BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Leeds តែងតាំងអ្នកចាត់ការថ្មី Javi Garcia ដែលធ្លាប់ដឹកនាំ Watford

បាល់ទាត់៖ អតីតអ្នកចាត់ការក្លិបបាល់ទាត់ Watford លោក Javi Garcia បានប្រកាសតែងតាំងជាអ្នកចាត់ការថ្មីរបស់ Leeds United ដើម្បីបន្តតំណែងលោក Jesse Marsch ដែលត្រូវបានដកតំណែង។ Leeds បានដកតំណែងអ្នកចាត់ការសញ្ជាតិអាមេរិករូបនេះកាលពីថ្ងៃទី៦ ខែកុម្ភៈ តែពិបាករកអ្នកមកជំនួស និងបានបរាជ័យក្នុងការចរចាជាមួយអ្នកចាត់ការថ្មីពីរនាក់រួចមកហើយ។ អ្នកចាត់ការសញ្ជាតិអេស្ប៉ាញលោក Javi Garcia បច្ចុប្បន្នវ័យ ៥២ឆ្នាំធ្លាប់ដឹកនាំ Watford ឡើងវគ្គផ្តាច់ព្រ័ត្រ FA Cup កាលពីឆ្នាំ២០១៩ មុនពេលចាកចេញទៅដឹកនាំ Valencia និង Al Sadd នៅកាតា។ Leeds បច្ចុប្បន្នកំពុងឈរលេខ ១៩ នៅ English Premier League នឹងត្រូវជួបជាមួយក្រុមបាតតារាង Southampton នៅថ្ងៃសៅរ៍នេះ។ គ្រូបង្វឹកអាយុក្រោម ២១ឆ្នាំលោក Michael Skubala បានដឹកនាំ Leeds បណ្តោះអាសន្ន។ Leeds មុននេះបានបរាជ័យក្នុងការចរចាជាមួយអ្នកចាត់ការ Rayo Vallecano លោក Andoni Iraola ក៏ដូចជាអតីតអ្នកចាត់ការ Ajax លោក Alfred Schreuder៕អត្ថបទ៖នាង សុភាវុធ

Mohamed Elneny បន្តកិច្ចសន្យាជាមួយ Arsenal ដល់ឆ្នាំ២០២៤

បាល់ទាត់៖ ខ្សែបម្រើអេស៊ីប Mohamed Elneny បានសម្រេចបន្តកិច្ចសន្យាជាមួយក្រុមកាំភ្លើងធំ Arsenal បន្ថែមមួយឆ្នាំទៀតដល់ឆ្នាំ២០២៤។ Mohamed Elneny ជាកីឡាករដែលរួមរស់ជាមួយ Arsenal យូរបំផុត តែបច្ចុប្បន្នកំពុងមានរបួសជង្គង់មិនទាន់ដឹងថា ត្រលប់មកវិញនៅពេលណា។ កីឡាករវ័យ ៣០ឆ្នាំរូបនេះបង្ហាញខ្លួនបាន ១៥៥លើកឱ្យ Arsenal តាំងពីផ្លាស់ពីក្លិបស្វ៊ីស FC Basel នៅឆ្នាំ២០១៦។ Elneny បង្ហាញខ្លួនចុងក្រោយបំផុតឱ្យ Arsenal គឺតាំងពីការប្រកួត FA Cup ជុំទី៣ ទល់នឹង Oxford នៅខែមករា និងរកបានមួយគ្រាប់ផងដែរក្នុងជ័យជំនះ ៣-០ នៅពេលនោះ៕អត្ថបទ៖នាង សុភាវុធ

ទៅផ្ទះ Leipzig យប់នេះ Man City អវត្តមាន Kevin de Bruyne និង Aymeric Laporte

បាល់ទាត់៖ ខ្សែបម្រើប៊ែលហ្ស៊ិក Kevin de Bruyne និងខ្សែការពារអេស្ប៉ាញ Aymeric Laporte នឹងអវត្តមានពីការប្រកួតរបស់ Manchester City រាត្រីនេះជើងទី១ វគ្គ ១៦ក្រុមចុងក្រោយនៅទឹកដីរបស់ RB Leipzig។ កីឡាករទាំងពីរមិនបានចូលរួមហ្វឹកហាត់ឡើយ ហើយក៏មិនស្ថិតក្នុងបញ្ជីឈ្មោះកីឡាករដែលត្រូវហោះទៅកាន់ទឹកដីអាល្លឺម៉ង់ដែរ។ បើតាមការបញ្ជាក់របស់អ្នកចាត់ការ Pep Guardiola ឱ្យដឹងថា កីឡាករទាំងពីរមានជំងឺបន្តិចបន្តួច។ ដោយឡែកខ្សែការពារអង់គ្លេស John Stones ក៏នឹងអវត្តមានដែរដោយសាររបួសភ្លៅមិនទាន់ជា តែកីឡាករចំនូលថ្មីទិញបានក្នុងខែមករានេះ Maximo Parrone បានរួមដំណើរជាមួយក្រុមយប់នេះ។ មុនប្រកួតយប់នេះ Manchester City ទើបតែខកចិត្តស្មើនៅទឹកដី Nottingham Forest ១-១ កាលពីថ្ងៃសៅរ៍នៅក្នុងលីគ ដែលធ្វើឱ្យពួកគេត្រូវដេញតាម Arsenal ២ពិន្ទុវិញ។ ងាកមកក្រុមម្ចាស់ផ្ទះ Leipzig វិញគ្រូបង្វឹកលោក Marco Rose បានបង្ហាញក្តីបារម្ភចំពោះវត្តមានខ្សែប្រយុទ្ធន័រវេស Erling Haaland ដែលលោកចាត់ទុកថា ជាឧបសគ្គធំបំផុតសម្រាប់ក្រុមរបស់លោកយប់នេះ។ អតីតខ្សែប្រយុទ្ធ Dortmund រូបនេះបានស៊ុតបញ្ចូលទី ៣២គ្រាប់ហើយនៅគ្រប់ក្របខណ្ឌរដូវកាលនេះ។ សម្រាប់ Leipzig នៅមិនទាន់ច្បាស់ពីវត្តមានខ្សែប្រយុទ្ធបារាំង Christopher Nkunku នៅឡើយ បន្ទាប់ពីសង្កេតឃើញពីអាការៈមិនស្រួលក្នុងការហ្វឹកហាត់ សង្ស័យបញ្ហាជង្គង់រើឡើងវិញ។ Nkunku បានស៊ុតបញ្ចូលទីសរុប ១៧គ្រាប់ហើយគ្រប់ក្របខណ្ឌរដូវកាលនេះឱ្យ Leipzig និងបានចូលលេងផងដែរពេល Leipzig យកឈ្នះ Wolfsburg កាលពីថ្ងៃសៅរ៍៕អត្ថបទ៖នាង សុភាវុធ

Real Madrid វាយបកពីក្រោយ ២គ្រាប់យកឈ្នះនៅទឹកដី Liverpool ៥-២

បាល់ទាត់៖ ក្រុមការពារតំណែងជើងឯក Real Madrid នៅតែជាបេក្ខភាពឈានមុខគេដែលអាចឈ្នះជើងឯក UEFA Champions League រដូវកាលនេះ បន្ទាប់ពីវាយបកយកឈ្នះនៅទឹកដី Liverpool ៥-២ ជើងទី១ វគ្គ ១៦ក្រុមចុងក្រោយ។ បន្ទាប់ពី ២គ្រាប់នាំមុខដោយ Darwin Nunez និង Mohamed Salah ត្រឹម ១៤នាទីដំបូង Real Madrid បានវាយបកតាមស្មើវិញក្នុងវគ្គទី១ ដដែលដោយ Vinicius Junior ពីរគ្រាប់ម្នាក់ឯង។ ក្នុងចំណោម ៤គ្រាប់នេះមានពីរគ្រាប់កើតចេញពីកំហុសរបស់អ្នកចាំទីក្រុមទាំងពីរម្នាក់មួយគ្រាប់។ ឈានដល់វគ្គទី២ Eder Militao តែតបញ្ចូលទីនាំមុខឱ្យ Real Madrid លើកដំបូងមុនពេលដែល Karim Benzema រកបានពីរគ្រាប់ចុងក្រោយឱ្យ Real Madrid កាន់ ៣គ្រាប់ចំណេញមុនត្រលប់ទៅទឹកដីរបស់ខ្លួនវិញនៅជើងទី២។ Real Madrid បានក្លាយជាក្រុមទីមួយហើយដែលរកបាន ៥គ្រាប់នៅទឹកដី Liverpool នៅក្របខណ្ឌអឺរ៉ុប។ ងាកមកមួយប្រកួតទៀត Napoli ក៏បានយកឈ្នះនៅទឹកដីអាល្លឺម៉ង់របស់ Eintracht Frankfurt ដែរដោយលទ្ធផល ២-០។ ខ្សែប្រយុទ្ធនីហ្សេរីយ៉ា Victor Osimhen នៅតែបន្តកំណត់ត្រាស៊ុតបញ្ចូលទីរបស់ខ្លួន ក្រោយរកបានមួយគ្រាប់ក្នុងជ័យជំនះនេះ និងជាគ្រាប់ទី ១០ ក្នុងចំណោម ៩ប្រកួតចុងក្រោយ។ មួយគ្រាប់ទៀតរបស់ Napoli សម្រេចបានដោយ Giovanni Di Lorenzo។ ជើងទី២ រវាងបួនក្រុមខាងលើនឹងជួបគ្នានៅពាក់កណ្តាលខែមីនាខាងមុខ៕អត្ថបទ៖នាង សុភាវុធ

ទីស្ដីការគណៈរដ្ឋមន្ដ្រីកក់កៅអីវគ្គ ៨ក្រុមចុងក្រោយនៃពានរង្វាន់អន្ដរក្រសួង-ស្ថាប័នមុនគេ

បាល់ទាត់៖ បន្ទាប់ពីរកឃើញបេក្ខភាព ១៦ក្រុមចុងក្រោយពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ ឆ្នាំ២០២៣ បានបន្ដការប្រកួតស្វែងរកក្រុមឡើងវគ្គបន្ដទៀតហើយ ខណៈក្រុមទីស្ដីការគណៈរដ្ឋមន្ដ្រីបានកក់កៅអីវគ្គ ៨ក្រុមចុងក្រោយមុនគេ បន្ទាប់ពីយកឈ្នះក្រុមអគ្គលេខាធិការដ្ឋានព្រឹទ្ធសភា ២-០ កាលពីល្ងាចថ្ងៃទី២១ ខែកុម្ភៈ នៅទីលាន The Blue Sport Arena។ ជំនួបបើកឆាកវគ្គ ១៦ក្រុមចុងក្រោយនេះ ក្រុមលេខ២ ឡើងមកពីពូល H ទីស្ដីការគណៈរដ្ឋមន្ដ្រីធ្វើបានយ៉ាងល្អដោយវគ្គទី១ បានបើកការនាំមុខក្រុមលេខ១ ពូល A គឺក្រុមអគ្គលេខាធិការដ្ឋានព្រឹទ្ធសភា ១គ្រាប់មុនដែលធ្វើសម្រេចដោយកីឡាករ យិត ស៊ុនណារោឧត្តម នៅនាទី២៩ មុនកីឡាករដដែលរូបនេះបន្ថែមគ្រាប់ទី២ នៅនាទី៧០ ដើម្បីធានាជ័យជម្នះជូនក្រុមទីស្ដីការគណៈរដ្ឋមន្ដ្រីឡើងវគ្គ ៨ក្រុមចុងក្រោយតែម្ដង។ ដោយឡែកចំពោះបេក្ខភាព និងកម្មវិធីប្រកួតវគ្គ ១៦ក្រុមចុងក្រោយផ្សេងទៀតរួមមានថ្ងៃទី២៣-កុម្ភៈ ក្រុមក្រសួងសង្គមកិច្ច អតីតយុទ្ធជន និងយុវនីតិសម្បទា ត្រូវជួបក្រុមក្រសួងមុខងារសាធារណៈ និងក្រុមក្រសួងបរិស្ថានជួបក្រុមក្រសួងកសិកម្ម រុក្ខាប្រមាញ់ និងនេសាទ។ ថ្ងៃទី២៥-កុម្ភៈ ក្រុមគណៈមេធាវីនៃព្រះរាជាណាចក្រកម្ពុជាជួបក្រុមក្រសួងទេសចរណ៍ និងក្រុមក្រសួងការងារ និងបណ្ដុះបណ្ដាលវិជ្ជាជីវៈជួបក្រុមក្រសួងសេដ្ឋកិច្ច និងហិរញ្ញវត្ថុ។ ចំណែកនៅថ្ងៃទី២៦-កុម្ភៈ ក្រុមក្រសួងសាធារណការ និងដឹកជញ្ជូនត្រូវជួបក្រុមក្រសួងវប្បធម៌ និងវិចិត្រសិល្បៈ និងក្រុមក្រសួងសុខាភិបាលជួបក្រុមធនាគារជាតិនៃកម្ពុជា។ រីឯគូចុងក្រោយនៃវគ្គ ១៦ក្រុមចុងក្រោយ ដើម្បីកាត់សេចក្ដីក្រុមឡើងវគ្គ ១/៤ផ្ដាច់ព្រ័ត្រនោះគឺក្រុមក្រសួងអប់រំ យុវជន និងកីឡាត្រូវជួបជាមួយក្រុមក្រសួងព័ត៌មាន។ ការប្រកួតនឹងធ្វើឡើងនៅទីលាន The Blue Sport Arena តែមួយគត់៕អត្ថបទ៖ លី ឈុនឡា

