BTV NEWS

លិចទូកស្មាច់នៅកណ្តាលទន្លេ ក្នុងខណ្ឌជ្រោយចង្វា រកឃើញសពមនុស្ស៣នាក់ ខណៈ៥នាក់ទៀតកំពុងបាត់ខ្លួនក្នុងទឹក

កម្លាំងសមត្ថកិច្ចបើកប្រតិបត្តិការបង្ក្រាបសំបុក Online Scams នៅសង្កាត់អូរបែកក្អមឃាត់ខ្លួនមនុស្ស ៤៩នាក់

មនុស្សប្រុសស្រីពាក់ព័ន្ធករណីបង្កគ្រោះថ្នាក់ចរាចរណ៍នៅខណ្ឌឫស្សីកែវ បណ្តាលឲ្យក្មេងម្នាក់រងរបួសធ្ងន់នឹងត្រូវបញ្ចូនទៅតុលាការទាំង ២នាក់

ជនបរទេស ១,៥៥៦នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងធ្វើការងារស្នាក់នៅខុសច្បាប់

សន្តិសុខ និង សង្គម

ភាពអត់ឃ្លានបានរួមរឹតតំបន់ហ្កាហ្សា ដែលហែកហួរដោយសង្រ្គាម ខណៈកិច្ចចរចាបទឈប់បាញ់បន្តនៅទីក្រុងគែរ

ការប្រយុទ្ធគ្នាខ្លាំង បានធ្វើឲ្យរង្គោះរង្គើតំបន់ហ្កាហ្សាដែលត្រូវបានហ៊ុមព័ទ្ធ កាលពីថ្ងៃពុធ ខណៈទីភ្នាក់ងារផ្តល់ជំនួយជាច្រើន បានព្រមានពីគ្រោះទុរ្ភិក្សខិតចូលជិតមកដល់ និងការចរចាជុំថ្មីត្រូវបានធ្វើឡើងនៅទីក្រុងគែរ ឈានឆ្ពោះទៅរកបទឈប់បាញ់រវាងអ៊ីស្រាអែល និងក្រុមហាម៉ាស និងកិច្ចព្រមព្រៀងដោះលែងចំណាប់ថ្នូរ។ សេតវិមាន បានបញ្ជូនបេសកជនទទួលបន្ទុកតំបន់មជ្ឈិមបូព៌ា លោក ប្រេត មហ្គូក(Brett McGurk) សម្រាប់ការបន្តកិច្ចចរចាថ្មី ដែលរួមមានទាំងអ្នកសម្របសម្រួល និងក្រុមហាម៉ាស មួយថ្ងៃបន្ទាប់ពីសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលអំពាវនាវឱ្យមានបទឈប់បាញ់ ត្រូវបានរារាំងដោយសហរដ្ឋអាមេរិក។ ការព្រួយបារម្ភជាសកល បានរីករាលដាលជុំវិញចំនួនអ្នកស្លាប់ជនស៊ីវិលកើនឡើងខ្ពស់ និងវិបត្តិមនុស្សធម៌ធ្ងន់ធ្ងរ នៅក្នុងសង្រ្គាមដែលបង្កឡើងដោយការវាយប្រហារមិនធ្លាប់មានពីមុនមករបស់ក្រុមហាម៉ាស កាលពីថ្ងៃទី ៧ ខែតុលា ទៅលើប្រទេសអ៊ីស្រាអែល។ ការប្រយុទ្ធ និងភាពចលាចល ម្តងទៀតបានធ្វើឲ្យជាប់គាំងការដឹកជញ្ជូនជំនួយជាបន្តបន្ទាប់ ដើម្បីទៅដល់ជនស៊ីវិលដែលអស់សង្ឃឹមនៅក្នុងតំបន់ហ្កាហ្សា ដែលអង្គការសហប្រជាជាតិ បានព្រមានថា ប្រជាជនចំនួន ២,៤លាននាក់ ស្ថិតនៅលើមាត់ជ្រោះនៃគ្រោះទុរ្ភិក្ស ហើយអាចប្រឈមមុខនឹងការស្លាប់របស់កុមារ។ កម្មវិធីស្បៀងអាហារពិភពលោករបស់អង្គការសហប្រជាជាតិ បាននិយាយថា ទីភ្នាក់ងារនេះត្រូវបង្ខំចិត្ត បញ្ឈប់ការដឹកជញ្ជូនជំនួយនៅភាគខាងជើងតំបន់ហ្កាហ្សា ដោយសារតែ «ភាពចលាចល និងអំពើហឹង្សា » បន្ទាប់ពីក្បួនរថយន្តដឹកទំនិញ បានពើបប្រទះការបាញ់ប្រហារដោយកាំភ្លើង ហើយត្រូវបានក្រុមចោរដណ្តើមយកទំនិញ។ ការវាយប្រហាររបស់អ៊ីស្រាអែលបន្ថែមទៀត បានបន្តបាញ់ផ្លោងទៅលើតំបន់ហ្កាហ្សា ដោយបានសម្លាប់មនុស្ស១១៨នាក់ ក្នុងរយៈពេល ២៤ម៉ោងចុងក្រោយនេះ នេះបើយោងតាមក្រសួងសុខាភិបាលនៅក្នុងដែនដីគ្រប់គ្រងដោយក្រុមហាម៉ាស ដែលធ្វើអោយចំនួនអ្នកស្លាប់សរុបកើនឡើងដល់ ២៩.៣១៣នាក់។

