BTV NEWS

គយឃាត់ខ្លួនបុរសម៉ាឡេស៊ីម្នាក់រកឃើញហេរ៉ូអ៊ីន ៨១ កញ្ចប់ ពេលត្រៀមចាកចេញពីកម្ពុជាទៅកោះតៃវ៉ាន់

កងរាជអាវុធហត្ថខេត្តកំពង់ស្ពឺ បំបែកសំណុំរឿងលួចទូរស័ព្ទជាង ២០០គ្រឿង និងអ្នកទទួលផលចោរកម្ម

[UPDATE] ភ្លើងឆេះលំនៅឋានពលរដ្ឋនៅខណ្ឌជ្រោយចង្វាររលត់ហើយ

ឧត្តមសេនីយ៍ឯកជួន ណារិន្ទ បញ្ជាឲ្យស្រាវជ្រាវបន្ទាន់ករណីយុវតីម្នាក់ស្លាប់ក្នុងគ្រោះថ្នាក់ចរាចរណ៍ ហើយមានជនឆ្លៀតឱកាសលួចយកម៉ូតូ

សន្តិសុខ និង សង្គម

អ៊ីស្រាអែល៖ ជំនួយមិនបានទៅដល់តំបន់ហ្កាហ្សាទេ ដោយសារតែក្រុមហាម៉ាស និងអង្គការសហប្រជាជាតិ

កាលពីថ្ងៃពុធ ប្រទេសអ៊ីស្រាអែល បានស្តីបន្ទោសក្រុមហាម៉ាស និងទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន(UNRWA) សម្រាប់ការរារាំងជំនួយមនុស្សធម៌ មិនឱ្យទៅដល់ប្រជាជននៅតំបន់ហ្កាហ្សា។ អ្នកនាំពាក្យរដ្ឋាភិបាលអ៊ីស្រាអែល លោក Eylon Levy បាននិយាយនៅក្នុងសន្និសីទតាមវីដេអូថា ជំនួយ មិនបានទៅដល់ពលរដ្ឋដែលត្រូវការវានោះទេ ព្រោះក្រុមហាម៉ាស បានប្លន់ជំនួយ ហើយ ភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន(UNRWA) គ្រប់គ្រងជំនួយនោះ។ នៅពេលត្រូវបានសួរអំពីសាកសពពលរដ្ឋប៉ាឡេស្ទីន ដែលតាមសេចក្តីរាយការណ៍ថា អ៊ីស្រាអែល បានប្រគល់ទៅឲ្យតំបន់ហ្កាហ្សា លោក Levi បាននិយាយថា សាកសពត្រូវបានដឹកជញ្ជូនទៅកាន់ប្រទេសអ៊ីស្រាអែលសម្រាប់នីតិវិធីកំណត់អត្តសញ្ញាណ ជាផ្នែកមួយនៃកិច្ចខិតខំប្រឹងប្រែងដើម្បីកំណត់ទីតាំងចំណាប់ថ្នូរ និងអ្នកបាត់ខ្លួន។ក្រសួងសុខាភិបាលប៉ាឡេស្ទីន បាននិយាយកាលពីថ្ងៃពុធថា អ៊ីស្រាអែល បានប្រគល់សាកសពពលរដ្ឋប៉ាឡេស្ទីនចំនួន ៨០ នាក់ ដែលបានស្លាប់នៅក្នុងជម្លោះនៅតំបន់ហ្កាហ្សា បន្ទាប់មកពួកគេត្រូវបានបញ្ចុះ ហើយអាជ្ញាធរ បានកត់ត្រាព័ត៌មានលម្អិតដើម្បីជួយកំណត់អត្តសញ្ញាណនៅពេលក្រោយ។យោងតាមក្រុមអ៊ីស្លាម Waqf ឬក្រសួងកិច្ចការសាសនាបានឲ្យដឹងថា សាកសព ត្រូវបានប្រមូលពីផ្នែកភាគខាងជើងតំបន់ហ្កាហ្សា។ វាកម្រណាស់ សម្រាប់សាកសពដ៏ច្រើនបែបនេះ ដែលត្រូវប្រគល់មកវិញ។ ពួកគេត្រូវបានបញ្ចុះកាលពីថ្ងៃអង្គារ នៅក្នុងផ្នូររួមដ៏វែងមួយកន្លែងនៅទីបញ្ចុះសពទីក្រុង Rafah នៅភាគខាងត្បូងតំបន់នោះ។អ៊ីស្រាអែល បានបង្កើនការវាយឆ្មក់របស់ខ្លួនក្នុងសប្តាហ៍នេះ ជាពិសេសនៅតំបន់ភាគកណ្តាល នៅភាគខាងត្បូងផ្លូវទឹកដែលពុះចែកជាពីរឆ្នេរតូចចង្អៀត។ កងទ័ពអ៊ីស្រាអែល បានប្រាប់ជនស៊ីវិលឱ្យចាកចេញពីតំបន់នេះ ទោះបីជាមនុស្សភាគច្រើន បាននិយាយថាគ្មានកន្លែងណាសេសសល់ត្រូវទៅនោះទេ។

បុគ្គលិកនៅប្រទេសអាហ្សង់ទីន តវ៉ា ខណៈរដ្ឋាភិបាលរបស់ លោក Milei ប្រកាសវិធានការថ្មី

អ្នកនាំពាក្យប្រធានាធិបតីអាហ្សង់ទីន លោក Javier Milei បានបញ្ជូនកញ្ចប់វិធានការមួយ ទៅកាន់សភាកាលពីថ្ងៃពុធ ដើម្បីឲ្យមានការពិភាក្សា ខណៈមនុស្សរាប់ពាន់នាក់មកពីស្ថាប័នបុគ្គលិកជាច្រើន បានតវ៉ានៅទីក្រុង Buenos Aires ។អ្នកនាំពាក្យប្រធានាធិបតី លោក Manuel Adorni បាននិយាយថា វិធានការនានា ដែលបានបង្ហាញដោយលោក Milei រួមមានកំណែទម្រង់លើពន្ធដា ការងារ បទឧក្រិដ្ឋ ថាមពល និងបញ្ហាការបោះឆ្នោត។អង្គការជាច្រើន ដែលចូលរួមនៅក្នុងការតវ៉ា ដូចជា សហព័ន្ធបុគ្គលិកទូទៅរបស់ប្រទេសអាហ្សង់ទីន (CGT) បាននិយាយថា វិធានការរបស់រដ្ឋាភិបាល នឹងប៉ះពាល់ដល់ប្រាក់ឈ្នួល និងសិទ្ធិរបស់ប្រទេសអាហ្សង់ទីន។ការតវ៉ា បានបញ្ចប់ដោយមានការប៉ះទង្គិចគ្នារវាងក្រុមបាតុករ និងនគរបាល ខណៈប្រព័ន្ធផ្សព្វផ្សាយក្នុងស្រុក បានរាយការណ៍ថា យ៉ាងហោចណាស់មនុស្ស៦ នាក់ត្រូវបានចាប់ខ្លួន។

ភាពតានតឹងកើនឡើងនៅក្នុងតំបន់មជ្ឈិមបូព៌ា ជុំវិញការវាយប្រហារដោយយានដ្រូន នៅអ៊ីរ៉ាក់ និងសមុទ្រក្រហម

ភាពតានតឹងកំពុងកើនឡើងរវាងសហរដ្ឋអាមេរិក និងអ៊ីរ៉ង់។មន្ត្រីការពារជាតិបាននិយាយថា នាវាអាមេរិកបានបាញ់ទម្លាក់ដ្រូន និងមីស៊ីលជាច្រើនគ្រឿងនៅក្នុងសមុទ្រក្រហមកាលពីថ្ងៃអង្គារ បន្ទាប់ពីការវាយប្រហារដោយយានដ្រូនលើមូលដ្ឋានទ័ពអាកាសអាមេរិកក្នុងប្រទេសអ៊ីរ៉ាក់ នៅថ្ងៃបុណ្យណូអែល បន្ទាប់ពីការវាយប្រហារសងសឹកដោយសហរដ្ឋអាមេរិកទៅលើក្រុមភេរវករ គាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ថ្មីៗនៅសប្តាហ៍នេះ។ ការវាយប្រហារទៅមកវិញបានកាត់ផ្តាច់កិច្ចប្រឹងប្រែងរបស់សហរដ្ឋអាមេរិកនិងប្រទេសផ្សេងទៀតដើម្បីទប់ទល់សង្គ្រាមអ៊ីស្រាអែលនិងក្រុមហាម៉ាស កុំឱ្យហៀរចូលទៅក្នុងជម្លោះក្នុងតំបន់កាន់តែធំ។ រយៈពេលជាច្រើនសប្តាហ៍មកនេះ ក្រុមជីវពលគាំទ្រដោយអ៊ីរ៉ង់នៅក្នុងប្រទេសយេម៉ែន និងប្រទេសផ្សេងទៀតបានបើកការវាយប្រហារដោយយានដ្រូនលើនាវាដឹកជញ្ជូនទំនិញនៅក្នុងសមុទ្រក្រហម។ មីស៊ីលជាច្រើនគ្រាប់ត្រូវបានស្ទាក់ចាប់ដោយមីស៊ីលរបស់សហរដ្ឋអាមេរិក។ នៅថ្ងៃបុណ្យណូអែល កងកម្លាំងអាមេរិកនៅក្នុងប្រទេសអ៊ីរ៉ាក់ បានរងរបួសនៅក្នុងការវាយប្រហារដោយយានដ្រូន ដែលមានជាប់ពាក់ព័ន្ធដោយផ្ទាល់ទៅនឹងប្រទេសអ៊ីរ៉ង់។ក្រុមមន្ត្រីសហរដ្ឋអាមេរិកបាននិយាយថា ការវាយប្រហារទាំងនោះបានសម្លាប់សកម្មប្រយុទ្ធយ៉ាងហោចណាស់ម្នាក់ និ១៨ងរបួសចំនួននាក់ ប៉ុន្តែក៏បានជំរុញឱ្យមានការប្រឆាំងនឹងសហរដ្ឋអាមេរិកផងដែរ នោះគឺបាតុកម្មនៅប្រទេសអ៊ីរ៉ាក់។រដ្ឋមន្ត្រីការពារជាតិ Lloyd Austin បាននិយាយនៅក្នុងសេចក្តីថ្លែងការណ៍មួយថា សហរដ្ឋអាមេរិកនឹងមិនស្ទាក់ស្ទើរក្នុងការ ចាត់វិធានការចាំបាច់ដើម្បីការពារសហរដ្ឋអាមេរិក កងទ័ពរបស់ខ្លួន និងផលប្រយោជន៍របស់ខ្លួននោះ ។ទន្ទឹមនឹងនោះ មន្ត្រីក្រុងវ៉ាស៊ីនតោន បន្តជួបជាមួយមេដឹកនាំ និងសម្ព័ន្ធមិត្តរបស់អ៊ីស្រាអែល ដើម្បីកុំឱ្យជម្លោះក្នុងប្រទេសអ៊ីស្រាអែល រីកធំ៕

ហ្ស៊កដានី និងអេហ្ស៊ីប នឹងបដិសេធរាល់វិធានការរបស់អ៊ីស្រាអែល ក្នុងការបណ្តេញជនជាតិប៉ាឡេស្ទីន

ប្រព័ន្ធផ្សព្វផ្សាយរដ្ឋបានរាយការណ៍ថា ព្រះមហាក្សត្រ អាបឌុលឡា (Abdullah) នៃប្រទេសហ្ស៊កដានី និងប្រធានាធិបតីអេហ្ស៊ីប លោក អាបឌែល ហ្វាតាហ្វ អាល់ស៊ីស៊ី (Abdel Fattah al-Sisi) បាននិយាយបន្ទាប់ពីកិច្ចប្រជុំកំពូលនៅទីក្រុងគែរ កាលពីថ្ងៃពុធ (២៧ ធ្នូ) ថាពួកគេបានច្រានចោលរាល់វិធានការរបស់អ៊ីស្រាអែល ក្នុងការបណ្តេញជនជាតិប៉ាឡេស្ទីន នៅតំបន់ហ្កាហ្សា និងតំបន់ វេស បែង។នៅក្នុងសេចក្តីថ្លែងការណ៍មួយ មេដឹកនាំទាំងពីររូបក៏បាននិយាយផងដែរថា សហគមន៍អន្តរជាតិគួរតែដាក់សម្ពាធលើអ៊ីស្រាអែល ឱ្យយល់ព្រមលើបទឈប់បាញ់ជាបន្ទាន់ និងអនុញ្ញាតឱ្យមានជំនួយគ្រប់គ្រាន់ទៅកាន់តំបន់ហ្កាហ្សា ដែលហែកហួរដោយសង្រ្គាមដើម្បីបន្ធូរបន្ថយ «ស្ថានភាពសោកនាដកម្ម» នៃមនុស្សជាង ២លាននាក់នៅក្រោមការឡោមព័ទ្ធនៅទីនោះ។រដ្ឋមន្ត្រីការបរទេសហ្ស៊កដានី លោក អាយម៉ាន សាហ្វាឌី (Ayman Safadi) ធ្លាប់បាននិយាយថា អ៊ីស្រាអែលកំពុងអនុវត្តគោលនយោបាយជំរុញជនជាតិប៉ាឡេស្ទីនចេញពីតំបន់ហ្កាហ្សា តាមរយៈសង្គ្រាមដែលលោកបាននិយាយថា ឆ្លើយតបនឹង «និយមន័យផ្លូវច្បាប់នៃអំពើប្រល័យពូជសាសន៍» ដែលនោះជាការចោទប្រកាន់មួយដែលអ៊ីស្រាអែល បានច្រានចោលថាជា «រឿងដ៏ផ្ដេសផ្ដាស់»។ក្រៅពីការបំផ្លិចបំផ្លាញ ឬបង្កការខូចខាតហេដ្ឋារចនាសម្ព័ន្ធដ៏ធំ រួមទាំងលំនៅឋានជនស៊ីវិល និងមន្ទីរពេទ្យនៅហ្កាហ្សា ការទម្លាក់គ្រាប់បែករបស់អ៊ីស្រាអែល ដែលជាការសងសឹកចំពោះការវាយប្រហាររបស់ពួកហាម៉ាសកាលពីថ្ងៃទី០៧ ខែតុលា បានធ្វើឱ្យប្រជាជនប៉ាឡេស្ទីនស្លាប់យ៉ាងហោចណាស់ ២១.១១០នាក់ និងបង្ករបួសដល់មនុស្ស ៥៥.២៤៣នាក់ផ្សេងទៀត៕

ការសង្ស័យកើនឡើងលើសមត្ថភាពរបស់អ៊ីស្រាអែល ក្នុងការរុះរើក្រុមសកម្មប្រយុទ្ធហាម៉ាស

ឈរនៅពីមុខផ្ទាំងក្រណាត់ពណ៌ប្រផេះដែលតុបតែងដោយនិមិត្តសញ្ញាហាម៉ាស និងនិមិត្តសញ្ញារបស់ក្រុមសកម្មប្រយុទ្ធដែលរំលឹកដល់ការវាយប្រហារដ៏បង្ហូរឈាម កាលពីថ្ងៃទី៧ ខែតុលា ទៅលើអ៊ីស្រាអែល លោក Osama Hamdan ដែលជាតំណាងរបស់អង្គការ នៅក្នុងប្រទេសលីបង់ បានប្រកាសថា មិនមានការព្រួយបារម្ភអំពីបក្ខពួកប៉ាឡេស្ទីនរបស់ខ្លួន ដែលត្រូវបានបណ្តេញចេញពីតំបន់ហ្កាហ្សាស្ទ្រីបនោះទេ។លោកបានប្រាប់សន្និសីទសារព័ត៌មានដែលមានមនុស្សច្រើន នៅក្នុងការិយាល័យរបស់ខ្លួន នៅជាយក្រុងភាគខាងត្បូងនៃទីក្រុងបេរូត (Beirut) នាពេលថ្មីៗនេះថា៖«យើងមិនព្រួយបារម្ភអំពីអនាគតរបស់តំបន់ហ្កាហ្សាស្ទ្រីបទេ»។ «អ្នកសម្រេចចិត្ត គឺប្រជាជនប៉ាឡេស្ទីនតែប៉ុណ្ណោះ»។លោក Hamdan បានច្រានចោលនូវគោលបំណងសំខាន់មួយរបស់អ៊ីស្រាអែល ចាប់តាំងពីការចាប់ផ្តើមនៃការវាយលុករបស់ខ្លួនលើតំបន់ហ្កាហ្សាគឺរុះរើអង្គការនយោបាយ និងយោធា ដែលនៅពីក្រោយការសម្លាប់រង្គាលមនុស្សប្រហែល ១.២០០នាក់ ហើយដែលនៅបន្តឃុំខ្លួនចំណាប់ថ្នូរជាង ១០០នាក់ នេះបើយោងតាមមន្ត្រីអ៊ីស្រាអែល។ នាយករដ្ឋមន្ត្រីអ៊ីស្រាអែល លោក បេនចាមី ណេតាន់យ៉ាហ៊ូ (Benjamin Netanyahu) បានគូសបញ្ជាក់ម្តងហើយម្តងទៀតអំពីគោលបំណងនោះ ទោះបីជាកំពុងប្រឈមមុខនឹងសម្ពាធអន្តរជាតិកាន់តែខ្លាំងឡើង ឲ្យកាត់បន្ថយប្រតិបត្តិការយោធាក៏ដោយ។ រដ្ឋបាលលោកបៃដិន បានបញ្ជូនបេសកជនជាន់ខ្ពស់ទៅកាន់ប្រទេសអ៊ីស្រាអែល ដើម្បីជំរុញដំណាក់កាលថ្មីនៃសង្រ្គាម ដែលផ្តោតលើប្រតិបត្តិការដែលមានគោលដៅច្រើនជាងមុន ជាជាងការបំផ្លាញទាំងស្រុង។ចំណែកក្រុមអ្នករិះគន់ទាំងក្នុងប្រទេសអ៊ីស្រាអែល និងខាងក្រៅ បានចោទសួរថាតើការដោះស្រាយ ដើម្បីបំផ្លាញអង្គការដែលមានការពង្រឹងយ៉ាងខ្លាំងបែបនេះ គឺពិតប្រាកដ ឬអត់។ អតីតទីប្រឹក្សាសន្តិសុខជាតិអ៊ីស្រាអែលម្នាក់ បានហៅផែនការនេះថា «មិនច្បាស់លាស់»។

មេដឹកនាំប៉ាឡេស្ទីន៖ ជម្លោះតំបន់ហ្កាហ្សា លើសពីសង្រ្គាមនៃការបំផ្លិចបំផ្លាញទៅទៀត

មេដឹកនាំប៉ាឡេស្ទីនលោក ម៉ាខ្មូត អាបាស (Mahmoud Abbas) បានហៅការវាយលុករបស់អ៊ីស្រាអែលដែលកំពុងបន្តនៅតំបន់ហ្កាហ្សាស្ទ្រីបថា «លើសពីសង្រ្គាមនៃការបំផ្លិចបំផ្លាញ» ហើយបានស្តីបន្ទោសសហរដ្ឋអាមេរិកចំពោះការបន្តរបស់ខ្លួននេះ។លោកអាបាស បាននិយាយ ដោយប្រើពាក្យភាសាអារ៉ាប់ដែលសំដៅទៅលើការផ្លាស់ទីលំនៅដ៏ធំរបស់ប៉ាឡេស្ទីនក្នុងអំឡុងពេលសង្រ្គាមអារ៉ាប់-អ៊ីស្រាអែលឆ្នាំ១៩៤៨ថា៖«ប្រជាជនរបស់យើង មិនបានឃើញ សង្គ្រាមបែបនេះទេ[ពីមុន]មកទេ សូម្បីតែនៅក្នុងមហន្តរាយ នៅក្នុងឆ្នាំ១៩៤៨ក៏ដោយ»។ ប្រធានអាជ្ញាធរប៉ាឡេស្ទីន (PA) បានប្រាប់ទូរទស្សន៍អេហ្ស៊ីប នៅក្នុងបទសម្ភាសន៍មួយ ដែលបានចាក់ផ្សាយកាលពីល្ងាចថ្ងៃអង្គារថា៖«អ្នកដែលទៅតំបន់ហ្កាហ្សា មិនអាចទទួលស្គាល់វាទេ ឥឡូវនេះ»។លោកបាននិយាយថា៖«ជាអកុសល នៅពេលណាដែលពិភពលោក ក្រុមប្រឹក្សាសន្តិសុខ [UN] និងមហាសន្និបាត ព្យាយាមបញ្ឈប់សង្រ្គាមនេះ សហរដ្ឋអាមេរិកប្រើការវេតូ និងបដិសេធមិនបញ្ឈប់ការប្រយុទ្ធ»។«ប្រសិនបើសហរដ្ឋអាមេរិក ចង់នោះ ប្រទេសនេះ អាចនិយាយទៅកាន់អ៊ីស្រាអែល ហើយអ៊ីស្រាអែល នឹងបញ្ឈប់វាបាន។ យើងនិយាយទៅកាន់ជនជាតិអាមេរិកនូវអ្វីដែលកំពុងកើតឡើង ដោយមានការគាំទ្ររបស់អ្នក»។

មនុស្សរាប់ពាន់នាក់បានភៀសខ្លួនចេញពីការវាយលុកកាន់តែខ្លាំងរបស់អ៊ីស្រាអែល នៅហ្កាហ្សាភាគកណ្ដាល ខណៈយោធាបើកការវាយប្រហារថ្មី

មន្ត្រីសុខាភិបាលប៉ាឡេស្ទីនបាននិយាយថា គ្រួសារប៉ាឡេស្ទីនរាប់ពាន់នាក់បានភៀសខ្លួនពីថ្ងៃពុធចេញពីការវាយលុកដ៏សន្ធាប់កាន់តែខ្លាំងរបស់អ៊ីស្រាអែល ទៅកាន់តំបន់ដែលនៅសេសសល់តិចតួចនៅហ្កាហ្សានោះ ដែលពេញណែនដោយជនភៀសខ្លួនដ៏តូចចង្អៀត ខណៈយោធាបានបើកការវាយប្រហារយ៉ាងខ្លាំងក្លានៅទូទាំងភាគកណ្តាល និងភាគខាងត្បូងនៃដែនដីរងការបំផ្លិចបំផ្លាញមួយនេះដោយបានសម្លាប់មនុស្សរាប់សិបនាក់។ ការរត់ភៀសខ្លួន ដោយថ្មើរជើង ឬជិះរទេះសត្វលា ផ្ទុកពេញដោយរបស់របរ លំហូរមនុស្សដ៏ច្រើន បានសម្រុកចូលទៅក្នុងតំបន់ ឌៀរ អាល់ បាឡា (Deir al-Balah) ជាទីប្រជុំមួយដែលជាធម្មតាមានប្រជាជនប្រហែល ៧៥.០០០នាក់ នាក់។ ទីតាំងនេះត្រូវបានគ្របដណ្ដប់ដោយមនុស្សរាប់សែននាក់ដែលត្រូវបានជំរុញចេញពីភាគខាងជើង ហ្កាហ្សា ស្របពេលដែលតំបន់នេះត្រូវបានរងការវាយប្រហារក្លាយជាគំនរកម្ទេចថ្ម។ដោយសារតែជម្រករបស់អង្គការសហប្រជាជាតិត្រូវបានផ្ទុកមនុស្សពេញលើសចំណុះច្រើនដង អ្នកទៅដល់ថ្មីៗបានដំឡើងតង់នៅតាមចិញ្ចើមផ្លូវដើម្បីស្នាក់នៅក្នុងពេលរដូវរងាដ៏ត្រជាក់។ មនុស្សបានប្រមូលផ្ដុំគ្នា បានសម្រុកទៅកាន់តាមដងផ្លូវនានានៅជុំវិញជុំវិញមន្ទីរពេទ្យដ៏សំខាន់ អាល់ អាកសា ម៉ា ល់ ធ័រ (Al-Aqsa Martyrs) ដោយសង្ឃឹមថានឹងមានសុវត្ថិភាពពីការវាយប្រហាររបស់អ៊ីស្រាអែល។ ប៉ុន្តែ គ្មានកន្លែងណាមានសុវត្ថិភាពនោះឡើយនៅក្នុងហ្កាហ្សា។ ការវាយលុករបស់អ៊ីស្រាអែលកំពុងប្រមូលផ្តុំប្រជាជនភាគច្រើនចូលទៅក្នុងទីក្រុង Deir al-Balah និង Rafah នៅជាយខាងត្បូងដែនដីនេះព្រមទាំងតំបន់ជនបទតូចមួយនៅជាប់ឆ្នេរសមុទ្រភាគខាងត្បូង។ ប៉ុន្តែតំបន់ទាំងនោះនៅតែបន្តរងការវាយប្រហារពីអ៊ីស្រាអែល ដែលតែងតែបំផ្លាញផ្ទះសម្បែង ពោរពេញដោយមនុស្ស៕

មនុស្ស ៤០នាក់ បានស្លាប់នៅក្នុងហេតុការណ៍ផ្ទុះរថយន្តដឹកប្រេងនៅប្រទេសលីបេរីយ៉ា

ប្រធានផ្នែកវេជ្ជសាស្រ្តរបស់ប្រទេសលីបេរីយ៉ា លោក ហ្រ្វង់ស៊ីស ខាតេហ្វ (Francis Kateh) បាននិយាយកាលពីថ្ងៃពុធ (២៧ ធ្នូ) ថាមនុស្សយ៉ាងហោចណាស់ ៤០នាក់ បានស្លាប់បន្ទាប់ពីការផ្ទុះរថយន្តដឹកប្រេងឥន្ធនៈនៅភាគពាយ័ព្យនៃប្រទេសអាហ្វ្រិកខាងលិចមួយនេះ។រថយន្តដឹកឥន្ធនៈនោះបានជួបគ្រោះថ្នាក់ចរាចរណ៍កាលពីល្ងាចថ្ងៃអង្គារនៅក្នុងទីក្រុង តូតូតា (Totota) តំបន់ ឡូវើ បង (Lower Bong) ហើយភ្លាមៗក៏បានផ្ទុះ ដែលបានសម្លាប់ និងបង្ករបួសដល់មនុស្សជាច្រើននាក់ដែលបាននាំគ្នាទៅមើលកន្លែងកើតហេតុ។ លោក ខាតេហ្វ បានប្រាប់អ្នកយកព័ត៌មានថា មនុស្សរាប់សិបនាក់នៅតែស្ថិតក្នុងមន្ទីរពេទ្យដោយមានការរលាកធ្ងន់ធ្ងរ ហើយចំនួនអ្នកស្លាប់អាចកើនឡើងទៀត។សុវត្ថិភាពផ្លូវថ្នល់ទាប និងហេដ្ឋារចនាសម្ព័ន្ធមិនល្អបានធ្វើឱ្យអនុតំបន់សាហារ៉ាអាហ្រ្វិក ក្លាយជាតំបន់ដែលមានមនុស្សស្លាប់ច្រើនជាងគេបំផុតរបស់ពិភពលោកសម្រាប់ហេតុការណ៍គ្រោះថ្នាក់ចរាចរណ៍ ជាមួយនឹងអត្រាអ្នកស្លាប់ខ្ពស់ជាងមធ្យមភាគរបស់អឺរ៉ុប ចំនួនបីដង នេះបើយោងតាមតួលេខរបស់អង្គការសហប្រជាជាតិ៕

ជនជាតិប៉ាឡេស្ទីនជាង ២១.១០០នាក់ បានស្លាប់នៅហ្កាហ្សា ក្នុងការវាយប្រហាររបស់អ៊ីស្រាអែល ចាប់តាំងពីថ្ងៃទី៧ ខែតុលា

ក្រសួងសុខាភិបាលហ្កាហ្សាបាននិយាយកាលពីថ្ងៃពុធថាប្រជាជនប៉ាឡេស្ទីនសរុបចំនួន ២១.១១០ នាក់បានស្លាប់ និង៥៥.២៤៣នាក់ បានរងរបួសនៅក្នុងការវាយប្រហាររបស់អ៊ីស្រាអែលនៅក្នុងតំបន់ហ្កាហ្សា ចាប់តាំងពី ក្រុមហាម៉ាស បានវាយសម្រុកចូលក្នុងប្រទេសអ៊ីស្រាអែលភាគខាងត្បូងសម្លាប់មនុស្សជាង១ពាន់នាក់ កាលពីថ្ងៃទី ៧ខែតុលា មក ។ ក្រសួងនេះ បានបន្ថែមថា តួលេខនេះរួមមានជនជាតិប៉ាឡេស្ទីន ១៩៥ នាក់បានស្លាប់ និង ៣២៥ នាក់ បានរងរបួសក្នុងរយៈពេល ២៤ ម៉ោងកន្លងមក។ កងកម្លាំងអ៊ីស្រាអែលបានបន្តវាយលុកភាគកណ្តាលតំបន់ហ្កាហ្សាដោយថ្មើជើង តាមសមុទ្រ និងផ្លូវអាកាសកាលពីថ្ងៃពុធ ហើយការដាច់ប្រព័ន្ធទូរគមនាគមន៍នៅក្នុងតំបន់ជាច្រើនក្នុងដែនដីរងការឡោមព័ទ្ធនេះ បានប៉ះពាល់ដល់កិច្ចខិតខំប្រឹងប្រែងដើម្បី ធ្វើដំណើរទៅឲ្យដល់ កន្លែងដែលមានប្រជាពលរដ្ឋប៉ាឡេស្ទីន ស្លាប់ និងរបួស។ ចាប់តាំងពីក្រុមហាម៉ាស បានសម្លាប់មនុស្សប្រមាណ១.២០០នាក់ និងចាប់មនុស្សជាចំណាប់ថ្នូរ ចំនួន២៤០ នាក់កាលពីថ្ងៃទី ៧ ខែតុលា ក្នុងថ្ងៃដ៏អាក្រក់បំផុតក្នុងប្រវត្តិសាស្ត្រអ៊ីស្រាអែល នាយករដ្ឋមន្ត្រីអ៊ីស្រាអែលលោក Benjamin Netanyahu បានឆ្លើយតបដោយការវាយប្រហារ កម្ទេច មិនបង្អង់ដៃ លើតំបន់ហ្កាហ្សាគ្រប់គ្រងដោយក្រុមហាម៉ាស។ អ៊ីស្រាអែលនិយាយថា ខ្លួនកំពុងធ្វើអ្វីដែលខ្លួនអាចធ្វើបានដើម្បីការពារជនស៊ីវិល ហើយបានស្តីបន្ទោសក្រុមហាម៉ាស ថាជាដើមចមធ្វើឱ្យពួកគេមានគ្រោះថ្នាក់ដោយប្រតិបត្តិការក្នុងចំណោមពួកគេ ដែលក្រុមហាម៉ាស បានច្រានចោល ប៉ុន្តែសូម្បីតែសម្ព័ន្ធមិត្តជិតស្និទ្ធបំផុតរបស់អ៊ីស្រាអែល គឺសហរដ្ឋអាមេរិកបាននិយាយថា អ៊ីស្រាអែលគួរតែធ្វើបន្ថែមទៀតដើម្បីកាត់បន្ថយការស្លាប់របស់ជនស៊ីវិល ពីអ្វីដែលលោកប្រធានាធិបតី Joe Biden បានហៅថា ជាការទម្លាក់គ្រាប់បែកដោយមិនរើសមុខ៕

នាវិករុស្ស៊ី ៣៣នាក់ បានបាត់ខ្លួន បន្ទាប់ពីនាវាចម្បាំង ត្រូវបានវាយប្រហារនៅតំបន់គ្រីម៉េ

ទាហានជើងទឹករុស្ស៊ីចំនួន ៣៣ នាក់បានបាត់ខ្លួន បន្ទាប់ពីការវាយប្រហារដោយមីស៊ីលរបស់អ៊ុយក្រែន លើនាវាចម្បាំងនៅតំបន់គ្រីម៉េ (Crimea) ដែលគ្រប់គ្រងដោយរុស្ស៊ី នេះបើយោងតាមរបាយការណ៍។កងទ័ពអាកាសអ៊ុយក្រែនកាលពីម្សិលមិញ បានអះអាងថា ខ្លួនបាន «បំផ្លាញ» នាវា Novocherkasskដែលកំពុងចតនៅ កំពង់ផែ Feodosia ក្នុងការវាយប្រហារមួយ ដែលមានសញ្ញាសម្គាល់នៃមីស៊ីលតម្រង់គោលដៅរបស់ចក្រភពអង់គ្លេស Storm Shadow ។នាវិកប្រហែល ៨០នាក់ នៅលើនាវានោះ នៅពេលដែលមីស៊ីល បានវាយប្រហារ នេះបើយោងតាមសារព័ត៌មាន Astra ជាបណ្តាញព័ត៌មាន Telegram ដែលរាយការណ៍អំពីសង្គ្រាម នៅអ៊ុយក្រែន។សារព័ត៌មាន Astra បានរាយការណ៍ថា មនុស្ស ១៩នាក់ បានរងរបួស នៅក្នុងការវាយប្រហារ ហើយ ៣៣ នាក់ផ្សេងទៀត នៅបាត់ខ្លួន។សារព័ត៌មាននេះ បានបន្ថែមថា ជនស៊ីវិលម្នាក់ ត្រូវបានសម្លាប់ និង៤នាក់ផ្សេងទៀត បានរងរបួសក្នុងការការវាយប្រហារនោះ ។វិមានក្រឹមឡាំង បាននិយាយថា នាវា Novocherkassk ត្រូវបាន «ខូចខាត» ដោយមីស៊ីលតម្រង់គោលដៅពីលើអាកាស ប៉ុន្តែមិនបាននិយាយអំពីការស្លាប់ និងរបួសណាមួយឡើយ។

បណ្ដាញសង្គម

ព័ត៌មានថ្មីៗ

ព្យុះទីហ្វុង Saudel នាំឱ្យមានភ្លៀងធ្លាក់ខ្លាំង និងទឹកជំនន់ នៅតំបន់ឆ្នេររបស់ចិន

លោក Trump បញ្ជាក់ថា អង់គ្លេសស្ថិតលើមាត់ជ្រោះមហន្តរាយ ដោយលើកពីក្ដីបារម្ភ អំពីអន្តោប្រវេសន៍ និងថាមពល

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកចន្ទ្រា ខេត្តស្វាយរៀង

មន្ត្រី៖ ការខាតបង់ដោយសារទឹកជំនន់នៅនេប៉ាល់ មានចំនួនប្រមាណជា ២,៥៦ពាន់លានដុល្លារ

ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញប្រកាសជាផ្លូវការបណ្តាញអគ្គលេខាធិការនៃក្រសួង ស្ថាប័ន ចំណុះអង្គការនីតិប្រតិបត្តិ

លោក Vance ប្រាប់ថា លំហូរប្រេងនៅច្រកសមុទ្រ Hormuz កៀកកម្រិតមុនសង្គ្រាម និងថា ចិនចង់ជួយធ្វើឱ្យអ៊ីរ៉ង់ឯកោ

តុលាការហ្វីលីពីនចេញដីកាចាប់ខ្លួនអនុប្រធានាធិបតី លោកស្រី Duterte ក្នុងសំណុំរឿងគំរាមកំហែងធ្ងន់ធ្ងរ

ព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦

មនុស្ស ២នាក់ ត្រូវបានជួយសង្គ្រោះនៅមានជីវិតពីផ្លូវរូងក្រោមដីវារីអគ្គិសនី នៅនេប៉ាល់ ក្រោយទឹកជំនន់

ក្រសួងចំនួនបីរួមជាមួយដៃគូអភិវឌ្ឍន៍អន្តរជាតិ បើកកិច្ចប្រជុំលើកទី៧ ស្តីពីការអភិវឌ្ឍសហគមន៍កសិកម្មនិងភូមិគំរូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877