BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

ប្រជាជនថៃរាប់រយនាក់ នឹងត្រូវជម្លៀសចេញពីមីយ៉ាន់ម៉ា ស្របពេលមានការប្រយុទ្ធគ្នាយ៉ាងខ្លាំង

ក្រសួងការបរទេសថៃ បាននិយាយកាលពីថ្ងៃអាទិត្យ (១៩ វិច្ឆិកា) ថា ជនជាតិថៃជាងពីររយនាក់ ដែលជាប់នៅក្នុងការប្រយុទ្ធគ្នាដ៏ខ្លាំងក្លានៅភាគខាងជើងនៃសហភាពមីយ៉ាន់ម៉ា រវាងទាហានរដ្ឋាភិបាលរបបសឹក និងក្រុមជនជាតិភាគតិចប្រដាប់អាវុធ កំពុងត្រូវបានជម្លៀសទៅកាន់ប្រទេសថៃ តាមរយៈប្រទេសចិន។យោធាមីយ៉ាន់ម៉ា ដែលបានដណ្ដើមអំណាចនៅក្នុងរដ្ឋប្រហារឆ្នាំ២០២១ កំពុងបាត់បង់ការគ្រប់គ្រងទីក្រុង និងទីស្នាក់ការយោធាជាច្រើននៅជុំវិញប្រទេស ព្រមទាំងត្រូវបានវាយលុកផ្នែកខ្លះនៃភាគខាងជើងរបស់ខ្លួន ខណៈពួកគេកំពុងទប់ទល់នឹងការវាយលុកសម្របសម្រួលដ៏ធំបំផុត ដែលបានចាប់ផ្តើមកាលពីខែមុនដោយសម្ព័ន្ធមិត្តនៃជនជាតិភាគតិចចំនួនបីក្រុម និងក្រុមតស៊ូគាំទ្រលទ្ធិប្រជាធិបតេយ្យ។ក្រសួងការបរទេសថៃបាននិយាយថា ជនជាតិថៃមួយក្រុមមានគ្នា ២៦៦នាក់ និងចំនួនមិនជាក់លាក់នៃជនជាតិហ្វីលីពីន និងសិង្ហបុរី កំពុងត្រូវបានជម្លៀសចេញពីទីក្រុង Laukkaing ភាគខាងជើងរដ្ឋ សាន ទៅកាន់ព្រំដែនមីយ៉ាន់ម៉ា-ចិន ដោយមានជំនួយពីក្រុមអាជ្ញាធរមីយ៉ាន់ម៉ា។ក្រសួងការបរទេសនេះបានបន្ថែមថា ក្រុមជម្លៀសនេះនឹងត្រូវបានអនុញ្ញាតឱ្យចូលទៅក្នុងប្រទេសចិន ហើយបន្ទាប់មកនឹងហោះហើរពីទីក្រុងគុនមីង របស់ប្រទេសចិន តាមជើងហោះហើរចំនួនពីរទៅកាន់ទីក្រុងបាងកក ដែលពួកគេនឹងត្រូវឆ្លងកាត់ការត្រួតពិនិត្យពីការជួញដូរមនុស្ស និងកំណត់ត្រាឧក្រិដ្ឋកម្មផ្សេងៗ៕

ពលរដ្ឋអ៊ីស្រាអែល ទាមទារឲ្យរដ្ឋាភិបាលបង្កើតបទឈប់បាញ់ជាថ្នូរនឹងការដោះលែងចំណាប់ថ្នូរ

ក្រុមបាតុករអ៊ីស្រាអែលរាប់ពាន់នាក់ រួមទាំងសមាជិកគ្រួសារនៃចំណាប់ថ្នូរដែលក្រុមហាម៉ាស ចាប់បានយកទៅ បានដើរដង្ហែក្បួនពីទីក្រុង Tel Aviv ទៅកាន់ទីក្រុងហ្សេរុយសាឡឹម ដើម្បីជំរុញឱ្យរដ្ឋាភិបាលបង្កើតបទឈប់បាញ់ ជាថ្នូរនឹងការដោះលែងចំណាប់ខ្មាំង។ក្រុមបាតុករបានសម្រុកទៅកាន់ទីក្រុងហ្សេរុយសាឡឹម បន្ទាប់ពីចេញតវ៉ារយៈពេល៥ថ្ងៃដែលបានចាប់ផ្តើមកាលពីថ្ងៃអង្គារនៅទីក្រុង Tel Aviv ដោយកាន់ទង់ជាតិអ៊ីស្រាអែល និងស្លាកសញ្ញាផ្សេងៗមានរូបថតជនរងគ្រោះដែលត្រូវបានក្រុមហាម៉ាសចាប់ចូលតំបន់ហ្កាហ្សា។ ពួកគេបានប្រមូលផ្ដុំគ្នានៅការិយាល័យរបស់នាយករដ្ឋមន្ត្រីអ៊ីស្រាអែល លោក បេនចាមីន ណេតានយ៉ាហ៊ូ ( Benjamin Netanyahu)អំពាវនាវឱ្យធ្វើការងារបន្ថែមទៀតដើម្បីដោះលែងអ្នកត្រូវចាប់ឃុំទាំងនោះ ។ យោងតាមកងកម្លាំងការពារអ៊ីស្រាអែល បន្ទាប់ពីការវាយប្រហារទ្រង់ទ្រាយធំរបស់ក្រុមហាម៉ាស ដាក់គោលដៅយោធាអ៊ីស្រាអែល និងទីប្រជុំជននានាកាលពីថ្ងៃទី ៧ ខែតុលា មនុស្សយ៉ាងហោចណាស់១.៤០០នាក់ នៅក្នុងប្រទេសអ៊ីស្រាអែលត្រូវបានសម្លាប់ ហើយមនុស្សសរុបចំនួន ២៣៩ នាក់ ភាគច្រើនជាជនស៊ីវិលត្រូវបានចាប់ធ្វើជាចំណាប់ខ្មាំងក្នុងអំឡុងវាយប្រហាររបស់ក្រុមហាម៉ាស៕

UN៖ ជនជាតិប៉ាឡេស្ទីនជាង ២០០នាក់ ត្រូវបានសម្លាប់ នៅតំបន់វេសបែង

ទីភ្នាក់ងារអង្គការសហប្រជាជាតិ បាននិយាយកាលពីថ្ងៃសៅរ៍ថា ជនជាតិប៉ាឡេស្ទីនជាង ២០០ នាក់ ត្រូវបានសម្លាប់នៅតំបន់វេសបែង ចាប់តាំងពីថ្ងៃទី៧ ខែតុលា ដោយបង្កើនការព្រួយបារម្ភអំពីយុទ្ធនាការយោធារបស់អ៊ីស្រាអែល។កងកម្លាំងការពារអ៊ីស្រាអែល បានកំណត់កិច្ចប្រតិបត្តិការរបស់ខ្លួន ចាប់តាំងពីការវាយប្រហាររបស់ក្រុមហាម៉ាសថា ជាយុទ្ធនាការប្រឆាំងនឹងកងជីវពលប៉ាឡេស្ទីន ដែលខ្លួនចាត់ទុកថា ជាអង្គការភេរវកម្ម។ ទោះជាយ៉ាងណាក៏ដោយ ក្រុមហាម៉ាស បានបើកកិច្ចប្រតិបត្តិការពីដំបូងចេញពីតំបន់ហ្កាហ្សា មិនមែនតំបន់វេសបែងនោះទេ ដោយទាក់ទាញការចាប់អារម្មណ៍លើបណ្តាញអ៊ីនធឺណិតចំពោះវិសាលភាពនៃការឆ្លើយតបរបស់អ៊ីស្រាអែល។ការិយាល័យUN សម្រាប់ការសម្របសម្រួលកិច្ចការមនុស្សធម៌ បាននិយាយនៅក្នុងសេចក្តីថ្លែងការណ៍មួយថា ជនជាតិប៉ាឡេស្ទីន ១៩៨នាក់ រួមទាំងកុមារ ៥២នាក់ ត្រូវបានសម្លាប់ដោយកងកម្លាំងអ៊ីស្រាអែលនៅតំបន់វេបែង ខណៈដែល ៨នាក់ផ្សេងទៀតរួមទាំងកុមារម្នាក់ ត្រូវបានសម្លាប់ដោយអ្នកតាំងលំនៅ អ៊ីស្រាអែលខុសច្បាប់។ទីភ្នាក់ងារនេះ បាននិយាយថា ប្រហែល ៦៦ភាគរយនៃអ្នកទាំងនោះ ត្រូវបានសម្លាប់នៅក្នុងប្រតិបត្តិការស្វែងរក និងចាប់ខ្លួនរបស់អ៊ីស្រាអែល ពីដំបូងនៅក្នុងអភិបាលខេត្ត Jenin និង Tulkarm ។ ចំណែក ២៤ភាគរយផ្សេងទៀត ត្រូវបានសម្លាប់នៅក្នុងការតវ៉ាដែលគាំទ្រតំបន់ហ្កាហ្សា ខណៈដែល ៧ភាគរយ ត្រូវបានសម្លាប់ដោយចោទប្រកាន់ថា បានវាយប្រហារកងកម្លាំងអ៊ីស្រាអែល និងអ្នកតាំងលំនៅខុសច្បាប់។

តុលាការចេញដីកាបង្គាប់ឲ្យចាប់ខ្លួនឈ្មោះ កង តារាវិឆៃ ករណីបាញ់ជាង២០០គ្រាប់លើភ្នំគិរីរម្យ

កំពង់ស្ពឺ៖ តុលាការខេត្តកំពង់ស្ពឺ បានចេញដីកាបង្គាប់ឲ្យចាប់ខ្លួនឈ្មោះ កង តារាវិឆៃ ករណីបាញ់បោះសេរីជាង ២០០គ្រាប់លើភ្នំគិរីរម្យ។ចៅក្រមស៊ើបសួរសាលាដំបូងខេត្តកំពង់ស្ពឺ លោក សេង រិទ្ធី នៅថ្ងៃទី២០ ខែវិច្ឆិកា ឆ្នាំ២០២៣នេះ បានសម្រេចចេញដីកាបង្គាប់ឲ្យចាប់ខ្លួនឈ្មោះ កង តារាវិឆៃ ដែលត្រូវបានគេដឹងថា ជាមេខ្លោងក្នុងការបាញ់បោះសេរីជាង ២០០គ្រាប់ នៅលើខ្នងភ្នំគិរីរម្យកន្លងមក។ដីកាបង្គាប់ឲ្យចាប់ខ្លួនរបស់ចៅក្រមស៊ើបសួរសាលាដំបូងខេត្តកំពង់ស្ពឺ បានសម្រេចឲ្យចាប់ខ្លួនឈ្មោះ កង តារាវិឆៃ ភេទប្រុស អាយុ ៣២ឆ្នាំ និងបញ្ជាដល់កងកម្លាំងសាធារណៈឲ្យស្រាវជ្រាវរកចាប់ និងនាំខ្លួនឈ្មោះខាងលើនេះទៅប្រគល់ជូនសាលាដំបូងខេត្តកំពង់ស្ពឺ ដើម្បីចាត់ការតាមច្បាប់ ព្រមទាំងបញ្ជាដល់ប្រធានពន្ធនាគារ ឬមណ្ឌលឃុំខ្លួនឲ្យទទួល និងឃុំខ្លួនបុគ្គលនេះ និងត្រូវនាំទៅបង្ហាញដល់ចៅក្រមស៊ើបសួរក្នុងរយៈពេលយ៉ាងខ្លីបំផុត។ឈ្មោះ កង តារាវិឆៃ ភេទប្រុស អាយុ ៣២ឆ្នាំ មានមុខរបរមន្ត្រីនគរបាល មានទីកន្លែងកំណើត និងទីលំនៅបច្ចុប្បន្ននៅផ្ទះលេខ ២២ ផ្លូវជាតិលេខ២ ភូមិព្រែកតាគង់២ ខណ្ឌមានជ័យ រាជធានីភ្នំពេញ ត្រូវបានតំណាងអយ្យការអមសាលាដំបូងខេត្តកំពង់ស្ពឺ ចោទប្រកាន់ពីបទ ប្រើប្រាស់អាវុធគ្រឿងផ្ទុះ និង គ្រាប់រំសេវដោយគ្មានការអនុញ្ញាត ប្រព្រឹត្តនៅចំណុចចំការតែ ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីថ្ងៃទី១១ ខែវិច្ឆិកា ឆ្នាំ២០២៣ វេលាម៉ោង ១៦ និង៣០នាទីរសៀល រហូតដល់ថ្ងៃទី១២ ខែវិច្ឆិកា ឆ្នាំ២០២៣ វេលាម៉ោង ០៦ និង ០០ នាទី ព្រឹក ដែលជាបទល្មើសព្រហ្មទណ្ឌមានចែង និងឲ្យផ្តន្ទាទោសតាមបញ្ញត្តិមាត្រា ២០ នៃច្បាប់ស្តីពីការគ្រប់គ្រងអាវុធគ្រឿងផ្ទះ និងគ្រាប់រំសេវ។ក្នុងសំណុំរឿងនេះ តុលាការខេត្តកំពង់ស្ពឺយល់ឃើញថា ជនត្រូវចោទត្រូវបានចោទប្រកាន់ចំពោះបទល្មើសព្រហ្មទណ្ឌមជ្ឈិម ឬឧក្រិដ្ឋ ដែលច្បាប់អនុញ្ញាតឲ្យផ្តន្ទាទោសដាក់ពន្ធនាគារ។ ជាងនេះទៀត បន្ទាប់ពីបានប្រព្រឹត្តបទល្មើស ជនត្រូវចោទបានរត់គេចខ្លួន និងមិនដឹងជារស់នៅទីណា ដើម្បីឲ្យកិច្ចស៊ើបសួរអាចប្រព្រឹត្តទៅបានពេញលេញគប្បីបង្គាប់ឲ្យចាប់ខ្លួនជនត្រូវចោទខាងលើ ស្របតាមយោបល់របស់តំណាងអយ្យការ។ក្នុងសំណុំរឿងនេះដែរ កាលពីថ្ងៃទី១៦ ខែវិច្ឆិកា ឆ្នាំ២០២៣ តំណាងអយ្យការអមសាលាដំបូងខេត្តកំពង់ស្ពឺ បានសម្រេចចោទប្រកាន់ទៅលើជនសង្ស័យ៥នាក់មាន១-ឈ្មោះ ស៊ឹម សុវណ្ណារិទ្ធ ២-ឈ្មោះ ប៊ិន ភារម្យ ៣-ឈ្មោះ ប៊ិន ភាលុច និង ៤-ឈ្មោះ ឈិត លីហៀង ៥-ឈ្មោះ កង តារាវិឆៃ ព្រមទាំងបក្ខពួក ពីបទ ប្រើប្រាស់អាវុធគ្រឿងផ្ទុះ និងគ្រាប់រំសេវ ដោយគ្មានការអនុញ្ញាត តាមបញ្ញត្តិមាត្រា ២០ នៃច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ និងបានបញ្ចូនទៅចៅក្រមស៊ើបសួរបន្តនីតិវិធីច្បាប់៕អត្ថបទ ៖ ប្រាក់ វ៉ាន់ដា

ចំនួនអ្នកស្លាប់ដោយសារគ្រោះរញ្ជួយដីនៅហ្វីលីពីន កើនឡើងដល់៨នាក់

មន្ត្រីការពារស៊ីវិលរបស់ប្រទេសហ្វីលីពីន បាននិយាយកាលពីថ្ងៃអាទិត្យ (១៩ វិច្ឆិកា) ថា ចំនួនអ្នកស្លាប់ដោយសារការរញ្ជួយដីកម្រិត ៦.៧ រ៉ិចទ័រ នៅភាគខាងត្បូងប្រទេសហ្វីលីពីន បានកើនឡើងដល់ ៨ នាក់ហើយ។ ការិយាល័យការពារជនស៊ីវិលបាននិយាយថា មនុស្សពីរនាក់ ដែលបានបាត់ខ្លួននៅក្នុងបំណាក់ដី បន្ទាប់ពីរញ្ជួយដីកាលពីថ្ងៃសុក្រ ដែលបានវាយប្រហារយ៉ាងជ្រៅពីកោះ មីនដានណាវ (Mindanao) ត្រូវបញ្ជាក់ថាបានស្លាប់។អ្នកស្លាប់ចុងក្រោយ គឺមកពីខេត្ត សារ៉ាងហ្កានី (Sarangani) អ្នកផ្សេងទៀតត្រូវបានសម្លាប់នៅក្នុងខេត្ត សៅ កូតាបាតូ (South Cotabato) និងខេត្ត ដាវាវ អូស៊ីឌែនថល (Davao Occidental) ខណៈមនុស្ស ១៣នាក់ បានរងរបួសពីការរញ្ជួយ ដែលបានធ្វើឱ្យមនុស្សជាច្រើនមានការភ័យស្លន់ស្លោ និងបានធ្វើឱ្យលំនៅឋានជាង ៥០ខ្នង និងអគារផ្សេងទៀតត្រូវខូចខាត។ទីភ្នាក់ងារនេះបាននិយាយថា អគ្គិសនីត្រូវបានស្ដារឡើងវិញ ហើយផ្លូវភាគច្រើនឥឡូវនេះអាចធ្វើដំណើរឆ្លងកាត់បានឡើងវិញ។ គ្រោះរញ្ជួយដីកើតឡើងជាញឹកញាប់នៅក្នុងប្រទេសហ្វីលីពីន ដែលស្ថិតនៅតំបន់កងភ្លើងប៉ាស៊ីហ្វិក ដែលទីភ្នាក់ងារស្ទាបស្ទង់ភូមិសាស្ត្រអាមេរិកពិពណ៌នាថាជា «តំបន់រញ្ជួយដី និងតំបន់សកម្មបំផុតនៃភ្នំភ្លើងនៅក្នុងពិភពលោក»៕

មនុស្ស ១៧ម៉ឺននាក់ ធ្វើការតវ៉ាដ៏ធំបំផុតនៅអេស្ប៉ាញ ប្រឆាំងនឹងច្បាប់លើកលែងទោសតំបន់កាតាឡាន់

មនុស្សប្រហែល ១៧០.០០០នាក់ បានដើរដង្ហែក្បួនឆ្លងកាត់ទីក្រុងម៉ាឌ្រីដ របស់ប្រទេសអេស្ប៉ាញ កាលពីថ្ងៃសៅរ៍ នៅក្នុងការតវ៉ាដ៏ធំបំផុតប្រឆាំងនឹងច្បាប់លើកលែងទោស ដែលគណបក្សសង្គមនិយមអេស្ប៉ាញ បានយល់ព្រមលើសំណើរបស់ក្រុមផ្តាច់ខ្លួននៃសហគមន៍កាតាឡូនីញ៉ា ក្នុងឆ្នាំ២០១៧ ដើម្បីបង្កើតរដ្ឋាភិបាលមួយ។បាតុកម្ម ដែលជាការតវ៉ាចុងក្រោយបង្អស់នៅក្នុងទីក្រុងនានាទូទាំងប្រទេសប្រឆាំងនឹងការលើកលែងទោសនេះ បានកើតឡើងរយៈពេលពីរថ្ងៃបន្ទាប់ពីនាយករដ្ឋមន្ត្រីបក្សសង្គមនិយមអេស្ប៉ាញ លោក ប៉េដ្រូ សានឆេស (Pedro Sanchez) បានឈ្នះតំណែងក្នុងអាណត្តិរយៈពេល ៤ ឆ្នាំដោយមានការគាំទ្រពីបណ្ដាគណបក្សជាតិនិយមកាតាឡាន់ និងបក្សបាស៎កេ (Basque) ជាថ្នូរនឹងការយល់ព្រមលើច្បាប់នោះ។ក្រុមបាតុករជាច្រើនគ្រវីទង់ជាតិអេស្ប៉ាញ និងកាន់ស្លាកសញ្ញាដែលសរសេរថា «ជនក្បត់ សានឆេស» និង «កុំលក់ប្រទេសអេស្ប៉ាញ» បានធ្វើបាតុកម្មប្រឆាំងនឹងច្បាប់ដែលសមាគមតុលាការចំនួនបួន គណបក្សនយោបាយប្រឆាំង និងមេដឹកនាំអាជីវកម្មបាននិយាយថា គំរាមកំហែងដល់នីតិរដ្ឋ និងការបំបែកអំណាច៕-

