BTV NEWS

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជនបរទេសជាង ៣០០នាក់

សន្តិសុខ និង សង្គម

សហរដ្ឋអាមេរិក នឹងបញ្ជូនក្រុមនាវាពិឃាតផ្ទុកយន្តហោះ ទៅជិតអ៊ីស្រាអែល

រដ្ឋមន្ត្រីការពារជាតិ លោក ឡយ អូស្ទីន (Lloyd Austin) និយាយថា សហរដ្ឋអាមេរិក នឹងបញ្ជូននាវា និងយន្តហោះយោធោជច្រើនទៅកាន់សមុទ្រមេឌីទែរ៉ាណេភាគខាងកើត ជិតអ៊ីស្រាអ៊ែល ដើម្បីបង្ហាញការគាំទ្រ។ទីក្រុងវ៉ាស៊ីនតោន ជឿថា ការវាយប្រហារចុងក្រោយបំផុតរបស់ក្រុមហាម៉ាស អាចមានបំណង រំខានដល់ការធ្វើឲ្យមានប្រក្រតីភាពដ៏សំខាន់នៃទំនាក់ទំនងរវាងអ៊ីស្រាអែល និង អារ៉ាប៊ីសាអ៊ូឌីត ។ ក្រុមយុទ្ធហាម៉ាស បានវាយប្រហារពាសពេញទីក្រុងមួយចំនួនរបស់អ៊ីស្រាអ៊ែល ខណៈប្រទេសនេះ បានជួបប្រទះថ្ងៃដ៏សោកសៅរបស់ខ្លួនក្នុងរយៈពេលជាច្រើនទសវត្សរ៍កាលពីថ្ងៃសៅរ៍។ អ៊ីស្រាអែល បានវាយបកលើជនជាតិប៉ាឡេស្ទីនដោយការវាយប្រហារតាមអាកាសនៅក្នុងតំបន់ហ្គាហ្សាកាលពីថ្ងៃអាទិត្យ ដោយមនុស្សរាប់រយនាក់ ត្រូវបានរាយការណ៍ថាបានស្លាប់ទាំងសងខាង ។អំពើហិង្សាដែលនៅតែបន្តនេះអាចចាប់ផ្ដើមរុញឲ្យមានសង្រ្គាមដ៏ធំនៅក្នុងតំបន់មជ្ឈិមបូព៌ា។លោក Austin បានបន្ថែមថា សហរដ្ឋអាមេរិក នឹងផ្ដល់អាវុធឲ្យទៅអ៊ីស្រាអែល ហើយជំនួយផ្នែកសន្តិសុខរបស់ខ្លួន បានចាប់ផ្ដើមកាលពីថ្ងៃអាទិត្យ។លោកថាមន្ទីរបញ្ចកោន នឹងបន្ថែមយន្តហោះចម្បាំង ទៅកាន់តំបន់នោះ ផងដែរ ។សេតវិមានវាននិយាយបន្ទាប់ពីការសន្ទនាថាតាមទូរស័ព្ទរវាងមេដឹកនាំទាំង២ថា លោកប្រធានាធិបតីអាមេរិក Joe Biden បានប្រាប់ លោកនាយករដ្ឋមន្ត្រី បេន ចាមីនណេតានយ៉ាងហ៊ូ ( Benjamin Netanyahu) កាលពីថ្ងៃអាទិត្យថា ជំនួយបន្ថែមទៀត សម្រាប់កងកម្លាំងការពារជាតិរបស់អ៊ីស្រាអែល កំពុងដឹកជញ្ជូនទៅឲ្យអ៊ីស្រាអែល ហើយជំនួយបន្ថែមទៀត នឹង ទៅដល់ក្នុងពេលប៉ុន្មានថ្ងៃខាងមុខ ។ លោក Austin និយាយថា លោកបានបញ្ជាឲ្យបញ្ជូនក្រុមនាវពិឃាត ទៅជិតអ៊ីស្រាអែល ដែលរួមទាំងនាវផ្ទុកយន្តហោះ Ford និងនាវា ដែលផ្ដល់ជំនួយដល់នាវាផ្ទុកយន្តហោះនេះ ៕

ពលរដ្ឋប៉ាគីស្ថាន ប្រមូលផ្តុំគ្នាក្នុងការគាំទ្រពលរដ្ឋប៉ាឡេស្ទីន ដុតទង់ជាតិអាមេរិក និងអ៊ីស្រអែល