ទាហានរុស្ស៊ីប្រមាណ៦០នាក់ស្លាប់ ក្នុងការវាយប្រហារតាមអាកាសលើទឹកដីអ៊ុយក្រែនភាគខាងកើត

របាយការណ៍មួយចំនួនបាននិយាយថា ទាហានរុស្ស៊ី យ៉ាងហោចណាស់៦០នាក់ បានស្លាប់បន្ទាប់ពីតំបន់កំពុងហ្វឹកហាត់កងទ័ពមួយ ក្នុងប្រទេសអ៊ុយក្រែនភាគខាងកើតដែលរុស្ស៊ីកាន់កាប់ រងការវាយប្រហារដោយមីស៊ីលចំនួន២គ្រាប់។ ប្រភពនានាដែលបានដឹងស្ថានភាពនេះ បានប្រាប់សារព័ត៌មាន BBC ថា ទាហានបានប្រមូលផ្ដុំគ្នានៅទីតាំងនោះក្នុងតំបន់ដូណេតស៍(Donetsk)ដើម្បីទទួលដំណើរមកដល់របស់មេបញ្ជាការជាន់ខ្ពស់មួយរូប។ មន្ត្រីរុស្ស៊ីមួយរូបបានបញ្ជាក់ថា មានការវាយប្រហារមួយបានកើតឡើង ប៉ុន្តែបានហៅរបាយការណ៍ទាំងនោះថាជាការបំផ្លើសទាំងស្រុង។ ការវាយប្រហារនេះ ត្រូវបានគេរាយការណ៍ថាបានកើតមានឡើងប៉ុន្មានម៉ោង មុនពេលលោកប្រធានាធិបតី Vladimir Putin បានជួបរដ្ឋមន្ត្រីការពារជាតិលោក ហ្សើ ហ្គេ សយគូ (Sergei Shoigu)។ របាយការណ៍នានាបាននិយាយថា សមាជិកកងអាវុធហត្ថកងពលតូចទី៣៦ មានមូលដ្ឋាននៅក្នុងតំបន់ត្រានស្បៃកាល់(Transbaikal) នៃដែនដីស៊ីបេរីរបស់រុស្ស៊ី កំពុងរង់ចាំការមកដល់របស់មេបញ្ជាការកងទ័ពលោកឧត្ដមសេនីយ៍ អេឡេក ម៉យសេយ៉េវ(Oleg Moiseyev) នៅទីតាំងហ្វឹកហឺនមួយជិតភូមិទ្រូដូវស្កេ(Trudovske)។ មានសេចក្ដីរាយការណ៍ថាកងទ័ពទាំងនោះត្រូវបានរងការវាយប្រហារដោយមីស៊ីលចំនួន២គ្រាប់ បាញ់ចេញពីប្រព័ន្ធបាញ់មីស៊ីល ហ៊ីម៉ាស់ (HIMARS)ផលិតដោយសហរដ្ឋអាមេរិក។ យ៉ាងណាក៏ដោយ ទូរទស្សន៍ BBC កំពុងព្យាយាមផ្ទៀងផ្ទាត់វីដេអូនេះ ដែលបង្ហាញពីសាកសពទាហានដេកស្លាប់រណូករណែលលើវាលស្មៅ៕

បុគ្គលិកសហជីព ចេញធ្វើបាតុកម្ម នៅប្រទេសប៉េរូ ទាមទារប្រាក់ឈ្នួលខ្ពស់ជាងនេះ និងបោះឆ្នោតប្រធានាធិបតីថ្មី

បុគ្គលិកសហជីពរាប់រយនាក់ មកពីសហព័ន្ធបុគ្គលិកទូទៅប្រទេសប៉េរូ បានចេញធ្វើបាតុកម្ម នៅទីក្រុងលីម៉ា កាលពីថ្ងៃពុធ និងបានធ្វើដំណើរទៅកាន់អគារសភា ទាមទារឲ្យដំឡើងប្រាក់ឈ្នួលខ្ពស់ជាងនេះ និងមានការបោះឆ្នោតប្រធានាធិបតីថ្មី។បាតុករម្នាក់ បាននិយាយថា បុគ្គលិកជាច្រើន កំពុងទាមទារការដំឡើងប្រាក់ឈ្នួលអតិបរមា ដែលបច្ចុប្បន្នត្រូវបានកំណត់ត្រឹមតែជិត២៧០ដុល្លារ ដោយសារតែតម្លៃទំនិញហក់ឡើងខ្ពស់ កំពុងធ្វើឲ្យប៉ះពាល់ដល់ជីវភាពរស់នៅរបស់ប្រជាជនប៉េរូ។ ដោយមានកាន់ស្លាកសញ្ញា និងទង់ជាតិព៏ណ៌ក្រហម បុគ្គលិកទាំងអស់ បានអំពាវនាវឲ្យមានការបោះឆ្នោតសកល ដោយនិយាយថាប្រធានាធិបតីបច្ចុប្បន្ន លោកស្រី ឌីណា បូលូអាតេ(Dina Boluarte) មិនត្រូវបានទទួលស្គាល់ ជាប្រធានាធិបតីដោយសំឡេងភាគច្រើននោះទេ។កាលពីពេលមុន ក្រុមអ្នកតវ៉ាជាច្រើន បានចេញធ្វើបាតុកម្ម នៅទូទាំងប្រទេសប៉េរូ ដោយទាមទារការលាលែងពីតំណែងរបស់ប្រធាធិបតី លោកស្រី Dina Boluarte ចាប់តាំងពីការចូលកាន់តំណែងរបស់លោកស្រី បន្ទាប់ពីការបណ្តេញចេញ និងឃុំខ្លួន អតីតប្រធានាធិបតី លោក ផេដ្រូ កាស្ទីឡូ(Pedro Castillo) ។

នាយករដ្ឋមន្ត្រីបារាំង លោកហ្កាប្រ៊ីយ៉េល អាតាល់ សន្យាបង្កើតច្បាប់តម្លៃថ្មីដើម្បីបន្សាបកំហឹងកសិករ

លោកនាយករដ្ឋមន្ត្រីបារាំងហ្គាប្រ៊ីយ៉េល អាតាល់(Gabriel Attal)បាននិយាយកាលពីថ្ងៃពុធ២១កុម្ភៈថារដ្ឋាភិបាលបារាំង នឹងត្រូវរៀបចំនៅរដូវក្ដៅនេះ អំពីច្បាប់ថ្មីផ្ដល់ការការពារកាន់តែប្រសើរដល់ប្រាក់ចំណូលនិងការពង្រឹងជំហរបស់ប្រជាកសិករក្នុងការចរចាជាមួយក្រុមអ្នកលក់រាយនិងក្រុមហ៊ុន។លោក អាតល់ បានប្រកាសពីការធ្វើបច្ចុប្បន្នភាពនូវអ្វីដែលហៅថាជាច្បាប់ អ៊ីហ្គាលីម (Egalim)នៅក្នុងសុន្ទរកថាចុងក្រោយរបស់លោក បំណងបន្ធូរបន្ថយភាពតានតឹងជាមួយប្រជាកសិករដែលពោពេញដោយកំហឹង មុនពេលព្រឹត្តិការណ៍ដាក់បង្ហាញផលិតផលកសិកម្មប្រចាំឆ្នាំសាឡន ឌឺ អ៊ី អាគ្រីខាល់ឈ័រ( Salon de l'Agriculture )ដែលនឹងចាប់ផ្ដើមនៅចុងសប្ដាហ៍នេះ។ គេក៏បានមើលឃើញផងដែរនូវក្បួនតវ៉ានៅតែបន្តរបស់ប្រជាកសិករនៅក្នុងបណ្ដាប្រទេសផ្សេងៗទៀតក្នុងប្លុកសហភាពអឺរ៉ុប រួមទាំងប្រទេស បែលហ្ស៊ិក ក្រិក និងអាល្លឺម៉ង់ ជាដើម ដែលពួកគេកំពុងផ្ទុះកំហឹងខ្លាំងជុំវិញផលប៉ះពាល់លើផលិតផលកសិកម្ម ព្រោះតែវិធានការរបស់សហភាពអឺរ៉ុប ក្នុងការទប់ស្កាត់បម្រែបម្រួលអាកាសធាតុ និងការបើកច្រកឲ្យនាំចូលមានតម្លៃថោកលើទំនិញរបស់ប្រទេសអ៊ុយក្រែន ជាអ្វីដែលប្លុកនេះនិយាយថា ជាការជួយដល់កិច្ចខិតប្រែងក្នុងសង្រ្គាមរបស់ក្រុងគីវ។ នៅក្នុងប្រទេសបារាំង ក្រុមប្រជាកសិករបានផ្អាកការតវ៉ាមួយផ្នែកធំរបស់ខ្លួនក្រោយការធ្វើសកម្មភាពប្រឆាំងជាច្រើនសប្ដាហ៍ រួមទាំងការបិទផ្លូវហាយវ៉េ ផងដែរ បន្ទាប់ពីលោកនាយករដ្ឋមន្ត្រី អាតាល់ បានសន្យាចាត់វិធានការថ្មីកាលពីថ្ងៃទី១ ខែកុម្ភៈ។ ប៉ុន្តែក្រុមប្រជាកសិករដែលនិយាយថា ពួកគេនៅតែត្រូវចំណាយខ្ពស់ក្នុងជីវិភាពប្រចាំថ្ងៃ និងការបង់ពន្ធខ្ពស់ ច្បាប់បរិស្ថានបៃតង ការប្រឈមការប្រកួតប្រជែងពុំស្មើភាពពីប្រទេសខាងក្រៅប្លុក បានកំពុងដាក់សម្ពាធលើរដ្ឋាភិបាលឲ្យបង្ហាញលទ្ធផលដំបូងនៃវិធានការគ្រាអាសន្នមុនព្រឹត្តិការណ៍បង្ហាញផលិតផលកសិកម្ម។ លោកប្រធានាធិបតីបារាំង Emmanuel Macron និងរដ្ឋាភិបាលរបស់លោកក៏បានប្រុងប្រយ័ត្នផងដែរចំពោះការគាំទ្រដែលចេះតែកើនឡើងលើក្រុមកសិករពីសំណាក់ក្រុមស្ដាំនិយមជ្រុល មុនការបោះឆ្នោតសភារបស់សហភាពអឺរ៉ុបនៅខែមិថុនាខាងមុខ៕