អ៊ីស្រាអែល ជិតឈានដល់កិច្ចព្រមព្រៀងដោះលែងចំណាប់ខ្មាំង និងផ្អាកការប្រយុទ្ធគ្នា

អ៊ីស្រាអែល បាននិយាយកាលពីយប់ថ្ងៃអាទិត្យថា កិច្ចព្រមព្រៀងមួយ ដើម្បីបញ្ឈប់ការប្រយុទ្ធគ្នា នៅតំបន់ហ្កាហ្សាជាថ្នូរនឹងការដោះលែងចំណាប់ថ្នូររហូតដល់៥០នាក់ ត្រូវបានរំពឹងទុកក្នុងរយៈពេលប៉ុន្មានថ្ងៃខាងមុខនេះ។កិច្ចព្រមព្រៀងនេះ បានកើតឡើង នៅពេលដែលមន្រ្តីអាមេរិក បាននិយាយថា ការចរចា បានឈានចូលដំណាក់កាលមួយ«ច្បាស់លាស់» បន្ទាប់ពីនាយករដ្ឋមន្រ្តីកាតា ជាទីដែលកិច្ចពិភាក្សា កំពុងត្រូវបានរៀបចំនេះ បាននិយាយថា មានតែ «ព័ត៌មានលម្អិតតិចតួច» ដែលត្រូវសម្រេច។សេចក្តីព្រាងឯកសារកិច្ចព្រមព្រៀង ត្រូវបានគេរាយការណ៍ថា ក្រោមកិច្ចព្រមព្រៀងដែលសម្របសម្រួលដោយសហរដ្ឋអាមេរិករវាងអ៊ីស្រាអែល និងក្រុមហាម៉ាស «ស្ត្រីនិងកុមាររាប់សិបនាក់» នឹងត្រូវបានដោះលែង «ជាថ្នូរនឹងការផ្អាកប្រយុទ្ធគ្នារយៈពេល៥ថ្ងៃ»។ លទ្ធភាពទម្លាយភាពទាល់ច្រក កើតឡើង នៅពេលដែលនាយសេនាធិការនៃកងកម្លាំងការពារអ៊ីស្រាអែល (IDF) បានចុះហត្ថលេខាលើផែនការកាលពីថ្ងៃអាទិត្យ ដើម្បីពង្រីកការវាយលុក នៅក្នុងតំបន់ហ្កាហ្សា មុនពេលជំរុញទៅភាគខាងត្បូង ត្រូវបានរំពឹងទុកយ៉ាងទូលំទូលាយ។ការរុលទៅមុខភាគខាងត្បូង ត្រូវបានគេមើលឃើញថា ជាពេលវេលាដ៏សំខាន់មិនត្រឹមតែសម្រាប់ជនស៊ីវិលដែលជាប់ខ្លួន នៅក្នុងទឹកដីប៉ុណ្ណោះទេ ប៉ុន្តែក៏មានកិច្ចខិតខំប្រឹងប្រែងរបស់លោក បេនចាមីន នេតានីយ៉ាហ៊ូ (Benjamin Netanyahu) ក្នុងការបន្តការគាំទ្រផ្នែកការទូតដល់ការអំពាវនាវកាន់តែខ្លាំងឡើង ឲ្យមានបទឈប់បាញ់ និងជំនួយបន្ថែមទៀត។

ពលរដ្ឋហ្កាហ្សា ស្វែងរកជម្រកកក់ក្ដៅគេចចេញពីខ្យល់ និងវភ្លៀង ខណៈស្ថានភាពធ្ងន់ធ្ងរស្រាប់

មានភ្លៀងធ្លាក់ លាយឡំជាមួយខ្យល់បោកបក់ខ្លាំងនៅខាងក្រៅមន្ទីរពេទ្យ ណាស័រ (Nasser) ក្នុងទីក្រុង Khan Younis តំបន់ហ្កាហ្សា កាលពីថ្ងៃអាទិត្យ បានបន្ថែមបន្ទុកពីលើស្ថានភាពធ្ងន់ធ្ងររួចទៅហើយសម្រាប់ ប្រជាពលរដ្ឋហ្កាហ្សា ស្របពេលមានជម្លោះនៅតែបន្តរវាងអ៊ីស្រាអែល និងក្រុមអ៊ីស្លាមប៉ាឡេស្ទីន ។ ពលរដ្ឋហ្កាហ្សាជាច្រើនបានស្វែងរកទីជម្រកនៅខាងក្រៅមន្ទីរពេទ្យនានា ហើយពេលនេះ អ៊ីស្រាអែលកំពុងត្រៀមពង្រីកការវាយលុករបស់ខ្លួនលើក្រុមហាម៉ាស ទៅកាន់តំបន់ពាក់កណ្តាលភាគខាងត្បូងនៃដែនដីហ្កាហ្សា បន្ទាប់ពីការវាយប្រហារតាមអាកាសបានសម្លាប់ប្រជាជនប៉ាឡេស្ទីនរាប់សិបនាក់ រួមទាំងជនស៊ីវិលដែលត្រូវបានគេរាយការណ៍ថាកំពុងជ្រកនៅសាលារៀនចំនួនពីរកន្លែង។ ការពង្រីកយុទ្ធនាការនេះ អាចបង្ខំមនុស្សរាប់សែននាក់ដែលបានភៀសខ្លួនចេញពីទីក្រុងហ្កាហ្សា ឱ្យជម្លៀសចេញម្តងទៀត រួមជាមួយនឹងអ្នកស្រុក Khan Younis ជាទីក្រុងដែលមានមនុស្សជាង៤០០.០០០នាក់ ដែលបានបង្កឱ្យមានវិបត្តិមនុស្សធម៌ដ៏ធ្ងន់ធ្ងររួចទៅហើយនោះ។ ការទម្លាក់គ្រាប់បែក បានធ្វើឲ្យអគារនិងលំនៅឋានប្រជាពលរដ្ឋនៅតំបន់ហ្កាហ្សាភាគខាងជើង បាក់រលំរាបដល់ ខណៈប្រជជន២ភាគ៣នៃតំបន់រងការឡោមព័ទ្ធ មានប្រជាជាន២,៣លាននាក់ មួយនេះបានរត់គេចខ្លួនចូលទក្នុងភាគខាងត្បូង៕

អង្គការសុខភាពពិភពលោកនិយាយថា មន្ទីរពេទ្យធំបំផុតក្នុងតំបន់ហ្កាហ្សា ក្លាយជាតំបន់មរណៈ

អង្គការសុខភាពពិភពលោកបាននិយាយថា មន្ទីរពេទ្យ Dar al-Shifa ដែលជាមន្ទីរពេទ្យធំជាងគេនៅតំបន់ហ្កាហ្សាស្ទ្រីប បានក្លាយទៅជា "តំបន់មរណៈ" ជាមួយនឹងផ្នូររួមដ៏ធំនៅច្រកចូល ហើយនៅសល់បុគ្គលិកតែ ២៥នាក់ប៉ុណ្ណោះ សម្រាប់ការមើលថែអ្នកជំងឺធ្ងន់ធ្ងរចំនួន២៩១នាក់ បន្ទាប់ពីមានការបញ្ជាពីកងទ័ពអ៊ីស្រាអែល ដើម្បីជម្លៀសចេញ។ អង្គការសុខភាពពិភពលោក បានចូលទៅកាន់មជ្ឈមណ្ឌលវេជ្ជសាស្ត្រនៅទីក្រុង ហ្កាហ្សា កាលពីថ្ងៃអាទិត្យ បន្ទាប់ពីត្រូវបានវាយឆ្មក់ដោយកងកម្លាំងអ៊ីស្រាអែលកាលពីដើមសប្តាហ៍នេះ។ អ៊ីស្រាអែលបានចោទប្រកាន់ក្រុមសកម្មប្រយុទ្ធហាម៉ាសបានប្រើប្រាស់មន្ទីរពេទ្យ al-Shifa នេះ ជាមជ្ឈមណ្ឌលបញ្ជា ដោយកំណត់ថា នោះគឺជាគោលដៅសំខាន់ក្នុងប្រតិបត្តិការយោធារបស់ខ្លួន ទោះបីជាមានការរិះគន់ពីអន្តរជាតិក៏ដោយ។ កងកម្លាំងការពារអ៊ីស្រាអែល (IDF) បានបញ្ចេញវីដេអូឃ្លីបកាលពីថ្ងៃអាទិត្យ នៃអ្វីដែលខ្លួនបាននិយាយថា គឺជាផ្លូវរូងក្រោមដីប្រវែង ៥៥ ម៉ែត្រ ជម្រៅ ១០ ម៉ែត្រ ដែលបានរកឃើញនៅក្រោមអគារក្នុងអគារមន្ទីរពេទ្យ។ កងកម្លាំងអ៊ីស្រាអែល ក៏បានបញ្ចេញវីដេអូ ដែលវាបាននិយាយថាបានបង្ហាញពីចំណាប់ខ្មាំងជនជាតិថៃម្នាក់ និងជនជាតិនេប៉ាល់ម្នាក់ ចាប់តាំងពីការសម្លាប់រង្គាលពីក្រុមហាម៉ាសកាលពីថ្ងៃ ៧ តុលា ដែលហាក់ដូចជាបានមកពីប្រព័ន្ធ CCTV របស់មន្ទីរពេទ្យ Shifa ។ មិនត្រូវបានគេប្រាប់ពីអត្តសញ្ញាណបុរសទាំងពីរនាក់នោះទេ។ប្រធានមន្ទីរពេទ្យបាននិយាយថា មនុស្សប្រហែល២.៥០០នាក់ ស្ថិត ក្នុងចំណោមពួកគេជាច្រើននាក់ដែលឈឺ និងរងរបួស រួមទាំងពិការផង បានដើរទៅភាគខាងត្បូងពីតំបន់ al-Shifa កាលពីថ្ងៃសៅរ៍ បន្ទាប់ពីត្រូវបានគេប្រាប់ឱ្យចាកចេញ។ កាលពីថ្ងៃអាទិត្យ អង្គការសុខភាពពិភពលោក និងអឌ្ឍចន្ទក្រហមប៉ាឡេស្ទីនបានចាប់ផ្តើមជម្លៀសអ្នកដែលមិនអាចរត់ចេញដោយថ្មើរជើង រួមទាំងទារកចំនួន ៣២ នាក់ក្នុងស្ថានភាពធ្ងន់ធ្ងរ អ្នកដែលមានរបួសធ្ងន់ធ្ងរដោយសារកង្វះថ្នាំប្រឆាំងមេរោគអង់ទីប៊ីយោទិច និងអ្នកជំងឺ ២៩ នាក់ដែលមានរបួសឆ្អឹងខ្នងធ្ងន់ធ្ងរ៕