មន្ដ្រីអាស៊ីវាយតម្លៃខ្ពស់ចំពោះការសាងសង់ទីលានគ្រីឃីតត្រៀមស៊ីហ្គេមឆ្នាំ២០២៣ នៅកម្ពុជា

គ្រីឃីត៖ ទីលានកីឡាគ្រីឃីតត្រៀមស្វាគមន៍ការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលទទួលបានការឧបត្ថម្ភពីក្រុមហ៊ុន AZ GROUP នឹងបញ្ចប់ការសាងសង់នាខែមីនាខាងមុខ ស្របពេលមន្ដ្រីជំនាញនៃក្រុមប្រឹក្សាកីឡាគ្រីឃីតអាស៊ីបានវាយតម្លៃខ្ពស់ ចំពោះស្ដង់ដាទីលានត្រៀមព្រឹត្តិការណ៍ប្រវត្តិសាស្ដ្រនៅកម្ពុជានេះ។ នេះបើតាមការបញ្ជាក់របស់លោក Manish sharma នាយកបច្ចេកទេសនៃសហព័ន្ធកីឡាគ្រីឃីតកម្ពុជា បន្ទាប់ពីលោកបានដឹកនាំលោក Prabhakaran ប្រធានព្រឹត្តិការណ៍នៃក្រុមប្រឹក្សាកីឡាគ្រីឃីតអាស៊ី ចុះពិនិត្យវឌ្ឍនភាពទីលានស្ថិតនៅបណ្ដោយផ្លូវ ៦០ម៉ែត្រកាលពីថ្មីៗកន្លងទៅ លោកបានអះអាងថា ទីលាននេះពិតជាមានលក្ខណៈគ្រប់គ្រាន់ សម្រាប់រៀបចំព្រឹត្តិការណ៍អន្ដរជាតិនានា ពិសេសស៊ីហ្គេមនាពេលខាងមុខ។ លោក អ៊ុក សុវណ្ណ តំណាងក្រុមហ៊ុនឧបត្ថម្ភការសាងសង់ទីលានេះបានសម្ដែងសេចក្ដីរីករាយ ដែលបានរួមចំណែកជាមួយវិស័យកីឡាជាតិ ពិសេសកីឡាគ្រីឃីត ដើម្បីឈានទៅទទួលធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។ ការរួមចំណែកនេះលោកសង្ឃឹមថា នឹងជំរុញឲ្យការរៀបចំ ក៏ដូចជាការប្រកួតរបស់ក្រុមកីឡាគ្រីឃីតកម្ពុជា ទទួលបានជោគជ័យជូនជាតិក្នុងនាមម្ចាស់ផ្ទះព្រឹត្តិការណ៍កីឡាប្រចាំតំបន់នេះ។ គួរដឹងថា សម្រាប់ការប្រកួតកីឡាស៊ីហ្គេម លើកទី៣២ ក្នុងនាមម្ចាស់ផ្ទះ សហព័ន្ធកីឡាគ្រីឃីតកម្ពុជាបានដាក់ទិសដៅដណ្ដើមមេដាយមាស ៣ និងប្រាក់ ២ ជូនជាតិ ស្របពេលមានអត្តពលិក ៨ប្រទេសនឹងចូលរួមប្រកួតលើ ៨វិញ្ញាសាផ្សេងគ្នាក្នុងប្រភេទកីឡាគ្រីឃីត នៃព្រឹត្តិការណ៍កីឡាប្រចាំតំបន់ ២ឆ្នាំម្ដងនេះ៕អត្ថបទ៖ លី ឈុនឡា

