BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

បាត់ដំបង ៖ ក្នុងរយៈពេលមួយសប្ដាហ៍ គឺគិតត្រឹមថ្ងៃទី៣ ដល់ទី៩ ខែឧសភា ឆ្នាំ២០២១ អាជ្ញាធរខេត្តបាត់ដំបង និងមន្ទីរសុខាភិបាលខេត្ត បានរកឃើញពលករទើបត្រឡប់មកពីប្រទេសថៃ មានវិជ្ជមានកូវីដ១៩ ចំនួន១៣នាក់ ក្នុងនោះ មានទាំងអ្នករស់នៅក្នុងខេត្តបាត់ដំបង និងអ្នករស់នៅខេត្តបន្ទាយមានជ័យ។នៅក្នុងសេចក្តីប្រកាសព័ត៌មានរបស់រដ្ឋបាលខេត្តបាត់ដំបង កាលពីថ្ងៃទី៣ ខែឧសភា ឆ្នាំ២០២១ បានបង្ហាញពីការរកឃើញពលករម្នាក់ ទើបត្រឡប់មកពីប្រទេសថៃ វិជ្ជមានកូវីដ១៩ ហើយនៅថ្ងៃទី៤ អាជ្ញាធរខេត្ត បានប្រកាសពីការរកឃើញបន្ថែមនូវពលករចំនួន៤នាក់ទៀត។ ចំពោះមនុស្សទាំង៥នាក់នេះ បានមកពីប្រទេសថៃជាមួយគ្នា និងមានលំនៅឋានក្នុងស្រុកសង្កែ ហើយមានអ្នកពាក់ព័ន្ធនឹងពួកគេរហូតដល់ជាង៣០នាក់ ត្រូវបានមន្ត្រីសុខាភិបាលខេត្តធ្វើសំណាក និងដាក់ឲ្យធ្វើចត្តាឡីស័ក។ចំណែកនៅថ្ងៃទី៧ ខែឧសភា រដ្ឋបាលខេត្ត ក៏បានប្រកាសពីការរកឃើញករណីវិជ្ជមានកូវីដ១៩ម្នាក់ទៀត រស់នៅក្នុងស្រុកសង្កែ ដែលជាអ្នកពាក់ព័ន្ធនឹងមនុស្សទាំង៥នាក់ខាងលើ ហើយត្រូវបានមន្ត្រីសុខាភិបាលខេត្ត បាននាំមកព្យាបាលនៅក្នុងមន្ទីរពេទ្យបង្អែកខេត្ត ។ដោយឡែកក្នុងសេចក្តីប្រកាសព័ត៌មានមួយទៀត កាលពីថ្ងៃទី៨ ខែឧសភា អាជ្ញាធរបាន រកឃើញពលករ២នាក់ទៀត រស់នៅឃុំអូរសំព័រ ស្រុកម៉ាឡៃ ខេត្តបន្ទាយមានជ័យ មុខរបរលក់ផ្កានៅប្រទេសថៃ ដោយពួកគេ បានចេញពីថៃ តាមច្រកទ្វារតំបន់ព្រំដែនអូរអន្លក់ ស្រុកកំរៀង ហើយត្រូវបានបញ្ជូនទៅធ្វើចត្តាឡីស័ក កម្រិត១ នៅក្នុងវិទ្យាល័យពេជ្រចិន្តា ស្រុកភ្នំព្រឹក ។សម្រាប់កាលពីថ្ងៃទី៩ ខែឧសភា រដ្ឋបាលខេត្តបាត់ដំបង ក៏បានប្រកាសពីការរកឃើញពលករចំនួន ៥នាក់ទៀត ដោយ១នាក់ រស់នៅឃុំគារ ស្រុកមោងឫស្សី, ១នាក់ទៀតរស់ឃុំតាក្រី ស្រុកកំរៀង និង៣នាក់ រស់នៅឃុំតាពូង ស្រុកថ្មគោល ខណៈក្នុងសេចក្តីប្រកាសព័ត៌មានដដែលនេះ ក៏បានរកឃើញជនជាតិនេបាល់ម្នាក់ ទើបត្រឡប់មកពីទីក្រុងប៉ោយប៉ែត ខេត្តបន្ទាយមានជ័យ មានវិជ្ជមានកូវីដ១៩ផងដែរ ។ចាប់តាំងពីការផ្ទុះឆ្លងជំងឺកូវីដ-១៩ ក្នុងប្រទេសកម្ពុជា ខេត្តបាត់ដំបង មានអ្នកជំងឺនេះ ចំនួន៤៨នាក់ បានព្យាបាលជាសះស្បើយ២៩នាក់ និងកំពុងសម្រាកព្យាបាលក្នុងមន្ទីរពេទ្យបង្អែកខេត្ត ចំនួន១៩នាក់៕អត្ថបទ៖ បាន សុខរិទ្ធ

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប

កណ្ដាល ៖ នៅព្រឹកថ្ងៃទី១០ ខែឧសភានេះ មានអគ្គីភ័យមួយបានបង្កការឆាបឆេះផ្សារតាខ្មៅចាស់ ដែលផ្សារនេះ ពលរដ្ឋក្រុងតាខ្មៅ តែងហៅថា ផ្សាដឺលុច នៅផ្នែកខាងក្រៅ ហើយត្រូវបានក្រុមពន្លត់រថយន្តពន្លត់អគ្គីភ័យខេត្តកណ្តាល បានចុះពន្លត់ទាន់ពេលវេលា តែបានបង្កអោយខូចខាតសម្ភារៈនៅក្នុងតូបជួសជុលគ្រឿងកង់ម៉ូតូ នៅចំហៀងខាងត្បូងផ្សារ ចំនួនជាង១០តូប ក្នុងនោះ ភាគច្រើនរងការខូចខាតធ្ងន់ធ្ងរ។បើតាមពលរដ្ឋឃើញហេតុការណ៍ដំបូងគេ បានឲ្យដឹងថា អគ្គីភ័យបង្កការឆាបឆេះតូបលក់គ្រឿងកង់ម៉ូតូនេះគឺបានចាប់ផ្តើមឆេះ នៅក្នុងអំឡុងពេលម៉ោងប្រមាណ៩និង៣០នាទីព្រឹក ដោយសារមានជាងផ្សារដែក មកផ្សារជួសជុលតូបលក់គ្រឿងកង់ម៉ូតូនៅតូបលេខ៣ កែងខាងកើតផ្សារ ហើយបានធ្លាក់ផ្កាភ្លើង ឆាប់ជ័រនៅក្នុងតូបលេខ៣នោះ បង្កការរាលដាលឆេះបន្តបន្ទាប់។នៅក្នុងប្រតិបត្តិការពន្លត់អគ្គីភ័យការឆាបឆេះនេះ គឺបានពន្លត់អស់១០០% នៅពេលវេលាម៉ោងប្រមាណជាង១០ និង១១នាទីព្រឹកនេះវិញ។ តាមការអោយដឹងបន្ថែមពីតំណាងគណៈកម្មាការគ្រប់គ្រងផ្សារតាខ្មៅ បានឲ្យដឹងថា ការផ្សារដែកជួសជុលតូបលក់ទំនិញនៅផ្នែកខាងក្រៅនេះ បានធ្វើឡើងបន្ទាប់ពីអនុញ្ញាតពីគណៈកម្មការគ្រប់គ្រងផ្សារ ម្ចាស់តូបនីមួយៗត្រូវធ្វើការគ្រប់គ្រងនិងទទួលខុសត្រូវដោយខ្លួនឯង។តំណាងគណៈកម្មការគ្រប់គ្រងផ្សារតាខ្មៅចាស់ បានឲ្យដឹងបន្ថែមថា នៅក្នុងអំឡុងពេលដែលផ្សារតាខ្មៅចាស់ បានធ្វើការផ្អាកលក់ដូរជាបណ្តោះអាសន្ននេះ គឺគណៈកម្មការគ្រប់គ្រងផ្សារ បានអនុញ្ញាតអោយបណ្តាម្ចាស់តូបលក់ទំនិញទាំងអស់ជុំវិញផ្សារនេះ ត្រូវធ្វើការជួសជុលកែលំអរផ្សារអោយមានសោភ័ណភាពឡើងវិញ នឹងត្រូវរៀបចំកន្លែងលក់ដូរអោយបានត្រឹមត្រូវជាពិសេសគឺត្រូវរក្សាគម្លាត និងការពារទប់ស្កាត់ការឆ្លងមេរោគកូវីដ១៩ នៅពេលដែលផ្សារតាខ្មៅចាស់នេះ ប្រកាសបើកដំណើរការឡើងវិញ៕អត្ថបទ ៖ ស៊ុម សុខជា

កម្ពុជារកឃើញករណីឆ្លងថ្មី៥០៦នាក់ បន្ថែមទៀត តួលេខឆ្លងសរុបកើនដល់ជិត២ម៉ឺននាក់

ភ្នំពេញ៖ ក្រសួងសុខាភិបាល បានប្រកាសថា មនុស្សដល់ទៅ ៥០៦នាក់បន្ថែមទៀត ត្រូវបានរកឃើញឆ្លងមេរោគកូវីដ១៩ ដែលនាំឱ្យចំនួនឆ្លងសរុបកើនឡើងជិត ២ម៉ឺននាក់ហើយនៅត្រឹមថ្ងៃនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីដល់ទៅ ៤៩៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយអ្នកឆ្លងថ្មី ១១នាក់ទៀត គឺជាករណីនាំចូលពីក្រៅប្រទេស។គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់គិតចាប់តាំងពីកម្ពុជា រកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក។ ទន្ទឹមគ្នានេះ ក្រសួងសុខាភិបាលប្រកាសថា អ្នកជំងឺកូវីដ-១៩សរុប ៧ ៨២០នាក់ បានជាសះស្បើយពីជំងឺផ្លូវដង្ហើមនេះ ក្នុងនោះមានទាំងអ្នកជាសះស្បើយថ្មី ១៧៩នាក់ ដែលក្រសួងប្រកាសនៅថ្ងៃនេះផងដែរ។ចំណែកតួលេខអ្នកស្លាប់វិញ ក្រសួងសុខាភិបាលបញ្ជាក់ថា បានកើនឡើងដល់ ១២៦នាក់ហើយក្នុងនោះមានមនុស្ស ៦នាក់ទៀតបានស្លាប់ដែលក្រសួងប្រកាសនៅថ្ងៃនេះ៕

អគ្គិភ័យឆេះផ្ទះមួយខ្នង នៅខេត្តកំពង់ឆ្នាំង បណ្ដាលឱ្យមនុស្សចំនួន០៥នាក់ ស្លាប់

កំពង់ឆ្នាំង ៖ អគ្គិភ័យ ឆេះផ្ទះប្រជាពលរដ្ឋមួយខ្នង នៅខេត្តកំពង់ឆ្នាំង ដែលបណ្ដាលឱ្យមនុស្សចំនួន០៥នាក់ ត្រូវស្លាប់ ក្នុងនោះ ក៏មានស្ត្រីម្នាក់មានផ្ទៃពោះ ត្រូវបានស្លាប់ផងដែរ។កើតហេតុការណ៍នេះ បានកើតឡើង កាលពីយប់ថ្ងៃទី៩ ខែឧសភា ឆ្នាំ២០២១ វេលាម៉ោង ៨ និង ៤០នាទីយប់ នៅចំណុចអ្នកតារាជ ស្ថិតក្នុងភូមិដើមជ្រែ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ហើយ អគ្គិភ័យនេះ បណ្ដាលឱ្យឆេះផ្ទះមួយខ្នងមានទំហំ ៧ ម៉ែត្រ គុណ ១២ម៉ែត្រ សង់ពីដែក បាំងនិងប្រក់ស័ង្កសី ដែលម្ចាស់ផ្ទះឈ្មោះ នន់ សារ៉េត ភេទប្រុស អាយុ ៣៨ ឆ្នាំ មិនបានស្លាប់ទេ។ តាមការសន្និដ្ឋានជំហានដំបូងរបស់សមត្ថកិច្ច គឺបណ្ដាលមកពីការឆ្លងចរន្តអគ្គិសនី ហើយក្នុងហេតុការណ៍នេះដែរ សមត្ថកិច្ចបានចេញអន្តរាគមន៍បាញ់ពន្លត់ដោយប្រើប្រាស់ទឹកអស់ចំនួន ០៣រថយន្ត ទើបរលត់អស់ទាំងស្រុង។គួរបញ្ជាក់ថា អ្នកស្លាប់មានកូនចំនួន៤នាក់ និងម្តាយកំពុងមានផ្ទៃពោះ ក្នុងផ្ទៃ ក៏បានស្លាប់ ដែលសរុបចំនួន៦នាក់ បូករួមទាំងទារកក្នុងផ្ទៃ ប៉ុន្តែហេតុការណ៍នេះមិនបណ្តាលឱ្យបុរសជាប្តីរងគ្រោះថ្នាក់ទេ ។ ព្រឹកនេះ ក៏មានមន្ត្រីកាកបាទក្រហមកម្ពុជា បានអញ្ជើញចុះដើម្បីផ្ដល់អំណោយ និងចូលរួមរំលែករំលែកមរណៈទុក្ខផងដែរ៕

ខ្យល់កន្ត្រាក់ប៉ះពាល់ផ្ទះពលរដ្ឋនៅបាត់ដំបង ជិត២០០ខ្នង ក្នុងរដូវវស្សា ដែលបានចាប់ផ្ដើមក្នុងសប្ដាហ៍ទីមួយ នៃខែឧសភា

បាត់ដំបង ៖ បើកឆាក ដើមរដូវវស្សា ឆ្នាំ២០២១នេះ ភ្លៀងធ្លាក់លាយឡំនឹងខ្យល់កន្ត្រាក់ បានធ្វើឲ្យប៉ះពាល់ផ្ទះរបស់ប្រជាពលរដ្ឋ តាមបណ្ដាស្រុកមួយចំនួន នៅក្នុងខេត្តបាត់ដំបង ប្រមាណជិត ២០០ខ្នង បានរងការប៉ះពាល់ និងដួលរលំ ហើយក៏មានបាតុភូតរន្ទះបាញ់ស្លាប់មនុស្សផងដែរ ។បើតាមមន្ត្រីជំនាញខេត្តបាត់ដំបង បានឲ្យដឹងថា សម្រាប់រដូវវស្សា ដែលចាប់ផ្ដើមនៅក្នុងសប្ដាហ៍ទីមួយ នៃខែឧសភា មានភ្លៀងធ្លាក់ជាបន្តបន្ទាប់ ហើយក៏មានលាយឡំនឹងខ្យល់កន្ត្រាក់ ធ្វើឲ្យផ្ទះរបស់ពលរដ្ឋខ្លះប៉ើងដំបូល និងខ្លះទៀតបានដួលរលំ រួមទាំងមាននូវបាតុភូតផ្គរ រន្ទះ ។មន្ត្រីបន្តថា សម្រាប់បញ្ហាគ្រោះធម្មជាតិនេះ មិនត្រឹមតែបំផ្លាញផ្ទះសម្បែង ដំណាំរបស់ពលរដ្ឋនោះទេ ថែមទាំងធ្វើឲ្យមានគ្រោះថ្នាក់ដល់មនុស្សសត្វ ដោយសារនៅពេលភ្លៀងធ្លាក់រន្ទះបានបាញ់មនុស្សស្លាប់ និងងាប់សត្វពាហនៈផងដែរ ។យោងតាមរបាយការណ៍របស់រលេខាធិការដ្ឋានគ្រប់គ្រង គ្រោះមហន្តរាយខេត្តបាត់ដំបង បានឲ្យដឹងថា គ្រាន់តែនៅថ្ងៃ៥ និងទី៦. ខែឧសភា ឆ្នាំ២០២១ មានខ្យល់កន្រ្តាក់ចំនួន ៦លើក ប៉ះ ពាល់ទៅលើចំនួន៦ស្រុក ស្មើនឹងផ្ទះពលរដ្ឋសរុបចំនួន១៣៩ខ្នង ក្នុងនោះស្រុកមោងឫស្សី ចំនួន១៩ខ្នង, ស្រុកគាស់ក្រឡ ចំនួន១១ខ្នង, ស្រុករុក្ខគិរី ចំនួន៣០ខ្នង, ស្រុកសំពៅលូន ចំនួន៦០ខ្នង ស្រុកភ្នំព្រឹក ចំនួន១៨ខ្នង និងស្រុកថ្មគោល ចំនួន១ខ្នង ។នៅចំពោះមុខ គណៈកម្មាធិការគ្រប់គ្រងគ្រោះមហន្តរាយខេត្ត និងសាខាកាកបាទខេត្តបាត់ដំបង អាជ្ញាធរមូលដ្ឋានស្រុកពាក់ព័ន្ធ ព្រមទាំងក្រុមការងារចុះជួយមូលដ្ឋាន សហការគ្នាចុះពិនិត្យលទ្ធភាពដោះស្រាយ ឆ្លើយបន្តបន្ទាប់ដល់ប្រជាពលរដ្ឋ ដែលបានទទួលរងគ្រោះដោយខ្យល់កន្រ្តាក់ខាងលើ ។គួរបញ្ជាក់ថា កាលពីថ្ងៃទី២១ ខែមេសា ឆ្នាំ២០២១ ក្រសួងធនធានទឹក និងឧតុនិយម បានព្យាករណ៍ថា រដូវវស្សាឆ្នាំ២០២១ ចាប់ផ្ដើមនៅសប្ដាហ៍ទី១ នៃខែឧសភា ដោយមានភ្លៀងធ្លាក់ពីមធ្យមទៅច្រើនបង្គួរ និងរបាយទឹកភ្លៀងធ្លាក់រាយប៉ាយបានល្អ, នៅពាក់កណ្ដាលរដូវវស្សា ចាប់ពីខែសីហា ដល់ខែកញ្ញាភ្លៀង នឹងអាចធ្លាក់រាយប៉ាយបានល្អលើផ្ទៃប្រទេស ជាមួយបរិមាណទឹកភ្លៀងពីបង្គួរទៅច្រើន និងនៅចុងរដូវវស្សា អាចនឹងបញ្ចប់នៅក្នុងសប្ដាហ៍ទី៤ នៃខែវិច្ឆិកា ជាមួយនឹងបរិមាណទឹកភ្លៀងពីតិចទៅបង្គួរ ។ សម្រាប់កូនរដូវប្រាំងវិញ នៅឆ្នាំ២០២១នេះ អាចនឹងមិនកើតមាននោះទេ ប៉ុន្តែក្រសួងក៏បានអំពាវនាវ ដល់ពលរដ្ឋ សូមមានការប្រុងប្រយ័ត្នពីបាតុភូតផ្ទះរ រន្ទះ និងខ្យល់កន្ត្រាក់ ខណៈគ្រោះធម្មបែបនេះ តែងកើតឡើងជារៀងរាល់ឆ្នាំ ៕អត្ថបទ ៖ សុខរិទ្ធ

ក្រសួងសុខាភិបាល រកឃើញអ្នកឆ្លងកូវីដ១៩ ថ្មី ចំនួន ៥៣៨នាក់ ខណៈអ្នកជំងឺ៤៥៦នាក់ជាសះស្បើយ

ភ្នំពេញ៖ នៅព្រឹកថ្ងៃទី០៨ ខែឧសភា នេះ ក្រសួងសុខាភិបាល បានប្រកាស រកឃើញអ្នកឆ្លងកូវីដ១៩ ថ្មី ចំនួន ៥៣៨នាក់ ខណៈអ្នកជំងឺ៤៥៦នាក់ជាសះស្បើយ។គិតត្រឹមព្រឹកថ្ងៃទី០៨ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ១៨,៧១៧នាក់ ក្នុងនោះអ្នកជាសះស្បើយ ៧៣៤០នាក់ និងស្លាប់សរុបចំនួ១១៤នាក់។

ស្រ្តីម្នាក់ បានជិះម៉ូតូដួល ត្រូវរថយន្ត Lexus 570 កិនស្លាប់ភ្លាមៗនៅនឹងកន្លែង

ភ្នំពេញ ៖ គ្រោះថ្នាក់ចរាចរណ៍មួយករណី នៅម៉ោងជាង១០ព្រឹក ថ្ងៃនេះ បណ្ដាលឱ្យស្ត្រីម្នាក់ស្លាប់ ភ្លាមៗនៅនឹងកន្លែង ដោយសារស្ត្រីរូបនេះ បានជិះម៉ូតូដួល ហើយត្រូវបានរថយន្ត ដែលកំពុងបើកបរពី ក្រោយស្របទិសគ្នា កិនតែម្ដង។គ្រោះថ្នាក់ដ៏គួរឱ្យសង្វេគនេះ បានកើតឡើងត្រង់ចំណុចរង្វង់មូលគួចការណុង (គល់ស្ពានជ្រោយ ចង្វា) ក្នុងសង្កាត់ស្រះចក ខណ្ឌដូនពេញ នៅពេលដែលស្ត្រីរូបនេះ បានជិះម៉ូតូចុះពីលើស្ពាន ក្នុងទិសដៅ ចូលរាជធានីភ្នំពេញ។ស្រ្តី ដែលត្រូវឡានកិនស្លាប់នេះ បានជិះម៉ូតូម៉ាក scpooy ពណ៌ស ពាក់ស្លាកលេខភ្នំពេញ 1HD -4083 ចំណែករថយន្ត ម៉ាក Lexus 570 ពណ៌ស ពាក់ស្លាកលេខ ភ្នំពេញ 2Z-7666 ដែលក្រោយពេលកើតហេតុ ត្រូវបានសមត្ថកិច្ចឃាត់ខ្លួនយកទៅដោះស្រាយតាមផ្លូវច្បាប់៕អត្ថបទ៖ កុម្ភៈ

បញ្ជាការដ្ឋានកងទ័ពអាកាស កំពុងចូលរួមពន្លឿនការងារចាក់វ៉ាក់សាំងនៅខណ្ឌដង្កោ

ភ្នំពេញ៖ បញ្ជាការដ្ឋានកងទ័ពជើងអាកាស នាពេលនេះកំពុងចូលរួមយ៉ាងសកម្មក្នុងយុទ្ធនាការចាក់វ៉ាក់សាំងកូវីដ-១៩ ក្នុងភូមិសាស្ត្រ ខណ្ឌដង្កោ ក្នុងរាជធានីភ្នំពេញ។ការចូលរួមនេះ ធ្វើឡើងដោយក្រុមការងាររបស់ បញ្ជាការដ្ឋានកងទ័ពជើងអាកាស ចុះចាក់វ៉ាក់សាំងនៅទីតាំងសង្កាត់នីមួយៗដោយផ្ទាល់សម្រាប់ប្រជាពលរដ្ឋគ្រប់រូប។ជាការពន្លឿនការងារចាក់វ៉ាក់សាំងក្នុងកំឡុងពេលនេះ បញ្ជាការដ្ឋានកងទ័ពជើងអាកាស បាននឹងកំពុងចូលរួមការងារចាក់ជូនប្រជាពលរដ្ឋយ៉ាងសកម្ម ក្នុងភូមិសាស្ត្រខណ្ឌដង្កោ រាជធានីភ្នំពេញ។ ជាក់ស្ដែងក្រុមការងារជំនាញរបស់ បញ្ជាការដ្ឋានកងទ័ពជើងអាកាស ទើបបានបញ្ចប់ការងារចាក់វ៉ាក់សាំងជូនប្រជាពលរដ្ឋ នៅសង្កាត់ រលួស និងសង្កាត់ព្រៃវែង។ សម្រាប់ថ្ងៃនេះ តាមការបញ្ជាក់របស់ នាយឧត្តមសេនីយ៍ត្រី យ៉ែម បុណ្យរ៉េត នៃបញ្ជាការដ្ឋានកងទ័ពជើងអាកាស បានបញ្ជាក់ថាក្រុមការងារជំនាញចំនួន ៤ក្រុម បានមកចូលរួមការចាក់វ៉ាក់សាំង នៅទីតាំងសង្កាត់ ជើងឯក ដែលមានចំនួនប្រជាពលរដ្ឋជាង ៨០០០នាក់។ តាមការគ្រោង នឹងចំណាយពេល ២ថ្ងៃកន្លះ ដើម្បីបង្ហើយការងារចាក់នៅទីតាំងសង្កាត់ ជើងឯក។ក្នុងការបំពេញការងារនេះ នាយឧត្តមសេនីយ៍ត្រី ក៏បានសំណូមពរឱ្យប្រជាពលរដ្ឋដែលមកទទួលការចាក់វ៉ាក់សាំង ត្រូវបំពេញឯកសារឱ្យបានត្រឹមត្រូវដើម្បីកុំឱ្យខាតពេលវេលា និងត្រូវពាក់ម៉ាសការពារ ការរក្សាគម្លាតនិង បាញ់អាលកុលរក្សាអនាម័យឱ្យបានជាប់លាប់។សម្រាប់ការចូលរួមការចាក់វ៉ាក់សាំងនាពេលនេះ លោក លាស់ សុខលឹម ជាចៅសង្កាត់រង ជើងឯក ក៏បានថ្លែងអំណរគុណដល់ក្រុមការងារ បញ្ជាការដ្ឋានកងទ័ពជើងអាកាស ដែលបានមកចាក់វ៉ាក់សាំងជូនប្រជាពលរដ្ឋក្នុងសង្កាត់លោក។ លោកសប្បាយចិត្តជាខ្លាំង ពេលឃើញក្រុមការងារចាក់វ៉ាក់សាំងបំពេញការងារយ៉ាងប្រសើរបែបនេះ។ក្នុងកំឡុងពេលនេះ រាជរដ្ឋាភិបាលក្រៅពីដាក់ចេញវិធានការជាច្រើនក្នុងការទប់ស្កាត់ ការរីករាលដាលជំងឺកូវីដ-19 រាជរដ្ឋាភិបាលក៏បានពន្លឿនយុទ្ធនាការចាក់វ៉ាក់សាំងកូវីដ-១៩ ទូទាំងប្រទសផងដែរ ទោះក្នុងតំបន់ក្រហមក៏ដោយ។ គិតត្រឹមព្រឹកថ្ងៃទី៧ ខែឧសភាឆ្នាំ ២០២១នេះ កម្ពុជាមានករណីឆ្លងសរុបចំនួន ១៨ ១៧៩នាក់ ដោយជាសះស្បើយចំនួន ៦ ៨៨៤នាក់ និងមានករណីឆ្លាប់ចំនួន ១១៤ករណី៕អត្ថបទ៖ គឹមហុក

ពលរដ្ឋម្នាក់ស្លាប់ និង៩នាក់រងរបួស ខណៈផ្ទះសម្បែងរាប់ពាន់ខ្នងខូចខាតដោយសារគ្រោះធម្មជាតិរយៈពេល៣ថ្ងៃចុងក្រោយ

ភ្នំពេញ ៖ យ៉ាងហោចណាស់មនុស្សម្នាក់បានស្លាប់ ហើយ ៩នាក់ទៀត បានរងរបួស ដោយសារគ្រោះថ្នាក់ធម្មជាតិដែលបានកើតឡើងនៅបណ្ដាខេត្ត-រាជធានីចំនួន១៤របស់កម្ពុជានៅក្នុងរយៈ ៣ថ្ងៃចុងក្រោយមកនេះ។នេះបើតាមរបាយការណ៍ដែល BTV ទទួលបានពីឯកឧត្ដម គន់ គីម ប្រធានគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.)នៅរសៀលថ្ងៃនេះ។របាយការណ៍ដដែលនេះ បានឱ្យដឹងទៀតថា ខេត្ត-រាជធានីចំនួន ១៤ដែលរងខ្យល់កន្ត្រាក់បោកបក់លាយឡំនឹងភ្លៀងធ្លាក់នោះ មានខេត្តកណ្ដាល ត្បូងឃ្មុំ កំពង់ចាម ស្វាយរៀង ព្រៃវែង មណ្ឌលគិរី ក្រចេះ កំពង់ឆ្នាំង បាត់ដំបង បន្ទាយមានជ័យ ឧត្ដរមានជ័យ កោះកុង កំពង់ស្ពឺ និងរាជធានីភ្នំពេញ។បើតាមរបាយការណ៍ដដែលនេះ ខេត្តស្វាយរៀងបានទទួលរងគ្រោះខ្លាំងជាងគេ ដោយមានផ្ទះសម្បែងពលរដ្ឋរហូតដល់ ៥១៥ខ្នង បានខូចខាត បន្ទាប់មកខេត្តបន្ទាយមានជ័យមាន ផ្ទះសម្បែងពលរដ្ឋ ២៥៩ខ្នងរងការខូចខាត និងលំដាប់ទី៣ គឺខេត្តកំពង់ឆ្នាំង ដែលខូចខាតផ្ទះសម្បែងពលរដ្ឋដល់ទៅ ២៤៩ខ្នង។តួលេខរបស់ គ.ជ.គ.ម. បានឱ្យដឹងទៀតថា មនុស្សម្នាក់បានស្លាប់ ហើយពលរដ្ឋ ៥នាក់ទៀត បានរងរបួសដោយសារខ្យល់កន្ត្រាក់ ខណៈមនុស្ស ៤នាក់ទៀតបានរងរបួសដោយសាររន្ទះបាញ់រយៈពេល ៣ថ្ងៃចុងក្រោយនេះ។បើតាមរបាយការណ៍ដដែលនេះ ខ្យល់កន្ត្រាក់៣ថ្ងៃចុងក្រោយចន្លោះពីថ្ងៃអង្គារដល់ថ្ងៃព្រហស្បតិ៍ ម្សិលមិញនេះ បានបំផ្លិចបំផ្លាញផ្ទះសម្បែងពលរដ្ឋសរុប ១ ៦៩១ខ្នង ក្នុងនោះខូចខាតធ្ងន់សរុប ១២៧ខ្នង និងបានបង្កការខូចខាតដល់អគារសាធារណៈជាច្រើនខ្នងទៀត៕

អ្នកនាំពាក្យ គ.ជ.គ.ម. ប្រាប់ថា ខ្យល់កន្ត្រាក់បណ្ដាលឱ្យពលរដ្ឋ៥នាក់រងរបួស បំផ្លាញផ្ទះសម្បែងពលរដ្ឋជាង ១៦០០ខ្នង

ភ្នំពេញ៖ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បានឱ្យដឹងថា ពលរដ្ឋ ៥នាក់ បានរងរបួស ខណៈដែលផ្ទះសម្បែងពលរដ្ឋ និងអគារផ្សេងសរុបជាង ១,៧០០ខ្នងនៅទូទាំងប្រទេស បានរងការខូចខាតដោយសារខ្យល់កន្ត្រាក់លាយឡំនឹងភ្លៀងធ្លាក់កាលពីល្ងាចថ្ងៃពុធកន្លងមកនេះ។លោក សៀក វិចិត្រ អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានប្រាប់ឱ្យដឹងថា ខ្យល់កន្ត្រាក់លាយឡំនឹងភ្លៀងធ្លាក់កាលពីល្ងាចថ្ងៃពុធកន្លងមកនេះ បានបោកបក់លើឃុំ-សង្កាត់សរុប ៩៧ នៃស្រុក-ខណ្ឌចំនួន ៣៤ នៅក្នុងខេត្តបន្ទាយមានជ័យ កំពង់ស្ពឺ កំពង់ចាម ក្រចេះ កំពង់ឆ្នាំង ឧត្ដរមានជ័យ កណ្ដាល ស្វាយរៀង និងកោះកុង។អ្នកនាំពាក្យ គ.ជ.គ.ម. រូបនេះ បានឱ្យដឹងទៀតថា ខ្យល់កន្ត្រាក់បានបណ្ដាលឱ្យប្រជាពលរដ្ឋ ៥នាក់រងរបួស ប៉ុន្តែ មិនបណ្ដាលឱ្យពលរដ្ឋណាម្នាក់រងគ្រោះថ្នាក់ដល់អាយុជីវិតទេ។លោក បានប្រាប់ថា ខ្យល់កន្ត្រាក់ ក៏បានបំផ្លិចបំផ្លាញផងដែរ នូវផ្ទះសម្បែងប្រជាពលរដ្ឋដល់ទៅ ១ ៦១៩ខ្នង និងអគារសាធារណៈផ្សេងសរុប ១២៥ខ្នងទៀត នៅក្នុងខេត្តទាំង ៩នេះ៕

បណ្ដាញសង្គម

ព័ត៌មានថ្មីៗ

យោធាអ៊ីរ៉ង់៖ ការគ្រប់គ្រងច្រកសមុទ្រ Hormuz នឹងនាំមកនូវប្រាក់ចំណូលសេដ្ឋកិច្ចដ៏សំខាន់

លោក Xi ប្រាប់លោក Trump ថា ប្រទេសចិន និងអាមេរិកគួរតែជា«ដៃគូ មិនមែនជាគូប្រជែង» ទេ

កម្ពុជាឃាត់ខ្លួនជនជាតិថៃម្នាក់ ក្រោយចូលជ្រៅក្នុងទឹកដីកម្ពុជាដោយខុសច្បាប់ ខណៈកំពុងសម្របសម្រួលតាមយន្តការទំនាក់ទំនងព្រំដែនឈរលើគោលការណ៍មនុស្សធម៌ ដើម្បីបញ្ជូនខ្លូនទៅវិញ

សម្តេចតេជោ ស្នើឱ្យពិនិត្យដកមន្រ្តីកាំកុងត្រូល ខេត្តបាត់ដំបងដែលកុហករឿងទុរេននាំចូល ដើម្បីជាសារព្រមានមន្រ្តីទាំងអស់កុំឲ្យពូកែកុហកថ្នាក់លើ និងប្រជាជន

សម្ដេចតេជោ ហ៊ុន សែន ចាត់ទុកជាលទ្ធផលមិនអាចបន្ទោស ក្រោយទស្សនាចប់ជំនួបផ្ដាច់ព្រ័ត្ររវាងព្រះខ័នរាជ និងKuwait SC

លោក Trump ប្រាប់លោក Xi ថា ទំនាក់ទំនងអាមេរិកជាមួយចិននឹង«ប្រសើរជាងពេលណាៗទាំងអស់»

អ្នកការទូតចិននិយាយថា ទីក្រុងប៉េកាំង ខកចិត្តយ៉ាងខ្លាំងចំពោះផែនការរឹតបន្តឹងការវិនិយោគរបស់អឺរ៉ុប

បារាំង បានបិទខ្ទប់មនុស្ស១.៧០០នាក់ នៅលើនាវាទេសចរណ៍ បន្ទាប់ពីបុរសអាយុ៩២ឆ្នាំម្នាក់បានស្លាប់

ការបាញ់ស្រោចដោយយានដ្រូនចំនួន៨០០គ្រឿងនៅពេលថ្ងៃរបស់រុស្ស៊ី សម្លាប់មនុស្សច្រើននាក់នៅអ៊ុយក្រែន

អារ៉ាប់រួមបដិសេធដែលថាលោក Netanyahu បានទៅទស្សនកិច្ចដោយសម្ងាត់អំឡុងសង្គ្រាមអាមេរិក-អ៊ីស្រាអែលខណៈអ៊ីរ៉ង់ព្រមាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប

កម្ពុជារកឃើញករណីឆ្លងថ្មី៥០៦នាក់ បន្ថែមទៀត តួលេខឆ្លងសរុបកើនដល់ជិត២ម៉ឺននាក់

អគ្គិភ័យឆេះផ្ទះមួយខ្នង នៅខេត្តកំពង់ឆ្នាំង បណ្ដាលឱ្យមនុស្សចំនួន០៥នាក់ ស្លាប់

ក្រសួងសុខាភិបាល រកឃើញអ្នកឆ្លងកូវីដ១៩ ថ្មី ចំនួន ៥៣៨នាក់ ខណៈអ្នកជំងឺ៤៥៦នាក់ជាសះស្បើយ

ស្រ្តីម្នាក់ បានជិះម៉ូតូដួល ត្រូវរថយន្ត Lexus 570 កិនស្លាប់ភ្លាមៗនៅនឹងកន្លែង

បញ្ជាការដ្ឋានកងទ័ពអាកាស កំពុងចូលរួមពន្លឿនការងារចាក់វ៉ាក់សាំងនៅខណ្ឌដង្កោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មួយ​សប្ដាហ៍​ចុងក្រោយ​នេះ​ អាជ្ញាធរខេត្ត​បាត់ដំបង ​រក​ឃើញ​ពលករ​មកពី​ថៃ​១៣​នាក់ ​វិជ្ជមាន​កូ​វីដ​-១៩

អគ្គីភ័យ​ឆាបឆេះ​ផ្សារ​តាខ្មៅ​ចាស់ បង្ក​ការខូចខាត​តូប​ជួសជុល​គ្រឿង​ម៉ូតូ​ជាង​១០​តូប​

កម្ពុជា​រក​ឃើញ​ករណី​ឆ្លង​ថ្មី​៥០៦​នាក់​ បន្ថែម​ទៀត ​តួលេខ​ឆ្លង​សរុប​កើន​ដល់​ជិត​២​ម៉ឺន​នាក់

អគ្គិភ័យ​ឆេះ​ផ្ទះមួយ​ខ្នង នៅ​ខេត្តកំពង់ឆ្នាំង​ បណ្ដាលឱ្យ​មនុស្ស​ចំនួន​០៥​នាក់ ស្លាប់

ក្រសួងសុខាភិបាល រកឃើញ​អ្នកឆ្លងកូវីដ១៩ ថ្មី ចំនួន ៥៣៨នាក់ ខណៈអ្នក​ជំងឺ៤៥៦នាក់​ជាសះស្បើយ

ស្រ្តីម្នាក់ បានជិះម៉ូតូដួល ត្រូវរថយន្ត Lexus 570 កិនស្លាប់ភ្លាមៗនៅនឹងកន្លែង

បញ្ជាការដ្ឋាន​កងទ័ព​អាកាស​ កំពុង​ចូលរួម​ព​ន្លឿ​ន​ការងារ​ចាក់​វ៉ាក់សាំង​នៅ​ខណ្ឌដង្កោ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប

កម្ពុជារកឃើញករណីឆ្លងថ្មី៥០៦នាក់ បន្ថែមទៀត តួលេខឆ្លងសរុបកើនដល់ជិត២ម៉ឺននាក់

អគ្គិភ័យឆេះផ្ទះមួយខ្នង នៅខេត្តកំពង់ឆ្នាំង បណ្ដាលឱ្យមនុស្សចំនួន០៥នាក់ ស្លាប់

ក្រសួងសុខាភិបាល រកឃើញអ្នកឆ្លងកូវីដ១៩ ថ្មី ចំនួន ៥៣៨នាក់ ខណៈអ្នកជំងឺ៤៥៦នាក់ជាសះស្បើយ

បញ្ជាការដ្ឋានកងទ័ពអាកាស កំពុងចូលរួមពន្លឿនការងារចាក់វ៉ាក់សាំងនៅខណ្ឌដង្កោ