BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

រាជរដ្ឋាភិបាលកំពុងយកចិត្តទុកដាក់ខ្លាំងចំពោះជនពិការខណៈសព្វថ្ងៃជនពិការជិតមួយម៉ឺននាក់កំពុងធ្វើការក្នុងស្ថាប័នរដ្ឋនិងឯកជន

ភ្នំពេញ : សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការបានថ្លែងថា នាពេលបច្ចុប្បន្ននេះ រាជរដ្ឋាភិបាលបានកំពុងយកចិត្តទុកដាក់កាន់តែខ្លាំងចំពោះជនពិការភាព ខណៈសព្វថ្ងៃមានជនពិការភាពជិតមួយម៉ឺននាក់បាននិងកំពុងបម្រើការក្នុងស្ថាប័នរដ្ឋ និងវិស័យឯកជនទូទាំងប្រទេស ដោយតួលេខនេះបានសបញ្ជាក់ឲ្យឃើញថាជនពិការនៅកម្ពុជាកាន់តែមានសមត្ថភាពច្រើនឡើងៗពីមួយឆ្នាំទៅមួយឆ្នាំ។តាមរយៈសាលិខិត ផ្ញើជូនដល់បងប្អូនជនរួមជាតិក្នុង ក្នុងឱកាសទិវាជនមានពិការភាព កម្ពុជាលើកទី២៤ និងទិវាជនមានពិការភាពអន្តរជាតិលើកទី៤០ ក្រោមប្រធានបទ «ពិការភាពទាំងអស់មិន អាចកំណត់ដោយការមើលនឹងភ្នែកនោះទេ» នាថ្ងៃទី៣ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា «បច្ចុប្បន្នជនមានពិការភាពត្រូវបានយកចិត្តទុកដាក់ពីគ្រប់មជ្ឈដ្ឋាន។ ក្នុងឆ្នាំ២០២២ ជនមានពិការភាពចូល បម្រើការងារក្នុងក្រសួងស្ថាប័នរដ្ឋចំនួន៣៧ មានចំនួន៣ ៧៤៨នាក់ ក្នុងនោះស្រ្តីមានពិការភាពចំនួន៨៦២នាក់ ជនមានពិការភាពកម្រិតធ្ងន់ចំនួន ២២៦០នាក់ បើគិតជាភាគរយ ២,០១% កើនលើសឆ្នាំ២០២១»។ដោយឡែក វិស័យឯកជនរួមមាន ធនាគារ គ្រឹះស្ថានមីក្រូហិរញ្ញវត្ថុ សណ្ឋាគារ និងរោងចក្រ បានចុះបញ្ជីកា និងទទួលបានវិញ្ញាបនបត្រលើការអនុវត្តច្បាប់ ស្ដីពីកិច្ចការពារនិងលើកកម្ពស់សិទ្ធិជនពិការទូទាំងប្រទេសមានចំនួន២៩១ គ្រឹះស្ថាន រោងចក្រ សហគ្រាស ដែលមានជនមានពិការភាពចូលបម្រើការងារ ចំនួន៥ ៨៣៩នាក់ ស្រ្តីមានពិការភាព ៣,៨៣៦នាក់ សរុបទាំងស្ថាប័នរដ្ឋ និងវិស័យឯកជនទូទាំងប្រទេសមានចំនួនជនមានពិការភាព ៩៥៨៧នាក់កំពុងបម្រើការងារ។សម្តេចតេជោ ហ៊ុន សែន នាយករដ្ឋមន្រ្តី ក៏បានបញ្ជាក់ផងដែរថា «នាយកដ្ឋានសុខុមាលភាពជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា បាននឹងកំពុងដំណើរអនុវត្តកម្មវិធីកំណត់អត្តសញ្ញាណពិការភាពតាមគំរូសង្គម និងសិទ្ធិជាមូលដ្ឋាន នៅទូទាំងប្រទេស គោលបំណងផ្តល់បណ្ណសំគាល់ពិការភាពជូនជនមានពិការភាពយកទៅប្រើប្រាស់ ក៏ដូចជាបង្កលក្ខណៈងាយស្រួលដល់ជនមានពិការភាព ក្នុងការទទួលបានអត្ថប្រយោជន៍ពីប្រព័ន្ធគាំពារសង្គម និងសេវាសង្គមប្រកបដោយសមធម៌ និងបរិយាបន្ន ដោយគិតត្រឹម ថ្ងៃទី១ ខែវិច្ឆិកា ឆ្នាំ២០២២នេះ បានសម្ភាសន៍ជនមានពិការភាពសរុបចំនួន ២៥៣ ២៥៧នាក់ (ស្រី ១១៩,៥៦១នាក់)»។ជាមួយគ្នានោះ សម្តេចតេជោបានបន្ថែមទៀតថា រាជរដ្ឋាភិបាលនឹងបន្តយកចិត្តទុកដាក់និងប្ដេជ្ញាចិត្តខ្ពស់ក្នុងការលើកកម្ពស់សិទ្ធិជនមានពិការភាព និងសូមលើកទឹកចិត្តឱ្យបងប្អូនជនរួមជាតិយើងទាំងអស់រួមគ្នាបន្តលើកស្ទួយសុខុមាលភាពជនមានពិការភាព ឱ្យកាន់តែប្រសើឡើង ដើម្បីជាឧត្តមប្រយោជន៍របស់វិស័យពិការភាពនៅកម្ពុជាផងដែរ៕

អ៊ុយក្រែននិយាយថា រុស្ស៊ីប្រើប្រាស់មីស៊ីលបំពាក់ក្បាលគ្រាប់នុយក្លេអ៊ែរស្អុយ ដើម្បីរំខានដល់ការការពារដែនអាកាស

អ៊ុយក្រែន៖ យោធាអ៊ុយក្រែននិយាយថា ខ្លួនបានរកឃើញបំណែកមីស៊ីលបំពាក់ក្បាលគ្រាប់នុយក្លេអ៊ែរបាញ់ដោយរុស្ស៊ី ដែលមានក្បាលគ្រាប់មិនអាចផ្ទុះនៅភាគខាងលិចប្រទេសអ៊ុយក្រែន ហើយគោលបំណងជាក់ស្តែងរបស់ពួកគេគឺដើម្បីធ្វើឲ្យរំខានដល់ការការពារដែនអាកាស។ លោក Mykola Danyliuk អ្នកតំណាងអង្គភាពស្រាវជ្រាវរបស់កងកម្លាំងប្រដាប់អាវុធអ៊ុយក្រែន បាននិយាយក្នុងសន្និសីទសារព័ត៌មានថា បំណែកមីស៊ីលដែលបានធ្លាក់នៅតំបន់ភាគខាងលិចទីក្រុង Lviv និង Khmelnytskyi កាលពីថ្ងៃទី31 ខែតុលា ត្រូវបានគេកំណត់ថា ជាផ្នែកមីស៊ីលតម្រង់គោលដៅ Kh-55។ មីស៊ីល Kh-55 ត្រូវបានផលិតឡើងដោយសហភាពសូវៀតក្នុងទសវត្សរ៍ឆ្នាំ1970 សម្រាប់ប្រើប្រាស់លើគោលដៅយុទ្ធសាស្ត្រ។ វាត្រូវបានបម្រុងទុកជាចម្បងដើម្បីផ្ទុកក្បាលគ្រាប់នុយក្លេអ៊ែរ និងត្រូវបានបាញ់ចេញពីយន្តហោះទម្លាក់គ្រាប់បែក។ មន្ត្រីរូបនេះបាននិយាយថា ការសាកល្បងលើបំណែកពុំបានបង្ហាញពីកម្រិតខុសប្រក្រតីនៃវិទ្យុសកម្មនោះទេ។ ក្រសួងការពារជាតិរុស្ស៊ីពុំបានឆ្លើយតបភ្លាមៗ ចំពោះសំណើសុំការអត្ថាធិប្បាយនោះទេ។លោក Danyliuk និយាយថា មីស៊ីលត្រូវបានបំពាក់ដោយក្បាលគ្រាប់ដែលមិនផ្ទុះ ដែលក្បាលគ្រាប់មួយក្នុងចំណោមនោះត្រូវបានដាក់តាំងបង្ហាញ នៅលើវេទិកានៃមជ្ឈមណ្ឌលសន្និសីទក្នុងទីក្រុង Kyiv ជាកន្លែងដែលលោកកំពុងរៀបចំសន្និសីទសារព័ត៌មាន។ លោក Danyliuk និយាយថា មីស៊ីល Kh-55 ពុំត្រូវបានប្រើប្រាស់ដោយរុស្ស៊ីក្នុងប្រទេសអ៊ុយក្រែនមុនថ្ងៃទី31 ខែតុលានោះទេ។ ទោះបីជាដូច្នេះមីស៊ីលនេះបានបង្ហាញពីកម្រិតនៃគ្រោះថ្នាក់ ដោយសារតែថាមពលកម្លាំងចលនា និងឥន្ធនៈរបស់វា។ នេះគឺជាភស្តុតាងដោយការប៉ះពាល់នៃមីស៊ីល Kh-55 ធ្លាក់ចូលទៅក្នុងអគារលំនៅឋានមួយ ហើយការប្រើប្រាស់មីស៊ីលប្រភេទនេះគឺមានបំណងធ្វើឲ្យរំខានការយកចិត្តទុកដាក់ នៃប្រព័ន្ធការពារដែនអាកាសរបស់អ៊ុយក្រែន៕អត្ថបទ៖ ប៊ុនថន

លិខិតបង្កប់គ្រឿងផ្ទុះទី៦ ត្រូវបានរកឃើញនៅស្ថានទូតអាមេរិកនៅទីក្រុងម៉ាឌ្រីដ

អេស្ប៉ាញ៖ នគរបាលនិយាយថា ស្ថានទូតអាមេរិកក្នុងទីក្រុងម៉ាឌ្រីដ ប្រទេសអេស្ប៉ាញ កាលពីថ្ងៃព្រហស្បតិ៍បានស្ទាក់ចាប់បានកញ្ចប់មួយគួរឱ្យសង្ស័យ ដែលមានរូបរាងដូចទៅនឹងលិខិតបង្កប់គ្រឿងផ្ទុះចំនួន ៥ ដែលត្រូវបានរកឃើញនៅក្នុងប្រទេសអេស្ប៉ាញ។ កញ្ចប់នេះត្រូវបានរកឃើញនៅស្ថានទូតអាមេរិកដោយមន្ត្រីសន្តិសុខ ហើយក្រោយមកត្រូវបានបំផ្ទុះក្រោមការគ្រប់គ្រងដោយនគរបាល។ ប្រទេសអេស្បាញបានរឹតបន្តឹងសន្តិសុខនៅជុំវិញអគារសាធារណៈ បន្ទាប់ពីកញ្ចប់ទីមួយត្រូវបានផ្ញើរទៅកាន់នាយករដ្ឋមន្ត្រីលោក Pedro Sanchez កាលពីថ្ងៃទី24 ខែវិច្ឆិកា ហើយកាលពីថ្ងៃពុធកញ្ចប់ទីពីរបានផ្ញើទៅកាន់ឯកអគ្គរដ្ឋទូតអ៊ុយក្រែនប្រចាំប្រទេសអេស្ប៉ាញ ដែលបានផ្ទុះបណ្តាលឲ្យមន្ត្រីសន្តិសុខម្នាក់រងរបួសស្រាល។ ពេលនេះសន្តិសុខត្រូវបានបង្កើននៅជុំវិញស្ថានទូត។ កាលពីយប់ថ្ងៃពុធ ក្រុមហ៊ុន Instalaza ជាក្រុមហ៊ុនផលិតសព្វាវុធនៅទីក្រុង Zaragoza ភាគឦសានប្រទេសអេស្ប៉ាញដែលបានបញ្ជូនរ៉ុក្កែត C90 ជាង ១,០០០គ្រឿងឲ្យប្រទេសអ៊ុយក្រែន បានទទួលកញ្ចប់មានផ្ទុកគ្រឿងផ្ទុះមួយផ្សេងទៀត ហើយកាលពីថ្ងៃព្រហស្បតិ៍មូលដ្ឋានទ័ពអាកាសដែលបំពាក់ផ្កាយរណបអឺរ៉ុប ក្រសួងការពារជាតិអេស្ប៉ាញ និងស្ថានទូតអាមេរិកបានទទួលកញ្ចប់លិខិតបង្កប់គ្រឿងផ្ទុះដូចគ្នានេះ។បន្ទាប់ពីទទួលបានកញ្ចប់លិខិតមានគ្រឿងផ្ទុះចូលទៅស្ថានទូតអ៊ុយក្រែនបានបំផ្ទុះ រដ្ឋមន្ត្រីការបរទេសអ៊ុយក្រែន លោក Dmytro Kuleba បានបញ្ជាឱ្យស្ថានទូតទាំងអស់របស់ទីក្រុង Kyiv នៅបរទេសពង្រឹងសន្តិសុខជាបន្ទាន់។ ឯកអគ្គរដ្ឋទូតអ៊ុយក្រែនប្រចាំប្រទេសអេស្បាញលោក Serhii Pohoreltsev ទំនងជាដាក់កំហុសលើរុស្ស៊ី។ លោកបាននិយាយទៅកាន់ស្ថានីយទូរទស្សន៍អេស្ប៉ាញ TVE ថា យើងទទួលបានការណែនាំពីក្រសួងនៅប្រទេសអ៊ុយក្រែន ដែលបានផ្តល់ឱ្យនូវស្ថានភាពត្រូវត្រៀមលក្ខណៈសម្រាប់ឧប្បត្តិហេតុណាមួយ ជាសកម្មភាពរបស់រុស្ស៊ីនៅខាងក្រៅប្រទេស៕អត្ថបទ៖ ប៊ុនថន

លោក Joe Biden ត្រៀមជួបលោក Putin លុះត្រាតែរុស្ស៊ីមានបំណងបញ្ចប់សង្គ្រាម

អាមេរិក៖ ប្រធានាធិបតីសហរដ្ឋអាមេរិកលោក Joe Biden បាននិយាយថា លោកពុំមានផែនការភ្លាមៗដើម្បីទាក់ទងលោក Vladimir Putin នោះទេ ប៉ុន្តែលោកបានត្រៀមលក្ខណៈដើម្បីពិភាក្សាជាមួយប្រធានាធិបតីរុស្ស៊ី ប្រសិនបើលោកបង្ហាញចំណាប់អារម្មណ៍ក្នុងការបញ្ចប់សង្គ្រាមនៅអ៊ុយក្រែន និងមានការពិភាក្សាជាមួយសម្ព័ន្ធណាតូ។ លោកនិយាយថា លោកត្រៀមខ្លួនដើម្បីពិភាក្សាជាមួយលោក Putin ប្រសិនបើការពិត លោកចាប់អារម្មណ៍ថា លោកសម្រេចចិត្តស្វែងរកវិធីដើម្បីបញ្ចប់សង្គ្រាម។ លោក Biden បានថ្លែងដូច្នេះកាលពីថ្ងៃព្រហស្បតិ៍ក្នុងសន្និសីទសារព័ត៌មាននៅសេតវិមាន បន្ទាប់ពីបានពិភាក្សាជាមួយសមភាគីបារាំងលោក Emmanuel Macron។ មេដឹកនាំទាំងពីរបានសន្យាសាមគ្គីភាពជាមួយអ៊ុយក្រែនប្រឆាំងសង្គ្រាមរបស់រុស្ស៊ី ហើយប្តេជ្ញាថានឹងធ្វើការរួមគ្នាដើម្បីដោះស្រាយការលំបាកផ្នែកសេដ្ឋកិច្ចដែលជម្លោះបាននាំមក។ លោក Biden បានដាក់ទំនួលខុសត្រូវលើការបញ្ចប់សង្គ្រាម ដែលបានចាប់ផ្តើមដោយការវាយលុករបស់រុស្ស៊ីលើអ៊ុយក្រែនកាលពីខែកុម្ភៈ ដោយផ្តោតត្រង់ៗលើលោក Putin។ មានវិធីមួយសម្រាប់បញ្ចប់សង្គ្រាមនេះគឺជាវិធីសមហេតុផល ដែលលោក Putin អាចដកកងទ័ពចេញពីអ៊ុយក្រែន ប៉ុន្តែវាទំនងជាលោកនឹងពុំធ្វើដូច្នេះនោះទេ។លោក Macron បាននិយាយថា ប្រទេសទាំងពីរមានទំនួលខុសត្រូវរួមគ្នា ដើម្បីការពារលទ្ធិប្រជាធិបតេយ្យសម្រាប់ភាគីទាំងសងខាង ហើយប្រឈមមុខនឹងផលវិបាកដោយផ្ទាល់ និងដោយប្រយោលនៃសង្គ្រាមនៅអ៊ុយក្រែនជាមួយគ្នា។ ខណៈមេដឹកនាំបានជួបគ្នា ទីប្រឹក្សាប្រធានាធិបតីអ៊ុយក្រែនបាននិយាយថា កងកម្លាំងប្រដាប់អាវុធរបស់ប្រទេសនេះបានបាត់បង់ទាហានចន្លោះពី ១០,០០០ទៅ ១៣,០០០នាក់នៅក្នុងសង្គ្រាមរហូតមកដល់ពេលនេះ។ នៅទីក្រុង Kherson កាលពីថ្ងៃព្រហស្បតិ៍ ទាហានអ៊ុយក្រែនបានដើរល្បាតនៅជិតប្លុកលំនៅឋាន ដែលរងការខូចខាតធ្ងន់ធ្ងរដោយការបាញ់ផ្លោងរបស់រុស្ស៊ី ខណៈពលរដ្ឋបានបញ្ចេញកំហឹងរបស់ពួកគេ៕អត្ថបទ៖ ប៊ុនថន

ការផ្ដល់លទ្ធផលតេស្តវីរុស COVID-19 ខុសនៅចិន បង្កើនក្ដីបារម្ភថា ជំងឺរាតត្បាតសកលអាចនឹងមិនបញ្ចប់

ចិន៖ ការមិនពេញចិត្តក្នុងចំណោមអ្នកស្រុកចំពោះវិធានការគ្រប់គ្រងវីរុស Covid-19 ក្នុងប្រទេសចិនគឺផ្ដោតសំខាន់ទៅលើតម្រូវការធ្វើតេស្តវីរុស និងចំណុចសំខាន់នៃរឿងនេះទើបធ្វើឲ្យមានការផ្ទុះកំហឹង។ យោងតាមការបកប្រែចេញពីភាសាចិនរបស់សារព័ត៌មាន CNBC ដោយមានការផ្សព្វផ្សាយច្រើននៅលើបណ្ដាញសង្គមវៃប៉ូ (Weibo) ជាផ្នែកមួយនៃ version របស់ Twitter នៅចិនកាលពីព្រឹកថ្ងៃអង្គារដោយសរសេរថា ប្រសិនបើការធ្វើតេស្តរកវីរុសខុសឥតឈប់បែបនេះ ជំងឺរាតត្បាតសកលនេះអាចនឹងគ្មានថ្ងៃបញ្ចប់ឡើយ។ ដោយសរសេរបន្តថា វាសំដៅដល់មាតិកាព័ត៌មាននៃទស្សនៈដែលត្រូវបានគេលុបចោល ពេលនេះចេញពីប្រព័ន្ធផ្សព្វផ្សាយដែលត្រូវបានត្រួតពិនិត្យឡើងវិញដោយសារព័ត៌មាន People’s Daily ជាកាសែតរបស់គណបក្សកុំម្មុយនីស្តចិន។អត្ថបទនេះបានបញ្ចេញឧទាហរណ៍មួយចំនួននៃលទ្ធផលខុស ក្នុងការធ្វើតេស្តរកវីរុសនៅទូទាំងប្រទេសក្នុងឆ្នាំនេះរួមទាំងនៅទីក្រុង Shanghai និង Beijing។ អត្ថបទនេះបានព្រមានថា ការរាយការណ៍ក្លែងក្លាយពីលទ្ធផលធ្វើតេស្តរកមេរោគទីបំផុត ធ្វើឲ្យមានការឆ្លងរាលដាលកាន់តែខ្លាំង ដែលនាំទៅរកការធ្វើតេស្តជាច្រើនជុំទៀត ហើយវិធានការបិទខ្ទប់ជាច្រើនខែទំរាំបិទបញ្ចប់៕អត្ថបទ៖ សុខមាន

ពិធីឈាបនកិច្ចអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូបក្រោយធ្វេីមាតុភូមិនិវត្តន៍

នៅថ្ងៃទី ២ ខែធ្នូ ឆ្នាំ ២០២២ នេះ អដ្ឋិធាតុនៃយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ត្រូវបូជាតាមបែបប្រពៃណីព្រះពុទ្ធសាសនារួចរាល់ហេីយ បន្ទាប់ពីធ្វេីមាតុភូមិនិវត្តន៍កាលពីថ្ងៃម្សិលមិញ។ពិធីបូជាអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង ៤៩ រូប ធ្វេីឡេីងនៅតំបន់ប្រវត្តិសាស្រ្តយោធាតេជោកោះថ្មX១៦ ក្នុងឃុំទន្លូង ស្រុកមេមត់ ខេត្តត្បូងឃ្មុំ នៅព្រឹកថ្ងៃទី ២ ខែធ្នូ ឆ្នាំ ២០២២ ក្រោមអធិបតីភាពឯកឧត្តមឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងដែនដីនគរូបនីយកម្មនិងសំណង់ និងជាអនុប្រធានគណៈកម្មការអន្តរក្រសួង តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន។អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូប ដែលពលីក្នុងសម័យសង្គ្រាម ហេីយបានតម្កល់នៅក្នុងខេត្តដុងណាយ ប្រទេសវៀតណាមអស់រយៈពេលជាង ៤៥ ឆ្នាំ បានធ្វេីមាតុភូមិនិវត្តន៍មកដល់កម្ពុជា ក្នុងតំបន់ប្រវត្តិសាស្រ្តយោធាតេជោកោះថ្មX១៦ កាលពីថ្ងៃទី ១ ខែធ្នូ ឆ្នាំ២០២២ ដោយមានការទទួលពីនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ។បន្ទាប់ពីអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូប ត្រូវបានធ្វេីពិធីបូជាចប់ អដ្ឋិធាតុយុទ្ធជនទាំងនោះ ត្រូវបានដង្ហែយកទៅតម្កល់បណ្តោះអាសន្ននៅក្នុងអគារមិត្តភាពកម្ពុជា-វៀតណាម ក្នុងបរិវេណនៃតំបន់ប្រវត្តិសាស្រ្តយោធាតេជោកោះថ្មX១៦ ដោយសារប្រាង្គចេតិយតម្កល់អដ្ឋិធាតុកំពុងសាងសង់។ ក្រោយពីប្រាង្គចេតិយសាងសង់រួចរាល់នៅខែមីនា ឆ្នាំ ២០២៣ អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូបនោះ នឹងត្រូវដង្ហែទៅតម្កល់ក្នុងចេតិយ សម្រាប់គោរពដឹងគុណ៕

អាមេរិក និងសម្ព័ន្ធមិត្តអាស៊ីដាក់ទណ្ឌកម្មថ្មីលើកូរ៉េខាងជើង ក្រោយការសាកល្បងមីស៊ីល ICBM

អាមេរិក៖ សហរដ្ឋអាមេរិក កូរ៉េខាងត្បូង និងជប៉ុនបានដាក់ទណ្ឌកម្មថ្មីលើក្រុមមន្ត្រីកូរ៉េខាងជើង ជាប់ពាក់ព័ន្ធនឹងកម្មវិធីនុយក្លេអ៊ែររបស់ប្រទេសនេះ បន្ទាប់ពីការបាញ់សាកល្បងមីស៊ីលអន្តរទ្វីបបាលីស្ទីក ICBM ចុងក្រោយ និងធំបំផុតកាលពីខែមុន។ ក្រសួងរតនាគារអាមេរិកកាលពីថ្ងៃព្រហស្បតិ៍ ទី១ ខែធ្នូ បានបង្ហាញឈ្មោះមន្ត្រីកូរ៉េខាងជើងមានដូចជាលោក Jon Il Ho, លោក Yu Jin និងលោក Kim Su Gil សុទ្ធតែជាអ្នកដែលសហភាពអឺរ៉ុបបានដាក់ទណ្ឌកម្មកាលពីខែមេសា។ ក្រសួងការបរទេសកូរ៉េខាងត្បូងបានប្រកាសដាក់ទណ្ឌកម្មលើបុគ្គលចំនួន ៧នាក់ផ្សេងទៀតរួមទាំងជនជាតិសិង្ហបុរីម្នាក់ និងតៃវ៉ាន់ម្នាក់ និងអង្គភាពចំនួន ៨ថែមទៀត។ ក្រសួងនេះនិយាយថា អ្នកទាំងនោះបានស្ថិតក្រោមការដាក់ទណ្ឌកម្មរួចទៅហើយពីអាមេរិកចន្លោះពីខែមករា ឆ្នាំ២០១៨ និងខែតុលា ឆ្នាំ២០២២។ ក្រសួងការបរទេសជប៉ុននិយាយថា ជប៉ុនក៏បានដាក់ទណ្ឌកម្មថ្មីលើអង្គភាពចំនួន ៣ និងបុគ្គលម្នាក់ទៀតផងដែរ រួមទាំងក្រុម Lazarus Group ដែលសង្ស័យពីបទវាយប្រហារតាមប្រព័ន្ធបច្ចេកវិទ្យា ឬ cyberattacks៕អត្ថបទ៖ សុខមាន

រុស្ស៊ីនិយាយថា អាមេរិក និងណាតូជាប់ពាក់ព័ន្ធដោយផ្ទាល់ក្នុងជម្លោះអ៊ុយក្រែន

រុស្ស៊ី៖ រដ្ឋមន្ត្រីការបរទេសរុស្ស៊ីលោក Sergey Lavrov បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា សហរដ្ឋអាមេរិក និងសម្ព័ន្ធយោធាណាតូកំពុងចូលរួមដោយផ្ទាល់ ក្នុងជម្លោះដែលនៅតែបន្តក្នុងប្រទេសអ៊ុយក្រែន ដោយចោទប្រកាន់លោកខាងលិចពីបទព្យាយាមវាយកម្ទេចរុស្ស៊ីចោលទាំងស្រុង។ លោក Lavrov បានចង្អុលបង្ហាញថា ទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួនបានប្រកាសជាសាធារណៈថា ពួកគេមិនត្រឹមតែព្យាយាមយកឈ្នះរុស្ស៊ីនៅសមរភូមិប៉ុណ្ណោះទេ ថែមទាំងចង់ឲ្យគេកម្ទេចរុស្ស៊ីព្រមគ្នាក្នុងនាមជាតួអង្គសំខាន់ទៀតផង។ លោកបានបន្ថែមថា មានការពិភាក្សាមួយចំនួនពីមធ្យោបាយបែបណា ដែលពួកគេអាចបំបែកទឹកដីរុស្ស៊ីក្នុងចំណោមសមាជិករបស់ពួកគេ។ លោក Lavrov បានបញ្ជាក់ថា កុំនិយាយថាសហរដ្ឋអាមេរិក និងសម្ព័ន្ធយោធាណាតូមិនបានចូលរួមដោយផ្ទាល់ក្នុងសង្គ្រាមនេះឲ្យសោះ។អ្នកត្រូវបានចូលពាក់ព័ន្ធដោយផ្ទាល់ ដោយលោកបានគូសបញ្ជាក់ថា លោកខាងលិចមិនត្រឹមតែផ្គត់ផ្គង់អាវុធឲ្យទីក្រុង Kiev ក្នុងគោលបំណងសម្លាប់ជីវិតទាហានរុស្ស៊ីប៉ុណ្ណោះទេ ថែមទាំងបានបណ្ដុះបណ្ដាលទាហានអ៊ុយក្រែននៅអង់គ្លេស អាល្លឺម៉ង់ និងអ៊ីតាលីទៀតផង។ លោកបានបន្ថែមថា ក្រៅតែពីទាហានស៊ីឈ្នួល ក៏មានក្រុមអ្នកបណ្ដុះបណ្ដាលលោកខាងលិចជាច្រើនផងដែរ ដែលកំពុងធ្វើការនៅលើទឹកដីអ៊ុយក្រែន និងកំពុងបង្ហាញទាហានពីរបៀបបាញ់អាវុធ “trinkets” ដែលត្រូវបានផ្គត់ផ្គង់ឲ្យប្រទេសនេះ៕អត្ថបទ៖ សុខមាន

ចិនចាប់ផ្ដើមដកវិធានការបិទខ្ទប់ក្នុងតំបន់ជាច្រើន ទោះមានករណីឆ្លង COVID-19 ខ្ពស់ ក្រោយការតវ៉ា

ចិន៖ តំបន់រាប់សិបកន្លែងនៅក្នុងទីក្រុងសំខាន់ៗរបស់ប្រទេសចិន ពេលនេះបានចាប់ផ្ដើមដកវិធានការបិទខ្ទប់ទប់ស្កាត់ការឆ្លងរាលដាលវីរុស COVID-19 ទោះបីមានចំនួនករណីឆ្លងខ្ពស់ក៏ដោយ។ ប្រទេសចិនបានបង្ហាញសញ្ញាផ្លាស់ប្ដូរក្នុងជំហរទប់ស្កាត់ការឆ្លងវីរុស COVID-19 ខណៈឈានដល់ការបន្ធូរបន្ថយការរឹតត្បិតវីរុស ទោះបីមានករណីឆ្លងប្រចាំថ្ងៃខ្ពស់ក៏ដោយ។ ស្រុករាប់សិបទីតាំងក្នុងទីក្រុង Shanghai និង Guangzhou និងទីក្រុងជាច្រើនដែលកំពុងមើលឃើញករណីឆ្លងហក់ឡើងខ្ពស់ ត្រូវបានដោះលែងចេញពីវិធានការបិទខ្ទប់នានាកាលពីថ្ងៃព្រហស្បតិ៍សប្ដាហ៍នេះ។ សារព័ត៌មាន Xinhua បានរាយការណ៍ថា មន្ត្រីជាន់ខ្ពស់រដ្ឋាភិបាលចិនទទួលបន្ទុកការឆ្លើយតបវីរុស COVID-19 បានប្រាប់ក្រុមមន្ត្រីសុខាភិបាលកាលពីថ្ងៃពុធថា ប្រទេសនេះប្រឈមដំណាក់កាល និងបេសកកម្មថ្មីក្នុងការគ្រប់គ្រងវីរុសរាតត្បាតសកល ដោយចង្អុលបង្ហាញពីការកែសម្រួល ចំពោះយុទ្ធសាស្ត្រគ្មានការឆ្លងរាលដាលវីរុសឬ “zero-Covid” របស់ទីក្រុងប៉េកាំង ដែលបានបង្កឲ្យមានការតវ៉ាជាច្រើនថ្ងៃនៅទូទាំងប្រទេស។វិធានការនេះមានឡើង ខណៈចិនមើលឃើញការតវ៉ាទ្រង់ទ្រាយធំប្រឆាំងគោលនយោបាយគ្មានវីរុស Covid ឬ zero-Covid។ សូមរម្លឹកថា ភាពរំជើបរំជួលនេះបង្កឡើងដោយអគ្គិភ័យ នៅលើប្លុកអគារកម្ពស់ច្រើននៅភាគខាងលិចតំបន់ស្វយ័ត Xinjiang ដែលបានសម្លាប់មនុស្ស ១០នាក់កាលពីសប្ដាហ៍មុន។ ជនជាតិចិនភាគច្រើនបានជឿថា ការរឹតត្បិតទប់ស្កាត់វីរុសយូរពេកនៅក្នុងទីក្រុងនេះ ជាកត្តាបណ្ដាលមានការស្លាប់នេះ ទោះបីជាក្រុមអាជ្ញាធរបានទាត់ចោលក៏ដោយ៕អត្ថបទ៖ សុខមាន

អ៊ុយក្រែនបង្ហាញចំនួនទាហានស្លាប់ប្រមាណ ១៣.០០០នាក់ក្នុងសង្គ្រាមជាមួយរុស្ស៊ី

អ៊ុយក្រែន៖ មន្ត្រីជំនិតរបស់លោកប្រធានាធិបតីអ៊ុយក្រែនបាននិយាយថា ទាហានអ៊ុយក្រែនប្រមាណ ១៣.០០០នាក់បានស្លាប់ចាប់តាំងពីការចាប់ផ្ដើមការវាយលុករបស់រុស្ស៊ី។ លោក Mykhailo Podolyak ដែលជាទីប្រឹក្សារបស់លោកប្រធានាធិបតីអ៊ុយក្រែន Volodymyr Zelensky បាននិយាយថា ទាហានចន្លោះពី ១០.០០០នាក់ និង ១៣.០០០នាក់បានស្លាប់។ អ៊ុយក្រែនកម្របង្ហាញទិន្នន័យសម្រាប់ចំនួនទាហានស្លាប់ណាស់ ការអត្ថាធិប្បាយរបស់លោក Podolyak មិនត្រូវបានបញ្ជាក់ដោយយោធារបស់ប្រទេសនេះទេ។ កាលពីខែមិថុនាលោកធ្លាប់បាននិយាយថា ទាហានអ៊ុយក្រែនចន្លោះពី ១០០នាក់ទៅ ២០០នាក់បានស្លាប់ជារៀងរាល់ថ្ងៃ។ កាលពីខែមុន ឧសត្ដមេសនីយជាន់ខ្ពស់របស់សហរដ្ឋអាមេរិក លោក Mark Milley បាននិយាយថា ទាហានរុស្ស៊ីប្រមាណ ១០០.០០០នាក់ និងទាហានអ៊ុយក្រែនចំនួន ១០០.០០០នាក់បានស្លាប់ ឬរបួសចាប់តាំងពីសង្គ្រាមចាប់ផ្ដើម។នៅក្នុងសុន្ទរកថាតាមវីដេអូកាលពីថ្ងៃពុធ ប្រធានគណៈកម្មការអឺរ៉ុបលោកស្រី Ursula Von der Leyen បាននិយាយថា ទាហានអ៊ុយក្រែនជាង ១០០.០០០នាក់បានស្លាប់។ ប៉ុន្តែក្រោយមកអ្នកនាំពាក្យសម្រាប់គណៈកម្មការអឺរ៉ុបបានបញ្ជាក់ថា ចំនួននោះខុសទេ ហើយទិន្នន័យនោះសំដៅដល់ចំនួនទាំងអ្នកស្លាប់ ទាំងអ្នករបួស៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែល បណ្តាលឱ្យមានការបំផ្លាញយ៉ាងខ្លាំងនៅទូទាំងតំបន់ហ្កាហ្សា

ក្រុមការងារចុះមូលដ្ឋានខណ្ឌ៧មករា បាននាំយកទៀនព្រះវស្សាប្រគេនព្រះសង្ឈគង់ចាំវស្សានៅវត្តទាំង០៣ នៃមូលដ្ឋានខណ្ឌ៧មករា

លោកTrump៖ សហរដ្ឋអាមេរិក ពុំបានព្រមព្រៀងឱ្យអ៊ុយក្រែនផលិតមីស៊ីលប៉ាទ្រីយ៉ូតទេ

ប្រជាជនហៃទីចុះឈ្មោះបោះឆ្នោតប្រធានាធិបតីលើកដំបូងរបស់ប្រទេសក្នុងពេល១ទសវត្សរ៍កន្លងទៅនេះ

មនុស្សរាប់ពាន់នាក់ប្រមូលផ្តុំគ្នានៅទីក្រុងគីវ ដោយអំពាវនាវឱ្យរដ្ឋមន្ត្រីការពារជាតិត្រឡប់ទៅដឹកនាំវិញ

នាយករដ្ឋមន្ត្រីលីបង់ ចាត់ទុកការវាយប្រហារចុងក្រោយរបស់អ៊ីស្រាអែលថា ជាការរំលោភយ៉ាងជាក់ស្តែងលើអធិបតេយ្យភាព

អ៊ីរ៉ង់ ព្រមានថាការបិទផ្លូវទឹករបស់សហរដ្ឋអាមេរិក ប្រឈមនឹងការរំខានដល់ថាមពលសកល

អ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា

មន្ត្រីក្រុមហាម៉ាស៖ អ៊ីស្រាអែលត្រូវតែអនុម័តកិច្ចព្រមព្រៀងរបស់លោក Trump មុនពេលដែលក្រុមហាម៉ាសអនុវត្ត

ជនភៀសខ្លួនមកពីម៉ារ៉ុក ត្អូញត្អែរពីភាពអត់ឃ្លាននិងអំពើហិង្សានៅដែនដីអេស្ប៉ាញ បន្ទាប់ពីប្រញាប់ប្រញាល់ឆ្លងព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លិខិតបង្កប់គ្រឿងផ្ទុះទី៦ ត្រូវបានរកឃើញនៅស្ថានទូតអាមេរិកនៅទីក្រុងម៉ាឌ្រីដ

លោក Joe Biden ត្រៀមជួបលោក Putin លុះត្រាតែរុស្ស៊ីមានបំណងបញ្ចប់សង្គ្រាម

ការផ្ដល់លទ្ធផលតេស្តវីរុស COVID-19 ខុសនៅចិន បង្កើនក្ដីបារម្ភថា ជំងឺរាតត្បាតសកលអាចនឹងមិនបញ្ចប់

អាមេរិក និងសម្ព័ន្ធមិត្តអាស៊ីដាក់ទណ្ឌកម្មថ្មីលើកូរ៉េខាងជើង ក្រោយការសាកល្បងមីស៊ីល ICBM

រុស្ស៊ីនិយាយថា អាមេរិក និងណាតូជាប់ពាក់ព័ន្ធដោយផ្ទាល់ក្នុងជម្លោះអ៊ុយក្រែន

ចិនចាប់ផ្ដើមដកវិធានការបិទខ្ទប់ក្នុងតំបន់ជាច្រើន ទោះមានករណីឆ្លង COVID-19 ខ្ពស់ ក្រោយការតវ៉ា

អ៊ុយក្រែនបង្ហាញចំនួនទាហានស្លាប់ប្រមាណ ១៣.០០០នាក់ក្នុងសង្គ្រាមជាមួយរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លិខិត​បង្កប់​គ្រឿងផ្ទុះ​ទី​៦​ ត្រូវបាន​រកឃើញ​នៅ​ស្ថានទូត​អាមេរិក​នៅ​ទីក្រុង​ម៉ា​ឌ្រី​ដ

លោក Joe Biden ត្រៀម​ជួប​លោក Putin លុះត្រាតែ​រុស្ស៊ី​មានបំណង​បញ្ចប់សង្គ្រាម​

ការផ្ដល់​លទ្ធផល​តេស្ត​វីរុស COVID-19 ខុស​នៅ​ចិន បង្កើន​ក្ដីបារម្ភ​ថា ជំងឺ​រាតត្បាត​សកល​អាច​នឹងមិន​បញ្ចប់

អាមេរិក និង​សម្ព័ន្ធមិត្ត​អាស៊ី​ដាក់ទណ្ឌកម្ម​ថ្មី​លើ​កូរ៉េខាងជើង ក្រោយ​ការសាកល្បង​មី​ស៊ី​ល ICBM

រុស្ស៊ី​និយាយ​ថា អាមេរិក និង​ណា​តូ​ជាប់​ពាក់ព័ន្ធ​ដោយផ្ទាល់​ក្នុង​ជម្លោះ​អ៊ុយ​ក្រែ​ន​

ចិន​ចាប់ផ្ដើម​ដក​វិធាន​ការបិទ​ខ្ទប់​ក្នុង​តំបន់​ជាច្រើន ទោះ​មាន​ករណី​ឆ្លង​ COVID-19 ​ខ្ពស់ ក្រោយ​ការតវ៉ា​

អ៊ុយ​ក្រែ​ន​បង្ហាញ​ចំនួន​ទាហាន​ស្លាប់​ប្រមាណ ១៣.០០០​នាក់​ក្នុង​សង្គ្រាម​ជាមួយ​រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លិខិតបង្កប់គ្រឿងផ្ទុះទី៦ ត្រូវបានរកឃើញនៅស្ថានទូតអាមេរិកនៅទីក្រុងម៉ាឌ្រីដ

លោក Joe Biden ត្រៀមជួបលោក Putin លុះត្រាតែរុស្ស៊ីមានបំណងបញ្ចប់សង្គ្រាម

ការផ្ដល់លទ្ធផលតេស្តវីរុស COVID-19 ខុសនៅចិន បង្កើនក្ដីបារម្ភថា ជំងឺរាតត្បាតសកលអាចនឹងមិនបញ្ចប់

អាមេរិក និងសម្ព័ន្ធមិត្តអាស៊ីដាក់ទណ្ឌកម្មថ្មីលើកូរ៉េខាងជើង ក្រោយការសាកល្បងមីស៊ីល ICBM

រុស្ស៊ីនិយាយថា អាមេរិក និងណាតូជាប់ពាក់ព័ន្ធដោយផ្ទាល់ក្នុងជម្លោះអ៊ុយក្រែន

ចិនចាប់ផ្ដើមដកវិធានការបិទខ្ទប់ក្នុងតំបន់ជាច្រើន ទោះមានករណីឆ្លង COVID-19 ខ្ពស់ ក្រោយការតវ៉ា

អ៊ុយក្រែនបង្ហាញចំនួនទាហានស្លាប់ប្រមាណ ១៣.០០០នាក់ក្នុងសង្គ្រាមជាមួយរុស្ស៊ី