BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ប្រទេសចិនអាចកើនលើសអាមេរិកនូវចំនួនក្បាលគ្រាប់នុយក្លេអ៊ែរ

ចិន៖ យោងតាមទីបញ្ជាការយុទ្ធសាស្ត្រដែលពិនិត្យឃ្លាំងអាវុធនុយក្លេអ៊ែរ របស់សហរដ្ឋអាមេរិកបានឱ្យដឹងថា អាមេរិកអាចនឹងលែងមានចំនួនលើសប្រទេសចិន នៅក្នុងសមាសធាតុមួយចំនួននៃកម្មវិធីមីស៊ីលបាលីស្ទីកអន្តរទ្វីបរបស់ខ្លួនទៀតហើយ។ កាលពីពេលថ្មីៗនេះទីបញ្ជាការ STRATCOM បានផ្ញើការកំណត់ដែលបានបែងចែកទៅកាន់សភា ដោយស្របទៅតាមខសន្យានៅក្នុងច្បាប់ស្តីពីការអនុញ្ញាតការពារជាតិឆ្នាំ២០២២ ដែលតម្រូវឱ្យមានការជូនដំណឹងសភា ប្រសិនបើប្រទេសចិនកើនលើសសហរដ្ឋអាមេរិក នៅក្នុងសមាសធាតុទាក់ទងនឹងការស្តុកមីស៊ីលបាលីស្ទីកអន្តរទ្វីប(ICBM) របស់ខ្លួន។ នៅក្រោមច្បាប់ទីបញ្ជាការ STRATCOM ត្រូវតែជូនដំណឹងដល់សភា ប្រសិនបើប្រទេសចិនដាក់ពង្រាយមីស៊ីលបាលីស្ទីកអន្តរទ្វីប (ICBMs) ឬឧបករណ៍បាញ់មីស៊ីលបាលីស្ទីកអន្តរទ្វីប ICBM ច្រើនជាងទិន្នន័យរបស់សហរដ្ឋអាមេរិកដែលចងក្រងដោយមន្ទីរបញ្ចកោណ នៅក្នុងរបាយការណ៍ប្រចាំឆ្នាំរបស់ប្រទេសចិន និងឯកសារអង្គភាពសេវាស្រាវជ្រាវសភាបង្ហាញថា សហរដ្ឋអាមេរិកនៅតែរក្សាចំនួនធៀបនឹងប្រទេសចិន ក្នុងចំនួនមីស៊ីលបាលីស្ទីកអន្តរទ្វីបដែលបានដាក់ពង្រាយ។ចំណុចសំខាន់ទីបីនៃច្បាប់នេះត្រូវមានការជូនដំណឹង ប្រសិនបើប្រទេសចិនមានក្បាលគ្រាប់នុយក្លេអ៊ែរបន្ថែមទៀត បំពាក់នៅលើ ICBMs ច្រើនជាងសហរដ្ឋអាមេរិក។ របាយការណ៍កម្លាំងយោធារបស់ចិនប៉ាន់ប្រមាណថា ឃ្លាំងផ្ទុកនុយក្លេអ៊ែររបស់ទីក្រុងប៉េកាំងបានកើនលើសពី ៤០០។ របាយការណ៍នេះបានរកឃើញថា ប្រទេសចិនទំនងជានឹងមានក្បាលគ្រាប់នុយក្លេអ៊ែរប្រមាណ ១,៥០០គ្រាប់ត្រឹមឆ្នាំ២០៣៥ ប្រសិនបើប្រទេសនេះបន្តក្នុងល្បឿននៃការពង្រីកបន្ថែមនុយក្លេអ៊ែរនាពេលបច្ចុប្បន្ន។ របាយការណ៍បានរកឃើញផងដែរថា ប្រទេសចិនបានបង្កើនការស្តុកទុកមីស៊ីលបាលីស្ទីកអន្តរទ្វីប (ICBM) របស់ខ្លួនទ្វេដងចាប់តាំងពីឆ្នាំ២០២០៕អត្ថបទ៖ ប៊ុនថន

