BTV NEWS

សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ

កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ព័ត៌មានសំខាន់ៗ

ឯកឧត្ដម ស៊ុន ចាន់ថុល ស្នើដល់ក្រុមហ៊ុនទទួលគម្រោងសាងសង់សម្ពោធស្ពាន ឆ្លងទន្លេមេគង្គ និងផ្លូវត្រូវអនុវត្តការងារឱ្យបានត្រឹមត្រូវប្រកបដោយគុណភាព

ក្រចេះ៖ រដ្ឋមន្រ្ដីក្រសួងសាធារណៈការ និងដឹកជញ្ជូន ឯកឧត្ដម ស៊ុន ចាន់ថុល ថ្លែងក្នុងពិធីសម្ពោធស្ពានឆ្លងទន្លេមេគង្គ និងផ្លូវក្នុងខេត្តក្រចេះ នាព្រឹកថ្ងៃទី២ ខែមករា ឆ្នាំ២០២៣ ដោយស្នើដល់ក្រុមហ៊ុនទទួលគម្រោងសាងសង់ត្រូវអនុវត្តការងារឱ្យបានត្រឹមត្រូវប្រកបដោយគុណភាព និងស្នើសុំប្រជាពលរដ្ឋមានផ្ទះជិតគម្រោងមេត្តាយោគយល់ និងអធ្យាស្រ័យខ្ពស់ដើម្បីជំរុញការសាងសង់ដំណើការដោយរលូន អាចបញ្ចប់តាមការគ្រោងទុក។ឯកឧត្ដមបានថ្លែងថា គម្រោងសាងសង់ស្ពានឆ្លងទន្លេមេគង្គនេះមានប្រវែង ១៧៦១ ម៉ែត្រ ពីស្រុកចិត្របុរី ទៅស្រុកព្រែកប្រសព្វ ក្នុងខេត្តក្រចេះ និងផ្លូវតភ្ជាប់ប្រវែងសរុប ៣១,៦៩ គីឡូម៉ែត្រ។គម្រោងនេះ នឹងត្រូវអនុវត្តការសាងសង់ដោយក្រុមហ៊ុនសំណង់សៀងហៃ និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេស ក្វាងចូវវ៉ានអាន (WACC) ដោយប្រើរយៈពេលសាងសង់ចំនួន ៤២ ខែ និងគ្រោងបញ្ចប់នៅក្នុងឆ្នាំ២០២៦។ គម្រោងនេះគ្រោងចំណាយថវិកាសរុបប្រមាណ ១១៤ លានដុល្លារអាមេរិក ដែលជាឥណទានពីរដ្ឋាភិបាលចិនរួមជាមួយនឹងថវិកាបដិភាគរបស់រាជរដ្ឋាភិបាលកម្ពុជាសម្រាប់ការដោះស្រាយផលប៉ះពាល់ និងពន្ធអាករផ្សេងៗ។ឯកឧត្ដមបញ្ជាក់ថា៖«ខ្ញុំបាទក៏សូមផ្ដាំផ្ញើដល់ក្រុមហ៊ុនសាងសង់ ក្រុមហ៊ុនត្រួតពិនិត្យបច្ចេកទេសសូមអនុវត្តការងារឱ្យបានត្រឹមត្រូវ និងសម្រេចជោគជ័យប្រកបសោយគុណភាព និងប្រសិទ្ធភាព និងស្នើដល់បងប្អូនប្រជាពលរដ្ឋ ដែលមានផ្ទះសម្បែងនៅជិតការដ្ឋានសាងសង់ ឬទទួលរងផលប៉ះពាល់ដោយសារគម្រោងអភិវឌ្ឍនេះ សូមមេត្តាយោគយល់ និងអធ្យាស្រ័យខ្ពស់ដើម្បីជំរុញការសាង់សង់ឱ្យដំណើការបានរលូន និងបញ្ចប់តាមផែនការគ្រោងទុក»។បើតាមឯកឧត្ដមរដ្ឋមន្រ្ដី ស៊ុន ចាន់ថុល គម្រោងសាងសង់ស្ពាន និងផ្លូវនាឱកាសនេះ គឺជាគម្រោងយុទ្ធសាស្រ្ដមួយយ៉ាងសំខាន់ សម្រាប់តភ្ជាប់ទំនាក់ទំនង និងក្ដីសង្ឃឹមរវាងប្រជាពលរដ្ឋដែលរដ្ឋនៅត្រយខាងកើត និងពលរដ្ឋរស់នៅត្រយខាងលិច រួមទាំងតភ្ជាប់តំបន់ដាច់ស្រយ៉ាល់នៅភាគឦសានមកកាន់ទីប្រជុំជន។គម្រោងនេះ គឺជាផ្នែកមួយនៃផ្លូវជាតិលេខ៦០ តភ្ជាប់ពីខេត្តក្រចេះ ទៅខេត្តកំបង់ធំ ដែលមានភាពប្រទាក់ក្រឡាជាមួយផ្លូវជាតិ និងផ្លូវខេត្តសំខាន់ៗផងដែរ។ ឯកឧត្ដមបានថ្លែងថា ស្ពាន និងផ្លូវតភ្ជាប់នេះ គឺជាហេដ្ឋារចនាសម្ព័ន្ធដ៏សំខាន់មួយ ដែលកើតឡើងពីកិច្ចខិតខំប្រឹងប្រែងរបស់រាជរដ្ឋាភិបាល ដើម្បីលើកកម្ពស់ការតភ្ជាប់អាស៊ាន និងការតភ្ជាប់មហាអនុតំបន់មេគង្គ អនុតំបន់មេគង្គឡានឆាង ពិសេសចូលរួមលើកកម្ពស់ការអភិវឌ្ឍផែនការមេតំបន់ត្រីកោណផងដែរ CLV។ ឯកឧត្ដមបញ្ជាក់ថា ក្រោយបញ្ចប់ការសាងសង់ ស្ពាន និងផ្លូវតភ្ជាប់នេះ និងជំរុញឱ្យមានសន្ទុះកើនឡើងនូវសកម្មភាពដឹកជញ្ជូន ពាណិជ្ជកម្ម និងវិនិយោគ ព្រមទាំងជំរុញការអភិវឌ្ឍវិស័យកសិកម្ម កសិឧហ្សាហកម្ម និងទេសចរណ៍នៅតាមបណ្ដាខេត្ត ដែលស្ថិតនៅភូមិភាគឦសាន រួមទាំងតំបន់ត្រីកោណអភិវឌ្ឍផងដែរស្របតាមគោលនយោបាយ និងផែនការមេរបស់រាជរដ្ឋាភិបាល៕

ប្រធានមូលនិធិរូបិយវត្ថុអន្តរជាតិព្រមានថា សេដ្ឋកិច្ចសកលប្រឈមការលំបាកកាន់តែខ្លាំងក្នុងឆ្នាំ២០២៣

ពិភពលោក៖ ប្រធានមូលនិធិរូបិយវត្ថុអន្តរជាតិហៅកាត់ថា IMF បាននិយាយកាលពីថ្ងៃអាទិត្យថា សម្រាប់សេដ្ឋកិច្ចពិភពលោកភាគច្រើនឆ្នាំ២០២៣ នឹងជាក្លាយជាឆ្នាំដ៏លំបាក ខណៈដែលក្បាលម៉ាស៊ីនសំខាន់នៃកំណើនពិភពលោក ដូចជាសហរដ្ឋអាមេរិក អឺរ៉ុប និងចិនសុទ្ធតែជួបប្រទះសកម្មភាពចុះខ្សោយ។ លោកស្រី Kristalina Georgieva ប្រធានគ្រប់គ្រងមូលនិធិរូបិយវត្ថុអន្តរជាតិបាននិយាយនៅក្នុងកម្មវិធីព័ត៌មាន Face the Nation របស់ទូរទស្សន៍ CBS កាលពីព្រឹកថ្ងៃអាទិត្យថា ឆ្នាំថ្មីនេះនឹងជួបការលំបាកជាងឆ្នាំមុនដែលយើងបានហែលឆ្លង។ លោកស្រីបាននិយាយថា ដើមចមដែលលោកស្រីលើកឡើងបែបនេះ ព្រោះប្រទេសមានសេដ្ឋកិច្ចរីកចម្រើនធំៗទាំង៣ គឺសហរដ្ឋអាមេរិក សហភាពអឺរ៉ុប និងប្រទេសចិនសុទ្ធតែកំពុងធ្លាក់ចុះក្នុងពេលដំណាលគ្នា។ កាលពីខែតុលា ឆ្នាំ២០២២ មូលនិធិរូបិយវត្ថុអន្តរជាតិបានកាត់បន្ថយទស្សនវិស័យរបស់ខ្លួន សម្រាប់កំណើនសេដ្ឋកិច្ចសកលនៅក្នុងឆ្នាំ២០២៣ ដែលឆ្លុះបញ្ចាំងពីការបន្តធ្លាក់ចុះដោយសារសង្គ្រាមនៅក្នុងប្រទេសអ៊ុយក្រែន ព្រមទាំងសម្ពាធអតិផរណា និងអត្រាការប្រាក់ខ្ពស់កំណត់ដោយធនាគារកណ្ដាលនានា ដូចជាធនាគារកណ្ដាលអាមេរិកមានបំណងធ្វើឲ្យសម្ពាធតម្លៃទំនិញធ្លាក់ចុះ៕អត្ថបទ៖ សុខមាន

មេដឹកនាំកូរ៉េខាងជើងបញ្ជាឲ្យផលិតមីស៊ីលអន្តរទ្វីបបាលីស្ទីក ICBM ថ្មី និងពង្រីកឃ្លាំងអាវុធនុយក្លេអ៊ែរ

កូរ៉េខាងជើង៖ សារព័ត៌មានរដ្ឋបានរាយការណ៍ថា មេដឹកនាំកូរ៉េខាងជើងលោក Kim Jong-un បានអំពាវនាវឲ្យប្រទេសនេះផលិតមីស៊ីលអន្តរទ្វីបបាលីស្ទីកថ្មី និងពង្រីកឃ្លាំងអាវុធនុយក្លេអ៊ែររបស់ខ្លួន ស្របពេលកើនឡើងភាពតានតឹងនៅលើឧបទ្វីបកូរ៉េ។ យោងតាមទីភ្នាក់ងារសារព័ត៌មានរដ្ឋ KCNA លោក Kim បាននិយាយកាលពីថ្ងៃអាទិត្យថា ទីក្រុងព្យុងយ៉ាងត្រូវការអំណាចយោធាដ៏ខ្លាំងក្លាដើម្បីការពារខ្លួន ខណៈទីក្រុងវ៉ាស៊ីនតោន និងសត្រូវរបស់យើងគឺទីក្រុងសេអ៊ូលព្យាយាមរារាំង និងធ្វើឲ្យកូរ៉េខាងជើងឯកា ដោយការដាក់ពង្រាយអាវុធនុយក្លេអ៊ែររបស់សហរដ្ឋអាមេរិក នៅក្នុងទឹកដីកូរ៉េខាងត្បូង។ អំឡុងជំនួបបក្សកាន់អំណាចពលករកូរ៉េ មេដឹកនាំប្រទេសនេះបានទទូចថា មីស៊ីលអន្តរទ្វីបបាលីស្ទីកថ្មីដែលមានសមត្ថភាពប្រឆាំង ការវាយប្រហារដោយនុយក្លេអ៊ែរដ៏រហ័សត្រូវតែផលិតដោយកូរ៉េខាងជើង។ទីភ្នាក់ងារសារព័ត៌មាន KCNA បានរាយការណ៍ថា លោក Kim បានសង្កត់ធ្ងន់លើសារៈសំខាន់ នៃអាវុធនុយក្លេអ៊ែរយុទ្ធសាស្ត្រផលិតទ្រង់ទ្រាយធំដោយនិយាយថា ការកើនឡើងនៃឃ្លាំងអាវុធនុយក្លេអ៊ែររបស់ប្រទេសនេះ នឹងក្លាយជាទិសដៅសំខាន់នៃយុទ្ធសាស្ត្រការពារជាតិរបស់កូរ៉េខាងជើងក្នុងឆ្នាំ២០២៣។ ទីភ្នាក់ងារនេះបានបន្ថែមថា ទីក្រុងព្យុងយ៉ាងក៏គ្រោងបាញ់បង្ហោះផ្កាយរណបយោធាដំបូងរបស់ខ្លួនផងដែរ ក្នុងពេលដ៏ខ្លីបំផុតដែលអាចធ្វើទៅបាន ហើយនេះគឺនៅក្នុងដំណាក់កាលចុងក្រោយនៃការអភិវឌ្ឍន៍។ យោងតាមមន្ត្រីការពារជាតិកូរ៉េខាងត្បូង និងជប៉ុនដែលបានថ្កោលទោសការបង្ហាញកម្លាំងថា ជាការគំរាមកំហែងដល់ស្ថិរភាពក្នុងតំបន់ កាលពីថ្ងៃសៅរ៍កូរ៉េខាងជើងបានបាញ់មីស៊ីលបាលីស្ទីករយៈចម្ងាយខ្លីចំនួន ៣គ្រាប់ចូលសមុទ្រជប៉ុន៕អត្ថបទ៖ សុខមាន

សម្តេចតេជោ៖ អាជ្ញាធរ និងក្រសួងកសិកម្ម ទទួលខុសត្រូវ ដើម្បីធានាថាសត្វផ្សោតនៅខេត្តក្រចេះមិនត្រូវបានជាប់មង

ក្រចេះ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់រួមគ្នាជាមួយឯកអគ្គរដ្ឋទូតចិនប្រចាំកម្ពុជា ក្នុងពិធីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ ក្រោមឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិននាព្រឹកថ្ងៃទី២ ខែមករា ឆ្នាំ២០២៣នេះ ជាមួយនឹងការរំលឹកពីការខិតខំស្វែងរកការអភិវឌ្ឍ និងលើកឡើងពីប្រវត្តិអនុស្សាវរីយ៍នៅទឹកដីខេត្តក្រចេះ ក្នុងការកសាងកងកម្លាំងតស៊ូរំដោះប្រទេសចេញពីរបបខ្មែរក្រហម សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានណែនាំទៅកាន់អាជ្ញាធរ និងមន្ត្រីក្រសួងកសិកម្ម រុក្ខាប្រមាញ់ និងនេសាទត្រូវទទួលខុសត្រូវ ដើម្បីធានាថាសត្វផ្សោតនៅខេត្តក្រចេះមិនត្រូវបានជាប់មង។សម្តេចបានគូសបញ្ជាក់ថា អាជ្ញាធរខេត្ត អ្នកពាក់ព័ន្ធ និងក្រសួងកសិកម្ម ត្រូវរៀបចំឱ្យបានច្បាស់លាស់នូវតំបន់អចិន្ត្រៃយ៍ និងមិនអចិន្ត្រៃយ៍ ដើម្បីអភិរក្សការពារសត្វផ្សោតកុំឱ្យឈានទៅរកការផុតពូជ។សម្ដេចបានមានប្រសាសន៍បន្តថា ត្រូវរៀបរយតាមអ្នកបច្ចេកទេសដោយត្រូវមានតំបន់ស្នូលអចិន្ត្រៃយ៍ គឺត្រូវតែមានគំនូសហាមឃាត់ដាច់ខាតដោយដាក់ពោងទម្លាក់យុទ្ធថ្កា ដើម្បីការពារកុំឲ្យអ្នកនេសាទចូលឲ្យសោះ ដោយមិនឱ្យមានការចូលទៅរាយម៉ោងអ្វីតទៅទៀតទេ ដែលវានាំទៅដល់ការផុតពូជសត្វផ្សោតនៅខេត្តក្រចេះ។ សម្តេចបន្តថា ការអភិរក្សបានបែបនេះ នឹងធានាបាននូវតំបន់ទេសចរណ៍ ផ្សារភ្ជាប់ដោយការអភិវឌ្ឍន៍កសាងហេដ្ឋារចនាសម្ព័ន្ធផ្លូវស្ពានជាច្រើន៕ អត្ថបទ៖ មុត សុទ្ធ

ប្រសាសន៍សំខាន់ៗរបស់សម្ដេចតេជោ ហ៊ុន សែន ថ្លែងក្នុងពិធីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ

ក្រចេះ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូត នៃសាធារណរដ្ឋប្រជាមានិតចិនប្រចាំកម្ពុជា បានអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោ មានប្រសាសន៍ថា ភាពរីកចម្រើន នៃហេដ្ឋរចនាសម្ព័ន្ធតភ្ជាប់(ផ្លូវ, ស្ពាន) ធ្វើឱ្យតំបន់នានាកាន់តែខិតជិតគ្នា ដែលការខិតជិតគ្នានេះ ដោយសារស្ពានឆ្លងស្រួល ផ្លូវធ្វើដំណើលឿន និងចំណេញពេលវេលា។- សម្តេចតេជោ ហ៊ុន សែន បានបញ្ជាក់ថា ការឆ្លងទន្លេដោយទូក-ដ គឺមានហានិភ័យខ្ពស់ណាស់ ជាពិសេសទូក-ដតូចៗ ដែលនៅខេត្តក្រចេះនេះ ក៏ធ្លាប់មានករណីលិចទូក-ដចម្លង បណ្តាលឱ្យមានមនុស្សស្លាប់ផងដែរ កាលពីឆ្នាំ២០១១។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តក្រចេះ ដែលបានបោះឆ្នោតគាំទ្រគណបក្សប្រជាជនកម្ពុជាក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ហើយសម្តេចសង្ឃឹមយ៉ាងមុតមាំថាប្រជាពលរដ្ឋខេត្តក្រចេះ នឹងបន្តបោះឆ្នោតជូនគណបក្សប្រជាជនកម្ពុជា ក្នុងការបោះឆ្នោតសកលឆ្នាំ២០២៣ និងការបោះឆ្នោតជាបន្តបន្ទាប់។- សម្តេចតេជោ ហ៊ុន សែន ប្រកាសថា រដ្ឋាភិបាលចិន បានប្រកាសបើកប្រទេសឡើងវិញបន្ទាប់ធូរស្បើយពីជំងឺកូវីដ-១៩ ហើយទេសចរចិននឹងធ្វើដំណើរចេញក្រៅប្រទេស ដែលកម្ពុជា ជាទិសដៅដ៏ល្អមួយ សម្រាប់ទេសចរចិន ហើយកម្ពុជាសូមស្វាគមន៍ជានិច្ច។- សម្តេចតេជោ ហ៊ុន សែន បានប្រកាសសុំការអធ្យាស្រ័យពីប្រជាពលរដ្ឋរស់នៅតាមសងខាងការដ្ឋានស្ថាបនាស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ និងប្រជាពលរដ្ឋធ្វើដំណើរពេលការដ្ឋានបានចាប់ផ្តើម ដែលនឹងមានផលប៉ះពាល់ខ្លះជៀសមិនរួច តែនៅពេលរួចរាល់ផ្លូវ និងស្ពាននេះ នឹងផ្តល់អត្ថប្រយោជន៍រាប់មិនអស់ដល់ប្រជាពលរដ្ឋ និងសង្គមជាតិ។- សម្តេចតេជោ ហ៊ុន សែន ប្រកាសអបអរសាទរដល់សិស្សានុសិស្ស ដែលនៅថ្ងៃទី២ ខែមករា ឆ្នាំ២០២៣នេះ ជាថ្ងៃបើកបវេសនកាលឆ្នាំសិក្សាថ្មី ២០២២-២០២៣ សម្រាប់គ្រឹះស្ថានសិក្សាសាធារណៈចាប់ពីកម្រិតមតេយ្យសិក្សា ដល់ថ្នាក់វិទ្យាល័យទូទាំងប្រទេស។- សម្តេចតេជោ ហ៊ុន សែន ប្រកាសដល់អភិបាលខេត្តក្រចេះ និងខេត្តតភ្ជាប់ពាក់ព័ន្ធ សូមគិតគូរអភិរក្សសត្វផ្សោត ដោយមិនរង់ចាំតែក្រសួងកសិកម្ម រុក្ខាប្រមាញ់ និងនេសាទនោះទេ។ សម្តេចតេជោ សម្រេចឱ្យបង្កើតតំបន់ស្នូលមួយដើម្បីការពារសត្វផ្សោយជាអចិន្ត្រៃយ៍។- សម្តេចតេជោ ហ៊ុន សែន ប្រកាសថ្លែងអំណរគុណដល់អាជ្ញាធរ និងសមត្ថកិច្ច ដែលបានបង្កលក្ខណៈងាយស្រួល សម្រាប់ប្រជាពលរដ្ឋកម្សាន្តសប្បាយក្នុងឱកាសឆ្លងឆ្នាំ ដែលកត្តាទាំងនេះ បានមកពីសុខសន្តិភាព និងការគ្រប់គ្រងការឆ្លងរីករាលដាលជំងឺកូវីដ-១៩ដ៏ល្អ។សង្កថាសម្តេចតេជោ ហ៊ុន សែន ចប់នៅវេលាម៉ោង ៩ និង១៨នាទី

សម្តេចតេជោ ថ្លែងអំណរគុណដល់បងប្អូនខេត្តក្រចេះដែលបានបោះឆ្នោតគាំទ្រគណបក្សប្រជាជននាពេលកន្លងមក

ក្រចេះ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានថ្លែងអំណរអគុណដល់បងប្អូនប្រជាពលរដ្ឋនៅខេត្តក្រចេះ ដែលបានបោះឆ្នោតគាំទ្រគណបក្សប្រជាជនកម្ពុជា ឲ្យឈ្នះភ្លូកទឹកភ្លូកដីនាពេលកន្លងមក ហើយសម្តេចរំពឹងថាបងប្អូននឹងបន្តគាំទ្រគណបក្សនេះជារៀង រហូតទៅផងដែរ។ថ្លែងនៅក្នុង ឱកាសអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន នាព្រឹកថ្ងៃទី២ ខែមករា ឆ្នាំ២០២៣នេះ សម្តេចតេជោ ហ៊ុន សែន បានថ្លែងថា គណបក្សប្រជាជនកម្ពុជា គឺជាគណបក្សផ្តល់ទំនុក ចិត្តដល់ប្រជាពលរដ្ឋ ដូច្នេះហើយបានជាបងប្អូនបន្តបោះឆ្នោតគាំទ្ររហូតមកនោះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានចំអកដល់គណបក្សខ្លះ និងក្រុមខ្លះដែលចង់ប្រកួតប្រជែងជាមួយគណបក្សប្រជាជនកម្ពុជា គឺមិនអាចទៅរួចនោះឡើយ បើទោះបីជារង់ចាំ ទៅជាតិក្រោយទៀតក៏ប្រហែលមិនឈ្នះដែរ ខណៈគណបក្សប្រជាជនកម្ពុជាបានដឹកនាំប្រទេសជាតិឲ្យ មានសុខសន្តិភាព និងការអភិវឌ្ឍរហូតមកដល់សព្វថ្ងៃនេះ ហើយទៅអនាគតក៏នឹងបន្តអភិវឌ្ឍឲ្យកាន់តែ រីកចំរើនបន្ថែមទៀតផងដែរ។នៅក្នុងឱកាសនោះដែរ សម្តេចតេជោ ហ៊ុន សែន ក៏បានលើកឡើងអំពីភាពរីកចំរើននៅប្រទេស កម្ពុជានាពេលបច្ចុប្បន្ន និងភាពសប្បាយរីករាយរបស់បងប្អូនប្រជាពលរដ្ឋខ្មែរគ្រប់រូបផងដែរ ជាក់ស្តែងក្នុងឱកាសឆ្លងឆ្នាំសកល គឺបងប្អូនប្រជាពលរដ្ឋគ្រប់រាជធានី-ខេត្ត ទាំងអស់បានដើរលេងសប្បាយ ដោយពុំមានភាពភ័យខ្លាចអ្វីនោះឡើយ ខណៈទិដ្ឋភាពទាំងនេះហើយគឺសបញ្ជាក់ឲ្យឃើញថា កម្ពុជាមានសុខសន្តិភាព ពិតប្រាកដ ហើយប្រសិនបើជនណាឬក្រុមណាចង់មកបំផ្លិតបំផ្លាញនូវសុខសន្តិភាពនេះ គឺមិនអាចទៅរួច នោះទេមិនថាកាលៈទេសៈណានោះឡើយ៕ អត្ថបទ៖ បាន ចក់

សម្តេចតេជោ ហ៊ុន សែន អញ្ជើញជាអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ ក្រោមឥណទានសម្បទានពីរដ្ឋាភិបាលចិន

ក្រចេះ៖ សម្តេចតេជោ ហ៊ុន សែន នាយករដ្ឋមន្រ្តី និងឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំរកម្ពុជា បានអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។ស្ពានឆ្លងកាត់ទន្លេមេគង្គខេត្តក្រចេះបើកការដ្ឋានសាងសង់នេះ គឺ មានប្រវែង ១.៧៦១ម៉ែត្រ ត្រើយខាងកើត ស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិច ស្ថិតនៅត្រងមិថ្មរាប ឃុំព្រែកប្រសព្វ ស្រុកព្រែកប្រសព្វ។ស្ពាននេះ នឹងត្រូវស្ថាបនាឡើងដោយមានមុខកាត់ទទឹង ១៣,៥ម៉ែត្រ មានគន្លងផ្លូវសម្រាប់រថយន្តចរាចរណ៍ចំនួន ២គន្លងទៅមក ប្រវែង ៣,៥ម៉ែត្រ គន្លងផ្លូវសម្រាប់ទោចក្រយានចំនួន ២គន្លងទៅមក ប្រវែង ១,៧៥ម៉ែត្រ ផ្លូវថ្មើរជើងចំនួន ២គន្លងទៅមក ប្រវែង ១ម៉ែត្រ និងបង្កាន់ដៃស្ពានសងខាង ប្រវែង០,៥ម៉ែត្រ។ចំណែកឯផ្លូវតភ្ជាប់មានប្រវែង ៣១,៦៩គីឡូម៉ែត្រ រួមមាន៖ ផ្លូវតភ្ជាប់ពីក្បាលស្ពានមានប្រវែង ១៥,៤៩គីឡូម៉ែត្រ និងផ្លូវខ្នែងចំនួន ៤ខ្សែ នៅក្នុងក្រុងក្រចេះ មានប្រវែង ១៦,២០៨គីឡូម៉ែត្រ។ ខ្សែផ្លូវទាំងនេះ នឹងត្រូវសាងសង់ពង្រីក និងលើកកម្រិតគុណភាពដោយក្រាលបេតុងកៅស៊ូ(AC) កម្រាស់ ៧សង់ទីម៉ែត្រដូចគ្នា ដោយក្នុងនោះ កំណាត់ផ្លូវ ៤ខ្សែ ប្រវែង ២៦,៦៧គីឡូម៉ែត្រ នឹងត្រូវស្ថាបនាពង្រីកទទឹងចាប់ពី ៩ម៉ែត្រ រហូតដល់ ១៣ម៉ែត្រ លើតួផ្លូវចាប់ពី ១១ម៉ែត្រ រហូតដល់ ១៩,៥ម៉ែត្រ និងកំណាត់ផ្លូវ១ខ្សែ ប្រវែង ៥,០២៥គីឡូម៉ែត្រ នឹងត្រូវពង្រីកទទឹង ១៩ម៉ែត្រ លើតួផ្លូវ ៣០ម៉ែត្រ ដែលមានគន្លងផ្លូវសម្រាប់រថយន្តធ្វើចរាចរណ៍ ចំនួន ៤គន្លង(២ទៅ ២មក) គន្លងផ្លូវសម្រាប់ទោចក្រយានចំនួន ២គន្លង(១ទៅ ១មក) និងមានសួនពុះទ្រូងផ្លូវនៅចំកណ្តាល ប្រវែង ៤ម៉ែត្រ ផងដែរ។ គម្រោងនេះនឹងបញ្ចូលនូវការសាងសង់ស្ពានមធ្យមចំនួន ៤កន្លែង ប្រវែងសរុប ៣៨៤ម៉ែត្រ ដាក់លូគ្រប់ប្រភេទចំនួន ២៦កន្លែង និងបំពាក់ស្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។គម្រោងនេះ ត្រូវអនុវត្ដការសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤២ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបប្រមាណជាង ១១៤លានដុល្លារអាមេរិក ដែលជាឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕

ស្អែកនេះ សម្តេចតេជោ ហ៊ុន សែន នឹងអញ្ជើញបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់

នៅព្រឹកថ្ងៃទី០២ ខែមករា ឆ្នាំ២០២៣ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង ឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា និង អញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។តាមការឲ្យដឹងពី ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអោយដឹងថា ស្ពានឆ្លងកាត់ទន្លេមេគង្គខេត្តក្រចេះបើកការដ្ឋានសាងសង់នេះ គឺ មានប្រវែង ១.៧៦១ម៉ែត្រ ត្រើយខាងកើត ស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិច ស្ថិតនៅត្រងមិថ្មរាប ឃុំព្រែកប្រសព្វ ស្រុកព្រែកប្រសព្វ។ ស្ពាននេះ នឹងត្រូវស្ថាបនាឡើងដោយមានមុខកាត់ទទឹង ១៣,៥ម៉ែត្រ មានគន្លងផ្លូវសម្រាប់រថយន្តចរាចរណ៍ចំនួន ២គន្លងទៅមក ប្រវែង ៣,៥ម៉ែត្រ គន្លងផ្លូវសម្រាប់ទោចក្រយានចំនួន ២គន្លងទៅមក ប្រវែង ១,៧៥ម៉ែត្រ ផ្លូវថ្មើរជើងចំនួន ២គន្លងទៅមក ប្រវែង ១ម៉ែត្រ និងបង្កាន់ដៃស្ពានសងខាង ប្រវែង០,៥ម៉ែត្រ។ ចំណែកឯផ្លូវតភ្ជាប់មានប្រវែង ៣១,៦៩គីឡូម៉ែត្រ រួមមាន៖ ផ្លូវតភ្ជាប់ពីក្បាលស្ពានមានប្រវែង ១៥,៤៩គីឡូម៉ែត្រ និងផ្លូវខ្នែងចំនួន ៤ខ្សែ នៅក្នុងក្រុងក្រចេះ មានប្រវែង ១៦,២០៨គីឡូម៉ែត្រ។ ខ្សែផ្លូវទាំងនេះ នឹងត្រូវសាងសង់ពង្រីក និងលើកកម្រិតគុណភាពដោយក្រាលបេតុងកៅស៊ូ(AC) កម្រាស់ ៧សង់ទីម៉ែត្រដូចគ្នា ដោយក្នុងនោះ កំណាត់ផ្លូវ ៤ខ្សែ ប្រវែង ២៦,៦៧គីឡូម៉ែត្រ នឹងត្រូវស្ថាបនាពង្រីកទទឹងចាប់ពី ៩ម៉ែត្រ រហូតដល់ ១៣ម៉ែត្រ លើតួផ្លូវចាប់ពី ១១ម៉ែត្រ រហូតដល់ ១៩,៥ម៉ែត្រ និងកំណាត់ផ្លូវ១ខ្សែ ប្រវែង ៥,០២៥គីឡូម៉ែត្រ នឹងត្រូវពង្រីកទទឹង ១៩ម៉ែត្រ លើតួផ្លូវ ៣០ម៉ែត្រ ដែលមានគន្លងផ្លូវសម្រាប់រថយន្តធ្វើចរាចរណ៍ ចំនួន ៤គន្លង(២ទៅ ២មក) គន្លងផ្លូវសម្រាប់ទោចក្រយានចំនួន ២គន្លង(១ទៅ ១មក) និងមានសួនពុះទ្រូងផ្លូវនៅចំកណ្តាល ប្រវែង ៤ម៉ែត្រ ផងដែរ។ គម្រោងនេះនឹងបញ្ចូលនូវការសាងសង់ស្ពានមធ្យមចំនួន ៤កន្លែង ប្រវែងសរុប ៣៨៤ម៉ែត្រ ដាក់លូគ្រប់ប្រភេទចំនួន ២៦កន្លែង និងបំពាក់ស្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។ គម្រោងនេះ នឹងត្រូវអនុវត្ដការសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤២ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបប្រមាណជាង ១១៤លានដុល្លារអាមេរិក ដែលជាឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។

កូរ៉េខាងជើង បញ្ចេញរូបថតពីការបាញ់កាំជ្រួចថ្មីៗចំថ្ងៃឆ្នាំថ្មីចូលមកដល់

ប្រព័ន្ធផ្សព្វផ្សាយរដ្ឋកូរ៉េខាងជើងនៅថ្ងៃអាទិត្យនេះ បានបញ្ចេញរូបថតជាច្រើនសន្លឹកពីកាំជ្រួចជាច្រើនដើមដែលប្រទេសនេះបានបាញ់នៅថ្ងៃចូលឆ្នាំថ្មីមកដល់។ គេថែមទាំងបង្ហាញរូបថតពីពិធីប្រគល់ជើងទម្របាញ់កាំជ្រួចដ៏ធំមួយពីអ្នកផលិតទៅកាន់កិច្ចប្រជុំរបស់គណបក្សពលករដែលមានការចូលរួមពីមេដឹកនាំ គីម ជុងអ៊ុន ផងដែរ។ប្រព័ន្ធផ្សព្វផ្សាយរបស់រដ្ឋនិយាយថា ការបាញ់កាំជ្រួចថ្មីៗនេះ ធ្វើឡើងខណៈដែលមេដឹកនាំលោក គីម ជុងអ៊ុន បានធ្វើជាអធិបតីភាពកិច្ចប្រជុំរបស់គណបក្សកាន់អំណាចពលករ ដែលលោកបានបញ្ជាអោយអភិវឌ្ឍន៍នូវកាំជ្រួចអន្ដរទ្វិប បាលីស្ទីកថ្មី និងអាវុធនុយក្លេអ៊ែរខ្នាតធំ ដើម្បីប្រឆាំងនឹងការគម្រាមកំហែងដែលនាំមុខដោយអាមេរិក។ប្រទេសកូរ៉េខាងជើងបានបាញ់កាំជ្រួចអស់ជាច្រើនដើមដែលមិនធ្លាប់មានពីមុនក្នុងឆ្នាំ២០២២ និង កំពុងបង្កើនការអភិវឌ្ឍន៍ជាមួយនឹងការប្រមើលមើលថា ខ្លួនអាចនឹងសាកល្បងអាវុធនុយក្លេអ៊ែរសំរាប់លើកទី៧ បន្ថែមទៀត។ អត្ថបទ៖ មករា

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រកាសផ្តល់អាហារូបករណ៍ និងឧបត្ថម្ភគ្រប់បែបយ៉ាងដល់កុមារកំព្រា និងរងគ្រោះនៅអង្គការអាហ្វេស៊ីបចំនួនជិត ២០០នាក់ រហូតដល់ពួកគាត់រៀនចប់ថ្នាក់ឧត្តមសិក្សា និងឧបត្ថម្ភប្រាក់ប្រចាំខែ និងឆ្នាំមួយចំនួនទៀត។ក្នុងឱកាសអញ្ជើញចុះសួរសុខទុក្ខដល់កុមារកំព្រា និងរងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប (AFESIP)ទុំឌី ស្ថិតនៅសង្កាត់ព្រៃស ខណ្ឌដង្កោ រាជធានីភ្នំពេញនាថ្ងៃទី១ ខែមករា ឆ្នាំ២០២៣នេះ សម្តេចតេជោ ហ៊ុន សែន បានបញ្ជាក់ថា ក្រៅពីការជួយជាប្រចាំខែ និងឆ្នំា សម្តេច និងភរិយា នឹងជួយដល់កុមារដ៏កំសត់ទាំងនោះរៀនរហូតដល់ចប់មិនថាកាលៈទេសៈណានោះឡើយ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានប្រកាសឧបត្ថម្ភថវិកាសន្សំចំនួន ១០ម៉ឺនរៀលក្នុងមួយខែដល់កុមារកំព្រា និងរងគ្រោះនៃអង្គការអាហ្វេស៊ីប និងប្រាក់សម្រាប់ម្ហូបអាហារប្រចាំខែចំនួន ២០លានរៀល ខណៈថវិកាប្រចាំឆ្នាំមានចំនួន ៥ម៉ឺនដុល្លារអាមេរិកបន្ថែមទៀតផងដែរ។ជាមួយនឹងការប្រកាសឧបត្ថម្ភគ្រប់យ៉ាងដល់កុមារកំព្រា និងរងគ្រោះទាំងនេះ សម្តេចតេជោ ហ៊ុន សែន ក៏បានសម្តែងនូវការសោកស្តាយ និងអាណិតអាសូយ៉ាងខ្លាំងចំពោះកុមារដែលបានកំពុងរស់នៅ ក្នុងអង្គការអាហ្វេស៊ីបនេះផងដែរ ខណៈពួកគាត់ទទួលរងនូវការឈឺចាប់ តាំងពីក្មេងដោយសារតែទង្វើដ៏ព្រៃផ្សៃរបស់បុរសមួយក្តាប់តូច ដែលបានប្រព្រឹត្តិទៅលើពួកគាត់នោះ។យ៉ាងណាក៏ដោយសម្តេចតេជោ ហ៊ុន សែន ក៏បានសម្រេចទទួលសំណើរពីប្រធានអង្គការអាហ្វេស៊ីប ដោយមិនអនុញ្ញាតិឲ្យកុមារ កំព្រា និងរងគ្រោះពីការរំលោភបំពានដែលមានអាយុ៥ឆ្នាំ ចូលទៅកាន់តុលាការទៀតនោះឡើយចាប់ពីពេលនេះតទៅ ដើម្បីបញ្ជៀសនូវភាពឈឺចាប់ ភ័យខ្លាច និងសម្ពាធផ្លូវចិត្តផ្សេង ៗជាដើមនោះ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន

ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ

ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា

សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី

សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម

សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី

កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូយុទ្ធសាស្ត្រជាមួយគ្នាឱ្យកាន់តែរីកចម្រើន

ធុរជននិយាយភាសាបារាំងមើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានមូលនិធិរូបិយវត្ថុអន្តរជាតិព្រមានថា សេដ្ឋកិច្ចសកលប្រឈមការលំបាកកាន់តែខ្លាំងក្នុងឆ្នាំ២០២៣

មេដឹកនាំកូរ៉េខាងជើងបញ្ជាឲ្យផលិតមីស៊ីលអន្តរទ្វីបបាលីស្ទីក ICBM ថ្មី និងពង្រីកឃ្លាំងអាវុធនុយក្លេអ៊ែរ

សម្តេចតេជោ៖ អាជ្ញាធរ និងក្រសួងកសិកម្ម ទទួលខុសត្រូវ ដើម្បីធានាថាសត្វផ្សោតនៅខេត្តក្រចេះមិនត្រូវបានជាប់មង

សម្តេចតេជោ ថ្លែងអំណរគុណដល់បងប្អូនខេត្តក្រចេះដែលបានបោះឆ្នោតគាំទ្រគណបក្សប្រជាជននាពេលកន្លងមក

កូរ៉េខាងជើង បញ្ចេញរូបថតពីការបាញ់កាំជ្រួចថ្មីៗចំថ្ងៃឆ្នាំថ្មីចូលមកដល់

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងជើង បញ្ចេញរូបថតពីការបាញ់កាំជ្រួចថ្មីៗចំថ្ងៃឆ្នាំថ្មីចូលមកដល់

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃ​អង្គការ​អាហ្វេស៊ីប​រៀន​រហូត​ដល់​ចប់ឧត្តមសិក្សា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា