BTV NEWS

ស្នងការខេត្តកំពតបន្តតាមដានមន្ត្រីនគរបាល២រូបចំពោះរបាយការណ៍មិនប្រក្រតីអំពីគ្រោះថ្នាក់ចរាចរ

រាជរដ្ឋាភិបាលកម្ពុជា បានចាត់វិធានការក្ដៅ លើទីតាំងកាស៊ីណូ ពាក់ព័ន្ធនឹងសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS)

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

គយឃាត់ខ្លួនបុរសម៉ាឡេស៊ីម្នាក់រកឃើញហេរ៉ូអ៊ីន ៨១ កញ្ចប់ ពេលត្រៀមចាកចេញពីកម្ពុជាទៅកោះតៃវ៉ាន់

សន្តិសុខ និង សង្គម

សភាអាមេរិក បរាជ័យក្នុងការបណ្តេញសមាជិកបក្សសាធារណរដ្ឋ លោក George Santos ចេញពីតំណែង

ការបោះឆ្នោតបណ្ដេញសមាជិកសភាមកពីបក្សសាធារណៈរដ្ឋ លោក ចច សានតូស (George Santos) ចេញពីសភាតំណាងរាស្រ្តអាមេរិក បានបរាជ័យកាលពីថ្ងៃពុធ (១ វិច្ឆិកា) នៅពេលដែលសមាជិកសភាតិចជាង ពីរភាគបី បានគាំទ្រសេចក្ដីសម្រេចនេះ។សមាជិកសភាមកពីរដ្ឋញ៉ូវ យ៉ក វ័យ ៣៥ឆ្នាំរូបនេះ បានផ្ដល់ចម្លើយពីភាពគ្មានទោសក្នុងការចោទប្រកាន់របស់ខ្លួន ពីឧក្រិដ្ឋកម្មេជាច្រើនករណី រួមទាំងការសម្អាតប្រាក់ដើម្បីទូទាត់ការចំណាយផ្ទាល់ខ្លួន ការទទួលបានអត្ថប្រយោជន៍ពីភាពគ្មានការងារធ្វើដោយខុសច្បាប់ និងទូទាត់ប្រាក់ពីប័ណ្ណឥណទានរបស់ម្ចាស់ជំនួយ ដោយគ្មានការយល់ព្រមពីពួកគេផងដែរ។សមាជិកសភានៃបក្សសាធារណៈរដ្ឋមកពីរដ្ឋញ៉ូវ យ៉ក ផ្សេងទៀត បាននិយាយកាលពីខែមុនថា ពួកគេនឹងដាក់ចេញនូវសេចក្ដីសម្រេចមួយដើម្បីបណ្តេញលោក សាន់តូស ចេញពីតំណែង ប៉ុន្តែចំណាត់ការនេះត្រូវបានពន្យារពេលជាច្រើនសប្តាហ៍ នៅពេលដែលសភាអាមេរិក ពុំមានអ្នកដឹកនាំបន្ទាប់ពីការបណ្តេញអតីតប្រធានសភា លោក Kevin McCarthy ចេញពីតំណែង។ការបណ្តេញសមាជិកសភា តម្រូវឱ្យមានការបោះឆ្នោតដោយសំឡេងពីរភាគបីនៃសភា។ មានតែមនុស្ស ៥នាក់ប៉ុណ្ណោះ ដែលត្រូវបានបណ្តេញចេញពីសភាក្នុងប្រវត្តិសាស្ត្ររបស់ប្រទេសនេះ ដោយមនុស្ស ៣នាក់ ត្រូវបានបោះឆ្នោតបណ្ដេញចេញដោយសារការប្រយុទ្ធប្រឆាំងនឹងរដ្ឋាភិបាលសហរដ្ឋអាមេរិក នៅក្នុងសង្គ្រាមស៊ីវិល របស់ប្រទេសមួយនេះ៕-

ការតវ៉ាបានផ្ទុះឡើងនៅភាគនិរតីនៃប្រទេសឥណ្ឌា ជុំវិញបញ្ហាការងារ

ឧបទ្ទវហេតុនៃការតវ៉ា និងអំពើហឹង្សាជាបន្តបន្ទាប់ ដោយប្រជាជននៃសហគមន៍ ម៉ារ៉ាថា (Maratha) ត្រូវបានរាយការណ៍ពីរដ្ឋ ម៉ាហារ៉ាស្រ្តា (Maharashtra) ភាគនិរតីនៃប្រទេសឥណ្ឌា ក្នុងរយៈពេលប៉ុន្មានថ្ងៃកន្លងមកនេះ។តម្រូវការចម្បងរបស់បាតុករ គឺទទួលបានឳកាសការងារក្នុងគ្រឹះស្ថានឧត្តមសិក្សា និងការងាររដ្ឋាភិបាល។ ឧប្បត្តិហេតុនៃការតវ៉ា និងអំពើហឹង្សា ត្រូវបានរាយការណ៍ពីស្រុកចំនួន ៨ នៅទូទាំងរដ្ឋរបស់ឥណ្ឌាមួយនេះ។ក្នុងរយៈពេលពីរថ្ងៃកន្លងមកនេះ មនុស្សរាប់រយនាក់ ត្រូវបាននគរបាលក្នុងតំបន់ឃាត់ខ្លួនពីបទប្រើប្រាស់ហិង្សា និងបំផ្លាញទ្រព្យសម្បត្តិរបស់រដ្ឋាភិបាល។ ជាមួយគ្នានោះដែរ គេហដ្ឋាន និងការិយាល័យរបស់សមាជិកសភាថ្នាក់រដ្ឋចំនួនពីររូប ត្រូវបានដុតបំផ្លាញនៅក្នុងស្រក ប៊ីដ (Beed) កាលពីថ្ងៃចន្ទ។របាយការណ៍ប្រព័ន្ធផ្សព្វផ្សាយបាននិយាយថា បន្ទាប់ពីមានការតវ៉ា និងឧបទ្ទវហេតុនៃអំពើហិង្សាដោយសហគមន៍ ម៉ារ៉ាថា កងកម្លាំងសន្តិសុខជាច្រើនត្រូវបានបញ្ជូនទៅការពាររដ្ឋមន្ត្រី និងជុំវិញអចលនទ្រព្យដែលគ្រប់គ្រងដោយមន្រ្តីថ្នាក់ខ្ពស់ទាំងនោះនៅទូទាំងរដ្ឋ ម៉ាហារ៉ាស្រ្តា របស់ប្រទេសឥណ្ឌា មួយនេះផងដែរ៕

រដ្ឋមន្ត្រីការពារជាតិ និងហិរញ្ញវត្ថុរបស់អ៊ីស្រាអែល ប៉ះទង្គិចគ្នាជុំវិញប្រាក់ពន្ធប៉ាឡេស្ទីន

រដ្ឋមន្ត្រីការពារជាតិ និងហិរញ្ញវត្ថុរបស់អ៊ីស្រាអែល បានប៉ះទង្គិចគ្នាកាលពីថ្ងៃពុធ (១ វិច្ឆិកា) ជុំវិញបញ្ហាថាតើប្រាក់ចំណូលពន្ធមួយចំនួនរបស់តំបន់វេស ប៊ែង (West Bank) គួរតែត្រូវបានផ្ទេរទៅឱ្យអាជ្ញាធរប៉ាឡេស្ទីន ឬយ៉ាងណា ដោយគូសបញ្ជាក់ភាពតានតឹងដែលកំពុងតែកើនឡើងដល់រដ្ឋាភិបាល ខណៈកងកម្លាំងអ៊ីស្រាអែល កំពុងបន្តសង្គ្រាមនៅតំបន់ហ្កាហ្សា។រដ្ឋមន្ត្រីក្រសួងការពារជាតិ លោក Yoav Gallant បានអំពាវនាវឱ្យប្រគល់ចំណូលពន្ធ ដែលប្រមូលបានដោយអ៊ីស្រាអែល តំណាងឲ្យប៉ាឡេស្ទីន នៅក្នុងផ្នែកខ្លះនៃតំបន់ វេស ប៊ែង ដែលនៅក្រោមការគ្រប់គ្រងផ្ទាល់របស់អ៊ីស្រាអែល នោះត្រូវបញ្ជូនទៅប៉ាឡេស្ទីន វិញដោយគ្មានការពន្យារពេល។ ប៉ុន្តែ រដ្ឋមន្ត្រីក្រសួងហិរញ្ញវត្ថុ លោក Bezalel Smotrich ដែលជាអ្នកនយោបាយប្រកាន់ជំហរតឹងក្នុងគណបក្សជាតិសាសនានិយម និងមានការគាំទ្រយ៉ាងខ្លាំងក្នុងចំណោមអ្នកតាំងលំនៅជនជាតិជ្វីហ្វ នៅតំបន់វេស ប៊ែង បានឆ្លើយតបទៅវិញថា លោក Gallant កំពុងធ្វើ «កំហុសដ៏ធ្ងន់ធ្ងរ» ក្នុងការទាមទារឱ្យមានការប្រគល់មូលនិធិដល់ប៉ាឡេស្ទីន។រដ្ឋមន្ត្រីទាំងពីររូបនេះ ធ្លាប់មានជម្លោះរួចមកហើយកាលពីដើមឆ្នាំនេះ នៅពេលដែលនាយករដ្ឋមន្រ្តីអ៊ីស្រាអែល លោក Benjamin Netanyahu បានបណ្តេញលោក Gallant ចេញពីតំណែង ជុំវិញការប្រឆាំងរបស់លោកចំពោះផែនការប្រកួតប្រជែងដ៏ជូរចត់របស់រដ្ឋាភិបាលក្នុងការផ្លាស់ប្តូរប្រព័ន្ធតុលាការ មុនពេលលុបចោលការសម្រេចនោះវិញនៅចំពោះមុខការប្រឆាំងដ៏ធំពីសាធារណៈជន៕

