BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចតេជោ ហ៊ុន សែន ជំរុញឱ្យបន្តពង្រឹងសិទ្ធិអំណាចស្រ្ដីក្នុងវិស័យសេដ្ឋកិច្ច និងនយោបាយ

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

ព័ត៌មានសំខាន់ៗ

អង្គការសុខភាពពិភពលោក៖ ខ្លួនមិនអាចបង្ខំឲ្យប្រទេសចិនផ្ដល់ព័ត៌មានលម្អិតនៃប្រភពដើមជំងឺ COVID-19

ស្វីស៖ មន្ត្រីអង្គការសុខភាពពិភពលោកបាននិយាយថា អង្គការសុខភាពពិភពលោកមិនអាចបង្ខំឲ្យប្រទេសចិន បែងចែកទិន្នន័យបន្ថែមទៀតលើប្រភពដើមនៃជំងឺ COVID-19 ខណៈដែលបន្ថែមថា ខ្លួននឹងស្នើការសិក្សាដែលត្រូវការ ដើម្បីស្វែងយល់ពីកន្លែងដែលវីរុសលេចចេញមក “កម្រិតបន្ទាប់”។ពេលត្រូវបានសួរដោយអ្នកសារព័ត៌មានម្នាក់ថា តើអង្គការសុខភាពពិភពលោកនឹងជំរុញដល់ប្រទេសចិនរបៀបណា ដើម្បីឲ្យមានការបើកទូលាយបន្ថែមទៀត លោក Mike Ryan នាយកកម្មវិធីគ្រាអាសន្នសុខភាពសាធារណៈរបស់ទីភ្នាក់ងារនេះ បាននិយាយនៅសន្និសីទសារព័ត៌មានថា អង្គការសុខភាពពិភពលោកពុំមានសិទ្ធិអំណាច ក្នុងការជំរុញឲ្យនរណាម្នាក់ធ្វើការសំណើរបស់ខ្លួនទេ។ លោក Ryan បាននិយាយកាលពីថ្ងៃចន្ទថា យើងរំពឹងយ៉ាងមុតមាំថា នឹងមានកិច្ចសហប្រតិបត្តិការ ការផ្ដល់ព័ត៌មាន និងការគាំទ្រពីរដ្ឋជាសមាជិកទាំងអស់ក្នុងកិច្ចខិតខំប្រឹងប្រែងនោះ។មានទ្រឹស្ដីប្រជែងគ្នាជាច្រើនដែលថា វីរុសនេះបានឆ្លងចេញពីសត្វ ដែលដំបូងឡើយអាចឆ្លងពីសត្វប្រចៀវទៅមនុស្ស ឬវីរុសនេះលេចចេញពីមន្ទីរពិសោធន៍ ក្នុងទីក្រុងអ៊ូហានប្រទេសចិន។ ថ្មីៗនេះទ្រឹស្ដីលេចធ្លាយវីរុសចេញពីមន្ទីរពិសោធន៍ក្រុងអ៊ូហាន កំពុងក្លាយជាប្រធានបទក្ដៅសម្រាប់វេទិកាជជែកដេញដោលសាធារណៈជាថ្មី បន្ទាប់ពីក្រុមអ្នកវិទ្យាសាស្ត្រសំខាន់ៗ មួយបានអំពាវនាវឲ្យមានការស៊ើបអង្កេតពេញលេញ លើប្រភពដើមនៃវីរុសនេះ។ យ៉ាងណាក៏ ប្រទេសចិនបានទាត់ចោលការចោទប្រកាន់ម្ដងហើយម្ដងទៀត ដែលថាមន្ទីរពិសោធន៍នេះជាអ្នកទទួលខុសត្រូវចំពោះការផ្ទុះរាលដាលវីរុសនេះ៕អត្ថបទ៖ សុខមាន

