BTV NEWS

សម្តេចតេជោចោទជាសំណួរថា ហេតុអ្វីចាំបាច់បង្កើតក្រុមការងារតាមដានហ្វេសបុករបស់សម្តេច បើអ្នកពិតជាស្អាតស្អំមែននោះ?

រដ្ឋមន្ត្រីសុខាភិបាល: ជាផ្នែកមួយនៃទស្សនៈវិជ្ជាសម្ភារៈនិយម វិចារវិទ្យា ក្នុងបទបាឋកថា «លទ្ធភាព នាំដល់ការបង្កើត តថភាព ដែលតថភាព ត្រូវការរៀបចំចេញពីលទ្ធភាព»

វេទិការាជរដ្ឋាភិបាល-ផ្នែកឯកជន ដើម្បីពិនិត្យពិភាក្សា ផ្លាស់ប្តូរយោបល់ ធ្វើឱ្យប្រសើរឡើងរវាងក្រសួងសុខាភិបាល និងផ្នែកឯកជន

ឯកឧត្តម ឌិត ទីណា ណែនាំឱ្យមន្ត្រីកសិកម្មឃុំបង្កេីនការចិត្តទុកដាក់ជាមួយកសិករដេីម្បីរក្សាលំនឹងសន្តិសុខស្បៀង

ព័ត៌មានជាតិ

គណៈប្រតិភូនៃប្រទេសនីហ្សេរីយ៉ា មួយក្រុមមកសិក្សាស្វែងយល់ពីដំណើរការកសាងសន្ដិភាព និងការអភិវឌ្ឍឡើងវិញលើគ្រប់វិស័យ ជាពិសេសការអភិវឌ្ឍសេដ្ឋកិច្ចសង្គមនៅកម្ពុជាតាមរយៈការបោសសម្អាតមីន

(ភ្នំពេញ) ៖ នាព្រឹកថ្ងៃចន្ទ ទី១៦ ខែមិថុនា ឆ្នាំ២០២៥ នៅទីបញ្ជាការស៊ីម៉ាក់ភ្នំពេញឯកឧត្តម ហេង រតនា ប្រតិភូរាជ រដ្ឋាភិបាលកម្ពុជាទទួលបន្ទុកជាអគ្គនាយកនៃមជ្ឍមណ្ឌលសកម្មភាពកំចាត់មីនកម្ពុជា បានទទួលស្វាគមន៍ និងពិភាក្សាការងារជាមួយគណៈប្រតិភូប្រទេសនីហ្សេរីយ៉ា ដឹកនាំដោយលោក Mohammed Goni Alkali នាយកប្រតិបត្តិនៃគណៈកម្មាធិការអភិវឌ្ឍន៍ភូមិភាគឦសាននៃប្រទេសនីហ្សេរីយ៉ា ក្នុងឱកាសបំពេញទស្សនកិច្ចការងារចាប់ពីថ្ងៃទី ១៦ ដល់ថ្ងៃទី ២០ ខែមិថុនា ឆ្នាំ២០២៥។ ក្នុងជំនួបសម្តែងការគួរសម និងពិភាក្សាការងារនេះ គណៈប្រតិភូនៃប្រទេសនីហ្សេរីយ៉ា មានបំណងសិក្សាស្វែង យល់អំពីបទពិសោធរបស់ប្រទេសកម្ពុជាដែលធ្លាប់ឆ្លង កាត់សម័យសង្រ្គាមជាង៣ទស្សវត្សរ៍ ការបង្រួបបង្រួមជាតិតាមរយៈការអនុវត្តនយោបាយឈ្នះឈ្នះ ការស្វែងយល់ឲ្យស៊ីជម្រៅពីដំណើរការកសាងសន្ដិភាព ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន និងដំណើរការស្ដារនិងការកសាងឡើងវិញ ព្រមទាំងការអភិវឌ្ឍឡើងវិញលើគ្រប់វិស័យប្រកបដោយចីរភាព ជាពិសេសការអភិវឌ្ឍសេដ្ឋកិច្ចសង្គមតាមរយៈការបោស សម្អាតមីន ។ តាមរយៈជំនួបពិភាក្សានេះ លោក Mohammed Goni Alkali បានសម្តែងនូវការកោតសរសើរចំពោះការ សម្រេចបានរបស់រាជរដ្ឋាភិបាលកម្ពុជាក្នុងការរក្សាបាននូវសុខសន្តិភាពពេញលេញឡើងវិញប្រកបដោយភាពខ្លាំង ជាពិសេសការដាក់ចេញនូវគោលនយោបាយវិស័យសកម្ម ភាពកំចាត់មីន ដែលកម្ពុជាសម្រេចបានលទ្ធផលយ៉ាងត្រចះត្រចង់លើឆាកអន្តរជាតិ ។ លោកសង្ឃឹមថា អង្គភាព CMAC និងចែករំលែកបទពិសោធន៍ដែលបានអនុវត្តប្រកបដោយជោគជ័យកន្លងមក លើការងារបោសសម្អាតមីនមនុស្សធម៌ និងការពង្រឹងការចូលរួមរបស់ប្រជាជននៅក្នុងការការពារពីគ្រោះថ្នាក់ដោយសារគ្រាប់មីន និងសំណល់យុទ្ធភណ្ឌសង្គ្រាម។ ឯកឧត្តម ហេង រតនា បានឲ្យដឹងដែរថា គណ:ប្រតិភូពិតជាមានបំណងស្វែង យល់សន្តិភាពនិងសកម្មភាពកម្ចាត់មី&សំណល់យុទ្ធភណ្ឌសង្គ្រាមនៅកម្ពុជា។ឯកឧត្តមបានបន្តថា រដ្ឋាភិបាលជប៉ុនតាមរយៈJICA បានរៀបចំដំណេីរទស្សនកិច្ចសិក្សានេះឡេីង ដេីម្បីពង្រឹងកិច្ចសហ ប្រតិ បត្តិការអន្តរជាតិ និងការចែករំលែកបទពិសោធសកម្មភាពកម្ចាត់មីនមនុស្សធម៌របស់រាជរដ្ឋាភិបាលកម្ពុជា ជាមួយប្រទេសមានបញ្ហាមីន&សំណល់យុទ្ធភណ្ឌសង្គ្រាមនៅលេីពិភពលោក ។ ជាក់ស្តែង អង្គភាពសុីម៉ាក់ត្រៀមសហការជាមួយប្រទសអាហ្វិកចំនួន៥រួមមានប្រទេសនីហ្សេរីយ៉ា ស៊ូដង់ខាងត្បូង អេចូពី ស៊ូដង់ និងប្រទេសសូម៉ាលី ដេីម្បីការហ្វឹកហ្វឺនសកម្មភាពមីនមនុស្សធម៌ក្រោមការគាំទ្រពីរដ្ឋាភិបាលជប៉ុន។សូមបញ្ជាក់ថា សាធារណរដ្ឋសហព័ន្ធនីហ្សេរីយ៉ា (Federal Republic of Nigeria) គឺជាប្រទេសមួយស្ថិតនៅក្នុងតំបន់អាហ្រ្វិកខាងលិចជាប្រទេស ដែលមានចំនួនប្រជាជនច្រើន ជាងគេនៅទ្វីបអាហ្រ្វិក។ នីហ្សេរីយ៉ាមានទីតាំងភូមិសាស្ត្រនៅរវាងវាលលំហសាហែលទៅភាគខាងជើង និង ឈូង សមុទ្រគីនេនៅភាគខាងត្បូងក្នុងមហា សមុទ្រអាត្លង់ទិក ដោយគ្របដណ្ដប់លើផ្ទៃដីសរុប ៩២៣,៧៦៩ គីឡូម៉ែត្រការ៉េ និងមានប្រជាជនជាង ២២៨ លាននាក់ (គិតត្រឹមឆ្នាំ២០២៣) ជាប់លេខ៦លេីសកលលោក ។ ប្រទេសនីហ្សេរីយ៉ា នេះមានសង្គ្រាមកាលពីឆ្នាំ ១៩៦៧ -១៩៧០ និងបន្តមានសង្គ្រាមជាហូរហែរមកទៀតដោយមានជនជាតិ ភាគតិចប្រមាណ២៥០៕ ដោយ ៖ ភារម្យ

សម្ដេចតេជោ អំពាវនាវឱ្យពលរដ្ឋខ្មែរងាកមកប្រើប្រាស់បន្លែផ្លែឈើក្នុងស្រុក ដោយព្រមានបិទការនាំចូលពីថៃ

សម្តេចតេជោ ហ៊ុន សែន ប្រធានព្រឹទ្ធសភា បានអំពាវនាវឱ្យប្រជាពលរដ្ឋខ្មែរងាកមកប្រើប្រាស់ បន្លែផ្លែ ឈើក្នុងស្រុកវិញ ដោយព្រមានបិទការនាំចូលបន្លែផ្លែឈើពីប្រទេសថៃ ប្រសិនបើយោធាថៃ មិនព្រមផ្លាស់ប្ដូរ ការសម្រេចចិត្តក្នុងបិទច្រកព្រំដែននោះ ។សម្តេចតេជោ ហ៊ុន សែន ប្រធានព្រឹទ្ធសភា នៅព្រឹកថ្ងៃទី១៦ ខែមិថុនានេះ មុនដឹកនាំកិច្ចប្រជុំពេញ អង្គព្រឹទ្ធសភា បានឆ្លៀតឱកាសផ្ញើសារពិសេសជូនជនរួមជាតិ ដោយបានបញ្ជាក់ថា ប្រើសិនបើភាគីថៃ មិន បើកព្រំដែនវិញនៅថ្ងៃនេះ កម្ពុជានឹងលែងឱ្យមានការនាំចូលទំនិញគ្រប់ ប្រភេទ ពិសេសគឺបន្លែផ្លែឈើ។សម្ដេចតេជោ ហ៊ុន សែន បានអំពាវនាវដល់ប្រជាពលរដ្ឋខ្មែរ អ្នកលក់ផលិតផលខ្មែរ ក្នុង កាលៈទេសៈនេះ កុំដំឡើងថ្លៃទំនិញរបស់ខ្មែរ បើសិនជាមានការបិទលែងឱ្យនាំទំនិញ ពីប្រទេសថៃចូលមក។របាយការណ៍របស់ក្រសួងពាណិជ្ជកម្ម បានឱ្យដឹងថា នៅឆ្នាំ២០២៤ កម្ពុជា នាំទំនិញទៅថៃ មាន តម្លៃជាង ១.១ពាន់លានដុល្លារ ឯការនាំចូលពីថៃ មានតម្លៃជាង ៥.២ពាន់លានដុល្លារ ពោលគឺការនាំចូលពីថៃ ច្រើនជាង៤.១ពាន់លានដុល្លារ។ សម្រាប់រយៈពេល៥ខែឆ្នាំ២០២៥នេះ កម្ពុជា នាំចេញទៅថៃ មានជាង ២០០លានដុល្លារ ឯការនាំចូលពីថៃ មានជាង១.៥ពាន់លានដុល្លារ៕អត្ថបទ៖ ទូច សោភ័ណ

រោងចក្រ និងក្រុមហ៊ុនជាច្រើននៅកម្ពុជា បន្តប្រកាសជ្រើសរើសកម្លាំងពលកម្មលើគ្រប់វិស័យ

គិតត្រឹមថ្ងៃទី១៦ ខែមិថុនានេះ បណ្តាក្រុមហ៊ុន រោងចក្រ សហគ្រាសនៅកម្ពុជា បានប្រាប់ឱ្យដឹងថា ដោយសារការរីកចម្រើនពីមួយថ្ងៃទៅមួយថ្ងៃ ដូច្នេះតម្រូវការជ្រើសរើសកម្លាំងពលកម្ម ក៏កាន់តែមានភាពចាំបាច់ដើម្បីបម្រើការងារដែលខ្វះខាត។លោកស្រី កៅ ពិជ្ជរ៉ា បុគ្គលិកផ្នែកធនធានមនុស្ស នៃធនាគារកាណាឌីយ៉ា នៅក្នុងបទសម្ភាសន៍ជាមួយព័ត៌មាន ប៊ីធីវី បានលើកឡើងឱ្យដឹងថា ដើម្បីឆ្លើយតបតម្រូវការកើនឡើង និងខណៈធនាគារបានកំពុងពង្រីកសាខាជាច្រើនថែមទៀត ដើម្បីបំពេញតម្រូវការរបស់អតិថិជន ដូច្នេះតម្រូវការជ្រើសរើសបុគ្គលិកនៅតែបន្តមាន ទាំងនៅស្នាក់កណ្តាលរាជធានីភ្នំពេញ និងស្នាក់ការតាមបណ្តាខេត្ត ក្នុងនោះត្រូវការបុគ្គលិកខាងផ្នែកលក់ ផ្នែកទំនាក់ទំនង និងផ្នែកបច្ចេកវិទ្យាជាដើម។ស្រដៀងគ្នាលើនេះ លោកផង់ សូដាន់ណារ៉ា មន្រ្តីផ្នែកជ្រើសរើសបុគ្គលិក របស់ក្រុមហ៊ុន មីនេបៀ (ខេមបូឌា) ដែលជារោងចក្រផលិតបំណែកគ្រឿងបង្គុំ និងអ្នកនាង ស្រ៊ិន ច័ន្ទបូរមី បុគ្គលិកសមាគមស្បែកជើងកម្ពុជា បានឱ្យ ប៊ីធីវី ដឹងដែរថា នៅក្នុងវិស័យឧស្សាហកម្មរោងចក្រសព្វថ្ងៃនេះ ជាកាពិត នៅតែមានតម្រូវការកម្លាំងពលកម្មជាច្រើនកន្លែង និងនៅទូទាំងប្រទេស ដោយសាររោងចក្រមានការពង្រីកអគារ ក៏ដូចជាសង្វាក់ផលិតកម្ម។ ក្នុងនោះសម្រាប់អ្នកមិនចេះសោះក៏ទទួលដែរ ដោយសាររោងចក្រមានការបង្រៀនមុនអនុញ្ញាតចូលបំពេញការងារ។ ពួកគាត់ បានឲ្យដឹងទៀតថា ចំពោះប្រាក់ខែដែលកម្មករនិយោជិត នឹងទទួលបាន រួមមានប្រាក់ឈ្នួលអប្បបរមា បូកបន្ថែមជាមួយអត្ថប្រយោជន៍ផ្សេងៗ មានដូចជា ប្រាក់រង្វាន់ធ្វើការទៀងទាត់ ប្រាក់ថ្លៃបាយ និងប្រាក់ស្នាក់នៅនិងធ្វើដំណើរជាដើម ដែលនឹងទទួលបានទៅតាមជំនាញ និងមុខតំណែងនីមួយៗ។ពាក់ព័ន្ធវិស័យការងារនេះ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍បញ្ជាក់ថា គិតត្រឹមទី១៤ ខែមិថុនា ឆ្នាំ២០២៥ សហគ្រាស គ្រឹះស្ថាននានានៅប្រទេសកម្ពុជាមានតម្រូវការកម្លាំងពលកម្មប្រមាណជាង ២៣ម៉ឺនកន្លែង។ ឯកឧត្តម បានបញ្ជាក់បន្ថែមទៀតថា ដើម្បីឆ្លើយតបតម្រូវការកម្លាំងពលកម្ម ជាពិសេសកម្លាំងជំនាញ រាជរដ្ឋាភិបាលកម្ពុជា បានយកចិត្តទុកដាក់ខ្ពស់ណាស់ក្នុងការបណ្តុះបណ្តាលធនធានមនុស្សឱ្យប្រកបដោយគុណភាព ជាពិសេសតាមរយៈកម្មវិធីបណ្តុះបណ្តាលជំនាញបចេ្ចកទេស និងវិជ្ជាជីវៈ ដល់យុវជនមកពីគ្រួសារក្រីក្រ និងងាយរងហានិភ័យ ១លាន ៥សែននាក់ ដោយឥតគិតថ្លៃ ថែមទាំងទទួលបានប្រាក់ឧបត្ថម្ភប្រចាំខែផងដែរ។ដើម្បីចូលរួមចំណែកក្នុងការអភិវឌ្ឍមូលធនមនុស្ស ស្របតាមយុទ្ធសាស្រ្តបញ្ចកោណ និងការតម្រង់ទិសគោលនយោបាយនានារបស់រាជរដ្ឋាភិបាល ដោយធានាថា ពលរដ្ឋម្នាក់មានជំនាញមួយយ៉ាងតិចប្រចាំជីវិត និងអនុវត្តតាមអភិក្រមរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា គឺសិស្សត្រូវ “រៀនឱចប់ រៀនឱ្យចេះ ឱ្យមានការងារ” ៕ អត្ថបទ៖ ឈិត បូរ៉ាវី

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញជាអធិបតីក្នុងព្រះរាជពិធីបុណ្យចម្រើនព្រះជន្មវឌ្ឍនមង្គលគម្រប់ ៨៩ យាងចូល ៩០ ព្រះវស្សា សម្ដេចព្រះមហាក្សត្រី ព្រះវររាជមាតាជាតិខ្មែរ

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញជាអធិបតីភាពដ៏ខ្ពង់ខ្ពស់ ក្នុងព្រះរាជពិធីបុណ្យចម្រើនព្រះជន្មវឌ្ឍនមង្គលគម្រប់ ៨៩ យាងចូល ៩០ ព្រះវស្សា នៃសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូ និងសុភមង្គល ព្រះប្រធានកិត្តិយស កាកបាទក្រហមកម្ពុជា ជាទីគោរពសក្ការៈដ៏ខ្ពង់ខ្ពស់ជាទីបំផុតនៅឯទីស្នាក់ការកណ្តាលកាកបាទក្រហមកម្ពុជា រាជធានីភ្នំពេញ។សូមព្រះបរមរាជានុញ្ញាតថ្វាយព្រះសព្ទសាធុការពរជ័យចំពោះ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូ និងសុភមង្គល សូមទ្រង់បានសមប្រកបដោយនូវ ព្រះរាជសុខភាពល្អបរិបូរណ៍ ព្រះកាយពលមាំមួនខ្លាំងក្លា ព្រះបញ្ញាញាណភ្លឺថ្លាវាងវៃ ព្រះជន្មាទីឃាយុយឺនយូរជាងរយព្រះវស្សា ដើម្បីបានគង់ប្រថាប់ជាមហាម្លប់ដ៏សែនត្រជាក់ត្រជំសម្រាប់ប្រជានុរាស្រ្ត ជាកូន ចៅ ចៅទួតរបស់ព្រះអង្គជ្រកកោនក្នុងក្តីសុខក្សេមក្សាន្តជានិច្ចជានិរន្តរ៍តរៀងទៅ៕

សម្ដេចតេជោ៖ កម្ពុជាប្ដឹង ICJ ព្រោះកម្ពុជាដឹងច្បាស់ថា តំបន់វិវាទជាមួយថៃនោះមិនអាចដោះស្រាយបានទេ

ក្នុងឱកាសថ្លែងសារពិសេសជូនជនរួមជាតិ ក្នុងសម័យប្រជុំពេញអង្គលើកទី៣ ព្រឹទ្ធសភា នៅព្រឹកថ្ងៃទី១៦ ខែមិថុនា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធនៃកម្ពុជា បានបញ្ជាក់ថា មូលហេតុដែលកម្ពុជាបញ្ជូនករណីវិវាទព្រំដែនកម្ពុជា-ថៃ នៃ តំបន់ទាំងបួន៖ បញ្ហាវិវាទព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការ ICJ ព្រោះកម្ពុជាបានដឹងច្បាស់ថាតំបន់នេះនឹងមិនអាចដោះស្រាយជាមួយភាគីថៃបានទេ។រាជរដ្ឋាភិបាលកម្ពុជា នៅថ្ងៃទី១៥ មិថុនា ឆ្នាំ២០២៥ បានបញ្ជូនលិខិតជាផ្លូវការទៅកាន់តុលាការយុត្តិធម៌អន្តរជាតិ (ICJ) ដើម្បីជួយស្វែងរកដំណោះស្រាយពាក់ព័ន្ធទៅនឹងបញ្ហាវិវាទព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី។ ការប្ដឹងទៅតុលារការ ICJ គឺកម្ពុជាជ្រើសរើសយកការដោះស្រាយ ដោយសន្តិវិធី ផ្អែកលើច្បាប់អន្តរជាតិ តាមរយៈយន្តការតុលាការយុត្តិធម៌អន្តរជាតិ ICJ សម្រាប់ការដោះស្រាយបញ្ហាព្រំដែននៅតំបន់ដែលមានលក្ខណៈស្មុគស្មាញខ្លាំង និងមានហារនិភ័យខ្ពស់នៃជម្លោះប្រដាប់អាវុធ ហើយដែលយន្តការទ្វេភាគីមិនអាចដោះស្រាយចប់ ដូចជានៅតំបន់ប្រាសាទព្រះវិហារកាលពីជាង ៦០ ឆ្នាំមុន និងតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី នាពេលបច្ចុប្បន្ន។ សូមបញ្ជាក់ថា ចំពោះលិខិតផ្លូវការរបស់កម្ពុជា ប្ដឹងទៅតុលារការ ICJ ក្រសួងការបរទេស និងកិច្ចសហប្រតិបត្តិការអន្តរជាតិ បានចាត់តាំងមន្ត្រីមួយរូបធ្វើដំណើរតាមយន្តហោះ ដើម្បីនាំយកលិខិតនេះដោយផ្ទាល់ទៅប្រគល់ជូនស្ថានឯកអគ្គរាជទូតកម្ពុជាប្រចាំប្រទេសហូឡង់ ដែលមាននិវេសនដ្ឋាននៅទីក្រុងព្រូសែល ប្រទេសប៊ែលហ្សិក។ នៅថ្ងៃចន្ទទី១៦ ខែមិថុនានេះ ស្ថានឯកអគ្គរាជទូតកម្ពុជាប្រចាំប្រទេសហូឡង់បានប្រគល់ដោយផ្ទាល់ដៃទៅតុលាការយុត្តិធម៌អន្តរជាតិ (ICJ) នៅទីក្រុងឡាអេ៕ អត្ថបទ៖ វ៉ន ដារ៉ា

សម្ដេចតេជោ៖ កម្ពុជាមិនខ្វះអាវុធ ឬកម្លាំងទ័ពវ៉ៃគ្នាទេ ប៉ុន្ដែកម្ពុជាមិនចង់វ៉ៃ តែត្រឹមតែការពារខ្លួនប៉ុណ្ណោះ

ក្នុងឱកាសថ្លែងសារពិសេសជូនជនរួមជាតិ ក្នុងសម័យប្រជុំពេញអង្គលើកទី៣ ព្រឹទ្ធសភា នៅព្រឹកថ្ងៃទី១៦ ខែមិថុនា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធនៃកម្ពុជា បានបញ្ជាក់ថា កម្ពុជាមិនមែនខ្វះអាវុធឬកម្លាំងទ័ពដើម្បីប្រយុគ្នាទេ ប៉ុន្ដែកម្ពុជាមិនចងច្បាំងគ្នាជាមួយអ្នកណាទេ ប៉ុន្ដែកម្ពុជាបានត្រៀមលក្ខណៈគ្រប់គ្រាន់ក្នុងការការពារខ្លួនពីការឈ្លានពានរបស់ប្រទេសដទៃ។ សម្ដេចតេជោ បានថ្លែងថា តាមរយៈការបង្ហាញរបស់ក្រុមយោធាជ្រុលនិយមថៃ បានបង្ហាញយ៉ាងច្បាស់ថា ភាគីថៃចង់ប្រយុទ្ធគ្នាជាមួយកម្ពុជា ជាជាងទៅរកការដោះស្រាយតាមផ្លូវតុលាការ។ សម្ដេចបន្ថែមថាកម្ពុជាមិនចងច្បាំងគ្នាជាមួយប្រទេសណាទេ ដូច្នេះហើយទើបកម្ពុជាជ្រើសរើសយកដំណោះស្រាយសន្ដិភាព តាមរយៈការចរចា និងការអនុវត្តច្បាប់ ប្ដឹងទៅតុលាការយុត្តិធម៌អន្តរជាតី ICJ។សូមបញ្ជាក់ថា នៅថ្ងៃទី ១៥ មិថុនា ឆ្នាំ២០២៥ រាជរដ្ឋាភិបាលកម្ពុជាបានបញ្ជូនលិខិតជាផ្លូវការទៅកាន់តុលាការយុត្តិធម៌អន្តរជាតិ (ICJ) ដើម្បីជួយស្វែងរកដំណោះស្រាយពាក់ព័ន្ធទៅនឹងបញ្ហាវិវាទព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី។ តាមរយៈការអនុវត្តនេះ កម្ពុជាត្រូវការតែយុត្តិធម៌ ភាពត្រឹមត្រូវ និងច្បាស់លាស់មួយ ក្នុងការកំណត់ខ្សែរព្រំដែនជាមួយប្រទេសជិតខាង ដើម្បីកុំអោយកូនចៅជំនាន់ក្រោយនៅបន្តមានបញ្ហាមិនចេះចប់ជាមួយគ្នា៕

សម្ដេចតេជោ៖ កម្ពុជាទុកពេល២៤ម៉ោងឱ្យថៃ បើកច្រកព្រំដែនវិញ បើមិនបើកកម្ពុជានឹងបិទការនាំចូលបន្លែ ផ្លែឈើពីថៃ

ក្នុងឱកាសថ្លែងសារពិសេសជូនជនរួមជាតិ ក្នុងសម័យប្រជុំពេញអង្គលើកទី៣ ព្រឹទ្ធសភា នៅព្រឹកថ្ងៃទី១៦ ខែមិថុនា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធនៃកម្ពុជា បានបញ្ជាក់ថា កម្ពុជាពន្យាពេល ២៤ ម៉ោងឲ្យភាគីថៃ បើកច្រកព្រំដែនជាឯកតោភាគីឲ្យដូចដើមវិញ បើមិនដូច្នោះទេ កម្ពុជានឹងបិទការនាំចូលទំនិញ បន្លែ ផ្លែឈើទាំងអស់ជាមួយថៃ។ សម្ដេចតេជោ ហ៊ុន សែន មានប្រសាសន៍ឱ្យដឹងថា លោកជំទាវ ផែថងថាន ស៊ីណាវ៉ាត្រ នាយករដ្ឋមន្រ្តីថៃ បានទំនាក់ទំនងមកជជែកពិភាក្សាជាមួយសម្ដេច និងសម្ដេចនាយករដ្ឋមន្រ្ដីអំពីបញ្ហាការបិទព្រំដែននេះ ដើម្បីស្វែងរកការចរចា ប៉ុន្ដែសម្ដេចតេជោ បានបញ្ជាក់ថា កម្ពុជាមិនត្រូវការ ការចរចានោះទេ ពីព្រោះរឿងបិទព្រំដែននេះ គឺភាគីយោធាថៃជាអ្នកចាប់ផ្ដើមមុន ជាអ្នកបិទមុនជាឯកតោភាគី ដូច្នេះភាគីថៃក៏ត្រូវបើកវិញជាឯកតោភាគីដោយមិនចាំបាច់មានការចរចានោះដែរ។ តាមរយៈការថ្លែងសារពិសេសនេះ សម្ដេចតេជោ ហ៊ុន សែន បានបញ្ជាក់ធ្ងន់ៗថា ចំពោះបញ្ហាដែលបានកើតឡើងនៅច្រកព្រំដែនកម្ពុជា-ថៃ គឺកើតឡើងពីបញ្ហាផ្ទៃក្នុងរបស់ថៃ កម្ពុជាមិនជ្រៀតជ្រែក និងចង់ចង់យកកិត្តិយសរបស់កម្ពុជាទៅប៉ះពាល់ជាមួយបញ្ហារបស់ថៃនោះទេ ក៏ប៉ុន្ដែសម្រាប់បញ្ហាច្រកព្រំដែនកម្ពុជា-ថៃនេះគឺយោធាថៃជាអ្នកបិទ ដូច្នេះយោធាថៃត្រូវតែជាអ្នកបើកដោយខ្លួនឯង, បន្ទាប់ទៅកម្ពុជានឹងសម្រួលឱ្យបើកដូចដើមវិញដែរ៕ អត្ថបទ៖ វ៉ន ដារ៉ា

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសថ្លែងសារពិសេសជូនជនរួមជាតិ សម័យប្រជុំពេញអង្គលើកទី៣ ព្រឹទ្ធសភា នីតិកាលទី៥

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ថ្លែងសារពិសេសជូនជនរួមជាតិ ក្នុងសម័យប្រជុំពេញអង្គលើកទី៣ ព្រឹទ្ធសភា នីតិកាលទី៥ នៅព្រឹកថ្ងៃចន្ទ ៦រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែមិថុនា ឆ្នាំ២០២៥- សម្ដេចតេជោ ហ៊ុន សែន មានប្រសាសន៍ថា សម្ដេចនឹងអញ្ជើញថ្លែងសារពិសេសចំនួន ៣ គឺទី១ សារទៅកាន់ពលករកម្ពុជានៅថៃ, ទី២ សារពីករណីច្រកព្រំដែនអន្តរជាតិកម្ពុជាថៃ និងទី៣ សារអំពីបណ្តឹងរបស់កម្ពុជាទៅកាន់តុលាការ ICJ ។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖-សម្ដេចតេជោ៖ ការរើងអើងជាតិសាន៍នៅក្នុងប្រទេសថៃ កំពុងឡើងកម្ដៅ ដូច្នេះពលរដ្ឋខ្មែរ ពិសេសពលករ គួរវិលត្រឡប់មកស្រុកកំណើតវិញ ដើម្បីកុំឱ្យគេប្រមាថ។ បច្ចុប្បន្ន នៅប្រទេសកម្ពុជាមានការងារជាច្រើន កំពុងត្រូវការកម្លាំងពលកម្ម ។-សម្ដេចតេជោ ហ៊ុន សែន បានថ្លែងអំណរគុណដល់សមាគមន៍ធនាគារ និងសមាគមន៍មីក្រូហិរញ្ញវត្ថុ ចំពោះការប្រកាសអនុគ្រោះ និងបន្ធូបន្ថយដល់បងប្អូនពលករខ្មែរដែលវិលត្រលប់ពីថៃមកវិញតាមរយៈការដោះស្រាយលើការបង់ធនាគារ ឬការប្រាក់ជាដើម។ សម្ដេចតេជោ ក៏បានអំពាវនាវដល់បងប្អូនប្រជាពលរដ្ឋខ្មែរដែលវិលត្រលប់ពីថៃមកខ្មែរវិញ សូមខិតខំបំពេញការងារនៅខ្មែរឡើងវិញ ដើម្បីជួយជីវភាព និងគ្រួសារ ខណៈនៅកម្ពុជាកំពុងមានតម្រូវការពលកម្មការងារច្រើន។-សម្ដេចតេជោ ស្នើឱ្យពិនិត្យដោះស្រាយបញ្ហាបំណុលធនាគាររបស់ប្រជាពលរដ្ឋខ្មែរ ដែលវិលមកពីប្រទេស ថៃ ដោយការបន្ធូរបន្ថយការប្រាក់ ឬពន្យាពេលបង់ ជាដើម។ សមាគមធនាគារ និងមីក្រូហិរញ្ញវត្ថុ ត្រូវខិតខំ ជួយស្រោចស្រង់ស្ថានភាពរបស់ពលករខ្មែរ ដែលវិលមកស្រុកវិញ។-សម្ដេចតេជោ ហ៊ុន សែន អំពាវានាវដល់បងប្អូនប្រជាពលករខ្មែរត្រលប់មកស្រុកកំណើតវិញ ខណៈកម្ពុជាកំសត់ណាស់ទៅហើយ ដូច្នេះសូមបងប្អូនប្រជាពលករខ្មែរកំពុងធ្វើការងារនៅថៃ សូមត្រលប់មកកម្ពុជាវិញ កុំចាំទាល់តែគេដេញ ឬប្រមាថយើង។-សម្ដេចតេជោ៖ ពលរដ្ឋថៃ កុំបន្ទោសកម្ពុជាចំពោះការបិទច្រកដូង បិទការនាំចូលបន្លែផ្លែឈើមកកម្ពុជា គួរ តែបន្ទោសពួកទាហានរបស់ខ្លួនចុះ ។-សម្ដេចតេជោ ហ៊ុន សែន បានណែនាំឱ្យពលរដ្ឋខ្មែរ អ្នកមានលទ្ធភាព ខិតខំប្រមូលទិញផលិតផល បន្លែ ផ្លែឈើ របស់កសិករខ្មែរ យកទៅចែកជូនកងទ័ពជួរមុខ ឬអង្គការ សមាគមន៍មើលថែកុមារកំព្រាជាដើម ខណៈសម្ដេចបានបញ្ជាក់ថា បើថៃមិនបើកព្រំដែនវិញនៅថ្ងៃនេះ កម្ពុជានឹង លែងឱ្យមានការនាំបន្លែ និងផ្លែឈើពីថៃចូលកម្ពុជា។- សម្ដេចតេជោ ហ៊ុន សែន បញ្ជាក់ថា កម្ពុជាមានលទ្ធភាពចំពោះការបិទមិនឱ្យការនាំទំនិញថៃមកប្រើប្រាស់នៅកម្ពុជា គឺជាលទ្ធភាពខ្ពស់ ប្រសិនបើច្រកព្រំដែនមិនត្រូវបានថៃឱ្យប្រើប្រាស់ជាឯកតោភាគីឱ្យប្រើប្រាស់ឡើងវិញ។-សម្ដេចតេជោ ហ៊ុន សែន៖ អំពាវនាវដល់ប្រជាពលរដ្ឋខ្មែរ អ្នកលក់ផលិតផលខ្មែរ សូមកុំដំឡើងថ្លៃទំនិញរបស់ខ្មែរ បើសិនជាមានការបិទលែងឱ្យនាំទំនិញពីថៃចូលមកកម្ពុជា។- សម្ដេចតេជោ ហ៊ុន សែន ប្រកាសទទួលខុសត្រូវចំពោះនិស្សិតខ្មែរដែលកំពុងសិក្សានៅថៃ ឱ្យមកសិក្សានៅកម្ពុជាវិញ បើសិនជាថៃធ្វើទុក្ខបុកម្នេញមិនឱ្យបានសិក្សារៀនសូត្រ។- សម្ដេចតេជោ ហ៊ុន សែន អំពាវនាវដល់ប្រជាជនខ្មែរដែលទៅព្យាបាលជំងឺនៅថៃ បើសិនជាភាគីថៃមិនព្យាបាលឱ្យសូមត្រលប់មកព្យាបាលនៅខ្មែរវិញកុំបន្តព្យាបាលនៅថៃ។-សម្ដេចតេជោ ហ៊ុន សែន បញ្ជាក់ថា មូលហេតុដែលកម្ពុជាបញ្ជូនករណីវិវាទព្រំដែនកម្ពុជា-ថៃ នៅតំបន់ទាំងបួនទៅ តុលាការ ICJ ព្រោះកម្ពុជា បានដឹងច្បាស់ថា តំបន់នេះនឹងមិនអាចដោះស្រាយជាមួយភាគីថៃបានទេ។- សម្ដេចតេជោ ហ៊ុន សែន បានបញ្ជាក់ថា កម្ពុជាមិនមែនខ្វះអាវុធ ឬខ្វះកម្លាំងដើម្បីវ៉ៃគ្នាទេ ប៉ុន្ដែកម្ពុជាមិនចង់វ៉ៃជាមួយអ្នកណាទេ ហើយកម្ពុជាត្រឹមតែការពារខ្លួនប៉ុណ្ណោះ។- សម្ដេចតេជោ ហ៊ុន សែន បញ្ជាក់ថា អ្នកណាក៏ដោយដែលគេចវេះពីតុលាការ មានន័យថា អ្នកនោះមានពិរុទ្ធភាព និយាយឱ្យខ្លី មានតែចោរទេ ដែលខ្លាចតុលាការ។-សម្ដេចតេជោ ហ៊ុន សែន អំពាវនាវដល់បណ្ដាប្រទេសដែលមិនចង់ឱ្យមានសង្គ្រាម ស្រឡាញ់សន្ដិភាព សូមគាំទ្រដល់កម្ពុជា ចំពោះការប្ដឹងវិវាទព្រំដែនកម្ពុជា-ថៃ ទៅតុលាការយុត្តិធម៌អន្តរជាតិ ICJ។-សម្ដេចតេជោ៖ កម្ពុជាអះអាងជាថ្មីថា សាលដីកាតុលាការអន្តរជាតិ កម្ពុជានឹងព្រមតាម ដែលជាវិធីល្អនៃ ការដោះស្រាយដោយសន្តិភាព ព្រោះបើប្រយុទ្ធគ្នាដណ្ដើមយកទឹកដី តើនឹងបូជាសាច់ឈាមអស់ប៉ុន្មាន!។- សម្ដេចតេជោ ហ៊ុន សែន អំពាវនាវដល់បងប្អូននៅក្នុងប្រទេស ដែលមានសាច់ញាតិទៅធ្វើការឬរស់នៅប្រទេសថៃ ជួយហៅសាច់ញាតិត្រលប់មកកម្ពុជាវិញ ខណៈរាជរដ្ឋាភិបាលបានត្រៀមសម្របសម្រួល រថយន្តក្រុង និងអាហារសម្រាប់ផ្ដល់ជូនដល់បងប្អូនពេលត្រលប់មកកម្ពុជាវិញ។-សម្ដេចតេជោ ហ៊ុន សែន ផ្ដាំទៅក្រុមយោធាជ្រុលនិយមថៃ ស្គាល់សម្ដេចឱ្យច្បាស់ ខណៈព្រះករុណា ព្រះមហាក្សត្រខ្មែរបានប្រោសព្រះរាជទាន គោរមងារ «សម្ដេចតេជោ» ជូនដល់សម្តេច គឺមិនមែនជារឿងចៃដន្យនោះទេ។-សម្ដេចតេជោ៖ កម្ពុជា មិនមែនជាចេកដែលងាយស្រួលទទួលទាននោះទេ។ អ្នកឯងមើលកម្ពុជាខុសហើយ កុំភាន់ច្រឡំឡើយ។-សម្ដេចតេជោ៖ ផែនទីឯកតោភាគីណាមួយ កម្ពុជាមិនត្រូវបានទទួលស្គាល់នោះទេ កម្ពុជាទទួលស្គាល់ផែនទីកិច្ចព្រមព្រៀងបារាំងសៀមឆ្នាំ១៩០៧ជាផែនទីស្របច្បាប់ ដែលអន្តរជាតិទទួលស្គាល់។

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភាលើរបៀបវារៈមួយចំនួន

ភ្នំពេញ៖ នៅព្រឹកថ្ងៃទី១៦ ខែមិថុនា ឆ្នាំ២០២៥នេះ នៅវិមានព្រឹទ្ធសភា សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដែលមានរបៀបវារៈមួយចំនួន។របៀបវារៈទាំងនោះរួមមាន៖១-ពិនិត្យ និងសម្រេចលើសំណើរបស់គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជាឱ្យបណ្តាក្រុមហ៊ុនវិនិយោគអភិវឌ្ឍថាមពលអគ្គិសនី ចំនួន ២៤ច្បាប់ ទៅក្នុងរបៀបវារៈសម័យប្រជុំលើកទី៣ ព្រឹទ្ធសភានីតិកាលទី៥។២-ពិនិត្យ និងសម្រេចលើសំណើរបស់គណៈកម្មការផែនការ នវិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃព្រឹទ្ធសភា សុំដាក់សេចក្តីព្រាងច្បាប់ស្តីពីជលផល ទៅក្នុងរបៀបវារៈសម័យប្រជុំលើកទី៣ ព្រឹទ្ធសភានីតិកាលទី៥។៣-ពិនិត្យ និងសម្រេចលើការបោះឆ្នោតជ្រើសរើសបំពេញសមាជិកគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន នៃព្រឹទ្ធសភា និងគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា ទៅក្នុងរបៀបវារៈសម័យប្រជុំលើកទី៣ ព្រឹទ្ធសភានីតិកាលទី៥។៤-កំណត់កាលបរិច្ឆេទ និងរបៀបវារៈបន្តសម័យប្រជុំលើកទី៣ ព្រឹទ្ធសភានីតិកាលទី៥។៥-ផ្សេងៗ៕

សម្តេចធិបតីប្រាប់ឲ្យក្រសួង ស្ថាប័នពាក់ព័ន្ធ ជួយសម្រួលដល់ពលករខ្មែរ ដែលចង់វិលមកស្រុកវិញ ទោះបីមានឯកសារ ឬមិនមានក្តី

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី១៦ ខែមិថុនា ឆ្នាំ២០២៥នេះបានចេញសារពិសេសខ្លីមួយ ដោយណែនាំដល់ក្រសួង-ស្ថាប័នពាក់ព័ន្ធ និងអាជ្ញាធររាជធានី-ខេត្តទាំងអស់ ធ្វើយ៉ាងណាផ្តល់សេវា និងធ្វើការសម្របសម្រួលចាំបាច់នានា ជូនដល់បងប្អូនពលករខ្មែរ ដែលមានបំណងត្រឡប់មកកម្ពុជាវិញ បើទោះបីជាពួកគាត់មានឯកសារ ឬមិនមានឯកសារត្រឹមត្រូវក៏ដោយនោះ។តាមរយៈសារដែលបានបង្ហោះក្នុងបណ្តាញសង្គមហ្វេសបុក និងឆាណែលតេលេក្រាមនោះ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថា ឲ្យតែបងប្អូនប្រជាពលរដ្ឋខ្មែរ បើទោះបីជាពួកគាត់មាន ឬគ្មានឯកសារក្តី គឺត្រូវតែជួយសម្របសម្រួលឲ្យពួកគាត់វិលត្រឡប់មកវិញ ហើយដរាបណាដែលពួកគាត់វិលត្រឡប់មកវិញយ៉ាងកំហុកនោះ គឺត្រូវយករថយន្តដឹកពួកគាត់ដោយឥតគិតថ្លៃដល់ស្រុកកំណើតផងដែរ។សម្តេចធិបតី បានបញ្ជាក់ថា«ជូនឯកឧត្តម ប្រាក់ សុខុន ឯកឧត្តម ហេង សួរ ដោយមានការសំណូម ពរ និងសំណើរជាច្រើនរបស់បងប្អូនពលករយើង ដែលកំពុងរស់នៅ និងធ្វើការនៅប្រទេសថៃ ដែលចង់ វិលត្រឡប់មកកម្ពុជារបស់យើង ដោយបងប្អូនខ្លះមានបញ្ហាឯកសារ អញ្ចឹងហើយសូមឯកឧត្តមឲ្យគោលការណ៍ទៅស្ថានទូតរបស់យើងនៅថៃ នៅទីក្រុងបាងកក ក៏ដូចជាកុងស៊ុលរបស់យើងនៅខេត្តស្រះកែវ និង នៅកន្លែងផ្សេងៗទៀតដែលមានកុងស៊ុល គឺធ្វើយ៉ាងណាឲ្យសម្រួលឯកសារឲ្យគាត់ ដើម្បីបានប្រឡប់មក វិញ ហើយទីប្រឹក្សាពលកររបស់យើងនៅទីនោះក៏ខិតខំសហការជាមួយស្ថានទូត ដើម្បីជួយសម្រួលដល់ បងប្អូនដែលត្រូវត្រឡប់មកកម្ពុជាវិញ»។ជាមួយគ្នានោះដែរ សម្តេចធិបតី ហ៊ុន ម៉ាណែត ក៏បានប្រាប់ដល់រដ្ឋមន្រ្តីក្រសួងការងារ និងបណ្តុះ បណ្តាលវិជ្ជាជីវៈ ខណៈដែលបងប្អូនពលករខ្មែរវិលត្រឡប់មកកម្ពុជាវិញនោះ គប្បីឆ្លៀត និងភ្ជាប់ពួកគាត់ ជាមួយនឹងឱកាសការងារនៅក្នុងស្រុកដែលកម្ពុជាយើងកំពុងខ្វះកម្លាំងពលកម្មនោះផងដែរ៕អត្ថបទ បាន ចក់

បណ្ដាញសង្គម

ព័ត៌មានថ្មីៗ

ជនប៉ាឡេស្ទីនរាប់ពាន់នាក់ជួបជុំគ្នាទទួលជំនួយនៅភាគខាងជើងតំបន់ហ្កាហ្សា

ក្រសួងការងារ៖ មន្ត្រីជំនាញបានផ្តល់ព័ត៌មានឱកាសការងារ ការបណ្តុះបណ្តាលជំនាញ និងអត្ថប្រយោជន៍ ប.ស.ស. ដល់ពលករជាង ២ពាន់នាក់ នៅច្រកទ្វារព្រំដែនកម្ពុជា-ថៃ ទាំង៦

អាជ្ញាធរមីនរៀបចំបទឧទ្ទេសស្តីពីភាពដឹកនាំប្រកបដោយគុណធម៌ ជូនថ្នាក់ដឹកនាំ មន្រ្តីរាជការ និងបុគ្គលិក ដេីម្បីពង្រឹងសមត្ថភាព សតិអារម្មណ៍ កិច្ចខិតខំប្រឹងប្រែង

មូលធនមនុស្ស គឺមិនមែនមានតែស្មារតី និងសមត្ថភាពនោះទេ ប៉ុន្តែត្រូវមានសីលធម៌ គុណធម៌ ហើយមូលធនមនុស្ស គឺជាមូលដ្ឋានគ្រឹះក្នុងការកសាងឯករាជ្យម្ចាស់ការ និងការអភិវឌ្ឍប្រទេស

វិមានក្រឹមឡាំងហៅ G7 ថា «គ្មានសារប្រយោជន៍» និងស្របជាមួយលោក Trump ជុំវិញកំហុសដករុស្ស៊ី

អ៊ីស្រាអែលព្រមានថា មេដឹកនាំកំពូលអ៊ីរ៉ង់ ប្រឈមនឹងជោគវាសនាដូចលោក Saddam

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877