ព្យុះ Ciaran បានវាយបោកបក់មកលើឆ្នេរភាគខាងត្បូងចក្រភពអង់គ្លេស

រលកខ្ពស់ៗ បានវាយខ្ទប់មកលើជញ្ជាំងផ្លូវតាមបណ្តោយឆ្នេរសមុទ្រ កាលពីថ្ងៃពុធ ខណៈព្យុះ Ciaran បានវាយបោកបក់មកលើទីក្រុង Penzance ក្នុងតំបន់លំហែរកាយ នៅឆ្នេរភាគខាងត្បូងប្រទេសអង់គ្លេស។អង្គភាពសេវាអាកាសធាតុជាតិចក្រភពអង់គ្លេសបាននិយាយថា ព្យុះ Ciaran នឹងឆ្លងកាត់ ទៅភាគខាងត្បូង ចូលពាក់កណ្តាលចក្រភពអង់គ្លេសនៅល្ងាចថ្ងៃពុធនិងថ្ងៃព្រហស្បតិ៍នេះ។ការិយាល័យឧត្តុនិយម បាននិយាយថាខ្យល់បក់ខ្លាំង អាចវាយបក់នៅតាមតំបន់ឆ្នេរភាគខាងត្បូងរបស់ប្រទេសអង់គ្លេស ជាកន្លែងដែលមានសន្ទុះខ្យល់ពី៧០ ទៅ៨០ ម៉ាយស៍ក្នុងមួយម៉ោង ដែលអាចកើតមាននៅទីតាំងដែលបានបង្ហាញមួយចំនួននឹងត្រូវរងការវាយបោកបក់ដោយព្យុះ មានល្បឿនលើសពី ៨៥ ម៉ាយស៍ក្នុងមួយម៉ោង។

ទាហានអ៊ីស្រាអែល បង្ហាញសព្វាវុធ ដែលត្រូវបានប្រើប្រាស់ដោយក្រុមហាម៉ាស់ ក្នុងការវាយប្រហារកាលពីថ្ងៃទី៧ ខែតុលា

កាលពីថ្ងៃពុធ ទាហានអ៊ីស្រាអែល បានបង្ហាញទីតាំងលាក់អាវុធដ៏ធំ និងគ្រឿងផ្គត់ផ្គង់ យកមកពីក្រុមសកម្មជនហាម៉ាស់ បន្ទាប់ពីការវាយប្រហារកាលពីថ្ងៃទី៧ ខែតុលា។ សព្វាវុធដែលរឹបអូសបានរួមមាន អាវុធប្រភេទបេRPG របស់ក្រុមហាម៉ាស់ គ្រាប់បែកបំផ្លាញសិរីរាង្គ គ្រាប់រ៉ុក្កែត និងសព្វាវុធផ្សេងៗទៀត។រថក្រោះរបស់អ៊ីស្រាអែល កំពុងមានសកម្មភាពនៅក្នុងតំបន់ហ្កាហ្សា ក្នុងរយៈពេលយ៉ាងហោចណាស់៤ថ្ងៃមកនេះ បន្ទាប់ពីជាច្រើនសប្តាហ៍នៃការទម្លាក់គ្រាប់បែកតាមអាកាស ក្នុងការសងសិកសម្រាប់ការវាយប្រហារធ្វើឡើងដោយក្រុមសកម្មប្រយុទ្ធហាម៉ាស់ប៉ាឡេស្ទីនលើជនស៊ីវិលភាគច្រើន កាលពីថ្ងៃទី ៧ ខែតុលា និងបានចាប់មនុស្សជាចំណាប់ថ្នូរជាង២០០នាក់។ ក្រុមសកម្មប្រយុទ្ធ បានឆ្លើយតបវិញ ដោយមីស៊ីលប្រឆាំងរថក្រោះ និងការបាញ់កាំភ្លើងយន្ត។ ក្រុមសកម្មប្រយុទ្ធជាច្រើននាក់ត្រូវបានសម្លាប់ ប៉ុន្តែពុំបានបញ្ជាក់ច្បាស់ពីចំនួននោះទេ។

ប្រេស៊ីលនឹងដាក់ពង្រាយយោធានៅតាមអាកាសយានដ្ឋាន កំពង់ផែ និងព្រំដែនអន្តរជាតិសំខាន់ៗ ក្នុងការបង្ក្រាបឧក្រិដ្ឋកម្ម

ប្រធានាធិបតីប្រេស៊ីល លោក Luiz Inácio Lula da Silva បាននិយាយកាលពីថ្ងៃពុធថា លោកកំពុងបញ្ជូនកងកម្លាំងប្រដាប់អាវុធ ដើម្បីបង្កើនសន្តិសុខ នៅតាមអាកាសយានដ្ឋាន កំពង់ផែ និងព្រំដែនអន្តរជាតិសំខាន់ៗមួយចំនួនរបស់ប្រទេសនេះ ដែលជាផ្នែកនៃកិច្ចខិតខំប្រឹងប្រែងជាថ្មី ដើម្បីបង្ក្រាបឧក្រិដ្ឋកម្មដែលមានការរៀបចំ នៅក្នុងប្រទេសដ៏ធំបំផុតរបស់អាមេរិកឡាទីន។ការសម្រេចចិត្តនេះ កើតឡើងប៉ុន្មានថ្ងៃបន្ទាប់ពីសមាជិកនៃក្រុមឧក្រិដ្ឋជន បានដុតរថយន្តក្រុងរាប់សិបគ្រឿងក្នុងទីក្រុង Rio de Janeiro ដែលជាក់ស្តែងជាការសងសឹកចំពោះនគរបាលដែលបានសម្លាប់ក្មួយប្រុសរបស់មេដឹកនាំរបស់ពួកគេ។លោក Lula បាននិយាយក្នុងសន្និសីទកាសែតក្នុងទីក្រុងប្រេស៊ីលយ៉ា ( Brasilia) បន្ទាប់ពីបានចុះហត្ថលេខាលើក្រឹត្យនេះថា៖ «យើងបានឈានដល់ស្ថានភាពធ្ងន់ធ្ងរហើយ ដូច្នេះយើង បានសម្រេចចិត្តឲ្យរដ្ឋាភិបាលសហព័ន្ធចូលរួមយ៉ាងសកម្មជាមួយនឹងលទ្ធភាពទាំងអស់ក្នុងការជួយរដ្ឋាភិបាលរដ្ឋ និងប្រេស៊ីល ខ្លួនឯង ដើម្បីកម្ចាត់ឧក្រិដ្ឋកម្មដែលមានការរៀបចំនេះ»។ប្រទេសប្រេស៊ីល នឹងប្រមូលផ្តុំសមាជិកចំនួន ៣.៦០០នាក់នៃកងទ័ព កងទ័ពជើងទឹក និងទ័ពអាកាស ដើម្បីបង្កើនការល្បាត និងត្រួតពិនិត្យអាកាសយានដ្ឋានអន្តរជាតិក្នុងទីក្រុង Rio de Janeiro និង Sao Paulo ក៏ដូចជាកំពង់ផែសមុទ្រចំនួនពីរនៅ Rio និងកំពង់ផែ Santos របស់ Sao Paulo ដែលជាកំពង់ផែដ៏មមាញឹកបំផុតនៅអាមេរិកឡាទីន និងជាមជ្ឈមណ្ឌលនាំចេញកូកាអ៊ីន។

ទីភ្នាក់ងារជនភៀសខ្លួនអង្គការសហប្រជាជាតិ ព្រមានប៉ាគីស្ថាន អំពីការនិរទេសដោយបង្ខំពលរដ្ឋអាហ្វហ្គានីស្ថានដែលគ្មានឯកសារ

នគរបាល បានចាប់ផ្តើមរុះរើផ្ទះសង់ពីដីល្បប់ នៅក្នុងជំរំពលរដ្ឋអាហ្វហ្គានីស្ថានមួយកន្លែង នៅជាយក្រុងអ៊ីស្លាម៉ាបាដ កាលពីល្ងាចថ្ងៃពុធ ទី១ ខែ វិច្ឆិកា មុនពេលវេលាផុតកំណត់នៅពេលពាក់កណ្តាលអាធ្រាត សម្រាប់ជនភៀសខ្លួនគ្មានឯកសារ ឲ្យចាកចេញ បើមិនដូច្នេះទេត្រូវប្រឈមមុខការបណ្តេញចេញ។ទីភ្នាក់ងារជនភៀសខ្លួនអង្គការសហប្រជាជាតិ (UNHCR) កំពុងព្រមានថា ការបណ្តេញចេញតាមផែនការរបស់ប្រទេសប៉ាគីស្ថាន នូវជនជាតិបរទេសគ្មានឯកសារជាងមួយលាននាក់ ប្រឈមហានិភ័យ បង្កឲ្យមានមហន្តរាយសិទ្ធមនុស្ស។ កាលពីខែមុន ប្រទេសប៉ាគីស្ថាន បានកំណត់ថ្ងៃទី១ ខែវិច្ឆិកា ចាប់ផ្តើមកាលបរិច្ឆេទ សម្រាប់ការបណ្តេញចេញជនអន្តោប្រវេសន៍គ្មានឯកសារទាំងអស់ រួមមានទាំងពលរដ្ឋអាហ្វហ្គានីស្ថានរាប់ម៉ឺននាក់។ប្រទេសប៉ាគីស្ថាន បានលើកឡើងពីហេតុផលសន្តិសុខ ដោយមិនអើពើចំពោះការអំពាវនាវឲ្យពិចារណាឡើងវិញ ពីសំណាក់អង្គការសហប្រជាជាតិ ក្រុមសិទ្ធមនុស្ស និងស្ថានទូតប្រទេសលោកខាងលិច។ជនភៀសខ្លួននៅជំរំពលរដ្ឋអាហ្វហ្គានីស្ថានដែលត្រូវបានរុះរើ ត្រូវបានគេផ្តល់ពេល២សប្តាហ៍ដើម្បីសម្អាត បានត្អូញត្អែរថា ពួកគេពុំបានផ្តល់ឲ្យពេលវេលាគ្រប់គ្រាន់ឡើយ។ មួយចំនួនក្នុងចំណោមអ្នកទាំងនេះត្រូវបានបញ្ជាឲ្យចាកចេញ បានចំណាយពេលច្រើនទសវត្សរ៍ នៅក្នុងប្រទេសប៉ាគីស្ថាន។ ក្រសួងមហាផ្ទៃ បាននិយាយថាមនុស្ស១៤០.៣២២ នាក់ បានស្ម័គ្រចិត្តចាកចេញរួចហើយជាច្រើនថ្ងៃមកនេះ ដែលរថយន្តជាច្រើនគ្រឿង បានដាក់ឥវ៉ាន់គរខ្ពស់ និងដាក់ប្រជ្រៀតមនុស្ស ដែលបានធ្វើឲ្យស្ទះចរាចរណ៍ផ្លូវធំៗ ចេញក្រៅប្រទេសនេះ។

អ៊ីរ៉ង់ព្រមានអំពី«ផលវិបាកដ៏ធ្ងន់ធ្ងរ» ប្រសិនបើការវាយប្រហារនៅតំបន់ហ្កាហ្សា នៅតែបន្ត

រដ្ឋមន្ត្រីការបរទេសអ៊ីរ៉ង់លោក ហ៊ូសេន អាមីរ៉ាប់ឌូឡាហៀន (Hossein Amirabdollahian) បានព្រមានកាលពីថ្ងៃពុធអំពី «ផលវិបាកដ៏ធ្ងន់ធ្ងរ» ប្រសិនបើការវាយប្រហារនៅតែបន្តលើតំបន់ហ្កាហ្សាស្ទ្រីប ដែលជាការព្រមានចុងក្រោយបង្អស់ពីប្រទេសនេះ ដែលគាំទ្រក្រុមហាម៉ាសនៅតំបន់ហ្កាហ្សា និងកងជីវពល នៅកន្លែងផ្សេងទៀត ក្នុងតំបន់នេះ។លោក បាននិយាយនៅក្នុងទីក្រុងអង់ការ៉ាថា៖«ប្រសិនបើបទឈប់បាញ់ភ្លាមៗ មិនបានកើតឡើងនៅហ្កា ហ្សាស្ទ្រីប ហើយការវាយប្រហារយ៉ាងឆាប់រហ័សដោយសហរដ្ឋអាមេរិក និងរបបអ៊ីស្រាអែលនិយម នៅតែបន្ត នោះផលវិបាក នឹងកាន់តែធ្ងន់ធ្ងរឡើង» ។សហរដ្ឋអាមេរិក និងអ៊ីស្រាអែល បានវាយប្រហារទៅលើក្រុមជីវពលដែលគាំទ្រដោយអ៊ីរ៉ង់ នៅក្នុងតំបន់ធំទូលាយនេឡះ ដើម្បីឆ្លើយតបទៅនឹងអ្វីដែលពួកគេ បាននិយាយថា ជាការវាយប្រហារដែលមិនបង្កហេតុក្នុងរយៈពេលប៉ុន្មានសប្តាហ៍កន្លងមកនេះ ដែលបានជំរុញឲ្យមានការភ័យខ្លាចថា ជម្លោះតំបន់ហ្កាហ្សា អាចបង្កឲ្យក្លាយជាសង្រ្គាមកាន់តែទូលំទូលាយឡើង។ថ្លែងក្នុងសន្និសីទសារព័ត៌មានជាមួយសមភាគីទួរគី លោក អាមីរ៉ាប់ឌូឡាហៀន មិនបានផ្តល់ព័ត៌មានលម្អិតអំពីផែនការរបស់អ៊ីរ៉ង់ទេ។ប្រទេសនេះ និយាយថា ខ្លួនគាំទ្រក្រុមហាម៉ាស ប៉ុន្តែមិនបានដើរតួនាទីណាមួយក្នុងការវាយប្រហាររបស់ក្រុមសកម្មប្រយុទ្ធលើអ៊ីស្រាអែលកាលពីខែមុន។ ទាំងខ្លួន និងទួរគី បានថ្កោលទោសការទម្លាក់គ្រាប់បែកជាបន្តបន្ទាប់របស់អ៊ីស្រាអែល ទៅលើតំបន់ហ្កាហ្សា។

លោកនាយករដ្ឋមន្ត្រី អ៊ីស្រាអែល Netanyahu ប្រឈមសម្ពាធខ្លាំង ចំពោះមហន្តរាយរបស់ក្រុមហាម៉ាស

លោកនាយករដ្ឋមន្ត្រី អ៊ីស្រាអែល បេន ចាមីនណេតានយ៉ាហ៊ូ (Benjamin Netanyahu)បានសាងកេរ្តិ៍ឈ្មោះរបស់លោកក្នុងនាមជាអ្នកការពារសន្តិសុខដោយពឹងផ្អែកលើតួនាទីរបស់លោកនៅក្នុងអង្គភាពកងកម្លាំងសម្រាំង ដែលបានជួយរំដោះចំណាប់ខ្មាំងដ៏ក្លាហានបំផុតមួយចំនួនរបស់អ៊ីស្រាអែល។កេរដំណែលរបស់លោកជាមេដឹកនាំដែលកាន់អំណាចយូរជាងគេបំផុតរបស់ប្រទេសនេះ ឥឡូវនេះនឹងត្រូវបានបង្ហាញពីការបរាជ័យផ្នែកសន្តិសុខដ៏អាក្រក់បំផុតមួយដែលលោកបានដឹង និងដោយជោគវាសនានៃចំណាប់ខ្មាំងជាង ២០០ នាក់ដែលត្រូវបានចាប់ខ្លួនដោយខ្មាន់កាំភ្លើងក្រុមហាម៉ាសប៉ាឡេស្ទីនពីតំបន់ហ្កាហ្សា ដែលអ៊ីស្រាអែលបាននិយាយថាបានសម្លាប់មនុស្សជាង១.៤០០នាក់ នៅថ្ងៃដ៏សាហាវបំផុតក្នុងប្រវត្តិសាស្ត្រ រយៈពេល៧៥ ឆ្នាំ មកនេះ។ ទំហំនៃការសម្លាប់រង្គាល របួស និងរូបភាពនៃអំពើហិង្សាដែលកើតចេញពីសហគមន៍អ៊ីស្រាអែលភាគខាងត្បូងជុំវិញតំបន់ហ្កាហ្សា បានធ្វើឱ្យប្រទេសនេះរង្គោះរង្គើ។ក្នុងអាណត្តិទី៦របស់លោកជានាយករដ្ឋមន្ត្រី លោក Netanyahu វ័យ៧៤ឆ្នាំ ជាប្រធានក្រុមចម្រុះស្តាំនិយមជ្រុលបំផុតមួយរបស់អ៊ីស្រាអែល ហើយបានស្ថិតនៅក្រោមសម្ពាធកាន់តែខ្លាំងឡើង ខណៈភាពតក់ស្លុតដំបូងបានធ្វើឲ្យផ្ទុះកំហឹង ចំពោះការបរាជ័យ ដែលនាំឱ្យមានការវាយប្រហារកើតឡើង។ លោកបានបដិសេធមិនទទួលខុសត្រូវ ដោយគ្រាន់តែនិយាយថា គ្រប់គ្នានឹងត្រូវឆ្លើយសំណួរពិបាកៗ នៅពេលសង្រ្គាមជាមួយក្រុមហាម៉ាសបញ្ចប់ ហើយនៅក្នុងសន្និសីទសារព័ត៌មានដ៏កម្រមួយរបស់លោក លោកបានច្រានចោលសំណួរដែលសួរថាតើរូបលោកនឹងលាលែងពីតំណែងដែរឬទេ។ ការស្ទង់មតិរបស់កាសែត ម៉ារីវ (Maariv) កាលពីថ្ងៃទី ១៨-១៩ ខែតុលា បានបង្ហាញថា អតីតរដ្ឋមន្ត្រីក្រសួងការពារជាតិ លោក បេនី ហ្គានស៍ (Benny Gantz) ប្រធានគណបក្សប្រឆាំងកណ្តាលនិយមនៅក្នុងរដ្ឋាភិបាលរួបរួមដែលបានបង្កើតថ្មី ក្រុមអ្នកឆ្លើយតបបានបង្ហាញការពេញចិត្ត ចំនួន៤៨% ឲ្យលោកលោកធ្វើជានាយករដ្ឋមន្ត្រី បើធៀបនឹង ២៨% សម្រាប់លោក Netanyahu ៕

មនុស្សជាង១០.០០០នាក់បានស្លាប់នៅក្នុងជម្លោះអ៊ីស្រាអែល និងក្រុមហាម៉ាស ខណៈសង្រ្គាមនៅតែបន្ត

ចំនួនអ្នកស្លាប់ពីការប៉ះទង្គិចគ្នារវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន ហាម៉ាស បានកើនឡើងដល់ជាង ១០.០០០នាក់ កាលពីថ្ងៃពុធ (១ វិច្ឆិកា) ដោយមិនមានសញ្ញាណាមួយនៃការថយចុះនៅក្នុងការវាយប្រហាររបស់អ៊ីស្រាអែល ប្រឆាំងនឹងតំបន់ហ្កាហ្សា ស្ទ្រីប ដែលគ្រប់គ្រងដោយក្រុមហាម៉ាស ឡើយចាប់តាំងពីសង្រ្គាមបានចាប់ផ្តើមកាលពីខែមុនមក។ ក្រុមអាជ្ញាធរសុខាភិបាលតំបន់ហ្កាហ្សា បាននិយាយនៅថ្ងៃដដែលនោះថា ចំនួនអ្នកស្លាប់នៅក្នុងតំបន់ហ៊ុមព័ទ្ធរបស់ប៉ាឡេស្ទីនមួយនេះ បានកើនឡើងដល់ ៨.៧៩៦នាក់ ខណៈភាគីអ៊ីស្រាអែល បានមើលឃើញមនុស្សជាង ១.៤០០នាក់ ត្រូវបានសម្លាប់។ ទន្ទឹមនឹងនេះដែរ មនុស្សរាប់សិបនាក់មកពីតំបន់ហ្កាហ្សា បានទៅដល់ប្រទេសអេហ្ស៊ីប តាមច្រកព្រំដែនរ៉ាហ្វាហ្វ កាលពីថ្ងៃពុធ នេះបើយោងតាមសារព័ត៌មាន AP ដោយបន្ថែមថា វាហាក់ដូចជាជាលើកដំបូងហើយ ដែលពលេដ្ឋកាន់លិខិតឆ្លងដែនបរទេស ត្រូវបានអនុញ្ញាតឱ្យចាកចេញពីតំបន់ហ្កាហ្សា ចាប់តាំងពីសង្រ្គាមបានចាប់ផ្តើម បន្ទាប់ពីការវាយប្រហារដ៏គួរឱ្យភ្ញាក់ផ្អើលកាលពីថ្ងៃទី៧ ខែតុលា ដោយក្រុមហាម៉ាស លើប្រជាជាតិជ្វីហ្វ មក។ គួររម្លឹកផងដែរថា ក្រុមហាម៉ាស ដែលគ្រប់គ្រងតំបន់ហ្កាហ្សា ស្ទ្រីប បានបើកការវាយប្រហារដ៏គួរឱ្យភ្ញាក់ផ្អើលមួយលើអ៊ីស្រាអែលកាល ពីថ្ងៃទី៧ ខែតុលា។ ជាការឆ្លើយតប យោធាអ៊ីស្រាអែល បានធ្វើការវាយប្រហារតាមអាកាសសំដៅលើទីតាំង និងទីស្នាក់ការកណ្តាលជាច្រើនរបស់ក្រុមហាម៉ាស នៅក្នុងតំបន់ឆ្នេរហ៊ុមព័ទ្ធមួយនេះ ហើយការប្រយុទ្ធគ្នាចុងក្រោយបំផុតនេះ បាននាំឱ្យមានអ្នកស្លាប់ និងរងរបួសយ៉ាងច្រើនសន្ធឹកសន្ធាប់សម្រាប់ភាគីជម្លោះទាំងសងខាង៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីការពារជាតិអ៊ុយក្រែន៖ក្រុងគីវកំពុងចុះកិច្ចសន្យាផ្គត់ផ្គង់មីស៊ីលប៉ាទ្រីយ៉ូតប្រហែល១.០០០ គ្រាប់ពីសម្ព័ន្ធមិត្ត

អ៊ីស្រាអែលបញ្ជាឲ្យបិទស្ថានកុងស៊ុលអង់គ្លេសនៅក្រុងហ្សេរុយសាឡឹមខាងកើត បន្ទាប់ពីអង់គ្លេស បារាំង និងកាណាដាដាក់ទណ្ឌកម្ម

បញ្ហាគ្រប់គ្រងចរាចរណ៍ផ្លូវអាកាស ធ្វើឲ្យរំខានដល់ជើងហោះហើរនៅអាកាសយានដ្ឋានធំៗរបស់អង់គ្លេស

សង្គ្រាមមជ្ឈិមបូព៌ារីករាលដាល ខណៈក្រុមហ៊ូទីវាយប្រហារទីក្រុងនានារបស់អារ៉ាប៊ីសាអ៊ូឌីត និងអាមេរិកវាយប្រហារនាវាដឹកប្រេងអ៊ីរ៉ង់

ក្រសួងការងារ សហការជាមួយគម្រោង ILO-BFC រៀបចំកិច្ចពិភាក្សាជាមួយតំណាងម្ចាស់ម៉ាកអន្តរជាតិដើម្បីបង្កើនការយកចិត្តទុកដាក់លើសុវត្ថិភាព និងសុខភាពការងារដល់បងប្អូនកម្មករនិយោជិត

ក្រុមហ៊ុន មិត្តហ្វូន និងក្រសួងទេសចរណ៍ ចុះអនុស្សរណៈនៃការយោគយល់គ្នា បើកសម្ពោធកម្មវិធី «ស្រុកខ្ញុំ ម្ហូបខ្ញុំ» ដើម្បីជំរុញសក្ដានុពលទេសចរណ៍ និងម្ហូបអាហារខ្មែរ

គណៈបញ្ជាការឯកភាពរាជធានី បន្តបង្ក្រាបអនឡាញស្គេម នៅទីតាំងមួយកន្លែង ខណ្ឌពោធិ៍សែនជ័យ ឃាត់ជនបរទេស១៧នាក់

កម្ពុជាតវ៉ាចំពោះការរំលោភបំពានជាបន្តបន្ទាប់របស់ថៃលើអធិបតេយ្យ និងបូរណភាពទឹកដីកម្ពុជា

មន្រ្តីជាន់ខ្ពស់ គ.ជ.គ.ម. ចុះពិនិត្យការងារគ្រោះមហន្តរាយ និងសួរសុខទុក្ខភៀសសឹក ក្នុងខេត្តបន្ទាយមានជ័យ និងខេត្តឧត្តរមានជ័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877