អ៊ីស្រាអែល បង្កើនការវាយប្រហារលើក្រុងរ៉ាហ្វា ខណៈចំនួនអ្នកស្លាប់ហ្កាហ្សា ឡើងដល់ជាង ២៩.៣០០ នាក់

អ្នកស្រុកបាននិយាយថា អ៊ីស្រាអែលបានបង្កើនការទម្លាក់គ្រាប់បែករបស់ខ្លួនទៅលើទីក្រុងរ៉ាហ្វា (Rafah) នៅភាគខាងត្បូងនៃតំបន់ហ្កាហ្សា ហើយសមាជិកជាង ១០ នាក់ក្នុងមួយគ្រួសារត្រូវបានសម្លាប់នៅក្នុងការវាយប្រហារតាមអាកាសមួយ ខណៈក្រសួងសុខាភិបាលរបស់តំបន់ហ៊ុមព័ទ្ធប៉ាឡេស្ទីននេះ បានប្រកាសកាលពីថ្ងៃពុធ (២១ កុម្ភៈ) ថាមនុស្ស ២៩.៣១៣ នាក់បានស្លាប់ និងមនុស្ស ៦៩.៣៣៣ នាក់រងរបួសនៅក្នុងសង្គ្រាមរហូតមកទល់ពេលនេះ។អ្នកស្រុកបាននិយាយថា រថក្រោះអ៊ីស្រាអែល បានវាយរុលនៅភាគខាងលិចពីក្រុងខាន់យ៉ូនីស ចូលទៅក្រុង អាល់ ម៉ាវ៉ាស៊ី (Al-Mawasi) ដែលកាលពីមុនកងទ័ពអ៊ីស្រាអែល បានប្រាប់ឱ្យប្រជាជនប៉ាឡេស្ទីន ទៅជ្រកកោននៅទីនោះព្រោះជាតំបន់សុវត្ថិភាព។កងទ័ពការពារអ៊ីស្រាអែល (IDF) បាននិយាយថា ខ្លួនបានបង្កើនប្រតិបត្តិការនៅក្នុងទីក្រុងខាន់ យូនីស (Khan Younis) ដែលជាទីក្រុងមួយនៅភាគខាងជើងក្រុងរ៉ាហ្វា ប៉ុន្តែមិនបាននិយាយអំពីការវាយប្រហាររបស់ខ្លួនលើក្រុងរ៉ាហ្វា នៅក្នុងសេចក្តីសង្ខេបប្រចាំថ្ងៃព្រឹត្តិការណ៍នៅក្នុងតំបន់ហ្កាហ្សាទេ។មនុស្សប្រហែល ១,៥ លាននាក់ត្រូវបានគេប៉ាន់ប្រមាណថាប្រមូលផ្តុំគ្នាចូលទៅក្នុងទីក្រុងរ៉ាហ្វា ដែលស្ថិតនៅចុងភាគខាងត្បូងនៃតំបន់ហ៊ុមព័ទ្ធដែលនៅជិតព្រំដែនជាមួយប្រទេសអេហ្ស៊ីប ហើយភាគច្រើននៃអ្នកទាំងនោះ បានភៀសខ្លួនចេញពីលំនៅឋានរបស់ពួកគេពីតំបន់ចុងភាគខាងជើងដើម្បីគេចពីការវាយលុករបស់យោធាអ៊ីស្រាអែល៕

មនុស្សយ៉ាងហោចណាស់២៥នាក់ ស្លាប់ ក្នុងប្រទេសវ៉េណេហ្សុយអេឡា បន្ទាប់ពីអណ្តូងរ៉ែមាសខុសច្បាប់បាក់ស្រុត

អាជ្ញាធរ បាននិយាយកាលពីថ្ងៃពុធថាមនុស្សយ៉ាងហោចណាស់២៥នាក់ បានស្លាប់ និងច្រើននាក់ រងរបួស ដោយសារបំណាក់ដី នៅអណ្តូងរ៉ែមាសខុសច្បាប់បើកចំហដោយខុសច្បាប់ នៅក្នុងប្រទេសវ៉េណេហ្សុយអេឡា ភាគខាងត្បូង។ អភិបាលរដ្ឋ លោក Angel Marcano បានប្រាប់អ្នកសារព័ត៌មានថា បំណាក់ដី បានកើតឡើងកាលពីថ្ងៃអង្គារ នៅតំបន់ជនបទមួយកន្លែងនៃទីក្រុងអង់ហ្គូស្ទូរ៉ា( Angostura) ក្នុងរដ្ឋ Bolivar ។លោកអភិបាលរដ្ឋ បាននិយាយនៅក្នុងទីក្រុង La Paragua ដែលនៅជិតទីតាំងអណ្តូងរ៉ែមាសថា មានបំណាក់ដី វាបានបាក់ស្រុត ហើយរហូតមកដល់ពេលនេះ មនុស្ស២៥នាក់ត្រូវបានបញ្ជាក់ថាស្លាប់។ ការរិយាល័យអភិបាលរដ្ឋ បានបញ្ជូនឧទ្ធម្ភាគចក្រចំនួន២គ្រឿងទៅកាន់កន្លែងកើតហេតុដើម្បីបន្តការងារជួយសង្គ្រោះ ព្រោះថាប្រជាជនក្នុងតំបន់និយាយថា កម្មករអណ្តូងរ៉ែច្រើននាក់បន្ថែមទៀត បានជាប់នៅក្នុងបំណាក់ដីល្បប់។ កម្មករណ្តូងរ៉ែរាប់ពាន់នាក់កំពុងធ្វើការនៅអណ្តូងរ៉ែនោះ ភាគច្រើនគ្មានឯកសារ ដែលកំពុងរុករករ៉ែនៅទីតាំងអណ្តូងរ៉ែនៅក្នុងតំបន់ដោយគ្មានច្បាប់រដ្ឋ។ កម្មករអណ្តូងរ៉ែ និងក្រុមសិទ្ធមនុស្សនិងបរិស្ថាន បាននិយាយកាលពីពេលមុនថា ឧបទ្ទវហេតុជាច្រើនកើតឡើង ជារឿងធម្មតានៅក្នុងតំបន់រុករករ៉ែខុសច្បាប់។

នគរបាលប្រតាយប្រតប់គ្នាជាមួយប្រជាកសិករអេស្ប៉ាញ ក្នុងការតវ៉ាប្រឆាំងគោលនយោបាយកសិកម្មរដ្ឋាភិបាល

នគរបាលបានប្រតាយប្រតប់គ្នាជាមួយក្រុមប្រជាកសិករអេស្ប៉ាញ កាលពីថ្ងៃពុធក្នុងទីក្រុង ម៉ាឌ្រីដ (Madrid) កាលពីថ្ងៃពុធទី២១កុម្ភៈ ខណៈពួកគេតវ៉ាប្រឆាំងអ្វីដែលពួកគេនិយាយថាជា ការប្រកាន់យកការបង់សេវាក្រៅផ្លូវការជ្រុលហួសហេតុ និងជំនួយរដ្ឋមិនគ្រប់គ្រាន់។ ក្រុមប្រជាកសិករកំពុងតវ៉ារយៈពេលជាច្រើនសប្ដាហ៍ទូទាំងប្រទេសជាច្រើននៅក្នុងសហភាពអឺរ៉ុប ភាគច្រើននៅក្នុងប្រទេសប៉ូឡូញ ក្រិក និងសាធារណរដ្ឋឆែក ។កសិករក្នុងប្រទេសទាំងនោះ បានអំពាវនាវឲ្យកាត់បន្ថយការិយាធិបេត្យ ឬការបង់សេវាច្រើនដំណាក់កាលដែលបានជាប់ព័ន្ធទៅនឹងគោលនយោបាយកសិកម្មរបស់សហភាពអឺរ៉ុប និងភាពធូររលង់ច្បាប់បរិស្ថានរបស់ប្លុកនេះ។ ខណៈពួកគេរង់ចាំការតម្រង់ជួរត្រាក់ទ័រដើម្បីទៅកាន់ចំណុចប្រមូលផ្ដុំនៅកណ្ដាលទីលានចតុរង្គឯករាជ្យ ក្រុមបាតុករបានបិទផ្លូវមួយចំនួន ជាមួយនគរបាលដែលកំពុងគ្រប់គ្រងចលនាតវ៉ារបស់ពួកគេ។ក្រុមប្រជាកសិករមួយចំនួន បានត្អូញត្អែរ ថាកងកម្លាំងនគរបាល កំពុងទប់ស្កាត់ក្បួនត្រាក់ទ័រ មិនឲ្យចូលទៅក្នុងទីក្រុងម៉ាឌ្រីដ ។ រដ្ឋាភិបាលបានលើកឡើងថាត្រាក់ទ័រ៥០០គ្រឿង ត្រូវបានអនុញ្ញាតិឲ្យចូល ដែលទិនន្ន័យនោះត្រូវបានផ្ដល់ដោយក្រុមអ្នករៀបចំ នៅពេលសុំការអនុញ្ញាតរៀបចំការតវ៉ា ចំណែករថយន្តចំនួន១៥០គ្រឿងបន្ថែមទៀត ត្រូវបានរារាំងមិនឲ្យចូលទៅក្នុងទីក្រុងនេះទេ ៕

អាជ្ញាធរខណ្ឌ៧មករាចុះត្រួតពិនិត្យទីតាំង ឌីអិន ស្ប៉ានិង ម៉ាស្សា ដែលសង្ស័យមានបង្កប់ ល្បែងស៉ីសងគ្រប់ប្រភេទ

ភ្នំពេញ៖ ក្រោយមានបណ្ដាញសង្គមមួយចំនួនបាន បង្ហោះជាសាធារណៈថាទីតាំង ឌីអិន ស្ប៉ានិង ម៉ាស្សា មានបង្កប់ល្បែងស៊ីសងខុសច្បាប់ប្រភេទ នៅខាងក្នុង ដូច្នេះកម្លាំងគណៈបញ្ជាការឯកភាពខណ្ឌ ៧មករាបានចុះដល់ទីតាំងនិងត្រួតពិនិត្យជាក់ស្ដែង ពុំមានដូចការចុះផ្សាយនោះឡើយ ឃើញតែបន្ទុប់ម៉ាស្សា ស្នុកឃ័រ គ្មានសម្ភារៈអ្វីពាក់ព័ន្ធល្បែងស៉ីសងនោះទេ។សូមជម្រាបជូនថា ប្រតិបត្តិការចុះត្រួតពិនិត្យ ធ្វើឡើងនៅរសៀលថ្ងៃទី២១ ខែ កុម្ភះ ឆ្នាំ ២០២៤ មានការបញ្ជាពី លោក ថេង សុថុល អភិបាលនៃគណៈអភិបាលខណ្ឌ៧មករា បានចាត់ឲ្យ លោក កេត ឧត្តម អភិបាលរង ខណ្ឌ ដឹកនាំកម្លាំងគណៈបញ្ជាការឯកភាពខណ្ឌចុះត្រួតពិនិត្យផ្ទាល់តែម្ដង នៅចំណុចទីតាំង ឌីអិន ស្ប៉ានិង ម៉ាស្សា ស្ថិតនៅតាមបណ្ដោយផ្លូវ លេខ១២២ កែងផ្លូវលេខ១៧១ សង្កាត់មិត្តភាព ខណ្ឌ៧មករា រាជធានីភ្នំពេញ តែពុំមានអ្វីពាក់ព័ន្ធបទល្មើសនិងល្បែងស៉ីសងឡើយ។នៅក្នុងការចុះត្រួតពិនិត្យនេះផងដែរអាជ្ញាធរ បានអប់រំណែនាំដល់ម្ចាស់គ្រប់គ្រងទីតាំង និងបានធ្វើការកិច្ចសន្យា ចំពោះមុខជាមួយសមត្ថកិច្ច ហាមមិនឱ្យមានបង្កប់ល្បែងស៊ីសងគ្រប់ប្រភេទនិងបទល្មើសផ្សេងៗដែលខុសច្បាប់ ការជួញដូរមនុស្ស និងសារធាតុញៀនជាដើម។ ក្នុងករណីមិនអនុវត្តតាមកិច្ចសន្យាអាជ្ញាធរនិងអនុវត្តតាមតិវិធីច្បាប់។សូមបញ្ជាក់ផងដែរកាលពី ថ្ងៃទី១៤ ខែកុម្ភៈ ឆ្នាំ ២០២៤ កន្លងមកនេះសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ចេញបញ្ជាឲ្យអភិបាលរាជធានី-ខេត្តទាំងអស់នៅទូទាំងប្រទេស ត្រួតពិនិត្យជាបន្ទាន់លើទីតាំងល្បែងផ្សងសំណាង និងល្បែងស៉ីសងខុសច្បាប់គ្រប់ប្រភេទ ត្រូវតែបង្ក្រាប៕ អត្ថបទ៖ កុម្ភៈ

ព្យុះព្រិល និងការធ្លាក់ព្រិលខ្លាំង បានរំខានដល់ការដឹកជញ្ជូននៅតំបន់មួយចំនួនក្នុងប្រទេសចិន

ការធ្លាក់ព្រិល ព្យុះព្រិល និងភ្លៀងធ្លាក់ទឹកកកនៅក្នុងខេត្តហឺប៉ី (Hebei) ខេត្តហឺណាន (Henan) និងខេត្តសានស៊ី (Shanxi) រួមទាំងរដ្ឋធានីប៉េកាំង របស់ប្រទេសចិន បាននាំឱ្យមានការរំខានដល់ការដឹកជញ្ជូនយ៉ាងទូលំទូលាយ នេះបើយោងតាមវីដេអូដែលចាក់ផ្សាយដោយទូរទស្សន៍រដ្ឋ CCTV បានបង្ហាញនៅថ្ងៃពុធ (២១ កុម្ភៈ) នេះ។ផ្លូវហាយវេក្នុងទីក្រុងជាច្រើនក្នុងខេត្តហឺប៉ី ត្រូវបានបិទដោយសារតែព្រិលធ្លាក់ខ្លាំង ខណៈដែលសេវារថយន្តក្រុងត្រូវបានផ្អាកជាបណ្តោះអាសន្ននៅក្នុងខេត្ត សានស៊ី។ ទីក្រុងប៉េកាំង ត្រូវបានគ្របដណ្ដប់ដោយព្រិលយ៉ាងក្រាស់ ដែលបានធ្លាក់ពេញមួយយប់ ដោយរំខានដល់ការធ្វើដំណើរ។នៅទីក្រុង ជឹងចូវ (Zhengzhou) រដ្ឋធានីនៃខេត្តហឺណាន រថភ្លើងជាងមួយរយគ្រឿងត្រូវបានពន្យារពេលកាលពីថ្ងៃអង្គារ (២០ កុម្ភៈ) ដោយអ្នកដំណើររាប់ពាន់នាក់បានជាប់គាំង និងទុកឱ្យរង់ចាំយ៉ាងខកចិត្តនៅស្ថានីយ៍រថភ្លើង។ ផ្នែកជាច្រើននៃប្រទេសចិន កំពុងទប់ទល់នឹងការធ្លាក់ព្រិលដ៏ជ្រៅមួយទៀត ខណៈដែលមនុស្សរាប់លាននាក់ត្រឡប់ពីការប្រារព្ធពិធីបុណ្យចូលឆ្នាំចិនរយៈពេលមួយសប្តាហ៍នៃថ្ងៃឈប់សម្រាកដ៏ធំបំផុតប្រចាំឆ្នាំ៕

ចំនួនអ្នកស្លាប់ជនជាតិប៉ាឡេស្ទីន នៅតំបន់សង្រ្គាមហ្កាហ្សា ឡើងលើសពី ២៩.១០០នាក់

ចំនួនអ្នកស្លាប់របស់ប៉ាឡេស្ទីន ពីការវាយប្រហាររបស់អ៊ីស្រាអែល ដែលកំពុងបន្តលើតំបន់ហ្កាហ្សាស្ទ្រីប បានកើនឡើងដល់ ២៩.១៩៥ នាក់ ជាមួយនឹងមនុស្សចំនួន ៦៩.១៧០ នាក់បានរងរបួសចាប់តាំងពីជម្លោះអ៊ីស្រាអែល និងក្រុមហាម៉ាស បានផ្ទុះឡើងកាលពីថ្ងៃទី០៧ ខែតុលា ឆ្នាំមុនមក នេះបើយោងតាមទិន្នន័យដែលចេញផ្សាយដោយនាយកដ្ឋានសុខាភិបាលនៅតំបន់ហ្កាហ្សា កាលពីថ្ងៃអង្គារ (២០ កុម្ភៈ)។អាជ្ញាធរសុខាភិបាលក្នុងតំបន់បាននិយាយថា ក្នុងរយៈពេល ២៤ ម៉ោងចុងក្រោយនេះ ប្រតិបត្តិការយោធារបស់អ៊ីស្រាអែល បានសម្លាប់មនុស្ស ១០៣ នាក់ និងមនុស្ស ១៤២ នាក់ទៀតរងរបួសនៅតំបន់ហ្កាហ្សាស្ទ្រីប។ យោងតាមរបាយការណ៍របស់ទូរទស្សន៍ប៉ាឡេស្ទីន កាលពីថ្ងៃអង្គារ បានឲ្យដឹងថា កងទ័ពអ៊ីស្រាអែល បានទម្លាក់គ្រាប់បែកយ៉ាងខ្លាំងទៅលើតំបន់ជាច្រើននៅភាគកណ្តាល និងភាគខាងត្បូងតំបន់ហ្កាហ្សា នៅថ្ងៃនោះដោយបានសម្លាប់មនុស្សយ៉ាងហោចណាស់ ៥១ នាក់។កងទ័ពអ៊ីស្រាអែល កាលពីថ្ងៃអង្គារ បានធ្វើការវាយប្រហារតាមអាកាសទៅលើលំនៅដ្ឋានជាច្រើននៅភាគកណ្តាលហ្កាហ្សាស្ទ្រីប ដោយបានសម្លាប់មនុស្សរាប់សិបនាក់ និងជាច្រើននាក់ទៀតរងរបួស នេះបើយោងតាមរបាយការណ៍ប្រព័ន្ធផ្សព្វផ្សាយក្នុងស្រុក។កងពលតូច អាល់កាសាម (Al-Qassam) ដែលជាអង្គការយោធាមានទំនាក់ទំនងជាមួយក្រុមហាម៉ាស បានប្រកាសកាលពីថ្ងៃអង្គារថា សមាជិករបស់ខ្លួនបន្តប្រយុទ្ធយ៉ាងខ្លាំងក្លាជាមួយកងទ័ពអ៊ីស្រាអែល នៅក្នុងតំបន់ជាច្រើននៃតំបន់ហ្កាហ្សាស្ទ្រីប ជាពិសេសនៅក្នុង និងជុំវិញទីក្រុងហ្កាហ្សា ភាគខាងជើង៕

បណ្ដាញសង្គម

ព័ត៌មានថ្មីៗ

អតីតពលករ៖ «ខ្ញុំមិនត្រឡប់ទៅថៃទៀតទេ បើទោះបីជាស្ថានភាពវិលទៅរកប្រក្រតីភាពវិញក៏ដោយ»

កីឡាករ Kurita កំពុងដេញតាមពីក្រោយកីឡាករ Kwame ពីរគ្រាប់ក្នុងតារាងអ្នករកគ្រាប់បាល់

រដ្ឋបន្ធូរបន្ថយបន្ទុកអាករលើតម្លៃបន្ថែម សម្រាប់ប្រេងសាំងធម្មតា និងម៉ាស៊ូតបញ្ចុះពីអត្រា១០% មកអត្រា៤%

លោកLai Ching-te ចោទប្រកាន់មេដឹកនាំគណបក្ស KMTថា បានធ្វើឲ្យប៉ះពាល់អធិបតេយ្យភាពកោះតៃវ៉ាន់ ក្រោយលើកឡើងពីអាមេរិក និងចិន

អាជ្ញាធរម៉ិកស៊ិក ជួយសង្គ្រោះជនអន្តោប្រវេសន៍ជាង២០០នាក់ដែលត្រូវបានរកឃើញជាប់ក្នុងរថយន្តដឹកទំនិញ

ឯកអគ្គរដ្ឋទូតឡាវថ្មីប្រចាំកម្ពុជា ប្ដេជ្ញាពូនជ្រំទំនាក់ទំនងកម្ពុជា-ឡាវឱ្យកាន់តែរឹងមាំ និងរីកចម្រើនបន្ថែមទៀត

អគ្គិសនីកម្ពុជា អំពាវនាវដល់ពលរដ្ឋឱ្យប្រើប្រាស់ឧបករណ៍បរិក្ខារអគ្គិសនីដោយសន្សំសំចៃថាមពល ក្នុងស្ថានភាពប្រេងឥន្ធនៈឡើងថ្លៃ និងអាកាសធាតុក្តៅ

ខណៈប្រទេសឥណ្ឌាប្រឈមនឹងកង្វះប្រេងនិងឧស្ម័ន មនុស្សជាច្រើនមកតម្រង់ជួរនៅស្ថានីយ៍ប្រេង

កម្មវិធីរត់កម្សាន្ដ អបអរបុណ្យទន្លេ ថ្ងៃសុក្រនេះ មានអ្នកចូលរួមលើសការរំពឹង ខណៈគណៈកម្មការនឹងចែកអាវ ២ថ្ងៃមុនថ្ងៃរត់

UN៖ សង្គ្រាមនៅលីបង់ បន្សល់ទុកកុមារច្រើននាក់ស្លាប់ ឬរងរបួសជារៀងរាល់ថ្ងៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877