BTV NEWS

ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីកម្ពុជា

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

រតនគិរី ៖ នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកអ្នកដែលពាក់ព័ន្ធជាមួយអ្នកវិជ្ជមានកូវីដ-១៩ ទ្រង់ទ្រាយធំ ខណៈការឆ្លងរាលដាលជំងឺនេះ កំពុងហក់ឡើង ក្នុងខេត្តភូមិភាគឦសានមួយនេះ។លោក ញ៉ែម សំអឿន អភិបាលរង និងជាអ្នកនាំពាក្យរដ្ឋបាលខេត្តរតនគិរី បានឱ្យដឹងថា នៅថ្ងៃទី ២៣ ខែមិថុនានេះ មន្ត្រីសុខាភិបាល ក៏ដូចជាមន្ត្រីជំនាញ ចាប់ផ្តើមធ្វើតេស្តយកសំណាកអ្នកដែលពាក់ព័ន្ធផ្ទាល់ និងប្រយោលជាមួយអ្នកវិជ្ជមានកូវីដ-១៩ ដោយឧបករណ៍តេស្តរហ័សទ្រង់ទ្រាយធំ តាមបណ្តា ក្រុង-ស្រុក ដែលប្រឈមហានិភ័យឆ្លងខ្ពស់។អ្នកនាំពាក្យសាលាខេត្តរតនគិរីរូបនេះ បានឱ្យដឹងទៀតទៀត រដ្ឋបាលខេត្ត បានពង្រីកបន្ថែមនូវ មណ្ឌលសម្រាប់ព្យាបាលអ្នកវិជ្ជមានកូវីដ-១៩ និងមណ្ឌលធ្វើចត្តាឡីស័ក ព្រោះថាតាមរយៈការយកសំណាកទ្រង់ទ្រាយធំនាថ្ងៃនេះ ដោយឧបករណ៍តេស្តរហ័ស អាចនឹងមានហានិភ័យខ្ពស់ចំពោះលទ្ធផល ព្រោះថា ប្រជាពលរដ្ឋដែលវិជ្ជមានកូវីដ-១៩កន្លងមក មានភាពប្រទាក់ក្រឡាគ្នាច្រើន។ត្រឹមរយៈពេល៦ថ្ងៃ ដោយគិតចាប់ពីថ្ងៃទី១៨ ខែមិថុនានេះ ដែលជាថ្ងៃដំបូងនៃការផ្ទុះរាលដាល ជំងឺកូវីដ-១៩ ទ្រង់ទ្រាយធំក្នុងខេត្តរតនគិរី រហូតមកដល់ថ្ងៃទី២៣ ខែមិថុនានេះ រដ្ឋបាលខេត្ត បានរក ឃើញករណីអ្នកវិជ្ជមាន ប្រមាណជាជិត២០០នាក់៕អត្ថបទ ៖ ជៀប សម្បត្តិ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

ភ្នំពេញ ៖ និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន ឈ្មួញជើងសារ GFX ដោយធ្វើការជាមួយក្រុមហ៊ុន ពិនិត្យមើលឯកសាររបស់វិនិយោគិន។ អន្តរាគមន៍របស់និយ័តករមូលបត្រកម្ពុជានេះ គឺធ្វើឡើងបន្ទាប់ពីកិច្ចប្រជុំរវាងនិយ័តករមូលបត្រកម្ពុជា និងក្រុមវិនិយោគិនក្រុមហ៊ុនកាលពីថ្ងៃទី២២ ខែមិថុនាម្សិលមិញ។កិច្ចប្រជុំកាលពីម្សិលមិញ ធ្វើឡើងបន្ទាប់ពីវិនិយោគិនដែលបានបាត់បង់លុយវិនិយោគពីគណនីជាមួយក្រុមហ៊ុន GFX បានទាមទារជិតមួយខែ ស្នើសុំឱ្យក្រុមសងត្រឡប់ប្រាក់វិនិយោគដើមដែលបាត់បង។លោក ធូ ពន្លឺ វិនិយោគិនម្នាក់ ដែលចូលរួមប្រជុំម្សិលមិញ បានឱ្យដឹងថា ពួកគាត់បានផ្តល់នូវព័ត៌មានបន្ថែម និងឯកសារពាក់ព័ន្ធមួយចំនួន ទៅកាន់និយ័តករមូលបត្រកម្ពុជា។ តាមរយៈអន្តរាគមន៍របស់និយ័តករមូលបត្រកម្ពុជា លោក ធូ ពន្លឺ លើកឡើងថា ក្រុមវិនិយោគិនមានសង្ឃឹម សំណុំរឿងទាមទារប្រាក់វិនិយោគត្រឡប់ នឹងទទួលបានលទ្ធផលវិជ្ជមាន ក្នុងពេលឆាប់ៗខាងមុខ។អគ្គនាយកនិយ័តករមូលបត្រកម្ពុជា ឯកឧត្តម ស៊ូ សុជាតិ មិនអាចសុំការបញ្ជាក់បន្ថែមបានទេ នៅព្រឹកថ្ងៃពុធនេះ។ជុំវិញរឿងនេះ លោក ជា រដ្ឋសាវុន មេធាវីនៃក្រុមហ៊ុន GFX បានបញ្ជាក់នៅព្រឹកថ្ងៃនេះដែរថា មកដល់ពេលនេះ ក្រុមហ៊ុនបានជួបអតិថិជនចំនួនជាង ៣០នាក់ហើយ ក្នុងចំណោមអតិថិជនសរុបប្រមាណ៣ពាន់នាក់។លោក ឲ្យដឹងទៀតថា ជាគោលការណ៍ ក្រុមហ៊ុនបានបញ្ជាក់ក្នុងសេចក្តីប្រកាស១លើក និង២លើកហើយ ឈរលើគោលការណ៍ក្រុមហ៊ុនជាអ្នករងគ្រោះដូចគ្នា ដូច្នេះ បានក្រុមហ៊ុនបើកដំណោះស្រាយ នឹងដើម្បីឲ្យវិនិយោគិនពិនិត្យ បើសិនជាវិនិយោគិនពិនិត្យលើលទ្ធភាពអំពីការចូលរួមរបស់ក្រុមហ៊ុនបាន គាត់នឹងទទួលទៅជាសាច់ប្រាក់។ ប៉ុន្តែបើគាត់អត់ទទួលទេ នោះជាការសម្រេចចិត្តរបស់វិនិយោគិន។ពាក់ព័ន្ធការណាត់ជួបអតិថិជនដើម្បីជួបពិភាក្សារកដំណោះស្រាយ លោក បានឲ្យដឹងថា ក្នុង១លើកមានចំនួនតែ១៥នាក់ប៉ុណ្ណោះ ដោយសារគោរពតាមការណែនាំវិធានការសុខាភិបាលដើម្បីទប់ស្កាត់ការឆ្លងរាលដាលជំងឺកូវីដ-១៩។គួររម្លឹកថា ក្រុមហ៊ុន GOLDFX INVESTMENT ជាក្រុមហ៊ុនឯកជនទទួលខុសត្រូវមានកម្រិតស្របច្បាប់ និងជាភ្នាក់ងារឈ្មួញជើងសារឧបករណ៍និស្សន្ទ ដែលទទួលអាជ្ញាប័ណ្ណស្របច្បាប់ពីគណៈកម្មការមូលបត្រកម្ពុជា ដែលសំដៅទៅការជួញដូរលើរូបិយប័ណ្ណអន្តរជាតិ មាស និងប្រេងឆៅជាដើម៕អត្ថបទ ឈិត បូរ៉ាវី

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៨៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៥៤៨នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៣៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៥៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៧៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៩ ៣១៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៤ ៧១១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ជនសង្ស័យ ០៣នាក់ ត្រូវបាននគរបាលឃាត់ខ្លួនពាក់ព័ន្ធករណីឃាតកម្មគិតទុកជាមុន បង្កជនរងគ្រោះស្លាប់

ភ្នំពេញ៖ ជនសង្ស័យ ០៣នាក់ ពាក់ព័ន្ធករណីឃាតកម្មគិតទុកជាមុនបង្កជនរងគ្រោះស្លាប់ បន្ទាប់ពីរត់គេចខ្លួនបានរយៈពេល៣ថ្ងៃ ត្រូវបាននគរបាលឃាត់ខ្លួនបានសម្រេច។ ប្រតិបត្តិការឃាត់ខ្លួននេះ ធ្វើឡើងកាលពីវេលាម៉ោង ០៣រសៀលថ្ងៃទី២២ ខែមិថុនា ឆ្នាំ២០២១ នៅចំណុចវាលស្រែ ស្ថិតនៅភូមិភ្នំតូច ឃុំសំភី ស្រុកបាទី ខេត្តតាកែវ។ក្នុងប្រតិបត្តិការស្រាវជ្រាវករណីឃាតកម្ម នេះធ្វើឡើងក្រោមការបញ្ជាផ្ទាល់ពីនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, ឧត្តមសេនីយ៍ឯក អិន បូរ៉ា អគ្គស្នងការរង និង ដឹកនាំបញ្ជាដោយ លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ដឹកនាំកម្លាំងផ្ទាល់លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ និងលោកវរសេនីយ៍ទោ ហែម បូណា នាយការិយាល័យព្រហ្មទណ្ឌកម្រិតធ្ងន់ សហការជាមួយកម្លាំងនគរបាលនៃស្នងការដ្ឋាននគរបាលខេត្តតាកែវ។នគរបាលជំនាញ បានអោយដឹងថា ជនសង្ស័យទាំង ៣នាក់ រួមមាន ទី១ ឈ្មោះ ម៉ង សម្បត្តិ ភេទប្រុស អាយុ ២១ឆ្នាំ , ទី២ ឈ្មោះ ម៉ង សីហា ភេទប្រុស អាយុ ១៩ឆ្នាំ (ទាំង ០២នាក់ជាបងប្អូនបង្កើត) និងទី៣ ឈ្មោះ ឌឹម ប្រុស ហៅ រាជ ភេទប្រុស អាយុ ១៩ឆ្នាំ ជនសង្ស័យទាំង៣នាក់មានលំនៅដ្ឋានស្នាក់ស្ថិតនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ។ចំណែកជនរងគ្រោះដែលបានស្លាប់មានឈ្មោះ មាំង ខែមរៈ ភេទប្រុស អាយុ ២៧ឆ្នាំ ស្នាក់នៅស្ថិតនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ ដូចគ្នា។គួររំលឹកផងដែរ កាលពីថ្ងៃទី១៩ ខែមិថុនា ឆ្នាំ២០២១ វេលាម៉ោង ២២និង៤០នាទី មានករណីឃាតកម្មមួយកើតទ្បើង នៅចំណុចភូមិខ្នារទង់ ឃុំកុមារាជា ស្រុកបាទី ខេត្តតាកែវ បង្កដោយជនសង្ស័យ ០៣នាក់ បានធ្វើសកម្មភាពកាប់ទៅលើជនរងគ្រោះឈ្មោះ មាំង ខែមរៈ ភេទប្រុស អាយុ ២៧ឆ្នាំ រស់នៅកន្លែងកើតហេតុ បណ្តាលឲ្យរងរបួសជាច្រើនកន្លែង និងដាច់កដៃខាងឆ្វេង ស្លាប់ភ្លាមៗនៅកន្លែងកើតហេតុមុខផ្ទះជនរងគ្រោះ ហើយជនសង្ស័យទាំងបីនាក់បានរត់គេចខ្លួនបាត់។ ក្រោយពេលឃាត់ខ្លួនជនសង្ស័យទាំងបីនាក់បានឆ្លើយសារភាពថា ពួកខ្លួនពិតជាបានធ្វើសកម្មភាពយកកាំបិតផ្គាក់កាប់ទៅលើជនរងគ្រោះឈ្មោះ មាំង ខែមរៈ បណ្តាលឲ្យស្លាប់ប្រាកដមែន មូលហេតុដោយសារទំនាស់ពាក្យសំដីក្នុងពេលលេងបាល់ទះ ក៏ឌឺដងដាក់គ្នារហូតឈានដល់កាប់សម្លាប់គ្នាតែម្ដង។បច្ចុប្បន្នជនសង្ស័យទាំង ០៣នាក់ ត្រូវបាននគរបាលនាយកដ្ឋាននគរបាលព្រហ្មទណ្ឌ ប្រគល់ឲ្យកម្លាំងនគរបាលនៃស្នងការដ្ឋាននគរបាលខេត្តតាកែវ ដើម្បីកសាងសំណុំចាត់ការបន្តតាមនីតិវិធី៕ អត្ថបទ៖ កុម្ភៈ

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

ឧត្ដរមានជ័យ ៖ រយៈពេល២០ថ្ងៃ ក្នុងខែមិថុនានេះ មានការរកឃើញអ្នកវិជ្ជមានកូវីដ-១៩ ចំនួន១៧៩នាក់ លើពលករ ខ្មែរ ឆ្លងដែនមកពីថៃ តាមច្រកខេត្តឧត្តរមានជ័យ ក្នុងនោះ អ្នកឆ្លងមេរោគបំប្លែងថ្មី ប្រភេទB-1-617-2 (Daalta) ដែលជាប្រភេទមកពីឥណ្ឌានោះ មានចំនួនបីនាក់។លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាល ខេត្តឧត្តរមានជ័យ បានឱ្យដឹងថា ពលករ ឆ្លងដែនមកពីថៃ តាមច្រកខេត្តឧត្តរមានជ័យ ក្នុងខែមិថុនានេះ មានចំនួនកើនឡើងដល់៤០៩០នាក់។លោកវេជ្ជបណ្ឌិត បានបញ្ជាក់ថា ការរកឃើញមេរោកបំប្លែងខ្លួនថ្មី មានប្រភពមកពីឥណ្ឌាលើពល ករមកពីថៃ គឺជាក្ដីបារម្ភមួយថ្មី ដែលទាមទារឱ្យអាជ្ញាធរមានសមត្ថកិច្ច ដែលកំពុងឈរជើងនៅតាមច្រក ព្រំដែនទាំងអស់ បង្កើនការយកចិត្តទុកដាក់ក្នុងការគ្រប់គ្រងរំហូរចូលនៃពលករ ដោយត្រូវពិនិត្យសុខភាព ពួកគេឱ្យបានហ្មត់ចត់ ។លោក បានស្នើដល់អាជ្ញាធរខេត្តឧត្តរមានជ័យ ត្រូវផ្តល់ព័ត៌មានឱ្យបានឆាប់រហ័ស ក្នុងករណីមាន ការពាក់ព័ន្ធនឹងអ្នកមានវិជ្ជមានកូវីដ-១៩ ក្នុងមូលដ្ឋានរបស់ខ្លួន៕អត្ថបទ៖ ឃិន សារិទ្ធ

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

រតនគិរី ៖ អាជ្ញាធរខេត្តរតនគិរីក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩ ដោយអំពាវដល់ពលរដ្ឋថា បើពុំមានការចាំបាច់ កុំធ្វើដំណើរចេញ-ចូលខេត្ត ខណៈជំងឺកូវីដ-១៩ កំពុងផ្ទុះរលកចម្លងទ្រង់ទ្រាយធំក្នុងភូមិសាស្ត្រខេត្តនេះ។ក្នុងរយៈពេលប៉ុន្មានថ្ងៃចុងក្រោយនេះ ក្នុងខេត្តរតនគិរី កើតមានរលកចម្លងជំងឺកូវីដ-១៩ គួរឱ្យ ព្រួយបារម្ភ ដែលនាំឱ្យឯកឧត្តម ថង សាវុន អភិបាលខេត្តរតនគិរី ណែនាំដល់អាជ្ញាធរមានសមត្ថកិច្ច ឱ្យធ្វើ ការរឹតបន្តឹងទប់ស្កាត់ការចម្លងបន្ត និងធ្វើការស្រាវជ្រាវអ្នកពាក់ព័ន្ធ ដើម្បីកាត់ផ្ដាច់ឫសគល់ចម្លង។ឯកឧត្តម ថង សាវុន បានឲ្យដឹងថា ស្ថានភាពនេះ អាចវាយតម្លៃបានថា អត្រាចម្លង បន្តស្ថិតនៅ ក្នុងកម្រិតហានិភ័យខ្ពស់ ដោយសារទំនាក់ទំនងរបស់ប្រជាពលរដ្ឋ ដែលវិជ្ជមានកន្លងមក មានភាពប្រទាក់ក្រឡាគ្នាច្រើន។ បច្ចុប្បន្នអាជ្ញាធរមានសមត្ថកិច្ច និងមន្ត្រីជំនាញ កំពុងបន្តស្រាវជ្រាវ ដើម្បីស្វែងរកអ្នកពាក់ព័ន្ធ មកធ្វើតេស្តសំណាក និងបិទតំបន់ទីតាំងប្រឈមមួយចំនួន ដើម្បីអាចគ្រប់គ្រងបាននូវសភាពការណ៍នេះ។ជាវិធានការបន្ត រដ្ឋបាលខេត្តរតនគិរី ក៏បានសម្រេចដាក់បម្រាមគោចរជាបណ្ដោះអាសន្ន ចាប់ពី ម៉ោង៨យប់ ដល់ម៉ោង៥ព្រឹក ដោយផ្អាកជាបណ្ដោះអាសន្នការប្រមូលផ្ដុំ ការជួបជុំ និងផ្អាកជាបណ្ដោះ អាសន្ននូវសកម្មភាពមុខរបរ ឬអាជីវកម្ម ដែលមានហានិភ័យខ្ពស់ នៃការឆ្លងរាលដាលជំងឺកូវីដ-១៩ រយៈ ពេល១៤ថ្ងៃ ដោយគិតចាប់ពីថ្ងៃទី២១ ខែមិថុនា នេះ រហូតដល់ថ្ងៃទី០៤ ខែកក្កដា ឆ្នាំ២០២១ ។អភិបាលខេត្តរតនគិរី ក៏បានអំពាវនាវឲ្យពលរដ្ឋបន្តការដាក់ខ្លួនដាច់ដោយឡែកពីក្រុមគ្រួសារ តាម ដានសុខភាពផ្ទាល់ខ្លួនជាប្រចាំ ជាពិសេស គឺការអនុវត្តវិធានការ ៣កុំ ៣ការពារ។ ចំពោះមធ្យោបាយដឹក ជញ្ជូនទំនិញគ្រប់ប្រភេទ នៅតែបន្តសកម្មភាពជាប្រក្រតី ព្រមទាំងអនុវត្តតាមវិធានសុខាភិបាលជាប់ជានិច្ច។គិតត្រឹមវេលាព្រឹកថ្ងៃទី២២ ខែមិថុនានេះ រដ្ឋបាលខេត្តរតនគិរី ប្រកាសរកឃើញករណីវិជ្ជមាន កូវីដ-១៩ ចំនួន១៦២ នាក់ ក្នុងនោះព្យាបាលជាសះស្បើយ៨នាក់ និងកំពុងសម្រាកព្យាបាល ចំនួន១៥៤ នាក់ ដែលជាការឆ្លងបន្តក្នុងសហគមន៍ដោយសារការផ្ទុះរាលដាលខ្លាំងកាលពីថ្ងៃទី១៨ ខែមិថុនានេះ៕អត្ថបទ៖ ជៀប សម្បត្តិ

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៧៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៧៦៣នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៦២០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៥៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៥៩នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៨ ៧៦៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៤ ១២៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

គោលនយោបាយសេដ្ឋកិច្ច និងសង្គមឌីជីថលកម្ពុជា ទទួលបានការគាំទ្រពីអ្នកជំនាញ និងអ្នកប្រើប្រាស់បច្ចេកវិទ្យាសម្រាប់អាជីវកម្ម

ភ្នំពេញ ៖ រាជរដ្ឋាភិបាលកម្ពុជា បានប្រកាសដាក់ឱ្យប្រើប្រាស់ខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា សម្រាប់ជាការតម្រង់ទិសដើម្បីកសាងសេដ្ឋកិច្ច និងសង្គមឌីជីថលរស់រវើក តាមរយៈការរៀបចំមូលដ្ឋានគ្រឹះ បរិវត្ដកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និងទាំងធុរជន ដើម្បីជំរុញសន្ទុះកំណើនសេដ្ឋកិច្ចថ្មី។អ្នកជំនាញ និងអ្នកប្រើប្រាស់ប្រព័ន្ធបច្ចេកវិទ្យាសម្រាប់អាជីវកម្ម បានបញ្ជាក់ពីការគាំទ្រក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា របស់រាជរដ្ឋាភិបាល ដោយលើកឡើងថា បរិវត្តកម្មឌីជីថលនឹងនាំមកនូវបច្ច័យវិជ្ជមាន ជាចន្ទល់ និងជាក្បាលម៉ាស៊ីនកំណើនសេដ្ឋកិច្ច ដែលនឹងនាំមកនូវកាលានុវត្តភាពនៃប្រភពកំណើនថ្មី ការបង្កើនផលិតភាពសេដ្ឋកិច្ច, ការជំរុញពិពិធកម្មសេដ្ឋកិច្ច, និងការបង្កើតការងារផ្សេងៗ។លោក ពេជ សូវៀត (CEO) សហស្ថាបនិកអួតអេប (Uot App) និងជាសហគមន៍ទេសចរបែបឌីជីថល បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី២២ ខែ មិថុនា ឆ្នាំ២០២០ នេះថា បច្ចុប្បន្នពិភពលោកបានកំពុងប្រើប្រាស់ប្រព័ន្ធបច្ចេកវិទ្យា ជាយន្តការ និងសម្រាប់ការទំនាក់ទំនង ទាំងផ្នែកសេដ្ឋកិច្ច និងពាណិជ្ជកម្ម, ព្រោះការប្រើប្រាស់ប្រព័ន្ធបច្ចេកវិទ្យា បានកាត់បន្ថយពេលវេលា ការចំណាយ និងមានសុក្រឹតភាពជឿជាក់, ជាក់ស្តែងក្នុងស្ថានភាពនៃការរីករាលដាលជំងឺកូវីដ-១៩ ។ចំណែកលោក ប៉ាត់ ចំណាន នាយកក្រុមហ៊ុន ស៊ូភើ អេប តិចណូឡូជី ភីអិលស៊ី (Super App Technology plc) បានលើកឡើងថា ពាក់ព័ន្ធការបង្កើតក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា របស់រាជរដ្ឋាភិបាល គឺជាគោលនយោបាយដ៏ល្អ សម្រាប់កម្ពុជា ជាពិសេសកសាងទំនុកចិត្តសម្រាប់ធុរកិច្ច។សូមបញ្ជាក់ថា "ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥”របស់រាជរដ្ឋាភិបាល បានដាក់ចេញនូវក្របខណ្ឌ រយៈពេលវែងសំដៅជំរុញ និងតម្រង់ទិសបរិវត្តកម្មឌីជីថលនៅកម្ពុជា ឱ្យទទួលបានជោគជ័យ តាមរយៈការកំណត់ និងការអនុវត្តវិធានការគោលនយោបាយ ដែលឆ្លុះបញ្ចាំង និងឆ្លើយតបទៅនឹងស្ថានភាពបច្ចុប្បន្នរបស់កម្ពុជា ព្រមទាំងស្របតាមនិន្នាការតំបន់ និង សកល។ជាមួយគ្នានេះ ក្របខណ្ឌវិនិយោគគ្រប់ជ្រុងជ្រោយនឹងត្រូវបានរៀបចំឡើង ដើម្បីគាំទ្រដល់ផែនការវិនិយោគនៅក្នុងវិស័យឌីជីថល ជាពិសេសក្រោមក្របខណ្ឌគោលនយោបាយនេះ និងផែនការមេអភិវឌ្ឍន៍វិស័យឌីជីថលកម្ពុជា ដែលនឹងត្រូវបានគិតគូររៀបចំក្នុងជំហានបន្ទាប់ ៕អត្ថបទ៖ សុន រ៉ាឌី

តុលាការសម្រេចឃុំខ្លួនយុវជន ០៣នាក់ ក្រោមការចោទប្រកាន់បទប្រមាថចំពោះអង្គព្រះមហាក្សត្រ និងរួមគំនិតក្បត់

ភ្នំពេញ៖ យុវជន ០៣នាក់ ដែលជាសកម្មជនចលនាមាតាធម្មជាតិ ត្រូវបានតុលាកាសម្រេចឃុំខ្លួនបណ្ដោះអាសន្នហើយ បន្ទាប់ពីតុលាការបានសាកសួរជាច្រើនថ្ងៃ ទាក់ទិននឹងសកម្មភាពប្រមាថចំពោះអង្គព្រះមហាក្សត្រ និងរួមគំនិតក្បត់។ចៅក្រមស៊ើបសួរ នៃសាលាដំបូងរាជធានីភ្នំពេញ លោក អ៊ឹម វណ្ណៈ នៅថ្ងៃទី២១ ខែមិថុនា ឆ្នាំ២០២១ បានចេញដីកាបង្គាប់ឱ្យឃុំខ្លួនយុវជន ០៣នាក់ ដែលជាសកម្មជនចលនាមាតាធម្មជាតិ ដោយធ្វើការចោទប្រកាន់ចំនួន២បទល្មើស។ ក្នុងដីកាចៅក្រមស៊ើបសួរ បានចោទប្រកាន់ឈ្មោះ ស៊ុន រដ្ឋា ភេទស្រី និងឈ្មោះ យឹម លាងហ៊ី ភេទប្រុស ពីបទប្រមាថចំពោះអង្គព្រះមហាក្សត្រ និងរួមគំនិតក្បត់ តាមបញ្ញត្តិមាត្រា ៤៣៧ ស្ទួន និងមាត្រា ៤៥៣ នៃក្រមព្រហ្មទណ្ឌ និងម្នាក់ទៀតឈ្មោះ លី ចាន់ដារ៉ាវុត ភេទប្រុស ពីបទរួមគំនិតក្បត់ តាមមាត្រា ៤៥៣ នៃក្រមព្រហ្មទណ្ឌ ដែលពួកគេបានប្រព្រឹត្តនៅប្រទេសកម្ពុជា កាលពីក្នុងឆ្នាំ២០១២ ដល់ឆ្នាំ២០២១។យុវជនទាំង ០៣នាក់ត្រូវបាននគរបាលធ្វើការឃាត់ខ្លួនកាលពីថ្ងៃទី១៦ ខែមិថុនា ឆ្នាំ២០២១ ដោយយោងតាមដីកាបញ្ជាឱ្យចូលខ្លួនរបស់លោក សេង ហៀង ព្រះរាជអាជ្ញារង អមសាលាដំបូងរាជធានីភ្នំពេញ ដែលបង្គាប់ឱ្យកម្លាំងមានសមត្ថកិច្ចនាំខ្លួនយុវជនទាំង៣នាក់ និងយោងលើរបាយការណ៍របស់នាយកដ្ឋានកណ្ដាលសន្តិសុខ នៃអគ្គស្នងការដ្ឋាននគរបាលជាតិ ចុះថ្ងៃទី១២ ខែមិថុនា ឆ្នាំ២០២១ និងតាមមាត្រា ៣៧ មាត្រា ៩៤ និងមាត្រា ១១៤ នៃក្រមព្រហ្មទណ្ឌ ឆ្នាំ២០០៧ ដោយសារតែពួកគេមានអង្គការចាត់តាំងខុសច្បាប់ និងប្រើប្រាស់ហិរញ្ញប្បទានភេរវកម្ម។ក្រៅពីការចោទប្រកាន់យុវជនទាំង ០៣នាក់ ស្ថាប័នតុលាកាតក៏បានធ្វើការចោទប្រកាន់ឈ្មោះ អាឡិចសង់ដ្រូ ហ្គន់ស្សាឡេស ឌីវិសុន ជាជនជាតិអេស្បាញ ដែលជាអតីតប្រធានអង្គការមាតាធម្មជាតិ ពីបទប្រមាថចំពោះអង្គព្រះមហាក្សត្រ និងរួមគំនិតក្បត់ផងដែរ។សូមបញ្ជាក់ថា អង្គការមាតាធម្មជាតិ ត្រូវបានក្រសួងមហាផ្ទៃ ចេញសេចក្តីប្រកាស សម្រេចលុបចោលកាលពីថ្ងៃទី១៥ ខែកញ្ញា ឆ្នាំ២០១៧ បន្ទាប់ពីបានបណ្តេញ លោកអាឡិច ជាប្រធានអង្គការ ចេញពីប្រទេសកម្ពុជាកាលពីអំឡុងខែកុម្ភៈ ឆ្នាំ២០១៥៕អត្ថបទ៖ ប្រាក់ វ៉ាន់ដា

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ

កំពត ៖ ភ្លៀងលាយឡំជាមួយខ្យល់កន្ត្រាក់ កាលពីព្រឹកថ្ងៃទី២១ខែមិថុនានេះ បានធ្វើឱ្យប៉ាណូមួយផ្ទាំងធំដួលរលំគ្របផ្លូវបង្កការកកស្ទះចរាចរជាច្រើនម៉ោង។ ក្នុងស្ថានភាពបែបនេះ ឯកឧត្តមអភិបាលខេត្តកំពត បានចុះពិនិត្យផ្ទាល់ និងបញ្ជាក្រុមជំនាញយកគ្រឿងចក្រកាត់ផ្តាច់ រួចស្ទូចកំណាត់ផ្ទាំងប៉ាណូចេញដើម្បីសម្រួលការធ្វើដំណើរ។មន្ត្រីនៃអាជ្ញាធរស្រុកទឹកឈូ បានរៀបរាប់ថា កាលពីវេលាម៉ោង៦ព្រឹកថ្ងៃទី២១ ខែមិថុនានេះ មានភ្លៀងធ្លាក់លាយឡំជាមួយខ្យល់កន្ត្រាក់ ក្នុងភូមិសាស្ត្រឃុំជុំក្រៀល ឃុំត្រពាំងធំ និងផ្នែកខ្លះទៀតនៃស្រុកទឹកឈូ។ ជាមួយហេតុការណ៍នេះ បានបណ្តាលឲ្យផ្ទាំងប៉ាណូកាត់ទទឹងផ្លូវជាតិលេខ៣៣ (កំពត-កែប) ត្រង់ចំណុចព្រំប្រទល់នៃឃុំជុំក្រៀល និងឃុំត្រពាំងធំ បាក់ដួលរលំបង្កការរាំងស្ទះសម្រាប់អ្នកដំណើរទូទៅ។ ទោះបីមិនមាននរណាម្នាក់រងគ្រោះក្នុងហេតុការណ៍នេះក្តី តែសសរផ្ទាំងប៉ាណូបានសង្កត់លើដំបូលផ្ទះ និងរថយន្តអ្នកភូមិមួយគ្រឿងផងដែរ។មន្ត្រីដដែល បានបញ្ជាក់ថា ដើម្បីសម្រួលដល់ការធ្វើចរាចររបស់អ្នកដំណើរទូទៅ ឯកឧត្តម ជាវ តាយ បានចុះពិនិត្យផ្ទាល់ រួចបញ្ជាក្រុមការងារជំនាញយកគ្រឿងចក្រកាត់ផ្តាច់ និងស្ទូចកំណាត់ផ្ទាំងប៉ាណូចេញក្នុងភាពបន្ទាន់បំផុត៕អត្ថបទ ៖ សារឹម

បណ្ដាញសង្គម

ព័ត៌មានថ្មីៗ

ផ្លូវជនបទជាសរសៃឈាមដែលតភ្ជាប់ ជំរុញដល់ដំណើរអន្តរកម្មសេដ្ឋកិច្ចមូលដ្ឋាន

កិច្ចព្រមព្រៀងយន្តហោះចម្បាំង Gripen របស់អ៊ុយក្រែន អាចនឹងចុះហត្ថលេខាក្នុងរយៈពេលប៉ុន្មានខែទៀត

ក្រុមហ៊ុនហ្វីលីពីន បង្ហាញការចាប់អារម្មណ៍ខ្ពស់ក្នុងការស្វែងរកកាលានុវត្តភាពវិនិយោគនៅកម្ពុជា

អ៊ីរ៉ង់ច្រានចោលរបាយការណ៍ចារកម្មសហរដ្ឋអាមេរិកអាមេរិកពីសមត្ថភាពយោធាចុះខ្សោយរបស់ខ្លួន

អាស៊ានជំរុញឲ្យអាមេរិក និងអ៊ីរ៉ង់បញ្ចប់ជម្លោះ និងអំពាវនាវឲ្យលុបបំបាត់ស្ថានភាពមិនច្បាស់លាស់

ទីភ្នាក់ងារ EU អនុញ្ញាតឲ្យប្រើប្រាស់ប្រេងឥន្ធនៈយន្តហោះរបស់អាមេរិក ខណៈការខ្វះខាតជិតកើតមាន

សម្តេចធិបតី អញ្ជើញចូលរួមពិធីជប់លៀងផ្លូវការ នៅទីក្រុងសេប៊ូ

លោក Zelenskiy បំពេញទស្សនកិច្ចទៅកាន់តំបន់ជួរមុខស្ថិតនៅភាគអាគ្នេយ៍ប្រទេសអ៊ុយក្រែន

លោក Rubio បញ្ជាក់ថា អាមេរិករំពឹងថា អ៊ីរ៉ង់នឹងឆ្លើយតប ចំពោះកិច្ចព្រមព្រៀងសន្តិភាព ថ្ងៃសុក្រនេះ

យោធា៖ សំឡេងស៊ីរ៉ែនបន្លឺឡើងនៅភាគខាងជើងអ៊ីស្រាអែល ក្រោយមានការបាញ់ផ្លោងពីលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ

ជនសង្ស័យ ០៣នាក់ ត្រូវបាននគរបាលឃាត់ខ្លួនពាក់ព័ន្ធករណីឃាតកម្មគិតទុកជាមុន បង្កជនរងគ្រោះស្លាប់

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

តុលាការសម្រេចឃុំខ្លួនយុវជន ០៣នាក់ ក្រោមការចោទប្រកាន់បទប្រមាថចំពោះអង្គព្រះមហាក្សត្រ និងរួមគំនិតក្បត់

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

នៅថ្ងៃនេះ ​រដ្ឋបាលខេត្ត​រតនគិរី ​ចាប់ផ្តើម​យក​សំណាក​ទ្រង់ទ្រាយ​ធំ​

និយ័តករ​មូលប​ត្រ​កម្ពុជា នឹង​ចូលរួម​ដោះស្រាយ​សំណុំរឿង​បាត់បង់​លុយ​វិនិយោគិន​ក្រុមហ៊ុន GFX

កម្ពុជា​បន្ដ​រក​ឃើញ​មនុស្ស​៥៨៧នាក់​​ឆ្លង​កូវីដ-១៩​ ខណៈ​អ្នក​ជំងឺ​៥៤៨នាក់​ទៀត​បាន​​ជា​សះ​ស្បើយ

២០​ថ្ងៃ រកឃើញ​កូ​វីដ​-១៩​លើ​ពលករ​មកពី​ថៃ​តាម​ច្រក​ខេត្តឧត្ដរមានជ័យ ១៧៩​នាក់ ​បីនាក់​ប្រភេទ​ថ្មី​

អាជ្ញាធរខេត្ត​រតនគិរី​ ក្រើនរំលឹក​ពលរដ្ឋ​ឱ្យ​ប្រុងប្រយ័ត្ន​ ខណៈ​កំពុង​ផ្ទុះ​ការ​ឆ្លង​កូ​វីដ​-១៩

កម្ពុជា​បន្ដ​រក​ឃើញ​មនុស្ស​៦៧៨នាក់​​ឆ្លង​កូវីដ-១៩​ ខណៈ​អ្នក​ជំងឺ​៧៦៣នាក់​ទៀត​បាន​​ជា​សះ​ស្បើយ

កកស្ទះ​ចរាចរ​ជាច្រើន​ម៉ោង​ដោយសារ​ភ្លៀង​លាយ​ខ្យល់​កន្ត្រាក់​ ធ្វើឲ្យ​រលំ​ប៉ាណូ​កាត់​ទទឹងផ្លូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