សម្ដេចតេជោ ហ៊ុន សែន បញ្ជាក់ថា វ៉ាក់សាំង ១លានដូសទៀតនឹងមកកម្ពុជាស្អែកនេះ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ថា វ៉ាក់សាំងចំនួន ១លានដូស នឹងមកដល់កម្ពុជានៅស្អែកនេះ។សម្ដេចតេជោ ហ៊ុន សែន បានបញ្ជាក់បែបនេះនៅក្នុងសាររបស់សម្ដេចឆ្លើយតបនឹងអ្នកប្រើហ្វេសប៊ុកមួយចំនួន។សម្ដេចតេជោ ហ៊ុន សែន បញ្ជាក់ថា វ៉ាក់សាំងចំនួន ១លានដូសបន្ថែមទៀត ដែលក្នុងនោះមានស៊ីណូវ៉ាក់ ៥០ម៉ឺនដូស និងស៊ីណូហ្វាមចំនួន ៥០ម៉ឺនដូស នឹងមកដល់ប្រទេសកម្ពុជានៅថ្ងៃស្អែកនេះ៕

ការវាយប្រហារដោយមីស៊ីលទៅលើទីក្រុងប្រទេសយេម៉ែនសម្លាប់មនុស្ស ២១នាក់

យេម៉ែន៖ មន្ត្រីនៅក្នុងប្រទេសយេម៉ែននិយាយថា មនុស្ស ២១នាក់ត្រូវបានសម្លាប់រួមទាំងក្មេងស្រីអាយុ ៥ឆ្នាំម្នាក់ នៅក្នុងការវាយប្រហារដោយមីស៊ីលដោយក្រុមឧទ្ទាមហួរធី គាំទ្រដោយប្រទេសអ៊ីរ៉ង់។ មីស៊ីលឆ្លងទ្វីបបានវាយប្រហារ លើស្ថានីយឧស្ម័នមួយកន្លែងក្នុងទីក្រុង Marib ធ្វើឲ្យរថយន្តជាច្រើនគ្រឿងឆាបឆេះ ខណៈអ្នកបើកបររថយន្តកំពុងបំពេញឧស្ម័ន។អាជ្ញាធរនិយាយថា ជនរងគ្រោះទាំងអស់ជាជនស៊ីវិល។ រដ្ឋមន្ត្រីព័ត៌មានប្រទេសយេម៉ែននិយាយថា ការវាយប្រហារនេះចាត់ទុកថា ជាឧក្រិដ្ឋកម្មសង្គ្រាម ប៉ុន្តែគ្មានការអត្ថាធិប្បាយភ្លាមៗពីក្រុមហួធីនៅឡើយ។ នាយកការិយាល័យសិទ្ធមនុស្សរដ្ឋាភិបាល លោក Abd Rabbo Judei និយាយថា យើងកំពុងអំពាវនាវដល់សហគមន៍អន្តរជាតិ ប្រេសិតពិសេសអន្តរជាតិដើម្បីបញ្ឈប់ឧក្រិដ្ឋកម្មប្រព្រឹត្តឡើង ដោយក្រុមសកម្មប្រយុទ្ធហួធី ហើយយើងសង្ឃឹមថា ឧក្រិដ្ឋកម្មនេះជាឧក្រិដ្ឋកម្មចុងក្រោយរបស់ជីវពលហួធីនៅក្រុង Marib។ ក្រុមឧទ្ទាមហួធីបានប៉ុនប៉ងចាប់តាំងពីខែកុម្ភៈ ដើម្បីដណ្ដើមយកទីក្រុង Marib ពីរដ្ឋាភិបាលដែលទទួលស្គាល់ជាអន្តរជាតិ ដើម្បីព្យាយាមគ្រប់គ្រងទាំងស្រុងលើតំបន់ភាគខាងជើង របស់ប្រទេសយេម៉ែន។ប៉ុន្តែការវាយប្រហាររបស់ពួកគេ ត្រូវបានវាយរុញច្រានដោយកងកម្លាំងរដ្ឋាភិបាល ផ្តល់ជំនួយដោយក្រុមចម្រុះដឹកនាំដោយអារ៉ាប៊ីសាអ៊ូឌីត ដែលកំពុងគាំទ្រពួកគេ។ ប្រទេសយេម៉ែនមានភាពច្របូកច្របល់ ក្នុងសង្គ្រាមស៊ីវិលចាប់តាំងពីឆ្នាំ២០១៤ នៅពេលក្រុមឧទ្ទាមហួធីឆ្លងកាត់តំបន់ភាគខាងជើង និងរឹបអូសរដ្ឋធានីសាណា ដែលបង្ខំឲ្យរដ្ឋាភិបាលទទួលស្គាល់ជាអន្តរជាតិធ្វើនិរទេសខ្លួន។ សង្គ្រាមបានសម្លាប់មនុស្សជាង ១៣០,០០០នាក់ និងបណ្ដាលឲ្យមានវិបត្តិមនុស្សធម៌ធ្ងន់ធ្ងរបំផុតនៅលើពិភពលោក៕អត្ថបទ៖ ប៊ុនថន

