BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

សូម៉ាលី៖ យោងតាមអ្នកវិភាគរបស់ទីភ្នាក់ងារអង្គការសហប្រជាជាតិ និងក្រុមផ្ដល់ជំនួយផ្សេងៗ ជនជាតិសូម៉ាលីជាង ២០០.០០០នាក់កំពុងរងគ្រោះដោយសារកង្វះស្បៀងអាហារធ្ងន់ធ្ងរបំផុត និងមនុស្សកាន់តែច្រើនទៀតកំពុងស្លាប់ដោយសារភាពអត់ឃ្លាន ដែលចំនួនអាចនឹងកើនឡើងដល់ជាង ៧០០.០០០នាក់នៅឆ្នាំក្រោយ។ការចាត់ថ្នាក់ដំណាក់កាលសន្តិសុខស្បៀងចម្រុះ (IPC) ដែលកំណត់ស្តង់ដារសកលសម្រាប់កំណត់ភាពធ្ងន់ធ្ងរនៃវិបត្តិអាហារបាននិយាយថា កម្រិតធ្ងន់ធ្ងរបំផុតរបស់ខ្លួនគឺ "គ្រោះទុរ្ភិក្សដំណាក់កាលទី៥ របស់ IPC" ត្រូវបានលុបចោលជាបណ្តោះអាសន្ន ប៉ុន្តែបញ្ហាផ្សេងៗទៀតកាន់តែធ្ងន់ធ្ងរទៅៗ។ លោក Jens Laerke អ្នកនាំពាក្យការិយាល័យមនុស្សធម៌របស់អង្គការសហប្រជាជាតិ (OCHA) បាននិយាយថា គ្រោះទុរ្ភិក្សនៅតែបន្តកើតមាន ប៉ុន្តែគ្មាននរណាដឹងថា តើវានឹងបន្តយូរប៉ុណ្ណាទៀតនោះទេ។លោកប្រាប់សន្និសីទសារព័ត៌មាននៅទីក្រុង Geneva បន្ទាប់ពីការចាត់ថ្នាក់ដំណាក់កាលសន្តិសុខស្បៀងចម្រុះចុងក្រោយនៅសូម៉ាលីថា មនុស្សកាន់តែច្រើនឡើងកំពុងស្លាប់ ដោយសារតែភាពអត់ឃ្លានដោយគ្មានការសង្ស័យ ប៉ុន្តែខ្ញុំមិនអាចកំណត់ចំនួនបានទេ។ គ្រោះរាំងស្ងួតរយៈពេល ២ឆ្នាំបានបំផ្លិចបំផ្លាញដំណាំ និងសត្វចិញ្ចឹមទូទាំងតំបន់ដាច់ស្រយាលនៃប្រទេសនៅទ្វីបអាហ្វ្រិក ខណៈដែលតម្លៃស្បៀងអាហារនាំចូលបានកើនឡើងខ្ពស់ ដោយសារតែសង្គ្រាមនៅអ៊ុយក្រែន៕អត្ថបទ៖ សុខមាន

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

UN៖ គណៈកម្មការជាន់ខ្ពស់មួយរបស់អង្គការសហប្រជាជាតិ បានរារាំងជាថ្មីទៀតលើយោធារបបសឹកសហភាពមីយ៉ាន់ម៉ា ដែលបានដណ្ដើមអំណាចក្នុងរដ្ឋប្រហារកាលពីខែកុម្ភៈ ឆ្នាំ២០២១ មិនឲ្យទទួលបានកៅអីរបស់ប្រទេសនេះនៅអង្គការសហប្រជាជាតិ។ នេះបើយោងតាមក្រុមអ្នកការទូត និងសិទ្ធិមនុស្សមីយ៉ាន់ម៉ា។អ្នកការទូត ២រូបដែលសុំមិនបញ្ចេញឈ្មោះបានប្រាប់ទីភ្នាក់ងារសារព័ត៌មាន AP ថា គណៈកម្មការសាតាំងរបស់មហាសន្និបាតអង្គការនេះ បានពន្យារពេលលើសំណើរបស់យោធានេះក្នុងការគ្រប់គ្រងកៅអីរបស់ខ្លួន។ ក្រុមអ្នកឃ្លាំមើលសិទ្ធិមនុស្សមីយ៉ាន់ម៉ាបាននិយាយនៅក្នុងសេចក្ដីថ្លែងការណ៍ថា ខ្លួនបានក៏បានដឹងពីក្រុមអ្នកការទូតផងដែរថា គណៈកម្មការដែលបានចាប់ផ្ដើមកិច្ចប្រជុំកាលពីថ្ងៃទី២៩ ខែវិច្ឆិកា បានច្រានចោលការតំណាងរបស់ក្រុមឧត្ដមសេនីយ៍ទាំងនោះនៅអង្គការនេះ។នាយកក្រុមសិទ្ធិមនុស្សនេះលោក Chris Gunness បាននិយាយថា សកម្មភាពនេះគឺជាចំណាត់ការដ៏សំខាន់ដែលមានចំនុចពិសេសផ្នែកការទូត និងជានិមិត្តរូប ស្របពេលដែលមេដឹកនាំរដ្ឋប្រហារខុសច្បាប់កំពុងព្យាយាម ឲ្យមានការទទួលស្គាល់ជាអន្តរជាតិ។ គេរំពឹងថា សេចក្ដីប្រកាសផ្លូវការនឹងត្រូវធ្វើឡើងនៅថ្ងៃសុក្រសប្ដាហ៍នេះ។ ការសម្រេចចិត្តនេះមានន័យថា លោក Kyaw Moe Tun ដែលត្រូវបានតែងតាំងជាឯកអគ្គរដ្ឋទូតរបស់សហភាពមីយ៉ាន់ម៉ាប្រចាំនៅអង្គការសហប្រជាជាតិ ដែលត្រូវបានជ្រើសរើសដោយរដ្ឋាភិបាលស៊ីវិលរបស់លោកស្រី Aung San Suu Kyi នឹងបន្តកាន់តំណែងនេះ៕អត្ថបទ៖ សុខមាន

សម្តេចតេជោ ហ៊ុន សែន សម្តែងសុទិដ្ឋិនិយមថា ទំនាក់ទំនងរវាងអាស៊ាន និងអឺរ៉ុបនឹងផ្តល់ប្រយោជន៍គ្នាទៅវិញទៅមកកាន់តែខ្លាំង

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអាស៊ានប្តូរវេន ឆ្នាំ២០២២នេះ បានសម្តែងសុទិដ្ឋិនិយមថា អាស៊ាន និងសហភាពអឺរ៉ុបនឹងផ្តល់ផលប្រយោជន៍ទៅគ្នាទៅវិញទៅមកកាន់តែខ្លាំង បើទោះបីជាតំបន់ទាំងពីរស្ថិតនៅឆ្ងាយពីគ្នាយ៉ាងណាក៏ដោយ។ថ្លែងនៅក្នុងសន្និសីទសារព័ត៌មានរួមគ្នា នៃកិច្ចប្រជុំរំលឹកខួបអនុស្សាវរីយ៍អាស៊ាន-សហភាពអឺរ៉ុប និងអបអរសាទរខួប៤៥ឆ្នាំ នៃដៃគូសន្ទនាអាស៊ាន-សហគមន៍អឺរ៉ុប នៅទីក្រុងព្រុចសែល នៃប្រទេសបែលហ្ស៉ិក នាថ្ងៃទី១៤ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា កិច្ចសន្ទនានារវាងថ្នាក់ដឹកនាំតំបន់អាស៊ាន និងអឺរ៉ុបនាពេលនេះ បានលើកឡើងអំពីប្រធានបទជាច្រើន ដែលមានការពាក់ព័ន្ធនៃតំបន់ទាំងប្រកបដោយការបើកចំហរ និងស្មោះត្រង់បំផុតនោះ។យ៉ាងណាក៏ដោយនៅក្នុងសន្និសីទរួមគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី និងក្នុងនាមជាប្រធានអាស៊ានឆ្នាំ២០២២នេះ ក៏បានប្រាប់ដល់ភាគីអឺរ៉ុបផងដែរថា អាស៊ានមិនមែនជាតំបន់គ្រាន់ តែទន្ទឹងរង់ចាំអ្វីៗដែលត្រូវជួយពីសហភាពអឺរ៉ុបនោះទេ ប៉ុន្តែអាស៊ានត្រូវឃើញក្នុងការបំពេញឲ្យគ្នាទៅវិញ ទៅមករវាងសេដ្ឋកិច្ចនៃតំបន់ទាំងពីរ ពោលគឺកិច្ចព្រមព្រៀងពាណិជ្ជកម្មសេរីនេះតែម្តង។ជាមួយគ្នានោះដែរ សម្តេចតេជោ ហ៊ុន សែន ប្រធានអាស៊ានក៏បានបញ្ជាក់ទៅកាន់សហភាពអឺរ៉ុប ផងដែរ ទាក់ទងនឹងកិច្ចព្រមព្រៀងពាណិជ្ជកម្មសេរី សហភាពអឺរ៉ុបគប្បីកុំយកបញ្ហានយោបាយមកនិយាយ ខណៈអឺរ៉ុបបានលើកឡើងអំពីបញ្ហានៅប្រទេសមីយ៉ាន់ម៉ាថាអាចនឹងមានការរាំងស្ទះចំពោះកិច្ចព្រមព្រៀងពាណិជ្ជកម្មសេរីរវាងតំបន់ទាំងពីរនោះ។ សម្តេចតេជោ ហ៊ុន សែន បានសង្កត់ធ្ងន់ទៀតថា ដូចអ្វីដែលប្រធានាធិបតីនៃប្រទេសឥណ្ឌូនេស៊ី បានលើករួចមកហើយថា ភាពជាដៃគូត្រូវតែស្មើភាព មិនអាចយកច្បាប់របស់ផ្នែកមួយទៅដាក់ផ្នែកមួយនោះទេ។ ចំណុចនេះត្រូវតែរំលឹក ហើយភាគីទាំងពីរ(អាស៊ាន-អឺរ៉ុប)ត្រូវតែស្មើភាពគ្នា ដើម្បីអនុវត្តន៍ឲ្យបានឆាប់រហ័ស ដោយមិនអាចផ្អែកលើសភាពការណ៍នៅប្រទេសមីយ៉ាន់ម៉ា ឬប្រទេសណាមួយ ហើយបែជារំខានទៅដល់កិច្ចខិតខំប្រឹងប្រែង ជាមួយនឹងការបង្កើតឲ្យមានកិច្ចព្រមព្រៀងពាណិជ្ជកម្មសេរីរវាងតំបន់ទាំង ពីរនោះទេ។ទាក់ទងនឹងបញ្ហាសិទ្ធិមនុស្ស និងបញ្ហាផ្សេងៗទៀត សម្តេចតេជោ ហ៊ុន សែន ប្រធានអាស៊ានប្តូរវេនឆ្នាំ២០២២នេះ ក៏បានចោទ សួរទៅកាន់សហភាពអឺរ៉ុបផងដែរថា« តើEUបានចុះហត្ថលេខា ជាមួយប្រទេសណាខ្លះនៅក្នុងតំបន់អាស៊ាន? ហើយថាតើបណ្តាសិទ្ធិមនុស្សនៅក្នុងប្រទេសនោះវាយ៉ាងម៉េច?។ វាពិតណាស់ចំណុចទាំងនេះវាមិនមែនអ្វីៗសុទ្ធតែត្រូវគ្នាទាំងអស់នោះទេ ប៉ុន្តែយើងមានចំណុចរួម មួយគឺតម្រង់ទៅរកគោលដៅនៃការតភ្ជាប់ និងផ្សារភ្ជាប់រវាងតំបន់ទាំងពីរ ហើយជាសេដ្ឋកិច្ចបំពេញឲ្យគ្នា ទៅវិញទៅមក ហើយសង្ឃឹមថាចំណុចនេះគឺជាចំណុចដាស់តឿនអាស៊ានឲ្យខិតខំប្រឹងប្រែងដើម្បីឲ្យងើបឈរឡើងធ្វើជាដៃគូស្មើភាព និងស្មើសិទ្ធិជាមួយនឹងសហភាពអឺរ៉ុប»៕ អត្ថបទ៖ បាន ចក់

អង្គការសុខភាពពិភពលោកនិយាយថា ការហក់ឡើងករណីឆ្លងវីរុស Covid-19 នៅចិនដោយសារបន្ធូរបន្ថយវិធានការទប់ស្កាត់

WHO៖ នាយកអង្គការសុខភាពពិភពលោកបាននិយាយកាលពីថ្ងៃពុធថា ការឆ្លងវីរុស COVID-19 កំពុងកើនឡើងខ្លាំងនៅក្នុងប្រទេស មុនពេលការសម្រេចចិត្តរបស់រដ្ឋាភិបាល ក្នុងការដកគោលនយោបាយរឹតត្បិតការឆ្លងវីរុស ឬ "zero-COVID" ដោយលើកឡើងថា ផ្ទុយទៅវិញការដកនេះ បែរជាបណ្ដាលឲ្យមានករណីឆ្លងកើនឡើងទៅវិញ។ ការអត្ថាធិប្បាយដោយនាយកគ្រាអាសន្នសុខភាពសាធារណៈ របស់អង្គការសុខភាពពិភពលោក លោក Mike Ryan មានឡើង ខណៈលោកបានព្រមានពីភាពចាំបាច់ក្នុងការបង្កើនការចាក់វ៉ាក់សាំង នៅក្នុងប្រទេសមហាអំណាចសេដ្ឋកិច្ចលេខ២ របស់ពិភពលោកមួយនេះ។ ថ្លែងនៅឯសន្និសីទសារព័ត៌មាន លោកបាននិយាយថា វីរុសនេះកំពុងរាលដាលយ៉ាងខ្លាំងនៅក្នុងប្រទេសនេះ មុនពេលការដកវិធានការរឹតត្បិតការចម្លងវីរុសនេះទៅទៀត។ លោកថា វីរុសនេះបានឆ្លងរាលដាលយ៉ាងឆាប់រហ័ស ព្រោះខ្ញុំជឿថា វិធានការគ្រប់គ្រងវីរុសនេះដោយខ្លួនឯងពុំមានប្រសិទ្ធភាពបញ្ឈប់ជំងឺនេះបានទេ។ ហើយខ្ញុំជឿថា ប្រទេសចិនបានសម្រេចចិត្តជាយុទ្ធសាស្ត្រថា ចំណាត់ការនេះ លែងជាជម្រើសល្អបំផុតទៀតហើយ។ គួររម្លឹកថា ទីក្រុងប៉េកាំងបានបោះបង់ចោលគោលនយោបាយគ្មានវីរុស ឬ "zero-COVID ដែលចុះហត្ថលេខាដោយលោកប្រធានាធិបតីចិន Xi Jinping នៅខែនេះ បន្ទាប់ពីការតវ៉ាដ៏រំជើបរំជួលប្រឆាំងនឹងវិធានការរឹតត្បិតនេះ៕អត្ថបទ៖ សុខមាន

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19

ចិន៖ ប្រទេសចិនកំពុងប្រឈមបញ្ហាជាច្រើនដូចជាកង្វះខាតទំនិញក្នុងស្តុក បន្ទាប់ពីបានបន្ធូរបន្ថយគោលនយោបាយរឹតត្បិតការឆ្លងរាលដាលវីរុស COVID-19 ដ៏តឹងរ៉ឹងបំផុតកាលពីសប្ដាហ៍មុន។ ប្រជាពលរដ្ឋកំពុងប្រញាប់ប្រញាល់ទៅទិញថ្នាំពេទ្យ ដូចជាអ៊ីប៊ុយប្រូហ្វេន ថ្នាំផ្ដាសាយ និងឧបករណ៍តេស្តរកវីរុស Covid ស្របពេលមានសេចក្ដីរាយការណ៍ពីកង្វះថ្នាំពេទ្យ និងទំនិញផ្សេងៗ។ ផលិតផលជាច្រើនសម្រាប់ប្រើជាថ្នាំព្យាបាលជំងឺនៅក្នុងស្រុក ពេលនេះមិនមានលក់ទូលំទូលាយនៅតាម online រួមទាំងផ្លែក្រូចឆ្មា ផ្លែប៉េសកំប៉ុង សំបូរដោយវីតាមីនស៊ី និងទឹកមានសារធាតុសូយ្យូម និងក្លរ។ នៅក្នុងប្រទេសចិន និងតំបន់ផ្សេងទៀតនៅលើពិភពលោក គេតែងតែបានមើលឃើញមនុស្សចែករំលែករូបភាពតាមបណ្ដាញសង្គម បង្ហាញពីរានដាក់ទំនិញទទេស្អាតនៅតាមផ្សារទំនើបនានានៅក្នុងទីក្រុងសំខាន់ៗ មុនការចេញបញ្ជាដ៏តឹងរ៉ឹងឲ្យប្រជាពលរដ្ឋស្នាក់នៅក្នុងផ្ទះ។ប៉ុន្តែពេលនេះ ប្រទេសនេះបានបន្ធូរបន្ថយវិធានការដាក់ខ្លួនឯងឲ្យនៅដាច់ដោយឡែក និងការធ្វើតេស្ត ដោយអនុញ្ញាតឲ្យពលរដ្ឋដាក់ខ្លួនឯងឲ្យនៅដាច់ដោយឡែកនៅផ្ទះ និងតេស្តរកវីរុសខ្លួនឯង ប្រជាពលរដ្ឋបាននាំគ្នាសម្រុកទៅទិញថ្នាំពេទ្យជាការត្រៀមសម្រាប់រលកនៃរដូវរងា។ រដ្ឋាភិបាលក្នុងតំបន់ត្រូវបានជំរុញឲ្យបង្កើនចំនួនបន្ទប់សង្គ្រោះបន្ទាន់ និងបើកមន្ទីរពេទ្យព្យាបាលជំងឺគ្រុនក្ដៅបន្ថែមនៅដំណាច់ខែនេះ ជាការត្រៀមលក្ខខណៈសម្រាប់រលកនៃការឆ្លងផ្សេងៗទៀត៕អត្ថបទ៖ សុខមាន

សម្តេចតេជោ៖ អាស៊ាន និងសហភាពអឺរ៉ុបត្រូវតែធ្វើការជាមួយគ្នាស្អិតរមួត ដើម្បីធានាសណ្ដាប់ធ្នាប់អន្តរជាតិ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ានឆ្នាំ២០២២ បានលើកឡើងថា សម្រាប់ដំណើរឆ្ពោះទៅមុខ អាស៊ាន និង សហភាពអឺរ៉ុប ត្រូវតែធ្វើការជាមួយគ្នាយ៉ាងស្អិតរមួត ដើម្បីធានាសណ្តាប់ធ្នាប់អន្តរជាតិ ដែលផ្អែកលើច្បាប់ ប្រកបដោយបរិយាបន្ន, ភាពបើកចំហ, តម្លាភាព និង ការផ្តល់ផលប្រយោជន៍ដល់គ្នាទៅវិញទៅមក។សម្តេចតេជោបានលើកឡើងយ៉ាងដូច្នេះ ក្នុងឱកាសថ្លែងបើកកិច្ចប្រជុំពេញអង្គនៃកិច្ចប្រជុំ កំពូលរំលឹកខួបអនុស្សាវរីយ៍អាស៊ាន-សហភាពអឺរ៉ុបនៅទីក្រុងព្រុចស៊ែល ប្រទេសប៊ែលហ្សិក កាលពីថ្ងៃទី១៤ធ្នូម្សិលមិញនេះ។សម្តេចថ្លែងថា ក្នុងនាមជាប្លុកតំបន់ពីរ ដែល ផ្អែកលើច្បាប់ និង មានការទទួលខុសត្រូវ, អាស៊ាន និងសហភាពអឺរ៉ុប ត្រូវប្រឹងប្រែងឱ្យអស់លទ្ធភាព ដើម្បីការពារ និង លើកកម្ពស់ធម្មនុញ្ញអង្គការសហប្រជាជាតិ និង ច្បាប់, បទដ្ឋាន និង គោលការណ៍ ដែលត្រូវបានទទួលស្គាល់ជាសកល ហើយសម្តេចក៏បានកត់សម្គាល់ផ្ទាល់ខ្លួន ពីបទពិសោធនៃករណីជម្លោះ ដែលបានអូសបន្លាយ និងបង្កជាសោកនាដកម្ម នៅកម្ពុជា ដែលសម្តេចមិនដែលជឿថា យើងអាចសម្រេចបាននូវសន្តិភាព តាមរយៈ ការធ្វើសង្គ្រាម ឬ ការគំរាមបង្កសង្គ្រាម នោះឡើយ ។សម្តេចបានមានប្រសាសន៍ថា ស្មារតី, មនសិការ និង បំណងប្រាថ្នារួម ចំពោះសន្តិភាព និង វិបុលភាព ក្នុងតំបន់ទាំងពីរ បាននាំមកនូវការបង្កើតនូវភាពជាដៃគូយុទ្ធសាស្ត្រ ប្រកបដោយភាពជោគជ័យ ជាមួយនឹង ផែនការសកម្មភាព ឆ្នាំ ២០២៣-២០២៧ ដែលមានភាពច្បាស់លាស់ និង គ្របដណ្តប់យ៉ាងទូលំ- ទូលាយ ទៅលើផ្នែកជាច្រើននៃកិច្ចសហប្រតិបត្តិការ ក្រោមសសរស្ដម្ភទាំងបីរបស់អាស៊ាន ។ ជា មួយគ្នានេះ, សម្តេចបានកត់ស្គាល់នូវវឌ្ឍនភាពដ៏ល្អប្រសើរ នៃការអនុវត្ត ផែនការសកម្មភាព ឆ្នាំ ២០១៨- ២០២២ ។សម្តេចថ្លែងថា ប្រាកដណាស់, កិច្ចប្រជុំកំពូលរំលឹកខួបអនុស្សាវរីយ៍នាពេលនេះ ត្រូវបានរៀបចំឡើងក្នុងពេលដែលពហុភាគីនិយម បាន និង កំពុង ទទួលរងនូវសម្ពាធយ៉ាងធ្ងន់ធ្ងរ ។ អ្វីដែលគួរឱ្យព្រួយបារម្ភ ជាងនេះទៀតនោះគឺ សន្តិភាពសកល ក៏បាន និង កំពុង ទទួលរងនូវការគំរាមកំហែង ដោយសកម្ម- ភាពរបស់រដ្ឋមួយចំនួន ដែលបំពានដោយបើកចំហ លើច្បាប់, បទដ្ឋាន និង គោលការណ៍អន្តរជាតិ ដែលត្រូវបានទទួលស្គាល់ជាសកល ។សម្តេចបានបង្ហាញទំនុកចិត្តថា កិច្ចពិភាក្សានៅក្នុងថ្ងៃនេះ នឹងអនុញ្ញាតឱ្យការផ្លាស់ប្ដូរនូវស្មារតីរួម ឱ្យទៅជាចក្ខុវិស័យ ប្រកបដោយភាពជាក់ស្តែងនិយម ដែលនឹងផ្តល់អត្ថប្រយោជន៍ដល់ តំបន់ទាំង២និង ពិភពលោកទាំងមូល សម្រាប់រយៈពេលជាច្រើនទសវត្សរ៍ទៅមុខ៕ អត្ថបទ៖ មុត សុទ្ធ

សម្តេចតេជោ ហ៊ុន សែន ផ្ញើសារដ៏ផ្អែមល្ហែមបំផុតក្នុងថ្ងៃខួបកំណើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

ភ្នំពេញ៖ ក្នុងពេលបំពេញបេសកកម្មនៅក្រៅប្រទេស សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានផ្ញើសារជូនពរដ៏ផ្អែមល្ហែមបំផុត ក្នុងថ្ងៃខួបកំណើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។សារសម្តេចតេជោ ហ៊ុន សែន មានខ្លឹមសារថា «ប្រពន្ធសំលាញ់ ថ្ងៃ១៥ធ្នូនេះ ជាថ្ងៃកំណើតអូនក្នុងពេលបងជាប្តីជាប់បំពេញការងារនៅក្រៅប្រទេស។ សង្ឃឹមថា កូនៗ និងចៅៗ នឹងទៅបាយល្ងាចកំដរអូន ដែលក្នុងពេលម៉ោងនោះបងកំពុងស្ថិតនៅអាកាស»។សម្តេចតេជោ ហ៊ុន សែន បានបន្តថា «សល់តែ២១ថ្ងៃទៀតប៉ុណ្ណោះ នឹងដល់ខួបលើក៤៧នៃថ្ងៃរៀបការរបស់យើង(៥មករា១៩៧៦.៥មករា២០២៣)ដែលពេលនោះយើងនៅក្មេងៗដែលខុសជាមួយពេលនេះយើងមានចៅរហូត២២នាក់។សូមជូនពរលោកយាយប្រពន្ធពីចម្ងាយ»៕

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ នាយករដ្ឋមន្ត្រី ហ្វាំងឡង់

ភ្នំពេញ៖នៅរសៀលថ្ងៃទី១៤ ខែធ្នូ ឆ្នាំ២០២២ដដែលនេះ បន្ទាប់ពីជំនួបពិភាក្សាទ្វេរភាគីជាមួយ ឯកឧត្ដម Olaf Scholz អធិការបតីសហព័ន្ធអាល្លឺម៉ង់រួចមក សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តអញ្ជើញជួបពិភាក្សាការងារ ជាមួយលោកជំទាវ Sanna Marin នាយករដ្ឋមន្ត្រីហ្វាំងឡង់ នៅអាគារ Europa Building Forum ក្នុងទីក្រុងព្រុចស៊ែល ប្រទេសប៊ែលហ្ស៉ិក។សូមបញ្ជាក់ថា ក្នុងពេលនៃការចូល និងធ្វើជាសហប្រធាននៃកិច្ចប្រជុំរំលឹកខួបអនុស្សាវរីយ៍អាស៊ាន-សហភាពអឺរ៉ុប និងអបអរសាទរខួប៤៥ឆ្នាំ នៃដៃគូសន្ទនា អាស៊ាន-សហគមន៍អឺរ៉ុប សម្ដេចតេជោ នាយករដ្ឋមន្ត្រី បានអញ្ជើញជួបពិភាក្សាការងារជាមួយបណ្ដារមេដឹកនាំប្រទេសជាច្រើននៅក្នុងតំបន់អ៉ឺរ៉ុប ដើម្បីរឹតចំណងមិត្តភាព កិច្ចសហប្រតិបត្តិការ រវាងប្រទេស និងប្រទេស ក៏ដូចជាក្នុងតំបន់ និងពិភពលោក។

បារាំងអរគុណកម្ពុជា ដែលបង្ហាញនូវការគាំទ្រចំពោះពលរដ្ឋអ៊ុយក្រែន

ភ្នំពេញ ៖ នៅថ្ងៃទី១៣ ខែធ្នូ ឆ្នាំ២០២២នេះ នៅឯទីក្រុងប៉ារីសប្រទេសបារាំង សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានអញ្ជើញធ្វើសន្និសីទរួមគ្នាជាមួយឯកឧត្តម អេម៉ានុយអែល ម៉ាក្រុង ប្រ ធានាធិបតីបារាំង។សូមជម្រាបថា សម្តេចតេជោនាយករដ្ឋមន្ត្រី ក្នុងដំណើរទស្សនកិច្ចនៅក្រុងប៉ារីស ប្រទេសបារាំង នាថ្ងៃទី១៣ ខែធ្នូ ឆ្នាំ២០២២ បានទទួលការស្វាគមន៍យ៉ាងកក់ក្តៅបំផុតពីសំណាក់ឯកឧត្ដមប្រធានាធិបតីបារាំង។ នៅឯវិមានរដ្ឋាភិបាលបារាំង អេលីហ្សេ សម្តេចតេជោ ហ៊ុន សែន និងឯកឧត្តមប្រធានាធិបតីបា រាំង បានធ្វើសន្និសីទរួមគ្នា ហើយបានអញ្ជើញទស្សនកិច្ចនៅក្នុងវិមានអេលីហ្សេ ប្រកបដោយភាពស្និ ទ្ធស្នាលជាទីបំផុត។ នៅក្នុងសន្និសីទព័ត៌មានរួមគ្នានៅវិមានអេលីហ្សេ សម្តេចតេជោ ហ៊ុន សែន និងឯកឧត្តមប្រធានាធិបតីបារាំង បានគូសរំលេចឡើងវិញអំពីចំណងទំនាក់ទំនង និងកិច្ចសហប្រតិបត្តិការដ៏យូរលង់រវាងប្រទេសទាំងពីរ។ក្នុងសន្និសីទនេះឯកឧត្តម ម៉ាក្រុង បានថ្លែងរម្លឹកអំពីការលើកស្ទួយ និងការការពារសន្តិភាពនៅកម្ពុជាកាលពីអតីតកាល។ ឯកឧត្តមប្រធានាធិបតី ក៏បានរំលឹកអំពីសុន្ទរកថារបស់លោកឧត្តមសេនីយ៍ ហ្សាល ដឺហ្គោល កាលពីឆ្នាំ១៩៦៦ នៅរាជធានីភ្នំពេញ ដែលអំពាវនាវឱ្យសហរដ្ឋអាម៉េរិក កុំពង្រីកសង្គ្រាមនៅឥណ្ឌូនចិន។ ឯកឧត្តម ម៉ាក្រុង ក៏បានរម្លឹកឡើងវិញផងដែរ អំពីការចុះហត្ថលេខាលើកិច្ចព្រមព្រៀងទីក្រុងប៉ារីសក្នុងឆ្នាំ១៩៩១ ស្តីពីសន្តិភាពនៅកម្ពុជា ដើម្បីធានាអធិបតេយ្យភាព បូរណភាពទឹកដីរបស់កម្ពុជា សម្រាប់ការកសាងកម្ពុជាឡើងវិញ។ទន្ទឹមនឹងរំលឹកអំពីការជួយជ្រោមជ្រែងដល់កម្ពុជាលើដំណើរស្វែងរកសន្តិភាពកាលពីអតីតកាលហើយនោះ ឯកឧត្តមប្រធានាធិបតីបារាំង ក៏បានបង្ហាញការអរគុណ និងស្ញប់ស្ញែងចំពោះទឹកចិត្តរបស់សម្តេចតេជោ ក្នុងសង្គ្រាមនៅប្រទេសអ៊ុយក្រែន។ឯកឧត្តមប្រធានាធិបតី បានគូសបញ្ជាក់ថា ខណៈដែលសង្គ្រាមកំពុងកើតឡើងនៅអឺរ៉ុប សម្តេចបានសម្រេចចិត្តអញ្ជើញមកទីក្រុងប៉ារីស ដើម្បីចូលរួមក្នុងសន្និសីទស្តីពីការគាំទ្រប្រជាពលរដ្ឋអ៊ុយក្រែន នៅក្នុងក្របខណ្ឌនៃការបន្តអនុវត្តសេចក្តីសម្រេចចិត្តរបស់អង្គការសហប្រជាជាតិ ដែលថ្កោលទោសការធ្វើទុកបុកម្នេញរបស់ប្រទេសរុស្ស៉ី និងដើម្បីការពារសន្តិភាពជានិរន្តរ៍។ ខ្ញុំសូមអរគុណសម្តេចជាឱឡារិក។ ឯកឧត្តមប្រធានាធិបតីក៏បានគូសរំលេចផងដែរថា ការជួបជាមួយសម្តេចតេជោក៏អនុញ្ញាតឱ្យភាគីទាំងពីរអាចពិភាក្សាអំពីកិច្ចសហប្រតិបត្តិការក្នុងក្របខណ្ឌនៃយុទ្ធសាស្ត្រឥណ្ឌូប៉ាស៊ីហ្វិក។ក្នុងសេចក្តីថ្លែងការណ៍ពេលធ្វើសន្និសីទព័ត៌មាននោះ ឯកឧត្តម ម៉ាក្រុង ក៏បានអត្ថាធិប្បាយផ្តល់ការកោតសរសើរកម្ពុជា ចំពោះការប្តេជ្ញាចិត្តក្នុងការប្រយុទ្ធប្រឆាំងការប្រែប្រួលអាកាសធាតុ។ ឯកឧត្តម ប្រធានាធិបតី បានថ្លែងថា នេះជាគំរូដ៏គួរឱ្យកត់សម្កាល់របស់ប្រទេសមួយក្នុងការចាត់ចែងការអភិវឌ្ឍដ៏លឿន ដោយគិតគូរពីគោលនយោបាយថាមពលដ៏ល្អអស្ចារ្យ។ក្នុងសន្និសីទព័ត៌មាននេះ សម្តេចតេជោ ហ៊ុន សែន ក៏បានឆ្លៀតថ្លែងអំណរគុណប្រទេសបារាំង ដែលបានចូលរួមចំណែកយ៉ាងសំខាន់ក្នុងដំណើរការកសាងសន្តិភាព និងការអភិវឌ្ឍប្រទេសកម្ពុជារហូតដល់បច្ចុប្បន្ន។ សម្តេចតេជោ ក៏បានអរគុណឯកឧត្ដមប្រធានាធិបតី ដែលរដ្ឋាភិបាលបារាំងបានទទួលប្រជាពលរដ្ឋខ្មែររត់ភៀសខ្លួនពីសង្គ្រាម និងពីរបបប្រល័យពូជសាសន៍ ប៉ុល ពត។សម្តេចតេជោ បានគូសបញ្ជាក់ថា ការរីកចម្រើនរបស់យើងមិនអាចកាត់ផ្តាច់ ចេញពីការជួយឧបត្ថម្ភទាំងឡាយរបស់បារាំងបានទេ។ក្នុងសន្និសីទព័ត៌មាននោះ សម្តេចតេជោ បានបង្ហើបប្រាប់ប្រធានាធិបតីបារាំងអំពីការរកឃើញរូបសំ ណាកមិត្តភាពកម្ពុជា-បារាំង ហើយគ្រោងនឹងសាងសង់រូបសំណាកនោះឡើងវិញ នៅមុខស្ថានទូតបារាំងក្នុងរាជធានីភ្នំពេញ។បើតាមសម្តេចតេជោ រូបសំណាកនេះត្រូវបានប្រទះឃើញ៣ថ្ងៃមុន ដំណើរសម្តេចតេជោទៅកាន់ប្រទេសបារាំង។ រូបសំណាកនេះ ត្រូវបានសាងសង់ក្នុងឆ្នាំ១៩២៥ ហើយត្រូវបានខ្មែរក្រហមវាយកម្ទេចចោលក្នុងឆ្នាំ១៩៧៧។សម្តេចតេជោ បានថ្លែងបញ្ជាក់ថា សម្តេចបានយល់ព្រមជាមួយរដ្ឋមន្ត្រីក្រសួងដែនដីនគរូបនីយកម្មរួចហើយ យើងនឹងកសាងរូបសំណាកនេះឡើងវិញ ដែលជានិមិត្តរូបនៃសាមគ្គីភាពរវាងបារាំង និងកម្ពុជា ហើយដាក់នៅទល់មុខស្ថានទូតបារាំងតែម្ដង។ សង្ឃឹមថា ឯកឧត្តមប្រធានាធិបតី មិនជំទាស់នឹងគម្រោ ងនេះទេ។សម្តេចតេជោ ហ៊ុន សែន ក៏បានលើកសំណើឱ្យមានការជជែកគ្នាឡើងវិញ ក្នុងការកំណត់កាលបរិច្ឆេទឱ្យបានច្បាស់លាស់នៃការបង្កើតទំនាក់ទំនងការទូតរវាងបារាំង និងកម្ពុជា។ក្នុងឱកាសនោះ សម្តេចតេជោ ហ៊ុន សែន បានឆ្លៀតគូសរំលេចពីការទស្សន៍ទាយរបស់សម្តេចពាក់ព័ន្ធការប្រកួតបាល់ទាត់ពិភពលោក។ សម្តេចតេជោបានប្រាប់ប្រធានាធិបតីពីក្តីរំពឹងថា បារាំងនឹងលើ កពាន ហើយសម្តេចតេជោក៏បានជូនពរបារាំងឱ្យលើកពានបាល់ទាត់ពិភពលោកឆ្នាំ២០២២នេះផងដែរ៕ដោយ៖ គង់ ឌិន

ពលរដ្ឋអ៊ុយក្រែនដែលចាកចេញពីទីក្រុង Bakhmut និយាយថា មានការបាញ់ផ្លោងឥតឈប់ឈរ និងត្រជាក់ខ្លាំង

អ៊ុយក្រែន៖ ប្រជាជនអ៊ុយក្រែនដែលកំពុងចាកចេញពីទីក្រុង Bakhmut ភាគខាងកើតក្នុងសប្តាហ៍នេះ បាននិយាយអំពីការបាញ់ផ្លោងរបស់រុស្ស៊ីឥតឈប់ឈរ ដែលបង្ខំឱ្យអ្នកស្រុកស្នាក់នៅក្នុងបន្ទប់ក្រោមដី និងដេកក្នុងភាពត្រជាក់ខ្លាំង។ ទីក្រុង Bakhmut មានប្រជាជនចំនួន ៨០,០០០នាក់ មុនពេលដែលរុស្ស៊ីចាប់ផ្តើមការវាយលុកទ្រង់ទ្រាយធំលើទឹកដីអ៊ុយក្រែនក្នុងខែកុម្ភៈ បានក្លាយជានិមិត្តរូបនៃសង្គ្រាមដែលកំពុងកើតមាន នៅតាមបណ្តោយព្រំដែនភាគខាងកើត ជាកន្លែងដែលទីតាំងសត្រូវស្ថិតនៅចម្ងាយជាង ២០០-៣០០ម៉ែត្រក្នុងប៉ុន្មានសប្តាហ៍ថ្មីៗនេះ។ អ្នកជំនាញយោធានិយាយថា ទីក្រុង Bakhmut ទំនងជាមានយុទ្ធសាស្ត្រតិចតួច ប៉ុន្តែកងកម្លាំងរុស្ស៊ីរួមទាំងទាហានស៊ីឈ្នួលកំពុងប្រយុទ្ធឲ្យក្រុមហ៊ុន Wagner ក្នុងរយៈពេលប៉ុន្មានថ្ងៃថ្មីៗនេះដែលបានបង្កើនការបាញ់ផ្លោង។ស្ត្រីចូលនិវត្តន៍អាយុ ៧០ឆ្នាំម្នាក់និយាយថា លំនៅឋានបានរង្គើ ហើយយើងមិនអាចដេកលក់នោះទេក្នុងសប្តាហ៍ចុងក្រោយនេះទេ ដូច្នេះលោកស្រីសម្រេចចិត្តចាកចេញ។ នៅមុនសង្គ្រាមទីក្រុង Bakhmut ត្រូវបានគេស្គាល់ថា ជាទីក្រុងល្អបំផុតសម្រាប់ម៉ាកយីហោដ៏ពេញនិយមរបស់ខ្លួននៃសម័យសូវៀត ដូចជាផលិតផលស្រាជាដើម។ ការបាត់បង់ផ្នែកយោធាទាំងសងខាងអាចមានកម្រិតធ្ងន់នៅក្នុង និងជុំវិញទីក្រុង Bakhmut នៅក្នុងការប្រយុទ្ធគ្នាចាប់តាំងពីខែឧសភា។ យោងតាមអភិបាលតំបន់បានឲ្យដឹងថា ប្រជាជនមិនដល់ ១២,០០០នាក់នៅតែស្ថិតក្នុងទីក្រុងមួយនេះដែលបានរងការខូចខាតយ៉ាងធ្ងន់ធ្ងរ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

អង្គការសុខភាពពិភពលោកនិយាយថា ការហក់ឡើងករណីឆ្លងវីរុស Covid-19 នៅចិនដោយសារបន្ធូរបន្ថយវិធានការទប់ស្កាត់

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19

សម្តេចតេជោ៖ អាស៊ាន និងសហភាពអឺរ៉ុបត្រូវតែធ្វើការជាមួយគ្នាស្អិតរមួត ដើម្បីធានាសណ្ដាប់ធ្នាប់អន្តរជាតិ

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ នាយករដ្ឋមន្ត្រី ហ្វាំងឡង់

បារាំងអរគុណកម្ពុជា ដែលបង្ហាញនូវការគាំទ្រចំពោះពលរដ្ឋអ៊ុយក្រែន

ពលរដ្ឋអ៊ុយក្រែនដែលចាកចេញពីទីក្រុង Bakhmut និយាយថា មានការបាញ់ផ្លោងឥតឈប់ឈរ និងត្រជាក់ខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​កាន់តែច្រើន​កំពុង​ស្លាប់​នៅ​សូ​ម៉ាលី ខណៈ​គ្រោះ​មហន្តរាយ​ស្បៀងអាហារ​កាន់តែ​ធ្ងន់ធ្ងរ​ខ្លាំង​

អង្គការសហប្រជាជាតិ​រារាំង​របប​សឹក​សហភាព​មី​យ៉ាន់​ម៉ា​មិន​ឲ្យ​មាន​កៅអី​នៅ​អង្គការ​សហប្រជាជាតិ​

ពលរដ្ឋ​ចិន​សម្រុក​ទិញ​ទំនិញ​ទាំង​ស្លន់ស្លោ​ ខណៈ​ការខ្វះខាត​អំឡុង​បន្ធូរបន្ថយ​វិធានការ​រឹតត្បិត​ COVID-19

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ នាយករដ្ឋមន្ត្រី ហ្វាំងឡង់

បារាំងអរគុណកម្ពុជា ដែលបង្ហាញនូវការគាំទ្រចំពោះពលរដ្ឋអ៊ុយក្រែន

ពលរដ្ឋ​អ៊ុយ​ក្រែ​ន​ដែល​ចាក​ចេញពី​ទីក្រុង Bakhmut និយាយថា ​មានការ​បាញ់​ផ្លោង​ឥតឈប់ឈរ និង​ត្រជាក់​ខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សកាន់តែច្រើនកំពុងស្លាប់នៅសូម៉ាលី ខណៈគ្រោះមហន្តរាយស្បៀងអាហារកាន់តែធ្ងន់ធ្ងរខ្លាំង

អង្គការសហប្រជាជាតិរារាំងរបបសឹកសហភាពមីយ៉ាន់ម៉ាមិនឲ្យមានកៅអីនៅអង្គការសហប្រជាជាតិ

ពលរដ្ឋចិនសម្រុកទិញទំនិញទាំងស្លន់ស្លោ ខណៈការខ្វះខាតអំឡុងបន្ធូរបន្ថយវិធានការរឹតត្បិត COVID-19

ពលរដ្ឋអ៊ុយក្រែនដែលចាកចេញពីទីក្រុង Bakhmut និយាយថា មានការបាញ់ផ្លោងឥតឈប់ឈរ និងត្រជាក់ខ្លាំង