BTV NEWS

គិតពីឆ្នាំ២០២៣មក សមត្ថកិច្ចបង្ក្រាបបទល្មើសគ្រឿងញៀនជាង៣ម៉ឺនករណី និងឃាត់ខ្លួនមនុស្សជិត៩ម៉ឺននាក់ និងរឹបអូសសារធាតុញៀនគ្រប់ប្រភេទជាង ២៦តោន

ស្នងការខេត្តកំពតបន្តតាមដានមន្ត្រីនគរបាល២រូបចំពោះរបាយការណ៍មិនប្រក្រតីអំពីគ្រោះថ្នាក់ចរាចរ

រាជរដ្ឋាភិបាលកម្ពុជា បានចាត់វិធានការក្ដៅ លើទីតាំងកាស៊ីណូ ពាក់ព័ន្ធនឹងសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS)

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

សន្តិសុខ និង សង្គម

មនុស្សយ៉ាងហោចណាស់៥នាក់ បានស្លាប់បន្ទាប់ពីព្យុះមួយវាយប្រហារអឺរ៉ុបខាងជើង

នគរបាលអង់គ្លេសបាននិយាយកាលពីថ្ងៃអាទិត្យ (២២ តុលា) ថា ជនរងគ្រោះទីបួនបានស្លាប់ក្នុងប្រទេសអង់គ្លេស ក្នុងអំឡុងពេលព្យុះមួះយបានវាយលុកចក្រភពអង់គ្លេស និងអឺរ៉ុបខាងជើង ជាមួយនឹងខ្យល់បក់បោកខ្លាំង និងភ្លៀងធ្លាក់យ៉ាងខ្លាំង ដែលធ្វើឱ្យចំនួនអ្នកស្លាប់ដោយសារព្យុះឈ្មោះ បាបេត (Babet) ដែលបានដាក់ដោយការិយាល័យឧតុនិយមរបស់ចក្រភពអង់គ្លេស កើនឡើងដល់ ៥នាក់ រួមទាំងការស្លាប់មួយករណីនៅប្រទេសអាល្លឺម៉ង់ផងដែរ។នៅប្រទេសអង់គ្លេស បុរស និងស្ត្រីម្នាក់បានស្លាប់បាត់បង់ជីវិត បន្ទាប់ពីត្រូវទឹកជំនន់ហូរនាំយកទៅ និងបុរសម្នាក់ទៀតបានស្លាប់ពេលដើមឈើរលំសង្កត់លើរថយន្តរបស់ខ្លួន ហើយស្ត្រី វ័យ៨០ឆ្នាំម្នាក់ ត្រូវបានគេប្រទះឃើញស្លាប់នៅផ្ទះ ដែលការស្លាប់នោះត្រូវបានផ្សារភ្ជាប់ទៅនឹងទឹកជំនន់នៅក្នុងតំបន់ផងដែរ។ នៅប្រទេសអាឡឺម៉ង់ ស្ត្រីវ័យ៣៣ឆ្នាំម្នាក់ បានស្លាប់នៅពេលដែលដើមឈើមួយដើ មបានធ្លាក់លើរថយន្តរបស់ខ្លួន នៅលើកោះ ហ្វេសម៉ាន (Fehmarn) នៃសមុទ្របាល់ទិក កាលពីថ្ងៃសុក្រ។ ទឹកជំនន់ដ៏អាក្រក់បំផុតមួយចំនួន គឺកើតឡើងនៅភាគខាងកើតដែនដីស្កុតឡែន ជាទីដែលប្រជាជនជាង ៣០០គ្រួសារត្រូវបានជម្លៀសចេញ។ អាកាសធាតុបានស្ងប់ស្ងាត់បន្តិចកាលពីថ្ងៃអាទិត្យ ប៉ុន្តែទឹកជំនន់នៅតែបន្តបង្កឱ្យមានការរំខានដល់ការធ្វើដំណើរតាមផ្លូវ និងផ្លូវដែកឆ្លងកាត់តំបន់ដ៏ធំមួយ នៃភាគកណ្តាល និងភាគខាងជើងនៃប្រទេសអង់គ្លេស។ ទីភ្នាក់ងារបរិស្ថានបានចេញការព្រមានទឹកជំនន់ជាង ២០០ដង សម្រាប់ផ្នែកខ្លះនៃប្រទេសអង់គ្លេស ហើយបាននិយាយថា ទន្លេសំខាន់ៗអាចនៅតែជន់លិចរហូតដល់ថ្ងៃអង្គារខាងមុខនេះផងដែរ៕

មន្ទីរពេទ្យទាំងអស់នៅតំបន់ហ្កាហ្សា អស់ប្រេងឥន្ធនៈបម្រុងសម្រាប់ដំណើរការ ខណៈជម្លោះនៅតែបន្ត

យោងតាមអ្នកនាំពាក្យរបស់អាជ្ញាធរសុខាភិបាលដែនដីហ្កហ្សា បាននិយាយកាលពីថ្ងៃអាទិត្យ (២២ តុលា) ថា មន្ទីរពេទ្យទាំងអស់នៅទូទាំងតំបន់ហ្កាហ្សា ស្ទ្រីប បានអស់ស្តុកប្រេងឥន្ធនៈបម្រុង ដែលធ្វើឲ្យជីវិតអ្នកជំងឺរាប់ពាន់នាក់ប្រឈមនឹងហានិភ័យ ព្រមទាំងធ្វើឱ្យស្ថានភាពមនុស្សធម៌ដ៏ធ្ងន់ធ្ងររួចទៅហើយនៅក្នុងតំបន់ហ៊ុមព័ទ្ធនេះ កាន់តែអាក្រក់ទៅៗ។បន្ទាប់ពីការវាយប្រហាររបស់ក្រុមសកម្មប្រយុទ្ធហាម៉ាស កាលពីថ្ងៃទី៧ ខែតុលា អ៊ីស្រាអែលបានបិទច្រកព្រំដែនពីររបស់ខ្លួនជាមួយតំបន់ហ្កាហ្សា ហើយបានដាក់ «ការឡោមព័ទ្ធទាំងស្រុង» លើដែនដីនេះ ដោយរារាំងការផ្គត់ផ្គង់ប្រេងឥន្ធនៈ អគ្គិសនី និងទឹកផងដែរ។ បញ្ហានេះបានបង្ខំឱ្យមន្ទីរពេទ្យនៅទូទាំងតំបន់ហ៊ុមព័ទ្ធ ដែលពឹងផ្អែកលើអ៊ីស្រាអែលប្រហែល២ ភាគ៣ នៃអគ្គិសនីរបស់ខ្លួន បង្វែរការពឹងផ្អែកលើប្រេងឥន្ធនៈបម្រុងសម្រាប់ប្រតិបត្តិការសង្រ្គោះជនរងគ្រោះ។អ្នកនាំពាក្យអាជ្ញាធរសុខាភិបាលនៃតំបន់នេះបាននិយាយថា ជំនួយផ្គត់ផ្គង់វេជ្ជសាស្រ្ត ដែលទើបមកដល់ថ្មី គឺមិនទាន់គ្រប់គ្រាន់ក្នុងការបំពេញតម្រូវការ ដែលកំពុងកើនឡើងរបស់ពលរដ្ឋហ្កាហ្សានៅឡើយទេ ហើយយន្តការជំនួយមនុស្សធម៌បច្ចុប្បន្ន បានបរាជ័យក្នុងការនាំមកនូវការផ្លាស់ប្តូរដ៏មានអត្ថន័យចំពោះវិបត្តិមនុស្សធម៌នៃទឹកដីនេះ។អង្គការសុខភាពពិភពលោក (WHO) បានព្រមានកាលពីថ្ងៃទី១២ ខែតុលា ថា ប្រព័ន្ធសុខាភិបាលនៅតំបន់ហ្កាហ្សា គឺស្ថិតនៅ «ចំណុចមិនអាចគ្រប់គ្រងបាន»។ អាជ្ញាធរសុខាភិបាលរបស់ដែនដីនេះ បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ចំនួនអ្នកស្លាប់របស់ជនជាតិប៉ាឡេស្ទីន ពីការវាយប្រហារតាមអាកាសរបស់អ៊ីស្រាអែល ទៅលើតំបន់ហ្កាហ្សា បានកើនឡើងដល់ជាង ៤.៦៥១នាក់ និងមនុស្សជាង ១៤.២៤៥នាក់ផ្សេងទៀត ក៏បានរងរបួសផងដែរ៕

ជនភៀសខ្លួនប៉ាឡេស្ទីន បានបង្កើតជំរំថ្មី នៅតំបន់ហ្កាហ្សា ខណៈរងការគម្រាមកំហែងពីការវាយប្រហារតាមអាកាស

ការវាយប្រហារតាមអាកាសរបស់អ៊ីស្រាអែល ត្រូវបានគេឃើញកាលពីថ្ងៃអាទិត្យ (២២ តុលា) ពីលើជំរំថ្មីដែលបង្កើតឡើង សម្រាប់ប្រជាជនប៉ាឡេស្ទីន ដែលទើបផ្លាស់ទីលំនៅ នៅទីក្រុង ខាន់ យ៉ូនីស (Khan Younis) ភាគខាងត្បូងនៃតំបន់ហ្កាហ្សា ខណៈពលរដ្ឋជាច្រើនព្រួយបារម្ភពីការវាយប្រហារដែលអាចកើតមាន។ ការវាយប្រហារតាមអាកាសនោះ បានធ្លាក់ទៅលើទីក្រុង ខាន់ យ៉ូនីស ប៉ុន្តែគេមិនទាន់ដឹងថាមានអ្វីខ្លះត្រូវបានវាយប្រហារនោះទេ។អ៊ីស្រាអែលបានជំរុញឱ្យពលរដ្ឋហ្កាហ្សា ផ្លាស់ទីពីភាគខាងជើងតំបន់ហ្កាហ្សា ទៅភាគខាងត្បូងនៃតំបន់នេះ ខណៈខ្លួនបានវាយលុកតំបន់ជុំវិញ ដោយការវាយប្រហារតាមអាកាស ចាប់តាំងពីក្រុមសកម្មប្រយុទ្ធប៉ាឡេស្ទីន ហាម៉ាស បានបើកការវាយប្រហារយ៉ាងបង្ហូរឈាមទៅលើដីអ៊ីស្រាអែល កាលពីថ្ងៃទី៧ ខែតុលា ដោយបានសម្លាប់មនុស្សរាប់ពាន់នាក់មក។ អ៊ីស្រាអែលបានប្រមូលផ្តុំកងទ័ព និងពាសដែកយ៉ាងច្រើន នៅតាមព្រំដែនជាមួយតំបន់ហ្កាហ្សា មុនពេលការលុកលុយតាមដីគោកដែលរំពឹងទុក អាចកើតឡើង ដោយនេះអាចបញ្ជាក់ថា សុបិន្តអាក្រក់សម្រាប់ប្រជាជនតំបន់ហ្កាហ្សា នៅមិនយូរទៀតនោះទេ៕

មនុស្សជាង៦.១០០នាក់ស្លាប់ ក្នុងជម្លោះអ៊ីស្រាអែល-ប៉ាឡេស្ទីន ដែលកាន់តែរីកធំ

ជម្លោះអ៊ីស្រាអែល-ប៉ាឡេស្ទីន ដែលនៅតែបន្ត បានឆក់យកអាយុជីវិតមនុស្សជាង៦.១០០នាក់ នៅភាគីទាំងសងខាង ខណៈអំពើហិង្សារីកកាន់តែធំឈានចូលដល់រយៈពេល១៧ថ្ងៃ នៅថ្ងៃចន្ទនេះ។ យោងតាមក្រសួងសុខាភិបាលអ៊ីស្រាអែល បានឲ្យដឹងកាលពីថ្ងៃអាទិត្យថា មនុស្សជាង១.៤០០នាក់ បានស្លាប់ និង៥.៤៣១នាក់បានរងរបួស នៅខាងភាគីអ៊ីស្រាអែល ចាប់តាំងពីជុំថ្មីនៃជម្លោះអ៊ីស្រាអែល-ប៉ាឡេស្ទីន បានផ្ទុះឡើងកាលពីថ្ងៃទី៧ ខែតុលា។ ទន្ទឹមនឹងនេះ យោងតាមតួលេខចុងក្រោយដែលបានចេញផ្សាយដោយក្រសួងសុខាភិបាលប៉ាឡេស្ទីន បានឲ្យដឹងថា ពលរដ្ឋប៉ាឡេស្ទីនសរុប ៤.៧៤១នាក់ នៅក្នុងតំបន់ហ្កាហ្សា និង West Bank បានស្លាប់ និងជាង១៥.០០០នាក់ បានរងរបួស។ ក្នុងចំណោមអ្នកស្លាប់ ៤.៦៥១នាក់ បានស្លាប់នៅក្នុងហ្កាហ្សា និង៩០នាក់ ស្លាប់នៅក្នុងតំបន់ West Bank ។យោងតាមប្រព័ន្ធផ្សព្វផ្សាយក្នុងតំបន់ បានឲ្យដឹងថា រដ្ឋមន្ត្រីការពារជាតិអ៊ីស្រាអែល លោក Yoav Gallant បាននិយាយកាលពីថ្ងៃអាទិត្យថា ការវាយលុកតាមដីគោកនៅពេលខាងមុខរបស់អ៊ីស្រអែល ក្នុងតំបន់ហ្កាហ្សា អាចមានរយៈពេល៣ខែ ប៉ុន្តែវានឹងមានរយៈពេលវែងជាងនេះ ខណៈអ៊ីស្រាអែលនឹងធ្វើឲ្យបានជោគជ័យក្នុងការលុបបំបាត់ក្រុមហាម៉ាស់។ក្រុមហាម៉ាស់ ដែលគ្រប់គ្រងនៅតំបន់ហ្គាហ្សា បានចាប់ផ្តើមការវាយលុកដ៏ខ្លាំងក្លាទៅលើប្រទេសអ៊ីស្រាអែល កាលពីថ្ងៃទី៧ ខែតុលា។ ជាការឆ្លើយតប យោធាអ៊ីស្រាអែល បានបើកការវាយប្រហារតាមអាកាស ដាក់គោលដៅលើទីតាំងនិងទីបញ្ជាការក្រុមហាម៉ាស់ នៅក្នុងតំបន់ហ៊ុមព័ទ្ធឆ្នេរ។ ជុំថ្មីនៃសង្គ្រាមនេះបានបណ្តាលឲ្យមានអ្នកស្លាប់ និងរងរបួសច្រើននៅភាគីទាំងសងខាង។

ឧបនាយករដ្ឋមន្រ្តី នេត សាវឿន៖ គ្រឿងញៀនត្រូវបានចាត់ទុកស្មើនឹងរឿងសន្តិសុខជាតិ ដូច្នេះត្រូវរួមគ្នាទប់ស្កាត់ឲ្យបាន

ភ្នំពេញ៖ ឧបនាយករដ្ឋមន្រ្តី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀនឯកឧត្តម នេត សាវឿន បានថ្លែងថា ករណីគ្រឿងញៀនត្រូវបានរាជរដ្ឋាភិបាលអាណត្តិទី៧នេះ ចាត់ទុកស្មើនឹងបញ្ហាសន្តិសុខជាតិ ដូច្នេះគ្រប់ភាគីពាក់ព័ន្ធទាំងអស់ចាប់ពីពេលនេះតទៅត្រូវរួមគ្នាទប់ស្កាត់ និងលុបបំបាត់ឲ្យខាងតែបាន ខណៈសព្វថ្ងៃនេះ គ្រឿងញៀនបានរីករាលដាលកាន់តែច្រើន ពោលគឺរហូតដល់ជនបទតែម្តង។ថ្លែងនៅក្នុងកិច្ចប្រជុំ ស្តីពីការប្រកាសសមាសភាពបន្ថែម នៃអាជ្ញាធរជាតិប្រយុទ្ធប្រឆាំងគ្រឿងញៀន នាព្រឹកថ្ងៃទី២៣ ខែតុលា ឆ្នាំ២០២៣នេះនៅវិមានសន្តិភាព ឯកឧត្តមឧបនាយករដ្ឋមន្រ្តី នេត សាវឿន បានបញ្ជាក់ថា យុទ្ធសាស្រ្តរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានចាត់ទុកគ្រឿងញៀនជាមុំមួយ ឬជាស្នូលមួយក្នុងយុទ្ធសាស្រ្តបច្ចកោណរបស់រាជរដ្ឋាភិបាល ដោយសម្តេចចាត់ទុកគ្រឿងញៀននេះស្មើនឹងសន្តិសុខជាតិ សណ្តាប់ធ្នាប់សង្គម ដោយសារតែបញ្ហាគ្រឿងញៀននេះហើយ នាពេលអនាគតយុវជនយើង និងស្រុកយើងបាត់បង់សមត្ថភាព បាត់បង់ពលកម្ម បាត់បង់បញ្ញាញាណ និងបាត់បង់ធនធានមនុស្សជាដើម។ឯកឧត្តមឧបនាយករដ្ឋមន្រ្តី នេត សាវឿន ក៏បានឲ្យដឹងផងដែរថា ប្រទេសកម្ពុជាថ្វីត្បិតតែជាប្រទេសមិនបានកែច្នៃ និងផលិតគ្រឿងញៀនក៏ពិតមែន ប៉ុន្តែកម្ពុជាត្រូវបានគេនាំចេញ និងនាំចូលឆ្លងកាត់ ខណៈបច្ចុប្បន្នមានការកើនឡើងគួរឲ្យព្រួយបារម្ភ ដូច្នេះហើយបានជាសម្តេចធិបតី ហ៊ុន ម៉ាណែត នាយក រដ្ឋមន្រ្តី បានសម្រេចបង្កើនសមាសភាពបន្ថែមរហូតដល់២៤ក្រសួងស្ថាប័នដើម្បីរួមគ្នាទប់ស្កាត់ និងបង្រ្កាប ករណីនេះឲ្យបានក្នុងគោលបំណងថែរក្សាសន្តិសុខ សណ្តាប់ធ្នាប់ជាតិទាំងមូល។ជាមួយគ្នានោះដែរ ឯកឧត្តមឧបនាយករដ្ឋមន្រ្តី នេត សាវឿន ក៏បានស្នើឲ្យមានការដកចេញពី ក្របខណ្ឌ ក្រោយរកឃើញមន្រ្តីនគរបាលណាដែលប្រើប្រាស់ និងជាប់ពាក់ព័ន្ធគ្រឿងញៀន ខណៈករណីនេះ ឯកឧត្តមបានកោតសរសើរ ដល់ក្រសួងការពារជាតិអនុវត្តបានយ៉ាងល្អ នឹងធ្វើការដកឈ្មោះចេញ ពីក្របខណ្ឌក្រោយមន្រ្តីយោធារបស់ខ្លួនប្រើប្រាស់គ្រឿងញៀននោះ៕អត្ថបទ បាន ចក់

អ៊ីស្រាអែលវាយប្រហារបន្ទាយរបស់ក្រុមឧទ្ទាមហេសបូឡា ចំនួនពីរទីតាំងនៅប្រទេសលីបង់

យោធារបស់អ៊ីស្រាអែលបាននិយាយថា យន្តហោះរបស់ខ្លួន បានវាយប្រហារទៅលើបន្ទាយរបស់ក្រុមឧទ្ទាម ហេសបូឡា ចំនួនពីរកន្លែង ក្នុងប្រទេសលីបង់ នៅព្រឹកថ្ងៃចន្ទ (២៣ តុលា) នេះ ដែលគ្រោងនឹងបាញ់មីស៊ីលប្រឆាំងរថក្រោះ និងគ្រាប់រ៉ូកែតជាច្រើនឆ្ពោះទៅកាន់ប្រទេសអ៊ីស្រាអែល ខណៈការប្រយុទ្ធគ្នាបានផ្ទុះឡើងនៅទូទាំងព្រំដែនរបស់ប្រទេសទាំងពីរ។ក្រុមហេសបូឡា បាននិយាយថា យុទ្ធជនម្នាក់ក្នុងចំណោមអ្នកប្រយុទ្ធរបស់ខ្លួនត្រូវបានសម្លាប់ ដោយមិនបានផ្តល់ព័ត៌មានលម្អិតនោះទេ។ ទីភ្នាក់ងារសារព័ត៌មានរដ្ឋរបស់ប្រទេសលីបង់ NNA បានរាយការណ៍ថា មានការវាយប្រហារតាមអាកាសរបស់អ៊ីស្រាអែលមួយ ទៅលើជាយក្រុងអៃតារ៉ូន (Aitaroun) ភាគខាងត្បូងប្រទេសលីបង់ ប៉ុន្តែក៏មិនបានផ្តល់ព័ត៌មានលម្អិតផងដែរ។បន្តិចក្រោយមក អ៊ីស្រាអែលបាននិយាយថា ខ្លួនបានវាយប្រហារទៅលើគោលដៅរបស់ក្រុមហេសបូឡា បន្ថែមទៀត រួមទាំងបរិវេណ និងប៉ុស្តិ៍សង្កេតការណ៍មួយផងដែរ ហើយមិនទាន់មានរបាយការណ៍ភ្លាមៗអំពីអ្នករបួស ឬការខូចខាតនោះទេ៕

នគរបាលចាប់ខ្លួនបាតុករជាច្រើននាក់ ក្នុងការតវ៉ាគាំទ្រប៉ាឡេស្ទីន ដោយគ្មានការអនុញ្ញាត នៅប្រទេសអាល្លឺម៉ង់

នគរបាលនៅទីក្រុងប៊ែរឡាំង របស់ប្រទេសអាល្លឺម៉ង់ បានចាប់ខ្លួនមនុស្សជាច្រើននាក់ នៅពេលដែលពួកគេបានបំបែកបាតុកម្មគាំទ្រប៉ាឡេស្ទីន ដែលគ្មានការអនុញ្ញាត កាលពីថ្ងៃអាទិត្យ (២២ តុលា)។ មនុស្សប្រហែល ៣០០នាក់ បានប្រមូលផ្តុំគ្នានៅកណ្តាលទីលានចតុរង្គរបស់ទីក្រុង ផតស៎ឌែម (Potsdam) នៅមិនឆ្ងាយប៉ុន្មានពីច្រក ប្រ៊ែនឌែនប៊ឺក (Brandenburg) ជាទីដែលប្រធានាធិបតីអាល្លឺម៉ង់ លោក Frank-Walter Steinmeier កំពុងថ្លែងសុន្ទរកថាក្នុងមហាសន្និបាតសាមគ្គីមួយ ហើយបានជំរុញឱ្យអ្នកចូលរួម ក្រោកឈរប្រឆាំងនឹងពួកប្រឆាំងសាសនានិយម។ជាមួយនឹងប្រជាជនប៉ាឡេស្ទីនប្រមាណ ៣០.០០០នាក់ ទីក្រុងប៊ែរឡាំង មានសហគមន៍ជនភៀសខ្លួនដ៏ធំបំផុតមួយនៅខាងក្រៅមជ្ឈិមបូព៌ា ហើយកំពុងមានការព្រួយបារម្ភចំពោះជម្លោះនៅតំបន់ហ្កាហ្សា ថាជម្លោះនោះនឹងកើនឡើងកាន់តែខ្លាំងក្លា។ទោះបីជាការតវ៉ាដែលគាំទ្រប៉ាឡេស្ទីន ភាគច្រើនបានបង្ហាញយ៉ាងច្បាស់ថា ការផ្តោតរបស់បាតុករ គឺទៅលើស្ថានភាពមនុស្សធម៌ នៅក្នុងតំបន់ហ្កាហ្សា និងមិនមែនគាំទ្រក្រុមហាម៉ាស ក៏ដោយ ក៏ប៉ុន្តែការតវ៉ាដោយគ្មានការអនុញ្ញាតទាំងអស់ត្រូវបានហាមឃាត់ក្នុងប្រទេសអាល្លឺម៉ង់ ដោយនគរបាលបានប្រើថ្នាំបាញ់ផ្សែងម្រេច ដើម្បីបំបែកការប្រមូលផ្តុំតវ៉ា ដែលបង្កឱ្យមានការចោទប្រកាន់ពីការរើសអើងសាសនាទាំងនោះផងដែរ៕

ប្រធានាធិបតី៖ ការគំរាមកំហែងដល់អាយុជីវិតជនជាតិជ្វីហ្វ នៅអាល្លឺម៉ង់ បង្កជាកំហឹង

ប្រធានាធិបតីអាល្លឺម៉ង់លោក Frank-Walter Steinmeier ( ហ្វ្រង់ វ៉លទ័រ ស្តាញម៉ាយើ) បាននិយាយកាលពីថ្ងៃអាទិត្យថា វាបានបង្កជាកំហឹងខណៈស្ថាប័នជនជាតិជ្វីហ្វនៅប្រទេសអាល្លឺម៉ង់ ទាមទារការការពារសន្តិសុខ ចាប់តាំងពីការវាយប្រហាររបស់ក្រុមហាម៉ាស់ ទៅលើប្រទេសអ៊ីស្រាអែល រយៈពេល២សប្តាហ៍មកនេះ ដែលជំរុញឲ្យមានអ្នកមកចូលរួមនៅក្នុងការប្រមូលផ្តុំគ្នានិងឈរប្រឆាំងចំពោះការប្រឆាំងជនជាតិជ្វីហ្វ។វិនាសកម្មលើជនជាតិជ្វីហ្វ មានន័យថាអាល្លឺម៉ង់ មានការទទួលខុសត្រូវជាពិសេសដើម្បីការពារជីវិតរស់នៅរបស់ជនជាតិជ្វីហ្វ ដែលលោក Steinmeier បានថ្លែងទៅកាន់ការប្រមូលផ្តុំសាមគ្គីភាព ខណៈបានមកជួបជុំគ្នានៅទីក្រុងប៊ែកឡាំង ធ្វើឡើងដោយគណបក្សលទ្ធិប្រជាធិបតេយ្យធំៗចំនួន៥ ជាសហគមន៍ជនជាតិជ្វីហ្វរបស់ខ្លួន សហជីពពាណិជ្ជកម្ម និងស្ថាប័នរបស់នយោជក។ លោកនិយាយថាលទ្ធិប្រជាធិបតេយ្យរបស់យើង ពុំបានបង្កើតភាពខុសគ្នានោះទេ មិនគិតពីប្រភពដើម ការពិសោធន៍ ឬសាសនាឡើយ ដែលមនុស្សគ្រប់គ្នារស់នៅទីនេះ ត្រូវតែស្គាល់ជំរំ Auschwitz និងយល់ពីការទទួលខុសត្រូវ ដែលប្រទេសរបស់យើងមាន ដោយសារតែបញ្ហានេះ។លោក Steinmeier និយាយថា ការវាយប្រហារនីមួយៗមកលើពលរដ្ឋឬស្ថាប័នជនជាតិជ្វីហ្វក្នុងប្រទេសអាល្លឺម៉ង់ បង្កឲ្យមានកំហឹង។ចាប់តាំងពីការវាយលុកដ៏ឃោឃៅរបស់ក្រុមហាម៉ាស់ និងការវាយប្រហារសងសិកដោយកងកម្លាំងអ៊ីស្រាអែល ប្រទេសអាល្លឺម៉ង់បានមើលឃើញ ការតវ៉ាជាបន្តបន្ទាប់ក្នុងការគាំទ្រ ទាំងអ៊ីស្រាអែល និងតំបន់ហ្កាហ្សា ដែលពាក្យប្រឆាំងជនជាតិជ្វីហ្វមួយចំនួនត្រូវបានគេស្តាប់លឺ។ ប្រទេសនេះគឺជាទីស្នាក់នៅនៃជនជាតិជ្វីហ្វច្រើនបំផុតនៅអឺរ៉ុបមួយចំនួន និងមានសហគមន៍ប៉ាឡេស្ទីន។

ការវាយប្រហារតាមអាកាសរបស់អ៊ីស្រាអែល បានបំផ្លាញវិហារអ៊ីស្លាម២កន្លែង នៅជំរំជនភៀសខ្លួន

យន្តហោះរបស់អ៊ីស្រាអែល បានវាយប្រហារលើបរិវេណព្រះវិហារមួយកន្លែង នៅក្នុងជំរំជនភៀសខ្លួនតំបន់ Jenin កាលពីព្រឹកថ្ងៃអាទិត្យ ដែលយោធាបាននិយាយថា កំពុងត្រូវបានប្រើប្រាស់ដោយក្រុមសកម្មប្រយុទ្ធប៉ាឡេស្ទីន ដើម្បីរៀបចំការវាយប្រហារ។ វីដេអូ ទទួលបានដោយសារព័ត៌មានរ៉យទ័រ បានបង្ហាញ ប៉មព្រះវិហារអ៊ីស្លាមមួយកន្លែងដែលកំពុងបញ្ឈរ ស្ថិតក្នុងចំណោមកម្ទេចកម្ទីនិងជញ្ជាំង ដែលត្រូវបានបំផ្លាញ។ ពលរដ្ឋប៉ាឡេស្ទីន មិនបញ្ចេញឈ្មោះម្នាក់ រស់នៅក្នុងជំរំបាននិយាយថា ព្រះវិហារនេះ មានអ្នកទៅអាធិដ្ឋានចន្លោះពី២.០០០ ទៅ៣.០០០នាក់អំឡុងថ្ងៃសុក្រ។ ជាមួយគ្នានេះ កាលពីយប់ថ្ងៃអាទិត្យ ការផ្ទុះដ៏ខ្លាំង បានវាយប្រហារនៅតំបន់ហ្កាហ្សាលើតំបន់ហ៊ុមព័ទ្ធ។ ក្រសួងសុខាភិបាលតំបន់ហ្កាហ្សា និយាយថាពលរដ្ឋប៉ាឡេស្ទីន ២៦៦នាក់ រួមមានទាំងកុមារ១១៧នាក់ បានស្លាប់ដោយការវាយប្រហារតាមអាកាសរបស់អ៊ីស្រាអែល ក្នុងរយៈពេល២៤ម៉ោងកន្លងទៅនេះ។ដោយអ៊ីស្រាអែលនៅតែបន្តការទម្លាក់គ្រាប់បែកជារៀងរាល់ថ្ងៃ បានបំផ្លាញផ្លូវនៅតំបន់ហ្កាហ្សាយ៉ាងធ្ងន់ធ្ងរ ដែលប៉ាឡេស្ទីន និយាយាថាពួកគេបានទទួលការព្រមានថ្មីពីយោធាអ៊ីស្រអែលឲ្យជម្លៀសខ្លួនចេញពីភាគខាងជើងតំបន់ហ្កាហ្សា ទៅកាន់ភាគខាងត្បូង ដើម្បីបញ្ចៀសតំបន់សង្គ្រាមដ៏ឃោឃៅបំផុត។អ៊ីស្រាអែល និយាយថាខ្លួនដាក់គោលដៅតែទៅលើក្រុមសកម្មប្រយុទ្ធប៉ុណ្ណោះ ដែលពួកគេតែងតែប្រើប្រាស់អគារពលរដ្ឋរស់នៅជាការលាក់ពួន។

ប្រជាជនវ៉េណេហ្ស៊ុយអេឡា ក្លាយជាជនជាតិដ៏ច្រើនបំផុត សម្រាប់ការឆ្លងកាត់ព្រំដែនខុសច្បាប់

ប្រជាជនវ៉េណេហ្ស៊ុយអេឡា បានក្លាយជាជនជាតិដ៏ច្រើនបំផុតដែលត្រូវបានចាប់ខ្លួនពីបទឆ្លងដែនខុសច្បាប់របស់សហរដ្ឋអាមេរិក ដោយជំនួសជនជាតិម៉ិកស៊ិកជាលើកដំបូង ក្នុងកំណត់ត្រា នេះបើយោងតាមតួលេខដែលបានចេញផ្សាយកាលពីថ្ងៃសៅរ៍ ដែលបង្ហាញថា ខែកញ្ញា គឺជាខែខ្ពស់បំផុតទីពីរសម្រាប់ការចាប់ខ្លួនគ្រប់ជាតិសាសន៍។ជនជាតិវ៉េណេហ្ស៊ុយអេឡា ត្រូវបានចាប់ខ្លួនចំនួន ៥៤,៨៣៣ ដងដោយក្រុមឆ្មាំល្បាតព្រំដែន បន្ទាប់ពីបានចូលពីប្រទេសម៉ិកស៊ិកក្នុងខែកញ្ញា កើនឡើងទ្វេដងពីការចាប់ខ្លួន ២២,០៩០ នាក់ ក្នុងខែសីហា និងលើសពីការចាប់ខ្លួនប្រចាំខែមុនចំនួន ៣៣,៧៤៩នាក់ ក្នុងខែកញ្ញា ឆ្នាំ ២០២២។ការចាប់ខ្លួនជនជាតិទាំងអស់ ដែលចូលមកពីម៉ិកស៊ិកមានចំនួនសរុប ២១៨.៧៦៣ នាក់ក្នុងខែកញ្ញា កើនឡើង២១ភាគរយពី១៨១.០៨៤នាក់ ក្នុងខែសីហា និងឈានដល់កម្រិតខ្ពស់បំផុតចំនួន ២២២.០១៨នាក់ ក្នុងខែធ្នូ ឆ្នាំ២០២២ នេះបើយោងតាមការិយាល័យគយ និងការការពារព្រំដែនសហរដ្ឋអាមេរិក។ ការចាប់ខ្លួនសម្រាប់ឆ្នាំសារពើពន្ធរបស់រដ្ឋាភិបាល ដែលបានបញ្ចប់ នៅថ្ងៃទី ៣០ ខែកញ្ញា បានកើនឡើងដល់ ពីរលាននាក់សម្រាប់រយៈពេលឆ្នាំពីរជាប់ៗគ្នា ធ្លាក់ចុះ ៧ភាគរយពីកម្រិតខ្ពស់បំផុតនៃការចាប់ខ្លួនជាង ២,២ លាននាក់ក្នុងរយៈពេលដូចគ្នា កាលពីឆ្នាំមុន។

បណ្ដាញសង្គម

ព័ត៌មានថ្មីៗ

វិមានក្រឹមឡាំង៖ រុស្ស៊ីសង្ឃឹមថា កិច្ចប្រជុំសម្របសម្រួលដោយអាមេរិកជាមួយអ៊ុយក្រែន នឹងចាប់ផ្តើមឡើងវិញ ក្នុងពេលឆាប់ៗនេះ

គណបក្សប្រឆាំងដ៏ធំរបស់ជប៉ុន ប្រកាសរំលាយ ក្រោយបង្កើតបានរយៈពេល ៨ខែ

ឥណ្ឌូនេស៊ី ស្វែងរកអ្នកសារព័ត៌មានបាត់ខ្លួន ក្រោយពេលពួកគេធ្វើសេចក្តីរាយការណ៍ពីបន្ទុះភ្នំភ្លើង Anak Krakatau

អ៊ីរ៉ង់សងសឹកអាមេរិកជាមួយការវាយប្រហារលើនាវាដឹកប្រេងរបស់ទីក្រុងវ៉ាស៊ីនតោន

ការវាយប្រហាររបស់រុស្ស៊ីសម្លាប់មនុស្សម្នាក់ និងធ្វើឲ្យខូចខាតកំពង់ផែនៅទីក្រុង Mykolaivរបស់អ៊ុយក្រែន

មនុស្ស ៤នាក់ស្លាប់ ក្រោយការវាយប្រហារយានដ្រូនអ៊ុយក្រែនលើទីក្រុង Novorossiysk របស់រុស្ស៊ី

ប្រធានាធិបតីស៊ែប៊ី បញ្ជាក់ថា ការបោះឆ្នោតសភា នឹងត្រូវបានធ្វើនៅថ្ងៃទី២៥ ខែតុលា

ហ្វីលីពីនរិះគន់ចិន បន្ទាប់ពីមានកំហុសឆ្គង ពាក់ព័ន្ធនឹងឯកសារបង្ហាញជំហរលើតំបន់មានជម្លោះ

ប្រតិបត្តិការយោធាកាន់តែតានតឹងនៅក្នុងប្រទេសយេម៉ែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877