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ប៉ាគីស្ថាន៖ សារព័ត៌មានក្នុងស្រុកបានរាយការណ៍ថា គ្រោះថ្នាក់រថភ្លើងបុកគ្នាបានបណ្ដាលឲ្យមនុស្សយ៉ាងហោចណាស់ ៣៦នាក់ស្លាប់ និងជាង ៥០នាក់ផ្សេងទៀតរងរបួសនៅព្រឹកថ្ងៃចន្ទនេះ ក្នុងខេត្តស៊ីនភាគខាងត្បូងរបស់ប្រទេសប៉ាគីស្ថាន។យោងតាមសេចក្ដីរាយការណ៍នានា ឧបទ្ទវហេតុនេះបានកើតឡើងនៅក្នុងតំបន់រវាងស្ថានីយរថភ្លើង Raiti និងស្ថានីយរថភ្លើង Obaro ក្នុងស្រុក Ghotki នៃខេត្តស៊ីន។ ក្រោយការបុកគ្នាទូរថភ្លើងមួយចំនួននៃរថភ្លើងទាំង ២ខ្សែនោះបានធ្លាក់ចេញពីផ្លូវ និងក្រឡាប់ផ្ងារជើង។ ក្រុមអ្នកសង្គ្រោះបានប្រញាប់ប្រញាល់ទៅកាន់កន្លែងកើតហេតុ និងដឹកជញ្ជូនសាកសព និងអ្នករបួសទៅកាន់មន្ទីរពេទ្យក្បែរនោះ។ ឧបទ្ទវហេតុនេះបានកើតឡើងរវាងរថភ្លើងដឹកអ្នកដំណើរ Millat Express ដែលកំពុងធ្វើដំណើរទៅកាន់ភាគខាងកើតទីក្រុង Sargodha ពីខាងត្បូងទីក្រុងកំពង់ផែ Karachi និងរថភ្លើងដឹកអ្នកដំណើរ Sir Syed Express ដែលធ្វើដំណើរទៅកាន់ទីក្រុង Karachi មកពីទីក្រុង Rawalpindi៕អត្ថបទ៖ សុខមាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

ស្រីលង្កា៖ ក្រុមមន្ត្រីបាននិយាយកាលពីថ្ងៃអាទិត្យថា ចំនួនអ្នកស្លាប់ដោយសារទឹកជំនន់ និងបំណាក់ដី បន្ទាប់ពីភ្លៀងធ្លាក់ខ្លាំងនៅប្រទេសស្រីលង្កា បានកើនឡើងដល់ ១៤នាក់ និង ២នាក់នៅបាត់ខ្លួននៅឡើយ។ស្រុកនានានៅលើកោះមហាសមុទ្រឥណ្ឌា រងការប៉ះពាល់ដោយសារភ្លៀងធ្លាក់ខ្លាំងកាលពីថ្ងៃព្រហស្បតិ៍ រួមទាំងរដ្ឋធានីកូឡុំបូ និងទីជនបទមួយចំនួន ជាទីដែលលំនៅឋាន ស្រែចម្ការ និងផ្លូវថ្នល់ត្រូវបានលិចលង់។ មនុស្ស ១០នាក់បានស្លាប់នៅក្នុងទឹកជំនន់ និង ៤នាក់ផ្សេងទៀតស្លាប់ដោយសារបំណាក់ដី នេះបើយោងតាមមជ្ឈមណ្ឌលគ្រប់គ្រង គ្រោះមហន្តរាយរបស់រដ្ឋាភិបាល។ ក្នុងចំណោមពួកគេគឺមានគ្រួសារមួយមានសមាជិក ៤នាក់ដែលបានស្លាប់ នៅពេលផ្ទាំងបំណាក់ដីបានបាក់សង្កត់ផ្ទះរបស់ពួកគេនៅក្នុងស្រុក Kegalle ស្ថិតនៅចម្ងាយប្រហែល ៨៥គីឡូម៉ែត្រភាគខាងកើតរដ្ឋធានីកូឡុំបូ។កងទ័ពជើងទឹកស្រីលង្កានិយាយថា អង្គភាពរបស់ខ្លួនបានបញ្ជូនក្រុមសង្គ្រោះចំនួន ៣៣ក្រុមទៅកាន់តំបន់រងគ្រោះដោយទឹកជំនន់ ក្នុងនោះក្រុមនេះបានជួយសង្គ្រោះមនុស្ស ៦៦នាក់ដែលបានជាប់នៅក្នុងទឹកជំនន់។ មជ្ឈមណ្ឌលគ្រប់គ្រងគ្រោះមហន្តរាយបានឲ្យដឹងថា អាកាសធាតុអាប់អួខ្លាំងបានប៉ះពាល់ដល់មនុស្សប្រមាណ ២៤៥,០០០នាក់ និងមនុស្សជាង ៤,៣០០នាក់នៅតែភៀសខ្លួន និងស្នាក់នៅក្នុងជម្រកបណ្ដោះអាសន្ន។ លំនៅឋានជាង ៨០០ខ្នងត្រូវបានខូចខាត៕អត្ថបទ៖ សុខមាន

អតីតមេដឹកនាំពិភពលោករាប់រយនាក់ជំរុញក្រុមប្រទេស G7 ឲ្យចាក់វ៉ាក់សាំងបង្ការវីរុស COVID-19 ដល់ពលរដ្ឋក្រីក្រ

ពិភពលោក៖ អតីតប្រធានាធិបតី នាយករដ្ឋមន្ត្រី និងរដ្ឋមន្ត្រីការបរទេស ១០០រូបបានជំរុញដល់ក្រុមប្រទេសមានឧស្សាហកម្មលូតលាស់ទាំង៧ ឬក្រុមប្រទេស G7 ជួយចេញថ្លៃចំណាយវ៉ាក់សាំងបង្ការវីរុសកូរ៉ូណា ដើម្បីជួយបញ្ឈប់ការវិវឌ្ឍន៍ខ្លួននៃជំងឺនេះ និងការវិលត្រឡប់មកវិញជាការគំរាមកំហែងទូទាំងពិភពលោក។បណ្ដាមេដឹកនាំទាំងនោះបានអំពាវនាវនៅមុនជំនួបកំពូល G7 នៅក្នុងចក្រភពអង់គ្លេសដែលនឹងចាប់ផ្ដើមនៅថ្ងៃសុក្រសប្ដាហ៍នេះ នៅពេលដែលប្រធានាធិបតីសហរដ្ឋអាមេរិក លោក Joe Biden នឹងជួបប្រជុំជាមួយមេដឹកនាំចក្រភពអង់គ្លេស បារាំង អាល្លឺម៉ង់ អ៊ីតាលី កាណាដា និងជប៉ុន។ នៅក្នុងលិខិតរបស់មេដឹកនាំទាំងនោះផ្ញើទៅកាន់ជំនួបកំពូល G7 បណ្ដាអតីតមេដឹកនាំពិភពលោកបាននិយាយថា សហប្រតិបត្តិការសកលបានបរាជ័យកាលពីឆ្នាំ២០២០ ប៉ុន្តែនៅឆ្នាំ២០២១ នេះអាចឃើញផ្លែផ្លាក្នុងយុគសម័យថ្មី។លិខិតនោះបាននិយាយថា “ការគាំទ្រពី G7 និង G20 ដែលធ្វើឱ្យវ៉ាក់សាំងអាចចូលទៅដល់បណ្ដាប្រទេសមានប្រាក់ចំណូលទាប និងមធ្យមមិនមែនជាសកម្មភាពសប្បុរសធម៌ទេ ប៉ុន្តែផ្ទុយទៅវិញគឺសម្រាប់ផលប្រយោជន៍ ជាយុទ្ធសាស្ត្ររបស់ប្រទេសនីមួយៗ”។ ក្នុងចំណោមប្រទេសហត្ថលេខី រួមមានអតីតនាយករដ្ឋមន្ត្រីអង់គ្លេស លោក Gordon Brown និងលោក Tony Blair, អតីតអគ្គលេខាធិការអង្គការសហប្រជាជាតិ លោក Ban-Ki Moon និងអតីតមេដឹកនាំអាហ្វ្រិកចំនួន ១៥រូបទៀត៕អត្ថបទ៖ សុខមាន

