BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

កងកម្លាំងរុស្ស៊ីរត់គេចទាំងភ័យស្លន់ស្លោក្នុងអំឡុងពេលដកថយពីភាគខាងកើត

អ៊ុយក្រែន៖ សាកសពទាហានរុស្ស៊ីដេកស្លាប់រដូករណែលនៅតាមភូមិនានា ដែលត្រូវបានទាហានអ៊ុយក្រែនដណ្ដើមយកទៅវិញ ខណៈសង្គ្រាមនៅក្នុងប្រទេសអ៊ុយក្រែនភាគខាងកើតកំពុងពុះកញ្ជ្រោលយ៉ាងខ្លាំង ហើយកងកម្លាំងទីក្រុង Kyiv ព្យាយាមសម្រុករុលចូលទៅក្នុងតំបន់ Luhansk។ទាហានរុស្ស៊ីរាប់ពាន់នាក់បានដកថយពីតំបន់សមរភូមិមុខនេះក្នុងពេលប៉ុន្មានថ្ងៃថ្មីៗ ដោយបន្សល់នូវការបំផ្លិចបំផ្លាញដ៏ធ្ងន់ធ្ងរ។ រណ្ដៅធំៗដោយការគ្រាប់បែក សំណល់រថយន្តដែលត្រូវភ្លើងឆេះខ្លោច និងសាកសពត្រូវបានរាយប៉ាយពេញតាមដងផ្លូវឆ្ពោះទៅកាន់សមរភូមិជួរមុខភាគខាងកើត។ បន្ទាប់ពីការដកថយរបស់កងកម្លាំងរុស្ស៊ីចេញពីភូមិ Torske ក្នុងតំបន់ Donetsk គេបានមើលឃើញឯកសណ្ឋានយោធារុស្ស៊ី ព្យួរចោលនៅក្នុងលំនៅឋានបោះបង់ចោលនានាដែលទាហានបានគ្រប់គ្រង។ទាហានរុស្ស៊ីបានជីកលេណដ្ឋាននៅតាមទីតាំងមួយចំនួនក្នុងភូមិ Torske ប៉ុន្មានថ្ងៃកន្លងទៅ ប៉ុន្តែពេលនេះលេណដ្ឋានទាំងនោះត្រូវបានជំនួសដោយទាហានអ៊ុយក្រែន ដែលកំពុងល្បាតនៅតាមផ្លូវ។ ទាហានអ៊ុយក្រែនកាលពីថ្ងៃអាទិត្យបានរាយការណ៍ពីការវាយប្រយុទ្ធគ្នាដ៏ខ្លាំងក្លាជុំវិញទីក្រុង Bakhmut និង Avdiivka ក្នុងតំបន់ Donetsk ជាទីដែលកងកម្លាំងរុស្ស៊ីបានអះអាងការដណ្ដើមកាន់កាប់ដែនដីមួយចំនួននាពេលថ្មីៗនេះ៕អត្ថបទ៖ សុខមាន

ព្រឹទ្ធសភា កំណត់យកថ្ងៃទី១១ ខែតុលា បើកសម័យប្រជុំលើកទី៩ព្រឹទ្ធសភានីតិកាលទី៤

ភ្នំពេញ៖ ព្រឹទ្ធសភាសម្រេចយកថ្ងៃទី១១ ខែតុលា ឆ្នាំ២០២២ បើកសម័យប្រជុំលើកទី៩នីតិកាលទៅ៤ ដើម្បីពិនិត្យឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារទី៤ ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន ខណៈសេចក្តីព្រាងច្បាប់នេះ នឹងផ្តល់ឱកាសដល់អ្នកវិនិយោគិនបរទេសមកធ្វើការរកស៊ីនៅកម្ពុជាកាន់តែងាយស្រួលបន្ថែមទៀត។ថ្លែងប្រាប់អ្នកសារព័ត៌មាន ក្រោយកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា ក្រោមអធិបតីភាពដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធាន ព្រឹទ្ធសភា នាព្រឹកថ្ងៃទី១០ ខែតុលា ឆ្នាំ២០២២នេះ ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភាបានថ្លែងថា សេចក្តីព្រាងច្បាប់ ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាននេះ គឺមានអត្ថប្រយោជន៍ជាច្រើនដល់ប្រទេសកម្ពុជា ដោយសារតែច្បាប់នេះ គឺនឹងបើកទូលាយចំពោះលម្ហូរអ្នកវិនិយោគបរទេសមកកម្ពុជាឲ្យកាន់តែច្រើន ហើយក៏ផ្តល់ឱកាសការងារដល់បងប្អូនប្រជាពលរដ្ឋកម្ពុជា កាន់តែច្រើនបន្ថែមទៀតផងដែរ។ឯកឧត្តម ម៉ម ប៊ុននាង បញ្ជាក់បន្ថែមទៀតថា ក្រោយសេចក្តីព្រាងច្បាប់ ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាននេះរួជាស្ថាពរ កិច្ចការរកស៊ីរបស់អ្នកវិនិយោគក៏ផ្តល់ភាព ងាយស្រួល ហើយក៏អាចកាត់បន្ថយបងប្អូនប្រជាពលរដ្ឋចំណាក់ស្រុកទៅក្រៅប្រទេសផងដែរ៕(អត្ថបទ៖បាន ចក់)

ព្រះមហាក្សត្រថៃជួបជាមួយសាច់ញាតិជនរងគ្រោះក្នុងការបាញ់ប្រហារនៅមណ្ឌលថែទាំកុមារ

ថៃ៖ ព្រះមហាក្សត្រ និងម្ចាស់ក្សត្រីរបស់ប្រទេសថៃបានយាងទៅកាន់មន្ទីរពេទ្យ ដើម្បីសួរសុខទុក្ខជនរងគ្រោះក្នុងការបាញ់ប្រហារនៅមណ្ឌលថែទាំកុមារពេលថ្ងៃ និងបានជួបជាមួយសាច់ញាតិជនរងគ្រោះនៅទីនោះ។ ព្រះមហាក្សត្រ Maha Vajiralongkorn និងព្រះម្ចាស់ក្សត្រី Suthida បានជួបជាមួយសាច់ញាតិជនរងគ្រោះ ១ថ្ងៃបន្ទាប់ពីមន្ត្រីនគរបាលដែលត្រូវបានដេញចេញពីកងកម្លាំងនគរបាល បានសម្រុកចូលមណ្ឌលថែទាំកុមារពេលថ្ងៃ និងបានសម្លាប់មនុស្សយ៉ាងហោចណាស់ ៣៧នាក់ដោយប្រើកាំភ្លើង និងកាំបិត។ យ៉ាងហោចណាស់ ២៤នាក់ក្នុងចំណោមអ្នកស្លាប់គឺជាកុមារ។ ការវាយប្រហារដោយកាំភ្លើង និងកាំបិតដ៏ឃោរឃៅនេះគឺជាការសម្លាប់រង្គាលក្នុងប្រវត្តិសាស្ត្ររបស់ប្រទេសថៃ។កាលពីថ្ងៃម្សិលមិញនេះដែរ នាយករដ្ឋមន្ត្រីថៃបានចុះពិនិត្យកន្លែងកើតហេតុ នៃការបាញ់ប្រហារនៅមណ្ឌលថែទាំកុមារពេលថ្ងៃនៅតំបន់ភាគឦសានប្រទេស ដើម្បីគោរពវិញ្ញាណក្ខន្ធដល់កុមាររាប់សិបនាក់ និងអ្នកស្លាប់ផ្សេងទៀត។ លោក Prayuth Chan-ocha បានដាក់ផ្កា និងបួងសួងនៅខាងក្រៅមជ្ឈមណ្ឌលក្នុងខេត្ត Nongbua Lamphu៕អត្ថបទ៖ ប៊ុនថន

អាមេនី និងអាស៊ែបៃហ្សង់ព្រមព្រៀងទទួលយកបេសកកម្មត្រួតពិនិត្យនៅព្រំដែន បន្ទាប់ពីការប៉ះទង្គិចគ្នា

អឺរ៉ុប៖ ក្រុមប្រឹក្សាអឺរ៉ុបបាននិយាយកាលពីថ្ងៃសុក្រថា ប្រទេសអាមេនី និងអាស៊ែបៃហ្សង់បានព្រមព្រៀងទទួលយកបេសកកម្មស៊ីវិលសហភាពអឺរ៉ុប នៅតាមបណ្តោយព្រំដែនរបស់ប្រទេសទាំងពីរ។ កិច្ចព្រមព្រៀងនេះត្រូវបានធ្វើឡើងនៅក្រៅកិច្ចប្រជុំលើកដំបូងរបស់សហគមន៍នយោបាយអឺរ៉ុប ក្នុងជំនួបរវាងប្រធានាធិបតីអាស៊ែបៃហ្សង់លោក Ilham Aliyev, នាយករដ្ឋមន្ត្រីអាមេនីលោក Nikol Pashinyan, ប្រធានាធិបតីបារាំងលោក Emmanuel Macron និងប្រធានក្រុមប្រឹក្សាអឺរ៉ុបលោក Charles Michel។ ការសម្រេចចិត្តនេះធ្វើឡើង បន្ទាប់ពីមានការប៉ះទង្គិចគ្នានៅតាមព្រំដែនខ្លាំងបំផុត ក្នុងរយៈពេលជាច្រើនឆ្នាំមកនេះរវាងប្រទេសទាំង២ បណ្តាលឲ្យមនុស្សជាង 200នាក់បានស្លាប់កាលពីខែមុន៕អត្ថបទ៖ ប៊ុនថន

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

អ៊ុយក្រែន៖ ប្រធានទីភ្នាក់ងារថាមពលអាតូមិកអន្តរជាតិ (IAEA) នឹងធ្វើទស្សនកិច្ចនៅប្រទេសរុស្ស៊ីនៅដើមសប្តាហ៍ក្រោយ សម្រាប់ការពិភាក្សាអំពីមធ្យោបាយធានាសុវត្ថិភាពនៅរោងចក្រថាមពលនុយក្លេអ៊ែរ Zaporizhzhia ក្នុងប្រទេសអ៊ុយក្រែន។សេចក្តីប្រកាសរបស់អគ្គនាយកទីភ្នាក់ងារ IAEA លោក Rafael Grossi កាលពីថ្ងៃសុក្រ ធ្វើឡើងបន្ទាប់ពីមានការព្រួយបារម្ភជាបន្តបន្ទាប់នៅរោងចក្រនេះ ដែលស្ថិតនៅក្រោមការគ្រប់គ្រងរបស់កងទ័ពរុស្ស៊ី។ លោកនិយាយថា ការបាញ់ផ្លោងកាលពីថ្ងៃព្រហស្បតិ៍ បានធ្វើឱ្យខូចបណ្តាញថាមពលដែលផ្តល់ចរន្តអគ្គិសនី ដល់ម៉ាស៊ីនរ៉េអាក់ទ័រមួយរបស់រោងចក្រ ហើយម៉ាស៊ីនរ៉េអាទ័រនេះត្រូវបានបង្ខំឱ្យពឹងផ្អែកលើម៉ាស៊ីនភ្លើង ដើម្បីផ្គត់ផ្គង់បន្ទាន់ជាបណ្តោះអាសន្ន។លោក Grossi បានបញ្ជាក់ថា ម៉ាស៊ីនរ៉េអាទ័រដូចគ្នានេះក៏បានបាត់បង់ការផ្គត់ផ្គង់ថាមពលខាងក្រៅ ដោយសារការបាញ់ផ្លោងកាលពីថ្ងៃទី21 ខែកញ្ញា ហើយបានដំណើរការជាបណ្តោះអាសន្នដោយម៉ាស៊ីនភ្លើង។ លោក Grossi និយាយថា មានតម្រូវការបន្ទាន់មួយ ដើម្បីបង្កើតបរិយាកាសស្ថេរភាពបន្ថែមទៀតសម្រាប់រោងចក្រ និងបុគ្គលិករោងចក្រ ដែលលោកនឹងធ្វើទស្សនកិច្ចទៅកាន់ប្រទេសរុស្ស៊ី សម្រាប់ការពិភាក្សាបន្ថែមអំពីសំណើរបស់ទីភ្នាក់ងារ IAEA ដើម្បីបង្កើតតំបន់ការពារនៅជុំវិញទីតាំងរោងចក្រនេះ៕អត្ថបទ៖ ប៊ុនថន

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយនៅក្នុងសុន្ទរកថារបស់លោកកាលពីថ្ងៃសុក្រថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េកាលពីសប្តាហ៍មុន។ លោក Zelenskyy និយាយថា ជាសរុបផ្ទៃដីរបស់យើងចំនួន 2,434គីឡូម៉ែត្រការ៉េ និងទីតាំងលំនៅឋានចំនួន 96កន្លែងត្រូវបានរំដោះរួចហើយ ចាប់តាំងពីការចាប់ផ្តើមប្រតិបត្តិការវាយលុក។ ទន្ទឹមនឹងនេះរដ្ឋមន្ត្រីក្រសួងការបរទេសរុស្ស៊ីលោក Sergey Lavrov បាននិយាយថា ប្រធានាធិបតីអ៊ុយក្រែនលោក Volodymyr Zelenskyy បានអំពាវនាវដល់មេដឹកនាំប្រទេសលោកខាងលិច ឲ្យបើកការវាយប្រហារនុយក្លេអ៊ែរជាមុនទៅលើប្រទេសរុស្ស៊ី។ លោក Lavrov បាននិយាយនៅក្នុងកិច្ចប្រជុំរបស់គណៈកម្មការគណបក្សកាន់អំណាច សម្រាប់ការគាំទ្រជនរួមជាតិដែលរស់នៅក្រៅប្រទេស និងកិច្ចសហប្រតិបត្តិការអន្តរជាតិ។ កាលពីថ្ងៃព្រហស្បតិ៍ ប្រធានាធិបតីអ៊ុយក្រែនលោក Volodymir Zelenskyy បាននិយាយនៅក្នុងការឆ្លើយតបចំពោះសំណួរអំពីអ្វីដែលថា អង្គការ NATO គួរតែរារាំងរុស្ស៊ីមិនឲ្យប្រើប្រាស់អាវុធនុយក្លេអ៊ែរ ក្នុងអំឡុងពេលសុន្ទរកថាតាមវីដេអូទៅកាន់វិទ្យាស្ថានមួយរបស់ប្រទេសអូស្ត្រាលី ដោយបាននិយាយថា អង្គការ NATO គួរតែធ្វើអ្វីដែលរុស្ស៊ីមិនអាចធ្វើទៅបានក្នុងការប្រើប្រាស់អាវុធនុយក្លេអ៊ែរ៕អត្ថបទ៖ ប៊ុនថន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

អាមេរិក៖ កងទ័ពជើងទឹកសហរដ្ឋអាមេរិកបានធ្វើសមយុទ្ធយានដ្រូនរួមគ្នា ជាមួយចក្រភពអង់គ្លេសកាលពីថ្ងៃសុក្រនៅឈូងសមុទ្រពែក្ស ដោយបានសាកល្បងនាវាស៊ើបការណ៍គ្មានមនុស្សបើកដូចគ្នា ដែលប្រទេសអ៊ីរ៉ង់ចាប់បានពីរលើកកាលពីប៉ុន្មានខែថ្មីៗនេះនៅតំបន់មជ្ឈិមបូព៌ា។ សមយុទ្ធនេះធ្វើឡើង ខណៈកងទ័ពជើងទឹកអាមេរិកបានប្រាប់ក្រុមហ៊ុនដឹកជញ្ជូនពាណិជ្ជកម្ម នៅក្នុងតំបន់មជ្ឈិមបូព៌ាថា ខ្លួននឹងបន្តប្រើប្រាស់យានដ្រូននៅក្នុងតំបន់ និងបានព្រមានប្រឆាំងការជ្រៀតជ្រែកក្នុងប្រតិបត្តិការរបស់ពួកគេ។ សមយុទ្ធយានដ្រូនធ្វើឡើង នៅពេលដែលមានភាពតានតឹងរវាងសហរដ្ឋអាមេរិក និងអ៊ីរ៉ង់នៅលើសមុទ្រនៅតែមានកម្រិតខ្ពស់ ខណៈការចរចាបានជាប់គាំងជុំវិញកិច្ចព្រមព្រៀងនុយក្លេអ៊ែរ ជាមួយប្រទេសមហាអំណាចពិភពលោក និងខណៈដែលការតវ៉ាទ្រង់ទ្រាយធំបានកើតឡើងនៅក្នុងសាធារណៈរដ្ឋអ៊ីស្លាមមួយនេះ។កងនាវាចរទី5 ដែលមានមូលដ្ឋាននៅមជ្ឈិមបូព៌ារបស់កងទ័ពជើងទឹកបាននិយាយថា សមយុទ្ធកាលពីថ្ងៃសុក្រចូលរួមដោយនាវាចម្បាំងអាមេរិកពីរគ្រឿង និងអង់គ្លេសពីរគ្រឿងនៅលើឈូងសមុទ្រពែក្ស ព្រមទាំងនាវារុករក Saildrone បីគ្រឿង។ យានដ្រូនបានស្វែងរកគោលដៅនៅលើសមុទ្រ បន្ទាប់មកបានបញ្ជូនរូបភាពដែលកាមេរ៉ារបស់វាថតបានទៅនាវាចម្បាំង និងមជ្ឈមណ្ឌលបញ្ជារបស់កងនាវាចរទី5៕អត្ថបទ៖ ប៊ុនថន

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

ភ្នំពេញ ៖ ក្នុងនាមប្រមុខរាជរដ្ឋាភិបាល និងប្រជាជនកម្ពុជា សម្តេចតេជោ ហ៊ុន សែន ចូលរួមសោកស្តាយ និងសម្តែងនូវមរណទុក្ខមរណទុក្ខយ៉ាងក្រៀមក្រំបំផុតជាមួយរាជ រដ្ឋាភិបាលថៃ និងគ្រួសារជនរងគ្រោះក្នុងហេតុការណ៍ បាញ់ប្រហារកាលពីថ្ងៃទី០៦ ខែតុលា ឆ្នាំ២០២២ម្សិលមិញនេះ។ការសម្តែងនូវការសោកស្តាយ និងចូលរួមនូវមរណទុក្ខនេះ បានធ្វើឡើងក្នុងពេលសម្តេចតេជោ ជួបពិភាក្សាការងារជាមួយលោកបណ្ឌិតសាស្ត្រាចារ្យ អនេក ឡៅថាំម៉ាថាត់ (Anek Laothammatas) រដ្ឋមន្ត្រីឧត្តមសិក្សាវិទ្យាសាស្ត្រ ស្រាវជ្រាវ និងនវានុវត្តន៍របស់ថៃ នៅព្រឹកថ្ងៃសុក្រ ទី០៧ ខែតុលា ឆ្នាំ២០២២នេះ។លោក អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា នៅចំពោះមុខមន្ត្រីជាន់ខ្ពស់របស់ថៃ សម្តេចតេជោ ក្នុងនាមរាជរដ្ឋាភិបាល និងប្រជាជនកម្ពុជា បានសម្តែងនូវការសោកស្តាយ និងចូលរួមមរណទុក្ខយ៉ាងក្រៀមក្រំបំផុត ចំពោះហេតុការណ៍ដ៏សោកសៅមួយនេះ។សូមបញ្ជាក់ថា នៅថ្ងៃព្រហស្បតិ៍ ទី០៦ ខែតុលា ម្សិលមិញនេះ បុរសជនជាតិថៃម្នាក់ បានធ្វើសកម្មភាពបាញ់ប្រហារសម្លាប់មនុស្សយ៉ាងហោច ៣៤នាក់ នៅខេត្តភាគឦសាន ប្រទេសថៃ។ ជនរងគ្រោះដែលបានបាត់បង់ជីវិតនៅទីនោះ រួមមានក្មេងៗដល់ទៅ ២៣នាក់។មន្ត្រីប៉ូលិសថៃប្រចាំខេត្តណងបួលាំភូ បានឱ្យដឹងថា ខ្មាន់កាំភ្លើង ឈ្មោះ Panya Khamrab មានអាយុ ៣៤ឆ្នាំ បានធ្វើដំណើរទៅកាន់មជ្ឈមណ្ឌលមើលថែទាំកុមារ ដែលស្ថិតក្នុងស្រុកណាក្លាង (Na Klang) ដើម្បីស្វែងរកកូន។ ប៉ុន្តែមិនបានជួបឡើយ ហើយស្រាប់តែបានបើកការបាញ់ប្រហារ នៅក្នុងមជ្ឈមណ្ឌលតែម្ដង។ ក្រោយមកខ្មាន់កាំភ្លើងរូបនេះបានជិះរថយន្ដត្រឡប់ទៅផ្ទះវិញ ហើយបាញ់សម្លាប់ប្រពន្ធកូន និងបាញ់សម្លាប់ខ្លួនឯងតាមក្រោយ។ប្រព័ន្ធផ្សព្វផ្សាយថៃ បានឱ្យដឹងថា ខ្មាន់កាំភ្លើងរូបនេះធ្លាប់ជាអតីតមន្ត្រីប៉ូលិសម្នាក់ ដែលត្រូវបានបណ្ដេញចេញពីតួនាទីកាលពីឆ្នាំ២០២១ ដោយសារប្រើប្រាស់គ្រឿងញៀន។ អ្នកនៅក្នុងតំបន់នោះផ្ទាល់ ក៏សុទ្ធតែស្គាល់យ៉ាងច្បាស់ថា ខ្មាន់កាំភ្លើងរូបនេះជាមនុស្សញៀនថ្នាំផងដែរ។នៅក្នុងការវាយប្រហារដ៏រន្ធត់នេះ ខ្មាន់កំាភ្លើង ប្រដាប់ដោយកាំភ្លើងខ្លីមួយដើម ព្រមទាំងកាំភ្លើង Shot Gun មួយដើម និងកំាបិតមួយផងដែរ។ ភ្លាមៗមិនទាន់មានការបញ្ជាក់ពីមូលហេតុឱ្យច្បាស់ដែលនាំឱ្យខ្មាន់កាំភ្លើងខាងលើ ប្រព្រឹត្តទង្វើដ៏សាហាវយង់ឃ្នងនេះទេ។ ប៉ូលិសថៃ បានសន្និដ្ឋានបឋមថា ការបាញ់ប្រហារនេះ អាចបណ្តាលមកពីឥទ្ធិពលគ្រឿងញៀន៕

ថ្នាក់ដឹកនាំកំពូលថៃចូលរួមរំលែកទុក្ខក្រុមគ្រួសារជនរងគ្រោះក្នុងហេតុការណ៍បាញ់ប្រហារសម្លាប់រង្គាល

ថៃ៖ អាជ្ញាធរនិយាយថា ខ្មាន់កាំភ្លើងដែលបានវាយប្រហារនៅមជ្ឈមណ្ឌលថែទាំកុមារនៅក្នុងប្រទេសថៃ ហើយក្រោយមកបានបាញ់ចេញពីរថយន្តរបស់ខ្លួន ខណៈគេចខ្លួន ដែលក្នុងហេតុការណ៍នេះបានបណ្តាលមនុស្ស ៣៧នាក់បានស្លាប់រួមមានកុមារ ២៤នាក់។ នាយករដ្ឋមន្ត្រីថៃលោក Prayuth Chan-ocha បានសម្ដែងភាពសោកស្ដាយខ្លាំងបំផុតចំពោះជនរងគ្រោះ និងគ្រួសាររបស់ពួកគេ ហើយអាជ្ញាធរនិយាយថា កំពុងស៊ើបអង្កេតចំពោះអ្វីដែលបណ្តាលឲ្យខ្មាន់កាំភ្លើងប្រព្រឹត្តដូច្នេះ។ ជាមួយគ្នានេះ ឧបនាយករដ្ឋមន្ត្រីរបស់ប្រទេសបានទៅពិនិត្យ និងសួរសុខទុក្ខអ្នករងរបួសនៅមន្ទីពេទ្យក្នុងខេត្ត Nongbua Lamphu នៅព្រឹកថ្ងៃសុក្រនេះ។ លោក Anutin Charnvirakul បានជួប និងលោងលោមចិត្តសមាជិកក្រុមគ្រួសារជនរងគ្រោះ ខណៈពួកគេរងចាំព័ត៌មានមនុស្សជាទីស្រលាញ់របស់ពួកគេ។ ឧបនាយករដ្ឋមន្ត្រីលោក Anutin គឺជារដ្ឋមន្ត្រីក្រសួងសុខាភិបាល៕អត្ថបទ៖ ប៊ុនថន

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ

អាមេរិក៖ លោកប្រធានាធិបតីអាមេរិក Joe Biden បានព្រមានថា ហានិភ័យនៃសង្គ្រាមនុយក្លេអ៊ែរគឺមានកម្រិតខ្ពស់បំផុតចាប់តាំងពីវិបត្តិមីស៊ីលគុយបាកាលពីឆ្នាំ១៩៦២ និងបាននិយាយថា លោកកំពុងព្យាយាមបញ្ជាក់លើអ្វីដែលជាគោលដៅរបស់លោក Vladimir Putin ដែលអាចធ្វើដើម្បីបញ្ចៀសការរីកធំថែមទៀតនៃជម្លោះនេះ។ ថ្លែងនៅឯកម្មវិធីរៃអង្គាសថវិកាក្នុងទីក្រុង New York កាលពីយប់ថ្ងៃព្រហស្បតិ៍ លោក Biden បាននិយាយថា ប្រធានាធិបតីរុស្ស៊ីមិនមែននិយាយលេងសើចទេ នៅពេលលោក Putin និយាយពីការប្រើប្រាស់អាវុធនុយក្លេអ៊ែរតាកទិកដ៏មានឥទ្ធិពល ឬអាវុធជីវសាស្ត្រ ឬអាវុធគីមី ព្រោះយោធារបស់លោក Putin គឺអ្នកអាចនិយាយបានថា មានសមត្ថភាពខ្លាំង។ លោក Biden បានលើកឡើងថា យើងមិនដែលប្រឈមទៅនឹងគំនិតនៃការប្រើសង្គ្រាមនុយក្លេអ៊ែរទេ ចាប់តាំងពីសម័យអតីតប្រធានាធិបតីអាមេរិកលោក John F. Kennedy និងប្រទេសមីស៊ីលគុយបា ដោយលោកបន្ថែមថា យើងមានការគំរាមដោយផ្ទាល់នៃការប្រើប្រាស់អាវុធនុយក្លេអ៊ែរ ប្រសិនបើបញ្ហានានាពិតជាបន្តដើរទៅមុខ។ក្រុមមន្ត្រីជាន់ខ្ពស់អាមេរិកបានព្រមានថា រុស្ស៊ីនឹងប្រឈមផលវិបាកធ្ងន់ធ្ងរបំផុត បើទីក្រុង Moscow បានប្រើអាវុធនុយក្លេអ៊ែរមែន និងនិយាយថា ពួកគេបានទាក់ទងជាលក្ខណៈឯកជនជាមួយក្រុមមន្ត្រីរុស្ស៊ី ទោះយ៉ាងណាក៏ដោយសហរដ្ឋអាមេរិកមិនបានពន្យល់ជាសាធារណៈថា តើខ្លួននឹងឆ្លើយតបបែបណាចំពោះការប្រើនុយក្លេអ៊ែរ ដែលមានវិសាលភាពបំផ្លិចបំផ្លាញយ៉ាងធំធេងពីសំណាក់ទីក្រុង Moscow៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កងកម្លាំងរុស្ស៊ីរត់គេចទាំងភ័យស្លន់ស្លោក្នុងអំឡុងពេលដកថយពីភាគខាងកើត

ព្រឹទ្ធសភា កំណត់យកថ្ងៃទី១១ ខែតុលា បើកសម័យប្រជុំលើកទី៩ព្រឹទ្ធសភានីតិកាលទី៤

ព្រះមហាក្សត្រថៃជួបជាមួយសាច់ញាតិជនរងគ្រោះក្នុងការបាញ់ប្រហារនៅមណ្ឌលថែទាំកុមារ

អាមេនី និងអាស៊ែបៃហ្សង់ព្រមព្រៀងទទួលយកបេសកកម្មត្រួតពិនិត្យនៅព្រំដែន បន្ទាប់ពីការប៉ះទង្គិចគ្នា

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

ថ្នាក់ដឹកនាំកំពូលថៃចូលរួមរំលែកទុក្ខក្រុមគ្រួសារជនរងគ្រោះក្នុងហេតុការណ៍បាញ់ប្រហារសម្លាប់រង្គាល

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កងកម្លាំង​រុស្ស៊ី​រត់គេច​ទាំង​ភ័យ​ស្លន់ស្លោ​ក្នុងអំឡុងពេល​ដកថយ​ពី​ភាគ​ខាងកើត​

ព្រឹទ្ធសភា កំណត់យកថ្ងៃទី១១ ខែតុលា បើកសម័យប្រជុំលើកទី៩ព្រឹទ្ធសភានីតិកាលទី៤

ព្រះមហាក្សត្រ​ថៃ​ជួប​ជាមួយ​សាច់ញាតិ​ជនរងគ្រោះ​ក្នុង​ការ​បាញ់​ប្រហារ​នៅ​មណ្ឌល​ថែទាំ​កុមារ

ប្រធាន​ទីភ្នាក់ងារ ​IAEA ​នឹង​ពិភាក្សា​អំពី​សុវត្ថិភាព​នៅ​រោងចក្រ​នុយក្លេអ៊ែរ Zaporizhzhia ជាមួយ​រុស្ស៊ី​

លោក Zelenskyy និយាយថា​ កងទ័ព​អ៊ុយ​ក្រែ​ន​រំដោះ​បាន​ផ្ទៃដី 776គីឡូម៉ែត្រ​ការ៉េ​ក្នុង​សប្តាហ៍​មុន​

សហរដ្ឋអាមេរិក និង​ចក្រភព​អង់គ្លេស​ធ្វើ​សមយុទ្ធ​យាន​ដ្រូ​ន​រួមគ្នា​នៅ​ឈូង​សមុទ្រ​ពែ​ក្ស​

សម្តេចតេជោ ហ៊ុន សែន សម្តែងការសោកស្តាយ និងចូលរួមមរណទុក្ខដ៏ក្រៀមក្រំ ចំពោះការបាញ់ប្រហារលើកុមារថៃ

លោក Biden ព្រមាន​ថា លោក Putin មិនមែន​និយាយ​លេងសើច​ពី​ការ​គំរាម​ប្រើ​នុយក្លេអ៊ែរ​ទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងកម្លាំងរុស្ស៊ីរត់គេចទាំងភ័យស្លន់ស្លោក្នុងអំឡុងពេលដកថយពីភាគខាងកើត

ព្រះមហាក្សត្រថៃជួបជាមួយសាច់ញាតិជនរងគ្រោះក្នុងការបាញ់ប្រហារនៅមណ្ឌលថែទាំកុមារ

ប្រធានទីភ្នាក់ងារ IAEA នឹងពិភាក្សាអំពីសុវត្ថិភាពនៅរោងចក្រនុយក្លេអ៊ែរ Zaporizhzhia ជាមួយរុស្ស៊ី

លោក Zelenskyy និយាយថា កងទ័ពអ៊ុយក្រែនរំដោះបានផ្ទៃដី 776គីឡូម៉ែត្រការ៉េក្នុងសប្តាហ៍មុន

សហរដ្ឋអាមេរិក និងចក្រភពអង់គ្លេសធ្វើសមយុទ្ធយានដ្រូនរួមគ្នានៅឈូងសមុទ្រពែក្ស

លោក Biden ព្រមានថា លោក Putin មិនមែននិយាយលេងសើចពីការគំរាមប្រើនុយក្លេអ៊ែរទេ