្ន ព្រោះប្រទេសជាច្រើននៅមិនទាន់បានឆ្លងកាត់ករណីឆ្លងដល់ចំណុចកំពូលនៅឡើយ។ ប្រទេសជាច្រើនមានកម្រិតនៃការចាក់វ៉ាក់សាំងទាប ជាមធ្យមដល់ប្រជាជនដែលងាយរងគ្រោះខ្លាំងរបស់ពួកគេ។ លោកស្រីបានបន្ថែមថា ដូច្នេះនៅពេលនេះមិនមែនជាពេលត្រូវដកចេញអ្វីៗគ្រប់យ៉ាងទេ។ យើងតែងតែជំរុញហើយជំរុញទៀត ត្រូវរក្សាការប្រុងប្រយ័ត្នខ្ពស់ជានិច្ចក្នុងការអនុវត្តន៍ការធ្វើអន្តរាគមន៍ ព្រមទាំងការដកការធ្វើអន្តរាគមន៍ទាំងនោះជាបណ្ដើរៗ និងយឺតៗសន្សឹមៗ។ ព្រោះវីរុសនេះពិតជាមានការប្រែប្រួលលឿនណាស់។ចំណែកប្រមុខអង្គការសុខភាពពិភពលោកគឺលោក Tedros Adhanom Ghebreyesus បាននិយាយថា ទីភ្នាក់ងារសុខភាពរបស់អង្គការសហប្រជាជាតិនេះមានការព្រួយបារម្ភខ្លាំងណាស់ អំពីការលើកយកមកនិយាយបូបាច់នៅក្នុងប្រទេសមួយចំនួនថា មានវ៉ាក់សាំងហើយវីរុសបម្លែងខ្លួនថ្មី Omicron ឆ្លងលឿនមែន តែវាខ្សោយ អញ្ចឹងអាចធ្វើឲ្យមនុស្សលែងគិតគូពីវិធានការទប់ស្កាត់ ហើយក៏លែងគិតថាវាជារឿងចាំបាច់៕អត្ថបទ៖ សុខមាន

លោក Putin៖ សហរដ្ឋអាមេរិកកំពុងព្យាយាមទាញរុស្ស៊ីឲ្យធ្លាក់ចូលក្នុងសង្គ្រាម

រុស្ស៊ី៖ លោកប្រធានាធិបតីរុស្ស៊ី Vladimir Putin បានចោទប្រកាន់សហរដ្ឋអាមេរិកថា កំពុងព្យាយាមទាញប្រទេសរបស់លោកឲ្យធ្លាក់ចូលក្នុងសង្គ្រាមនៅប្រទេសអ៊ុយក្រែន។ លោក Vladimir Putin បាននិយាយថា លោកសង្ឃឹមរុស្ស៊ី និងលោកខាងលិចនឹងស្វែងរកដំណោះស្រាយស្ដីពីវិបត្តិសន្តិសុខជុំវិញបញ្ហាអ៊ុយក្រែន ប៉ុន្តែបានចោទប្រកាន់អាមេរិកថា បានកំពុងប្រើប្រាស់អ៊ុយក្រែនជាឧបករណ៍ទប់ទល់នឹងរុស្ស៊ី។នៅក្នុងការអត្ថាធិប្បាយដ៏សំខាន់ជាលើកដំបូងរបស់លោក អំពីវិបត្តិនៅក្នុងរយៈពេលប៉ុន្មានសប្ដាហ៍មកនេះលោកថា គោលដៅរបស់សហរដ្ឋអាមេរិកគឺដើម្បីប្រើប្រាស់ការប្រឈមដាក់គ្នា ជាលេសក្នុងការដាក់ទណ្ឌកម្មបន្ថែមទៀតលើប្រទេសរុស្ស៊ី។ លោកក៏បាននិយាយផងដែរថា សហរដ្ឋអាមេរិកកំពុងព្រងើយកន្តើយនឹងក្ដីបារម្ភរបស់រុស្ស៊ី អំពីកងកម្លាំងសម្ព័ន្ធមិត្តរបស់អង្គការណាតូនៅអឺរ៉ុប។ ភាពតានតឹងឡើងកម្ដៅខ្លាំងជុំវិញការបង្កើនកងទ័ពរបស់រុស្ស៊ី នៅជិតព្រំដែនរបស់ប្រទេសអ៊ុយក្រែន។ ប្រទេសរុស្ស៊ីបានច្រានចោលការចោទប្រកាន់ពីលោកខាងលិចថា ខ្លួនមានគម្រោងឈ្លានពានរយៈពេលជិត ៨ឆ្នាំបន្ទាប់ពីរុស្ស៊ីបានដាក់តំបន់ឧបទ្វីបគ្រីមៀស្ថិតនៅភាគខាងត្បូងរបស់អ៊ុយក្រែនចូលជាឧបសម្ព័ន្ធរបស់ខ្លួន និងបានគាំទ្រក្រុមឧទ្ទាមនៅក្នុងតំបន់ Donbas ភាគខាងកើតរបស់ប្រទេសអ៊ុយក្រែន។ប្រទេសរុស្ស៊ីបានចោទប្រកាន់រដ្ឋាភិបាលអ៊ុយក្រែន ពីបទបរាជ័យក្នុងការអនុវត្តន៍កិច្ចព្រមព្រៀងអន្តរជាតិ ដើម្បីស្ដារកិច្ចព្រមព្រៀងនៅតំបន់ភាគខាងកើត ជាទីដែលមានមនុស្សយ៉ាងហោចណាស់ ១៤,០០០នាក់បានស្លាប់ ហើយក្រុមឧទ្ទាមគាំទ្រដោយរុស្ស៊ីបានគ្រប់គ្រងដែនដីដ៏ធំ៕អត្ថបទ៖ សុខមាន

មនុស្ស ២នាក់ស្លាប់ និង ៣៨នាក់រងរបួសក្នុងការវាយប្រហារលើការប្រមូលផ្ដុំនៅថ្ងៃគម្រប់ខួបមួយឆ្នាំនៃរដ្ឋប្រហារនៅមីយ៉ាន់ម៉ា

មីយ៉ាន់ម៉ា៖ មន្ត្រីសន្តិសុខមួយរូបបានប្រាប់សារព័ត៌មាន AFP ថា មនុស្ស ២នាក់បានស្លាប់ និង ៣៨នាក់រងរបួសក្នុងការវាយប្រហារដោយគ្រាប់បែកដៃលើការជួបជុំគាំទ្រយោធា ក្នុងភាគខាងកើតសហភាពមីយ៉ាន់ម៉ាកាលពីថ្ងៃអង្គារ ខណៈការតវ៉ាប្រឆាំងរដ្ឋប្រហារជាច្រើនត្រូវបានធ្វើឡើងទូទាំងប្រទេសនៅថ្ងៃគម្រប់ខួបមួយឆ្នាំ ជាលើកដំបូងនៃការដណ្ដើមក្ដោបក្តាប់អំណាចពីសំណាក់យោធា។ ពុំមានក្រុមណាមួយអះអាងទទួលខុសត្រូវទេពីសកម្មភាពរបស់ខ្លួន ចំពោះការវាយប្រហារដែលបានកើតឡើង ខណៈក្រុមសកម្មជនប្រឆាំងរដ្ឋប្រហារបានប្រារព្ធខួបមួយឆ្នាំនៃរដ្ឋប្រហារ ដោយការធ្វើកូដកម្មស្ងៀមស្ងាត់ និងការតវ៉ាដោយទះដៃផ្គើននឹងបទបញ្ជារបស់របបសឹក។ យោធាបានដណ្ដើមកាន់កាប់អំណាច ដែលបានបញ្ចប់ការដឹកនាំបែបលទ្ធិប្រជាធិបតេយ្យដ៏ក្មេងខ្ចី របស់ប្រទេសនៅអាស៊ីអាគ្នេយ៍មួយនេះ និងបានទម្លាក់មេដឹកនាំស៊ីវិលលោកស្រី Aung San Suu Kyi ដែលបង្កឲ្យមានការតវ៉ាទ្រង់ទ្រាយធំជាច្រើន និងការបង្ក្រាបដ៏សាហាវទៅលើក្រុមបាតុករ។ ក្នុងការព្យាយាមទប់ស្កាត់ប្រតិកម្ម និងការប៉ះទង្គិចគ្នាជារៀងរាល់ថ្ងៃ របបសឹកបានសម្លាប់ជនស៊ីវិលជាង ១,៥០០នាក់ នេះបើយោងតាមក្រុមឃ្លាំមើលស្ថានការណ៍ក្នុងស្រុក។ តំបន់ជាច្រើនរបស់ប្រទេសនេះត្រូវបានស្ថិតក្រោមការគ្រប់គ្រង របស់ក្រុមយុទ្ធជនប្រឆាំងរដ្ឋប្រហារ៕អត្ថបទ៖ សុខមាន

