BTV NEWS

ដកហូតអាជ្ញាបណ្ណកាស៊ីណូ ដែលផ្តល់ជូនក្រុមហ៊ុន សៀងហៃ រីហ្សត ពាក់ព័ន្ធករណីឆបោកតាមប្រព័ន្ធបច្ចេកវិទ្យា

មន្ទីរប្រឆាំងគ្រឿងញៀន បង្ក្រាបសំបុកក្រុមជួញដូរគ្រឿងញៀនយ៉ាងសកម្មក្នុងភូមិសាស្ត្រខេត្តតាកែវ ប្រដាប់ដោយអាវុធ បានបាញ់មកលើកម្លាំងនគរបាល២នាក់របួសធ្ងន់កំពុងសង្គ្រោះបន្ទាន់ ចាប់ខ្លួនជនល្មើសបានចំនួន ៧នាក់

BREAKING NEWS | តំណាងអយ្យការសម្រេចចោទប្រកាន់កូនស្នងការរងខេត្តបន្ទាយមានជ័យបើកបរបុកស្លាប់មនុស្ស ៦នាក់ នៅស្រុកមោងឫស្សី ចំនួន ២បទល្មើស

ខែមីនាកន្លងទៅនេះ នគរបាលជាតិឃាត់ខ្លួនជនងប់ល្បែង ៧៤នាក់ ខ្លះបញ្ជូនទៅតុលាការ មុនបន្តទៅពន្ធនាគារ ខ្លះបានទៅផ្ទះវិញ

សន្តិសុខ និង សង្គម

ប្រជាជនប៉ាឡេស្ទីន កំពុងស្វែងរកសាកសពមនុស្សជាទីស្រឡាញ់ មុនពេលបទឈប់បាញ់ នៅតំបន់ហ្សាត្រូវបញ្ចប់

ប្រជាជនប៉ាឡេស្ទីនដែលបានបាត់បង់មនុស្សជាទីស្រលាញ់ នៅក្នុងការទម្លាក់គ្រាប់បែកដ៏ខ្លាំងក្លារបស់អ៊ីស្រាអែលទៅកាន់តំបន់ហ្កាហ្សា បាននិងកំពុងស្វែងរកតាមកម្ទេចថ្ម និងតាមផ្លូវនានាដែលត្រូវបានបំផ្លាញ ដើម្បីកំណត់អត្តសញ្ញាណពួកគេ មុនពេលបទឈប់បាញ់ ត្រូវបញ្ចប់។ចាប់តាំងពីបទឈប់បាញ់ បានចូលជាធរមាន កាលពីថ្ងៃសុក្រសប្តាហ៍មុន ប្រជាជនហ្កាហ្សាមានឱកាស តិចតួចដែលត្រូវចេញដំណើរទៅខាងក្រៅ ដើម្បីស្វែងរកសាច់ញាតិ ដែលបាត់ខ្លួន ឬទៅយកសាកសពរបស់ពួកគេ។ការចរចា ដើម្បីបន្តបទឈប់បាញ់ផុតកាលកំណត់ នៅព្រឹកថ្ងៃសុក្រនេះ កំពុងបន្ត។ក្នុងករណីជាច្រើន សាកសពរបស់ជនជាតិប៉ាឡេស្ទីនដែលត្រូវបានសម្លាប់ នៅក្នុងយុទ្ធនាការទម្លាក់គ្រាប់បែករបស់អ៊ីស្រាអែល ត្រូវបានទុកចោលនៅតាមដងផ្លូវ ព្រោះវាមានគ្រោះថ្នាក់ខ្លាំងពេកមិនអាច យកពួកគេបាន។លោក Ramez Abu Kmeil ជាអ្នកស្រុកនៅទីក្រុងហ្កាហ្សា បានប្រាប់សារព័ត៌មាន The Telegraph ថាគាត់បានចេញក្រៅ នៅពេលដែលបទឈប់បាញ់ចូលជាធរមាន ហើយបានរកឃើញសាកសពមនុស្សជាច្រើន។

ស្ត្រីស៊ូដង់ ចោទប្រកាន់ថា ខ្លួនត្រូវបានរំលោភដោយក្រុមយុទ្ធជនប្រដាប់អាវុធអំឡុងការវាយប្រហារលើជនជាតិភាគតិច

