នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សមត្ថកិច្ចខេត្តព្រះសីហនុ បង្ក្រាបទីតាំងសង្ស័យ Online Scams នៅកាស៊ីណូ ជីន យូ មេន តាំង ឃាត់ខ្លួនមនុស្ស ៩នាក់
រដ្ឋមន្ត្រីក្រសួងយុត្តិធម៌៖ ច្បាប់ប្រឆាំង Online Scam នឹងរួមចំណែក​ធានាមិនឱ្យបទល្មើសនេះ​ត្រឡប់វិញ
សមត្ថកិច្ចឃាត់ខ្លួនជនបរទេស ១៧នាក់ ពាក់ព័ន្ធករណី Online Scam ក្នុងភូមិសាស្ត្រ​សង្កាត់​វាលស្បូវ
សមត្ថកិច្ច ឃាត់ខ្លួនជនជាតិវៀតណាម ១០នាក់ទៀត ជាប់ពាក់ព័ន្ធ Online Scam នៅសង្កាត់ព្រែកប្រា ខណ្ឌច្បារអំពៅ

សន្តិសុខ និង សង្គម

អ្នកវិភាគ៖ ទំនាក់ទំនងរុស្ស៊ី-អ៊ីស្រាអ៊ែល មានការរង្គោះរង្គើខ្លាំង ដោយសារសង្រ្គាមហ្កាហ្សា

2023/12/21 11:26:24 am        165
Facebook Telegram Linkin
ក្រុមអ្នកវិភាគ បាននិយាយថា ក្នុងចំណោមប្រទេសដែលថ្កោលទោសសង្រ្គាមរបស់អ៊ីស្រាអែល នៅតំបន់ ហ្កាហ្សា ប្រទេសមួយដែលលេចធ្លោគឺ រុស្ស៊ីបានកសាងទំនាក់ទំនងកាន់តែកើនឡើងជាមួយអ៊ីស្រាអែល ប៉ុន្តែភាពស្អិតរមួតនោះ ត្រូវបានបញ្ចប់ដោយការផ្លាស់ប្តូរនៃភូមិសាស្ត្រនយោបាយមជ្ឈិមបូព៌ា។កាលពីពីរឆ្នាំមុន ស្ថានភាពនៃការទំនាក់ទំនង មានភាពខុសគ្នាយ៉ាងខ្លាំង។នៅពេលដែលរុស្ស៊ី បានឈ្លានពានអ៊ុយក្រែន ក្នុងខែកុម្ភៈឆ្នាំ ២០២២ អ៊ីស្រាអែល មិនបានចូលរួមជាមួយលោកខាងលិច ក្នុងការដាក់ទណ្ឌកម្មទីក្រុងមូស្គូ ដែលជាការបង្ហាញពីសម្ព័ន្ធភាពនៃភាពជិតស្និទ្ធរវាងរដ្ឋាភិបាលទាំងពីរ។បច្ចុប្បន្ន ប្រធានាធិបតីរុស្ស៊ី លោក វ្ល៉ាឌីមៀ ពូទីន ស្ថិតក្នុងចំណោមអ្នករិះគន់ខ្លាំងបំផុតរបស់អ៊ីស្រាអែល ហើយបានបដិសេធមិនទទួលស្គាល់ការវាយប្រហារដ៏បង្ហូរឈាមរបស់ក្រុមហាម៉ាសកាលពីថ្ងៃទី៧ ខែ តុលា។ផ្ទុយទៅវិញ សង្គ្រាមរបស់លោកប្រឆាំងនឹងអ៊ុយក្រែន បានជំរុញឲ្យរុស្ស៊ីឈានទៅរកការរួមគ្នាមួយផ្សេង ដែលពេលនេះ គឺជាមួយនឹងប្រទេសអ៊ីរ៉ង់ដែលជាសត្រូវរបស់អ៊ីស្រាអែល។ រុស្ស៊ីបានគាំទ្រជាផ្លូវការនូវការអំពាវនាវឲ្យមានបទឈប់បាញ់ជាបន្ទាន់ នៅតំបន់ហ្កាហ្សា នៅអង្គការសហប្រជាជាតិ ខណៈដែលសង្រ្គាមចាប់ផ្តើមដំបូង លោក ពូទីន បានចោទប្រកាន់អ៊ីស្រាអែលថា បានគិតពី យុទ្ធសាស្ត្រ ប្រៀបធៀបទៅនឹងការឡោមព័ទ្ធដ៏ឃោរឃៅរបស់ណាស៊ីអាល្លឺម៉ង់ចំពោះអ្វីដែលបច្ចុប្បន្ននេះ ជាទីក្រុង Saint Petersburg ក្នុងអំឡុងសង្គ្រាមលោកលើកទីពីរ។ក្រសួងសុខាភិបាលនៅតំបន់ហ្កាហ្សា ដែលគ្រប់គ្រងដោយក្រុមហាម៉ាស និយាយថា ការវាយលុករបស់អ៊ីស្រាអែល ដែលមានគោលបំណងបំផ្លាញក្រុមហាម៉ាស បានសម្លាប់មនុស្សជាង ១៩.៦០០ នាក់ ដែលភាគច្រើនជាស្ត្រី និងកុមារ។

លោក Biden និយាយថា កិច្ចព្រមព្រៀងចំណាប់ថ្នូថ្មីនឹងមិនសម្រេចក្នុងពេលឆាប់ៗនេះទេ

2023/12/21 11:09:18 am        81
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃពុធ (២០ ធ្នូ) ថា លោកមិនរំពឹងថាកិច្ចព្រមព្រៀងអ៊ីស្រាអែល និងក្រុមហាម៉ាស សម្រាប់ការដោះលែងចំណាប់ថ្នូដែលឃុំខ្លួននៅហ្កាហ្សា នឹងត្រូវសម្រេចបានក្នុងពេលឆាប់ៗនេះនោះទេ។ កិច្ចខិតខំប្រឹងប្រែងកំពុងដំណើរការដើម្បីព្យាយាមរៀបចំឱ្យមានការដោះលែងចំណាប់ថ្នូបន្ថែមទៀត ដោយមានប្រមុខចារកម្ម CIA របស់អាមេរិក និងប្រមុខចារកម្ម ម៉ូសាដ (Mossad) របស់អ៊ីស្រាអែល ព្រមទាំងនាយករដ្ឋមន្ត្រីកាតា ត្រូវបានគេរំពឹងថានឹងជួបពិភាក្សាអំពីបញ្ហានេះ។នៅពេលត្រូវសាកសួរអំពីថាតើមានកិច្ចព្រមព្រៀងចំណាប់ថ្នូរណាមួយកើតឡើងក្នុងពេលឆាប់ៗនេះឬទេ លោក បៃដិន បានឆ្លើយប្រាប់អ្នកយកព័ត៌មានថា «យើងកំពុងជំរុញរឿងនោះហើយ។ មិនមានការរំពឹងទុកណាមួយនៅចំណុចនេះទេ ប៉ុន្តែយើងកំពុងជំរុញឲ្យវាកើតឡើង»។អ៊ីស្រាអែល និងក្រុមហាម៉ាស បានព្រមព្រៀងបទឈប់បាញ់រយៈពេលមួយសប្តាហ៍កាលពីចុងខែវិច្ឆិកា ដែលសម្របសម្រួលដោយកាតា និងអេហ្ស៊ីប ដែលរួមមានការដោះលែងចំណាប់ថ្នូរជាង ១០០នាក់ ពីតំបន់ហ្កាហ្សា ជាថ្នូរនឹងអ្នកទោសស្ត្រី និងក្មេងជំទង់ប៉ាឡេស្ទីន ២៤០នាក់ពីពន្ធនាគារអ៊ីស្រាអែល។ មនុស្សមួយចំនួន ក្នុងចំណោមចំណាប់ថ្នូរដែលនៅសេសសល់ក្នុងតំបន់ហ្កាហ្សា ត្រូវបានអាជ្ញាធរអ៊ីស្រាអែល ប្រកាសថាស្លាប់ដោយកំបាំងមុខ៕

មេដឹកនាំក្រុមហ៊ូទី គំរាមវាយប្រហារនាវាចម្បាំងអាមេរិក ប្រសិនបើក្រុងវ៉ាស៊ីនតោន កំណត់គោលដៅលើប្រទេសយេម៉ែន

2023/12/21 10:49:09 am        94
Facebook Telegram Linkin
មេដឹកនាំក្រុមហ៊ូទីនៅប្រទេសយេម៉ែន បានព្រមានកាលពីថ្ងៃពុធថា ពួកគេ នឹងវាយប្រហារលើនាវាចម្បាំងរបស់សហរដ្ឋអាមេរិក ប្រសិនបើកងជីវពលដែលគាំទ្រដោយអ៊ីរ៉ង់ ត្រូវបានកំណត់គោលដៅដោយទីក្រុងវ៉ាស៊ីនតោន ដែលសប្តាហ៍នេះ បានបង្កើតកងកម្លាំងពហុជាតិ ដើម្បីប្រឆាំងនឹងការវាយប្រហាររបស់ក្រុមហ៊ូទី លើនាវាពាណិជ្ជកម្ម នៅសមុទ្រក្រហម។ក្រុមហ៊ូទីដែលគ្រប់គ្រងទឹកដីដ៏ច្រើនសន្ធឹកសន្ធាប់ ក្នុងប្រទេសយេម៉ែន បន្ទាប់ពីសង្គ្រាមជាច្រើនឆ្នាំ ចាប់តាំងពីខែមុន បានបាញ់យានដ្រូន និងមីស៊ីលទៅលើនាវាអន្តរជាតិ ដែលធ្វើដំណើរឆ្លងកាត់សមុទ្រក្រហម ជាការវាយប្រហារដែលខ្លួននិយាយថា ឆ្លើយតបទៅនឹងការវាយលុករបស់អ៊ីស្រាអែលលើតំបន់ហ្កាហ្សាស្ទ្រីប។គំនិតផ្តួចផ្តើមផ្នែកសន្តិសុខដែលដឹកនាំដោយសហរដ្ឋអាមេរិក នឹងឃើញទីក្រុងវ៉ាស៊ីនតោន និងប្រទេសចំនួនដប់ផ្សេងទៀត ដែលភាគច្រើនជាប្រទេសរបស់អង្គការណាតូ ធ្វើការល្បាតនៅសមុទ្រក្រហម ដើម្បីទប់ស្កាត់ និងឆ្លើយតបចំពោះការវាយប្រហាររបស់ក្រុមហ៊ូធី នាពេលខាងមុខ ដែលរហូតមកដល់ពេលនេះ នាំឲ្យខ្សែដឹកជញ្ជូនពិភពលោកធំៗប្តូរទិសជុំវិញទ្វីបអាហ្វ្រិកជំនួសវិញ។លោក Abdel-Malek al-Houthi បាននិយាយថា៖«យើងនឹងមិនឈរដោយស្ងៀមស្ងាត់ឡើយ ប្រសិនបើជនជាតិអាមេរិក ត្រូវបានជំរុញឲ្យបង្កើនភាពតានតឹងបន្ថែមទៀត និងប្រព្រឹត្តខ្វះការពិចរណា ដោយកំណត់គោលដៅលើប្រទេសរបស់យើង ឬធ្វើសង្រ្គាមប្រឆាំងនឹងវានោះ» ។លោកបាននិយាយនៅក្នុងសន្ទរកថាតាមទូរទស្សន៍ថា៖«រាល់គោលដៅរបស់អាមេរិកមកលើប្រទេសរបស់យើង នឹងត្រូវកំណត់គោលដៅដោយពួកយើង ហើយយើងនឹងធ្វើឲ្យនាវាចម្បាំង ផលប្រយោជន៍ និងនាវាចរណ៍របស់អាមេរិក ក្លាយជាគោលដៅសម្រាប់មីស៊ីល យានដ្រូន និងកិច្ចប្រតិបត្តិការយោធារបស់យើង»។

អ៊ីស្រាអ៊ែល និងប្រទេសកោះស៊ីប ពិភាក្សាអំពីផ្លូវសមុទ្រដ៏លឿនសម្រាប់ដឹកជញ្ជូនជំនួយទៅកាន់តំបន់ហ្កាហ្សា

2023/12/21 10:43:54 am        67
Facebook Telegram Linkin
អ៊ីស្រាអែល និងប្រទេសកោះស៊ីប បានព្រមព្រៀងគ្នាកាលពីថ្ងៃពុធ ដើម្បីបន្តវិធីរៀបចំច្រករបៀងជំនួយដែនសមុទ្រទៅកាន់តំបន់ហ្កាហ្សា ជាវិធានការមួយ ដែលអ៊ីស្រាអែល បាននិយាយថា ជា «ជំហានដ៏ សំខាន់»ឆ្ពោះទៅរកបញ្ចប់ការកាត់ផ្តាច់ផ្នែកសេដ្ឋកិច្ចពីតំបន់ដែលខ្លួនបានឈ្លានពាន ដើម្បីលុបបំបាត់ក្រុមសកម្មប្រយុទ្ធហាម៉ាស។សេចក្តីថ្លែងការណ៍របស់ក្រសួងការបរទេសអ៊ីស្រាអែល បាននិយាយថា រដ្ឋមន្ត្រីការបរទេសអ៊ីស្រាអែលកំពុងស្ថិតក្នុងប្រទេសស៊ីប ដើម្បីពិភាក្សាអំពីច្រករបៀង ដែលបានស្នើឡើងដោយរដ្ឋធានីនីកូសៀ ( Nicosia) កាលពីដើមខែវិច្ឆិកា។ វានឹងស្ថិតក្រោមការត្រួតពិនិត្យផ្នែកសន្តិសុខ ដែលសម្របសម្រួលដោយអ៊ីស្រាអែល។ ប្រទេសកោះស៊ីប ដែលជារដ្ឋសមាជិកសហភាពអឺរ៉ុបជិតបំផុត ទៅនឹងជ្ឈិមបូព៌ា បានយល់ព្រមធ្វើជាម្ចាស់ផ្ទះនិងប្រតិបត្តិការកន្លែងផ្តល់ជំនួយប្រកបដោយនិរន្តរភាពដោយផ្ទាល់ទៅកាន់តំបន់ហ្កាហ្សាស្ទ្រីប នៅពេលដែលសង្រ្គាមបំផ្លិចបំផ្លាញរវាងអ៊ីស្រាអែល និងក្រុមហាម៉ាស ត្រូវបានបញ្ចប់។ប្រសិនបើផែនការនេះ សម្រេចបាន វានឹងក្លាយជាលើកទី១ ហើយដែលការបិទផ្លូវរបស់កងទ័ពជើងទឹកអ៊ីស្រាអែល នៅតំបន់ហ្កាហ្សា ត្រូវបានបន្ធូរបន្ថយ ចាប់តាំងពីវាត្រូវបានដាក់ជាលើកដំបូងដោយអ៊ីស្រាអែលក្នុងឆ្នាំ ២០០៧ បន្ទាប់ពីក្រុមហាម៉ាសអ៊ីស្លាម បានដណ្តើមកាន់កាប់ទឹកដីប៉ាឡេស្ទីន។

ការលួចដុតត្រូវបានសង្ស័យ បន្ទាប់ពីមនុស្ស៤នាក់ស្លាប់ ដោយអគ្គិភ័យឆេះរថភ្លើងនៅបង់ក្លាដែស និងមានការតវ៉ា

