BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

លោកម៉ាក្រុងអំពាវនាវឲ្យអ៊ីស្រាអែលបញ្ឈប់ការសម្លាប់ស្ត្រី និងទារក នៅតំបន់ហ្កាហ្សា

ប្រធានាធិបតីបារាំងលោក Emmanuel Macron បានថ្លែងប្រាប់សារព័ត៌មាន BBCថា អ៊ីស្រាអែល ត្រូវតែបញ្ឈប់ការសម្លាប់ទារក និងស្ត្រី នៅតំបន់ហ្កហ្សា។នៅក្នុងបទសម្ភាសន៍ផ្តាច់មុខ នៅឯវិមាន Élysée លោក បាននិយាយថា «គ្មានហេតុផល» សម្រាប់ការទម្លាក់គ្រាប់បែកនោះទេ ដោយនិយាយថា បទឈប់បាញ់នឹងផ្តល់ផលប្រយោជន៍ដល់អ៊ីស្រាអែល។ខណៈពេលដែលទទួលស្គាល់សិទ្ធិរបស់អ៊ីស្រាអែល ក្នុងការការពារខ្លួន៖«យើងជំរុញឲ្យពួកគេបញ្ឈប់ការទម្លាក់គ្រាប់បែកនេះ»នៅក្នុងតំបន់ហ្កាហ្សា។ប៉ុន្តែលោក ក៏បានសង្កត់ធ្ងន់ថា បារាំង «ថ្កោលទោសយ៉ាងច្បាស់លាស់» សកម្មភាព «ភេរវកម្ម»របស់ក្រុមហាម៉ាស។ប្រទេសបារាំង ដូចជាអ៊ីស្រាអែល សហរដ្ឋអាមេរិក ចក្រភពអង់គ្លេស និងប្រទេសលោកខាងលិចផ្សេងទៀត ចាត់ទុកក្រុមហាម៉ាស ជាអង្គការភេរវកម្ម។

UN ព្រមានថា អំពើហិង្សាក្នុងប្រទេសស៊ូដង់ កំពុងក្លាយជាអំពើយង់ឃ្នងបំផុត

មន្ត្រីជាន់ខ្ពស់អង្គការសហប្រជាជាតិ បានព្រមានកាលពីថ្ងៃសុក្រថា អំពើហិងង្សាលើជនស៊ីវិល ក្នុងប្រទេសស៊ូដង់ «កំពុងក្លាយជាអំពើដ៏យង់ឃ្នងបំផុត» ខណៈដែលវិបត្តិមនុស្សធម៌ ក្នុងប្រទេសកាន់តែអាក្រក់ឡើង ហើយអំពើហិង្សាជនជាតិភាគតិច កើនឡើង នៅក្នុងតំបន់ភាគខាងលិចនៃទីក្រុងដាហ្វឺ(Darfur)។សង្រ្គាមមួយ បានផ្ទុះឡើងកាលពីថ្ងៃទី១៥ ខែមេសា រវាងកងទ័ពស៊ូដង់ និងកងកម្លាំងគាំទ្ររហ័ស (RSF) បន្ទាប់ពីភាពតានតឹងកើនឡើងជាច្រើនសប្តាហ៍រវាងភាគីទាំងពីរ ជុំវិញផែនការរួមបញ្ចូលកងកម្លាំងជាផ្នែកនៃការផ្លាស់ប្តូរពីការគ្រប់គ្រងដោយយោធា ទៅលទ្ធិប្រជាធិបតេយ្យស៊ីវិលវិញ។លោក Clementine Nkweta-Salami មន្ត្រីជំនួយជាន់ខ្ពស់របស់អង្គការសហប្រជាជាតិប្រចាំប្រទេសស៊ូ ដង់ បានប្រាប់អ្នកយកព័ត៌មានថា៖«យើងបន្តទទួលបានរបាយការណ៍ ដែលមិនឈប់ឈរ និងគួរឲ្យរន្ធត់នៃអំពើហិង្សាផ្លូវភេទ និងការបាត់ខ្លួនដោយបង្ខំ ការឃុំខ្លួនដោយបំពាន និងការរំលោភសិទ្ធិមនុស្ស និងកុមារ យ៉ាងធ្ងន់ធ្ងរ»។

លោកអាបាស៖ អាជ្ញាធរប៉ាឡេស្ទីន អាចដើរតួនាទីតំបន់ហ្កាហ្សាជាផ្នែកនៃដំណោះស្រាយប៉ាឡេស្ទីន កាន់តែទូលំទូលាយ

ប្រធានាធិបតីប៉ាឡេស្ទីន លោក ម៉ាខ្មូត អាបាស (Mahmoud Abbas) បាននិយាយកាលពីថ្ងៃសុក្រថា អាជ្ញាធរប៉ាឡេស្ទីន អាចដើរតួនាទីក្នុងការគ្រប់គ្រងតំបន់ហ្កាហ្សាស្ទ្រីប ក្នុងលក្ខខណ្ឌថា មានដំណោះស្រាយនយោបាយពេញលេញ ដែលគ្របដណ្តប់តំបន់វេសបែងដែលគ្រប់គ្រងដោយអ៊ីស្រាអែលផងដែរ។ជាមួយនឹងកងកម្លាំងអ៊ីស្រាអែលឥឡូវនេះ ចូលទៅក្នុងតំបន់ហ្កាហ្សា ប្រហែលពីរសប្តាហ៍ បន្ទាប់ពីការចាប់ផ្តើមប្រតិបត្តិការជើងគោក ដើម្បីបំផ្លាញចលនាឥស្លាមហាម៉ាស មានការរំពឹងទុកកាន់តែខ្លាំងឡើងអំពីអ្វីដែលអនាគត អាចនឹងទៅជាយ៉ាងណា បន្ទាប់ពីការប្រយុទ្ធគ្នា បានបញ្ចប់។សហរដ្ឋអាមេរិក បាននិយាយថា ប៉ាឡេស្ទីន គួរតែគ្រប់គ្រងតំបន់ហ្កាហ្សា បន្ទាប់ពីសង្គ្រាម ប៉ុន្តែរបៀបដែលវានឹងដំណើរការ នៅក្នុងការអនុវត្ត នៅតែបើកចំហ។លោកអាបាស បាននិយាយថា លោក បានចាត់ទុកអ៊ីស្រាអែលទទួលខុសត្រូវទាំងស្រុងចំពោះព្រឹត្តិការណ៍នៅក្នុងតំបន់ហ្កាហ្សា ដែលបានទទួលរងនូវការទម្លាក់គ្រាប់បែករយៈពេលមួយសប្តាហ៍ ដែលបានសម្លាប់មនុស្សជាង ១១.០០នាក់ នេះបើយោងតាមអាជ្ញាធរសុខាភិបាលប៉ាឡេស្ទីន។ ការវាយប្រហារតាម អាកាស និងតាមផ្លូវគោក ធ្វើឡើង បន្ទាប់ពីការវាយប្រហារដោយខ្មាន់កាំភ្លើងក្រុមហាម៉ាសពីតំបន់ហ្កាហ្សាកាលពីថ្ងៃទី៧ ខែតុលា ដែលអ៊ីស្រាអែល បាននិយាយកាលពីថ្ងៃសុក្រថា មនុស្សប្រហែល ១.២០០ នាក់ត្រូវបានសម្លាប់ ដែលជាការកែប្រែធ្លាក់ចុះពីការប៉ាន់ប្រមាណរបស់រដ្ឋាភិបាលមុន ដែលមានចំនួន ១.៤០០នាក់។

មនុស្សជាង ១២.៤០០ នាក់ ត្រូវបានសម្លាប់ នៅក្នុងជម្លោះប៉ាឡេស្ទីន-អ៊ីស្រាអែល

ជម្លោះហ្កាហ្សាដ៏បំផ្លិចបំផ្លាញ បានសម្លាប់មនុស្សជាង ១២.៤០០នាក់ទាំងភាគីប៉ាឡេស្ទីន និងអ៊ីស្រាអែល នេះបើយោងតាមទិន្នន័យចេញផ្សាយដោយអាជ្ញាធរសុខាភិបាលទាំងសងខាង កាលពីថ្ងៃសុក្រ។នាយកដ្ឋានសុខាភិបាលនៃតំបន់ហ្កាហ្សាស្ទ្រីប កាលពីថ្ងៃសុក្រ បានបង្ហាញពីចំនួនអ្នកស្លាប់ដ៏គួរឲ្យភ្ញាក់ផ្អើលចំនួន ១១.០៧៨ នាក់ ចាប់តាំងពីការផ្ទុះឡើងនៃជម្លោះហាម៉ាស-អ៊ីស្រាអែលដែលចាប់ផ្តើម នៅថ្ងៃទី៧ ខែតុលា។ លើសពីនេះ តំបន់វេសបែង បានរាយការណ៍ថា មានអ្នកស្លាប់ចំនួន ១៨៣នាក់។អ៊ីស្រាអែល បានកែប្រែចំនួនអ្នកស្លាប់ ដោយសារការវាយប្រហារពីក្រុមហាម៉ាស នៅថ្ងៃទី ៧ តុលា មកនៅត្រឹមប្រហែល១.២០០នាក់ពីការប៉ាន់ស្មានរបស់រដ្ឋាភិបាលមុនចំនួន ១.៤០០នាក់។អ្នកនាំពាក្យរបស់ក្រសួងការបរទេសអ៊ីស្រាអែល បាននិយាយថា ការពិនិត្យឡើងវិញនេះ ត្រូវបានធ្វើឡើងដោយសារតែមានសាកសពជាច្រើនដែលមិនស្គាល់អត្តសញ្ញាណ ហើយអ៊ីស្រាអែលជឿថា អ្នកស្លាប់ខ្លះជាយុទ្ធជនរបស់ក្រុមហាម៉ាសជាជាងជនជាតិអ៊ីស្រាអែល។

តុលាការបន្តនីតិវិធីសំណុំរឿងឃាត់ខ្លួនអនុប្រធានមន្ទីរប្រឆាំងបទល្មើសគ្រឿងញៀនម្នាក់ និងមន្ត្រី៤នាក់ ផ្សេងទៀត

ភ្នំពេញ៖ មកដល់ថ្ងៃនេះ ករណីនគរបាលឃាត់ខ្លួនឧត្ដមសេនីយ៍ទោម្នាក់ មានតួនាទីជាអនុប្រធានមន្ទីរប្រឆាំងបទល្មើសគ្រឿងញៀន និងមនុស្ស៤នាក់ផ្សេងទៀតនោះ ស្ថាប័នតុលាការបាននឹងកំពុងបន្តនីតិវិធី។ករណីនគរបាលឃាត់ខ្លួនឧត្ដមសេនីយ៍ទោម្នាក់ មានតួនាទីជាអនុប្រធានមន្ទីរប្រឆាំងបទល្មើសគ្រឿងញៀន និងមនុស្ស៤នាក់ផ្សេងទៀត មកដល់ពេលនេះ លោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ បានឱ្យដឹងនៅវេលាថ្ងៃត្រង់ ថ្ងៃទី១១ ខែវិច្ឆិកា ឆ្នាំ២០២៣នេះថា តំណាងអយ្យការកំពុងតែអនុវត្តនីតិវិធី លោកនឹងជូនព័ត៌មាននៅពេលដែលមានចំណាត់ការចុងក្រោយរបស់អយ្យការ។ ការបញ្ជាក់របស់តំណាងអយ្យការនាថ្ងៃនេះ គឺបន្ទាប់ពីម្សិលមិញ នគរបាលនៃអគ្គស្នងការដ្ឋាននគរបាលជាតិបានបញ្ជូនសំណុំរឿងមួយនេះទៅដល់សាលាដំបូងរាជធានីភ្នំពេញម្ដងរួចមកហើយ។សូមជម្រាបថា កាលពីថ្ងៃទី០៩ ខែវិច្ឆិកា ឆ្នាំ២០២៣ នគរបាលនាយកដ្ឋានចារកម្មនៃអគ្គស្នងការដ្ឋាននគរបាលជាតិបានឃាត់ខ្លួន អនុប្រធានមន្ទីរប្រឆាំងបទល្មើសគ្រឿងញៀនម្នាក់ និងមនុស្ស៤នាក់ផ្សេងទៀត ដោយមានជាប់ពាក់ព័ន្ធករណីកំហែងយកប្រាក់ក្នុងបញ្ហាគ្រឿងញៀន។ បើតាមប្រភពឱ្យដឹងថា អនុប្រធានមន្ទីរប្រឆាំងបទល្មើសគ្រឿងញៀននោះមានឈ្មោះ វ៉ាន់ កុសល មានឋានន្តរសក្ដិថ្នាក់ឧត្តមសេនីយ៍ទោ ទទួលបន្ទុកការងារជំនាញ ក.៨ ៕

នគរបាលបង្ក្រាបការជួញដូរគ្រឿងញៀនឆ្លងដែនកាត់កម្ពុជាដកហូតបានជាង ១០០គីឡូក្រាម

ភ្នំពេញ៖ មន្ទីរប្រឆាំងបទល្មើសគ្រឿងញៀន បានបង្ក្រាបឧក្រិដ្ឋជនជួញដូរគ្រឿងញៀនជនជាតិថៃ និងឡាវ សរុបចំនួន៣នាក់ រឹបអូសបានថ្នាំញៀនជាង ១០០គីឡូក្រាម ។កម្លាំងជំនាញមន្ទីរប្រឆាំងបទល្មើសគ្រឿងញៀន បានបង្ក្រាបក្រុមឧក្រិដ្ឋជនជួញដូរគ្រឿងញៀនជនជាតិថៃ និងឡាវ សរុបចំនួន ៣នាក់ នៅក្នុងភូមិសាស្ត្ររាជធានីភ្នំពេញ ប្រតិបត្តិការចុះបង្ក្រាបនេះ អនុវត្តន៍តាមបទបញ្ជារបស់នាយឧត្ដមសេនីយ៍ ស ថេត អគ្គស្នងការនគរបាលជាតិ ដឹកនាំបញ្ជាដោយនាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងគ្រឿងញៀន និងមានការដឹកនាំផ្ទាល់ដោយឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន។នគរបាលបានឱ្យដឹងថា ប្រតិបត្តិការបង្ក្រាបនេះ ធ្វើឡើងនៅថ្ងៃទី០៩ ខែវិច្ឆិកា ឆ្នាំ២០២៣ វេលាម៉ោង១៤ និង៣០នាទី ដោយមានការសម្របសម្រួលពីលោក វង្ស សាវ៉ាត ព្រះរាជអាជ្ញារងអមសាលាដំបូងរាជធានីភ្នំពេញ កម្លាំងជំនាញមន្ទីរប្រឆាំងគ្រឿងញៀន ក.៧ ក.៤ និង ក.១ បានសហការជាមួយកម្លាំងស្នងការដ្ឋាននគរបាលរាជធានីភ្នំពេញ បានឆ្មក់បង្ក្រាបបទល្មើសជួញដូរគ្រឿងញៀនឆ្លងដែន នៅចំណុចក្នុងផ្ទះលេខ ៣០៤ ផ្លូវលំស្ថិតនៅភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ។នគរបាលបន្ថែមថា ជនសង្ស័យទាំង៣នាក់រួមមាន ១.ឈ្មោះ Cheng veut ភេទប្រុស ជនជាតិឡាវ ២.ឈ្មោះ Wasin Saekue ភេទប្រុស ជនជាតិថៃ និង៣.ឈ្មោះ Saeli Chinnawat ភេទប្រុស ជនជាតិថៃ។ វត្ថុតាងចាប់បានរួមមាន សារធាតុញៀនប្រភេទម៉េតំហ្វេតាមីន ហៅកាត់ថា ICE ចំនួន ១០១កញ្ចប់ ស្មើទម្ងន់ ១០១គីឡូ ៤៤៩.២០ក្រាម។បច្ចុប្បន្នជនសង្ស័យ និងវត្ថុតាងសមត្ថកិច្ចជំនាញនៃមន្ទីរប្រឆាំងគ្រឿងញៀនបានរៀបចំកសាងសំណុំរឿងបញ្ជូនទៅសាលាដំបូងរាជធានីភ្នំពេញតាមនីតិវិធី៕ អត្ថបទ ៖ ប្រាក់ វ៉ាន់ដា

ប្រជាជនសូម៉ាលីរាប់ពាន់នាក់បាត់បង់លំនៅឋាន និងទ្រព្យសម្បត្តិ ដោយគ្រោះទឹកជំនន់ថ្មីៗនេះ

អង្គការសហប្រជាជាតិបានពណ៌នាអំពីទឹកជំនន់ ដែលបានបង្កមហន្តរាយដល់មនុស្សរាប់សែននាក់នៅក្នុងប្រទេសសូម៉ាលី និងប្រទេសជិតខាងនៅអាហ្វ្រិកខាងកើត បន្ទាប់ពីគ្រោះរាំងស្ងួតជាប្រវត្តិសាស្ត្រ ថាជាព្រឹត្តិការណ៍កើតមានឡើងម្តងក្នុងមួយសតវត្សរ៍។ ការិយាល័យអង្គការសហប្រជាជាតិទទួលបន្ទុកកិច្ចការមនុស្សធម៌ (OCHA) បាននិយាយនៅក្នុងសេចក្តីថ្លែងការណ៍ថា ប្រជាជនប្រមាណ ១,៦លាននាក់ នៅក្នុងប្រទេសសូម៉ាលី អាចរងផលប៉ះពាល់ដោយភ្លៀងធ្លាក់ខ្លាំងតាមរដូវ ដែលកាន់តែធ្ងន់ធ្ងរទៅៗ ដោយមានផលប៉ះពាល់រួមគ្នានៃបាតុភូតអាកាសធាតុពីរគឺអែលនីញ៉ូ(El Niño) និងឌីប៉ូល(Dipole)នៅមហាសមុទ្រឥណ្ឌា។ ទឹកជំនន់ បានកើតឡើងបន្ទាប់ពីមានភ្លៀងធ្លាក់ខ្លាំង ដែលចាប់ផ្តើមនៅដើមខែតុលា បានបណ្តាលឲ្យមនុស្សយ៉ាងហោចណាស់ ២៩នាក់ស្លាប់រួចទៅហើយ និងបានបង្ខំឱ្យមនុស្សជាង ៣០០.000 នាក់ភៀសខ្លួនចេញពីលំនៅឋានរបស់ពួកគេនៅក្នុងប្រទេសសូម៉ាលី ហើយបានជន់លិចក្រុងនិងភូមិនានានៅទូទាំងភាគខាងជើងប្រទេសកេនយ៉ា។ ក្រុមផ្តល់ជំនួយ បាននិយាយថា ជំរុំសម្រាប់ជនភៀសខ្លួនដោយការបះបោរអ៊ីស្លាមនិយម និងគ្រោះរាំងស្ងួតដ៏អាក្រក់បំផុតក្នុងរយៈពេល ៤ ទសវត្សរ៍មកនេះក៏បានជន់លិចផងដែរ ដែលបណ្តាលឱ្យមនុស្សភៀសខ្លួនជាលើកទីពីរ។

ក្រុមប្រឆាំងនៅមីយ៉ាន់ម៉ា និយាយថា ខ្លួនដណ្តើមបានប៉ុស្តិ៍ជួរមុខយោធា ខណៈជម្លោះនៅព្រំដែនកំពុងផ្ទុះឡើង

រដ្ឋាភិបាលរួបរួមជាតិរបស់សហភាពមីយ៉ាន់ម៉ា (NUG) បានបង្ហោះវីដេអូ នៅលើប្រព័ន្ធផ្សព្វផ្សាយសង្គម បង្ហាញពីយោធារបស់ខ្លួន ដុតបន្ទាយរដ្ឋាភិបាលនៅក្នុងពន្ធនាគារ Kalay ភាគខាងជើងសហភាពមីយ៉ាន់ម៉ា។ សារព័ត៌មាន Reuters មិនអាចផ្ទៀងផ្ទាត់ទីតាំង ឬកាលបរិច្ឆេទដែលវីដេអូនេះត្រូវបានថតដោយឯករាជ្យនោះទេ។យោងតាមរដ្ឋាភិបាលរួបរួមជាតិរបស់សហភាពមីយ៉ាន់ម៉ា (NUG) បានឲ្យដឹងថា ទីក្រុងជាច្រើននៅក្នុងតំបន់ Sagaing ស្ថិតនៅក្រោមការវាយលុកខ្លាំង ខណៈជម្លោះកាន់តែរីកធំឡើងរវាងរដ្ឋាភិបាលយោធា និងក្រុមអ្នកការតស៊ូ។នៅតំបន់ Sagaing កងកម្លាំងការពារប្រជាជន(PDF) ជាផ្នែកមួយនៃរដ្ឋាភិបាលរួបរួមជាតិរបស់សហភាពមីយ៉ាន់ម៉ា (NUG) បានដណ្តើមការគ្រប់គ្រងប៉ុស្តិ៍ជួរមុខរបស់កងទ័ព។ ក្នុងពេលជាមួយគ្នានេះដែរ សម្ព័ន្ធបងប្អូនទាំងបី ដែលជាក្រុមប្រដាប់អាវុធជនជាតិភាគតិច បានសម្រុកវាយលុកយ៉ាងខ្លាំងនៅរដ្ឋ Shan ភាគខាងជើង ក្បែរព្រំដែនជាមួយប្រទេសចិន។ របបយោធាមីយ៉ាន់ម៉ា បច្ចុប្បន្ននេះ ប្រឈមមុខនឹងបញ្ហាធំបំផុតរបស់ខ្លួនចំពោះអំណាច ចាប់តាំងពីរដ្ឋប្រហារឆ្នាំ ២០២១ ខណៈកងកម្លាំងប្រដាប់អាវុធបដិវត្តន៍និងជនជាតិភាគតិច បង្កើនការវាយប្រហាររបស់ពួកគេទៅលើមូលដ្ឋានយោធាជាច្រើនទីតាំងនៅទូទាំងភាគខាងជើង ភាគឦសាន ភាគពាយព្យ និងនៅភាគអាគ្នេយ៍របស់ប្រទេស។

សមត្ថកិច្ចមន្ទីរប្រឆាំងគ្រឿងញៀន ចាប់ខ្លួនជនសង្ស័យ៣នាក់ ដកហូតថ្នាំញៀនជាង១០១កញ្ចប់

ភ្នំពេញ៖ ជំនាញមន្ទីរប្រឆាំងគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ ចាប់ខ្លួនជនសង្ស័យ៣នាក់ ដកហូតថ្នាំញៀនប្រភេទ មេតំហ្វេតាមីន ( ម៉ាទឹកកក) ប្រមាណ ១០១កញ្ចប់ច្រកនៅក្នុងថង់តែ មិនទាន់ដឹងទម្ងន់ពិតប្រាកដ ។ជនសង្ស័យទាំង ៣នាក់ករណីបទល្មើសគ្រឿងញៀន ១០១កញ្ចប់ ត្រូវបានសមត្ថកិច្ចជំនាញមន្ទីរប្រឆាំងគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ បង្ហាញមុខជាសាធារណៈ នាព្រឹកថ្ងៃទី១១ ខែវិច្ឆិកា ឆ្នាំ២០២៣ នៅមន្ទីរប្រឆាំងបទល្មើសគ្រឿងញៀន ។

គណៈកម្មាធិការជួយសង្គ្រោះអន្តរជាតិ ព្រួយបារម្ភចំពោះសុខុមាលភាពជនភៀសខ្លួនអាហ្វហ្កានីស្ថានវិលត្រឡប់ពីប៉ាគីស្ថាន

ដោយរដូវរងារចូលមកដល់ គណៈកម្មាធិការជួយសង្គ្រោះអន្តរជាតិ (IRC) នៅក្នុងប្រទេសអាហ្វហ្គានីស្ថាន កាលពីថ្ងៃសុក្រ ទី១០ ខែវិច្ឆិកា បានបង្ហាញការព្រួយបារម្ភខ្លាំងអំពីការរស់រានមានជីវិតរបស់ជនភៀសខ្លួនអាហ្វហ្គានីស្ថាន ដែលបានមកដល់ពីប្រទេសប៉ាគីស្ថាន។ ប្រជាជនអាហ្វហ្គានីស្ថាន រាប់ម៉ឺននាក់ ភាគច្រើនបានទៅរស់នៅក្នុងប្រទេសប៉ាគីស្ថានអស់រយៈពេលជាច្រើនទសវត្សរ៍មកហើយ ត្រូវចាកចេញពីប្រទេសនេះ ហើយអាជ្ញាធរកំពុងដើរប្រមូលជាច្រើនបន្ថែមទៀតនៅក្នុងការឆ្មក់ចាប់។ ប្រទេសប៉ាគីស្ថាន បាននិយាយកាលពីថ្ងៃពុធទី ៨ ខែវិច្ឆិកាថា ចំណាត់ការរបស់ខ្លួន ត្រូវបណ្តេញចេញមនុស្សរាប់ម៉ឺននាក់ដែលគ្មានឯកសារ។ ការបណ្តេញចេញប្រជាជនអាហ្វហ្គានីស្ថាន គឺជាការឆ្លើយតបមួយចំពោះភាពគ្មានឆន្ទះរបស់រដ្ឋបាលដឹកនាំដោយក្រុមតាលីបង់ ក្នុងការធ្វើសកម្មភាពប្រឆាំងក្រុមសកម្មប្រយុទ្ធ ដែលប្រើប្រាស់ប្រទេសអាហ្វហ្គានីស្ថាន ដើម្បីធ្វើការវាយប្រហារនៅក្នុងប្រទេសប៉ាគីស្ថាន។ អ្នកនាំពាក្យរបស់រដ្ឋបាលក្រុមតាលីបង់ លោក Zabihullah Mujahid នៅក្នុងសេចក្តីថ្លែងការណ៍ បាន ច្រានចោលការចោទប្រកាន់នេះ។ គណៈកម្មាធិការជួយសង្គ្រោះអន្តរជាតិ (IRC) កំពុងផ្តល់សេវាថែទាំសុខភាព ជំនួយផ្លូវចិត្ត និងសេវាអនាម័យដល់ជនភៀសខ្លួនអាហ្វហ្គានីស្ថានរាប់ពាន់នាក់ដែលបានមកដល់ជំរុំក្នុងតំបន់ Torkham និងតំបន់ Nangarhar ។ នាយករងផ្នែកទំនាក់ទំនងអាស៊ី គណៈកម្មាធិការជួយសង្គ្រោះអន្តរជាតិ លោកស្រី Nancy Dent បានប្រាប់សារព័ត៌មានរ៉យទ័រក្នុងបទសម្ភាសន៍តាមបណ្តាញ Zoom ពីទីក្រុងកាប៊ុលថា ប្រទេសអាហ្វហ្គានីស្ថាន ពុំមានលទ្ធភាពទទួលគ្រួសាររាប់ពាន់គ្រួសារដែលបានមកដល់នោះទេ ហើយវាទំនងជានឹងដាក់បន្ទុកធ្ងន់លើសេដ្ឋកិច្ចកាន់តែខ្លាំងថែមទៀត។ ដូច្នេះស្ថានភាពសម្រាប់ប្រទេសអាហ្វហ្គានីស្ថានទាំងមូល ទំនងជាកាន់តែយ៉ាប់យ៉ឺន។