លោក Putin ទទួលស្គាល់ការវាយប្រហាររបស់រុស្ស៊ីទៅលើទីតាំងថាមពលរបស់អ៊ុយក្រែន

រុស្ស៊ី៖ ប្រធានាធិបតីរុស្ស៊ីលោក Vladimir Putin បានទទួលស្គាល់ថា ប្រទេសរបស់លោកបានវាយប្រហារទីតាំងថាមពលរបស់អ៊ុយក្រែនជាច្រើនកន្លែង ជាការសងសឹកសម្រាប់ការវាយប្រហារទៅលើគោលដៅរបស់រុស្ស៊ី។ លោក Putin ថ្លែងទៅកាន់ទាហាននៅទីក្រុងមូស្គូកាលពីថ្ងៃព្រហស្បតិ៍ ដោយសំដៅទៅលើការវាយប្រហារដោយមីស៊ីលម្តងហើយម្តងទៀត លើហេដ្ឋារចនាសម្ព័ន្ធថាមពលដែលបានចាប់ផ្តើមតាំងពីខែតុលា។ លោកនិយាយថា មានសំឡេងផ្ទុះដ៏ច្រើននៃការវាយប្រហារ និងបានទទួលស្គាល់ថា កងកម្លាំងរុស្ស៊ីបានអនុវត្តការវាយប្រហារនេះ។ ប៉ុន្តែលោក Putin បានសួរថា តើនរណាដែលបើកការវាយប្រហារមុន ហើយនរណាបានវាយប្រហារស្ពាននៅតំបន់គ្រីមៀ និងបណ្តាញអគ្គិសនីទៅកាន់រោងចក្រថាមពលរបស់រុស្ស៊ី។ ការផ្ទុះមួយបានវាយប្រហារស្ពានកាលពីខែតុលា។ តំបន់គ្រីមៀភាគខាងត្បូងប្រទេសអ៊ុយក្រែន ត្រូវបានដាក់បញ្ចូលជាឧបសម្ព័ន្ធដោយរុស្ស៊ីកាលពីឆ្នាំ2014 ។ លោក Putin ពុំបាននិយាយអំពីការផ្ទុះនៅអាកាសយានដ្ឋានរបស់រុស្ស៊ីកាលពីថ្ងៃចន្ទនោះទេ។ ក្រសួងការពារជាតិរុស្ស៊ីនិយាយថា មូលដ្ឋានអាកាសរបស់រុស្ស៊ីត្រូវបានវាយប្រហារ ដោយយានដ្រូនរបស់យោធាអ៊ុយក្រែន។ អ្នកនាំពាក្យវិមានក្រឹមឡាំងលោក Dmitry Peskov បានបញ្ជាក់ថា រុស្ស៊ីនឹងបន្តការវាយលុករបស់ខ្លួន ដើម្បីគ្រប់គ្រងទាំងស្រុងលើតំបន់ចំនួនបួន ដែលរុស្ស៊ីអះអាងថាបានបញ្ចូលជាឧបសម្ព័ន្ធ។ ទន្ទឹមនឹងនេះការវាយប្រហារដោយកាំភ្លើងធំរបស់រុស្ស៊ីនៅតែបន្ត៕អត្ថបទ៖ ប៊ុនថន

ប្រធានាធិបតីចិនសាទរ «យុគសម័យថ្មី» នៃទំនាក់ទំនងជាមួយអារ៉ាប៊ីសាអ៊ូឌីត

អារ៉ាប៊ីសាអ៊ូឌីត៖ ប្រធានាធិបតីចិនលោក ស៊ី ជីនពីង កំពុងស្វែងរកដែនដីថ្មី អំឡុងពេលដែលលោកបានចាត់ទុក ដំណើរទស្សនកិច្ចរបស់លោកទៅកាន់ប្រទេសអារ៉ាប៊ីសាអ៊ូឌីតថា «ជាការត្រួសត្រាយផ្លូវ»។ លោកបានចុះហត្ថលេខាលើកិច្ចព្រមព្រៀងជាច្រើន ដើម្បីដឹកនាំយុគសម័យថ្មីក្នុងទំនាក់ទំនងជាមួយពិភពអារ៉ាប់។ លោក Xi ត្រូវបានស្វាគមន៍កាលពីថ្ងៃព្រហស្បតិ៍ទៅកាន់រាជវាំងក្នុងទីក្រុង Riyadh ដោយព្រះអង្គម្ចាស់ Mohammed bin Salman។ ប្រទេសចិនបានក្លាយជាដៃគូពាណិជ្ជកម្មដ៏ធំបំផុតរបស់អារ៉ាប៊ីសាអ៊ូឌីត ខណៈព្រះរាជាណាចក្រមួយនេះគឺជាអ្នកផ្គត់ផ្គង់ប្រេងដ៏ធំបំផុតមួយរបស់ប្រទេសចិន។ លោក Xi និយាយថា ក្រោមការដឹកនាំរបស់មហាក្សត្រ Salman ប្រជាជនអារ៉ាប៊ីសាអ៊ូឌីតនឹងបន្តខិតខំត្រួសត្រាយផ្លូវនៃទំនើបកម្ម ដែលសមស្របនឹងលក្ខខណ្ឌប្រទេសរបស់ពួកគេ និងដើម្បីសម្រេចបាននូវសមិទ្ធិផលកាន់តែច្រើន។ ក្រុមហ៊ុនចិនបានវិនិយោគរួចហើយនៅក្នុងគម្រោងធំៗនៅទូទាំងប្រទេសអារ៉ាប៊ីសាអ៊ូឌីត រួមទាំងផ្លូវរថភ្លើង រោងចក្រអ៊ីដ្រូសែន និងហេដ្ឋារចនាសម្ព័ន្ធជាច្រើន ហើយលោក Xi មានបំណងនាំចេញបច្ចេកវិទ្យាកាន់តែច្រើនថែមទៀត។ប្រព័ន្ធផ្សព្វផ្សាយរដ្ឋអារ៉ាប៊ីសាអ៊ូឌីតបានរាយការណ៍ថា លោក Xi និងមហាក្សត្រ Salman បានចុះហត្ថលេខាលើ ភាពជាដៃគូយុទ្ធសាស្ត្រគ្រប់ជ្រុងជ្រោយ និងបានសន្យាថានឹងផ្លាស់ប្តូរដំណើរទស្សនកិច្ចរៀងរាល់ពីរឆ្នាំម្តង។ ប្រទេសអារ៉ាប៊ីសាអ៊ូឌីតបានចំណាយពេលជាច្រើនទសវត្ស ដើម្បីពង្រឹងទំនាក់ទំនងសន្តិសុខ និងសេដ្ឋកិច្ចជាមួយសហរដ្ឋអាមេរិក។ ទោះជាយ៉ាងណាលោកប្រធានាធិបតី Joe Biden បានចោទប្រកាន់ថា អារ៉ាប៊ីសាអ៊ូឌីតបានចូលដៃជាមួយមេដឹកនាំរុស្ស៊ីដើម្បីកាត់ការផលិតប្រេង៕អត្ថបទ៖ ប៊ុនថន

អាមេរិកបារម្ភឥទ្ធិពលចិននៅមជ្ឈិមបូព៌ា ខណៈលោក Xi Jinping ធ្វើទស្សនកិច្ចទៅអារ៉ាប៊ីសាអ៊ូឌីត

អាមេរិក៖ សេតវិមាននៅថ្ងៃពុធសប្ដាហ៍នេះបានឆ្លើយតប ទៅនឹងដំណើរទស្សនកិច្ចរបស់ប្រធានាធិបតីចិនលោក Xi Jinping ទៅកាន់ប្រទេសអារ៉ាប៊ីសាអ៊ូឌីត ដោយព្រមានថា បំណងរបស់ចិនគឺដើម្បីពង្រីកឥទ្ធិពលនៅទូទាំងពិភពលោក មិនអំណោយផលដល់សណ្ដាប់ធ្នាប់អន្តរជាតិនោះទេ។ ដោយត្រូវបានសួរអំពីដំណើរទស្សនកិច្ចរបស់លោក Xi អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby បានប្រាប់ក្រុមអ្នកសារព័ត៌មានថា អារ៉ាប៊ីសាអ៊ូឌីតនៅតែជាសម្ព័ន្ធមិត្តសំខាន់របស់អាមេរិក ប៉ុន្តែក៏បានចេញការព្រមានដល់ប្រទេសចិនផងដែរ ចំពោះដំណើររបស់មេដឹកនាំកំពូលរបស់ចិនទៅកាន់សម្ព័ន្ធមិត្តរបស់ខ្លួន ដែលគេមើលឃើញថា អាមេរិកមានក្ដីបារម្ភពីឥទ្ធិពលចិន។ លោកថា យើងបារម្ភពីឥទ្ធិពលដែលចិនកំពុងព្យាយាមពង្រីកខ្លួននៅជុំវិញពិភពលោក។ មជ្ឈិមបូព៌ាគឺជាតំបន់មួយក្នុងចំណោមតំបន់ជាច្រើន ជាទីដែលពួកគេចង់ឲ្យឥទ្ធិពលនោះជ្រាបចូលយ៉ាងជ្រៅ។លោកប្រធានាធិបតីអាមេរិកបានធ្វើអ្វីមួយដែល លោកបញ្ជាក់ថាជាការប្រកួតប្រជែងជាសកលរវាងប្រជាធិបតេយ្យ និងស្វ័យភាព ក្នុងពេលលោកកំពុងកាន់តំណែងជាប្រធានាធិបតី។ លោក Kirby បាននិយាយថា យើងពុំមែនសុំឲ្យប្រទេសនានាជ្រើសរើសយករវាងសហរដ្ឋអាមេរិក និងប្រទេសចិនទេ ប៉ុន្តែលោកប្រធានាធិបតីរបស់យើងបាននិយាយច្រើនហើយថា យើងជឿថា នៅក្នុងការប្រកួតប្រជែងខាងយុទ្ធសាស្ត្រនេះ សហរដ្ឋអាមេរិកពិតជាត្រៀមខ្លួនយ៉ាងល្អក្នុងការដឹកនាំ៕អត្ថបទ៖ សុខមាន

រុស្ស៊ីនិយាយថា អាមេរិកចង់ឲ្យជម្លោះអ៊ុយក្រែនបន្តរហូតដល់យ៉ាងហោចណាស់ឆ្នាំ២០២៥

រុស្ស៊ី៖ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានទទូចថា ឯកសារទទួល ឬទិញអាវុធរបស់សហរដ្ឋអាមេរិកបង្ហាញថា ទីក្រុងវ៉ាស៊ីនតោនមានចេតនាដុតបញ្ឆេះជម្លោះនៅក្នុងប្រទេសអ៊ុយក្រែនយ៉ាងហោចណាស់រយៈពេល ៣ឆ្នាំទៀតដែរ។ លោកស្រីបានបន្ថែមថា ប្រធានាធិបតីអ៊ុយក្រែនលោក Vladimir Zelensky គួរតែចាំទុកថា អនាគតរបស់ប្រទេសលោកនឹងដើរដល់ពេលណា។ វិមានក្រឹមឡាំងនិយាយថា លោក Zelensky ដឹងថា ជម្លោះនៅអ៊ុយក្រែននឹងត្រូវបញ្ចប់ដោយរបៀបណា។ អ្នកការទូតរុស្ស៊ីរូបនេះបានប្រាប់ក្រុមអ្នកសារព័ត៌មាន អំឡុងសន្និសីទសារព័ត៌មានកាលពីថ្ងៃព្រហស្បតិ៍ថា ទីក្រុងវ៉ាស៊ីនតោនមានផែនការដុតបញ្ឆេះអរិភាពនៅក្នុងប្រទេសអ៊ុយក្រែន យ៉ាងហោចណាស់រហូតដល់ដំណាច់ឆ្នាំ២០២៥។ នោះគឺជាគម្រោងការរបស់ពួកគេ ដោយវិនិច្ឆ័យតែទៅលើឯកសារដែលពួកគេបង្ហាញដល់គេឯងគ្រប់គ្នា។លោកស្រី Zakharova កំពុងសំដៅដល់កិច្ចសន្យាសម្រាប់ប្រព័ន្ធមីស៊ីលបាញ់លើដីឡើងលើអាកាសដ៏ទំនើបថ្នាក់ជាតិរបស់ក្រុមហ៊ុន Raytheon ហៅកាត់ថា (NASAMS) ដែលមន្ទីរបញ្ចកោណបានប្រកាសកាលពីសប្ដាហ៍មុន។ យោងតាមឯកសារខាងលើ កងទ័ពអាមេរិកនឹងទិញ hardware ក្នុងតម្លៃ ១.២ពាន់លានដុល្លារអាមេរិកសម្រាប់អ៊ុយក្រែន ដែលប៉ាន់ប្រមាណថានឹងបញ្ចប់នៅចុងខែវិច្ឆិកា ឆ្នាំ២០២៥៕ អត្ថបទ៖ សុខមាន

កូរ៉េខាងត្បូង សម្រេចផ្តល់ឥណទានជិត ២៥០លានដុល្លារសម្រាប់សាងសង់ស្ពានអរិយក្សត្រ

ភ្នំពេញ៖ សាធារណរដ្ឋកូរ៉េបានសម្រេចផ្តល់ឥណទានសម្បទានចំនួន ២៤៥លាន ៩សែន៩ពាន់ដុល្លារអាមេរិក សម្រាប់សាងសង់ស្ពានមិត្តភាពកម្ពុជា សាធារណរដ្ឋកូរ៉េ ជ្រោយចង្វា-អរិយក្សត្រហើយ រួមទាំងគម្រោង មួយចំនួនទៀត សម្រាប់មូលនិធិនៃកិច្ចសហប្រតិបត្តិការអភិវឌ្ឍន៍សេដ្ឋកិច្ចឆ្នាំ២០២២-២០២៦។ ការសម្រេចរបស់កូរ៉េខាងត្បូងនេះត្រូវបានធ្វើពិធីចុះហត្ថលេខាក្រោមអធិបតីភាពដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ក្នុងពិធីចុះហត្ថលេខារវាងរាជរដ្ឋាភិបាល នៃព្រះរាជាណាចក្រកម្ពុជា និង រដ្ឋាភិបាល នៃសាធារណរដ្ឋកូរ៉េ ដែលធ្វើនៅវិមានសន្តិភាព នាព្រឹកថ្ងៃទី០៩ ខែធ្នូ ឆ្នាំ២០២២ ត្រូវបានចុះហត្ថលេខារវាង ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និង ឯកឧត្តម ប៉ាក ហឹងឃ្លៀង (PARK Heung-kyeong) ឯកអគ្គរដ្ឋទូត ន សាធារណរដ្ឋកូរ៉េ ប្រចាំកម្ពុជា ទៅលើកិច្ចសម្របសម្រួលក្របខណ្ឌ ស្តីពីការ ផ្តល់ឥណទានសម្បទាន នៃមូលនិធិសហប្រតិបត្តិការអភិវឌ្ឍន៍សេដ្ឋកិច្ចសម្រាប់ឆ្នាំ ២០២២-២០២៦ ដែលមានទំហំទឹកប្រាក់ចំនួន ១៥០០ លានដុល្លារអាមេរិក។ក្នុងពេលជាមួយគ្នានោះដែរ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោកស្រី Minnie CHEY ប្រធានមូលនិធិ សម្រាប់កិច្ចសហប្រតិបត្តិការអភិវឌ្ឍន៍សេដ្ឋកិច្ច នៃធនាគារនីហ័រណអាហ័រណកូរ៉េប្រចាំ កម្ពុជា ក៏បានចុះហត្ថលេខាលើកិច្ចព្រមព្រៀងឥណទានសម្បទានសម្រាប់គម្រោងចំនួន ០២ ដូចខាងក្រោម៖-គម្រោងពង្រឹងសមត្ថភាពប្រព័ន្ធបណ្តាញបញ្ជូនអគ្គិសនីនៅខេត្តព្រះសីហនុ ដែលមាន ទឹកប្រាក់ចំនួន ៧០ ០០០ ០០០ ដុល្លារអាមេរិក និង-គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ; ជ្រោយចង្វារ-អរិយក្សត្រ) ដែលមានទឹកប្រាក់ចំនួន ២៤៥ ៩០៩ ០០០ ដុល្លារអាមេរិក។ឥណទានសម្បទានដែលផ្តល់ដោយរដ្ឋាភិបាលនៃសាធារណរដ្ឋកូរ៉េនាពេលនេះ នឹងចូលរួមចំណែក ដ៏សំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការពន្លឿនការអភិវឌ្ឍសេដ្ឋកិច្ច ព្រមទាំងពង្រឹងបន្ថែមទៀតនូវទំនាក់ទំនងល្អដែលមានស្រាប់រវាងប្រជាជាតិទាំងពីរ។គួរបញ្ជាក់ថា ស្ពានមិត្តភាពកម្ពុជា-កូរ៉េ នឹងសាងសង់ជាស្ពានខ្សែកាបតភ្ជាប់ពីភ្នំពេញទៅអរិយក្សត្រ។ ស្ពាននេះ នឹងក្លាយជាស្ពានទំនើបដើម្បីសម្រួលដល់នាវាចរតាមទន្លេ ទាំង២ គឺទន្លេសាប និងទន្លេមេគង្គ ហើយនៅពេលសាងសង់រួច វាអាចជួយសម្រួលស្ថានភាពចរាចរណ៍ប្រចាំថ្ងៃដែលជាភូមិសាស្រ្តអំណោយផលគ្រប់ជ្រុងជ្រោយ នូវការទាក់ទាញវិស័យទេសចរណ៍ជាពិសេសកត្តាសោភ័ណភាព និងការលើកសម្រស់រាជធានីភ្នំពេញ។ ស្ពាននេះ នឹងត្រូវសាងសង់ចេញពីផ្សាររាត្រី ស្ថិតនៅក្បែរផ្សារចាស់ ក្នុងខណ្ឌដូនពេញ ហើយភ្ជាប់ទៅដីជ្រោយចង្វារក្បែរសណ្ឋាគារសុខា រួចទើបសង់បន្តឆ្លងទន្លេមេគង្គឆ្ពោះទៅកាន់ឃុំអរិយក្សត្រ ស្រុកល្វាឯមខេត្តកណ្តាល។ ស្ពានមិត្តភាពកម្ពុជា-សាធារណរដ្ឋកូរ៉េគ្រោងនឹងចាប់ផ្តើមសាងសង់នៅឆ្នាំ២០២៣ខាងមុខនេះ៕ អត្ថបទ៖ មុត សុទ្ធ

