នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសជួបសំណេះសំណាលជាមួយសិស្សនិទ្ទេស A ចំនួន ១ ៦៩១ នាក់

2024/01/09 03:38:12 pm        567
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹក ថ្ងៃទី៩ ខែមករា ២០២៤នេះ បានអញ្ជើញជាអធិបតី ក្នុងពិធី“សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់ ក្នុងនោះសិស្ស ១ ៦៧៣ ជាសិស្សដែលបានប្រឡងសញ្ញាបត្រមធ្យម​សិក្សាទុតិយភូមិ សម័យប្រឡង៖ ៦ វិច្ឆិកា ២០២៣ និងសិស្សចំនួន១៨នាក់ ជាសិស្សដែលប្រឡងសញ្ញាបត្របច្ចេកទេស និងវិជ្ជាជីវៈកម្រិត ៣ សម័យប្រឡង៖ ២០ តុលា ២០២៣ ” នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តី ប្រកាសលើកទឹកចិត្តដល់សិស្សានុសិស្សដែលប្រឡង មិនបានលទ្ធផលល្អ សូមកុំបោះបង់ចោល គប្បីខិតខំប្រឹងប្រែងបន្តទៅមុខទៀត ខណៈផ្លូវនៅមានវែងឆ្ងាយសម្រាប់ក្មួយៗទាំងអស់គ្នា។-សម្តេចធិបតី បានថ្លែងថា ខណៈក្មួយៗបានប្រឡងជាប់រហូតដល់ ទទួលបានលទ្ធផលល្អនាពេលនេះ គឺកើតចេញពីការលះបង់យ៉ាងធំធេងពីឪពុកម្តាយ និងអាណាព្យាបាល របស់ក្មួយៗ ដូច្នេះក្មួយៗទាំងអស់គប្បីខិតខំបន្តទៀតសម្រាប់តបស្នងសងគុណដល់ពួកគាត់ដែលជាអាណាព្យាលបាលរបស់ពួកយើងទាំងអស់គ្នា។-សម្តេចធិបតី ហ៊ុន ម៉ាណែត បានបញ្ជាក់ថា តាមរយៈការធ្វើកំណែទម្រង់ និងកម្រិតសិក្សា នៃការប្រឡងសញ្ញាបត្រមធ្យមសិក្សាទុតិយភូមិនាពេលកន្លងមក ក៏ដូចជានាពេលនេះ របស់ក្រសួងអប់រំ គឺបានធ្វើឲ្យបេក្ខជនប្រឡងមានមោទកភាពយ៉ាងច្រើន ខណៈអ្នកធ្លាក់គឺធ្លាក់ដោយអស់ចិត្តផងដែរ។-សម្តេចធិបតី ហ៊ុន ម៉ាណែត ថ្លែងថា ការកសាងមូលធនមនុស្សគឺជាកត្តាចម្បង និងចាំបាច់បំផុត ខណៈមូលធនមនុស្សនេះ គឺជាមុំទី១ នៅក្នុងយុទ្ធសាស្រ្តបញ្ចកោណ​របស់រាជរដ្ឋាភិបាល ក្នុងអាណត្តិទី៧នេះ។-សម្តេចធិបតី ហ៊ុន ម៉ាណែត ថ្លែងថា ទស្សនៈ វប្បធម៌ និងមូលដ្ឋាននៃភាពជោគជ័យ ការប្រឡងបាក់ឌុបនាពេលកន្លងមកនេះ គឺជាបទពិសោធន៍ដ៏ល្អមួយសម្រាប់ការយកមកអនុវត្តនៅក្នុងសង្គម ពីព្រោះការប្រឡងនោះបានដំណើរការទៅដោយតម្លាភាព ប្រសិទ្ធភាព យុត្តិធម៌ និងគុណាធិបតេយ្យ ដែលស្ថាប័នផ្សេងៗគួរយកធ្វើជាគំរូ។-សម្តេចធិបតី ហ៊ុន ម៉ាណែត៖ ចតុស្តម្ភទាំងបួនសំខាន់ៗ សម្រាប់ការអប់រំ គឺដើម្បីចេះដឹងដោយគ្រប់ជ្រុងជ្រោយច្បាស់លាស់ ដើម្បីមានចំណេះធ្វើ ដើម្បីជាពលរដ្ឋល្អ និងដើម្បីរស់នៅក្នុងសង្គមប្រកបដោយសុខដុមរមនាជាដើម។-សម្តេចធិបតី ហ៊ុន ម៉ាណែត៖ វប្បធម៌ដែលបង្កើតឡើងនៅក្នុងការប្រឡងបាក់ឌុបនាពេលកន្លងមកនេះ បានផ្លាស់ប្ដូរវប្បធម៌អន្តរាគមន៍របស់ឪពុកម្ដាយ អាណាព្យាបាល មករួមគ្នាខិតខំជំរុញឱ្យកូន និងសិស្ស ធ្វើការប្រឡងដោយយុត្តិធម៌ និងការទទួលខុសត្រូវរៀងៗខ្លួន និងជំនួសនូវមនោសញ្ចេតនាជាលក្ខណចង្អៀត និងធំទូលាយ។-សម្តេចធិបតី ហ៊ុន ម៉ាណែត៖«ឱ្យតែដល់ពេលប្រឡង ខ្ញុំឃើញមានសារនេះ សារនោះផ្ញើមកជាច្រើនតាមតេឡេក្រាម ប៉ុន្ដែខ្ញុំបានជូនពរទៅវិញឱ្យខិតខំរៀន និងឱ្យប្រឡងជាប់»។-សម្តេចធិបតី ហ៊ុន ម៉ាណែត ពិនិត្យមើលឃើញកត្តាគន្លឹះ ៤ ធំៗ នៅក្នុងការអនុវត្តការងារឱ្យមានប្រសិទ្ធភាព និងទទួលបានជោគជ័យក្នុងការប្រឡងបាក់ឌុបនាពេលកន្លងមក។ ក្នុងនោះមាន ទី១ ត្រូវមានចក្ខុវិស័យវែងឆ្ងាយឈរលើមូលដ្ឋានច្បាស់លាស់ ផ្អែកលើផលប្រយោជន៍ជាតិ និងប្រជាជន។ ទី២ ការប្ដេជ្ញាចិត្តខ្ពស់របស់គ្រប់តួអង្គអនុវត្តជាពិសេសថ្នាក់ដឹកនាំដែលមានឆន្ទះខ្ពស់។ ទី៣ ចូលរួមពីគ្រប់ភាគីទាំងអស់ ជាពិសេសពីប្រជាជន។ ទី៤ ការលះបង់ដើម្បីផលប្រយោជន៍រួម។-សម្តេចធិបតី ហ៊ុន ម៉ាណែត បញ្ជាក់ថា គោលនយោបាយរបស់រាជរដ្ឋាភិបាលចាប់តាំងពីអាណត្តិមុន មានយុទ្ធសាស្រ្ដចតុកោណរហូតដល់អាណត្តិនេះយុទ្ធសាស្រ្ដបញ្ចកោណដំណាក់កាលទី១ គឺមានស្នូលមួយនៃការពង្រឹងប្រទេសជាតិ គឺ «អភិបាលកិច្ច» ដែលជាធាតុផ្សំមួយសំខាន់ណាស់។-សម្តេចធិបតី ហ៊ុន ម៉ាណែត បញ្ជាក់ថា កាលពីម្សិលមិញ សម្ដេចបានចារឯកភាពឱ្យក្រសួង ស្ថាប័នចំនួន៥ ជ្រើសរើសមន្រ្ដីបន្ថែម តាមរយៈការប្រឡង។ ការអនុវត្តនេះ គឺដើម្បីពង្រឹងប្រសិទ្ធភាព និងគុណភាពរបស់មន្រ្ដីរាជការ។-សម្តេចធិបតី ហ៊ុន ម៉ាណែត លើកទឹកចិត្តដល់សិស្សនិទ្ទេស A ទាំងអស់បន្តសិស្សានៅគ្រឹះស្ថានឧត្តមសិក្សាតាមជំនាញដែលខ្លួនជ្រើសរើស ដើម្បីជាប្រយោជន៍ដល់ក្រុមគ្រួសារ និងសង្គមជាតិ ហើយចូលរួមអភិឌ្ឍន៍ប្រទេសជាតិ។-សម្តេចធិបតី ហ៊ុន ម៉ាណែត៖ «ជំនាញណាក៏ល្អដែរ ប៉ុន្ដែត្រូវរៀនជំនាញណាមួយឱ្យប្រាកដ នោះយើងអាចអភិវឌ្ឍន៍ខ្លួនឯងបានហើយ»។-សម្តេចធិបតី ហ៊ុន ម៉ាណែត លើកទឹកចិត្តដល់ក្រសួងអប់រំ យុវជន និងកីឡា បន្តស្វែងរក និងបង្កើនការស្វែងរកអាហារូបករណ៍នៅក្រៅប្រទេសសម្រាប់សិស្សប្រឡងចេញទៅសិស្សានៅក្រៅប្រទេសបន្ថែមទៀត។ សម្ដេចធិបតី ក៏បានថ្លែងអំណរគុណដល់បណ្ដាសាកលវិទ្យាល័យនានាផងដែរ ដែលបានផ្ដល់អាហារូបករណ៍ដល់សិស្សប្រឡងបាក់ឌុបឆ្នាំនេះ ជាពិសេសដល់សិស្សនិទ្ទេស A។

វិមានឈ្នះ ឈ្នះ បានក្លាយជាមជ្ឈមណ្ឌលនៃការសិក្សាយ៉ាងគគ្រឹកគគ្រេង ពីសំណាក់សិស្សានុសិស្សទាក់ទងដំណើរការសន្តិភាពនៅកម្ពុជា

2024/01/09 03:09:35 pm        314
Facebook Telegram Linkin
នាយឧត្តមសេនីយ៍ ណឹម សុវត្ថិ អគ្គនាយក អគ្គនាយកដ្ឋាននយោបាយ និងកិច្ចការបរទេស ក្រសួងការពារជាតិ និងជាប្រធានាក្រុមការងារសិក្សាស្រាវជ្រាវ និងសាងសង់វិមានឈ្នះ ឈ្នះ បានថ្លែងថា វិមានឈ្នះ ឈ្នះ បានក្លាយជាមជ្ឈមណ្ឌលដ៏ធំមួយនៃការសិក្សាស្រាវជ្រាវយ៉ាង​គគ្រឹកគគ្រេង​ពីសំណាក់សិស្សានុសិស្ស ប្រតិភូជាតិ និងអន្តរជាតិ ទាក់ទងនឹងដំណើរការ​សន្តិភាព​ពេញលេញរបស់កម្ពុជា ក្រោយនយោបាយឈ្នះ ឈ្នះ សម្តេចតេជោ ហ៊ុន សែន អតីតនាយករដ្ឋមន្រ្តីកម្ពុជា។ការលើកឡើងរបស់នាយឧត្តមសេនីយ៍ ណឹម សុវត្ថិ គឺបន្ទាប់ពីមើលឃើញសិស្សានុសិស្ស ប្រតិភូ ជាតិ និងអន្តរជាតិកាន់តែច្រើនឡើងពីមួយថ្ងៃទៅមួយថ្ងៃ បានមកទស្សនា សិក្សាស្វែងយល់​អំពីអត្ថន័យនៃ ការសាងសង់វិមានឈ្នះ ឈ្នះ ដែលស្ថិតនៅសង្កាត់បាក់ខែង ខណ្ឌជ្រោងចង្វារ រាជធានីភ្នំពេញ។នាយឧត្តមសេនីយ៍ ណឹម សុវត្ថិ បានបញ្ជាក់ថា«វិមានឈ្នះ ឈ្នះ បានក្លាយទៅជាមជ្ឈមណ្ឌល ការ សិក្សា និងទស្សនាប្រកបដោយភាព​សន្ធោសន្ធៅ និង​គគ្រឹកគគ្រេង បង្ហាញនូវតឹកតាង អំណាស់អំណាងពិតប្រាកដជាក់លាក់ នៃសច្ចភាពតថភាពពិតប្រាកដពីប្រវត្តិសាស្រ្ត ដំណើរជាតិកម្ពុជា។ ជាពិសេសក្នុង ការក្លាយមកជាសក្ខីកម្មនៃការបញ្ចប់សង្រ្គាម​ស៊ីវិល​ទទួលបានសន្តិភាព ​និងការឯកភាពជាតិពេញលេញ ​ដោយនយោបាយឈ្នះ ឈ្នះ របស់សម្តេចតេជោ សែន»។សូមបញ្ជាក់ថា វិមានឈ្នះ-ឈ្នះ ត្រូវបានចាប់ផ្ដើមកសាងឡើងកាលពីថ្ងៃទី២៥ ខែកុម្ភៈ ឆ្នាំ២០១៦ ដែលមានកម្អស់៥៤ម៉ែត្រ ទទឹង៣៦ម៉ែត្រ លើទំហំផ្ទៃដី៨ហិកតា ស្ថិតនៅសង្កាត់បាក់ខែង ខណ្ឌជ្រោយចង្វា រាជធានីភ្នំពេញ ហើយត្រូវបានសម្ពោធដាក់ឲ្យដំណើរការក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តីនៃកម្ពុជា ​កាលពីថ្ងៃទី២៩ ខែធ្នូ ឆ្នាំ២០១៨។វិមានអនុស្សាវរីយ៍ជាប្រវត្តិសាស្ត្ររបស់កម្ពុជាមួយនេះត្រូវបានសាងសង់ឡើងដោយបញ្ជាក់នូវ អត្ថន័យ​ដ៏មានសារសំខាន់ ចំនួន បីរួមមាន៖ ទី ១. កំពូល វិមាន ដែលមានជ្រុងបី តំណាង​ឲ្យនយោបាយគន្លឹះសំខាន់ៗ​ចំនួន៣នាំឲ្យនយោបាយឈ្នះ-ឈ្នះទទួលបានជោគជ័យ (ទី១. ការធានារូបកាយ និងអាយុជីវិត,ទី២.ធានាអាជីព និងមុខរបរ និងទី៣.ការធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ),ទី ២. តួវិមាន ដែលមាន ជ្រុង ៥ តំណាង ឲ្យ យុទ្ធសាស្ដ្រ DIFID (បំបែក ឯកោ បញ្ចប់ ធ្វើសមាហរណកម្ម និង អភិវឌ្ឍន៍) ដែលជា យុទ្ធសាស្ដ្ររំលាយអង្គការ ចាត់តាំង នយោបាយ និង យោធា ខ្មែរក្រហម និង សារសំខាន់ ទី ៣.តួវិមាន មានជ្រុងប្រាំពីរ តំណាងកត្តានាំឲ្យនយោបាយ ឈ្នះ-ឈ្នះ ទទួលបានជោគជ័យ ។នាយឧត្តមសេនីយ៍ ណឹម សុវត្ថិ បានលើកឡើងថា ការសាងសង់នូវវិមានឈ្នះ ឈ្នះនេះ ដើម្បីជាតឹកតាង និងផ្ទុកនៅឯកសារប្រវត្តិសាស្រ្តពិតប្រាកដរបស់កម្ពុជា ជាពិសេសគឺភាព​ជាក់ស្តែងរបស់សម្តេចតេជោ ហ៊ុន សែន អតីតនាយករដ្ឋមន្រ្តីកម្ពុជា ដែលសម្តេចបានបូជា​សាច់ស្រស់ឈាម ស្រស់ដើម្បីបុព្វហេតុជាតិមាតុភូមិ ដោយបានសង្រ្គោះប្រជាជនកម្ពុជា​ឲ្យរួចផុតពី​វាលពិឃាត​របស់របប កម្ពុជាប្រជាធិបតេយ្យនោះ៕អត្ថបទបាន ចក់

