នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ស៊ុន ចាន់ថុល អញ្ជើញ​បើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធី​នៃ​ការ​ចុះ​បញ្ជី​គម្រោង​វិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់​ហត្ថលេខា និងត្រាអេឡិចត្រូនិក (e-Signature & e-Stamp)
រយៈពេល៧ខែ, កម្ពុជានាំចេញទំនិញទៅសហរដ្ឋអាមេរិក មានទឹកប្រាក់ជិត ៧ពាន់លានដុល្លារ
ក្នុងរយៈពេល ៧ខែ, CDC អនុម័តគម្រោងវិនិយោគបានចំនួន ៤៤០គម្រោង មានទុន ៦,៧ ប៊ីលានដុល្លារ
វិស័យកសិកម្មមានកំណើន ១,២% គាំទ្រដោយកំណើនផលដំណាំ និងធនធានជលផល

សេដ្ឋកិច្ច និង កសិកម្ម

មន្រ្ដីជាន់ខ្ពស់ក្រសួងសេដ្ឋកិច្ច៖ បច្ចេកវិទ្យាឌីជីថលកំពុងដើរតួនាទីជាស្នូល​នៅគ្រប់ទិដ្ឋភាព​សេដ្ឋកិច្ច និងសង្គម

2025/05/30 03:40:29 pm        164
Facebook Telegram Linkin
រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ចាត់ទុកបច្ចេកវិទ្យាឌីជីថល បាន​និង​កំពុង​ដើរ​តួនាទី​ជា​ស្នូល និងជាចលករនៅគ្រប់ ទិដ្ឋភាពនៃសកម្មភាពសេដ្ឋកិច្ច និងសង្គម ដែល​មាន​ភាព​សម្បូរ​បែប ប្រសិទ្ធភាព និងផលិតភាពនៃប្រតិបត្តិការការងារ ជំរុញការរស់ប្រចាំថ្ងៃ និងការរុញ​នៃកំ​ណើន​សេដ្ឋកិច្ច។ឯកឧត្តមបណ្ឌិត ងី តាយី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លើក​ឡើង​នៅ​ក្នុង​សន្និសីទ​ថ្នាក់​តំបន់ឆ្នាំ២០២៥ ក្រោមប្រធានបទអនាគតនៃវិស័យហិរញ្ញវត្ថុ មុននិងក្រោយ​ឆ្នាំ​២០៣០ ជាមួយបច្ចេកវិទ្យាបញ្ញាសិប្បនិម្មិត នវានុវត្តន៍ និងនិន្ទាការថ្មីៗ នៅថ្ងៃទី៣០ ខែឧសភា ឆ្នាំ២០២៥នេះថា ជុំវិញបញ្ហាសេដ្ឋកិច្ចនេះ បើតាមក្របខណ្ឌគោលនយោបាយសេដ្ឋកិច្ច និង​សង្គម​​ឌីជីថល ២០២១-២០៣៥ និងគោលនយោបាយរាដ្ឋាភិបាលឌីជីថល ២០២២-២០៣៥ ដែលជា​គោលនយោបាយមានរយៈពេលវែង និង បដិវត្តកម្មឌីជីថលនៅកម្ពុជា ដែលបញ្ហាទាំង​នេះ, បានធ្វើឱ្យកម្ពុជាបាននិងកំពុងស្ថិតនៅលើមាគ៌ានៃការកសាងសេដ្ឋកិច្ច និងសង្គម ឌីជីថល ដែលមានលក្ខណៈកាន់តែប្រសើរឡើងជាលំដាប់។ ការប្រែក្លាយទៅជារដ្ឋាភិបាលឌីជីថល តាមរយៈការផ្តល់សេវាតាមប្រព័ន្ធ អេឡិចត្រូនិច គឺទទួលបានភាពជោគជ័យ និងការជឿទុកចិត្តពីសំណាក់ប្រជាពលរដ្ឋ និងវិស័យឯកជន។ឯកឧត្តមបណ្ឌិត បន្តថា ជាក់ស្តែងរាដ្ឋាភិបាលបានរៀបចំ និងដាក់ឱ្យដំណើរនូវប្រព័ន្ធឌីជជីថលដូចជា៖ ការចុះបញ្ជីកសិកម្ម ការបង់ពន្ធ ការដាក់របាយការណ៍ហិរញ្ញវត្ថុ និងសេវាកម្មសាធារណៈនានាជាច្រើន ដោយបានកំពុងកាត់បន្ថយនូវភាពស្មុគស្មាញ ដោយផ្តល់នូវតម្លាភាពជូនប្រជាជនកម្ពុជា។ឯកឧត្តមបណ្ឌិតរដ្ឋលេខាធិការ បន្ថែមថា សម្រាប់វិស័យឯកជន ការចាប់យកនៃការប្រើប្រាស់នូវបច្ចេកវិទ្យាឌីជីថលនេះ គឺជា ឧត្តម្ភភាពប្រកួតប្រជែងមួយ ដែលអាចជួយបង្កើនផលិតភាពការងារ កាត់បន្ថយថ្លៃដើម និងការតភ្ជាប់ពីច្រវ៉ាក់ផលិតកម្ម។ ការចាប់ យកឌីជីថល ដែលជាការប្រើប្រាស់បច្ចេកវិទ្យាឌីជីថលប្រដោយដោយជោគជ័យ គឺទាមទារឱ្យក្រុមហ៊ុនទាំងអស់វិនិយោគបន្ថែមលើ ហេដ្ឋរចនាសម្ព័ន្ធបច្ចេកវិទ្យាឌីជីថល និងធនធានមនុស្សប្រកបដោយគុណវុឌ្ឍិ នៅក្នុងយុគសម័យឌីជីថលនេះ ជាក់ស្តែងការប្រកួតប្រ ជែងក្នុងអាជីវកម្មសព្វថ្ងៃ មិនត្រឹមតែកម្រិតជាតិនោះទេ តែត្រូវគិតនៅក្នុងកម្រិតអន្តរជាតិផងដែរ ព្រោះសកលលោកបនីយ៍កម្ម និងការ វិវឌ្ឍន៍យ៉ាងលឿននៅក្នុងតំបន់ និងពិភពលោកទាំងមូល។ ក្នុងនោះប្រសិនប្រទេសដ៏ទៃកំពុងអនុវត្តន៍រួចហើយនោះ ដូចនេះក្រុមហ៊ុន ទាំងអស់នៅកម្ពុជា គឺគ្មានជម្រើសអ្វីក្រៅពីវិនិយោគបន្ថែមលើវិស័យនេះឡើយ ព្រោះបច្ចេកវិទ្យាឌីជីថល បាននិងកំពុងដើរតួនាទី ជាស្នូល និងជាចលករនៅគ្រប់ឲទិដ្ឋភាពនៃសកម្មភាពសេដ្ឋកិច្ច និងសង្គម ដែលមានភាពសម្បូរបែប ប្រសិទ្ធភាព និងផលិតភាព នៃប្រតិបត្តិការការងារ ជំរុញការរស់ប្រចាំថ្ងៃ និងសេដ្ឋកិច្ច៕ អត្ថបទ៖ សុន រ៉ាឌី

រាជរដ្ឋាភិបាលបានចុះកិច្ចព្រមព្រៀងឥណទានសម្បទានជាង ៧៨ លានដុល្លារ ក្នុងត្រីមាសទី១នេះ

2025/05/30 03:29:39 pm        161
Facebook Telegram Linkin
នៅក្នុងត្រីមាសទី១ ឆ្នាំ២០២៥ នេះ រាជរដ្ឋាភិបាលបានចុះកិច្ចព្រមព្រៀងឥណទានសម្បទានថ្មីជាមួយដៃគូអភិវឌ្ឍនានា សរុបមាន ចំនួនជាង ៧៨ លានដុល្លារអាមេរិក ដើម្បីបំពេញតម្រូវការហិរញ្ញប្បទាន ក្នុងវិស័យអាទិភាពរបស់រាជរដ្ឋាភិបាល ដើម្បីបង្កើនផលិតភាព សេដ្ឋកិច្ច និងផលិតភាពផលិតកម្ម។ជុំវិញបំណុលសាធារណៈនេះ, បើតាមព្រឹត្តិបត្រស្ថិតិបំណុលសាធារណៈកម្ពុជា បង្ហាញឱ្យដឹងថា គិតត្រឹមដំណាច់ត្រីមាសទី១ បូកសរុបទាំងបំណុលមរតក, កម្ពុជាមានសន្និធិបំណុលសាធារណៈសរុបមានចំនួន ១២,១៨ ប៊ីលានដុល្លារអាម៉េរិក ក្នុងនោះ ៩៩% ត្រូវនឹងប្រមាណជាង ១២,០៦ ប៊ីលានដុល្លារអាមេរិក ជាបំណុលសាធារណៈក្រៅប្រទេស (ក្របខ័ណ្ឌទ្វេភាគីប្រមាណ៦១% និង ក្របខ័ណ្ឌពហុភាគីប្រមាណ៣៩%) និង ១% ត្រូវប្រមាណជាង ១១៨ លានដុល្លារអាមេរិក ជាបំណុលសាធារណៈក្នុងប្រទេស។ សមាសភាគបំណុលសាធារណៈទាំងនេះរួមមាន៖ ៤៨% ជាដុល្លារអាមេរិក, ១៨% ជាអេសដេអ៊ែ, ១១% ជាយេនជប៉ុន, ១០% ជាយ័នចិន, ៨% ជាអឺរ៉ូ, និង ៥% ទៀតជារូបិយវត្ថុជាតិនិងរូបិយប័ណ្ណផ្សេងៗ។ការចុះកិច្ចព្រមព្រៀងឥណទាននេះ ក្នុងនោះសម្រាប់ត្រីមាសទី១ ឆ្នាំ២០២៥ នេះ រាជរដ្ឋាភិបាលបានចុះកិច្ចព្រមព្រៀង ឥណទានសម្បទានថ្មីជាមួយដៃគូអភិវឌ្ឍនានា សរុបមានចំនួនជាង ៧៨ លានដុល្លារអាមេរិក សមមូលជាង ៥៩ លានអេសដេអ៊ែ ស្មើ ប្រមាណ ៣% នៃពិតានដែលច្បាប់អនុញ្ញាត (២ពាន់លានអេសដេអ៊ែ) ក្នុងនោះក្របខ័ណ្ឌពហុភាគី ១០០% បើធៀបនិងត្រីមាស ទី១ ឆ្នាំ២០២៤, ការចុះកិច្ចព្រមព្រៀងឥណទានសម្បទានថ្មីនៅក្នុងត្រីមាសទី១ ឆ្នាំ២០២៥ នេះ មានការថយចុះប្រមាណ ៤៤%។ ឥណទានទាំងនេះសុទ្ធសឹងជាឥណទានមានកម្រិតសម្បទានខ្ពស់ ដោយមានធាតុអំណោយជាមធ្យមប្រមាណ ៥០%។ គោលដៅនៃ ការចុះកិច្ចព្រមព្រៀងឥណទានថ្មីទាំងនេះ គឺសម្រាប់បំពេញតម្រូវការហិរញ្ញប្បទានក្នុងវិស័យអាទិភាពរបស់រាជរដ្ឋាភិបាល សំដៅរួម ចំណែកទ្រទ្រង់ចីរភាពនៃកំណើនរយៈពេលវែង និងបង្កើនផលិតភាព សេដ្ឋកិច្ច ឬផលិតភាពផលិតកម្ម។ជុំវិញការអភិវឌ្ឍន៍នេះដែរ, នៅក្នុងត្រីមាសទី១ ឆ្នាំ២០២៥ នេះ រាជរដ្ឋាភិបាលបានបោះផ្សាយលក់មូលបត្ររដ្ឋ សរុបមាន ចំនួន ១១៤ ប៊ីលានរៀល ត្រូវប្រមាណជាង ២៨ លានដុល្លារអាមេរិក ដើម្បីធ្វើហិរញ្ញប្បទានគាំទ្រគម្រោងវិនិយោគសាធារណៈ សំដៅ លើកស្ទួយកំណើន និងផលិតភាពសេដ្ឋកិច្ច។សូមបញ្ជាក់ថា នៅក្នុងត្រីមាសទី១ ឆ្នាំ២០២៥នេះ, រាជរដ្ឋាភិបាលបានទូទាត់សេវាបំណុលសរុបមានចំនួនជាង ២៣៧ លានដុល្លារ អាមេរិក រួមមាន៖ ក្របខ័ណ្ឌបំណុលសាធារណៈក្រៅប្រទេសមានចំនួនប្រមាណជាង ២១០ លានដុល្លារអាមេរិក (ក្នុងនោះប្រាក់ដើម ជាង ១៦៨ លានដុល្លារអាមេរិក និងការប្រាក់និងកម្រៃផ្សេងៗជាង ៤១លានដុល្លារអមេរិក។ ចំណែកក្របខ័ណ្ឌបំណុលសាធារណៈ ក្នុងប្រទេស មានចំនួនប្រមាណជាង ២៧លានដុល្លារអាមេរិក (ក្នុងនោះប្រាក់ដើមជិត ២៦ លានដុល្លារអាមេរិក និងការប្រាក់ ១,៨៤ លានដុល្លារអាមេរិក។ ដោជុំវិញការទូរទាត់នេះ បើធៀបនឹងត្រីមាសទី១ ឆ្នាំ២០២៤ រាជរដ្ឋាភិបាលបានទូទាត់សេវាបំណុលសរុប នៅ ក្នុងត្រីមាសទី១ ឆ្នាំ២០២៥ នេះ មានកំណើនប្រមាណ ៣១%៕ អត្ថបទ៖ សុន រ៉ាឌី

ក្រុមប្រឹក្សាអភិវឌ្ឍន៍កម្ពុជា ផ្សព្វផ្សាយវឌ្ឍនភាពនៃការអនុវត្តគោលនយោបាយ IDP ឆ្នាំ២០២១-២០២៣

2025/05/29 03:35:35 pm        161
Facebook Telegram Linkin
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា ផ្សព្វផ្សាយវឌ្ឍនភាពនៃការអនុវត្តគោលនយោបាយ IDP ក្នុងឆ្នាំ២០២១-២០២៣ លើបញ្ហាប្រឈម សំណូមពរ ដែលក្រសួង-ស្ថាប័នទទួលបន្ទុកអនុវត្តវិធានការបានជួបប្រទះ និងស្វែងរកដំណោះស្រាយ ដើម្បីសម្រេចនូវការអនុវត្ត គោលនយោបាយនេះឱ្យបានគ្រប់ជ្រុងជ្រោយ និងប្រកបដោយប្រសិទ្ធភាពខ្ពស់។ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (ក.អ.ក.) ក្នុងសិក្ខាសាលា ផ្សព្វផ្សាយរបាយការណ៍ ស្តីពីវឌ្ឍនភាពនៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា នៅខេត្តព្រះសីហនុ ថ្ងៃទី២៩ ខែឧសភា ឆ្នាំ២០២៥ នេះ, ឯកឧត្តមបានលើកឡើងអំពីសាវតារ និងវឌ្ឍនភាពរីកចម្រើននៃសេដ្ឋកិច្ចកម្ពុជា ក្រោមមគ្គុទ្ទេសក៍ដឹកនាំ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភា បាន រៀបចំនិងដាក់ចេញនូវគោលនយោបាយ IDP។ ជាមួយគ្នានេះដែរ រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកប ដោយភាពរហ័សរហួន និងថាមវន្តភាព របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានយក ចិត្តទុកដាក់ខ្ពស់ ទៅលើយុទ្ធសាស្ត្រកំណើនសេដ្ឋកិច្ច តាមរយៈការបន្តអនុវត្តគោលនយោបាយ IDP ឆ្នាំ២០១៥-២០២៥ និងការគិត គូររៀបចំគោលនយោបាយ IDP សម្រាប់ដំណាក់កាលបន្ទាប់ផងដែរ។ឯកឧត្ដម បានលើកអំពីបញ្ហាប្រឈមផ្សេងៗ ដែលជាកត្តាបង្កហានិភ័យដល់វិស័យឧស្សាហកម្មកម្ពុជាដូចជា៖ ភាពតានតឹង ផ្នែកភូមិសាស្ត្រនយោបាយនិងសេដ្ឋកិច្ច, ការរុះរើខ្សែច្រវាក់ផ្គត់ផ្គង់ផលិតកម្ម, ឌីជីថលូបនីយកម្មក្នុងឧស្សាហកម្ម, បម្រែបម្រួលប្រជា- សាស្ត្រ, ការប្រែប្រួលអាកាសធាតុនិងការជំរុញសេដ្ឋកិច្ចបៃតង, និងការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច (LDC) ជាដើម។ ឯកឧត្តមអគ្គលេខាធិការ បានថ្លែងអំណរគុណចំពោះក្រសួង-ស្ថាប័នពាក់ព័ន្ធទាំងអស់ ដែលបានផ្តល់កិច្ចសហការជាមួយ ក.អ.ក. ក្នុងការផ្ដល់របាយការណ៍ និងធាតុចូលនានាបានទាន់ពេលវេលា និងបានកោតសរសើរចំពោះកិច្ចខិតខំប្រឹងប្រែងរបស់ក្រសួង ស្ថាប័នពាក់ព័ន្ធទាំងអស់ក្នុងការអនុវត្តវិធានការគោលនយោបាយ IDP ឱ្យសម្រេចបានប្រកបដោយប្រសិទ្ធភាព និងលើកទឹកចិត្តឱ្យបន្ត ចូលរួមអនុវត្តវិធានការ ដែលនៅសេសសល់ឱ្យបានពេញលេញ និងប្រកបដោយបុរេសកម្មខ្ពស់ ដើម្បីលើកកម្ពស់ការអភិវឌ្ឍវិស័យ ឧស្សាហកម្មកម្ពុជាឱ្យកាន់តែមានភាពរីកលូតលាស់ និងសម្រេចជោគជ័យតាមចក្ខុវិស័យដែលបានរំពឹងទុក៕ អត្ថបទ៖ សុន រ៉ាឌី

គណៈកម្មាធិការវិនិយោគកម្ពុជា ទស្សនកិច្ចពីវឌ្ឍនភាព នៃការអភិវឌ្ឍតំបន់សេដ្ឋកិច្ច​ពិសេសក្រុងព្រះសីហនុ

2025/05/29 01:41:12 pm        87
Facebook Telegram Linkin
គណៈកម្មាធិការវិនិយោគកម្ពុជា ទស្សនកិច្ចស្វែងយល់ ពីវឌ្ឍនភាពនៃការអភិវឌ្ឍតំបន់, ដំណើរប្រតិបត្តិការខ្សែច្រវ៉ាក់ផលិតកម្ម, ការប្រើប្រាស់កម្លាំងពលកម្ម និងតម្រូវការជំនាញ, កិច្ចសម្រួលធុរកិច្ចនិងការវិនិយោគ, និងបញ្ហាប្រឈមនានាដែលក្រុមហ៊ុនជួបប្រទះ។ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា និងជាប្រធានលេខាធិការដ្ឋាន IDP នៅថ្ងៃទី២៨ ខែឧសភា ឆ្នាំ២០២៥, បានដឹកនាំក្រុមការងារចុះទស្សនកិច្ចសិក្សា នៅតំបន់សេដ្ឋកិច្ចពិសេសក្រុងព្រះសីហនុ ដោយបានជួបសន្ទនា ជាមួយអ្នកអភិវឌ្ឍន៍តំបន់, ពិនិត្យមើលប្រតិបត្តិការយន្តការច្រកចេញចូលតែមួយ នៃរដ្ឋបាលតំបន់សេដ្ឋកិច្ចពិសេសក្រុងព្រះសីហនុ និងបានចុះទស្សនកិច្ចក្រុមហ៊ុនកម្មន្តសាលចំនួន ២ ដែលមានទីតាំងស្ថិតនៅក្នុងតំបន់សេដ្ឋកិច្ចិសេសក្រុងព្រះសីហនុរួមមាន៖ ១) ក្រុមហ៊ុន GENERAL TIRE TECHNOLOGY Co., Ltd. ផលិតសំបកកង់រថយន្ត និង២) ក្រុមហ៊ុន Fine Flooring (Cambodia) Co.,Ltd ផលិតក្ដារបន្ទះក្រាលផ្ទះ និងក្តារប៉ាកេ។ ដំណើរទស្សនកិច្ចសិក្សារបស់លេខាធិការដ្ឋាន ដឹកនាំ និងសម្របសម្រួលការអនុវត្តគោលនយោបាយអភិវឌ្ឍន៍វិស័យឧស្សាហកម្ម កម្ពុជា នៃក្រុមប្រឹក្សាអភិវឌ្ឍន៍កម្ពុជា នៅតំបន់សេដ្ឋកិច្ចពិសេសក្រុងព្រះសីហនុ ក្នុងគោលបំណងនៃដំណើរទស្សនកិច្ចនេះ គឺដើម្បី ស្វែងយល់ពីវឌ្ឍនភាពនៃការអភិវឌ្ឍតំបន់, ដំណើរប្រតិបត្តិការខ្សែច្រវ៉ាក់ ផលិតកម្ម, ការប្រើប្រាស់កម្លាំងពលកម្មនិងតម្រូវការជំនាញ, កិច្ចសម្រួលធុរកិច្ចនិងការវិនិយោគ, និងបញ្ហាប្រឈមនានាដែល ក្រុមហ៊ុនបាននិងកំពុងជួបប្រទះ៕ អត្ថបទ៖ សុន រ៉ាឌី

អគ្គបណ្ឌិតសភាចារ្យ អូន ព័ន្ធមុនីរ័ត្ន៖ កម្ពុជាកំពុងខិតខំពង្រីកកិច្ចសហប្រតិបត្តិការលើពាណិជ្ជកម្ម និងវិនិយោគទ្វេភាគីរវាងកម្ពុជា-អាមេរិក

2025/05/28 03:45:05 pm        177
Facebook Telegram Linkin
កម្ពុជាបាននឹងកំពុងកិច្ចខិតខំពង្រឹង និងពង្រីកកិច្ចសហប្រតិបត្តិការទ្វេភាគីកម្ពុជា-សហរដ្ឋអាមេរិក និងការដោះស្រាយកត្តាដែល មានឥទ្ធិពលអវិជ្ជមាន ចំពោះទំនាក់ទំនងពាណិជ្ជកម្ម និងវិនិយោគទ្វេភាគី, ការប្ដេជ្ញាចិត្តបង្ការ និងបង្រ្កាបបទល្មើស និងទប់ស្កាត់ការ ក្លែងបន្លំដើមកំណើតទំនិញដើម្បីជំរុញការធ្វើពាណិជ្ជកម្មប្រទេសទាំងពីរឱ្យកាន់តែប្រសើរ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ២៧ ខែឧសភា ឆ្នាំ ២០២៥ នេះបានទទួលជួបពិភាក្សាការងារជាមួយលោកស្រី Bridgette Walker ភារៈធារីស្តីទីនៃស្ថានទូតសហរដ្ឋ- អាមេរិក ប្រចាំព្រះរាជាណាចក្រកម្ពុជា ក្នុងកិច្ចខិតខំពង្រឹង និងពង្រីកកិច្ចសហប្រតិបត្តិការទ្វេភាគី ឱ្យបានកាន់តែស៊ីជម្រៅ និងល្អ ប្រសើរថែមទៀត ដែលរួមចំណែកយ៉ាងធំធេង ក្នុងគាំទ្រដល់ការអភិវឌ្ឍសេដ្ឋកិច្ច និងសង្គមកម្ពុជា។  ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី បានលើកឡើងអំពើគោលដៅកម្ពុជា ក្នុងការចាកចេញពីប្រទេសដែល មានការអភិវឌ្ឍតិចតួចនៅឆ្នាំ២០២៩ និងគោលដៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០។ ក្នុងការសម្រេចគោលដៅ នេះ, កម្ពុជាត្រូវការរក្សាឲ្យបាននូវកំណើនសេដ្ឋកិច្ចខ្ពស់ ពិពិធកម្មសេដ្ឋកិច្ច និងស្ថានភាពម៉ាក្រូសេដ្ឋកិច្ច ពិសេសការទាញយក សក្តានុពលនៃមូលធនឯកជនពីអ្នកវិនិយោគបរទេស និងដៃគូវិនិយោគ ដោយក្នុងនោះសហអាមេរិក ជាដៃគូសហការដ៏ល្អប្រសើរ និង ទីផ្សារដ៏ធំរបស់កម្ពុជា ដែលបានដើរតួនាទីយ៉ាងសំខាន់នៅក្នុងការជួយបង្កើនកំណើនសេដ្ឋកិច្ច និងអភិវឌ្ឍន៍សង្គមកម្ពុជា។ ក្នុងជំនួបនេះ ភាគីទាំងពីរក៏បានពិភាក្សាអំពីករណីអត្រាពន្ធគយបដិការ រវាងកម្ពុជានិងសហរដ្ឋអាមេរិក, ក្នុងនោះឯកឧត្តម អគ្គបណ្ឌិតសភាចារ្យ បានជម្រាបជូនថា កម្ពុជាបានខិតខំរៀបចំ និងដោះស្រាយកត្តាដែលមានឥទ្ធិពលអវិជ្ជមាន ចំពោះទំនាក់ទំនង ពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិកដូចជា៖ បានបង្កើតក្រុមការងារចំពោះកិច្ច សម្របសម្រួលទំនាក់ទំនង ពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិក។ បន្ថែមលើនេះ, រាជរដ្ឋាភិបាលកម្ពុជាប្ដេជ្ញាចិត្តខ្ពស់ក្នុងការពង្រឹង នីតិវិធី បង្ការ និងបង្រ្កាបបទល្មើស និងទប់ស្កាត់ការក្លែងបន្លំដើមកំណើតទំនិញ និងជំរុញការអនុវត្តច្បាប់ស្ដីពីវិធានដើមកំណើតទំនិញ ប្រកបដោយតម្លាភាព សម្រាប់ការនាំចេញទំនិញទៅកាន់ទីផ្សារសហរដ្ឋអាមេរិក។ ជាក់ស្តែង, រាជរដ្ឋាភិបាលកម្ពុជា បានដាក់ចេញនូវ ប្រកាសអន្តរក្រសួង ស្តីពីវិធានការសម្រាប់បង្ការ និងទប់ស្កាត់ការក្លែងបន្លំដើមកំណើតទំនិញ សម្រាប់ការនាំចេញទំនិញមួយចំនួនទៅ កាន់ទីផ្សារអាមេរិក និងប្រកាសរបស់ក្រសួងពាណិជ្ជកម្ម ស្ដីពីនីតិវិធីក្នុងការស្នើសុំ និងការចេញលិខិតអនុញ្ញាតបញ្ជាក់ដើមកំណើត ទំនិញ សម្រាប់ការនាំចេញទំនិញទៅកាន់ទីផ្សារអាមេរិក ដើម្បីជំរុញទាក់ទាញវិនិយោគិនបរទេស ឱ្យមកបណ្តាក់ទុន។លោកស្រី Bridgette Walker បានសម្តែងនូវការសាទរចំពោះកម្ពុជា ក្នុងការអភិវឌ្ឍសង្គម-សេដ្ឋកិច្ច ពិសេសកិច្ចខិតខំ ប្រឹងប្រែងរបស់រាជរដ្ឋាភិបាលកម្ពុជា ក្នុងការធ្វើពិពិធកម្មប្រភពវិនិយោគឯកជន។ ជាមួយគ្នានេះ, លោកស្រី ក៏បានចែករំលែកនូវការ ព្រួយបារម្ភអំពីបទល្មើសឆបោកអនឡាញ (Scams), សន្តិសុខអ៊ីនធឺណែត (Cyber Security) និងហិរញ្ញវត្ថុតាមប្រព័ន្ធអ៊ីនធឺណែត ដែលជះឥទ្ធិពលអវិជ្ជមានដល់បរិយាកាសវិនិយោគ និងសេដ្ឋកិច្ចនៅកម្ពុជាក៏ដូចជានៅក្នុងតំបន់។ លោកស្រីក៏បានជម្រាបជូនថា ក្រសួងរតនាគារសហរដ្ឋអាមេរិក បានបង្ហាញជំហរផ្ដល់ការគាំទ្រជាជំនួយបច្ចេកទេសដល់កម្ពុជា ពាក់ព័ន្ធទៅនឹងការពង្រឹងសមត្ថភាព នៃការគ្រប់គ្រងហិរញ្ញវត្ថុសាធារណៈ ប្រកបដោយប្រសិទ្ធភាព តម្លាភាព និងបង្កើនភាពធន់ នៃវិស័យហិរញ្ញវត្ថុ៕អត្ថបទ៖ សុន រ៉ាឌី

ក្រសួងឧស្សាហកម្ម រៀបចំកម្មវិធីប្រកួតប្រជែងការកែច្នៃអាហារសម្រន់ពីបន្លែ ផ្លែឈើ និងគ្រាប់ធញ្ញជាតិ

2025/05/28 02:21:04 pm        131
Facebook Telegram Linkin
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានចាប់ផ្តើមអនុវត្តកម្មវិធីប្រកួតប្រជែង ថ្នាលបណ្តុះអាជីវកម្ម សម្រាប់ការអភិវឌ្ឍផលិតផលម្ហូបអាហារ ក្រោមប្រធានបទការកែច្នៃអាហារសម្រន់ពីបន្លែ ផ្លែឈើ និងគ្រាប់ធញ្ញជាតិ ដើម្បីបំផុសគំនិត ច្នៃប្រឌិត និងសហគ្រិនភាពក្នុងវិស័យម្ហូបអាហារ។ឯកឧត្តម ញឹម ខេមរា រដ្ឋលេខាធិការប្រចាំការ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅ ក្នុងសិក្ខាសាលាផ្សព្វផ្សាយ ស្តីពីថ្នាលបណ្តុះអាជីវកម្មសម្រាប់ការអភិវឌ្ឍផលិតផលម្ហូបអាហារ នៅថ្ងៃទី២៧ ខែឧសភា ឆ្នាំ២០២៥ ម្សិលមិញនេះថា តាមរយៈកម្មវិធីប្រកួតប្រជែងនេះ ក្រសួងរួមចំណែកអភិវឌ្ឍធនធានមនុស្ស និងជំរុញនវានុវត្តន៍ ក្នុងវិស័យកែច្នៃ ម្ហូបអាហារ ព្រមទាំងផ្តល់ឱកាសឱ្យក្រុមនិស្សិតចូលរួមប្រកួតប្រជែង ដើម្បីអភិវឌ្ឍខ្លួនជាសហគ្រិនជោគជ័យ និងជួយដល់សង្គម តាមរយៈការប្រើប្រាស់វត្ថុធាតុដើមជាកសិផលក្នុងស្រុក ដើម្បីបង្កើតតម្លៃបន្ថែមសម្រាប់សេដ្ឋកិច្ច។ឯកឧត្តមលើកឡើងឱ្យដឹងថា គម្រោងបានអនុវត្តក្រោមជំនួយរបស់រដ្ឋាភិបាលចិន តាមរយៈក្របខ័ណ្ឌកិច្ចសហប្រតិបត្តិការ មេគង្គ-ឡានឆាង សម្រាប់កម្មវិធីប្រកួតប្រជែង ថ្នាលបណ្តុះអាជីវកម្មសម្រាប់ការអភិវឌ្ឍផលិតផលម្ហូបអាហារ គាំទ្រដល់កិច្ចខិតខំប្រឹង ប្រែងរបស់កម្ពុជាក្នុងការពង្រឹងខ្សែច្រវាក់តម្លៃវិស័យកសិឧស្សាហកម្ម និងជំរុញកំណើនសេដ្ឋកិច្ចប្រកបដោយចីរភាព និងបរិយាបន្ន។ សូមបញ្ជាក់ថា កម្មវិធីប្រកួតប្រជែងនេះ និងលើកទឹកចិត្តដល់និស្សិតសាកលវិទ្យាល័យ ដែលសិក្សាជំនាញវិទ្យាសាស្ត្រអាហារ និង ជំនាញពាក់ព័ន្ធ ឱ្យបណ្តុះគំនិតច្នៃប្រឌិត និងប្រែក្លាយគំនិតទាំងនោះ ទៅជាផលិតផលអាហារសម្រន់ដែលមានគុណភាពខ្ពស់ និង អាចដាក់លក់លើទីផ្សារ៕អត្ថបទ៖ សុន រ៉ាឌី

សួនកសិ-ឧស្សាហកម្មកែច្នៃគ្រាប់ស្វាយចន្ទីដ៏ធំមួយ នឹងលេចរូបរាងនៅក្នុងខេត្តកំពង់ធំឆាប់ៗ

2025/05/28 02:06:04 pm        160
Facebook Telegram Linkin
ខេត្តកំពង់ធំគ្រោងបង្កើតសួនកសិ-ឧស្សាហកម្មកែច្នៃគ្រាប់ស្វាយចន្ទីដ៏ធំមួយ ដែលនឹងស្រូបយកគ្រាប់ស្វាយចន្ទីស្រស់ក្នុងស្រុក ជាច្រើន សម្រាប់ផ្គត់ផ្គង់ក្នុងដំណើរការខ្សែច្រវាក់ផលិតកម្ម ដោយកសិ-ឧស្សាហកម្មនេះនឹងស្រូបយកំលាំងពលកម្មជាច្រើនចូលបម្រើ ការងារ ដែលនឹងចូលរយំចំណែកបង្កើនប្រាក់ចំណូលដល់ការរស់នៅរបស់ប្រជាជន។ ឯកឧត្តម នួន ផារ័ត្ន អភិបាលនិងគណៈអភិបាលខេត្តកំពង់ធំ លើកឡើងក្នុងការប្រកាសដាក់ឱ្យដំណើរការអនុវត្តគម្រោង កែលម្អស្តង់ដារ អនាម័យ នៃអាជីវកម្មម្ហូបអាហារតាមដងផ្លូវ នៅខេត្តកំពង់ធំ នៅចុងសប្តាហ៍ កន្លងមកថា ជុំវិញបញ្ហាសេដ្ឋកិច្ចនៅខេត្ត កំពុងធំ ប្រជាជនភាគច្រើនគឺធ្វើស្រែនិងចម្ការ។ ដើម្បីជំរុញឱ្យប្រជាជនមានជីវភាពកាន់តែប្រសើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានជំរុញឱ្យខេត្តបង្កើតនូវធំៗចំនួន៣រួមមាន៖ ការបង្កើតគម្រោងវារីប្បកម្មនៅក្នុងស្រុកស្ទោង បច្ចុប្បន្ន ខេត្តបានកំពុងសម្របសម្រួល ដោយគម្រោងនេះនិងអាចស្រូបយកកំលាំងពលកម្មប្រមាណ ២ ពាន់នាក់។ ក្រៅនេះសម្តេចធិបតី នាយករដ្ឋមន្រ្តី ក៏បានជំរុញឱ្យបង្កើតគម្រោង រោងចក្រកាត់ដេរនៅបារាយណ៍តាំង-គោក ប្រសិនបើគម្រោងនេះដំណើរការបន្ថែមទៀត នឹងអាចស្រូបយកកំលាំងធ្វើការមួយផ្នែកធំថែមទៀត។ឯកឧត្តមអភិបាល បន្តថា ចំណែកគម្រោងកែច្នៃគ្រាប់ស្វាយចន្ទី សម្តេចមហាបវរធិបតី ហ៊ុន ម៉ាណែត បានជំរុញឱ្យខេត្ត បង្កើតសួនកសិ-ឧស្សាហកម្មកែច្នៃគ្រាប់ស្វាយចន្ទីមួយដ៏ធំមួយ នៅជាប់ព្រំប្រទល់ស្ទឹងសែន-កំពុងស្វាយ ដែលតាមតាមរយៈនេះ បង ប្អូនយើងលែងនាំគ្រាប់ស្វាយចន្ទីស្រស់នៅប្រទេសជិតខាងទៀតហើយ។ ដែលបញ្ហានេះ ឯកឧត្តមអភិបាល សូមប្រជាជនដែលដាំដុះ ស្វាយចន្ទី ត្រូវថែទាំ និងយកចិត្តទុកដាក់លើការដាំដុះបន្ថែមទៀត ដើម្បីបង្កើនប្រាក់ចំណូលក្នុងគ្រួសារឱ្យកាន់តែប្រសើរ។ទាក់ទងការដាំដុះស្វាយន្ទីនៅខេត្តកំពង់ធំ, កន្លងមកនេះ លោក អួន ស៊ីឡុត ប្រធានសមាគមស្វាយចន្ទីកម្ពុជា ថ្លែងឱ្យដឹងថា កម្ពុជាមានផ្ទៃដីដែលដាំដុះស្វាយចន្ទីប្រមូលផលសរុប មានចំនួនជាង ៥២ ម៉ឺនហិចតា ក្នុងនោះខេត្តកំពង់ធំមានផ្ទៃដីដាំដុះច្រើនជាង គេ មានចំនួនប្រមាណជាង ១៧ ម៉ឺនហិចតា ផ្ទៃដីប្រមូលផលមានជាង ១៤ ម៉ឺនហិចតា និង ៣ ម៉ឺនហិចតាផ្សេងទៀតកំពុងដាំដុះ។សូមបញ្ជាក់ថា បច្ចុប្បន្នខេត្តកំពុងធំ មានរោងចក្ររបស់ក្រុមហ៊ុន MIRARTH Agritech មួយ ស្ថិតនៅឃុំជ័យ ស្រុកកំពង់ស្វាយ ខេត្ត កំពង់ធំ ដោយរោងចក្រនេះបានកំពុងធ្វើការកែច្នៃ និងបានប្រមូលទិញគ្រាប់ស្វាយចន្ទីស្រស់ពីសហគមន៍មួយចំនួនដូចជា សហគមន៍ សាលាវិស័យ, សហគមន៍ឃុំក្រយា, និងសហគមន៍សន្ទុក, ព្រមទាំងសហគមន៍ទំនើបចំនួន៣ផ្សេងទៀត ក្នុងខេត្តកំពង់ធំ និងបាន កំពុងស្រូបយកគ្រាប់ស្វាយចន្ទីស្រស់ក្នុងស្រុកប្រមាណ ៦ តោន ក្នុង១ថ្ងៃៗ ក្នុងនោះក្រុមហ៊ុនគ្រោងពង្រីកសមត្ថភាពកែច្នៃ បន្ថែម ទៀត ឱ្យបានជាង ២ ម៉ឺនតោន ក្នុង១ឆ្នាំ សម្រាប់បម្រើទីផ្សារនាំចេញ៕ អត្ថបទ៖ សុន រ៉ាឌី

នាយក ACCA ប្រចាំកម្ពុជា៖ កម្ពុជាកំពុងបណ្តុះបណ្តាលជំនាញ​ឆ្លើយតបដល់​ការ​អភិវឌ្ឍន៍​សេដ្ឋកិច្ច​-សង្គម

2025/05/26 02:25:37 pm        169
Facebook Telegram Linkin
នាយកការិយាល័យតំណាង ACCA ប្រចាំប្រទេសកម្ពុជា មើល​ឃើញ​ធនធាន​មនុស្ស​លើ​ការ​សិក្សា​ជំនាញ​នៅ​កម្ពុជា កំពុងមានសក្តានុ- ពល ក្នុងការចូលលើវិស័យការងារ ផ្តល់ទំនុកចិត្ត​ដល់​អ្នក​វិនិយោគ និងក៏ជាការចូលរួមចំណែកការអភិវឌ្ឍន៍សេដ្ឋកិច្ច-សង្គមជាដើម។លោក នូវ រតនា នាយកការិយាល័យតំណាង ACCA ប្រចាំប្រទេសកម្ពុជា លើក​ឡើង​នៅ​ក្នុង​ពិធី​ប្រគល់​សញ្ញា​បត្រ, បរិញ្ញាបត្រ គណនេយ្យ និងហិរញ្ញវត្ថុ និងសញ្ញាបត្រ CAT ជូននិស្សិត​ខេម​អេដ ​នៅថ្ងៃទី២៥ ខែឧសភា ឆ្នាំ២០២៥ នេះថា ជុំវិញ ACCA នេះ ក្នុងនាមលោក​ជា​នាយក​តំណាង​ឱ្យ ៧ការិយាល័យ និងត្រូវ ៧ ប្រទេសនៅក្នុងអាស៊ាន ដែលបច្ចុប្បន្ន​បាន​កំពុង​ធ្វើ​ការ​យ៉ាង​ជិត​ស្និតជា មួយបណ្តាការិយាល័យផ្សេងៗប្រមាណ ១១៧ ការិយាល័យ នៅទូទាំង​សកល​លោក ​ក្នុងនោះសម្រាប់កម្ពុជា, ជុំវិញការសិក្សាជំនាញ ឃើញថា កម្ពុជាបាន​អនុវត្ត​ស្តង់ដារ​គណនេយ្យ​អន្តរជាតិ ដោយបានប្រើប្រាស់ស្តង់ដារអន្តរជាតិនេះជាយូរណាស់មកហើយ ពោលគឺ កម្ពុជា បានកំពុងដើរទន្ទឹមប្រទេសអភិវឌ្ឍផ្សេងៗផងដែរ, ជាក់ស្តែងជំនាញគណនេយ្យ សវនកម្ម និង​ហិរញ្ញវត្ថុ កម្ពុជាកំពុងមានភាព លេចធ្លោ ក្នុងការ​បង្កើត​ធន​ធាន​មនុស្ស​ប្រកប​ដោយ​សក្តា​នុពល សម្រាប់វិស័យការងារ ដើម្បីចូលរួមចំណែកការអភិវឌ្ឍន៍សេដ្ឋកិច្ច-សង្គម​កម្ពុជា​ឱ្យ​កាន់​តែ​រីក​ចម្រើន​។លោក ខេស៊ី បាណេត នាយកខេមអេដ ទីប្រឹក្សាក្រសួងសេដ្ឋកិច្ច និងហិរញ្ញវត្ថុ លើកឡើងថា ជុំវិញ​ការសិក្សាជំនាញនេះ កន្លង មកខេមអេដ គឺជាដៃគូជាមួយក្រសួងសេដ្ឋកិច្ច និងហិរញ្ញវត្ថុ គាំទ្រ​ដល់ការបណ្តុះបណ្តាលមុខជំនាញមួយចំនួន ដើម្បីឆ្លើយតបទៅនិង តម្រូវការ​ក្រសួង​សេដ្ឋ​កិច្ច និងហិរញ្ញវត្ថុ ជាពិសេសខេមអេដ បានសហការជួយក្រុមប្រឹក្សាជាតិគណនេយ្យ (បច្ចុប្បន្ន​ជា​និយ័តករ គណនេយ្យ និងសវនកម្ម) ដើម្បីជំរុញបណ្តុះបណ្តាលស្តង់ដារគណនេយ្យ និងស្តង់​ដារ​សវន​កម្ម​អន្តរជាតិ ដែលបានកំពុងអនុវត្ត នៅកម្ពុជា។ តាមរយៈនេះយើង​ទទួល​បាន​ប្រយោជន៍​ជា​ច្រើន​សម្រាប់​សេដ្ឋកិច្ចកម្ពុជាដូចជា៖ ការចូលរួមក្នុងវិស័យការងារ, ការទាក់ ទាញវិនិយោគ​ឱ្យ​ចូល​មក​ប្រទេសកម្ពុជា ក្រោមការខិតខំប្រឹងប្រែងរបស់រាជរដ្ឋាភិបាល តាមរយៈការផ្តល់​នូវ​មូលដ្ឋាន​ហិរញ្ញវត្ថុដែលមាន គុណភាព និងតម្លាភាព និងរៀបចំដោយស្តង់ដារដោយទំនុកចិត្ត។ លោក បន្តថា ការធានានូវព័ត៌មានហិរញ្ញវត្ថុ និងការរាយការណ៍ហិរញ្ញវត្ថុ គឺជាមូលដ្ឋាន​នៃ​ការ​ទាក់​ទាញ​អ្នក​វិនិយោគឱ្យមក បណ្តាក់ទុននៅក្នុងប្រទេសកម្ពុជា។ ចំណែការគ្រប់គ្រង់អាជីវកម្ម គឺ​ជា​ការ​​គ្រប់​គ្រងប្រកបដោយប្រសិទ្ធភាព ដែលជាព័ត៌មានហិរញ្ញវត្ថុ ដែលប្រើប្រាស់បាន ទុកចិត្ត និង​ឆ្លុះ​បញ្ចាំង​ភាពពិតប្រាកដក្នុងអាជីវកម្ម។ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា លើកឡើងថា ការ​សិក្សា​បណ្តុះ​ជំនាញនេះ រាជរដ្ឋា- ភិបាលកំពុងយកចិត្តទុកដាក់យ៉ាងខ្លាំង ដើម្បីឆ្លើយ​តប​ទៅ​នឹង​ទីផ្សារ​ការងារ និងកំពុងមានការប្រកួតប្រជែងខ្ពស់ ជាពិសេសការប្រើ ប្រាស់បច្ចេកវិទ្យាឌីជីថល បច្ចេក​វិទ្យាទំនើប ក៏ដូចបច្ចេកវិទ្យារូបវ័ន្តផ្សេងៗ។ ជុំវិញវិស័យបច្ចេកវិទ្យានេះ មកដល់បច្ចុប្បន្ន ការ​កើន​ឡើង នៃស្មាតហ្វូន ប្រព័ន្ធផ្សព្វផ្សាយសង្គម អ្នកមានឥទ្ធិពល និងចលនាឌីជីថល បានធ្វើ​ឱ្យ​យុជន​បានក្លាយជាផ្នែកនៃជំនាន់ឌីជីថល ដំបូងគេពិតប្រាកដ ហើយនៅក្នុងឆ្នាំ២០២៥ គឺ​មាន​ការ​អប់រំ ភ្ជាប់ទំនាក់ទំនង និងត្រៀមខ្លួនជាស្រេចដើម្បីបង្កើតអនាគត។ ឯកឧត្តម បណ្ឌិត បន្ថែម​ថា ជុំវិញការរៀនសូត្រនេះ ចំពោះអ្នកសិក្សា គឺមិនចាំបាច់មានចំលើយទាំងអស់ ដើម្បី​ឈាន​ទៅ​ជំហាន​ដំបូង​នោះទេ ដោយគ្រាន់តែចាប់ផ្តើមកន្លែង ដែលអ្នកនៅជាមួយអ្វីដែលអ្នកមាន៕ អត្ថបទ៖ សុន រ៉ាឌី

អគ្គលេខាធិការ CDC ស្នើដល់សមាគមហ៊ូប៉ីឈូ ជួយកៀរគរធុរជន និងវិនិយោគិន​ចិន​មក​បណ្តាក់​ទុន​នៅ​កម្ពុជា

2025/05/26 10:38:05 am        139
Facebook Telegram Linkin
អគ្គលេខាធិការគណៈកម្មាធិការវិនិយោគកម្ពុជា ស្នើដល់សមាគមពាណិជ្ជករហ៊ូប៉ីឈូនៅកម្ពុជា ជួយ​កៀរគរធុរជន និងវិនិយោគិន មកពីខេត្តហ៊ូប៉ី ក៏ដូចជាខេត្តផ្សេងៗទៀត មកសិក្សា​ស្វែង​យល់​អំពី​សក្តា​នុពលដ៏សម្បូរបែប និងកាលានុវត្តភាព ដើម្បីទាញយកអត្ថ- ប្រយោជន៍ជាអតិបរមា ពី​កិច្ច​សហ​ប្រតិបត្តិការដ៏ស្អិតល្មួតនៃប្រទេសទាំងពីរកម្ពុជា-ចិន។ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ក្នុង​ពិធីសម្ពោធជាផ្លូវការ សមាគមពាណិជ្ជករហ៊ូប៉ីឈូនៅកម្ពុជា នៅថ្ងៃទី២៥ ខែឧសភា ឆ្នាំ​២០២៥​នេះ បានសម្តែងនូវការអបអរសាទរ ចំពោះសមាគម ពាណិជ្ជករហ៊ូប៉ីឈូរនៅកម្ពុជា ដែល​សមាគម​នេះនឹងមានបេសកកម្មរួមចំណែកជាមួយរាជរដ្ឋាភិបាលកម្ពុជា ក្នុងការកៀរគរធុរជន និង​វិនិយោគិនមកពីខេត្តហ៊ូប៉ី ក៏ដូចជាខេត្តផ្សេងៗទៀត នៃសាធារណរដ្ឋប្រជាមានិតចិន ឱ្យមក​បណ្តាក់​ទុន​វិនិយោគនៅព្រះរាជាណា ចក្រកម្ពុជា ខណៈបច្ចុប្បន្នកម្ពុជា-ចិន បានឈាន​ដល់​កម្រិ​ត​ក្រប​ខណ្ឌកិច្ចសហប្រតិបត្តិការត្បូងពេជ្យ ដែលជាក្របខណ្ឌកិច្ចសហ- ប្រតិបត្តិការ​កម្រិត​កំពូល​មួយ​។ឯកឧត្តមអគ្គលេខាធិការ បានជម្រាបជូនអង្គពិធីពីស្ថានភាពល្អប្រសើរនៃការវិនិយោគនៅកម្ពុជា ដែល​បាន​ឆ្លុះបញ្ចាំង តាម រយៈកំណើនវិនិយោគដ៏គំហុគក្នុងឆ្នាំ២០២៤ និងក្នុង​រយៈ​ពេល​៤​ខែ​នៃ​ឆ្នាំ​២០២៥​ និងក៏បានចែករំលែកនូវចំណុចគន្លឹះមួយចំនួន ដែលធ្វើឱ្យ​កម្ពុជា​បាន​ក្លាយ​ជា​គោល​ដៅ​វិនិយោគដ៏លេចធ្លោមួយនៅអាស៊ីអាគ្នេយ៍ ដែលត្រូវបានអង្គភាព FDI Intelligence កាសែត Financial Times ដាក់ពិន្ទុជា “គោលដៅវិនិយោគផ្ទាល់បរទេសឈានមុខក្នុងឆ្នាំ២០២៤” ក្នុង​ចំណោម​ប្រទេសនាំមុខ ៥០ លើ សកលលោក ដែលមានទស្សន​វិស័យ​វិនិយោគ​ផ្ទាល់​បរទេស​ដ៏​ស្វាហាប់​ដូចជា ការបន្តរក្សាសន្តិភាព ស្ថិរភាពនយោបាយ សណ្តាប់ ធ្នាប់សង្គម និងស្ថិរភាព​ម៉ាក្រូ​សេដ្ឋកិច្ច ក៏ដូចជាការគ្រប់គ្រងអតិផរណា, ភាពសម្បូរពលកម្មវ័យក្មេងនិងមានជំនាញ, ទីតាំង​យុទ្ធសាស្រ្តស្ថិតនៅចំកណ្តាលនៃមហាអនុតំបន់មេគង្គ និងតំបន់អាស៊ីអាគ្នេយ៍, សក្តានុពល​ក្នុង​ការ​តភ្ជាប់​ជាមួយនឹងទីផ្សារអន្តរជាតិ តាម រយៈកិច្ចព្រមព្រៀងពាណិជ្ជកម្មសេរីទ្វេភាគី និង​ពហុភាគី​, ការឆ្លើយតបយ៉ាងរហ័សរបស់រាជរដ្ឋាភិបាលក្នុងគ្រាមានវិបត្តិ និងយន្តការ កិច្ចសន្ទនា​ដ៏​មាន​ប្រសិទ្ធភាពរវាងរាជរដ្ឋាភិបាល-ផ្នែកឯកជន, ការបន្តពង្រីក និង​កសាង​ហេដ្ឋា​​រចនា​សម្ព័ន្ធ​តភ្ជាប់​, និងការបន្តដាក់ចេញ នូវវិធានការគាំទ្រផ្សេងៗ សំដៅធ្វើការកែលម្អបរិយាកាសវិនិយោគ និង​ធុរកិច្ច។ ឯកឧត្តម បានលើកទឹកចិត្តដល់សមាគម ក្នុងការបន្តចែករំលែកនូវបទពិសោធន៍ជោគជ័យ របស់​បណ្តា​ក្រុមហ៊ុនមកខេត្តហ៊ូប៉ី ដែលបានវិនិយោគនៅកម្ពុជាកន្លងមក ឱ្យបានទូលំទូលាយ ដើម្បី​បង្ហាញ​ពី​សក្តានុពលសេដ្ឋកិច្ចកម្ពុជា ដែលពោរពេញទៅដោយ ថាមវន្ត និងភាពប្រកួតប្រជែងខ្ពស់ និង​បានអំពាវនាវដល់វិនិយោគិនចិនដទៃទៀត ដែលមិនទាន់មកកម្ពុជា សូមអញ្ជើញមកកម្ពុជា ដើម្បី​សិក្សាស្វែងយល់បន្ថែមអំពីសក្តានុពលដ៏សម្បូរបែប និងកាលានុវត្តភាពជាច្រើន ព្រមទាំង​សម្រេច​ចិត្ត​ជាយុទ្ធសាស្រ្ត ដើម្បីទាញ យកអត្ថប្រយោជន៍​ជា​អតិបរមា​ពីកិច្ច​សហ​ប្រតិបត្តិការ​ដ៏​ស្អិត​ល្មួត​នៃ​ប្រទេសទាំងពីរកម្ពុជា-ចិន៕ អត្ថបទ៖ សុន រ៉ាឌី

កម្ពុជាកំពុងរៀបចំសេចក្តីព្រាងលើការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ

2025/05/22 03:26:39 pm        191
Facebook Telegram Linkin
កម្ពុជាកំពុងរៀបចំសេចក្តីព្រាង ស្តីពីការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ ដោយ​សេចក្តី​ព្រាង​ប្រកាស​នេះកំណត់ អំពីលក្ខខណ្ឌ នីតិវិធីនៃការបោះផ្សាយ និងកាតព្វកិច្ចក្រោយ​ការ​បោះផ្សាយ​លក់​សញ្ញាបណ្ណ​ហេដ្ឋារចនាសម្ព័ន្ធ ក្នុងគោលបំណងអភិវឌ្ឍ វិស័យហេដ្ឋារចនាសម្ព័ន្ធ​សាធារណៈ​។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង​ហិរញ្ញ​វត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) នៅថ្ងៃ​ទី​២១ ខែឧសភា ឆ្នាំ២០២៥ នេះ បានដឹកនាំកិច្ចប្រជុំក្រុមប្រឹក្សា អាជ្ញាធរ​សេវា​ហិរញ្ញ​វត្ថុ​មិន​មែន​ធនាគារលើ​ក​ទី២៤ អាណត្តិទី១ ដើម្បីពិនិត្យ និងពិភាក្សាលើរបៀបវារៈសំខាន់ៗមួយចំនួន ក្នុ​ង​នោះក្រុមប្រឹក្សា (អ.ស.ហ.) បានលើកឡើងពីសេចក្តីព្រាង “ប្រកាសស្តីពី​ការ​បោះផ្សា​យ​លក់​សញ្ញា​បណ្ណ​ហេដ្ឋារចនាសម្ព័ន្ធ”និងសេចក្តី ព្រាងគោលការណ៍ណែនាំ ស្តីពី “ទ្រព្យសកម្ម​មាន​លក្ខណ​សម្បត្តិគ្រប់គ្រាន់ដែលត្រូវបានប្រើប្រាស់ សម្រាប់ការបោះផ្សាយលក់សញ្ញា បណ្ណ​ហេដ្ឋា​រចនា​សម្ព័ន្ធ” របស់និយ័តករមូលបត្រកម្ពុជា។សេចក្តីព្រាងប្រកាសនេះបានកំណត់អំពីលក្ខខណ្ឌ នីតិវិធីនៃការបោះផ្សាយ និងកាតព្វ​កិច្ច​ក្រោយ​ការ​បោះផ្សាយ​លក់សញ្ញា បណ្ណហេដ្ឋារចនាសម្ព័ន្ធ ប្រកបដោយប្រសិទ្ធភាព ស័ក្តិសិទ្ធភាព គណ​នេយ្យ​ភាព និងតម្លាភាព ក្នុងគោលបំណងអភិវឌ្ឍវិស័យហេដ្ឋា- រចនាសម្ព័ន្ធសាធារណៈ និងការ​ស្វែង​រក​ប្រភពទុនរយៈពេលវែង ស្របតាមយុទ្ធសាស្រ្តបញ្ចកោណដំណាក់កាលទី១ របស់​រាជ​រដ្ឋាភិ​បាលកម្ពុជា។ ប្រកាសនេះមាន៧ជំពូក និង២៥ប្រការ ដោយមាន​វិសាលភាព​អនុវត្ត​ចំពោះ​ការបោះ​ផ្សាយ​លក់សញ្ញាបណ្ណហេដ្ឋារចនា សម្ព័ន្ធជាសាធារណៈ ការលក់សញ្ញា​បណ្ណ​ហេដ្ឋា​រចនា​សម្ព័ន្ធ​ជា​ឯកជន និងការលក់សញ្ញាបណ្ណហេដ្ឋារចនាសម្ព័ន្ធ សម្រាប់វិនិយោគិន គុណវុឌ្ឍិ ព្រម​ទាំង​បុគ្គលពាក់ព័ន្ធនឹងប្រតិបត្តិការនេះនៅក្នុងព្រះរាជាណាចក្រកម្ពុជា។ បន្ថែមពីនេះ, សេចក្តីព្រាង ”គោលការណ៍ណែនាំ ស្តីពី​ទ្រព្យ​សកម្ម​មាន​លក្ខណៈ​សម្បត្តិ​គ្រប់​គ្រាន់​ដែល​ត្រូវ​បានប្រើប្រាស់ សម្រាប់ការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ” ត្រូវបាន​រៀបចំ​ឡើង​ដើម្បី​សម្រួលនិងពន្យល់បន្ថែម ពីការអនុវត្តចំពោះ ប្រភេទទ្រព្យសកម្ម ដែលមាន​លក្ខណៈ​សម្បត្តិ​គ្រប់​គ្រាន់ សម្រាប់ការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ។ ជាលទ្ធផល, ក្រុម​ប្រឹក្សា អ.ស.ហ. បានពិនិត្យ និងអនុម័តជាគោលការណ៍លើសេចក្តីព្រាងប្រកាស និងសេចក្តី​ព្រាង​គោល​ការណ៍ណែនាំ ជាមួយ នឹងការណែនាំ ឱ្យមានការកែ​សម្រួល​បន្ថែ​ម​តាម​ស្មារ​តី​អង្គ​ប្រជុំ​បាន​លើក​ឡើងនិងសម្រេច មុននឹងដាក់ឆ្លងនីតិវិធីបន្ទាប់។សូមបញ្ជាក់ថា ក្រៅពីរបៀបវារៈខាងលើ, ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ បាន​លើក​ឡើង​នូវវារៈចំនួនមកពិភាក្សា រួមមាន៖ សេចក្តីព្រាង “ប្រកាសស្តីពី​លក្ខ​ខណ្ឌ​ និង​នីតិ​វិធី​នៃ​ការបន្ត ការផ្អាក និងការបញ្ចប់កិច្ចសន្យាធានារ៉ាប់រង” របស់និយ័តករ ធានារ៉ាប់រងកម្ពុជា សេចក្តី​ព្រាង​ប្រកាសនេះកំណត់អំពីលក្ខខណ្ឌ និងនីតិវិធីនៃការបន្ត ការផ្អាក និងការ​បញ្ចប់​កិច្ច​សន្យា​ធានា​រ៉ាប់រង ដើម្បីធានានូវប្រសិទ្ធភាព សុចរិតភាព និងភាពស្មោះត្រង់ ក្នុងការអនុវត្ត​កិច្ច​សន្យា​ធានា​រ៉ាប់​រងរវាងក្រុមហ៊ុនធានារ៉ាប់រង និងម្ចាស់ បណ្ណសន្យារ៉ាប់រង ឬអ្នកត្រូវបាន​ធានា​រ៉ាប់​រង​ស្រប​តាម​មាត្រា២៤ មាត្រា២៥ និងមាត្រា២៦ នៃអនុក្រឹត្យស្តីពីការធានារ៉ាប់រង។ សេចក្តី ព្រាង “អនុ​ក្រឹត្យស្តីពីការធានារ៉ាប់រងភារៈទទូលខុសត្រូវយានយន្តជាកាតព្វកិច្ច”សេចក្តីព្រាងអនុក្រឹត្យស្តីពីការធានារ៉ាប់រងភារៈទទួល ខុសត្រូវយានយន្តជាកាតព្វកិច្ច កំណត់ពីវិធាន នីតិវិធី និងនិយាម នៃ​ការ​អនុវត្ត​ការធានារ៉ាប់រង ភារៈទទួលខុសត្រូវយានយន្ត ជាកាតព្វកិច្ច, ការរៀបចំម​ជ្ឈ​មណ្ឌល​បច្ចេក​វិទ្យា​ធានា​រ៉ាប់រង និងមូលនិធិអភិវឌ្ឍវិស័យធានារ៉ាប់រង ដើម្បីធានាបាននូវការការពារ និង ការផ្តល់​សំណង​ធានា​រ៉ាប់រងជូនតតិយជនជាដើម៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អាកាសយានដ្ឋានអន្តរជាតិតេជោ ស្វាគមន៍ និងត្រៀមខ្លួនទទួលភ្ញៀវទេសចរ និងធុរជនជាតិ និងអន្តរជាតិ ពីគ្រប់ទិសទីនៅលើពិភពលោក
08/17/2025 08:08 AM
Facebook Telegram Linkin
លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន
08/16/2025 06:08 PM
Facebook Telegram Linkin
ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ
08/16/2025 06:08 PM
Facebook Telegram Linkin
ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង
08/16/2025 05:08 PM
Facebook Telegram Linkin
ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin
08/16/2025 05:08 PM
Facebook Telegram Linkin
ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស
08/16/2025 05:08 PM
Facebook Telegram Linkin
នាយករដ្ឋមន្ត្រីដាណឺម៉ាក និយាយថា លោក Netanyahu បានប្រែទៅជាបង្ក «បញ្ហាដោយខ្លួនលោកផ្ទាល់»
08/16/2025 05:08 PM
Facebook Telegram Linkin
ឯកឧត្តមសាស្ត្រាចារ្យ ប៉ិច សុធី អញ្ជើញបើកសន្និសីទប្រចាំឆ្នាំលើកទី១ របស់សមាគមគ្រូពេទ្យបង្កកំណើតកម្ពុជា
08/16/2025 04:08 PM
Facebook Telegram Linkin
មេដឹកនាំអឺរ៉ុបស្វាគមន៍កិច្ចប្រឹងប្រែងរបស់លោក Trump ប៉ុន្តែបញ្ជាក់ថា សម្ពាធលើរុស្ស៊ី ត្រូវតែមានបន្ត
08/16/2025 04:08 PM
Facebook Telegram Linkin
មេភូមិភាគ៣កម្ពុជាស្នើថៃជៀសវាងសកម្មភាពទាំងឡាយដែលនាំឲ្យមានភាពតានតឹងនៅតាមព្រំដែនជាយថាហេតុ
08/16/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.