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

អឺរ៉ុប៖ គណៈកម្មការអឺរ៉ុបកាលពីថ្ងៃពុធបានស្នើកញ្ចប់ទណ្ឌកម្មទី៩ ដាក់ទៅលើរុស្ស៊ីជុំវិញការវាយលុកនៅអ៊ុយក្រែន ដែលនឹងរួមមានទាំងបុគ្គល និងអង្គភាពជិត ២០០បន្ថែមទៀតចូលក្នុងបញ្ជីទណ្ឌកម្មរបស់សហភាពអឺរ៉ុប។ ប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា គណៈកម្មការគាំទ្រការដាក់ទណ្ឌកម្មថ្មីលើធនាគាររុស្ស៊ីចំនួន ៣បន្ថែមទៀត និងការត្រួតពិនិត្យ និងការរឹតបន្តឹងការនាំចេញ ជាពិសេសសម្រាប់ទំនិញប្រើប្រាស់បាន ២យ៉ាងដូចជាសារធាតុគីមីសំខាន់ៗ សារធាតុពុលផ្តាច់ជីវិត គ្រឿងអេឡិចត្រូនិក និងគ្រឿងបច្ចេកវិទ្យាព័ត៌មាន។ លោកស្រីនិយាយនៅក្នុងសេចក្តីថ្លែងការណ៍តាមវីដេអូថា រុស្ស៊ីបន្តនាំមកនូវការស្លាប់ និងការបំផ្លាញដល់អ៊ុយក្រែន ហើយកំពុងកំណត់គោលដៅលើជនស៊ីវិល និងហេដ្ឋារចនាសម្ព័ន្ធស៊ីវិលដោយចេតនា ដែលកំពុងព្យាយាមធ្វើឱ្យប្រទេសនេះជាប់គាំងនៅដើមរដូវរងានេះ។លោកស្រីនិយាយថា កញ្ចប់ទណ្ឌកម្មចំនួន ៨ ដែលសហភាពអឺរ៉ុបបានណែនាំរហូតមកដល់ពេលនេះ គឺវាបានប៉ះពាល់ខ្លាំងរួចទៅហើយ ហើយបច្ចុប្បន្នប្លុកនេះមានបំណងបង្កើនសម្ពាធលើរុស្ស៊ី ដោយកញ្ចប់ទណ្ឌកម្មទី៩។ ការដាក់ទណ្ឌកម្មតម្រូវឱ្យមានការគាំទ្រជាឯកច្ឆន្ទពីរដ្ឋសមាជិកទាំង ២៧ប្រទេសរបស់ប្លុកនេះ ប៉ុន្តែវិធានការភាគច្រើនដែលបានស្នើឡើងក្នុងកញ្ចប់ចំនួន ៨ ដំបូងត្រូវបានអនុម័តដោយតំណាងក្រុមប្រឹក្សាអឺរ៉ុបក្នុងរយៈពេលច្រើនសប្តាហ៍ ទោះបីជាមួយចំនួនត្រូវបានទម្លាក់ចោល ឬមានប្រសិទ្ធភាពតិចតួចក៏ដោយ៕អត្ថបទ៖ ប៊ុនថន

ប្រធានាធិបតីចិនធ្វើទស្សនកិច្ចទៅកាន់អារ៉ាប៊ីសាអ៊ូឌីត ខណៈក្រុងរីយ៉ាដស្ថិតក្រោមការពិនិត្យរបស់សហរដ្ឋអាមេរិក

អារ៉ាប៊ីសាអូឌីត៖ ប្រធានាធិបតីចិនលោក Xi Jinping បានមកដល់ទីក្រុង Riyadh ប្រទេសអារ៉ាប៊ីសាអ៊ូឌីត ដើម្បីចូលរួមកិច្ចប្រជុំកំពូលរដ្ឋចិន-អារ៉ាប់ និងកិច្ចប្រជុំកំពូលក្រុមប្រឹក្សាសហប្រតិបត្តិការឈូងសមុទ្រចិន (GCC) និងបំពេញទស្សនកិច្ចផ្លូវរដ្ឋនៅប្រទេសអារ៉ាប៊ីសាអ៊ូឌីត តាមការអញ្ជើញរបស់មហាក្សត្រ Salman bin Abdulaziz Al។ យន្តហោះពិសេសរបស់លោកប្រធានាធិបតី Xi ត្រូវបានអមដំណើរដោយយន្តហោះចម្បាំងចំនួន 4គ្រឿងមកពីកងកម្លាំងទ័ពអាកាស Royal Saudi Air Force បន្ទាប់ពីយន្តហោះបានចូលដល់ដែនអាកាសរបស់ប្រទេសអារ៉ាប៊ីសាអ៊ូឌីត និងដោយយន្តហោះចំនួន 6គ្រឿងផ្សេងទៀតមកពីអង្គភាព Royal Aerobatic បន្ទាប់ពីយន្តហោះបានចូលដល់ដែនអាកាសទីក្រុង Riyadh។ លោក Xi និយាយថា ក្នុងរយៈពេល 32ឆ្នាំកន្លងទៅនេះចាប់តាំងពីការបង្កើតទំនាក់ទំនងការទូតរវាងចិន និងអារ៉ាប៊ីសាអ៊ូឌីត ភាគីទាំងពីរបានពង្រឹងការជឿទុកចិត្តគ្នាទៅវិញទៅមកជាយុទ្ធសាស្ត្រ ដោយមានកិច្ចសហប្រតិបត្តិការជាក់ស្តែងប្រកបដោយផ្លែផ្កាក្នុងវិស័យផ្សេងៗ។ លោក Xi និយាយថា ក្នុងដំណើរទស្សនកិច្ចនេះ លោកនឹងមានការផ្លាស់ប្តូរទស្សនៈដ៏ស៊ីជម្រៅជាមួយមហាក្សត្រ Salman និងព្រះអង្គម្ចាស់ Mohammed bin Salman Al Saud ស្តីពីទំនាក់ទំនងទ្វេភាគី និងបញ្ហាអន្តរជាតិ និងតំបន់ដែលមានចាប់អារម្មណ៍រួមគ្នាសម្រាប់ទំនាក់ទំនងចិន-អារ៉ាប៊ីសាអ៊ូឌីត។ប្រធានាធិបតីចិននិយាយថា លោកទន្ទឹងរង់ចាំចូលរួមកិច្ចប្រជុំកំពូលរដ្ឋចិន-អារ៉ាប់ និងកិច្ចប្រជុំកំពូលក្រុមប្រឹក្សាសហប្រតិបត្តិការឈូងសមុទ្រចិន (GCC) ហើយត្រៀមធ្វើការរួមគ្នាជាមួយមេដឹកនាំនៃរដ្ឋអារ៉ាប់ និងប្រទេស GCC។ ការ ជួបប្រជុំគ្នារវាងមហាអំណាចហិរញ្ញវត្ថុទូទាំងពិភពលោក និងតំបន់ឈូងសមុទ្រធ្វើឡើង ខណៈទំនាក់ទំនងរបស់ប្រទេសអារ៉ាប៊ីសាអ៊ូឌីតជាមួយទីក្រុងវ៉ាស៊ីនតោនមានភាពតានតឹង ដោយការរិះគន់របស់សហរដ្ឋអាមេរិកលើឯកសារសិទ្ធិមនុស្សរបស់ទីក្រុងរីយ៉ាដ និងការជួយរបស់អារ៉ាប៊ីសាអ៊ូឌីតសម្រាប់ការទប់ស្កាត់ទិន្នផលប្រេង មុនការបោះឆ្នោតពាក់កណ្តាលអាណត្តិកាលពីខែវិច្ឆិកា៕អត្ថបទ៖ ប៊ុនថន

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

រុស្ស៊ី៖ ក្នុងពេលមានការដកកងទ័ពថយដ៏សំខាន់នៅលើសមរភូមិ ប្រធានាធិបតីរុស្ស៊ីលោក Vladimir Putin កាលពីថ្ងៃពុធបានទទួលស្គាល់ជាសាធារណៈថា កងទ័ពរបស់លោកអាចនឹងប្រយុទ្ធនៅអ៊ុយក្រែនក្នុងរយៈពេលយូរទៀត។ នៅក្នុងកិច្ចប្រជុំផ្សាយតាមទូរទស្សន៍ជាមួយក្រុមប្រឹក្សាសិទ្ធិមនុស្សរបស់លោក លោក Putin បាននិយាយថា ការសម្រេចបានលទ្ធផលពីអ្វីដែលរុស្ស៊ីហៅថា ជាប្រតិបត្តិការសឹកពិសេសរបស់ខ្លួននៅអ៊ុយក្រែនអាចជា «ដំណើរដ៏វែងឆ្ងាយ»។ ប៉ុន្តែលោក Putin បាននិយាយថា លោកពុំបានមើលឃើញហេតុផល ដើម្បីកែណ្ឌទាហានបន្ថែមទៀតនោះទេគឺនៅមិនទាន់មានឡើយ។ នៅក្នុងលក្ខខណ្ឌទាំងនេះ ការនិយាយអំពីកិច្ចខិតខំប្រឹងប្រែងកែណ្ឌទាហានបន្ថែមមួយចំនួនពុំមានហេតុផលនោះទេ។ វាមិនចាំបាច់សម្រាប់រដ្ឋ និងក្រសួងការពារជាតិ។ទាហានបម្រុងចំនួន ៣សែននាក់ត្រូវបានកែណ្ឌកាលពីក្នុងខែកញ្ញា និងខែតុលា ជាការកែណ្ឌកងទ័ពលើកដំបូងរបស់ប្រទេសចាប់តាំងពីសង្គ្រាមលោកលើកទី2 ដែលបណ្តាលឱ្យមានការខកចិត្តយ៉ាងខ្លាំង និងភាពវឹកវរនៅក្នុងសង្គមរបស់រុស្ស៊ី។ លោក Putin បានប្រើប្រាស់ព្រឹត្តិការណ៍ផ្សាយតាមទូរទស្សន៍កាលពីថ្ងៃពុធ ដើម្បីព្រមានប្រទេសលោកខាងលិចថា រុស្ស៊ីនឹងការពារខ្លួនតាមគ្រប់មធ្យោបាយ។ លោកនិយាយថា ហានិភ័យនៃសង្គ្រាមនុយក្លេអ៊ែរកំពុងកើនឡើង ហើយរុស្ស៊ីបានមើលឃើញឃ្លាំងអាវុធរបស់ខ្លួន ជាមធ្យោបាយមួយដើម្បីសងសឹក ប៉ុន្តែពុំមែនជាការវាយប្រហារមុននោះទេ។យើងមិនបានឆោតល្ងង់នោះទេ យើងយល់ថាអាវុធនុយក្លេអ៊ែរជាអ្វី។ យើងមានមធ្យោបាយទាំងនេះ ហើយពួកវាកាន់តែជឿនលឿន និងកាន់តែទំនើបជាងនេះទៅទៀត នៅក្នុងប្រទេសមានអាវុធនុយក្លេអ៊ែរផ្សេងទៀត វាជាការពិត។ លោក Putin កម្រនឹងពិភាក្សាអំពីភាពយូរអង្វែងនៃសង្គ្រាម ទោះបីជាលោកមានអំនួតកាលពីខែកក្កដាថា រុស្ស៊ីទើបតែចាប់ផ្តើមក៏ដោយ។ សម្រាប់ប្រជាជនអ៊ុយក្រែន បន្ទាប់ពីសង្គ្រាមជិត 10ខែការភ័យខ្លាចកំពុងកើនឡើង ខណៈរដូវរងាបានចូលមកដល់ ហើយការវាយប្រហារតាមអាកាសកាន់តែកើនឡើង៕អត្ថបទ៖ ប៊ុនថន

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល

អាល្លឺម៉ង់៖ ប្រទេសអាល្លឺម៉ង់បានចាប់ខ្លួនមនុស្សចំនួន ២៥នាក់ពីបទសង្ស័យថាបានរៀបចំផែនការផ្តួលរំលំរដ្ឋាភិបាល និងដណ្តើមអំណាចនៅក្នុងរដ្ឋប្រហារស្តាំនិយមជ្រុល។ រដ្ឋអាជ្ញាបាននិយាយថា ក្រុមនេះត្រូវបានបំផុសគំនិតដោយទ្រឹស្តីឃុបឃិតរដ្ឋដ៏ជ្រៅ។ ជនសង្ស័យម្នាក់ដែលចាត់ទុកខ្លួនឯងថា ព្រះអង្គម្ចាស់ Heinrich មកពីអតីតរាជវាំង Reuss ត្រូវបានគេមើលឃើញថា ជាមេដឹកនាំដែលត្រូវបានរៀបចំសម្រាប់រដ្ឋនាពេលអនាគត។ របបរាជានិយមរបស់ប្រទេសអាល្លឺម៉ង់ត្រូវបានបំបាត់ចោលមួយសតវត្សរ៍មកហើយ។ រដ្ឋអាជ្ញានិយាយថា លោកបានទាក់ទងមន្ត្រីរុស្ស៊ីដោយមានផែនការបង្កើតបទបញ្ជាថ្មី ប៉ុន្តែពុំមានភស្តុតាងនៃការឆ្លើយតបជាវិជ្ជមាននោះទេ។ អង្គភាពសេវាចារកម្មយោធាបាននិយាយថា សមាជិកផ្សេងទៀតរួមមានទាហានបម្រុងជាច្រើននាក់ និងទាហានសកម្មនៅក្នុងទីបញ្ជាការកងកម្លាំងពិសេស។ អ្នករៀបចំផែនការត្រូវបានគេសង្ស័យថា កំពុងបង្កើតផែនការជាក់ស្តែងដើម្បីសម្រុកចូលសភា Bundestag ជាមួយក្រុមប្រដាប់អាវុធមួយចំនួនតូចចាប់តាំងពីចុងខែវិច្ឆិកា ឆ្នាំ2021 មកម្ល៉េះ។រដ្ឋអាជ្ញានិយាយថា ក្រុមនេះផ្តោតលើការជ្រើសរើសសមាជិកយោធា និងនគរបាល ហើយត្រូវបានគេសង្ស័យថា បានរៀបចំសម្រាប់ការវាយប្រហារប្រដាប់ដោយអាវុធ តាមរយៈការស្តុកទុកយុទ្ធោបករណ៍យោធា និងការហ្វឹកហាត់។ ការចាប់ខ្លួននេះត្រូវបានធ្វើឡើងកាលពីថ្ងៃពុធ ក្នុងការវាយឆ្មក់នៅទូទាំងប្រទេស។ នគរបាល និងកងកម្លាំងសន្តិសុខជាង ៣ពាន់នាក់មកពីរដ្ឋសហព័ន្ធអាល្លឺម៉ង់ចំនួន 11 បានចូលរួម ដោយជនសង្ស័យត្រូវបានចាប់ខ្លួនផងដែរនៅក្នុងប្រទេសអូទ្រីស និងអ៊ីតាលី៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទេសចិនអាចកើនលើសអាមេរិកនូវចំនួនក្បាលគ្រាប់នុយក្លេអ៊ែរ

លោក Putin ទទួលស្គាល់ការវាយប្រហាររបស់រុស្ស៊ីទៅលើទីតាំងថាមពលរបស់អ៊ុយក្រែន

ប្រធានាធិបតីចិនសាទរ «យុគសម័យថ្មី» នៃទំនាក់ទំនងជាមួយអារ៉ាប៊ីសាអ៊ូឌីត

អាមេរិកបារម្ភឥទ្ធិពលចិននៅមជ្ឈិមបូព៌ា ខណៈលោក Xi Jinping ធ្វើទស្សនកិច្ចទៅអារ៉ាប៊ីសាអ៊ូឌីត

រុស្ស៊ីនិយាយថា អាមេរិកចង់ឲ្យជម្លោះអ៊ុយក្រែនបន្តរហូតដល់យ៉ាងហោចណាស់ឆ្នាំ២០២៥

កូរ៉េខាងត្បូង សម្រេចផ្តល់ឥណទានជិត ២៥០លានដុល្លារសម្រាប់សាងសង់ស្ពានអរិយក្សត្រ

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទេស​ចិន​អាច​កើន​លើស​អាមេរិក​នូវ​ចំនួន​ក្បាល​គ្រាប់​នុយក្លេអ៊ែរ

លោក Putin ទទួលស្គាល់​ការវាយប្រហារ​របស់​រុស្ស៊ី​ទៅលើ​ទីតាំង​ថាមពល​របស់​អ៊ុយ​ក្រែ​ន

ប្រធានាធិបតី​ចិន​សាទរ​ «​យុគសម័យ​ថ្មី​» នៃ​ទំនាក់ទំនង​ជាមួយ​អារ៉ាប៊ីសាអ៊ូឌីត

អាមេរិក​បារម្ភ​ឥទ្ធិពល​ចិន​នៅ​មជ្ឈិមបូព៌ា​ ខណៈ​លោក Xi Jinping ​ធ្វើ​ទស្សនកិច្ច​ទៅ​អារ៉ាប៊ីសាអ៊ូឌីត​

រុស្ស៊ីនិយាយថា អាមេរិក​ចង់​ឲ្យ​ជម្លោះ​អ៊ុយ​ក្រែ​ន​បន្ត​រហូតដល់​យ៉ាងហោចណាស់​ឆ្នាំ​២០២៥

កូរ៉េខាងត្បូង សម្រេចផ្តល់ឥណទានជិត ២៥០លានដុល្លារ​សម្រាប់​សាងសង់ស្ពាន​អរិយក្សត្រ

គណៈកម្មការ​សហភាព​អឺរ៉ុប​ស្នើ​កញ្ចប់​ទណ្ឌកម្ម​ទី​៩ ដាក់​លើ​រុស្ស៊ី​

លោក Putin និយាយថា រុស្សី​អាច​នឹង​ប្រយុទ្ធ​នៅ​អ៊ុយ​ក្រែ​ន​រយៈពេល​យូរ​ទៀត​

អាល្លឺម៉ង់ចាប់ខ្លួន​ជនសង្ស័យ ​២៥​នាក់ពីបទរៀប​ផែន​ការធ្វើ​រដ្ឋប្រហារ​ស្តាំនិយម​ជ្រុល​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសចិនអាចកើនលើសអាមេរិកនូវចំនួនក្បាលគ្រាប់នុយក្លេអ៊ែរ

លោក Putin ទទួលស្គាល់ការវាយប្រហាររបស់រុស្ស៊ីទៅលើទីតាំងថាមពលរបស់អ៊ុយក្រែន

ប្រធានាធិបតីចិនសាទរ «យុគសម័យថ្មី» នៃទំនាក់ទំនងជាមួយអារ៉ាប៊ីសាអ៊ូឌីត

អាមេរិកបារម្ភឥទ្ធិពលចិននៅមជ្ឈិមបូព៌ា ខណៈលោក Xi Jinping ធ្វើទស្សនកិច្ចទៅអារ៉ាប៊ីសាអ៊ូឌីត

រុស្ស៊ីនិយាយថា អាមេរិកចង់ឲ្យជម្លោះអ៊ុយក្រែនបន្តរហូតដល់យ៉ាងហោចណាស់ឆ្នាំ២០២៥

កូរ៉េខាងត្បូង សម្រេចផ្តល់ឥណទានជិត ២៥០លានដុល្លារសម្រាប់សាងសង់ស្ពានអរិយក្សត្រ

គណៈកម្មការសហភាពអឺរ៉ុបស្នើកញ្ចប់ទណ្ឌកម្មទី៩ ដាក់លើរុស្ស៊ី

លោក Putin និយាយថា រុស្សីអាចនឹងប្រយុទ្ធនៅអ៊ុយក្រែនរយៈពេលយូរទៀត

អាល្លឺម៉ង់ចាប់ខ្លួនជនសង្ស័យ ២៥នាក់ពីបទរៀបផែនការធ្វើរដ្ឋប្រហារស្តាំនិយមជ្រុល