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ពោធិ៍សាត៉ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអតីតយុទ្ធជន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី៥ ខែ មិថុនាឆ្នាំ២០២១នេះ បានចាត់តាំង ឯកឧត្តមទេសរដ្ឋមន្ត្រី គន់ គីម អគ្គលេខាធិកាសមាគមអតីតយុទ្ធជនកម្ពុជា និងឯកឧត្តម ម៉ៅ ធនិន អភិបាលខេត្តពោធិ៍សាត់ ចុះត្រួតពិនិត្យ នៃការសាងសង់ ហេដ្ឋារចនាសម្ព័ន្ធ ផ្លូវថ្នល់ សាងសង់ផ្ទះ សង់បង្គន់អនាម័យ ខួងអណ្តូងទឹក បំពាក់ប្រព័ន្ធសូឡា ឱ្យបានឆាប់រហ័ស ក្នុងការផ្តល់ជូនគ្រួសារអតីតយុទ្ធជនជាង៦០០គ្រូសារ ដើម្បីធ្វើយ៉ាងណាឲ្យពួកគាត់បង្ករបង្កើនផលឲ្យបានឆាប់រហ័ស ខណៈ រដូវវស្សា បានខិតជិតមកដល់ហើយនោះ។ឆ្លៀតឱកាសចុះត្រួតពិនិត្យ និងពន្លឿននៃការសាងសង់ននេះដែរ ឯកឧត្តមទេសរដ្ឋមន្រ្តីគន់ គីម ក៏បានជួបសំណេះសំណាលជាមួយកងកម្លាំង និងក្រុមជាងសាងសង់ផ្ទះ និងសួរសុខទុក្ខគ្រួសារអតីតយុទ្ធជនក្រីក្រ និងមានពិការភាព ដែលបានចូលមករស់នៅក្នុងផ្ទះសាងសង់រួចជាបណ្តើរៗនេះផងដែរ ដោយការសាងសង់នេះបានរួចជាជំហានដំបូងចំនួន៨០ខ្នងហើយក្នុងចំណោមជាង៦០០ខ្នងនោះ។ គួរបញ្ជាក់ថា កាកបាទក្រហមកម្ពុជា និងសមាគមអតីតយុទ្ធជន រួមជាមួយគណៈបញ្ជាការឯកភាពខេត្តពោធិ៍សាត់ និងមន្ត្រីពាក់ព័ន្ធទាំងអស់ បានប្រើប្រាស់កម្លាំងសរុប មធ្យោបាយសរុប ដើម្បីពន្លឿនដំណើរការរៀបចំហេដ្ឋារចនាសម្ព័ន្ធ ផ្លូវថ្នល់ សាងសង់ផ្ទះចំនួន៦២៨ខ្នង សង់បង្គន់អនាម័យ ខួងអណ្តូងទឹក មន្ទីរពេទ្យ សាលារៀន កន្លែងស្នាក់នៅរបស់លោកគ្រូ អ្នកគ្រូ បំពាក់ប្រព័ន្ធសូឡា ឱ្យបានឆាប់រហ័ស ដើម្បីផ្តល់ជូនគ្រួសារអតីតយុទ្ធជនទាន់រដូវវស្សា ដែលជារដូវបង្កបង្កើនផល។ ជាមួយគ្នានេះ កាកបាទក្រហមកម្ពុជា នឹងធ្វើពិធីប្រគល់-ទទួលផ្ទះចំនួន៥០ខ្នង នៅសប្តាហ៍ទី២ ខែមិថុនាខាងមុខ និងប្រគល់ជូនទៅតាមកាលបរិច្ឆេទបន្តបន្ទាប់ទៀត។ ក្នុងឱកាសនោះ ក្រុមការងារកាកបាទក្រហមកម្ពុជា ក៏បាននាំយកនូវស្បៀងអាហារមួយចំនួនប្រគល់ជូនដល់កងកម្លាំង និងក្រុមជាងសាងសង់ផ្ទះផងដែរ។ ក្រោយទទួលបានផ្ទះ និងដីសម្រាប់បង្ករបង្កើនផលនោះ បងប្អូនអតីតយុទ្ធជន ដែលភាគច្រើនជាអតីតយោធា និងនគរបាល បានសម្តែងនូវសេចក្តីត្រេកអរយ៉ាងខ្លាំង និងអគុណយ៉ាងក្រៃលែងចំពោះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដោយពួកគាត់បានលើកឡើងថា អំណោយរបស់សម្តេចទាំងពីរ នេះគឺប្រៀបបានដូចស្រង់ជីវិតរបស់ពួកគាត់ឲ្យរស់យ៉ាងសុខស្រួលម្តងទៀតនោះ៕អត្ថបទ៖ បាន ចក់

