នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

កម្ពុជាសូមស្វាគមន៍ការមកដល់ម្ដងទៀតនាវាទេសចរណ៍ MS Westerdam ជាមួយភ្ញៀវទេសចរអន្តរជាតិប្រមាណ ៤០០០ នាក់មកដល់កំពង់ផែក្រុងព្រះសីហនុនាព្រឹកនេះ!

2023/12/28 03:30:15 pm        461
Facebook Telegram Linkin
ព្រះសីហនុ៖ នាវាទេសចរណ៍ MS Westerdam នៅព្រឹកថ្ងៃទី២៨ ខែធ្នូ ឆ្នាំ ២០២៣នេះ បានដឹកភ្ញៀវទេសចរប្រមាណ ២០០០ នាក់ចូលមកដល់កំពង់ផែ ក្រុងព្រះសីហនុហើយ ដើម្បីរម្លឹកដល់អនុស្សាវរីយ៍ កាលពីអំឡុងផ្ទុះការរីករាលដាលជំងឺកូវីដ-១៩ ដែលនាវានេះត្រូវបានប្រទេសកម្ពុជាអនុញ្ញាតឱ្យចូលចត ខណៈប្រទេសជាច្រើនបដិសេធ។សូមជម្រាបថា កាលពីអំឡុងផ្ទុះជំងឺកូវីដ-១៩ ថ្ងៃទី១៣ កុម្ភៈ ឆ្នាំ២០២០ នាវា MS Westerdam នេះត្រូវបានសម្ដេចអគ្គមហាសេនាបតីតេជោ ហ៊ុន សែន អតីត នាយករដ្ឋមន្រ្ដីនៃកម្ពុជា អនុញ្ញាតឲ្យចូលចតនៅកំពង់ផែក្រុងព្រះសីហនុ ដើម្បីជួយសង្គ្រោះអ្នកទេសចរចម្រុះជាតិសាសន៍រាប់ពាន់អ្នកដែលជាប់នៅលើនាវានេះ បន្ទាប់ពីប្រទេសមួយចំនួនបដិសេធមិនឲ្យចូលចត ក្រោមហេតុផលខ្លាចចម្លងមេរោគកូវីដ-១៩។ក្រោយការចូលចតដល់កំពង់ផែក្រុងព្រះសីហនុនាពេលនោះ អ្នកទេសចរនៅលើនាវានេះបានរីករាយរហូតអ្នកខ្លះស្រក់ទឹកភ្នែក ជាមួយនឹងការរំភើបដឹងគុណដល់សម្តេចតេជោ ហ៊ុន សែន ដែលកាលនោះសម្តេចនៅជានាយករដ្ឋមន្ត្រីនៃរាជរដ្ឋាភិបាលកម្ពុជា ដែលអនុញ្ញាតឲ្យនាវានេះបានចូលចតក្នុងប្រទេសកម្ពុជា និងសម្រួលដំណើរបន្តតាមជើងយន្តហោះ បានទៅកាន់ប្រទេសរៀងៗខ្លួន ធ្វើឲ្យកិត្យានុភាពប្រទេសកម្ពុជាល្បីល្បាញលើពិភពលោកជាប់ឈ្មោះជាប្រទេសតូចតែបេះដូងមនុស្សធម៍ធំ៕

រដ្ឋបាលខេត្តឧត្តរមានជ័យ អបអរទិវាជាតិប្រយុទ្ធប្រឆាំងអំពើរជួញដូរមនុស្ស១២ធ្នូឆ្នាំ២០២៣

2023/12/27 10:26:42 pm        141
Facebook Telegram Linkin
ឧត្តរមានជ័យ៖ នៅព្រឹកថ្ងៃទី២៧ធ្នូឆ្នាំ២០២៣នេះ រដ្ឋបាលខេត្តឧត្តរមានជ័យ ប្រារព្ធពិធីអបអរ​ទិវា​ប្រយុទ្ធប្រឆាំងអំពើជួញដូរមនុស្ស ១២ធ្នូ ឆ្នាំ២០២៣ របស់គណៈកម្មាធិការប្រយុទ្ធប្រឆាំង​អំពើជួញដូរ​មនុស្ស​ខេត្តឧត្តរមានជ័យខួបលើកទី១៧ «ក្រោមប្រធានបទបច្ចេកវិទ្យាមធ្យោបាយ ដើម្បីអភិវឌ្ឍន៍ជាតិមិនមែនជួញដូរមនុស្ស» ។ក្នុងពិធីនោះដែរឯកឧត្តម ប៉ែន កុសល្យ អភិបាលខេត្តឧត្តរមានជ័យ និង​ជា​ប្រធាន​គណៈកម្មាធិការ​ប្រយុទ្ធប្រឆាំង​អំពើ​ជួញដូរ​មនុស្ស​ខេត្តឧត្តរមានជ័យ បាន​មាន​ប្រសាសន៍​ថា គោលបំណង​នៃ​ទិវា​នេះ ​ដើម្បី​ផ្សព្វផ្សាយ​ឲ្យមានការ​យល់​ដឹង​កាន់​តែ​ទូលំទូលាយ​អំពី​កិច្ច​ខិតខំ​ប្រឹងប្រែង​របស់​រាជរដ្ឋាភិបាល​កម្ពុជា ក្នុងការប្រយុទ្ធប្រឆាំងអំពើជួញដូរ​មនុស្ស​គ្រប់​ទម្រង់​ដែលបង្កើតឡើង​ដោយ​ជនល្មើស​ដែលមាន​ល្បិចកល​ពិសពុល​​ប្រកប​ដោយ​គ្រោះថ្នាក់ ​និង​ធ្វើ​ឱ្យ​មនុស្សជាច្រើននាក់​បានធ្លាក់ចូលក្នុង​អន្ទាក់​នៃ​អំពើ​ជួញដូរមនុស្ស និងការ​កេងប្រវ័ញ្ច​យ៉ាង​សាហាវ​ឃោរឃៅ លើ​គ្រប់រូបភាព។ឯកឧត្តម បានបន្តថា កត្តា​ទាំងអស់នេះ គប្បី​បងប្អូន ក៏ដូច​ជា​ប្អូនៗ​សិស្សានុសិស្ស ដែល​កំពុងសិស្សា ត្រូវប្រើប្រាស់ប្រព័ន្ធបច្ចេកវិឡា​ សម័យទំនើបឌីជីថលនេះ ​ដោយមានការ​ប្រុង​ប្រយ័ត្នខ្ពស់ ​ព្រោះបច្ចុប្បន្ននេះ ការជួញដូរមនុស្សមានគ្រប់រូបភាពលើការប្រើប្រាស់ប្រព័ន្ធទូរស័ព្ទ ដែលងាយនឹងចាញ់បោក​ដោយការ​លោងលោម​ពី​ជនល្មើស​ដោយប្រការណាមួយ ត្រូវ​ប្រញាប់​រាយការណ៍​មកមន្រ្តី​ជំនាញ​ស្ថាប័នពាក់ព័ន្ធ ដើម្បីទប់ស្កាត់ និងអាចជួយដោះស្រាយ​រាល់​បញ្ហា​ប្រឈមនានា ​ជូន​បងប្អូន​កូនក្មួយ​បានទាន់ពេលវេលា​ផងដែរ​៕ អត្ថបទ ឃិន សារិទ្ធ

រោងចក្រនុយក្លេអ៊ែរដ៏ធំបំផុតរបស់ពិភពលោកនៅប្រទេសជប៉ុន នឹងបន្តដំណើរឆ្ពោះទៅរកការចាប់ផ្តើមឡើងវិញ

2023/12/27 09:02:48 pm        148
Facebook Telegram Linkin
និយ័តករថាមពលនុយក្លេអ៊ែររបស់ប្រទេសជប៉ុន នៅថ្ងៃពុធ (២៧ ធ្នូ) នេះបានដកបម្រាមប្រតិបត្តិការដែលខ្លួនបានដាក់លើរោងចក្រថាមពលនុយក្លេអ៊ែរដ៏ធំឈ្មោះ កាស៊ីវ៉ាហ្សាគី-ការីវ៉ា (Kashiwazaki-Kariwa) របស់ក្រុមហ៊ុនថាមពលអគ្គិសនីតូក្យូ Tepco កាលពីពីរឆ្នាំមុន ដោយបានជម្រះផ្លូវសម្រាប់រោងចក្រនេះដើម្បីបន្តដំណើរការឆ្ពោះទៅរកការចាប់ផ្តើមឡើងវិញ។ក្រុមហ៊ុន Tepco បានខ្នះខ្នែងក្នុងការនាំយករោងចក្រថាមពលអាតូមិកដ៏ធំបំផុតរបស់ពិភពលោកនេះឲ្យត្រឡប់មកដំណើរការវិញដើម្បីកាត់បន្ថយការចំណាយក្នុងប្រតិបត្តិការ ប៉ុន្តែការបន្តឡើងវិញនៅតែត្រូវការការយល់ព្រមពីមូលដ្ឋាននៅក្នុងខេត្ត នីហ្កាតា (Niigata) លើឆ្នេរសមុទ្រជប៉ុន។ ជាមួយនឹងសមត្ថភាពទំហំ ៨.២១២មេហ្គាវ៉ាត់ (MW) រោងចក្រនេះបានឈប់ដំណើរការចាប់តាំងពីប្រហែលឆ្នាំ២០១១ មកនៅពេលដែលគ្រោះមហន្តរាយ ហ៊្វូគូស៊ីម៉ា (Fukushima) បានជំរុញឱ្យមានការបិទប្រតិបត្តិការនៃរោងចក្រថាមពលនុយក្លេអ៊ែរទាំងអស់នៅក្នុងប្រទេសជប៉ុននៅពេលនោះ។នៅឆ្នាំ២០២១ អាជ្ញាធរនិយ័តកម្មនុយក្លេអ៊ែរ (NRA) បានរារាំងក្រុមហ៊ុន Tepco មិនឲ្យប្រតិបត្តិការរោងចក្រថាមពល កាស៊ីវ៉ាហ្សាគី-ការីវ៉ា ដែលជាស្ថានីយ៍ថាមពលអាតូមិកតែមួយគត់ដែលអាចដំណើរការបាននេះទេ ដោយសារតែការរំលោភបំពានសុវត្ថិភាពរួមទាំងការបរាជ័យក្នុងការការពារសម្ភារនុយក្លេអ៊ែរ និងកំហុសឆ្គងដែលនាំឱ្យសមាជិកបុគ្គលិកដែលគ្មានការអនុញ្ញាតចូលទៅកាន់តំបន់រសើបនៃរោងចក្រនេះ៕

គណៈកម្មាធិការសភាប្រទេសទួរគី អនុម័តបំណងចូលជាសមាជិកNATO របស់ប្រទេសស៊ុយអែត

2023/12/27 07:20:08 pm        170
Facebook Telegram Linkin
គណៈកម្មាធិការដ៏សំខាន់នៅក្នុងសភាប្រទេសទួរគី កាលពីថ្ងៃអង្គារ បានអនុម័តបំណងរបស់ប្រទេសស៊ុយអែត ដើម្បីចូលជាសមាជិកសម្ព័ន្ធយោធា NATO បន្ទាប់ពីការពន្យារពេលជាច្រើនខែ ដោយបានជម្រះឧបសគ្គមួយផ្សេងទៀត នៅក្នុងដំណើរការចូលជាសមាជិករបស់ប្រទេសនៅអឺរ៉ុបខាងជើងមួយនេះ បន្ទាប់ពីការវាយលុករបស់រុស្ស៊ី លើប្រទេសអ៊ុយក្រែន កាលពីឆ្នាំមុន។ បំណងចូលជាសមាជិកសម្ព័ន្ធយោធាNATO របស់ប្រទេសស៊ុយអែត បានជាប់គាំងក្នុងពេលមានការជំទាស់ពីប្រទេសទួរគី និងប្រទេសហុងគ្រី។ ប្រទេសស៊ុយអែត និងហ្វាំងឡង់ បានបោះបង់ចោល ការមិនចូលបក្សសម្ព័ន្ធយោធាជាច្រើនទសវត្សរ៍ ហើយបានព្យាយាមចូលជាសមាជិកអង្គការការពារដឹកនាំដោយសហរដ្ឋអាមេរិក បន្ទាប់ពីប្រទេសរុស្ស៊ី បានវាយលុកលើអ៊ុយក្រែន កាលពីខែកុម្ភៈ ឆ្នាំ ២០២២។ បំណងរបស់ប្រទេសទាំងពី បានទទួលការយល់ព្រមយ៉ាងរហ័ស ពីសមាជិកសម្ព័ន្ធយោធាNATO ទាំងអស់ លើកលែងតែប្រទេសទួរគី និងហុងគ្រី។ ប៉ុន្តែនៅទីបំផុត ប្រទេសទាំងពីរ បានបន្ធូរបន្ថយ ហើយប្រទេសហ្វាំងឡង់ ត្រូវបានទទួលយកជាសមាជិកទី ៣១ របស់សម្ព័ន្ធយោធាNATO កាលពីខែមេសា។ ប្រទេសទួរគី និងហុងគ្រី នៅតែជាសមាជិកអង្គការសន្ធិសញ្ញាអាត្លង់ទិកខាងជើងដែលនៅសល់ ក្នុងការផ្តល់សច្ចាប័នលើបំណងរបស់ប្រទេសស៊ុយអែត រយៈពេល១៩ខែ បន្ទាប់ពីស៊ុយអែត បានដាក់ពាក្យស្នើសុំចូលជាសមាជិក។ កាលពីថ្ងៃអង្គារ គណៈកម្មាធិការកិច្ចការបរទេសរបស់សភាប្រទេសទួរគី បានអនុម័តចំណាត់ការនេះ។ ជំហាននេះ បានត្រួសត្រាយផ្លូវទៅកាន់ការបោះឆ្នោត ធ្វើឡើងដោយសភាពេញលេញ ដែលសម្ព័ន្ធមិត្តកំពុងកាន់អំណាចរបស់លោក Erdogan ទទួលបានអាសនៈភាគច្រើន។ លោក Erdogan កាលពីខែកក្កដា បានដកការជំទាស់របស់លោក ចំពោះសមាជិកភាពសម្ព័ន្ធយោធាណាតូ របស់ប្រទេសស៊ុយអែត បន្ទាប់ពីទីក្រុង Stockholm បានបង្ក្រាបលើក្រុមជនជាតិឃឺដ ដែលទីក្រុងអង់ការ៉ាចាត់ទុកថា ជាក្រុមភេរវករ។

ការផ្ទុះកំហឹងកើនឡើងកាន់តែខ្លាំងពីក្រុមអ្នកបោះឆ្នោតវ័យក្មេងលើគោលនយោបាយរបស់លោក Biden ក្នុងសង្រ្គាមហ្កាហ្សា

2023/12/27 06:47:26 pm        192
Facebook Telegram Linkin
ការបោះឆ្នោតប្រធានាធិបតីឆ្នាំ នៅឆ្នាំ២០២៤ខាងមុខ នឹងក្លាយជាការប្រកួតប្រជែងផ្នែកនយោបាយមួយក្នុងចំណោមការប្រកួតប្រជែងផ្នែកនយោបាយសំខាន់ៗបំផុតនៅក្នុងការចងចាំដ៏រស់រវើក។ ប៉ុន្តែខណៈសង្រ្គាមនៅតំបន់ហ្កាហ្សា កក្រើកឡើងកាន់តែក្តៅគគុក ការគាំទ្រដ៏រឹងមាំរបស់ លោកប្រធានាធិបតី Joe Biden លើអ៊ីស្រាអែល កំពុងធ្វើឱ្យរូបលោកមានជម្លោះជាមួយនឹងក្រុមអ្នកគាំទ្រសំខាន់ៗមួយចំនួនរបស់ខ្លួន ដែលជាអ្នកបោះឆ្នោតវ័យក្មេងនៅក្នុងសហរដ្ឋអាមេរិក។ លោក អាប់ឌុល អូស្មានូ (Abdul Osmanu)អាយុ ២២ឆ្នាំ និយាយថា រូបគេ មិនប្រាកដថាអាចបោះឆ្នោតឱ្យលោកប្រធានាធិបតី Joe Biden ម្តងទៀតទេ។ លោកបាននិយាយថា ការស្ទាក់ស្ទើរនោះ ភាគច្រើនពាក់ព័ន្ធនឹងការគាំទ្ររបស់រដ្ឋបាលលោក Biden ចំពោះអ៊ីស្រាអែល ស្របពេលអ៊ីស្រាអែល បន្តទម្លាក់គ្រាប់បែកលើតំបន់ហ្កាហ្សា។ អ្នកបោះឆ្នោតជាយុវជនម្នាក់ទៀត មកពីរដ្ឋខុនណេកធីខាត់(Connecticut) បានប្រាប់សារព័ត៌មាន BBC ថា រូបគេកំពុងថ្លឹងថ្លែងថាតើត្រូវបោះឆ្នោតឱ្យបេក្ខជនភាគីទីបី ឬទុកសន្លឹកឆ្នោតជ្រើសរើសប្រធានាធិបតីរបស់គេឱ្យនៅទំនេរនៅឆ្នាំ២០២៤ខាងមុខនេះ ។ ការសម្រេចចិត្តនេះគឺពិបាកណាស់ ខណៈរូបគេ ក៏ដូចជាអ្នកបោះឆ្នោតវ័យក្មេងជាច្រើននាក់ទៀត មិនចង់ឃើញ លោក Donald Trump ជាប់ឆ្នោតម្តងទៀត។ ក្នុងរយៈពេលពីរខែកន្លងមកនេះ អ្នកបោះឆ្នោតវ័យក្មេងជាច្រើនបានមើលឃើញនៅក្នុងព័ត៌មាន និងរូបភាពនៅលើប្រព័ន្ធផ្សព្វផ្សាយសង្គម នៃសង្គ្រាម និងការបំផ្លិចបំផ្លាញពីក្នុងតំបន់ហ្កាហ្សា។ ពួកគេបានតាមដានចំនួនអ្នកស្លាប់ ខណៈដែលចំនួនជនជាតិប៉ាឡេស្ទីន ស្លាប់ បានកើនដល់ជាង ២ម៉ឺននាក់ ៕

ការព្រួយបារម្ភ កើនឡើងចំពោះជម្លោះមជ្ឈិមបូព៌ាកាន់តែរីកធំ

2023/12/27 06:41:04 pm        227
Facebook Telegram Linkin
ការវាយប្រហាររបស់អ៊ីស្រាអែលកាលពីថ្ងៃចន្ទ ដែលបានសម្លាប់មន្ត្រីអ៊ីរ៉ង់ម្នាក់ នៅក្នុងប្រទេសស៊ីរី គឺជាការវិវឌ្ឍចុងក្រោយបង្អស់ ដែលបង្កការភ័យខ្លាចចំពោះ ជម្លោះកាន់តែធំឡើង នៅមជ្ឈិមបូព៌ា ខណៈដែលសង្រ្គាមនៅតំបន់ហ្កាហ្សា នៅតែបន្តផ្ទុះឡើង ជាមួយនឹងចំនួនអ្នកស្លាប់កើនឡើង។ប្រទេសអ៊ីរ៉ង់ បានប្តេជ្ញាសងសឹកអ៊ីស្រាអែលចំពោះការវាយប្រហារ ដែលបានសម្លាប់មន្ត្រីជាន់ខ្ពស់អ៊ីរ៉ង់ម្នាក់ និងជាការបាត់បង់ផ្ទាល់របស់ទីក្រុងតេអេរ៉ង់ក្នុងសង្រ្គាមអ៊ីស្រាអែល-ក្រុមហាម៉ាស។រដ្ឋមន្ត្រីការបរទេសអ៊ីរ៉ង់ លោក Hossein Amirabdollahian បាននិយាយនៅក្នុងការបង្ហោះនៅលើបណ្តាញសង្គម X ដែលពីមុនត្រូវបានគេស្គាល់ថា Twitter ថា៖«ទីក្រុងតែលអាវីវ (Tel Aviv) កំពុងរង់ចាំការរាប់ថយក្រោយដ៏លំបាកមួយ»។ការវាយប្រហារនេះ ក៏កើតឡើង ចំពេលដែលការស្លាប់ជនស៊ីវិលកើនឡើង នៅក្នុងតំបន់ហ្កាហ្សា ជាមួយនឹងការធ្លាក់ចុះសក្តានុពលណាមួយដែលគំរាមកំហែងថានឹងលុបចោលកិច្ចខិតខំប្រឹងប្រែងដ៏ខ្លាំងក្លាពីសហរដ្ឋអាមេរិក ដើម្បីធានាថា សង្គ្រាមមិនរីកធំហួសពីអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាសទេ។សហរដ្ឋអាមេរិកខ្លួនឯង កំពុងធ្លាក់ចូលទៅក្នុងជម្លោះនេះកាន់តែជ្រៅ នៅពេលដែលទីក្រុងវ៉ាស៊ីនតោន ការពារការវាយប្រហារឥតឈប់ឈរពីក្រុមដែលគាំទ្រដោយអ៊ីរ៉ង់ នៅក្នុងប្រទេសអ៊ីរ៉ាក់ និងស៊ីរី។កងជីវពល បានធ្វើការវាយប្រហារដ៏សាហាវបំផុតរបស់ពួកគេ ចាប់តាំងពីសង្រ្គាមហ្កាហ្សា បានចាប់ផ្តើម នៅពេលដែលការវាយប្រហារដោយយានដ្រូន នៅថ្ងៃបុណ្យណូអែល បានធ្វើឲ្យទាហានអាមេរិកម្នាក់រងរបួសយ៉ាងធ្ងន់ធ្ងរ និងពីរនាក់ផ្សេងទៀត រងរបួស។

លោក Xi Jinping ប្តេជ្ញាទប់ស្កាត់អ្នកបំបែកកោះតៃវ៉ាន់ ពីប្រទេសចិន

2023/12/27 06:27:10 pm        118
Facebook Telegram Linkin
ភ្នាក់ងារសារព័ត៌មានរដ្ឋស៊ីនហួ(Xinhua)បានរាយការណ៍ថា លោកប្រធានាធិបតីចិន Xi Jinping បានប្តេជ្ញាយ៉ាងម៉ឺងម៉ាត់កាលពីថ្ងៃអង្គារថានឹងទប់ស្កាត់ចំពោះអ្នកណាក៏ដោយដែលព្យាយាមបំបែកកោះតៃវ៉ាន់ចេញពីប្រទេសចិន តាមមធ្យោបាយណាមួយ រយៈពេលជាងពីរសប្តាហ៍មុនពេលកោះតៃវ៉ាន់ជ្រើសរើសមេដឹកនាំថ្មី។ ប្រទេសចិន ចាត់ទុកកោះតៃវ៉ាន់ដែលគ្រប់គ្រងតាមបែបប្រជាធិបតេយ្យជាទឹកដីរបស់ខ្លួន ទោះបីជាមានការជំទាស់យ៉ាងខ្លាំងពីរដ្ឋាភិបាលក្នុងទីក្រុងតៃប៉ិក៏ដោយ ហើយបានបង្កើនសម្ពាធផ្នែកយោធា និងនយោបាយ ដើម្បីអះអាងសិទ្ធិគ្រប់គ្រងអធិបតេយ្យភាពរបស់ខ្លួន។ កោះតៃវ៉ាន់ រៀបចំការបោះឆ្នោតជ្រើសរើសមេដឹកនាំ និងសភានៅថ្ងៃទី ១៣ ខែមករា ហើយរបៀបដែលកោះនេះគ្រប់គ្រងទំនាក់ទំនងជាមួយចិនគឺជាចំណុចសំខាន់នៃជម្លោះនៅលើដំណើរការនៃយុទ្ធនាការ។ នៅក្នុងសន្និសីទរំលឹកខួបលើកទី ១៣០ នៃការចាប់កំណើតរបស់អតីតមេដឹកនាំចិនលោក ម៉ៅ សេទុង ដែលនៅឆ្នាំ ១៩៤៩ បានកម្ចាត់រដ្ឋាភិបាលសាធារណៈរដ្ឋចិននៅក្នុងសង្គ្រាមស៊ីវិល ដែលបន្ទាប់មកបានភៀសខ្លួនទៅកាន់កោះតៃវ៉ាន់ លោក Xi បាននិយាយថា ការបង្រួបបង្រួមជាតិពេញលេញគឺជានិន្នាការដែលមិនអាចប្រកែកបាន ។ ទីភ្នាក់ងារសារព័ត៌មានរដ្ឋស៊ីនហួ ខាងលើ បានដកស្រង់សម្តីលោក X ដែលបានប្រាប់មន្ត្រីជាន់ខ្ពស់មកពីបក្សកុម្មុយនិស្តថា មាតុភូមិត្រូវតែបង្រួបបង្រួមគ្នាឡើងវិញ ហើយការបង្រួបបង្រួមជាមួយជាមួយចិនដីគោក និងកោះតៃវ៉ាន់ គឺជារឿងជៀសមិនរួចដែលនឹងត្រូវតែធ្វើ។ប្រទេសចិន និយាយថាការបោះឆ្នោតនៅកោះតៃវ៉ាន់ គឺជាកិច្ចការផ្ទៃក្នុងរបស់ចិន ប៉ុន្តែប្រជាជនរបស់កោះនេះ ត្រូវប្រឈមនឹងជម្លោះរវាងសង្រ្គាម និងសន្តិភាព និងការប៉ុនប៉ងទាមទារឯករាជ្យរបស់កោះតៃវ៉ាន់ មានន័យថា សង្រ្កាម៕

សម្តេចធិបតី៖ ផលលាភដែលកម្ពុជាទទួលបានថ្ងៃនេះ គឺកើតចេញពីសន្តិភាព ក្នុងរយៈពេល២៥ឆ្នាំកន្លងមក

2023/12/27 06:06:16 pm        195
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ផលលាភដែលកម្ពុជាទទួលបាននាពេលនេះ គឺកើតចេញពីសន្តិភាពដែលកម្ពុជា មានរយៈពេល២៥ឆ្នាំមកនេះ តាមរយៈនយោបាយឈ្នះ ឈ្នះ របស់សម្តេចតេជោ ហ៊ុន សែន ដូច្នេះកូនខ្មែរទាំងអស់ត្រូវបន្តថែរក្សានូវសុខសន្តិភាពនេះឲ្យខាងតែបាន។ថ្លែងនៅក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការសមិទ្ធផលថ្មី នៃស្ថានីយប្រព្រឹត្តកម្ម​ទឹកកខ្វក់ជើងឯក នៅថ្ងៃទី ២៧ ខែធ្នូ ឆ្នាំ២០២៣នេះ ក្រោមជំនួយហិរញ្ញប្បទានរបស់ជប៉ុន សម្តេចធិបតី ហ៊ុន ម៉ាណែត បានបញ្ជាក់ថា បើគិតត្រឹមឆ្នាំ២០២៣នេះ គឺកម្ពុជាមានសុខសន្តិភាព និងការអភិវឌ្ឍ ជាបន្តបន្ទាប់ឥតឈប់ឈររយៈពេល២៥ឆ្នាំហើយ ​ហើយ​ដរាបណាមាន​សុខ​សន្តិភាពតំបន់​ជើងឯកក៏ដូចជា ប្រទេសកម្ពុជា​ទាំងមូលនឹងបន្តកាន់តែរីកចម្រើនបន្ថែមទៀត​លើគ្រប់វិស័យ។ជាមួយគ្នានោះដែរសម្តេចធិបតី នាយករដ្ឋមន្រ្តី ក៏បានរំលឹកផងដែរថា ​អស់រយៈពេលប្រាំរយឆ្នាំ ហើយដែលកម្ពុជា ​បានបែកបាក់​ និងកាប់ចាក់គ្នា ហើយកន្លែងជើងឯកនេះកាលពីជាង៤០ឆ្នាំមុន គឺជា​កន្លែងកប់ខ្មោច ​និងជាកន្លែងដែលគេបានយកមនុស្សរាប់ម៉ឺននាក់​ទៅវាយចោល​យ៉ាង​អាណោចអាធ័ម​ ប៉ុន្តែ ក្នុងរយៈពេល២៥ឆ្នាំក្រោយបែជាកន្លែងនេះ (បឹងជើងឯក) ជាកន្លែងអភិវឌ្ឍន៍​ឥតឈប់ឈរ។ ដូច្នេះបងប្អូនប្រជាពលរដ្ឋទាំងអស់គ្នាត្រូវដាក់ទិសដៅ និងត្រូវការពារនៃការអភិវឌ្ឍកន្លែងនេះ​កុំឲ្យវិលទៅរកដូច ​កាលពីជាង៤០ឆ្នាំមុននោះ​ គឺគប្បីថែរក្សានូវសុខសន្តិភាពឲ្យបានដាច់ខាត៕អត្ថបទ៖ បាន ចក់

សម្តេចធិបតី ប្រាប់ដល់ក្រុមប្រឆាំងថា ការសាងសង់គម្រោងព្រែកជីកហ្វូណនតេជោ មិនមែនជាលុយកម្ចីបរទេសគឺលុយ BOT

2023/12/27 05:55:15 pm        352
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានផ្តាំទៅក្រុមប្រឆាំងដែលកំពុងរត់ ស្រុក ហើយតែងតែប្រឌិតរឿងកុហកឥតឈប់ឈរនោះថា «គម្រោងសាងសង់ព្រែកជីកហ្វូណនតេជោ» គឺ មិនមែនជាលុយកម្ចីបរទេសនោះទេ គឺជាគម្រោង BOT ហើយសម្តេច ​បានផ្ញើសារទៅពួកទាំង​នោះទៀតថា ​សូមកុំប្រឌិតរឿងកុហកច្រើនពេកប្រយ័ត្នបាប។ការលើកឡើងរបស់សម្តេចធិបតី នាយករដ្ឋមន្រ្តីបែបនេះ គឺដើម្បីឆ្លើយតប និងបកស្រាយចំពោះអ្នក​ពាក់​ស្បង់ចីវរ ​និងក្រុមប្រឆាំងមួយក្តាប់តូចនៅក្រៅប្រទេស ដែលបានបំប៉ោងព័ត៌មានថា រាជរដ្ឋាភិបាលកម្ពុជា បានខ្ចីលុយពីបរទេសប្រមាណ ៥ពាន់លានដុល្លារអាមេរិក ដើម្បីធ្វើគម្រោងព្រែកជីកហ្វូណនតេជោ ដែលជាប្រព័ន្ធដឹកជញ្ជូនតាមទឹកនោះ។ថ្លែងនៅក្នុងឱកាសអញ្ជើញសម្ពោធ​ដាក់ឱ្យប្រើប្រាស់ជាផ្លូវការសមិទ្ធផលថ្មី នៃស្ថានីយប្រព្រឹត្តកម្ម​ទឹកកខ្វក់ជើងឯក ​នៅថ្ងៃទី ២៧ ខែធ្នូ ឆ្នាំ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា សម្តេច​សូមធ្វើការ​ច្រានចោលទាំងស្រុងចំពោះការផ្សាយ​របស់​កាសែតបរទេសមួយ ដែលបាន​ចោទប្រកាន់គ្មានមូលដ្ឋានច្បាស់លាស់ថា រាជរដ្ឋាភិបាលខ្ចីលុយពីបរទេស ដើម្បី​ធ្វើព្រែកជីក​ហ្វូណនតេជោ ហើយសម្តេចមិនជឿថាព័ត៌មាននេះ​ បានមកពីជាន់ខ្ពស់របស់ក្រសួងសេដ្ឋកិច្ច និងហិរញ្ញវត្ថុនោះទេ ដោយសម្តេច​អះអាងថា ព័ត៌មាននេះ គឺជាព័ត៌ប្រឌិតឡើង​ដើម្បី​ប្រជាភិថុតិ​សុទ្ធសាធ ​និងដើម្បីមូលបង្កាច់ដល់កិត្តិយសរបស់រាជរដ្ឋាភិបាល។ជាមួយគ្នានោះដែរសម្តេចធិបតី នាយករដ្ឋមន្រ្តី ​ក៏បានផ្តាំទៅក្រុមប្រឆាំងទាំងនោះជាថ្មីម្តងទៀត ផងដែរថា «គម្រោងព្រែកជីកហ្វូណនតេជោ» ​ជាសរសៃឈាមតភ្ជាប់​រវាង​ហេដ្ឋា​រចនាសម្ព័ន្ធនានា ជាមួយនឹងគម្រោងផ្សេងៗទៀតរបស់រដ្ឋាភិបាលជប៉ុន ​គឺធ្វើឡើងដើម្បីលើកកម្ពស់វិស័យដឹកជញ្ជូន និងភស្តុភារកម្មតាមផ្លូវទឹកសមុទ្រ ​និងផ្លូវទឹកតាមទន្លេសាប ​និងទន្លេមេគង្គរបស់កម្ពុជា វាមិនមែន​ឥតប្រយោជន៍​ ដូចក្រុមប្រឆាំងផ្កាប់មុខទាំងនោះឡើយ​ ខណៈផលលាភ​ដែលនឹងទទួល​បាន​តាមរយៈគម្រោងនេះ ​គឺជំរុញកំណើនសេដ្ឋកិច្ចជាតិ និងជួយបង្កើនជីវភាពរបស់ពលរដ្ឋតែប៉ុណ្ណោះ៕អត្ថបទ៖ បាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសសម្ពោធដាក់ឱ្យប្រើប្រាស់ “សមិទ្ធផលគម្រោងអភិវឌ្ឍន៍ប្រព័ន្ធបង្ហូរទឹកកង្វក់ក្នុងរាជធានីភ្នំពេញ”

2023/12/27 04:28:11 pm        255
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២៧ ខែធ្នូ ឆ្នាំ២០២៣ បានអញ្ជើញជាអធិបតីសម្ពោធដាក់ឱ្យប្រើប្រាស់ “សមិទ្ធផលគម្រោងអភិវឌ្ឍន៍ប្រព័ន្ធបង្ហូរទឹកកង្វក់ក្នុងរាជធានីភ្នំពេញ” ។សមិទ្ធផលក្នុងគម្រោងអភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញដែលសម្ពោធនាពេលនេះ រួមមាន៖ សំណង់ស្ទាក់បូមបញ្ជូនទឹកកខ្វក់ និងស្ថានីយប្រព្រឹត្តកម្មទឹកកខ្វក់ជើងឯក ដើម្បី​ចម្រោះទឹកកខ្វក់ និងកែលម្អបរិស្ថានទឹកក្នុងបឹងជើងឯកមុននឹងបង្ហូរចូលទន្លេបាសាក់ ដោយផ្អែកលើកម្មវិធីរយៈពេលខ្លី ក្នុងការអនុវត្តជាដំណាក់កាលនៅក្នុងគម្រោងមេ។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចធិបតី ហ៊ុន ម៉ាណែត មានប្រសាសន៍ថា ក្នុងចំណោមសមិទ្ធផលជាង ៧០ គម្រោងដែលបានធ្វើឡើងនៅកម្ពុជាកន្លងមកនេះ ជាសមិទ្ធផលនៃកិច្ចសហប្រតិបត្តិការកម្ពុជា-ជប៉ុន ខណៈការសម្ពោធសមិទ្ធផលស្ថានីយប្រព្រឹត្តកម្មទឹកកខ្វក់ជើងឯក ក៏ជាសមិទ្ធផលថ្មីមួយទៀត នៃខួបទំនាក់ទំនងការទូតរយៈពេល៧០ឆ្នាំកម្ពុជា-ជប៉ុនមុនបំណាច់ឆ្នាំសាកលនេះ។-សម្ដេចធិបតី ហ៊ុន ម៉ាណែត បានថ្លែងអំណរគុណដល់មិត្តជប៉ុន ដែលបានជួយកសាងស្ថានីយប្រព្រឹត្តកម្មទឹកកខ្វក់ ជើងឯក នេះដើម្បីជាប្រយោជន៍ដល់ប្រជាពលរដ្ឋនៅរាជធានីភ្នំពេញ និងជួយដល់បរិស្ថានល្អ ផាសុខភាពរបស់របស់ប្រជាពលរដ្ឋ ខណៈសមិទ្ធផលនេះ ក៏ជាសមិទ្ធផលមួយនៃផែនការគ្រប់គ្រងទឹកកខ្វក់របស់កម្ពុជាផងដែរ។សម្តេចធិបតី ហ៊ុន ម៉ាណែត បានថ្លែងថា ផលលាភដែលកម្ពុជាទទួលបាននាពេលនេះ គឺកើតចេញពីសន្តិភាពដែលកម្ពុជា មានរយៈពេល២៥ឆ្នាំមកនេះ ដូច្នេះកូនខ្មែរទាំងអស់ត្រូវបន្តថែរក្សានូវសុខសន្តិភាពនេះឲ្យខាងតែបាន។-សម្ដេចធិបតី ហ៊ុន ម៉ាណែត មានប្រសាសន៍ថា មិទ្ធផលស្ថានីយប្រព្រឹត្តកម្មទឹកកខ្វក់ជើងឯក ដែលសម្ពោធដាក់ឱ្យប្រើប្រាស់ថ្ងៃនេះ និងសមិទ្ធផលនានាដែលកម្ពុជាអាចទទួលបាននាពេលបច្ចុប្បន្ន និងទៅអនាគតនោះ អ្វីដែលត្រូវចង់ចាំ និងរម្លឹកដល់ដំបូកគេ គឺការរក្សាបាននូវសុខសន្ដិភាពរបស់កម្ពុជា។ ហេតុនេះហើយនៅថ្ងៃទី២៩ ខែធ្នូនេះកម្ពុជានឹងប្រារព្ធទិវានៃនយោបាយឈ្នះ ឈ្នះ ដែលកម្ពុជាខិតខំស្វែងរកបានយ៉ាងលំបាកដែលកូនខ្មែរត្រូវរួមគ្នាថែរក្សាឱ្យបានជាដាច់ខាត។-សម្តេចធិបតី ហ៊ុន ម៉ាណែត បានថ្លែងថា ទំនាក់ទំនងកម្ពុជា-ជប៉ុន នឹងត្រូវបានបន្តពង្រីកបន្ថែមទៀត នៅក្នុងឆ្នាំថ្មីឆ្នាំ២០២៤ ពោលគឺជាខួបទី៧១ឆ្នាំនៃទំនាក់ទំនងការទូតនៃប្រទេសទាំងពីរ ហើយសម្ដេចធិបតី បញ្ជាក់ថា កម្ពុជា និងជប៉ុន នៅមានកិច្ចសហប្រតិបត្តិការ ជាមួយគ្នាជាច្រើនទៀត ដោយឈរលើភាពជាដៃគូយុទ្ធសាស្ត្រគ្រប់ជ្រុងជ្រោយនៃប្រទេសទាំងពីរ។-សម្ដេចធិបតី ហ៊ុន ម៉ាណែត ថ្លែងថា ក្នុងរយៈពេល៧០ឆ្នាំ ឈានចូល៧១ឆ្នាំ នៃទំនាក់ទំនង និងកិច្ចសហប្រតិបត្តិការកម្ពុជា-ជប៉ុន សម្ដេចធិបតី នាយករដ្ឋមន្រ្ដី ក៏បានស្នើដល់រាជរដ្ឋាភិបាល និងប្រជាជនជប៉ុន បន្តគាំទ្រដល់ទំនាក់ទំនងរបស់ប្រទេសទាំងពីរ ឱ្យកាន់តែរឹងមាំទៅមុខបន្ថែមទៀត។-សម្ដេចធិបតី ហ៊ុន ម៉ាណែត មានប្រសាសន៍បញ្ជាក់ថា រាជរដ្ឋាភិបាលអាណត្តិទី៧នេះ បានប្ដេជ្ញាចិត្តលើកកម្ពស់ គុណភាព សមត្ថភាព និងជីវភាពរបស់ប្រជាពលរដ្ឋ។-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ផ្តាំទៅក្រុមប្រឆាំង​ដែលកំពុងរត់ចោលស្រុក ហើយតែងតែប្រឌិតរឿងកុហកឥតឈប់ឈរនោះថា «គម្រោងសាងសង់ព្រែកជីកហ្វូណន់តេជោ» គឺ មិនមែនជាលុយកម្ចីបរទេសនោះទេ គឺជាគម្រោង BOT ហើយសម្តេច បានផ្ញើសារទៅពួកទាំងនោះទៀតថា កុំប្រឌិតរឿងកុហកច្រើនពេកប្រយ័ត្នបាប។-សម្ដេចធិបតី ហ៊ុន ម៉ាណែត បញ្ជាក់ថា មន្រ្ដីរាជរដ្ឋាភិបាល តាំងពីអាណត្តិទី៦ រហូតដល់អាណត្តិទី៧នេះ មិនធ្វើអ្វីដែលបំផ្លាញជាតិនោះទេ ប៉ុន្ដែគឺធ្វើអ្វីដែលគិតគូរដល់ផលប្រយោជន៍ជាតិ និងប្រជាជនជាធំ។-សម្តេចធិបតី ហ៊ុន ម៉ាណែត បានបង្ហើបឲ្យដឹងថា មានក្រុមប្រឆាំងម្នាក់នៅក្រៅស្រុក បានផ្ញើសារអង្វរដល់ជំនួយការសម្តេច ដើម្បីសុំអន្តរាគមន៍ចូលស្រុកខ្មែរវិញ។ -សម្ដេចធិបតី ហ៊ុន ម៉ាណែត ថ្លែងថា ក្រុមប្រឆាំងនៅក្រៅប្រទេស កំពុងតែធ្វើបាបប្រជាពលរដ្ឋ តាមរយៈការប្រឌិតព័ត៌មានមិនពិតឱ្យប្រជាពលរដ្ឋជឿ ដើម្បីតែកេងចំណេញផលប្រយោជន៍នយោបាយរបស់ពួកគេ។-សម្ដេចធិបតី ហ៊ុន ម៉ាណែត ណែនាំដល់អាជ្ញាធរ និងសមត្ថកិច្ច ពិសេសរដ្ឋបាលរាជធានីភ្នំពេញឱ្យយកចិត្តទុកដាក់បម្រើប្រជាពលរដ្ឋ លុបបំបាត់នូវរាល់បទល្មើសផ្សេងៗដែលកើតមានឡើងនៅក្នុងមូលដ្ឋាន និងយកចិត្តទុកដាក់ការពារសន្ដិសុខសុវត្ថិភាពដល់បងប្អូនប្រជាពលរដ្ឋឱ្យបានសប្បាយរីករាយក្នុងឱកាសអបអរសាទរចូលឆ្នាំសាកលនាពេលខាងមុខនេះ។-សម្ដេចធិបតី ហ៊ុន ម៉ាណែត ជំរុញដល់រដ្ឋបាលរាជធានីភ្នំពេញ ត្រូវសហការជាមួយដៃគូអភិវឌ្ឍន៍ពន្លឿនលើការសាងសង់ហេដ្ឋារចនាសម្ព័ន្ធ លូ ប្រឡាយរំដោះទឹកចេញពីរាជធានីភ្នំពេញនៅតាមខណ្ឌនានាឱ្យបាលឿនដើម្បីបញ្ចៀសទឹកជំនន់ជន់លិចនៅរាជធានីភ្នំពេញ។

បណ្ដាញសង្គម

ព័ត៌មានថ្មីៗ

យុវជន និងនគរបាល នៅបារាំង ប៉ះទង្គិចគ្នា​ ខណៈចលនា​បិទផ្លូវចូលសាលារៀនមាន​កាន់តែខ្លាំងឡើង
09/30/2026 04:09 PM
Facebook Telegram Linkin
ចិន៖ កោះ​តៃវ៉ាន់កំពុង «ប្រមាថ​វីរជន​​ពលីជីវិត» ដោយបាន​​រិះគន់ប្រវត្តិសាស្ត្រសង្គ្រាមលោកលើកទី២
09/30/2026 03:09 PM
Facebook Telegram Linkin
កាកបាទក្រហមកម្ពុជា លើកកម្ពស់ការយល់ដឹងពី «ម ស្មើ ម» និងជំងឺមិនឆ្លង ដល់យុវជន
09/30/2026 03:09 PM
Facebook Telegram Linkin
រោងចក្រផលិតរថយន្ត Toyota និងការ​​ដឹកទំនិញរបស់ Thai Airways ប៉ះពាល់ដោយសារទឹកជំនន់ នៅថៃ
09/30/2026 03:09 PM
Facebook Telegram Linkin
ប្រធានក្រុមការងារចុះមូលដ្ឋានស្រុកបាធាយ៖ សម្តេចធិបតី តែងតែគិតគូរ និងយកចិត្តទុកដាក់ចំពោះសុខុមាលភាព និងជីវភាពប្រជាពលរដ្ឋ ដោយមិនទុកនរណាម្នាក់ចោល
09/30/2026 02:09 PM
Facebook Telegram Linkin
ប្រាក់ឈ្នួលគោលកម្មករកាត់ដេរឆ្នាំ២០២៧កើនដល់ ២១២ដុល្លារ និងបន្តរក្សាប្រាក់​ឧបត្ថម្ភ​បណ្តោះ​អាសន្ន​លើសោហ៊ុយធ្វើដំណើរ និងថ្លៃស្នាក់នៅ ២,៥ដុល្លារ
09/30/2026 02:09 PM
Facebook Telegram Linkin
រុស្ស៊ីបង្កើនវោហារសាស្ត្រជុំវិញតំបន់ Kaliningrad ដោយគំរាមប្រើអាវុធនុយក្លេអ៊ែរប្រឆាំងនឹងអង្គការ NATO
09/30/2026 01:09 PM
Facebook Telegram Linkin
សម្ដេចធិបតី៖ ប្រាក់ឈ្នួលគោលរួមប្រាក់អត្ថប្រយោជន៍ផ្សេងទៀតឆ្នាំ២០២៧ កម្មករនិយោជិត ត្រូវ​ទទួលបានចន្លោះពី ២៣១,៥ដុល្លារ ដល់ ២៤២,៥ ដុល្លារក្នុងមួយខែ
09/30/2026 01:09 PM
Facebook Telegram Linkin
មេដឹកនាំអ៊ុយក្រែន៖ ប្រទេសបែលហ្ស៊ិកនឹងផ្ទេរយន្តហោះF-16 បីគ្រឿងទៅឱ្យអ៊ុយក្រែននៅឆ្នាំនេះ
09/30/2026 01:09 PM
Facebook Telegram Linkin
សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន អញ្ជើញកាន់បិណ្ឌវេនទី៤នៅវត្តក្រពើហា
09/30/2026 01:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.