នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​
សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ទស្សនាទិដ្ឋភាព នៃពិធីបើកវេទិកាអភិបាលក្រុងអាស៊ាន ក្រោមអធិបតីភាពសម្តេចតេជោ ហ៊ុន សែន

2022/12/02 04:56:45 pm        367
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២ ខែធ្នូ ឆ្នាំ២០២២នេះ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកវេទិកាអភិបាលក្រុងអាស៊ាន ដែលប្រព្រឹត្តទៅនៅសណ្ឋាគារសុខាភ្នំពេញ។ខាងក្រោមនេះ ជាទស្សនាទិដ្ឋភាព នៃពិធីបើកវេទិកាអភិបាលក្រុងអាស៊ាន៖ 

សម្តេចតេជោ ហ៊ុន សែន អញ្ជើញជាអធិបតីបើកវេទិកាអភិបាលក្រុងអាស៊ាន

2022/12/02 04:31:02 pm        321
Facebook Telegram Linkin
ភ្នំពេញ៖ នៅព្រឹកថ្ងៃទី២ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកវេទិកាអភិបាលក្រុងអាស៊ាន ដែលប្រព្រឹត្តទៅនៅសណ្ឋាគារសុខាភ្នំពេញ។សម្តេចតេជោ ហ៊ុន សែន មានប្រសាសន៍ថា កម្ពុជាក្នុងនាមជាប្រធានប្តូរវេនអាស៊ាន បានកំណត់មូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» ដែលមានគោលបំណងរួមគ្នាដោះស្រាយបញ្ហាប្រឈមរបស់ អាស៊ាន ព្រមទាំងពង្រឹងសកលភាវូបនីយកម្ម និង ជំរុញការសម្រេចបាននូវរបៀបវារៈនៃការធ្វើ សមាហរណកម្មតំបន់ ក្រោមចក្ខុវិស័យអាស៊ាន ឆ្នាំ២០២៥ ។ជាមួយស្មារតីបុរេសកម្ម, កម្ពុជាបានធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ កាលពីខែវិច្ឆិកាកន្លងទៅថ្មីៗនេះ នៅសណ្ឋាគារ រ៉េស៊ីដង់ សុខាភ្នំពេញនេះផ្ទាល់ប្រកប ដោយភាពជោគជ័យ ដ៏ត្រចះត្រចង់ ដោយមានការអនុម័ត និងកត់សម្គាល់ឯកសារលទ្ធផលចំនួន១០១។ក្នុងនោះ,ថ្នាក់ដឹកនាំអាស៊ាន បានទទួលស្គាល់វឌ្ឍនភាព នៃការអនុវត្ត ផែនការមេស្តីពីការតភ្ជាប់អាស៊ាន (MPAC) ឆ្នាំ២០២៥ និងបានកំណត់ ទិសដៅអនាគតសម្រាប់ការពង្រឹងការតភ្ជាប់អាស៊ានក្រោយឆ្នាំ២០២៥ តាមរយៈសេចក្ដីថ្លែងការណ៍របស់ប្រមុខដឹកនាំអាស៊ាន ស្តីពីរបៀបវារៈតភ្ជាប់អាស៊ានក្រោយឆ្នាំ២០២៥ ។ថ្នាក់ដឹកនាំអាស៊ាន ក៏បានស្វាគមន៍ចំពោះ របាយការណ៍នគរូបនីយកម្មអាស៊ាន ប្រកបដោយ ចីរភាព ដែលនឹងពង្រឹងចំណេះ ដឹងទៅលើនិន្នាការនគរូបនីយកម្ម ប្រកបដោយចីរភាព ទូទាំង តំបន់អាស៊ាន និង ផ្សារភ្ជាប់យុទ្ធសាស្ត្រនគរូបនីយកម្មអាស៊ាន ប្រកបដោយចីរភាព ទៅនឹងគោលដៅអភិវឌ្ឍប្រកបដោយចីរភាព និងរបៀបវារៈអភិវឌ្ឍទីក្រុងថ្មី ក្នុងន័យនេះ, សម្តេចសង្ឃឹមថា កិច្ចពិភាក្សាទី២ នារសៀលនេះ នឹងផ្តល់ឱកាសល្អៗ សម្រាប់ឱ្យភាគីពាក់ព័ន្ធទាំងអស់ពិភាក្សាលើ បញ្ហាប្រឈម និងកាលានុវត្តភាពនៃនគរូបនីយកម្ម ប្រកបដោយចីរភាពក្នុងតំបន់អាស៊ាន។បន្ថែមលើនេះ, បណ្តាញទីក្រុងឆ្លាតអាស៊ាន (ASCN) ដែលត្រូវបានបង្កើតឡើងនៅក្នុង ឆ្នាំ២០១៨ បាន និង កំពុងចូលរួមចំណែកយ៉ាងសំខាន់ ក្នុងការឈានទៅសម្រេចនូវចក្ខុវិស័យអាស៊ាន ឆ្នាំ២០២៥, ផែនការមេស្តីពីការតភ្ជាប់អាស៊ាន (MPAC)ឆ្នាំ២០២៥ និង ផែនការ ការងារលើកទី៣ ស្ដីពីគំនិតផ្តួចផ្តើម សម្រាប់សមាហរណកម្មអាស៊ាន និង ការប្តេជ្ញាសម្រេចឱ្យ បាននូវរបៀបវារៈអភិវឌ្ឍប្រកបដោយចីរភាព ឆ្នាំ២០៣០ និង របៀបវារៈអភិវឌ្ឍទីក្រុងថ្មី។សម្តេចមានប្រសាសន៍ថា ក្របខណ្ឌបណ្តាញទីក្រុងឆ្លាតអាស៊ាននេះ បានជំរុញការអនុវត្ត ផែនការសកម្មភាពទីក្រុងឆ្លាត (SCAPs) និងបានសម្រួលដល់ការអភិវឌ្ឍថ្នាលបច្ចេកវិទ្យាព័ត៌មាន និងឧបករណ៍វិនិយោគទីក្រុង ឆ្លាតអាស៊ាន តាមរយៈការផ្លាស់ប្ដូរចំណេះដឹង និងបទពិសោធន៍, ការពង្រឹងភាពជាដៃគូ និង ការ- ផ្សារភ្ជាប់គម្លាតផ្នែកធនធាន ។ក្នុងស្មារតីនេះ, ក្នុងនាមជាប្រធានអាស៊ាន នៅឆ្នាំ២០២២ នេះ សម្តេចបានវាយតម្លៃខ្ពស់ និង សូមស្វាគមន៍ ចំពោះការពង្រីកសមាជិកភាពបន្ថែមដល់ទៅ ៣ ទីក្រុង បន្ថែមទៀត នៃសមាជិកអាស៊ាននីមួយៗ ពីឆ្នាំ២០២២ ដល់ឆ្នាំ២០២៥ ៕

ឯកឧត្តមឧបនាយករដ្ឋមន្រ្តី ជា សុផារ៉ា ប្រារព្ធពិធីឈាបនកិច្ចអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩រូប នៅតំបន់X១៦

2022/12/02 03:23:23 pm        269
Facebook Telegram Linkin
ត្បូងឃ្មុំ៖ ពិធីឈាបនកិច្ចអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង ៤៩ រូប ក្រោមអធិបតីភាពឯកឧត្តមឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងដែនដីនគរូបនីយកម្មនិងសំណង់ និងជាអនុប្រធានគណៈកម្មការអន្តរក្រសួង តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន។ពិធីនេះ ធ្វើឡើងនៅតំបន់ប្រវត្តិសាស្រ្តយោធាតេជោកោះថ្មX១៦ ក្នុងឃុំទន្លូង ស្រុកមេមត់ ខេត្តត្បូងឃ្មុំ នៅព្រឹកថ្ងៃទី ២ ខែធ្នូ ឆ្នាំ ២០២២។

សម្តេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (០២ ធ្នូ ១៩៧៨-០២ ធ្នូ ២០២២)

2022/12/02 02:21:29 pm        485
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានផ្ញើសារអបអរសាទេសខួបអនុស្សាវរីយ៍លើកទី៤៤ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (០២ ធ្នូ ១៩៧៨-០២ ធ្នូ ២០២២)រណសិរ្សសាមគ្គីសង្រ្គោះជាតិកម្ពុជា ត្រូវបានកើតឡើងដោយកម្លាំងមហាសាមគ្គីប្រជាជនទាំងមូល ទាំងក្នុង និងក្រៅប្រទេស ដែលមានសម្តេចអគ្គមហាពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម សម្តេចអគ្គមហាសេនាបតីតេជោ ហ៊ុន សែន និងវីរជនស្នេហាជាតិជាច្រើនរូបទៀត ក្នុងការរៀបចំកម្លាំងផ្ដួលរំលំរបបប្រល័យពូជសាសន៍ ប៉ុល ពត និងទទួលបានជ័យជម្នះលើរបបនេះ នៅថ្ងៃទី៧ មករា ឆ្នាំ ១៩៧៩។«រណសិរ្សសាមគ្គីសង្គ្រោះជាតិកម្ពុជា» បច្ចុប្បន្នត្រូវបានដូរឈ្មោះជា «រណសិរ្សសាមគ្គី អភិវឌ្ឍន៍មាតុភូមិកម្ពុជា» ដែលជាអង្គការចាត់តាំងមហាជនមួយឈានមុខ របស់គណបក្សប្រជាជនកម្ពុជា បានបដិសន្ធិឡើងនៅក្នុងតំបន់រំដោះ នាភូមិជើងឃ្លូ ឃុំ២ធ្នូ ស្រុកស្នួល ខេត្ដក្រចេះ។ឆ្លើយតបទៅនឹងការអំពាវនាវរបស់រណសិរ្ស ប្រជាជនគ្រប់ទិសទីបានក្រោកឈររួបរួមគ្នា ជាកម្លាំងមហាសាមគ្គីជាតិ ដោយបានទទួលការជួយឧបត្ថម្ភយ៉ាងធំធេង ពីកងទ័ពស្ម័គ្រចិត្ដវៀតណាម និងការគាំទ្រពីមិត្ដភក្ដិជិតឆ្ងាយលើសកលលោក ដើម្បីផ្ដួលរំលំរបបកម្ពុជាប្រជាធិបតេយ្យ រហូតដល់ទទួលបានជ័យជម្នះដ៏ត្រចះត្រចង់នាថ្ងៃ៧ មករា ឆ្នាំ១៩៧៩។មហាជ័យជម្នះ ៧ មករា ១៩៧៩ បានបពា្ចប់នូវសម័យកាលដ៏ខ្មៅងងឹតបំផុត ដែលពុំធ្លាប់មាននៅក្នុងប្រវត្ដិសាស្ដ្រកម្ពុជា បានបើកឡើងនូវសករាជថ្មី ប្រជាជនកម្ពុជាយើងក៏បានទទួលមកវិញនូវសិទ្ធិសេរីភាព និងឱកាសដើម្បីស្ដារកសាងមាតុភូមិរបស់ខ្លួនឡើងវិញ។ ប្រជាជនគ្រប់រូបសុទ្ធតែយល់ច្បាស់ថា បើគ្មានថ្ងៃកំណើតរណសិរ្ស ២ធ្នូ និងជ័យជំនះ ៧ មករា ទេនោះ ក៏គ្មានអ្វីៗដូចថ្ងៃនេះដែរ «នេះគឺជាសច្ចធម៌ នៃប្រវត្ដិសាស្ដ្រ»៕

ព្រឹកស្អែក សម្តេចតេជោ ហ៊ុន សែន នឹងអញ្ជើញជាអធិបតីក្នុងពិធីបើកវេទិកាអភិបាលក្រុងអាស៊ាន

2022/12/02 01:58:54 am        560
Facebook Telegram Linkin
ភ្នំពេញ៖ នៅព្រឹកថ្ងៃទី២ ខែធ្នូ ឆ្នាំ២០២២ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកវេទិកាអភិបាលក្រុងអាស៊ាន ដែលប្រព្រឹត្តទៅនៅសណ្ឋាគារសុខាភ្នំពេញ។សូមជម្រាបថា រាជធានីភ្នំពេញត្រូវធ្វើជាម្ចាស់ផ្ទះនៃកិច្ចប្រជុំ អភិបាលរាជធានី និង រដ្ឋធានីអាស៊ាន (MGMAC 2022) និង វេទិកា អភិបាលក្រុងអាស៊ាន ឆ្នាំ ២០២២ (ASEAN Mayors Forum 2022) ក្នុងរយៈពេល២ថ្ងៃ នោះគឺថ្ងៃសុក្រ និង សៅរ៍ថ្ងៃទី២ និង៣ខែធ្នូ ឆ្នាំ ២០២២ ។ កិច្ចប្រជុំ និងវេទិកានេះ នឹងមានតំណាងទីក្រុង និង ខេត្តចូលរួមប្រមាណ៨០ ទីក្រុងក្នុង តំបន់អាស៊ាន និង ក្រៅអាស៊ាន មានជាង៣០ ទីក្រុងធំៗចូលរួមផងដែរ ៕

សម្តេចតេជោ ហ៊ុន សែន៖ ថវិកាបានមកពីព្រះរាជអំណោយព្រះមហាក្សត្រ និងហ្លួងម៉ែ និងសប្បុរសជននានាជួយក្នុងការបោសសម្អាតគ្រាប់មីន បានចំណាយអស់ហើយ

2022/12/02 01:21:36 am        528
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា ថវិកាដែលបានមកពីព្រះរាជអំណោយព្រះមហាក្សត្រ និងហ្លួងម៉ែ និងសប្បុរសជននានាជួយក្នុងការបោសសម្អាតគ្រាប់មីន មកដល់ថ្ងៃទី១ ខែធ្នូ ឆ្នាំ២០២២នេះ បានចំណាយអស់ហើយក្នុង​ចំនួនទឹកប្រាក់​ជាង ១៨លានដុល្លារអាមេរិក ខណៈសម្តេច បានបញ្ចេញថវិកាសន្សំរបស់រាជរដ្ឋាភិបាលចំនួន ៣០​លានដុល្លារ​ទៀតទៅ​ជាមូលនិធិបំផ្លាញចោលគ្រាប់មីននិងគ្រាប់មិនទាន់ផ្ទុះ ដើម្បីធ្វើយ៉ាងណាបោសសម្អាតគ្រាប់មីនឲ្យអស់ពីកម្ពុជាក្នុងឆ្នាំ២០២៥​ខាងមុខ​នេះ។ ​យោងតាមទំព័រ Facebook ផ្លូវការសម្តេចនៅរាត្រីថ្ងៃទី០១ ខែធ្នូនេះ មានខ្លឹមសារថា “ដើម្បីធានាឆ្នាំ២០២៥កម្ពុជា និងអស់គ្រាប់មីនខ្ញុំបានពិភាក្សាជាមួយឯកឧត្តម អូន ព័ន្ធមុនីរ័ត្ឋ បញ្ចេញថវិកាសន្សំរបស់រាជរដ្ឋាភិបាល​ចំនួន ៣០លានដុល្លារភ្លាម​ដាក់ទៅជាមូលនិធិ​បំផ្លាញចោលគ្រាប់មីន និងគ្រាប់មិនទាន់ផ្ទុះគ្រប់គ្រងដោយក្រសួងសេដ្ឋកិច្ចនិងហិរញ្ញវត្ថុ”។សម្តេចតេជោបន្តថា ថវិកានេះរួមជាមួយថវិកាពីដៃគូរអភិវឌ្ឍន៍អាចបន្តប្រើប្រាស់បានក្នុងឆ្នាំ២០២៣ ​ក្នុងករណីខ្វះ និង​សម្រាប់ឆ្នាំ២០២៤ និង២០២៥ ​អាជ្ញាធរមីនត្រូវធ្វើការជាមួយក្រសួងសេដ្ឋកិច្ចនិងហិរញ្ញវត្ថុ ដើម្បីរៀបចំថវិកាប្រចាំឆ្នាំ។ ដើម្បីឲ្យឆ្នាំ២០២៥កម្ពុជាគ្មានមីនការផ្តល់ដីដោយ​សុវត្តិភាព​និង​ដោយ​ស្នាមញញឹម​​ខ្ញុំសូមអំពាវនាវសប្បុរសជនមេត្តា​បន្តចូលរួម​ឧបត្ថម្ភ​ទៅតាមលទ្ធភាព។សូមឲ្យឆ្នាំ២០២៥ក្លាយជាឆ្នាំគ្មានមនុស្សស្លាប់ របួសនិងជាឆ្នាំប្រកបដោយស្នាមញញឹម​បន្ទាប់ពី​រងគ្រោះដោយ​គ្រាប់មីនរយ:ពេល៥៥ឆ្នាំ(១៩៧០.២០២៥)”៕

​បំផ្ទុះ​គ្រាប់បែក​វាយប្រហារ​នគរបាល​ប៉ា​គី​ស្ថាន​ការពារ​ក្រុម​ចាក់​វ៉ាក់សាំង​បណ្តាល​ឲ្យ​មនុស្ស ​៤​នាក់​ស្លាប់​

2022/12/01 09:28:32 pm        534
Facebook Telegram Linkin
​ប៉ា​គី​ស្ថាន​៖ នគរបាល​ប៉ា​គី​ស្ថាន​បាន​និយាយ​ថា អ្នក​បំផ្ទុះ​គ្រាប់បែក​អត្តឃាត​របស់​ក្រុម​តា​លី​បង់​ប៉ា​គី​ស្ថាន​ម្នាក់ ​បានវាយប្រហារ​ក្រុមនគរបាល​ការពារ​ក្រុម​ចាក់​វ៉ាក់សាំង​បង្ការ​ជំងឺ​គ្រុន​ស្វិតដៃជើង​ នៅ​ភាគ​និរតី​ប្រទេស​ប៉ា​គី​ស្ថាន​កាលពី​ថ្ងៃ​ពុធ​បណ្តាល​ឲ្យ​មនុស្ស ​៤​នាក់​ស្លាប់ និង​ជាង ​៣០​នាក់​រងរបួស រយៈពេល​ត្រឹមតែ​ពីរ​ថ្ងៃ​បន្ទាប់ពី​ក្រុម​សកម្មប្រយុទ្ធ​បានបញ្ចប់​បទ​ឈប់​បាញ់​។ ​ក្រុម Tehreek-e-Taliban Pakistan (TTP) បាន​អះអាង​ទទួលខុសត្រូវ​ចំពោះ​ការវាយប្រហារ​នៅ​ជិត​ក្រុង Quetta ខេត្ត Balochistan នៅក្នុង​សេចក្តីថ្លែងការណ៍​មួយ​ដែល​ទទួលបាន​ដោយសារ​ព័ត៌មាន Reuters។​ ​មន្ត្រីនគរបាល​ម្នាក់​បាន​និយាយថា ជនរងគ្រោះ​ដោយ​ការ​បំផ្ទុះ​គ្រាប់បែក​អត្តឃាត​រួមមាន​នគរបាល​ម្នាក់ ម្នាក់​ស្ត្រី និង​កុមារ​ម្នាក់ ហើយ​អ្នករបួស​មួយចំនួន​ស្ថិតក្នុង​ស្ថានភាព​ធ្ងន់ធ្ងរ​។​ ​មន្ត្រីនិយាយថា អ្នករងរបួស​ម្នាក់​បាន​ស្លាប់​នៅ​មន្ទីរពេទ្យ ហើយ​មន្ត្រីនគរបាល ១៥នាក់​ស្ថិត​ក្នុងចំណោម​អ្នករបួស​។​ក្រុម​សកម្មប្រយុទ្ធ​អ៊ីស្លាម​និយម​នៅក្នុង​ប្រទេស​ប៉ា​គី​ស្ថាន ជា​ញឹកញាប់​បានកំណត់​គោលដៅ​លើ​ក្រុម​ចាក់​វ៉ាក់សាំង​បង្ការ​ជំងឺ​ស្វិតដៃជើង ដោយបាន​ផ្សព្វ​ផ្សាយពាក្យ​ចចាមអារ៉ាម​ថា កិច្ចខិតខំ​ប្រឹងប្រែង​ចាក់​វ៉ាក់សាំង​បង្ការគឺជា​ឧបករណ៍​របស់​ប្រទេស​លោកខាងលិច ដើម្បី​ស៊ើបការណ៍​លើ​ពួកគេ និង​ធ្វើឱ្យ​ប្រជាជន​មូស្លីម​មិនអាច​មានកូន​បាន៕អត្ថបទ៖ ប៊ុនថន

ពលរដ្ឋ​ក្រុង​ប៉េកាំង​គាំទ្រ​ក្រុម​បាតុករ​ ទាមទារ​វិធាន​ការ​ខុសៗ​គ្នា​ ខណៈ​ក្រុង​ក្វាង​ចូ​វ​បន្ធូរបន្ថយ​ការ​ទប់ស្កាត់ COVID-19

2022/12/01 07:46:13 pm        367
Facebook Telegram Linkin
​ចិន៖ ប្រជាជន​ទីក្រុង​ប៉េកាំង​កាលពី​ថ្ងៃ​ពុធ​បានបង្ហាញ​ការគាំទ្រ និង​ការយល់ដឹង​ចំពោះ​ការតវ៉ា​ប្រឆាំង​វិធានការ​រឹតត្បិត​តាម​អំពើ​ចិត្ត​ ដែល​បាន​ធ្វើឡើង​ប៉ុន្មាន​ថ្ងៃ​កន្លងទៅនេះនៅ​ទីក្រុង​ជាច្រើន​ក្នុងប្រទេស​ចិន​។ ពលរដ្ឋ​ម្នាក់​បាន​និយាយថា ដោយ​មើលឃើញ​ពួកគេ​កំពុង​ប្រយុទ្ធ ​ដើម្បី​សេរីភាព​គឺជា​ការ​បំផុសគំនិត​យ៉ាងខ្លាំង ខណៈ​ប្រជាជន​ផ្សេងទៀត​បាន​និយាយថា​ វិធាន​ការបិទ​ខ្ទប់​មួយចំនួន​គឺ​មិនចាំបាច់​នោះទេ ហើយ​មិនចាំបាច់​ដាក់ឱ្យ​ធ្វើ​ច​ត្តា​ឡី​ស័ក​ក្នុង​សង្កាត់​ជិតខាង​ទាំងមូល​នោះទេ​។ ការតវ៉ា​នៅ​ប្រទេស​ចិនដីគោក​ត្រូវបាន​បង្កឡើង​ដោយសារ​មាន​អគ្គិភ័យ​នៅក្នុង​តំបន់ Xinjiang របស់​ប្រទេស​ចិនកាលពីសប្តាហ៍​មុនបណ្តាល​ឲ្យ​មនុស្ស 10នាក់​ស្លាប់​ដែល​បាន​ជាប់​នៅក្នុង​លំនៅឋាន​របស់​ពួកគេ​។ គោលការណ៍ដ៏​តឹងរ៉ឹង​មានបំណង​លុបបំបាត់​វីរុស COVID-19 ដោយ​វិធាន​ការបិទ​ខ្ទប់ និង​ការដាក់​ឱ្យធ្វើ​ច​ត្តា​ឡី​ស័ក​បាន​ក្លាយទៅជា​ការខកចិត្ត​ភ្លាមៗ​។ គោលការណ៍​នេះ​បាន​ទប់ស្កាត់​ចំនួន​អ្នកស្លាប់​របស់​ប្រទេស​ចិន ​ឲ្យ​នៅ​ទាប​ច្រើនជាង​ប្រទេស​ដទៃទៀត ប៉ុន្តែ​វា​បានកើត​ឡើង​ដោយ​ការចំណាយ​ពេល​នៃ​ការ​បង្ខាំង​ ឲ្យ​នៅក្នុង​លំនៅឋាន​សម្រាប់​មនុស្ស​ច្រើន​លាន​នាក់ និង​ធ្វើ​ឲ្យ​ប៉ះពាល់​ដល់​សេដ្ឋកិច្ច​នៃ​ប្រទេស​ធំ​បំផុត​ទី​២ ​របស់​ពិភពលោក​។​ជាមួយគ្នានេះ អាជ្ញាធរ​នៅ​ទីក្រុង​ក្វាង​ចូ​វ (Guangzhou) ប្រទេស​ចិន​បាន​បន្ធូរបន្ថយ​វិធានការ​រឹតត្បិត​ជំងឺ COVID-19 មួយថ្ងៃ​បន្ទាប់ពី​ក្រុមបាតុករ​នៅក្នុង​ទីក្រុង​ភាគខាងត្បូង​បាន​ប៉ះទង្គិច​ជាមួយ​នគរបាល ​ក្នុងពេល​មានការ​តវ៉ា​ប្រឆាំង​វិធានការ​តឹងរ៉ឹង​របស់​ទីក្រុង​ប៉េកាំង​ដើម្បី​គ្រប់គ្រង​វីរុស​ឆ្លង​។​ ​​ចិន​បានដាក់​វិធាន​ការបិទ​ខ្ទប់​យ៉ាង​ទូលំទូលាយ និង​ការ​រឹតត្បិត​ការធ្វើដំណើរ ហើយ​បានធ្វើតេស្ត​ទ្រង់ទ្រាយ​ធំ ជា​ផ្នែក​មួយ​នៃ​គោលនយោបាយគ្មាន​វីរុស​កូ​វីដ​-១៩ «Zero-COVID-19» របស់ខ្លួន​ដែល​កំពុង​ធ្វើ​ឲ្យ​មាន​កំហឹង​កើនឡើង​។ វិធានការ​រឹតត្បិត​លើ​វីរុស Covid-19 ត្រូវបាន​បន្ធូរបន្ថយ​ដោយ​ផ្នែក​ភាគច្រើន​លើ​ពិភពលោក​៕អត្ថបទ៖ ប៊ុនថន

ចិន​ឈាន​ដល់​ដំណាក់កាល​ និង​បេសកកម្ម​ថ្មី​ក្នុង​ការ​គ្រប់គ្រង​ការ​ឆ្លង​វីរុស ​COVID-19 ក្រោយ​ការ​តវ៉ា​

2022/12/01 07:10:08 pm        397
Facebook Telegram Linkin
​ចិន៖ សារព័ត៌មាន Xinhua បាន​រាយការណ៍​ថា មន្ត្រី​ជាន់ខ្ពស់​រដ្ឋាភិបាល​ចិន​ទទួលបន្ទុក​ការ​ឆ្លើយ​តប​វីរុស COVID-19 បាន​ប្រាប់​ក្រុម​មន្ត្រី​សុខាភិបាល​កាលពី​ថ្ងៃ​ពុធ​ថា ប្រទេស​នេះ​ប្រឈម​ដំណាក់​កាល និង​បេសកកម្ម​ថ្មី​ក្នុង​ការ​គ្រប់គ្រង​វីរុស​រាតត្បាត​សកល ដោយ​ចង្អុល​បង្ហាញ​ពី​ការ​កែ​សម្រួល​ចំពោះ​យុទ្ធសាស្ត្រ​គ្មាន​ការ​ឆ្លង​រាលដាល​វីរុស​ឬ “zero-Covid” របស់​ទីក្រុង​ប៉េកាំង​ ដែល​បាន​បង្ក​ឲ្យ​មាន​ការ​តវ៉ា​ជាច្រើន​ថ្ងៃ​នៅ​ទូទាំង​ប្រទេស​។ ​យោង​តាម​សារព័ត៌មាន Xinhua លោកស្រី​ឧបនាយករដ្ឋមន្ត្រី​ចិន Sun Chunlan បាន​និយាយ​កាលពី​ថ្ងៃ​ពុធ​ថា ស្រប​ពេល​ដែល​មាន​ករ​ណី​ឆ្លង​វីរុស​ប​ម្លែ​ង​ខ្លួន​ថ្មី Omicron កើន​ឡើង អត្រា​អ្នក​ចាក់​វ៉ាក់​សាំង​កំពុង​កើន​ឡើង ហើយ​បទពិសោធន៍​នៃ​ការគ្រប់គ្រង​ការ​ផ្ទុះ​រាលដាល និង​ការទប់ស្កាត់​ក៏​កើន​ឡើង​ដែរ ចំណាត់ការ​ទប់ស្កាត់​ការ​ឆ្លង​រាលដាល​វីរុស​រាតត្បាត​សកល​របស់​ចិន ប្រឈម​នឹង​ដំណាក់​កាល​ និង​បេសកកម្ម​ថ្មី​។ ​សារព័ត៌មាន Xinhua បាន​រាយការណ៍​ថា សុន្ទរកថា​របស់​លោក​ស្រី​ពុំបាន​និយាយ​ពី​វិធានការ​គ្មាន​ការ​ឆ្លង​រាលដាល​វីរុស ​COVID-19 ទេ ខណៈ​មួយថ្ងៃ​បន្ទាប់ពី​គណៈកម្មការ​សុខាភិបាល​ចិន​បាន​និយាយ​ថា ការ​កែតម្រូវ​វិធានការ​ទប់ស្កាត់​ការ​ឆ្លង​រាលដាល​វីរុស​នា​ពេល​បច្ចុប្បន្នកំពុង​ត្រូវ​បាន​អនុវត្តន៍ ហើយ​រដ្ឋាភិបាល​ក្នុង​តំបន់គួរតែ​ឆ្លើយតប និង​ដោះស្រាយ​ការ​ទាមទារ​នានា​ឲ្យ​បាន​សម​ហេតុផលតាម​លំដាប់លំដោយ​។ ​វិធាន​ការបិទ​ខ្ទប់​នៅក្នុង​ស្រុក​ចំនួន​៤ គឺ​ស្រុក Liwan, Baiyun, Tianhe និង​ស្រុក Haizhu ត្រូវបាន​ដក​ចេញ​ ខណៈ​វិធាន​ការ​បិទ​ខ្ទប់​មួយ​ចំនួន​នៅតែ​បន្ត​អនុវត្តន៍​ក្នុង​តំបន់​ជាច្រើន ​ដែល​ចាត់​ទុក​ជា​តំបន់​មាន​ហានិភ័យ​ខ្ពស់​៕អត្ថបទ៖ សុខមាន

មានការ​វាយ​ប្រយុទ្ធ​គ្នា​ដ៏​ខ្លាំងក្លា​បំផុត​នៅ​ភាគ​ខាងកើត ខណៈ​ណា​តូព្យាយាម​ស្វែងរក​ការគាំទ្រ​ប្រឆាំង​រុស្ស៊ី​

2022/12/01 06:44:51 pm        510
Facebook Telegram Linkin
​អ៊ុយក្រែន៖ កងកម្លាំង​អ៊ុយ​ក្រែ​ន​បាន​បាញ់​ប្រព័ន្ធ​រ៉ូ​កែ​ត​ពហុ​ជំនាញ Bureviy ទៅលើ​គោលដៅ​មួយ​ក្នុង​តំបន់ Donetsk​។ ​រដ្ឋមន្ត្រីការបរទេស​អ៊ុយ​ក្រែ​នលោក Dmytro Kuleba បាន​និយាយ​កាលពី​ថ្ងៃ​ពុធ​ថា ប្រទេស​របស់​លោកត្រូវការ​ប្រព័ន្ធ​ការពារ​មី​ស៊ី​ល Patriot ផលិត​ដោយ​សហរដ្ឋអាមេរិក ដើម្បី​ការពារ​ហេដ្ឋារចនាសម្ព័ន្ធ​ស៊ីវិល​របស់​ខ្លួន ដែល​រង​ការវាយប្រហារ​ដ៏​ខ្លាំងក្លាដោយ​រុស្ស៊ី​នៅ​ដើម​រដូវរងា​នេះ​។ ​មេបញ្ជាការ​កងទ័ព​អ៊ុយ​ក្រែ​នបាន​និយាយ​ក្នុង​សេចក្ដីថ្លែងការណ៍​កាលពី​យប់​ថ្ងៃ​ពុធ​ថា នៅក្នុង​តំបន់ Donetsk ភាគ​ខាងកើត​អ៊ុយ​ក្រែ​ន ដែលជា​ទីតាំង​នៃ​សមរភូមិ​ប្រយុទ្ធ​ក៏​ក្ដៅ​បំផុត កងកម្លាំង​រុស្ស៊ីបាន​ព្យាយាម​រុលទៅមុខ​បន្ថែមទៀត និង​បាន​បាញ់ស្រោច​លើ​ទីប្រជុំជន​មួយចំនួនរួមទាំង​ទីក្រុង Bakhmut និង​ក្បែរ​ទីក្រុង Soledar និង Opytne​។ ​នៅឯ​ជំនួប​ថ្នាក់​រដ្ឋមន្ត្រីការបរទេស​របស់​សម្ព័ន្ធ​យោធា​ណា​តូ​កាលពី​ថ្ងៃ​ពុធ​វិញ អគ្គលេខាធិការ​អង្គការ​ណា​តូលោក​ Jens Stoltenberg និង​ក្រុម​រដ្ឋមន្ត្រីបាន​និយាយថា សម្ព័ន្ធមិត្ត​បាន​ប្ដេជ្ញា​ជួយ​ប្រទេស​ម៉ុ​ល​ដូ​វ៉ា ហ្ស៊​ក​ហ្ស៊ី និង​បូ​ស្នី-​ហ៊ើ​ហ្សិ​ន​ហ្គូ​វី​ណា​ (Bosnia-Herzegovina) ខណៈ​ពួកគេ​ប្រឈម​សម្ពាធ​ពី​រុស្ស៊ី។​ចំណែកអ្នកនាំពាក្យ​ក្រសួងការបរទេស​រុស្ស៊ីលោកស្រី Maria Zakharova បាន​និយាយថា លទ្ធផល​បង្ហាញ​ថា សម្ព័ន្ធ​ណា​តូពិតជា​មិន​ចាប់អារម្មណ៍លើ​សេចក្ដីសម្រេច​ខាង​នយោបាយ និង​ការទូត​ក្នុង​ប្រទេស​អ៊ុយ​ក្រែ​ន​ឡើយ​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល «ការព្យាបាល និងស្ដារនីតិសម្បទាអ្នកញៀនគ្រឿងញៀន មិនមែនគ្រាន់តែជាការចូលរួមប្រយុទ្ធប្រឆាំងគ្រឿងញៀនប៉ុណ្ណោះទេ ប៉ុន្តែជាការចូលរួមអភិវឌ្ឍមូលធនមនុស្ស»
08/01/2026 12:08 PM
Facebook Telegram Linkin
ជំនាញបច្ចេកទេសចំនួន៦ នៅវិទ្យាស្ថាន ITI ត្រូវនឹងទីផ្សារការងារទាំងពេលបច្ចុប្បន្ននិងអនាគត
08/01/2026 12:08 PM
Facebook Telegram Linkin
ការវាយប្រហាររបស់អ៊ីស្រាអែល បណ្តាលឱ្យមានការបំផ្លាញយ៉ាងខ្លាំងនៅទូទាំងតំបន់ហ្កាហ្សា
08/01/2026 12:08 PM
Facebook Telegram Linkin
ក្រុមការងារចុះមូលដ្ឋានខណ្ឌ៧មករា បាននាំយកទៀនព្រះវស្សាប្រគេនព្រះសង្ឈគង់ចាំវស្សានៅវត្តទាំង០៣ នៃមូលដ្ឋានខណ្ឌ៧មករា
08/01/2026 11:08 AM
Facebook Telegram Linkin
លោកTrump៖ សហរដ្ឋអាមេរិក ពុំបានព្រមព្រៀងឱ្យអ៊ុយក្រែនផលិតមីស៊ីលប៉ាទ្រីយ៉ូតទេ
08/01/2026 11:08 AM
Facebook Telegram Linkin
ប្រជាជនហៃទីចុះឈ្មោះបោះឆ្នោតប្រធានាធិបតីលើកដំបូងរបស់ប្រទេសក្នុងពេល១ទសវត្សរ៍កន្លងទៅនេះ
08/01/2026 11:08 AM
Facebook Telegram Linkin
មនុស្សរាប់ពាន់នាក់ប្រមូលផ្តុំគ្នានៅទីក្រុងគីវ ដោយអំពាវនាវឱ្យរដ្ឋមន្ត្រីការពារជាតិត្រឡប់ទៅដឹកនាំវិញ
08/01/2026 11:08 AM
Facebook Telegram Linkin
នាយករដ្ឋមន្ត្រីលីបង់ ចាត់ទុកការវាយប្រហារចុងក្រោយរបស់អ៊ីស្រាអែលថា ជាការរំលោភយ៉ាងជាក់ស្តែងលើអធិបតេយ្យភាព
08/01/2026 10:08 AM
Facebook Telegram Linkin
អ៊ីរ៉ង់ ព្រមានថាការបិទផ្លូវទឹករបស់សហរដ្ឋអាមេរិក ប្រឈមនឹងការរំខានដល់ថាមពលសកល
08/01/2026 10:08 AM
Facebook Telegram Linkin
អ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា
08/01/2026 10:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.