BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចតេជោ ហ៊ុន សែន ជំរុញឱ្យបន្តពង្រឹងសិទ្ធិអំណាចស្រ្ដីក្នុងវិស័យសេដ្ឋកិច្ច និងនយោបាយ

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

ព័ត៌មានសំខាន់ៗ

ប្រមុខ WHO៖ អង្គការនេះមើលឃើញការស្រុតចុះករណីឆ្លងជំងឺ COVID-19 សកល

WHO៖ ប្រមុខអង្គការសុខភាពពិភពលោកហៅកាត់ថា (WHO) កាលពីថ្ងៃចន្ទបាននិយាយថា ទីភ្នាក់ងាររបស់ខ្លួនកំពុងមើលឃើញពីការស្រុតចុះ នៃចំនួនករណីឆ្លងវីរុសកូរ៉ូណាសកល ខណៈមានការធ្លាក់ចុះថ្មីៗនៅក្នុងទ្វីបអាមេរិក និងអឺរ៉ុប ជាតំបន់ទាំង២ នេះដែលមានការឆ្លងខ្លាំងបំផុត។នៅក្នុងសន្និសីទសារព័ត៌មានមួយកាលពីថ្ងៃចន្ទ ប្រមុខអង្គការសុខភាពពិភពលោក លោក Tedros Adhanom Ghebreyesus បាននិយាយថា ការធ្លាក់ចុះមួយចំនួនត្រូវបានស្វាគមន៍ ប៉ុន្តែបានព្រមានថា យើងធ្លាប់ឈរនៅចំណុចនេះកាលពីកន្លងទៅ ដោយលោកបានផ្ដល់ជាអនុសាសន៍ដល់ប្រទេសនានា កុំបន្ធូរបន្ថយការឹតត្បិតវិធានការសុខភាពសាធារណៈឆាប់ខ្លាំងពេក។ លោកបានកត់សម្គាល់ថា ប្រទេសកំពុងអភិវឌ្ឍន៍នៅតែទទួលបានប្រមាណ ៧% ប៉ុណ្ណោះនៃវ៉ាក់សាំងបង្ការជំងឺ COVID-19 រាប់រយលានដូសរហូតមកដល់ពេលនេះ។លោក Tedros បាននិយាយថា សាររបស់លោកចំពោះបណ្ដាមេដឹកនាំ គឺត្រូវប្រើគ្រប់មធ្យោបាយក្នុងការកាត់បន្ថយការចម្លង ដោយបន្ថែមថា ប្រទេសនានាដែលមានករណីឆ្លងថយចុះ គួរតែត្រៀមសម្រាប់ករណីដែលមានជំងឺ COVID-19 បម្លែងខ្លួនថ្មីអាចបង្កអន្តរាយដល់ដំណើរការចាក់វ៉ាក់សាំង៕ អត្ថបទ៖ សុខមាន

ប្រតិកម្មរបស់ពិភពលោក បន្ទាប់ពីកងកម្លាំងអ៊ីស្រាអែលធ្វើឲ្យមនុស្សរាប់រយនាក់រងរបួសក្នុងការឆ្មក់ចូលព្រះវិហារ Al-Aqsa

