BTV NEWS

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

គយឃាត់ខ្លួនបុរសម៉ាឡេស៊ីម្នាក់រកឃើញហេរ៉ូអ៊ីន ៨១ កញ្ចប់ ពេលត្រៀមចាកចេញពីកម្ពុជាទៅកោះតៃវ៉ាន់

កងរាជអាវុធហត្ថខេត្តកំពង់ស្ពឺ បំបែកសំណុំរឿងលួចទូរស័ព្ទជាង ២០០គ្រឿង និងអ្នកទទួលផលចោរកម្ម

[UPDATE] ភ្លើងឆេះលំនៅឋានពលរដ្ឋនៅខណ្ឌជ្រោយចង្វាររលត់ហើយ

សន្តិសុខ និង សង្គម

អ៊ីស្រាអែល ជិតឈានដល់កិច្ចព្រមព្រៀងដោះលែងចំណាប់ខ្មាំង និងផ្អាកការប្រយុទ្ធគ្នា

អ៊ីស្រាអែល បាននិយាយកាលពីយប់ថ្ងៃអាទិត្យថា កិច្ចព្រមព្រៀងមួយ ដើម្បីបញ្ឈប់ការប្រយុទ្ធគ្នា នៅតំបន់ហ្កាហ្សាជាថ្នូរនឹងការដោះលែងចំណាប់ថ្នូររហូតដល់៥០នាក់ ត្រូវបានរំពឹងទុកក្នុងរយៈពេលប៉ុន្មានថ្ងៃខាងមុខនេះ។កិច្ចព្រមព្រៀងនេះ បានកើតឡើង នៅពេលដែលមន្រ្តីអាមេរិក បាននិយាយថា ការចរចា បានឈានចូលដំណាក់កាលមួយ«ច្បាស់លាស់» បន្ទាប់ពីនាយករដ្ឋមន្រ្តីកាតា ជាទីដែលកិច្ចពិភាក្សា កំពុងត្រូវបានរៀបចំនេះ បាននិយាយថា មានតែ «ព័ត៌មានលម្អិតតិចតួច» ដែលត្រូវសម្រេច។សេចក្តីព្រាងឯកសារកិច្ចព្រមព្រៀង ត្រូវបានគេរាយការណ៍ថា ក្រោមកិច្ចព្រមព្រៀងដែលសម្របសម្រួលដោយសហរដ្ឋអាមេរិករវាងអ៊ីស្រាអែល និងក្រុមហាម៉ាស «ស្ត្រីនិងកុមាររាប់សិបនាក់» នឹងត្រូវបានដោះលែង «ជាថ្នូរនឹងការផ្អាកប្រយុទ្ធគ្នារយៈពេល៥ថ្ងៃ»។ លទ្ធភាពទម្លាយភាពទាល់ច្រក កើតឡើង នៅពេលដែលនាយសេនាធិការនៃកងកម្លាំងការពារអ៊ីស្រាអែល (IDF) បានចុះហត្ថលេខាលើផែនការកាលពីថ្ងៃអាទិត្យ ដើម្បីពង្រីកការវាយលុក នៅក្នុងតំបន់ហ្កាហ្សា មុនពេលជំរុញទៅភាគខាងត្បូង ត្រូវបានរំពឹងទុកយ៉ាងទូលំទូលាយ។ការរុលទៅមុខភាគខាងត្បូង ត្រូវបានគេមើលឃើញថា ជាពេលវេលាដ៏សំខាន់មិនត្រឹមតែសម្រាប់ជនស៊ីវិលដែលជាប់ខ្លួន នៅក្នុងទឹកដីប៉ុណ្ណោះទេ ប៉ុន្តែក៏មានកិច្ចខិតខំប្រឹងប្រែងរបស់លោក បេនចាមីន នេតានីយ៉ាហ៊ូ (Benjamin Netanyahu) ក្នុងការបន្តការគាំទ្រផ្នែកការទូតដល់ការអំពាវនាវកាន់តែខ្លាំងឡើង ឲ្យមានបទឈប់បាញ់ និងជំនួយបន្ថែមទៀត។

ពលរដ្ឋហ្កាហ្សា ស្វែងរកជម្រកកក់ក្ដៅគេចចេញពីខ្យល់ និងវភ្លៀង ខណៈស្ថានភាពធ្ងន់ធ្ងរស្រាប់

មានភ្លៀងធ្លាក់ លាយឡំជាមួយខ្យល់បោកបក់ខ្លាំងនៅខាងក្រៅមន្ទីរពេទ្យ ណាស័រ (Nasser) ក្នុងទីក្រុង Khan Younis តំបន់ហ្កាហ្សា កាលពីថ្ងៃអាទិត្យ បានបន្ថែមបន្ទុកពីលើស្ថានភាពធ្ងន់ធ្ងររួចទៅហើយសម្រាប់ ប្រជាពលរដ្ឋហ្កាហ្សា ស្របពេលមានជម្លោះនៅតែបន្តរវាងអ៊ីស្រាអែល និងក្រុមអ៊ីស្លាមប៉ាឡេស្ទីន ។ ពលរដ្ឋហ្កាហ្សាជាច្រើនបានស្វែងរកទីជម្រកនៅខាងក្រៅមន្ទីរពេទ្យនានា ហើយពេលនេះ អ៊ីស្រាអែលកំពុងត្រៀមពង្រីកការវាយលុករបស់ខ្លួនលើក្រុមហាម៉ាស ទៅកាន់តំបន់ពាក់កណ្តាលភាគខាងត្បូងនៃដែនដីហ្កាហ្សា បន្ទាប់ពីការវាយប្រហារតាមអាកាសបានសម្លាប់ប្រជាជនប៉ាឡេស្ទីនរាប់សិបនាក់ រួមទាំងជនស៊ីវិលដែលត្រូវបានគេរាយការណ៍ថាកំពុងជ្រកនៅសាលារៀនចំនួនពីរកន្លែង។ ការពង្រីកយុទ្ធនាការនេះ អាចបង្ខំមនុស្សរាប់សែននាក់ដែលបានភៀសខ្លួនចេញពីទីក្រុងហ្កាហ្សា ឱ្យជម្លៀសចេញម្តងទៀត រួមជាមួយនឹងអ្នកស្រុក Khan Younis ជាទីក្រុងដែលមានមនុស្សជាង៤០០.០០០នាក់ ដែលបានបង្កឱ្យមានវិបត្តិមនុស្សធម៌ដ៏ធ្ងន់ធ្ងររួចទៅហើយនោះ។ ការទម្លាក់គ្រាប់បែក បានធ្វើឲ្យអគារនិងលំនៅឋានប្រជាពលរដ្ឋនៅតំបន់ហ្កាហ្សាភាគខាងជើង បាក់រលំរាបដល់ ខណៈប្រជជន២ភាគ៣នៃតំបន់រងការឡោមព័ទ្ធ មានប្រជាជាន២,៣លាននាក់ មួយនេះបានរត់គេចខ្លួនចូលទក្នុងភាគខាងត្បូង៕

អង្គការសុខភាពពិភពលោកនិយាយថា មន្ទីរពេទ្យធំបំផុតក្នុងតំបន់ហ្កាហ្សា ក្លាយជាតំបន់មរណៈ

អង្គការសុខភាពពិភពលោកបាននិយាយថា មន្ទីរពេទ្យ Dar al-Shifa ដែលជាមន្ទីរពេទ្យធំជាងគេនៅតំបន់ហ្កាហ្សាស្ទ្រីប បានក្លាយទៅជា "តំបន់មរណៈ" ជាមួយនឹងផ្នូររួមដ៏ធំនៅច្រកចូល ហើយនៅសល់បុគ្គលិកតែ ២៥នាក់ប៉ុណ្ណោះ សម្រាប់ការមើលថែអ្នកជំងឺធ្ងន់ធ្ងរចំនួន២៩១នាក់ បន្ទាប់ពីមានការបញ្ជាពីកងទ័ពអ៊ីស្រាអែល ដើម្បីជម្លៀសចេញ។ អង្គការសុខភាពពិភពលោក បានចូលទៅកាន់មជ្ឈមណ្ឌលវេជ្ជសាស្ត្រនៅទីក្រុង ហ្កាហ្សា កាលពីថ្ងៃអាទិត្យ បន្ទាប់ពីត្រូវបានវាយឆ្មក់ដោយកងកម្លាំងអ៊ីស្រាអែលកាលពីដើមសប្តាហ៍នេះ។ អ៊ីស្រាអែលបានចោទប្រកាន់ក្រុមសកម្មប្រយុទ្ធហាម៉ាសបានប្រើប្រាស់មន្ទីរពេទ្យ al-Shifa នេះ ជាមជ្ឈមណ្ឌលបញ្ជា ដោយកំណត់ថា នោះគឺជាគោលដៅសំខាន់ក្នុងប្រតិបត្តិការយោធារបស់ខ្លួន ទោះបីជាមានការរិះគន់ពីអន្តរជាតិក៏ដោយ។ កងកម្លាំងការពារអ៊ីស្រាអែល (IDF) បានបញ្ចេញវីដេអូឃ្លីបកាលពីថ្ងៃអាទិត្យ នៃអ្វីដែលខ្លួនបាននិយាយថា គឺជាផ្លូវរូងក្រោមដីប្រវែង ៥៥ ម៉ែត្រ ជម្រៅ ១០ ម៉ែត្រ ដែលបានរកឃើញនៅក្រោមអគារក្នុងអគារមន្ទីរពេទ្យ។ កងកម្លាំងអ៊ីស្រាអែល ក៏បានបញ្ចេញវីដេអូ ដែលវាបាននិយាយថាបានបង្ហាញពីចំណាប់ខ្មាំងជនជាតិថៃម្នាក់ និងជនជាតិនេប៉ាល់ម្នាក់ ចាប់តាំងពីការសម្លាប់រង្គាលពីក្រុមហាម៉ាសកាលពីថ្ងៃ ៧ តុលា ដែលហាក់ដូចជាបានមកពីប្រព័ន្ធ CCTV របស់មន្ទីរពេទ្យ Shifa ។ មិនត្រូវបានគេប្រាប់ពីអត្តសញ្ញាណបុរសទាំងពីរនាក់នោះទេ។ប្រធានមន្ទីរពេទ្យបាននិយាយថា មនុស្សប្រហែល២.៥០០នាក់ ស្ថិត ក្នុងចំណោមពួកគេជាច្រើននាក់ដែលឈឺ និងរងរបួស រួមទាំងពិការផង បានដើរទៅភាគខាងត្បូងពីតំបន់ al-Shifa កាលពីថ្ងៃសៅរ៍ បន្ទាប់ពីត្រូវបានគេប្រាប់ឱ្យចាកចេញ។ កាលពីថ្ងៃអាទិត្យ អង្គការសុខភាពពិភពលោក និងអឌ្ឍចន្ទក្រហមប៉ាឡេស្ទីនបានចាប់ផ្តើមជម្លៀសអ្នកដែលមិនអាចរត់ចេញដោយថ្មើរជើង រួមទាំងទារកចំនួន ៣២ នាក់ក្នុងស្ថានភាពធ្ងន់ធ្ងរ អ្នកដែលមានរបួសធ្ងន់ធ្ងរដោយសារកង្វះថ្នាំប្រឆាំងមេរោគអង់ទីប៊ីយោទិច និងអ្នកជំងឺ ២៩ នាក់ដែលមានរបួសឆ្អឹងខ្នងធ្ងន់ធ្ងរ៕

សមត្ថកិច្ចព្រហ្មទណ្ឌកំរិតស្រាលចាប់ខ្លួនជសង្ស័យ២នាក់ករណីកាច់សោរកម៉ូតូ

ភ្ណំពេញ ៖ សមត្ថកិច្ចការិយាល័យនគរបាលព្រហ្មទណ្ឌកំរិតស្រាលស្នងការដ្ឋាននគរបាលរាជធានីភ្នំពេញ ស្រាវជ្រាវចាប់ខ្លួនជនសង្ស័យ ២នាក់ក្នុងចំណោមបក្ខពួក៤នាក់ ករណីកាច់សោរកម៉ូតូ ។ការិយាល័យនគរបាលព្រហ្មទណ្ឌកំរិតស្រាលស្នងការដ្ឋាននគរបាលរាជធានីភ្នំពេញ កាលពីថ្ងៃទី១៧ ខែវិច្ឆិកា ឆ្នាំ២០២៣ វេលាម៉ោងប្រហែល២០ និង០០នាទី ស្រាវជ្រាវឃាត់ខ្លួនជនសង្ស័យ ២នាក់ ករណីលួចមានស្ថានទម្ងន់ទោសដោយសារការកាប់គាស់ទម្លុះទម្លាយ (នាំគ្នាយកដែកសំប៉ែតចុងស្រួចរាងអក្សរតេ (ឧបករណ៍សំរាប់កាច់សោរកម៉ូតូ) ធ្វើសកម្មភាពកាច់បំបែកសោកម៉ូតូ លួចយកម៉ូតូចំនួន ០២ គ្រឿង ម៉ាកហុងដាប៊ីត ពណ៌ ស សេរីឆ្នាំ២០២២ ពាក់ផ្លាកលេខ ភ្នំពេញ១JI-៨៨៩៣ និងម៉ូតូ ម៉ាក ហុងដាហ៊្សូមមើ អ៊ិច ពណ៌កាប់ស្តាំង សេរីឆ្នាំ២០១៥ ពាក់ផ្លាកលេខ កណ្តាល១W-៧៧៥៨) ។ ហេតុការណ៍កើតឡើង នៅចំណុចបន្ទប់ជួល ផ្លូវលំ ភូមិមានជ័យ១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីថ្ងៃទី១៥ ខែវិច្ឆិកា ឆ្នាំ២០២៣ វេលាម៉ោង ០៣ និង ០០ នាទី ។ ជនសង្ស័យទាំងពីរនាក់ ១-ឈ្មោះ ដូ ប៉ូ ភេទ ប្រុស អាយុ ២០ ឆ្នាំ ជនជាតិ ខ្មែរ មុខរបរ ជាងប៉ះកង់ ស្នាក់នៅផ្ទះជួល ផ្លូវបេតុង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។២-ឈ្មោះ វ៉ាង គីមហុង ហៅ ហ៊ុយ ភេទ ប្រុស អាយុ ៣០ ឆ្នាំ ជនជាតិ ខ្មែរ មុខរបរ ជាងម៉ាស៊ីនត្រជាក់ ស្នាក់នៅផ្ទះជួល ផ្លូវបេតុង សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។ ចំណែកជនរងគ្រោះឈ្មោះ វៃ ជីវ័ន ភេទ ប្រុស អាយុ ៣២ ឆ្នាំ ជនជាតិ ខ្មែរ មានទីលំនៅបន្ទប់ជួល ផ្លូវលំ ភូមិមានជ័យ១ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន និង ឈ្មោះ តាន់ រក្សា ភេទ ប្រុស អាយុ ១៩ ឆ្នាំ ជនជាតិ ខ្មែរ មានទីលំនៅបន្ទប់ជួល ផ្លូវលំ ភូមិមានជ័យ១ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន ។ លោកវរសេនីយ៍ទោ ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បញ្ជាក់ឲ្យដឹងថា កាលពីថ្ងៃទី១៥ ខែវិច្ឆិកា ឆ្នាំ២០២៣ វេលាម៉ោង០៣ និង០០ នាទី មានសង្ស័យ ០៤ នាក់ ជិះម៉ូតូ ០២ គ្រឿង បានយកដែកសំប៉ែតចុងស្រួចរាងអក្សរតេ (ឧបករណ៍សំរាប់កាច់សោរកម៉ូតូ) ធ្វើសកម្មភាពកាច់បំបែកសោកម៉ូតូ ចំនួន ០២ គ្រឿង ម៉ាក ហុងដាប៊ីត ពណ៌ ស សេរីឆ្នាំ២០២២ ពាក់ផ្លាកលេខភ្នំពេញ១JI-៨៨៩៣ និងម៉ូតូ ម៉ាក ហុងដាហ៊្សូមមើអ៊ិច ពណ៌កាប់ស្តាំង សេរីឆ្នាំ២០១៥ ពាក់ផ្លាកលេខ កណ្តាល១W-៧៧៥៨ បានសម្រេចគេចខ្លួនបាត់អស់ ។ ដោយទទួលបានបទបញ្ជាពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ សមត្ថកិច្ចការិយាល័យនគរបាលព្រហ្មទណ្ឌកំរិតស្រាល ស្រាវជ្រាវចាប់ខ្លួនជនសង្ស័យ ២នាក់ សាកសួរ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕ ដោយ ៖ តារាវុទ្ធី

គ្រូពេទ្យបឋមសង្រ្គោះ បារម្ភពីអ្នកជំងឺនៅខាងក្នុងមន្ទីរពេទ្យហ្កាហ្សា ខណៈអ៊ីស្រាអែល រកឃើញផ្លូវរូងក្រោមដី

ក្រុមគ្រូពេទ្យបឋមសង្គ្រោះប៉ាឡេស្ទីន បាននិយាយកាលពីថ្ងៃព្រហស្បតិ៍ (១៦ វិច្ឆិកា) ថាពួកគេកាន់តែភ័យខ្លាចចំពោះជីវិតអ្នកជំងឺរាប់រយនាក់ និងបុគ្គលិកពេទ្យនៅមន្ទីរពេទ្យដ៏ធំបំផុតរបស់តំបន់ហ្កាហ្សា ដែលត្រូវបានកាត់ផ្តាច់ទំនាក់ទំនងទាំងអស់ទៅកាន់ពិភពខាងក្រៅអស់រយៈពេលជាងមួយថ្ងៃបន្ទាប់ពីកងកម្លាំងអ៊ីស្រាអែល សម្រុកចូលក្នុងនោះ។អ៊ីស្រាអែលបាននិយាយថា កងកុម្មង់ដូរបស់ខ្លួននៅតែកំពុងប្រតិបត្តិការស្វែងរកទូទាំងមន្ទីរពេទ្យ អាល់ស៊ីហ្វា (Al Shifa) កាលពីថ្ងៃព្រហស្បតិ៍ ច្រើនជាងមួយថ្ងៃបន្ទាប់ពីពួកគេបានវាយឆ្មក់ចូលមន្ទីរពេទ្យនោះ ដែលជាផ្នែកមួយនៃការវាយលុករបស់អ៊ីស្រាអែល ក្នុងគោលបំណងដើម្បីកម្ចាត់ពួកសកម្មប្រយុទ្ធហាម៉ាស នៅក្នុងតំបន់ហ៊ុមព័ន្ធប៉ាឡេស្ទីនមួយនេះ។នាយកមន្ទីរពេទ្យ អាល់ស៊ីហ្វា លោក ម៉ូហាមេដ អាបុ សាឡាមីយ៉ា (Muhammad Abu Salamiya) បាននិយាយថា មន្ទីរពេទ្យនេះ «ស្ថិតនៅក្រោមការគ្រប់គ្រងរបស់ក្រុមអាជ្ញាធរអស់រយៈពេល ៤៨ម៉ោង មកហើយ ហើយរៀងរាល់នាទីនឹងមានអ្នកជំងឺកាន់តែច្រើនត្រូវស្លាប់»។ ក្រសួងសុខាភិបាលនៃតំបន់ហ្កាហ្សា បាននិយាយថា ទាហានអ៊ីស្រាអែលបានយកសាកសពចេញពីបរិវេណមន្ទីរពេទ្យ និងបំផ្លាញរថយន្តដែលចតនៅទីនោះ ប៉ុន្តែពួកគេមិនបានអនុញ្ញាតឱ្យបុគ្គលិក ឬអ្នកជំងឺចាកចេញឡើយ។អ្នកនាំពាក្យក្រសួងសុខាភិបាលហ្កាហ្សា លោក Ashraf Al-Qidra បាននិយាយថា មិនមានទឹក អាហារ ឬទឹកដោះគោសម្រាប់ទារកនៅក្នុងមន្ទីរពេទ្យ ស៊ីហ្វា ដែលផ្ទុកដោយអ្នកជំងឺ ៦៥០នាក់ និងមនុស្សប្រហែល ៧.០០០នាក់ ដែលបានបានផ្លាស់ទីលំនៅដោយការវាយប្រហារតាមអាកាស និងការទម្លាក់គ្រាប់បែករបស់អ៊ីស្រាអែល ជាច្រើនសប្តាហ៍នេះនោះទេ៕

ចិន ប្រាប់ជប៉ុនឲ្យបញ្ជាក់ជាថ្មីទំនាក់ទំនងជាយុទ្ធសាស្ត្រ ក្នុងកិច្ចពិភាក្សាមេដឹកនាំដ៏កម្រ

ប្រធានាធិបតីចិន លោក Xi Jinping បានប្រាប់នាយករដ្ឋមន្ត្រីជប៉ុន លោក Fumio Kishida កាលពីថ្ងៃព្រហស្បតិ៍ ទី១៦ ខែវិច្ឆិកាថា ប្រទេសដែលមានសេដ្ឋកិច្ចធំបំផុតទាំងពីរនៅអាស៊ី គួរតែបញ្ជាក់ជាថ្មីនូវទំនាក់ទំនងយុទ្ធសាស្ត្រនៅក្នុងកិច្ចពិភាក្សាទល់មុខគ្នាលើកដំបូងរបស់មេដឹកនាំក្នុងឆ្នាំដែលសំឡឹងទៅរកការដោះស្រាយទំនាក់ទំនងដ៏តានតឹង។ការលើកឡើងនេះ បានធ្វើឡើងនៅពេលចាប់ផ្តើមកិច្ចពិភាក្សានៅក្រៅកិច្ចប្រជុំកំពូល APEC នៅទីក្រុង San Francisco។ មេដឹកនាំទាំងពីរ ក៏ត្រូវបានគេរំពឹងថានឹងពិភាក្សាអំពីការបង្កើតក្របខ័ណ្ឌកិច្ចសន្ទនាថ្មីមួយ ស្តីពីបញ្ហាគ្រប់គ្រងការនាំចេញ និងការជំរុញបរិយាកាសពាណិជ្ជកម្មប្រកបដោយសុវត្ថិភាព។លោក Xi បានប្រាប់លោក Kishida នៅពេលមេដឹកនាំទាំងពីរអង្គុយទល់មុខគ្នានៅតុ ដែលនៅចំហៀងគណៈប្រតិភូថា ប្រទេសទាំងពីរគួតែផ្តោតលើផលប្រយោជន៍រួម និងដោះស្រាយយ៉ាងសមស្របនូវភាពខ្វែងគំនិតគ្នា។ លោកបាននិយាយបន្ថែមថា ប្រទេសចិន និងជប៉ុន គួរតែបញ្ជាក់ឡើងវិញនូវ «ទំនាក់ទំនងយុទ្ធសាស្ត្រនៃផលប្រយោជន៍ទៅវិញទៅមក និងផ្តល់អត្ថន័យថ្មី» ។នៅក្នុងសេចក្តីថ្លែងការណ៍រួមមួយក្នុងឆ្នាំ ២០០៨ ប្រទេសជប៉ុន និងចិន បានព្រមព្រៀងគ្នាក្នុងការបន្ត «ទំនាក់ទំនងដែលមានផលប្រយោជន៍ទៅវិញទៅមកផ្អែកលើផលប្រយោជន៍ជាយុទ្ធសាស្រ្តរួម» ដែលត្រូវបានរៀបចំដើម្បីធានាឱ្យមានការផ្លាស់ប្តូរភាពជាដឹកនាំញឹកញាប់លើបញ្ហា ដូចជាសន្តិសុខជាដើម។ ប៉ុន្តែសេចក្តីថ្លែងការណ៍នេះ ត្រូវបានគេប្រើតិចតួចប៉ុណ្ណោះក្នុងរយៈពេលប៉ុន្មានឆ្នាំចុងក្រោយនេះ ដោយសារគូប្រជែងជាប្រវត្តិសាស្ត្រនេះ បានប៉ះទង្គិចគ្នាជុំវិញបញ្ហាជាបន្តបន្ទាប់ ដូចជាជម្លោះទឹកដី ភាពតានតឹងពាណិជ្ជកម្ម និងបញ្ហាកោះតៃវ៉ាន់ ជាកោះលទ្ធិប្រជាធិបតេយ្យនៅក្បែរប្រទេសជប៉ុនដែលទីក្រុងប៉េកាំងអះអាងសិទ្ធិថាជារបស់ខ្លួន។

ហ្ស៊កដានី បញ្ជាក់ថា ខ្លួននឹងមិនចុះហត្ថលេខាលើថាមពលសម្រាប់កិច្ចព្រមព្រៀងទឹកជាមួយអ៊ីស្រា អែលទេ

រដ្ឋមន្ត្រីការបរទេសហ្ស៊កដានី លោក អាយម៉ាន សាហ្វាឌី ((Ayman Safadi) បានប្រាប់ទូរទស្សន៍ AL Jazeera កាលពីថ្ងៃព្រហស្បតិ៍ថា ប្រទេសហ្ស៊កដានី នឹងមិនចុះហត្ថលេខាលើកិច្ចព្រមព្រៀងផ្តល់ថាមពលដល់អ៊ីស្រាអែលជាថ្នូរនឹងទឹកដែលគ្រោងនឹងផ្តល់សច្ចាប័ន កាលពីខែមុននោះទេ។លោកសាហ្វាឌី បាននិយាយនៅក្នុងបទសម្ភាសន៍មួយ ដោយសំដៅទៅលើជម្លោះរបស់អ៊ីស្រាអែលជាមួយក្រុមសកម្មប្រយុទ្ធប៉ាឡេស្ទីនហាម៉ាសថា៖«យើងមានការសន្ទនាក្នុងតំបន់អំពីគម្រោងក្នុងតំបន់។ ខ្ញុំគិតថាកិច្ចព្រមព្រៀងនេះ នឹងមិនដំណើរការទៅមុខទេ»។ លោកបានបន្ថែមថា រាល់កិច្ចខិតខំប្រឹងប្រែងរបស់ហ្ស៊កដានី គឺផ្តោតលើការបញ្ចប់នូវអ្វីដែលលោកបានពិពណ៌នាថា ជា«អំពើព្រៃផ្សៃសងសឹកដែលធ្វើឡើងដោយអ៊ីស្រាអែល» នៅក្នុងតំបន់ហ្កាហ្សា ដែលគ្រប់ គ្រងដោយក្រុមហាម៉ាស។លោកសាហ្វាឌី បាននិយាយថា ហ្ស៊កដានី នឹងមិនចូលទៅក្នុងកិច្ចសន្ទនាអំពីអ្នកណាដែលគ្រប់គ្រងតំបន់ហ្កហ្សា បន្ទាប់ពីសង្គ្រាមនតេ ដោយពិចារណាឃើញថា ការផ្លាស់ប្តូរនៅពេលនេះ អាចត្រូវបានគេមើលឃើញថាជាភ្លើងខៀវដល់អ៊ីស្រាអែល ដើម្បីធ្វើអ្វីដែលខ្លួនចង់បាន។

សភានៃប្រទេសកេនយ៉ា គាំទ្របេសកម្មប្រទេសហៃទី ទោះបីមានរឿងក្តីនៅតុលាការក៏ដោយ

សភានៃប្រទេសកេនយ៉ា បានអនុម័តផែនការដ៏ចម្រូងចម្រាសមួយរបស់រដ្ឋាភិបាល ដើម្បីដាក់ពង្រាយនគរបាលប្រហែល ១.០០០ នាក់ទៅកាន់ប្រទេសហៃទី ដើម្បីជួយបញ្ឈប់អំពើហិង្សារបស់ក្រុមជនអន្ធ ពាល។បើទោះបីជាមានដីការបស់តុលាការ រារាំងការដាក់ពង្រាយណាមួយក៏ដោយ ក៏ត្រូវរង់ចាំលទ្ធផលនៃការតតាំងតាមផ្លូវច្បាប់ចំពោះផែនការនេះក្តី។សមាជិកសភាបក្សប្រឆាំង បានថ្កោលទោសការបោះឆ្នោត ប៉ុន្តែគណបក្សកាន់អំណាច បានប្រើសំឡេងភាគច្រើនរបស់ខ្លួន ដើម្បីគាំទ្ររដ្ឋាភិបាល បន្ទាប់ពីការជជែកដេញដោលគ្នាដ៏ខ្លាំងក្លារួចមក។ប្រទេសហៃទី បានអំពាវនាវសុំជំនួយអន្តរជាតិ ដើម្បីដោះស្រាយភាពគ្មានច្បាប់ ដែលកំពុងកើនឡើង។ការផ្តល់ជូនរបស់កេនយ៉ា បានទទួលការយល់ព្រមពីក្រុមប្រឹក្សាសន្តិសុខអង្គការសហប្រជាជាតិ កាលពីខែមុន ប៉ុន្តែផែនការនេះ ត្រូវបានជំទាស់ដោយគណបក្សប្រឆាំងដ៏សំខាន់។ជនអន្ធពាលប្រហែល ៣០០នាក់ កំពុងធ្វើសកម្មភាព នៅទូទាំងប្រទេសហៃទី ហើយ ៨០ភាគរយនៃរដ្ឋធានីព័រអូប្រាំង (Port-au-Prince) កំពុងស្ថិតនៅក្រោមការគ្រប់គ្រងរបស់ក្រុមជនអន្ធពាល។

របាយការណ៍៖ នគរបាលប្រេស៊ីល សម្លាប់ជនជាតិស្បែកខ្មៅម្នាក់រៀងរាល់ ៤ ម៉ោងម្តង

របាយការណ៍មួយបាននិយាយកាលពីថ្ងៃព្រហស្បតិ៍ថា អំពើហឹង្សារបស់នគរបាលនៅក្នុងប្រទេសប្រេស៊ីល បានសម្លាប់ជនជាតិស្បែកខ្មៅច្រើនជាងម្នាក់រៀងរាល់បួនម៉ោងម្តងកាលពីឆ្នាំមុន ដោយបានវាយប្រហារប្រជាជនអាហ្រ្វិក-ប្រេស៊ីល ទាំងមិនសមហេតុផល។ យោងតាមរបាយការណ៍របស់បណ្តាញស៊ើបអង្កេតសន្តិសុខ ជាក្រុមឆ័ត្រនៃអង្គការសន្តិសុខសាធារណៈបាននិយាយថា យ៉ាងហោចណាស់ជនជាតិប្រេស៊ីលស្បែកខ្មៅ និងជាតិសាសន៍ចម្រុះចំនួន ២.៧៧០នាក់ បានស្លាប់ដោយសារប្រតិបត្តិការរបស់នគរបាលនៅក្នុងឆ្នាំ ២០២២។ជនជាតិប្រេស៊ីលស្បែកខ្មៅ និងជាតិសាសន៍ចម្រុះមាន ៥៦ ភាគរយនៃប្រជាជន ២០៣ លាននាក់របស់ប្រទេសនេះ។ លោក Silvia Ramos អ្នកសម្របសម្រួលរបស់ក្រុម បាននិយាយនៅក្នុងសេចក្តីថ្លែងការណ៍ថា «ចំនួនជនជាតិស្បែកខ្មៅដែលត្រូវបានសម្លាប់ដោយនគរបាល បង្ហាញភាគច្រើនបំផុត ក្នុងអំពើហិង្សា និងរចនាសម្ព័ន្ធពូជសាសន៍ នៃសកម្មភាពរបស់នគរបាល ។របាយការណ៍ ដែលផ្អែកលើសេរីភាពសំណើព័ត៌មាន បាននិយាយថា អំពើហឹង្សាភាគច្រើន កើតឡើងនៅក្នុងសហគមន៍ក្រីក្រ ជាកន្លែងដែលនគរបាលប្រេស៊ីល ធ្វើការប្រយុទ្ធជាញឹកញាប់ជាមួយក្រុមឧក្រិដ្ឋជនគ្រឿងញៀនប្រដាប់អាវុធ។

ទីភ្នាក់ងារប៉ាឡេស្ទីនរបស់អង្គការសហប្រជាជាតិនិយាយថា ប្រតិបត្តិការនៅតំបន់ហ្កាហ្សា ត្រូវបានដាក់សម្ពាធដោយចេតនា

ប្រធានទីភ្នាក់ងារជនភៀសខ្លួនប៉ាឡេស្ទីនរបស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ ទី១៦ ខែវិច្ឆិកាថា លោកជឿថាមានការប៉ុនប៉ងដោយចេតនាដើម្បី «ដាក់សម្ពាធ» ការងារមនុស្សធម៌នៅក្នុងតំបន់ហ្កាហ្សា ដោយព្រមានថាទីភ្នាក់ងារនេះប្រហែលជាត្រូវផ្អាកប្រតិបត្តិការរបស់ខ្លួនទាំងស្រុងដោយសារតែខ្វះប្រេងឥន្ធនៈ។ ទីភ្នាក់ងារដែលគាំទ្រជនភៀសខ្លួនជាង ៨០០.០០០នាក់នៅតំបន់ហ្កាហ្សាហ៊ុមព័ទ្ធដោយអ៊ីស្រាអែលបាននិយាយថា សេវាជាច្រើនត្រូវបានបិទរួមទាំងអណ្តូងទឹករាប់សិបអណ្តូង រោងចក្រផលិតទឹកចំនួនពីរកន្លែង និងស្ថានីយ៍បូមលូ។អគ្គស្នងការទីភ្នាក់ងារការងារនិងផ្តល់ជំនួយបន្ទាន់របស់អង្គការសហប្រជាជាតិ(UNRWA) លោក Philippe Lazzarini បានប្រាប់អ្នកសារព័ត៌មាននៅទីក្រុងហ្សឺណែវថា អង្គការបានស្នើសុំរយៈពេលជាច្រើនសប្តាហ៍មកហើយសម្រាប់ដំណើរការដើម្បីទទួលបានប្រេងឥន្ធនៈ ដែលកាលពីថ្ងៃពុធ ទី១៥ ខែវិច្ឆិកា ប្រេងត្រូវបានគេដឹកចូលទៅក្នុងហ្កាហ្សាជាលើកដំបូងចាប់តាំងពីការចាប់ផ្តើមសង្រ្គាមរបស់អ៊ីស្រាអែលជាមួយក្រុមហាម៉ាស។ លោក Lazzarini និយាយថា ប្រេងឥន្ធនៈនោះ មានប្រេងម៉ាស៊ូត ២៤.០០០លីត្រ សម្រាប់រថយន្តចែកចាយជំនួយរបស់អង្គការសហប្រជាជាតិ គឺពុំនៅជិតអ្វីដែលពលរដ្ឋតំបន់ហ្កាហ្សាត្រូវការដើម្បីរស់រានមានជីវិតនោះទេ។ អ៊ីស្រាអែល បដិសេធការនាំចូលប្រេង ដោយនិយាយថា វាអាចត្រូវបានប្រើប្រាស់ដោយក្រុមហាម៉ាសក្នុងគោលបំណងយោធា។ លោក Lazzarini បានព្រមានថា បើគ្មានប្រេងឥន្ធនៈទេ ការស្លាប់របស់ជនស៊ីវិលដែលមិនជាប់ទាក់ទងដោយផ្ទាល់ទៅនឹងយុទ្ធនាការយោធាសងសឹករបស់អ៊ីស្រាអែល ប្រឆាំងក្រុមហាម៉ាស សម្រាប់ការវាយប្រហារកាលពីថ្ងៃទី ៧ ខែតុលា គឺជៀសមិនរួចនោះទេ។ ក្រុមហ៊ុនទូរគមនាគមន៍សំខាន់ៗនៅតំបន់ហ្កាហ្សា មានក្រុមហ៊ុន Paltel និង Jawwal បាននិយាយកាលពីថ្ងៃព្រហស្បតិ៍ថា សេវាកម្មទូរគមនាគមន៍ទាំងអស់នៅក្នុងតំបន់ហ៊ុមព័ទ្ធដែលមានប្រជាជនរស់នៅច្រើន គ្មានសេវាកម្ម ដោយសារតែប្រភពផ្តល់ថាមពលទាំងអស់បានបាត់បង់។

បណ្ដាញសង្គម

ព័ត៌មានថ្មីៗ

រយៈពេល១ឆ្នាំ TIA រួមចំណែកជំរុញកំណើនសេដ្ឋកិច្ចកម្ពុជាប្រមាណ ៥ភាគរយ

Oliver Lines បង្កការភ្ញាក់ផ្អើល ទម្លាក់កីឡាករស្នូកឃ័រលេខ ១ ពិភពលោក Zhao Xintong ពី English Open ជុំដំបូង

ពលរដ្ឋ និងយុវជន៖ វត្តមានសម្ដេចធិបតីបន្តចុះដល់មូលដ្ឋានជាស្ពានតភ្ជាប់ទំនុកចិត្តរវាងរដ្ឋ និងរាស្រ្ដ

UEFA Champions League ត្រឡប់មកវិញ៖ ក្រុមធំៗត្រៀមប្រជែងពានរដូវកាលថ្មី

កម្ពុជាស្វែងយល់ពីបច្ចេកវិទ្យានវានុវត្តន៍ និងផ្លាស់ប្តូរទស្សនៈជាមួយដៃគូអន្តរជាតិនៅទីក្រុងសៀមិន

កាណាដាត្រៀមសម្រាប់សង្គ្រាមពាណិជ្ជកម្មរយៈពេលវែង ខណៈពន្ធតបតវិញ លើអាមេរិក ចូលជាធរមាន

សមត្ថកិច្ចជលផលកំពង់ចាម បង្ក្រាបបទល្មើសជលផល ២ករណី ដកហូតវត្ថុតាងមួយចំនួន

ក្រសួងអប់រំរៀបចំសិក្ខាសាលាស្តីពីវិន័យ និងក្រមសីលធម៌ ពង្រឹងការយល់ដឹងរបស់អត្តពលិកមុនចូលរួមការប្រកួតកីឡាអាស៊ីនៅជប៉ុន

ទូតកម្ពុជាប្រចាំនៅសាធារណរដ្ឋកូរ៉េ ជួបជាមួយអាជ្ញាធរកូរ៉េ និងស្នើជួយគាំទ្រការធ្វើទំនើបកម្មវិស័យកសិកម្មមានសក្ដានុពលនៅកម្ពុជា

អ្នកគ្រប់គ្រងកម្មវិធីជាន់ខ្ពស់របស់ SDC ថា «ជំនាញ TVET មិនអាចខ្វះបាននៅក្នុងការរស់នៅប្រចាំថ្ងៃ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877