អាមេរិកស្នើឲ្យក្រុមប្រឹក្សាសន្តិសុខអង្គការសហប្រជាជាតិរៀបចំជំនួបប្រជុំស្ដីពីកូរ៉េខាងជើង

សហរដ្ឋអាមេរិក៖ ក្រុមអ្នកការទូតបាននិយាយថា សហរដ្ឋអាមេរិកបានស្នើក្រុមប្រឹក្សាសន្តិសុខអង្គការសហប្រជាជាតិ ឲ្យរៀបចំជំនួបបន្ទាន់មួយនៅថ្ងៃព្រហស្បតិ៍ស្អែកនេះ ស្ដីពីការបាញ់សាកល្បងមីស៊ីលអន្តរទ្វីបបាលីស្ទីករយៈចម្ងាយមធ្យមរបស់កូរ៉េខាងជើង។ កូរ៉េខាងជើងបានបញ្ជាក់ថា ខ្លួនបានបាញ់មីស៊ីលបាលីស្ទីករយៈចម្ងាយមធ្យម Hwasong-12 កាលពីថ្ងៃអាទិត្យ ទី៣០ មករា ដែលបង្កឲ្យមានក្ដីបារម្ភថា រដ្ឋអាវុធនុយក្លេអ៊ែរមួយនេះអាចបន្តការសាកល្បង មីស៊ីលបាលីស្ទីករយៈចម្ងាយឆ្ងាយឡើងវិញ។ការបាញ់កាលពីថ្ងៃអាទិត្យគឺជាការសាកល្បងមីស៊ីលលើកទី៧ របស់ប្រទេសកូរ៉េខាងជើងនៅក្នុងខែមករាដើមឆ្នាំ២០២២ នេះ និងជាលើកដំបូងដែលប្រទេសនេះបានបាញ់មីស៊ីលដ៏មានឥទ្ធិពលបំផុត ចាប់តាំងពីឆ្នាំ២០១៧ មក។ គេរំពឹងថា ក្រុមប្រឹក្សាសន្តិសុខអង្គការសហប្រជាជាតិនឹងរៀបចំជំនួបប្រជុំបិទទ្វារនៅថ្ងៃព្រហស្បតិ៍ស្អែកនេះ ហើយវាអាស្រ័យលើប្រទេសរុស្ស៊ីដែលជាប្រធាននៃក្រុមប្រឹក្សានេះសម្រាប់ខែកុម្ភៈនេះ ដើម្បីបញ្ជាក់ពីពេលវេលា។ ទីក្រុង Washington បាននឹងកំពុងជំរុញឲ្យមានការដាក់ទណ្ឌកម្មកាន់តែតឹងរ៉ឹងថែមទៀតលើក្រុង Pyongyang ជុំវិញការបាញ់សាកល្បងមីស៊ីលនាពេលថ្មីៗនេះ។ កាលពីពាក់កណ្ដាលខែមករា រដ្ឋបាលរបស់លោកប្រធានាធិបតីអាមេរិក Joe Biden បានដាក់ទណ្ឌកម្មជាឯកតោភាគីលើជនជាតិកូរ៉េខាងជើងចំនួន ៥នាក់, រុស្ស៊ីម្នាក់ និងក្រុមហ៊ុនមួយរបស់រុស្ស៊ីពាក់ព័ន្ធនឹងការសាកល្បងអាវុធជាបន្តបន្ទាប់កន្លងមកនេះ៕អត្ថបទ៖ សុខមាន

អង្គការសហប្រជាជាតិពិភាក្សាពីភាពតានតឹងរវាងរុស្ស៊ី-អ៊ុយក្រែន និងការមិនចាត់វិធានការ

UN៖ ប្រទេសរុស្ស៊ីបានចោទប្រកាន់ប្រទេសលោកខាងលិច ពីការបង្កើនភាពតានតឹងលើប្រទេសអ៊ុយក្រែន និងបាននិយាយថា សហរដ្ឋអាមេរិកបាននាំមនោគមនយោបាយសុទ្ធសាធមករកអំណាចក្នុងទីក្រុងគៀវ ខណៈដែលក្រុមប្រឹក្សាសន្តិសុខអង្គការសហប្រជាជាតិ បានធ្វើការពិភាក្សាគ្នាលើពាក្យចចាមអារ៉ាមក្នុងការបង្កើនកងទ័ព របស់ទីក្រុងម៉ូស្គូនៅជិតប្រទេសជិតខាងភាគខាងត្បូងរបស់ខ្លួន។ឯកអគ្គរដ្ឋទូតសហរដ្ឋអាមេរិកលោកស្រី Linda Thomas-Greenfield បាននិយាយថា កម្លាំងយោធាដែលកំពុងកើនឡើងរបស់ប្រទេសរុស្ស៊ី ដែលមានទាហានជាង ១០ម៉ឺននាក់នៅតាមបណ្តោយព្រំដែនប្រទេសអ៊ុយក្រែន គឺជាការចល័តធំជាងគេនៅអឺរ៉ុបក្នុងរយៈពេលជាច្រើនទសវត្សរ៍ និងមានការរាលដាលនៃការវាយប្រហារតាមអ៊ីនធឺណិត និងព័ត៌មានមិនពិតរបស់ប្រទេសរុស្ស៊ី។ រដ្ខមន្ត្រីការបរទេសរុស្សី លោក Sergey Lavrov និងរដ្ឋមន្ត្រីការបរទេសសហរដ្ឋអាមេរិកលោក Antony Blinken មិនបានធ្វើឲ្យមានភាពរីកចម្រើនដែលបានមើលឃើញណាមួយឡើយ ក្នុងការធ្វើឲ្យធូស្រាលភាពតានតឹងនៅក្នុងជំនួបរបស់ពួកគេទាំងពីរ ក្នុងទីក្រុងហ្សឺណែវកាលពីដើមខែនេះ។ យោងតាមក្រសួងការបរទេសរុស្សីបាននិយាយថា រដ្ឋមន្ត្រីទាំងពីរត្រូវបានរំពឹងថានឹងសន្ទនាគ្នាតាមទូរស័ព្ទនៅថ្ងៃអង្គារនេះ៕អត្ថបទ៖ ប៊ុនថន