សមត្ថកិច្ចព្រហ្មទណ្ឌកំរិតស្រាលចាប់ខ្លួនជសង្ស័យ២នាក់ករណីកាច់សោរកម៉ូតូ

ភ្ណំពេញ ៖ សមត្ថកិច្ចការិយាល័យនគរបាលព្រហ្មទណ្ឌកំរិតស្រាលស្នងការដ្ឋាននគរបាលរាជធានីភ្នំពេញ ស្រាវជ្រាវចាប់ខ្លួនជនសង្ស័យ ២នាក់ក្នុងចំណោមបក្ខពួក៤នាក់ ករណីកាច់សោរកម៉ូតូ ។ការិយាល័យនគរបាលព្រហ្មទណ្ឌកំរិតស្រាលស្នងការដ្ឋាននគរបាលរាជធានីភ្នំពេញ កាលពីថ្ងៃទី១៧ ខែវិច្ឆិកា ឆ្នាំ២០២៣ វេលាម៉ោងប្រហែល២០ និង០០នាទី ស្រាវជ្រាវឃាត់ខ្លួនជនសង្ស័យ ២នាក់ ករណីលួចមានស្ថានទម្ងន់ទោសដោយសារការកាប់គាស់ទម្លុះទម្លាយ (នាំគ្នាយកដែកសំប៉ែតចុងស្រួចរាងអក្សរតេ (ឧបករណ៍សំរាប់កាច់សោរកម៉ូតូ) ធ្វើសកម្មភាពកាច់បំបែកសោកម៉ូតូ លួចយកម៉ូតូចំនួន ០២ គ្រឿង ម៉ាកហុងដាប៊ីត ពណ៌ ស សេរីឆ្នាំ២០២២ ពាក់ផ្លាកលេខ ភ្នំពេញ១JI-៨៨៩៣ និងម៉ូតូ ម៉ាក ហុងដាហ៊្សូមមើ អ៊ិច ពណ៌កាប់ស្តាំង សេរីឆ្នាំ២០១៥ ពាក់ផ្លាកលេខ កណ្តាល១W-៧៧៥៨) ។ ហេតុការណ៍កើតឡើង នៅចំណុចបន្ទប់ជួល ផ្លូវលំ ភូមិមានជ័យ១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីថ្ងៃទី១៥ ខែវិច្ឆិកា ឆ្នាំ២០២៣ វេលាម៉ោង ០៣ និង ០០ នាទី ។ ជនសង្ស័យទាំងពីរនាក់ ១-ឈ្មោះ ដូ ប៉ូ ភេទ ប្រុស អាយុ ២០ ឆ្នាំ ជនជាតិ ខ្មែរ មុខរបរ ជាងប៉ះកង់ ស្នាក់នៅផ្ទះជួល ផ្លូវបេតុង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។២-ឈ្មោះ វ៉ាង គីមហុង ហៅ ហ៊ុយ ភេទ ប្រុស អាយុ ៣០ ឆ្នាំ ជនជាតិ ខ្មែរ មុខរបរ ជាងម៉ាស៊ីនត្រជាក់ ស្នាក់នៅផ្ទះជួល ផ្លូវបេតុង សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។ ចំណែកជនរងគ្រោះឈ្មោះ វៃ ជីវ័ន ភេទ ប្រុស អាយុ ៣២ ឆ្នាំ ជនជាតិ ខ្មែរ មានទីលំនៅបន្ទប់ជួល ផ្លូវលំ ភូមិមានជ័យ១ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន និង ឈ្មោះ តាន់ រក្សា ភេទ ប្រុស អាយុ ១៩ ឆ្នាំ ជនជាតិ ខ្មែរ មានទីលំនៅបន្ទប់ជួល ផ្លូវលំ ភូមិមានជ័យ១ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន ។ លោកវរសេនីយ៍ទោ ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បញ្ជាក់ឲ្យដឹងថា កាលពីថ្ងៃទី១៥ ខែវិច្ឆិកា ឆ្នាំ២០២៣ វេលាម៉ោង០៣ និង០០ នាទី មានសង្ស័យ ០៤ នាក់ ជិះម៉ូតូ ០២ គ្រឿង បានយកដែកសំប៉ែតចុងស្រួចរាងអក្សរតេ (ឧបករណ៍សំរាប់កាច់សោរកម៉ូតូ) ធ្វើសកម្មភាពកាច់បំបែកសោកម៉ូតូ ចំនួន ០២ គ្រឿង ម៉ាក ហុងដាប៊ីត ពណ៌ ស សេរីឆ្នាំ២០២២ ពាក់ផ្លាកលេខភ្នំពេញ១JI-៨៨៩៣ និងម៉ូតូ ម៉ាក ហុងដាហ៊្សូមមើអ៊ិច ពណ៌កាប់ស្តាំង សេរីឆ្នាំ២០១៥ ពាក់ផ្លាកលេខ កណ្តាល១W-៧៧៥៨ បានសម្រេចគេចខ្លួនបាត់អស់ ។ ដោយទទួលបានបទបញ្ជាពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ សមត្ថកិច្ចការិយាល័យនគរបាលព្រហ្មទណ្ឌកំរិតស្រាល ស្រាវជ្រាវចាប់ខ្លួនជនសង្ស័យ ២នាក់ សាកសួរ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕ ដោយ ៖ តារាវុទ្ធី

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន អញ្ជើញប្រគល់-ទទួលផ្ទះ ដីឡូតិ៍លំនៅដ្ឋានសម្បទានសង្គមកិច្ចជូនគ្រួសារអតីតយុទ្ធមិត្តឆ្នាំ១៩៧៨ ចំនួន ១២៦ខ្នងផ្ទះនៅស្រុកកំពង់រោទិ៍ ខេត្តស្វាយរៀង

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយចុះពិនិត្យការចាប់ឆ្នោតផ្តល់ផ្ទះរបស់សមាគមអតីតយុទ្ធជន និងនិវត្តជនកម្ពុជា សម្រាប់ប្រជាពលរដ្ឋភៀសសឹកស្នាក់នៅបណ្តោះអាសន្ន

Bayern Munich នៅតែរង់ចាំដំណឹងថាតើ Harry Kane អាចចូលលេងបានរឺអត់ពេលជួប Real Madrid

វត្ថុបុរាណខ្មែរចំនួន ២០រូបដែលទាមទារបានពីអ្នកកាន់កាប់សមុច្ច័យឯកជនមួយនៅតំបន់អាស៊ីត្រូវបានបញ្ជូនត្រឡប់មកកម្ពុជាវិញដោយជោគជ័យ

Bernardo Silva នឹងចាកចេញពី Manchester City ក្រោយចប់រដូវកាលនេះ

Declan Rice និង Gabriel វិលមកហ្វឹកហាត់វិញមុន Arsenal ជួប Sporting នៅ Champions League

«មន្តស្នេហ៍បេងមាលា» ស្ពានឈើថ្មីដែលផ្តល់បទពិសោធន៍ទស្សនាដ៏អស្ចារ្យ និងសុវត្ថិភាពខ្ពស់

រដ្ឋមន្ត្រីក្រសួងធនធានទឹកដឹកនាំកិច្ចប្រជុំពិភាក្សាស្តីពីផលប៉ះពាល់លើប្រព័ន្ធធារាសាស្ត្រ និងប្រព័ន្ធដោះទឹកនៅតាមបណ្តោយគម្រោងគ្រប់គ្រងធនធានទឹកចម្រុះហ្វូណនតេជោ

អគ្គនាយកដ្ឋានគយ និងវិស័យឯកជន បើកកិច្ចប្រជុំពិនិត្យដោះស្រាយបញ្ហាប្រឈមពីវិបត្តិសកល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877