2023/12/20 02:23:31 pm        198
Facebook Telegram Linkin
អគ្គីភ័យ បានឆាបឆេះរថភ្លើងមួយគ្រឿង ដែលកំពុងធ្វើដំណើរក្នុងប្រទេសបង់ក្លាដែស កាលពីថ្ងៃអង្គារ។ មនុស្ស ៤ នាក់បានស្លាប់ រួមមានទាំងកុមារអាយុ ៣ឆ្នាំម្នាក់ និងម្តាយរបស់កុមារ។ រថភ្លើង ដែលធ្វើដំណើរឆ្ពោះទៅកាន់រដ្ឋធានី Dhaka បានចាកចេញពីភាគខាងជើងប្រទេសបង់ក្លាដែស។ រថយន្ត៣គ្រឿង ក៏ត្រូវភ្លើងឆេះផងដែរ។ នគរបាល កំពុងស៊ើបអង្កេតករណីនេះថា អាចជាករណីលួចដុត។អគ្គិភ័យ បានកើតឡើងមុនការបោះឆ្នោតសកល ដែលគ្រោងនឹងធ្វើនៅខែមករា។ ជាមួយគ្នានេះ ក៏មានការប៉ះទង្គិចគ្នា បានផ្ទុះឡើងរវាងមន្ត្រីនគរបាល និងក្រុមអ្នកគាំទ្រគណបក្សប្រឆាំង។ ក្រុមអ្នកគាំទ្របានចូលរួមធ្វើបាតុកម្មប្រឆាំងរដ្ឋាភិបាល ដែលអ្នកតវ៉ាមួយចំនួន បានធ្វើឲ្យក្លាយទៅជាអំពើហិង្សា ដោយពួកគេបានដុតរថយន្តក្រុង និងរថយន្តផ្សេងទៀត។ រដ្ឋាភិបាល បានប្រកាន់ជំហរតឹងរ៉ឹង និងឃុំខ្លួនសមាជិកជាន់ខ្ពស់របស់គណបក្សប្រឆាំង។ អ្នកគាំទ្រគណបក្សទាំងនោះ បានអំពាវនាវឱ្យធ្វើបាតុកម្មនៅទូទាំងប្រទេស កាលពីថ្ងៃអង្គារ។ ពួកគេចង់ឲ្យមធ្យោបាយធ្វើដំណើរសាធារណៈត្រូវបានបញ្ឈប់ ប៉ុន្តែ ពួកគេបដិសេធថា មិនបានពាក់ព័ន្ធទៅនឹងអគ្គិភ័យឆេះរថភ្លើងនេះទេ។ ក្រុមអ្នកសង្កេតការណ៍និយាយថា សន្តិសុខនៅក្នុងប្រទេសបង់ក្លាដែស អាចធ្លាក់ចុះនៅមុនការបោះឆ្នោតសកល។ នគរបាលបាននិយាយថា ភ្លាមៗនោះ គេនៅមិនទាន់ដឹងច្បាស់ថា តើមានមនុស្សប៉ុន្មាននាក់នៅលើរថភ្លើង ដែលធ្វើដំណើរឆ្ពោះទៅកាន់រដ្ឋធានី Dhaka នោះទេ។ឧប្បត្តិហេតុសោកនាដកម្មនេះ គឺជារឿងចុងក្រោយបំផុតដែលកើតឡើងក្នុងអំឡុងពេលការធ្វើបាតុកម្មនៅទូទាំងប្រទេស ដែលអំពាវនាវដោយក្រុមប្រឆាំង ដាក់សម្ពាធការទាមទាររបស់ខ្លួនឱ្យរដ្ឋាភិបាលលាលែងពីតំណែង មុនការបោះឆ្នោតសកលនៅខែក្រោយ។

អាមេរិក ចាប់ផ្ដើមប្រតិបត្តិការកងកម្លាំងពហុជាតិនៅសមុទ្រក្រហម ខណៈនាវាប្តូរទិសធ្វើដំណើរជៀសវាងការវាយប្រហារ

2023/12/20 02:17:27 pm        133
Facebook Telegram Linkin
សហរដ្ឋអាមេរិក កាលពីថ្ងៃអង្គារ (១៩ ធ្នូ) បានចាប់ផ្តើមប្រតិបត្តិការពហុជាតិសាសន៍ដើម្បីការពារពាណិជ្ជកម្មនៅសមុទ្រក្រហម ខណៈដែលការវាយប្រហារដោយពួកសកម្មប្រយុទ្ធយេម៉ែន ដែលគាំទ្រដោយអ៊ីរ៉ង់ បានបង្ខំឱ្យក្រុមហ៊ុនដឹកជញ្ជូនធំៗផ្លាស់ប្តូរផ្លូវធ្វើដំណើរ ដោយបង្កឱ្យមានការភ័យខ្លាចនៃការរំខានដល់ពាណិជ្ជកម្មសកល។ចាប់តាំងពីខែមុន ក្រុមសកម្មប្រយុទ្ធ ហ៊ូទី (Houthi) ដែលគ្រប់គ្រងទឹកដីដ៏ច្រើនក្នុងប្រទេសយេម៉ែន បន្ទាប់ពីសង្គ្រាមជាច្រើនឆ្នាំមកនោះ បានបាញ់យានដ្រូន និងមីស៊ីលទៅកាន់នាវាអន្តរជាតិដែលធ្វើដំណើរឆ្លងកាត់សមុទ្រក្រហម ដោយជាការវាយប្រហារដែលខ្លួននិយាយថា ឆ្លើយតបទៅនឹងការវាយប្រហារដ៏បង្ហូរឈាមរបស់អ៊ីស្រាអែល លើតំបន់ហ្កាហ្សាស្ទ្រីប ដែលគ្រប់គ្រងដោយក្រុមហាម៉ាស។នៅសប្តាហ៍នេះ ការវាយប្រហារបានចាប់ផ្តើមធ្វើឱ្យប៉ះពាល់ដល់ពាណិជ្ជកម្មពិភពលោក ដោយរំខានដល់ផ្លូវពាណិជ្ជកម្មដ៏សំខាន់ដែលតភ្ជាប់អឺរ៉ុប និងអាមេរិកខាងជើង ជាមួយអាស៊ីតាមរយៈព្រែកជីកស៊ុយអេ។វិបត្តិសមុទ្រក្រហម ដែលបានរីកធំឡើងចេញពីសង្រ្គាមរវាងអ៊ីស្រាអែល និងក្រុមអ៊ីស្លាមប៉ាឡេស្ទីនហាម៉ាស នេះគឺជាបញ្ហាចុងក្រោយបង្អស់នៅមជ្ឈិមបូព៌ា ដើម្បីរុញច្រានសហរដ្ឋអាមេរិក និងសម្ព័ន្ធមិត្តរបស់ខ្លួនប្រឆាំងនឹងអ៊ីរ៉ង់ និងកងជីវពលអារ៉ាប់ក្នុងតំបន់៕

មេធាវីរដ្ឋតិចសាស់ របស់អាមេរិក បារម្ភថាច្បាប់អន្តោប្រវេសន៍ថ្មីនឹងនាំឱ្យមានការរើសអើងពូជសាសន៍

2023/12/20 01:48:10 pm        114
Facebook Telegram Linkin
អភិបាលរដ្ឋតិចសាស់ លោក ហ្គ្រេក អាបបុត (Greg Abbott) កាលពីថ្ងៃច័ន្ទ (១៨ ធ្នូ) បានចុះហត្ថលេខាលើច្បាប់មួយដែលអនុញ្ញាតឱ្យកងកម្លាំងអនុវត្តច្បាប់របស់រដ្ឋនេះចាប់ខ្លួនមនុស្សដែលត្រូវបានគេសង្ស័យថាបានឆ្លងកាត់ព្រំដែនអាមេរិក-ម៉ិកស៊ិកដោយខុសច្បាប់ ដោយផ្តល់ឱ្យក្រុមមន្ត្រីក្នុងតំបន់នូវអំណាចដែលបានផ្ទេរជាយូរមកហើយទៅឱ្យរដ្ឋាភិបាលសហរដ្ឋអាមេរិកក្នុងសកម្មភាពដែលទំនងជាបង្កឱ្យមានបញ្ហាប្រឈមផ្លូវច្បាប់។មេធាវីរដ្ឋតិចសាស់ លោកស្រី វ៉ីកគី ហ្កាមប្រា (Vickie Giambra) នាយកផ្នែកច្បាប់ និងតស៊ូមតិនៃអង្គការមិនរកប្រាក់ចំណេញនៃកិច្ចសហប្រតិបត្តិការផ្នែកច្បាប់អន្តោប្រវេសន៍ទីក្រុង ហុសស្តុន (Houston) បាននិយាយថា ច្បាប់នេះអាចនាំឱ្យមានការរើសអើងពូជសាសន៍។ លោកស្រី ហ្កាមប្រា បាននិយាយថា «ស្ថានភាពនេះពិតជាសមហេតុផលនោះទេ ហើយនោះជាមូលហេតុដែលនាំឲ្យយើងមានការព្រួយបារម្ភយ៉ាងខ្លាំងថា ច្បាប់នេះនឹងនាំទៅរកការរើសអើងពូជសាសន៍ ព្រោះតែគេមិនអាចដឹងដោយគ្រាន់តែមើលពីសំបកក្រៅបានទេថាអ្នកណាម្នាក់ចូលទៅក្នុងរដ្ឋតិចសាស់ ដោយគ្មានឯកសារ»។ច្បាប់ដែលត្រូវបានគេស្គាល់ថាឈ្មោះ SB-4 នេះនឹងចូលជាធរមាននៅខែមីនា ហើយនឹងបង្កើតក្រុមឧក្រិដ្ឋកម្មរដ្ឋថ្មីមួយសម្រាប់ការចូល ឬចូលម្ដងទៀតនៅក្នុងរដ្ឋតិចសាស់ដោយខុសច្បាប់ ជាមួយនឹងទោសពិន័យចាប់ពី ១៨០ថ្ងៃរហូតដល់ ២០ឆ្នាំនៅក្នុងពន្ធនាគារ។ ក្រុមចៅក្រមនៃរដ្ឋតិចសាស់ នឹងត្រូវតម្រូវឱ្យបញ្ជាជនអន្តោប្រវេសន៍ខុសច្បាប់ទាំងនោះត្រឡប់ទៅប្រទេសម៉ិកស៊ិកវិញ ឬមានការកាត់ទោសរហូតដល់ ២០ឆ្នាំ សម្រាប់អ្នកដែលមិនព្រមអនុវត្តតាម។ចាប់តាំងពីលោកប្រធានាធិបតីអាមេរិក ចូ បៃដិន (Joe Biden) ចូលកាន់តំណែងនៅឆ្នាំ២០២១មក សហរដ្ឋអាមេរិក បានជាប់គាំងជាមួយនឹងចំនួនជនអន្តោប្រវេសន៍ដ៏ច្រើនលើសលប់ដែលប៉ុនប៉ងឆ្លងកាត់ដោយខុសច្បាប់ពីកន្លែងផ្សេងៗ ជាពិសេសពីប្រទេសម៉ិកស៊ិក៕

ស្នងការនគរបាលរាជធានី អំពាវនាវឱ្យជនសង្ស័យបើករថយន្ដ Jeep ដែលបុកមនុស្សស្លាប់​ចូលខ្លួនសារភាព

2023/12/20 01:28:49 pm        922
Facebook Telegram Linkin
ភ្នំពេញ ៖ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជា​ស្នងការ​នគរបាល​រាជ​ធានី​ភ្នំពេញ បានអំពាវនាវដល់ក្មួយប្រុស ជាជនសង្ស័យ បើករថយន្ដ Jeep ដែលបុក​បុរស​ម្នាក់​ស្លាប់ នៅខណ្ឌទួលគោក ឬ អាណាព្យាបាលសូមនាំកូនប្រុស មកសារភាព និង​បង្ហាញ​ខ្លួន​នៅ​ស្នង​ការដ្ឋាន​នគរបាលរាជធានីភ្នំពេញ ដើម្បីអនុវត្តតាមនីតិវិធី។ឧត្តមសេនីយ៍ឯក ជួន ណារិន្ទ បានបញ្ជាក់ថា កុំរត់​គេច​ខ្លួន​បែប​នេះ​វា​មិន​អាច​គេច​ពី​ផ្លូវ​ច្បាប់​មួយ​ជីវិត​បាន​ទេ សមត្ថកិច្ចមិនដកដៃក្នុងការអនុវត្តន៍ច្បាប់ចំពោះករណីនេះបានទេ ដីកាបញ្ជា​ឱ្យ​ចូល​ខ្លួន​របស់​លោកព្រះរាជអាជ្ញា បើនៅតែបន្តគេចខ្លួន សមត្ថកិច្ច និង​បន្ត​សុំដី​កាតា​ម​រក​ចាប់​ខ្លួន​បន្ត​ទៀត​ហើយ​។កាលពីថ្ងៃទី១៩ ខែធ្នូម្សិលមិញនេះ ឯកឧត្តម ជិន ម៉ាលីន បានឱ្យដឹងថា ចំពោះ​ករណី​គ្រោះថ្នាក់​ចរាចរណ៍​នេះ ស្ថាប័នអយ្យការបានចេញដីកាបញ្ជាឱ្យចូលខ្លួន បង្គាប់​ឱ្យ​ជន​សង្ស័យ​បង្ហាញ​ខ្លួន​នៅ​អយ្យការអមសាលាដំបូងរាជធានីភ្នំពេញ ឱ្យបានមុនថ្ងៃទី០៩ ខែមករា ឆ្នាំ២០២៤។ ដីកា​បញ្ជា​ឱ្យចូលខ្លួននេះ ក៏មានអនុភាពបញ្ជាឱ្យកម្លាំងសមត្ថកិច្ច ស្វែងរក និងនាំ​ខ្លួន​ជន​សង្ស័យម​ក​កាន់​អយ្យការផងដែរ ក្នុងករណីមិនព្រមចូលមកបង្ហាញខ្លួន។ ឯកឧត្តម ជិន ម៉ាលីន បញ្ជាក់ថា ចំពោះលទ្ធផលនៃការអនុវត្តដីកាបញ្ជាឱ្យចូលខ្លួននេះ ឯកឧត្តម​នឹង​ជូន​ព័ត៌មានបន្ថែមតាមក្រោយទៀត។ ចំពោះករណីគ្រោះថ្នាក់ចរាចរណ៍នេះ ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ បានណែនាំឱ្យព្រះរាជអាជ្ញារាជធានីភ្នំពេញ ធ្វើការ​ពិនិត្យ ស្រាវជ្រាវ និងធ្វើការដោះស្រាយឱ្យបានត្រឹមត្រូវ និងម៉ឹងម៉ាត់តាមផ្លូវច្បាប់។ករណីគ្រោះថ្នាក់នេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី១៤ ខែធ្នូ ឆ្នាំ​២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌ​ទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់​ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅ​ពី​លិច​ទៅ​កើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បាន​បើកបរ​ក្នុង​ល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះ​មក​ដល់​ចំណុច​កើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេល​នោះ​រថយន្ត​បើក​លឿន​បោះពួយ​ទៅ​បុក​ម៉ូតូ​ពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែក​រថយន្ត​នៅ​មាន​ល្បឿន​បាន​អូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុក​រថយន្ត​ចោលហើយគេចខ្លួនបាត់៕ អត្ថបទ ៖ ប្រាក់ វ៉ាន់ដា

តំណាងអយ្យការបើកការស៊ើបសួរលើស្ដ្រីម្នាក់ ដែលចាប់ក្មួយស្រីរបស់ខ្លួនចងដៃជើង និងប្រើហិង្សា

2023/12/20 12:36:33 pm        806
Facebook Telegram Linkin
ភ្នំពេញ៖ តំណាងអយ្យការអមសាលាដំបូងរាជធានីភ្នំពេញ បានបើកការស៊ើបសួរ និងចោទប្រកាន់ចំពោះស្ដ្រីម្នាក់ដែលបានចាប់ចងដៃចងជើងក្មួយស្រីរបស់ខ្លួន និងប្រើហិង្សា។លោក វ៉ិត មឃៈ ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ​បានឲ្យដឹងនៅថ្ងៃទី២០ ខែធ្នូ ឆ្នាំ២០២៣នេះថា ករណីនេះ តំណាងអយ្យការ បានបើកការស៊ើបសួរ​លើជនសង្ស័យពីបទហិង្សាដោយចេតនាមានស្ថានទម្ងន់ទោសទាក់ទងទៅនឹងជនរងគ្រោះ មាត្រា២១៩ នៃក្រមព្រហ្មទណ្ឌ។សូមរំលឹកថា នៅថ្ងៃទី១៦ ខែធ្នូ ឆ្នាំ២០២៣ វេលាម៉ោង២០និង០០នាទី នៅចំណុចផ្ទះ៣០៩K ក្រុម៥ ផ្លូវបេតុង ភូមិទួលគោក សង្កាត់ទួលសង្កែ១ ខណ្ឌឫស្សីកែវ មានករណី​ហិង្សាដោយចេតនាលើ​អនិតិជន ដោយសកម្មភាពចង និងទះកំភ្លៀងលើកុមារី អាយុ៦ឆ្នាំ ។ បើតាមសមត្ថកិច្ចបានឲ្យដឹងថា នគរបាលបានឃាត់ខ្លួនជនសង្ស័យម្នាក់ឈ្មោះ ឃុន វ៉ាន់ដា ភេទស្រី អាយុ៣៨ឆ្នាំ មុខរបរនៅផ្ទះ មានទីលំនៅផ្ទះកើតហេតុ ដែលត្រូវជាអុំស្រីកុមារីរងគ្រោះ។ មុនពេលកើតហេតុ ជនសង្ស័យបាន​ហៅក្មួយ​ចំនួន០៤នាក់​ ហូបបាយជុំគា្ននៅក្នុងនោះ ក៏មានក្មេងស្រីរងគ្រោះផងដែរ ។ក្រោយពេលហូបបាយរួចជនសង្ស័យបានហៅជនរងគ្រោះមករៀន ប៉ុន្តែជនរងគ្រោះមិនមករៀន​ធើ្វឲ្យជនសង្ស័យខឹងទ្រាំមិនបានក៏ទាញដៃជនរងគ្រោះចេញពីផ្ទះមកឈរនៅខាងមុខផ្ទះ​ក្រៅរបងរួច​ជនសង្ស័យ​បានបិទទា្វររបងផ្ទះដើរចូលក្នុងផ្ទះចំណែកជនរងគ្រោះក៏បានស្រែកយំ និង​យកដៃវាយទ្វាររបងផ្ទះធើ្វឲ្យជនសង្ស័យខឹងទ្រាំមិនបានក៏បើកទ្វាររបងផ្ទះយកក្រម៉ាដែលទុក​នៅលើម៉ូតូយកមកធ្វើសកម្មភាពចងជើងចងដៃជនរងគ្រោះឲ្យដេកផ្កាប់មុខទៅនិងដី ហើយជីដូនជនរងគ្រោះចេញពីក្នុងផ្ទះមកអង្គុយពីលើជនរងគ្រោះជួយចងជើង រួចដើរចូល​ក្នុងផ្ទះវិញបិទទ្វាររបងផ្ទះចំណែក ជនរងគ្រោះនៅតែស្រែកយំធ្វើឲ្យជនជនសង្ស័យទ្រាំ​មិនបានបើកទា្វររបងផ្ទះចេញមកក្រៅទះកំភ្លៀងជនរងគ្រោះចំនួន០៣ដៃទៅលើផ្ទៃមុខ។ សកម្មភាពហិង្សានេះក៏ត្រូវបានអ្នកជិតខាងថតបាន និងចែកចាយតាមបណ្ដាញសង្គម ក្រោយ​ទទួលបានដំណឹងនេះកម្លាំងសមត្ថច្ចកិខណ្ឌឫស្សីកែវ ​និងនគរបាលប៉ុស្តិ៍ទួលសង្កែ១ បានចេញ​ជួយ​អន្តរាគមន៍​ ដោយឃាត់ជនសង្ស័យអនុវត្តនិតិវិធី ។សូមបញ្ជាក់ថា ឈ្មោះ ឃុន សុខគីម ភេទស្រីអាយុ៣៦ឆាំ្ន មុខរបរគ្រូពេទ្យ ត្រូវជាម្តាយជនរងគ្រោះ បានយកកូនចំនួន០៤នាក់ ក្នុងនោះក៏មានជនរងគ្រោះម្នាក់ផងដែរ យកទៅឲ្យម្តាយបង្កើត និងបងស្រីដែលត្រូវជាជនសង្ស័យចិញ្ចឹមបីបាច់រៀនសូត្រ រយៈពេល០៤ឆ្នាំមកហើយ មុនឪពុកម្តាយលែងលះគ្នា៕អត្ថបទ ៖ ប្រាក់ វ៉ាន់ដា

ការចរចាបទឈប់បាញ់អ៊ីស្រាអែល-ហ្កាហ្សា ត្រូវបានពន្យារពេលការបោះឆ្នោតនៅអង្គការសហប្រជាជាតិ

2023/12/20 11:55:26 am        168
Facebook Telegram Linkin
ការចរចានៅនាទីចុងក្រោយ បានពន្យារពេលការបោះឆ្នោតរបស់អង្គការសហប្រជាជាតិលើសេចក្តីព្រាងសេចក្តីសម្រេច ដែលអំពាវនាវឱ្យមានបទឈប់បាញ់នៅហ្កាហ្សា។ ជម្លោះជុំវិញពាក្យសម្តី នៃសេចក្តីសម្រេចរបស់ក្រុមប្រឹក្សាសន្តិសុខ ដែលតាមការរាយការណ៍ ដើម្បីចៀសវាងការប្រើសិទ្ធវ៉េតូ មួយផ្សេងទៀត ដោយសហរដ្ឋអាមេរិក មានន័យថា ការបោះឆ្នោតបានរំកិលរហូតដល់ថ្ងៃពុធនេះ។ សម្ពាធដែលកើនឡើង សម្រាប់ការផ្អាកការប្រយុទ្ធរវាងអ៊ីស្រាអែល និងក្រុមហាម៉ាស កើតឡើងខណៈមេដឹកនាំក្រុមហាម៉ាស ត្រូវបានគេរំពឹងថានឹងធ្វើដំណើរទៅកាន់ប្រទេសអេហ្ស៊ីបដើម្បីពិភាក្សា។ ប្រភពមួយ បានប្រាប់ប្រព័ន្ធផ្សព្វផ្សាយ BBC ថា លោក Ismail Haniyeh នឹងទៅដល់ទីក្រុងគែរ នៅល្ងាចថ្ងៃពុធ។ ប្រទេសអេហ្ស៊ីប រួមជាមួយប្រទេសកាតា បានជួយសម្របសម្រួលបទឈប់បាញ់មួយកាលពីខែមុន ដែលនាំឱ្យមានបទឈប់បាញ់រយៈពេលមួយសប្តាហ៍ និងការដោះលែងចំណាប់ថ្នូរប្រហែល ១០០ នាក់ ដែលត្រូវបានចាប់ខ្លួនដោយក្រុមហាម៉ាស ដើម្បីដោះដូរជាមួយពលរដ្ឋប៉ាឡេស្ទីនរាប់រយនាក់ដែលត្រូវបានឃុំខ្លួននៅក្នុងពន្ធនាគាររបស់ប្រទេសអ៊ីស្រាអែល។ មេដឹកនាំអ៊ីស្រាអែល បានច្រានចោលបទឈប់បាញ់ថ្មីចាប់តាំងពីពេលនោះមក ដោយនិយាយថា វានឹងផ្តល់ផលប្រយោជន៍ដល់ក្រុមហាម៉ាសតែប៉ុណ្ណោះ។ ប៉ុន្តែកាលពីថ្ងៃអង្គារ ប្រធានាធិបតីអ៊ីស្រាអែល លោក Isaac Herzog បាននិយាយថា ប្រទេសនេះបានត្រៀមសម្រាប់ការផ្អាកប្រយុទ្ធមួយផ្សេងទៀត ដើម្បីអាចឱ្យមានការដោះលែងចំណាប់ថ្នូរបន្ថែមទៀត ។ មន្ត្រីក្រុមហាម៉ាស់ លោក Osama Hamdan បាននិយាយក្នុងសន្និសីទសារព័ត៌មានក្នុងទីក្រុងបេរូត (Beirut)ថា ក្រុមនេះ «បើកចំហចំពោះគំនិតផ្តួចផ្តើមណាមួយ ដែលមានបំណងសម្រាប់បទឈប់បាញ់» ប៉ុន្តែលោកបានទទូចថា នឹងគ្មានការចរចាលើកិច្ចព្រមព្រៀងដោះដូរចំណាប់ថ្នូរនោះទេ រហូតដល់ការឈ្លានពានរបស់អ៊ីស្រាអែល បញ្ឈប់ទាំងស្រុង។

បណ្ដាញសង្គម

ព័ត៌មានថ្មីៗ

សភាពាណិជ្ជកម្ម និងឧស្សាហកម្ម​ទីក្រុងអ៊ិនឈុន​សន្យា​នឹង​ជួយ​ផ្សព្វ​ផ្សាយ​សក្តានុពល​ទេសចរណ៍​នៅ​កម្ពុជា
03/31/2026 01:03 PM
Facebook Telegram Linkin
ប្រតិភូក្រុងអ៊ីឈន ចាប់អារម្មណ៍លើកាលានុវត្តភាពវិនិយោគ និងជួយជំរុញវិនិយោគិនកូរ៉េ មកបណ្ដាក់ទុនកម្ពុជា
03/31/2026 01:03 PM
Facebook Telegram Linkin
រុស្ស៊ី អះអាងដណ្តើមគ្រប់គ្រងបានទីតាំងលំនៅឋាន២កន្លែង ខណៈអ៊ុយក្រែនថាបានបញ្ឈប់ការរុលទៅមុខរបស់រុស្ស៊ី
03/31/2026 01:03 PM
Facebook Telegram Linkin
ស្ថានទូតអាមេរិក បន្តប្រតិបត្តិការឡើងវិញជាផ្លូវការនៅក្នុងប្រទេសវ៉េណេស៊ុយអេឡា
03/31/2026 01:03 PM
Facebook Telegram Linkin
តម្លៃប្រេងធ្លាក់ចុះ១% ក្រោយមានរបាយការណ៍ថាលោក Trump នឹងបញ្ចប់សង្គ្រាមអ៊ីរ៉ង់ ទោះច្រកសមុទ្រ Hormuz បិទក៏ដោយ
03/31/2026 01:03 PM
Facebook Telegram Linkin
ក្រោយមានបទបញ្ជាពីនាយករដ្ឋមន្រ្ដី, រដ្ឋមន្រ្ដីមហាផ្ទៃប្រាប់ឱ្យស្នងការរង​ខេត្តបន្ទាយមានជ័យ​នាំខ្លួន​កូន​ប្រុសមកទទួលខុសត្រូវចំពោះមុខច្បាប់បើប្រព្រឹត្តខុស
03/31/2026 01:03 PM
Facebook Telegram Linkin
មន្រ្តីយោធាជាន់ខ្ពស់កម្ពុជា និងអាមេរិក ជួបពិភាក្សា​បន្ថែម​អំពី​គម្រោង​ការ​ធ្វើ​សម​យុទ្ធ​ឆ្មាំ​អង្គរ​កម្ពុជា-អាមេរិក ដែល​គ្រោងធ្វើឡើងនាពេលខាងមុខ
03/31/2026 01:03 PM
Facebook Telegram Linkin
ក្រសួងការងារត្រៀម​លក្ខណៈគ្រ​ប់​គ្រាន់ ដើម្បីជួយពលករខ្មែរនៅថៃ ក្នុងករណី​មាន​ការ​បញ្ជូន​មក​កម្ពុជា​វិញ ​"មានទាំងការងារ និង​អត្ថ​ប្រ​យោជន៍ផ្សេងៗ"
03/31/2026 12:03 PM
Facebook Telegram Linkin
អ៊ុយក្រែន៖ សម្ព័ន្ធមិត្តបានបញ្ជូន «សញ្ញា» ទៅអ៊ុយក្រែន ឱ្យបន្ថយការវាយប្រហារលើប្រេងរបស់រុស្ស៊ី
03/31/2026 12:03 PM
Facebook Telegram Linkin
ក្រុម G7 ប្រកាសថាខ្លួនត្រៀមជាស្រេចក្នុងការចាត់វិធានការគ្រប់បែបយ៉ាង ដើម្បីស្ថិរភាពទីផ្សារថាមពល
03/31/2026 12:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.