នារីវ័យ១៩ឆ្នាំម្នាក់ ត្រូវបានចាប់ពង្រត់ និងរំលោភដោយក្រុមយុទ្ធជនប្រដាប់អាវុធ៤នាក់ ក្នុងពេល ជាង៣ថ្ងៃ។ សកម្មជនសិទ្ធិមនុស្សរបស់ក្រុមស្ត្រីវ័យ២៨ឆ្នាំម្នាក់ ត្រូវបានចាប់ពីទ្វារក្រោយ និងបានរំលោភនាង ខណៈកំពុងឃុំឃាំងរយៈពេលជាច្រើនម៉ោង នៅក្នុងផ្ទះមួយដែលគេបោះបង់ចោល។ចំណែកស្ត្រីវ័យ២៤ឆ្នាំម្នាក់ទៀត ត្រូវបានក្រុមអ្នកប្រយុទ្ធប្រដាប់អាវុធចាប់រំលោភនៅក្នុងផ្ទះរបស់នាង នៅចម្ងាយតែប៉ុន្មានហ្វីតប៉ុណ្ណោះពីម្ដាយរបស់នាង។ ពួកគេនិយាយថា ពួកគេនឹងសម្លាប់នាង បើនាងមិនប្រគល់ខ្លួនឲ្យពួកគេទេនោះ។ នាងបានលះបង់ខ្លួនឯង ហើយនិយាយថា អ្នកចង់ធ្វើអី ធ្វើមកលើខ្ញុំមកចុះ កុំឲ្យតែសម្លាប់ម្ដាយរបស់ខ្ញុំ។ ពួកគេស្ថិតក្នុងចំណោមស្ត្រីវ័យក្មេងចំនួន១១នាក់ដែលត្រូវបានសម្ភាសដោយសារព័ត៌មាន Reuters ដែលនិយាយថាពួកគេត្រូវបានរំលោភផ្លូវភេទស្របពេលមានសង្រ្គាមនៅក្នុងប្រទេសស៊ូដង់ ដោយសមាជិកនៃកងកម្លាំងគាំទ្ររហ័សយោធាប៉ារ៉ា (RSF)និងកងជីវពលអារ៉ាប់ដែលជាសម្ព័ន្ធមិត្ត។ ពួកគេទាំងអស់សុទ្ធតែមកពីក្រុមជនជាតិភាគតិច ម៉ាសាលីត (Masalit) មិនមែនអារ៉ាប់ ដែលត្រូវបានដាក់គោលដៅនៅក្នុងតំបន់ដាហ្វួរខាងលិចរបស់ប្រទេសស៊ូដង់ ដោយកងកម្លាំងគាំទ្ររហ័សយោធាប៉ារ៉ា គ្រប់គ្រងដោយអារ៉ាប់ និងសម្ព័ន្ធមិត្តរបស់ខ្លួន។ អ្នករស់រានមានជីវិតបានពិពណ៌នាថាជនស៊ីវិលត្រូវបានសម្លាប់ ដោយអ្នកបាញ់ស៊ីប ដោយប្រើអាវុធស្វ័យប្រវត្តិ និងដុតទាំងរស់នៅក្នុងផ្ទះរបស់ពួកគេ។ ស្ត្រីនៅក្នុងរបាយការណ៍នេះត្រូវបានសម្ភាសន៍នៅទីក្រុង ព្រំដែនអាដ្រេ (Adre) របស់ប្រទេសឆាដ កាលពីខែកក្កដា និងសីហា។សារព័ត៌មាន Reuters មិនអាចបញ្ជាក់ដោយឯករាជ្យចំពោះព័ត៌មានលម្អិតនៃការណីរបស់ពួកគេទាំងនោះបានទេ៕

អាមេរិក និងអ៊ីស្រាអែល កំពុងពិចារណាអំពីការបណ្តេញភេរវករហាម៉ាស ដើម្បីឆាប់បញ្ចប់ជម្លោះ

អ៊ីស្រាអែល និងសហរដ្ឋអាមេរិក ត្រូវបានគេរាយការណ៍ថា កំពុងពិភាក្សាគ្នាអំពីមធ្យោបាយបណ្តេញភេរវករហាម៉ាសរាប់ពាន់នាក់ ចេញពីតំបន់ហ្កាហ្សាស្ទ្រីប ជាដំណោះស្រាយឆាប់បញ្ចប់សង្រ្គាម នៅក្នុងទឹកដីនេះ។សារព័ត៌មាន The Wall Street Journal បានរាយការណ៍ថា ក្រុមមន្ត្រី បានរុះរកគំនិតនៃការបណ្តេញសមាជិកថ្នាក់ទាបរាប់ពាន់នាក់របស់ក្រុមនេះ ទៅកាន់ប្រទេសខ្លះ ដូចជាទួរគី កាតា អ៊ីរ៉ង់ រុស្ស៊ី និងលីបង់។ចំណាត់ការនេះ នឹងមានគោលបំណងរារាំងក្រុមនេះ មិនឲ្យវិលមកដណ្ដើមអំណាចជាថ្មីក្រោយសង្គ្រាម ដែលអ៊ីស្រាអែល និយាយថា មានសារៈសំខាន់ចំពោះតំបន់ហ្កាហ្សាដែលអាចគ្រប់គ្រងបាន នៅពេលអនាគត។សំណើនេះ គឺស្រដៀងគ្នាទៅនឹងកិច្ចព្រមព្រៀងក្នុងទសវត្សរ៍ឆ្នាំ ១៩៨០ ដែលសម្របសម្រួលដោយសហរដ្ឋអាមេរិក ដែលអនុញ្ញាតឲ្យអតីតមេដឹកនាំប៉ាឡេស្ទីន លោក យ៉ាសើ អារ៉ាហ្វាត (Yasser Arafat) និងយុទ្ធជនរាប់ពាន់នាក់ ចាកចេញពីទីក្រុងបេរូត (Beirut) ទៅកាន់ប្រទេសឹទុយនេស៊ី ក្នុងអំឡុងពេលអ៊ីស្រា អែលឡោមព័ទ្ធរដ្ឋធានីលីបង់។សារព័ត៌មាន Journal បានរាយការណ៍ថា ការបណ្តេញចេញណាមួយ នឹងតម្រូវឲ្យមានការយល់ព្រមពីប្រទេសទទួល ហើយគេមិនច្បាស់ថាតើសមាជិកគ្រួសាររបស់អ្នកដែលចាកចេញទាំងនោះ នឹងត្រវបានរួមបញ្ចូលដែរឬទេ?

អង្គការឧតុនិយមពិភពលោកបញ្ជាក់ថា ឆ្នាំ២០២៣ ជាឆ្នាំក្តៅបំផុតក្នុងកំណត់ត្រា

អង្គការឧតុនិយមពិភពលោក (WMO) បានបញ្ជាក់កាលពីថ្ងៃព្រហស្បតិ៍ (៣០ វិច្ឆិកា) ថាឆ្នាំ២០២៣ នេះត្រូវបានកំណត់ថាជា «ឆ្នាំក្តៅបំផុតក្នុងកំណត់ត្រា» ដោយនិយាយថាឆ្នាំនេះសីតុណ្ហភាពពិភពលោកកម្រិតបំបែកកំណត់ត្រាជាមធ្យមនៅជុំវិញ ១,៤០អង្សាសេ លើសពីកម្រិតមុនឧស្សាហកម្មក្នុងអំឡុងឆ្នាំ១៨៥០ ដល់ឆ្នាំ១៩០០ រហូតដល់ខែតុលា បានបំបែកកំណត់ត្រាសីតុណ្ហភាពអាកាសធាតុ អមដោយបញ្ហាអាកាសធាតុធ្ងន់ធ្ងរ ដែលបានបង្កការបំផ្លិចបំផ្លាញជាច្រើន និងភាពអស់សង្ឃឹមដល់ពិភពលោក។ទីភ្នាក់ងារនោះក៏បានបញ្ជាក់ផងដែរថា ព្រឹត្តិការណ៍អាកាសធាតុអែល នីញ៉ូ នៅឆ្នាំនេះ ទំនងជានឹងបញ្ឆេះកម្ដៅបន្ថែមទៀតនៅឆ្នាំ២០២៤។ ទិន្នន័យរហូតដល់ខែតុលា ឆ្នាំ២០២៣ ស្ទើរតែឈានដល់កម្រិតកំណត់ការឡើងកម្ដៅចំនួន ១,៥អង្សាសេ ប៉ុន្តែមិនមានន័យថាសីតុណ្ហភាពពិភពលោកនឹងលើសពីកម្រិត ១,៥អង្សាសេ ជាអចិន្ត្រៃយ៍ដែលបានបញ្ជាក់នៅក្នុងកិច្ចព្រមព្រៀងប៉ារីស ដោយសំដៅទៅលើការឡើងកម្ដៅរយៈពេលវែងក្នុងរយៈពេលជាច្រើនឆ្នាំនោះទេ។ដោយប្រតិកម្មទៅនឹងការរកឃើញរបស់អង្គការឧតុនិយមពិភពលោក អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres) បានជំរុញឱ្យបណ្ដាមេដឹកនាំប្តេជ្ញាចាត់វិធានការជាបន្ទាន់នៅក្នុងកិច្ចប្រជុំកំពូល COP28 ។ របាយការណ៍ស្តីពីអាកាសធាតុពិភពលោកបណ្តោះអាសន្នរបស់អង្គការ WMO រួមបញ្ចូលគ្នានូវធាតុចូលពីសេវាកម្មឧតុនិយម និងជលសាស្ត្រជាតិ មជ្ឈមណ្ឌលអាកាសធាតុក្នុងតំបន់ ដៃគូរបស់អង្គការសហប្រជាជាតិ និងអ្នកវិទ្យាសាស្ត្រអាកាសធាតុឈានមុខ។តួលេខសីតុណ្ហភាពនេះ គឺជាការបង្រួបបង្រួមនៃសំណុំទិន្នន័យអន្តរជាតិឈានមុខគេចំនួនប្រាំមួយ ហើយរបាយការណ៍ចុងក្រោយនៃស្ថានភាពអាកាសធាតុសកល ឆ្នាំ២០២៣ រួមជាមួយនឹងរបាយការណ៍ក្នុងតំបន់ នឹងត្រូវបានបោះពុម្ពផ្សាយនៅឆមាសទីមួយនៃឆ្នាំ២០២៤៕

ប្រមុខការទូតអាមេរិក ជំរុញអ៊ីស្រាអែលឲ្យបង្កើតតំបន់សុវត្ថិភាពក្នុងតំបន់ហ្កាហ្សា នៅពេលបន្តការប្រយុទ្ធ

ក្នុងដំណើរទស្សនកិច្ចលើកទី៣របស់រដ្ឋមន្ត្រីការបរទេសអាមេរិកលោក Antony Blinken កាលពីថ្ងៃព្រហស្បតិ៍ ទី ៣០ វិច្ឆិកា បានជំរុញឱ្យអ៊ីស្រាអែលបង្កើតតំបន់សុវត្ថិភាពសម្រាប់ជនស៊ីវិលប៉ាឡេស្ទីននៅតំបន់ហ្កាហ្សា មុនពេលប្រទេសនេះបន្តប្រតិបត្តិការយោធាធំៗ នៅក្នុងដែនដី ដែលគ្រប់គ្រងដោយក្រុមហាម៉ាស។ថ្លែងនៅថ្ងៃទី៧នៃការផ្អាកប្រយុទ្ធគ្នារវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន ហាម៉ាស លោក Blinken ក៏បានអំពាវនាវ ផងដែរ ឱ្យមានការពន្យារពេលនៃបទឈប់បាញ់បន្ថែមទៀត ដែលរួមមានការដោះដូរចំណាប់ខ្មាំង និងអ្នកទោស និងការបញ្ជូនជំនួយទៅកាន់តំបន់ហ្កាហ្សាដែលត្រូវបានឡោមព័ទ្ធដោយអ៊ីស្រាអែល។ ប្រមុខការទូតអាមេរិករូបនេះ បានប្រាប់ក្រុមអ្នកសារព័ត៌មាននៅទីក្រុង Tel Aviv នៅចុងបញ្ចប់នៃដំណើរទស្សនកិច្ចទៅកាន់អ៊ីស្រាអែល និងតំបន់ West Bank គ្រប់គ្រងដោយអ៊ីស្រាអែលថា ច្បាស់ ណាស់ថា យើងចង់ឃើញដំណើរការនេះបន្តទៅមុខ។ លោកបាននិយាយថា យើងចង់បានថ្ងៃទី៨និងលើសពីនេះទៀត ។ការផ្អាកប្រយុទ្ធគ្នារយៈពេលខ្លីនេះត្រូវផុតកំណត់នៅព្រឹកថ្ងៃសុក្រសប្ដាហ៍នេះ លុះត្រាតែមានកិច្ចព្រមព្រៀងដើម្បីបន្តត្រូវបានសម្រេច ដែលបានអនុញ្ញាតឱ្យមានការដោះលែងចំណាប់ថ្នូរអ៊ីស្រាអែល និងចំណាប់ខ្មាំងបរទេសជាច្រើននាក់ដែលត្រូវបានក្រុមហាម៉ាសចាប់នៅក្នុងការវាយឆ្មក់ដ៏សាហាវ លើអ៊ីស្រាអែលភាគខាងត្បូងជាថ្នូរនឹងការដោះលែងអ្នកទោសប៉ាឡេស្ទីន៕

សហរដ្ឋអាមេរិក និយាយថា មរណភាពរបស់លោក ហិនរី ឃីសស៊ីនជើ គឺជាការបាត់បង់ដ៏ធំ

សេតវិមាន ហៅមរណភាពរបស់អតីតអ្នកការទូតអាមេរិកដ៏ល្បីល្បាញ លោកហិនរី ឃីសស៊ីនជើ (Henry Kissinger) ថាជាការបាត់បង់ដ៏ធំធាង។ លោក Joe Biden បានលើកសរសើរមិនដាច់ពីមាត់ចំពោះអតីតរដ្ឋមន្ត្រីការបរទេសលោក ហិនរី ឃីសស៊ីនជើ ពេលអ្នកការទូតជើងចាស់រូបនេះ បាននិយាយទៅកាន់សភាកាលពីឆ្នាំ ២០០៧។អ្នកនាំពាក្យក្រុមប្រឹក្សាសន្តិសុខជាតិសេតវិមានលោក John Kirby បាននិយាយថា មិនថាអ្នកបានឃើញរូបលោកផ្ទាល់ភ្នែកលើគ្រប់បញ្ហានោះទេ វាគ្មានសំណួរទេថា លោកថាបង្កើតការសម្រេចចិត្តគោលនយោបាយការបរទេសជាច្រើនទសវត្សរ៍មកហើយ ហើយលោកពិតជាមានឥទ្ធិពលលើតួនាទីរបស់សហរដ្ឋអាមេរិកនៅក្នុងពិភពលោក ។ អ្នកឈ្នះរង្វាន់ណូបែលសន្តិភាព និងអ្នកការទូតដ៏មានឥទ្ធិពលរូបនេះ បានបម្រើការក្រោមការដឹកនាំរបស់ប្រធានាធិបតីពីររូប បានបន្សល់ទុកនូវដំណែលដែលមិនអាចលុបបំបាត់បានចំពោះគោលនយោបាយការបរទេសរបស់សហរដ្ឋអាមេរិក។ យោងតាមក្រុមហ៊ុនប្រឹក្សា Kissinger Associates របស់លោក លោក Kissinger បានទទួលមរភាពនៅគេហដ្ឋានរបស់លោកក្នុងរដ្ឋខុនណេកធីខិត(Connecticut) ក្នុងវ័យ១០០ឆ្នាំ។ លោកបានបម្រើការងារយ៉ាងសកម្មក្នុងវ័យ១០០ឆ្នាំចុងក្រោយរបស់លោក ដោយបានចូលរួមកិច្ចប្រជុំនៅសេតវិមាន បោះពុម្ពផ្សាយសៀវភៅនិយាយពីភាពជាអ្នកដឹកនាំ និងផ្តល់សក្ខីកម្មនៅចំពោះមុខគណៈកម្មាធិការព្រឹទ្ធសភាអំពីការគំរាមកំហែងនុយក្លេអ៊ែរដែលបង្កឡើងដោយកូរ៉េខាងជើង។កាលពីទសវត្សរ៍ឆ្នាំ ១៩៧០ លោកមានស្នាដៃនៅក្នុងព្រឹត្តិការណ៍ពិភពលោកដែលផ្លាស់ប្តូរសម័យកាលជាច្រើនទសវត្សរ៍ ស្របពេលរូបលោកកំពុងបម្រើការជារដ្ឋមន្ត្រីការបរទេសក្រោមការដឹកនាំរបស់ប្រធានាធិបតីសាធារណរដ្ឋ Richard Nixon ៕

ក្រុមជនអន្តោប្រវេសន៍រាប់ពាន់នាក់ ទៅដល់ទីក្រុងព្រំដែនវ៉េរ៉ាគ្រូសរបស់ម៉ិកស៊ិក ក្នុងដំណើរឆ្ពោះទៅកាន់សហរដ្ឋអាមេរិក

ក្រុមជនអន្តោប្រវេសន៍ដែលបានចាកចេញពីទីក្រុងព្រំដែន តាប៉ាជូឡា(Tapachula)នៅភាគខាងត្បូងប្រទេសម៉ិកស៊ិក ក្នុងការធ្វើដំណើរមួយខែមុន បានទៅដល់ក្នុងរដ្ឋវ៉េរ៉ាគ្រូស(Veracruz) ជាទីដែលពួកគេត្រូវបានគេមើលឃើញកំពុងសម្រាកយកកម្លាំងកាលពីថ្ងៃព្រហស្បតិ៍ ថ្ងៃទី ៣០ ខែវិច្ឆិកា ដើម្បីបន្តដំណើរទៅកាន់ទឹកដីសហរដ្ឋអាមេរិក។ យោងតាមអ្នកសម្របសម្រួលសម្រាប់ការធ្វើដំណើររបស់ក្រុមជនន្តោប្រវេសន៍ ក្រុមនេះត្រូវបានប៉ាន់ប្រមាណថាមានជនជាតិផ្សេងៗគ្នាប្រហែល២.៨០០នាក់ រួមទាំងកុមារ ៧០០នាក់។ ក្រុមជនអន្តោប្រវេសន៍មួយចំនួននៅកន្លែងនោះបាននិយាយថា ទោះបីជាវិទ្យាស្ថានទេសន្តរប្រវេសន៍ជាតិម៉ិកស៊ិក អត់ធ្មត់ចំពោះក្បួនដំណើររបស់ពួកគេក៏ដោយ ក៏ខ្លួនបានរារាំងពួកគេមិនឱ្យយកការដឹកជញ្ជូនណាមួយជាមធ្យោបាយធ្វើដំណើររបស់ពួកគេដែរ និងជំរុញពួកគេកុំឲ្យទៅកាន់ព្រំដែនភាគខាងជើងទៀតផង។ចាប់តាំងពីលោកប្រធានាធិបតី Joe Biden ចូលកាន់តំណែងកាលពីឆ្នាំ ២០២១មក សហរដ្ឋអាមេរិក បានប្រឹងប្រែងទប់ស្កាត់ចំនួនជនអន្តោប្រវេសន៍ដ៏ច្រើនបំផុតដែលប៉ុនប៉ងឆ្លងកាត់ខុសច្បាប់ពី ប្រទេសម៉ិកស៊ិក។ ក្រុមជនអន្តោប្រវេសន៍មកពីជុំវិញពិភពលោកបានទៅដល់ព្រំដែនប្រទេសម៉ិកស៊ិក ដោយមនុស្សមួយចំនួនធំបានភៀសខ្លួនចេញពីភាពចលាចលផ្នែកសេដ្ឋកិច្ច និងនយោបាយនៅក្នុងប្រទេសគុយបា ហៃទី នីការ៉ាហ្គ័រ និងវេណេហ្ស៊ុយអេឡា៕

សមត្ថកិច្ចចុះរឹបអូសផលិតផលក្លែងម៉ាកជិតមួយរយគីឡូ និងឃាត់ខ្លួនជនសង្ស័យជាជនជាតិចិនពីរនាក់

ភ្នំពេញ ៖ កម្លាំងនគរបាលប្រឆាំងបទល្មើសសេដ្ឋកិច្ចលួចឆ្មក់ឆែកឆេរ និងសម្រេចរឹបអូសផលតិផលក្លែងក្លាយ ដែលជាប្រភេទស្លាចិន ដោយក្លែងម៉ាក KOUWEIWANGមួយកន្លែង នៅខណ្ឌកំបូល រាជធានីភ្នំពេញ ខណៈ ជនសង្ស័យជាម្ចាស់ទីតាំង ហើយជាជនជាតិចិនចំនួនពីរនាក់ត្រូវបានឃាត់ខ្លួនដើម្បីចាត់ការទៅតាមនីតិវិធីច្បាប់។ យោងតាមរបាយការណ៍របស់នគរបាលប្រឆាំងបទល្មើសសេដ្ឋកិច្ចដែលទូរទស្សន៍ BTVទទួលបាន នាថ្ងៃទី៣០ ខែវិច្ឆិកា ឆ្នាំ២០២៣នេះ បានឲ្យដឹងថា កាលពីរសៀលថ្ងៃទី២៩ ខែវិច្ឆិកា ម្សិលមិញកម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញា នៃនាយកដ្ឋាននគរបាលប្រឆាំងបទល្មើសសេដ្ឋកិច្ច រួមនឹងអាជ្ញាធរមូលដ្ឋានខណ្ឌកំបូល ក្រោមការសម្របសម្រួលនីតិវិធីផ្ទាល់ដោយ លោកស្រី ផាត់ សុគន្ធា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះបង្ក្រាបទីតាំងមួយកន្លែង ស្ថិតនៅបុរីខេភី ម៉នដានី ផ្ទះលេខ១២ ផ្លូវលេខ៣ ភូមិស្វាយ សង្កាត់ស្នោរ ខណ្ឌកំបូល រាជធានីភ្នំពេញ ពាក់ព័ន្ធករណីវេចខ្ចប់ ផលិតផលផ្លែស្លាកញ្ចប់ក្លែងក្លាយ។ របាយការណ៍បានឲ្យដឹងទៀតថាក្រោយពីសមត្ថកិច្ចធ្វើការឆែកឆេរត្រួតពិនិត្យជាក់ស្តែង បានរកឃើញនូវឧបករណ៍សម្ភារ:បំរើឲ្យការងារវេចខ្ចប់ និងផលិត ចំនួន ៨៩,៥ គីឡូក្រាម, ម៉ាស៊ីនវេចខ្ចប់ចំនួន ២គ្រឿង និងកុំព្យូទ័រយួរដៃចំនួន ១គ្រឿង ។បន្ទាប់ពីបានត្រួតពិនិត្យហើយនោះ លោកស្រីព្រះរាជអាជ្ញារង បានសម្រេចឲ្យសមត្ថកិច្ចធ្វើការដកហូតសម្ភារ:ទាំងអស់ ដោយយកទៅរក្សាទុកនៅនាយកដ្ឋាននគរបាលប្រឆាំងបទល្មើសសេដ្ឋកិច្ចជាបណ្តោះអាសន្ន ដើម្បីត្រួតពិនិត្យស្រាវជ្រាវបន្ត រង់ចាំការសម្រេចពីស្ថាប័នមានសមត្ថកិច្ច ហើយបាននាំខ្លួនម្ចាស់ទីតាំង២រូប ជាជនជាតិចិន មកសាកសួរបំភ្លឺ ដើម្បីបន្តនីតិវិធី និងបញ្ជូនទៅតុលាការ ដើម្បីវិនិច្ឆ័យទោសតាមផ្លូវច្បាប់ ។ជាមួយគ្នានេះដែរ សមត្ថកិច្ចក៏បានអំពាវនាវជាថ្មីម្តងទៀតដល់ប្រជាពលរដ្ឋ ទាំងអស់មេត្តាជួយសហការផ្តល់ព័ត៌មាន ប្រសិនបានដឹងពីការផលិត កែច្នៃ ឬលក់ចែកចាយនូវផលិតផលសង្ស័យថាខុសច្បាប់ មកដល់សមត្ថកិច្ចតាមរយៈលេខទូរស័ព្ទ 012456966 ដើម្បីឲ្យសមត្ថកិច្ចធ្វើការស្រាវជ្រាវ ស៊ើបអង្កេតនិងឈានដល់ការបង្ក្រាបឲ្យបានទាន់ពេលវេលាជៀសវៀងការប៉ះពាល់ផលប្រយោជន៍អ្នកប្រើប្រាស់ ជាពិសេសសុខុមាលភាពរបស់ប្រជាពលរដ្ឋតែម្តង៕ អត្ថបទ ៖ បាន ចក់

នគរបាលខណ្ឌដង្កោឃាត់ខ្លួនជនសង្ស័យម្នាក់ករណីលួចរថយន្ត

ភ្នំពេញ ៖ ជនសង្ស័យម្នាក់បានធ្វើសកម្មភាពលួចរថយន្តសេរីទំនើបមួយគ្រឿងហើយជិះគេចខ្លួនស្រាប់តែបុករះរថយន្ត ២គ្រឿងផ្សេងទៀតត្រូវកម្លាំងសមត្ថកិច្ចចម្រុះនៃអធិការដ្ឋានខណ្ឌដង្កោដេញចាប់ឃាត់ខ្លួនបានភ្លាមៗ ។ហេតុការណ៍កើងឡើងកាលពីវេលាម៉ោង ៨ និង៣០នាទី ព្រឹកថ្ងៃទី ៣០ ខែវិច្ឆិកា ឆ្នាំ ២០២៣ នៅតាមបណ្តោយផ្លូវ២១៧ ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ។ លោកវរសេនីយ៍ទោ ជាង ហុកសែ អធិការរងទទួលផែនព្រហ្មទណ្ឌបានអោយដឹងថា ជនសង្ស័យឈ្មោះ គង់ វិច្ឆ័យ មុខរបរមិនពិតប្រាកដ ស្នាក់នៅភូមិ បូរីកម្មករ សង្កាត់ជេីងឯក ខណ្ឌដង្កោ ធ្លាប់ជាប់គុកពីរលើកពាក់ព័ន្ធបទល្មើស «ប៉ុនប៉ងមនុស្សឃាត និងករណីឆក់ » និងលើកនេះត្រូវបានសមត្ថកិច្ចឃាត់ខ្លួនពាក់ព័ន្ធករណីលួចរថយន្ត។ តាមប្រភពព័ត៌មានពីកន្លែងកើតហេតុបានអោយដឹងថា ជនសង្ស័យបានធ្វើសកម្មភាពលួចបេីកទ្វារ រថយន្ត ម៉ាក Range Rover ពណ៌ប្រផេះ ពាក់ស្លាកលេខ កម្ពុជា LNL 7979 រួចជិះគេចខ្លួនស្រាប់តែទៅបុករថយន្ត ២គ្រឿងទៀតបង្កការភ្ញាក់ផ្អើលដល់ប្រជាពលរដ្ឋនិងបានរាយការណ៍ដល់សមត្ថកិច្ចចុះអន្តរាគមន៍ភ្លាមៗឃាត់ខ្លួនជនសង្ស័យយកមកកាន់អធិការដ្ឋាននគរបាលខណ្ឌដង្កោ ធ្វើការសួនាំ ។ សមត្ថកិច្ចបញ្ជាក់ថាក្រោយកេីតហេតុម្ចាស់រថយន្ត ២គ្រឿង ដែលរងការខូចខាតដោយសារជនសង្ស័យបេីកបុកនោះ មិនបានប្តឹងផ្តល់នោះទេ ចំណែក ម្ចាស់រថយន្ត ម៉ាក Range Rover បានមកដាក់ពាក្យ ដេីម្បីអោយសមត្ថកិច្ចបន្តនីតិវិធីទៅលេីជនសង្ស័យទៅតាមផ្លូវច្បាប់ ។ ក្រោយទទួលបានពាក្យបណ្តឹងរបស់ជនរងគ្រោះ សមត្ថកិច្ចកំពុងកសាងសំណុំរឿងបញ្ជូនជនសង្ស័យទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធី ៕ ដោយ ៖ តារាវុទ្ធី

ព្រិលកម្រាស់ជាង៤០អ៊ីញ គ្របដណ្ដប់ភាគឦសាន សហរដ្ឋអាមេរិក ខណៈរងការវាយប្រហារពីស្ថានភាពអាកាសធាតុអាក្រក់

អាកាសធាតុរដូវរងាដ៏ធ្ងន់ធ្ងរបានវាយប្រហារលើសហគមន៍នានាទូទាំងក្នុងតំបន់ភាគឦសានសហរដ្ឋអាមេរិក កាលពីព្រឹកថ្ងៃពុធ ដែលបណ្ដាលឲ្យមានគ្រោះថ្នាក់ចរាចរណ៍ធ្ងន់ធ្ងរមួយករណី។ ដូចការរំពឹង មានព្រិលធ្លាក់កម្រាស់ជាង៤០អ៊ីញកាលពី២ថ្ងៃមុនលើផ្នែកជាច្រើននៃតំបន់ Great Lakes នៅក្នុងតំបន់ភាគឦសាន ដែលជាផលរំខានលើកដំបូងដ៏ធ្ងន់ធ្ងរនៃរដូវធ្លាក់ព្រិល។ ព្រិលធ្លាក់ខ្លាំងបានគ្របដណ្ដប់តាមដងផ្លូវនានាននៃទីក្រុង Buffalo នៃរដ្ឋ New York កាលពីថ្ងៃពុធ ២៩វិច្ឆកា ខណៈព្យុះរដូវរងាបន្តវាយប្រហារតំបន់ជាច្រើនរបស់សហរដ្ឋអាមេរិក។ ការធ្លាក់ព្រិកធ្ងន់ធ្ងរបំផុត ត្រូវបានកត់ត្រានៅភូមិ ខុនស្តាប្លេវីល(Constableville)នៃរដ្ឋ New York ដែលមានព្រិលកម្រាស់៤២,៧អ៊ីញ។ សេវាឧតុនិយមជាតិ ក្នុងទីក្រុង Buffalo រដ្ឋ New York និយាយថា អ្នកដំណើរមិនអាចមើលផ្លូវច្បាស់ទេ អំឡុងព្រឹកថ្ងៃពុធ ដោយមានព្រិលធ្លាក់កម្រាស់១ទៅ២អ៊ីញក្នុងមួយម៉ោង។ នគរបាលក្រុង Buffalo និយាយថា ការណែនាំឲ្យប្រុងប្រយ័ត្នពីអាកាសធាតុរដូវរងាត្រូវបានអនុវត្តន៍ពីម៉ោង៤ព្រឹក និងបាននិយាយថា អ្នកដំណើរតាមទោចក្រយានយន្តគួរតែបង្កើនការប្រុងប្រយ័ត្ន៕

បណ្ដាញសង្គម

ព័ត៌មានថ្មីៗ

កម្ពុជាតវ៉ាជាផ្លូវការចំពោះសកម្មភាពខុសច្បាប់របស់ថៃចូលកាន់កាប់នៅតំបន់ភូមិជោគជ័យ, ច្រកទ្វារអន្តរជាតិអូរស្មាច់ និងស្រុកអន្លង់វែង

ឯកឧត្តម ហួត ហាក់ ជួបពិភាក្សាការងារលើវិស័យទេសចរណ៍ ការការពារបេតិកភណ្ឌវប្បធម៌ និងធម្មជាតិនៅកម្ពុជា ជាមួយអ្នកស្រី Angelina Jolie

ឯកឧត្តម ហ៊ុន ម៉ានី អញ្ជើញជួបសំណេះសំណាលកងកម្លាំងខេត្តកំពង់ស្ពឺសម្រាប់ឱកាសចូលឆ្នាំប្រពៃណីជាតិខ្មែរ

គំនិតផ្តួចផ្តើមរបស់វិចិត្រករ បានគាំទ្រក្មេងៗជម្លៀសខ្លួននៅលីបង់ឲ្យគូរគំនូរតាមអារម្មណ៍របស់ខ្លួន

អ៊ីរ៉ង់អះអាងពីការបាញ់ទម្លាក់យន្តហោះចម្បាំង F-35 ទី២ របស់អាមេរិក ក្នុងរយៈពេល ២សប្តាហ៍

សហភាពអាហ្វ្រិក គាំទ្រការជំរុញសន្តិភាពចិន-ប៉ាគីស្ថាន ជុំវិញបញ្ហាមជ្ឈិមបូព៌ា និងជំរុញឲ្យបន្ថយភាពតានតឹង

មេបញ្ជាការយោធាប៊ូគីណា ហ្វាសូ និយាយថា បំភ្លេចចោលទៅលទ្ធិប្រជាធិបតេយ្យ

WTO ព្រមានអំពី «ការវាយប្រហារជាច្រើនដងលើទីតាំងសេវាសុខភាព» នៅអ៊ីរ៉ង់

មនុស្សម្នាក់ស្លាប់នៅជិតទីក្រុងគីវ ខណៈរុស្ស៊ីប្តូរមកវាយប្រហារទ្រង់ទ្រាយធំនៅពេលថ្ងៃ

របាយការណ៍៖ អាមេរិកបណ្តេញបេសកជនរងរបស់អ៊ីរ៉ង់ ប្រចាំនៅ UN ដោយសារក្តីបារម្ភពីសន្តិសុខជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877