ពិភពលោករងការចោទប្រកាន់ថា បានឱបដៃឈរមើល ខណៈមីយ៉ាន់ម៉ាធ្លាក់ចូលក្នុងសង្គ្រាម

មីយ៉ាន់ម៉ា៖ នៅថ្ងៃទី១ ខែកុម្ភៈ ឆ្នាំ២០២២ នេះគឺជារយៈពេល ១ឆ្នាំគត់ចាប់តាំងពីមានរដ្ឋប្រហារយោធានៅសហភាពមីយ៉ាន់ម៉ា ហើយការអំពាវនាវរកចំណាត់ការពីអន្តរជាតិកំពុងកើនឡើងកាន់តែខ្លាំង ពិសេសពីរដ្ឋាភិបាលបង្រួបបង្រួមជាតិ (NUG) ដែលបានបង្កើតចេញពីក្រុមអ្នកនយោបាយជាប់ឆ្នោតដែលត្រូវបានក្រុមឧត្ដមសេនីយ៍ដឹកនាំដោយលោក Min Aung Hlaing ទម្លាក់ចេញពីតំណែង។រដ្ឋមន្ត្រីការបរទេសរបស់រដ្ឋាភិបាលនេះគឺលោក Zin Mar Aung បានប្រាប់សារព័ត៌មាន Al Jazeera ថា ពិភពលោកពុំបានធ្វើអ្វីក្រៅតែពីឱបដៃឈរមើលនោះទេ។ ក្នុងរយៈពេលមួយឆ្នាំកន្លងទៅនេះ យើងបានមើលឃើញពីការធ្វើបាបដ៏ឃោរឃៅទៅលើប្រជាជនខ្លួនឯង។ យើងក៏បានមើលឃើញផងដែរពីការប្ដេជ្ញាចិត្តយ៉ាងមុតមាំពីមនុស្សជំនាន់ក្រោយ ជាមនុស្សជំនាន់ថ្មីដែលនិយាយថា ពួកគេនឹងមិនទទួលយករបបនេះឡើយ។ ការវាយប្រហារលើជនស៊ីវិល ក្រុមអ្នកតវ៉ា និងសកម្មជននយោបាយបានរីកកាន់តែធំក្នុងពេលប៉ុន្មានខែថ្មីនេះ។អ្វីដែលជាការចាប់ផ្ដើមឡើងឈានដល់ការបង្ក្រាបដោយហិង្សា គឺជាការប្រើប្រាស់ឧស្ម័នបង្ហៀរទឹកភ្នែក និងការវាយដុំ ដែលរហូតមកដល់ពេលនេះបានប្រែក្លាយជាការវាយប្រហារតាមអាកាស ការដុតបំផ្លាញភូមិស្រុក និងបាញ់ប្រហារដោយដាក់គោលដៅនៅទូទាំងប្រទេស។ យោងតាមសមាគមជួយអ្នកទោសនយោបាយ ដែលបានតាមឃ្លាំមើលតាំងពីអំពើហិង្សាចាប់ផ្ដើមឲ្យដឹងថា មនុស្សជាង ១,៥០០នាក់ត្រូវបានសម្លាប់ចាប់តាំងពីរដ្ឋប្រហារ៕អត្ថបទ៖ សុខមាន

អ្នកស្លាប់ដោយការបាក់ដី និងទឹកជំនន់ក្នុងប្រទេសប្រេស៊ីលកើនឡើងដល់ ២៤នាក់

ប្រេស៊ីល៖ ក្រុមអ្នកពន្លត់អគ្គិភ័យ និងបុគ្គលិកសង្គ្រោះបានជីករកក្នុងដីល្បាប់ និងគំនរកម្ទេចកំទីបាក់បែកក្នុងទីក្រុង Franco da Rocha បន្ទាប់ពីការបាក់ដី និងទឹកជំនន់បង្កមកពីភ្លៀងធ្លាក់ខ្លាំងបណ្តាលឲ្យមនុស្សជាច្រើននាក់ស្លាប់ និងបានបង្ខំឲ្យគ្រួសារជាច្រើនភៀសខ្លួនចេញពីលំនៅឋានរបស់ពួកគេ។អ្នកសម្របសម្រួលប្រតិបត្តិការរបស់ក្រុមអ្នកពន្លត់អគ្គិភ័យនិយាយថា អ្នកស្លាប់ ៦នាក់បន្ថែមទៀតត្រូវបានរកឃើញនៅក្នុងទីក្រុង Franco da Rocha ហើយមនុស្ស ៣នាក់នៅបាត់ខ្លួននៅឡើយ។ រហូតមកដល់ពេលនេះយ៉ាងហោចណាស់មនុស្ស ២៤នាក់បានស្លាប់ដោយសារតែគ្រោះមហន្តរាយបាក់ដី និងទឹកជំនន់។ យោងតាមអង្គភាពការពារជនស៊ីវិលបានឲ្យដឹងថា ប្រជាជន ៦០០គ្រួសារមកពីក្រុងចំនួន ១១ ត្រូវបានផ្លាស់ទីលំនៅទៅកាន់កន្លែងមានសុវត្ថិភាព៕អត្ថបទ៖ ប៊ុនថន

ក្រុងមូស្គូព្រមានថា អ៊ុយក្រែនអាចនឹងបំផ្លាញខ្លួនឯង ខណៈរុស្ស៊ី និងអាមេរិកប៉ះពាក្យសម្ដីនៅ UN

រុស្ស៊ី៖ អ្នកការទូតជាន់ខ្ពស់មួយរូបរបស់រុស្ស៊ីបានព្រមាន នៅក្នុងការជជែកដេញដោលស្ដីពីវិបត្តិអ៊ុយក្រែន នៅក្រុមប្រឹក្សាសន្តិសុខអង្គការសហប្រជាជាតិថា ប្រទេសអ៊ុយក្រែននឹងត្រូវទទួលខុសត្រូវចំពោះការបំផ្លិចបំផ្លាញខ្លួន បើសិនបើប្រទេសនេះធ្វើឱ្យខូចដល់កិច្ចព្រមព្រៀងសន្តិភាពដែលមានស្រាប់។ការព្រមានចេញពីមាត់លោក Vasily Nebenzya តំណាងអចិន្ត្រៃយ៍របស់រុស្ស៊ីប្រចាំនៅអង្គការសហប្រជាជាតិ អំឡុងសម័យប្រជុំក្រុមប្រឹក្សាដ៏តានតឹងបានកើតឡើង នៅថ្ងៃដែលការពិភាក្សាខាងការទូតកម្រិតខ្ពស់នៅតែបន្ត ដើម្បីដោះស្រាយវិបត្តិអ៊ុយក្រែន។ ក្រសួងការបរទេសសហរដ្ឋអាមេរិកបានបញ្ជាក់ថា ខ្លួនបានទទួលការឆ្លើយតបពីទីក្រុងមូស្គូ ចំពោះឯកសារដែលសហរដ្ឋអាមេរិកបានប្រគល់ជូននៅទីក្រុងមូស្គូកាលពីសប្តាហ៍មុន ដោយបានគូសបញ្ជាក់ជាផ្លូវការនូវតំបន់ដែលរដ្ឋបាលលោក Biden ជឿជាក់ថា ប្រទេសទាំងពីរអាចស្វែង រកចំណុចរួម។ មន្ត្រីអាមេរិកនឹងមិនបង្ហាញខ្លឹមសារលិខិតរបស់រុស្ស៊ីឡើយ ដោយនិយាយថា ពួកគេនឹងមិនចរចាជាសាធារណៈទេ។រដ្ឋមន្ត្រីការបរទេសអាមេរិកលោក Tony Blinken និងសមភាគីរុស្ស៊ីរបស់លោកគឺលោក Sergei Lavrov គ្រោងនឹងពិភាក្សាគ្នាតាមទូរស័ព្ទនៅថ្ងៃអង្គារនេះ បន្ទាប់ពីទទួលបានលិខិតពីរុស្ស៊ី និងសម័យប្រជុំក្រុមប្រឹក្សាសន្តិសុខ។ ទន្ទឹមនឹងនេះដែរកាលពីថ្ងៃចន្ទលោកប្រធានាធិបតីរុស្ស៊ី Vladimir Putin បានពិភាក្សាជាមួយប្រធានាធិបតីបារាំងលោក Emmanuel Macron ក្នុងការសន្ទនាតាមទូរស័ព្ទលើកទីពីររវាងមេដឹកនាំរុស្ស៊ី និងបារាំងចាប់តាំងពីថ្ងៃសុក្រសប្ដាហ៍មុនមក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

Cristiano Ronaldo និង Georgina Rodriguez ប្រកាសចំណងអាពាហ៍ពិពាហ៍ផ្លូវការ

ប្រេងឡើងថ្លៃ ខណៈការសង្ស័យលើកិច្ចព្រមព្រៀងរវាងអាមេរិក-អ៊ីរ៉ង់ បង្កើនការព្រួយបារម្ភពីការផ្គត់ផ្គង់

ការវាយប្រហាររបស់រុស្ស៊ីសម្លាប់មនុស្សច្រើននាក់ ខណៈមេដឹកនាំអ៊ុយក្រែនអះអាងពីការប្រើប្រាស់មីស៊ីលកូរ៉េខាងជើង

ការវាយប្រហារដោយក្រុមហ៊ូទី នៅសមុទ្រក្រហមបណ្តាលឲ្យនាវិកស្លាប់និងរបួស ខណៈអាមេរិកក៏បានវាយប្រហារនាវានៅឈូងសមុទ្រអូម៉ង់

កូរ៉េខាងត្បូង និងជប៉ុន ថ្កោលទោសការបាញ់មីស៊ីលបាលីស្ទីកពីកូរ៉េខាងជើងនៅថ្ងៃពុធនេះ

ប្រទេសលីបង់ លុបចោលទោសប្រហារជីវិតដំបូងគេនៅតំបន់មជ្ឈិមបូព៌ា

កូរ៉េខាងជើង បាញ់មីស៊ីលបាលីស្ទីកនៅមុនសមយុទ្ធយោធាទ្រង់ទ្រាយធំរបស់អាមេរិក និងកូរ៉េខាងត្បូង

ប្រសាសន៍សំខាន់ៗរបស់សម្ដេចធិបតី អញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវសមិទ្ធផលនានា នៅក្រុងស្ទឹងត្រែង

[UPDATE] ចំនួនអ្នកស្លាប់ពីរញ្ជួយដីនៅកូឡុំប៊ីឡើងដល់ជាង ២៥០ នាក់ ខណៈក្រុមជួយសង្គ្រោះបន្តស្វែងរកអ្នករស់រានមានជីវិត

ថៃផ្អាកចេញលិខិតអនុញ្ញាតប្រើប្រាស់អាវុធថ្មីក្រោយការបាញ់ប្រហារសម្លាប់មនុស្សដ៏រង្គាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឯកឧត្ដម ហ៊ុន ម៉ាណែត ស្នើកងទ័ពចូលរួមសហការការពារសន្តិសុខសណ្ដាប់ធ្នាប់នៃកិច្ចប្រជុំអាស៊ាន

WHO៖ មិនទាន់ដល់ពេលប្រទេសណាមួយចុះចាញ់ ឬប្រកាសជ័យជម្នះលើវីរុសនោះទេ

WHO៖ ប្រទេសជាច្រើនមិនទាន់ឈានដល់ចំណុចកំពូលនៃករណីឆ្លងវីរុសបម្លែងថ្មី Omicron នៅឡើយ

លោក Putin៖ សហរដ្ឋអាមេរិកកំពុងព្យាយាមទាញរុស្ស៊ីឲ្យធ្លាក់ចូលក្នុងសង្គ្រាម

អាមេរិកស្នើឲ្យក្រុមប្រឹក្សាសន្តិសុខអង្គការសហប្រជាជាតិរៀបចំជំនួបប្រជុំស្ដីពីកូរ៉េខាងជើង

អង្គការសហប្រជាជាតិពិភាក្សាពីភាពតានតឹងរវាងរុស្ស៊ី-អ៊ុយក្រែន និងការមិនចាត់វិធានការ

ពិភពលោករងការចោទប្រកាន់ថា បានឱបដៃឈរមើល ខណៈមីយ៉ាន់ម៉ាធ្លាក់ចូលក្នុងសង្គ្រាម

អ្នកស្លាប់ដោយការបាក់ដី និងទឹកជំនន់ក្នុងប្រទេសប្រេស៊ីលកើនឡើងដល់ ២៤នាក់

ក្រុងមូស្គូព្រមានថា អ៊ុយក្រែនអាចនឹងបំផ្លាញខ្លួនឯង ខណៈរុស្ស៊ី និងអាមេរិកប៉ះពាក្យសម្ដីនៅ UN

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឯកឧត្ដម ហ៊ុន ម៉ាណែត ស្នើកងទ័ពចូលរួមសហការការពារសន្តិសុខសណ្ដាប់ធ្នាប់នៃកិច្ចប្រជុំអាស៊ាន

WHO៖ មិនទាន់​ដល់ពេល​ប្រទេស​ណាមួយ​ចុះចាញ់ ឬ​ប្រកាស​ជ័យជម្នះ​លើ​វីរុស​នោះ​ទេ

WHO៖ ប្រទេស​ជាច្រើន​មិន​ទាន់​ឈាន​ដល់​ចំណុច​កំពូល​នៃ​ករណី​ឆ្លង​វីរុស​ប​ម្លែ​ង​ថ្មី Omicron នៅ​ឡើយ​

លោក Putin៖ ​សហរដ្ឋអាមេរិក​កំពុង​ព្យាយាម​ទាញ​រុស្ស៊ី​ឲ្យ​ធ្លាក់​ចូល​ក្នុង​សង្គ្រាម​

អាមេរិក​ស្នើ​ឲ្យ​ក្រុមប្រឹក្សាសន្តិសុខ​អង្គការសហប្រជាជាតិ​រៀបចំ​ជំនួប​ប្រជុំ​ស្ដីពី​កូរ៉េខាងជើង

អង្គការសហប្រជាជាតិ​ពិភាក្សា​ពី​ភាព​តានតឹង​រវាង​រុស្ស៊ី​-​អ៊ុយ​ក្រែ​ន និង​ការ​មិន​ចាត់វិធានការ​

ពិភពលោក​រង​ការ​ចោទ​ប្រកាន់​ថា ​បាន​ឱបដៃ​ឈរ​មើល ខណៈ​មី​យ៉ាន់​ម៉ា​ធ្លាក់​ចូល​ក្នុង​សង្គ្រាម​

អ្នក​ស្លាប់​ដោយ​ការ​បាក់​ដី និង​ទឹកជំនន់​ក្នុង​ប្រទេស​ប្រេ​ស៊ី​ល​កើន​ឡើង​ដល់ ​២៤​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO៖ មិនទាន់ដល់ពេលប្រទេសណាមួយចុះចាញ់ ឬប្រកាសជ័យជម្នះលើវីរុសនោះទេ

WHO៖ ប្រទេសជាច្រើនមិនទាន់ឈានដល់ចំណុចកំពូលនៃករណីឆ្លងវីរុសបម្លែងថ្មី Omicron នៅឡើយ

លោក Putin៖ សហរដ្ឋអាមេរិកកំពុងព្យាយាមទាញរុស្ស៊ីឲ្យធ្លាក់ចូលក្នុងសង្គ្រាម

អាមេរិកស្នើឲ្យក្រុមប្រឹក្សាសន្តិសុខអង្គការសហប្រជាជាតិរៀបចំជំនួបប្រជុំស្ដីពីកូរ៉េខាងជើង

អង្គការសហប្រជាជាតិពិភាក្សាពីភាពតានតឹងរវាងរុស្ស៊ី-អ៊ុយក្រែន និងការមិនចាត់វិធានការ

ពិភពលោករងការចោទប្រកាន់ថា បានឱបដៃឈរមើល ខណៈមីយ៉ាន់ម៉ាធ្លាក់ចូលក្នុងសង្គ្រាម

អ្នកស្លាប់ដោយការបាក់ដី និងទឹកជំនន់ក្នុងប្រទេសប្រេស៊ីលកើនឡើងដល់ ២៤នាក់