BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

លោក Putin រៀបចំកិច្ចប្រជុំក្រុមប្រឹក្សាស្ដីពីសន្តិសុខក្នុងប្រទេស ក្រោយការផ្ទុះមូលដ្ឋានទ័ពអាកាស ៣កន្លែង

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃអង្គារបានកោះឲ្យមានកិច្ចប្រជុំមួយជាក្រុមប្រឹក្សាសន្តិសុខរបស់លោក ដើម្បីពិភាក្សាពីការការពារក្នុងស្រុករបស់ប្រទេសនេះ បន្ទាប់ពីមានការផ្ទុះលើមូលដ្ឋានទ័ពអាកាសចំនួន៣ នៅសប្ដាហ៍នេះ។ វិមានក្រឹមឡាំងពុំបានបញ្ចេញព័ត៌មានលម្អិតនៃកិច្ចប្រជុំនេះទេ ប៉ុន្តែបាននិយាយថា ក្រុមមន្ត្រីរុស្ស៊ីបានសម្លឹងរកការគាំទ្រសន្តិសុខផ្ទៃក្នុងរបស់ប្រទេស។ កិច្ចប្រជុំនេះទំនងជានឹងកើតឡើងប៉ុន្មានម៉ោងប៉ុណ្ណោះ ក្រោយមូលដ្ឋានទ័ពអាកាសទី៣ ត្រូវបានរងការវាយប្រហារនៅក្នុងទីក្រុង Kursk របស់រុស្ស៊ីភាគខាងជើងព្រំដែនអ៊ុយក្រែន មួយថ្ងៃក្រោយការផ្ទុះត្រូវបានរាយការណ៍នៅមូលដ្ឋានទ័ពអាកាសចំនួន២ ដាច់ដោយឡែកពីគ្នាដែលស្ថិតនៅចម្ងាយប៉ុន្មានរយម៉ាយល៍ក្នុងទឹកដីរុស្ស៊ី។ យោងតាមសារព័ត៌មាន Reuters អភិបាលតំបន់ Kursk បាននិយាយថា យានដ្រូនមួយគ្រឿងបានវាយប្រហារលើមូលដ្ឋានទ័ពអាកាស ដែលបណ្ដាលឲ្យទីតាំងស្តុកប្រេងមួយកន្លែងត្រូវបានឆេះ ប៉ុន្តែពុំមានអ្នករបួស ឬស្លាប់ណាមួយត្រូវបានរាយការណ៍ទេ។យ៉ាងហោចណាស់យន្តហោះទម្លាក់គ្រាប់បែកធុនធ្ងន់ Tu-95 BEAR ចំនួន ២គ្រឿងត្រូវបានបំផ្លាញក្នុងការវាយប្រហារដោយយានដ្រូនលើមូលដ្ឋានទ័ពអាកាស ២កន្លែងនៅក្នុងប្រទេសរុស្ស៊ីកាលពីថ្ងៃចន្ទ និងមនុស្ស ៣នាក់បានស្លាប់។ រុស្ស៊ីបានចោទប្រកាន់អ៊ុយក្រែនថា ជាអ្នកបើកការវាយប្រហារទាំងនេះ៕អត្ថបទ៖ សុខមាន

នៅឯអង្គការសហប្រជាជាតិ អាមេរិក និងរុស្ស៊ីបានចោទប្រកាន់គ្នាទៅវិញទៅមកពីបទមិនចាប់អារម្មណ៍ចំពោះការចរចាបញ្ហាអ៊ុយក្រែន

UN៖ សហរដ្ឋអាមេរិក និងរុស្ស៊ីបានចោទប្រកាន់ដាក់គ្នាទៅវិញទៅមកកាលពីថ្ងៃអង្គារ ពីបទមិនចាប់អារម្មណ៍ចំពោះការចរចាស្វែងរកសន្តិភាពនៅអ៊ុយក្រែន ខណៈការអំពាវនាវកាន់តែច្រើននៅឯអង្គការសហប្រជាជាតិឲ្យមានបទឈប់បាញ់ និងផ្នែកការទូតដើម្បីបញ្ចប់សង្គ្រាម ដែលបានចាប់ផ្ដើមដោយការវាយលុករបស់រុស្ស៊ីរយៈកាល ៩ខែមកនេះ។ ឯកអគ្គរដ្ឋទូតរុស្ស៊ីប្រចាំនៅអង្គការសហប្រជាជាតិលោក Vassily Nebenzia បានប្រាប់កិច្ចប្រជុំក្រុមប្រឹក្សាសន្តិសុខរបស់អង្គការសហប្រជាជាតិ ស្ដីពីស្ថានភាពមនុស្សធម៌នៅក្នុងប្រទេសអ៊ុយក្រែនថា ទីក្រុង Moscow បានបង្ហាញចំណាប់អារម្មណ៍ពីសារសំខាន់របស់បណ្ដារដ្ឋជាសមាជិកអង្គការសហប្រជាជាតិ ក្នុងដំណោះស្រាយផ្នែកការទូត។ លោកបាននិយាយថា យើងកំពុងប្រតិកម្មខ្លាំងចំពោះបញ្ហានេះ។ យើងបញ្ជាក់ពីឆន្ទៈរបស់យើងក្នុងការចរចា ប៉ុន្តែលោកបានបន្ថែមថា គោលបំណងនេះនឹងត្រូវបានលុបបំបាត់ មូលហេតុជាឬសគុលដែលបានបង្ខំឲ្យយើងចាប់ផ្ដើមប្រតិបត្តិការសឹកពិសេស។ឯកអគ្គរដ្ឋទូតរងអាមេរិកប្រចាំនៅអង្គការសហប្រជាជាតិលោកស្រី Lisa Carty បានប្រាប់ក្រុមប្រឹក្សាមានសមាជិក ១៥ប្រទេសថា ការបង្កើនការវាយប្រហាររបស់លោកប្រធានាធិបតី Putin លើហេដ្ឋារចនាសម្ព័ន្ធរបស់អ៊ុយក្រែនគឺជាភស្តុតាងបញ្ជាក់ថា លោកពុំចាប់អារម្មណ៍ចំពោះការចរចា ឬដំណោះស្រាយតាមផ្លូវការទូតទេ៕អត្ថបទ៖ សុខមាន

អាមេរិកមើលឃើញការហក់ឡើងករណីឆ្លង ស្លាប់ និងការចូលសម្រាកពេទ្យដោយសារជំងឺផ្ដាសាយធំ

អាមេរិក៖ ប្រធានមជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិកបាននិយាយកាលពីថ្ងៃចន្ទថា សហរដ្ឋអាមេរិកកំពុងទទួលបានចំនួនអ្នកជំងឺចូលសម្រាក នៅមន្ទីរពេទ្យខ្ពស់បំផុតដោយសារជំងឺផ្ដាសាយធំ ដែលប្រទេសនេះបានមើលឃើញរយៈពេល ១ទសវត្សរ៍នៅឆ្នាំនេះ ដោយបន្ថែមថា កុមារចំនួន ១៤នាក់បានស្លាប់ព្រោះជំងឺនេះ។ ប្រធានមជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិកលោកស្រី Rochelle Walensky បានបន្ថែមថា ប្រព័ន្ធមន្ទីរពេទ្យនៅអាមេរិកក៏បានបន្តដោះស្រាយ ចំនួនអ្នកជំងឺដ៏ច្រើនដែលមានជំងឺផ្លូវដង្ហើម ដូចជាវីរុសចម្លងតាមផ្លូវដង្ហើម ឬ RSV និងវីរុស COVID-19។ យោងតាមការប៉ាន់ប្រមាណរបស់មជ្ឈមណ្ឌលខាងលើ មានអ្នកជំងឺយ៉ាងហោចណាស់ ៨លាន ៧សែននាក់ អ្នកជំងឺចូលសម្រាកព្យាបាលនៅមន្ទីរពេទ្យចំនួន ៧៨.០០០នាក់ និងស្លាប់ចំនួន ៤.៥០០នាក់ដោយសារជំងឺផ្ដាសាយធំនៅរដូវកាលនេះ។ មជ្ឈមណ្ឌលនេះបានជំរុញឲ្យប្រជាពលរដ្ឋទៅចាក់វ៉ាក់សាំងបង្ការ។ លោកស្រីបានប្រាប់ក្រុមអ្នកសារព័ត៌មានតាមទូរស័ព្ទថា ពិសេសជំងឺចម្លងតាមផ្លូវដង្ហើម RSV និងជំងឺផ្ដាសាយនេះមានកម្រិតខ្ពស់ជាងធម្មតាដែលគេបានមើលឃើញនៅឆ្នាំនេះ។ លោកស្រីថា រដូវផ្ដាសាយបានចាប់ផ្ដើមលឿន ហើយចំនួនអ្នកចូលសម្រាកព្យាបាលនៅមន្ទីរពេទ្យ ដោយសារជំងឺនេះនៅតែបន្តកើនឡើងខ្ពស់បំផុត ដែលមិនធ្លាប់បានឃើញដូចនៅឆ្នាំនេះក្នុងរយៈពេល ១០ឆ្នាំមកនេះ៕អត្ថបទ៖ សុខមាន

រុស្ស៊ីអះអាងថា ការទប់តម្លៃប្រេងនឹងមិនអាចបិទប្រភពហិរញ្ញវត្ថុ សម្រាប់សង្គ្រាមនៅអ៊ុយក្រែនបានទេ

រុស្ស៊ី៖ វិមានក្រឹមឡាំងបាននិយាយកាលពីថ្ងៃចន្ទថា ការកំណត់តម្លៃប្រេងនាំចេញរបស់រុស្ស៊ីដែលត្រូវបានព្រមព្រៀងដោយសហភាពអឺរ៉ុប ប្រទេសមានឧស្សាហកម្មលូតលាស់ទាំង៧ ឬ G7 និងអូស្ត្រាលីនឹងមិនប៉ះពាល់ដល់យុទ្ធការយោធារបស់ទីក្រុង Moscow នៅក្នុងប្រទេសអ៊ុយក្រែនទេ។ ការកំណត់តម្លៃប្រេង ៦០ដុល្លារអាមេរិកក្នុងមួយបារ៉ែល ក្នុងគោលបំណងបិទកញ្ចប់ប្រាក់ចំណូលរបស់រុស្ស៊ី ខណៈកំពុងធ្វើឲ្យប្រាកដថា ទីក្រុង Moscow នៅតែបន្តផ្គត់ផ្គង់ដល់ទីផ្សារសកល។ អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា សេដ្ឋកិច្ចរបស់សហព័ន្ធរុស្ស៊ីសុទ្ធតែមានសក្ដានុពលដ៏ចាំបាច់ទាំងអស់ សម្រាប់បំពេញតម្រូវការ និងភាពចាំបាច់ពេញលេញនៃប្រតិបត្តិការសឹក ដោយប្រើប្រាស់ពាក្យពេចន៍របស់ទីក្រុង Moscow ហៅសម្រាប់ការវាយប្រហារនៅអ៊ុយក្រែន។ លោកថា ចំណាត់ការទាំងអស់នេះមិនប៉ះពាល់ដល់ប្រភពហិរញ្ញវត្ថុសម្រាប់សង្គ្រាមនៅអ៊ុយក្រែនឡើយ។ លោកថា រុស្ស៊ីនឹងមិនទទួលស្គាល់ការកំណត់តម្លៃដែលនឹងបង្កឲ្យមានអស្ថិរភាពដល់ទីផ្សារថាមពលសកល និងធ្វើឲ្យផ្លាស់ប្ដូរតម្លៃប្រេងនោះទេ៕អត្ថបទ៖ សុខមាន

ក្រសួងអប់រំ យុវជន និងកីឡា៖ ការប្រឡងបាក់ឌុបថ្ងៃទី២ ដំណើរការដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ

ភ្នំពេញ៖ ក្រសួងអប់រំ យុវជន និងកីឡា ប្រកាសថា ដំណើរការសំណេរនាព្រឹកថ្ងៃទី២ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២ មានពីរមុខវិជ្ជាគឺអក្សរសាស្ត្រខ្មែរ និងរូបវិទ្យាសម្រាប់ថ្នាក់វិទ្យាសាស្ត្រ គណិតវិទ្យា និងសីលធម៌ ពលរដ្ឋវិជ្ជា សម្រាប់ថ្នាក់វិទ្យាសាស្ត្រសង្គម បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ។ នៅព្រឹកថ្ងៃទី២នេះ មានបេក្ខជនអវត្តមានចំនួន២ ៣៥៨នាក់ ស្រី១ ០២៨នាក់ មានបញ្ហាសុខភាព ២៦នាក់ ដែលក្នុងនោះមានបេក្ខជនចំនួន ០៤នាក់ សង្ស័យវិជ្ជមានជំងឺកូវីដ-១៩ ។ បេក្ខជនដែលមានបញ្ហាសុខភាពមួយចំនួនបានបន្តការប្រឡងក្រោមការយកចិត្តទុកដាក់មើលថែពីក្រុមគ្រូពេទ្យ បន្ទាប់ពីមានអាការៈធូរស្រាល។ គណៈកម្មការមានបញ្ហាសុខភាព មានបញ្ហាសុខភាពចំនួន ១៣ករណី។នៅតាមមណ្ឌលប្រឡងនីមួយៗ មានដំណើរការល្អ មានសភាពស្ងប់ស្ងាត់ និងរបៀបរៀបរយល្អ អនុវត្តតាមសេចក្ដីណែនាំប្រតិបត្តិរបស់ក្រសួងអប់រំ យុវជន និងកីឡា ដោយមានការចិត្តយកទុកដាក់ និងទំនួលខុសត្រូវខ្ពស់ពីគណៈមេប្រយោគទូទាំងប្រទេស គណៈអប្បមាទទូទាំងប្រទេស ជំនួយការអប្បមាទ ប្រធាន អនុប្រធានមណ្ឌល គណៈកម្មការកណ្ដាល គណៈកម្មការត្រួតពិនិត្យអគារ គណៈកម្មការអនុរក្ស ដោយមានការចូលរួមសហការដោយ សហភាពសហព័ន្ធយុវជនកម្ពុជា អង្គភាពប្រឆាំងអំពើពុករលួយ និងអាជ្ញាធរមានសមត្ថកិច្ចពាក់ព័ន្ធ។ សម្រាប់ឆ្នាំនេះ មានបេក្ខជនសរុបចំនួន១២៨ ១៣៥នាក់ ស្រី៦៨ ៧៧១នាក់ មាន២២១មណ្ឌល ដែលត្រូវជា៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន១៧ ២៤០ នាក់ជំនួយការអប្បមាទដែលជាគរុសិស្ស និងគរុនិស្សិត ចំនួន២ ៧៥៦នាក់។ អង្គភាពប្រឆាំងអំពើពុករលួយ បានឯកភាពចូលរួមសង្កេតការណ៍ ដោយបានចាត់ថ្នាក់ដឹកនាំ និងមន្រ្តីចំនួន៣៥០នាក់ និងអ្នកសង្កេតការណ៍រាជធានី ខេត្តចំនួន២ ៧០០នាក់៕

ក្រសួងបរិស្ថាន៖ សត្វខ្ទីងត្រូវបានកត់ត្រានៅក្នុងបញ្ជីក្រហមរបស់អង្គការ IUCN ថា ជាប្រភេទសត្វងាយរងគ្រោះនៅលើពិភពលោក

ភ្នំពេញ៖ ក្រសួងបរិស្ថាន បានចេញផ្សាយអត្ថបទរបស់ខ្លួនថា សត្វខ្ទីងត្រូវបានកត់ត្រានៅក្នុងបញ្ជីក្រហមរបស់អង្គការ IUCN ថា ជាប្រភេទសត្វងាយរងគ្រោះនៅលើពិភពលោក។គេនៅមិនទាន់មានទិន្នន័យច្បាស់លាស់ថា នៅកម្ពុជានៅសល់សត្វខ្ទីងចំនួនប៉ុន្មាននៅឡើយនោះទេ។ ប៉ុន្តែយោងតាម ទិន្នន័យទទួលបានពីម៉ាស៊ីនថតស្វ័យប្រវត្តិ និងពីមន្ត្រីឧទ្យានុរក្សដែលបានចុះល្បាតនៅតាមតំបន់ការពារធម្មជាតិនានាបានឱ្យដឹងថា សត្វខ្ទីងមានវត្តមាននៅតាមតំបន់ការពារធម្មជាតិផ្សេងៗ។ វត្តមាននៃកូនសត្វខ្ទីងជាច្រើនក្នុងតំបន់ការពារ ធម្មជាតិ គឺជាក្តីសង្ឃឹមថ្មីមួយសម្រាប់ក្រុមអ្នកអភិរក្សនិងសម្រាប់ជីវៈចម្រុះពិភពលោក៕(ប្រភព៖ ក្រសួងបរិស្ថាន)

បំណាក់ដីកប់លើរថយន្តក្រុងនៅប្រទេសកូឡុំប៊ីបណ្តាលឲ្យមនុស្សយ៉ាងហោចណាស់ ៣៤នាក់ស្លាប់

កូឡុំប៊ី៖ រដ្ឋមន្ត្រីក្រសួងមហាផ្ទៃបាននិយាយថា យ៉ាងហោចណាស់មនុស្ស ៣៤នាក់បានស្លាប់នៅពេលដែលមានបំណាក់ដីបានកប់លើរថយន្តក្រុង នៅភាគពាយ័ព្យប្រទេសកូឡុំប៊ីកាលពីថ្ងៃអាទិត្យ ហើយមនុស្ស ៩នាក់ផ្សេងទៀតត្រូវបានជួយសង្គ្រោះ។ បំណាក់ដីដែលបណ្តាលមកពីភ្លៀងធ្លាក់ខ្លាំង បានបាក់ធ្លាក់មកលើរថយន្តក្រុងនៅក្នុងខេត្ត Risaralda ចម្ងាយប្រហែល ២៣០គីឡូម៉ែត្រភាគពាយព្យរដ្ឋធានី Bogota។ រដ្ឋមន្ត្រីក្រសួងមហាផ្ទៃលោក Alfonso Prada បាននិយាយកាលពីថ្ងៃចន្ទថា យើងបានរកឃើញមនុស្ស ៣៤នាក់រួចហើយរួមមានអនីតិជន ៣នាក់ ហើយយើងបានជួយសង្គ្រោះមនុស្ស ៩នាក់ផ្សេងទៀតនៅរស់រានមានជីវិត ក្នុងនោះ ៤នាក់ស្ថិតក្នុងស្ថានភាពធ្ងន់ធ្ងរ។ ប្រធានាធិបតីកូឡុំប៊ីលោក Gustavo Petro បានចាត់ទុកឧប្បត្តិហេតុនេះថា ជាសោកនាដកម្មនៅក្នុងបណ្តាញ Twitter របស់លោក។រថយន្តក្រុងនេះកំពុងធ្វើដំណើរពីទីក្រុង Cali ជាទីក្រុងធំទីបីរបស់ប្រទេសកូឡុំប៊ីទៅកាន់ក្រុង Condoto ក្នុងខេត្ត Choco។ ប្រទេសកូឡុំប៊ីបានទទួលរងពីរដូវភ្លៀងធ្លាក់ខ្លាំងខុសពីធម្មតា ដែលត្រូវបានដាក់កំហុសលើបាតុភូតអាកាសធាតុ La Nina។ យោងតាមស្ថិតិរបស់រដ្ឋាភិបាលបានឱ្យដឹងថា ហេតុការណ៍ដែលទាក់ទងនឹងភ្លៀងធ្លាក់ខ្លាំងបណ្តាលឲ្យមនុស្ស ២១៦នាក់ស្លាប់ និងធ្វើឱ្យមនុស្ស ៥៣៨,០០០នាក់គ្មានលំនៅឋានគិតមកដល់ពេលនេះក្នុងឆ្នាំ២០២២ ហើយតួលេខបង្ហាញថា មនុស្ស ៤៨នាក់ផ្សេងទៀតនៅបាត់ខ្លួននៅទូទាំងប្រទេស៕អត្ថបទ៖ ប៊ុនថន

រុស្ស៊ីបើកការវាយប្រហារទ្រង់ទ្រាយធំនៅទូទាំងប្រទេសអ៊ុយក្រែន

អ៊ុយក្រែន៖ អ៊ុយក្រែនបានចោទប្រកាន់រុស្ស៊ី ពីបទបំផ្លិចបំផ្លាញលំនៅឋាននៅក្នុងភាគអាគ្នេយ៍ និងកាត់ផ្ដាច់ចរន្តអគ្គិសនីនៅក្នុងតំបន់ជាច្រើន ដោយការបាញ់មីស៊ីលជាច្រើនគ្រាប់កាលពីថ្ងៃចន្ទ ខណៈទីក្រុង Moscow និយាយថា យានដ្រូនរបស់អ៊ុយក្រែនបានវាយប្រហារលើមូលដ្ឋានទ័ពអាកាសចំនួន២ នៅទីក្រុង Ryazan និងទីក្រុង Saratov ចូលជ្រៅក្នុងប្រទេសរុស្ស៊ីដែលមានចំងាយរាប់រយគីឡូម៉ែត្រពីខ្សែត្រៀមជួរមុខ ដោយបានសម្លាប់ទាហាន ៣នាក់ និង ៤នាក់រងរបួស និងបានបាញ់ទម្លាក់យានដ្រូនទាំងនោះ។ ការបាញ់ស្រោចដោយមីស៊ីលថ្មីៗ ត្រូវគេរំពឹងថានឹងបន្តក្នុងប្រទេសអ៊ុយក្រែនជាច្រើនថ្ងៃទៀត។ ហើយការវាយប្រហារថ្មីៗនេះបានកើតមានឡើង ខណៈការដាច់អគ្គិសនីបណ្ដោះអាន្ននេះគ្រោងនឹងបញ្ចប់ ក្រោយបានជួសជុលការខូចខាត។ ការវាយប្រហារទាំងនេះបានធ្វើឲ្យតំបន់ជាច្រើនរបស់អ៊ុយក្រែន ត្រឡប់ទៅរកភាពងងឹតដ៏ត្រជាក់ឡើងវិញ ហើយនៅពេលនេះសីតុណ្ហភាពបានធ្លាក់ចុះក្រោមសូន្យអង្សារ។ ប្រទេសរុស្ស៊ីបានបាញ់ស្រោចមីស៊ីលជាបន្តបន្ទាប់ដាក់គោលដៅទូទាំងអ៊ុយក្រែនលើកទី៨ ក្នុងរយៈពេល ៨សប្ដាហ៍។លោកប្រធានាធិបតីអ៊ុយក្រែន Volodymyr Zelenskyy និយាយថា មនុស្សយ៉ាងហោចណាស់ ៤នាក់បានស្លាប់ក្នុងការវាយប្រហាររបស់រុស្ស៊ី ដោយបន្ថែមថា កងកម្លាំងរបស់ខ្លួនបានបាញ់ទម្លាក់មីស៊ីលចំនួន ៦០គ្រាប់ក្នុងចំណោម ៧០គ្រាប់ដែលបានបាញ់ដោយរុស្ស៊ី។ ចំណែកភាគីរុស្ស៊ីបាននិយាយថា ខ្លួនបានបាញ់កម្ទេចគោលដៅទាំងអស់ចំនួន ១៧កន្លែង៕អត្ថបទ៖ សុខមាន

សម្តេចតេជោ ហ៊ុន សែន អបអរសាទរ CamDX ទទួលជ័យលាភី Open Source Adaptation of the Year ពីកម្មវិធីពានរង្វាន់ អនាគត រដ្ឋាភិបាល

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសសូមអបអរជាមួយក្រសួងសេដ្ឋកិច្ច និងហិរញ្ញវត្ថុ រួមនឹងក្រសួង-ស្ថាប័នពាក់ព័ន្ធទាំងអស់ ដែល “ថ្នាល ផ្លាស់ប្តូរទិន្នន័យកម្ពុជា” (Cambodia Data eXchange ហៅ កាត់ថា CamDX) ត្រូវបានប្រកាសទទួលជ័យលាភី Open Source Adaptation of the Year ពីកម្មវិធីពានរង្វាន់ អនាគត រដ្ឋាភិបាល (Future of Government Awards ) ដែលបានសហការគាំទ្រ ដោយ អង្គការ កម្មវិធីអភិវឌ្ឍន៍សហ ប្រជា ជាតិ (UNDP), Amazon Web Service Institute នៃក្រុមហ៊ុនអន្តរជាតិអាម៉ាហ្សូន, និងបណ្តាញ សាកលសម្រាប់រដ្ឋាភិបាល Apolitical ដែលមានគម្រោងចូលរួមប្រកួតប្រជែងចំនួន ១៥០ និងមកពី ៥២ ប្រទេស សម្រាប់កម្មវិធីទាំងមូល ។ កម្ពុជាជាប្រទេស មួយ ក្នុងគម្រោងចំនួន ១០ ដែលមកពីប្រទេសចំនួន ៨ ទៀត ដែលស្ថិតក្នុងបញ្ជីសម្រាំង (Shortli s te d) ក្នុងផ្នែកជ័យលាភី Open Source Adaptation ដែលរួម មាន កាណាដា, ចក្រភពអង់គ្លេស, អាហ្វ្រិកខាងត្បូង, ប៉ាគីស្ថាន, ហ្គីណេប៊ីសូ (Guinea-Bissau), អាហ្សង់ទីន, ហ្វីលីពីន និងបេណាំង ហើយដែលចុងក្រោយត្រូវបានសម្រេចពីគណៈ-កម្មការវាយតម្លៃអន្តរជាតិ ចំនួន ១៧ រូប ឱ្យឈ្នះ ជ័យ លា ភីលេខ១ ប្រចាំឆ្នាំ ២០២២ នេះ ។ យោងតាមផេកfacebookផ្លូវការសម្តេចតេជោ ហ៊ុន សែន មានខ្លឹមសារថា ពានរង្វាន់នេះជាមោទនភាពថ្មីមួយទៀតរបស់កម្ពុជាលើឆាកអន្តរជាតិ និងជាការទទួលស្គាល់ថា កម្ពុជា បានចាប់យកឱកាស និងបាន ប្រើប្រាស់ដោយជោគជ័យនូវបច្ចេកវិទ្យាឌីជីថល ជាពិសេសថ្នាល CamDX ក្នុងការជួយដល់ការងារ កែ ទម្រង់ និងការធ្វើទំនើបកម្មរដ្ឋបាលរបស់ខ្លួន ។ នៅក្រោមម្លប់សុខសន្តិភាព, កម្ពុជាមិនត្រឹមតែមាន ឱកាស កសាង ហេដ្ឋារចនាសម្ព័នរូបវន្តជាច្រើននោះទេ, ប៉ុន្តែកំពុងតែបោះជំហានឆ្ពោះទៅការកសាងសេដ្ឋកិច្ច និងសង្គម ឌីថល មួយរស់រវើក និងប្រកបដោយបរិយាប័ន្ន ។ ក្នុងន័យនេះ, ខ្ញុំសូមឱ្យក្រសួង-ស្ថាប័នរបស់ រាជរដ្ឋាភិ បាលទាំង អស់ និងសូមលើកទឹកចិត្តវិស័យឯកជន ចូលរួម និងប្រើប្រាស់ សំដៅទាញ យកប្រយោជន៍ជាអតិបរមាពីថ្នាល និងបច្ចេកវិទ្យាពាក់ព័ន្ធនៃប្រព័ន្ធអេកូឡូស៊ីរបស់ CamDX ។ថ្នាល CamDX ដែលអភិវឌ្ឍ និងដាក់ឱ្យប្រើប្រាស់ដោយ មជ្ឈ មណ្ឌល បណ្តុះ ធុរកិច្ចថ្មី “តេជោ” នៃក្រសួង សេដ្ឋកិច្ច និង ហិរញ្ញ វត្ថុ ជាថ្នាលបច្ចេក វិទ្យា ឌីជីថលមួយឈរនៅ កណ្តាល និងជា ឆ្អឹងខ្នង ដែលអនុញ្ញា ត ឱ្យ ប្រព័ន្ធ បច្ចេកវិទ្យា ព័ត៌មាន របស់ ក្រសួង- ស្ថាប័នអាច ចែករំលែកទិន្នន័យរវាងគ្នា និងគ្នា ដើម្បី បង្កើត ជាសេ វាសាធា រណៈអនឡាញ ផ្សេងៗ ។ គិតត្រឹមថ្ងៃទី២៩ ខែវិច្ឆិកា ឆ្នាំ២០២២, ថ្នាល CamDX បានជួយឱ្យការ ចុះ បញ្ជីអាជីវកម្មតាមប្រព័ន្ធអនឡាញសម្រេចបាន ចំនួន ១៩ ៨២៣ ក្រុមហ៊ុន ដែលមានដើមទុនចុះបញ្ជីសរុបចំនួន ៥,៦ ប៊ីលានដុល្លា រ អាមេរិក ដោយប្រើ ប្រាស់ រយៈ ពេល ជា មធ្យមត្រឹមតែ ៨ ថ្ងៃនៃថ្ងៃធ្វើការប៉ុណ្ណោះ ។សមាជិករបស់ CamDX បច្ចុប្បន្នក្នុងក្របខណ្ឌចុះបញ្ជីអាជីវកម្ម រួមមាន ក្រសួងមហាផ្ទៃ, ក្រសួងពាណិជ្ជកម្ម, អគ្គនាយកដ្ឋានពន្ធដារ, ក្រសួងការងារ និងបណ្តុះបណ្តាលវិជ្ជាជីវៈ, ក្រុមប្រឹក្សាអភិវឌ្ឍន៍កម្ពុជា, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ក្រសួងទេសចរណ៍, ក្រសួងប្រៃសណីយ៍ និងទូរគមនាគមន៍ និងនិយ័តករអាជីវកម្មអចលនវត្ថុ និងបញ្ចាំនៃអាជ្ញាធរសេវាហិរញ្ញវត្ថុមិនមែនធនាគារ។ ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (Global Travel Assessment System- GTAS) នៃអគ្គ-នាយកដ្ឋានគយ និងរដ្ឋាករកម្ពុជា ក៏បាននិងកំពុងផ្លាស់ប្តូរទិន្នន័យនៅលើថ្នាលនេះជាមួយនឹងក្រុមហ៊ុនអាកាសចរណ៍ផងដែរ ។ ក្នុងអំឡុងពេលនៃការរីករាលដាលនៃជំងឺកូវីដ-១៩, ថ្នាល CamDX ក៏បានជួយឱ្យរាជរដ្ឋាភិបាលបានដាក់ឱ្យប្រើប្រាស់ប្រព័ន្ធស្នើសុំលិខិតបញ្ជាក់លើការធានា និងលិខិតបញ្ជាក់លើការអញ្ជើញ (Validation Application on Guarantee/ Invitation- VAGI) សម្រាប់ការសម្រួលដល់ការធ្វើដំណើររបស់ធុរជន និងវិនិយោគិន។ ថ្នាល CamDX កំពុងពង្រីកវិសាលភាពរបស់ខ្លួនក្នុងវិស័យហិរញ្ញវត្ថុ ទាំងធនាគារ និងមិនមែនធនាគារ តាមរយៈកិច្ចសហប្រតិបត្តិការជាមួយធនាគារជាតិនៃកម្ពុជា, គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី (AMK), គ្រឹះស្ថានមីក្រូហិរញ្ញវត្ថុ រ៉ូយ៉ាល់ ម៉ាយក្រូ ហ្វាយនែន ភីអិលស៊ី (Royal Micro Finance Plc), ក្រុមហ៊ុនធានារ៉ាប់រង FWD, ធនាគារហត្ថា ម.ក, ធនាគារអេស៊ីលីដា ភីអិលស៊ី, ធនាគារពាណិជ្ជកម្មក្រៅប្រទេសនៃកម្ពុជា (FTB), ធនាគារវីង (ខេមបូឌា) ម.ក, គ្រឹះស្ថានមីក្រូហិរញ្ញវត្ថុប្រាសាក់ ម.ក, ធនាគារស្ថាបនា, ក្រុមហ៊ុនអិមជីអេ អេស៊ា អ៊ិនសួរិន ប្រូឃើរ ខូអិលធីឌី ផងដែរ។គិតមកដល់ថ្ងៃទី ២៩ ខែវិច្ឆិកា ឆ្នាំ ២០២២, ចំនួនប្រតិបត្តិការផ្លាស់ប្តូរទិន្នន័យនៅលើថ្នាល CamDX មានសរុបប្រមាណ ១៣ លានប្រតិបត្តិការ ។សម្រាប់ព័ត៌មានបន្ថែម៖- https://camdx.gov.kh (https://camdx.gov.kh/)/- https://futureofgovernment.com (https://futureofgovernment.com/)- https://apolitical.co/events/digital-and-open-source-driving-the-future-of-government-https://aws.amazon.com/blogs/publicsector/announcing-future-of-government-awards-recognize-leaders-digital-transformation

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច

រុស្ស៊ី៖ ប្រទេសរុស្សីដែលជាប្រទេសនាំចេញប្រេងធំជាងគេលំដាប់ទី២ របស់ពិភពលោកនឹងមិនលក់ប្រេងដែលត្រូវកំណត់តម្លៃដោយប្រទេសលោកខាងលិចនោះទេ ទោះបីជាប្រទេសនេះត្រូវកាត់បន្ថយការផលិតក៏ដោយ។ ឧបនាយករដ្ឋមន្ត្រីរុស្ស៊ីបានធ្វើសេចក្តីប្រកាសកាលពីថ្ងៃអាទិត្យ បន្ទាប់ពីក្រុមប្រទេសរីកលូតលាស់តាំង៧ ឬ (G7) និងអូស្ត្រាលីបានព្រមព្រៀងគ្នាកាលពីថ្ងៃសុក្រកំណត់តម្លៃប្រេង ៦០ដុល្លារក្នុងមួយបារ៉ែល សម្រាប់តម្លៃប្រេងឆៅពីសមុទ្ររុស្ស៊ីដោយហាមឃាត់ក្រុមហ៊ុនដឹកជញ្ជូន និងធានារ៉ាប់រងមិនឲ្យដឹកជញ្ជូនប្រេងឆៅរបស់រុស្ស៊ីលើសពីតម្លៃកំណត់នេះ។ ការទប់តម្លៃប្រេងមានគោលបំណងកាត់បន្ថយប្រាក់ចំណូលរបស់រុស្ស៊ីពីការលក់ប្រេង និងទប់ការកើនឡើងតម្លៃប្រេងពិភពលោក ខណៈកំពុងដាក់សម្ពាធលើប្រធានាធិបតីរុស្ស៊ីលោក វ្ល៉ាឌីមៀ ពូទីន ជុំវិញសង្គ្រាមរបស់លោកនៅអ៊ុយក្រែនមានរយៈពេលជាង ៩ខែទៅក្នុងជម្លោះដ៏ឃោរឃៅ។រុស្ស៊ីបានចាត់ទុកការទប់តម្លៃប្រេងនេះថា ជាការជ្រៀតជ្រែកដែលនឹងធ្វើឱ្យទីផ្សារថាមពលពិភពលោកមានអស្ថិរភាព។ លោក ពូទីន កាលពីខែកញ្ញាបានព្រមានប្រទេសលោកខាងលិចថា លោកអាចកាត់ផ្តាច់ការផ្គត់ផ្គង់ថាមពល ប្រសិនបើការកំណត់តម្លៃប្រេងត្រូវបានដាក់ ដោយប្រាប់ប្រទេសទាំងនោះថាអឺរ៉ុបនឹងជួបការរាំងស្ទះ។ កាលពីថ្ងៃសៅរ៍ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា ការកំណត់តម្លៃប្រេងត្រឹម ៦០ដុល្លារក្នុងមួយបារ៉ែលលើប្រេងរុស្ស៊ីមិនទាន់ធ្ងន់ធ្ងរនៅឡើយទេ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin រៀបចំកិច្ចប្រជុំក្រុមប្រឹក្សាស្ដីពីសន្តិសុខក្នុងប្រទេស ក្រោយការផ្ទុះមូលដ្ឋានទ័ពអាកាស ៣កន្លែង

អាមេរិកមើលឃើញការហក់ឡើងករណីឆ្លង ស្លាប់ និងការចូលសម្រាកពេទ្យដោយសារជំងឺផ្ដាសាយធំ

រុស្ស៊ីអះអាងថា ការទប់តម្លៃប្រេងនឹងមិនអាចបិទប្រភពហិរញ្ញវត្ថុ សម្រាប់សង្គ្រាមនៅអ៊ុយក្រែនបានទេ

បំណាក់ដីកប់លើរថយន្តក្រុងនៅប្រទេសកូឡុំប៊ីបណ្តាលឲ្យមនុស្សយ៉ាងហោចណាស់ ៣៤នាក់ស្លាប់

រុស្ស៊ីបើកការវាយប្រហារទ្រង់ទ្រាយធំនៅទូទាំងប្រទេសអ៊ុយក្រែន

សម្តេចតេជោ ហ៊ុន សែន អបអរសាទរ CamDX ទទួលជ័យលាភី Open Source Adaptation of the Year ពីកម្មវិធីពានរង្វាន់ អនាគត រដ្ឋាភិបាល

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​មើលឃើញ​ការ​ហក់​ឡើង​ករណី​ឆ្លង ស្លាប់ និង​ការ​ចូល​សម្រាក​ពេទ្យ​ដោយសារ​ជំងឺ​ផ្ដាសាយធំ

បំណាក់​ដី​កប់​លើ​រថយន្តក្រុង​នៅ​ប្រទេស​កូ​ឡុំ​ប៊ី​បណ្តាល​ឲ្យ​មនុស្ស​យ៉ាងហោចណាស់​ ៣៤​នាក់​ស្លាប់

រុស្ស៊ី​បើក​ការវាយប្រហារ​ទ្រង់ទ្រាយ​ធំ​នៅ​ទូទាំង​ប្រទេស​អ៊ុយ​ក្រែ​ន​

សម្តេចតេជោ ហ៊ុន សែន អបអរសាទរ CamDX ទទួលជ័យលាភី Open Source Adaptation of the Year ពីកម្មវិធីពានរង្វាន់ អនាគត រដ្ឋាភិបាល

រុស្ស៊ី​នឹងមិន​នាំចេញ​ប្រេង​ដោយសារតែ​ការ​ទប់​តម្លៃ​ប្រេង​ពី​ប្រទេស​លោកខាងលិច​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកមើលឃើញការហក់ឡើងករណីឆ្លង ស្លាប់ និងការចូលសម្រាកពេទ្យដោយសារជំងឺផ្ដាសាយធំ

បំណាក់ដីកប់លើរថយន្តក្រុងនៅប្រទេសកូឡុំប៊ីបណ្តាលឲ្យមនុស្សយ៉ាងហោចណាស់ ៣៤នាក់ស្លាប់

រុស្ស៊ីបើកការវាយប្រហារទ្រង់ទ្រាយធំនៅទូទាំងប្រទេសអ៊ុយក្រែន

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច