BTV NEWS

Infantino កំពុងប្រឈមវិបត្តិនយោបាយធ្ងន់ធ្ងរ បន្ទាប់ពីផែនការលក់ភាគហ៊ុនព្រឹត្តិការណ៍ FIFA ដួលរលំ

Brentford ចាយលុយបំបែកកំណត់ត្រាក្លិបនាំយក Mamadou Sangare ពី Lens តម្លៃជិត ៥០ លានផោន

ម៉ារ៉ាតុងចក្រភពអង្គរ លើកទី១១ ផ្ដល់ការភ្ញាក់ផ្អើលដល់អ្នករត់ និងបង្កើតចំណូលដល់សេដ្ឋកិច្ចយ៉ាងហោចកន្លះលានដុល្លារ

មន្រ្តីជាន់ខ្ពស់ក្រសួងអប់រំ៖ ទិវាកីឡាអាស៊ានធ្វើឡើង ក្នុងគោលបំណងលើកកម្ពស់ របៀបរស់នៅរបស់ប្រជាជនអាស៊ាន

ព័ត៌មានកីឡា

ប្រធានសហព័ន្ធ និងកីឡាកាយវប្បកម្មសោកស្ដាយក្រោយត្រូវបានដកចេញពីស៊ីហ្គេម

កាយវប្បកម្ម៖ កីឡាកាយវប្បកម្មត្រូវបានគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) សម្រេចដកចេញពីការប្រកួតស៊ីហ្គេមនាខែឧសភាខាងមុខហើយ ក្រោយរកឃើញកីឡាករ ២រូបជាប់ពាក់ព័ន្ធការប្រើប្រាស់សារធាតុហាមឃាត់ (ដូភីង) កំឡុងការប្រកួតកីឡាជាតិលើកទី៣ កាលពីខែវិច្ឆិកា ឆ្នាំ២០២២ កន្លងទៅ។ ការណ៍នេះបានធ្វើឲ្យលោក តឹក ប៊ុនវី ប្រធានសហព័ន្ធកីឡាកាយវប្បកម្ម និងលំហាត់ប្រាណកម្ពុជា រួមទាំងក្រុមជម្រើសជាតិទាំងមូលមានការសោកស្ដាយជាខ្លាំង និងបានធ្វើការសុំទោសជាសាធារណៈចំពោះកំហុសឆ្គងដោយអចេតនារបស់កីឡាករ ២រូបដែលធ្លោយប្រើសារធាតុហាមឃាត់ប្រភេទ Steroids ដោយមិនដឹងខ្លួន រួមមានកីឡាករ ផាន់ ណារិទ្ធ និងកីឡាករ ស៊ាង ម៉េងសាង។ ក្រោយកើតមានរឿងរ៉ាវដ៏រសើប ក៏ដូចជាការឆ្លើយសារភាពត្រង់ចំពោះមុខសហព័ន្ធរបស់កីឡាករជម្រើសជាតិទាំង ២រូបនៅថ្ងៃទី១៧ ខែមករា ឆ្នាំ២០២៣ សហព័ន្ធក៏បានរៀបចំសន្និសីទសារព័ត៌មានមួយនៅទីស្នាក់ការសហព័ន្ធ ដើម្បីឲ្យកីឡាករសារភាព និងសុំទោសជាសាធារណៈជុំវិញនឹងការប្រើប្រាស់សារធាតុហាមឃាត់ និងការត្រូវបានគណៈកម្មាធិការជាតិ CAMSOC ដកចេញពីស៊ីហ្គេម។ ក្នុងនាមប្រធានសហព័ន្ធ លោក តឹក ប៊ុនវី បានសម្ដែងការសោកស្ដាយ និងឈឺចាប់ជាខ្លាំងដែលការខិតខំប្រឹងប្រែងជាច្រើនឆ្នាំ ពិសេសការខំប្រឹងហ្វឹកហាត់របស់កីឡាករ-កីឡាការិនីជម្រើសជាតិខ្លួនដើម្បីត្រៀមស៊ីហ្គេម ត្រូវបានរលាយពាក់ព័ន្ធនឹងការប្រើប្រាស់សារធាតុមហាមឃាត់ ពិសេសប្រភេទ Steroids ដែលអន្ដរជាតិមានការព្រួយបារម្ភ និងទប់ស្កាល់ ក្នុងនោះសហព័ន្ធក៏បានហាមឃាត់យ៉ាងម៉ឺងម៉ាត់ផងដែរ។ ពាក់ព័ន្ធករណីនេះកីឡាករ ផាន់ ណារិទ្ធ និងកីឡាករ ស៊ាង ម៉េងសាង បានសារភាព និងទទួលស្គាល់ថា ខ្លួនពិតជាបានចាក់ថ្នាំបញ្ចុះជាតិទឹកពិតមែន តែពួកគេបានលើកឡើងស្រដៀងគ្នាថា ពុំបានដឹងថា ថ្នាំនេះស្ថិតក្នុងបញ្ចីហាមឃាត់របស់ទីភ្នាក់ងារប្រឆាំងសារធាតុញៀនពិភពលោក(WADA) នោះទេ។ ផាន់ ណារិទ្ធ បានពន្យល់ថា ដំបូងឡើយខ្លួន និងមិត្តរួមក្រុមបានទៅក្លិបហាត់ប្រាណ King GYM ដែលមានអតីម្ចាស់មេដាយមាសអន្ដរជាតិ សំបូរ សុភ័ណ្ឌ ជាក្លិប ដើម្បីសុំការណែនាំមុនការប្រកួតកីឡាជាតិលើកទី៣។ បន្ទាប់ពីទៅដល់ម្ចាស់ក្លិបលោក សំបូរ សុភ័ណ្ឌ ក៏បានប្រាប់ឲ្យពួកគេស្នាក់នៅទីនោះ ដើម្បីប្រាប់ពីវិធីពិសេសធ្វើឲ្យសាច់ដុំស្ងួតល្អ។ លុះដល់យប់ឡើង បន្ទាប់ពីញាំអាហារហើយ ម្ចាស់ក្លិបរូបនេះក៏បានដាស់ពួកគេ ដើម្បីចាក់ថ្នាំសម្រកជាតិទឹកម្នាក់ម្ដងៗចំនួន ២ដូសដោយដូសទី១ ចាក់នៅយប់រំលងអាធ្រាត្យថ្ងៃទី២៥ ខែវិច្ឆិកា និងដូសទី២ ចាក់នៅយប់រំលងអាធ្រាត្យថ្ងៃទី២៦ ខែវិច្ឆិកា ឆ្នាំ២០២២។ ណារិទ្ធ បន្ថែមថា ជាមួយការចាក់ថ្នាំនេះដែរ ខ្លួនក៏បានសួរ សំបូរ សុភ័ណ្ឌ ពីផលប៉ះពាល់ដែរ តែត្រូវបានម្ចាសក្លិប King GYM រូបនេះឆ្លើយថា អត់អីទេ វាមានរយៈពេលត្រឹមតែ ៧ថ្ងៃប៉ុណ្ណោះ ណាមួយលោកក៏ដឹងថា ពួកគាត់ជាកីឡាករជម្រើសជាតិត្រៀមស៊ីហ្គេមដែរ។ តែអ្វីដែលត្រូវបានហួសពេល ក្រោយភ្នាក់ងារដូប៉ាកម្ពុជាធ្វើតេស្ដទឹកនោមពួកគេ បន្ទាប់ពីចប់ការប្រកួតកីឡាជាតិលើកទី៣ រកឃើញពួកគេមានសារធាតុហាមឃាត់ប្រភេទ Steroids ទើបពួកគេដឹងថា ខ្លួនបានដើរលើផ្លូវខុសរួចទៅហើយ។ ជុំវិញរឿងនេះ ទាំងកីឡាករ ផាន់ ណារិទ្ធ និងកីឡាករ ស៊ាង ម៉េងសាង បានសម្ដែងការសោកស្ដាយជាខ្លាំង និងសុំទោសប្រជាពលរដ្ឋកម្ពុជា ពិសេសមិត្តរួមក្រុម ដែលពួកគេបានធ្វើឲ្យប៉ះពាល់ដល់សហព័ន្ធ បង្កឲ្យគណៈកម្មាធិការជាតិ CAMSOC សម្រេចដកកីឡាកាយវប្បកម្មពីស៊ីហ្គេម នាំឲ្យមិត្តរួមក្រុមផ្សេងទៀតមិនមានឱកាសចូលរួមប្រកួតក្នុងព្រឹត្តិការណ៍ជាប្រវត្តិសាស្ដ្រនេះ។ យ៉ាងណាក្ដីពួកគេក៏បានស្នើសុំការអន្ដរាគមន៍ពីប្រមុខរាជរដ្ឋាភិបាល ដើម្បីបានដាក់បញ្ចូលកីឡានេះក្នុងស៊ីហ្គេម និងផ្ដល់ឱកាសដល់កីឡាករផ្សេងទៀត ដែលមិនបានសាងកំហុសបានបង្ហាញសមត្ថភាព និងដណ្ដើមមេដាយជូនជាតិក្នុងស៊ីហ្គេមឆ្នាំ២០២៣ នេះផងដែរ។ គួរដឹងថា សហព័ន្ធកីឡាកាយវប្បកម្មអន្ដរជាតិ ត្រូវបានទីភ្នាក់ងារប្រឆាំងសារធាតុញៀនពិភពលោក (WADA) ប្រកាសដាក់ក្នុងបញ្ជីហាមឃាត់ ដោយសារការរកឃើញប្រភេទកីឡានេះ ងាយទទួលរងនូវការប្រើប្រាស់សារធាតុហាមឃាត់ជាច្រើន។ ការណ៍នេះអាចជាកត្ដាមួយដ៏សំខាន់ ដែលនាំឲ្យគណៈកម្មាធិការជាតិ CAMSOC សម្រេចដកកីឡាកាយវប្បកម្មចេញពីស៊ីហ្គេម ដើម្បីចៀសវាងផលប៉ះពាល់នានា ពិសេសនាំឲ្យប៉ះពាល់ដល់កិត្តិយសជាតិ ដ្បិតកម្ពុជាក៏ជាប្រទេសហត្ថលេខីរបស់ទីភ្នាក់ងារ WADA ផងដែរ៕អត្ថបទ៖ លី ឈុនឡា

