នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ផ្សារខ្មែរ MSME HUB គឺជាមជ្ឈមណ្ឌលតភ្ជាប់ដ៏សំខាន់​រវាងអ្នកផលិតទៅកាន់អ្នកប្រើប្រាស់​
ប្រធាន គ.ល.ក. ណែនាំដល់​អគ្គលេខាធិការដ្ឋាន​បន្តសហការជាមួយ​អាជ្ញាធរ​គ្រប់គ្រង​ល្បែង​ពាណិជ្ជកម្ម​ឱ្យមានប្រសិទ្ធភាព
ក្រសួងកសិកម្ម ប្រកាសផ្សព្វផ្សាយច្បាប់ស្តីពីជលផល និងអនុក្រឹត្យ​ពិន័យអន្តរការណ៍​ចំពោះ​បទល្មើស​ច្បាប់ស្តីពីជលផល
កម្ពុជា និងស្ថាប័ន DFC ពិភាក្សាផ្លាស់ប្តូរយោបល់លើយុទ្ធសាស្ត្រសំខាន់ៗ នៃវិស័យអាទិភាព​នៅកម្ពុជា

សេដ្ឋកិច្ច និង កសិកម្ម

គិតត្រឹមត្រីមាសទី១ឆ្នាំនេះ សហគ្រាស ក្រុមហ៊ុន រោងចក្រនៅកម្ពុជា កើនដល់ជាង ៤៧ ០០០ សហគ្រាស ខណៈចំនួនកម្មករនិយោជិតកើនឡើងដល់ប្រមាណ ២,៣លាននាក់

2026/04/27 12:25:27 pm        182
Facebook Telegram Linkin
គិតត្រឹមត្រីមាសទី១ ឆ្នាំ២០២៦នេះ ចំនួនសហគ្រាស ក្រុមហ៊ុន រោងចក្រ បាន​កើន​ឡើង​ដល់​ចំនួន​ ៤៧ ០២៩សហគ្រាស ជាមួយនឹងចំនួនកម្មករ និយោជិតសរុបកើនឡើងដល់ប្រមាណ ២,៣​លាន​នាក់។ នេះបើតាមខ្លឹមសារនៅក្នុងសារលិខិតសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសខួបអនុស្សាវរីយ៍លើកទី១៤០ នៃ​ទិវា​ពលកម្ម​អន្តរជាតិថ្ងៃទី១ ខែឧសភា ឆ្នាំ២០២៦។តាមរយៈសារលិខិត សម្ដេចធិបតី ហ៊ុន ម៉ាណែត នាយករដ្ឋមន្រ្ដី មានប្រសាសន៍បញ្ជាក់ថា រាជ​រដ្ឋាភិបាល មិនត្រឹមតែមានឆន្ទៈមោះមុតក្នុងការទាក់ទាញវិនិយោគ ដើម្បីជំ​រុញ​សន្ទុះ​អភិវ​ឌ្ឍ​សេដ្ឋ​កិច្ច​ជាតិ, បង្កើតសហគ្រាស ក្រុមហ៊ុន រោងចក្រ និងបង្កើនឱកាស​ការងារ​ជូន​ប្រជា​ពលរដ្ឋ​ប៉ុណ្ណោះ​ទេ ថែមទាំងមានមហិច្ឆតា​ខ្ពស់​ក្នុង​ការ​កសាង​ប្រព័ន្ធ​សេដ្ឋកិច្ច​មួយ​ដែល​មាន​ស្ថិរភាព​យូរ​អង្វែង ​និងការបង្កើតការងារសមរម្យប្រកបដោយបរិយាបន្ន ដើម្បីនាំមកនូវ​សេចក្តី​សុខ​ក្សេម​ក្សាន្ត​ និង​វិបុលភាពជូនប្រជាពលរដ្ឋគ្រប់រូប ក្រោមម្លប់ដ៏ត្រជាក់ត្រជុំនៃសន្តិភាព។សម្ដេចធិបតី មានប្រសានស៍បញ្ជាក់ថា បើទោះជាត្រូវប្រឈមនឹងការលំបាកនិងឧបសគ្គ ទាំងកត្តាខាងក្នុងនិងកត្តាខាងក្រៅយ៉ាងណាក្តី តាមរយៈកម្លាំងមហាសាមគ្គីប្រជាជាតិដ៏រឹងមាំ កម្ពុជាបាននិងកំពុងបន្តបោះជំហានទៅមុខយ៉ាងស្វាហាប់ គួរជាទីមោទនៈលើមាគ៌ានៃសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សង្គម ប្រជាធិបតេយ្យ នីតិរដ្ឋ និងស្ថិរភាពម៉ាក្រូសេដ្ឋកិច្ច ដែលជាមនុញ្ញផលអនុគ្រោះដល់ការអភិវឌ្ឍសេដ្ឋកិច្ច សង្គម និងរក្សាលំនឹងនៃជីវភាពរបស់ប្រជាពលរដ្ឋ និងបងប្អូនកម្មករនិយោជិត។ សម្ដេចធិបតីបានបញ្ជាក់ថា នៅឆ្នាំ២០២៥កន្លងទៅនេះ រាជរដ្ឋាភិបាលបានខិតខំជម្នះបាន នូវបញ្ហាប្រឈម និងសម្របខ្លួនទៅនឹងការប្រែប្រួលនៃសភាពការណ៍តំបន់និងសកលលោកដែលកើតឡើង ជាបន្តបន្ទាប់និងដំណាលៗគ្នា ដោយសម្រេចឱ្យបាននូវគោលដៅសូចនាករគន្លឹះ ដែលបានកំណត់ក្នុងយុទ្ធសាស្ត្របញ្ចកោណ ដំណាក់កាលទី១, កម្មវិធីគោលនយោបាយអាទិភាពចំនួន ៦ និងវិធានការគន្លឹះចំនួន ៥ ជាមួយនឹងការចាត់វិធានការអន្តរាគមន៍ចំពោះវិបត្តិនានាទាន់ពេល និងចំទិសដៅ។សម្ដេចនាយករដ្ឋមន្រ្ដីបានបញ្ជាក់ថា សុខសន្តិភាពពេញលេញដែលយើងបានខិតខំរួមគ្នាថែរក្សាតាមរយៈ នយោបាយឈ្នះ ឈ្នះ របស់សម្តេចអគ្គមហាសេនាបតីតេជោ ហ៊ុន សែន ជាគ្រឹះដ៏រឹងមាំសម្រាប់ការអភិវឌ្ឍសង្គម សេដ្ឋកិច្ច។ បន្ថែមពីនេះគោលនយោបាយនិងយុទ្ធសាស្ត្រដ៏ត្រឹមត្រូវរបស់រាជរដ្ឋាភិបាលអាចគ្រប់គ្រង និងដោះស្រាយបានគ្រប់ស្ថានភាពទោះបីជាត្រូវប្រឈមនឹងភាពមិនប្រាកដប្រជាកាន់តែស្រួចស្រាល់ក្នុងបរិការណ៍សកល ក៏ដូចជាការរំលោភបំពាន លើអធិបតេយ្យនិងបូរណភាពទឹកដីយ៉ាងណាក្តី សេដ្ឋកិច្ចកម្ពុជាបានស្ទុះងើបឡើងវិញយ៉ាងឆាប់រហ័សនិងបន្ត ស្ថិតលើមាគ៌ាកំណើនដ៏រឹងមាំក្នុងអត្រាប្រមាណ ៥,២% ក្នុងឆ្នាំ២០២៥។ សម្ដេចធិបតីបានបញ្ជាក់ថា សម្រាប់ឆ្នាំ២០២៦នេះ កំណើនសេដ្ឋកិច្ចកម្ពុជាក៏ត្រូវបានព្យាករថានឹងរក្សាអត្រាកំណើនខ្ពស់ ដែលលទ្ធផលនេះបានឆ្លុះបញ្ចាំងយ៉ាងច្បាស់ ពីភាពធន់នៃសេដ្ឋកិច្ចជាតិក្នុងបរិការណ៍នៃការវិវឌ្ឍយ៉ាងស្មុគស្មាញនៃសេដ្ឋកិច្ច និងនយោបាយទាំងក្នុងតំបន់ និងសកលលោក។សម្ដេចនាយករដ្ឋមន្រ្ដីបានថ្លែងថា រាជរដ្ឋាភិបាលបានខិតខំប្រឹងប្រែងប្រកបដោយឆន្ទៈមោះមុត ក្នុងការធ្វើឱ្យប្រសើរឡើងនូវបរិយាកាសធុរកិច្ច និងវិនិយោគ ដោយបានជំរុញឱ្យមានលំហូរវិនិយោគផ្ទាល់ពីបរទេស បន្តកើនឡើងយ៉ាងខ្លាំងក្លាគួរជាទីមោទនៈ។ ជាក់ស្តែង ក្នុងរយៈពេលពីរខែនាដើមឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានចុះបញ្ជីគម្រោងវិនិបេ ផ្ទាល់ពីបរទេសសរុបចំនួន ១០៥គម្រោង ក្នុងទំហំទុនវិនិយោគសរុបប្រមាណ ៩៦៦លានដុល្លារអាម៉េរិក ដែលនឹងបង្កើតឱកាសការងារបន្ថែមទៀតជូនប្រជាពលរដ្ឋ៕

ត្រីមាសទី១ឆ្នាំនេះ កម្ពុជានាំចេញកង់ មានទឹកប្រាក់ជាង ២០១ លានដុល្លារ កើនឡើងជិត ៤៤%

2026/04/27 11:28:09 am        182
Facebook Telegram Linkin
កម្ពុជានាំចេញកង់ នៅក្នុងរយៈពេល ៣ខែ ឆ្នាំ២០២៦, មានទំហំទឹកប្រាក់សរុបជាង ២០១ លានដុល្លារអាមេរិក កើនឡើងប្រមាណ ជិត ៤៤% បើធៀបរយៈពេលដូចគ្នានឹងឆ្នាំមុន ក្នុងនោះការនាំចេញទៅសហរដ្ឋអាមេរិកមានកំណើនខ្ពស់ជាងគេ បើធៀបទៅនឹងទីផ្សារដ៏ទៃទៀត។ក្រសួងពាណិជ្ជកម្ម បង្ហាញពីរបាយការណ៍នាំចេញទំនិញរបស់កម្ពុជាទៅកាន់ទីផ្សារអន្តរជាតិ នៅក្នុងរយៈពេល ៣ ខែ ឆ្នាំ ២០២៦ មានទំហំទឹកប្រាក់សរុបប្រមាណជាង ២០១ លានដុល្លារអាមេរិក កើនឡើងជិត ៤៤% ដែលជាកំណើនមួយហក់ឡើងខ្ពស់ ខណៈក្នុងរយៈពេលដូចគ្នានៅក្នុងឆ្នាំ២០២៥ ការនាំចេញកង់របស់កម្ពុជា មានទឹកសរុបជាង ១៣៩ លានដុល្លារអាមេរិកប៉ុណ្ណោះ។  ចំពោះទីផ្សារសំខាន់ៗ ដែលគាំទ្រដល់ការនាំចេញកង់រួមមាន៖ ការនាំចេញទៅសហរដ្ឋអាមេរិក មានទឹកប្រាក់ជិត ៩៧ លាន ដុល្លារ កើនជិត ២៥%, អាឡឺម៉ង់ ជាង ៣៨ លានដុល្លារ កើនជាង ៧៧%, ប៊ែលហ្សិក ជិត ៣៤ លានដុល្លារ កើន ១៥៥%, ហូឡង់ ជាង ១២ លានដុល្លារ កើនជាង ៤៥%, អូស្រ្តាលី ជិត ២ លានដុល្លារ កើនជាង ៨៨%, កូឡំប៊ី ជិត ២ លានដុល្លារ កើន ៧២% ធៀប រយៈពេលដូចគ្នានៅក្នុងឆ្នាំ២០២៥ ក្រៅពីនេះនៅមានទីផ្សារផ្សេងៗទៀត គាំទ្រដល់ការនាំចេញកង់របស់កម្ពុជា។ជុំវិញរោងចក្រដំឡើងកង់វិញ កម្ពុជាមានរោងចក្រផ្គុំ និងដំឡើងកង់មានចំនួន៥ទីតាំង ស្ថិតនៅក្នុងតំបន់សេដ្ឋកិច្ចពិសេស ក្នុង ក្រុងបាវិត ខេត្តស្វាយរៀង បច្ចុប្បន្នរោងចក្រទាំងនោះបានកំពុងផ្គុំ និងដំឡើងកង់ជាច្រើនប្រភេទ សម្រាប់បម្រើដល់ទីផ្សារនាំចេញ របស់កម្ពុជា។សូមបញ្ជាក់ថា នៅក្នុងបំណាច់ឆ្នាំ២០២៥, កម្ពុជាបាននាំចេញកង់ទៅកាន់ទីផ្សារអន្តរជាតិ ដែលជាដៃគូពាណិជ្ជកម្ម មានទំហំទឹកប្រាក់ សរុបជិត ៦១០ លានដុល្លាអាមេរិក បានកើនឡើងជិត ៤៣% ខណៈក្នុងរយៈពេលដូចគ្នានៅក្នុងឆ្នាំ២០២៤ ការនាំចេញកង់ មានទឹក សរុបជិត ៤២៦ លានដុល្លារអាមេរិកប៉ុណ្ណោះ៕អត្ថបទ៖ សុន រ៉ាឌី

រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតបានប្រមាណ ២០០តោន ក្នុង​មួយ​ថ្ងៃ​សម្ពោធ​ដាក់​ឱ្យដំណើរការជាផ្លូវការ

2026/04/24 02:39:17 pm        336
Facebook Telegram Linkin
អ្នកឧកញ៉ា បណ្ឌិត សួរ វីរៈ អគ្គនាយកក្រុមហ៊ុន វិរៈ ប៊ុនថាំ អេចប្រេស កាលពីថ្ងៃទី២២ ខែមេសា ឆ្នាំ​២០២៦ បានអញ្ជើញជាអធិបតីភាព ចូលរួមពិធីសម្ពោធ និងបើកដំណើរការជាផ្លូវការ រោងចក្រ វិរៈ ប៊ុនថាំ ជីកសិកម្ម ដែលមានទីតាំងស្ថិតនៅភូមិចំការចេក ឃុំយាយម៉ៅពេជ្រនិល ស្រុក​ភ្នំស្រួច ខេត្តកំពង់ស្ពឺ។ថ្លែងក្នុងពិធីសម្ពោធរោងចក្រ វិរៈ ប៊ុនថាំ ជីកសិកម្ម ខាងលើនេះ អ្នកឧកញ៉ា បណ្ឌិត បាន​មាន​ប្រសាសន៍​ថា រោងចក្រជីកសិកម្ម វិរៈ ប៊ុនថាំ បានវិនិយោគលើផ្ទៃដី ទំហំ ១៥ហិកតា និង​មាន​សមត្ថ​ភាព​ផលិតបានប្រមាណ ២០០តោន ក្នុងមួយថ្ងៃ ក្រោមការវិនិ​យោគទឹ​ក​ប្រាក់​ដំបូង​ប្រមាណ​ជាង ៤លានដុល្លារ ដោយការផលិតទាំងស្រុង គឺប្រើប្រាស់វត្ថុធាតុដើមក្នុងស្រុក មាន​តម្លៃ និងគុណភាពល្អ ដ្បិតថា ទាំងតម្លៃ និងគុណភាពជី ដែលយើងផលិត គឺ​សុទ្ធ​តែ​អាច​ប្រកួត​ប្រជែង​ជា​មួយនឹងជីនាំចូលបាន។លទ្ធផលជាក់ស្តែង បើតាមការបញ្ជាក់ពីម្ចាស់ដេប៉ូលចែកចាយ និង តំណាង​កសិករ​ដែល​បាន​ប្រើ​ប្រាស់​ជី​កម្មសិកម្មទាំងសិរីរាង្គ និង ជីគីមីលើដីស្រែផ្ទាល់ពិតជាទទួលបានទិន្នផលល្អប្រសើរ បើ​ធៀប​ទៅ​នឹងការប្រើប្រាស់ជីនាំចូល។បន្ថែមលើសពីនេះពួកគេអះអាងថា ការប្រើ​ប្រាស់​ជី​របស់​ក្រុម​ហ៊ុន​វីរៈប៊ុនថាំ បានកាត់បន្ថយការចំណាយ ទិន្នផលមានគុណភាពល្អ មិន​ប៉ះ​ពាល់​ដល់​សុខ​ភាព​កសិករ និង អ្នកបរិភោគ និង ជាពិសេស ការចូលរួមគាំទ្រផលិតផលក្នុងស្រុក។សូម​ជម្រាបជូនថា រោងចក្រ វិរៈ ប៊ុនថាំ ជីកសិកម្ម របស់ អ្នកឧកញ៉ា បណ្ឌិត សួរ វីរៈ ដែល​ទើប​សម្ពោធ​ជាផ្លូវការនេះ គឺជាគម្រោងវិនិយោគមួយ ក្នុងចំណោម​ចក្ខុ​វិស័យ​វិនិយោគ​ក្នុង​វិស័យ​កសិកម្ម របស់ វិរៈ ប៊ុនថាំ គ្រុប ខណៈដែលកន្លងមក អ្នកឧកញ៉ា បណ្ឌិត បាន​បោះ​ទុន​វិនិ​យោគ​យ៉ាង​ច្រើន ជាបន្តបន្ទាប់ ក្នុងការជួយប្រមូលទិញកសិផលរបស់ប្រជាកសិករខ្មែរ និង​ចែក​ចាយ​លក់​បន្ត​ថែមទៀតផង៕ អត្ថបទ៖ សូដាវណ្ណ 

រយៈពេល៣ខែដំបូង ការដោះដូរពាណិជ្ជកម្មកម្ពុជា-វៀតណាម សម្រេចបាន ៣,៤៤ ពាន់​លាន​ដុល្លារកើនឡើង ៤,៣%

2026/04/24 02:23:04 pm        189
Facebook Telegram Linkin
ការដោះដូរពាណិជ្ជកម្មកម្ពុជា-វៀតណាម រយៈពេល៣ខែដំបូង ឆ្នាំ២០២៦ សម្រេចបានប្រមាណ ៣,៤៤ ពាន់លានដុល្លារអាមេរិក កើនឡើង ៤,៣% ធៀបរយៈពេលដូចគ្នាពីឆ្នាំមុន ក្នុង​នោះ​ការ​នាំ​ចេញ​របស់កម្ពុជា មានចំនួន ១,៤៦ ពាន់លានដុល្លារ កើនជាង ៧% ខណៈការនាំចូលជិត ២ ពាន់​លាន​ដុល្លារ ការកើនជាង ២% ។ឯកឧត្តម ហូ ស៊ីវយ៉ុង អគ្គនាយកនៃសេវាកម្មគាំទ្រពាណិជ្ជកម្ម លើក​ឡើង​នៅ​ក្នុង​កិច្ច​សន្ទនា​ធុរកិច្ច​កម្ពុជា-វៀតណាម ២០២៦ នៅថ្ងៃទី២២ ខែមេសា ឆ្នាំ២០២៦ ថា កម្ពុជា-វៀតណាម​បាន​បង្កើត​កិច្ច​ព្រមព្រៀងពាណិជ្ជកម្មទ្វេភាគីជាច្រើនដូចជា កិច្ចព្រមព្រៀង ស្តីពីប្រតិបត្តិ​ការ​ពាណិជ្ជកម្ម​ ការផ្លាស់ប្តូរទំនិញ និងសេវាកម្មនៅតាមព្រំដែន តំបន់, កិច្ចព្រមព្រៀង​ស្តីពី​ការដឹក​ជញ្ជូន​ទំនិញ និងការលើកកម្ពស់ពាណិជ្ជកម្មទ្វេភាគីដែលបម្រើ និងជួយសម្រួល​ដល់​ប្រតិបត្តិការ​ពាណិជ្ជ​កម្ម​ឆ្លងព្រំដែនកាន់តែរលូន រវាងប្រទេសទាំងពីរ រួមទាំងតំបន់ និងកិច្ចព្រម​ព្រៀង​ពាណិជ្ជ​កម្ម​សេរី​ដូចជា ATIGA អាស៊ាន+ និង RCEP ជាដើម។ឯកឧត្តម បន្ថែមថា ទាក់ទិនការធ្វើពាណិជ្ជកម្មរវាងប្រទេសទាំងពីរនេះ  បង្ហាញ​ពី​សក្ដានុពល​វិវត្តន៍​គួរ​កត់សម្គាល់ ក្នុងនោះការ នាំចេញរបស់កម្ពុជាទៅកាន់ប្រទេសវៀតណាម បានកើ​ន​ឡើង​ជា​លំដាប់​ពី ២,៩៧ ពាន់លានដុល្លារ ក្នុងឆ្នាំ២០២៣ ដល់ ៣,៧០ ពាន់លានដុល្លារ នៅឆ្នាំ​២០២៤ និង៣,៧៣ ពាន់លានដុល្លារ ក្នុងឆ្នាំ២០២៥។ ចំណែកក្នុងរយៈពេល៣ខែដំបូង ក្នុង​ឆ្នាំ​២០២៦ ពាណិជ្ជកម្មវៀតណាម-កម្ពុជា សម្រេចបានសរុប ៣,៤៤ ពាន់លានដុល្លារអាមេរិក កើន​ឡើង ​៤,៣% ធៀបរយៈពេលដូចគ្នាពីឆ្នាំមុន។ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ថ្លែងថា ទំនាក់​ទំនង​មិត្ត​ភាព​ដ៏ស្អិត​ល្មួត និងកិច្ចសហ- ប្រតិបត្តិការលើគ្រប់វិស័យរវាងប្រទេសទាំងពីរ ត្រូវបាន​កសាង​ឡើង​នៅ​លើ​មូល​ដ្ឋានគ្រឹះនៃការតភា្ជប់ប្រកបដោយនិរន្តរភាព និងការ លើកកម្ពស់យន្តការទ្វេភាគី ក្នុង​ស្មារ​តី​ភាព​ជាអ្នកជិតខាងល្អ, មិត្តភាពជាប្រពៃណី, និងកិច្ចសហប្រតិបត្តិការគ្រប់ជ្រុងជ្រោយ ដើម្បី បំពេញ​ឱ្យគ្នាទៅវិញទៅមកក្នុងបុព្វហេតុសន្តិភាព និងស្ថិរភាពយូរអង្វែង ជាពិសេស​ការ​ធ្វើ​ពាណិជ្ជ​កម្ម និងការវិនិយោគ។អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា លើកឡើងផងដែរថា ជុំវិញ​ពាណិជ្ជ​កម្ម​ទ្វេ​ភាគី​ប្រទេស​ទាំងពីរ ក្នុងនោះ ប្រសិទ្ធភាពនៅព្រំដែន នៅមិនទាន់ចរចា​បាន​ស្រួល​នៅ​ឡើយ​សម្រាប់​ពាណិជ្ជកម្ម តែទោះបីយ៉ាងណាប្រទេសទាំងពីរគ្រោងនឹងធ្វើឱ្យ ប្រសើរឡើង ប៉ុស្តិ៍​ត្រួត​ពិនិត្យ​ដូចជា ជ្រៃធំ-ខាញ់ប៊ិញ ទៅច្រកព្រំដែនអន្តរជាតិ និងអនុវត្ត​យ៉ាង​ពេញ​លេញ​នៃ​កិច្ច​ព្រម​ព្រៀង​ដឹក​ជញ្ជូន ផ្លូវទឹក។ នេះបង្កើតបណ្តាញភស្តុភារពហុម៉ូឌុល ដែលកាត់បន្ថយការចំណាយ និង​បង្កើនការប្រកួតប្រជែងជាសកលរបស់យើង។ ឯកឧត្តម Nguyen Minh Vu ឯកអគ្គរដ្ឋទូតវៀតណាមប្រចាំកម្ពុជា បានថ្លែងថា ក្នុង​ជំនួប​នា​ពេល​ថ្មី​ៗ​នេះ រវាងថ្នាក់ដឹកនាំ កំពូលនៃប្រទេសទាំងពីរ ដូចជាដំណើរ​ទស្សន​កិច្ច​ផ្លូវ​រដ្ឋ​របស់​អគ្គ​លេខា​បក្ស To Lam និងគណៈប្រតិភូជាន់ខ្ពស់វៀតណាមក្នុងខែ កុម្ភៈ ឆ្នាំ២០២៦ និងដំណើរ​ទស្សន​កិច្ច​របស់សមាជិកគណៈកម្មាធិការអចិន្ត្រៃយ៍ ឯកឧត្តម Tran Cam Tu នៅថ្ងៃទី១០ ខែ​មេសា​ ឆ្នាំ ២០២៦ ថ្នាក់ដឹកនាំនៃប្រទេសទាំងពីរបានអះអាងសារជាថ្មី នូវការ​ប្តេជ្ញា​ចិត្ត​ក្នុង​ការ​ពង្រឹង​សេដ្ឋកិច្ចប្រទេសទាំងពីរ ជាពិសេសក្នុងការ តភ្ជាប់ខ្សែសង្វាក់ដឹកជញ្ជូន ថាមពល ឧស្សាហ៍​​កម្ម និងឌីជីថល ការពង្រឹងសកម្មភាពវិនិយោគ ពាណិជ្ជកម្ម និងជំរុញទេសចរណ៍ ដើម្បី​ជំរុញ​បង្កើន​ទំហំ​ពាណិជ្ជកម្មទ្វេភាគី ឱ្យឡើងដល់ ២០ ពាន់លានដុល្លារ នាពេលខាងមុខ៕ អត្ថបទ៖ សុន រ៉ាឌី 

ក្នុងត្រីមាសទី១ កម្ពុជានាំចេញសំបកកង់ឡាន និងគ្រឿងបន្លាស់ផ្សេងៗមានទឹកប្រាក់ជាង ៥៨០ លានដុល្លារ

2026/04/24 10:34:55 am        199
Facebook Telegram Linkin
កម្ពុជានាំចេញសំបកកង់រថយន្ត និងគ្រឿងបន្លាស់រថយន្ត ម៉ូតូ និងកង់ នៅក្នុងត្រីមាសទី១ ឆ្នាំ​២០២៦, មានទំហំទឹកប្រាក់សរុបជាង ៥៨០ លានដុល្លារអាមេរិក, ដែលការនាំចេញ​ប្រភេទ​ទំនិញ​ទាំង​នេះ មានកំណើនកើនឡើងល្អប្រសើរ គាំទ្រដល់ការនាំចេញទំនិញរបស់កម្ពុជា។ជុំវិញទីផ្សារនាំចេញទំនិញនេះ បើយោងតាមរបាយការណ៍របស់ក្រសួងពាណិជ្ជកម្ម នៅក្នុ​ង​រយៈ​ពេ​ល​៣ខែ ឆ្នាំ២០២៦ កម្ពុជា បាននាំចេញ​ទំនិញ​ស្ទើរ​គ្រប់​ប្រភេទ​មាន​កំណើន​កើន​ឡើង​ល្អ​ប្រសើរ ​ក្នុងនោះមានប្រភេទទំនិញថ្មីៗជាច្រើន បានកំពុងជួយជ្រោម ជ្រោងដល់​ការ​នំា​ចេញ​ទំនិញ​របស់​កម្ពុជា ជាក់ស្តែងការនាំចេញគ្រឿងបន្លាស់រថយន្ត នៅក្នុងត្រីមាសទី១នេះ មាន​ទឹក​ប្រាក់ស​រុប​ជាង ៩២ លានដុល្លារ បានកើនឡើងជាង ៣០ ភាគរយ បើធៀបរយៈពេល​ដូច​គ្នា​និង​ឆ្នាំ​២០២៥ ក្នុងនោះកម្ពុជាបាននាំចេញទៅប្រទេស ជប៉ុន មានទឹកប្រាក់ជាង ២១ លានដុល្លារ, ថៃ ជាង ១៦ លានដុល្លារ, អាមេរិកជាង ៥ លានដុល្លារ និងការនាំចេញទៅកាន់ប្រទេស ផ្សេង​ៗ​ទៀត​។ ចំណែកការនាំចេញគ្រឿងបន្លាស់កង់ និងម៉ូតូ នៅក្នុងរយៈពេលនេះដែរ មានទឹក​ប្រាក់​សរុប​ជាង ១៦ លានដុល្លារ កើន ឡើងជិត ២៧ ភាគរយ ក្នុងនោះប្រទេសហូឡង់ ជាង ៨ លាន​ដុល្លារ​, ចិនជាង ២ លានដុល្លារ និងនាំចេញទៅប្រទេសផ្សេងទៀត។ដោយឡែកការនាំចេញសំបកកង់រថយន្ត នៅក្នុងត្រីមាសទី១នេះដែរ មានទឹកប្រាក់សរុបជាង ៤៧២លានដុល្លារ កើនឡើង ជាង ៤២ភាគរយ ធៀបរយៈពេលដូចគ្នានិងឆ្នាំ២០២៥ ក្នុង​នោះ​ទីផ្សារ​ដែល​បានជួយគាំទ្រដល់ការនាំចេញសំបកកង់រថយន្តរួមមាន៖ សហរដ្ឋអាមេរិក គិត​ជា​ទឹក​ប្រាក់​ជាង​ ៣៥៨ លានដុល្លារ, ប្រេស៊ីល ជិត ៣៩ លានដុល្លារ, កាណាដា ជាង ២០ លានដុល្លារ, បារាំង ជិត ១១ លានដុល្លារ, អង់គ្លេស ជាង ៥ លានដុល្លារ និងការ​នាំ​ចេញ​ទៅ​កាន់​ប្រទេស​ផ្សេង​ៗ​ជា​ច្រើន​ទៀត។ជុំវិញការនាំចេញទំនិញរបស់កម្ពុជា, ថ្មីៗនេះ ឯកឧត្តម កៅ កោសល អនុរដ្ឋលេខា​ធិការ​ក្រសួង​ពាណិជ្ជ​កម្ម ​បានលើកឡើង ថា ក្រសួងពាណិជ្ជកម្មក្នុងនាមជាសេនាធិការរបស់រាជរដ្ឋាភិបាល បាន​និងកំពុងបន្តធ្វើការកែទម្រង់យ៉ាងមុតស្រួច ជាពិសេសលើកិច្ច សម្រួលពាណិជ្ជកម្ម ដើម្បី​ជំរុញ​ការ​នាំចេញ និងទាក់ទាញ​វិនិយោគិន​ទាំង​ក្នុង​និង​ក្រៅ​ប្រទេស​ឱ្យ​មក​វិនិយោគ​នៅ​កម្ពុជា​តាមរយៈ ការកសាងលិខិតបទដ្ឋានគតិយុត្តនានា ស្របតាមការវិវត្តនៃសេដ្ឋកិច្ចនិងសង្គម, ការ​បន្ត​ធ្វើ​ទំនើបកម្មប្រព័ន្ធស្វ័យប្រវត្តិកម្ម លើការផ្តល់ សេវាសាធារណៈរបស់ក្រសួង, ការចរចា​បើក​ទីផ្សារ​ តាមរយៈការរៀបចំឱ្យមានកិច្ចព្រមព្រៀងពាណិជ្ជកម្មសេរី ទាំងក្នុងក្របខ័ណ្ឌទ្វេ ភាគី ពហុភាគី តំបន់និងពិភពលោកផងដែរ៕ អត្ថបទ៖ សុន រ៉ាឌី

ថ្លៃលក់រាយប្រេងឥន្ធនៈតាមស្ថានីយចាប់ថ្ងៃទី២៤ មេសានេះ សាំងឡើងបន្ដិច ខណៈ​ម៉ាស៊ូត​បន្ត​ធ្លាក់​ចុះ

2026/04/24 07:59:49 am        351
Facebook Telegram Linkin
ភ្នំពេញ៖ ក្រសួងពាណិជ្ជកម្ម​បាន​ធ្វើ​បច្ចុប្បន្ន​ភាព​ជូន​ដំណឹង​ថ្មី​ចំពោះ​តម្លៃ​លក់​រាយ​ប្រេង​ឥន្ធនៈ​នៅ​ព្រះរា​ជា​ណាចក្រកម្ពុជា អនុវត្តចាប់ពី ថ្ងៃទី២៤ ខែមេសា ឆ្នាំ២០២៦ រហូតដល់ថ្ងៃជូន​ដំណឹង​បន្ទាប់​ ក្នុងនោះប្រេងសាំងឡើងពី៤៩៥០ ដល់ ៥០០០ រៀល/លីត្រ ខណៈម៉ាស៊ូត​ធ្លាក់​ចុះ​ពី​៥៧០០ ​មកសល់ត្រឹម ៥ ៤០០ រៀល/លីត្រ។ តាមសេចក្តីជូនដំណឹង ក្រសួងពាណិជ្ជកម្មបានបញ្ជាក់ថា យោងប្រកាសអន្តរក្រសួង ចុះថ្ងៃទី២២ ខែ​មីនា ឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងរ៉ែ និង​ថាមពល ស្តីពីការកំណត់រូបមន្តសម្រាប់កែសម្រួលថ្លៃលក់រាយប្រេងឥន្ធនៈនៅកម្ពុជា និង​យោង​លើ​ការ​ព្រមព្រៀង លើរូបមន្តកំ​ណត់​តម្លៃ​ជាមួយ​ក្រុម​ហ៊ុន​ប្រេង​ឥន្ធនៈ​ដែល​ប្រកប​អាជីវ​កម្ម​នៅ​កម្ពុជា​។យោងការប្រែប្រួលនៃតម្លៃប្រេងឥន្ធនៈលើទីផ្សារក្នុងតំបន់និងអន្តរជាតិ, រាជរដ្ឋាភិបាល បាន​បន្ត​បញ្ចុះ​ចំនួន ៦,៥សេនដុល្លារ/លីត្រ ក្នុងគោលបំណងជួយសម្រួលដល់ជីវភាពរបស់ប្រជាព។ រាជ​រដ្ឋាភិបាល បន្តបញ្ចុះ ១សេនដុល្លារ/លីត្របន្ថែមទៀត ដោយសារថ្លៃ​ប្រេង​សាំង​អន្តរជាតិ​ឡើង​លើស​ពី ៩០ដុល្លារ/បារ៉ែល និងប្រេងម៉ាស៊ូតអន្តរជាតិ ឡើងលើស ១០០ដុល្លារ/បារ៉ែល ៣. ពន្ធ​គយ ​០ (សូន្យ) ន្យ) ដុល្លារ និង ៤. ផ្អែកតាមសភាពការណ៍ និងថ្លៃ​ប្រេង​ឥន្ធនៈ​បន្ត​កើន​ឡើង​នៅ​ទីផ្សារអន្តរជាតិ ក៏ដូចជាថ្លៃដឹកជញ្ជូននិងថ្លៃធានារ៉ាប់រងមានការកើនឡើងខ្ពស់ សម្តេច​ធិបតី​នាយក​រដ្ឋ​មន្ត្រីបានសម្រេចបញ្ចុះអាករបន្ថែមលើប្រេងសាំង និងប្រេងម៉ាស៊ូតមក ០ (សូន្យ) ដុល្លារ​, បញ្ចុះអាករពិសេសលើប្រេងសាំងពី ៣០% មក ១៥% និង ប្រេងម៉ាស៊ូត ពី ៤% មក ០% និងបញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូត ពី ១០% មក ០% ដោយរាជរដ្ឋាភិបាលទទួលបន្ទុកជំនួសសរុបចំនួន ៦% សម្រាប់ប្រេងសាំង និង ១០% សម្រាប់ប្រេងម៉ាស៊ូត។សេចក្ដី​ជូនដំណឹងបញ្ជាក់ថា៖«ដូច្នេះថ្លៃលក់រាយប្រេងឥន្ធនៈត្រូវអនុវត្ត ចាប់ពីថ្ងៃទី២៤ ខែមេសា ឆ្នាំ​២០២៦ រហូតដល់ថ្ងៃជូនដំណឹងបន្ទាប់ គឺត្រូវលក់ ៥០០០រៀលលីត្រ សម្រាប់​ប្រេង​សាំង​ធម្មតា​ (Gasoline 92) និង ៥៤០០រៀល/លីត្រ សម្រាប់ប្រេងម៉ាស៊ូត (Gasoil 10ppm)»៕

ការធ្វើបច្ចុប្បន្នភាព NFIS ដើម្បីធានាដល់គ្រួសារ និងអាជីវកម្មឱ្យទទួល​បាន​សេវា​ហិរញ្ញ​វត្ថុ​សម​ស្រប

2026/04/23 04:01:54 pm        281
Facebook Telegram Linkin
មន្រ្តីជាន់ខ្ពស់ធនាគារជាតិនៃកម្ពុជា ថ្លែងថា ការធ្វើបច្ចុប្បន្នភាពយុទ្ធសាស្ត្រជាតិ​ស្តីពី​ការ​រួម​បញ្ចូល​ហិរញ្ញវត្ថុ (NFIS) ធានាដល់ បុគ្គល គ្រួសារ និងអាជីវកម្មអាចទទួលបាន និង​ប្រើ​ប្រាស់​សេវា​កម្ម​ហិរញ្ញវត្ថុសមស្រប ប្រកបដោយប្រសិទ្ធភាព គាំទ្រដល់កំណើន ប្រកបដោយចីរភាព។ឯកឧត្តម យឹម លាត ទេសាភិបាលរងធនាគារជាតិនៃកម្ពុជា លើកឡើង​នៅក្នុ​ង​ពិធី​ប្រកាស​ចាប់​ផ្តើម​ដំណើរ​ការធ្វើបច្ចុប្បន្ន ភាពយុទ្ធសាស្ត្រជាតិ ស្តីពីការរួមបញ្ចូលហិរញ្ញវត្ថុ (NFIS) សម្រាប់​រយៈ​ពេល ​២០២៦-២០៣០ និងពិគ្រោះយោបល់ នៅថ្ងៃទី២៣ ខែ មេសា ឆ្នាំ២០២៦ នេះថា ក្នុង​រយៈពេលពីរទសវត្សរ៍កន្លងមកនេះ វិស័យ​ហិរញ្ញ​វត្ថុ​នៅ​កម្ពុជា​បាន​ឆ្លង​កាត់​ការ​ផ្លាស់​ប្តូរ​គួរ​ឱ្យ​កត់​សម្គាល់មួយ គឺចាប់ផ្តើមផ្តោតលើការកសាងទំនុកចិត្តឡើងវិញនៅក្នុងស្ថាប័នហិរញ្ញវត្ថុ ដោយក​ម្ពុជាបានអភិវឌ្ឍន៍ប្រព័ន្ធដែលមាន ស្ថេរភាព និងគាំទ្រ​ដោយ​ការ​ច្នៃ​ប្រឌិត​ឌីជីថល​យ៉ាង​ឆាប់​រហ័ស​។ដោយឡែកការធ្វើបច្ចុប្បន្នភាព NFIS បានឆ្លុះបញ្ចាំងពីការ ប្តេជ្ញាចិត្តជាបន្តបន្ទាប់របស់កម្ពុជា ក្នុង​ការ​លើកកម្ពស់សេវាកម្ម ហិរញ្ញវត្ថុ ដែលមានលក្ខណៈរួមបញ្ចូលអាចចូលដំណើរការបាន និង​មាន​ទំនួល​ខុសត្រូវសម្រាប់ប្រជាជនកម្ពុជាទាំងអស់ បានឆ្លើយតប ទៅនឹងតម្រូវ​ការ​វិវត្ត​នៃ​សេដ្ឋកិច្ច ​និងសង្គម។ ការធ្វើបច្ចុប្បន្នភាព NFIS នឹងបន្តលើ​វឌ្ឍនភាព​ដែល​សម្រេច​បាន​ក្រោម​យុទ្ធ​សាស្ត្រ​មុន និងពង្រឹងបន្ថែមទៀត នូវកិច្ចខិតខំប្រឹងប្រែងរួមគ្នារបស់យើង ដើម្បីធានាថា បុគ្គល​ គ្រួសារ និងអាជីវកម្មអាចទទួលបាន និងប្រើប្រាស់ សេវាកម្ម​ហិរញ្ញ​វត្ថុ​សម​ស្រប​ប្រកប​ដោយ​ប្រសិទ្ធភាព ដែលគាំទ្រដល់កំណើនប្រកបដោយចីរភាព។លោកស្រី Yasmin Siddiqi នាយកប្រចាំប្រទេសធនាគារអភិវឌ្ឍន៍អាស៊ី (ADB) លើក​ឡើង​ផង​ដែរ​ថា ​បច្ចុប្បន្ននេះពិភព លោកមិនទាន់មានភាពប្រាកដប្រជានៅឡើយដូចជា នៅមជ្ឈឹមបូព៌ា ពាណិជ្ជ​កម្ម​សកល ការឡើងអតិផរណា និងអំណាចទិញជាដើម បានកំពុងរងផលប៉ះពាល់ ក្នុង​នោះ​ស​ម្រាប់ប្រទេសកម្ពុជា ជុំវិញការអភិវឌ្ឍក្នុងពេលបច្ចុប្បន្ន នឹងអាចមានផលជះដល់គ្រួសារ ក៏ដូចជាបុគ្គល អាចនឹងងាយរងគ្រោះបំផុតនៃការឡើងថ្លៃនេះ។ ប៉ុន្តែប្រទេស​កម្ពុជា​បាន​បង្ហាញ​ទៅ​ដល់​ប្រទេសផ្សេងៗក្នុងតំបន់ អំពីការធ្វើ បច្ចុប្បន្នភាពបរិយាបន្នហិរញ្ញវត្ថុ ដែលបាន​កំពុង​ដើរ​ទៅ​មុខ​ជានិច្ច។ ដូច្នេះការពង្រឹកលើវិស័យនេះគឺជាចំណុចសំខាន់មួយ តែវាមិនអាច ឆ្លើយតបបាន​គ្រប់​គ្រាន់​ទេ គឺទាមទារឱ្យរាជរដ្ឋាភិបាលគិតគូលើវិស័យផ្សេងៗទៀត ដើម្បីទប់នឹងវិបត្តិទាំងនេះ។សូមបញ្ជាក់ថា នៅឆ្នាំ២០១៩ ធនាគារជាតិនៃកម្ពុជាបានដាក់ឱ្យដំណើរការ​យុទ្ធសាស្ត្រ​ជាតិ​ស្តីពី​ការ​រួម​បញ្ចូលហិរញ្ញវត្ថុ (NFIS) ឆ្នាំ ២០១៩-២០២៥ លើកដំបូង ដែលមានគោល​បំណង​ក្នុង​ចំណោម​គោល​បំណងផ្សេងទៀត ដើម្បីបង្កើនការប្រើប្រាស់សេវាកម្មហិរញ្ញវត្ថុ ផ្លូវការពី ៥៩% ដល់ ៧០% និងកាត់បន្ថយគម្លាត នៃការដកចេញពីហិរញ្ញវត្ថុសម្រាប់ស្ត្រីពី ២៧% ដល់ ១៣%។ កិច្ច​ខិតខំប្រឹងប្រែង ទាំងនេះ រួមចំណែកដល់ធ្វើឱ្យប្រសើរឡើងនូវសុខុមាលភាពគ្រួសារ និង​គាំទ្រ​ដល់​កំណើនសេដ្ឋកិច្ចប្រកបដោយចីរភាព៕ អត្ថបទ៖ សុន រ៉ាឌី

ការដោះដូរពាណិជ្ជកម្មជាមួយ RCEP មានទឹកប្រាក់សរុបជាង ១១ពាន់លានដុល្លារ កើនជាង ១៨%

2026/04/22 12:40:45 pm        197
Facebook Telegram Linkin
នៅក្នុងត្រីមាសទី១ ឆ្នាំ២០២៦ ការដោះដូរពាណិជ្ជកម្មរបស់កម្ពុជា ជាមួយទីផ្សារ RCEP របស់​កម្ពុជា មានទំហំទឹកប្រាក់សរុបជាង ១១ ពាន់ លានដុល្លារអាមេរិក កើនជាង ១៨% បើធៀប​រយៈ​ពេល​ដូចគ្នាកាលពីឆ្នាំមុន ក្នុងនោះទីផ្សារអាស៊ានមានទំហំជាង ៤.៨០០ លានដុល្លារ, អឺរ៉ុបជាង ១.៣០០ លានដុល្លារអាមេរិក និងបណ្តាប្រទេសសមាជិកផ្សេងៗទៀតមានកើនឡើងផងដែរ។ក្រសួងពាណិជ្ជកម្ម បានបង្ហាញរបាយការណ៍ នៃការធ្វើពាណិជ្ជកម្មរបស់កម្ពុជា ជាមួយដៃគូយុទ្ធសាស្ត្រសេដ្ឋកិច្ចគ្រប់ជ្រុង ជ្រោយក្នុងតំបន់ (RCEP) នៅក្នុងរយៈពេល៣ខែ ឆ្នាំ២០២៦ នេះ មានទំហំទឹកប្រាក់សរុបជាង ១១ ពាន់លានដុល្លារ កើនជាង ១៨% ក្នុងនោះកម្ពុជា បាននាំចេញ មានទឹកប្រាក់ជាង ២.៨០០ លានដុល្លារ កើនជាង ៤% និងការនាំចូល មានទឹកប្រាក់ជាង ៨.៤០០ លានដុល្លារ កើន ២៤% បើធៀបរយៈពេលដូចគ្នាកាលពីឆ្នាំ២០២៥។ចំណែកជាមួយទីផ្សារអាស៊ានដែលជាសមាជិក RCEP (ចំនួន១០ប្រទេស), ការដោះដូរពាណិជ្ជកម្មនៅក្នុងរយៈពេល៣ខែ ឆ្នាំ២០២៦នេះដែរ មានទំហំទឹកប្រាក់ជាង ៤.៨០០ លានដុល្លារ កើនឡើងជាង ១០% ក្នុងនោះកម្ពុជា បាននាំចេញមានទឹកប្រាក់ជាង ១.៦០០ លានដុល្លារ ថយចុះ ៧% ខណៈការនាំចូលពីទីផ្សារអាស៊ាន មានទឹកប្រាក់ជាង ៣.២០០ លានដុល្លារ កើនជិត ២២% បើធៀបរយៈពេលដូចគ្នាកាលពីឆ្នាំ២០២៥។ ដោយឡែកការធ្វើពាណិជ្ជកម្មជាមួយប្រទេសដែលជាសមាជិក RCEP ចំនួន ៥ផ្សេងទៀតរួមមាន៖ ប្រទេសចិន មានទឹកប្រាក់ជាង ៥.១០០ លានដុល្លារ កើនឡើងជាង ២៦%, ជប៉ុន ជាង ៧៥៣ លានដុល្លារ កើនជាង ១៤%, កូរ៉េខាងត្បូង ជាង ២៦២ លានដុល្លារ កើន ២២%, អូស្រា្តលី ចំនួន ១១៧ លានដុល្លារ កើនជាង ៤២% និងនូវែលសេឡង់ មានទឹកប្រាក់ជាង ១៣ លានដុល្លារ កើនឡើងជិត ៥% បើធៀបរយៈពេលដូចគ្នានិងឆ្នាំ២០២៥។ សូមបញ្ជាក់ថា ក្រៅពីការធ្វើពាណិជ្ជកម្មជាមួយ RCEP កម្ពុជានៅមានការធ្វើពាណិជ្ជកម្មទ្វេភាគី ជាមួយប្រទេសផ្សេងៗជាច្រើនទៀត ដូចជា៖ ពាណិជ្ជកម្មទ្វេភាគីកម្ពុជា-អាមេរិក មានទឹកប្រាក់សរុបជិត ៣.៥០០ លានដុល្លារ កើនជិត ៤០%, កម្ពុជា-អង់គ្លេស ជាង ២៣០ លានដុល្លារ ថយចុះជាង ១%, កម្ពុជា-កាណាដា ជិត ៣០០ លានដុល្លារ កើនជិត ១%, កម្ពុជា-ឥណ្ឌា ជិត ១២០ លាន ដុល្លារ កើនជាង ៣១%, កម្ពុជា-អារ៉ាបអីម៉ារ៉ាត់ ២០ លានដុល្លារ ថយចុះ ១៥%, សហភាពអឺរ៉ុប (៥ប្រទេស) មានទឹកប្រាក់ជាង ១.៣០០ លានដុល្លារ កើនជាង ៨% និងជាមួយបណ្តាប្រទេសផ្សេងៗទៀត មានទឹកប្រាក់ជិត ៨០០ លានដុល្លារ កើន ១៣% បើធៀបរយៈពេលដូចគ្នាឆ្នាំ២០២៥៕ អត្ថបទ៖ សុន រ៉ាឌី

គណៈកម្មាធិការវិនិយោគ ពិនិត្យសំណើសុំចុះបញ្ជីចំនួនគម្រោងវិនិយោគចំនួន ៨ មានទុន ៤៩០លានដុល្លារ

2026/04/21 03:28:11 pm        278
Facebook Telegram Linkin
គណៈកម្មាធិការវិនិយោគកម្ពុជា ពិនិត្យ និងពិភាក្សា លើសំណើ​សុំចុះ​បញ្ជី​គម្រោង​វិនិយោគ​មាន​លក្ខណៈ​សម្បត្តិ​គ្រប់គ្រាន់ចំនួន ៧ គម្រោង និងគម្រោងពង្រីកបន្ថែមមុខសញ្ញាផលិតកម្មចំនួន ១ គម្រោង មានទុនវិនិយោគសរុបប្រមាណ ៤៩០ លានដុល្លារអាម៉េរិក។ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៅថ្ងៃទី២១ ខែមេសា ឆ្នាំ​២០២៦​នេះ បានដឹកនាំកិច្ចប្រជុំ ច្រកចេញចូលតែមួយលើកទី៤ ដោយមានការអញ្ជើញ​ចូល​រួម​ពី​តំណាង​ក្រសួង-ស្ថាប័ន និងរដ្ឋបាលរាជធានី-ខេត្តពាក់ព័ន្ធ ដើម្បី ពិនិត្យ ពិភាក្សា លើសំណើ​សុំ​ចុះ​បញ្ជី​គម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ៧ គម្រោង និងគម្រោង​ពង្រីក​បន្ថែម​មុខ​សញ្ញាផលិតកម្មចំនួន ១ គម្រោង មានទុនវិនិយោគសរុបប្រមាណ ៤៩០ លាន​ដុល្លារ​អាម៉េរិក ដែលអាចបង្កើតការងារបានប្រមាណ ២ ពាន់កន្លែង។គម្រោងវិនិយោគទាំងនេះរួមមាន៖ រោងក្រផលិត ផ្គុំ និងដំឡើងសម្ភារៈអគ្គិសនីប្រើប្រាស់ក្នុងផ្ទះ, ផលិ​តពូ​កខ្យល់ សាឡុង ខ្យល់ ពោងហែលទឹក អាងហែលទឹក ទូកខ្យល់ កាបូបក្លាស្សេ សម្ភារៈ​កីឡា និងសម្ភារៈក្មេងលេង (ពីប្លាស្ទិក), រោងចក្រផលិតអំបោះ និងជ្រលក់ពណ៌ និង​ពង្រីក​បន្ថែម​មុខ​សញ្ញាផលិតកម្ម “បោកគក់សម្លៀកបំពាក់” លើមុខសញ្ញាចាស់ (កាត់ដេរសម្លៀកបំពាក់ និង ប៉ាក់) នៅលើទីតាំងដដែល។ចំណែក​ការវិនិយោគលើវិស័យកសិកម្ម និងកសិ-ឧស្សាហកម្ម មានចំនួន២គម្រោងរួមមាន បង្កើត​រោង​ចក្រ​កែច្នៃដំឡូងមី, និង បង្កើតកសិដ្ឋានចិញ្ចឹម និងបង្កាត់ពូជសត្វចតុប្បាទ។ វិស័យ​ហេដ្ឋា​រចនា​សម្ព័ន្ធ មាន២គម្រោង គឺការអភិវឌ្ឍន៍ស្ថានីយផលិតអគ្គិសនី ដើរដោយថាមពលខ្យល់ មាន​អានុ​ភាព ​១៥០ មេហ្គាវ៉ាត់ និងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ មាន អានុភាព ៣៥០ មេហ្គាវ៉ាត់។ គម្រោងវិនិយោគទាំង៨ខាងលើនេះ គ្រោង​វិនិយោគ​នៅ​តំបន់​ផ្សេង​ៗ​គ្នា​រួមមាន នៅរាជធានីភ្នំពេញ ខេត្តតាកែវ កំពង់ស្ពឺ ពោធិ៍សាត់ កំពង់ចាម កំពង់ធំ និង​ខេត្ត​មណ្ឌលគីរី៕ អត្ថបទ៖ សុន រ៉ាឌី

ក្នុងត្រីមាសទី១ ឆ្នាំ២០២៦ កម្ពុជានាំចេញមុខទំនិញ​ស្ទើរ​គ្រប់​ប្រភេទ​មាន​កំណើន​កើន​ឡើង​ល្អ​ប្រសើរ

2026/04/21 03:07:38 pm        249
Facebook Telegram Linkin
នៅក្នុងត្រីមាសទី១ ឆ្នាំ២០២៦ ការនាំចេញ​មុខ​ទំនិញ​របស់​កម្ពុជា​ស្ទើរ​គ្រប់​ប្រភេទ​បាន​កើ​ន​ឡើង​ល្អ​ប្រសើរ ក្នុងនោះមានប្រភេទទំនិញមួយចំនួនបានកើនឡើងខ្ពស់លើសពី ៥០ភាគរយ ខណៈ​កំណើន​នេះ ​កំពុងគាំទ្រដល់កំណើននៃការនាំចេញ និងការជួយជ្រោម​ជ្រែង​ដល់​កំណើននៃ​សេដ្ឋកិច្ច​ជាតិ​។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញ​ស្ថិតិ​ពាណិជ្ជ​កម្ម ​នៃការធ្វើពាណិជ្ជកម្មទៅកាន់ ទីផ្សារអន្តរជាតិរបស់កម្ពុជា នៅក្នុងត្រីមាសទី១ ឆ្នាំ២០២៦, មាន​ទំហំទឹកប្រាក់ប្រមាណជាង ៨ ពាន់លានដុល្លារ កើនឡើងជិត ១៨ ភាគរយ បើប្រៀប​ធៀប​រយៈ​ពេល​ដូចគ្នានិងឆ្នាំ២០២៥ ក្នុងនោះមានប្រភេទទំនិញជាច្រើន បានចូលរួម​ចំណែក​ដល់​កំណើន​នៃ​ការនាំចេញទំនិញ របស់កម្ពុជា និងគំាទ្រដល់កំណើននៃសេដ្ឋកិច្ចជាតិ ចំពោះ​ប្រភេទ​ទំនិញ​ដែលបានបន្តកើនឡើងរួមមាន៖ ការនាំចេញសម្លៀកបំពាក់ និងគ្រឿង​បន្ទា​ប់​បន្សំ​ធ្វើ​ពី​ក្រណាត់ និងមិនធ្វើពី ក្រណាត់ មានទឹកប្រាក់ជាង ២,៥ ពាន់លានដុល្លារ កើនឡើងជាង ៣ ភាគរយ, កៅស៊ូ និងផលិតផលធ្វើពីកៅស៊ូជាង ៦៤៨ លានដុល្លារ កើនជាង ៤២ ភាគរយ, វត្ថុធ្វើពីស្បែក និងបរិក្ខាធ្វើពីរោមសត្វ ៥១៦ លានដុល្លារ កើនជិត ១២ ភាគរយ, ស្បែកជើង ស្រោមជើងជាង ៣៧៨ លានដុល្លារ កើនជិត ១២ ភាគរយ, ម៉ាស៊ីន និងឧបករណ៍អគ្គិសនីជាង ៣៧៨ កើន ២៤ ភាគរយ, យានក្រៅពីអយស្ម័យយាន ២៤៧ លានដុល្លារ កើនជាង ៤៧ ភាគរយ បើប្រៀបធៀបរយៈពេលដូចគ្នានិងឆ្នាំ២០២៥, ក្រៅពីនេះនៅមានប្រភេទទំនិញផ្សេងៗជាច្រើនទៀត បាន បន្តកើនឡើងគួកត់សម្គាល់ផងដែរ។ដោយឡែកប្រភេទំនិញដែលកើនខ្ពស់លើសពី ៥០ ភាគរយ នៅក្នុងត្រីមាសទី១នេះរួមមាន៖ គ្រឿងសង្ហារឹម មានទឹកប្រាក់ជិត ៤១០ លានដុល្លារ កើនជាង ៦៤ ភាគរយ, អាលុយមីញ៉ូម និងវត្ថុធ្វើអំពីអាលុយមីញ៉ូម ជាង ១៣២ លានដុល្លារ កើនជិត ៥០០ ភាគរយ, ប្រដាប់ ប្រដាក្មេងលេង និងវត្ថុសម្រាប់កីឡា មានទឹកប្រាក់ជាង ១២៦ លានដុល្លារ កើនជិត ១៦៤ ភាគរយ, អំបិល ស្ពាន់ ដី ថ្ម និងស៊ីម៉ង់ត៍ ជិត ១០៨ លានដុល្លារ កើន ៥៣ ភាគរយ, វាយនភណ្ឌកែច្នៃ ឈុត និងសម្លៀកបំពាក់ ជាង ១១១ លានដុល្លារ កើន ៦១ ភាគរយ និងស្ពាន់ និងវត្ថុធ្វើ ពីស្ពាន់ មានទឹកប្រាក់ ៦៧ លានដុល្លារ កើនដល់ ១៧០ ភាគរយ បើធៀបរយៈពេលដូចគ្នាឆ្នាំ២០២៥៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ម្ចាស់ផ្ទះ World Cup 2026 ធ្លាក់អស់ហើយ! ក្រោយអាមេរិកចាញ់ប៊ែលហ្ស៊ិកធ្លាក់ត្រឹមវគ្គ ១៦ ក្រុមចុងក្រោយ
07/07/2026 10:07 AM
Facebook Telegram Linkin
យានដ្រូនអ៊ុយក្រែន វាយប្រហាររោងចក្រចម្រាញ់ប្រេងធំជាងគេរបស់រុស្ស៊ី ជាការវាយប្រហារដ៏ជ្រៅបំផុតមួយទៀត
07/07/2026 09:07 AM
Facebook Telegram Linkin
សម្ដេចធិបតី៖ រដ្ឋាភិបាលបានដាក់ចេញវិធានការបន្ទាន់ ដើម្បីការពារ និងលើកតម្លៃប្រាសាទព្រះវិហារ ខណៈសង្គ្រាមឈ្លានពានរបស់ថៃកាលពីឆ្នាំ២០២៥ បង្កការខូចខាតយ៉ាងធ្ងន់ធ្ងរដល់ប្រាសាទចំនួន ៥៦២កន្លែង
07/07/2026 09:07 AM
Facebook Telegram Linkin
Ronaldo មិនទាន់សម្រេចចិត្តចូលនិវត្តន៍ពីជម្រើសជាតិក្រោយព័រទុយហ្គាល់ធ្លាក់ចេញពី World Cup
07/07/2026 09:07 AM
Facebook Telegram Linkin
Merino ស៊ុតគ្រាប់ជ័យចុងម៉ោងឱ្យអេស្ប៉ាញទម្លាក់ព័រទុយហ្គាល់ ឡើងវគ្គ៨ក្រុម​ចុង​ក្រោយបាល់ទាត់ពិភពលោក
07/07/2026 09:07 AM
Facebook Telegram Linkin
សម្តេចតេជោ ហ៊ុន សែន៖ កម្ពុជាកំពុងដើរចំចំណុចខ្លាំង ដែលនាំឲ្យកម្ពុជាអភិវឌ្ឍក្រោយឆ្នាំ២០៣០ ផ្អែកលើ កសិ-ឧស្សាហកម្មនិងធនធានរ៉ែ
07/07/2026 09:07 AM
Facebook Telegram Linkin
អ៊ុយក្រែនអំពាវនាវឱ្យអង្គការណាតូផ្តល់មីស៊ីល Patriot បន្ថែមទៀតបន្ទាប់ពីការវាយប្រហាររបស់រុស្ស៊ីលើទីក្រុងគីវ
07/07/2026 09:07 AM
Facebook Telegram Linkin
ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស​ សម្ពោធ​បើក​ឲ្យ​ប្រើ​ប្រាស់​ជា​ផ្លូវ​ការ​កំណាត់​ផ្លូវ​ជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់​មូល​គល់​ស្ពាន​គីហ្សូណា ក្រុងកំពង់ចាម
07/07/2026 08:07 AM
Facebook Telegram Linkin
លោក Trump និយាយថា នឹងមានកិច្ចព្រមព្រៀងជាមួយអ៊ីរ៉ង់ ឬសហរដ្ឋអាមេរិកនឹងបញ្ចប់ការងារនេះ
07/07/2026 08:07 AM
Facebook Telegram Linkin
សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តមណ្ឌលគិរី
07/07/2026 08:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.