BTV NEWS

ស្ថានកុងស៊ុលកិត្តិយសប្រទេសស៊ីប ,អូស្ត្រាលី ,ស៊ុយអ៊ែត ,ហូឡង់និង ម៉ិកស៊ិក ជួបពិភាក្សាជាមួយមន្ត្រីជាន់ខ្ពស់កម្ពុជា ដើម្បីពង្រឹងទំនាក់ទំនងពាណិជ្ជកម្ម និងសេដ្ឋកិច្ចរវាងប្រទេសកម្ពុជា ជាមួយសមាជិកសហភាពអឺរ៉ុប និង ម៉ិកស៊ិក

កម្ពុជា-ស្រីលង្កា បេ្តជ្ញាជម្រុញកិច្ចសហប្រតិបត្តិការលើវិស័យវប្បធម៌ ឱ្យបានកាន់តែច្រើនថែមទៀត

ក្រសួងកិច្ចការនារី កំពុងលើកកម្ពស់និងពង្រីកកាលានុវត្តភាពសហគ្រិនស្រ្តី ក្នុងសេដ្ឋកិច្ចបៃតង

ក្រសួងធម្មការ និងសាសនា ប្រារព្ធកម្មវិធីផ្សព្វផ្សាយ នាទីព្រះពុទ្ធសាសនាផ្សារភ្ជាប់នឹងសង្គម លើកទី៣០៦ ស្មើនឹង១០៤៣មាតិកាព្រះធម៌

ព័ត៌មានជាតិ

អង្គការ-សហជីពជាង ១០០ ថ្កោលទោស និងស្នើសមត្ថកិច្ចតាមរកមេក្លោងប៉ុនប៉ងធ្វើឃាតសម្ដេចតេជោ និងគ្រួសារ មកផ្ដន្ទាទោសតាមច្បាប់

ថ្នាក់ដឹកនាំ សមាជិក សមាជិកា នៃសហជីពកម្មករ និងអង្គការសមាគមន៍នានានៅកម្ពុជាប្រមាណ ១១៣ បានចេញញត្តិថ្កោលទោស ចំពោះគម្រោងប៉ុនប៉ងធ្វើឃាត សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងស្នើរឲ្យសមត្ថកិច្ចស្រាវជ្រាវរកមេក្លោងនៅពីក្រោយខ្នង នៃការរៀបចំផែនការដ៏ខ្មៅកខ្វក់នេះមកផ្ដន្ទាទោសតាមច្បាប់។លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC) នៅក្នុងបទសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី១៤ ខែកុម្ភៈនេះ បានមានប្រសាសន៍ថា ក្នុងនាមតំណាងឲ្យកម្មករនិយោជិតទាំងអស់ គឺត្រូវការសន្តិភាព ដូច្នេះអ្វីដែលជាការប៉ុនប៉ងទៅលើថ្នាក់ដឹកនាំរបស់កម្ពុជា គឺយើងប្រឆាំងដាច់ខាត និងសុំធ្វើការថ្កោលទោសយ៉ាងដាច់អហង្ការចំពោះទង្វើររបស់ជនជ្រុលនិយមនេះ ព្រោះប្រទេសកម្ពុជាប្រកបដោយសន្តិភាព គឺអាស្រ័យលើថ្នាក់ដឹកនាំ ដូច្នេះថ្នាក់ដឹកនាំរហូតមកដល់បច្ចុប្បន្ននេះ គឺបានដឹកនាំប្រទេសជាយូរឆ្នាំ ហើយប្រកបដោយមានការអភិវឌ្ឍន៍ខ្ពស់ រីកចម្រើន ជាពិសេសកម្មករកម្មការិនីក៏ទទួលបានការងារធ្វើដោយសារកត្តាសន្តិសុខភាពឯង។ទន្ទឹមនេះ លោកប្រធានសភាសម្ព័ន្ធសហជីពជាតិកម្ពុជា បានអំពាវនាវដល់កម្មករ កម្មការិនីទាំងអស់ សូមចូលរួមការពារសន្តិភាពជាចម្បង ហើយនឹងចូលរួមសហការជាមួយអាជ្ញាធរមានសមត្ថកិច្ចនូវព័ត៌មានណា ឬជនខិលខូចណាដែលមានការប៉ុនប៉ងចំពោះការធ្វើអាក្រក់ណាមួយនៅក្នុងប្រទេសកម្ពុជា ក៏ដូចជាបំផុសចលនាមួយដែលបង្ករឲ្យមានសង្រ្កាមកើតឡើងនោះ គឺសុំឲ្យកម្មករ កម្មការិនីចូលរួមទាំងអស់គ្នា ដើម្បីការពារសន្តិភាព ការពារការងារ និងការពារនូវអ្វីដែលជាភាពសុខសាន្តរបស់ជាតិទាំងអស់គ្នា។ កាលពីថ្ងៃទី១៣ ខែកុម្ភៈ ឆ្នាំ២០២៥កន្លងទៅ សម្ដេចតេជោ ហ៊ុន សែន អតីតនាយករដ្ឋមន្រ្ដី និងជាប្រធានព្រឹទ្ធសភានៃព្រះរាជាណាចក្រកម្ពុជា បានបង្ហាញសារសំឡេងចំនួនពីរ ដែលក្រុមជ្រុលនិយមប៉ុនប៉ងប្រើដ្រូនធ្វើឃាតសម្ដេច និងក្រុមគ្រសារ ខណៈសម្ដេចដឹងថា មេធំរបស់ពួកគេជាអ្នកណា និងនៅទីណាហើយនឹងបានប្រកាសកម្ចាត់ចោលក្រុមជ្រុលនិយមមានចរិតជាភេរវកម្មនេះ។ ទន្ទឹមនេះ សម្ដេចតេជោ ក៏បានប្រកាសធ្ងន់ថា សម្ដេចនឹងកម្ចាត់ចោលអ្នកណាក៏ដោយ ដែលចង់សម្លាប់សម្ដេច និងគ្រួសាររបស់សម្ដេច៕ អត្ថបទ ឈិត បូរ៉ាវី

ឯកឧត្តម ហ៊ុន ម៉ានី៖ រាជរដ្ឋាភិបាលកំពុងអនុវត្តវិធានការគន្លឹះដើម្បីសម្រេចគោលដៅឆ្ពោះទៅការធ្វើទំនើបកម្មស្ថាប័នរដ្ឋបាលសាធារណៈ ប្រកបដោយសមត្ថភាពខ្ពស់ ខ្លាំង វៃឆ្លាត និងស្អាតស្អំ

ភ្នំពេញ៖ តបតាមសំណើរបស់ធនាគារពិភពលោកប្រចាំកម្ពុជា ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានទទួលជួប លោកស្រី Lalita M.Moorty នាយិកាធនាគារពិភពលោក ផ្នែកវិបុលភាពប្រចាំតំបន់អាស៊ីបូព៌ា និងប៉ាស៊ីហ្វិក និងសហការី នារសៀលថ្ងៃទី១៣ ខែកុម្ភៈ ឆ្នាំ២០២៥ នៅសាលាភូមិន្ទរដ្ឋបាល។ កិច្ចជំនួបនេះ ក៏មានការអញ្ជើញចូលរួមពីសំណាក់ថ្នាក់ដឹកនាំជាន់ខ្ពស់ និងថ្នាក់ដឹកនាំជំនាញរបស់ក្រសួងផងដែរ។ជាកិច្ចចាប់ផ្តើម ថ្នាក់ដឹកនាំទាំងពីរ បានគូសបញ្ជាក់ និងវាយតម្លៃខ្ពស់លើកិច្ចសហប្រតិបត្តិការ និងភាពជាដៃគូរវាងកម្ពុជា និងធនាគារពិភពលោក នាពេលកន្លងមក ដែលស្របតាមចក្ខុវិស័យ និងអាទិភាពរបស់រាជរដ្ឋាភិបាលកម្ពុជា។ ជាមួយគ្នានេះ លោកស្រី Lalita M.Moorty បានបង្ហាញការចាប់អារម្មណ៍ខ្ពស់ ក្នុងការស្វែងយល់បន្ថែមពីការងារកំណែទម្រង់រដ្ឋបាលសាធារណៈនៅកម្ពុជា ក្នុងអាណត្តិទី៧ នៃរដ្ឋសភា និងមានបំណងក្នុងការពិភាក្សាបន្តលើកិច្ចសហប្រតិបត្តិការរបស់ធនាគារពិភពលោក និងក្រសួងមុខងារសាធារណៈ។ ឯកឧត្តមឧបនាយករដ្ឋមន្ត្រី ហ៊ុន ម៉ានី បានកត់សម្គាល់នូវកិច្ចសហការ និងការបន្តគាំទ្រពីធនាគារពិភពលោក តាមរយៈគម្រោងវិនិយោគលើវិស័យសំខាន់ៗនានា ព្រមទាំងបានថ្លែងអំណរគុណធនាគារពិភពលោក ដែលបានគាំទ្រវិស័យមុខងារសាធារណៈ ដោយការផ្តល់នូវកិច្ចសហការយ៉ាងជិតស្និតជាមួយក្រសួងមុខងារសាធារណៈ ក៏ដូចជាសាលាភូមិន្ទរដ្ឋបាល ជាពិសេសតាមរយៈជំនួយផ្នែកបច្ចេកទេស និងការសហការរៀបចំសិក្ខាសាលា វគ្គបណ្តុះបណ្តាលជាបន្តបន្ទាប់ ដើម្បីអភិវឌ្ឍសមត្ថភាពមន្ត្រីរាជការនៃក្រសួង និងមន្ត្រីរាជការដែលកំពុងបម្រើការងារក្នុងវិស័យរដ្ឋបាលសាធារណៈ។ទន្ទឹមនេះ ឯកឧត្តមឧបនាយករដ្ឋមន្ត្រី បានគូសបញ្ជាក់ជូនប្រតិភូធនាគារពិភពលោក នូវចក្ខុវិស័យរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការកែទម្រង់រដ្ឋបាលសាធារណៈ ជាពិសេសលើការអនុវត្តវិធានការគន្លឹះទាំង៣ ដើម្បីសម្រេចគោលដៅឆ្ពោះទៅការធ្វើទំនើបកម្មស្ថាប័នរដ្ឋបាលសាធារណៈ ដែលប្រកបដោយសមត្ថភាពខ្ពស់ ខ្លាំង វៃឆ្លាត និងស្អាតស្អំ។ តាមរយៈកិច្ចជំនួបរសៀលនេះដែរ ថ្នាក់ដឹកនាំ និងអង្គប្រជុំ ក៏បានផ្លាស់ប្តូរមតិយោបល់ និងពិភាក្សាគ្នា លើការពិនិត្យលទ្ធភាព ពង្រីកវិសាលភាពនៃកិច្ចសហប្រតិបត្តិការក្នុងភាពជាដៃគូអភិវឌ្ឍន៍ឱ្យកាន់តែចំគោលដៅបន្ថែមទៀត ដើម្បីរួមចំណែកក្នុងការសម្រេចជោគជ័យនូវការអនុវត្តគោលនយោបាយកំណែទម្រង់រដ្ឋបាលសាធារណៈ និងកិច្ចការជាអាទិភាពរបស់រាជរដ្ឋាភិបាល អាណត្តិទី៧៕

សម្ដេចធិបតី នាយករដ្ឋមន្រ្ដី អញ្ជើញដឹកនាំសន្និបាតបូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៤ និងទិសដៅអនុវត្តបន្តឆ្នាំ២០២៥ របស់ក្រុមការងាររាជរដ្ឋាភិបាលចុះមូលដ្ឋាន

ភ្នំពេញ៖ នៅព្រឹកថ្ងៃសុក្រ ទី១៤ ខែកុម្ភៈ ឆ្នាំ ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា បានអញ្ជើញដឹកនាំសន្និបាតបូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៤ និងទិសដៅអនុវត្តបន្តឆ្នាំ២០២៥ របស់ក្រុមការងាររាជរដ្ឋាភិបាលចុះមូលដ្ឋាន នៅវិមានសន្តិភាព។រាជរដ្ឋាភិបាលចាត់ទុកការចុះបំពេញការងារតាមមូលដ្ឋាន គឺជាវិធីសាស្ត្ររបស់រាជរដ្ឋាភិបាល ក្រសួង ស្ថាប័ន និងរដ្ឋបាលថ្នាក់ក្រោមជាតិ ដើម្បីបម្រើផលប្រយោជន៍ និងសេចក្តីត្រូវការរបស់ប្រជាពលរដ្ឋ។ ការចូលរួមចំណែកប្រកបដោយការយកចិត្តទុកដាក់ និងការអនុវត្តភារកិច្ចយ៉ាងសកម្ម ដោយការទទួលខុសត្រូវខ្ពស់ ពីថ្នាក់ដឹកនាំគ្រប់លំដាប់ថ្នាក់ មន្ត្រីរាជការ និងកងកម្លាំងប្រដាប់អាវុធទាំងអស់ សម្រេចបាននូវវឌ្ឍនភាពនិងសមិទ្ធផលជាច្រើន ក្នុងការអនុវត្តនូវយុទ្ធសាស្ត្របញ្ចកោណដំណាក់កាលទី១ កម្មវិធីគោលនយោបាយជាអាទិភាពទាំង៦ វិធានការគន្លឹះទាំង៥ ព្រមទាំងកិច្ចការ កែទម្រង់សំខាន់នានា របស់រាជរដ្ឋាភិបាលនីតិកាលទី៧នៃរដ្ឋសភា សំដៅរួមចំណែកថែរក្សាសន្តិភាព ស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ និងការអភិវឌ្ឍសង្គម-សេដ្ឋកិច្ច ឱ្យកាន់តែរឹងមាំប្រកបដោយចីរភាព បរិយាបន្ន និងផ្ដល់ផលប្រយោជន៍ដល់ប្រជាជន៕

ថ្នាក់ដឹកនាំក្រសួងកសិកម្មបន្តចុះជួបក្រុមអាជីវករ ដើម្បីផ្សព្វផ្សាយគោលនយោបាយអាទិភាពរបស់រាជរដ្ឋាភិបាល

ភ្នំពេញ៖ ឯកឧត្ដម ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោកជំទាវអនុរដ្ឋលេខាធិការ ហ៊ូ សុពណ៌ រួមជាមួយថ្នាក់ដឹកនាំក្រសួង អភិបាលរងខេត្តចំនួន៣ រួមមាន ខេត្តកំពង់ធំ ខេត្តសៀមរាប និងខេត្តឧត្តរមានជ័យ មន្រ្តីមន្ទីរកសិកម្មខេត្ត/ឃុំ និងមន្ត្រីពាក់ព័ន្ធ បានអញ្ជើញជួបសំណេះសំណាលជាមួយអាជីវករលក់ជី និងថ្នាំកសិកម្មសរុបចំនួន ៥១២នាក់ ក្នុងនោះមានមន្ត្រីកសិកម្មឃុំសរុបចំនួន ៤១នាក់។ប្រភពក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៤ ខែកុម្ភៈនេះ បានឲ្យដឹងថា ជំនួបនេះ ធ្វើឡើងក្នុងគោលបំណងផ្សព្វផ្សាយអំពីកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល ក៏ដូចជាកិច្ចខិតខំប្រឹងប្រែង របស់រាជរដ្ឋាភិបាល ក្រសួងកសិកម្ម រុក្ខាប្រមាញ់ និងនេសាទ ក្រសួងស្ថាប័ន-ពាក់ព័ន្ធ រដ្ឋបាលខេត្ត និងមន្ទីរកសិកម្ម ក្នុងការជំរុញការអភិវឌ្ឍវិស័យកសិកម្ម និងជួយគាំទ្រដល់ប្រជាកសិករ ជាពិសេសការជួយដោះស្រាយបញ្ហាកង្វះទឹកស្រូវប្រាំង និងវិធានការដែលបានដាក់ចេញចំពោះមុខ ការធ្លាក់ចុះនៃតម្លៃស្រូវពូជអូអឹម និងអ៊ីអ៊ែរ នាដើមឆ្នាំ២០២៥នេះ ដើម្បីឱ្យអាជីវករបានយល់ដឹង និងចូលរួមផ្សព្វផ្សាយឱ្យបានជាប្រយោជន៍ដល់កសិករ និងវិស័យកសិកម្ម។នាឱកាសនោះ ឯកឧត្តមអនុរដ្ឋលេខាធិការ បានលើកឡើងពីគោលនយោបាយអាទិភាពរបស់រាជរដ្ឋាភិបាលក្នុងការអភិវឌ្ឍវិស័យកសិកម្មដូចជាការពង្រាយមន្ត្រីកសិកម្មឃុំ ការចងក្រងសហគមន៍កសិកម្មទំទើប ការជួយរក្សាលំនឹងថ្លៃកសិផល ការរកទីផ្សារ និងការកាត់បន្ថយថ្លៃដើមផលិត ដើម្បីបង្កើនប្រាក់ចំណេញដល់ប្រជាកសិករ ព្រមទាំងបានរំលេចនូវសមិទ្ធផលជាច្រើន ដែលក្រសួងកសិកម្មសម្រេចបាននាពេលកន្លងមក។បន្ថែមពីនោះ ឯកឧត្តមអនុរដ្ឋលេខាធិការ ក៏បានផ្ដាំផ្ញើដល់អាជីវករលក់ជី និងថ្នាំកសិកម្មទាំងអស់ត្រូវបន្តជួយណែនាំប្រជាកសិករឱ្យដឹង និងយល់កាន់តែច្បាស់បន្ថែម ពីការប្រើប្រាស់ជី ថ្នាំកសិកម្មឱ្យបានត្រឹមត្រូវតាមបច្ចេកទេស ដើម្បីបង្កើនទិន្នផលកសិផល និងមិនប៉ះពាល់សុខភាពអ្នកប្រើប្រាស់។ក្នុងនាមជាដៃគូ និងអ្នកនៅជាប់ជាមួយកសិករ អាជីវករលក់ជី និងថ្នាំកសិកម្ម ទាំងអស់ បានបង្ហាញក្ដីរីករាយ និងចូលរួមជាមួយរាជរដ្ឋាភិបាល និងក្រសួងកសិកម្ម ក្នុងការចែករំលែកព័ត៌មានល្អៗ និងវិជ្ជមាន ការផ្ដល់ចំណេះដឹងបច្ចេកទេសថ្មីៗ ដើម្បីជួយដល់កសិករ និងជៀសវាងផ្សព្វផ្សាយព័ត៌មាន ដែលបង្កអសន្តិសុខសង្គម បង្កផលប៉ះពាល់អវិជ្ជមានដល់កសិករ និងវិស័យកសិកម្មទាំងមូល៕

នាវាកងទ័ពជើងទឹកឥណ្ឌា ពីរគ្រឿង ចូលសំចតធ្វើទស្សនកិច្ចនៅកម្ពុជារយៈពេលបួនថ្ងៃ

ដូចផែនការដែលបានគ្រោងទុក នាវាកងទ័ពជើងទឹកឥណ្ឌាចំនួន ២គ្រឿង បានចូលសំចតនៅកំពង់ផែស្វយ័តអន្ដរជាតិក្រុងព្រះសីហនុ ថ្ងៃទី១៤ ខែកុម្ភៈ ឆ្នាំ២០២៥ ក្នុងដំណើរទស្សនកិច្ចនៅកម្ពុជា រឹតចំណងសាមគ្គីភាព មិត្ដភាព និងពង្រឹងកិច្ចសហប្រតិបត្ដិការ ។នាវាកងទ័ពជើងទឹកឥណ្ឌាចំនួន ២គ្រឿង ដែលបានចូលសំចតនៅកំពង់ផែស្វយ័តអន្ដរជាតិក្រុងព្រះសីហនុ ក្នុងដំណើរទស្សនកិច្ចនៅកម្ពុជារយៈពេល ៤ថ្ងៃ ចាប់ពីថ្ងៃទី១៤-១៧ ខែកុម្ភៈ ឆ្នាំ២០២៥ ដើម្បីរឹតចំណងសាមគ្គីភាព មិត្ដភាព និងពង្រឹងកិច្ចសហប្រតិបត្ដិការរវាងកងទ័ពប្រទេសទាំងពីរ កម្ពុជា និងឥណ្ឌា។ ក្នុងដំណើរទស្សនកិច្ចនេះ មានកម្មវិធីជាច្រើន ទាំងនៅខេត្ដព្រះសីហនុ និងរាជធានីភ្នំពេញ ដូចជាការជួបសម្ដែងការគួរសមជាមួយថ្នាក់ដឹកនាំកងទ័ព និងថ្នាក់ដឹកនាំអាជ្ញាធរដែនដី កម្មវិធីកីឡា ទស្សនាតំបន់ប្រវត្ដិសាស្ដ្រ វប្បធម៌ ។ល។ ព្រទាំងមានការស្នើសុំធ្វើលំហាត់ល្បាតរួមខ្នាតតូច (PASSEX) ជាមួយនាវាកងទ័ពជើងទឹកកម្ពុជា នៅពេលចេញពីខេត្តព្រះសីហនុវិញ។ នេះ គឺជាការបញ្ជាក់ឱ្យដឹងពី នាយនាវីទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្ដិសុខលម្ហសមុទ្រលោកឧត្ដមនាវីទោ បន្ដថា អំពីលក្ខណៈបច្ចេកទេសនាវា គឺនាវាទី១ ឈ្មោះ INS SUJATA លេខ P56 ប្រភេទ OPV មានបណ្តោយប្រវែងជាង ១០០ម៉ែត្រ ទទឹងជាង ១០ម៉ែត្រ ជម្រៅទឹក ៥ម៉ែត្រ ទម្ងន់ផ្ទុកជាង២.០០០តោន និងនាវាទី២ ឈ្មោះ ICGS VEERA លេខ 35 ប្រភេទ OPV មានបណ្តោយប្រវែអជិត ១០០ម៉ែត្រ ទទឹងជិត ១៥ម៉ែត្រ ជម្រៅទឹកជិត ៥ម៉ែត្រ ទម្ងន់ផ្ទុក ៣.០០០តោន៕

កងពលតូចដឹកជញ្ជូនលេខ៩៩ ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូនចូលភូមិគ្រឹះសម្តេច

ឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ តំណាងឲ្យនាយទាហាន នាយទាហានរង ពលទាហានទាំងអស់នៃកងពលតូចដឹកជញ្ជូនលេខ៩៩ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាបិតាស្ថាបនិកសន្តិភាពរបស់កម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។ យើងខ្ញុំជានាយទាហាននាយទាហានរង ពលទាំងអស់អស់នៃកងពលតូចដឹកជញ្ជូនលេខ៩៩ សូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេរវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕

ពលរដ្ឋខ្មែរមកពីគ្រប់ទិសទីចេញញត្តិថ្កោលទោសចំពោះគម្រោងវាយប្រហារដោយដ្រូនចូលភូមិគ្រឹះសម្តេចតេជោ

បងប្អូនប្រជាពលរដ្ឋខ្មែរមកពីគ្រប់ទិសទី រួមទាំងមន្រ្តីរាជការ កងកម្លាំងប្រដាប់អាវុធគ្រប់ប្រភេទ បានចេញ វិដេអូឃ្លីប និងញត្តិថ្កោលទោសយ៉ាងដាច់អហង្ការចំពោះគម្រោងវាយប្រហារដោយដ្រូនចូលភូមិគ្រឹះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាបិតាស្ថាបនិកសន្តិភាពកម្ពុជា នៅក្រុងតាខ្មៅ ខេត្តកណ្តាលកាលពីកន្លងទៅថ្មីៗនេះ ខណៈគម្រោងនេះត្រូវបានពួកគេចាត់ទុកថាជាអំពើភេរវកម្ម គ្មានសាសនា ដែលគួរចាប់យកមកផ្តន្ទាទោសឲ្យខាងតែបាន។តាមរយៈញត្តិ និងវិដេអូឃ្លីបចេញដាច់ដោយឡែកពីគ្នាជាបន្តបន្ទាប់នោះ បានលើកឡើងថា ការ ប៉ុនប៉ងធ្វើឃាតសម្តេចតេជោតាមរយៈដ្រូននេះ គឺជាអំពើភេរវកម្ម ជាទង្វើជ្រុលនិយម អគតិ គ្មានសាសនា គ្មានស្គាល់បាបបុណ្យ គុណទោស និងច្បាប់អ្វីទាល់តែសោះ។ញត្តិរបស់បងប្អូនប្រជាពលរដ្ឋខ្មែរទាំងក្នុង និងក្រៅប្រទេស រួមទាំងមន្រ្តីរាជការ កងកម្លាំងប្រដាប់ អាវុធគ្រប់ប្រភេទទាំងនោះបានសង្កត់ធ្ងន់ថា« គម្រោងទុច្ចរិតដែលជាអំពើភេរវកម្មនេះ វាជាការប្រឆាំង ច្បាប់ជាតិ និងអន្តរជាតិ ប្រឆាំងឱវាទសាសនា ជាពិសេសព្រះពុទ្ធសាសនាដែលជាសាសនារបស់រដ្ឋ ហើយ ជាការប្រមាថដ៏ធ្ងន់ធ្ងរបំផុតចំពោះអាយុជីវិតឥស្សរជនកំពូលរបស់ជាតិ ដែលបានធ្វើពលិកម្មសាច់ស្រស់ ឈាមស្រស់ ក្នុងបុព្វហេតុប្រទេសជាតិ និងប្រជាជនតាំងពីដើមរហូតមក។ ក្រុមជ្រុលនិយមក្រៅច្បាប់ មិនគួរណាគ្រាន់តែដើម្បីចិញ្ចឹមមហិច្ឆតានយោបាយខ្មៅកង្វក់របស់ខ្លួន ក្នុងការដំណ្តើមអំណាចដោយខុស ច្បាប់ ពួកគេបានប្រព្រឹត្តទង្វើបាប គ្មានសីលធម៌បែបនេះឡើយ»។ម្យ៉ាងវិញទៀតទង្វើឃោឃៅគ្មានសាសនានេះ បានសរបង្ហាញឲ្យឃើញពីការប្រកាន់នូវវប្បធម៌ ហិង្សារបស់ក្រុមជ្រុលនិយម និងសរបញ្ជាក់ឲ្យឃើញនូវសណ្តានរបស់ពួកគេ ដែលចេះតែសាបព្រោះវប្បធម៌ហិង្សា ការគុំគួន ដែលជាគ្រោះធំបំផុតសម្រាប់ប្រជាពលរដ្ឋ និងប្រទេសជាតិ ធ្វើឲ្យមានការបែកបាក់ ជាតិធ្លាក់ក្នុងភ្លើងសង្រ្គាមឡើងវិញនៅគ្រប់ពេលវេលានោះ។យ៉ាងណាក៏ដោយតាមរយៈញត្តិបងប្អូនជនរួមជាតិ បានប្រកាសអះអាងថា ពួកគេប្តេជ្ញាគោរព និង ការពារនូវសុខសន្តិភាព ស្ថិរភាពសង្គម មិនបណ្តោយឲ្យប្រទេសជាតិធ្លាក់នៅក្នុងភ្លើងសង្រ្គាមម្តងទៀតវិញ នោះឡើយ ហើយមិនតែប៉ុណ្ណោះក្នុងនាមពួកគាត់ជាប្រជាពលរដ្ឋខ្មែរ នៅតែបន្តបោះឆ្នោតជូនគណបក្ស ប្រជាជនកម្ពុជាដោយគ្មានការរាថយ ដើម្បីជាការតបស្នងសងគុណបំណាចយ៉ាងធំធេងរបស់សម្តេច តេជោ ហ៊ុន សែន ដែលជាបិតាស្ថាបនិកសន្តិភាពរបស់កម្ពុជានោះ។ តាមរយៈញត្តិរបស់បងប្អូនប្រជាពលរដ្ឋខ្មែរ ក៏ដូចជាមន្រ្តីរាជការ កងកម្លំាងប្រដាប់អាវុធផ្សេងៗ ក៏បានអំពាវនាវ ដល់បងប្អូនមកពីគ្រប់ទិសទី ធ្វើការសហការគ្នាជាមួយអាជ្ញាធរមានសមត្ថកិច្ច រាយការណ៍ ព័ត៌មានទាំងឡាយណា ដែលទាក់ទងនឹងក្រុមជ្រុលនិយមទាំងនោះ ជូនអាជ្ញាធរមានសមត្ថកិច្ច ដើម្បីយក មកផ្តន្ទាទោសដល់សកម្មភាព ដែលពួកគេបានបង្កើតឡើងម្តងជាពីរដងនេះជាកំហិត ដោយគ្មានការលើក លែងផងដែរ ខណៈទង្វើរបស់ក្រុមជ្រុលនិយមទាំងនោះ គឺវានឹងអាចបំផ្លាញនូវសុខសន្តិភាព និងការអភិ វឌ្ឍរបស់សង្គមជាតិដែលកំពុងមានសព្វថ្ងៃនេះ៕ អត្ថបទបាន ចក់

ឧត្តមសេនីយ៍ឯកជួន ណារិន្ទ ថ្កោលទោសដាច់អហង្ការ ចំពោះគម្រោងប៉ងវាយប្រហារដោយដ្រូន ចូលភូមិគ្រឹះសម្តេចតេជោ

ភ្នំពេញ ៖ ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ព្រមទាំងមន្រ្តីនគរបាលទាំងអស់ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី ។ នគរបាលទូទាំងរាជធានីភ្នំពេញ សូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕ លីហេង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត កោតសរសើរការងារយុវជននិងអ្នកស្ម័គ្រចិត្តកាកបាទក្រហមកម្ពុជា

ភ្នំពេញ ៖ កាលពីរសៀលថ្ងៃទី១៣ ខែកុម្ភះ ឆ្នាំ២០២៥ ថ្លែងក្នុងពិធីបិទកិច្ចប្រជុំ ការងារយុវជន និង អ្នកស្ម័គ្រចិត្ត កាកបាទក្រហមកម្ពុជា ឆ្នាំ២០២៤ និងទិសដៅការងារបន្ដ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ដ្រៃយ៍ បានកោតសរសើរការងារយុវជននិងអ្នកស្ម័គ្រ ដែលបានបំពេញការងារមួយឆ្នាំកន្លងមកនេះ។ ពិធីនេះអញ្ជើញចូលរួមពី សមាជិក គណៈកម្មាធិការកណ្តាល ថ្នាក់ដឹកនាំអគ្គលេខាធិការដ្ឋាន សមាជិកគណៈកម្មាធិការសាខាទទួលបន្ទុកការងារយុវជន ទាំង២៥សាខា រាជធានី-ខេត្ត និងទីប្រឹក្សាយុវជន ប្រចាំគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ សរុបទាំងអស់ចំនួន២២៧នាក់ នៅទីស្នាក់ការកណ្តាល កក្រក។ជាកិច្ចចាប់ផ្តើមលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានអានបាយការណ៍ សង្ខេបជូនអង្គពិធីទាំងមូល អំពីការងារយុវជន និងអ្នកស្ម័គ្រចិត្ត ក្នុងរយៈមួយឆ្នាំកន្លងមកនេះ និងទិសដៅការងារបន្ត ដែលក្នុងនោះបានរំលេចឱ្យឃើញនូវការងារ សម្រេចបានលទ្ធផលល្អប្រសើរ រីឯកម្លាំងយុវជន កាកបាទក្រហមកម្ពុជាថ្មី បានកើនជាលំដាប់ នៅតាមគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ ដែលយុវជនទាំងនោះ សុទ្ធតែបានទទួលការបណ្តុះ បណ្តាលវគ្គមូលដ្ឋាន និងវិជ្ជាសង្គ្រោះបឋម មានសកម្មភាពដ៏រស់រវើក ក្នុងការងារមនុស្សធម៌ និងការងារសង្គម មានការយល់ដឹងពីគោលការណ៍គ្រឹះ និងតម្លៃមនុស្សធម៌ និងទទួលបានការលើកកម្ពស់ភាពជាអ្នកដឹកនាំ និងការងារទំនាក់ទំនងសហប្រតិបត្តិការ ជាតិ-អន្តរជាតិ។បន្ទាប់ពីបានស្តាប់របាយការណ៍រួច លោកជំទាវបណ្ឌិត អនុប្រធានអចិន្ត្រៃយ៍ បានសម្តែងនូវក្តីសោមនស្សរីករាយ ដោយបានមកចូលរួម ក្នុងពិធីបិទកិច្ចប្រជុំការងារយុវជន និង អ្នកស្ម័គ្រចិត្ត កាកបាទក្រហមកម្ពុជា ឆ្នាំ២០២៤ និងទិសដៅការងារបន្ដ សម្រាប់សាខាទាំង២៥ និងនៅតាមគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ។ ជាមួយគ្នានេះលោកជំទាវបណ្ឌិត បានពាំនាំនូវការផ្តាំផ្ញើសួរសុខទុក្ខពីសំណាក់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន ជូនចំពោះសមាជិកសមាជិកា នៃអង្គប្រជុំទាំងមូល និងបានគូសបញ្ជាក់ពីភាពជាគំរូរបស់យុវជន កាកបាទក្រហមកម្ពុជា និងអ្នកស្ម័គ្រចិត្ត ដែលតែងតែមានមុខជានិច្ច ក្នុងសកម្មភាពមនុស្សធម៌នៅតាមសហគមន៍ និងក្នុងកិច្ចការងារសង្គមជាតិជាច្រើន ដែលជាកម្លាំងស្នូលមួយមិនអាចខ្លះបាន។លោកជំទាវបណ្ឌិត បានគូសបញ្ជាក់ថា ការងារយុវជន និងស្ម័គ្រចិត្តទាំងអស់ ពិតណាស់គឺបានឆ្លុះបញ្ចាំងពីការប្តេជ្ញាចិត្ត ឆន្ទៈ នៃការលះបង់កម្លាំងកាយចិត្ត ពេលវេលា ប្រកបដោយការទទួលខុសត្រូវខ្ពស់ របស់ប្រធានគណៈកម្មាធិការសាខា ទាំង២៥ រាជធានី-ខេត្ត ក៏ដូចជា សាកលវិទ្យាធិការ /នាយកវិទ្យាស្ថាន ដែលជាប្រធានកិត្តិយស ក្លឹប ក្នុងការខិតខំប្រឹងប្រែង ឆ្លើយតបបានយ៉ាងសក្តិសម ទៅនឹងការយកចិត្តទុកដាក់ ផ្តល់សារៈសំខាន់ទៅលើកម្លាំងយុវជន ដែលជាអ្នកស្ម័គ្រចិត្តវ័យក្មេងនិងជាគម្រូដល់យុវជនដទៃទៀត។ នៅក្នុងឱកាសនេះដែរលោកជំទាវបណ្ឌិត ក៏បានជម្រុញលើកទឹកចិត្តទៅដល់មន្រ្តី ទីស្នាក់ការកណ្តាល ត្រូវរៀបចំឱ្យមានកម្មវិធីបោះជំរំយុវជន កាកបាទក្រហមកម្ពុជា យ៉ាងហោចណាស់ក្នុងមួយឆ្នាំមួយដង។សូមជម្រាបថានៅចុងបន្ទាប់នៃកិច្ចប្រជុំ លោកជំទាវបណ្ឌិត អនុប្រធានអចិន្ត្រៃយ៍ កាកបាទក្រហមកម្ពុជា បានឧបត្ថម ថវិការ ទៅដល់ក្លឹបយុវជនទាំង២៥គ្រឹះស្ថានឧត្តមសិក្សា ក្នុងរាជធានីភ្នំពេញ ដោយក្លឹបនីមួយៗទទួលបានថវិកា ចំនួន២លាន រៀល សម្រាប់ប្រើប្រាស់តាមតម្រូវការនៅក្នុងក្លឹបយុវជនរបស់ខ្លួន៕អត្ថបទៈ សំ ងីម

អ្នកធ្លាប់ប្រើប.ស.ស.ថាគ្មានការកំណត់ចំនួនដងដូចការប្រឌិតព័ត៌មានឡើយ

ពលរដ្ឋនិងកម្មករដែលជាសមាជិកបេឡាជាតិសន្តិសុខសង្គម(ប.ស.ស.) នៅថ្ងៃនេះ បានលើកឡើងពីការពិតថា គ្មានការកំណត់ចំនួនដងនៃការប្រើប្រាស់សេវាប.ស.សដូចការប្រឌិតព័ត៌មានពីបណ្តាញសង្គមនិងក្រុមអគតិមួយចំនួនដែលកំពុងបំពុលនោះឡើយ។ អ្នកនាង យ៉ឺន សុជាតិ សមាជិកប.ស.ស ដែលកំពុងសម្រាកព្យាបាលក្នុងមន្ទីរពេទ្យដៃគូប.ស.ស. បានគូសបញ្ជាក់ថា គ្មានការកំណត់ចំនួនដងនៃការចូលសម្រាកមន្ទីរពេទ្យដែលជាដៃគូរបស់ប.ស.ស.នោះឡើយ ក្នុងខណៈដែលមានមនុស្សផ្សព្វផ្សាយបំពុលថា មួយអាទិត្យអាចពិនិត្យបានតែម្តងប៉ុណ្ណោះ។អ្នកនាងបញ្ជាក់ថា៖“ពាក្យចចាមអារាមហ្នឹង គេនិយាយថា ក្នុងមួយអាទិត្យគេស្កេនប.ស.ស.បានតែម្តងទេ។...មានប.ស.សដូចមានលុយក្នុងដៃអញ្ចឹង ទៅពេទ្យពេលណាក៏បាន...តែនេះអត់ទេមួយថស្កេនបានដង”។ជាមួយគ្នានេះ សមាជិកប.ស.ស.ផ្សេងទៀត ក៏បានបញ្ជាក់ដូចៗគ្នាថា ការចូលសម្រាកនៅមន្ទីរពេទ្យដែលជាដៃគូរបស់ប.ស.ស.គ្មានការកំណត់នោះឡើយ។ ជាមួយគ្នានេះ សមាជិកប.ស.ស. ទាំងអស់បានអំពាវនាវប្រជាពលរដ្ឋ និងសមាជិកប.ស.ស. កុំមានការយល់ច្រឡំ និងជឿតាមការផ្សព្វផ្សាយរបស់ក្រុមអគតិមួយចំនួនដែលផ្សាយព័ត៌មានមិនពិតដូចនេះ។ បន្ថែមពីនេះ ប្រជាពលរដ្ឋថែមទាំងថ្លែងអំណរគុណប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែតដែលជាអ្នកបានដាក់ចេញនូវគោលនយោបាយថ្នាក់ជាតិមួយដែលធ្វើឱ្យប្រជាពលរដ្ឋកាត់បន្ថយចំណាយដែលជាគន្លឹះក្នុងការពង្រឹងសេដ្ឋកិច្ចគ្រួសាររបស់ពួកគាត់ផងដែរ៕

បណ្ដាញសង្គម

ព័ត៌មានថ្មីៗ

គ្រូពេទ្យ៖ ទំនិញចោរលួចរបស់ WFP លក់នៅតាមផ្លូវប្រទេសកុងហ្គោប្រឈមនឹងហានិភ័យសុខភាព

ក្រុមហាម៉ាស់ដោះដូរសាកសពចំណាប់ថ្នូរអ៊ីស្រាអែល ៤នាក់សម្រាប់អ្នកទោសប៉ាឡេស្ទីនជាង ៦០០នាក់

អង្គភាពស៊ីម៉ាក់បើកកិច្ចប្រជុំសាមញ្ញក្រុមប្រឹក្សាភិបាលដើម្បីការងារបន្តឆ្នាំ២០២៥ និងរៀបចំប្រព័ន្ធទិន្នន័យបញ្ហាគ្រាប់មីននិងគ្រាប់យុទ្ធភណ្ឌមិនទាន់ផ្ទុះថ្នាក់ជាតិ

ជនអន្តោប្រវេសន៍ ៦៥នាក់ដែលនិរទេសពីសហរដ្ឋអាមេរិក ធ្វើដំណើរមកដល់កូស្តារីកា

ប្រធានាធិបតីអាហ្វ្រិកខាងត្បូងលោក Cyril Ramaphosa ជំរុញឲ្យប្រទេស G20 ជួយដល់ប្រទេសក្រីក្រ

ហ្វូស៊ីលរកឃើញនៅប្រេស៊ីលបង្កើនការយល់ដឹងកាន់តែច្បាស់ពីយុគសម័យមុនសត្វដាយណូស័រ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877