នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបាន​បណ្ដេញ​ចេញ​ពី​កម្ពុជា
សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ
ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក
ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

អំឡុងពេលបិទព្រំដែនកម្ពុជា-ថៃ ពុំមានសកម្មភាពលួចឆ្លងដែន តាមច្រកជាប់ខេត្តបាត់ដំបង

2021/08/02 11:53:33 am        361
Facebook Telegram Linkin
បាត់ដំបង ៖ ចាប់តាំងពីរាជរដ្ឋាភិបាលកម្ពុជា បានប្រកាសបិទខ្ទប់ខេត្តចំនួន៨ និងបិទព្រំដែនមិនឲ្យ មានការឆ្លងដែនជាមួយថៃ ជាបណ្ដោះអាសន្នលើកលែងការដឹកទំនិញ អាជ្ញាធរខេត្តបាត់ដំបង បានឲ្យដឹងថា រហូតមកដល់ពេលនេះ ពុំមានសកម្មភាពលួចឆ្លងដែនខុសច្បាប់ តាមច្រកនានា​ជាប់ខេត្តបាត់ដំបងឡើយ ខណៈអាជ្ញាធរ និងកងកម្លាំងជំនាញ កំពុងបន្តធ្វើការរឹតបន្តឹង​តាម​បន្ទាប់ព្រំដែន ។លោក សុខ គឹមខុន អភិបាលស្រុកកំរៀង នៅថ្ងៃទី២ ខែសីហា ឆ្នាំ២០២១នេះ បានថ្លែងថា ក្នុង​ដំណើរការបិទព្រំដែនេះ ភាគីកម្ពុជាបានសហការយ៉ាងល្អជាមួយខាងភាគីថៃ ហើយរហូត​មកដល់ពេលនេះ ខាងភាគីថៃពុំមានបញ្ជូនពលករខ្មែរ មកតាមច្រកព្រំដែនឡើយ ដោយខាងថៃ​បានរៀបចំឲ្យពលករខ្មែរធ្វើចត្តាឡីស័ក នៅក្នុងទឹកដីថៃ តែប្រសិនបើក្នុងករណី​មានពលករខ្មែរ​លួចឆ្លង​ដែនទៅប្រទេសថៃ ត្រូវសមត្ថកិច្ចថៃចាប់បាន នឹងបញ្ជូនមកឲ្យភាគីកម្ពុជាវិញ ។ លោក បញ្ជាក់ថា ដោយសារតែភាគីកម្ពុជាបានឯកភាព និងស្រុះស្រួលគ្នាជាមួយខាងភាគីថៃ​រួចហើយ ទើបរហូតមកដល់ពេលនេះ ពុំមានករណីពលករលួចឆ្លងដែនខុសច្បាប់ ហើយកាលពីមុន​ពេលបិទព្រំដែននេះ ដោយមានការព្រមព្រៀមគ្នា គឺភាគីថៃបានបញ្ជូនពលករមានបំណង​មក​ស្រុកកំណើតវិញ តាមច្រកតំបន់អូរអន្លក់ ស្ថិតក្នុងស្រុកកំរៀងនេះ ។ចំពោះស្ថានភាពតាមបន្ទាត់ព្រំដែនវិញ លោកអភិបាលស្រុក បានអះអាងថា អាជ្ញាធរ និងកងកម្លាំង បានសហការគ្នាពង្រឹងយន្តការគ្រប់គ្រងព្រំដែនតាមអង្គភាពនីមួយៗ បានយ៉ាងល្អ និងតឹងរ៉ឹងបំផុត ពិសេសការទទួលខុសត្រូវរបស់មន្រ្តីតាមបន្ទាត់ព្រំដែន គឺមានកម្រិតខ្ពស់ពុំមានបាតុភាព​មិន​ប្រក្រតី​ណាមួយកើតឡើងឡើយ ។ យោងតាមរបាយការណ៍រដ្ឋបាលខេត្តបាត់ដំបង កាលពីថ្ងៃទី១ ខែសីហា ឆ្នាំ២០២១ បានឲ្យដឹងថា មិនថាតែច្រកព្រំដែនជាប់ស្រុកកំរៀងនោះទេ ដែលគ្មានសកម្មភាពលួចឆ្លងដែន ខណៈស្រុក ៣ទៀត មានស្រុកសំពៅលូន ស្រុកភ្នំព្រឹក និងស្រុកសំឡូត ក៏គ្មានសកម្មភាពនេះដែរ និងបច្ចុប្បន្ននៅក្នុងខេត្តបាត់ដំបង មានអ្នកកំពុងធ្វើចត្តាឡីស័ត តាមមណ្ឌលនានាមាន ចំនួន២៥៣០នាក់ ។ចាប់ពីមានការផ្ទុះឆ្លងជំងឺកូវីដ១៩ នៅក្នុងប្រទេសកម្ពុជា សម្រាប់ខេត្តបាត់ដំបង មាន​អ្នកវិជ្ជមានជំងឺនេះ ចំនួន៣ ៤៨៧នាក់ បានព្យាបាលជាសះស្បើយចំនួន ២ ០៨៦នាក់ ករណីស្លាប់ ចំនួន ៤៣នាក់ និងកំពុងសំរាកព្យាបាល ១ ៣៥៨នាក់ ៕អត្ថបទ បាន សុខរិទ្ធ

មន្រ្តីជំនាញសុខភាពសត្វខេត្តកំពង់ធំ ឃាត់រថយន្តក្រុងដឹកគ្រឿងក្នុងជ្រូកជាង២តោន

2021/08/02 11:20:21 am        407
Facebook Telegram Linkin
កំពង់ធំ៖ មន្រ្តីជំនាញសុខភាពសត្វខេត្តកំពង់ធំ ឃាត់រថយន្តក្រុងដឹកគ្រឿងក្នុងជ្រូកជាង២តោន គ្មានឯកសារបញ្ជាក់សុខភាពសត្វ និងសុវត្ថិភាពម្ហូបអាហារ មានប្រភពមកពីប្រទេសថៃ និង​រថយន្តដឹកមាន់ដឹកលើសច្បាប់​អនុញ្ញាត​ ដើម្បីការពារសុខភាពសាធារណៈ។លោក តាន់ ម៉េងឆាង ប្រធានការិយាល័យផលិតកម្មសត្វ និងបសុព្យាបាលខេត្តកំពង់ធំ លើកឡើង​ប្រាប់ទូរស្សន៍ BTV នៅថ្ងៃទី១ ខែសីហា ឆ្នាំ២០២១ថា ការចាប់ឃាត់រថយន្តទាំងពីរនេះ គឺ​ដោយ​សារមានការបញ្ជាផ្ទាល់ពីលោក ប៉ែន វណ្ណារិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត ក្រោមការសម្របសម្រួលពីលោក សាយ វាសនា ព្រះរាជ្ញារងខេត្តកំពង់ធំ។ លោក បន្តថា សកម្មភាពដឹកជញ្ជូនសាច់សត្វមានប្រភពមកពីប្រទេសថៃគ្មានប្រភពបញ្ជាក់សុខភាព និងការដឹកជញ្ជូន អាចជាសាច់សត្វគ្មានគុណភាពធ្វើឲ្យប៉ះពាល់សុខភាពសាធារណៈ ជា​ពិសេស​អាចជាប្រភពចម្លងជំងឺផ្សេងៗទៅកាន់អ្នក​បរិភោគ​ ឬជាសាច់ដែលក្រុមអ្នកដឹកជញ្ជូន​ល្មើសដាក់​សារធាតុហាមឃាត់មួយចំនួនដូចជា (ហ៉្វកម៉ុល) ជាដើម ដែលជាសារធាតុរក្សា​សាច់​សត្វឲ្យមានសភាពមើលទៅល្អ ប៉ុន្តែសារធាតុនេះ នឹងជះឥទ្ធិពលយ៉ាងខ្លាំងចំពោះសុខភាព។លោកបញ្ជាក់ថា ការចាប់ឃាត់រថយន្តក្រុង និងរយន្តដឹកសត្វមាន់ ទាំងពីរខាងលើនេះ គឺបាន​ធ្វើឡើង​នៅនៅវេលាម៉ោង៤ទើបភ្លឺ យប់ថ្ងៃទី៣១ ខែកក្កដា ឈានចូលថ្ងៃទី០១ ខែសីហា ឆ្នាំ២០២១។ ក្រោយពីការឃាត់រថយន្តនេះ តៃកុងរថយន្តក្រុងដឹកគ្រឿងក្នុងជ្រូកគេចខ្លួន បច្ចុប្បន្នមិនទាន់មានម្ចាស់មកទទួលធ្វើ ការពិន័យតាមតាមនីតិវិធីច្បាប់នៅឡើយនោះទេ! ។សាច់សត្វ និងគ្រឿងក្នុងជ្រូកលើរថយន្តក្រុងសរុបមានចំនួន៤០កញ្ចប់ មានទម្ងន់សរុបចំនួន២តោន បច្ចុប្បន្នកំពុងរក្សាទុកនៅមណ្ឌលការិយាល័យផលិតកម្មសត្វ និងបសុព្យាបាលខេត្តកំពង់ធំ។ ចំពោះរថយន្តដឹកមាន់សាច់ របស់ក្រុមហ៊ុន ប៉េតាក្រូ មានលិខិតបញ្ជាក់សុខភាពសត្វ និង​លិខិតដឹកជញ្ជូន ប៉ុន្តែលើសចំនួនតិចតួច ត្រូវធ្វើកិច្ចសន្យាអប់រំលើកទី១ ឲ្យបញ្ឈប់ការដឹក​ជញ្ជូន​លើស​ចំនួនអនុញ្ញាត​បន្តទៀត ប្រសិនបើមានករណីដូចនេះម្តងទៀត នឹងធ្វើការផាកពិន័យ​តាម​នីតិវីធីច្បាប់៕

កម្ពុជា​បន្ដ​រក​ឃើញ​មនុស្ស​៦៧១នាក់​​ឆ្លង​កូវីដ-១៩​ ខណៈ​​អ្នក​ជំងឺ​៧៥៨នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/08/01 12:10:02 pm        287
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​៦៧១នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន៧៥៨នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន៤០៦នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ២៦៥នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស២៣នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៤២០នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប៧០ ៧៥៤នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៧៧ ៩១៤នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

កម្ពុជា​បន្ដ​រក​ឃើញ​មនុស្ស​៦៥៨នាក់​​ឆ្លង​កូវីដ-១៩​ ខណៈ​​អ្នក​ជំងឺ​៧៩៨នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/07/31 12:13:13 pm        402
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​៦៥៨នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន៧៩៨នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន៤១០នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ២៤៨នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស២២នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៣៩៧នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប៦៩ ៩៩៦នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៧៧ ២៤៣នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

បណ្ដាផ្លូវនានាមានសភាពស្ងប់ស្ងាត់ ខណៈអាជ្ញាធររាជធានីភ្នំពេញ ដាក់បម្រាកគោចរជាលើកទី២ ដើម្បីទប់ស្កាត់ជំងឺកូវីដ១៩

2021/07/30 02:16:42 pm        710
Facebook Telegram Linkin
ភ្នំពេញ៖ ស្ថានភាពនៅតាមដងផ្លូវនានា ក្នុងភូមិសាស្រ្តរាជធានីភ្នំពេញនារាត្រីនេះ ហាក់មានសភាពស្ងប់ស្ងាត់ល្អ ខណៈពេល​ដែល​អាជ្ញា​ធរ បានដាក់ចេញនូវបម្រាមគោចរ ជាលើកទី២ រយៈពេល១៤ថ្ងៃ ដោយត្រូវបានផ្អាកជាបណ្តោះអាសន្ន នូវរាល់ការធ្វើចរាចរណ៍ និងរាល់​សកម្ម​ភាព ការងារ មុខរបរ ឬអាជីវកម្ម នៅចន្លោះម៉ោង ៩យប់ដល់ម៉ោង៣ភ្លឺ។នេះឆ្លុះបញ្ជាំងឱ្យឃើញពីការយល់ដឹង និងចូលរួមសហការណ៍ យ៉ាងយកចិត្តទុកដាក់ ពីសំណាក់ប្រជាពលរដ្ឋ ក្នុងការប្រយុទ្ធប្រឆាំង​នឹង​ជំងឺ​ដ៏កាច​សាហាវ កូវីដ១៩ ក្នុងប្រទេសកម្ពុជា ក៏ដូចជាពិភពលោក។សូម​រំលឹកថា ដើម្បីទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត រដ្ឋ​បា​ល​​រាជធាំនីភ្នំពេញ បានដាក់ចេញនូវវិធានការដ្ឋបាល(បំរាមគោចរ) នៅក្នុងភូមិសាស្ត្ររាជធានីភ្នំពេញ ១៤ថ្ងៃ គិតចាប់ពីថ្ងៃទី២៩ វេលា​ម៉ោង​២៣និង៥៩នាទីតទៅ ដោយត្រូវបានផ្អាកជាបណ្តោះអាសន្ន នូវរាល់ការធ្វើចរាចរណ៍ និងរាល់សកម្មភាព ការងារ មុខរបរ ឬអាជីវ​កម្ម នៅចន្លោះម៉ោង៩យប់ដល់ម៉ោង៣ភ្លឺ៕

សមត្ថកិច្ចក្នុងខេត្តបន្ទាយមានជ័យ ឃាត់ខ្លួនជនជាតិថៃ៧នាក់ដែលបានលួចឆ្លងដែនចូលកម្ពុជា

2021/07/30 03:21:38 pm        207
Facebook Telegram Linkin
បន្ទាយមានជ័យ ៖ សមត្ថកិច្ច នៅថ្ងៃនេះ បានឃាត់ខ្លួនជនជាតិថៃ ចំនួន៧នាក់ ដែលបានលួចឆ្លងដែនចូលទឹកដីកម្ពុជា ក្នុងភូមិសាស្ត្រខេត្តបន្ទាយមានជ័យ ខណៈខេត្តនេះបាននឹងកំពុងដាក់ចេញនូវវិធានការបិទខ្ទប់ ដើម្បីទប់ ស្កាត់ការនាំចូលមេរោគកូវីដ-១៩ ពិសេស ប្រភេទ Delta ។​ជនជាតិថៃប្រុស-ស្រី ចំនួន ៧នាក់ បានលួចឆ្លងដែនពីប្រទេសថៃចូលមកប្រទេសខ្មែរ នៅចំណុច ផ្លូវឧកញ៉ា សំផាន់ណារិទ្ធិ ក្បែរបង្គោលព្រំដែនលេខ៤៣ "ដីខ្មែរស្រែថៃ" នាភូមិ/ឃុំ ណូនម៉ាក់មុន ស្រុកគោកស៊ូង ខេត្តស្រះកែវ ប្រទេសថៃ ទល់មុខភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ត្រូវបានកម្លាំងចម្រុះឃាត់ខ្លួនបាននៅវេលាម៉ោង១យប់ រំលងអាធ្រាត្រចូលថ្ងៃទី៣០ ខែកក្កដានេះ។លោកវរសេនីយ៍ទោ ប៉ែន សុគន្ធ មេបញ្ជាការវរសេនាតូចថ្មើរជើងលេខ៥១៤ បានឱ្យដឹងថា ការឃាត់ខ្លួនជនជាតិថៃទាំង៧នាក់នេះ បន្ទាប់ពីកម្លាំងចម្រុះ បានល្បាត២៤ម៉ោង លើ២៤ម៉ោង ដោយប្តូរវេន គ្នា ដើម្បីទប់ស្កាត់ពលករលួចឆ្លងដែន និងទប់ស្កាត់ការឆ្លងរាលដាល នៃជំងឺកូវីដ-១៩ មិនឲ្យចូលទៅក្នុងសហគមន៍។លោកវរសេនីយ៍ទោ បានបញ្ជាក់ថា ក្រោយការឃាត់ខ្លួន ជនជាតិថៃទាំង៧នាក់ ត្រូវបានក្រុមគ្រូពេទ្យជួរមុខយកសំណាកទៅវិភាគ ដើម្បីមេរោគកូវីដ-១៩ ពិសេសគឺប្រភេទថ្មី Delta រួចនាំយកទៅធ្វើចត្តាឡីស័កឲ្យបានគ្រប់ចំនួន២១ថ្ងៃ ហើយនៅពេលចប់ចត្តាឡីស័ក នឹងត្រូវបញ្ជូនទៅឲ្យមន្ត្រីជំនាញចាត់ការទៅតាមនីតិវិធីច្បាប់ផងដែរ៕អត្ថបទ ៖ សារិទ្ធ

កម្ពុជា​បន្ដ​រក​ឃើញ​មនុស្ស​៦៦៨នាក់​​ឆ្លង​កូវីដ-១៩​ ខណៈ​​អ្នក​ជំងឺ​៨១២នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/07/30 08:58:08 am        437
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​៦៦៨នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន៨១២នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន៤២៨នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ២៤០នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស២៥នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៣៧៥នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប៦៩ ១៩៨នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ចំនួន ៨១២​នាក់ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៧៦ ៥៨៥នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ប្រជាពលរដ្ឋស្រុកឈូកម្នាក់ទៀតហើយ ស្លាប់សង្ស័យពុលស្រាស ធ្វើឲ្យចំនួនអ្នកស្លាប់​កើន​ដល់៧នាក់

2021/07/29 01:06:20 pm        465
Facebook Telegram Linkin
កំពត ៖ គិតមកដល់ល្ងាចថ្ងៃទី២៩ ខែកក្កដានេះ ពលរដ្ឋរស់នៅក្នុងភូមិដូនយ៉យ និងភូមិក្រសាំងមានជ័យ ឃុំដូនយ៉យ ស្រុកឈូកបានស្លាប់ម្នាក់ទៀតហើយ ក្នុងករណីសង្ស័យថា ពុលស្រាសនោះ។ លោក ស៊ឺន កើន នាយប៉ុស្តិ៍គរបាលរដ្ឋបាលឃុំដូនយ៉យ បានប្រាប់ឱ្យដឹងថា នៅព្រឹកថ្ងៃទី២៩ ខែកក្កដានេះ មានពលរដ្ឋម្នាក់ទៀតហើយ បានស្លាប់បាត់បង់ជីវិត ធ្វើឲ្យចំនួនអ្នកស្លាប់​កើន​ដល់៧នាក់។បើតាមលោកនាយប៉ុស្តិ៍ បានឲ្យដឹងថា គិតមកដល់ថ្ងៃទី២៩ ខែកក្កដានេះ មានប្រជាពលរដ្ឋ​ចំនួន៣០នាក់ ដែលបានពាក់ព័ន្ធនឹងករណីសង្ស័យថា ពុលស្រាស ក្នុងនោះស្លាប់៧នាក់ កំពុងសម្រាកព្យាបាលម្នាក់ រីឯអ្នកផ្សេងទៀត មានសុខភាពធម្មតា។ដោយឡែកចំពោះអ្នកលក់ស្រា ស បានរត់គេចខ្លួនបាត់។ករណីពុលស្រាស នៅខេត្តកំពតបានកើតឡើងពីរលើករួចមកហើយ ក្នុងស្រុកកំពង់ត្រាច នាចុងខែឧសភា និងដើមខែកក្កដា ឆ្នាំ២០២១នេះ បណ្តាលឱ្យមនុស្សប្រុសស្រីជិត​២៩នាក់ បានស្លាប់។ ពាក់ព័ន្ធបញ្ហានេះ អាជ្ញាធរខេត្ត បានចាត់វិធានការ និងចេញបទបញ្ជាមិនឲ្យជនណាម្នាក់​បិទ​ស្រាដោយខុសច្បាប់ ឬគ្មានការត្រួតពិនិត្យពីមន្ត្រីជំនាញនោះទេ ក្នុង​ករណីមានត្រូវ​រឹបអូស​សម្ភារៈ និងឃាត់ខ្លួនកសាងសំណុំរឿងបញ្ជូនទៅតុលាការ ដើម្បីដោះស្រាយតាមនីតិវិធីច្បាប់៕អត្ថបទ ៖ សារីម

កម្ពុជា​បន្ដ​រក​ឃើញ​មនុស្ស​៧៦៥នាក់​​ឆ្លង​កូវីដ-១៩​ ខណៈ​​អ្នក​ជំងឺ​៦៩៤នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/07/29 11:59:42 am        580
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​៧៦៥នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន៦៩៤នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន៤៣៧នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ៣២៨នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស១១នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៣៥០នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប១០ ០៤៩នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៧៥ ៩១៧នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

អាជ្ញាធរថា ការមិនអនុវត្តខ្ជាប់ខ្ជួនវិធានការសុខាភិបាល ធ្វើឲ្យបាត់ដំបងផ្ទុះឆ្លងខ្លាំងជំងឺកូវីដ១៩

2021/07/29 11:53:24 am        389
Facebook Telegram Linkin
បាត់ដំបង៖ ស្ថានភាពជំងឺកូវីដ១៩ នៅក្នុងខេត្តបាត់ដំបង កំពុងមានការឆ្លងរីករាលដាលខ្លាំង នារយៈពេលប៉ុន្មានថ្ងៃចុងក្រោយនេះ ខណៈអាជ្ញាធរខេត្ត បានលើកឡើងថា បញ្ហានេះបណ្ដាលមកពីមនុស្សមួយចំនួន អនុវត្តនូវវិធានការសុខាភិបាលនៅមានការខ្វះចន្លោះ ពិសេសករណីពាក់ព័ន្ធនឹងព្រឹត្តិការណ៍សហគមន៍២០កុម្ភៈ ។បើតាមលោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានឲ្យដឹងថា អត្រានៃការឆ្លងជំងឺកូវីដ១៩ នៅក្នុងខេត្តបាត់ដំបង សម្រាប់ពលករទើបត្រឡប់មកពីថៃ មាន​ចំនួនតិច ព្រោះការឆ្លងដែនតាមច្រកនានាជាប់ខេត្តមានការថយចុះ បើធៀប​នឹងបណ្ដាខេត្ត​ជាប់ព្រំដែន​នៃប្រទេសថៃផ្សេងទៀត ។លោកអភិបាលរង បានបន្តថា មួយវិញទៀត ចំពោះការឆ្លងរាលដាលខ្លាំង នៃជំងឺកូវីដ១៩ នៅរយៈពេលប៉ុន្មានថ្ងៃនេះ គឺមានពលរដ្ឋមួយចំនួន មិនអនុវត្តឲ្យបានត្រឹមត្រូវនូវវិធានការ ៣កុំ ៣ការពារ ខណៈមាន​សាច់ញាតិ​របស់ពួកគាត់ មកពីតំបន់ប្រឈម មិនឲ្យធ្វើចត្តាឡីស័ក ឬ​នៅដាច់ដោយឡែក បែរជួបជុំគ្នាមិនរក្សាគម្លាតធ្វើសកម្មភាពផ្សេងៗ ។លោក សឿម ប៊ុនរិទ្ធ បានបន្ថែមថា ដោយបញ្ហានេះ សូមទទូចដល់ពលរដ្ឋចូលរួមឲ្យបានគ្រប់គ្នា នូវការអនុវត្តវិធានការសុខាភិបាល ឲ្យបានខ្ជាប់ខ្ជួន ទើបស្ថានភាពអាចធូរស្បើយបាន ។ មួយវិញទៀត ពាក់ព័ន្ធមានសាច់ញាតិ​មកពីតំបន់ប្រឈម គ្រួសារត្រូវផ្ដល់ព័ត៌មានដល់អាជ្ញាធរ ហើយមានការសង្ស័យ ត្រូវទៅជួប​គ្រូពេទ្យធ្វើតេស្តរហ័ស ក៏ដូចជាត្រូវធ្វើចត្តាឡីស័ក ដោយមិនត្រូវទុកចិត្តគ្នាពេកនោះទេ ព្រោះកន្លងមកក៏បានរកឃើញករណីឆ្លងតាមរយៈបែបនេះដែរ ។ចំពោះវិធានការទប់ស្កាត់ការរីករាលដាលនៃជំងឺកូវីដ១៩ អាជ្ញាធរខេត្តបាត់ដំបង កំពុងពន្លឿនការ​ចាក់វ៉ាក់​សាំងការពារឆ្លងជំងឺកូវីដ១៩ ដល់ពលរដ្ឋនៅទូទាំងខេត្តបានជាង ២០ម៉ឺននាក់ លើផែនការ​ប្រមាណ ៧០ម៉ឺននាក់ រួមទាំងអនុវត្តនូវវិធានការរឹតបន្តឹង ការធ្វើដំណើរឆ្លងចូលខេត្តបាត់ដំបង ពីរាជធានីភ្នំពេញ និងបណ្ដាខេត្តផ្សេងៗ ពិសេសពលករទើបត្រឡប់មកពីប្រទេសថៃ មានការពិនិត្យកម្ដៅ ការធ្វើតេស្តរហ័ស និងការដាក់ឲ្យធ្វើចត្តាឡីស័ក រួមទាំងមានការបិទខ្ទប់នូវផ្សារ ផ្ទះ ឬទីតាំងពាក់ព័ន្ធជំងឺកូវីដ១៩ផងដែរ ។ចាប់ពីមានការផ្ទុះឆ្លងជំងឺកូវីដ១៩ នៅក្នុងប្រទេសកម្ពុជា សម្រាប់បាត់ដំបង មានអ្នកឆ្លងជំងឺនេះចំនួន ២ ៩៤២នាក់ ព្យាបាលជាសះស្បើយចំនួន ១ ៧៥៣នាក់ ស្លាប់ចំនួន ៣៣នាក់ និងកំពុងសម្រាកព្យាបាលចំនួន ១ ១៥៦នាក់ ។ ដោយកាលពីថ្ងៃទី២៨ ខែកក្កដា ឆ្នាំ២០២១ អាជ្ញាធរ បានរកឃើញអ្នកវិជ្ជមានកូវីដ១៩ ចំនួន១២៥នាក់ ជាសះស្បើយចំនួន ១៣៩នាក់ និងស្លាប់ចំនួន ៣នាក់ ។ខេត្តបាត់ដំបង ក៏ជាខេត្តមួយក្នុងចំណោម ខេត្តចំនួន៨​ ដែលនឹងត្រូវអនុវត្តវិធានការបិទខ្ទប់​រយៈពេល ១៤ថ្ងៃ ចាប់ពីវេលាម៉ោង ២៣ និង៥៩នាទី យប់ថ្ងៃទី២៩ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១ ហើយរដ្ឋបាលខេត្ត នៅរសៀលថ្ងៃនេះ នឹងមានការបើកកិច្ចប្រជុំបន្ទាន់មួយ ដើម្បីរៀបចំអនុវត្តនូវវិធានការនេះ ៕

បណ្ដាញសង្គម

ព័ត៌មានថ្មីៗ

ផ្លូវជនបទជាសរសៃឈាមដែលតភ្ជាប់ ជំរុញដល់ដំណើរអន្តរកម្មសេដ្ឋកិច្ចមូលដ្ឋាន
05/08/2026 09:05 PM
Facebook Telegram Linkin
កិច្ចព្រមព្រៀងយន្តហោះចម្បាំង Gripen របស់អ៊ុយក្រែន អាចនឹងចុះហត្ថលេខាក្នុងរយៈពេលប៉ុន្មានខែទៀត
05/08/2026 09:05 PM
Facebook Telegram Linkin
ក្រុមហ៊ុនហ្វីលីពីន បង្ហាញការចាប់អារម្មណ៍ខ្ពស់ក្នុងការស្វែងរកកាលានុវត្តភាពវិនិយោគនៅកម្ពុជា
05/08/2026 08:05 PM
Facebook Telegram Linkin
អ៊ីរ៉ង់ច្រានចោលរបាយការណ៍ចារកម្មសហរដ្ឋអាមេរិកអាមេរិកពីសមត្ថភាពយោធាចុះខ្សោយរបស់ខ្លួន
05/08/2026 08:05 PM
Facebook Telegram Linkin
អាស៊ានជំរុញឲ្យអាមេរិក និងអ៊ីរ៉ង់បញ្ចប់ជម្លោះ និងអំពាវនាវឲ្យលុបបំបាត់ស្ថានភាពមិនច្បាស់លាស់
05/08/2026 08:05 PM
Facebook Telegram Linkin
ទីភ្នាក់ងារ EU អនុញ្ញាតឲ្យប្រើប្រាស់ប្រេងឥន្ធនៈយន្តហោះរបស់អាមេរិក ខណៈការខ្វះខាតជិតកើតមាន
05/08/2026 08:05 PM
Facebook Telegram Linkin
សម្តេចធិបតី អញ្ជើញចូលរួមពិធីជប់លៀងផ្លូវការ នៅទីក្រុងសេប៊ូ
05/08/2026 08:05 PM
Facebook Telegram Linkin
លោក Zelenskiy បំពេញទស្សនកិច្ចទៅកាន់តំបន់ជួរមុខស្ថិតនៅភាគអាគ្នេយ៍ប្រទេសអ៊ុយក្រែន
05/08/2026 08:05 PM
Facebook Telegram Linkin
លោក Rubio បញ្ជាក់ថា អាមេរិករំពឹងថា អ៊ីរ៉ង់នឹងឆ្លើយតប ចំពោះកិច្ចព្រមព្រៀងសន្តិភាព ថ្ងៃសុក្រនេះ
05/08/2026 08:05 PM
Facebook Telegram Linkin
យោធា៖ សំឡេងស៊ីរ៉ែនបន្លឺឡើងនៅភាគខាងជើងអ៊ីស្រាអែល ក្រោយមានការបាញ់ផ្លោងពីលីបង់
05/08/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.