ព្រឹកស្អែកសម្តេច ហ៊ុន ម៉ាណែត នឹងអញ្ជើញជាអធិបតីក្នុងពិធី សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់

2024/01/08 09:49:29 pm        262
Facebook Telegram Linkin
ភ្នំពេញ៖ ព្រឹកស្អែក ថ្ងៃទី៩ មករា ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតី ក្នុងពិធី“សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់ ក្នុងនោះសិស្ស ១ ៦៧៣ ជាសិស្សដែលបានប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៦ វិច្ឆិកា ២០២៣ និងសិស្សចំនួន១៨នាក់ ជាសិស្សដែលប្រឡងសញ្ញាបត្របច្ចេកទេស និងវិជ្ជាជីវៈកម្រិត ៣ សម័យប្រឡង៖ ២០ តុលា ២០២៣ ” នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ ។

អង្គភាពសេនាតេជោ បើកសារមន្ទីរតេជោសន្តិភាពជូនសាធារណៈជន ក្នុងឱកាសអបអរសាទរថ្ងៃ៧មករា

2024/01/08 09:45:39 pm        193
Facebook Telegram Linkin
ដើម្បីរួមចំណែកអបអរសាទរព្រឹត្តិការណ៍ជាប្រវត្តិសាស្ត្រនេះ អង្គភាពសេនាតេជោ បានចាត់តាំងនាយទាហាន រៀបចំតុបតែងទីតាំង លម្អផ្កានៅតំបន់ចម្លាក់០៧ មករា ១៩៧៩ ចងទង់ជាតិ និងធ្វើការបើកសារមន្ទីរតេជោសន្តិភាពជូនសាធារណៈជនជាតិ និងអន្តរជាតិចូលទស្សនាដោយសេរី និងមានមគ្គុទ្ទេសក៍ឧទ្ទេសនាមជូនផងដែរ។ ទន្ទឹមនឹងនេះនៅពេលល្ងាចមានការបាញ់ទឹកអបអរសាទរ អមជាមួយចម្រៀងប្រវត្តិសាស្ត្រអំពីព្រឹត្តិការណ៍០៧ មករា ១៩៧៩បន្ថែមទៀត។សាធារណៈជនជាតិ និងអន្តរជាតិមានការសាទរជាខ្លាំងចំពោះព្រឹត្តិការណ៍ទិវាជ័យជម្នះនេះ ផ្សារភ្ជាប់នឹងរឿងរ៉ាវប្រវត្តិសាស្ត្រនៃដំណើរស្វែងរកសន្តិភាពនៅកម្ពុជា តាមរយៈនយោបាយឈ្នះ ឈ្នះ របស់សម្ដេចតេជោ ហ៊ុន សែនផងដែរ។ ទន្ទឹមនឹងនេះ ប្រជាជនកម្ពុជា ដែលបានចូលទស្សនាវិមានឈ្នះ ឈ្នះ ពិសេសនៅតំបន់សារមន្ទីរតេជោសន្តិភាព បានបង្ហាញនូវការដឹងគុណ ចំពោះសម្ដេចតេជោ ហ៊ុន សែន និងវីរៈជនកម្ពុជាដែលបានតស៊ូ ពលី ដើម្បីសង្រ្គោះជាតិសាសន៍កម្ពុជាចេញពីរបបដ៏យង់ឃ្នង ហើយបន្តដឹកនាំកម្ពុជាឲ្យមានសុខសន្តិភាព និងការឯកភាពជាតិពេញលេញ បោះជំហានមកកាន់ការអភិវឌ្ឍលើគ្រប់វិស័យនាពេលបច្ចុប្បន្ននេះ៕

មនី្ទរពេទ្យបង្អែករាជធានីភ្នំពេញផ្តល់ការព្យាបាលជំងឺមាត់ ធ្មេញ ជូនពលរដ្ឋមិនគិតថ្លៃរយៈពេល ១៥ ថ្ងៃ

2024/01/08 09:29:59 pm        1603
Facebook Telegram Linkin
មន្ទីរពេទ្យបង្អែករាជធានីភ្នំពេញជាមន្ទីរពេទ្យមួយមានទីតាំងនៅកណ្តាលរាធានីភ្នំពេញ ផ្នែក​ព្យាបាល​ជំងឺ​មាត់ធ្មេញ មានទទួលព្យាបាលដោយមិនគិតថ្លៃសម្រាប់សេវា សម្អាតធ្មេញ ដកធ្មេញ និង​ប៉ះធ្មេញរយៈពេល ១៥ ថ្ងៃចាប់ពីថ្ងៃ ១ ដល់ថ្ងៃ១៥ ខែមករា ឆ្នាំ២០២៤។លោកទន្តបណ្ឌិត ធូ សំភី ប្រធានផ្នែកជំងឺមាត់ ធ្មេញ នៃមនី្ទរពេទ្យបង្អែករាជធានីភ្នំពេញប្រាប់ BTV ព័ត៌មាននាព្រឹកថ្ងៃទី៨ ខែមករា ឆ្នាំ២០២៤នេះថា សព្វថ្ងៃផ្នែកជំងឺមាត់ ធ្មេញ មាន​ផ្តល់​សេវា​កម្ម​ព្យាបាល​ជំងឺមាត់ធ្មេញ ដាក់ធ្មេញ ដកធ្មេញ និងពត់ធ្មេញ។ ប៉ុន្តែចាប់ពីថ្ងៃទី១ រហូតដល់​ថ្ងៃទី​១៥ ខែមករា មនី្ទរពេទ្យបានផ្តល់សេវាដកធ្មេញ លាងសម្អាតធ្មេញ និងប៉ះធ្មេញ ជូនដល់​ប្រជាពលរដ្ឋ​ដោយ​ឥតគិតថ្លៃក្នុងគោលបំណងលើកកម្ពស់សុខភាពមាត់ធ្មេញ ជូនបងប្អូន​ប្រជាពលរដ្ឋ​ក្មេង ចាស់ ប្រុស ស្រី មកពីបណ្តារាជធានី-ខេត្ត។ជាមួយគ្នានោះដែរបងប្អូនប្រជាពលរដ្ឋមកទទួលសេវាពិនិត្យ ព្យាបាលជំងឺសុខភាពមាត់ ធ្មេញ ពី​ក្រុម​គ្រូ​ពេទ្យ​ឯកទេស នៃមនី្ទរពេទ្យបង្អែករាជធានីភ្នំពេញ បង្ហាញពីកី្ត​សប្បាយ​រីក​រាយ​បាន​អញ្ជើញ​មក​ទទួលសេវាពិនិត្យ ព្យាបាលជំងឺមាត់ ធ្មេញ ពីក្រុមគ្រូពេទ្យ គឺលោកគ្រូពេទ្យ អ្នកគ្រូ​ពេទ្យ យកចិត្តទុកដាក់និងព្យាបាលជូនបានយ៉ាងល្អប្រសើរ។ ទន្ទឹម​នឹង​នោះ​ក៏​សូម​អរគុណ​ប្រមុខរា​ជរដ្ឋាភិបាលកម្ពុជា អាណតិ្តទី៧ ដែលបានយក​ចិត្ត​ទុក​ដាក់​លើ​សុខ​មាលភាព​របស់​ប្រជា​ពលរដ្ឋ ដោយ​មិន​ទុក​ឱ្យ​ប្រជាជន​ណា​ម្នាក់​ទទួល​រង​គ្រោះ​ដោយ​មិន​មាន​ការ​យក​ចិត្ត​ទុក​ដាក់​នោះ​ឡើយ​។ លោកវេជ្ជបណ្ឌិត នេត សុវិរៈ នាយកមន្ទីរពេទ្យបង្អែករាជធានីភ្នំពេញ បានលើកឡើងថា មនី្ទរ​ពេទ្យ​មាន​ផ្តល់សេវាពិនិត្យ ព្យាបាលជំងឺផ្សេងៗទៀតដូចជា: ផ្នែកសម្ភព និងរោគស្ត្រី, ផ្នែក​សល្យកម្ម និងប្រពោធនកម្ម, ផ្នែកជំងឺទូទៅ, ផ្នែកសង្គ្រោះបន្ទាន់, ផ្នែកពិគ្រោះជំងឺក្រៅ, ផ្នែក​ជំងឺភ្នែក, ផ្នែកផ្លូវចិត្ត, ផ្នែកជំងឺកុមារ, ផ្នែកសើរស្បែក, ផ្នែកត្រចៀក ច្រមុះ បំពង់ក, ផ្នែក​ព្យាបាល​ជំងឺ​មាត់ ធ្មេញ, ផ្នែកកាមរោគ, ផ្នែកឱសថ, ផ្នែកមន្ទីរពិសោធន៌ និងផ្នែកអេកូសាស្ត្រ និង​រូប​ភាព​វេជ្ជសាស្ត្រ៕ អត្ថបទ រដ្ឋា

បុស្បុករូបសំណាកព្រះគ្រូ គឹម ច្រែង និងសម្តេចតេជោ កាលនៅពីកុមារ ត្រូវបានសម្ពោធជាផ្លូវការនៅថ្ងៃនេះ

2024/01/08 08:41:44 pm        378
Facebook Telegram Linkin
ក្រចេះ៖ ឯកឧត្តម ហ៊ុន ម៉ានី តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានអញ្ជើញក្នុង​ពិធី​សម្ពោធ​ដា​ក់​ឲ្យ​ប្រើប្រាស់​ជា​ផ្លូវ​ការ​បុស្បក​ រូប​សំណាក​ព្រះ​គ្រូធម្មាចារ្យ គឹម ច្រែង និងសម្តេចអគ្គមហាសេនាបតីតេជោ ហ៊ុន សែន កាលនៅ​ពីកុមារ នៅព្រឹកថ្ងៃទី៨ ខែមករា ឆ្នាំ២០២៤ ស្ថិតក្នុងឃុំបុសលាវ ស្រុកចិត្របុរី ខេត្តក្រចេះ។ នាឱកាសនោះ ឯកឧត្តម ហ៊ុន ម៉ានី មានប្រសាសន៍ថា ក្នុងនាមសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សូមផ្តាំផ្ញើរការសួរសុខទុក្ខ ដល់លោកតា លោកយាយ អ៊ំ ពូ មីង ប្អូន​ៗ​យុវជន ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏​ដូច​ជា​សម្តេចមហាបវរធិបតី ហ៊ុន ម៉ាណែត និងសូមចូល​រួម​អបអរ​សាទរ​ដល់​បង​ប្អូន​ប្រជា​ពលរដ្ឋ​ខេត្ត​ក្រចេះ ចំពោះសមិទ្ធផលថ្មី ដែលសម្ពោធថ្ងៃនេះ គឺបុស្បុករូបសំណាកព្រះគ្រូធម្មាចារ្យ គឹម ច្រែង និងសម្តេចតេជោ ហ៊ុន សែន កាលពីកុមារភាព ដែលមានអត្ថន័យដ៏ជ្រាលជ្រៅនេះ។ ឯកឧត្តម មានប្រសាសន៍ទៀតថា បុស្បុកនេះបានឆ្លុះបញ្ចាំងពីប្រវត្តិតស៊ូរបស់ សម្តេចតេជោ ហ៊ុន សែន ដែលជាកូនកសិករម្នាក់ នៅឃុំពាមកោះស្នា ស្រុកស្ទឹងត្រង់ ខេត្តកំពង់ចាម ហើយ​បា​ន​ពុះពារ​ខិតខំប្រឹងប្រែងរៀនសូត្រ ដោយបានបន្តការសិក្សានៅវត្តនាគវ័ន្ត រាជធានីភ្នំពេញ ហើយ​ក្នុង​ពេល​រស់នៅរាជធានីភ្នំពេញនេះហើយ ដែលសម្តេចតេជោ ហ៊ុន សែន បានស្នាក់អាស្រ័យ និង​ទទួល​ការមើលថែផ្គត់ផ្គង់ពីព្រះគ្រូធម្មាចារ្យ គឹម ច្រែង។ឯកឧត្តម ហ៊ុន ម៉ានី ថ្លែងថា បុស្បុកនេះមិនត្រឹមតែមានសម្រស់ស្រស់ស្អាត ពោរពេញ​ដោយ​ក្បាច់​រចនា​ខ្មែរ​យ៉ាងល្អ ប្រណិតតែប៉ុណ្ណោះទេ តែអ្វីដែលជាគុណតម្លៃលើសលប់ទៀតនោះ គឺអត្ថន័យ​ដ៏​ជ្រាល​ជ្រៅ ​នៃការកសាងបុស្បុក ទាំងរូបសំណាកចាស់ (ដែលក្នុងពេល​នេះ​មាន​សភាព​ចាស់​ទ្រុឌ​ទ្រោម) ហើយជំនួសដោយរូបសំណាកថ្មីដែលដាក់សម្ពោធពេលនេះ។ អត្ថន័យ​នៃ​ការ​កសាង​រូប​សម្តេច​តេជោ ហ៊ុន សែន ដែលជាកូនកសិករម្នាក់នៅឃុំពាមកោះស្នា ស្រុក ស្ទឹងត្រង់ ខេត្ត​កំពង់ចាម ហើយបានពុះពារខិតខំប្រឹងប្រែងរៀនសូត្រ ដោយបានបន្តការសិក្សា នៅវត្តនាគវ័ន្តែ រាជធានី​ភ្នំពេញ។ ក្នុងពេលរស់នៅរាជធានីភ្នំពេញ សម្តេចតេជោ ហ៊ុន សែន បានស្នាក់អាស្រ័យ និង​ទទួលការមើលថែ ផ្គត់ផ្គង់ពីព្រះគ្រូធម្មាចារ្យ គឹម ប្រែង។ រូប សំណាក ព្រះគ្រូធម្មាចារ្យ និង​សម្តេចតេជោ កាលនៅពីកុមារ ត្រូវបានសាងសង់ឡើង បន្ទាប់ពី ព្រះគ្រូធម្មាចារ្យ បាន​ទទួល​មរណភាព (ឆ្នាំ១៩៨៩) ដើម្បីទុកជាការរំលឹក និងចង ចាំអំពីប្រវត្តិរបស់សម្តេចតេជោ កាល​នៅ​ពី​កុមារ ដែលធ្លាប់រស់នៅជាមួយ ព្រះគ្រូធម្មា ចារ្យ។ ដោយរូបសំណាកពីមុនធ្វើពីបេតុង (សាង​សង់​រួច​រាល់ថ្ងៃទី ១៨ មីនា ឆ្នាំ២០០៣) មានសភាពចាស់ទ្រុឌទ្រោម ទើប សម្តេចតេជោ បាន​ណែនាំ​ឱ្យ​រៀបចំសាងសង់ឡើងជាថ្មី ដែលធ្វើឡើងពីស្ពាន់សុទ្ធ។ឯកឧត្តម ហ៊ុន ម៉ានី ថ្លែងបន្តថា សមិទ្ធផលដែលយើងកំពុងសម្ពោធនាពេលនេះ និ​ង​សមិទ្ធ​ផល​ដទៃ​ទៀត មិនអាចកើតឡើង បានឡើយ ប្រសិនបើគ្មានសន្តិភាព និងស្ថិរភាពនយោបាយ ដែល​កម្ពុជា​សម្រេច​បានដោយ លំបាក ក្រោមការថ្នាក់ដឹកនាំរបស់សម្តេចតេជោ ហ៊ុន សែន និងថ្នាក់​ដឹកនាំ​ដទៃទៀត។ លើមូលដ្ឋានគ្រឹះនៃសន្តិភាពនេះ និងក្រោមការដឹកនាំប្រកបដោយ គតិ​បណ្ឌិត​របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងបន្តរីក ចម្រើន ដើម្បីប្រជាពលរដ្ឋគ្រប់រូបគ្រប់ជំនាន់ នឹងអាចបន្តទទួលបានប្រយោជន៍ពីសុខសន្តិភាព និង​សមិទ្ធផលនៃការអភិវឌ្ឍថ្មីៗជាបន្តបន្ទាប់ទៀត៕

សម្ដេចធិបតីទទួលយកការអញ្ជើញរបស់ប្រធានាធិបតីបារាំង និងប្តេជ្ញាចិត្តពិភាក្សា ពង្រឹងទំនាក់ទំនងទ្វេភាគី

2024/01/08 08:10:30 pm        270
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅថ្ងៃទី៨ ខែមករា ឆ្នាំ ២០២៣នេះ បានចេញលិខិតទទួលយកការអញ្ជើញរបស់ ឯកឧត្តម អេម៉ានុយអែល ម៉ាក្រុង ប្រធានាធិបតី ​នៃសាធារណរដ្ឋបារាំង ដែលបាន​អញ្ជើញសម្តេច​ទៅបំពេញ​ទស្សន​កិច្ច​ផ្លូវ​ការ​នៅ​សាធារណរដ្ឋ​បារាំង​ចាប់ពីថ្ងៃទី១៨ ដល់ទី១៩ ខែមករា ឆ្នាំ២០២៤។ ខណៈប្រទេសបារាំង គឺជាប្រទេស​អឺរ៉ុបដំបូងគេដែលសម្តេចធិបតី នឹងអញ្ជើញបំពេញ​ទស្សនកិច្ចផ្លូវ​ការ​បន្ទាប់​ពី​បាន​ចូល​កាន់​តំណែងជានាយករដ្ឋមន្ត្រី កាលចុងខែសីហា ឆ្នាំ២០២៣។សម្ដេចធិបតីនាយករដ្ឋមន្រ្ដីបានថ្លែងថា៖«ខ្ញុំសូមសម្តែងនូវគារវកិច្ចដ៏ខ្ពង់ខ្ពស់ និង​សូម​ថ្លែង​អំណរ​គុណ​ឯកឧត្តមដែលបានអញ្ជើញខ្ញុំ ទៅបំពេញទស្សនកិច្ចផ្លូវការនៅសាធារណរដ្ឋបារាំង នៅថ្ងៃ​ទី​១៨-១៩ ខែមករា ខាងមុខនេះ។ នេះជាកិត្តិយសដ៏ធំធេង ហើយខ្ញុំសូមទទួលយកឱកាសនេះ ជាមួ​យ​នឹងការប្តេជ្ញាចិត្តដ៏ខ្លាំងក្លា ដើម្បីពិភាក្សា និងពង្រឹង​ទំនាក់​ទំនងទ្វេភាគី​របស់​យើង​ទាំងពី​រ»​។សម្ដេចធិបតីមានប្រសាសន៍ថា ព្រះរាជទស្សនកិច្ចរបស់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅទីក្រុង​ប៉ារីសនា​ពេល​ថ្មី​ៗកន្លងទៅនេះ បានបង្ហាញពីការបោះជំហានដ៏សំខាន់មួយ ឆ្ពោះទៅ​រក​ការ​ពង្រឹង​ភាព​ជាដៃគូរ​វាងប្រជាជាតិយើងទាំងពីរ។ ក្នុងការបន្តនូវសន្ទុះនេះ ទស្សនកិច្ចរបស់​សម្ដេច​មាន​គោល​បំណង​ពង្រឹង​កិច្ចសហប្រតិបត្តិការឱ្យកាន់ត ស៊ីជម្រៅបន្ថែមទៀត លើវិស័យសំខាន់ៗ ដោយ​ផ្តោត​ជា​ពិសេស​លើបញ្ហាការប្រឈមផ្នែកបរិស្ថាន នាពេលបច្ចុប្បន្ន ជាពិសេស បញ្ហាអន្តរ​កាល​ថាមពល និងការប្រែប្រួលអាកាសធាតុ ព្រមទាំងការលើកស្ទួយ សន្តិភាពនៅលើពិភពលោក។ម៉្យាងទៀត ការពង្រឹងទំនាក់ទំនងសេដ្ឋកិច្ច ការចែករំលែកយុទ្ធសាស្ត្រអភិវឌ្ឍន៍ប្រកបដោយ ចីរភាព កិច្ចសហប្រតិបត្តិការលើវិស័យការពារជាតិ ការលើកតម្កើងបេតិកភណ្ឌវប្បធម៌ និង​ការ​លើក​ក​ម្ពស់ហ្វ្រង់កូហ្វូនី គឺជាសសរស្តម្ភនៃទំនាក់ទំនងទ្វេភាគីរបស់ប្រទេសទាំងពីរ​។ នេះបើតាម​ការ​បញ្ជាក់​របស់​សម្ដេចនាយករដ្ឋមន្រ្ដី។សម្ដេចធិបតីបន្តថា៖ «ខ្ញុំជឿជាក់ថា ការពិភាក្សារបស់យើងនឹង​រួមចំណែក​ឱ្យ​មាន​ការ​យល់​គ្នា​កាន់​តែ​ស៊ី​ជម្រៅ និងនាំ មកនូវគំនិតផ្តួចផ្តើមរួម ដែលនឹងផ្ដល់​អត្ថ​ប្រយោជន៍​ដល់​ប្រទេស​យើង​ទាំង​ពីរ​។ កម្ពុជាប្តេជ្ញាចិត្តនឹងបន្ត ចូលរួមក្នុងកិច្ចខិតខំប្រឹងប្រែងនេះ ដោយទទួល​ស្គាល់​នូវ​សារៈ​សំខាន់​នៃ​ភា​ព​ជាដៃគូរបស់យើង សម្រាប់ ប្រជាជនរបស់យើង និងសម្រាប់សហគមន៍អន្តរជាតិ។ ខ្ញុំ​រង់​ចាំ​ជួប និងពិភាក្សាប្រកបដោយផ្លែផ្កាជាមួយឯកឧត្តម។ សូម ឯកឧត្តមប្រធានាធិបតី មេត្តា​ទទួល​នូវ​ក្តីគោរព​ដ៏​ខ្ពង់ខ្ពស់ពីខ្ញុំ»។សូមជម្រាបថាតាមរយៈដំណើរទស្សនកិច្ចផ្លូវការរបស់សម្ដេចធិបតីទៅកាន់ប្រទេសបារាំង ជំនួប​ទ្វេភាគី​នា​ពេលខាងមុខរវាងសម្តេចធិបតី និងឯកឧត្តម ប្រធានាធិបតី ម៉ាក្រុង គឺឱកាស​ដ៏​ប្រសើរ​សម្រាប់​រដ្ឋាភិបាលនៃប្រទេសទាំងពីរ បញ្ជាក់ជាថ្មីនូវ​ការ​ប្តេជ្ញា​ចិត្ត​រួម​ក្នុង​ការ​លើក​កម្ពស់​ទំនាក់​ទំនង​ជាប្រពៃណីឱ្យឈានដល់កម្រិតថ្មី ពង្រឹងនិងពង្រីកកិច្ច​សហប្រតិបត្តិការ​ក្នុង​ក្របខ័ណ្ឌ​ទ្វេភាគី និង​ពហុភាគី ដែលផ្តល់ប្រយោជន៍ទៅវិញទៅមកសម្រាប់ប្រជាជាតិទាំងពីរ ព្រមទាំង​រួម​គ្នា​ដោះ​ស្រាយ​ការប្រឈមសកល និងរក្សាសណ្តាប់ធ្នាប់ពិភពលោកដែលផ្អែកលើច្បាប់៕

ប្រតិភូសភាសហព័ន្ឋអាល្លឺម៉ង់កោតសរសើរចំពោះការអភិវឌ្ឍរីកចម្រើនរបស់ប្រទេសកម្ពុជា

2024/01/08 07:37:00 pm        90
Facebook Telegram Linkin
ឯកឧត្ដមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា តំណាង​ដ៏ខ្ពង់ខ្ពស់​សម្ដេច​មហា​រដ្ឋសភា​ធិកាធិបតី ឃួន សុដារី ប្រធានរដ្ឋសភា នៅព្រឹកថ្ងៃទី៨ ខែមករា ឆ្នាំ២០២៤ បាន​អនុញ្ញាត​ឱ្យ​គណៈប្រតិភូសភានៃសហព័ន្ធអាល្លឺម៉ង់ដឹកនាំដោយ ឯកឧត្តម Tino CHRUPALLA ប្រធាន​ក្រុមសភានៃគណបក្សAfD នៃសហព័ន្ធអាល្លឺម៉ង់ និងសហការី ចូលជួបធ្វើសវនាការ និងពិភាក្សាការងារ នៅវិមានរដ្ឋសភា។ឯកឧត្ដមកិត្តិសេដ្ឋាបណ្ឌិត ជាម យៀប មានប្រសាសន៍ថា កិច្ចជំនួបនាថ្ងៃនេះ គឺជា​សក្ខីភាព​បង្ហាញ​ឲ្យ​ឃើញកាន់តែច្បាស់ថែមទៀត អំពីសារៈសំខាន់នៃទំនាក់ទំនង និងកិច្ច​សហប្រតិបត្តិការ​របស់​ស្ថាប័ន​នីតិប្បញ្ញត្តិ នៃប្រទេសទាំងពីរ ដែលមិត្តអាល្លឺម៉ង់ ជាប្រទេសដែល​បាន​ជួយ​គាំទ្រ​លើ​ការ​អភិវឌ្ឍគ្រប់បែបយ៉ាងជាយូរអង្វែងមួយនៅកម្ពុជា ដល់ស្ថាប័ននីតិប្បញ្ញត្តិ និងរាជ​រដ្ឋាភិបាល​កម្ពុជា​។ តាមរយៈឯកឧត្តមប្រធានគណៈប្រតិភូ ឯកឧត្ដមកិត្តិសេដ្ឋាបណ្ឌិត បានថ្លែងអំ​ណរ​គុណ​ជូន​ដល់​សភា រដ្ឋាភិបាល និងប្រជាជនអាល្លឺម៉ង់ ដែលផ្តល់ជំនួយ​ជា​បន្ត​បន្ទាប់​សម្រាប់​ការ​អភិវឌ្ឍ​សង្គម​សេដ្ឋកិច្ច​នៅ​កម្ពុជា​ទាំងទ្វេភាគី និងជំនួយដល់អង្គការសង្គមស៊ីវិលនៅកម្ពុជា។ឯកឧត្ដម ក៏បានមានប្រសាសន៍ពីវឌ្ឍនភាព និងការរីកចម្រើនរបស់កម្ពុជាសព្វថៃ្ង ពិតជាមិន​អាច​កាត់​ផ្តាច់​បាន​ពីការរួមវិភាគទានដ៏ថ្លៃថ្លាពីបណ្តាប្រទេសជាមិត្តទាំងក្នុងតំបន់ និង​សកល​លោក​ក្នុង​នោះ​អាល្លឺម៉ង់ ជាប្រទេសមួយដែលបានផ្តល់ជំនួយយ៉ាងច្រើន និងលើច្រើនវិស័យ ដល់កម្ពុជា។ ឯកឧត្ដមកិត្តិសេដ្ឋាបណ្ឌិត ជាម យៀប បានមានប្រសាសន៍បន្តថា រដ្ឋសភាកម្ពុជា បាន​បង្កើត​ក្រុម​មិត្ត​ភាពសភា កម្ពុជា-អាល្លឺម៉ង់ នៅគ្រប់នីតិកាល នៃរដ្ឋសភាជាបន្តបន្ទាប់ ហើយ​កិច្ច​សហប្រតិបត្តិការនេះ បាននាំមកនូវទំនាក់ទំនងការទូតសភាទាំងពីរយ៉ាងល្អប្រពៃ។ ស្ថាប័ន​នីតិ​ប្បញ្ញត្តិ នៃប្រទេសទាំងពីរបានធ្វើការយ៉ាងសកម្មក្នុងការផ្លាស់ប្តូរបទពិសោធន៍ និង​ចំណេះ​ដឹង​កិច្ច​ការ​សភា​​ពីគ្នាទៅវិញទៅមក ហើយសភាកម្ពុជាបានសិក្សារៀនសូត្រជាច្រើន ពីសភា​អាល្លឺម៉ង់​តាមរយៈ ដំណើរទស្សនកិច្ច សិក្សា និងកម្មវិធីផ្សេងៗ។ ឯកឧត្តម Tino CHRUPALLA ប្រធានក្រុមសភានៃគណបក្ស AfD នៃសហព័ន្ធអាល្លឺម៉ង់ បាន​ថ្លែង​អំណរ​គុណ​ចំពោះការទទួលស្វាគមន៍ដ៏កក់ក្ដៅ និងសូមឯក​ភាព​ចំពោះ​ប្រសាសន៍​របស់​ឯកឧត្ដម​កិត្តិ​សេដ្ឋា​បណ្ឌិត ជាម យៀប ដែលបានលើកឡើងពីចំណងមិត្តភាព និងកិច្ច​សហប្រតិបត្តិការ​ដ៏​ល្អ​រវាង​ប្រទេសកម្ពុជា និងអាល្លឺម៉ង់។ ឯកឧត្តមប្រធានគណៈប្រតិភូសភានៃសហព័ន្ធអាល្លឺម៉ង់ បាន​កោត​សរសើរចំពោះការអភិវឌ្ឍរីកចម្រើនរបស់ប្រទេសកម្ពុជា និងថាកម្ពុជា​កំពុង​ធ្វើ​ដំណើរ​ដ៏​ល្អ​លើ​វិថី សន្តិភាព ស្ថេរភាព ដើម្បីការអភិវឌ្ឍប្រទេស។ឯកឧត្តម Tino CHRUPALLA បានមានប្រសាសន៍ថា ឯកឧត្តមក៏បានដឹងខ្លះៗហើយ តាមរយៈ​ឯកអគ្គ​រដ្ឋ​ទូតអាល្លឺម៉ង់ប្រចាំកម្ពុជាពីតម្រូវការមួយចំនួនរបស់កម្ពុជា ពិសេសលើ​ផ្នែក​ហេដ្ឋា​រចនា​សម្ព័ន្ធ​ ដោយឯ​កឧត្ដ​ម​នឹង​នាំ​យក​បញ្ហា​ទាំង​នេះ​ទៅ​ពិភាក្សា​គ្នា​នៅ​ក្នុង​គណៈ​កម្មការ​សភា​អាល្លឺម៉ង់ ដើម្បីធ្វើយ៉ាងណារកមធ្យោបាយអាចជួយចែករំលែកដល់កម្ពុជា ក៏ដូច​ជា​ចូល​រួម​ក្នុង​ការ​ជួយ​កសាងធនធានមនុស្សរបស់កម្ពុជា។ឆ្លៀតឱកាសនេះ ឯកឧត្តម Tino CHRUPALLA បាន​ថ្លែង​អំណរ​គុណ​ចំពោះ​សម្ដេច​ប្រធាន​រដ្ឋសភា​ដែល​បានអនុញ្ញាតឱ្យឯកឧត្ដម មានជំនួបសវនាការ​ជាមួយ​ឯកឧត្ដម​កិត្តិសេដ្ឋាបណ្ឌិត​អនុ​ប្រធាន​ទី១ រដ្ឋសភានាពេលនេះ ដោយឯកឧត្ដមបានរៀនសូត្រ និងយល់ដឹងច្រើនពីកម្ពុជា ហើយ​ឯក​ឧត្ដម​នឹងបន្ដស្វែងយល់បន្ថែមទៀត ជាមួយនឹងជំនួបសវនាការ ក៏ដូចជា​កម្ម​វិធី​ផ្សេង​ៗ​ទៀត​ដែល​បាន​គ្រោងទុកនៅក្នុងដំណើរទស្សនកិច្ចនេះដែរ៕

បេក្ខជនប្រធានាធិបតីឥណ្ឌូណេស៊ី ជជែកដេញដោលអំពីគោលនយោបាយការបរទេស និងការពារជាតិ

2024/01/08 07:31:09 pm        136
Facebook Telegram Linkin
បេក្ខជនប្រកួតប្រជែងតំណែងប្រធានាធិបតីឆ្នាំ ២០២៤ ចំនួនបីរូប បានប្រកាសពីការត្រៀមខ្លួនរបស់ពួកគេ សម្រាប់ការជជែកដេញដោលការបោះឆ្នោតលើកទី ៣ ស្តីពីភូមិសាស្ត្រនយោបាយ ទំនាក់ទំនងអន្តរជាតិ សកលភាវូបនីយកម្ម នយោបាយអន្តរជាតិ ការពារជាតិនិងសន្តិសុខ ក្នុងពេលទិដ្ឋភាពក្នុងតំបន់កាន់តែតានតឹងខ្លាំងឡើង និងសម្ពាធសម្រាប់ប្រទេសឥណ្ឌូនេស៊ី ក្នុងការដាក់ខ្លួនឯងឱ្យកាន់តែប្រសើរ សម្រាប់ជម្លោះដែលអាចកើតមាន។ ក្នុងចំណោមបញ្ហាផ្តោតការយកចិត្តទុកដាក់ខ្លាំង ត្រូវបានគេរំពឹងថានឹងត្រូវបានលើកឡើងក្នុងអំឡុងពេលជជែកដេញដោលនោះ គឺលំហូរចូលជនភៀសខ្លួនរ៉ូហ៊ីងយ៉ា នៅពេលថ្មីៗនេះ ទៅកាន់កោះស៊ូម៉ាត្រា ព្រមទាំងការធ្វើទំនើបកម្មយោធាឥណ្ឌូនេស៊ី។ អតីតអភិបាលក្រុងហ្សាកាតា លោក Anies Baswedan ឈរឈ្មោះជាប្រធានាធិបតី ដែលដៃគូអ្នកឈរឈ្មោះប្រជែងអនុប្រធានាធិបតីជាប្រធាគណបក្សព្រលឹងជាតិ(PKB) លោក Muhaimin Iskandar ហើយរដ្ឋមន្ត្រីការពារជាតិលោក Prabowo Subianto តំណែងប្រធានាធិបតី លោក Gibran Rakabuming Raka អភិបាលក្រុង Surakarta ក្នុងតំណែងអនុប្រធានាធិបតី ហើយអតីតអភិបាលខេត្តជ្វាភាគកណ្តាល លោក Ganjar Pranowo ឈរតំណែងប្រធានាធិបតី ហើយអ្នកឈរឈ្មោះតំណែងអនុប្រធានាធិបតី គឺលោក Mahfud MD ជារដ្ឋមន្ត្រីកិច្ចការសន្តិសុខ ច្បាប់ និងសម្របសម្រួលនយោបាយបានឡើងកាន់វេទិការបស់ពួកគេកាលពីយប់ថ្ងៃអាទិត្យ។នៅមុនការជជែកដេញដោល ក្រុមរបស់លោក Prabowo បានសរសើររយៈពេលបួនឆ្នាំរបស់លោក ជារដ្ឋមន្ត្រីការពារជាតិ ដែលបានផ្តល់ឱ្យលោកនូវការយល់ដឹងអំពីអាទិភាពការពារជាតិ និងសន្តិសុខ របស់ប្រទេស ខណៈរដ្ឋាភិបាលបន្តធ្វើទំនើបកម្មយោធា។លោក Rahayu Saraswati អ្នកនាំពាក្យក្រុមយុទ្ធនាការរបស់លោក Prabowo បាននិយាយថា លោកយល់ច្បាស់អំពីបញ្ហាបានយ៉ាងល្អ។ លោកយល់ពីប្រព័ន្ធសព្វាវុធចម្បងដែលប្រទេសឥណ្ឌូនេស៊ីពិតជាត្រូវការ និងទីកន្លែងដែលត្រូវទិញសព្វាវុធក្នុងតម្លៃសមរម្យ។

អាកាសយានដ្ឋាន Haneda ទីក្រុងតូក្យូ ត្រលប់មកធម្មតាវិញ បន្ទាប់ពីឧបទ្ទវហេតុយន្តហោះបុកគ្នា

2024/01/08 07:21:41 pm        140
Facebook Telegram Linkin
ក្រុមមន្ត្រីនិយាយថា ប្រតិបត្តិការជើងហោះហើរបានត្រឡប់មកធម្មតាវិញហើយនៅថ្ងៃចន្ទ ទី៨ ខែមករានេះ នៅអាកាសយានដ្ឋាន Haneda ទីក្រុងតូក្យូ រយៈពេល៦ថ្ងៃ បន្ទាប់ពីការបុកគ្នាដ៏មហន្តរាយ រវាងយន្តហោះក្រុមហ៊ុនអាកាសចរណ៍ និងយន្តហោះធុនតូចឆ្មាំល្បាតឆ្នេរ ដែលបានបណ្តាលឲ្យមនុស្ស ៥ នាក់ស្លាប់ ។អ្នកដំណើរ និងបុគ្គលិកយានិកទាំងអស់ចំនួន ៣៧៩នាក់ បានរត់ចេញពីយន្តហោះឆេះរបស់ក្រុមហ៊ុនអាកាសចរណ៍ Japan Airlines បន្ទាប់ពីយន្តហោះបុកគ្នាកាលពីថ្ងៃទី ២ ខែមករា ប៉ុន្តែមនុស្ស ៥ នាក់ក្នុងចំណោម ៦ នាក់នៅលើយន្តហោះឆ្មាំល្បាតឆ្នេរ បានស្លាប់។ផ្លូវយន្តហោះរត់នៅអាកាសយានដ្ឋាន Haneda ដែលផ្លូវរត់មួយក្នុងចំណោមបួន ជាកន្លែងដែលឧបទ្ទវហេតុ បានកើតឡើងត្រូវបានបិទចាប់តាំងពីពេលនោះមក បណ្តាឲ្យមានការលុបចោលជើងហោះហើរក្នុងស្រុករាប់រយជោះងនៅអាកាសយានដ្ឋានដ៏មមាញឹកបំផុតមួយរបស់ពិភពលោក។អ្នកនាំពាក្យអាកាសយានដ្ឋានទីក្រុងតូក្យូបានប្រាប់សារព័ត៌មាន AFP ថា «ផ្លូវរត់ C បានដំណើរការឡើងវិញ នៅថ្ងៃចន្ទនេះ» ដូច្នេះអាកាសយានដ្ឋានបានដំណើរការធម្មតាឡើងវិញហើយ។ កំណត់ត្រានៃការទំនាក់ទំនង ដែលចេញផ្សាយដោយក្រសួងដឹកជញ្ជូនកាលពីសប្តាហ៍មុន បានបង្ហាញថាយន្តហោះឆ្មាំល្បាតឆ្នេរ ត្រូវបានណែនាំឱ្យឈប់នៅមុខផ្លូវរត់ ហើយយន្តហោះក្រុមហ៊ុនអាកាសចរណ៍ JAL ត្រូវបានបញ្ជាក់ច្បាស់ដើម្បីចុះចត។យោងតាមការរាយការណ៍របស់ប្រព័ន្ធផ្សព្វផ្សាយបានឲ្យដឹងថា អាកាសយានិកឆ្មាំល្បាតឆ្នេរ ជាអ្នកនៅរស់រានមានជីវិតតែម្នាក់គត់ ជឿថាលោកមានការបញ្ជាក់ច្បាស់ដើម្បីធ្វើដំណើរចូលទៅកាន់ផ្លូវរត់ ដែលយន្តហោះរបស់លោកចុះប្រហែល ៤០ វិនាទី មុនពេលបុកគ្នា។

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធា​​នី​​​​ភ្នំ​​​​​ពេ​​​​​​​ញ
09/29/2026 08:09 PM
Facebook Telegram Linkin
ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា
09/29/2026 08:09 PM
Facebook Telegram Linkin
នេប៉ាល់ផ្អាកប្រតិបត្តិការស្វែងរក បន្ទាប់​ពី​មនុស្ស ១៦នាក់ បានប៉ើង​ទៅតាម​បំណាក់​​ទឹកកក ​
09/29/2026 07:09 PM
Facebook Telegram Linkin
ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ
09/29/2026 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម
09/29/2026 06:09 PM
Facebook Telegram Linkin
កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល​ ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើន​ឥទ្ធិពល​
09/29/2026 06:09 PM
Facebook Telegram Linkin
ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង
09/29/2026 06:09 PM
Facebook Telegram Linkin
អ៊ីរ៉ង់​គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា
09/29/2026 06:09 PM
Facebook Telegram Linkin
សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក
09/29/2026 06:09 PM
Facebook Telegram Linkin
បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន
09/29/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.