BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

ខេត្តស្វាយរៀងរកឃើញមនុស្ស៤៣នាក់ទៀតឆ្លងកូវីដ-១៩ សុទ្ធតែជាកម្មករកម្មការិនីនៅតំបន់សេដ្ឋកិច្ចពិសេសក្រុងបាវិត

ស្វាយរៀង៖ កម្មករកម្មការិនីនៅតំបន់សេដ្ឋកិច្ចក្រុងបាវិតរហូតដល់ ៤៣នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តស្វាយរៀង បានបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើកម្មការិនីចំនួន ៣៨នាក់ និងកម្មករចំនួន ៥នាក់ ដែលពួកទាំងអស់គ្នាសុទ្ធតែបម្រើការនៅរោងចក្រយូលី ស្ថិតនៅក្នុងតំបន់សេដ្ឋកិច្ចពិសេសមួយនៃក្រុងបាវិត ជាប់ព្រំដែនកម្ពុជា-វៀតណាម។បើតាមរដ្ឋបាលខេត្តស្វាយរៀង កម្មករកម្មការិនីទាំង ៤៣នាក់ដែលទើបរកឃើញឆ្លងមេរោគកូវីដ-១៩នេះ ត្រូវបានបញ្ជូនទៅសម្រាកព្យាបាលនៅមណ្ឌលព្យាបាលជំងឺកូវីដ-១៩បាវិត។រដ្ឋបាលខេត្តមួយនេះ បញ្ជាក់ថា អាជ្ញាធរកំពុងស្វែងរក និងពិនិត្យសំណាកលើអ្នកពាក់ព័ន្ធផ្សេងទៀត ដើម្បីរកមេរោគកូវីដ-១៩ និងដាក់ឱ្យនៅដាច់ដោយឡែកដើម្បីតាមដានសុខភាព។កម្មករកម្មការិនីជាច្រើននាក់នៅតំបន់សេដ្ឋកិច្ចពិសេសត្រូវបានរកឃើញរកឃើញឆ្លងមេរោគកូវីដ-១៩ចាប់តាំងពីសប្ដាហ៍មុនមក៕

ខេត្តបន្ទាយមានជ័យ រកឃើញពលរដ្ឋ៣០នាក់ទៀតឆ្លងកូវីដ-១៩ ភាគច្រើនជាពលរដ្ឋនៅក្រុងប៉ោយប៉ែត

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសពីការរកឃើញប្រជាពលរដ្ឋ ៣០នាក់ទៀតឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៨៩នាក់ទៀត ត្រូវបានព្យាបាលជាសះស្បើយកាលពីថ្ងៃម្សិលមិញនេះ។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តបន្ទាយមានជ័យបញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើពលករខ្មែរចំនួន ៧នាក់ ដែលទើបវិលត្រឡប់មកពីប្រទេសថៃ ហើយក្រៅពីនេះ សុទ្ធតែជាកម្មករ បុគ្គលិកសហគ្រាស អាជីវករ និងកម្មកររើសអេចាយនៅក្នុងក្រុងប៉ោយប៉ែត។រដ្ឋបាលខេត្តនេះ ក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៨៩នាក់ទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ឬមណ្ឌលព្យាបាលហើយកាលពីថ្ងៃម្សិលមិញនេះ បន្ទាប់ពីត្រូវបានព្យាបាលជាសះស្បើយ៕

ខេត្តកំពង់ចាមរកឃើញពលរដ្ឋ៤២នាក់ទៀតឆ្លងកូវីដ-១៩ សុទ្ធតែពាក់ព័ន្ធនឹងកម្មករកម្មការិនីរោងចក្រដែលឆ្លងមេរោគនេះ

កំពង់ចាម៖ រដ្ឋបាលខេត្តកំពង់ចាម បានប្រកាសថា ប្រជាពលរដ្ឋ ៤២នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ដែលសុទ្ធតែករណីពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាមបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើពលរដ្ឋ ២១នាក់នៅស្រុកជើងព្រៃ បន្ទាប់មកស្រុកព្រៃឈររកឃើញ ១០នាក់។នៅឯស្រុកកំពង់សៀម រដ្ឋបាលខេត្តនេះបញ្ជាក់ថា បានរកឃើញពលរដ្ឋ ៤នាក់ទៀតឆ្លងមេរោគកូវីដ-១៩នេះ ហើយស្រុកបាធាយក៏បានរកឃើញ ២នាក់បន្ថែមទៀតផងដែរ ខណៈស្រុកកងមាស និងស្រុកស្រីសន្ធរ រកឃើញករណីឆ្លងថ្មី ១នាក់នៅក្នុងស្រុកនីមួយៗ។បើតាមរដ្ឋបាលខេត្តកំពង់ចាម ករណីឆ្លងថ្មីទាំងនេះ ត្រូវបានរកឃើញលើស្ត្រី ៣០នាក់ កុមារ ២នាក់ និងបុរស ៩នាក់។រដ្ឋបាលខេត្តនេះបញ្ជាក់ថា ប្រជាពលរដ្ឋដែលត្រូវបានរកឃើញឆ្លងកូវីដ-១៩ទាំងអស់នេះ ត្រូវបានរកឃើញនៅក្នុងចំណោមមនុស្ស ៤ ១៥១នាក់ ដែលត្រូវបានសង្ស័យពាក់ព័ន្ធនឹងករណីឆ្លងមេរោគកូវីដ-១៩។បើតាមរដ្ឋបាលខេត្តនេះ ពលរដ្ឋទាំង ៤២នាក់នេះ ត្រូវបានបញ្ជូនទៅសម្រាកព្យាបាលនៅឯមន្ទីរពេទ្យមេគង្គកំពង់ចាម និងមណ្ឌលព្យាបាលកម្រិតស្រាលនៅក្នុងបរិវេណនៃវិទ្យាល័យព្រះសីហនុ។រដ្ឋបាលខេត្តកំពង់ចាម បានឱ្យដឹងផងដែរថា អ្នកជំងឺកូវីដ-១៩ចំនួន ២៧នាក់ទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ឬមណ្ឌលព្យាបាលហើយ បន្ទាប់ពីត្រូវបានព្យាបាលជាសះស្បើយ។គិតមកដល់ថ្ងៃនេះ អ្នកជំងឺកូវីដ-១៩ចំនួន ២៥០នាក់ហើយត្រូវបានព្យាបាលជាសះស្បើយនៅក្នុងខេត្តមួយនេះ ខណៈអ្នកជំងឺចំនួន ៦០១នាក់ទៀត កំពុងស្ថិតក្រោមការព្យាបាលបន្តនៅឡើយ៕

ចំនួនអ្នកឆ្លងកូវីដ-១៩នៅកម្ពុជាកើនឡើងលើស៣ម៉ឺននាក់ហើយ ក្រោយរកឃើញមនុស្សរាប់រយនាក់ ឆ្លងរៀងរាល់ថ្ងៃ ៣ខែចុងក្រោយ

ភ្នំពេញ៖ តួលេខអ្នកឆ្លងមេរោគកូវីដ-១៩នៅក្នុងប្រទេសកម្ពុជា បានកើនឡើងលើសចំនួន ៣ម៉ឺននាក់ហើយនៅថ្ងៃនេះ បន្ទាប់ពីប្រទេសនេះ បានរកឃើញមនុស្សរាប់រយនាក់ឆ្លងមេរោគនេះជារៀងរាល់ថ្ងៃក្នុងរយៈពេលជាង ៣ខែចុងក្រោយមកនេះ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាល បានឱ្យដឹងថា មនុស្ស ៦៩០នាក់ទៀត ត្រូវបានរកឃើញឆ្លងមេរោគកូវីដ-១៩នៅទូទាំងប្រទេសកាលពីថ្ងៃម្សិលមិញនេះ ដែលនាំឱ្យតួលេខអ្នកឆ្លងសរុបកើនឡើងដល់ ៣០ ០៩៤នាក់មកដល់ត្រឹមថ្ងៃនេះ។បើតាមក្រសួងសុខាភិបាល ករណីឆ្លងថ្មីដល់ទៅ ៦៣៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លងចំនួន ៥៥នាក់ទៀត គឺជាករណីនាំចូល។ក្រសួងសុខាភិបាលក៏បានឱ្យដឹងផងដែរថា អ្នកជំងឺកូវីដ-១៩ចំនួន ៥នាក់ទៀត បានស្លាប់បាត់បង់ជីវិត ដែលនាំឱ្យតួលេខអ្នកស្លាប់ដោយសារជំងឺកូវីដ-១៩ កើនឡើងដល់ ២១៤នាក់នៅក្នុងរយៈពេល ៧០ថ្ងៃចុងក្រោយនេះ។ចំណែកតួលេខអ្នកជាសះស្បើយវិញ ក្រសួងសុខាភិបាលបានបញ្ជាក់ថា មានចំនួនសរុបដល់ទៅ ២២ ៦៣៦នាក់ហើយ ក្នុងនោះរាប់បញ្ចូលទាំងអ្នកជាសះស្បើយថ្មី ៤៤៨នាក់ដែលក្រសួងប្រកាសនៅថ្ងៃនេះផងដែរ៕

ខេត្តបាត់ដំបងរកឃើញមនុស្ស១១នាក់ទៀតឆ្លងកូវីដ-១៩ ភាគច្រើនជាពលករទើបវិលត្រឡប់មកពីថៃ

បាត់ដំបង៖ រដ្ឋបាលខេត្តបាត់ដំបង បានប្រកាសពីការរកឃើញមនុស្ស ១១នាក់ទៀតឆ្លងមេរោគ កូវីដ-១៩ ដែលភាគច្រើនត្រូវបានរកឃើញលើពលករខ្មែរទើបវិលត្រឡប់មកពីប្រទេសថៃ។ក្នុងសេចក្ដីប្រកាសព័ត៌មាន រដ្ឋបាលខេត្តបាត់ដំបងបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើពលករចំនួន ១១នាក់ បន្ទាប់ពីពួកគេបានវិលត្រឡប់មកពីប្រទេសថៃ ហើយ ២ករណីទៀត ត្រូវបានរកឃើញលើពលរដ្ឋ ២នាក់ធ្វើដំណើរមកពីខេត្តបន្ទាយមានជ័យ ដែលពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។រដ្ឋបាលខេត្តនេះ ក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៥នាក់ទៀត ត្រូវបានព្យាបាលជាសះស្បើយ។គិតត្រឹមថ្ងៃនេះ មនុស្ស ២២១នាក់ហើយ ត្រូវបានរកឃើញឆ្លងមេរោគកូវីដ-១៩នៅទូទាំងខេត្តបាត់ដំបង ក្នុងនោះអ្នកជំងឺ ២នាក់បានស្លាប់ ហើយអ្នកជំងឺ ៨៣នាក់ត្រូវបានព្យាបាលជាសះស្បើយ ខណៈអ្នកជំងឺចំនួន ១៣៤នាក់ទៀត កំពុងសម្រាកព្យាបាលបន្តនៅឡើយ៕

ជំងឺកូវីដ-១៩ កំពុងឆ្លងរាលដាលដល់មនុស្សជាច្រើននាក់ នៅកាស៊ីណូតន់ហន់ស្រុកកំពង់ត្រាច

កំពត ៖ មនុស្ស៨នាក់ហើយត្រូវបានធ្វើតេស្តបឋមឃើញវិជ្ជមានកូវីដ-១៩ ហើយមនុស្សជាង១០០នាក់ផ្សេងទៀត កំពុងបន្តធ្វើតេស្ត ករណីនេះ មន្ត្រីជំនាញថា អាចមានអ្នកផ្ទុកច្រើននាក់ទៀត ប៉ុន្តែលទ្ធផលនឹងដឹងច្បាស់ នៅពេលរសៀលថ្ងៃទី២៩ ខែឧសភានេះ។អាជ្ញាធរស្រុកកំពង់ត្រាច នៅថ្ងៃនេះ បានចុះទៅបិទខ្ទប់ បរិវេណកាស៊ីណូសុខ គឹមម៉េង នៅច្រកទ្វារទ្វេភាគីតន់ហន់ ស្ថិតក្នុងភូមិព្រែកក្រឹស ឃុំព្រែកក្រឹស ស្រុកំពង់ត្រាច ដើម្បីឱ្យមន្ត្រីជំនាញធ្វើតេស្ត មនុស្សជាង១០០នាក់ បន្ទាប់ពីបានរកឃើញអ្នកវិជ្ជមានកូវីដ-១៩ ចំនួន៤ នាក់ កាលពីយប់ថ្ងៃទី២៨ ខែឧសភា កន្លងទៅ ។លោកវេជ្ជបណ្ឌិតពៅ សារី ប្រធានមន្ទីរពេទ្យបង្អែកស្រុកកំពង់ត្រាច បានប្រាប់ឱ្យដឹងថា កាលពីយប់ថ្ងៃទី២៨ ខែឧសភា ក្រុមគ្រូពេទ្យបានធ្វើតេស្តរកឃើញបុគ្គលិកកាស៊ីណូសុខ គឹមម៉េង ៤នាក់ មានវិជ្ជមានកូវីដ១៩។ ហើយនៅព្រឹកថ្ងៃទី២៩ ខែឧសភានេះ នៅបន្តធ្វើតេស្តនៅឡើយ ហើយរហូតមកដល់ វេលាម៉ោង១០ព្រឹកនេះ ក្រុមគ្រូពេទ្យបានរកឃើញវិជ្ជមានបួននាក់បន្ថែមទៀត។លោកវេជ្ជបណ្ឌិត បានព្យាករណ៍ថា អាចនឹងមានអ្នកវិជ្ជមានជាច្រើននាក់បន្ថែមទៀត តែពេលនេះ ក្រុមមន្ត្រីជំនាញ និងគ្រប់ផ្នែកពាក់ព័ន្ធកំពុងធ្វើការងារយ៉ាងសស្រាក់សស្រាំបំផុត។ចំណែកលោកវេជ្ជបណ្ឌិត ហេង ចន្ថា ប្រធានកក្រុមការងារឆ្លើយតបបន្ទាន់កូវីដ-១៩ ខេត្ត បានប្រាប់ថា ក្រុមការងារជាច្រើនក្រុម កំពុងធ្វើសេត្តបន្ត ដូច្នេះលោកមិនទាន់អាចប្រាប់ចំនួនអ្នកវិជ្ជាមានកូកូវីដ-១៩ នៅកាស៊ីណូនេះ បាននៅឡើយទេ លទ្ធផលសរុបអាចចេញនៅពេលរសៀល។ ប្រភពពីប្រជាពលរដ្ឋរស់នៅក្បែរកន្លែងកើតហេតុ បានប្រាប់ឱ្យដឹងថា ទោះបីស្ថិតក្នុងដំណាក់កាល នៃវិបត្តិកូវីដ-១៩ ក្តី កាស៊ីណូសុខគឹមម៉េងនៅតែដំណើរការបើកលេងជាធម្មតា ដោយមិនមានការអាក់ខានឡើយ។ ហើយអ្នកលេងភាគច្រើនលើសលប់ជាជនជាតិខ្មែរ ត្បិតខាងភាគីវៀតណាមបានរឹតត្បិតមិនឱ្យពលរដ្ឋរបស់គេឆ្លងចូលមកកម្ពុជាឡើយ៕អត្ថបទ ៖ អាន សារីម

បុរសម្នាក់បានស្លាប់ភ្លាមៗ នៅនឹងកន្លែងកើតហេតុ បន្ទាប់ពីជួបគ្រោះថ្នាក់ចរាចរណ៍ នៅតាមបណ្តោយផ្លូវជាតិលេខ៣

ភ្នំពេញ ៖ ករណីគ្រោះថ្នាក់ចរាចរណ៍មួយបានបង្កឡើង ដោយរថយន្តកូរ៉េ ខណៈដែលកំពុងបើកបរ ស្រាប់តែដាច់កង់ខ្ទៀតមកត្រូវបុរសម្នាក់ កំពុងតែជិះម៉ូតូបណ្ដាលឱ្យដួលបោកក្បាលស្លាប់ភ្លាមៗ នៅនឹងកន្លែង។ ហេតុការណ៍ខាងលើ បង្កការភ្ញាក់ផ្អើលកាលពីវេលាម៉ោង ៦ និង ៣០នាទីព្រឹកថ្ងៃទី ២៩ ខែឧសភា ឆ្នាំ២០២១ ស្ថិតនៅតាមបណ្ដោយផ្លូវជាតិលេខ៣ ចំណុចទល់មុខសាលាពងទឹក ក្នុងសង្កាត់ប្រទះឡាង ខណ្ឌកំបូល រាជធានីភ្នំពេញ។សពជនរងគ្រោះមាន ឈ្មោះបូ ចាន់នី អាយុ ២៩ឆ្នាំ មានស្រុកកំណើតនៅខេត្តកំពង់ឆ្នាំង មុខរបរកម្មករសំណង់ ស្នាក់នៅបន្ទប់ជួលភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។តាមប្រភពព័ត៌មាននៅទីតាំងកន្លែងកើតហេតុ បានឲ្យដឹងថា មុនពេលកើតហេតុជនរងគ្រោះបានចេញពីបន្ទប់ជួលទៅកន្លែងធ្វើការដោយធ្វើដំណើរដោយម៉ូតូហុងដាវ៉េវ ពណ៌ក្រហម ពាក់ស្លាកលេខ ព្រៃវែង 1I-5087 ដែលធ្វើដំណើរក្នុងទិសដៅពីជើងទៅត្បូងស្រាប់តែមកដល់ចំណុចកើតហេតុមានរថយន្តកូរ៉េពណ៌ស មួយគ្រឿងដែលពាក់ស្លាកលេខ ភ្នំពេញ 2AS-03 46 ធ្វើដំណើរបញ្ច្រាសទិសគ្នាស្រាប់តែរថយន្តបានដាច់កង់ខាងក្រោយចំហៀងខាងឆ្វេងបណ្ដាលឱ្យខ្ទៀតត្រូវជនរងគ្រោះកំពុងតែជិះម៉ូតូបណ្ដាលឱ្យដួលបោកក្បាលស្លាប់ភ្លាមៗ នៅនឹងកន្លែងតែម្ដង។ក្រោយពេលកើតហេតុ សមត្ថកិច្ចជំនាញបានចុះដល់ទីតាំងកន្លែងកើតហេតុនឹងទាក់ទងទៅសាច់ញាតិរបស់ជនរងគ្រោះដើម្បីយកសពទៅធ្វើបុណ្យតាមប្រពៃណី ។ ចំណែករថយន្ត និងម៉ូតូត្រូវបានកម្លាំងជំនាញចរាចរណ៍យកទៅរក្សាទុកដើម្បីរងចាំការដោះស្រាយគ្នានៅពេលក្រោយ៕អត្ថបទ៖ កុម្ភះ

សមត្ថកិច្ច បង្ក្រាបករណីជួញដូរគ្រឿងញៀន ឃាត់ជនសង្ស័យ៣នាក់ គ្រឿងញៀនជិត ១ គីឡូក្រាម

ភ្នំពេញ ៖ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បង្ក្រាបករណីជួញដូរគ្រឿងញៀន នៅខេត្តកំពង់ស្ពឺ ចាប់ឃាត់ខ្លួនជនសង្ស័យ ៣នាក់ ព្រមទាំង ចាប់យកវត្ថុតាងគ្រឿងញៀន ប្រភេទមេតំហ្វេតាមីន (ICE) ជិត ១ គីឡូក្រាម ។កាលពីថ្ងៃទី២៧ ខែឧសភា ឆ្នាំ២០២១ វេលាម៉ោង១០ និង២៥នាទី កម្លាំងជំនាញ (ក៥) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក ឧត្តមសេនីយ៍ទោ សាន សុទ្ធី នាយករង និងលោកវរ:សេនីយ៍ឯក ជាវ វណ្ណា នាយការិយាល័យ (ក៥) សហការជាមួយកម្លាំងជំនាញ នៃស្នងការដ្ឋាននគរបាលខេត្តកំពង់ស្ពឺ ព្រមទាំងមានកាសម្របសម្រួលពីលោក ខៃ សុភ័ស្ត ព្រះរាជអាជ្ញារង នៃអយ្យការអមសាលាដំបូងខេត្តកំពង់ស្ពឺ បើកការស្រាវជ្រាវ ស៊ើបអង្កេត ឈានទៅបង្រ្កាបជួញដូរគ្រឿងញៀន ឃាត់ខ្លួនជនសង្ស័យ ៣នាក់ នៅចំណុច ស្ថានីយ៍ប្រេង PTT បណ្តោយផ្លូវជាតិលេខ៤ ភូមិរលាំងសង្កែ ឃុំសុព័រទេព ក្រុងច្បារមន ខេត្តកំពង់ស្ពី ។ជនសង្ស័យទាំង ០៣នាក់ ដែលត្រូវសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន សហការជាមួយកម្លាំងជំនាញ នៃស្នងការដ្ឋាននគរបាលខេត្តកំពង់ស្ពឺ បង្ក្រាប រួមមាន ១-ឈ្មោះ ភុំ បេន ភេទប្រុស អាយុ ៣៩ឆ្នាំ ជនជាតិ ខ្មែរ។ ២-ឈ្មោះ ភុំ សំបូរ ភេទប្រុស អាយុ ៣៥ឆ្នាំ ជនជាតិ ខ្មែរ។ ៣-ឈ្មោះ អាន ចិត្រា ភេទប្រុស អាយុ ២៥ឆ្នាំ ជនជាតិ ខ្មែរ។ ចាប់យកវត្ថុតាង ម្សៅក្រាមពណ៌ស ប្រភេទ មេតំហ្វេតាមីន (ICE) ចំនួន ១កញ្ចប់ធំ ស្មើទម្ងន់ ៩៨៨,២៧ក្រាម ។សមត្ថកិច្ចជំនាញខេត្តកំពង់ស្ពឺ កំពុងកសាងសំណុំរឿង បញ្ជូនទៅកាន់សាលាដំបូងខេត្តកំពង់ស្ពឺ ដើម្បីផ្តន្ទាទោសតាមនីតិវីធី ៕អត្ថបទ ៖ តារាវុទ្ធី

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

តាកែវ ៖ នៅក្នុងខេត្តតាកែវ មន្ត្រីសុខាភិបាល នៅព្រឹកថ្ងៃទី២៨ ខែឧសភានេះ បានបន្តចុះយកសំណាកកម្មករ ជាង២០០នាក់ នៅរោងចក្រ ពឺហ្វិកវីសិន ដែលមានទីតាំងនៅក្នុងឃុំបឹងត្រាញ់ខាងជើង ក្នុងស្រុកសំរោង បន្ទាប់ពីបានរកឃើញកម្មករចំនួន២នាក់ បានឆ្លងជំងឺកូវីដ-១៩។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា ក្នុងចំណោម កម្មករជាង២ពាន់នាក់ នៅក្នុងរោងចក្រ ពឺហ្វិកវីសិន មន្ត្រីជំនាញ បានចាប់ផ្ដើមចុះទៅយកសំណាក កម្មករប្រមាណជាង២០០នាក់ នៅព្រឹកនេះ ដើម្បីធ្វើតេស្តរកមេរោគកូវីដ១៩ ក្រោយពីបានរកឃើញកម្មករ ២នាក់ ឆ្លងជំងឺកូវីដ-១៩ ។លោក បានបញ្ជាក់ថា ចំពោះកម្មករដែលយកសំណាកហើយ ត្រូវបានណែនាំឱ្យធ្វើចត្តាឡីស័កឱ្យ បានត្រឹមត្រូវនៅតាមផ្ទះ ហើយបើលទ្ធផលវិជ្ជមាន ឬអវិជ្ជមាន មន្ត្រីនឹងជូនដំណឹងទៅពួកគេ។លោក កេត ម៉ៅ អភិបាលស្រុកសំរោង បានឲ្យដឹងដែរថា រោងចក្រ ដែលមានកម្មករកើតជំងឺកូវីដ ១៩ ត្រូវបានតម្រូវឱ្យផ្អាកផលិតកម្មករ រយៈពេល២ថ្ងៃសិន ព្រោះកម្មករ កំពុងតែជ្រួលច្របល់ មិនមាន អារម្មណ៍ធ្វើការ។លោកវេជ្ជបណ្ឌិតប្រធានមន្ទីរសុខាភិបាល ខេត្តតាកែវ បានឱ្យដឹងថា រហូតមកដល់ពេលនេះ នៅទូ ទាំងខេត្តតាកែវ មានកម្មករចំនួនជាង៣០០នាក់ហើយ បានឆ្លងជំងឺកូវីដ-១៩ ហើយអ្នកជំងឺទាំងអស់នេះ កំពុងតែសម្រាកព្យាបាលនៅមន្ទីរពេទ្យបង្អែក តាមស្រុកនីមួយៗ ដោយឡែកកម្មករ។ក្នុងខេត្តតាកែវ រហូតមកដល់ពេលនេះ មានអ្នកឆ្លងជំងឺកូវីដ-១៩ ចំនួនជាង៨រយនាក់ ក្នុងនោះ ជាសះស្បើយ ចំនួនជាង២០០នាក់ ស្លាប់ចំនួន៥នាក់ ហើយអ្នកជំងឺជាង៥០០នាក់ទៀត កំពុងតែសម្រាក ព្យាបាលនៅតាមមន្ទីរពេទ្យបង្អែកក្រុងស្រុករបស់ខេត្ត៕អត្ថបទ ៖ គុជ វិភាគ

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់

ភ្នំពេញ៖ ក្រសួងសុខាភិបាល បានបន្ដរកឃើញមនុស្សដល់ទៅ៥៩៩នាក់ ទៀតឆ្លងមេរោគកូវីដ-១៩ ដែលភាគច្រើនសុទ្ធតែពាក់ព័ន្ធ នឹងព្រឹត្តិការណ៍សហគមន៍២០កុម្ភៈ និងករណីឆ្លងថ្មី ២៥នាក់ គឺជាករណីនាំចូល។ក្នុងសេចក្ដីប្រកាសនៅថ្ងៃនេះ ក្រសួងសុខាភិបាល បានឱ្យដឹងទៀតថា អ្នកជំងឺកូវីដ-១៩ចំនួន ២នាក់ទៀត បានស្លាប់បាត់បង់ជីវិត ដោយសារជំងឺនេះ ដែលនាំឱ្យតួលេខអ្នកស្លាប់សរុបឡើងដល់ ១៩៦ នាក់ហើយគិតត្រឹមថ្ងៃនេះ ។ក្រសួងសុខាភិបាល ក៏បានឱ្យដឹងផងដែរថា អ្នកជំងឺកូវីដ-១៩ ចំនួន២០ ៩០០នាក់ ត្រូវបានព្យាបាលជាសះស្បើយហើយ ក្នុងនោះ មានទាំងអ្នកជាសះស្បើយថ្មី ៥០២នាក់ ដែលក្រសួងប្រកាសនៅថ្ងៃនេះផងដែរ៕

បណ្ដាញសង្គម

ព័ត៌មានថ្មីៗ

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

[UPDATE] លោក Trump ធ្វើដំណើរទៅដល់ទីក្រុងប៉េកំាង សម្រាប់ជំនួបកំពូលជាមួយប្រធានធិបតីចិន

ស្រ្តីជាម្តាយប៉ាឡេស្ទីនសោកសៅចំពោះការរំឭកដល់ការចងចាំដ៏ជូរចត់នៃសង្រ្គាមនៅតំបន់ហ្កាហ្សា

អង្គការណាតូអញ្ជើញកាតា អារ៉ាប់រួម បារ៉ែន និងគូវ៉ែត ចូលរួមកិច្ចប្រជុំកំពូល Ankara

វិមានក្រឹមឡាំង៖ រុស្ស៊ីអាចធ្វើអាជីវកម្មជាមួយអាមេរិក បើឈប់យកបញ្ហាពាណិជ្ជកម្មទៅពាក់ព័ន្ធអ៊ុយក្រែន

មនុស្សជាង ១.៧០០នាក់ត្រូវឃុំខ្លួនលើនាវាទេសចរណ៍នៅបារាំង ក្រោយសង្ស័យមានអ្នកស្លាប់ដោយវីរុសណូរ៉ូ

ទាហាន និងផ្សែងហុយត្រូវបានមើលឃើញនៅតាមបណ្តោយព្រំដែនអ៊ីស្រាអែល-លីបង់ ខណៈការប្រយុទ្ធគ្នានៅតែបន្ត

វិទ្យាសា្ថនសុខាភិបាលហូឡង់បន្ទាបហានិភ័យនៃការរីករាលដាលឆ្លងវីរុស Hanta

របាយការណ៍៖ ការជ្រើសរើសទាហានថ្មីរបស់បែលហ្ស៊ិក ឈានដល់កម្រិតខ្ពស់បំផុត ដោយមានទាហានថ្មីជិត ៣.០០០នាក់

UPDATE | សំឡេងកាំភ្លើងបានបន្លឺឡើង ខណៈភាពច្របូកច្របល់កើតមាននៅព្រឹទ្ធសភាហ្វីលីពីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តបន្ទាយមានជ័យ រកឃើញពលរដ្ឋ៣០នាក់ទៀតឆ្លងកូវីដ-១៩ ភាគច្រើនជាពលរដ្ឋនៅក្រុងប៉ោយប៉ែត

ខេត្តបាត់ដំបងរកឃើញមនុស្ស១១នាក់ទៀតឆ្លងកូវីដ-១៩ ភាគច្រើនជាពលករទើបវិលត្រឡប់មកពីថៃ

ជំងឺកូវីដ-១៩ កំពុងឆ្លងរាលដាលដល់មនុស្សជាច្រើននាក់ នៅកាស៊ីណូតន់ហន់ស្រុកកំពង់ត្រាច

បុរសម្នាក់បានស្លាប់ភ្លាមៗ នៅនឹងកន្លែងកើតហេតុ បន្ទាប់ពីជួបគ្រោះថ្នាក់ចរាចរណ៍ នៅតាមបណ្តោយផ្លូវជាតិលេខ៣

សមត្ថកិច្ច បង្ក្រាបករណីជួញដូរគ្រឿងញៀន ឃាត់ជនសង្ស័យ៣នាក់ គ្រឿងញៀនជិត ១ គីឡូក្រាម

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​បន្ទាយមានជ័យ​ រក​ឃើញ​ពលរដ្ឋ៣០​នាក់​ទៀត​ឆ្លង​កូវីដ-១៩ ​ភាគច្រើន​ជា​ពលរដ្ឋ​នៅ​​ក្រុង​ប៉ោយប៉ែត

ខេត្ត​បាត់ដំបង​រក​ឃើញ​មនុស្ស​១១​នាក់​ទៀត​ឆ្លង​កូវីដ-១៩ ភាគ​ច្រើន​ជា​ពលករ​ទើប​វិល​ត្រឡប់​មក​ពី​ថៃ

ជំងឺកូវីដ-១៩ កំពុងឆ្លងរាលដាលដល់មនុស្សជាច្រើននាក់​ នៅកាស៊ីណូតន់ហន់​ស្រុកកំពង់ត្រាច

សមត្ថកិច្ច បង្ក្រាបករណីជួញដូរគ្រឿងញៀន ឃាត់ជនសង្ស័យ៣នាក់ គ្រឿងញៀនជិត ១ គីឡូក្រាម

មន្ត្រី​សុខាភិបាល​ បន្ត​យក​សំណាក​កម្មករ​ជាង​២០០នា​ក់ ​នៅ​ស្រុក​សំរោង ​ទៅធ្វើ​តេស្តរកកូ​វីដ​-១៩

កម្ពុជា​បន្ដរកឃើញអ្នកឆ្លងថ្មីចំនួន៥៩៩នាក់ទៀត ​ខណៈអ្នកជាសះស្បើយ​៥០២នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តបន្ទាយមានជ័យ រកឃើញពលរដ្ឋ៣០នាក់ទៀតឆ្លងកូវីដ-១៩ ភាគច្រើនជាពលរដ្ឋនៅក្រុងប៉ោយប៉ែត

ខេត្តបាត់ដំបងរកឃើញមនុស្ស១១នាក់ទៀតឆ្លងកូវីដ-១៩ ភាគច្រើនជាពលករទើបវិលត្រឡប់មកពីថៃ

ជំងឺកូវីដ-១៩ កំពុងឆ្លងរាលដាលដល់មនុស្សជាច្រើននាក់ នៅកាស៊ីណូតន់ហន់ស្រុកកំពង់ត្រាច

មន្ត្រីសុខាភិបាល បន្តយកសំណាកកម្មករជាង២០០នាក់ នៅស្រុកសំរោង ទៅធ្វើតេស្តរកកូវីដ-១៩

កម្ពុជាបន្ដរកឃើញអ្នកឆ្លងថ្មីចំនួន៥៩៩នាក់ទៀត ខណៈអ្នកជាសះស្បើយ៥០២នាក់