BTV NEWS

កម្ពុជា និងសហរដ្ឋអាម៉េរិក ប្ដេជ្ញាបន្តពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ

សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»

សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី

សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

ព័ត៌មានសំខាន់ៗ

សម្តេចតេជោ៖ UNដាក់គោលដៅអភិវឌ្ឍន៍៨ តែកម្ពុជាបានស្នើឱ្យបញ្ចូលគ្រាប់មីនជាអាទិភាពផងដែរ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាជ្ញាធរមីនបានបញ្ជាក់អំពីគោលដៅអភិវឌ្ឍន៍ដោយចីរភាព ជាពិសេសគោលដៅអភិវឌ្ឍន៍សហស្សវត្សរបស់អង្គការសហប្រជាជាតិមានត្រឹម៨គោលដៅប៉ុណ្ណោះ ប៉ុន្តែកម្ពុជាបានដាក់ចេញរហូតដល់៩គោលដៅ សម្រាប់ផែនការអភិវឌ្ឍន៍ជាតិសំខាន់ៗរបស់ខ្លួននោះគឺបានដាក់បញ្ចូលបញ្ហាគ្រាប់មីន និងយុទ្ធភ័ណ្ឌមិនទាន់ផ្ទុះជាគោលដៅអាទិភាពផងដែរ។សម្ដេចតេជោប្រមុខរាជរដ្ឋា ភិបាលបានមានប្រសាសន៍យ៉ាងដូច្នេះក្នុងពេលអញ្ជើញជាអធិបតីដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ដែលបានធ្វើឡើង នៅសាលមហោស្រពកោះពេជ្រនាព្រឹកថ្ងៃទី២២វិច្ឆិកានេះ។សម្តេចបានគូសបញ្ជាក់ថា៖កម្ពុជាបានដាក់បញ្ចូលបញ្ហាគ្រាប់មីនជាគោលដៅអភិវឌ្ឍន៍ដោយចីរភាពទៅក្នុងផែនការយុទ្ធសាស្ត្រជាតិសំខាន់ៗរបស់ខ្លួនរហូតដល់ ៩ចំណុច ខណៈUNបានដាក់ត្រឹមតែ ៨គោលដៅ ហើយគោលដៅអភិវឌ្ឍន៍ដោយចីរភាពUNបានដាក់ចេញត្រឹមតែ១៧ប៉ុណ្ណោះ ប៉ុន្តែសម្រាប់កម្ពុជាបានដាក់ចេញរហូតដល់ ១៨គឺបន្ថែមមីន១ទៀត។សូមជម្រាបថា អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន កាលពីរសៀលថ្ងៃទី២១ ខែវិច្ឆិកា ឆ្នាំ២០២២ បានបើកសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ «ផ្តល់ដីសុវត្ថិភាព បង្កើតស្នាមញញឹម» ហើយនៅថ្ងៃទី២២ វិច្ឆិកានេះ គឺជាពិធីបិទសន្និបាតបូកសរុបលទ្ធផលការងារ ក៏ដូចជាបង្ហាញនូវសមិទ្ធផលស្នាដៃ៣០ឆ្នាំ នៃសកម្មភាពកំចាត់មីននៅកម្ពុជា។ ពិធីដ៏ប្រពៃនេះក៏មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមានផងដែរ ហើយគោលបំណង នៃខួប៣០ ឆ្នាំដែលបានរៀបចំមហាសន្និបាតនេះ គឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលយើងទាំងអស់គ្នា រាជរដ្ឋាភិបាលកម្ពុជា ដៃគូអភិវឌ្ឍន៍ ប្រទេសជាមិត្ត អង្គការជាតិ អន្តរជាតិ និងសហគមន៍សកម្មភាពមីន ទាំងអស់ បានផ្តល់ការគាំទ្រ ចូលរួមពោរពេញដោយសុឆន្ទះ ចិត្តសប្បុរស អាណិតអាសូរ ការលះបង់ និងការប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាមនៅកម្ពុជា៕ អត្ថបទ៖ មុត សុទ្ធ

សម្តេចតេជោ ហ៊ុន សែន ភ្ញាក់ផ្អើលចំពោះព័ត៌មានផ្សាយរឿងមិនពិតទាក់ទងនឹងកិច្ចជំនួបសម្តេចជាមួយអគ្គ UN និងលោក ចូ បៃឌិន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា មានការភ្ញាក់ផ្អើល បន្ទាប់ពីមានការលើកឡើងរបស់ជនអគតិ ឬសារព័ត៌មានមួយក្តាប់តូចបានផ្សាយថា អគ្គលេខាធិការអង្គការសហប្រជាជាតិ(UN) បានបញ្ជាសម្តេច ឲ្យធ្វើនេះធ្វើនោះ(ទាក់ទងសិទ្ធិមនុស្ស) ខណៈសម្តេចអះអាងថា ពេលដែលសម្តេចបានជួបជាមួយលោកអគ្គលេខាធិការរូបនេះ កាលពីប៉ុន្មានថ្ងៃមុននោះនិយាយតែអំពីបញ្ហាគ្រាប់មីន បញ្ហាសាលាក្តីខ្មែរក្រហម និងបញ្ហាការបញ្ជូនកងទ័ពមួកខៀវទៅក្រៅប្រទេសជាដើមនោះ។ថ្លែងនៅក្នុងឱកាសអញ្ជើញជាអធិបតី ក្នុងពិធីបិទសន្និបាតជាតិខួប៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ«ផ្តល់ដីសុវត្ថិភាព បង្កើតស្នាមញញឹម» នាថ្ងៃទី២២ ខែវិច្ឆិកា ឆ្នាំ២០២២នេះ សម្តេចតេជោ នាយករដ្ឋមន្រ្តីបានបញ្ជាក់ថា សម្តេចពិតជាមានការភ្ញាក់ផ្អើល ក្រោយព័ត៌មាន ផ្សាយទាក់ទងកិច្ចជំនួបរបស់សម្តេចជាមួយ លោក Antionio Guterres នៅកម្ពុជា ក្នុងពេលប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានាកាលពីប៉ុន្មានថ្ងៃមុននោះ ដោយមិនបានពិភាក្សា រឿងអ្វីដូចដែលក្រុមទាំងនោះបានផ្សព្វផ្សាយនោះឡើយ ហើយសម្តេចពិតជាឆ្ងល់យ៉ាងខ្លាំងមិនដឹងថា បានព័ត៌មានបែបបំភ្លើសនេះមកពីណា។ជាមួយគ្នានោះដែរ សម្តេចតេជោ ហ៊ុន សែន ក៏មានការហួសចិត្តចំពោះការផ្សព្វផ្សាយពីជំនួបរវាងសម្តេចតេជោ ជាមួយលោកប្រធានាធិបតីអាមេរិកចូ បៃឌិន ដែរថា ការជំនួបនោះលោក បៃឌិន បានលើកឡើងអំពីកញ្ញា សេង ធារី (អប្សារាក្បាលត្រងោល) ដែលកំពុងជាប់គុក និងបានដាក់គំនាបដល់សម្តេចរឿងនេះរឿងនោះ គឺគ្មានទាល់តែសោះ ដោយការផ្សាយរបស់ពួកគេទាំងនោះមិនដឹងបានព័ត៌មានមកពីខាងណានោះទេ។សម្តេចតេជោ ហ៊ុន សែន ក៏បានអំពាវនាវដល់ប្រព័ន្ធផ្សព្វផ្សាយទាំងអស់ ត្រូវគោរពអំពីក្រមសីលធម៌ និងវិជ្ជាជីវៈអ្នកសារព័ត៌មានផង ខណៈការផ្សព្វផ្សាយរបស់អ្នកព័ត៌មានទាំង នោះគ្មានការពិតទាល់តែសោះ ខណៈកិច្ចជំនួបរវាងសម្តេច ជាមួយអគ្គលេខាធិការអង្គការ សហប្រជាជាតិ និងប្រធានាធិបតីអាមេរិក កាលពីកន្លងទៅថ្មីៗនេះមិនបាននិយាយគ្នាដូចការផ្សព្វផ្សាយរបស់សារព័ត៌មានទាំងនោះឡើយ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

ភ្នំពេញ៖ នៅព្រឹកថ្ងៃទី២២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា នៅមជ្ឈមណ្ឌលកោះពេជ្រ។ពិធីបិទសន្និបាតមីនព្រឹកនេះ មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមីនផងដែរ។គោលបំណង នៃខួប៣០ ឆ្នាំក៏ដូចជាពិធីបិទមហាសន្និបាតនេះ គឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលកម្ពុជាបានប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាម។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន កោតសរសើរដល់អាជ្ញាធមីន, ប្រតិបត្តិករដោះមីន, អង្គការ-សមាគមដៃគូ និងប្រទេសជាមិត្ត ដែលបានប្រឹងប្រែងធ្វើកិច្ចការពាក់ព័ន្ធនឹងសកម្មភាពមីននៅកម្ពុជា ប្រកបដោយលទ្ធផលល្អប្រសើរ គួរជាទៅមោទនៈ។- សម្តេចតេជោ ហ៊ុន សែន ប្រកាសថា មីនជាបញ្ហាមួយ ដែលត្រូវបានយកចិត្តទុកដាក់នៅលើពិភពលោក ជាពិសេសប្រទេស ដែលធ្លាប់ញាំញីដោយសង្គ្រាម ហើយកម្ពុជាក៏បានដាក់ចេញគោលដៅសំខាន់ សម្រាប់សកម្មភាពមីននេះផងដែរ។- សម្តេចតេចជោ ហ៊ុន សែន ប្រកាសថា ជំនួបរវាងសម្តេច និងអគ្គលេខាធិការអង្គការសហប្រជាតិ លោក Antionio Guterres នៅកម្ពុជា ក្នុងពេលប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានា មិនមានការពិភាក្សា ឬដាក់គំនាបមកកម្ពុជាពាក់ព័ន្ធបញ្ហានយោបាយផ្ទៃក្នុងកម្ពុជាឡើយ។- សម្តេចតេជោ ហ៊ុន សែន ប្រកាសថា កម្ពុជា-អង្គការសហប្រជាជាតិ បានពិភាក្សាគ្នា និងផ្តល់ធាតុចូល ពាក់ព័ន្ធសកម្មភាពមីន, សាលាក្តីខ្មែរក្រហម និងបញ្ហាសកល ដែលពិភពលោក និងតំបន់ កំពុងជួបប្រទះ។- សម្តេចតេជោ ហ៊ុន សែន ប្រកាសថា ការបោសសម្អាតមីន និងសំណល់ជាតិផ្ទុះពីសង្រ្គាម គឺជាការងារមួយយ៉ាងសំខាន់មិនអាចខ្វះបាន ក្នុងការជួយកាត់បន្ថយគ្រោះថ្នាក់ ដែលប្រែក្លាយដីរងផលប៉ះពាល់ទាំងនោះឱ្យក្លាយជាដីសុវត្ថិភាព សម្រាប់ប្រជាពលរដ្ឋប្រើប្រាស់។- សម្តេចតេជោ ហ៊ុន សែន បញ្ជាក់ថា កម្មវិធីសកម្មភាពមីនមនុស្សធម៌នៅកម្ពុជាចាប់ផ្តើមឡើងនៅឆ្នាំ១៩៩២ ដើម្បីឆ្លើយតបបន្ទាន់នឹងការធ្វើមាតុភូមិនិវត្តន៍ របស់ជនភៀសខ្លួន។- សម្តេចតេជោ ហ៊ុន សែន បន្តថា ក្នុងនាមជាប្រទេសស្រឡាញ់សន្តិភាព នៅឆ្នាំ១៩៩៧ កម្ពុជាបានចុះហត្ថលេខា និងបានក្លាយជារដ្ឋភាគី នៃអនុសញ្ញាស្តីពីការហាម ការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស (ឬហៅកាត់ថា អនុសញ្ញាអូតាវ៉ា) ក្នុងឆ្នាំ២០០០។- សម្ដេចតេជោ មានប្រសាសន៍ថា សន្តិភាពបានរួមចំណែកយ៉ាងខ្លាំងក្លាដល់កិច្ចដំណើរការពង្រឹងលទ្ធិប្រជាធិបតេយ្យ ការគោរពសិទ្ធិ និងសេចក្តីថ្លៃថ្នូររបស់មនុស្ស ដែលធ្វើឱ្យប្រជាជនកម្ពុជាបានយល់យ៉ាងច្បាស់អំពីគុណតម្លៃ នៃសុខសន្តិភាព និងប្តេជ្ញាចិត្តខ្ពស់ក្នុងការការពារមិនឲ្យបាត់បង់ទៅវិញជាដាច់ខាត ទោះបីក្នុងតម្លៃណាក៏ដោយ។- សម្តេចតេជោ ហ៊ុន សែន មានប្រសាសន៍ថា ក្នុងនាមជារដ្ឋភាគី កម្ពុជាមានមោទនភាពណាស់ ដោយបានក្លាយជាសមាជិកដ៏សកម្ម និងហ្មត់ចត់ក្នុងកិច្ចការបោសសម្អាតមីន និងមានការទទួលខុសត្រូវខ្ពស់ ចំពោះកាតព្វកិច្ចរបស់ខ្លួន។- សម្តេចតេជោ ហ៊ុន សែន បានសម្តែងដោយមោទនភាពថា ក្នុងឋានៈជាម្ចាស់ផ្ទះ កម្ពុជាបាននាំពិភពលោកឲ្យវិលត្រលប់មកកាន់ទីកំណើតដើម នៃចលនាហាមប្រាមការប្រើប្រាស់មីនប្រឆាំងមនុស្សនេះ ហើយបាននាំយកតថភាពពិត និងរូបភាពពិតរបស់អនុសញ្ញានេះ មកដាក់បង្ហាញចំពោះមុខកិច្ច ប្រជុំតែម្តង។- សម្តចេតេជោ ហ៊ុន សែន បន្តថា តាំងពីកម្ពុជាចាប់ផ្តើមស្តារ និងអភិវឌ្ឍន៍សេដ្ឋកិច្ចជាតិ រាជរដ្ឋាភិបាលបានកំណត់យកសកម្មភាពមីន ជាផ្នែកមួយដ៏សំខាន់ក្នុងគោលនយោបាយកាត់បន្ថយភាពក្រីក្រ និងផែនការយុទ្ធសាស្រ្តជាតិសំខាន់ៗ។ ដោយមើលឃើញពីសារសំខាន់នេះកម្ពុជា បានសម្រេចដាក់បញ្ចូលសកម្មភាពបោសសម្អាតមីន និងសំណល់ជាតិផ្ទុះពីសង្គ្រាម ចូលជាគោលដៅទី១៨ នៃគោលដៅអភិវឌ្ឍន៍ប្រកបដោយចីរភាពកម្ពុជា។- សម្តេចតេជោ ហ៊ុន សែន បញ្ជាក់ថា ថ្ងៃអនាគត កម្ពុជាគឺជាប្រទេសដែលគ្មានមីន ហើយការគំរាមកំហែងដោយសារសំណល់ជាតិផ្ទុះពីសង្រ្គាម ត្រូវបានកាត់បន្ថយឲ្យនៅកម្រិតអប្បបរមា និងមានការអភិវឌ្ឍសេដ្ឋកិច្ចសង្គម និងធនធានមនុស្ស ប្រព្រឹត្តទៅដោយសុវត្ថិភាព។ ផែនការយុទ្ធសាស្រ្តនេះ ជាផែនទីតម្រង់ទិស ដោះស្រាយបញ្ហាមីននិងសំណល់ជាតិផ្ទុះពីសង្រ្គាម និងឆ្លើយតបទៅនឹងការគំរាមកំហែងដែលនៅសេសសល់ក្រោយឆ្នាំ ២០២៥។- សម្តេចតេជោ ហ៊ុន សែន ប្រកាសថា ជាមួយនឹងចំណេះដឹង និងបទពិសោធន៍ ក្នុងរយៈពេល ៣ទសវត្សរ៍ កម្ពុជាបានប្រែក្លាយពីប្រទេសដែលរងគ្រោះដោយសារគ្រាប់មីន ទៅជាប្រទេសដែលចែករំលែកបទពិសោធន៍លើឆាកអន្តរជាតិ នៅតាមបណ្តាប្រទេសដែលកំពុងជួបប្រទះនឹងបញ្ហាមីន និងសំណល់ជាតិផ្ទុះពីសង្រ្គាម ដែលគណៈប្រតិភូមកពីបណ្តាប្រទេសជាច្រើន បានមកទស្សនាប្រទេសកម្ពុជា ដើម្បីរៀនសូត្រ និងទទួលបទពិសោធន៍។- សម្តេចតេជោ ហ៊ុន សែន ប្រកាសថា ការប្តេជ្ញាចិត្តរបស់កម្ពុជា បានធ្វើឱ្យមជ្ឈដ្ឋានជាតិ-អន្តរជាតិស្ញប់ស្ញែងនូវបេសកកម្មរបស់កម្ពុជា ក្នុងការចូលរួមប្រកបដោយកិត្តិយសដ៏ឧត្តុង្គឧត្តមបំផុត សម្រាប់មនុស្សជាតិលើពិភពលោកក្រោមឆ័ត្ររបស់អង្គការសហប្រជាជាតិ ដែលទង់ជាតិកម្ពុជាបន្តបង្ហូតខ្ពស់ត្រដែត ស្មើមុខស្មើមាត់ ស្មើសិទ្ធិ ស្មើភាពជាមួយបណ្តាប្រទេសបរិច្ចាគកងកម្លាំងទាំងអស់។- សម្តេចតេជោ ហ៊ុន សែន បានពិភាក្សាជាមួយនាយករដ្ឋមន្ត្រីថៃប្រាយុទ្ធ ច័ន្ទអូចា លើបញ្ហាដោះមីនតាមខ្សែបន្ទាត់ព្រំដែនកម្ពុជា-ថៃ ផ្តល់សុវត្ថិភាពដល់ប្រជាពលរដ្ឋទាំងសងខាង ទោះតំបន់នោះមិនទាន់ឯកភាពក្នុងការកំណត់ព្រំដែនក៏ដោយ ហើយកិច្ចការបន្ទាប់គណៈកម្មាធិការព្រំដែនប្រទេសទាំងពីនឹងធ្វើការជាមួយគ្នា។- សម្តេចតេជោ ហ៊ុន សែន មានប្រសាសន៍ថា កម្ពុជាបន្តកសាងស្នាដៃដ៏ធំធេងជាច្រើនដូចជា ការបោសសម្អាតមីន ការកំទេចគ្រាប់ ការស្ថាបនាសំណង់ផ្តេក-បញ្ឈរ ក្នុងតំបន់បេសកកម្មដែលមានហានិភ័យខ្ពស់។ ស្នាដៃរបស់វីរយុទ្ធនារីកម្ពុជា នាឆ្នាំ២០២២ នេះ បានទទួលលំដាប់លេខរៀងទី២ ក្នុងបណ្តាសហគមន៍អាស៊ាន និងលំដាប់លេខ១២ ក្នុងចំណោម ១២០ប្រទេសបរិច្ចាគកងកម្លាំង។- សម្តេចតេជោ ហ៊ុន សែន បានប្រកាសដល់អ្នកនយោបាយ និងក្រុមជ្រុលនិយមមួយចំនួន គប្បីកុំមានការធ្វើអត្ថាធិប្បាយលើសហួសហេតុ ភូតកុហក់ បំភ្លៃបំផ្លើស ពាក់ព័ន្ធជំនួបទ្វេភាគីរវាងសម្តេចតេជោ ហ៊ុន សែន ជាមួយលោក ចូ បៃដិន ប្រធានាធិបតីអាមេរិក ក្នុងពេលប្រជុំកំពូលអាស៊ានលើកទី៤០-៤១ និងកិច្ចកំពូលពាក់ព័ន្ធនានានៅកម្ពុជា។- សម្តេចតេជោ ហ៊ុន សែន ប្រកាសថា ជំនួបរវាងសម្តេច និងលោក Antionio Guterres អគ្គលេខាធិការUN ផ្តោតសំខាន់លើកិច្ចសហប្រតិបត្តិការលើវិស័យមីន, តុលាការកូនកាត់ (សាលាក្តីខ្មែរក្រហម) និងសកម្មភាពមនុស្សធម៌ក្រោមឆ័ត្រអង្គការសហប្រជាជាតិ តាមរយៈបញ្ជូនកម្លាំងទៅរក្សាសន្តិភាពប្រទេសដែលញាំញីដោយសង្គ្រាម។- សម្តេចតេជោ ហ៊ុន សែន ប្រកាសថា បើគ្មានការប្រែប្រួលទេ រដ្ឋមន្ត្រីការពារជាតិចិន និងជួបសន្ទនាជាមួយរដ្ឋមន្ត្រីការពារជាតិអាមេរិក លើទឹកសៀមរាបអង្គរ ក្នុងពេលកម្ពុជា កំពុងរៀបចំកិច្ចប្រជុំកំពូលរដ្ឋមន្ត្រីការពារជាតិអាស៊ាន។សង្កថាសម្ដេចតេជោ ហ៊ុន សែន ចប់នៅម៉ោង ៩និង០៣នាទី

សម្តេចតេជោ ហ៊ុន សែន អញ្ជើញជាអធិបតីបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

ភ្នំពេញ៖ នៅព្រឹកថ្ងៃទី២២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ដែលពិធីនេះត្រូវប្រារព្ធធ្វើឡើងនៅមជ្ឈមណ្ឌលកោះពេជ្រ។ សូមជម្រាបថា អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន កាលពីរសៀលថ្ងៃទី២១ ខែវិច្ឆិកា ឆ្នាំ២០២២ បានបើកសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ «ផ្តល់ដីសុវត្ថិភាព បង្កើតស្នាមញញឹម» ហើយនៅថ្ងៃទី២២ វិច្ឆិកានេះ គឺជាពិធីបិទសន្និបាតបូកសរុបលទ្ធផលការងារ ក៏ដូចជាបង្ហាញនូវសមិទ្ធផលស្នាដៃ៣០ឆ្នាំ នៃសកម្មភាពកំចាត់មីននៅកម្ពុជា។ ពិធីបិទសន្និបាត នាព្រឹកនេះ មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមានផងដែរ។ គោលបំណងនៃខួប៣០ ឆ្នាំក៏ដូចជាពិធីបិទមហាសន្និបាតនេះគឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលយើងទាំងអស់គ្នា រាជរដ្ឋាភិបាលកម្ពុជា ដៃគូអភិវឌ្ឍន៍ ប្រទេសជាមិត្ត អង្គការជាតិ អន្តរជាតិ និងសហគមន៍សកម្មភាពមីន ទាំងអស់ បានផ្តល់ការគាំទ្រ ចូលរួមពោរពេញដោយសុឆន្ទះ ចិត្តសប្បុរស អាណិតអាសូរ ការលះបង់ និងការប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាមនៅកម្ពុជា។

រញ្ជួយដីនៅកោះជ្វា (ឥណ្ឌូនេស៊ី) សម្លាប់មនុស្ស ១៦២នាក់ និងជាង ៧០០នាក់រងរបួស

ឥណ្ឌូនេស៊ី៖ គ្រោះរញ្ជួយដីដ៏មានឥទ្ធិពលមួយបានអង្រួនកោះជ្វាដ៏សំខាន់ របស់ប្រទេសឥណ្ឌូនេស៊ីសម្លាប់មនុស្ស ១៦២នាក់ និងជាង ៧០០នាក់រងរបួស ខណៈក្រុមអ្នកសង្គ្រោះកំពុងស្វែងរកអ្នកនៅរស់រានមានជីវិតជាប់ក្រោមកម្ទេចថ្ម ស្របពេលមានរលករញ្ជួយជាបន្តបន្ទាប់។ចំណុចកណ្ដាលនៃការរញ្ជួយដីកម្រិត ៥.៦រ៉ិចទ័រនៅជិតទីប្រជុំជន Cianjur ក្នុងខេត្តតំបន់ភ្នំជ្វាខាងលិច ស្ថិតនៅចម្ងាយ ៧៥គីឡូម៉ែត្រភាគអាគ្នេយ៍នៃរដ្ឋធានី Jakarta។ តំបន់នេះគឺជាលំនៅឋានសម្រាប់ប្រជាពលរដ្ឋជាង ២លាន ៥សែននាក់។ អភិបាលខេត្តជ្វាខាងលិចលោក Ridwan Kamil បាននិយាយ ខណៈលោកបានប្រកាសចំនួនអ្នកស្លាប់ថ្មីក្នុងតំបន់ដាច់ស្រយាលមួយនេះថា ភាគច្រើននៃអ្នកស្លាប់ជាសិស្សសាលារដ្ឋដែលទើបចេញពីសាលារៀននៅពេលថ្ងៃ និងរៀនបន្ថែមនៅសាលាអ៊ីស្លាមមួយចំនួន នៅពេលសាលារៀនទាំងនោះដួលរលំ។ចំនួនអ្នកស្លាប់ត្រូវគេរំពឹងថានឹងកើនឡើងថែមទៀត ប៉ុន្តែពុំមានការប៉ាន់ប្រមាណថ្មីភ្លាមៗទេ។ ប្រជាពលរដ្ឋនៃទីប្រជុំជន Cianjur ភាគច្រើនរស់នៅអគារតែមួយ ឬអគារកម្ពស់ ២ជាន់ និងផ្ទះសម្បែងតូចៗព័ទ្ធជុំវិញតំបន់ជនបទនេះ។ លោក Kamil បាននិយាយថា មនុស្សជាង ១៣.០០០នាក់ដែលលំនៅឋានរបស់ខ្លួនរងការខូចខាតធ្ងន់ធ្ងរ ត្រូវបានជម្លៀសទៅកាន់មជ្ឈមណ្ឌលនានា៕ អត្ថបទ៖ សុខមាន

ចិនបានប្រកាសពីការស្លាប់លើកដំបូងដោយសារជំងឺ Covid-19 ចាប់តាំងពីខែឧសភាមក

ចិន៖ គណៈកម្មាធិការសុខភាពជាតិរបស់ចិនបាននិយាយកាលពីថ្ងៃអាទិត្យថា បុរសអាយុ ៨៧ឆ្នាំម្នាក់មកពីទីក្រុងប៉េកាំងបានស្លាប់ដោយសារជំងឺ Covid-19។ នេះជាករណីស្លាប់លើកដំបូងដោយសារវីរុស Covid-19 នៅក្នុងប្រទេសក្នុងរយៈពេលជិតកន្លះឆ្នាំកន្លងទៅនេះ ក្នុងពេលមានវិធានការបិទខ្ទប់តឹងរ៉ឹងរបស់ខ្លួន។ នៅថ្ងៃទី២០ ខែវិច្ឆិកា ប្រទេសចិនបានប្រកាសពីករណីឆ្លងវីរុស Covid-19 ថ្មីចំនួន ២៤,២១៥ករណីដែលត្រូវបានរកឃើញក្នុងរយៈពេល ២៤ម៉ោងដែលភាគច្រើនពុំមានរោគសញ្ញា។ មានករណីដែលត្រូវបានកត់ត្រាចំនួន ២៨៨,៥៦២ករណីចាប់តាំងពីវីរុសត្រូវបានគេដឹងជាលើកដំបូងនៅក្នុងទីក្រុង Wuhan កាលពីខែធ្នូ ឆ្នាំ២០១៩ ប៉ុន្តែមានតែអ្នកស្លាប់ចំនួន ៥,២២៩នាក់ប៉ុណ្ណោះត្រូវបានរាយការណ៍។ប្រទេសលោកខាងលិចមួយចំនួនបានចោទសួរ អំពីការរក្សាកំណត់ត្រារបស់ប្រទេសចិនដោយនិយាយថា ការផ្ទុះឡើងវីរុស Covid-19 កាលពីពេលថ្មីៗនេះនៅទីក្រុងសៀងហៃដែលមានរយៈពេលពីរខែ និងបានឆ្លងដល់មនុស្សរាប់សែននាក់ ជាផ្លូវការបណ្តាលឱ្យមានមនុស្សស្លាប់ប្រហែលជាង ២០នាក់ប៉ុណ្ណោះ៕អត្ថបទ៖ ប៊ុនថន

អ៊ុយក្រែននិយាយថា រុស្ស៊ីកំពុងបាញ់ផ្លោងស្រោចលើទីតាំងព្រំដែនដោយកាំភ្លើងធំ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយនៅក្នុងសុន្ទរកថាតាមវីដេអូថា កងកម្លាំងរុស្ស៊ីកំពុងបាញ់ផ្លោងស្រោចលើទីតាំងរបស់អ៊ុយក្រែនដោយកាំភ្លើងធំ ហើយនៅក្នុងតំបន់ភាគខាងកើតតែមួយបានវាយប្រហារជិត ៤០០លើកកាលពីថ្ងៃអាទិត្យ។ រុស្ស៊ីបានដកកងកម្លាំងរបស់ខ្លួនចេញពីទីក្រុង Kherson ភាគខាងត្បូងក្នុងខែនេះ ហើយបានផ្លាស់ប្តូរកងទ័ពមួយចំនួនដើម្បីដាក់បន្ថែមកងទ័ពនៅទីតាំងក្នុងតំបន់ Donetsk ភាគខាងកើត និងតំបន់ Luhansk ជាតំបន់ឧស្សាហកម្មដែលគេស្គាល់ថាជាតំបន់ Donbas។ លោក Zelenskiy និយាយថា ការប្រយុទ្ធដ៏ខ្លាំង ដូចកាលពីលើកមុនកំពុងកើតមាននៅក្នុងតំបន់ Donetsk។ ទោះបីជាមានការវាយប្រហារតិចជាងមុន ដោយសារអាកាសធាតុមិនអំណោយផលខ្លាំងក៏ដោយ ប៉ុន្តែចំនួននៃការបាញ់ផ្លោងរបស់រុស្ស៊ីនៅតែមានកម្រិតខ្ពស់បំផុត។លោក Zelenskyy និយាយថា នៅក្នុងតំបន់ Luhansk យើងកំពុងរុលឆ្ពោះទៅមុខបន្តិចម្តងៗ ខណៈពេលកំពុងប្រយុទ្ធ។ មានការវាយប្រហារដោយកាំភ្លើងធំជិត ៤០០លើកនៅតំបន់ភាគខាងកើត។ កងទ័ពនៅភាគខាងត្បូងកំពុងវាយប្រយុទ្ធយ៉ាងជឿងជាក់ និងមានសក្តានុពលលើទាហានឈ្លានពាន។ ទីក្រុង Kyiv បាននិយាយកាលពីថ្ងៃសៅរ៍ថា ទាហានរុស្ស៊ីប្រមាណ ៦០នាក់បានស្លាប់នៅក្នុងការវាយប្រហារ ដោយកាំភ្លើងធំរយៈចម្ងាយឆ្ងាយនៅភាគខាងត្បូង ជាលើកទី២ ក្នុងរយៈពេល ៤ថ្ងៃដែលអ៊ុយក្រែនបានអះអាងថា បានវាយប្រហារបណ្តាលឱ្យកងកម្លាំងរុស្ស៊ីស្លាប់ និងរបួសច្រើននាក់៕អត្ថបទ៖ ប៊ុនថន

រុស្ស៊ីបញ្ជូនទាហានស៊ីឈ្នួល ២ពាន់នាក់ពីស៊ីរីទៅអ៊ុយក្រែន

រុស្ស៊ី៖ ក្រុមសិទ្ធិមនុស្សនិយាយថា រុស្ស៊ីបានបញ្ជូនទាហានស៊ីឈ្នួលប្រមាណ ២ពាន់នាក់ពីប្រទេសស៊ីរីទៅកាន់អ៊ុយក្រែនដើម្បីជំរុញការវាយលុករបស់ខ្លួន។ ក្រុមសង្កេតការណ៍សិទ្ធិមនុស្សស៊ីរីនិយាយថា ទាហានស៊ីឈ្នួលត្រូវបានគេជឿថា កំពុងធ្វើការគាំទ្រផ្នែកដឹកជញ្ជូន និងបេសកកម្មផ្សេងទៀតជាចម្បងនៅក្នុងតំបន់ដែលចូលកាន់កាប់ដោយរុស្ស៊ីនៅភាគខាងកើត និងភាគខាងត្បូងអ៊ុយក្រែន។ ក្រុមសិទ្ធមនុស្សនិយាយថា គិតត្រឹមខែតុលា មនុស្សប្រហែល ៥ម៉ឺននាក់នៅស៊ីរីបានចុះហត្ថលេខាដើម្បីចូលរួមប្រយុទ្ធឲ្យរុស្ស៊ី។ ការចុះឈ្មោះបែបនេះបាននឹងកំពុងធ្វើឡើងនៅក្នុងតំបន់ ដែលស្ថិតក្រោមរដ្ឋាភិបាលគាំទ្រដោយរុស្ស៊ីរបស់លោកប្រធានាធិបតីស៊ីរី Bashar al-Assad។ ក្រុមអ្នកជ្រើសរើសកងទ័ពនៅភាគខាងជើងទីក្រុង Aleppo ត្រូវបានគេរាយការណ៍ថា បានប្រាប់ប្រជាជនថា ពួកគេអាចរកប្រាក់បាន ៣,០០០ដុល្លារក្នុងមួយខែ ហើយអាចទទួលបានសញ្ជាតិរុស្ស៊ីប្រសិនបើពួកគេចុះឈ្មោះ។ បុរសជនជាតិស៊ីរីម្នាក់បានក្លាយជាទាហានស៊ីឈ្នួល ដើម្បីផ្តល់ការផ្គត់ផ្គង់ដល់ប្រពន្ធ និងកូនបីនាក់ បុរសរូបនេះត្រូវបានគេបញ្ជូនទៅតំបន់ Donetsk ភាគខាងកើតប្រទេសអ៊ុយក្រែនកាលពីខែកក្កដា។ក្រោយមកគាត់បានទូរស័ព្ទទៅមិត្តភ័ក្តិនៅប្រទេសស៊ីរី ដើម្បីនិយាយបញ្ចុះបញ្ចូលមិនឲ្យធ្វើដំណើរមកអ៊ុយក្រែន ដោយបាននិយាយថា ការវាយប្រហាររបស់យោធាអ៊ុយក្រែនបណ្តាលឲ្យមនុស្សច្រើននាក់ស្លាប់។ បុរសនេះនិយាយថា ទាហានស៊ីឈ្នួលស៊ីរីត្រូវបានចាត់ទុកដូចជាទាសករ ហើយអនុញ្ញាតផ្តល់ឱ្យអាហារកំប៉ុងតែពីរពេលប៉ុណ្ណោះក្នុងមួយថ្ងៃ ម្ហូបអាហារមានរស់ជាតិខូចគុណភាព ហើយមិនច្បាស់នោះទេថាអាហារនេះចម្អិនពីអ្វី។ បុរសនេះនិយាយថា ការពន្យល់ដែលផ្តល់ឲ្យដោយអ្នកជ្រើសរើសទាហានគឺសុទ្ធតែជាការភូតកុហក និងបាននិយាយថា យើងមិនបានទទួលប្រាក់ឈ្នួលទាល់តែសោះចាប់តាំងពីទទួលបាន ៥០០ដុល្លារនៅប្រទេសស៊ីរី៕អត្ថបទ៖ ប៊ុនថន

សារព័ត៌មាន Insider៖ កងកម្លាំងសន្តិសុខត្រៀមការពារលោក Putin ពីរដ្ឋប្រហារដែលអាចកើតឡើង

រុស្ស៊ី៖ យុទ្ធោបករណ៍ត្រូវបានដាក់ពង្រាយនៅកណ្ដាលទីក្រុង Moscow កាលពីថ្ងៃទី២៦ ខែតុលា ហើយគេបានមើលឃើញក្រុមមន្ត្រីផ្ដល់សេវាបរទេស (FSO) ទំនងជាកំពុងហាត់សមដើម្បីការពារអគារនានារបស់រដ្ឋាភិបាល។ តាមពិតយោងតាមសារព័ត៌មាន The Insider ដែលបានទទួលឯកសារពាក់ព័ន្ធនឹងការហាត់សមនេះ ក្រុមអង្គរក្សរបស់លោកប្រធានាធិបតីរុស្ស៊ី Vladimir Putin កំពុងត្រៀមការពារលោកពីរដ្ឋប្រហារ ហើយការហាត់សមតាកទិកនេះ គ្រាន់តែជាចំណែកតូចមួយនៃវិធានការពិសេសៗជាច្រើនដែលបានគ្រោងនៅទីនោះ ថានឹងមានការគំរាមកំហែងដែលថា មេដឹកនាំរូបនេះអាចត្រូវគេផ្ដួលរំលំ។ឯកសារនេះក៏បានព្រមានផងដែរអំពីផលប៉ះពាល់ផ្លូវចិត្ត ដែលមន្ត្រីសន្តិសុខអាចនឹងត្រូវដោះស្រាយក្នុងករណីមានរដ្ឋប្រហារ ហើយព្រមានថា ភ្នាក់ងារបរទេសអាចប្រើវិធីសាស្ត្រមិនសមរម្យផ្សេងៗ ដើម្បីធ្វើឲ្យប៉ះពាល់ដល់ពួកគេ។ សារព័ត៌មាន the Insider បាននិយាយថា ក្រុមអាជ្ញាធររុស្ស៊ីក៏បារម្ភផងដែរថា បណ្ដាញសារព័ត៌មានធំៗ បណ្ដាញសង្គម អង្គការសាសនា និងក្រុមជនឆ្លៀតឱកាសនឹងប្រើប្រឆាំងក្រុមអាជ្ញាធរវិមានក្រឹមឡាំង៕អត្ថបទ៖ សុខមាន

សម្តេចតេជោ ហ៊ុន សែន៖ ក្នុងស្ថានភាពពិភពលោកកំពុងស្មុគស្មាញស្ថាប័នសភាពិតជាមានតួនាទីសំខាន់

ភ្នំពេញ៖ នៅព្រឹកថ្ងៃទី២១ ខែវិច្ឆិកានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងសុន្ទរកថាគន្លឹះបើកមហាសន្និបាតអន្តរសភាអាស៊ាន (AIPA) លើកទី៤៣ ដែលរៀបចំដោយសភាកម្ពុជា នៅសណ្ឋាគារសុខា រាជធានីភ្នំពេញ។អញ្ជើញចូលរួមថ្លែងសុន្ទរកថាគន្លឹះក្នុងមហាសន្និបាតនេះ សម្ដេចបានបានគូសបញ្ជាក់ថាក្នុងស្ថានភាពដែលពិភពលោកកំពុងប្រឈម និងមានបញ្ហាស្មុគស្មាញយ៉ាងខ្លាំងស្ថាប័នរដ្ឋសភាពិតជាមានតួនាទីសំខាន់មិនអាចខ្វះបាន។សម្ដេចតេជោ ហ៊ុន សែន គូសបញ្ជាក់ថា “អង្គការនីតិបញ្ញត្តិ ជាពិសេស គឺស្ថាប័នរដ្ឋសភា ពិតជាមានតួនាទីសំខាន់ និងមិនអាចខ្វះបាន ក្នុងការចូលរួមចំណែកដោះស្រាយបញ្ហាតំបន់ និងសកល។ ក្នុងស្មារតីនេះ, ខ្ញុំយល់ថាការប្រារព្ធមហាសន្និបាតអន្តរសភាពអាស៊ានលើកទី៤៣ នាពេលនេះ គឺជាឱកាសមួយដ៏កម្រសម្រាប់ សម្ដេច, ឯកឧត្ដម, លោកជំទាវ ជាប្រតិភូអាយប៉ា ចូលរួមពិភាក្សាយ៉ាងទូលំទូលាយលើប្រធានបទរបស់យើង សំដៅពង្រឹងកិច្ចសហប្រតិបត្តិការជាធ្លុងមួយ និងរិះរកនូវអនុសាសន៍គោលនយោបាយ ជាពិសេសគោលជំហររួមមួយ ដើម្បីជាឧត្ដមប្រយោជន៍សម្រាប់ប្រជាជនយើងទាំងអស់គ្នា។”គួរបញ្ជាក់ថា ក្នុងឱកាសបើកមហាសន្និបាតអន្តរសភាអាស៊ានព្រះមហាក្សត្រនៃព្រះរាជាណាចក្រកម្ពុជាក៏សព្វព្រះរាជហឫទ័យស្តេចប្រទាននូវព្រះរាជសុន្ទរកថាផ្ញើជូនអង្គមហាសន្និបាតផងដែរ ហើយក្រៅពីនោះក៏មានការថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ,សុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ាន លើកទី៤៣ ក៏បានអញ្ជើញថ្លែងសុន្ទរកថាបើកមហាសន្និបាតជាផ្លូវការ។មហាសន្និបាតអន្តរសភាអាស៊ានលើកទី៤៣នៅកម្ពុជានេះក៏មាន ការអញ្ជើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាននៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ មហាសន្និបាតអន្តរសភាអាស៊ាន ហៅកាត់(AIPA)ជាវេទិកាសភា ប្រទេសជាសមាជិកអាស៊ាន ទាំង១០ដែលតំណាងឱ្យពលរដ្ឋប្រមាណជិត ៧០០លាននាក់ ក្នុងក្របខ័ណ្ឌនីតិប្បញ្ញត្តិ ដើម្បីប្រមូលផ្តុំនូវមតិ យោបល់ ទស្សនៈរបស់តំណាងពលរដ្ឋ ក្រោមចក្ខុវិស័យទូលំទូលាយ និងកិច្ចសហប្រតិបត្តិការជិតស្និទ្ធ ក្នុងគោលបំណងដោះស្រាយបញ្ហារួមរបស់ពិភពលោកដែលប៉ះពាល់ដល់តំបន់អាស៊ីអាគ្នេយ៍ និងដើម្បីជំរុញឱ្យមានសន្តិសុខ ស្ថិរភាពនិងវិបុលភាព៕

បណ្ដាញសង្គម

ព័ត៌មានថ្មីៗ

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

[UPDATE] លោក Trump ធ្វើដំណើរទៅដល់ទីក្រុងប៉េកំាង សម្រាប់ជំនួបកំពូលជាមួយប្រធានធិបតីចិន

ស្រ្តីជាម្តាយប៉ាឡេស្ទីនសោកសៅចំពោះការរំឭកដល់ការចងចាំដ៏ជូរចត់នៃសង្រ្គាមនៅតំបន់ហ្កាហ្សា

អង្គការណាតូអញ្ជើញកាតា អារ៉ាប់រួម បារ៉ែន និងគូវ៉ែត ចូលរួមកិច្ចប្រជុំកំពូល Ankara

វិមានក្រឹមឡាំង៖ រុស្ស៊ីអាចធ្វើអាជីវកម្មជាមួយអាមេរិក បើឈប់យកបញ្ហាពាណិជ្ជកម្មទៅពាក់ព័ន្ធអ៊ុយក្រែន

មនុស្សជាង ១.៧០០នាក់ត្រូវឃុំខ្លួនលើនាវាទេសចរណ៍នៅបារាំង ក្រោយសង្ស័យមានអ្នកស្លាប់ដោយវីរុសណូរ៉ូ

ទាហាន និងផ្សែងហុយត្រូវបានមើលឃើញនៅតាមបណ្តោយព្រំដែនអ៊ីស្រាអែល-លីបង់ ខណៈការប្រយុទ្ធគ្នានៅតែបន្ត

វិទ្យាសា្ថនសុខាភិបាលហូឡង់បន្ទាបហានិភ័យនៃការរីករាលដាលឆ្លងវីរុស Hanta

របាយការណ៍៖ ការជ្រើសរើសទាហានថ្មីរបស់បែលហ្ស៊ិក ឈានដល់កម្រិតខ្ពស់បំផុត ដោយមានទាហានថ្មីជិត ៣.០០០នាក់

UPDATE | សំឡេងកាំភ្លើងបានបន្លឺឡើង ខណៈភាពច្របូកច្របល់កើតមាននៅព្រឹទ្ធសភាហ្វីលីពីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ៖ UNដាក់គោលដៅអភិវឌ្ឍន៍៨ តែកម្ពុជាបានស្នើឱ្យ​បញ្ចូលគ្រាប់មីន​ជាអាទិភាព​ផងដែរ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

សម្តេចតេជោ ហ៊ុន សែន អញ្ជើញជាអធិបតីបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

រញ្ជួយដីនៅកោះជ្វា (ឥណ្ឌូនេស៊ី) សម្លាប់មនុស្ស ១៦២នាក់ និងជាង ៧០០នាក់រងរបួស

ចិន​បានប្រកាស​ពី​ការស្លាប់​លើកដំបូង​ដោយ​សារជំងឺ Covid-19 ចាប់តាំងពី​ខែឧសភា​មក​

អ៊ុយ​ក្រែ​ន​និយាយថា រុស្ស៊ី​កំពុង​បាញ់​ផ្លោង​ស្រោច​លើ​ទីតាំង​ព្រំដែន​ដោយ​កាំភ្លើង​ធំ​

រុស្ស៊ី​បញ្ជូន​ទាហាន​ស៊ីឈ្នួល​ ២​ពាន់​នាក់​ពី​ស៊ី​រី​ទៅ​អ៊ុយ​ក្រែ​ន

សារព័ត៌មាន Insider៖​ កងកម្លាំង​សន្តិសុខ​ត្រៀម​ការពារ​លោក Putin ពី​រដ្ឋប្រហារ​ដែល​អាច​កើតឡើង​

សម្តេចតេជោ ហ៊ុន សែន៖ ក្នុងស្ថានភាពពិភពលោក​កំពុងស្មុគស្មាញ​ស្ថាប័ន​សភាពិតជា​មាន​តួនាទីសំខាន់