Liverpool ឡើងជុំទី៤ FA Cup ក្រោយឈ្នះនៅទឹកដី Wolves

បាល់ទាត់៖ ក្រុមហង្សក្រហម Liverpool បានបន្តដំណើរឡើងជុំទី៤ នៃពានរង្វាន់ FA Cup ហើយក្រោយឈ្នះការប្រកួតជើងទី២ នៅទឹកដី Wolverhampton ១-០។ បន្ទាប់ពីស្មើគ្នា ២-២ នៅទឹកដី Liverpool កាលពីសប្តាហ៍មុន ក្រុមរបស់លោក Jurgen Klopp ក៏រកបានជ័យជំនះក្នុងការប្រកួតឡើងវិញនៅជើងទី២ នេះតាមរយៈគ្រាប់បាល់របស់ Harvey Elliott នៅនាទីទី១៣ និងជាគ្រាប់បាល់តែមួយគ្រាប់គត់ដែលកើតឡើងក្នុងការប្រកួតនេះ។ លោក Jurgen Klopp និយាយថា លោកមានអារម្មណ៍ឡើងវិញខ្លះក្រោយជ័យជំនះនេះ និងមានជំនឿថា កូនក្រុមរបស់លោកនឹងអាចងើបចេញពីបរាជ័យផ្ទួនៗក្រោយ World Cup នេះ។ សូមបញ្ជាក់ថា ជ័យជំនះយប់មិញលើ Wolves គឺជាជ័យជំនះទី៣ ប៉ុណ្ណោះតាំងពីលីគចាប់ផ្តើមឡើងវិញក្រោយសម្រាកពី World Cup សម្រាប់ Liverpool។ ដោយឡែកសម្រាប់លទ្ធផលផ្សេងទៀតនៅពានរង្វាន់ FA Cup ជុំទី៣ ប្រកួតឡើងវិញរួមមាន Forest Green ចាញ់ Birmingham ១-២, Swansea ចាញ់ Bristol City ១-២, Wigan ចាញ់ Luton ១-២ និង West Brom ឈ្នះ Chesterfield ៤-០៕អត្ថបទ៖នាង សុភាវុធ

ពាន Soccer League រកឃើញបេក្ខភាពវគ្គ ១៦ក្រុមចុងក្រោយបណ្ដើរៗ

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ បានរកឃើញបេក្ខភាពវគ្គ ១៦ក្រុមចុងក្រោយជាបណ្ដើរៗហើយ ក្រោយដំណើរការប្រកួតបានជាង ១០ថ្ងៃ ខណៈពូលចំនួន ៣ទៀតត្រូវបានបញ្ចប់ការប្រកួតសន្សំពិន្ទុកាលពីថ្ងៃទី១៧ ខែមករា ឆ្នាំ២០២៣។ សម្រាប់លទ្ធផលការប្រកួតបញ្ចប់ពូលកាលពីម្សិលមិញ ក្រុមសាកលវិទ្យាល័យកម្ពុជាបានយកឈ្នះក្រុមសាកលវិទ្យាល័យភូមិន្ទកសិកម្មដោយលទ្ធផល ៤-១។ ជ័យជម្នះនេះបានជួយឲ្យក្រុមយុវជនស្រលាញ់សន្ដិភាព ក្លាយជាបេក្ខភាពពូល F ដែលទទួលបានកៅអីវគ្គបន្ដ បន្ទាប់ពីពួកគេបានយកឈ្នះក្រុមយុវជនអ្នកតាវាំង ៨-២។ ក្រុមសាកលវិទ្យាល័យកម្ពុជា បានត្រឹមបង្អាក់ដំណើរក្រុមសាកលវិទ្យាល័យភូមិន្ទកសិកម្ម ដ្បិតក្រោយចប់ការប្រកួតនេះ ក្រុមទាំងពីររកបាន ៦ពិន្ទុស្មើគ្នាជាមួយក្រុមយុវជនស្រលាញ់សន្ដិភាព តែដោយគិតលើផលសងគ្រាប់បាល់ ក្រុមយុវជនស្រលាញ់សន្ដិភាពមានគ្រាប់បាល់ចំណេញច្រើនជាងគេរហូតដល់ ៩គ្រាប់ ទើបធ្វើឲ្យពួកគេមានឱកាសឡើងវគ្គបន្ដ ។ ចំណែកបេក្ខភាពវគ្គ ១៦ក្រុមចុងក្រោយនៃពូលទើបបញ្ចប់ការប្រកួតដំណាលគ្នាកាលពីម្សិលមិញ រួមមានពូល E ក្រុម ស.ស.យ.ក ខណ្ឌមានជ័យបានយកឈ្នះក្រុម An Eng FC ដោយលទ្ធផល ៧-០ ដើម្បីធានាកៅអីកំពូលតារាង និងឡើងវគ្គបន្ដក្រោយឈ្នះ ៣ប្រកួតជាប់គ្នា។ រីឯពូល G ក្រុម Avatar បានឡើងវគ្គបន្ដជាមួយកំណត់ត្រាឈ្នះ ៣ប្រកួត និងរកបាន ៩ពិន្ទុពេញដូចគ្នា បន្ទាប់ពីយកឈ្នះក្រុមអគ្គនាយកដ្ឋានរតនាគារជាតិ ២-១។ ដោយឡែកពូល H កំពុងតែមានភាពតានតឹង ក្រោយក្រុម Khmer United យកឈ្នះក្រុមមិត្ដកីឡា ២៣-២ និងក្រុមសុភីណាអេហ្វស៊ីឈ្នះក្រុម ស.ស.យ.ក ស្រុកមុខកំពូល ១-០។ លទ្ធផលនេះធ្វើឲ្យក្រុមទាំងពីរមាន ៤ពិន្ទុស្មើគ្នា ខណៈនៅសល់ ១ប្រកួតក្នុងដៃរៀងខ្លួនដើម្បីកាត់សេចក្ដី តើក្រុមណានឹងត្រូវឡើងទៅវគ្គបន្ដ ដ្បិតក្រុម ស.ស.យ.ក ស្រុកមុខកំពូលក៏នៅសល់ឱកាសប្រជែងកៅអីវគ្គបន្ដនេះដែរ។ ក្រៅពីបេក្ខភាពពូល E, ពូល F និងពូល G ក៏មាន ៣ក្រុមផ្សេងទៀតបានកក់កៅអីវគ្គបន្ដផងដែរ ក្នុងនោះមានពូល B ក្រុមសម្ព័ន្ធយុវជនមុស្លីមកម្ពុជា, ពូល C ក្រុមហនុមានអគ្គលេខាធិការដ្ឋានក្រសួងការពារជាតិ និងពូល D ក្រុម ស.ស.យ.ក ខេត្តកោះកុង ដែលក្រុមទាំង ៣ សុទ្ធតែរកបាន ៩ពិន្ទុពេញឈរកំពូលតារាងរៀងៗខ្លួន ក្រោយទទួលបានជ័យជម្នះ ៣ប្រកួតជាប់គ្នាក្នុងវគ្គសន្សំពិន្ទុ៕ អត្ថបទ៖ លី ឈុនឡា

ក្រសួងបរិស្ថានយកឈ្នះអាកាសចរណ៍ស៊ីវិល ១-០ បង្កើនឱកាសឡើងវគ្គបន្ដពានអន្ដរក្រសួង

បាល់ទាត់៖ ក្រុមបាល់ទាត់ក្រសួងបរិស្ថានបានបន្ថែម ៣ពិន្ទុទៀតហើយ ក្រោយយកឈ្នះក្រុមរដ្ឋលេខាធិការដ្ឋានអាកាសចរណ៍ស៊ីវិល ១-០ ក្នុងប្រកួតទី២ នៃពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ ពូល B កាលពីថ្ងៃទី១៧ ខែមករា ឆ្នាំ២០២៣ ម្សិលមិញ។ជំនួបលើទីលាន The Blue Sports Arena នេះ ក្រុមទាំងពីរបានរក្សាលទ្ធផលស្មើគ្នា ០-០ នៅវគ្គទី១ ហើយបន្ដការប្រកួតរហូតដល់ចុងវគ្គទី២ ទើបមានគ្រាប់បាល់កើតឡើងដែលធ្វើសម្រេចដោយកីឡាករ សេង កុសល នៅនាទី៧០ ជួយឲ្យក្រុមក្រសួងបរិស្ថានយកឈ្នះក្រុមរដ្ឋលេខាធិការដ្ឋានអាកាសចរណ៍ស៊ីវិល ១-០ តែម្ដង។ ជ័យជម្នះនេះបានធ្វើឲ្យក្រុមក្រសួងបរិស្ថានកាន់តែមានឱកាសខ្ពស់ឡើងទៅវគ្គបន្ដ នៃពានរង្វាន់មិត្តភាពយុវជនអន្ដរក្រសួង-ស្ថាប័នឆ្នាំនេះ បន្ទាប់ពីប្រកួតដំបូង ពួកគេបានយកឈ្នះក្រុមក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ដោយលទ្ធផល ៣-០ កាលពីថ្មីៗកន្លងទៅ៕អត្ថបទ៖ លី ឈុនឡា

Australian Open ចាប់ផ្តើម Raducanu ជាពីរបួសភ្លាមឈ្នះការប្រកួតជុំទី១

វាយកូនបាល់៖ ព្រឹត្តិការណ៍វាយកូនបាល់ Grand Slam, Australian Open បានចាប់ផ្តើមហើយនៅថ្ងៃចន្ទម្សិលមិញ ខណៈដែលកីឡាការិនីអង់គ្លេស Emma Raducanu បានយកឈ្នះការប្រកួតជុំដំបូងរបស់នាង បន្ទាប់ពីជាពីរបួស។ កីឡាការិនីវ័យ ២០ឆ្នាំរូបនេះបានរងរបួសកជើងអំឡុងការប្រកួតសប្តាហ៍មុននៅកម្មវិធី Auckland Open ពោលគឺមុន Australian Open ចាប់ផ្តើម ១១ថ្ងៃប៉ុណ្ណោះ។ យ៉ាងណាក្តីអតីតជើងឯក Wimbledon រូបនេះបានយកឈ្នះការប្រកួតជុំដំបូងរបស់ខ្លួនលើកីឡាការិនីអាល្លឺម៉ង់ Tamara Korpatsch ពីរសិតផ្ទួនៗ ៦-៣ និង ៦-២។ ងាកមកកីឡាការិនីលេខ ១ ពិភពលោក Iga Swiatek ក៏មិនមានបញ្ហាដែរនៅជុំដំបូង ក្រោយយកឈ្នះកីឡាការិនីអាល្លឺម៉ង់ Jule Niemeier ដោយលទ្ធផល ៦-៤ និង ៧-៥ បន្តជួបជាមួយ Swiatek នឹងជួបជាមួយ Camila Osoria ជុំទី២។ កីឡាការិនីប៉ូឡូញវ័យ ២១ឆ្នាំ Iga Swiatek គឺជាបេក្ខភាពឈានមុខគេម្នាក់ក្នុងការប្រជែងជើងឯកឆ្នាំនេះ បន្ទាប់ពីក្រសោបយកជើងឯក Wimbledon និង US Open ឆ្នាំមុន។ កីឡាការិនីអាមេរិក Madison Keys ក៏ឈានទៅជុំទី២ ទៀតដែរក្រោយយកឈ្នះកីឡាការិនីរុស្ស៊ី Anna Blinkova ៦-៤ ៣-៦ និង ៦-២។ រំលឹកថា Madison Keys ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ Australian Open នេះពីរលើកនៅឆ្នាំ២០១៥ និង ២០២២ ឆ្នាំមុន។ សម្រាប់លទ្ធផលផ្នែកបុរសវិញ Rafael Nadal, Daniil Medvedev Stefanos Tsitsipas និង Cameron Norrie សុទ្ធតែគ្មានបញ្ហាឡើយនៅជុំដំបូងរបស់ពួកគេ៕អត្ថបទ៖នាង សុភាវុធ

Bournemouth ឈានដល់កិច្ចព្រមព្រៀងទិញខ្សែប្រយុទ្ធស្លាប Dango Ouattara តម្លៃប្រហែល ២០លានផោន

បាល់ទាត់៖ ក្លិបអង់គ្លេស AFC Bournemouth បានឈានដល់កិច្ចព្រមព្រៀងក្នុងការនាំយកខ្សែប្រយុទ្ធស្លាប Dango Ouattara ពីក្លិបបារាំង Lorient ក្នុងតម្លៃប្រមាណ ២០លានផោន។ កីឡាករវ័យ ២០ឆ្នាំរូបនេះបានស៊ុតបញ្ចូលទី ៦គ្រាប់ និងបោះបញ្ជូន ៦លើកក្នុងការបង្ហាញខ្លួន ១៨លើកក្នុងលីគកំពូលបារាំងរដូវកាលនេះ។ ប្រធានក្លិបថ្មីរបស់លោក Bournemouth លោក Bill Foley ដែលកំពុងចរចាទិញភាគហ៊ុនក្លិបបារាំង Lorient ដែរនោះត្រូវបានគេដឹងថា ជាផ្នែកមួយដែលនាំឱ្យការផ្ទេររបស់កីឡាករជម្រើសជាតិបូគីណាហ្វាសូរូបនេះដំណើរការរលូន។ Bournemouth រកបានតែ ៣ពិន្ទុប៉ុណ្ណោះពីការប្រកួត ៩លើកចុងក្រោយក្នុងលីគ និងនៅឈរពីលើតំបន់ដែលត្រូវកាត់ចោលត្រឹម ១ពិន្ទុប៉ុណ្ណោះ តែ Bournemouth មានចំនួនរបូតគ្រាប់បាល់ច្រើនជាងក្រុមដែលនៅពីក្រោមខ្លួន។ ក្រោមការដឹកនាំរបស់អ្នកចាត់ថ្មីលោក Gary O’Neil ដែលត្រូវបានតែងតាំងនៅថ្ងៃទី២៧ ខែវិច្ឆិកានោះ Bournemouth បានចាញ់ការប្រកួត ៤លើកចុងក្រោយនៅ Premier League និង ៦ប្រកួតជាប់គ្នាគ្រប់ក្របខណ្ឌ។ Dango Ouattara ធ្លាប់បង្ហាញខ្លួនឱ្យក្រុមជម្រើសជាតិបូគីណាហ្វាសូ និងបានស៊ុតបញ្ចូលទី ៥គ្រាប់ក្នុងការបង្ហាញខ្លួន ១១លើក៕អត្ថបទ៖នាង សុភាវុធ

Nottingham Forest ទិញបានកីឡាករម្នាក់ទៀតតម្លៃ ១៦លានផោនពីក្លិបប្រេស៊ីល Palmeiras

បាល់ទាត់៖ ក្លិបអង់គ្លេស Nottingham Forest នៅតែបន្តបើកខ្ទង់ចំណាយរបស់ខ្លួនក្នុងការនាំចូលកីឡាករថ្មី បន្ទាប់ពីនាំយកកីឡាករប្រេស៊ីល Danilo ពីក្លិបប្រេស៊ីល Palmeiras ក្នុងតម្លៃប្រហែល ១៦លានផោន។ ខ្សែបម្រើវ័យ ២១ឆ្នាំរូបនេះបានផ្លាស់មកកាន់ Forest ដែលបច្ចុប្បន្នកំពុងឈរលេខ ១៣ ក្នុងតារាងនៅ Premier League ដោយបានចុះហត្ថលេខារយៈពេល ៦ឆ្នាំកន្លះ។ Danilo ធ្លាប់ឈ្នះជើងឯកក្លិបកំពូលអាមេរិកនៅអាមេរិកឡាទិន Copa Libertadores ដែលស្មើនឹង UEFA Champions League នៅអឺរ៉ុប ២លើកជាមួយក្លិប Palmeiras រួមទាំងជើងឯកលីគកំពូលប្រេស៊ីល Serie A មួយលើកផងដែរនៅរដូវកាលមុន និងបានបង្ហាញខ្លួនសរុបចំនួន ១៤១ប្រកួត។ Danilo ជាកីឡាករទី២ ដែលមកកាន់ Nottingham Forest ក្នុងខែមករានេះ បន្ទាប់ពីមិត្តរួមក្រុមរបស់ Danilo នៅ Palmeiras ម្នាក់ទៀត Gustavo Scarpa ដែលផ្លាស់មកដោយគ្មានតម្លៃផ្ទេរកាលពីសប្តាហ៍មុន។ រំលឹកថា មុនរដូវកាលនេះចាប់ផ្តើមកាលពីរដូវក្តៅកន្លងមក Nottingham Forest បានចុះហត្ថលេខានាំយកកីឡាករថ្មីសរុប ២២នាក់រួចមកហើយក្នុងការបង្ហាញខ្លួនលើកដំបូងនៅក្របខណ្ឌកំពូល English Premier League តាំងពីឆ្នាំ១៩៩៩។ Nottingham Forest នឹងត្រូវធ្វើដំណើរទៅទឹកដី Bournemouth ថ្ងៃសៅរ៍នេះក្របខណ្ឌ English Premier League៕អត្ថបទ៖នាង សុភាវុធ

Ronaldo នឹងចូលលេងលើកដំបូងនៅដីអារ៉ាប៊ីសាអ៊ូឌីតក្នុងការប្រកួតមិត្តភាពមួយទល់នឹង PSG

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo នឹងចូលលេងការប្រកួតដំបូងនៅលើទឹកដីអារ៉ាប៊ីសាអ៊ូឌីតតាំងពីផ្លាស់មកកាន់ក្លិប Al Nassr បន្ទាប់ពីត្រូវបានតែងតាំងជាប្រធានក្រុមតារាចម្រុះ Riyadh ST XI សម្រាប់ការប្រកួតមិត្តភាពមួយទល់នឹង Paris Saint Germain ដែលនឹងមានវត្តមាន Lionel Messi ផងដែរ។ កីឡាករវ័យ ៣៧ឆ្នាំរូបនេះនឹងដឹកនាំក្រុមដែលប្រមូលផ្តុំ ដោយកីឡាករមកពីក្លិបបាល់ទាត់ក្នុងទីក្រុង Riyadh ទាំងពីររួមមាន Al Hilal និង Al Nassr ទល់នឹង Messi ដែលនឹងជំនួបចុងក្រោយមួយទៀតរបស់ស្តេចបាល់ទាត់ទាំងពីរ។ ក្នុងបញ្ជីឈ្មោះកីឡាករត្រៀមប្រកួតមិត្តភាពនោះ ក៏មានវត្តមានកីឡាករជម្រើសជាតិអារ៉ាប៊ីសាអ៊ូឌីត Salem Al-Dawsari ផងដែរ ដែលរូបគេជាអ្នកស៊ុតបញ្ចូលទី ១គ្រាប់យកឈ្នះជើងឯកពិភពលោកអាហ្សង់ទីនប្រកួតដំបូងក្នុងពូលនៅ World Cup។ បើតាមការឱ្យដឹងពីអ្នករៀបចំថា សំបុត្រចូលរួមទស្សនាត្រូវបានគេព្យាយាមទិញតាមអនឡាញជាង ២លានលើកសម្រាប់ការប្រកួតមិត្តភាព ដែលនឹងប្រព្រឹត្តឡើងនៅថ្ងៃព្រហស្បតិ៍ ទី១៩ ខាងមុខនេះ។ សម្រាប់កៅអីទស្សនាក្នុងតំបន់ VIP ត្រូវបានគេដឹងថាមានតម្លៃ ២.៦៦លានដុល្លារអាមេរិកក្នុងការដេញថ្ងៃដែលនឹងបញ្ចប់ថ្ងៃអង្គារនេះ។ សូមបញ្ជាក់ថា Ronaldo ដែលផ្លាស់មកកាន់ Al Nassr ក្នុងតម្លៃពលកម្មប្រមាណ ២០០លានដុល្លារក្នុងមួយឆ្នាំនោះ មិនទាន់បានចូលលេងការប្រកួតណាមួយនៅឡើយ ស្របពេលកីឡាករវ័យ ៣៧ឆ្នាំរូបនេះទទួលការពិន័យ ២ប្រកួតរបស់ FA អង់គ្លេសក្រោយបោកទូរស័ព្ទដៃអ្នកគាំទ្រ Everton កាលពីខែមេសាអំឡុងពេលជាកីឡាកររបស់ Manchester United។ បន្ទាប់ពីការប្រកួតមិត្តភាពនៅថ្ងៃព្រហស្បតិ៍នេះ Ronaldo ដែលអវត្តមានពីរប្រកួតរួចហើយនោះ នឹងចូលលេងការប្រកួតក្នុងលីគលើកដំបូងដែរឱ្យ Al Nassr នៅថ្ងៃអាទិត្យនេះទទួលស្វាគមន៍ Al Ettifaq៕អត្ថបទ៖នាង សុភាវុធ

Jurgen Klopp គ្មានគម្រោងចាកចេញពី Liverpool ឡើយ

បាល់ទាត់៖ អ្នកចាត់ការសញ្ជាតិអាល្លឺម៉ង់លោក Jurgen Klopp គ្មានគម្រោងចាកចេញពីក្រុមហង្សក្រហម Liverpool ឡើយ។ ការលើកឡើងបែបនេះស្របពេលដែល Liverpool កំពុងធ្លាក់ចុះទម្រង់ខ្លាំងរដូវកាលនេះដែលធ្លាក់ខ្លួនឈរលេខ៩ ក្នុងតារាងនៅ English Premier League និងនៅឆ្ងាយពីតំបន់ Top4 ដល់ទៅ ១០ពិន្ទុឯណោះ។ និយាយក្នុងសន្និសីទសារព័ត៌មានមុនការប្រកួតទល់នឹងម្ចាស់ផ្ទះ Wolves រាត្រីនេះពានរង្វាន់ FA Cup លោក Jurgen Klopp ថា លោកគ្មានគម្រោងចាកចេញពី Anfield ឡើយលុះត្រាត្រូវបានបណ្តេញចេញ។ ទន្ទឹមនឹងនោះដែរអតីតអ្នកចាត់ការ Dortmund រូបនេះបញ្ជាក់ជាថ្មីថា Liverpool នឹងមិននាំយកកីឡាករថ្មីក្នុងខែមករានេះទៀតឡើយ បន្ទាប់ពីការមកដល់របស់ Cody Gakpo ហើយបើទោះបីកីឡាករមួយចំនួនធំនឹងផុតកិច្ចសន្យានៅដំណាច់រដូវកាលនេះក៏ដោយរួមមាន James Milner, Naby Keita, Alex Oxlade-Chamberlain និង Roberto Firmino។ Liverpool នឹងត្រូវជួបម្ចាស់ផ្ទះ Wolves រាត្រីនេះជើងទី២ FA Cup ជុំទី៣ បន្ទាប់ពីស្មើនៅទឹកដី Anfield ២-២ មុនទទួលតោខៀវ Chelsea ថ្ងៃសៅរ៍នេះនៅ Premier League៕អត្ថបទ៖នាង សុភាវុធ

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត

បាល់ទាត់៖ សហព័ន្ធកីឡាបាល់ទាត់កម្ពុជា (FFC) និងសហព័ន្ធកីឡាបាល់ទាត់អន្ដរជាតិ (FIFA) នៅព្រឹកថ្ងៃទី១៧ ខែមករា ឆ្នាំ២០២៣ នេះបានរៀបចំពិធីសម្ពោធទីលាន និងសាលាតម្រង់ទិសកីឡាបាល់ទាត់រាជធានី-ខេត្តទាំង ២៥ និងកម្មវិធីអភិវឌ្ឍន៍បាល់ទាត់តាមសាលាទាំង ២៥រាជធានី-ខេត្ត ដើម្បីជំរុញការអភិវឌ្ឍន៍វិស័យកីឡាបាល់ទាត់កម្ពុជាឲ្យកាន់តែរីកចម្រើននាថ្ងៃអនាគត។ កម្មវិធីសម្ពោធទីលាន និងសាលាតម្រង់ទិសរួមនេះធ្វើឡើងនៅទីលាន និងសាលាតម្រង់ទិសកីឡាបាល់ទាត់នៃវិទ្យាល័យអង្គរ ខេត្តសៀមរាប ក្រោមវត្តមានឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា និងលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ហើយក៏មានការចូលរួមពីលោកស្រី Fatimata Sidibe ប្រតិភូតំណាង FIFA ផងដែរ។ លោក កែវ សារ៉េត បានគូសបញ្ជាក់ថា កម្មវិធីនេះរៀបចំឡើង បន្ទាប់ពីគម្រោងអភិវឌ្ឍន៍ទីលាន និងសាលាតម្រង់ទិសកីឡាបាល់ទាត់ ២៥រាជធានី-ខេត្តបានបញ្ចប់ជាស្ថាពរក្រោមគម្រោងអភិវឌ្ឍន៍របស់ FIFA ដែលដំណើរការតាំងពីឆ្នាំ២០១៧ រហូតខែឧសភា ឆ្នាំ២០២១។ តែដោយសារជំងឺរាតត្បាតជាសកលកូវីដ-១៩ ទើបសហព័ន្ធ និង FIFA ពន្យាពេលរៀបចំពិធីសម្ពោធរួមរហូតដល់ថ្ងៃទី១៧ ខែមករា ឆ្នាំ២០២៣ នេះ។ លោកបន្ដថា ការគាំទ្រនូវគម្រោងសាងសង់ទីលាន និងសាលាតម្រង់ទិសនេះ ពិតជាបានរួមចំណែកយ៉ាងសំខាន់ សម្រាប់អនាគតបាល់ទាត់កម្ពុជា ជាក់ស្ដែងកន្លងមកបន្ទាប់ពីសាលាតម្រង់ទិសទាំង ២៥រាជធានី-ខេត្តត្រូវបានសម្ពោធដាក់ឲ្យប្រើប្រាស់ជាបន្ដបន្ទាប់ សហព័ន្ធក៏បានសម្រិតសម្រាំងយុវជនល្អៗជាច្រើន មកបណ្ដុះបណ្ដាលក្នុងមជ្ឈមណ្ឌលរួមនៃមជ្ឈមណ្ឌល និងសាលាបាល់ទាត់ជាតិបាទី រហូតទទួលបាននូវធនធានកីឡាករល្អៗជាច្រើន ដែលធ្វើឲ្យមហាជនភ្ញាក់ផ្អើល ទាំងថ្នាក់ជាតិ និងអន្ដរជាតិ។ ការណ៍ស្របពេលកម្ពុជាមានទីលាន និងសាលាតម្រង់ទិសគ្រប់រាជធានី-ខេត្ដហើយនោះ ក្នុងពិធីសម្ពោធរួមដែលមានការចូលរួមពីមន្ដ្រីជាន់ខ្ពស់ FIFA នេះដែរ សហព័ន្ធក៏បានភ្ជាប់ជាមួយនូវការសម្ពោធកម្មវិធី Football For School ឬកម្មវិធីអភិវឌ្ឍន៍បាល់ទាត់តាមសាលាទាំង ២៥រាជធានី-ខេត្ត សម្រាប់យុវជនថ្នាលពីអាយុ ៦ឆ្នាំដល់ ១២ឆ្នាំ ដើម្បីជំរុញការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើនទៀតផង។ នេះបើតាមការបញ្ជាក់របស់លោក កែវ សារ៉េត។ ជាមួយគ្នាដែរលោកស្រី Fatimata Sidibe បានសម្ដែងនូវការអបអរសាទរ ចំពោះសមិទ្ធផលថ្មីរបស់សហព័ន្ធកីឡាបាល់ទាត់កម្ពុជា ពិសេសលោកស្រីបានកោតសរសើរ ចំពោះកិច្ចខិតខំប្រឹងប្រែងរបស់ថ្នាក់ដឹកនាំសហព័ន្ធ និងគ្រប់ភាគីពាក់ព័ន្ធដែលជំរុញឲ្យសាលាតម្រង់ទិសលេចវត្តមាននៅគ្រប់រាជធានី-ខេត្ត។ លោកស្រីមានសុទិដ្ឋិនិយមថា ទីលាន និងសាលាតម្រង់ទិសទាំងអស់នោះនឹងរួមចំណែកយ៉ាងសំខាន់ ដើម្បីផលិតបាននូវធនធានកីឡាករល្អៗ ឆ្ពោះទៅរកការប្រកួតប្រជែងដោយស្មើមុខមាត់លើឆាកអន្ដរជាតិ៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

ការស្វែងរកមនុស្សបាត់ខ្លួន ២៨នាក់នៅតែបន្ត បន្ទាប់ពីស្រឡាងបានកើតអគ្គិភ័យ នៅកោះ Madura របស់ឥណ្ឌូនេស៊ី

អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញផែនការតំបន់ហ្កាហ្សា

ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើតមាននៅភាគពាយ័ព្យ និងភាគនិរតីប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ប្រធានសហព័ន្ធ និងកីឡាកាយវប្បកម្មសោកស្ដាយក្រោយត្រូវបានដកចេញពីស៊ីហ្គេម

Liverpool ឡើងជុំទី៤ FA Cup ក្រោយឈ្នះនៅទឹកដី Wolves

ពាន Soccer League រកឃើញបេក្ខភាពវគ្គ ១៦ក្រុមចុងក្រោយបណ្ដើរៗ

ក្រសួងបរិស្ថានយកឈ្នះអាកាសចរណ៍ស៊ីវិល ១-០ បង្កើនឱកាសឡើងវគ្គបន្ដពានអន្ដរក្រសួង

Australian Open ចាប់ផ្តើម Raducanu ជាពីរបួសភ្លាមឈ្នះការប្រកួតជុំទី១

Bournemouth ឈានដល់កិច្ចព្រមព្រៀងទិញខ្សែប្រយុទ្ធស្លាប Dango Ouattara តម្លៃប្រហែល ២០លានផោន

Nottingham Forest ទិញបានកីឡាករម្នាក់ទៀតតម្លៃ ១៦លានផោនពីក្លិបប្រេស៊ីល Palmeiras

Ronaldo នឹងចូលលេងលើកដំបូងនៅដីអារ៉ាប៊ីសាអ៊ូឌីតក្នុងការប្រកួតមិត្តភាពមួយទល់នឹង PSG

Jurgen Klopp គ្មានគម្រោងចាកចេញពី Liverpool ឡើយ

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ប្រធាន​សហព័ន្ធ និង​​កីឡា​កាយ​វប្បកម្ម​សោកស្ដាយ​ក្រោយ​ត្រូវ​បាន​ដកចេញ​ពី​ស៊ី​ហ្គេម​

Liverpool ឡើង​ជុំ​ទី​៤ FA Cup ក្រោយ​ឈ្នះ​នៅ​ទឹកដី Wolves

ពាន​ Soccer League ​រកឃើញ​បេក្ខភាព​វគ្គ ១៦​ក្រុម​ចុងក្រោយ​បណ្ដើរៗ​

ក្រសួងបរិស្ថាន​យកឈ្នះ​អាកាសចរណ៍​ស៊ីវិល ១-០ បង្កើន​ឱកាស​ឡើង​វគ្គ​បន្ដពាន​អន្ដរក្រសួង​

Australian Open ចាប់ផ្តើម Raducanu ជា​ពីរ​បួស​ភ្លាម​ឈ្នះ​ការប្រកួត​ជុំ​ទី​១

Bournemouth ឈានដល់​កិច្ចព្រមព្រៀង​ទិញ​ខ្សែប្រយុទ្ធ​ស្លាប Dango Ouattara តម្លៃ​ប្រហែល ២០​លាន​ផោន​

Nottingham Forest ទិញ​បាន​កីឡាករ​ម្នាក់ទៀត​តម្លៃ ១៦​លាន​ផោន​ពី​ក្លិប​ប្រេ​ស៊ី​ល Palmeiras

Ronaldo នឹង​ចូល​លេង​លើកដំបូង​នៅ​ដី​អារ៉ាប៊ីសាអ៊ូឌីត​ក្នុង​ការប្រកួត​មិត្តភាព​មួយ​ទល់នឹង PSG

Jurgen Klopp គ្មាន​គម្រោង​ចាក​ចេញពី Liverpool ឡើយ

FFC ​និង​ FIFA ​សម្ពោធ​ទីលាន និង​សាលា​តម្រង់​ទិស ព្រមទាំង​កម្មវិធី​អភិវឌ្ឍន៍​បាល់ទាត់ ២៥​រាជធានី​-​ខេត្ត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានសហព័ន្ធ និងកីឡាកាយវប្បកម្មសោកស្ដាយក្រោយត្រូវបានដកចេញពីស៊ីហ្គេម

Liverpool ឡើងជុំទី៤ FA Cup ក្រោយឈ្នះនៅទឹកដី Wolves

ពាន Soccer League រកឃើញបេក្ខភាពវគ្គ ១៦ក្រុមចុងក្រោយបណ្ដើរៗ

ក្រសួងបរិស្ថានយកឈ្នះអាកាសចរណ៍ស៊ីវិល ១-០ បង្កើនឱកាសឡើងវគ្គបន្ដពានអន្ដរក្រសួង

Australian Open ចាប់ផ្តើម Raducanu ជាពីរបួសភ្លាមឈ្នះការប្រកួតជុំទី១

Bournemouth ឈានដល់កិច្ចព្រមព្រៀងទិញខ្សែប្រយុទ្ធស្លាប Dango Ouattara តម្លៃប្រហែល ២០លានផោន

Nottingham Forest ទិញបានកីឡាករម្នាក់ទៀតតម្លៃ ១៦លានផោនពីក្លិបប្រេស៊ីល Palmeiras

Ronaldo នឹងចូលលេងលើកដំបូងនៅដីអារ៉ាប៊ីសាអ៊ូឌីតក្នុងការប្រកួតមិត្តភាពមួយទល់នឹង PSG

Jurgen Klopp គ្មានគម្រោងចាកចេញពី Liverpool ឡើយ

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត