នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​
សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

សម្ដេចតេជោ ហ៊ុន​ សែន ជំរុញមន្ត្រីពន្លឿនការធ្វើអត្តសញ្ញាណប័ណ្ណដល់ពលរដ្ឋ អាចឲ្យពលរដ្ឋចុះឈ្មោះបោះឆ្នោតទាន់ពេលវេលា

2022/10/20 05:20:31 pm        664
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជំរុញទៅមន្ត្រីអត្រានុកូលដ្ឋាន ត្រូវពន្លឿនការធ្វើអត្តសញ្ញាណប័ណ្ណដល់ប្រជាពលរដ្ឋ ដើម្បីឲ្យពលរដ្ឋដែល គ្រប់អាយុឈ្មោះបោះឆ្នោតបាន និងអាចចុះឈ្មោះបោះឆ្នោតបានទាន់ពេលវេលា ។ ក្នុងឱកាសអញ្ជើញចុះឈ្មោះបោះឆ្នោតថ្មី និងប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅសង្កាត់តាខ្មៅ ក្រុងតាខ្មៅ ខេត្តកណ្តាល នាថ្ងៃទី២០ ខែតុលា ឆ្នាំ២០២២ សម្ដេចតេជោនាយករដ្ឋមន្ត្រី មានប្រសាសន៍ថា ការធ្វើអត្តសញ្ញាណប័ណ្ណ មិនមែនជាបញ្ហារបស់គណៈកម្មាធិការជាតិរៀបចំការបោះឆ្នោតនោះទេ (គ.ជ.ប) ប៉ុន្តែជាការងាររបស់មន្ត្រីអត្រានុកូលដ្ឋាន ។ សម្ដេចតេជោ បានបន្តថា ដូចនេះ មន្ត្រីអត្រានុកូលដ្ឋាន ត្រូវពន្លឿនការធ្វើអត្តសញ្ញាណប័ណ្ណ ឬឯកសារពាក់ព័ន្ធនឹងការបោះឆ្នោត ឲ្យបានឆាប់រហ័ស ដើម្បីឲ្យពលរដ្ឋអាចចុះឈ្មោះបោះឆ្នោត ឬការផ្ទេរទីតាំងបោះឆ្នោតជាដើម ឲ្យបានទាន់ពេលតាមការកំណត់របស់ គ.ជ.ប ។ គណៈកម្មាធិការជាតិរៀបចំការបោះឆ្នោត បានប្រកាសថា ការពិនិត្យឈ្មោះ និងការចុះឈ្មោះបោះឆ្នោតឆ្នាំ២០២២ ចាប់ពីថ្ងៃទី២០ ខែតុលា រហូតដល់ថ្ងៃទី៨ ខែធ្នូ ឆ្នាំ២០២២ មានរយៈពេលចំនួន ៥០ថ្ងៃ ។ គិតត្រឹមឆ្នាំ២០២២ ប្រជាពលរដ្ឋខ្មែរ មានឈ្មោះក្នុងបញ្ជីបោះឆ្នោតមានចំនួន ជាង ៩លាន ២សែននាក់ ៕ (អត្ថបទ៖ បាន សុខរិទ្ធិ)

សម្តេចតេជោ​ ហ៊ុន សែន ប្រកាសគាំទ្រសាលក្រមតុលាការដែលដាក់អតិបរមាដល់បុគ្គលឈ្មោះ សម រង្ស៊ី(ជាប់គុកមួយជីវិត)

2022/10/20 04:47:58 pm        610
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានប្រកាសគាំទ្រសាលក្រមតុលាការ ដែលកាត់ទោសឱ្យជនម្នាក់ ឈ្មោះ សម រង្ស៊ី ជាប់ពន្ធនាគារអស់មួយជីវិត ក្នុងសំណុំរឿងចុះកិច្ចព្រមព្រៀងរវាង សម រង្ស៊ី និងកុក សរ កាត់ដីកម្ពុជាចំនួន ៤ខេត្តឱ្យជនជាតិភាគតិចម៉ុងតាញ៉ា(វៀតណាម)។ថ្លែងប្រាប់ក្រុមអ្នកសារព័ត៌មានក្រោយពេលសម្តេច អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី នៅព្រឹកថ្ងៃទី២០ ខែតុលា ឆ្នាំ២០២២នេះ នៅក្រុងតាខ្មៅខេត្តកណ្តាល សម្តេចបានប្រកាសប្រឆាំងដាច់ណាត់នឹងនយោបាយអមិត្តជាមួយបុគ្គល សម រង្ស៊ី ដែលធ្វើនយោបាយបំផ្លាញជាតិ និងផលប្រយោជន៍ប្រជាពលរដ្ឋកម្ពុជា។សម្តេចតេជោ ហ៊ុន សែន បានប្រកាសដល់គ្រប់បក្សនយោបាយទាំងអស់ សូមកុំភ្ជាប់ខ្លួនជាមួយបុគ្គលទណ្ឌិតសម រង្ស៊ី បើមិនចង់មានបញ្ហាប្រឈមដល់ខ្លួនឯង នៃវិធានការតាមផ្លូវច្បាប់។ សម្តេចតេជោ ហ៊ុន សែន ប្រកាសថា ទណ្ឌិតសម រង្ស៊ី គ្មានផ្លូវដើរនៅកម្ពុជាទៀតទេ ហើយអ្នកដែលងើបប្រឆាំងជាមួយរាជរដ្ឋាភិបាល ឬអាជ្ញាធរសាធារណៈ ដោយគាំទ្របុគ្គលជាទណ្ឌិតរូបនោះ ក៏នឹងមានវិធានការដូចគ្នា«ងើបមួយ វាយមួយ, ងើបពីរ វាយពីរ»។សម្តេចតេជោ ហ៊ុន សែនបញ្ជាក់ថា «ក្នុងប្រវត្តិសាស្ត្រជាង ៥០០ឆ្នាំរបស់កម្ពុជា មានតែជនក្បត់ជាតិ ៣ជំនាន់ ឈ្មោះទណ្ឌិត សម រង្ស៊ី ប៉ុណ្ណោះ ដែលខូច និងពុតត្បុតជាងគេ»។សូមបញ្ជាក់ថា តុលាការរាជធានីភ្នំពេញ កាលពីថ្ងៃទី១៩ តុលានេះ បានប្រកាសសាលក្រមផ្តន្ទាទោសកំបាំងមុខទណ្ឌិត សម រង្ស៉ី មេក្រុមឧទ្ទាមក្រៅច្បាប់ និងជាពូជក្បត់ជាតិ ៣ជំនាន់ជាប់ពន្ធនាគារ អស់មួយជីវិត និងហាមឃាត់មិនឱ្យធ្វើនយោបាយអស់មួយជីវិតផងដែរ ក្នុងសំណុំរឿងចុះហត្ថលេខាលើកិច្ចព្រមព្រៀងមួយជាមួយឈ្មោះ កុក សរ ប្រធានមូលនិធិជនជាតិដើមភាគតិចម៉ុងតាញ៉ា។សម្តេចតេជោ ហ៊ុន សែន ប្រកាសដាច់ណាត់ថា គ្មានផ្លូវចុះហត្ថលេខាដើម្បីស្នើទៅព្រះមហាក្សឲ្យលើកលែទោសដល់ទណ្ឌិតក្រៅច្បាប់នេះម្តងទៀតនោះឡើយ ផ្ទុយទៅវិញសម្តេចមានតែបំផុសចលនាដើម្បីនឹងកំចាត់ចោលនូវមនោគម វិជ្ជាជ្រុលនិយមរបស់ជនក្បតិជាតិបីជំនាន់នេះថែមទៀត៕

សម្តេចតេជោ ហ៊ុន សែន អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី

2022/10/20 04:29:43 pm        659
Facebook Telegram Linkin
 ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២០ ខែតុលា ឆ្នាំ២០២២នេះ បានអញ្ជើញប្តូរព័ត៌មានថ្ងៃខែឆ្នាំកំណើតក្នុងបញ្ជីឈ្មោះបោះឆ្នោត ដោយប្តូរពីថ្ងៃទី០៤ ខែមេសា ឆ្នាំ១៩៥១ ទៅថ្ងៃទី០៥ ខែសីហា ឆ្នាំ១៩៥២ វិញ។គួររំលឹកថា កន្លងទៅនេះ សម្តេចតេជោ ហ៊ុន សែន បានយកថ្ងៃទី០៤ ខែមេសា ឆ្នាំ១៩៥១ ប្រើប្រាស់ជាថ្ងៃខែឆ្នាំកំណើតក្នុងឯកសារផ្សេងៗចាប់តាំងពីក្រោយថ្ងៃរំដោះប្រទេសចេញពីរបបប្រល័យពូជសាសន៍ ប៉ុល ពត។ ថ្ងៃទី៤ ខែមេសា ជាថ្ងៃដែលសម្តេចចូលព្រៃតស៊ូវាយផ្តួលរបបសាធារណរដ្ឋខ្មែរ តាមការអំពាវនាវរបស់សម្តេច នរោត្តម សីហនុ។ ទើបតែឆ្នាំ២០២២នេះ សម្តេចតេជោ ហ៊ុន សែន បានស្នើទៅតុលាការ ដើម្បីផ្លាស់ប្តូរថ្ងៃខែឆ្នាំកំណើត មកថ្ងៃខែឆ្នាំកំណើតពិតវិញ គឺថ្ងៃទី០៥ ខែសីហា ឆ្នាំ១៩៥២។ នៅថ្ងៃទី២០ ខែមិថុនា ឆ្នាំ២០២២ លោក តាំង ស៊ុនឡាយ ប្រធានសាលាដំបូង និងជាចៅក្រមសាលាដំបូងរាជធានី សម្រេចឱ្យប្រើប្រាស់ថ្ងៃខែឆ្នាំកំណើតពិត និងបង្គាប់ឱ្យមន្ត្រីអត្រានុកូលដ្ឋានមានសមត្ថកិច្ច ព្រមទាំងអាជ្ញាធរ និងស្ថាប័នមានសមត្ថកិច្ចពាក់ព័ន្ធកែតម្រូវគល់បញ្ជីសំបុត្របញ្ជាក់កំណើតលេខ២៤១ ចុះថ្ងៃទី០៣ ខែសីហា ឆ្នាំ២០០៦ ក្នុងសៀវភៅបញ្ជាក់កំណើតលេខ០៣/២០០៦ ចេញដោយមន្ត្រីអត្រានុកូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ព្រមទាំងឯកសារបញ្ជាក់អត្តសញ្ញាណពាក់ព័ន្ធផ្សេងទៀតរបស់សម្តេចតេជោ ហ៊ុន សែន៕

សម្តេចតេជោ ហ៊ុន សែន នឹងអញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅព្រឹកស្អែកនេះ

2022/10/20 01:35:49 am        104
Facebook Telegram Linkin
ភ្នំពេញ៖ នៅព្រឹកថ្ងៃទី២០ ខែតុលា ឆ្នាំ២០២២ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញប្តូរព័ត៌មានថ្ងៃខែឆ្នាំកំណើតក្នុងបញ្ជីឈ្មោះបោះឆ្នោត ដោយប្តូរពីថ្ងៃទី០៤ ខែមេសា ឆ្នាំ១៩៥១ ទៅថ្ងៃទី០៥ ខែសីហា ឆ្នាំ១៩៥២ វិញ។គួររំលឹកថា កន្លងទៅនេះ សម្តេចតេជោ ហ៊ុន សែន បានយកថ្ងៃទី០៤ ខែមេសា ឆ្នាំ១៩៥១ ប្រើប្រាស់ជាថ្ងៃខែឆ្នាំកំណើតក្នុងឯកសារផ្សេងៗចាប់តាំងពីក្រោយថ្ងៃរំដោះប្រទេសចេញពីរបបប្រល័យពូជសាសន៍ ប៉ុល ពត។ ថ្ងៃទី៤ ខែមេសា ជាថ្ងៃដែលសម្តេចចូលព្រៃតស៊ូវាយផ្តួលរបបសាធារណរដ្ឋខ្មែរ តាមការអំពាវនាវរបស់សម្តេច នរោត្តម សីហនុ។ ទើបតែឆ្នាំ២០២២នេះ សម្តេចតេជោ ហ៊ុន សែន បានស្នើទៅតុលាការ ដើម្បីផ្លាស់ប្តូរថ្ងៃខែឆ្នាំកំណើត មកថ្ងៃខែឆ្នាំកំណើតពិតវិញ គឺថ្ងៃទី០៥ ខែសីហា ឆ្នាំ១៩៥២។ នៅថ្ងៃទី២០ ខែមិថុនា ឆ្នាំ២០២២ លោក តាំង ស៊ុនឡាយ ប្រធានសាលាដំបូង និងជាចៅក្រមសាលាដំបូងរាជធានី សម្រេចឱ្យប្រើប្រាស់ថ្ងៃខែឆ្នាំកំណើតពិត និងបង្គាប់ឱ្យមន្ត្រីអត្រានុកូលដ្ឋានមានសមត្ថកិច្ច ព្រមទាំងអាជ្ញាធរ និងស្ថាប័នមានសមត្ថកិច្ចពាក់ព័ន្ធកែតម្រូវគល់បញ្ជីសំបុត្របញ្ជាក់កំណើតលេខ២៤១ ចុះថ្ងៃទី០៣ ខែសីហា ឆ្នាំ២០០៦ ក្នុងសៀវភៅបញ្ជាក់កំណើតលេខ០៣/២០០៦ ចេញដោយមន្ត្រីអត្រានុកូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ព្រមទាំងឯកសារបញ្ជាក់អត្តសញ្ញាណពាក់ព័ន្ធផ្សេងទៀតរបស់សម្តេចតេជោ ហ៊ុន សែន៕

លោក ​Zelenskyy​៖ យាន​ដ្រូ​ន​អ៊ីរ៉ង់​នឹងមិន​ជួយ​រុស្ស៊ី​បានទេ​ ខណៈ​អាមេរិក​នឹង​ឈរ​ជាមួយ​អ៊ុយ​ក្រែ​ន​

2022/10/19 09:57:49 pm        1045
Facebook Telegram Linkin
​អ៊ុយក្រែន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy កាលពី​ថ្ងៃ​អង្គារ​បាន​ចោទប្រកាន់​ប្រទេស​រុស្ស៊ី​ពី​ការប្រើប្រាស់​យាន​ដ្រូ​ន​ផលិត​នៅ​ប្រទេស​អ៊ីរ៉ង់ ហើយ​បាន​និយាយថា​ នេះ​បាន​បង្ហាញ​ពី​ការទទួលស្គាល់​របស់​វិមាន​ក្រឹម​ឡាំង​ចំពោះ​ការ​ក្ស័យធន​ផ្នែក​យោធា និង​នយោបាយ​របស់​ខ្លួន​។ លោក Zelenskyy បាន​ថ្លែង​ក្នុង​សុន្ទរកថា​របស់លោក​ថា ជា​យុទ្ធសាស្ត្រ វា​នឹងមិន​ជួយ​ពួកគេ​បាន​នោះទេ​។ ​វិមាន​ក្រឹម​ឡាំងបដិសេធ​មិន​បញ្ជាក់ថា ​យោធា​រុស្ស៊ី​កំពុង​ប្រើប្រាស់​យាន​ដ្រូ​ន​របស់​អ៊ីរ៉ង់ ​ក្នុងការ​វាយប្រហារ​រប​ស់​ខ្លួន​លើ​អ៊ុយ​ក្រែ​ន​នោះទេ​។ លោក Zelenskyy បាន​អរគុណ​ដល់​ប្រទេស​អេ​ស្តូ​នី សម្រាប់​ការទទួលស្គាល់​ប្រទេស​រុស្ស៊ី​ថា​ជារដ្ឋ​គាំទ្រ​ភេរវកម្ម​។​ សភា​អេ​ស្តូ​នី​បានអនុម័ត​ដោយ​មាន​ការគាំទ្រ​ជា​ឯកច្ឆន្ទ ​នូវ​សេចក្តីសម្រេច​ដែល​ប្រកាសថា រុស្ស៊ី​ជា​របប​ភេរវកម្ម និង​បាន​ថ្កោល​ទោស​ការដាក់បញ្ចូល​ដែនដី​អ៊ុយ​ក្រែ​ន ​ជា​ឧបសម្ព័ន្ធ​របស់​ទីក្រុង​មូ​ស្គូ​។ ​ទន្ទឹមនឹងនេះសេត​វិមាន​បាន​និយាយ​កាលពី​ថ្ងៃ​អង្គា​រថា ខ្លួន​នឹង​បន្ត​អនុវត្ត​យ៉ាងខ្លាំង​ក្លា​នូវ​រាល់​ទណ្ឌកម្ម​របស់​សហ​រដ្ឋ​អាមេរិក​ លើ​ការជួញដូរ​អាវុធ​រប​ស់​រុស្ស៊ី និង​អ៊ីរ៉ង់ ដើម្បី​ធ្វើឱ្យ​វា​កាន់តែ​ពិបាក​សម្រាប់​​អ៊ីរ៉ង់​ក្នុង​ការលក់​អាវុធ​ទៅឱ្យ​រុស្ស៊ី​។​ការលើកឡើង​របស់​អ្នកនាំពាក្យ​សេត​វិមាន​លោកស្រី Karine Jean-Pierre ធ្វើឡើង ​ខណៈ​រុស្ស៊ី​បាន​បង្កើន​ការប្រើប្រាស់​មី​ស៊ី​ល និង​យាន​ដ្រូ​នដើម្បី​វាយប្រហារ​ហេដ្ឋារចនាសម្ព័ន្ធ និង​កាត់ផ្តាច់​ការផ្គត់ផ្គង់​ថាមពល និង​ទឹក​ដល់​ប្រជា​ជន​អ៊ុយ​ក្រែ​ន​រាប់សែន​នាក់​។ អ៊ុយ​ក្រែ​ន​និយាយថា រុស្ស៊ី​កំពុង​ទទួលបាន​អាវុធ​ប្រភេទ​នេះ​រាប់ពាន់​គ្រឿង​ពី​ប្រទេស​អ៊ីរ៉ង់​។​ ​ថ្លែង​នៅក្នុង​សន្និសីទ​សារព័ត៌​មាននៅ​សេត​វិមាន​កាលពី​ថ្ងៃ​អង្គារ លោកស្រី Jean-Pierre បាន​និយាយថា សហរដ្ឋអាមេរិក​នឹង​បន្ត​គាំទ្រ​ដៃគូ​របស់ខ្លួន​នៅ​ទូទាំង​តំបន់ ​ប្រឆាំង​ការគំរាមកំហែង​របស់​អ៊ីរ៉ង់ ហើយនឹង​បន្ត​បង្កើន​ជំនួយ​សន្តិសុខ​ដែល​មិន​ធ្លាប់មាន​ពីមុនមក៕អត្ថបទ៖ ប៊ុនថន

កាតា​ព្រមាន​ថា សហភាព​អឺរ៉ុប​ប្រឈម​នឹង​វិបត្តិ​ថាមពល​កាន់តែ​ធ្ងន់ធ្ងរ​នៅ​ឆ្នាំក្រោយ​

2022/10/19 09:38:03 pm        973
Facebook Telegram Linkin
​កាតា​៖ រដ្ឋមន្ត្រី​ក្រសួង​ថាមពល​កាតា​បាន​ព្រមាន​ថា ខណៈ​លោកខាងលិច​គួរតែមាន​ឧស្ម័ន​គ្រប់​គ្រាន់​សម្រាប់​ថាមពល និង​កម្ដៅ​ខ្លួន​នៅ​រដូវរងា​នេះ បញ្ហា​ប្រឈម​កាន់តែ​យ៉ាប់យ៉ឺន​នឹង​កើតឡើង​នៅ​ក្នុង​ឆ្នាំ២០២៣​ ស្របពេល​ថាមពល​បម្រុង​នឹង​ត្រូវ​ប្រើប្រាស់​អស់​។ ​បណ្ដា​រដ្ឋាភិបាល​អឺរ៉ុប​ឈឺក្បាល​ដោយសារ​ការ​បរាជ័យ​ ក្នុង​ការ​ដោះស្រាយ​វិបត្តិ​ថាមពល​ដែល​ចេះ​តែ​កើនឡើង​។ ក្រុម​មេដឹកនាំ​សហភាព​អឺរ៉ុបប្រាប់​ប្រជាពលរដ្ឋ​របស់ខ្លួន​ឲ្យ​អត់ធ្មត់ ខណៈ​តម្លៃ​ថាម​ពល​បន្ត​ហក់​ឡើង​ឥត​ឈប់ ស្រប​ពេល​បរាជ័យ​ដោះស្រាយ​គោលនយោបាយ​សេដ្ឋកិច្ច​ទូទាំង​ប្លុក​នេះ​។ លោក Saad al-Kaabi និយាយ​ថា ស្ថានភាព​នឹង​រឹតតែ​ធ្ងន់ធ្ងរ​ខ្លាំង​ថែមទៀត​នៅ​ឆ្នាំក្រោយ ប្រសិន​បើ​មាន​រដូវរងា​ខ្លាំង ដោយ​បន្ថែម​ថា វិបត្តិ​ថាមពល​រដ្ឋ​អាច​នឹង​បន្ត​ដល់​កន្លះ​ទសវត្សរ៍​ទៀត បើ​សង្គ្រាម​របស់​លោក Vladimir Putin ក្នុង​អ៊ុយ​ក្រែ​ន​នៅតែ​បន្ត និង​មិន​ព្រម​ចាប់ផ្ដើម​បង្ហូរ​ឧស្ម័ន​មកវិញ​ទៀត​ពី​រុស្ស៊ី​នោះ​។ ​លោក Kaabi ដែល​ជា​ប្រធាន​ក្រុមហ៊ុន​ផ្គត់ផ្គង់​ឧស្ម័ន​រដ្ឋ QatarEnergy បាន​និយាយ​ថា រដូវរងា​នៅ​ឆ្នាំ​នេះ​គ្មាន​បញ្ហា​ទេ ព្រោះ​សមត្ថភាព​ផ្ទុក​ពេញ​នៅឡើយ។ ​ការ​បម្រុង​ទុក​ ឬ​ការ​ស្តុក​ទុក​មាន​គ្រប់គ្រាន់ ប៉ុន្តែ​នៅ​ឆ្នាំក្រោយ​នឹង​ជួប​បញ្ហា​មិន​ខាន​។ ដូច្នេះ​នៅ​ឆ្នាំក្រោយ និង​ឆ្នាំ​ខាង​មុខៗ​ទៀត​រហូតដល់​ឆ្នាំ២០២៥ នឹង​ជួប​បញ្ហា​។​​បណ្ដា​ប្រទេស​ជាច្រើន​នៅ​អឺរ៉ុប​បាន​ជួបពិភាក្សា​ជាមួយ​ប្រទេស​កាតា ដែល​ជា​ប្រទេស​នាំចេញ​ឧស្ម័ន​ធម្មជាតិ​រាវ​ធំ​បំផុត​របស់​ពិភពលោក ​ខណៈ​ពួកគេ​ព្យាយាម​កាត់ផ្ដាច់​ការនាំចេញ​ឥន្ធនៈ​ហ្វូ​ស៊ី​លពី​រុស្ស៊ី​។ ​ប៉ុន្តែ​លោក​បាន​ព្រមាន​ថា ​លោក​មិន​អាច​ស្រមៃ​ទេពី​អនាគត​ ជាទី​ដែល​គ្មាន​ការ​បង្ហូរ​ឧស្ម័ន​របស់​រុស្ស៊ី​ទៅកាន់​អឺរ៉ុប​។​ ​រុស្ស៊ី​បាន​ផ្គត់ផ្គង់​ឧស្ម័ន​ធម្មជាតិ​ប្រមាណ ១៥៥​ពាន់​លាន​ម៉ែត្រ​ត្រី​គុណ​ទៅកាន់​បណ្ដា​ប្រទេស​នៅ​សហភាព​អឺរ៉ុប​កាលពី​ឆ្នាំមុន ប្រមាណ​ ៤០% ​នៃ​ការប្រើប្រាស់​ឧស្ម័ន​សរុប​របស់​ប្លុក​នេះ​៕អត្ថបទ៖ សុខមាន

នគរបាល​បារាំង​ប៉ះទង្គិច​ជាមួយ​ក្រុមបាតុករ​នៅ​ទីក្រុង​ប៉ារីស​

2022/10/19 07:24:45 pm        629
Facebook Telegram Linkin
​បារាំង៖ ក្រុមបាតុករ និង​នគរបាល​បង្ក្រាប​កុប្បកម្ម​បាន​ប៉ះទង្គិច​គ្នា ​នៅតាម​ដងផ្លូវ​ក្នុង​ទីក្រុង​ប៉ារីស ប្រទេស​បារាំង​កាលពី​ថ្ងៃ​អង្គារបណ្តាលមកពី​កង្វះ​ប្រេងឥន្ធនៈ ​និង​ការកើនឡើង​តម្លៃ​ទំនិញ ដែល​ធ្វើ​ឲ្យ​ប៉ះពាល់​ដល់​ជីវភាព​រស់នៅ​របស់​ប្រជាជន​នៅ​ទូទាំងប្រទេស។​ ​ឧស្សាហកម្ម​នៅ​ទូទាំងប្រទេស​បារាំង​បាន​បន្តធ្វើ​កូដកម្ម ​ដើម្បី​ជំរុញ​ការដំឡើង​ប្រាក់​ឈ្នួល​ទប់ទល់​ការកើនឡើង​អតិផរណា បណ្តាល​ឲ្យ​មានការ​ប៉ះទង្គិច​គ្នា​រវាង​កម្មករ និង​រដ្ឋាភិបាល​ បន្ទាប់​ពី​មាន​កូដកម្ម​ជាច្រើន​សប្តាហ៍ធ្វើឱ្យប៉ះពាល់​ដល់​រោងចក្រ​ចម្រាញ់​ប្រេង និង​បង្កឱ្យមាន​ការខ្វះខាត​ប្រេងឥន្ធនៈ​នៅក្នុង​ប្រទេស​។ បុគ្គលិក​បម្រើការ​ផ្នែករថភ្លើង និង​ក្រុមហ៊ុន​ដឹកជញ្ជូន​ផ្សេងទៀត រួមជាមួយ​ក្រុមហ៊ុនរ​ថយ​ន្ត​ដឹកទំនិញ និង​រថយន្តក្រុង ព្រមទាំង​គ្រូបង្រៀន និង​បុគ្គលិក​មន្ទីរពេទ្យ​សាធារណៈ បាន​ស្តាប់​តាម​ការអំពាវនាវ​រប​ស់​សហជីព​កម្មករ​ប្រេង ​សម្រាប់​ឧស្សាហកម្មប្រទេស​បារាំង​ដើម្បី​ជំរុញ​ការដំឡើង​ប្រាក់ខែ​។​ ​មាន​របាយការណ៍​ជាច្រើន​ អំពី​ការរំខាន​ដល់​រថភ្លើង​ល្បឿន​លឿន​នៅ​ភាគ​ខាងជើង ព្រមទាំង​រថភ្លើង​អន្តរ​ទីក្រុង​ដែល​ត​ភ្ជាប់​ប្រទេស​បារាំង​ជាមួយ​ប្រទេស​អេ​ស្ប៉ា​ញ​។ការតវ៉ា​កាលពី​ថ្ងៃ​អង្គារបានកើត​ឡើង​បន្ទាប់ពី​សហជីព ​CGT ឆ្វេងនិយម​បាន​ច្រានចោល​កិច្ចព្រមព្រៀង​លើ​ការដំឡើង​ប្រាក់​ឈ្នួល ​ដែល​ក្រុមហ៊ុន​ប្រេង​យក្ស Total Energies បាន​ជាប់គាំង​ក្នុង​ដំណើរការ​ជាមួយ​សហជីព​ពីរ​ផ្សេងទៀត​។​ ​ក្រុមអ្នកតវ៉ា​បានទាមទារ​ប្រាក់​ឈ្នួល​ខ្ពស់ជាង​នេះ ​ពី​ប្រាក់ចំណេញ​របស់​ក្រុមហ៊ុន​ថាមពល​ដែល​បាន​មើលឃើញ​តម្លៃ​ប្រេង និង​ឧស្ម័ន​ហក់​ឡើង​ខ្ពស់ ខណៈ​សង្គ្រាម​រុស្ស៊ី​នៅ​អ៊ុយ​ក្រែ​ន​កាន់តែខ្លាំង​ឡើង​ប៉ះពាល់​ដល់​វិបត្តិ​ថាមពល​។​ រថយន្ត​ជាច្រើន​ជួរ​ត្រូវបាន​គេ​ឃើញ​ ជាច្រើន​សប្តាហ៍​មកហើយ​នៅ​ទូទាំងប្រទេស​បារាំង​ ដែល​អ្នកបើក​បរបានរ​ង់​ចាំ​ចាក់​ប្រេង​។ ស្ថានីយ​ប្រេងឥន្ធនៈ​ជាច្រើន​កន្លែង​បាន​បិទទ្វារ​ណ្តោះ​អាសន្ន ខណៈ​កំពុង​រង់ចាំ​ការដឹកជញ្ជូន​មកដល់៕អត្ថបទ៖ ប៊ុនថន

អ្នកជំនាញ​និយាយថា លោកស្រី Truss ប្រឈមមុខ​ការព្យាយាម​ដើម្បី​បន្ត​កាន់តំណែង​

2022/10/19 06:45:48 pm        521
Facebook Telegram Linkin
​អង់គ្លេស៖ នាយករដ្ឋមន្ត្រី​អង់គ្លេសលោកស្រី Liz Truss បាន​ប្រឈមមុខ​នឹង​ការបោះឆ្នោត​ដ៏​តានតឹង​មួយ​កាលពី​ថ្ងៃ​អង្គារ បន្ទាប់ពី​ការលុបចោល​ស្ទើរតែ​ទាំង​អស់នៃ​ការកាត់បន្ថយ​ពន្ធ​តាម​ផែនការ​។ សមាជិក​ជាច្រើន​នៃ​គណបក្ស​អភិរក្សនិយម​របស់លោក​ស្រីបច្ចុប្បន្ននេះ​កំពុង​និយាយថា ​ពួកគេ​នឹង​បោះឆ្នោតឱ្យលោក Rishi Sunak អតីតរដ្ឋមន្ត្រី​ហិរញ្ញវត្ថុដែល​បាន​ចូលរួម​ប្រកួតប្រជែង​ ក្នុងការ​ជ្រើសរើស​មេដឹកនាំ​កាលពីពេល​ថ្មីៗ​នេះ​។ ស្ថិតក្រោម​សម្ពាធ​នយោបាយ និង​សេដ្ឋកិច្ច​ដ៏​តានតឹង លោកស្រី Truss កាលពី​សប្តាហ៍​មុន​បាន​ដក​សម្ព័ន្ធមិត្ត​របស់លោក​ស្រីគឺ​លោក Kwasi Kwarteng ចេញពី​តំណែង​ជា​រដ្ឋមន្ត្រី​ហិរញ្ញវត្ថុ​ ដោយ​ដាក់ជំនួស​ដោយ​លោក Jeremy Hunt ជា​គណៈរដ្ឋមន្ត្រី​ជើងចាស់​មួយរូប​ដែល​ស្ថិត​នៅក្រៅ​សៃ​វៀន​តាំងពី​ឆ្នាំ២០១៩ មក​។​ ​កាលពី​ថ្ងៃ​ចន្ទលោក Jeremy Hunt បាន​លុបចោល​ផែនការ​កាត់​ពន្ធ​ស្ទើរតែ​ទាំងអស់​តាម​ផែនការ​របស់លោកស្រី​ Truss រួម​ជាមួយនឹង​គោលនយោបាយ​ថាមពល​ដ៏​លេចធ្លោ​របស់លោក​ស្រី និង​ការ​សន្យាថា​ នឹង​គ្មាន​ការ​កាត់​ការចំណាយ​សាធារណៈ​ទៀតឡើយ​។​ ​លោក Jill Rutter អ្នកស្រាវជ្រាវ​ជាន់ខ្ពស់​នៅ​អង្គការ​ស្រាវជ្រាវ​ឯករាជ្យ​ចក្រភព​អង់គ្លេសបាន​ចោទ​សួរថា ​តើ លោកស្រី ​Truss មាន​ភាព​ធន់​គ្រប់គ្រាន់​ដែ ​ឬទេ​ ដើម្បី​បន្តដំណើរ​បន្ទាប់ពី​បានទទួល​រង​នូវ​ការរិះគន់​យ៉ាងខ្លាំង​ពិតប្រាកដ ​ក្នុង​រយៈពេល​ប៉ុន្មាន​ថ្ងៃ​ចុងក្រោយ​នេះ​។​លោក Rutter និយាយថា ​សំនួរ​របស់​នាយករដ្ឋមន្ត្រី​នៅ​ថ្ងៃស្អែក ​នឹង​ក្លាយជា​ការសាកល្បង​ដ៏​ធំ​មួយទៀត​សម្រាប់​លោកស្រី​។ ការសាកល្បង​ពី​របៀប​ដែល​លោកស្រី​អាចដឹកនាំ​គណបក្ស និង​ថា​តើ​វា​ពិតជា​អាចទៅរួច​ ឬទេ​សម្រាប់​លោកស្រី​ក្នុង​ការបន្ត​តំណែង​។ ទោះជា​យ៉ាងណា លោក ​Rutter បាន​និយាយថា ​សមាជិក​មួយចំនួន​របស់​គណបក្ស​លោកស្រី​ប្រហែលជា​ចង់ឃើញ​លោកស្រី​បន្ត​កាន់តំណែង ខណៈ​ប្រទេស​នេះ​ជួបប្រទះ​រឿង​លំបាក​ជាច្រើន​ដូចជា​តម្លៃ​ថាមពល និង​អតិផរណា​ហក់​ឡើង​ខ្ពស់៕អត្ថបទ៖ ប៊ុនថន

អ៊ុយ​ក្រែ​ន​៖ ​រុស្ស៊ី​កម្ទេច​ហេដ្ឋារចនាសម្ព័ន្ធ​ថាមពល និង​ទឹក​នៅ​ទូទាំង​អ៊ុយ​ក្រែ​ន​

2022/10/19 06:04:32 pm        559
Facebook Telegram Linkin
​អ៊ុយក្រែន៖ លោក​ប្រធានាធិបតី​អ៊ុយ​ក្រែ​ន Volodymyr Zelenskiy បាន​និយាយ​កាលពី​ថ្ងៃ​អង្គា​រថា រុស្ស៊ី​បាន​កម្ទេច​ស្ថានីយ​ថាមពល​ស្ទើរតែ ​១​ភាគ​៣ ​របស់​អ៊ុយ​ក្រែ​ន​កាលពី​សប្ដាហ៍​កន្លងទៅ ខណៈ​ទីក្រុង Moscow បាន​បាញ់​ស្រោច​មី​ស៊ី​ល​កាន់​តែច្រើន​ទៅលើ​ហេដ្ឋារចនាសម្ព័ន្ធ ជា​អ្វីដែល​អ៊ុយ​ក្រែ​ន និង​លោក​ខាង​លិច​ហៅថា​ ជា​យុទ្ធនាការ​បំភិតបំភ័យ​ជន​ស៊ីវិល​។ ​មី​ស៊ី​ល​ជាច្រើន​គ្រាប់​បាន​វាយប្រហារ​លើ​ស្ថានីយ​ថាមពល​ក្នុង​រដ្ឋធានី Kyiv សម្លាប់​មនុស្ស​ ៣​នាក់ និង​នៅ​ក្នុង​ទីក្រុង Kharkiv ភាគ​ខាងកើត Dnipro និង Kryvyi Rih ភាគ​ខាង​ត្បូង និង​ទីក្រុង Zhytomyr ភាគ​ខាងលិច ​បណ្ដាល​ឲ្យ​ដាច់​ចរន្តអគ្គិសនី និង​បណ្ដាញ​ផ្គត់ផ្គង់​ទឹក។ ​បុរស​ម្នាក់​បាន​ស្លាប់​នៅ​ក្នុង​ផ្ទះ​របស់​ខ្លួន ដែល​ត្រូវបាន​រង​ការបំផ្លិចបំផ្លាញ​នៅក្នុង​ទីក្រុង Mykolaiv ភាគខាងត្បូង​។ ​រុស្ស៊ី​ទទួលស្គាល់​ដោយ​បើកចំហ ការ​ដាក់​គោលដៅ​លើ​ហេដ្ឋារចនាសម្ព័ន្ធ​ថាមពល​របស់​អ៊ុយ​ក្រែ​ន ដោយ​រលក​នៃ​ការវាយប្រហារ​ដោយ​មី​ស៊ី​ល និង​យាន​ដ្រូ​ន​ចាប់​តាំងពីដើម​សប្ដាហ៍​មុន នូវ​អ្វីដែល​លោក​ប្រធានាធិបតី Vladimir Putin និយាយថា ជាការ​សងសឹក​ចំពោះ​ការ​បំផ្ទុះ​ស្ពាន​នៅ​ឧបទ្វីប​គ្រី​ម៉េ​។​ទីក្រុង Moscow ​បាន​ទាត់ចោល​ពី​ការ​ដាក់​គោលដៅ​លើ​ជន​ស៊ីវិល ទោះបីជា​ខ្លួន​បាន​វាយប្រហារ​លើ​ភូមិឋាន ទីក្រុង​តូច​-​ធំ​នានា​ទូទាំង​ប្រទេស​អ៊ុយ​ក្រែ​ន​ក៏ដោយ ជា​អ្វី​ដែល​ដើម​ឡើយ​រុស្ស៊ី​បាន​ហៅថាជា​ប្រតិបត្តិការ​សឹក​ពិសេស ​ដើម្បី​ធ្វើ​ឲ្យ​ប្រទេសជិតខាង​របស់​ខ្លួន​មួយ​នេះ​ក្លាយ​ជា​ប្រទេស​គ្មាន​យោធា​៕អត្ថបទ៖ សុខមាន

រុស្ស៊ីទទួលស្គាល់​ស្ថានភាព​លំបាក​ខ្លាំង​ក្នុង​តំបន់ Kherson ខណៈ​រង​ការ​វាយ​សន្ធាប់​ពី​អ៊ុយ​ក្រែ​ន​

2022/10/19 05:37:48 pm        668
Facebook Telegram Linkin
​រុស្ស៊ី៖ មេបញ្ជាការ​កង​ទ័ពរ​បស់​កងកម្លាំង​រុស្ស៊ី​នៅ​ក្នុង​ប្រទេស​អ៊ុយ​ក្រែ​ន​និយាយថា ស្ថានភាព​នៅ​ក្នុង​ទីក្រុង Kherson ភាគខាងត្បូង​លំបាក​ខ្លាំងណាស់ ហើយ​ប្រជាពលរដ្ឋ​នឹង​ត្រូវ​ជម្លៀស​ចេញ​។​ ​ថ្លែង​នៅលើ​កញ្ចក់​ទូរទស្សន៍​រដ្ឋ​រុស្ស៊ី​ លោក​ឧត្ដមសេនីយ៍ Sergei Surovikin បាន​និយាយ​ថា ​ទាហាន​អ៊ុយ​ក្រែ​ន​ដែល​កំពុង​ប្រើ​រ៉ូ​កែ​ត Himars បាន​បាញ់​ចំ​ហេដ្ឋារចនាសម្ព័ន្ធ ​និង​លំនៅឋាន​របស់​ទីក្រុង​នេះ។ ​លោក​ថា ទាហាន​រុស្ស៊ី​នឹង​ធានា​ការ​ជម្លៀស​ប្រកបដោយ​សុវត្ថិភាព​របស់​ប្រជាជន​នៅ​ទីក្រុង Kherson​។ ការ​ទទួល​ស្គាល់​ដ៏​កម្រ​របស់​លោក​លើ​បញ្ហា​ធំៗ ត្រូវ​បាន​បន្ទរ​ដោយ​មន្ត្រី​ជាន់ខ្ពស់​មួយ​រូប​ក្នុង​តំបន់។ មន្ត្រី​ប្រចាំ​តំបន់​លើក​បន្តុប​ដោយ​រុស្ស៊ី លោក Kirill Stremousov បាន​ព្រមាន​ប្រជាជន​តំបន់ Kherson​ ថា ក្នុងពេល​ដ៏​ខ្លី​ខាងមុខ​ ទាហាន​អ៊ុយ​ក្រែ​ន​នឹង​បើក​ការវាយប្រហារ​មកលើ​ទីក្រុង​នេះ​។ ​លោក​បាន​និយាយ​នៅ​លើ​សារ Telegram ថា សូម​ស្ដាប់​សម្ដី​របស់ខ្ញុំ​ឲ្យ​បាន​ច្បាស់ ខ្ញុំ​កំពុង​និយាយ​ពី​ការ​ជម្លៀស​ចេញ​ឲ្យ​បាន​ឆាប់​តាម​ដែល​អាច​ធ្វើ​ទៅ​បាន​។លោក​បាន​បន្ថែម​ប្រជាពលរដ្ឋ​នៅ​លើ​ច្រាំង​ខាង​លិច​នៃ​ទន្លេ Dnieper ដែល​អ៊ុយ​ក្រែ​ន​ហៅថា Dnipro ប្រឈម​ហានិ​ភ័យ​ខ្លាំង​បំផុត​។​ Kherson គឺជា​ទីក្រុង​ធំ​ដំបូង​ដែល​បាន​ធ្លាក់​ចូល​ដៃ​រុស្ស៊ី​កាលពី​ខែ​កុម្ភៈ​។ ទាហាន​អ៊ុយ​ក្រែ​ន​បាន​ដណ្ដើម​យក​មកវិញ​បន្តិច​ម្ដងៗ​ក្បែរ​តំបន់​នេះរយៈពេល​ប៉ុន្មាន​សប្ដាហ៍​មកនេះ។ ពួកគេ​បាន​រុល​ចូល​ចម្ងាយ ៣០គីឡូ​ម៉ែត្រ​ភាគ​ខាងត្បូង​តាម​បណ្ដោយ​ទន្លេ Dnieper ដោយ​គំរាម​ឡោមព័ទ្ធ​ទាហាន​រុស្ស៊ី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់
08/02/2026 03:08 PM
Facebook Telegram Linkin
សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង
08/02/2026 03:08 PM
Facebook Telegram Linkin
រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់
08/02/2026 03:08 PM
Facebook Telegram Linkin
មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈ​អ្នកឆ្លងកើនឡើង
08/02/2026 02:08 PM
Facebook Telegram Linkin
អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន
08/02/2026 02:08 PM
Facebook Telegram Linkin
មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់
08/02/2026 02:08 PM
Facebook Telegram Linkin
ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប
08/02/2026 02:08 PM
Facebook Telegram Linkin
តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និង​និវត្តជន​ក្នុង​ស្រុក​ពញាក្រែក
08/02/2026 02:08 PM
Facebook Telegram Linkin
មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦
08/02/2026 01:08 PM
Facebook Telegram Linkin
មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី
08/02/2026 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.