ពិភពលោក៖ ប្រតិកម្មត្រូវបានបង្ហាញពីជុំវិញពិភពលោក បន្ទាប់ពីភាពរំជើបរំជួលរយៈពេលប៉ុន្មានថ្ងៃនៅក្នុងទីក្រុង Jerusalem ជាទីដែលមនុស្សរាប់រយនាក់បានរងរបួស ហើយមនុស្សរាប់សិបនាក់ត្រូវបានចាប់ខ្លួនកាលពីថ្ងៃចន្ទ ក្រោយកងកម្លាំងអ៊ីស្រាអែលបានឆ្មក់ចូលបរិវេណវិហារអ៊ីស្លាម Al-Aqsa។នាយករដ្ឋមន្ត្រីទួរគី លោក Recep Tayyip Erdogan បានសន្យាជំរុញពិភពលោក ឲ្យជួយបញ្ឈប់សកម្មភាពភេរវកម្មរបស់អ៊ីស្រាអែល ក្នុងការសន្ទនាតាមទូរស័ព្ទជាមួយក្រុមមេដឹកនាំប៉ាឡេស្ទីន។ កាលពីថ្ងៃច័ន្ទ ប្រទេសអ៊ីរ៉ង់បានអំពាវនាវដល់ពិភពម៉ូស្លីម ឲ្យឆ្លើយតបចំពោះអំពើយង់ឃ្នង និងឃោរឃៅរបស់អ៊ីស្រាអែលប្រឆាំងនឹងពលរដ្ឋប៉ាឡេស្ទីន ក្រោយការប៉ះទង្គិចគ្នាដែលចេះតែកើនឡើងរវាងនគរបាលអ៊ីស្រាអែល និងក្រុមអ្នកតវ៉ាប៉ាឡេស្ទីន។ រដ្ឋមន្ត្រីការបរទេសអេហ្ស៊ីប បាននិយាយនៅក្នុងសេចក្ដីថ្លែងការណ៍មួយ ដែលខ្លួនបានថ្កោលទោសយ៉ាងដាច់អហង្ការ នូវការចូលលុកលុយថ្មីៗរបស់កងកម្លាំងអ៊ីស្រាអែល ចូលទៅក្នុងព្រះវិហារអ៊ីស្លាម Al-Aqsa។ អ្នកនាំពាក្យក្រសួងការបរទេសអាមេរិក លោក Ned Price បាននិយាយថា គ្រាប់រ៉ូកែតវាយប្រហារដោយក្រុមប្រដាប់អាវុធប៉ាឡេស្ទីន នៅក្នុងតំបន់ហ្គាហ្សាចូលទៅក្នុងប្រទេសអ៊ីស្រាអែលថា ជាការកើនឡើងនៃភាពតានតឹងដែលមិនអាចទទួលយកបាន ដោយបន្ថែមថា សហរដ្ឋអាមេរិកបានចូលរួមយ៉ាងពេញទំហឹង ជំរុញឲ្យមានភាពស្ងប់ស្ងាត់នៅក្នុងទីក្រុង Jerusalem។ អគ្គលេខាធិការអង្គការសហប្រជាជាតិ លោក Antonio Guterres បានបង្ហាញក្ដីបារម្ភយ៉ាងខ្លាំង ចំពោះស្ថានភាពនៅក្នុងទីក្រុងគ្រប់គ្រងដោយអ៊ីស្រាអែល Jerusalem ខាងកើត។ ប្រទេសអាល្លឺម៉ង់, ចក្រភពអង់គ្លេស, បារាំង, រុស្ស៊ី, និងសហភាពអឺរ៉ុបក៏បានបង្ហាញពីក្ដីបារម្ភចំពោះអំពើហិង្សានេះដែរ៕អត្ថបទ៖ សុខមាន

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ

ភ្នំពេញ៖ វ៉ាក់សាំងចិនស៊ីណូវ៉ាក់ចំនួន ៥សែនដូសដែលកម្ពុជាបានបញ្ជាទិញពីប្រទេសចិននោះ ត្រូវបានដឹកជញ្ជូនមកដល់កម្ពុជាហើយនៅព្រឹកថ្ងៃនេះ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់កាលពីសប្ដាហ៍មុនថា វ៉ាក់សាំងស៊ីណូវ៉ាក់ដែលមកដល់កម្ពុជានៅថ្ងៃនេះ នឹងត្រូវប្រើប្រាស់សម្រាប់ចាក់ជូនប្រជាពលរដ្ឋនៅក្នុងតំបន់ក្រហមនៅក្នុងរាជធានីភ្នំពេញ និងក្រុងតាខ្មៅ ដើម្បីបង្កើនភាពស៊ាំរបស់ពួកគាត់។សម្ដេចតេជោ ហ៊ុន សែន ក៏បានឱ្យដឹងផងដែរថា វ៉ាក់សាំងស៊ីណូវ៉ាក់ចំនួន ៥សែនដូសទៀតដែលកម្ពុជាបញ្ជាទិញពីចិននោះ នឹងមកដល់កម្ពុជានៅថ្ងៃទី១៥ ខែឧសភានេះ។វ៉ាក់សាំងចិនស៊ីណូវ៉ាក់ចំនួន ២លានដូសដែលកម្ពុជាបញ្ជាទិញនាពេលកន្លងមក ត្រូវបានដឹកជញ្ជូនមកដល់កម្ពុជារួចមកហើយ ហើយការមកដល់នៃវ៉ាក់សាំងស៊ីណូវ៉ាក់នៅថ្ងៃនេះ នាំឱ្យកម្ពុជាទទួលបានវ៉ាក់សាំងស៊ីណូវ៉ាក់សរុបដល់ទៅ ២លាន ៥សែនដូសរួចហើយ។គិតមកដល់ថ្ងៃនេះ កម្ពុជាទទួលបានវ៉ាក់សាំង ៣ប្រភេទសរុប ៤ ៧២៤ ០០០ដូស ក្នុងនោះមានវ៉ាក់សាំងស៊ីណូវ៉ាក់ ២.៥លានដូស វ៉ាក់ស៊ីណូហ្វាម ១.៧លានដូស និងវ៉ាក់សាំង Covishield ៣២៤ ០០០ដូស៕

មនុស្ស ២០នាក់ស្លាប់ ខណៈអ៊ីស្រាអែលវាយប្រហារតំបន់ហ្គាហ្សា បន្ទាប់ពីការវាយប្រហារដោយគ្រាប់រ៉ូកែតពីសំណាក់ក្រុមហាម៉ាស់

អ៊ីស្រាអែល៖ អ៊ីស្រាអែលបានបើកការវាយប្រហារតាមអាកាសដ៏ខ្លាំងក្លា ទៅលើតំបន់ហ្គាហ្សាកាលពីថ្ងៃចន្ទ ជាការឆ្លើយតបចំពោះការវាយប្រហារដោយគ្រាប់រ៉ូកែត ដោយក្រុមហាម៉ាស់ និងពួកសកម្មប្រយុទ្ធប៉ាឡេស្ទីនដទៃទៀត ស្របពេលមានអំពើហិង្សាកាន់តែរីកធំ ដែលបង្កឡើងដោយការរំជើបរំជួលនៅបរិវេណវិហារអ៊ីស្លាម Al-Aqsa ដែលត្រូវបានគេស្គាល់ថា ជាវិហារភ្នំផងដែរ។ក្រុមអាជ្ញាធរតំបន់ហ្គាហ្សាបាននិយាយថា មនុស្សយ៉ាងហោចណាស់ ២០នាក់បានស្លាប់រួមទាំងក្មេង ៩នាក់ និងមេបញ្ជាការជាន់ខ្ពស់របស់ក្រុមហាម៉ាស់ និង ៦៥នាក់ផ្សេងទៀតរងរបួស។ នាយករដ្ឋមន្ត្រីអ៊ីស្រាអែល លោក Benjamin Netanyahu បានព្រមានថា ក្រុមហាម៉ាស់បានឆ្លង "បន្ទាត់ក្រហម" ដោយការតម្រង់មីស៊ីលទៅរកទីក្រុង Jerusalem ហើយរដ្ឋជ្វីហ្វមួយនេះនឹងឆ្លើយតបវិញដោយកម្លាំង។ លោក Netanyahu ដែលបានជួបប្រជុំជាមួយប្រមុខកងទ័ព និងភ្នាក់ងារសន្តិសុខ Shin Bet បាននិយាយថា "យើងនឹងមិនអត់ធ្មត់ចំពោះការវាយប្រហារលើទឹកដីរបស់យើង រដ្ឋធានីរបស់យើង ប្រជាជន និងទាហានរបស់យើងឡើយ។ អ្នកដែលវាយប្រហារយើង នឹងត្រូវតែទូទាត់សងយើងវិញយ៉ាងស័ក្ដិសម។កងទ័ពអ៊ីស្រាអែលបាននិយាយថា រ៉ូកែតចំនួន ១៥០គ្រាប់ត្រូវបានបាញ់ចេញពីតំបន់ហ្គាហ្សា ដែលរាប់សិបគ្រាប់ត្រូវបានស្ទាក់ចាប់ដោយប្រព័ន្ធការពារដែនអាកាស Iron Dome ដោយពុំមានរបាយការណ៍ពីការស្លាប់ និងរបួសនោះទេ៕ អត្ថបទ៖ សុខមាន

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២២៨០លានរៀល (២,២៨០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី០៩ រហូតដល់ថ្ងៃទី១៥ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាន ថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២១ ដូចខាងក្រោម១.ខេត្តបាត់ដំបង ទទួលបានថវិកា២០០លានរៀល២.ខេត្តបន្ទាយមានជ័យ ទទួលបានថវិកា១៦០លានរៀល៣.ខេត្តឧត្តរមានជ័យ ទទួលបានថវិកា ៥០លានរៀល៤.ខេត្តប៉ៃលិន ទទួលបានថវិកា ៥០លានរៀល៥.ខេត្តពោធិ៍សាត់ ទទួលបានថវិកា ២៥០លានរៀល៦.ខេត្តព្រះវិហារ ទទួលបានថវិកា ៥០លានរៀល៧.ខេត្តកណ្តាល ទទួលបានថវិកា ២៥០លានរៀល៨.ខេត្តស្វាយរៀង ទទួលបានថវិកា ២០លានរៀល៩.ខេត្តព្រៃវែង ទទួលបានថវិកា ១៤០លានរៀល១០.ខេត្តត្បូងឃ្មុំ ទទួលបានថវិកា ១៥០លានរៀល១១.ខេត្តក្រចេះ ទទួលបានថវិកា ១០លានរៀល១២.ខេត្តរតនគិរី ទទួលបានថវិកា ២០លានរៀល១៣.ខេត្តតាកែវ ទទួលបានថវិកា ១០០លានរៀល១៤.ខេត្តកំពង់ចាម ទទួលបានថវិកា ១៣០លានរៀល១៥.ខេត្តកំពង់ឆ្នាំង ទទួលបានថវិកា ១៤០លានរៀល១៦.ខេត្តកែប ទទួលបានថវិកា ២០លានរៀល១៧.ខេត្តកំពង់ស្ពឺ ទទួលបានថវិកា ១៥០លានរៀល១៨.ខេត្តកំពង់ធំ ទទួលបានថវិកា ២២០លានរៀល១៩.ខេត្តស្ទឹងត្រែង ទទួលបានថវិកា ១០លានរៀល២០.ខេត្តព្រះសីហនុ ទទួលបានថវិកា ១៣០លានរៀល២១.ខេត្តសៀមរាប ទទួលបានថវិកា ៨០លានរៀល។ ដោយឡែកសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២១ខេត្តនេះ មានអ្នកកំពុងធ្វើចត្តាឡីស័ក ចំនួនសរុប ៥២៥០៥នាក់៕

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

តំបន់អាស៊ី៖ ប្រទេសមួយចំនួននៅតំបន់អាស៊ី កំពុងប្រឈមនឹងរលកថ្មីនៃវីរុសកូរ៉ូណា ខណៈដែលប្រទេសខ្លះកំពុងព្យាយាមទប់ទល់គ្រប់គ្រងការផ្ទុះដ៏ធ្ងន់ធ្ងរ បំផុតចាប់តាំងពីចាប់ផ្ដើមផ្ទុះជំងឺរាតត្បាតសកលនេះ។យោងតាមរបាយការណ៍របស់ CNN ខណៈដែលប្រទេសឥណ្ឌាមានករណីឆ្លងពាក់កណ្ដាល នៃចំនួនអ្នកឆ្លងសកលកាលពីសប្ដាហ៍កន្លងទៅ អង្គការសុខភាពពិភពលោកនិយាយថា ករណីឆ្លងកំពុងហក់ឡើងខ្លាំងនៅក្នុងបណ្ដាប្រទេសមួយចំនួនដូចជា ប្រទេសនេប៉ាល់, ស្រីលង្កា, ថៃ និងកម្ពុជា។ អង្គការសុខភាពពិភពលោកបាននិយាយ នៅក្នុងសន្និសីទសារព័ត៌មាននៅដើមសប្ដាហ៍នេះថា តំបន់អាស៊ីអាគ្នេយ៍បានរាយការណ៍ករណីឆ្លងថ្មីជាង ២លាន ៧សែននាក់ និងស្លាប់ថ្មីជាង ២៥,០០០នាក់ កើនឡើងជាលំដាប់ចំនួន ១៩% និង ៤៨% បើធៀបទៅនឹងសប្ដាហ៍កន្លងទៅ។ ប្រទេសនេប៉ាល់បានរាយការណ៍ករណីឆ្លងថ្មីជាង ៩,៧០០នាក់ កាលពីថ្ងៃសុក្រ បន្ទាប់ពីមានជិត ៥០០ករណីកាលពីពាក់កណ្ដាលខែមេសាកន្លងទៅ។ យោងតាមការចុះផ្សាយរបស់ CNN ផ្អែកលើទិន្នន័យរដ្ឋាភិបាលស្រីលង្កាបានរាយការណ៍ករណីឆ្លងជិត ១,៩០០នាក់កាលពីថ្ងៃសុក្រ ជាចំនួនកើនឡើង ៥ដងនៃករណីឆ្លងប្រចាំថ្ងៃ ដែលខ្លួនបានរាយការណ៍កាលពីដើមខែមេសា។យោងតាមសកលវិទ្យាល័យ Johns Hopkins ឲ្យដឹងថា ប្រទេសថៃបានរាយការណ៍ករណីឆ្លងថ្មីជាង ២ពាន់នាក់កាលពីថ្ងៃសុក្រ។ ប្រទេសវៀតណាមបានរាយការណ៍ករណីឆ្លងថ្មីចំនួន ៨៧នាក់កាលពីល្ងាចថ្ងៃអាទិត្យ។ នៅព្រឹកថ្ងៃច័ន្ទនេះ ប្រទេសវៀតណាមបានមើលឃើញករណីឆ្លងថ្មីចំនួន ៨០នាក់ រួមទាំងករណីឆ្លងនាំចូល ២នាក់ផង។ នាយិកាវិទ្យាស្ថានជាតិអនាម័យ និងជំងឺឆ្លងរបស់ប្រទេសវៀតណាមបានប្រាប់សារព័ត៌មានជីវិត និងសុខភាពកាលពីថ្ងៃសៅរ៍ថា វីរុស Covid-19 បម្លែងខ្លួនថ្មី ៤ប្រភេទកំពុងធ្វើចរាចរណ៍យ៉ាងសកម្ម នៅក្នុងប្រទេសវៀតណាម និងកំពុងធ្វើឲ្យផ្លាស់ប្ដូរស្ថានភាពឆ្លងរាលដាលនេះ៕អត្ថបទ៖ សុខមាន

ចំនួនអ្នកស្លាប់ក្នុងការបំផ្ទុះគ្រាប់បែកនៅទីក្រុងកាប៊ុលប្រទេសអាហ្វហ្គានីស្ថានកើនឡើងដល់ ៦៨នាក់

អាហ្វហ្គានីស្ថាន៖ រដ្ឋាភិបាលអាហ្វហ្គានីស្ថាននិយាយថា ចំនួនអ្នកស្លាប់ដោយសារការផ្ទុះថ្មីៗនេះ នៅជិតសាលាមួយក្នុងរដ្ឋធានីកាប៊ុលបានកើនឡើងដល់ ៦៨នាក់ និងជាង ១៥០នាក់ផ្សេងទៀតរងរបួស។ ក្រុមមន្ត្រីនិយាយថា អ្នកស្លាប់ភាគច្រើនជានិស្សិតស្រី។ក្រុមមន្ត្រីសន្តិសុខនិយាយថា រថយន្តមួយគ្រឿងដែលផ្ទុកដោយគ្រឿងផ្ទុះ ត្រូវបានបំផ្ទុះនៅជិតខ្លោងទ្វារចូលសាលារៀនកាលពីថ្ងៃសៅរ៍ បន្ទាប់មកមានការបំផ្ទុះគ្រាប់បែកជាច្រើននៅក្បែរនោះ។ លោកប្រធានាធិបតី Ashraf Ghani បានចេញសេចក្ដីថ្លែងការណ៍មួយ នៅពេលក្រោយមកដោយស្តីបន្ទោសពួកសកម្មប្រយុទ្ធតាលីបង់ ចំពោះការផ្ទុះនេះ។ លោកបានថ្កោលទោសការផ្ទុះនេះជាបទឧក្រិដ្ឋប្រឆាំងនឹងមនុស្សជាតិ។ ក្រុមតាលីបង់បានបដិសេធទទួលខុសត្រូវ ចំពោះការវាយប្រហារទាំងនេះ។កងកម្លាំងប្រឆាំងរដ្ឋាភិបាលបានបន្តយុទ្ធនាការភេរវកម្ម របស់ពួកគេនៅក្នុងប្រទេសអាហ្វហ្គានីស្ថាន ទោះបីជាការដកកងទ័ពទាំងអស់របស់ទីក្រុងវ៉ាស៊ីនតោន ចេញពីប្រទេសនឹងធ្វើឡើងនៅត្រឹមថ្ងៃទី១១ ខែកញ្ញា ដែលមានរយៈពេល ២០ឆ្នាំចាប់តាំងពីការវាយប្រហារភេរវកម្មលើសហរដ្ឋអាមេរិកក៏ដោយ។ ក្រុមអ្នកជំនាញបារម្ភថា ស្ថានភាពសន្តិសុខនៅអាហ្វហ្គានីស្ថានអាចនឹងកាន់តែយ៉ាប់យ៉ឺនថែមទៀត៕អត្ថបទ៖ សុខមាន

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

អាមេរិក៖ នគរបាលសហរដ្ឋអាមេរិកបាននិយាយថា ខ្មាន់កាំភ្លើងម្នាក់បានបាញ់សម្លាប់មនុស្ស ៦នាក់ ហើយបន្ទាប់មកបាញ់សម្លាប់ខ្លួនឯង នៅក្នុងពិធីខួបកំណើតមួយក្នុងតំបន់ Colorado Springs កាលពីថ្ងៃអាទិត្យ។ ការបាញ់ប្រហារនេះបានកើតឡើងនៅឧទ្យានផ្ទះចល័ត ជាទីដែលក្រុមគ្រួសារជាច្រើនបានប្រមូលផ្ដុំគ្នា នៅក្នុងរថយន្តចល័តមួយដើម្បីធ្វើពិធីនេះ។ស្នងការនគរបាលតំបន់ Colorado Springs បាននិយាយថា ជនសង្ស័យជាមិត្តប្រុសម្នាក់ក្នុងចំណោមជនរងគ្រោះជាស្ត្រី បានបើកបររថយន្តទៅកាន់អគារស្នាក់នៅ រួចដើរចូល និងចាប់ផ្ដើមបាញ់ស្រោចលើមនុស្សនៅក្នុងពិធីជប់លៀងនោះ មុនពេលបាញ់សម្លាប់ខ្លួនឯង។ ទោះយ៉ាងណាគេនៅមិនទាន់ដឹងពីមូលហេតុ នាំឲ្យមានការបាញ់ប្រហារនេះនៅឡើយទេ។ ជនរងគ្រោះទាំងអស់សុទ្ធតែជាមនុស្សពេញវ័យ ប៉ុន្តែមានកុមារមួយចំនួនក៏កំពុងមានវត្តមាន នៅក្នុងរថយន្តចល័តនៅពេលនេះដែរ។ ចំណែកអត្តសញ្ញាណរបស់ក្រុមជនរងគ្រោះ និងខ្មាន់វាយប្រហារនៅមិនទាន់ត្រូវបានបញ្ចេញនៅឡើយទេ។ដោយឡែកកាលពីរសៀលថ្ងៃសៅរ៍ ក្រុមអាជ្ញាធរបាននិយាយថា មនុស្ស ៣នាក់ត្រូវបានគេបាញ់ឲ្យរងរបួសនៅក្នុងទីលានចតុរង្គដ៏មមាញឹក Times Square របស់ទីក្រុង New York ហើយនគរបាលកំពុងតាមចាប់ខ្លួនខ្មាន់កាំភ្លើងនៅឡើយ។ គួររម្លឹកថា កាលពីខែមីនា មនុស្ស ១០នាក់បានស្លាប់ក្នុងការបាញ់ប្រហារដ៏ធំមួយ នៅក្នុងហាងលក់គ្រឿងទេសមួយនៅទីក្រុង Boulder របស់រដ្ឋ Colorado។ ក្រោយមកជនសង្ស័យខ្មាន់កាំភ្លើងត្រូវបានចាប់ខ្លួន។ បច្ចុប្បន្នប្រឈមនឹងបទចោទប្រកាន់ឃាតកម្មចំនួន ១០ករណី៕អត្ថបទ៖ សុខមាន

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា

ឥណ្ឌា៖ ចំនួនអ្នកស្លាប់ប្រចាំថ្ងៃដោយសារជំងឺ COVID-19 នៅក្នុងប្រទេសឥណ្ឌាបានកើនឡើងជាង ៤ពាន់នាក់ក្នុងរយៈពេល ២ថ្ងៃជាប់គ្នា។ ការហក់ឡើងនៃករណីឆ្លងនេះកំពុងដាក់បន្ទុកកាន់តែធ្ងន់បន្ថែមទៀត លើប្រព័ន្ធថែទាំសុខភាពរបស់ប្រទេសនេះ។ រដ្ឋាភិបាលឥណ្ឌាបានរាយការណ៍អ្នកស្លាប់ចំនួន ៤,០៩២នាក់កាលពីថ្ងៃអាទិត្យ។ ចំនួនឆ្លងថ្មីប្រចាំថ្ងៃបានកើនឡើងដល់ជាង ៤សែននាក់រយៈពេល ៤ថ្ងៃជាប់គ្នា។អ្នកជំងឺជាច្រើនបានស្លាប់ជាបន្តបន្ទាប់ ខណៈអុកស៊ីសែន និងគ្រែមន្ទីរពេទ្យជិតអស់។ មន្ត្រីរដ្ឋាភិបាលក្នុងតំបន់និយាយថា ស្ថានភាពទាក់ទងនឹងការផ្គត់ផ្គង់អុកស៊ីសែន កំពុងមានភាពប្រសើរឡើង។ ពួកគេនិយាយថា រោងចក្រផលិតអុកស៊ីសែនដែលបញ្ជូនដោយសហគមន៍អន្តរជាតិ កំពុងត្រូវបានដំឡើងនៅតាមមន្ទីរពេទ្យនានា។ ប៉ុន្តែបរិមាណអុកស៊ីសែនដែលត្រូវបានផ្គត់ផ្គង់នៅក្នុងទីក្រុងញូវដេលី គិតត្រឹមថ្ងៃព្រហស្បតិ៍សប្ដាហ៍មុនបានបន្ថែមត្រឹមតែ ៦០% ប៉ុណ្ណោះនៃតម្រូវការជាក់ស្ដែង។មន្ត្រីរដ្ឋាភិបាលកំពុងប្រឹងប្រែងដើម្បីពង្រឹងប្រព័ន្ធវេជ្ជសាស្ត្រ ដោយចែកចាយការផ្គត់ផ្គង់ដែលបានមកពីបរទេសទៅកាន់គ្រប់រដ្ឋទាំងអស់។ គិតត្រឹមព្រឹកថ្ងៃច័ន្ទនេះ ប្រទេសឥណ្ឌាមានអ្នកឆ្លងជំងឺ COVID-19 សរុប ២២,៦៦២,៤១០នាក់ និងស្លាប់ ២៤៦,១៤៦នាក់៕អត្ថបទ៖ សុខមាន

ការសិក្សា៖ ជំងឺរាតត្បាតសកល COVID-19 បណ្ដាលឲ្យមនុស្សប្រមាណ ២៣០លាននាក់នៅឥណ្ឌាធ្លាក់ចូលក្នុងភាពក្រីក្រ

ឥណ្ឌា៖ ការសិក្សាស្រាវជ្រាវថ្មីមួយបានបង្ហាញថា ប្រជាជនឥណ្ឌាប្រមាណ ២៣០លាននាក់ បានធ្លាក់ចូលក្នុងភាពក្រីក្រ ដោយសារតែជំងឺរាតត្បាតសកល COVID-19 កាលពីឆ្នាំមុន ព្រោះជំងឺនេះបានប៉ះពាល់ខ្លាំងលើយុវជន និងស្ត្រី ហើយរលកទី២ បច្ចុប្បន្នបានគំរាមកំហែងធ្វើឲ្យបញ្ហាកាន់តែយ៉ាប់យ៉ឺនថែមទៀត។របាយការណ៍ចេញផ្សាយដោយសាកលវិទ្យាល័យ Azim Premji ដែលមានមូលដ្ឋាននៅទីក្រុង Bangalore បាននិយាយថា ការបិទប្រទេសរយៈពេលជាច្រើនខែ របស់ប្រទេសឥណ្ឌាចាប់ពីខែមីនាឆ្នាំមុនបានបណ្ដាលឲ្យមនុស្សប្រហែល ១០០លាននាក់គ្មានការងារធ្វើ ក្នុងនោះ ១៥% មិនអាចរកការងារធ្វើបានសូម្បីនៅត្រឹមដំណាច់ឆ្នាំមុន។ យោងតាមការសិក្សាដែលបានចេញផ្សាយកាលពីថ្ងៃពុធ ផ្ដោតលើស្ត្រីប្រមាណ ៤៧% នៃកម្មការិនីមិនអាចធានាបានការងារ សូម្បីតែក្រោយពីការដកវិធានការរឹតត្បិតក៏ដោយ។របាយការណ៍ដែលបានបញ្ជាក់ថា មនុស្សស្ថិតក្នុងភាពក្រីក្រ ខណៈដែលប្រជាជនទាំងនោះកំពុងរស់ដោយមានប្រាក់ចំណូលក្រោម ៣៧៥រ៉ូពីស្មើ ៥ដុល្លារអាមេរិកក្នុងមួយថ្ងៃបាននិយាយថា ប្រាក់ចំណូលតិចតួចពិបាករកបានធ្លាក់ចុះទូទាំងប្រទេស ខណៈដែលជំងឺរាតត្បាតសកលនេះបានវាយលុកកាន់តែខ្លាំងដល់ក្រុមគ្រួសារក្រីក្រ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខ WHO៖ អង្គការនេះមើលឃើញការស្រុតចុះករណីឆ្លងជំងឺ COVID-19 សកល

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

ចំនួនអ្នកស្លាប់ក្នុងការបំផ្ទុះគ្រាប់បែកនៅទីក្រុងកាប៊ុលប្រទេសអាហ្វហ្គានីស្ថានកើនឡើងដល់ ៦៨នាក់

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា

ការសិក្សា៖ ជំងឺរាតត្បាតសកល COVID-19 បណ្ដាលឲ្យមនុស្សប្រមាណ ២៣០លាននាក់នៅឥណ្ឌាធ្លាក់ចូលក្នុងភាពក្រីក្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រមុខ WHO៖ ​អង្គការ​នេះ​មើល​ឃើញ​ការ​ស្រុត​ចុះ​ករណី​ឆ្លង​ជំងឺ ​COVID-19 សកល​

វ៉ាក់សាំង​ស៊ីណូវ៉ាក់​ចំនួន​ ៥​សែន​ដូស​ទៀត ​បាន​មក​ដល់​កម្ពុជា​ហើយ​នៅ​ព្រឹក​នេះ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

តំបន់​អាស៊ី​ប្រឈម​នឹង​ការ​ហក់​ឡើង​ខ្លាំង​នូវ​ករណី​ឆ្លង​ថ្មី​នៃ​ជំងឺ COVID-19

ខ្មាន់កាំភ្លើង​ម្នាក់​បាញ់សម្លាប់​មនុស្ស​ ៦​នាក់​ក្នុង​ពិធី​ខួបកំណើត​មួយ​នៅ​រដ្ឋ Colorado សហរដ្ឋអាមេរិក​

ឥណ្ឌា​មាន​អ្នក​ស្លាប់​ប្រចាំថ្ងៃ​ដោយសារ​ជំងឺ COVID-19 ជាង​ ៤​ពាន់​នាក់​រយៈពេល ​២​ថ្ងៃ​ជាប់​គ្នា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខ WHO៖ អង្គការនេះមើលឃើញការស្រុតចុះករណីឆ្លងជំងឺ COVID-19 សកល

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា