នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជា បន្តបណ្តេញ​ជន​បរទេស​ចំនួន ៦២៩នាក់ទៀត ចេញពីកម្ពុជាពាក់​ព័ន្ធករណីលួចឆ្លងដែន ស្នាក់នៅធ្វើ​ការងារ​ខុស​ច្បាប់
ក្រោយប្រតិបត្តិការទ្រង់ទ្រាយធំ នគរបាលចាប់ជនបរទេសជាងពីរពាន់នាក់​ពាក់ព័ន្ធបទ​ល្មើសឆបោកតាមអនឡាញ
ក្នុងខែដំបូងឆ្នាំ២០២៦ កម្ពុជាបន្តបើកប្រតិបត្តិការទ្រង់ទ្រាយធំ ដើម្បី​បង្ក្រាប​ក្រុម​ឧក្រិដ្ឋ​ជន​ឆបោក​តាម​ប្រព័ន្ធ​បច្ចេកវិទ្យា ដោយគ្មានការលើកលែងឡើយ
កម្ពុជាមិនបន្ធូរដៃឡើយក្នុងប្រតិបត្តិការបង្ក្រាបបទល្មើសឆបោកតាមប្រព័ន្ធបច្ចេកវិទ្យា ខណៈ​បន្ត​បណ្តេញ​ជន​បរទេស ១ពាន់នាក់ទៀតចេញពីកម្ពុជាពាក់ព័ន្ធបទល្មើសបច្ចេកវិទ្យា និងស្នាក់​នៅ​ធ្វើ​ការ​ងារ​ខុសច្បាប់

សន្តិសុខ និង សង្គម

១សប្ដាហ៍ នគរបាលជាតិឃាត់ខ្លួនក្មេងទំនើង និងជនងប់ល្បែងជិត ៨០នាក់ បញ្ជូនទៅតុលាការ

2026/01/16 09:30:25 am        160
Facebook Telegram Linkin
ក្នុងរយៈពេល៧ថ្ងៃ នៃសប្ដាហ៍ទី២ ឆ្នាំ២០២៦ គិតពីថ្ងៃទី៨ ដល់ថ្ងៃទី១៤ ខែមករា សមត្ថ​កិច្ច​នគរបាល​ជាតិ ​បានចុះបង្ក្រាបក្មេងទំនើងចំនួន ២១ករណី ឃាត់ខ្លួនមនុស្ស ៧៨នាក់ ខណៈ​ករណី​ល្បែង​ស៊ី​សង​បង្ក្រាប​បាន ៨ករណី ឃាត់ខ្លួនអ្នកពាក់ព័ន្ធចំនួន ២៣នាក់។ នេះ​បើ​តាម​លោក ​ទូច សុឃៈ អ្នកនាំពាក្យរងក្រសួងមហាផ្ទៃ។បើតាមអ្នកនាំពាក្យរងក្រសួងមហាផ្ទៃ ក្នុងចំណោមក្មេងទំនើង និងជនងប់ល្បែងទាំងនោះ នគរបាល​បាន​អនុវត្តតាមវិធានការច្បាប់ ដោយកសាងសំណុំ​រឿង​បញ្ជូន​ពួក​គេ​ទាំង​អស់​នោះ​ទៅ​តុលាការ ​ខណៈជនសង្ស័យមួយចំនួនទៀត សមត្ថកិច្ចបានកំណត់អត្តសញ្ញាណរួចជាស្រេច និង​កំពុង​ស្វែង​រកចាប់ខ្លួន។សូមបញ្ជាក់ថា ករណីក្មេងទំនើង និងល្បែងស៊ីងសងខុសច្បាប់ដែលសមត្ថកិច្ចនគរបាលជាតិ ចុះ​បង្ក្រាប​បាន​នោះ ភាគច្រើនមានក្នុងមូលដ្ឋាន រាជធានីភ្នំពេញ ខេត្តកណ្ដាល កំពង់ស្ពឺ ក្រចេះ ពោធិ៍សាត់ ព្រះសីហនុ ស្វាយរៀង ប៉ៃលិន ត្បូងឃ្មុំ និងខេត្តតាកែវ។លទ្ធផលនៃការបង្ក្រាបនេះ បញ្ជាក់យ៉ាងច្បាស់ថា ក្នុងកាលៈទេសៈណាក៏ដោយ អាជ្ញាធរ និង​កម្លាំង​នគរបាលមានសមត្ថកិច្ច នៅតែបន្តបង្ក្រាបដោយមិនដកដៃ គ្រប់បទល្មើសក្នុងសង្គម ទាំង​បទ​ល្មើស​ល្បែងស៊ីសងខុសច្បាប់ និងក្មេងទំនើង។គួរកត់សម្គាល់ថាក្នុងសប្ដាហ៍ទី១ ខែមករា សមត្ថកិច្ចនគរបាលជាតិ បានបង្ក្រាបករណីក្មេង​ទំនើង​១៧​ករណី ឃាត់ខ្លួនមនុស្ស ៥០នាក់ បញ្ជូនទៅតុលាការ និងបាន​បង្ក្រាបក​រណី​ល្បែង​ស៊ី​សង​ចំនួន ៣ករណី ឃាត់ខ្លួនជនងប់ល្បែងចំនួន ៩នាក់ បញ្ជូនទៅតុលាការ៕

សមត្ថកិច្ចនៃអគ្គស្នងការដ្ឋាននគរបាលជាតិ បង្ក្រាបទីតាំងប្រព្រឹត្តបទល្មើសឆបោកអនឡាញ ៤កន្លែង ឃាត់ខ្លួនជនសង្ស័យជនជាតិកូរ៉េខាងត្បូងចំនួន ៣២នាក់

2026/01/06 11:55:08 am        159
Facebook Telegram Linkin
ភ្នំពេញ ៖ នៅថ្ងៃទី៥ ខែមករា ឆ្នាំ២០២៦ កម្លាំងសមត្ថកិច្ចនៃអគ្គស្នងការដ្ឋាននគរបាលជាតិ បានឃាត់ខ្លួនជនជាតិកូរ៉េខាងត្បូងចំនួន ៣២នាក់ ដែលបានប្រព្រឹត្តបទល្មើសឆបោកអនឡាញ ក្នុងទីតាំង ៤ផ្សេងគ្នា ស្ថិតនៅភូមិសាស្រ្តបុរីប៉េងហួតបឹងស្នោរ ខណ្ឌច្បារអំពៅ រាជធានីភ្នំពេញ ។ ប្រតិបត្តិការនេះធ្វើឡើងដោយមានការអនុញ្ញាតពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដោយសហការជាមួយគណៈបញ្ជាការរដ្ឋបាលខណ្ឌច្បារអំពៅ និងមានការសម្របសម្រួលនីតិវិធីដោយ លោក មុត ដារ៉ា ព្រះរាជអាជ្ញារងនៃអយ្យអមសាលាដំបូងរាជធានីភ្នំពេញ ។ ក្នុងរង្វង់ប្រតិបត្តិការនេះ សមត្ថកិច្ចបានដកហូតសម្ហារៈវត្ថុតាងកុំព្យូទ័រលើតុ និងទូរស័ព្ទដៃមួយចំនួន ក្នុងនោះរកឃើញថា ជនសង្ស័យបានក្លែងខ្លួនជាសមត្ថកិច្ចនគរបាល និងរដ្ឋអាជ្ញាកូរ៉េ ដើម្បីជម្រិតគំរាមទារប្រាក់ពីជនរងគ្រោះជាជនជាតិកូរ៉េខាងត្បូង ។ បច្ចុប្បន្ន សមត្ថកិច្ចកំពុងនាំខ្លួនជនសង្ស័យខាងលើ មកសាកសួរបំភ្លឺនៅអគ្គស្នងការដ្ឋាននគរបាលជាតិ និងចាត់ការតាមនីតិវិធី៕

ប្រេីពេលត្រឹម១០ម៉ោង សមត្ថកិច្ចខណ្ឌកំបូលស្រាវជ្រាវបង្ក្រាបករណីធ្លាក់ប្លន់ម៉ូតូ ឃាត់ជនសង្ស័យ០៦នាក់

2025/12/23 08:04:15 pm        633
Facebook Telegram Linkin
រាជធានីភ្នំពេញ ៖ ជនសង្ស័យចំនួន០៦នាក់ ជាប់ពាក់ព័ន្ធនឹងអំពើធាក់ប្លន់យកម៉ូតូ តែមិនបានសម្រេច ត្រូវបានកម្លាំងសមត្ថកិច្ចខណ្ឌកំបូល បើកការស្រាវជ្រាវឈានទៅឃាត់ខ្លួនបានជាបន្តបន្ទាប់ ។ លោកវរសេនីយ៍ឯក ហុង ពិសិដ្ឋ អធិការនគរបាលខណ្ឌកំបូល បានប្រាប់ឲ្យដឹងថា ៖ ក្រោយកើតមានអំពើធ្លាក់ប្លន់ និងទទួលបានពាក្យបណ្តឹងពីជនរងគ្រោះរួចមក កម្លាំងជំនាញផែននគរបាលព្រហ្មទណ្ឌ បានបើកការចុះស្រាវជ្រាវបន្ទាន់ភ្លាម ដោយប្រើពេលវេលាត្រឹម១០ម៉ោងប៉ុណ្ណោះ ក្នុងការឈានទៅបង្ក្រាបក្រុមជនសង្ស័យបានជាបន្តបន្ទាប់ ក្រោយពួកគេប្រព្រឹត្តិសកម្មភាពបទល្មើសរួច ។ លោកអធិការបញ្ជាក់ថា ៖ ប្រតិបត្តិការបង្ក្រាបនេះ ក៏ធ្វើឡើងក្រោមបទបញ្ជាផ្ទាល់ពីសំណាក់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញផងដែរ ។ បច្ចុប្បន្នជនសង្ស័យត្រូវបានបញ្ជូនខ្លួនទៅតុលាការ ដើម្បីអនុវត្តទៅតាមផ្លូវច្បាប់ផងដែរ ។ គួររំលឹកថា ៖ អំពើធាក់ប្លន់ខាងលើ បានកើតឡើងកាលថ្ងៃទី១៩ ខែធ្នូ ឆ្នាំ២០២៥ វេលា២៣ និង០០នាទី នៅចំណុចផ្លូវបេតុង ភូមិអង្គត្រគៀត សង្កាត់កន្ទោក ខណ្ឌកំបូល រាជធានីភ្នំពេញ ។ អំពើប្លន់នេះ ក្រុមជនសង្ស័យពុំបានប្រើប្រាស់សម្ភារ អាវុធអ្វីនោះឡើយ ពោលគឺធាក់ប្រដួលជនរងគ្រោះឲ្យដួល ប៉ងប្លន់យកម៉ូតូតែមិនសម្រេច ខណៈជនរងគ្រោះរងរបួសស្រាល ៕ លីហេង

មួយសប្ដាហ៍កន្លងទៅ ជាង១០ថ្ងៃ គ្រោះថ្នាក់ចរាចរណ៍ផ្តាច់ជីវិតមនុស្ស៦១នាក់ និងរងរបួសជាង១០០នាក់

2025/12/22 05:05:33 pm        116
Facebook Telegram Linkin
ត្រឹមរយៈពេល១២ថ្ងៃ គិតចាប់ពីថ្ងៃទី៨ ដល់ថ្ងៃទី១៩ ខែធ្នូ ឆ្នាំ២០២៥ គ្រោះថ្នាក់ចរាចរណ៍ផ្លូវគោកនៅទូទាំងប្រទេស បានបន្តកើតឡើងចំនួន៩០ករណី បណ្តាលឱ្យមានមនុស្សស្លាប់រហូតទៅដល់ ៦១នាក់ និងរបួសធ្ងន់ស្រាលចំនួន ១០៣នាក់។ នេះបើតាមលោក ទូច សុឃៈ អ្នកនាំពាក្យរងក្រសួងមហាផ្ទៃ។ តួលេខថ្ងៃបន្តបន្ទាប់ នឹងត្រូវចេញផ្សាយក្នុងសប្តាហ៍នេះ។ លោក ទូច សុឃៈ អះអាង រាជធានី-ខេត្ត ដែលមានគ្រោះថ្នាក់ចរាចរណ៍កើតឡើងច្រើន រួមមាន រាជធានីភ្នំពេញ ខេត្តកណ្ដាល ព្រះវិហារ ស្វាយរៀង និងខេត្តបន្ទាយមានជ័យ។ លោកបានពន្យល់ថា មូលហេតុដែលបង្កឱ្យមានគ្រោះថ្នាក់ចរាចរណ៍ជាច្រើនករណីនេះ មានដូចជា ការបើកបរលើសល្បឿនកំណត់ មិនគោរពសិទ្ធិ មិនប្រកាន់ស្ដាំ ប្រជែង បត់ក្នុងស្ថានភាពគ្រោះថ្នាក់ ស្រវឹង កត្តាយានយន្ត មិនគោរពសញ្ញាចរាចរណ៍ និងការបើកបរក្នុងភាពងងុយ។ ស្របពេលអត្រាគ្រោះថ្នាក់ចរាចរណ៍បានកើតឡើងឥតស្រាកស្រាន្តបណ្តាលឱ្យប៉ះពាល់អាយុជីវិត និងទ្រព្យសម្បត្តិរបស់ប្រជាពលរដ្ឋ អ្នកនាំពាក្យរងក្រសួងមហាផ្ទៃ បន្តក្រើនរំលឹក និងទទូចអំពាវនាវទៅកាន់អ្នកបញ្ជាយានយន្ត និងអ្នកដំណើរលើដងផ្លូវទាំងអស់ សូមចូលរួមគោរពច្បាប់ចរាចរណ៍ និងមានស្មារតីបង្កើនការប្រុងប្រយ័ត្នខ្ពស់គ្រប់ពេលវេលា មិនថានៅលើផ្លូវល្បឿនលឿន ផ្លូវជាតិ ផ្លូវខេត្ត ឬផ្លូវតាមសហគមន៍ភូមិ ឃុំ ក៏ដោយ ក៏ត្រូវតែប្រុងប្រយ័ត្នជានិច្ច គឺដើម្បីការពារអាយុជីវិតខ្លួនឯង និងអ្នកដ៏ទៃ។ លោកបានសង្កត់ធ្ងន់ថា បើទោះបីជាប្រទេសជាតិកំពុងប្រឈមមុខនឹងការឈ្លានពានពីយោធាថៃក៏ដោយ ក៏ការរឹតបន្តឹងច្បាប់ចរាចរណ៍ នៅតែត្រូវបានយកចិត្តទុកដាក់ខ្ពស់ពីរាជរដ្ឋាភិបាល ក្រោមដឹកនាំប្រកបដោយប្រតិភាណរបស់សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងក្រោមគោលការណ៍របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ។ គួរបញ្ជាក់ថា ការអនុវត្តច្បាប់ស្តីពីចរាចរណ៍ផ្លូវគោក ត្រូវបានដាក់ឱ្យអនុវត្តឡើងវិញហើយ ក្រោយពីត្រូវបានផ្អាកសកម្មភាពមួយរយៈ។ បច្ចុប្បន្ន នៅតាមគោលដៅមួយចំនួនក្នុងប្រទេសកម្ពុជា មន្ត្រីនគរបាលចរាចរណ៍ បាន និងកំពុងអនុវត្តវិធានការអប់រំច្បាប់ដល់អ្នកបញ្ជាយានយន្តគ្រប់ប្រភេទផងដែរ៕

សមត្ថកិច្ចចម្រុះកម្ពុជា-កូរ៉េ ឃាត់ខ្លួនជនសង្ស័យចំនួន៥០នាក់ ពាក់ព័ន្ធនឹងការឆបោកតាមប្រព័ន្ធបច្ចេកវិទ្យានៅក្នុងអគារមួយកន្លែងក្នុងខេត្តព្រះសីហនុ

2025/12/10 11:02:39 am        785
Facebook Telegram Linkin
ព្រះសីហនុ៖ ក្រុមជនសង្ស័យចំនួន៥០នាក់ ក្នុងនោះមានស្ត្រី០៤នាក់ ត្រូវបានកម្លាំងសមត្ថកិច្ចឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ ទីតាំងសង្ស័យនៅអគារ XIN DU HAI (ជាន់ទី៥) ស្ថិតក្នុងភូមិ៤ សង្កាត់៤ ក្រុង/ខេត្តព្រះសីហនុ ក្រោយរបាយការណ៍សមត្ថកិច្ចបញ្ជាក់ការសង្ស័យថា មានការលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam)។ ជាមួយគ្នានេះ សមត្ថកិច្ច ក៏បានជួយសង្គ្រោះជនជាតិកូរ៉េខាងត្បូង ចំនួន០២នាក់ ដែលជាជនរងគ្រោះ និងបានរឹបអូសសម្ភារៈជាវត្ថុតាងរួមមាន កុំព្យូទ័រ (All in one) ចំនួន ៦៣គ្រឿង, ទូរសព្ទចំនួន ៦០គ្រឿង និង IPAD ចំនួន ៦០គ្រឿងផងដែរ។ប្រតិបត្តិការរួមគ្នារវាងកម្ពុជា និងកូរ៉េខាងត្បូងនេះ ត្រូវបានដឹកនាំធ្វើឡើង នៅថ្ងៃទី០៩ ខែធ្នូ ឆ្នាំ២០២៥ ក្រោមការសម្របសម្រួលពីលេខាធិការដ្ឋាន នៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) សហការជាមួយអគ្គស្នងការដ្ឋាននគរបាលជាតិ គណៈបញ្ជាការ ឯកភាពខេត្តព្រះសីហនុ ដោយមានការសម្របសម្រួលនីតិវិធីពីតំណាង អយ្យការអមសាលាដំបូងខេត្ត និងអាជ្ញាធរពាក់ព័ន្ធ ដោយបានចុះត្រួតពិនិត្យ ទីតាំងសង្ស័យខាងលើ និងបានឈានដល់ការឃាត់ខ្លួនជនសង្ស័យទាំងនោះ។ក្រោយការបង្រ្កាបដល់ទៅតាំងនេះ សមត្ថកិច្ចជំនាញបច្ចុប្បន្នកំពុង សហការជាមួយអង្គភាពជំនាញ និងភាគីពាក់ព័ន្ធ ក្នុងការបន្តស្រាវជ្រាវ បន្ថែមទៀត ដើម្បីឈានទៅវែកមុខ និងចាត់វិធានការផ្លូវច្បាប់ចំពោះមេខ្លោង នៅពីក្រោយការឆបោកតាមប្រព័ន្ធបច្ចេកវិទ្យានេះ ខណៈជនសង្ស័យ និងវត្ថុតាង ត្រូវបានប្រគល់ជូនស្នងការដ្ឋាននគរបាល និងក្រុមការងាររួមកម្ពុជា-កូរ៉េ ដើម្បីបន្តអនុវត្តតាមនីតិវិធីច្បាប់។ សូមបញ្ជាក់ថា ក្នុងក្របខណ្ឌយុទ្ធនាការបោសសម្អាតការឆបោកតាមប្រព័ន្ធ បច្ចេកវិទ្យានេះ សមត្ថកិច្ចចម្រុះទូទាំងប្រទេសនឹងចាត់វិធានការតាមផ្លូវច្បាប់ យ៉ាងតឹងរឹងបំផុតចំពោះមេខ្លោងទាំងឡាយ ដែលជាប់ពាក់ព័ន្ធនឹង អំពើឆបោកតាមប្រព័ន្ធបច្ចេកវិទ្យានេះ ដោយគ្មានការលើកលែងឡើយ៕

សមត្ថកិច្ចចម្រុះឃាត់ខ្លួនជនសង្ស័យចំនួន ៩នាក់ ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា នៅខណ្ឌឫស្សីកែវ

2025/12/06 04:49:50 pm        483
Facebook Telegram Linkin
ជនសង្ស័យចំនួន៩នាក់ត្រូវបានកម្លាំងសមត្ថកិច្ចចម្រុះឃាត់ខ្លួនក្នុងប្រតិបត្តិការចុះត្រួតពិនិត្យឆែកឆេរ នៅផ្ទះលេខ១៤ ផ្លូវលេខ ១៣ ស្ថិតក្នុងបុរីពិភពថ្មីផ្លូវជាតិលេខ៥ សង្កាត់គីឡូម៉ែត្រ ៦ ខណ្ឌឫស្សីកែវ រាជធានីភ្នំពេញក្រោមការសង្ស័យថាមានការលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam)។គណៈបញ្ជាការឯកភាពរដ្ឋបាលខណ្ឌឫស្សីកែវ និងមន្ត្រីជំនាញ នៃអគ្គស្នងការដ្ឋាននគរបាលជាតិ មានការសម្របសម្រួលនីតិវិធីពីតំណាងអយ្យការអមសាលាដំបូងរាជធានីភ្នំពេញបានដឹកនាំប្រតិបត្តិការនេះ នៅថ្ងៃទី០៦ខែធ្នូ ឆ្នាំ២០២៥ ដោយបានចុះត្រួតពិនិត្យនៅទីតាំងសង្ស័យ ហើយឈានទៅឃាត់ខ្លួនជនសង្ស័យខាងលើ ក្រោយពីពួកគេធ្វើសកម្មភាពលួចយកព័ត៌មានពីគណនីធនាគាររបស់ជនរងគ្រោះជាច្រើននាក់ និងក្លែងបន្លំឯកសារអត្តសញ្ញាណដើម្បីឆបោកតាមប្រព័ន្ធបច្ចេកវិទ្យា ដោយមានគោលដៅទៅប្រទេសផ្សេងៗ។ក្នុងចំណោមជនសង្ស័យទាំង០៩នាក់ មានជនជាតិកូរ៉េខាងត្បូងចំនួន០៧នាក់(ស្ត្រី០២នាក់) និងជនជាតិខ្មែរ ចំនួន០២នាក់ ជាអ្នកបើកបររថយន្ត។ ជាមួយគ្នានេះ សមត្ថកិច្ច ក៏បានរឹបអូសសម្ភារៈជាវត្ថុតាងរួមមាន កុំព្យូទ័រយួរដៃ Laptop ចំនួន០៦គ្រឿង , កុំព្យូទ័រ All in one ចំនួន០៤គ្រឿង , ម៉ូនីទ័រ ចំនួន០៦គ្រឿង , iPad ចំនួន០៨គ្រឿង រួមជាមួយ ឯកសារក្លែងបន្លំដែលមានត្រារបស់ស្ថាប័នពន្ធដារកូរ៉េ, រូបភាពអីវ៉ាន់ផ្សេងៗ, រូបភាពបង្កើតបណ្ណសម្គាល់ក្លែងក្លាយ និងខ្លឹមសារអត្ថបទ ( script) សម្រាប់និយាយឆ្លើយឆ្លងជាមួយភ្ញៀវផងដែរ។ក្រោយការបង្រ្កាបនេះ សមត្ថកិច្ចជំនាញបច្ចុប្បន្នកំពុងសហការជាមួយ ភាគីពាក់ព័ន្ធ ក្នុងការបន្តស្រាវជ្រាវបន្ថែមទៀត ដើម្បីឈានទៅវែកមុខ និងចាត់វិធានការផ្លូវច្បាប់ចំពោះមេខ្លោងនៃការឆបោកតាមប្រព័ន្ធបច្ចេកវិទ្យានេះ ខណៈជនសង្ស័យត្រូវបានប្រគល់ជូនស្នងការដ្ឋាននគរបាលរាជធានីភ្នំពេញ និងសមត្ថកិច្ចពាក់ព័ន្ធ ដើម្បីអនុវត្តតាមនីតិវិធីច្បាប់។ ចំណែកឯទីតាំងខាងលើត្រូវបានបិទបណ្តោះអាសន្ន។‎សូមបញ្ជាក់ថា ក្នុងក្របខណ្ឌយុទ្ធនាការបោសសម្អាតការឆបោកតាមប្រព័ន្ធ បច្ចេកវិទ្យានេះ សមត្ថកិច្ចចម្រុះទូទាំងប្រទេសនឹងចាត់វិធានការតាមផ្លូវច្បាប់យ៉ាងតឹងរឹងបំផុតចំពោះមេខ្លោងទាំងឡាយដែលជាប់ពាក់ព័ន្ធនឹង អំពើឆបោកតាមប្រព័ន្ធបច្ចេកវិទ្យានេះ ដោយគ្មានការលើកលែងឡើយ៕

បង្ក្រាបករណីចាប់ឃុំឃាំងមនុស្ស​ខុសច្បាប់មួយកន្លែង ឃាត់ខ្លួនជនសង្ស័យ ៨នាក់

2025/12/05 03:40:56 pm        283
Facebook Telegram Linkin
នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ នៅមុននេះ បាន​ឱ្យ​ដឹងថា កាលពីថ្ងៃទី៤ ខែធ្នូ ឆ្នាំ២០២៥ វេលាម៉ោង០០៖៥៥នាទី មានជនសង្ស័យ១ក្រុម ជា​ជនជាតិចិន បានធ្វើសកម្មភាពចាប់បុរសជនជាតិចិនម្នាក់ដាក់ចូលក្នុងរថយន្ត ១គ្រឿងម៉ាក RANGE ROVER ពណ៌ស ផ្លាកលេខ ភ្នំពេញ2CD-8488 ចេញពីចំណុចផ្លូវជាតិលេខ១ ស្ថិត​ក្នុង​សង្កាត់​បាវិត ក្រុងបាវិត ខេត្តស្វាយរៀង។ក្រោយពីមានហេតុការណ៍ខាងលើកើតឡើង ដោយអនុវត្តតាមបទបញ្ជារបស់ឯកឧត្តម នា​យ​ឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន, ប្រធាន​នាយក​ដ្ឋាន​កណ្ដាល​នគរបាលយុត្តិធម៌ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាន​នគរបាល​ព្រហ្ម​ទណ្ឌ​។កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន​, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បាន​ដឹក​នាំ​សហការជាមួយស្នងការដ្ឋាននគរបាលខេត្តស្វាយរៀង ធ្វើការស្រាវជ្រាវតាមនីតិវិធី និង​ជំនាញ ដោយកំណត់បានទីតាំងដែលក្រុមជនសង្ស័យយកជនរងគ្រោះទៅបង្ខាំង និង​ធ្វើ​ទារុណ​កម្ម​។លុះនៅថ្ងៃខែឆ្នាំដដែល វេលាម៉ោង ១៤ និង៥០នាទី កម្លាំងជំនាញបានធ្វើការឃាត់​ខ្លួន​ជន​សង្ស័យ​​ចំនួន ៨នាក់ រួមមាន៖ទី១៖ ឈ្មោះ LI LING ភេទប្រុស ជនជាតិចិនទី២៖ ឈ្មោះ WANG JING ភេទប្រុស ជនជាតចិនទី៣៖ ឈ្មោះ AI NI ភេទប្រុស ជនជាតិមីយ៉ាន់ម៉ាទី៤៖ ឈ្មោះ SAI AUNG XIENG ភេទប្រុស ជនជាតិមីយ៉ាន់ម៉ាទី៥៖ ឈ្មោះ A SAN ភេទប្រុស ជនជាតិមីយ៉ាន់ម៉ាទី៦៖ ឈ្មោះ AI LONG ភេទប្រុស ជនជាតិមីយ៉ាន់ម៉ាទី៧៖ ឈ្មោះ SAN YI KUN ភេទប្រុស ជនជាតិមីយ៉ាន់ម៉ាទី៨៖ ឈ្មោះ NI LIE ភេទប្រុស ជនជាតិមីយ៉ាន់ម៉ា ឃាត់ខ្លួនត្រង់ចំណុចសង្កាត់បាវិត ក្រុងបាវិត ខេត្តស្វាយរៀង។ក្នុងនោះកម្លាំងជំនាញបានជួយសង្គ្រោះជនរងគ្រោះចំនួន ៦នាក់ ភេទប្រុស ជាជនជាតិចិន និង​ដក​ហូត​បានវត្ថុតាងធ្វើទារុណកម្មមួយចំនួន។ បច្ចុប្បន្ន ជនសង្ស័យ និង​វត្ថុ​តាង​ខាង​លើ​ត្រូវ​បាន​នាយក​ដ្ឋាន​នគរបាលព្រហ្មទណ្ឌប្រគល់ជូនស្នងការដ្ឋាននគរបាលខេត្តស្វាយរៀង អនុវត្ត​នីតិ​វិធី​បន្ត​៕

នគរបាលខណ្ឌកំបូលរក្សា​ទុកម៉ូតូ ៩គ្រឿងរយៈពេល ៣ខែ ក្រោយ​ដក​ហូត​ពី​ក្រុម​ក្មេង​ទំនើង​បង្ហោះ​ម៉ូតូ​លើដងផ្លូវសាធារណៈ

2025/12/04 04:44:49 pm        387
Facebook Telegram Linkin
កម្លាំងនគរបាលខណ្ឌកំបូលបង្ក្រាបសកម្មភាពក្រុមក្មេងទំនើងបង្ហោះម៉ូតូនៅលើដងផ្លូវសាធារណៈ ១៥នាក់ នៅចំណុចផ្លូវបេតុងជាប់ផ្លូវល្បឿនលឿន ដោយដកហូត ម៉ូតូ ៩គ្រឿងរក្សាទុករយៈពេល ៣ខែ ។នគរបាលខណ្ឌកំបូលប្រាប់ឲ្យដឹងថា ដោយអនុវត្តតាមបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញលោកវរសេនីយ៍ឯក ហុង ពិសិដ្ឋ អធិការ នៃអធិការដ្ឋាននគរបាលខណ្ឌកំបូល បានដឹកនាំផែនព្រហ្មទណ្ឌ និងប៉ុស្តិ៍នគរបាលរដ្ឋបាលទាំង៧  សហការជាមួយគណៈបញ្ជាការឯកភាព រដ្ឋបាលខណ្ឌកំបូល ដឹកនាំដោយលោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល ចុះបង្ក្រាបករណីក្រុមក្មេងទំនើងបង្ហោះម៉ូតូលើផ្លូវសាធារណៈ ១៥នាក់ កាលពីវេលាម៉ោង ១៦ និង ៣០ នាទី ថ្ងៃទី៣ ខែធ្នូ ឆ្នាំ២០២៥ ។ក្រុមក្មេងទំនើងទាំងនេះ តែងតែធ្វើសកម្មភាពបង្ហោះម៉ូតូ នៅម្ដុំផ្លូវល្បឿនលឿន ភូមិតាភេម សង្កាត់កំបូល ខណ្ឌកំបូល រាជធានីភ្នំពេញ និងនៅចំណុចផ្លូវបេតុង ភូមិបឹងគ្រើល សង្កាត់ឪឡោក ខណ្ឌកំបូល រាជធានីភ្នំពេញ ។ ក្រោយពីឃាត់បានសមត្ថកិច្ចបាននាំខ្លួនក្រុមក្មេងទំនើងទាំង ១៥នាក់ យកទៅធ្វើការអប់រំ បញ្ឍប់រាល់សកម្មភាពទំនើងដែលធ្វើឱ្យប៉ះពាល់ដល់ការសិក្សា បំផ្លាញទ្រព្យសម្បត្តិ ក៏ដូចជាកិត្តិយសគ្រួសារ ព្រមទាំងបង្កការភ័យខ្លាចដល់អ្នកជុំវិញ និងបង្កភាពអនាធិបតេយ្យក្នុងសង្គម ។ ក្នុងសកម្មភាពនោះដែរសមត្ថិកិច្ចក៏បានអញ្ជើញអាណាព្យាបាលមកធ្វើកិច្ចសន្យាធានា និងបានឱ្យកូនៗសុំទោសអាណាព្យាបាលចំពោះសមត្ថកិច្ច ទើបអនុញ្ញាតិឲ្យត្រឡប់ទៅលំនៅដ្ឋានវិញ ។ ចំណែកម៉ូតូ ចំនួន ៩គ្រឿង ត្រូវបានសមត្ថកិច្ចធ្វើការដកហូតយកទៅរក្សាទុកនៅប៉ុស្តិ៍នគរបាលរដ្ឋបាលរយៈ ពេល ០៣ខែ ជាបណ្តោះអាសន្ន ។ ជាមួយគ្នានេះដែរលោកវរសេនីយ៍ឯក ហុង ពិសិដ្ឋ អធិការ នៃអធិការដ្ឋាននគរបាលខណ្ឌកំបូល សូមអំពាវនាវដល់សិស្សានុសិស្ស និងយុវជនទាំងអស់ ត្រូវខិតខំរៀនសូត្រ ស្ដាប់ដំបូន្មានឪពុក ម្ដាយ ។ ចំណែក អាណាព្យាបាល ក៏ត្រូវយកចិត្តទុកដាក់តាមដាន និងជួយអប់រំកូនៗកុំឱ្យក្លាយជាក្មេងទំនើងដែលសង្គមកំពុងមានការស្អប់ខ្ពើម ។ ដោយឡែកចំពោះប្រជាពលរដ្ឋ បើមានអ្វីចង់ឲ្យសមត្ថកិច្ចជួយ គឺអាចទំនាក់ទំនងតាមរយៈលេខទូរស័ព្ទ 067 644 777 អធិការដ្ឋាននគរបាលខណ្ឌកំបូលនឹងត្រៀមជួយអន្តរាគមន៍២៤ម៉ោង លើ២៤ម៉ោង ៕តារាវុទ្ធី

ក្រោយពលរដ្ឋរាយការណ៍តាម App NoDrug កម្លាំងនគរបាលឃាត់ខ្លួនជនសង្ស័យ ៤នាក់ នៅស្រុកសង្កែ

2025/12/03 05:14:29 pm        609
Facebook Telegram Linkin
អាជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី៣ ខែធ្នូ ឆ្នាំ២០២៥ បានឱ្យដឹងថា ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី ប្រើប្រាស់ដោយខុសច្បាប់នូវសារធាតុញៀន នៅចំណុចភូមិច្រាបវាល ឃុំអន្លង់វិល ស្រុកសង្កែ ក្រុងបាត់ដំបង ខេត្តបាត់ដំបង បានទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការសហការ និងផ្តល់ព័ត៌មានដល់កម្លាំងជំនាញដោយមានការដឹកនាំដោយលោក វរសេនីយ៍ឯក សុខ និមល ស្នងការរង ផែនការងារប្រឆាំងគ្រឿងញៀន សហការជាមួយ កម្លាំងជំនាញការិយាល័យប្រឆាំងគ្រឿងញៀន សហការជាមួយអធិការដ្ឋាននគរបាលស្រុកសង្កែ ចុះដល់ទីតាំងប្រតិបត្តិការបង្ក្រាបករណី ប្រើប្រាស់នូវសារធាតុញៀន ក្នុងបទល្មើសជាក់ស្ដែង និងបានឃាត់ខ្លួនជនសង្ស័យចំនួន ៤នាក់។ វត្ថុតាងចាប់យក៖ ថ្នាំញៀន ម៉ាទឹកកក (ICE)ចំនួន ១ថង់, ទូរសព្ទដៃចំនួន ២គ្រឿង, សម្ភារៈកែច្នៃសម្រាប់ប្រើប្រាស់ ថ្នាំញៀនមួយចំនួន, បារីអេឡិចត្រូនិចចំនួន ២ដើម, កាបូបដាក់ប្រាក់ចំនួនមួយ។ បច្ចុប្បន្នជនសង្ស័យខាងលើ និងវត្ថុតាងត្រូវបានកសាងសំណុំរឿង បញ្ជូនទៅតុលាការចាត់ការតាមនីតិវិធីច្បាប់៕

អធិការដ្ឋាននគរបាលស្រុកសាមគ្គីមុនីជ័យ ឃាត់ខ្លួនយុវជន ២នាក់ ជិះម៉ូតូកាន់ដាវពេលយប់

2025/12/03 04:18:43 pm        228
Facebook Telegram Linkin
អគ្គស្នងការដ្ឋាននគរបាលជាតិ នៅរសៀលថ្ងៃទី៣ ខែធ្នូ ឆ្នាំ២០២៥ នេះ បានឱ្យដឹងថា ដោយបានអនុវត្តតាមបទបញ្ជារបស់ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កម្លាំងអធិការដ្ឋាននគរបាលស្រុកសាមគ្គីមុនីជ័យ បានចេញល្បាតតាមភូមិសាស្រ្ត សហការជាមួយប៉ុស្តិ៍នគរបាលរដ្ឋបាលពាំងល្វា នៅវេលាម៉ោង ២៣ និង៣០នាទី នៅថ្ងៃទី០២ ខែធ្នូ ឆ្នាំ២០២៥ បានជួបក្រុមក្មេងទំនើង ១ក្រុម មានគ្នា ២នាក់ជិះម៉ូតូ ១គ្រឿង ប្រដាប់ដោយដាវ ១ដើម នៅចំណុចផ្លូវលំស្ថិតនៅភូមិឆ្វេក ឃុំពាំងល្វា ស្រុកសាមគ្គីមុនីជ័យ។កម្លាំងអធិការខាងលើ បានឃាត់ខ្លួនមនុស្សចំនួន ២នាក់៖១. ឈ្មោះ បូ ប៊ុនថាញ ភេទប្រុស អាយុ ២៧ឆ្នាំ រស់នៅភូមិអាយាន ឃុំពាំងល្វា ស្រុកសាមគ្គីមុនីជ័យ (កាន់ដាវ) ជាមុខសញ្ញាទើបចេញពី ពន្ធនាគារ ពាក់ព័ន្ធករណី ចោរកម្ម (លួចម៉ូតូ)២. ឈ្មោះ បឿន ម៉េងហុង ភេទប្រុស អាយុ ២៣ឆ្នាំ រស់នៅភូមិ អាយាន ឃុំពាំងល្វា ស្រុកសាមគ្គីមុនីជ័យ (មុខសញ្ញាប្រើប្រាស់គ្រឿងញៀនសកម្ម)វត្ថុតាងដកហូតមាន ម៉ូតូចំនួន ១គ្រឿង ដាវ ១ដើម និង ទូរស័ព្ទចំនួន ២គ្រឿង។បច្ចុប្បន្នក្រុមក្មេងទំនើងខាងលើ ត្រូវបានឃាត់ខ្លួននៅអធិការដ្ឋាននគរបាលស្រុកសាមគ្គីមុនីជ័យដើម្បីចាត់ការតាមនីតិវិធី៕

បណ្ដាញសង្គម

ព័ត៌មានថ្មីៗ

មនុស្ស ៨នាក់ បានស្លាប់នៅក្នុងហេតុការណ៍ផ្ទុះរោងចក្រនៅភាគខាងជើងប្រទេសចិន
02/08/2026 06:02 PM
Facebook Telegram Linkin
កងកម្លាំងចិន ធ្វើការល្បាតផ្លូវទឹកនិងផ្លូវអាកាស ជុំវិញសមុទ្រចិនខាងត្បូងដែលមានជម្លោះ
02/08/2026 06:02 PM
Facebook Telegram Linkin
ជន​បរទេស​ ៦២៥ នាក់​ទៀត ត្រូវបានបណ្ដេញចេញ​ពីកម្ពុជា ពាកព័ន្ធករណីឆបោកតាមប្រព័ន្ធបច្ចេកវិទ្យា
02/08/2026 06:02 PM
Facebook Telegram Linkin
នាយករដ្ឋមន្រ្តីអ៊ីស្រាអែល គ្រោងទៅអាមេរិកជួបលោក Trump នាសប្ដាហ៍ក្រោយ ដើម្បីពិភាក្សាពីបញ្ហាអ៊ីរ៉ង់
02/08/2026 06:02 PM
Facebook Telegram Linkin
អាជ្ញាធរចក្រភពអង់គ្លេស ចេញការព្រមានអំពីគ្រោះទឹកជំនន់ ខណៈនឹងមានភ្លៀងធ្លាក់ខ្លាំងបន្ថែមទៀត
02/08/2026 06:02 PM
Facebook Telegram Linkin
លោក Trump ចង់រៀបចំកិច្ចប្រជុំលើកដំបូងនៃក្រុមប្រឹក្សាសន្តិភាព នៅទីក្រុងវ៉ាស៊ីនតោន ក្នុងខែនេះ
02/08/2026 06:02 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតី ក្នុងពិធីបើកដំណើរការគម្រោងវះកាត់បេះដូងកុមារ
02/08/2026 05:02 PM
Facebook Telegram Linkin
ខ្មែរជួយខ្មែរ! ក្រសួងការងារ បន្ត​ពាំនាំឱកាសការងារជាង៣ពាន់កន្លែង ជូនដល់ដៃពលរដ្ឋ ​នៅមូលដ្ឋានខេត្តបាត់ដំបង
02/08/2026 04:02 PM
Facebook Telegram Linkin
កូរ៉េខាងជើង នឹងកោះប្រជុំសមាជលើកទី៩ ដ៏ធំនៅចុងខែកុម្ភៈនេះ ដើម្បីកំណត់គោលនយោបាយសំខាន់ៗ
02/08/2026 04:02 PM
Facebook Telegram Linkin
ព្រិលធ្លាក់ដ៏កម្រនៅពាសពេញប្រទេសជប៉ុន ក្នុងថ្ងៃបោះឆ្នោត បានបង្កការលំបាកដល់អ្នកទៅបោះឆ្នោត
02/08/2026 04:02 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.