នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ
សម្តេចតេជោ ហ៊ុន​ សែន ណែនាំដល់មន្ត្រីយកចិត្តទុកដាក់គ្រប់គ្រងនិងមើលថែដល់អតីតយុទ្ធជន និងនិវត្តជននៅតាមមូលដ្ឋាន
សម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម
កម្ពុជា និងលីទុយអានី ប្ដេជ្ញាជំរុញកិច្ចសហប្រតិបត្តិការទ្វេភាគីលើវិស័យសក្តានុពលឱ្យកាន់តែស៊ីជម្រៅ

ព័ត៌មានសំខាន់ៗ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

2023/04/08 09:40:50 am        233
Facebook Telegram Linkin
ភ្នំពេញ៖ នៅព្រឹកថ្ងៃទី០៨ ខែមេសា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា​ បាបអញ្ជើញសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន មានប្រសាសន៍ថា​ កន្លងមកសម្តេច​ធ្លាប់បាន​លើក​ឡើង​ពីស្ថានភាព​ខ្វះ​អាចារ្យ សម្រាប់សកម្មភាពពិធីនានា បម្រើឱ្យប្រពៃណី វប្បធម៌ខ្មែរ តាមទម្រង់មួយជាក់លាក់ តែ​ពេលនេះស្ថានភាពកង្វះអាចារ្យមានល្អប្រសើរ។- សម្តេចតេជោ ហ៊ុន សែន បញ្ជាក់ថា សាសនាបានស្លាប់ រួម​ទាំង​ការ​ស្លាប់​របស់​ប្រជាពលរដ្ឋ​ផងដែរ ក្នុងសម័យប៉ុលពត ក្នុងនោះទីអារាមសាសនា ក៏ត្រូវបានកម្ទេចចោលគ្មានសល់ តែ​ស្ថានភាព​នេះ បាន​រួចរស់ឡើងវិញដោយស្មារតី នៃថ្ងៃជ័យជំនះ ៧មករា។- សម្តេចតេជោ ហ៊ុន សែន បញ្ជាក់ថា វាជារឿងពិតមួយមិនអាចប្រកែកបាន នៅពេល​អាណាចក្រ​ជួប​ប្រទះ​គ្រោះ​មហន្តរាយ ផ្នែកពុទ្ធចក្រក៏រងគ្រោះផងដែរ ដូចជា​ករណី​រដ្ឋ​ប្រហារ​ឆ្នាំ​១៩៧០-១៩៧៥ និងពីឆ្នាំ១៩៧៥ នៃរបបកម្ពុជាប្រជាធិបតេយ្យប៉ុលពត។- សម្តេចតេជោ ហ៊ុន សែន បញ្ជាក់ថា ពេលដែលប្រជាពលរដ្ឋមានជីវភាពធូរធា ប្រជា​កសិករ​បង្ក​បង្កើន​ផលបានល្អប្រសើរ ទីវត្តអារាមក៏រីកចម្រើន ហើយចង្ហាន់បិណ្ឌបាត្ររបស់ព្រះសង្ឃ ក៏​សំបូរ​ពោរពាសដែរ ដែលចំណុចនេះហើយ គឺជាអ្វី​ដែល​យើង​តែង​លើក​ឡើង​ថា​«ពុទ្ធសាសនា​ផ្សារ​ភ្ជាប់​នឹង​សង្គម ឬសាសនា និងរដ្ឋ»។- សម្តេចតេជោ ហ៊ុន សែន បញ្ជាក់ថា គ្រប់សាសនាទាំងអស់ សុទ្ធតែ​បង្រៀន​ឱ្យ​ប្រជាពលរដ្ឋ​ប្រព្រឹត្តិ​អំពើ​ល្អ។ សាសនា​ គឺផ្នែកមួយដ៏សំខាន់ មិនអាចខ្វះបាននៅក្នុងសង្គម។- សម្តេចតេជោ ហ៊ុន សែន បញ្ជាក់ថា អាចារ្យ អាចារិនី មានសារៈសំខាន់ណាស់ ក្នុងវិស័យ​ព្រះ​ពុទ្ធសាសនា។ អាចារ្យ អាចារិនី គឺជាចាស់ទុំ សម្រាប់រៀបចំក្នុងពិធីជាប្រពៃណីរបស់ខ្មែរ តាមទម្រង់មួយដែលបានកំណត់ និងបន្តទៅជំនាន់ក្រោយៗទៀត។- សម្តេចតេជោ ហ៊ុន សែន បានផ្តាំផ្ញើដល់ អាចារ្យ អាចារិនី ក្នុងពិធីមង្គលការ ត្រូវសម្របសម្រួលជាមួយម្ចាស់ដើមការ ជៀសវាងការខ្វែងគំនិតគ្នាក្នុងពិធីមង្គលការ។ ក្នុងករណីម្ចាស់ដើមការ តម្រូវឱ្យអាចារ្យធ្វើតាមប្រពៃណីភូមិឋានគាត់ ត្រូវតែសម្របសម្រួលតាមនោះ។- សម្តេចតេជោ ហ៊ុន សែន បញ្ជាក់ថា ក្នុងជីវិតនយោបាយរបស់សម្តេចតែងតែជោគជ័យជារៀងរហូតមក តែសម្តេចមិនទាន់ប្រកាសថា «ខ្លួនជាគ្រូជោគជ័យទេ» ហើយក៏មិនទាន់អាចទៅបង្រៀនអ្នកដទៃពីភាពជោគជ័យនោះដែរ។- សម្តេចតេជោ ហ៊ុន សែន ប្រកាសលើកទឹកឱ្យបន្តមានការបង្ហាត់បង្រៀន បណ្តុះផ្នត់គំនិតវិជ្ជមាន និងជោគជ័យ ដល់ស្រទាប់មហាជនខ្មែរ តែក៏ត្រូវជៀសវាងនូវពាក្យពេចន៍ខ្លះៗដែលមានភាពរសើប និងបង្កបញ្ហាដល់សង្គម។- សម្តេចតេជោ ហ៊ុន សែន ប្រកាសទៅបុគ្គលពាល ជ្រកក្រោមព្រះពុទ្ធសាសនា ហៅ«អាខ្មៅ» រកឱ្យឃើញជុំរិញការចោទប្រកាន់ទៅលោក ជេម សុក ហៅសុខសុគន្ធ ថាបានទទួលលុយចំនួន ១០ម៉ឺនដុល្លារអាមេរិកពីសម្តេចតេជោ ហ៊ុន សែន ។ ...[]បើសុំទោស រួចខ្លួន បើមិនសុំទោសទេ សម្តេចនៅហៅ«អាខ្មៅ»ជារៀងរហូត។- សម្តេចតេជោ ហ៊ុន សែន ប្រកាសឱ្យមានការប្រុងប្រយ័ត្នជាប់ជានិច្ចចំពោះឧបាយកលទុច្ចរិតរបស់បុគ្គលប្រឆាំងមួយចំនួនតូច ដែលចញ្ចឹមចិត្ត និងមានបំណងបង្កមហន្តរាយដល់សង្គម និងបំផ្លាញសុខសន្តិភាព។- សម្តេចតេជោ ហ៊ុន សែន ប្រកាសថា នាពេលបច្ចុប្បន្ននេះ ទោះកម្ពុជាជួបនឹងវិបត្តិសេដ្ឋកិច្ច ប្រជាពលរដ្ឋជួបការលំបាកបន្តិចមែន តែគ្មានប្រជាពលរដ្ឋណាម្នាក់ស្លាប់ដោយអត់បាយ និងគ្មានការគិតគូរពីរដ្ឋអំណាចគ្រប់ជាន់ថ្នាក់នោះទេ។- សម្តេចតេជោ ហ៊ុន សែន ថ្លែងអំណរគុណដល់ប្រជាពលរដ្ឋដែលនៅតែទុកចិត្ត និងជឿជាក់លើការដឹកនាំរបស់គណបក្សប្រជាជនកម្ពុជា។- សម្តេចតេជោ ហ៊ុន សែន សង្ឃឹមជឿជាក់ថា ប្រជាពលរដ្ឋ នៅតែជឿជាក់ និងបោះឆ្នោតជូនគណបក្សប្រជាជនកម្ពុជាគ្រប់ការបោះឆ្នោតទាំងអស់។- សម្តេចតេជោ ហ៊ុន សែន ប្រកាសឱ្យរួមគ្នាការពារសន្តិភាព សន្តិសុខ សណ្តាប់ធ្នាប់ និងរបៀបរៀបរយសង្គម ដើម្បីកម្ពុជាឆ្ពោះទៅកាន់វឌ្ឍនភាពលើគ្រប់វិស័យបន្ថែមទៀត។- សម្តេចតេជោ ហ៊ុន សែន ប្រកាសថា នៅសល់តែរយៈពេលជាង ២០ថ្ងៃទៀតប៉ុណ្ណោះ កម្ពុជា នឹងឈានទៅដល់ភាពជាម្ចាស់ផ្ទះរៀបចំកីឡាស៊ីហ្គេម និងអាស៊ានប៉ារ៉ាហ្គេម ក្រោមមូលបទ«កីឡាក្រោមម្លប់ នៃសុខសន្តិភាព»...[] បើគ្មានសន្តិភាពទៀត យើងមិនអាចរៀបចំព្រឹត្តិការណ៍កីឡាធំៗទាំងនេះបានឡើយ។- សម្តេចតេជោ ហ៊ុន សែន បញ្ជាក់ថា សន្តិភាពអាចរក្សាបាន តាមតែរយៈតួនាទីរបស់គណបក្សប្រជាជនកម្ពុជាតែប៉ុណ្ណោះ។-សម្តេចតេជោបញ្ជាក់ថា «គណបក្សផ្សេងៗ គ្មានបក្សណាអាចរក្សា ការពារសុខសន្តិភាពបានឡើយ...[]បក្សខ្លះនៅផ្ទះស្លឹកសោះ តែសន្យាធ្វើផ្ទះឱ្យគេ..»។- សម្តេចតេជោ ហ៊ុន សែន ជំរុញឲ្យគ្រប់ផ្នែកពាក់ព័ន្ធរួមគ្នាផ្សព្វផ្សាយ បញ្ជ្រាប ខ្លឹមសារ អប់រំ គោលនយោបាយភូមិ-ឃុំ-សង្កាត់មានសុវត្ថិភាពរួមមាន៖ គ្រឿងញៀន ល្បែងស៊ីសង ... និងសុវត្ថិភាពចរាចរណ៍ឱ្យបានទូលំទូលាយ ដើម្បីកាត់បន្ថយអត្រាស្លាប់ និងរបួសឱ្យស្ថិតនៅក្នុងកម្រិតតិចតួចបំផុត។- សម្តេចតេជោ ហ៊ុន សែន បញ្ជាក់បន្ថែមដល់ធនាគារ និងមីក្រូហិរញ្ញវត្ថុ ឱ្យមានការយោគយល់ខ្ពស់ដល់ប្រជាពល ដែលមិនមានលទ្ធភាពពិតប្រាកដ ដើម្បីសងបំណុលត្រលប់ទៅវិញ ក្នុងកាលៈទេសៈលំបាកក្រោយវិបត្តិ នៃជំងឺកូវីដ-១៩ និងវិបត្តិសេដ្ឋកិច្ចនាពេលបច្ចុប្បន្ន។- សម្តេចតេជោ ហ៊ុន សែន អំពាវនាវដល់ធនាគារ និងគ្រឹះស្ថានមីក្រូហិរញ្ញវត្ថុទាំងអស់ ឱ្យអនុវត្តចំណាត់ការតាមផ្លូវច្បាប់ដោយគ្មានការលើកលែង ចំពោះបក្សនយោបាយ ឬបុគ្គលណាក៏ដោយ ដែលញុះញង់ និងឃោសនាប្រជាពលរដ្ឋ មិនឱ្យសងត្រឡប់ ឬចេញមកនិយាយបំផុសចលនាមិនឱ្យសងបំណុល។- សម្តេចតេជោ ហ៊ុន សែន បានជំរុញឱ្យ«គ្រូជោគជ័យ»ប្រឹងប្រែងរៀនសូត្រពីរបៀបនិយាយឡើងវិញ និងសិក្សាអក្សរសាស្ត្រខ្មែរឱ្យបានច្បាស់លាស់ មុននឹងនិយាយ ឬធ្វើបទបង្ហាញផ្សេងៗ។- សម្តេចតេជោបានផ្តល់ទស្សនៈថា «ចង់និយាយឱ្យគេស្តាប់ ត្រូវមើលឱ្យច្បាស់ថានរណាកំពុងនៅពីមុខ ឬកំពុងស្តាប់យើង»។- សម្តេចតេជោ ហ៊ុន សែន បានបញ្ជាក់ថា នៅលើលោកនេះគ្មាននរនាចេះអស់នោះទេ ឬដឹងសព្វគ្រប់ទេ ដោយសម្តេចចាត់ទុកមនុស្សទាំងអស់ជាគ្រូរបស់សម្តេច ឱ្យតែពួកគេចេះជាង ឬមានគំនិតថ្មីជាងសម្តេច ដែលអាចឱ្យសម្តេចរៀនសូត្របាន។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៧នាទី

សម្តេចតេជោ ហ៊ុន សែន អញ្ជើញពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

2023/04/08 07:49:43 am        240
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី០៨ ខែមេសា ឆ្នាំ២០២៣នេះ បានអញ្ជើញសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រ។ព័ត៌មានលម្អិតBTV នឹងផ្សាយជាបន្តបន្ទាប់..!

កម្ពុជា ត្រូវបានអង្គការសហប្រជាជាតិបញ្ចូលជាសមាជិក UNAIDS

2023/04/07 08:27:48 pm        38
Facebook Telegram Linkin
ភ្នំពេញ÷ កម្ពុជាមានមោទនភាព ដោយត្រូវបានក្រុមប្រឹក្សាសេដ្ឋកិច្ចនិងសង្គម អង្គការសហប្រជាជាតិ បោះឆ្នោ តទទួលស្គាល់ និងបញ្ចូលប្រទេសកម្ពុជាជាសមាជិកនៃក្រុមប្រឹក្សាសម្របសម្រួលកម្មវិធីរបស់អង្គការ UNAIDS កាលពីថ្ងៃទី៥ ខែមេសា ឆ្នាំ២០២៣ កន្លងទៅនេះ នៅទីក្រុងញូវយ៉ក។ នេះបើតាមសេចក្ដីប្រ កាសព័ត៌មានរបស់សម័យប្រជុំពេញអង្គគណៈរដ្ឋមន្ត្រី ចេញនៅល្ងាចថ្ងៃទី៧ ខែមេសា ឆ្នាំ២០២៣។ក្រៅពីបង្ហាញនូវមោទកភាពនេះ កិច្ចប្រជុំពេញអង្គគណៈរដ្ឋមន្ត្រី ក៏បានឱ្យដឹងដែរថា រាជរដ្ឋាភិបាលដែ លដឹកនាំដោយគណបក្សប្រជាជនកម្ពុជា បន្តស្វាគមន៍ដល់សកម្មជន សមាជិក នៃបណ្ដាគណបក្សន យោបាយនានា មកចូលរួមជីវភាពនយោបាយជាមួយគណបក្សប្រជាជនកម្ពុជា ក្នុងស្មារតីសាមគ្គីជាតិ ដើម្បីថែរក្សាការពារសន្តិភាព និងអភិវឌ្ឍព្រះរាជាណាចក្រកម្ពុជា។ក្នុងពេលដឹកនាំកិច្ចប្រជុំពេញអង្គគណៈរដ្ឋមន្ត្រីនៅថ្ងៃនេះដែរ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានជូនពរដល់ជនរួមជាតិខ្មែរគ្រប់រូបទាំងក្នុង និងក្រៅប្រទេស មន្ត្រីរាជការ នាយទាហាន ពលទាហាន នាយនគរបាល ពលនគរបាល ក្មួយៗសិស្សានុសិស្ស និស្សិត យុវជន កម្មករ និយោជិត ធុរជន និងវិនិយោគិនដែលបាននិងកំពុងប្រកបធុរកិច្ចនៅលើទឹកដីកម្ពុជា ក្នុងឱកាសបុ ណ្យចូលឆ្នាំថ្មីប្រពៃណីខ្មែរ ឆ្នាំថោះ បញ្ចស័ក ព.ស.២៥៦៧ ដែលនឹងឈានចូលនាពេលខាងមុខ សូមទទួលបាននូវជោគជ័យ សិរីសួស្ដី ជ័យមង្គល និងវិបុលសុខ ជារៀងដរាបតទៅ៕ដោយ៖ គង់ ឌិន

រដ្ឋាភិបាលឱ្យជំនាញពាក់ព័ន្ធសហការសិក្សាគម្រោងតភ្ជាប់ហេដ្ឋារចនាសម្ព័ន្ធរវាងកម្ពុជា និងឡាវ

2023/04/07 08:26:00 pm        31
Facebook Telegram Linkin
ភ្នំពេញៈ រាជរដ្ឋាភិបាល ប្រគល់ភារកិច្ចជូនក្រសួងសាធារណការនិងដឹកជញ្ជូន អាជ្ញាធរជាតិទទួលបន្ទុកកិច្ចការព្រំដែន រដ្ឋបាលខេត្តព្រះវិហារ និងរដ្ឋបាលខេត្តរតនគិរី ត្រូវសហការសិក្សាលើគម្រោងកសាងហេដ្ឋារ ចនាសម្ព័ន្ធតភ្ជាប់រវាងកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ នៅតំបន់ទន្លេរពៅ ខេត្តព្រះវិហារ និងនៅតំបន់កន្ទុយនាគ ខេត្តរតនគិរី។ នេះបើតាមសេចក្ដីប្រកាសព័ត៌មានរបស់សម័យប្រជុំពេញអង្គគណៈរដ្ឋមន្ត្រី ចេញនៅល្ងាចថ្ងៃទី៧ ខែមេសា ឆ្នាំ២០២៣។ក្នុងកិច្ចប្រជុំនេះដែរ រាជរដ្ឋាភិបាលក៏អំពាវនាវដល់ប្រជាជនចូលរួមទប់ស្កាត់ និងកាត់បន្ថយអត្រាស្លាប់និងរបួសដោយសារគ្រោះថ្នាក់ចរាចរណ៍ទូទាំងប្រទេសឱ្យមកនៅកម្រិតទាបបំផុត។ ក្រសួង ស្ថាប័ន សមត្ថកិច្ចពាក់ព័ន្ធ ត្រូវជំរុញការផ្សព្វផ្សាយនិងបញ្ជ្រាបខ្លឹមសារអប់រំពាក់ព័ន្ធនឹងសុវត្ថិភាពចរាចរណ៍ឱ្យបានទូលំទូលាយ និងតាមវេទិកាសាធារណៈនានា ពិសេសការអនុវត្តសុវត្ថិភាពចរាចរណ៍នៅក្នុងគោ លនយោបាយភូមិ-ឃុំ-សង្កាត់មានសុវត្ថិភាព។រាជរដ្ឋាភិបាលក៏បានស្នើដល់រដ្ឋបាលថ្នាក់ក្រោមជាតិ កងកម្លាំងប្រដាប់អាវុធ និងអាជ្ញាធរមានសមត្ថកិច្ចពាក់ព័ន្ធ ត្រូវបន្តការយកចិត្តទុកដាក់ខ្ពស់ និងត្រូវបង្កើនកិច្ចសហប្រតិបត្តិការទប់ស្កាត់និងបង្ក្រាបឱ្យកាន់តែមានប្រសិទ្ធភាពនូវរាល់បទល្មើសពាក់ព័ន្ធនឹងការកាប់ទន្ទ្រានព្រៃឈើ ការគេចវេះពន្ធឆ្លងដែន ការរត់ពន្ធគ្រឿងញៀន និងការជួញដូរ និងរត់ពន្ធមនុស្សជាដើម។ក្រសួង ស្ថាប័នមានសមត្ថកិច្ច និងអាជ្ញាធរពាក់ព័ន្ធ ត្រូវយកចិត្តទុកដាក់លើបញ្ហាកម្ចីធនាគារនិងមីក្រូហិរញ្ញវត្ថុ ដោយត្រូវបញ្ចៀសនូវរាល់ការរឹបអូសទ្រព្យសម្បត្តិ និងការចាប់ចងប្រជាពលរដ្ឋដែលបានជា ប់កម្ចីឥណទានធនាគារនិងគ្រឹះស្ថានមីក្រូហិរញ្ញវត្ថុនានា ហើយមិនមានលទ្ធភាពពិតប្រាកដដើម្បីសងបំណុលវិញ ក្នុងកាលៈទេសៈលំបាកក្រោយវិបត្តិនៃជំងឺកូវីដ-១៩ និងវិបត្តិសេដ្ឋកិច្ចនាពេលបច្ចុប្បន្ន។ ដោយឡែក ធនាគារ និងគ្រឹះស្ថានមីក្រូហិរញ្ញវត្ថុទាំងអស់ត្រូវបានលើកទឹកចិត្តឱ្យអនុវត្តចំណាត់ការតាមផ្លូវច្បាប់ ចំពោះបុគ្គលដែលញុះញង់ និងឃោសនាមិនឱ្យសងត្រឡប់ ឬចេញមកនិយាយបំផុសចលនាមិនឱ្យសងបំណុល។រាជរដ្ឋាភិបាល បានណែនាំដល់ក្រសួង ស្ថាប័ន រដ្ឋបាលថ្នាក់ក្រោមជាតិ បងកម្លាំងមានសមត្ថកិច្ចពាក់ព័ន្ធ ត្រូវរៀបចំនិងត្រៀមខ្លួនរួចជាស្រេច ក្នុងនាមជាម្ចាស់ផ្ទះនៃព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ នេះ ឱ្យប្រព្រឹត្តទៅដោយរលូននិងជោគជ័យ ពិសេស ត្រូវខិតខំធានាការពារសន្តិសុខ សណ្ដាប់ធ្នាប់សាធារណៈជូនគណៈប្រតិភូជាន់ខ្ពស់នៃបណ្ដាប្រទេសជាសមាជិក ប្រតិភូកីឡា គ្រូបង្វឹក កីឡាករ ឱ្យបានល្អប្រសើរ។សេចក្ដីប្រកាសព័ត៌មានដដែលឱ្យដឹងទៀតថា ក្នុងបរិបទថ្មីនៃសណ្តាប់ធ្នាប់តំបន់ និងពិភពលោក, កម្ពុជាបន្តអនុវត្តគោលនយោបាយការបរទេស ដែលរក្សាទំនាក់ទំនងការទូតល្អជាមួយបណ្ដាប្រទេសជិតខាង និងបណ្ដាប្រទេសនានាក្នុងតំបន់និងពិភពលោក ដោយការពារផលប្រយោជន៍ស្នូលរបស់កម្ពុជា អនុលោមតាមរដ្ឋធម្មនុញ្ញ ធានាអធិបតេយ្យភាព បូរណភាពទឹកដី ឯករាជ្យ សន្តិភាព និងការអភិវឌ្ឍសេដ្ឋកិច្ច-សង្គម ៕ ដោយ៖ គង់ ឌិន

សម្តេចតេជោ ហ៊ុន សែន អំពាវនាវឲ្យរួមគ្នាទប់ស្កាត់ និងកាត់បន្ថយអត្រាស្លាប់ និងរបួសដោយគ្រោះថ្នាក់ចរាចរណ៍

2023/04/07 08:22:32 pm        31
Facebook Telegram Linkin
ភ្នំពេញ៖ សម្តេចតេជោ ហ៊ុន សែន អំពាវនាវដល់ប្រជាជនចូលរួម ទប់ស្កាត់ និងកាត់បន្ថយអត្រាស្លាប់និងរបួសដោយសារគ្រោះថ្នាក់ចរាចរណ៍ទូទាំងប្រទេសឱ្យមកនៅកម្រិតទាបបំផុត។ថ្លែងក្នុងសម័យប្រជុំពេញអង្គគណៈរដ្ឋមន្ត្រី នៅព្រឹកថ្ងៃសុក្រទី៧ ខែមេសា ឆ្នាំ២០២៣ នៅវិមានសន្តិភាព សម្តេចតេជោ ហ៊ុន សែន ជំរុញឲ្យក្រសួង ស្ថាប័ន សមត្ថកិច្ច ពាក់ព័ន្ធ ត្រូវជំរុញការផ្សព្វផ្សាយនិងបញ្ជ្រាប ខ្លឹមសារ អប់រំ ពាក់ព័ន្ធសុវត្ថិភាពចរាចរណ៍ឱ្យបានទូលំ ទូលាយ និងតាមវេទិកាសាធារណៈនានា ពិសេសការអនុវត្តសុវត្ថិភាពចរាចរណ៍នៅក្នុងគោលនយោបាយភូមិ-ឃុំ-សង្កាត់មានសុវត្ថិភាព៕

ចៅក្រម​តុលាការ​កំពូល​អាមេរិក​លោក Clarence Thomas ទទួល​សំណូក​ការ​ចំណាយ​ដំណើរ​កម្សាន្ត​ពី​អ្នក​ផ្ដល់​ជំនួយ​គណបក្ស​សាធារណរដ្ឋ

2023/04/07 02:49:11 pm        571
Facebook Telegram Linkin
​អាមេរិក៖ សារ​ព័ត៌មាន​បាន​រាយ​ការណ៍​កាលពី​ថ្ងៃ​ព្រហស្បតិ៍​ថា ចៅក្រម​តុលាការ​កំពូល​ខាង​អភិរក្ស​និយម​សហរដ្ឋ​អាមេរិក​លោក Clarence Thomas បាន​ទទួល​សំណូក​ជាច្រើន​ទសវត្សរ៍ ​នៃ​ការ​ធ្វើ​ដំណើរ​កម្សាន្ត​ចំណាយ​ប្រាក់​យ៉ាង​ច្រើន​ពី​ធុរជន​ទីក្រុង Dallas ម្នាក់ដោយ​ពុំបាន​លាតត្រដាង​ជា​សាធារណៈ​ ទោះបីជា​ច្បាប់​សហព័ន្ធ​តម្រូវ​ឲ្យ​បង្ហាញ​អំណោយ​ទាំងអស់​ក៏ដោយ ដែល​ជំរុញ​ឲ្យ​ព្រឹទ្ធសភា​គ្របគ្រង​ដោយ​គណបក្ស​ប្រជាធិបតេយ្យ ​អំពាវនាវ​ឲ្យ​មានការ​ស៊ើបអង្កេត​។​ ​របាយការណ៍​ចេញ​ដោយសារ​ព័ត៌មាន ProPublica រក​ឃើញ​ថា ​លោក Thomas បាន​ធ្វើ​ដំណើរ​កម្សាន្ត​វិស្សមកាល​ជាច្រើនលើក​ជាមួយ​មហាសេដ្ឋី​អចលនទ្រព្យ និង​ជា​អ្នក​ឧបត្ថម្ភ​មកពី​គណបក្ស​សាធារណរដ្ឋ​គឺ​លោក Harlan Crow រួម​ទាំង​យន្តហោះ​ឯកជន និង​នាវា​ប្រណីត​របស់​លោក​នៅ​ក្នុង​សហរដ្ឋអាមេរិក និង​ជុំវិញ​ពិភពលោក​។ សារព័ត៌មាន​នេះ​បាន​និយាយ​ថា អំណោយ​ដែល​លោក​ទទួល​បានជា​ញឹកញាប់​មិន​ត្រូវ​បាន​គេ​ដឹង​ទេ ​នៅ​ក្នុង​ប្រវត្តិសាស្ត្រ​ទំនើប​ក្នុង​តុលាការ​កំពូល​សហរដ្ឋ​អាមេរិក។​ ​លោក Thomas និង​ប្រធាន​ចៅក្រម​លោក John Roberts ពុំបាន​ឆ្លើយតប​ភ្លាមៗ​ទេ​ចំពោះ​សំណើសុំ​ការ​អត្ថាធិប្បាយ​។ របាយការណ៍​នេះ​បាន​ចោទ​ជា​សំណួរ​ថ្មីៗ ​ជុំវិញ​ទំនាស់​ផលប្រយោជន៍​ដ៏​ធំ​ពាក់ព័ន្ធ​នឹង​ចៅក្រម ​និង​តុលាការ​កំពូល ដែល​បាន​រង​ការរិះគន់​កាន់​តែ​ខ្លាំង​ចំពោះ​កង្វះ​ក្រមសីលធម៌​ផ្លូវការ​របស់​ខ្លួន​។ ​លោក Crow បាន​ប្រាប់​សារព័ត៌មាន ProPublica នៅ​ក្នុង​សេចក្ដីថ្លែងការណ៍​មួយ​ថា ​លោក និង​ភរិយា​របស់​លោក​ជា​មិត្តភ័ក្ដិ​ជាមួយ​លោក Thomas និង​ភរិយា ចាប់​តាំង​ពី​ឆ្នាំ​១៩៩៦ មក​ម្ល៉េះ​មិនដែល​ព្យាយាម​ស្វែងរកការ​ប្រើ​ឥទ្ធិពល​លើ​ចៅក្រម Thomas សម្រាប់​ផ្លូវច្បាប់ ឬ​បញ្ហា​នយោបាយ​ណា​មួយ​ឡើយ​៕​អត្ថបទ៖ សុខមាន

មនុស្ស​រាប់លាន​នាក់​គ្មាន​អគ្គិសនី​ប្រើប្រាស់ ​ខណៈ​ព្យុះ​ទឹកកក​ធ្លា​ក់​នៅ​ភាគ​អាគ្នេយ៍​ប្រទេស​កាណាដា​

2023/04/07 12:36:48 pm        261
Facebook Telegram Linkin
​កាណាដា៖ មួយថ្ងៃ​បន្ទាប់ពី​ភ្លៀង​ត្រជាក់​ដល់​កក និង​ខ្យល់​បក់​ខ្លាំងបាន​បោកបក់​មកលើ​តំបន់​ភាគ​អាគ្នេយ៍​ប្រទេស​កាណាដា មនុស្ស​ជាង ១.២​លាន​នាក់​គ្មាន​អគ្គិសនី​ប្រើប្រាស់​នៅ​ទីក្រុង​អង់​តា​រី​យ៉ូ​ (Ontario) និង​កេ​បិ​ច (Quebec)​។ ទីក្រុង​២ ​នេះ​គឺជា​ទីក្រុង​ដែល​មាន​ប្រជាជន​រស់នៅ​ច្រើន​បំផុត​របស់​កាណាដា​។ យោង​តាម​អ្នក​ផ្គត់ផ្គង់​អគ្គិសនី​របស់​ទីក្រុង​បាន​ឲ្យ​ដឹង​ថា នៅ​ក្នុង​ទីក្រុង​កេ​បិ​ច ​(Quebec) តែមួយ កម្មករ​ប្រមាណ ១​ពាន់​នាក់​កំពុង​ព្យាយាម​ជួសជុល​ឡើង​អគ្គិសនី​ពេញ​មួយ​យប់​។ ក្រុមហ៊ុន​វ៉ា​រី​អគ្គិសនី​ទីក្រុង​កេ​បិ​ច​បាន​និយាយ​នៅ​ក្នុង​សេចក្តីថ្លែងការណ៍​ថា យើង​មាន​ទំនុក​ចិត្ត​ថា យើង​អាច​ស្តារ​ថាមពល​ឡើងវិញ​ដល់​អតិថិជន​ដែល​រង​ផល​ប៉ះពាល់​មួយ​ចំនួន​នៅ​ថ្ងៃ​នេះ​។ ដោយ​គ្រោះអាក្រក់ វា​ត្រូវ​បាន​រំពឹង​ទុក​រួច​ហើយ​ថា អតិថិជន​មួយ​ចំនួន​នឹង​នៅតែ​គ្មាន​ថាមពល​ប្រើប្រាស់​នៅឡើយ​នៅ​ថ្ងៃ​សុក្រ​នេះ និង​ចុង​សប្តាហ៍​នេះ​។ ​ប្រជាជន​ប្រហែល ១.១​លាន​នាក់​ពុំ​មាន​អគ្គិសនី​ប្រើប្រាស់​នៅ​ក្នុង​ទីក្រុង​កេ​បិ​ច ​(Quebec) និង​ប្រហែល ១៦៧,០០០​នាក់​នៅ​ទីក្រុង Ontario។ ទីក្រុង Ontario និង Quebec មាន​ចំនួន​ច្រើនជាង​ពាក់​កណ្តាល ​នៃ​ចំនួន​ប្រជាជន​សរុប​របស់​ប្រទេស​កាណាដា​ប្រហែល ៣៩.៦​លាន​នាក់​។​ ​នាយករដ្ឋមន្ត្រី​កាណាដា​លោក Justin Trudeau ដែល​បាន​ធ្វើ​ដំណើរ​ទៅកាន់​ទីក្រុង​ម៉ុងរ៉េអាល់ (Montreal) កាលពី​ថ្ងៃ​ព្រហស្បតិ៍​ដើម្បី​ពិភាក្សា​អំពី​ថវិកា​របស់​រដ្ឋាភិបាល​ លោក​បាន​ផ្តល់​ជំនួយ​សហព័ន្ធ​ប្រសិនបើ​ចាំបាច់​។ យោង​តាម​ក្រុមហ៊ុន Hydro-Quebec បាន​និយាយ​ថា ​ទីក្រុង​ម៉ុងរ៉េអាល់​ស្ថិត​ក្នុង​ចំណោម​ទីក្រុង​ដែល​រង​ផល​ប៉ះពាល់​ខ្លាំង​បំផុត ដោយ​ការ​ដាច់​ចរន្តអគ្គិសនីបន្ទាប់ពី​ព្យុះ​ទឹកកក​កាលពី​ថ្ងៃ​ពុធ​។ លោក Trudeau បាន​និយាយ​នៅ​លើ​បណ្តាញ​សង្គម ​Twitter ថា យើង​កំពុង​គិតដល់​មនុស្ស​គ្រប់គ្នា​នៅ​ក្នុង​ទីក្រុង Quebec និង​ទីក្រុង Ontario ភាគ​ខាងកើត​ដែល​រង​ផល​ប៉ះពាល់​ដោយ​ព្យុះ​កាលពី​ម្សិល​មិញ ហើយ​យើង​សូម​អរគុណ​ដល់​ក្រុម​កម្មករ​ដែល​កំពុង​សម្អាត​តាម​ដង​ផ្លូវ និង​ស្តារ​ថាមពល​ឡើង​វិញ៕អត្ថបទ៖ ប៊ុនថន

បាតុករ​នៅ​ក្រុង​ឡូ​សអាន់​ជើ​ឡេស​អំពាវនាវ​ឱ្យ​អាមេរិក​នៅ​ឆ្ងាយ​ពី​បញ្ហា​កោះ​តៃវ៉ាន់ ឈប់​បង្ក​គ្រោះថ្នាក់​ដល់​សន្តិភាព

2023/04/07 12:11:36 pm        251
Facebook Telegram Linkin
​អាមេរិក៖ ក្រុម​អ្នក​តវ៉ា​ច្រើន​នាក់​បាន​ប្រមូល​ផ្តុំគ្នា​នៅ​ទីក្រុង Los Angeles កាលពី​ថ្ងៃ​ពុធដើម្បី​បង្ហាញ​ការ​ប្រឆាំង​របស់​ពួកគេ​ ចំពោះ​ដំណើរ​ទស្សនកិច្ច​របស់​មេដឹកនាំ​កោះ​តៃវ៉ាន់​លោកស្រី Tsai Ing-Wen ឆ្លងកាត់​សហរដ្ឋអាមេរិក ដោយ​អំពាវនាវ​ឱ្យ​អាមេរិក​នៅ​ឆ្ងាយ​ពី​កិច្ចការ​ផ្ទៃក្នុង​របស់​ប្រទេស​ចិន និង​បញ្ឈប់​ការ​បង្ក​គ្រោះថ្នាក់​ដល់​សន្តិភាព​។ លោកស្រី Tsai នៅ​ថ្ងៃ​ដដែល​នោះ​បាន​ជួប​ជាមួយ​ប្រធាន​សភា​សហរដ្ឋអាមេរិក​លោក Kevin McCarthy ជា​មន្ត្រី​ជាន់​ខ្ពស់​បំផុត​ទី៣ ​របស់​រដ្ឋាភិបាល​សហ​រដ្ឋ​អាមេរិកនៅ​បណ្ណាល័យ​ប្រធានាធិបតី Ronald Reagan នៅ​ជាយក្រុង Los Angeles ជា​ផ្នែក​មួយ​ដែល​គេ​ហៅថា​ជា​ការ​ឈប់​ចត​នៅ​តាម​ផ្លូវ​ទៅ និង​មកពី​ប្រទេស​ហ្គា​តេ​ម៉ា​ឡា ​និង​ប្រទេស​បេ​លី​ហ្ស​នៅ​អាមេរិក​កណ្តាល​។ ជំនួប​ដ៏​ចម្រូងចម្រាស​របស់​ប្រធាន​សភា​អាមេរិក និង​មេដឹកនាំ​កោះ​តៃវ៉ាន់​ បាន​ឃើញ​ពលរដ្ឋ​ចិន​នៅ​ក្រៅ​ប្រទេស​រាប់​ពាន់​នាក់​មកពី​ទីក្រុង​ឡូ​សអាន់​ជើ​ឡេស សាន​ហ្វ្រា​ន់​ស៊ី​ស​ស្កូ អ​រី​ហ្គេ​ន និង​ផ្នែក​ផ្សេងទៀត​របស់​សហរដ្ឋ​អាមេរិក ​បាន​មក​ប្រមូល​ផ្តុំគ្នា​ដើម្បី​តវ៉ា​នៅ​ខាងក្រៅ​បណ្ណាល័យ ដោយ​បង្ហាញ​ពី​ក្តី​សង្ឃឹម​របស់​ពួកគេ​សម្រាប់​ការ​បង្រួបបង្រួម​ឡើងវិញ​ ដោយ​សន្តិភាព​របស់​ប្រទេស​ចិន និង​ប្រឆាំង​ដាច់ខាត «​ឯករាជ្យ​ភាព​កោះ​តៃវ៉ាន់​» ដែល​ស្វែងរក​ដោយ​លោកស្រី Tsai។ ការ​តវ៉ា​នេះ​ក៏​មាន​ការចូលរួម​ពី​សកម្មជន​ប្រឆាំង​សង្គ្រាម ​របស់​សហរដ្ឋអាមេរិក​ជាច្រើន​នាក់​ទៀត ដោយ​មនុស្ស​ជាច្រើន​បាន​បង្ហាញ​ការ​ប្រឆាំង​របស់​ពួកគេ​ ចំពោះ​ទង្វើ​ដែល​មិនបាន​គិត​គូ​ររបស់​លោក McCarthy ដើម្បី​ជួប​ជាមួយ​លោកស្រី Tsai និង​បាន​ថ្កោលទោស​ការ​ជ្រៀតជ្រែក​រប​ស់​អាមេរិក ​នៅ​ក្នុង​កិច្ចការ​ផ្ទៃក្នុង​របស់​ប្រទេស​ចិន​។ អ្នក​តវ៉ា​និយាយ​ថា សហរដ្ឋអាមេរិក​គួរតែ​នៅ​ឲ្យ​ឆ្ងាយ ហើយ​ទុក​របៀបវារៈ​ចក្រពត្តិនិយម​របស់​ពួកគេ​នៅ​ខាងក្រៅ និង​ទុក​ឱ្យ​ប្រទេស​ចិន​ការពារ​ខ្លួនឯង​។ ​ចិន​កំពុង​ព្យាយាម​បង្កើត​រដ្ឋាភិបាល​កាន់តែ​រឹងមាំ និង​គាំទ្រ​ប្រជាជន​របស់​ពួកគេ ហើយ​នៅ​ពេល​ដែល​សហរដ្ឋ​អាមេរិក​ព្យាយាម​ចូល​មក ហើយ​នាំ​យក​យោធា​មកកាន់​កោះ​តៃវ៉ាន់ នោះ​សហរដ្ឋអាមេរិក​កំពុង​ប្រឆាំង​ដោយ​ផ្ទាល់ ហើយក៏​កំពុងតែ​បង្កើត​ជម្លោះ និង​សង្គ្រាម​ជាច្រើន​ទៀត​។ ពួក​យើង​គ្រាន់តែ​ចង់បាន​សន្តិភាព​។ ពួក​យើង​គិត​ថា ​មនុស្ស​ជាច្រើន​នៅ​ទី​នេះគ្រាន់តែ​ចង់បាន​សន្តិភាព៕​អត្ថបទ៖ ប៊ុនថន

ចិន​ត្រៀម​ធ្វើការ​ជាមួយ​សហភាព​អឺរ៉ុប​ដើម្បី​រក្សា​សន្តិសុខ ស្ថិរភាព ឧស្សាហកម្ម និង​ខ្សែ​សង្វាក់​ផ្គត់ផ្គង់​

2023/04/07 11:33:40 am        213
Facebook Telegram Linkin
ចិន៖ ប្រធានាធិបតី​ចិន​លោក Xi Jinping បាន​និយាយ​នៅ​ក្នុង​ពិធី​បិទ​កិច្ចប្រជុំ​លើក​ទី​៥ ​នៃ​ក្រុមប្រឹក្សា​ធុរកិច្ច​ចិន​-​បារាំង​នៅ​ទីក្រុង​ប៉េកាំង​កាលពី​ថ្ងៃ​ព្រហស្បតិ៍​ថា ប្រទេស​ចិន​ត្រៀម​ជាស្រេច​ដើម្បី​ធ្វើការ​ជាមួយ​សហភាព​អឺរ៉ុប​ ដើម្បី​រក្សា​បាន​សន្តិសុខ និង​ស្ថិរភាព​នៃ​ខ្សែ​សង្វាក់​ផ្គត់ផ្គង់ និង​ឧស្សាហកម្ម​ពិភពលោក​។ ប្រធានាធិបតី​បារាំង​លោក Emmanuel Macron ដែល​កំពុង​បំពេញ​ទស្សនកិច្ច​ផ្លូវរដ្ឋ​នៅ​ប្រទេស​ចិន ​ពី​ថ្ងៃ​ពុធ​ដល់​ថ្ងៃ​សុក្រ​នេះ​បាន​ចូលរួម​កិច្ចប្រជុំ​នេះ​។ ខណៈ​ជា​កម្លាំង​សំខាន់​ពីរ​ក្នុង​ការ​ជំរុញ​ពិភពលោកពហុ​ប៉ូល ប្រទេស​ចិន​ និង​សហភាព​អឺរ៉ុប​មានការ​យល់ស្រប​ជា​យុទ្ធសាស្ត្រ​ដ៏​ទូលំទូលាយ ផល​ប្រយោជន៍​រួម និង​ជា​មូលដ្ឋាន​ដ៏​រឹងមាំ​សម្រាប់​កិច្ច​សហប្រតិបត្តិការ​។ កិច្ច​សហប្រតិបត្តិការ​ចិន អឺរ៉ុបគឺ​ជាប់​ពាក់ព័ន្ធ​ដោយ​ផ្ទាល់​នឹង​ភាព​រុង​រឿង​នៃ​ទ្វីប​អឺរ៉ុប និង​អាស៊ី ព្រមទាំង​ស្ថិរភាព​នៃ​ទិដ្ឋភាព​ពិភព​លោក​។​ ​ពុំ​មាន​អ្នកឈ្នះ​នៅ​ក្នុង​ហ្គេម​លទ្ធផល​សូន្យ​នោះ​ទេ ហើយ​ការ​កាត់​ផ្តាច់ និង​ការ​រំខាន​នៃ​ខ្សែ​សង្វាក់​ផ្គត់ផ្គង់​ឧស្សាហកម្ម នឹង​មិន​បង្ក​ជា​ឧបសគ្គ​ដល់​ការអភិវឌ្ឍន៍​របស់​ប្រទេស​ចិន​ឡើយ​។ ​លោក Xi បាន​បង្ហាញ​ការ​ប្រឆាំង​របស់​លោក​ចំពោះ​ការ​ធ្វើ​នយោបាយ និង​ការ​យក​ធ្វើជា​អាវុធ​នៃ​ការ​ផ្លាស់ប្តូរ​ធម្មតា​នៅ​ក្នុង​វិស័យ​ពាណិជ្ជកម្ម វិទ្យាសាស្ត្រ និង​បច្ចេកវិទ្យា​។ ប្រទេស​ចិន​បាន​ត្រៀមខ្លួន​រួច​ជា​ស្រេចក្នុង​ការ​ពង្រឹង ​ការ​សម្រប​សម្រួល​គោលនយោបាយ​ម៉ាក្រូជាមួយ​សហភាព​អឺរ៉ុប​។ ចិន​មាន​ឆន្ទៈ​ក្នុង​ការ​ធ្វើការ​ជាមួយ​សហភាព​អឺរ៉ុប​ ដើម្បី​រួមគ្នា​រក្សា​សន្តិសុខ និង​ស្ថិរភាព​នៃ​ខ្សែ​សង្វាក់​ផ្គត់ផ្គង់ និង​ឧស្សាហកម្ម និង​បង្កើត​បរិយាកាស​អំណោយ​ផល​សម្រាប់​កិច្ច​សហប្រតិបត្តិការ៕អត្ថបទ៖ ប៊ុនថន

ការប៉ះទង្គិច​ថ្មី​បានកើត​ឡើង​នៅ​ប្រទេស​បារាំង ​ជុំវិញ​ភាពជាប់គាំង​លើ​បញ្ហា​សោធន​និវត្តន៍​

2023/04/07 10:47:50 am        154
Facebook Telegram Linkin
​បារាំង៖ ក្រុម​អ្នកតវ៉ា​និយម​ជ្រុល​បាន​ប៉ះទង្គិច ​ជាមួយ​កងកម្លាំង​សន្តិសុខ​ប្រទេស​បារាំង​កាលពី​ថ្ងៃ​ព្រហស្បតិ៍ នៅ​ក្នុង​ការ​បង្ហាញ​កំហឹង​ថ្មី​ប្រឆាំង​កំណែទម្រង់​សោធន​និវត្តន៍របស់​ប្រធានាធិបតី​លោក Emmanuel Macron ដោយ​បាន​ចាប់ខ្លួន​មនុស្ស​រាប់​សិប​នាក់ ហើយ​មួយ​ចំនួន​បាន​ចាប់ផ្តើម​ដុត​ភ្លើង​នៅ​ភោជនីយដ្ឋាន​មួយ​កន្លែង ​ក្នុងចំណោម​ភោជនីយដ្ឋាន​ដែល​លោក​ចូលចិត្ត​។ ខណៈ​ចំនួន​ក្រុម​បាតុករ​បាន​ថយ​ចុះ សហជីព​មានបំណង​រក្សា​សម្ពាធ​រយៈពេល​ជិត​បី​ខែ មុន​ការ​ចេញ​សេចក្តី​សម្រេច​របស់​តុលាការ​ដ៏​សំខាន់​មួយ​នៅ​សប្តាហ៍​ក្រោយ ស្តីពី​កែប្រែ​អាយុ​ចូលនិវត្តន៍​។ កំណែទម្រង់​ដ៏​ចម្រូងចម្រាស​ស្វែងរក​ការ​បង្កើន​អាយុ​ចូលនិវត្តន៍​ពី ៦២ ដល់ ​៦៤​ឆ្នាំ ខណៈ​តម្រូវ​ឱ្យ​ពលរដ្ឋ​ធ្វើការ​យូរ​ជាង​មុន​សម្រាប់​ការ​ទទួល​បាន​ប្រាក់​ឈ្នួល​ពេញលេញ​។​ លោក Macron ដែល​ពេល​នេះ​កំពុង​បំពេញ​ទស្សនកិច្ច​នៅ​ប្រទេស​ចិន កំពុង​ប្រឈមមុខ​បញ្ហា​ធំ​បំផុត​នៃ​អាណត្តិ​ទី​២ ​របស់​លោក​ជុំវិញ​ការ​ផ្លាស់ប្តូរ ដោយ​បដិសេធ​យ៉ាង​ដាច់អហង្ការ​មិន​ព្រម​ផ្លាស់ប្តូរ​ឥរិយាបថ ទោះ​បី​ជា​មានការ​ធ្លាក់​ចុះ​អត្រា​ប្រជាប្រិយភាព​ផ្ទាល់ខ្លួន​ក៏ដោយ​។ បាតុកម្ម​ត្រូវ​បាន​ធ្វើឡើង​នៅ​ទូទាំង​ប្រទេស ដោយ​ប្រជាជន​នាំគ្នា​លើកស្លា​ក ឬ​គ្រវី​ទង់ជាតិ​សហជីព​ពី​ទីក្រុង​ប៉ារីស​ទៅកាន់​ទីក្រុង​ម៉ុង​ប៉ែល​លី​យេ​ (Montpellier) និង​ម៉ា​សី​ (Marseille) ភាគ​ខាង​ត្បូង​។ ​ក្រសួងមហាផ្ទៃ​បាន​និយាយ​ថា មនុស្ស ៥៧០,០០០​នាក់​បាន​ធ្វើ​បាតុកម្ម​កាលពី​ថ្ងៃ​ព្រហស្បតិ៍ ដែល​ចំនួន​នេះ​ធ្លាក់​ចុះ​យ៉ាង​ខ្លាំង​ពី​ចំនួន ៧៤០,០០០​នាក់​ដែល​បាន​រាប់​កាលពី​សប្តាហ៍​មុន​។ តួលេខ​ផ្លូវការ​នៅតែ​ទាប​ជាង​ការ​រាប់​របស់​អ្នក​រៀបចំ​បាតុកម្ម​ដោយ​សហជីព CGT ដែល​បាន​អះ​អាង​ថា​ មនុស្ស ៤០០,០០០​នាក់​បាន​មក​តវ៉ា​នៅ​ទីក្រុង​ប៉ារីស ខណៈ​ក្រសួង​បាន​សរុប​មាន​ចំនួន​ត្រឹមតែ ៩៣,០០០​នាក់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សហរដ្ឋអាមេរិក និងសម្ព័ន្ធមិត្តចេញសេចក្តីថ្លែងការណ៍រួម គាំទ្រអធិបតេយ្យភាពរបស់ប៉ាណាម៉ា
04/29/2026 04:04 PM
Facebook Telegram Linkin
UNESCO គ្រោងជួយបីរឿងបីចម្បង ដើម្បីជួសជុលប្រាសាទព្រះវិហារដែលរងការខូចខាតពីថៃឈ្លានពាន
04/29/2026 04:04 PM
Facebook Telegram Linkin
សេតវិមាន៖ គ្មានអ្នកណាស័ក្តិសមទទួលបានពានរង្វាន់សន្តិភាព FIFA ជាងលោក Trump ឡើយ
04/29/2026 04:04 PM
Facebook Telegram Linkin
លោក Trump បញ្ជាក់ថា ព្រះមហាក្សត្រ Charles មិនចង់ឲ្យអ៊ីរ៉ង់មានអាវុធនុយក្លេអ៊ែរទេ
04/29/2026 04:04 PM
Facebook Telegram Linkin
កងទ័ព៖ អ៊ីស្រាអែលបានកម្ទេចគោលដៅហេសបូឡាចំនួន ១.000កន្លែង នៅភាគខាងត្បូងលីបង់
04/29/2026 04:04 PM
Facebook Telegram Linkin
ព្រះសង្ឃសៅលីងស្នើក្រសួងទេសចរណ៍ជំរុញឱ្យមានព្រឹត្តិការណ៍សម្តែងក្បាច់គុនកម្ពុជា-ចិនរៀងរាល់ឆ្នាំ
04/29/2026 04:04 PM
Facebook Telegram Linkin
អ៊ុយក្រែននិយាយថា ខ្លួនបានបាញ់ទម្លាក់យានដ្រូនរុស្ស៊ីចំនួន ៣៣.០០០គ្រឿង ក្នុងខែមីនា
04/29/2026 04:04 PM
Facebook Telegram Linkin
មន្ទីរពេទ្យចល័តហ្ស៊កដានីព្យាបាលប្រជាជនប៉ាឡេស្ទីនជិត ៤០ម៉ឺននាក់ ក្នុងរយៈពេលជាង ២ឆ្នាំ
04/29/2026 04:04 PM
Facebook Telegram Linkin
ការីទេសចរណ៍មកពីបួនប្រទេសក្នុងតំបន់សហការគ្នារៀបចំនាំទេសចរអន្តរជាតិមកទស្សនាកម្ពុជា
04/29/2026 04:04 PM
Facebook Telegram Linkin
តម្លៃប្រេងធ្លាក់ចុះ ខណៈទីផ្សារពិចារណាការចាកចេញរបស់អារ៉ាប់រួមពី OPEC ដោយបារម្ភពីការផ្គត់ផ្គង់
04/29/2026 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.