បណ្ដាញសង្គម

ព័ត៌មានថ្មីៗ

អ៊ីស្រាអែល៖ ខ្លួននឹងគ្រប់គ្រងស្ពាន និងតំបន់នៅភាគខាងត្បូងទន្លេ Litani របស់ប្រទេសលីបង់

រុស្ស៊ី និងចិន រារាំងសេចក្តីសម្រេចរបស់អង្គការសហប្រជាជាតិ ស្តីពីច្រកសមុទ្រ Hormuz

តម្លៃប្រេងធ្លាក់ចុះ និងភាគហ៊ុនសកលកើនឡើង ខណៈអាមេរិក-អ៊ីរ៉ង់ព្រមព្រៀងឈប់បាញ់២សប្ដាហ៍

ប្រមុខការពារជាតិកម្ពុជាថា វត្តមាននាវាចម្បាំង និងកងទ័ពរុស្ស៊ីនៅកម្ពុជាពេលនេះនឹងលើកកម្ពស់កិច្ចសហប្រតិបត្តិការវិស័យការពារជាតិរវាងកម្ពុជា និងរុស្ស៊ីឲ្យកាន់តែប្រសើរបន្ថែមទៀត

[UPDATE] អ៊ីរ៉ង់ និងអាមេរិក យល់ព្រមបទឈប់បាញ់រយៈពេលពីរសប្តាហ៍ ហើយការចរចានឹងចាប់ផ្ដើមនៅថ្ងៃសុក្រសប្ដាហ៍នេះ

សម្តេចធិបតី ហ៊ុន ម៉ាណែត អញ្ជើញចូលរួមពិធីបើកកិច្ចប្រជុំកំពូលស្តីពីសុខភាពតែមួយ

ប្រភពប៉ាគីស្ថាន៖ កិច្ចប្រឹងប្រែង ដើម្បីសម្រួលដល់ការចរចា រវាងសហរដ្ឋអាមេរិក និងអ៊ីរ៉ង់ កំពុងបន្ត

អាមេរិកវាយប្រហារគោលដៅយោធាលើកោះ Kharg របស់អ៊ីរ៉ង់ ខណៈលោក Vance ប្រាប់ថា គ្មានការប្តូរយុទ្ធសាស្ត្រទេ

ប្រេងឡើងថ្លៃ និងកង្វះខាតប្រេង រុញច្រានឲ្យអ្នកប្រើប្រាស់ប៉ាគីស្ថានងាកមករកម៉ូតូអគ្គិសនី

លោក Trumpថា សង្គមមនុស្សទាំងមូលនឹងត្រូវស្លាប់នៅយប់នេះ បើសិនជាអ៊ីរ៉ង់មិនបង្កើតកិច្ចព្រមព្រៀង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877