អ្នកតវ៉ាជាច្រើននាក់ បានជួបជុំគ្នាក្នុងការប្រមូលផ្តុំមួយ នៅក្នុងទីក្រុងធំបំផុតរបស់ប្រទេសប៉ាគីស្ថាន កាលពីថ្ងៃអាទិត្យ ដើម្បីបង្ហាញពីសាមគ្គីភាពជាមួយពលរដ្ឋប៉ាឡេស្ទីន បន្ទាប់អ៊ីស្រាអែល បានបាញ់ផ្លោងនៅតំបន់ហ៊ុមព័ទ្ធហ្គាហ្សារបស់ប៉ាឡេស្ទីន បណ្តាលឲ្យមនុស្សរាប់រយនាក់ស្លាប់។ប្រទេសអ៊ីស្រអែល កំពុងមានចាត់វិធានការក្នុងការសងសឹកសម្រាប់ការវាយប្រហារមួយដែលមានការបង្ហូរឈាមខ្លាំង នៅក្នុងប្រវត្តិសាស្ត្ររបស់ខ្លួននៅពេលដែលក្រុមអ៊ីស្លាមនិយមហាម៉ាស់សម្រុកឆ្លងកាត់ទីក្រុងជាច្រើនរបស់អ៊ីស្រាអែលបណ្តាលឲ្យពលរដ្ឋអ៊ីស្រាអែល៧០០នាក់ស្លាប់ និងចាប់ជំរិតរាប់សិបនាក់ផ្សេងទៀត។ នៅក្នុងការតវ៉ាមួយ ដែលរៀបចំដោយ ក្រុមដែលមានឈ្មោះថាប៉ាគីស្ថានមូលនិធិសម្រាប់ប៉ាឡេស្ទីន នៅខាងក្រៅក្លឹបសារព័ត៌មាននៅទីក្រុង Karachi ក្រុមអ្នកតវ៉ា បានឡើងជាន់ និងដុតទង់ជាតិអាមេរិក និងអ៊ីស្រាអែល។ ការតវ៉ាមួយផ្សេងទៀត កាលពីពេលល្ងាច ដែលរៀបចំដោយក្រុមនិកាយស៊ីអ៊ីត MWM បុរសនិងស្ត្រី ជាច្រើននាក់ បានចេញធ្វើបាតុកម្មនៅតាមដងផ្លូវ មានការទង់ជាតិ ប៉ាឡេស្ទីន និងរូបមេដឹកនាំនិកាយស៊ីអ៊ីត។ប្រទេសប៉ាគីស្ថាន គ្មានទមនាក់ទំនងការទូត ជាមួយប្រទេសអ៊ីស្រាអែលនោះទេ។

កងកម្លាំងសន្តិសុខអ៊ីរ៉ង់ បានជួយដល់ការរៀបគម្រោងរបស់ក្រុមហាម៉ាស វាយប្រហារអ៊ីស្រាអែល

យោងតាមសេចក្ដីរាយការណ៍មួយចំនួន កងកម្លាំងសន្តិសុខអ៊ីរ៉ង់ បានជួយដល់គម្រោងការវាយប្រហាររបស់ក្រុមហាម៉ាសលើអ៊ីស្រាអែល និង បានអនុញ្ញាតឲ្យកើតឡើង ។ សមាជិកពីរនាក់នៃក្រុមភេរវករ ហាម៉ាស (Hamas) និងហេស្បូឡា (Hezbollah) បានប្រាប់សារព័ត៌មាន Wall Street Journal ថា ការវាយប្រហារដ៏សាហាវកាលពីថ្ងៃសៅរ៍ដែលបានសម្លាប់មនុស្ស ៧០០ នាក់ត្រូវបានគ្រោងទុកនៅក្នុងកិច្ចប្រជុំជាមួយកងឆ្មាំបដិវត្តន៍អ៊ីស្លាម (IRGC) ចាប់ពីខែសីហាមកម្ល៉េះ។ ប្រភពខាងលើបាននិយាយថា ការបន្តទៅមុខចុងក្រោយត្រូវបានផ្តល់ឱ្យដោយក្រុមមន្ត្រីអ៊ីរ៉ង់នៅក្នុងកិច្ចប្រជុំមួយក្នុងទីក្រុងបេរូត (Beirut) កាលពីថ្ងៃចន្ទសប្តាហ៍មុន ជាមួយនឹងក្រុមអ្នកតំណាងមកពីក្រុមហាម៉ាស លោក ក្រុមហេស្បូឡា និងក្រុមនយោបាយលីបង់។ រដ្ឋមន្ត្រីការបរទេសអាមេរិក លោក Antony Blinken បាននិយាយថា មន្ត្រីអាមេរិកមិនទាន់ឃើញភស្តុតាងថា អ៊ីរ៉ង់ជាអ្នកនៅពីក្រោយការវាយប្រហារនេះទេ ប៉ុន្តែប្រទេសនេះជាសត្រូវរបស់អ៊ីស្រាអែលយូរមកហើយ និងជាអ្នកគាំទ្រក្រុមជីហាដនៅក្នុងតំបន់។ លោក ម៉ាម៉ូដ មៀដាវី(Mahmoud Mirdawi) មន្ត្រីជាន់ខ្ពស់ក្រុមហាម៉ាសបាននិយាយថា ការវាយប្រហារនេះគឺជា ការសម្រេចចិត្តរបស់ប៉ាឡេស្ទីន និងក្រុមហាម៉ាស ប៉ុន្តែមន្ត្រីផ្សេងទៀតមកពីប្រទេសស៊ីរី និងអឺរ៉ុប បាននិយាយថា អ៊ីរ៉ង់បានជាប់ពាក់ព័ន្ធក្នុងរឿងនេះដែរ ។ ដំណឹងនេះកើតឡើងបន្ទាប់ពីប្រធានាធិបតីអ៊ីរ៉ង់ បានជំរុញដល់បណ្ដាប្រទេសមូស្លីមឲ្យចូលរួមការវាយប្រហារលើអ៊ីស្រាអែល៕

ក្រុមតាលីបង់៖ ចំនួនអ្នកស្លាប់ពីគ្រោះរញ្ជួយដីនៅអាហ្វហ្គានីស្ថានកើនដល់២.៤៤៥នាក់ ខណៈតួលេខអាចកើនឡើងទៀត

អាហ្វហ្គានីស្ថាន៖ ក្រុមបាលតាលីបង់របស់អាហ្វហ្គានីស្ថាន បាននិយាយកាលពីថ្ងៃអាទិត្យ (៨ តុលា) ថា មនុស្សជាង២.៤០០នាក់ បានស្លាប់ក្នុងគ្រោះរញ្ជួយដីនៅប្រទេសអាហ្វហ្គានីស្ថាន ខណៈការស្លាប់អាចកើនឡើងបន្ថែមទៀត ដោយធ្វើឲ្យគ្រោះធម្មជាតិនោះ ក្លាយជាគ្រោះរញ្ជួយដ៏មហន្តរាយបំផុត ដែលបានវាយប្រហារប្រទេសសម្បូរទៅដោយភ្នំ ព្រមទាំងងាយនឹងរញ្ជួយដីមួយនេះ ក្នុងរយៈពេលជាច្រើនឆ្នាំមក។ ការរញ្ជួយដីកាលពីថ្ងៃសៅរ៍ នៅភាគខាងលិចនៃប្រទេសនេះ បានវាយប្រហារទីក្រុងចម្ងាយ ៣៥គីឡូម៉ែត្រ នៅភាគពាយព្យនៃទីក្រុង Herat ក្នុងកម្រិត៦,៣រ៉ិចទ័រ នេះបើតាមការស្ទង់មតិភូគព្ភសាស្ត្រសហរដ្ឋអាមេរិក (USGS)។ការរញ្ជួយដីទាំងនោះ ស្ថិតក្នុងចំណោមគ្រោះរញ្ជួយដី ដែលមានមនុស្សស្លាប់ច្រើនបំផុតក្នុងពិភពលោកក្នុងឆ្នាំនេះ បន្ទាប់ពីការរញ្ជួយដីនៅប្រទេសទួរគី និងស៊ីរី ដែលបានសម្លាប់មនុស្សប្រមាណ៥០.០០០ នាក់ កាលពីខែកុម្ភៈ។ លោក Janan Sayeeq អ្នកនាំពាក្យក្រសួងគ្រោះមហន្តរាយអាហ្វហ្គានីស្ថាន បាននិយាយនៅក្នុងសារមួយទៅកាន់សារព័ត៌មាន រ៉យទ័រ ថា ចំនួនអ្នកស្លាប់បានកើនឡើងដល់ ២.៤៤៥នាក់ហើយ ប៉ុន្តែលោកបានកែប្រែចំនួនអ្នករបួសមកនៅត្រឹម «ជាង២.០០០នាក់ប៉ុណ្ណោះ » ព្រោះនៅមុននោះ លោកបាននិយាយថា មនុស្ស ៩.២៤០នាក់បានរងរបួស។ លោក Sayeeq បានបន្ថែមថា លំនៅឋានចំនួន ១.៣២០ខ្នង ត្រូវបានខូចខាត ឬបំផ្លាញផងដែរ៕

អ៊ីស្រាអែល វាយប្រហារសងសឹក បន្ទាប់ពីការវាយប្រហាររបស់ក្រុមហាម៉ាស ដែលធ្វើឲ្យចំនួនអ្នកស្លាប់កើនឡើងដល់ជាង១.១០០នាក់

អ៊ីស្រាអែល៖ អ៊ីស្រាអែលបានវាយលុកតំបន់ហ្គាហ្សារបស់ប៉ាឡេស្ទីន ដោយបានសម្លាប់មនុស្សរាប់រយនាក់ ជាការសងសឹកចំពោះការវាយប្រហារដ៏បង្ហូរឈាមបំផុតមួយក្នុងប្រវត្តិសាស្ត្ររបស់ខ្លួន នៅពេលក្រុមអ៊ីស្លាមហាម៉ាសបានសម្លាប់ជនជាតិអ៊ីស្រាអែល ៧០០នាក់ និងចាប់ជម្រិតរាប់សិបនាក់ទៀត។ការវាយលុករបស់ក្រុមយុទ្ធជនហាម៉ាសទូទាំងទីក្រុងរបស់អ៊ីស្រាអែលកាលពីថ្ងៃសៅរ៍គឺជាការលុកលុយដ៏សាហាវបំផុតចាប់តាំងពីការវាយប្រហាររបស់អេហ្ស៊ីបនិងស៊ីរីនៅក្នុងសង្គ្រាមចំទិវាដ៏ពិសិដ្ឋ យ៉ុម គីពួរ (Yom Kippur) កាលពី៥០ ឆ្នាំមុន ហើយបានគំរាមដុតបញ្ឆេះការផ្ទុះឡើងមួយទៀតនៅក្នុងជម្លោះមិនចេះចប់។ ជាការឆ្លើយតប ការវាយប្រហារតាមអាកាសរបស់អ៊ីស្រាអែលកាលពីថ្ងៃអាទិត្យបានវាយប្រហារលើប្លុកលំនៅដ្ឋាន ផ្លូវក្រោមដី វិហារអ៊ីស្លាម និងផ្ទះរបស់មន្ត្រីក្រុមហាម៉ាសនៅតំបន់ហ្គាហ្សា ដោយបានសម្លាប់មនុស្សជាង ៤០០នាក់ រួមទាំងកុមារ ២០នាក់ តាមសន្យារបស់លោកនាយករដ្ឋមន្ត្រី បេន ចាមីន ណេតានយ៉ាហ៊ូ (Benjamin Netanyahu) ចំពោះការសងសឹកដ៏ខ្លាំងក្លា។រដ្ឋមន្ត្រីក្រសួងការពារជាតិអ៊ីស្រាអែល លោកយ៉ាវ ហ្គាឡាន(Yoav Gallant) នៅទីក្រុង អូហ្វាគីម( Ofakim) ដែលបានរងរបួស និងត្រូវចាប់ជាចំណាប់ខ្មាំង បាននិយាយថា តំបន់ហ្គាហ្សា នឹងត្រូវ សងយ៉ាងធ្ងន់ធ្ងរនូវអ្វីដែលខ្លួនបានធ្វើ ដែលនឹងផ្លាស់ប្តូរការពិតជាច្រើនជំនាន់ ។លើសពីការរារាំងតំបន់ហ្គាហ្សា កងកម្លាំងអ៊ីស្រាអែល និងកងជីវពល ហេស្បូឡា (Hezbollah) គាំទ្រដោយប្រទេសលីបង់របស់អ៊ីរ៉ង់ បានបាញ់តបតដោយកាំភ្លើងធំ និងគ្រាប់រ៉ូកែត ខណៈដែលនៅក្នុងប្រទេសអេហ្ស៊ីប អ្នកទេសចរជនជាតិអ៊ីស្រាអែលពីរនាក់ត្រូវបានបាញ់សម្លាប់ រួមជាមួយនឹងមគ្គុទ្ទេសក៍ម្នាក់៕

សមត្ថកិច្ចចាប់ខ្លួនមេខ្លោងជួញដូរគ្រឿងញៀន ៧ករណី គ្រឿងញៀនជិត ៣គីឡូក្រាម និងគ្រាប់បែកដៃ ២គ្រាប់

កម្លាំងជំនាញមន្ទីរប្រឆាំងបទល្មើសគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ ស្រាវជ្រាវតាមចាប់ខ្លួនមេខ្លោងជួញដូរគ្រឿងញៀន រត់គេចខ្លួនជាង ៥ឆ្នាំ មានដីកាចាប់ខ្លួន ៧ករណី ព្រមទាំងរឹបអូសបានគ្រឿងញៀនជិត ៣គីឡូក្រាម និង ថ្នាំគ្រាប់ ប្រភេទ មេតំហ្វេតាមីន (WY) ចំនួន ១៦,៤០០គ្រាប់ ព្រមទាំងគ្រាប់បែកដៃ ២គ្រាប់។សមត្ថកិច្ចប្រាប់ឲ្យដឹង នារសៀលថ្ងៃទី៨ តុលា ថា កម្លាំងជំនាញមន្ទីរប្រឆាំងគ្រឿងញៀន សហការជាមួយកម្លាំងស្នងការដ្ឋាននគរបាលខេត្តកំពង់ឆ្នាំង ដឹកនាំដោយលោកឧត្តមសេនីយ៍ទោ អ៊ិន សុង នាយករងមន្ទីរ និងកម្លាំងនៃស្នងការដ្ឋាននគរបាលរាជធានីភ្នំពេញ ដោយមានការសម្របសម្រួលដឹកនាំពីលោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានធ្វើការស្រាវជ្រាវស៊ើបអង្កេតតាមចាប់មុខសញ្ញាមេខ្លោងជួញដូរគ្រឿងញៀនដែលបានធ្វើសកម្មភាពយ៉ាងសកម្មនៅភូមិសាស្ត្រខេត្តកំពង់ឆ្នាំង ខេត្តកំពង់ធំ និងរាជធានីភ្នំពេញ កាលពីថ្ងៃទី០៧ ខែតុលា ឆ្នាំ២០២៣ វេលាម៉ោង ១៣និង៣០ នាទី ឃាត់ខ្លួនជនល្មើស ៣នាក់ នៅចំណុចផ្ទះជួល ស្ថិតនៅក្នុងភូមិគោចំបក់ សង្កាត់ចោមចៅមួយ ខណ្ឌពោធិ៍សែនជ័យ រាជធានីភ្នំពេញ និងបន្តទៅឆែកឆេរបន្ទប់ជួលនៅចំណុច ភូមិត្រពាំងថ្លឹង៣ សង្កាត់ចោមចៅមួយ ខណ្ឌពោធិ៍សែនជ័យ រាជធានីភ្នំពេញ។ជនសង្ស័យទាំង ៣នាក់ ដែលសមត្ថកិច្ចជំនាញប្រឆាំងបទល្មើសគ្រឿងញៀនចាប់ខ្លួន ១. ឈ្មោះ ឃុន សំអាត ហៅ ស្មី ភេទប្រុស អាយុ ៤៤ឆ្នាំ ជនជាតិ ខ្មែរ មេខ្លោង មានដីកាចាប់ខ្លួនរហូតដល់ ៧ករណី (ពីឆ្នាំ២០១៧ ដល់ ឆ្នាំ២០២២) ។ ២. ឈ្មោះ ងែន ដាលីន ភេទស្រី អាយុ ៣៤ឆ្នាំ ជនជាតិខ្មែរ (ប្រពន្ធមេខ្លោង) ។ ៣. ឈ្មោះ នាង សុវណ្ណរ៉ា ភេទ ប្រុស ៤៤ឆ្នាំ ជនជាតិខ្មែរ (បណ្តាញ) វត្ថុតាង ដកហូត ម្សៅក្រាមពណ៌សថ្លា ប្រភេទ កេតាមីន (Ketamine) ចំនួន ១កញ្ចប់ធំ ប្រមាណជិត ១គីឡូក្រាម ម្សៅក្រាមពណ៌សថ្លា ប្រភេទមេតំហ្វេតាមីន (ICE) ចំនួន ១១កញ្ចប់ ប្រមាណជិត ១គីឡូក្រាម កញ្ជប់ពណ៍ខៀវ និងក្រហម ប្រភេទអ៊ិចស្តាស៊ី (MDMA) ចំនួន ៣៥កញ្ជប់ ថ្នាំគ្រាប់ ប្រភេទមេតំហ្វេតាមីន (WY) ចំនួន ១៦,៤០០គ្រាប់ ជញ្ចីងថ្លឹងគ្រឿងញៀន ០១ គ្រឿង គ្រាប់បែកដៃចំនួន ០២គ្រាប់ បង់អាវុធចំនួន ០១ និងគ្រាប់ចំនួន ០៥គ្រាប់ ទូរស័ព្ទដៃចំនួន ០២ គ្រឿង រថយន្ត ចំនួន ០១គ្រឿង ម៉ូតូ ចំនួន ០២គ្រឿង ។ ចំពោះករណីនេះសមត្ថកិច្ចជំនាញមន្ទីរប្រឆាំងគ្រឿងញៀន កំពុងរៀបចំកសាងសំណុំរឿងបញ្ជូនជនល្មើស រួមទាំងវត្ថុតាងទៅអយ្យការ ដើម្បីចាត់ការបន្តតាមផ្លូវច្បាប់។សូមជម្រាបជូនថា ប្រតិបត្តិការណ៍នេះដោយអនុវត្តតាមបញ្ជាដ៏ខ្ពង់ខ្ពស់របស់នាយឧត្ដមសេនីយ៍ ស ថេត អគ្គស្នងការនគរបាលជាតិ និង នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន និងអនុវត្តតាមបញ្ជាដឹកនាំផ្ទាល់របស់ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន៕ តារាវុទ្ធី

រដ្ឋអាជ្ញា៖ វ៉េណេហ្ស៊ុយអេឡា ចេញដីកាចាប់ខ្លួនមេដឹកនាំបក្សប្រឆាំងលោក Guaido (ក្វាយដូ)

ការិយាល័យរដ្ឋអាជ្ញារបស់ប្រទេសវ៉េណេហ្ស៊ុយអេឡា បាននិយាយកាលពីថ្ងៃព្រហស្បតិ៍ថា ខ្លួនបានចេញដីកាចាប់ខ្លួនមេដឹកនាំប្រឆាំងលោក វ៉ាន ក្វាយដូ ( Juan Guaido) ហើយនឹងសុំជំនួយពីនគរបាលអន្តរជាតិ (Interpol) ដើម្បីចាប់ខ្លួនលោក។លោករដ្ឋអាជ្ញា តារ៉ែក វីល្លៀម សាអាប ( Tarek William Saab) បាននិយាយថា ក្រុមរដ្ឋអាជ្ញា ត្រូវបានតែងតាំង «ដើម្បីចេញដីកាចាប់ខ្លួនលោកក្វាយដូ និងស្នើសុំប្រតិវេទក្រហម( Red Notice) ពីនគរបាលអន្តរជាតិ ដូច្នេះលោកក្វាយដូ នឹងដឹងពីវិបាកនៃឧក្រិដ្ឋកម្ម ដែលខ្លួនបានប្រព្រឹត្ត។មន្ត្រីរូបនេះ បាននិយាយថា រស់នៅក្នុងការនិរទេសខ្លួននៅសហរដ្ឋអាមេរិក លោកក្វាយដូ ត្រូវបានចោទប្រកាន់ពីបទក្បត់ជាតិ ដណ្តើមមុខងារផ្សេងៗ លាងលុយកខ្វក់ និង មានទំនាក់ទំនងជាមួយគោលបំណងប្រព្រឹត្តបទឧក្រិដ្ឋ។រដ្ឋអាជ្ញាវ៉េណេស៊ុយអេឡា បាននិយាយថា៖«លោកក្វាយដូបានប្រើប្រាស់ធនធានរបស់ ក្រុមហ៊ុន PDVSA (ក្រុមហ៊ុនប្រេងសាធារណៈខ្នាតយក្ស) ដោយបានបណ្តាលឲ្យមានការខាតបង់ប្រាក់ជិត ឬច្រើនជាង ១៩ពាន់លានដុល្លារ ដោយបន្ថែមថា ខ្លួនពឹងផ្អែកលើព័ត៌មាន ដែលបានផ្តល់ដល់សារព័ត៌មាន«ដោយតុលាការសហព័ន្ធ នៅសហរដ្ឋអាមេរិក»។

ឥណ្ឌូនេស៊ីនិយាយថា គ្មានផ្សែងឆ្លងកាត់ព្រំដែនទៅកាន់ម៉ាឡេស៊ីនោះទេ ខណៈចំហេះព្រៃថយចុះ

រដ្ឋមន្ត្រីក្រសួងបរិស្ថានឥណ្ឌូនេស៊ី បាននិយាយនៅថ្ងៃសុក្រនេះ មួយថ្ងៃបន្ទាប់ពីប្រទេសជិតខាងខ្លួន បានជំរុញឲ្យទីក្រុងហ្សាកាតា មានចំណាត់ការ ខណៈគុណភាពខ្យល់កាន់តែធ្ងន់ធ្ងរថា ចំហេះព្រៃ នៅក្នុងផ្នែកមួយចំនួន នៅប្រទេសឥណ្ឌូនេស៊ី បានថយចុះ ហើយគ្មានផ្សែងត្រូវបានមើលឃើញហុយទៅកាន់ប្រទេសម៉ាឡេស៊ីនោះទេ។ លោក Nik Nazmi Nik Ahmad រដ្ឋមន្ត្រីធនធានធម្មជាតិ បរិស្ថាន និងបម្រែបម្រួលអាកាសធាតុរបស់ម៉ាឡេស៊ី នៅក្នុងបទសម្ភាសន៍ជាមួយសារព័ត៌មានរ៉យទ័រ បាននិយាយថា លោកបានស្នើឲ្យសមភាគីឥណ្ឌូនេស៊ី របស់លោក ដោះស្រាយបញ្ហាផ្សែងហុយ។លោក Siti Nurbaya រដ្ឋមន្ត្រីបរិស្ថាន បានប្រាប់សារព័ត៌មានរ៉យទ័រថា លោកមិនដឹងនូវអ្វីជាមូលដ្ឋាន ដែល ប្រទេសម៉ាឡេស៊ី បានប្រើប្រាស់ក្នុងការផ្តល់សេចក្តីថ្លែងការណ៍ទាំងនោះទេ។ យើងកំពុងធ្វើការមិនផ្អែកលើសំណើរបស់ប្រទេសម៉ាឡេស៊ីនោះទេ។ យោងតាមអ្នកវិទ្យាសាស្ត្រ បានឲ្យដឹងថា ចំហេះព្រៃ បានបញ្ជូនផ្សែង ហុយឡើងនៅទូទាំងតំបន់ ក្នុងឆ្នាំ២០១៥ និងឆ្នាំ២០១៩ ដែលបានឆេះលើផ្ទៃដីរាប់លានហិកតា និងបានបង្កើតបានជាការបំភាយខ្ពស់លើកំណត់ត្រា។ស្ទើរតែគ្រប់រដូវក្តៅ ផ្សែងពីចំហេះព្រៃដើម្បីសម្អាតដីសម្រាប់ការដាំដំណាំដូងប្រេង ឈើសម្រាប់ផលិតក្តារបន្ទះ ក្រដាស់ និងដំណាំម្រេច នៅប្រទេសឥណ្ឌូនេស៊ី ដែលគ្របដណ្តប់ភាគច្រើននៅក្នុងតំបន់ នាំឲ្យមានហានិភ័យសុខភាព ប៉ះពាល់ប្រតិបត្តិករទេសចរណ៍ និងក្រុមហ៊ុនអាកាសចរណ៍ដែលពាក់ព័ន្ធ។ រដ្ឋមន្ត្រីប្រទេសឥណ្ឌូនេស៊ី បាននិយាយថា ចំនួនចំហេះព្រៃនៅក្នុងផ្នែកមួយចំនួននៅកោះស៊ូម៉ាត្រា និងកោះបណេអូ បានថយចុះ ហើយរដ្ឋាភិបាល បានបន្តពន្លត់អណ្តាតភ្លើងឆាបឆេះ។

មនុស្សជិត២០នាក់ស្លាប់ និងជិត១០០នាក់បាត់ខ្លួន ក្នុងគ្រោះទឹកជំនន់នៅប្រទេសឥណ្ឌា

យោងតាមប្រព័ន្ធផ្សព្វផ្សាយក្នុងស្រុក និងសេចក្តីថ្លែងការណ៍ផ្លូវការ បានឱ្យដឹងថា មនុស្សយ៉ាងហោចណាស់១៨នាក់បានស្លាប់ និងមនុស្សជិត១០០នាក់កំពុងបាត់ខ្លួន រួមទាំងសមាជិកយោធា២៣នាក់ បន្ទាប់ពីមានភ្លៀងធ្លាក់ខ្លាំងបានបង្កឱ្យមានការបាក់ទំនប់នៅតំបន់ភ្នំហិម៉ាឡៃ ភាគខាងជើងនៃប្រទេសឥណ្ឌា។មន្ត្រីម្នាក់បានប្រាប់សារព័ត៌មាន រ៉យទ័រ ថា ស្ពានចំនួន១៤ខ្សែ ត្រូវបានទឹកហូរកាត់ផ្ដាច់ ដែលធ្វើអោយប្រតិបត្តិការស្វែងរក ការស្តារឡើងវិញ និងការផ្តល់ជំនួយមានភាពយឺតយ៉ាវនៅក្នុងតំបន់នេះ។ ភ្លៀងដែលបន្តធ្លាក់ក្នុងកម្រិតទាប និងព្រិលនៅកម្រិតកម្ពស់ខ្ពស់ ក៏កំពុងរារាំងដល់កិច្ចខិតខំប្រឹងប្រែងជួយសង្គ្រោះផងដែរ។ ការសង្គ្រោះតាមអាកាស និងការឃ្លាំមើលត្រូវបានគេធ្វើឡើង ហើយយ៉ាងហោចណាស់មានអ្នកទេសចរចំនួន២.៥០០នាក់ ត្រូវបានជាប់ខ្លួននៅក្នុងភូមិជាច្រើនដែលរងផលប៉ះពាល់។នាយកដ្ឋានអាកាសធាតុរបស់ប្រទេសឥណ្ឌា បាននិយាយថា តំបន់នេះបានទទួលទឹកភ្លៀងកម្រិត៤អ៊ីញ ចាប់តាំងពីថ្ងៃទី១ ខែតុលា មក ដោយជាតួលេខច្រើនជាងពីរដងនៃបរិមាណមធ្យម។ ក្រុមមន្ត្រីបានប្រាប់សារព័ត៌មាន រ៉យទ័រ ថា ទឹកជំនន់នេះ គឺអាក្រក់ជាងទឹកជំនន់កាលពីខែតុលា ឆ្នាំ១៩៦៨ ទៅទៀត ដែលបានសម្លាប់មនុស្ស១.០០០នាក់ នៅក្នុងប្រទេសឥណ្ឌានេះ៕

ការប្រយុទ្ធគ្នាក្នុងព្រៃដ៏ខ្លាំងក្លា បានសម្លាប់កងកម្លាំងសូម៉ាលី និងក្រុមសកម្មប្រយុទ្ធរាប់សិបនាក់

មន្ត្រីកងទ័ពម្នាក់បាននិយាយកាលពីថ្ងៃព្រហស្បតិ៍ (៥ តុលា) ថា យ៉ាងហោចណាស់មានក្រុមអ្នកប្រយុទ្ធគាំទ្ររដ្ឋាភិបាលចំនួន៣០នាក់ និងពួកសកម្មប្រយុទ្ធក្រុមឧទ្ទាម អាល់សាបាប (al Shabaab) រាប់សិបនាក់ទៀត ត្រូវបានសម្លាប់នៅក្នុងប្រទេសសូម៉ាលី នៅក្នុងការប្រយុទ្ធគ្នាយ៉ាងបង្ហូរឈាមបំផុតនៃការវាយលុករយៈពេលមួយឆ្នាំ ប្រឆាំងនឹងក្រុមដែលមានទំនាក់ទំនងជាមួយក្រុមបះបោរ អាល់កៃដា។ការប៉ះទង្គិចគ្នាកាលពីថ្ងៃពុធនៅក្នុងព្រៃ Shabellow នេះ គឺជាការបង្ហាញចុងក្រោយបំផុតនៃភារកិច្ចដ៏លំបាក ដែលកងទាហានសូម៉ាលី និងកងជីវពលសម្ព័ន្ធមិត្ត ប្រឈមមុខក្នុងកិច្ចខិតខំប្រឹងប្រែងរបស់ពួកគេដើម្បីកម្ចាត់ក្រុមអាល់សាបាប ដែលបាននិងកំពុងធ្វើបះបោរចាប់តាំងពីឆ្នាំ២០០៦មក។យុទ្ធនាការយោធាមួយ ដែលបានចាប់ផ្តើមកាលពីឆ្នាំមុនដោយក្រុមកងទ័ព និងកងជីវពល មានមូលដ្ឋានក្នុងសម្ព័ន្ធទ័ព នៅភាគកណ្តាលប្រទេសសូម៉ាលី បានរឹបអូសយកទឹកដីសំខាន់ៗជាច្រើនពីពួកសកម្មប្រយុទ្ធ។ ទោះបីជាកងកម្លាំងរដ្ឋាភិបាល បានដណ្តើមយកទីក្រុងធំៗមួយចំនួនក៏ដោយ ក៏ក្រុមអាល់សាបាប អាចដណ្តើមយកមកវិញ នូវទឹកដីមួយចំនួនដែលខ្លួនបានបាត់បង់ និងធ្វើការវាយឆ្មក់យ៉ាងសាហាវទៅលើមូលដ្ឋានយោធានៅក្នុងប្រទេសសូម៉ាលីនេះផងដែរ៕

បណ្ដាញសង្គម

ព័ត៌មានថ្មីៗ

លីប៊ីចុះហត្ថលេខាលើថវិការដ្ឋបង្រួបបង្រួមលើកដំបូង ក្នុងរយៈពេលជាង ១ ទសវត្សរ៍

សួនរុក្ខជាតិអង្គរ ពិព័រណ៍ “មិត្តសត្វព្រៃ និងពិភពសត្វល្អិត” សម្រាប់អ្នកទេសចរទស្សនា ក្រៅពីអង្គរវត្ដ

សម្ដេចព្រះមហាសង្ឃរាជ បួរ គ្រី ផ្ដល់ព្រះរាជអំណោយដល់កងទ័ព និងធ្វើបុណ្យឧទ្ទិសកុសលដល់យុទ្ធជនពលី

តាមបណ្តាសាកលវិទ្យាល័យ រៀបចំលេងល្បែងប្រជាប្រិយមុនថ្ងៃចូលឆ្នាំថ្មី និងលើកតម្កើងអត្តសញ្ញាណវប្បធម៌ខ្មែរ

រដ្ឋមន្ត្រីនិយាយថា ប្រធានាធិបតីឥណ្ឌូនេស៊ី នឹងទៅទស្សនកិច្ចនៅរុស្ស៊ី និងជួបជាមួយលោក PUTIN

ការតុបតែងលម្អអបអរបុណ្យចូលឆ្នាំថ្មីធ្វើឱ្យទេសចរអន្តរជាតិយល់ដឹងកាន់តែច្រើនពីវប្បធម៌ខ្មែរដ៏សម្បូរបែប

ភ្ញៀវទេសចរចាប់ផ្ដើមនាំគ្នាដើរទស្សនាទីតាំងរៀបចំព្រឹត្តិការណ៍«នគរសង្ក្រាន្ត» ដែលមានការតុបតែងយ៉ាងល្អ

ការកសាងគម្រោងគ្រប់គ្រងធនធានចម្រុះហ្វូណនតេជោ នឹងចូលរួមលើកស្ទួយកិត្តិយស និងសមត្ថភាពរបស់ជាតិ ព្រមទាំងជំរុញឱ្យជីវភាពរស់នៅរបស់ប្រជាពលរដ្ឋកាន់តែរីកចម្រើន ប្រកបដោយភាពធន់

សេវាការពារជនស៊ីវិលនៅហ្កាហ្សា និយាយថា ការវាយប្រហាររបស់អ៊ីស្រាអែល បានសម្លាប់មនុស្ស ៧នាក់

អាជ្ញាធរខេត្តកំពង់ឆ្នាំង បានរៀបចំតុបតែងលម្អភ្លើងពណ៌តាមទីតាំងប្រារព្ធសង្ក្រាន្តក្នុងខេត្តបានរួចរាល់ហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877