CAMSOC ជំរុញការងារពិធីការត្រៀមទទួលបដិសណ្ឋារកិច្ចក្នុងពិធីបើកស៊ីហ្គេមឆ្នាំ២០២៣

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍នៃគណៈកម្មាធិការជាតិរៀបចំកីឡាស៊ីហ្គេម និងអាស៊ាប៉ារ៉ាហ្គេមឆ្នាំ២០២៣ បានដាក់ចេញនូវយន្ដការច្បាស់លាស់ដែលគណៈកម្មការពិធីការ ត្រូវត្រៀមខ្លួនឲ្យបានល្អបំផុតក្នុងការទទួលបដិសណ្ឋារកិច្ចប្រមុខរដ្ឋ ប្រមុខរដ្ឋាភិបាល និងឥស្សរជនបណ្ដាប្រទេសផ្សេងៗ ដែលនឹងចូលរួមពិធីបើកការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ ថ្លែងក្រោយបញ្ចប់កិច្ចប្រជុំប្រចាំសប្ដាហ៍កាលពីថ្ងៃទី២១ ខែកុម្ភៈ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានគូសបញ្ជាក់ថា កិច្ចប្រជុំនេះបានផ្ដោតសំខាន់លើការងារបច្ចេកទេស ការកំណត់យន្ដការ ទីតាំង និងការងារពិធីការមួយជំហានរបស់គណៈកម្មការពិធីការ ក្នុងការត្រៀមទទួលបដិសណ្ឋារកិច្ចប្រតិភូជាន់ខ្ពស់ឲ្យបានល្អប្រសើរ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC ពិសេសសសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាតែម្ដង។ សូមបញ្ជាក់ថា គណៈកម្មការពិធីការដឹកនាំដោយឯកឧត្តម ឈិន កេតនា ទីប្រឹក្សារាជរដ្ឋាភិបាល និងជាប្រធាន។ តាមការគ្រោងទុក បន្ទាប់ពីទទួលបានការចង្អុលបង្ហាញរបស់ឯកឧត្តមបណ្ឌិត ថោង ខុន គណៈកម្មការជំនាញមួយនេះនឹងត្រូវរៀបចំកិច្ចប្រជុំម្ដងទៀតនាថ្ងៃទី០២ ខែមីនាខាងមុខ ដើម្បីលម្អិតពីផែនការសកម្មភាពរបស់ខ្លួនក្នុងការរៀបចំការពិធីការ និងទទួលបដិសណ្ឋារកិច្ចឲ្យបានល្អប្រសើរ ពោលគឺធ្វើម៉េចត្រូវផ្ដល់ការទទួលស្វាគមន៍ប្រកបដោយភាពកក់ក្ដៅ និងសុវត្ថិភាពខ្ពស់ដល់ថ្នាក់ដឹកនាំ ប្រតិភូកីឡា និងកីឡាករ-កីឡាការិនី ក៏ដូចជាអ្នកគាំទ្រទាំងអស់ផងដែរ៕អត្ថបទ៖ លី ឈុនឡា

ទោះធ្លាក់ដល់លេខ ១០ ម្ចាស់ក្លិប Chelsea នៅតែគាំទ្រអ្នកចាត់ការ Graham Potter ដដែល

បាល់ទាត់៖ អ្នកចាត់ការក្លិបបាល់ទាត់តោខៀវ Chelsea លោក Graham Potter នៅតែទទួលបានការគាំទ្រនៅឡើយពីម្ចាស់ក្លិបលោក Todd Boehly ទោះបីក្រុមធ្លាក់ទម្រង់លេងខ្លាំងឈរលេខ ១០ នៅ Premier League។ ក្រុមបាល់ទាត់ដែលមានមូលដ្ឋាននៅទីក្រុងឡុងដ៍មួយនេះឈ្នះតែ ២ប្រកួតគត់ក្នុងចំណោម ១៤ប្រកួតចុងក្រោយគ្រប់ក្របខណ្ឌ ខណៈចុងក្រោយបំផុតចាញ់ Southampton ក្នុងផ្ទះខ្លួនឯង ១-០ កាលពីថ្ងៃសៅរ៍។ លោក Graham Potter បានចាកចេញពី Brighton មកដឹកនាំ Chelsea ជំនួសលោក Thomas Tuchel កាលពីខែកញ្ញា។ យ៉ាងណាក្តីម្ចាស់ក្លិបលោក Todd Boehly បានប្រកាសច្បាស់ថា ក្លិបគាំទ្រពេញទំហឹងចំពោះការងាររបស់លោក Graham Potter ជាអ្នកចាត់ការដែលត្រូវបានក្លិបជ្រើសរើសជាដៃគូយូរអង្វែង។ សូមបញ្ជាក់ថា សំពាធបានធ្លាក់មកលើអ្នកចាត់ការ Graham Potter កាន់តែខ្លាំង បន្ទាប់ពីក្លិបបានចំណាយលុយរាប់រយលានក្នុងការនាំចូលកីឡាករថ្មី ៨នាក់នៅក្នុងខែមករាកន្លងទៅ តែក្នុងឆ្នាំ២០២៣ នេះ Chelsea ឈ្នះតែ ១ប្រកួតគត់ ហើយក៏ប្រឈមធ្លាក់ពី UEFA Champions League ត្រឹមវគ្គ ១៦ក្រុមចុងក្រោយទៀតបន្ទាប់ពីចាញ់ជើងទី១ នៅទឹកដី Dortmund ១-០៕អត្ថបទ៖នាង សុភាវុធ

Manchester United ប្រកាសដំឡើងតម្លៃសំបុត្រចូលទស្សនាលើកដំបូងក្នុងរយៈពេល ១១រដូវកាល

បាល់ទាត់៖ ក្លិបបិសាចក្រហម Manchester United បានប្រកាសពីការដំឡើងតម្លៃសំបុត្រចូលទស្សនាផ្ទាល់នៅកីឡដ្ឋាន Old Trafford ជាលើកដំបូងក្នុងរយៈពេល ១១រដូវកាល នេះបើតាមសេចក្តីប្រកាសរបស់ក្លិបនៅក្របខណ្ឌ Premier League មួយនេះកាលពីថ្ងៃចន្ទ។ បើតាមការបញ្ជាក់ក្នុងសេចក្តីប្រកាសរបស់ក្លិបឱ្យដឹងទៀតថា ការសំរេចដំឡើងតម្លៃសំបុត្រនេះគឺបណ្តាលមកការចំណាយ ទៅលើការរៀបចំការប្រកួតនីមួយៗមានការកើនឡើង ពោលគឺការចំណាយកើនដល់ ៤០% ក្នុងរយៈពេល ៥ឆ្នាំចុងក្រោយ និងកើន ១១% ក្នុងរយៈពេល ១២ខែចុងក្រោយ។ ក្លិបក៏បានបន្ថែមទៀតថា សម្រាប់តម្លៃក្មេងអាយុក្រោម ១៦ឆ្នាំនៅរក្សាដដែល ក៏ដូចជាបញ្ចុះតម្លៃ ៥០% សម្រាប់អ្នកគាំទ្រវ័យ ៦៥ឆ្នាំឡើង។ សូមបញ្ជាក់ថា Manchester United កំពុងស្ថិតក្នុងការចរចាលក់ភាគហ៊ុនធំដោយម្ចាស់ក្លិបគ្រួសារត្រកូល Glazers ខណៈបច្ចុប្បន្នមានការដេញថ្លៃទិញពីររួមមានប្រធានក្រុម INEOS មហាសេដ្ឋីអង់គ្លេស Sir Jim Ratcliffe និងកូនប្រុសអតីតនាយករដ្ឋមន្ត្រីកាតា Sheikh Jassim Bin Hamad Al Thani៕អត្ថបទ៖នាង សុភាវុធ

Novak Djokovic តាមស្មើកំណត់ត្រារបស់ Steffi Graf ឈរលេខ ១ ពិភពលោកច្រើនសប្តាហ៍បំផុត

វាយកូនបាល់៖ កីឡាករវាយកូនបាល់ស៊ែប Novak Djokovic បានតាមស្មើកំណត់ត្រារបស់អតីតកីឡាការិនីអាល្លឺម៉ង់ Steffi Graf ហើយក្នុងការឈរតំណែងលេខ ១ ពិភពលោកបានច្រើនសប្តាហ៍បំផុត។ កីឡាករវ័យ ៣៥ឆ្នាំរូបនេះបានចាប់ឈរតំណែងលេខ ១ ពិភពលោកតាំងពីឆ្នាំ២០១១ ហើយនៅថ្ងៃចន្ទម្សិលមិញក៏បានតាមស្មើកំណត់ត្រារបស់ Steffi Graf ដែលកាន់កាប់តាំងពីឆ្នាំ១៩៨៧ ដោយឈរតំណែងលេខ ១ សរុប ៣៧៧សប្តាហ៍។ Steffi Graf បានឈរតំណែងលេខ ១ រយៈពេល ១៨៦សប្តាហ៍ជាប់គ្នា ជាកំណត់ត្រាមួយដែលតាមស្មើដោយ Serena Williams កាលពីឆ្នាំ២០១៦។ Novak Djokovic បានត្រលប់ឡើងមកឈរតំណែងលេខ ១ ពិភពលោកជាលើកដំបូងរយៈពេល ៦ខែបន្ទាប់ពីឈ្នះជើងឯក Grand Slam, Australian Open កាលពីខែមករា។ បច្ចុប្បន្ន Djokovic មាន ៧០៧០ពិន្ទុក្នុងតារាង ATP World Ranking ៥៩០ពិន្ទុច្រើនជាងអ្នកលេខ ២ កីឡាករវ័យ ១៩ឆ្នាំអេស្ប៉ាញ Carlos Alcaraz៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Leeds តែងតាំងអ្នកចាត់ការថ្មី Javi Garcia ដែលធ្លាប់ដឹកនាំ Watford

Mohamed Elneny បន្តកិច្ចសន្យាជាមួយ Arsenal ដល់ឆ្នាំ២០២៤

ទៅផ្ទះ Leipzig យប់នេះ Man City អវត្តមាន Kevin de Bruyne និង Aymeric Laporte

Real Madrid វាយបកពីក្រោយ ២គ្រាប់យកឈ្នះនៅទឹកដី Liverpool ៥-២

ទីស្ដីការគណៈរដ្ឋមន្ដ្រីកក់កៅអីវគ្គ ៨ក្រុមចុងក្រោយនៃពានរង្វាន់អន្ដរក្រសួង-ស្ថាប័នមុនគេ

មន្ដ្រីអាស៊ីវាយតម្លៃខ្ពស់ចំពោះការសាងសង់ទីលានគ្រីឃីតត្រៀមស៊ីហ្គេមឆ្នាំ២០២៣ នៅកម្ពុជា

CAMSOC ជំរុញការងារពិធីការត្រៀមទទួលបដិសណ្ឋារកិច្ចក្នុងពិធីបើកស៊ីហ្គេមឆ្នាំ២០២៣

ទោះធ្លាក់ដល់លេខ ១០ ម្ចាស់ក្លិប Chelsea នៅតែគាំទ្រអ្នកចាត់ការ Graham Potter ដដែល

Manchester United ប្រកាសដំឡើងតម្លៃសំបុត្រចូលទស្សនាលើកដំបូងក្នុងរយៈពេល ១១រដូវកាល

Novak Djokovic តាមស្មើកំណត់ត្រារបស់ Steffi Graf ឈរលេខ ១ ពិភពលោកច្រើនសប្តាហ៍បំផុត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Leeds តែងតាំង​អ្នកចាត់ការ​ថ្មី Javi Garcia ដែល​ធ្លាប់​ដឹកនាំ Watford

Mohamed Elneny បន្ត​កិច្ចសន្យា​ជាមួយ Arsenal ដល់​ឆ្នាំ២០២៤

ទៅផ្ទះ Leipzig យប់​នេះ Man City អវត្តមាន Kevin de Bruyne និង Aymeric Laporte

Real Madrid វាយបក​ពីក្រោយ​ ២គ្រាប់​យកឈ្នះ​នៅ​ទឹកដី Liverpool ៥-២

ទីស្ដីការគណៈរដ្ឋមន្ដ្រី​កក់​កៅអី​វគ្គ ៨​ក្រុម​ចុងក្រោយ​នៃ​ពានរង្វាន់​អន្ដរក្រសួង​-​ស្ថាប័ន​មុនគេ​

មន្ដ្រី​អាស៊ី​វាយតម្លៃ​ខ្ពស់​ចំពោះ​ការសាងសង់​ទីលាន​គ្រី​ឃី​ត​ត្រៀម​ស៊ី​ហ្គេម​ឆ្នាំ​២០២៣ នៅ​កម្ពុជា​

CAMSOC ​ជំរុញ​ការងារ​ពិធីការ​ត្រៀម​ទទួល​បដិសណ្ឋារកិច្ច​ក្នុង​ពិធី​បើក​ស៊ី​ហ្គេម​ឆ្នាំ​២០២៣

ទោះ​ធ្លាក់​ដល់​លេខ ១០ ម្ចាស់​ក្លិប Chelsea នៅតែ​គាំទ្រ​អ្នកចាត់ការ Graham Potter ដដែល​

Manchester United ប្រកាស​ដំឡើង​តម្លៃ​សំបុត្រ​ចូល​ទស្សនា​លើកដំបូង​ក្នុង​រយៈពេល ១១​រដូវ​កាល​

Novak Djokovic តាម​ស្មើ​កំណត់ត្រា​របស់ Steffi Graf ឈរ​លេខ ១ ពិភពលោក​ច្រើន​សប្តាហ៍​បំផុត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Leeds តែងតាំងអ្នកចាត់ការថ្មី Javi Garcia ដែលធ្លាប់ដឹកនាំ Watford

Mohamed Elneny បន្តកិច្ចសន្យាជាមួយ Arsenal ដល់ឆ្នាំ២០២៤

ទៅផ្ទះ Leipzig យប់នេះ Man City អវត្តមាន Kevin de Bruyne និង Aymeric Laporte

Real Madrid វាយបកពីក្រោយ ២គ្រាប់យកឈ្នះនៅទឹកដី Liverpool ៥-២

ទីស្ដីការគណៈរដ្ឋមន្ដ្រីកក់កៅអីវគ្គ ៨ក្រុមចុងក្រោយនៃពានរង្វាន់អន្ដរក្រសួង-ស្ថាប័នមុនគេ

មន្ដ្រីអាស៊ីវាយតម្លៃខ្ពស់ចំពោះការសាងសង់ទីលានគ្រីឃីតត្រៀមស៊ីហ្គេមឆ្នាំ២០២៣ នៅកម្ពុជា

CAMSOC ជំរុញការងារពិធីការត្រៀមទទួលបដិសណ្ឋារកិច្ចក្នុងពិធីបើកស៊ីហ្គេមឆ្នាំ២០២៣

ទោះធ្លាក់ដល់លេខ ១០ ម្ចាស់ក្លិប Chelsea នៅតែគាំទ្រអ្នកចាត់ការ Graham Potter ដដែល

Manchester United ប្រកាសដំឡើងតម្លៃសំបុត្រចូលទស្សនាលើកដំបូងក្នុងរយៈពេល ១១រដូវកាល

Novak Djokovic តាមស្មើកំណត់ត្រារបស់ Steffi Graf ឈរលេខ ១ ពិភពលោកច្រើនសប្តាហ៍បំផុត