ប្រទេសចិនអនុម័តវ៉ាក់សាំង Sinovac សំរាប់កុមារ

ចិន៖ ប្រទេសចិនបានអនុម័តការប្រើប្រាស់បន្ទាន់វ៉ាក់សាំង COVID-19 របស់ក្រុមហ៊ុន Sinovac Biotech ប្រើប្រាស់សំរាប់មនុស្សដែលមានវ័យចន្លោះពី ៣ឆ្នាំទៅ ១៧ឆ្នាំ។ ប្រធានក្រុមហ៊ុន លោក Yin Weidong បានបង្ហាញការអនុម័តនេះនៅលើទូរទស្សន៍រដ្ឋ។ការជំរុញការចាក់វ៉ាក់សាំងទ្រង់ទ្រាយធំរបស់ប្រទេសចិនបច្ចុប្បន្ន បើកសំរាប់តែប្រជាជនមានវ័យ ១៨ឆ្នាំ និងលើសពីនេះ។ ការជំរុញការចាក់វ៉ាក់សាំងទ្រង់ទ្រាយធំចិនបានផ្តល់ដូសវ៉ាក់សាំងចំនួន ៧២៣.៥លានដូសនៅថ្ងៃទី៣ ខែមិថុនា ដែលប្រើប្រាស់សំរាប់អ្នកមានអាយុ ១៨ឆ្នាំឡើងទៅ។ លោក Yin Weidong និយាយថា នៅពេលវ៉ាក់សាំងក្រុមហ៊ុន Sinovac នឹងត្រូវបានផ្តល់ឲ្យដល់ក្រុមមនុស្សវ័យក្មេង វាអាស្រ័យលើអាជ្ញាធរសុខភាពដែលរៀបចំជាក់លាក់ នូវយុទ្ធសាស្ត្រការចាក់វ៉ាក់សាំងរបស់ប្រទេសចិន។ លោក Yin និយាយថា អនីតិជនមានអាទិភាពទាបក្នុងការចាក់វ៉ាក់សាំងប្រឆាំងនឹងមេរោគឆ្លងកូរ៉ូណា បើធៀបនឹងមនុស្សវ័យចំណាស់ដែលប្រឈមនឹងហានិភ័យខ្ពស់ នៃរោគសញ្ញាធ្ងន់ធ្ងរបន្ទាប់ពីឆ្លង។លទ្ធផលបឋមនៃការសាកល្បងនៅគ្លីនិកដំណាក់កាលទី១ និងទី២ បានបង្ហាញថា វ៉ាក់សាំងនេះអាចធ្វើឱ្យមានការឆ្លើយតបនៃប្រព័ន្ធភាពស៊ាំ ចំពោះអ្នកដែលបានចាក់វ៉ាក់សាំងនេះអាយុពី ៣ ទៅ ១៧ឆ្នាំ ហើយប្រតិកម្មភាគច្រើនស្រាល។ ក្រុមហ៊ុនផលិតឱសថដែលគាំទ្រដោយរដ្ឋ Sinopharm ដែលវ៉ាក់សាំងត្រូវចាក់ ២ដងដោយប្រើបច្ចេកវិទ្យាស្រដៀងគ្នា ទៅនឹងផលិតផលរបស់ក្រុមហ៊ុន Sinovac ក៏កំពុងបញ្ជូនទិន្នន័យសម្រាប់នៅក្នុងក្រុមក្មេងៗផងដែរ។ ជាមួយគ្នានេះវ៉ាក់សាំងពីក្រុមហ៊ុន CanSino Biologic ដែលកំពុងអនុម័តបច្ចេកទេសខុសគ្នា បានចូលដល់ដំណាក់កាលសាកល្បងទី២ ពាក់ព័ន្ធនឹងអ្នកដែលមានអាយុចន្លោះពី ៦ ទៅ ១៧ឆ្នាំ៕អត្ថបទ៖ ប៊ុនថន

កម្ពុជារកឃើញពលរដ្ឋ៥៣៨នាក់ទៀតឆ្លងកូវីដ-១៩ ខណៈអ្នកជំងឺ៥៣៤នាក់បន្ថែមទៀតបានជាសះស្បើយឡើងវិញ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៣៨នាក់ទៀតត្រូវបានរកឃើញឆ្លងមេរោគកូវីដ-១៩ ដែលភាគច្រើនលើសលប់សុទ្ធតែជាប់ពាក់ព័ន្ធទៅនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ៥០៩នាក់ដែលបានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ២៩នាក់ទៀត គឺជាករណីនាំចូលពីក្រៅប្រទេស។ក្រសួងសុខាភិបាលក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ១០នាក់ទៀត បានស្លាប់បាត់បង់ជីវិតដោយសារតែជំងឺនេះ ដែលនាំឱ្យតួលេខអ្នកស្លាប់សរុបកើនដល់ ២៥២នាក់ហើយ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៣ ៦១៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៦ ០៧៨នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៥៣៤នាក់ ដែលក្រសួងទើបប្រកាសនៅថ្ងៃនេះផងដែរ៕

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល

ប្រេស៊ីល៖ ការិយាល័យពន្លត់អគ្គិភ័យទីក្រុងបាននិយាយថា អគារកម្ពស់ ៤ជាន់បានបាក់រលំនៅភាគខាងលិចទីក្រុង Rio de Janeiro បណ្ដាលឲ្យមនុស្សពេញវ័យម្នាក់ និងកុមារម្នាក់បានបាត់បង់ជីវិត និងបានបំផ្លាញលំនៅឋាននៅក្បែរនោះ។ជនរងគ្រោះជាឪពុកអាយុ ៣០ឆ្នាំ និងកូនស្រីអាយុ ៣ឆ្នាំ។ ការិយាល័យពន្លត់អគ្គិភ័យក្នុងស្រុកបានបញ្ជាក់ថា មានអ្នកស្រុកដែលរងរបួសចំនួន ៤នាក់ត្រូវបានគេជួយសង្គ្រោះពីគំនរបាក់បែក ហើយការងារជួយសង្គ្រោះកំពុងបន្តធ្វើ។ យោងតាមអ្នករស់នៅអគារជិតខាងបានអោយដឹងថា សំឡេងបានផ្ទុះឡើងដោយសារការបាក់រលំអគារភ្លាមៗ និងមានអគ្គិភ័យឆាបឆេះយ៉ាងសន្ធោសន្ធៅ។ បច្ចុប្បន្នអគ្គិភ័យត្រូវបានពន្លត់ ហើយអ្នកស្រុកបានជម្លៀសទៅកន្លែងមានសុវត្ថិភាព ប៉ុន្តែចំនួនអ្នកស្លាប់ និងរបួសមិនទាន់អាចសន្និដ្ឋានបាននៅឡើយ។ទោះបីមូលហេតុនៃគ្រោះថ្នាក់ កំពុងស្ថិតក្រោមការស៊ើបអង្កេតក៏ដោយ វាមិនមែនជាលើកទី១ នោះទេដែលគ្រោះថ្នាក់បាក់អគារបានកើតឡើង។ នៅឆ្នាំ២០១៩ មនុស្ស ២៤នាក់បានស្លាប់ ខណៈអគារដែលគ្មានការអនុញ្ញាត ២កន្លែងបានបាក់រលំ។ ក្រោយមកមករដ្ឋាភិបាលក្រុងបានចាប់ផ្ដើម កម្ទេចសំណង់អគារខុសច្បាប់នៅភាគខាងលិចនៃទីក្រុង ហើយ ៧៥% នៃសំណង់អគារទាំងនោះត្រូវបានកម្ទេចចោលតាំងពីឆ្នាំ២០១៩ ដល់ឆ្នាំ២០២០៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសុខភាពពិភពលោក៖ ខ្លួនមិនអាចបង្ខំឲ្យប្រទេសចិនផ្ដល់ព័ត៌មានលម្អិតនៃប្រភពដើមជំងឺ COVID-19

សម្ដេចតេជោ ហ៊ុន សែន បញ្ជាក់ថា វ៉ាក់សាំង ១លានដូសទៀតនឹងមកកម្ពុជាស្អែកនេះ

ការវាយប្រហារដោយមីស៊ីលទៅលើទីក្រុងប្រទេសយេម៉ែនសម្លាប់មនុស្ស ២១នាក់

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

អតីតមេដឹកនាំពិភពលោករាប់រយនាក់ជំរុញក្រុមប្រទេស G7 ឲ្យចាក់វ៉ាក់សាំងបង្ការវីរុស COVID-19 ដល់ពលរដ្ឋក្រីក្រ

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ប្រទេសចិនអនុម័តវ៉ាក់សាំង Sinovac សំរាប់កុមារ

កម្ពុជារកឃើញពលរដ្ឋ៥៣៨នាក់ទៀតឆ្លងកូវីដ-១៩ ខណៈអ្នកជំងឺ៥៣៤នាក់បន្ថែមទៀតបានជាសះស្បើយឡើងវិញ

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាក់​ថា វ៉ាក់សាំង​ ១​លាន​ដូស​ទៀត​នឹង​មក​កម្ពុជា​ស្អែក​នេះ

ការវាយប្រហារ​ដោយ​មី​ស៊ី​ល​ទៅលើ​ទីក្រុង​ប្រទេស​យេម៉ែន​សម្លាប់​មនុស្ស​​ ២១​នាក់​

​មនុស្ស​ ​៣៦​នាក់​ស្លាប់ និង​ជាង ​៥០​នាក់​រង​របួស​ក្នុង​គ្រោះថ្នាក់​រថភ្លើង​បុក​គ្នា​នៅ​ប៉ា​គី​ស្ថាន​

ចំនួន​អ្នក​ស្លាប់​ដោយសារ​ទឹកជំនន់ ​និង​បំណាក់​ដី​នៅ​ស្រីលង្កា​កើន​ឡើង​ដល់ ​១៤​នាក់​

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ប្រទេស​ចិន​អនុម័ត​វ៉ាក់សាំង Sinovac សំរាប់​កុមារ​

មនុស្ស ២នាក់​ស្លាប់ និង ៤នាក់​របួស​ក្នុង​ហេតុការណ៍​បាក់​រលំ​អគារ​កម្ពស់ ​៤​ជាន់​នៅ​ប្រេ​ស៊ី​ល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោ ហ៊ុន សែន បញ្ជាក់ថា វ៉ាក់សាំង ១លានដូសទៀតនឹងមកកម្ពុជាស្អែកនេះ

ការវាយប្រហារដោយមីស៊ីលទៅលើទីក្រុងប្រទេសយេម៉ែនសម្លាប់មនុស្ស ២១នាក់

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

ប្រទេសចិនអនុម័តវ៉ាក់សាំង Sinovac សំរាប់កុមារ

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល