BTV NEWS

កម្ពុជា និងសហរដ្ឋអាម៉េរិក ប្ដេជ្ញាបន្តពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ

សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»

សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី

សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

ព័ត៌មានសំខាន់ៗ

និស្សិតរាប់រយនាក់ប៉ះទង្គិចជាមួយនគរបាលនៅស្រីលង្កា

ស្រីលង្កា៖ និស្សិតសាកលវិទ្យាល័យរាប់រយនាក់បានប៉ះទង្គិចគ្នា ជាមួយនគរបាលនៅក្នុងទីក្រុងកូឡុំបូ ជាទីក្រុងពាណិជ្ជកម្មរបស់ប្រទេសស្រីលង្កាកាលពីថ្ងៃសុក្រ ដោយទាមទារឱ្យមានការដោះលែងពីការឃុំខ្លួនអ្នកដឹកនាំនិស្សិតពីរនាក់។ ប្រធានាធិបតី និងជារដ្ឋមន្ត្រីក្រសួងការពារជាតិលោក Ranil Wickremesinghe បានដាក់បទបញ្ជាឃុំខ្លួនរយៈពេល ៩០ថ្ងៃក្រោមវិធានការទប់ស្កាត់សកម្មភាពភេរវកម្ម ទៅលើសហព័ន្ធនិស្សិតអន្តរសាកលវិទ្យាល័យ។ បទបញ្ជាក្រោមច្បាប់ទប់ស្កាត់ភេរវកម្មបានផុតកំណត់កាលពីថ្ងៃព្រហស្បតិ៍។ និស្សិតតំណាងទាំងពីរនាក់ដែលត្រូវបានឃុំខ្លួន បានដើរតួយ៉ាងសំខាន់ក្នុងការតវ៉ាប្រឆាំងរដ្ឋាភិបាល ដែលបានឈានទៅដល់ការលាលែងពីតំណែងរបស់ប្រធានាធិបតីលោក Gotabaya Rajapaksa។ អ្នកដឹកនាំនិស្សិតត្រូវបាននាំខ្លួនទៅកាន់តុលាការ និងឃុំខ្លួននៅមន្ទីរឃុំឃាំង។ ក្រុមសិទ្ធិមនុស្សក្នុងតំបន់ និងអន្តរជាតិបានរិះគន់រដ្ឋាភិបាលរបស់លោកប្រធានាធិបតី Ranil Wickremesinghe ចំពោះការបង្ក្រាបការតវ៉ាដោយសន្តិវិធីនៅក្នុងប្រទេសកោះមួយនេះ ដែលកំពុងប្រឈមនឹងវិបត្តិសេដ្ឋកិច្ចធ្ងន់ធ្ងរបំផុត។ប្រទេសស្រីលង្កាត្រូវបានញាំញីដោយវិបត្តិហិរញ្ញវត្ថុយ៉ាងខ្លាំងក្នុងឆ្នាំនេះ ដែលបណ្តាលមកពីទុនបំរុងប្តូរប្រាក់បរទេសធ្លាក់ទាបបំផុត បណ្តាលឱ្យប្រជាជនចំនួន ២២លាននាក់របស់ប្រទេសជួបការលំបាក ក្នុងការចំណាយលើការនាំចូលសំខាន់ៗរួមមានទាំងប្រេងឥន្ធនៈ ស្បៀងអាហារ ឧស្ម័នចម្អិនអាហារ និងថ្នាំពេទ្យ។ ការតវ៉ាដែលបានរាលដាលនៅក្នុងខែកក្កដាបានបណ្តាលឱ្យអតីតប្រធានាធិបតីលោក Gotabaya Rajapaksa ភៀសខ្លួនចេញពីប្រទេស ហើយបានលាលែងពីតំណែង បន្ទាប់ពីក្រុមអ្នកតវ៉ាបានសម្រុកចូលការិយាល័យ និងលំនៅឋានរបស់លោក៕អត្ថបទ៖ ប៊ុនថន

ប្រធានាធិបតីចិនអំពាវនាវឲ្យកសាងសមុទ្រចិនខាងត្បូងក្លាយជាសមុទ្រសន្តិភាព មិត្តភាព និងកិច្ចសហប្រតិបត្តិការ

ចិន៖ ប្រធានាធិបតីចិនលោក Xi Jinping កាលពីថ្ងៃសុក្របានអំពាវនាវឱ្យប្រទេសប្រ៊ុយណេ និងសមាជិកដទៃទៀតនៃសមាគមប្រជាជាតិអាស៊ីអាគ្នេយ៍ ឬអាស៊ាន ធ្វើការរួមគ្នាដើម្បីកសាងសមុទ្រចិនខាងត្បូងឲ្យក្លាយជាសមុទ្រសន្តិភាព មិត្តភាព និងកិច្ចសហប្រតិបត្តិការ។ លោក Xi Jingping បានថ្លែងដូច្នេះនៅពេលជំនួបជាមួយមហាក្សត្រ Sultan Hassanal Bolkiah របស់ប្រទេសប៊្រុយណេ នៅក្រៅកិច្ចប្រជុំមេដឹកនាំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិកលើកទី២៩ (APEC) ក្នុងប្រទេសថៃ។ ស្តីពីទំនាក់ទំនងប្រទេសចិន-ប្រ៊ុយណេ លោក Xi បាននិយាយថា ប្រទេសទាំងពីរគឺជាអ្នកជិតខាងដ៏ជិតស្និទ្ធរវាងគ្នាទៅវិញទៅមកនៅទូទាំងសមុទ្រ ជាមិត្តដ៏គួរឱ្យទុកចិត្ត និងជាដៃគូនៃការអភិវឌ្ឍន៍រួម ដែលបានធ្វើជាគំរូក្នុងកិច្ចសហប្រតិបត្តិការដោយសុខដុមរមនា និងផលប្រយោជន៍ទៅវិញទៅមក។ ដោយលើកឡើងថា នៅឆ្នាំក្រោយគឺជាខួបលើកទី៥ នៃទំនាក់ទំនងភាពជាដៃគូកិច្ចសហប្រតិបត្តិការជាយុទ្ធសាស្ត្រ រវាងប្រទេសទាំងពីរ លោកបានជំរុញឱ្យភាគីទាំងពីរ ធ្វើការរួមគ្នាដើម្បីសម្រេចបាននូវការអភិវឌ្ឍន៍ភាពជាដៃគូឱ្យកាន់តែទូលំទូលាយ និងនាំមកនូវផលប្រយោជន៍កាន់តែច្រើន ដល់ប្រជាជនប្រទេសទាំងពីរ៕អត្ថបទ៖ ប៊ុនថន

សម្តេចអគ្គមហាពញាចក្រី ហេង សំរិន និងឯកឧត្តមប្រធានរដ្ឋសភាវៀតណាម បានចុះហត្ថលេខាលើកិច្ចព្រមព្រៀងរួមគ្នាក្នុងការពង្រឹងពង្រីកកិច្ចសហប្រតិបត្តិការរដ្ឋសភាប្រទេសទាំងពីរឱ្យកាន់តែស៊ីជម្រៅ និងទូលំទូលាយ

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ឯកឧត្តម វឿង ឌីញ ហ្វេ (VUONG DINH HUE) ប្រធានរដ្ឋសភានៃសាធារណរដ្ឋសង្គមនិយមវៀតណាម បានជួបសវនាការ និងពិភាក្សាការងារនៅព្រឹកថ្ងៃសៅរ៍ ទី១៩ ខែវិច្ឆិកា ឆ្នាំ២០២២ នេះនៅវិមានរដ្ឋសភា។បន្ទាប់មកថ្នាក់ដឹកនាំរដ្ឋសភាប្រទេសទាំងពីរនឹងអញ្ជើញចុះហត្ថលេខា លើអនុស្សរណៈយោគយល់គ្នារវាងរដ្ឋសភាកម្ពុជា-វៀតណាម និងបានអញ្ជើញជាអធិបតីភាពនៅក្នុងពិធីចុះហត្ថលេខា លើអនុស្សរណៈយោគយល់គ្នារវាងអគ្គលេខាធិការដ្ឋានរដ្ឋសភាកម្ពុជា និងខុទ្ទកាល័យរដ្ឋសភាវៀតណាម នៅក្នុងការពង្រឹងពង្រីកកិច្ចសហប្រតិបត្តិការឱ្យកាន់តែស៊ីជម្រៅ ទូលំទូលាយ ឆ្លើយតបបរិបទជាក់ស្តែងផងដែរ។ តបតាមការអញ្ជើញរបស់សម្តេចប្រធានរដ្ឋសភា ឯកឧត្តម វឿង ឌីញ ហ្វេ បានដឹកនាំគណៈប្រតិភូជាន់ខ្ពស់រដ្ឋសភាវៀតណាម មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជាពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២។ បន្ទាប់មកឯកឧត្តមនឹងអញ្ជើញចូលរួមមហាសន្និបាតអន្តរសភាអាស៊ាន (AIPA) លើកទី៤៣ ដែលរដ្ឋសភាកម្ពុជាធ្វើជាម្ចាស់ផ្ទះបន្តទៀត។រដ្ឋសភាកម្ពុជាបានរៀបចំទទួលបដិសណ្ឋារកិច្ចជាផ្លូវការ ចំពោះគណៈប្រតិភូជាន់ខ្ពស់រដ្ឋសភា វៀតណាមដឹកនាំដោយឯកឧត្តម វឿង ឌីញ ហ្វេ នាព្រឹកថ្ងៃទី១៩ ខែវិច្ឆិកា ឆ្នាំ២០២២ នៅវិមានរដ្ឋសភា មុនពេលដែលថ្នាក់ដឹកនាំរដ្ឋសភាប្រទេសទាំងពីរបានជួបពិភាក្សាការងារទ្វេភាគី។ សម្តេចអគ្គមហាពញាចក្រី ហេង សំរិន បានគូសបញ្ជាក់ថា កិច្ចសហប្រតិបត្តិការរវាងរដ្ឋសភាកម្ពុជា-វៀតណាមមានការវិវឌ្ឍកាន់តែរីកចម្រើន និងស្អិតរមួត ដោយភាគីទាំងពីរបានឯកភាព និងចុះអនុស្សរណៈនៃកិច្ចព្រមព្រៀងជាមួយគ្នា សំដៅបន្តពង្រឹងកិច្ចសហប្រតិបត្តិការគ្រប់កម្រិត តាមរយៈការផ្លាស់ប្តូរទស្សនកិច្ចនៃថ្នាក់ដឹកនាំជាន់ខ្ពស់ ការផ្លាស់ប្តូរបទពិសោធន៍រវាងគណៈកម្មការជំនាញ និងមន្ត្រីជំនាញ ការចែករំលែកព័ត៌មាន និងការគាំទ្រគ្នាទៅវិញទៅមកនៅក្នុងវេទិកាអន្តរសភាក្នុងតំបន់ និងអន្តរជាតិ។សម្តេចប្រធានរដ្ឋសភាបានលើកឡើងបន្ថែមថា រដ្ឋសភាកម្ពុជាពេញចិត្ត និងគាំទ្រចំពោះវឌ្ឍនភាព នៃកិច្ចសហប្រតិបត្តិការរវាងរដ្ឋាភិបាលនៃប្រទេសទាំងពីរនាពេលកន្លងមក។ ឯកឧត្តម វឿង ឌីញ ហ្វេ បានសម្តែងក្តីរីករាយយ៉ាងក្រៃលែងចំពោះចំណងមិត្តភាព និងកិច្ចសហប្រតិបត្តិការប្រទេសទាំងពីរ ពិសេសរដ្ឋសភាប្រទេសទាំងពីរមានការរីកចម្រើនជាលំដាប់ ទាំងនៅក្នុងកម្រិតទ្វេភាគី និងអន្តរជាតិ។ ឯកឧត្តមបានស្នើសម្តេចប្រធានរដ្ឋសភាជួយជំរុញ និងបង្កលក្ខណៈកាន់តែងាយស្រួលនៅក្នុងលើកកម្ពស់កិច្ចសហប្រតិបត្តិការនេះ ឱ្យបាននៅគ្រប់កម្រិតទាំងកម្រិតថ្នាក់ដឹកនាំ គណៈកម្មការ សមាជិកសភាស្ត្រី សមាជិកសភាវ័យក្មេង និងកម្រិតមន្ត្រីបច្ចេកទេស។ឯកឧត្តម វឿង ឌីញ ហ្វេ បានជូនពរដល់រដ្ឋសភាកម្ពុជារៀបចំមហាសន្និបាត AIPA លើកទី៤៣ ទទួលបានជោគជ័យ។ ជាមួយគ្នានេះ ឯកឧត្តមក៏បានអបអរសាទរចំពោះរាជរដ្ឋាភិបាលកម្ពុជា ដែលបានធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំពាក់ព័ន្ធទទួលបានជោគជ័យយ៉ាងត្រចះត្រចង់ ដែលធ្វើឱ្យកិត្យានុភាព និងតួនាទីរបស់កម្ពុជានៅលើឆាកអន្តរជាតិកាន់តែសំខាន់ឡើង។ សូមជម្រាបថា ដំណើរទស្សនកិច្ចរបស់ឯកឧត្តម វឿង ឌីញ ហ្វេ នៅកម្ពុជានាពេលនេះបានធ្វើឡើង បន្ទាប់ពីសម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំគណៈប្រតិភូជាន់ខ្ពស់រដ្ឋសភាកម្ពុជា បំពេញទស្សនកិច្ចជាផ្លូវការនៅសាធារណរដ្ឋសង្គមនិយមវៀតណាម កាលពីខែកញ្ញាកន្លងមកនេះ៕

លោក Zelenskiy និយាយថា កងកម្លាំងអ៊ុយក្រែនវាយរុញច្រាន ១០០លើកនៅតំបន់ Donetsk

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃសុក្រថា កងកម្លាំងអ៊ុយក្រែនបានវាយរុញច្រានការវាយលុករបស់រុស្ស៊ីប្រហែល ១០០លើកនៅក្នុងតំបន់ Donetsk ភាគខាងកើត ដោយពុំមានការថមថយក្នុងការប្រយុទ្ធនោះទេ។ លោក Zelenskiy និយាយនៅក្នុងសុន្ទរកថាតាមវីដេអូរបស់លោកថា ការប្រយុទ្ធគ្នាយ៉ាងខ្លាំងកំពុងបន្តនៅក្នុងតំបន់ Donetsk ដោយពុំមានការថមថយឡើយ។ ក្នុងរយៈពេល ២៤ម៉ោងការវាយប្រហាររបស់រុស្ស៊ីប្រមាណ ១០០លើកត្រូវបានវាយរុញច្រាននៅក្នុងតំបន់ Donetsk។ រុស្ស៊ីកាលពីសប្តាហ៍មុនបានដកកងទ័ពរបស់ខ្លួនថយចេញពីតំបន់នៅច្រាំងខាងលិចនៃទន្លេ Dnipro ប្រទេសអ៊ុយក្រែន ដែលរួមមានទីក្រុង Kherson ជារដ្ឋធានីក្នុងតំបន់តែមួយគត់ដែលខ្លួនបានដណ្តើមយកចាប់តាំងពីការវាយលុកកាលពីខែកុម្ភៈ។លោក Zelenskiy និយាយថា ចំណុចផ្តល់ជំនួយត្រូវបានបើកនៅថ្ងៃនេះនៅទីក្រុង Kherson ហើយ ខណៈអគ្គិសនីកំពុងត្រូវបានស្ដារឡើងវិញនៅក្នុងទីក្រុង ប្រជាជនអាចសាកថ្មទូរស័ព្ទ ទទួលបានកម្តៅ ផឹកតែ និងទទួលបានការគាំទ្រផ្សេងៗទៀតនៅទីនោះ។ ទំនាក់ទំនងអាចធ្វើទៅបាននៅទីក្រុងនេះ។ មន្ត្រីអ៊ុយក្រែននិយាយថា រុស្ស៊ីបានបំផ្លាញហេដ្ឋារចនាសម្ព័ន្ធសំខាន់ៗរបស់ទីក្រុងមុនពេលដកថយ។ លោក Zelenskiy និយាយថា លោកបានពិភាក្សាជាមួយប្រធានាធិបតីទួរគីលោក Tayyip Erdogan អំពីការបន្តកិច្ចព្រមព្រៀងគ្រាប់ធញ្ញជាតិ ដែលសម្របសម្រួលដោយអង្គការសហប្រជាជាតិ៕អត្ថបទ៖ ប៊ុនថន

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

កូរ៉េខាងជើង៖ មេដឹកនាំកូរ៉េខាងជើងលោក គីម ជុងអ៊ុន បានបង្ហាញកូនស្រីរបស់លោកទៅកាន់ពិភពលោកជាលើកដំបូងនៅក្នុងរូបថតដ៏គួរឱ្យចាប់អារម្មណ៍ ក្នុងពេលពិនិត្យមើលការបាញ់បង្ហោះមីស៊ីលបាលីស្ទីកធំបំផុត របស់ប្រទេសនេះកាលពីមួយថ្ងៃមុន។ ទីភ្នាក់ងារសារព័ត៌មានរដ្ឋ KCNA បានរាយការណ៍នៅថ្ងៃសៅរ៍នេះថា ប្រទេសកូរ៉េខាងជើងបានបាញ់សាកល្បងមីស៊ីលបាលីស្ទីកអន្តរទ្វីប Hwasong-17 (ICBM) កាលពីថ្ងៃសុក្រម្សិលមិញ។ ទោះជាយ៉ាងណាអ្វីដែលគួរឲ្យភ្ញាក់ផ្អើលបំផុតនោះគឺវត្តមានរបស់កូនស្រីលោក គីម ដែលវត្តមានកូនស្រីរបស់លោកមិនដែលត្រូវបានបង្ហាញជាសាធារណៈនោះទេកាលពីមុនមក។ សារព័ត៌មាន KCNA មិនបានបង្ហាញឈ្មោះក្មេងស្រី ដែលគេបានឃើញក្នុងរូបថតកាន់ដៃឪពុករបស់នាង ខណៈសម្លឹងមើលមីស៊ីលដ៏ធំ។លោក Michael Madden អ្នកជំនាញដឹកនាំប្រទេសកូរ៉េខាងជើងនៅមជ្ឈមណ្ឌល Stimson មានមូលដ្ឋាននៅសហរដ្ឋអាមេរិកនិយាយថា នេះគឺជាលើកដំបូងដែលយើងបានឃើញកូនស្រីលោក គីម ជុងអ៊ុន នៅក្នុងព្រឹត្តិការណ៍សាធារណៈ។ អ្នកជំនាញនិយាយថា លោក គីម ត្រូវបានគេដឹងថាមានកូន ៣នាក់ ស្រី ២នាក់ និងប្រុសម្នាក់៕អត្ថបទ៖ ប៊ុនថន

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

ភ្នំពេញ៖ ឯកឧត្ដម វឿង ឌីញហ្វេ ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់ព្រះរាជាណាចក្រកកម្ពុជាហើយ នៅព្រឹកថ្ងៃទី១៩ ខែ វិច្ឆិកា ឆ្នាំ២០២២នេះ ដើម្បីចូលរួមមហាសន្និបាតអន្តរសភាអាស៊ាន AIPA លើកទី៤៣ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២នេះ ក្រោមមូលបទ««បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ តបតាមការ អញ្ជើញរបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ឯកឧត្តម វឿង ឌីញ ហ្វេ ប្រធានរដ្ឋសភា នៃសាធារណរដ្ឋសង្គមនិយមវៀតណាម បានដឹកនាំគណៈប្រតិភូជាន់ខ្ពស់រដ្ឋសភាវៀតណាម មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា ពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២។ នេះបើយោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋឋសភានៅថ្ងៃទី១៨ ខែវិច្ឆិកា ឆ្នាំ២០២២។ អគ្គលេខាធិការដ្ឋានរដ្ឋសភាបានបន្តថា នៅក្នុងកំឡុងពេលទស្សនកិច្ចនេះ ឯកឧត្ដម វឿង ឌីញ ហ្វេ នឹងចូលក្រាបបង្គំគាល់ព្រះករុណាព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ឯកឧត្តម វឿង ឌីញ ហ្វេ ក៏នឹងចូលជួបសម្ដែងការគួរសមជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និង សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ផងដែរ។ឯកឧត្តម វឿង ឌីញ ហ្វេ នឹងជួបសវនាការ និងពិភាក្សាការងារទ្វេភាគីជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា រកម្ពុជា ដើម្បីពង្រឹងពង្រីកចំណងមិត្តភាពនិងកិច្ចសហប្រតិបត្តិការរវាងស្ថាប័ននីតិប្បញ្ញត្តិ នៃប្រទេស ទាំងពីរ និងដើម្បីប្រារព្ធខួបអនុស្សាវរីយ៍ លើកទី៥៥ នៃការបង្កើតទំនាក់ទំនងការទូតរវាងប្រទេសទាំងពីរ ដែលត្រូវបានកំណត់ជា “ឆ្នាំមិត្តភាពកម្ពុជា-វៀតណាម”។ នៅក្រោយជំនួប ភាគីទាំងពីរ នឹងអញ្ជើញចុះ ហត្ថលេខាលើអនុស្សរណៈយោគយល់គ្នា រវាងរដ្ឋសភាទាំងពីរ កម្ពុជា-វៀតណាម និងរវាងអគ្គលេខាធិការដ្ឋាន រដ្ឋសភាកម្ពុជា និងខុទ្ទកាល័យរដ្ឋសភាវៀតណាម។នៅក្នុងដំណើរទស្សនកិច្ចនេះដែរ គណៈប្រតិភូជាន់ខ្ពស់រដ្ឋសភាវៀតណាម នឹងអញ្ជើញដាក់កម្រង ផ្កាគោរពវិញ្ញាណក្ខន្ធ នៅវិមានឯករាជ្យ មណ្ឌបព្រះបរមរូប ព្រះករុណា ព្រះបាទសម្តេចព្រះនរោត្តម សីហនុ “ព្រះបរមរតនកោដ្ឋ” អតីតព្រះមហាក្សត្រនៃព្រះរាជាណាចក្រកម្ពុជា និងវិមានមិត្តភាពកម្ពុជា-វៀតណាម៕

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

អ៊ីរ៉ាក់៖ នគរបាល និងមន្ត្រីសុខាភិបាលបាននិយាយថា មនុស្ស ៦នាក់ស្លាប់ និង ៣០នាក់បានរងរបួសកាលពីថ្ងៃព្រហស្បតិ៍ ខណៈធុងឧស្ម័នដ៏ធំមួយបានផ្ទុះនៅក្នុងតំបន់លំនៅឋានមួយកន្លែងក្នុងទីក្រុង Sulaimaniya ភាគខាងជើងប្រទេសអ៊ីរ៉ាក់។ ក្រុមអ្នកពន្លត់អគ្គិភ័យបាននឹងកំពុងបន្តស្វែងរកមនុស្សបាត់ខ្លួនពីលំនៅឋានដែលបាក់រលំ ហើយមន្ត្រីសុខាភិបាលបាននិយាយថា ចំនួនអ្នកស្លាប់អាចនឹងកើនឡើង។ នគរបាលនិយាយថា ក្រុមអ្នកពន្លត់អគ្គិភ័យការពារជនស៊ីវិល បានគ្រប់គ្រងអគ្គិភ័យដែលបានបំផ្លាញលំនៅឋានជាច្រើនខ្នង និងបំផ្លាញរថយន្តយ៉ាងហោចណាស់ប្រាំគ្រឿង។ មន្ត្រីនគរបាលនិយាយថា យ៉ាងហោចណាស់លំនៅឋាន ៣ខ្នងត្រូវបានបំផ្លាញទាំងស្រុងដោយការផ្ទុះធុងហ្គាសចម្អិនអាហារ៕អត្ថបទ៖ ប៊ុនថន

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

ហ្កាហ្សា៖ មន្ត្រីសុខាភិបាល និងគ្រាអាសន្នស៊ីវិលបាននិយាយកាលពីថ្ងៃព្រហស្បតិ៍ថា យ៉ាងហោចណាស់មនុស្ស ២១នាក់ស្លាប់ និងជាច្រើននាក់ផ្សេងទៀតបានរងរបួស ខណៈអគ្គិភ័យបានឆាបឆេះអគារមួយកន្លែង ដែលប្រជាជនបានមកចូលរួមពិធីជប់លៀងមួយនៅតំបន់ Gaza។ វាបានប្រើពេលជាងមួយម៉ោងដើម្បីគ្រប់គ្រងអណ្តាតភ្លើងដ៏ធំ ដែលបានឆាបឆេះនៅជាន់ខាងលើអគារលំនៅឋានកម្ពស់ ៤ជាន់នៅក្នុងជំរំជនភៀសខ្លួន Jabalia ដែលមានប្រជាជនរស់នៅច្រើននៅភាគខាងជើងតំបន់ Gaza។ រថយន្តសង្គ្រោះបន្ទាន់បានប្រញាប់ប្រញាល់បញ្ជូនអ្នករបួសជាច្រើននាក់ ទៅកាន់មន្ទីរពេទ្យក្នុងតំបន់។ ក្រសួងមហាផ្ទៃតំបន់ Gaza និយាយថា ការស៊ើបអង្កេតបឋមបានបង្ហាញថា ប្រេងសាំងដ៏ច្រើនសន្ធឹកសន្ធាប់ត្រូវបានគេរក្សាទុកនៅកន្លែងនោះ ដែលបង្កជាអគ្គិភ័យដែលបានឆាបឆេះអគារយ៉ាងរហ័ស។ សាក្សីនិយាយថា ពួកគេបានឮសំឡេងស្រែក ប៉ុន្តែពួកគេមិនអាចជួយអ្នកដែលនៅខាងក្នុងបាន ដោយសារតែអណ្តាតភ្លើងឆេះខ្លាំង។ ប្រធានាធិបតីប៉ាឡេស្ទីនលោក Mahmoud Abbas បានចាត់ទុកឧប្បត្តិហេតុនេះថា ជាសោកនាដកម្មរបស់ប្រទេស។លោក Hussein Al-Sheikh អគ្គលេខាធិការនៃគណៈកម្មាធិការប្រតិបត្តិអង្គការរំដោះប៉ាឡេស្ទីន (PLO) បាននិយាយនៅក្នុងសេចក្តីថ្លែងការណ៍ថា អាជ្ញាធរប៉ាឡេស្ទីនបានជំរុញឱ្យអ៊ីស្រាអែលបើកច្រក Erez ជាមួយតំបន់ Gaza ដើម្បីដឹកជញ្ជូនក្នុងករណីធ្ងន់ធ្ងរដើម្បីព្យាបាលអ្នករបួសប្រសិនបើចាំបាច់។ ជំរំ Jabalia គឺជាជំរំជនភៀសខ្លួនមួយក្នុងចំណោមជំរំចំនួនប្រាំបីនៅក្នុងតំបន់ Gaza ដែលមានប្រជាជនចំនួន ២.៣លាននាក់ និងជាជំរំមួយក្នុងចំណោមជំរំដែលមានប្រជាជនរស់នៅច្រើនបំផុតនៅលើពិភពលោក៕អត្ថបទ៖ ប៊ុនថន

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

កូរ៉េខាងត្បូង៖ កូរ៉េខាងត្បូងនិយាយនៅថ្ងៃសុក្រនេះថា កូរ៉េខាងជើងបានបាញ់នូវអ្វីដែលទីក្រុងសេអ៊ូលបាននិយាយថា ជាមីស៊ីលអន្តរទ្វីបបាលីស្ទីក ICBM មួយថ្ងៃបន្ទាប់ពីការបាញ់មីស៊ីលខ្នាតតូចជាងនេះមួយគ្រាប់ និងព្រមានការឆ្លើយតបយ៉ាងខ្លាំងក្លាខាងយោធាទៅកាន់សហរដ្ឋអាមេរិក ចំពោះការបង្កើនវត្តមានសន្តិសុខរបស់ខ្លួននៅក្នុងតំបន់។ អង្គភាពឆ្មាំសមុទ្រជប៉ុនក៏បានរាយការណ៍ផងដែរពីការបាញ់នេះដោយនិយាយថា អាវុធនេះត្រូវគេរំពឹងថានឹងធ្លាក់ចូលក្នុងសមុទ្រភាគនិរតីនៃភាគខាងជើងកោះហុកកៃកូ (Hokkaido) របស់ជប៉ុន។ ក្រសួងការពារជាតិកូរ៉េខាងត្បូង បាននិយាយថា មីស៊ីលនេះអាចជាមីស៊ីលអន្តរទ្វីបបាលីស្ទីក ICBM ជាអាវុធរយៈចម្ងាយឆ្ងាយជាងគេបំផុតរបស់កូរ៉េខាងជើង ដែលត្រូវបានផលិតឡើងដើម្បីបំពាក់ក្បាលគ្រាប់នុយក្លេអ៊ែរ។ សូមរម្លឹកថា កាលពីថ្ងៃព្រហស្បតិ៍ ទី១៧ ខែវិច្ឆិកា កូរ៉េខាងជើងបានបាញ់មីស៊ីលបាលីស្ទីករយៈចម្ងាយខ្លីមួយគ្រាប់ ខណៈរដ្ឋមន្ត្រីការបរទេសរបស់ខ្លួនគឺលោកស្រី Choe Son Hui បានព្រមានពីការឆ្លើយតបដ៏ខ្លាំងក្លាខាងយោធាទៅកាន់សហរដ្ឋអាមេរិក ចំពោះការបង្កើនវត្តមានយោធារបស់ខ្លួននៅក្នុងតំបន់ ដោយនិយាយថា ទីក្រុង Washington កំពុងលេងល្បែងដែលនឹងធ្វើឲ្យខ្លួនឯងស្ដាយក្រោយ។សេចក្ដីថ្លែងការណ៍របស់លោកស្រី Choe គឺជាការឆ្លើយតបជាផ្លូវការលើកដំបូងរបស់កូរ៉េខាងជើង ចំពោះជំនួបកំពូលត្រីភាគីរបស់លោកប្រធានាធិបតីអាមេរិក Joe Biden ជាមួយសមាភាគីរបស់លោកគឺកូរ៉េខាងត្បូង និងជប៉ុននៅក្នុងជំនួប ASEAN កាលពីថ្ងៃអាទិត្យសប្ដាហ៍មុន ដោយរិះគន់ការសាកល្បងអាវុធរបស់ទីក្រុងព្យុងយ៉ាង។ កូរ៉េខាងជើងបានសាកល្បងមីស៊ីលបាលីស្ទីកដ៏ច្រើនមិនធ្លាប់មាន ដែលស្ថិតក្រោមបម្រាមនៃសេចក្ដីសម្រេចរបស់អង្គការសហប្រជជាតិ ដែលបានដាក់ជុំវិញការសាកល្បងមីស៊ីល និងកម្មវិធីនុយក្លេអ៊ែររបស់ទីក្រុងព្យុងយ៉ាង និងមានក្ដីបារម្ភថា លោក Kim នឹងបន្តការសាកល្បងនុយក្លេអ៊ែរដំបូងរបស់ខ្លួនចាប់តាំងពីឆ្នាំ២០១៧ មក៕អត្ថបទ៖ សុខមាន

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ

អ៊ុយក្រែន៖ សង្គ្រាមរុស្ស៊ីនៅក្នុងប្រទេសអ៊ុយក្រែន បានធ្វើឲ្យសម្ព័ន្ធយោធាណាតូរំជើបរំជួលនៅសប្ដាហ៍នេះ នៅពេលមីស៊ីលមួយគ្រាប់បានផ្ទុះនៅក្នុងភូមិមួយរបស់ប្រទេសប៉ូឡូញ ជិតព្រំដែនអ៊ុយក្រែនសម្លាប់មនុស្ស ២នាក់។ ភ្លាមៗក្រោយការផ្ទុះកាលពីថ្ងៃអង្គារ ប្រធានាធិបតីប៉ូឡូញលោក Andrzej Duda បាននិយាយថា ការផ្ទុះដែលបានត្រូវចំភូមិ Przewodow ជាភូមិមួយមានប្រជាពលរដ្ឋរស់នៅរាប់រយនាក់ ភាគច្រើនទំនងជាមីស៊ីលផលិតដោយរុស្ស៊ី ខណៈការស៊ើបអង្កេតនៅតែបន្ត។ សេចក្ដីថ្លែងការណ៍របស់លោកបានបង្កឲ្យមានភាពច្របូកច្របល់ទូទាំងពិភពលោក ខណៈក្រុមមេដឹកនាំសម្ព័ន្ធណាតូបានបង្ហាញឆន្ទៈរបស់ខ្លួន ក្នុងការការពារទឹកដីមិនឲ្យបាត់បង់សូម្បីតែមួយសង់ទីម៉ែត្រ នៅក្នុងបណ្ដាប្រទេសជាសមាជិកសម្ព័ន្ធយោធាធំបំផុតរបស់ពិភពលោក ដែលប៉ូឡូញជាសមាជិកផងដែរនោះ។ក្រុមអ្នកវិភាគខាងយោធាបានសរសេរបង្ហោះតាមបណ្ដាញសង្គម ដោយលើកឡើងថានេះអាចជាពេលវេលាមួយ នៅពេលសម្ព័ន្ធយោធានេះនឹងត្រូវប្រើមាត្រាទី៤ ជាការប្រឹក្សាយោបល់រវាងក្រុមប្រទេសសមាជិកណាតូ នៅពេលមានសមាជិកណាមួយគិតថា ខ្លួនត្រូវបានរងការគំរាម ឬប្រើមាត្រាទី៥ នៅពេលការវាយប្រហារមួយត្រូវបានចាត់ទុកជាអំពើហិង្សាប្រឆាំងនឹងសម្ព័ន្ធយោធានេះទាំងមូល ដែលនឹងអនុញ្ញាតឲ្យអង្គការណាតូសម្រេចចិត្តលើវិធានការ ដែលខ្លួនមើលឃើញថា សមហេតុផលក្នុងការការពារក្រុមសមាជិករបស់ខ្លួន។ នៅថ្ងៃជាមួយគ្នានោះដែរ ទាហានរុស្ស៊ីបានបាញ់សន្ធាប់លើហេដ្ឋារចនាសម្ព័ន្ធរបស់អ៊ុយក្រែន ជារលកនៃការវាយប្រហារដោយមីស៊ីល។ ចំណែកប្រធានាធិបតីអ៊ុយក្រែនលោក Volodymyr Zelenskyy បានហៅការផ្ទុះនៅក្នុងប្រទេសប៉ូឡូញថា ជាការរីកសង្គ្រាមដ៏ធំ ហើយថាយើងត្រូវតែចាត់វិធានការ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

[UPDATE] លោក Trump ធ្វើដំណើរទៅដល់ទីក្រុងប៉េកំាង សម្រាប់ជំនួបកំពូលជាមួយប្រធានធិបតីចិន

ស្រ្តីជាម្តាយប៉ាឡេស្ទីនសោកសៅចំពោះការរំឭកដល់ការចងចាំដ៏ជូរចត់នៃសង្រ្គាមនៅតំបន់ហ្កាហ្សា

អង្គការណាតូអញ្ជើញកាតា អារ៉ាប់រួម បារ៉ែន និងគូវ៉ែត ចូលរួមកិច្ចប្រជុំកំពូល Ankara

វិមានក្រឹមឡាំង៖ រុស្ស៊ីអាចធ្វើអាជីវកម្មជាមួយអាមេរិក បើឈប់យកបញ្ហាពាណិជ្ជកម្មទៅពាក់ព័ន្ធអ៊ុយក្រែន

មនុស្សជាង ១.៧០០នាក់ត្រូវឃុំខ្លួនលើនាវាទេសចរណ៍នៅបារាំង ក្រោយសង្ស័យមានអ្នកស្លាប់ដោយវីរុសណូរ៉ូ

ទាហាន និងផ្សែងហុយត្រូវបានមើលឃើញនៅតាមបណ្តោយព្រំដែនអ៊ីស្រាអែល-លីបង់ ខណៈការប្រយុទ្ធគ្នានៅតែបន្ត

វិទ្យាសា្ថនសុខាភិបាលហូឡង់បន្ទាបហានិភ័យនៃការរីករាលដាលឆ្លងវីរុស Hanta

របាយការណ៍៖ ការជ្រើសរើសទាហានថ្មីរបស់បែលហ្ស៊ិក ឈានដល់កម្រិតខ្ពស់បំផុត ដោយមានទាហានថ្មីជិត ៣.០០០នាក់

UPDATE | សំឡេងកាំភ្លើងបានបន្លឺឡើង ខណៈភាពច្របូកច្របល់កើតមាននៅព្រឹទ្ធសភាហ្វីលីពីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

និស្សិតរាប់រយនាក់ប៉ះទង្គិចជាមួយនគរបាលនៅស្រីលង្កា

ប្រធានាធិបតីចិនអំពាវនាវឲ្យកសាងសមុទ្រចិនខាងត្បូងក្លាយជាសមុទ្រសន្តិភាព មិត្តភាព និងកិច្ចសហប្រតិបត្តិការ

លោក Zelenskiy និយាយថា កងកម្លាំងអ៊ុយក្រែនវាយរុញច្រាន ១០០លើកនៅតំបន់ Donetsk

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

និស្សិត​រាប់រយ​នាក់​ប៉ះទង្គិច​ជាមួយ​នគរបាល​នៅ​ស្រីលង្កា

លោក Zelenskiy​ និយាយថា កងកម្លាំង​អ៊ុយ​ក្រែ​ន​វាយ​រុញច្រាន ​១០០​លើក​នៅ​តំបន់ Donetsk

លោក​ គីម ជុង​អ៊ុន បង្ហាញមុខ​កូនស្រីក្នុងពេល​ការសាកល្បង​មី​ស៊ី​ល​បាលី​ស្ទីក

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

មនុស្ស​ ៦នាក់ស្លាប់ និង ​៣០​នាក់​រង​របួស​ក្នុង​ការ​ផ្ទុះ​ធុង​ឧស្ម័ន​នៅ​ភាគ​ខាងជើង​ប្រទេស​អ៊ីរ៉ាក់​

មនុស្ស ២១​នាក់​ស្លាប់ និង​ច្រើន​នាក់​រង​របួស​នៅ​ពេល​អគ្គិភ័យ​បាន​ឆេះ​អគារ​ក្នុង​តំបន់ ​Gaza

កូរ៉េខាងជើង​សាកល្បង​អាវុធ​ដែល​គេ​សង្ស័យ​ថា ​ជា​មី​ស៊ី​ល​អន្តរទ្វីប​បាលី​ស្ទីក ICBM នៅ​ថ្ងៃ​សុក្រ​នេះ​

សម្ព័ន្ធ​យោធា​ណា​តូ​ជួប​បញ្ហា​ប្រឈម​ថ្មី ខណៈ​សង្គ្រាម​អ៊ុយ​ក្រែ​ន​ហៀរ​ចូល​ទឹកដី​ប៉ូឡូញ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

និស្សិតរាប់រយនាក់ប៉ះទង្គិចជាមួយនគរបាលនៅស្រីលង្កា

លោក Zelenskiy និយាយថា កងកម្លាំងអ៊ុយក្រែនវាយរុញច្រាន ១០០លើកនៅតំបន់ Donetsk

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