BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

រុស្ស៊ី៖ រដ្ឋមន្ត្រីការពារជាតិរុស្ស៊ីលោក Sergei Shoigu ត្រូវបានគេមើលឃើញនៅក្នុងវីដេអូ ដែលចេញផ្សាយដោយក្រសួងការពារជាតិរុស្ស៊ីកាលពីថ្ងៃអង្គារ កំពុងពិនិត្យមើលការហ្វឹកហាត់របស់ក្រុមទាហានបម្រុងដែលត្រូវបានកេណ្ឌ។ សេចក្ដីថ្លែងការណ៍ដែលបានចេញដោយក្រសួងការពារជាតិបាននិយាយថា លោក Shoigu បានពិនិត្យការហ្វឹកហាត់ផ្នែកយុទ្ធវិធី និងផ្នែកវេជ្ជសាស្ត្រនៅទីតាំងហ្វឹកហាត់យោធាមួយកន្លែង។ វិមានក្រឹមឡាំងកាលពីសប្តាហ៍មុនបានប្រកាសពីការកេណ្ឌកងទ័ពមួយផ្នែក ដើម្បីបន្ថែមទាហានយ៉ាងហោចណាស់ ៣សែននាក់ទៅចូលជាមួយកងកម្លាំងរបស់ខ្លួននៅក្នុងប្រទេសអ៊ុយក្រែន ក្នុងការដំណើរការបោះឆ្នោតប្រជាមតិនៅក្នុងតំបន់ដែលបានចូលកាន់កាប់។ នៅប្រទេសរុស្ស៊ី ស្ទើរតែគ្រប់បុរសទាំងអស់ត្រូវបានចាត់ទុកថា ជាទាហានបម្រុងរហូតដល់អាយុ ៦៥ឆ្នាំ។ ការមានបទពិសោធន៍ប្រយុទ្ធ ឬបម្រើយោធាពីមុនមកត្រូវបានចាត់ទុកថា ជាកត្តាចម្បងក្នុងការកេណ្ឌកម្លាំង។ការតវ៉ាជាច្រើនបានផ្ទុះឡើងនៅទូទាំងប្រទេស ហើយប្រព័ន្ធផ្សព្វផ្សាយរុស្ស៊ីបានរាយការណ៍ពីការកើនឡើង ការវាយប្រហារដោយបង្កអគ្គិភ័យទៅលើការិយាល័យចុះឈ្មោះយោធា។ ទាហានបម្រុងនៅទីក្រុង Sevastapol តំបន់ Crimea ត្រូវបានគេមើលឃើញកំពុងឡើងជិះរថយន្តក្រុង ខណៈការកេណ្ឌកម្លាំងបានបន្តនៅក្នុងប្រទេសរុស្ស៊ីកាលពីថ្ងៃអង្គារ៕អត្ថបទ៖ ប៊ុនថន

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

អ៊ុយក្រែន៖ សារព័ត៌មាន Bloomberg បានរាយការណ៍ថា ពុំមានសញ្ញាដែលថា ក្រុមអ្នកគាំទ្រទីក្រុង Kiev នៅក្នុងសហរដ្ឋអាមេរិក និងសហភាពអឺរ៉ុបនឹងបង្កើនការដឹកជញ្ជូនអាវុធទៅកាន់អ៊ុយក្រែន ឆ្លើយតបទៅនឹងការកេណ្ឌកម្លាំងទ័ពមួយផ្នែកនៅក្នុងប្រទេសរុស្ស៊ីទេ។ក្រុមមន្ត្រីនៅក្នុងទីក្រុង Kiev និយាយថា ពួកគេត្រូវការប្រព័ន្ធបាញ់គ្រាប់រ៉ូកែតពហុជំនាញ និងរថក្រោះបន្ថែមទៀតដើម្បីជួយនូវអ្វីដែលពួកគេហៅថាការពង្រីកសង្គ្រាមដោយរុស្ស៊ី ដោយសំដៅដល់សកម្មភាពរបស់ទីក្រុង Moscow ក្នុងការកោះហៅទាហានបម្រុងប្រមាណ ៣សែននាក់ដើម្បីពង្រឹងកម្លាំងរបស់ខ្លួនក្នុងប្រទេសអ៊ុយក្រែន។ ប៉ុន្តែមន្ត្រីជាន់ខ្ពស់មួយរូបរបស់អឺរ៉ុបដែលមិនបញ្ចេញឈ្មោះបានប្រាប់ទីភ្នាក់ងារនេះថា វាមិនទំនងជានឹងមានការបង្កើនចំនួនអាវុធដ៏ច្រើនដល់ទីក្រុង Kiev ឬថា មានបម្រាមថ្មីណាមួយនឹងត្រូវបានបំបែកដោយលោកខាងលិច ក្នុងការសម្រេចផ្ដល់ប្រភេទអាវុធបែបណានោះទេ។លោកបានពន្យល់ថា នេះដោយសារតែសហរដ្ឋអាមេរិកមានការប្រយ័ត្នប្រយែង ក្នុងការបង្កជម្លោះដោយផ្ទាល់ជាមួយរុស្ស៊ីតាមរយៈការផ្ដល់អាវុធទំនើបបន្ថែមទៀត ហើយឃ្លាំងស្តុកអាវុធដ៏សំខាន់របស់សហភាពអឺរ៉ុបខ្លួនឯងពេលនេះជិតអស់ហើយដែរ។ មន្ត្រីចំនួន ៤នាក់បានប្រាប់សារព័ត៌មាន Bloomberg ថា ពួកគេមើលពុំឃើញសុចនាករណ៍របស់បណ្ដារដ្ឋាភិបាលសហភាពអឺរ៉ុប ក្នុងការត្រៀមផ្ដល់អាវុធជុំថ្មីដល់អ៊ុយក្រែននោះទេ៕អត្ថបទ៖ សុខមាន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន

អ៊ុយក្រែន៖ សមាជិកក្រុមប្រឹក្សាសន្តិសុខអង្គការសហប្រជាជាតិ បានថ្កោលទោសប្រទេសរុស្ស៊ីកាលពីថ្ងៃអង្គារ បន្ទាប់ពីការអះអាងរបស់ខ្លួនថា ប្រជាជនដ៏ច្រើនលើសលប់បានគាំទ្រការចូលជាមួយរុស្ស៊ី នៅក្នុងការបោះឆ្នោតប្រជាមតិដែលរៀបចំតាមដំណាក់កាល។ មន្ត្រីគាំទ្រក្រុងមូស្គូបាននិយាយថា តំបន់ដែលបានចូលកាន់កាប់ចំនួន៤ របស់អ៊ុយក្រែនបានបោះឆ្នោតឲ្យចូលរួមជាមួយរុស្ស៊ី។ យោងតាមមន្ត្រីបោះឆ្នោតដែលតែងតាំងដោយរុស្ស៊ីបានឲ្យដឹងថា ៩៣% នៃសន្លឹកឆ្នោតដែលបានបោះនៅក្នុងតំបន់ Zaporizhzhia គាំទ្រការដាក់បញ្ចូលជាឧបសម្ព័ន្ធ ខណៈ ៨៧% នៅក្នុងតំបន់ Kherson, ៩៨% នៅក្នុងតំបន់ Luhansk និង ៩៩% នៅ Donetsk។ ការបោះឆ្នោតប្រជាមតិបានចាប់ផ្តើមចាប់តាំងថ្ងៃទី២៣ ខែកញ្ញា ដោយមានមន្ត្រីប្រដាប់អាវុធទៅប្រមូលសន្លឹកឆ្នោតពីលំនៅឋានមួយទៅលំនៅឋានមួយ។ សន្លឹកឆ្នោតបានសួរពលរដ្ឋថា តើពួកគេចង់ឱ្យតំបន់នេះត្រូវបានដាក់បញ្ចូលជាមួយប្រទេសរុស្ស៊ីដែរ ឬទេ។ កាលពីឆ្នាំ២០១៤ អាជ្ញាធររុស្ស៊ីបានធ្វើប្រជាមតិស្រដៀងគ្នានេះនៅលើឧបទ្វីបគ្រីមៀរបស់អ៊ុយក្រែន ក្រោមការឃ្លាំមើលយ៉ាងដិតដល់របស់ទាហានរុស្ស៊ី។ ផ្អែកលើការបោះឆ្នោត រុស្ស៊ីបានដាក់បញ្ចូលឧបសម្ព័ន្ធឧបទ្វីបគ្រីមៀ លោក Puitin បានលើកឡើងពីការការពារប្រជាជនរុស្សីដែលរស់នៅក្នុងតំបន់ភាគខាងកើតប្រទេសអ៊ុយក្រែន។ ប្រធានាធិបតីអ៊ុយក្រែនលោក Volodymyr Zelenskyy បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ នៅក្នុងសុន្ទរកថាតាមអ៊ីនធឺណិតកាលពីថ្ងៃអង្គារភ្លាមៗ បន្ទាប់ពីដឹងថា មន្ត្រីគាំទ្រទីក្រុងមូស្គូបាននិយាយថា ប្រជាជននៅក្នុងតំបន់ Zaporizhzhia បានបោះឆ្នោតឱ្យចូលរួមជាមួយប្រទេសរុស្ស៊ី។ លោក Zelenskyy និយាយថា នៅចំពោះមុខក្រសែភ្នែករបស់ពិភពលោកទាំងមូល ប្រទេសរុស្ស៊ីកំពុងបោះឆ្នោតប្រជាមតិដែលគេហៅថា ជាការបោកបញ្ឆោតនៅលើទឹកដីរបស់អ៊ុយក្រែនដែលបានចូលមកកាន់កាប់៕អត្ថបទ៖ ប៊ុនថន

ប្រជាជនរុស្ស៊ីប្រមាណ ៩៨,០០០នាក់បានភៀសខ្លួនទៅប្រទេសកាហ្សាក់ស្ថាន ដើម្បីគេចពីការកេណ្ឌកម្លាំង

កាហ្សាក់ស្ថាន៖ មន្ត្រីប្រទេសកាហ្សាក់ស្ថានបាននិយាយកាលពីថ្ងៃអង្គារថា ប្រជាជនរុស្ស៊ីប្រមាណ ៩៨,០០០នាក់បានឆ្លងចូលមកក្នុងប្រទេសកាហ្សាក់ស្ថាន ចាប់តាំងពីប្រធានាធិបតីលោក វ្ល៉ាឌីមៀ ពូទីន បានប្រកាសពីការកេណ្ឌទ័ពមួយផ្នែកនៃក្រុមទាហានបម្រុងដើម្បីប្រយុទ្ធនៅក្នុងប្រទេសអ៊ុយក្រែន ខណៈដែលក្រុមបុរសកំពុងព្យាយាមគេចពីការកេណ្ឌកងទ័ព ដែលបានបន្តភៀសខ្លួនតាមផ្លូវគោក និងតាមផ្លូវអាកាសទៅកាន់ប្រទេសជិតខាង។ ប្រទេសកាហ្សាក់ស្ថាន និងហ្សកហ្ស៊ីដែលប្រទេសទាំង២ ជាផ្នែករបស់អតីតសហភាពសូវៀត ទំនងជាគោលដៅពេញនិយមបំផុតសម្រាប់អ្នកដែលឆ្លងកាត់ដោយរថយន្ត កង់ ឬដោយថ្មើរជើង។ អ្នកដែលមានទិដ្ឋាការសម្រាប់ប្រទេសហ្វាំងឡង់ ឬន័រវេសក៏ត្រូវបានចូលមកតាមផ្លូវគោកផងដែរ។ សំបុត្រយន្តហោះទៅក្រៅប្រទេសបានលក់អស់យ៉ាងឆាប់រហ័ស ទោះបីជាតម្លៃឡើងកប់ពពកក៏ដោយ។ ក្រសួងការពារជាតិរុស្ស៊ីបាននិយាយថា មានតែមនុស្សប្រមាណ ៣សែននាក់ប៉ុណ្ណោះដែលនឹងមានការប្រយុទ្ធ ឬបម្រើផ្នែកយោធាផ្សេងទៀតនឹងត្រូវបានកេណ្ឌ ប៉ុន្តែរបាយការណ៍បានលេចចេញពីតំបន់ផ្សេងៗរបស់រុស្ស៊ីថា អ្នកជ្រើសរើសកំពុងប្រមូលបុរសៗនៅក្រៅពីរបាយការណ៍នេះ។នោះបានជំរុញឱ្យមានការភ័យខ្លាចចំពោះការកេណ្ឌកម្លាំងកាន់តែទូលំទូលាយ បណ្តាលឲ្យមនុស្សគ្រប់វ័យ និងគ្រប់មជ្ឈដ្ឋានគេចទៅកាន់ព្រលានយន្តហោះ និងទៅកាន់ច្រកព្រំដែន។ នៅក្នុងការប្រកាសអំពីចំនួនប្រជាជនរុស្សីដែលឆ្លងកាត់ព្រំដែន រដ្ឋមន្ត្រីក្រសួងមហាផ្ទៃកាហ្សាក់ស្ថានលោក Marat Akhmetzhanov បាននិយាយថា អាជ្ញាធរនឹងមិនបញ្ជូនអ្នកដែលគេចពីការកេណ្ឌទ័ពឲ្យត្រឡប់ទៅប្រទេសរបស់ពួកគេវិញនោះទេ លុះត្រាតែពួកគេស្ថិតក្នុងបញ្ជីដែលអន្តរជាតិត្រូវការសម្រាប់ការចោទប្រកាន់ពីបទឧក្រិដ្ឋផ្សេងៗ៕អត្ថបទ៖ ប៊ុនថន

រុស្ស៊ីចេញការព្រមាននុយក្លេអ៊ែរថ្មី ខណៈឈ្នះការបោះឆ្នោតប្រជាមតិក្នុងដែនដីគ្រប់គ្រងនៅអ៊ុយក្រែន

រុស្ស៊ី៖ សម្ព័ន្ធមិត្តរបស់លោកប្រធានាធិបតី Vladimir Putin បានចេញការព្រមាននុយក្លេអ៊ែរថ្មីដ៏ម៉ឺងម៉ាត់មួយដល់អ៊ុយក្រែន និងលោកខាងលិចកាលពីថ្ងៃអង្គារ ខណៈរុស្ស៊ីបានចាប់ផ្ដើមបញ្ចេញលទ្ធផលនៃការបោះឆ្នោតប្រជាមតិ ស្របពេលត្រៀមដាក់បញ្ចូលតំបន់ទាំង៤ របស់អ៊ុយក្រែនចូលជាឧបសម្ព័ន្ធ។ ប៉ុន្តែទីប្រឹក្សាមួយរូបរបស់ប្រធានាធិបតីអ៊ុយក្រែនលោក Volodymyr Zelenskyy បានប្រាប់សារព័ត៌មាន Reuters ថា ទីក្រុង Kyiv នឹងមិនចុះញ៉មដោយសារតែការគំរាមកំហែងនុយក្លេអ៊ែរ ឬការបោះឆ្នោតដាក់បញ្ចូលជាឧបសម្ព័ន្ធនោះទេ ហើយអ៊ុយក្រែននឹងបង្កើនផែនការដណ្ដើមយកមកវិញ នូវដែនដីទាំងអស់ដែលត្រូវបានគ្រប់គ្រងដោយកម្លាំងរុស្ស៊ី។ ការព្រមាននុយក្លេអ៊ែរកាលពីថ្ងៃអង្គារពីសំណាក់លោក Dmitry Medvedev អនុប្រធានក្រុមប្រឹក្សាសន្តិសុខជាតិរុស្ស៊ី គឺជាការព្រមានមួយក្នុងចំណោមការព្រមានជាច្រើនចេញដោយលោក Putin និងមនុស្សជំនិតរបស់លោកក្នុងរយៈពេលប៉ុន្មានសប្ដាហ៍ថ្មីៗនេះ។ ជាលើកដំបូងដែលលោក Medvedev បានព្យាករណ៍ថា សម្ព័ន្ធយោធាណាតូនឹងមិនលូកដៃចូលដោយផ្ទាល់ទៅក្នុងសង្គ្រាមអ៊ុយក្រែន ប្រសិនបើទីក្រុង Moscow វាយប្រហារអ៊ុយក្រែនដោយប្រើអាវុធនុយក្លេអ៊ែរ៕អត្ថបទ៖ សុខមាន

ចំនួនអ្នកស្លាប់ដោយសារលិចសាឡាងក្រុមអ្នកធម្មយាត្រានៅបង់ក្លាដែសបានកើនឡើងដល់ ៦៦នាក់

បង់ក្លាដែស៖ ក្រុមមន្ត្រីបាននិយាយថា ក្រុមអ្នកជួយសង្គ្រោះក្នុងប្រទេសបង់ក្លាដែសភាគខាងជើង កាលពីថ្ងៃអង្គារបានរកឃើញសាកសពជាច្រើននាក់បន្ថែមទៀត ពីសាឡាងដែលផ្ទុកអ្នកធម្មយាត្រាហិណ្ឌូលើសចំណុះបានលិច ក្នុងមហន្តរាយមួយក្នុងចំណោមមហន្តរាយដ៏ធ្ងន់ធ្ងរបំផុតតាមដងទន្លេនាពេលថ្មីៗនេះ ដែលធ្វើឲ្យចំនួនអ្នកស្លាប់សរុបឡើងដល់ ៦៦នាក់។ លោក Dipankar Roy មន្ត្រីជាន់ខ្ពស់របស់រដ្ឋាភិបាលក្នុងស្រុក Panchagarh ជាទីដែលសាឡាងបានលិចកាលពីថ្ងៃអាទិត្យបាននិយាយថា មនុស្សហោចណាស់ ១៥នាក់នៅតែបាត់ខ្លួននៅឡើយ។ យោងតាមវីដេអូក្នុងប្រព័ន្ធផ្សព្វផ្សាយក្នុងស្រុក ក្រុមអ្នកធម្មយាត្រាប្រមាណ ១០០នាក់បានឆ្លងទន្លេ Karatoa ក្នុងតំបន់ Boda ដើម្បីអបអរសាទរពិធីបុណ្យសាសនាក្នុងព្រះវិហារមួយ នៅពេលដែលសាឡាងរបស់ពួកគេបានក្រឡាប់លិច។ ប្រមាណ ៨% នៃប្រជាជនជាង ១៦០លាននាក់ក្នុងប្រទេសបង់ក្លាដែសកាន់សាសនាហិណ្ឌូ។ឧបទ្ទវហេតុលិចសាឡាងតែងកើតឡើងជាធម្មតា ដោយសារការបើកនាវាខ្វះការប្រុងប្រយ័ត្ន ការផ្ទុកមនុស្សលើសចំណុះ និងការអនុវត្តន៍ច្បាប់ធូររលុងក្នុងប្រទេសទំនាបខ្វែងខ្វាត់ដោយទន្លេប្រមាណ ១៣០។ កាលពីឆ្នាំមុន ការលិចនាវាចម្លងមួយបានឆក់យកជីវិតមនុស្សយ៉ាងហោចណាស់ ៣៤នាក់ ចំណែកអគ្គិភ័យនៅលើសាឡាងមួយផ្សេងទៀតបានសម្លាប់មនុស្សយ៉ាងហោចណាស់ ៣៩នាក់៕អត្ថបទ៖ សុខមាន

ពលរដ្ឋរាប់លាននាក់ក្នុងរដ្ឋ Florida ត្រូវបានជំរុញឲ្យជម្លៀសចេញពីលំនៅឋាន ខណៈព្យុះសង្ឃរាអាយអិនចូលមកកាន់តែជិត

សហរដ្ឋអាមេរិក៖ ប្រជាពលរដ្ឋនៅក្នុងតំបន់ឆ្នេរសមុទ្ររបស់រដ្ឋ Florida កាលពីថ្ងៃអង្គារបានបិទទ្វារបង្អួចផ្ទះរបស់ពួកគេ ដោយបានចាកចេញតាមរថយន្តឆ្ពោះទៅកាន់តំបន់មានសុវត្ថិភាព ខណៈព្យុះសង្ឃរាអាយអិន (Ian) ជិតចូលមកដល់ ដែលគំរាមកំហែងកាន់តែខ្លាំងពីការមកដល់នៃព្យុះដ៏មានឥទ្ធិពលបំផុត និងជំនន់ទឹកភ្លៀងនៅតំបន់មួយចំនួន។ដោយបក់បោកពាសពេញតំបន់សមុទ្រការ៉ាអ៊ីបនៅលើផ្លូវឆ្ពោះទៅកាន់រដ្ឋ Florida ព្យុះសង្ឃរាអាយអិនបានវាយប្រហារចូលប្រទេសគុយបា បង្ខំឲ្យមនុស្សជាច្រើនជម្លៀសចេញពីលំនៅឋាន កាត់ផ្ដាច់ចរន្តអគ្គិសនីសម្រាប់ពលរដ្ឋរាប់ម៉ឺននាក់ និងជន់លិចភូមិនេសាទនានា។ ពលរដ្ឋ Florida ជាង ២លាន ៥សែននាក់ស្ថិតក្រោមបញ្ជាឲ្យជម្លៀស ឬព្រមានពីការវាយប្រហារដោយព្យុះនៅលើផ្លូវព្យុះសង្ឃរាកម្រិត៣ ដែលនឹងមកដល់នៅល្ងាចថ្ងៃពុធនេះនៅតាមតំបន់ជាប់ឆ្នេរសមុទ្រ។ព្យុះសង្ឃរាកម្រិត៣ នេះបានបក់នាំខ្យល់កម្លាំងអតិបរមារហូតដល់ ២០៨គីឡូម៉ែត្រក្នុងមួយម៉ោង។ យោងតាមមន្ទីរព្យាករណ៍អាកាសធាតុជាតិ តំបន់ខ្លះនៃភាគកណ្ដាលរដ្ឋ Florida អាចមើលឃើញកម្រិតទឹកភ្លៀង ០.៦ម៉ែត្រដោយសារតែព្យុះសង្ឃរាអាយអិន៕អត្ថបទ៖ សុខមាន

រុស្ស៊ីអះអាងជ័យជម្នះក្នុងការបោះឆ្នោតប្រជាមតិក្នុងតំបន់ ៤ របស់អ៊ុយក្រែន

រុស្ស៊ី៖ ក្រុមមន្ត្រីដែលលើកបន្តុបដោយរុស្ស៊ីនៅក្នុងតំបន់គ្រប់គ្រងនៃប្រទេសអ៊ុយក្រែន បានរាយការណ៍ពីការគាំទ្រដោយសំឡេងភាគច្រើនលើសលុបនៃការបោះឆ្នោតចូលរួមជាមួយរុស្ស៊ី ខណៈសហរដ្ឋអាមេរិកគ្រោងប្រើសេចក្ដីសម្រេចរបស់អង្គការសហប្រជាជាតិ ថ្កោលទោសការធ្វើប្រជាមតិនេះថា ជាទង្វើគ្មានការអៀនខ្មាស់ ហើយទីក្រុង Moscow នៅតែផ្គើន។ អឺរ៉ុបកំពុងស៊ើបអង្កេតនូវអ្វីដែលប្រទេសអាល្លឺម៉ង់ ស៊ុយអែត និងដាណឺម៉ាកបាននិយាយកាលពីថ្ងៃអង្គារថា មានការវាយប្រហារនានាដែលបានបណ្ដាលឲ្យបែកធ្លាយបំពង់បង្ហូរឧស្ម័ន ចេញពីបំពង់បង្ហូរថាមពលរបស់រុស្ស៊ី។ ប៉ុន្តែនៅតែមិនទាន់បានដឹងច្បាស់នៅឡើយថា តើនរណាអាចស្ថិតនៅពីក្រោយការវាយប្រហារនេះ។ ការបោះឆ្នោតដែលបានរៀបចំយ៉ាងប្រញាប់ប្រញាល់បានកើតឡើងរយៈពេលជាង ៥ថ្ងៃក្នុងតំបន់ Donetsk និង Luhansk ភាគខាងកើត និងនៅក្នុងតំបន់ Zaporizhzhia និង Kherson របស់ប្រទេសអ៊ុយក្រែនរហូតដល់ភាគខាងត្បូង ដែលមានផ្ទៃដីប្រមាណ ១៥% នៃដែនដីរបស់អ៊ុយក្រែន។យោងតាមក្រុមមន្ត្រីដែលតែងតាំងដោយរុស្ស៊ី និងប្រព័ន្ធផ្សព្វផ្សាយរុស្ស៊ី លទ្ធផលបឋមបានពីការបោះឆ្នោតកាលពីថ្ងៃអង្គារទទួលបានពី ៨៧% ដល់ ៩៨.៥% ដែលចង់ចូលរួមជាមួយរុស្ស៊ី។ ប្រធានសភាជាន់ខ្ពស់រុស្ស៊ីបាននិយាយថា សភាអាចនឹងពិចារណាដាក់បញ្ចូលតំបន់ទាំង៤ ជាឧបសម្ព័ន្ធរុស្ស៊ីនៅថ្ងៃទី៤ ខែតុលាខាងមុខ។ ប្រជាពលរដ្ឋក្នុងតំបន់ Luhansk សង្ឃឹមថា ការបោះឆ្នោតប្រជាមតិនេះនឹងនាំមកវិញនៅសន្តិភាព៕អត្ថបទ៖ សុខមាន

ជប៉ុននឹងបង្កើតរោងចក្រក្រុមហ៊ុនតូយ៉ូតា នៅប្រទេសកម្ពុជា

ក្នុងឱកាសស្នាក់នៅប្រទេសជប៉ុនចូលរួមបុណ្យសពថ្នាក់ជាតិ របស់អតីតនាយករដ្ឋមន្ត្រីជប៉ុន អាបេ ស៊ីនហ្សូ សម្តេចតេជោ ហ៊ុន សែន នាយរដ្ឋមន្រ្តីកម្ពុជា បានអញ្ជើញជួបសំដែងការគួរសម ឯកឧត្តមនាយករដ្ឋមន្រ្តីជប៉ុន Fumio Kishida ផងដែរ។ជាមួយនឹងការរំលឹកការដែលសម្តេច និងឯកឧត្តម គីស៊ីដា ធ្លាប់បានជួបគ្នា៣លើករួចមកហើយនោះ សម្តេចតេជោបានគូសបញ្ជាក់ថា សម្តេចសង្ឃឹមថានឹងបានជួបឯកឧត្តម គីស៊ីដា ហ្វុមិអូ សារជាថ្មីម្តងទៀតនៅកម្ពុជាដែលសម្តេចសូមអញ្ជើញឯឧ ទៅចូលរួមក្នុងកិច្ចប្រជុំកំពូល អាស៊ាន ជប៉ុន ដែលកម្ពុជាធ្វើជាម្ចាស់ផ្ទះនៅខែវិច្ឆិកាខាងមុខនេះ។សម្តេចបានថ្លែងអំណរគុណចំពោះឯកឧត្ដម គីស៊ីដា ដែលបានគាំទ្រកម្ពុជាធ្វើជាប្រធានអាស៊ាននៅក្នុងឆ្នាំនេះ និង ថ្លែងអំណរគុណ ចំពោះឯកឧត្តមនាយករដ្ឋមន្ត្រីជប៉ុនដែលបានថ្លែងសន្ទរកថា លើកពីការចូលរួមជាវិភាគទានពាក់ព័ន្ធនឹងប្រទេសកម្ពុជា ជាពិសេស ក្នុងក្របខណ្ឌការរក្សាសន្តិភាព ដែលជប៉ុនបានបញ្ជូនកងស្វ័យការពាររបស់ខ្លួនជាលើកដំបូងមកជួយដល់កម្ពុជាក្នុងក្របខណ្ឌក្រោមឆ័ត្រអង្គការសហប្រជាជាតិ ហើយឯកឧត្ដម ក៏បានលើកពីកម្ពុជាដែលបានបញ្ជូនកងកម្លាំងចូលរួមក្នុងប្រតិបត្តិការថែរក្សាសន្តិភាពនៅក្រោមឆ័ត្រអង្គការសហប្រជាជាតិផងដែរ។ សម្តេចក៏បានរំលឹកពីតួនាទីដ៏សំខាន់របស់ជប៉ុនក្នុងការចូលរួមស្វែងរកសន្តិភាពដល់ប្រទេសកម្ពុជា ហើយកិច្ចសហការជាង៣០ឆ្នាំកន្លងទៅនេះយើងនឹងបន្ត ចូលរួមនៅក្នុងប្រតិបត្តិការ រក្សាសន្តិភាពក្រោមឆ័ត្រអង្គការសហប្រជាជាតិនៅពេលខាងមុខទៀត។ឯកឧត្តមនាយករដ្ឋមន្ត្រីជប៉ុនក៏បានថ្លែងអំណរគុណ សម្តេចតេជោដែលបានអញ្ជើញឯកឧត្តមពេលចូលរួម កិច្ចប្រជុំកំពូលអាស៊ានជប៉ុន និងកិច្ចប្រជុំកំពូលអាស៊ីបូព៌ានៅកម្ពុជាក្នុងខែវិច្ឆិកាខាងមុខនេះ។ ឯកឧត្តមក៏បានលើក ពីកិច្ចពិភាក្សាទ្វេភាគីរវាងជប៉ុន កម្ពុជាផងដែរ ជាពិសេសលើវិស័យសន្តិសុខ ហើយក៏បានថ្លែងអំណរគុណចំពោះសម្តេចតេជោនាយករដ្ឋមន្ត្រីដែលកន្លងទៅបានទទួលនាវាជប៉ុនចូលចតកំពង់ផែ ខេត្តព្រះសីហនុ និងបានលើកឡើងពីការងារដែលត្រូវធ្វើបន្តដូចជាកិច្ចសហការលើវិស័យសេដ្ឋកិច្ច ជាពិសេសជប៉ុនបង្កើតរោងចក្រក្រុមហ៊ុនតូយ៉ូតានៅប្រទេសកម្ពុជា និងបានស្នើសម្តេចបន្តគាំទ្រក្រុមហ៊ុនជប៉ុនដែលបង្កើតនៅប្រទេសកម្ពុជា។ ទស្សនកិច្ចរបស់ឯកឧត្តមទៅកាន់ប្រទេសកម្ពុជានៅក្នុងខែវិច្ឆិកាខាងមុខនឹងបន្តពង្រឹងនិងពង្រីងកិច្ចសហប្រតិបត្តិការរវាងជប៉ុន កម្ពុជា ជាពិសេសធ្វើយ៉ាងណាបង្ហាញការខិតខំនិងយកចិត្តទុកដាក់ខ្ពស់ដល់កិច្ចហការទ្វេភាគីនិងជាមួយដៃគូពាក់ព័ន្ធហើយឆ្នាំក្រោយជាខួប៥០ឆ្នាំនៃកិច្ចសហការរវាងអាស៊ាន ជប៉ុន ឯកឧត្តមក៏បានស្នើសុំសម្តេចតេជោនាយករដ្ឋមន្ត្រីបន្តគាំទ្រជប៉ុនផងដែរ។ភាគីទាំងពីរក៏បានពិភាក្សាផ្លាស់ប្ដូរយោបល់ពាក់ព័ន្ធបញ្ហា តំបន់មួយចំនួន ដូចជាឧបទ្វីបកូរ៉េ បញ្ហាមីយ៉ាន់ម៉ា បញ្ហាសមុទ្រចិនខាងត្បូងនិង បញ្ហាសង្គ្រាមនៅប្រទេសអ៊ុយក្រេន។ ចំពោះបញ្ហាមីយ៉ាន់ម៉ា ឯកឧត្តមបានគូបបញ្ជាក់ ថា ឯកឧត្តមពិតជាអរគុណចំពោះការខិតខំប្រឹងប្រែងរបស់សម្ដេចតេជោនាយករដ្ឋមន្ត្រី ខណៈដែលស្ថានភាពនៅមីយ៉ាន់ម៉ា គួរឱ្យព្រួយបារម្ភហើយជប៉ុននឹងបន្តគាំទ្រដល់ ការខិតខំរបស់អាស៊ានទាំងឡាយ។ ចំពោះបញ្ហានៅឧបទ្វីបកូរ៉េវិញ ឯកឧត្តមបានគូបញ្ជាក់ថានឹងបន្តសហការជាមួយសម្ដេចតេជោជាពិសេសពាក់ព័ន្ធនឹងបញ្ហានុយក្លេអ៊ែរ ដែលបញ្ហានុយក្លេអ៊ែរនៅតែជាបញ្ហាព្រួយបារម្ភរបស់ប្រជាជនជប៉ុន ក៏ដូចជាសហគមន៍អន្តរជាតិផងដែរ។ជាការឆ្លើយតបសម្ដេចតេជោនាយករដ្ឋមន្ត្រីបានគូបញ្ជាក់ថា ចំពោះបញ្ហាមីយ៉ាន់ម៉ាយើងនឹងបន្តការងារនេះក្នុងក្របខណ្ឌអាស៊ាន យើងនឹងបន្តជំរុញទោះជាបញ្ហាប្រឈមក៏ដោយយើងមិនបោះបង់ចោលការងារនេះទេ។ ចំពោះបញ្ហាផ្សេងៗទៀតដែលឯកឧត្តមនាយករដ្ឋមន្ត្រីជប៉ុនបានលើកឡើង សម្តេចតេជោនាយករដ្ឋមន្ត្រីបានមានប្រសាសន៍ថាយើងនឹងបន្តធ្វើការជាមួយគ្នា នៅពេលខាងមុខទៀត ហើយសម្ដេចរំពឹងថានឹងទទួលឯកឧត្តមនាយករដ្ឋមន្ត្រីជប៉ុននៅប្រទេសកម្ពុជាក្នុងខែវិច្ឆិកាខាងមុខ៕

សម្តេចតេជោ ហ៊ុន សែន ដឹកនាំគណៈប្រតិភូចាកចេញពីជប៉ុន វិលត្រឡប់មកកាន់ប្រទេសកម្ពុជាវិញហើយនៅព្រឹកនេះ

ភ្នំពេញ៖ នៅវេលាម៉ោង១០ព្រឹក (ម៉ោងនៅជប៉ុន) ថ្ងៃទី២៨ ខែកញ្ញា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជា បានអញ្ជើញដឹកនាំគណៈប្រតិភូជាន់ខ្ពស់ ចាកចេញពីប្រទេសជប៉ុនវិលត្រឡប់ទៅកាន់មាតុប្រទេសវិញតាមយន្តហោះពិសេស។ប្រសិនបើមិនមានការរំខានដល់ការហោះហើរទេនោះ យន្តហោះនឹងទៅដល់ព្រលានអន្តរជាតិភ្នំពេញនៅម៉ោង ២:៣០នាទីរសៀលនេះ៕

បណ្ដាញសង្គម

ព័ត៌មានថ្មីៗ

មេដឹកនាំពិភពលោកបញ្ចេញប្រតិកម្មចំពោះការប្រកាសអំពីកិច្ចព្រមព្រៀងសន្តិភាពរវាងអាមេរិក-អ៊ីរ៉ង់

[UPDATE] ប៉ាគីស្ថាន៖ អាមេរិក និងអ៊ីរ៉ង់ បានឈានដល់កិច្ចព្រមព្រៀងបញ្ចប់សង្គ្រាម ហើយការចុះហត្ថលេខាត្រូវធ្វើឡើងនៅថ្ងៃសុក្រ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន

ប្រជាជនរុស្ស៊ីប្រមាណ ៩៨,០០០នាក់បានភៀសខ្លួនទៅប្រទេសកាហ្សាក់ស្ថាន ដើម្បីគេចពីការកេណ្ឌកម្លាំង

រុស្ស៊ីចេញការព្រមាននុយក្លេអ៊ែរថ្មី ខណៈឈ្នះការបោះឆ្នោតប្រជាមតិក្នុងដែនដីគ្រប់គ្រងនៅអ៊ុយក្រែន

ចំនួនអ្នកស្លាប់ដោយសារលិចសាឡាងក្រុមអ្នកធម្មយាត្រានៅបង់ក្លាដែសបានកើនឡើងដល់ ៦៦នាក់

ពលរដ្ឋរាប់លាននាក់ក្នុងរដ្ឋ Florida ត្រូវបានជំរុញឲ្យជម្លៀសចេញពីលំនៅឋាន ខណៈព្យុះសង្ឃរាអាយអិនចូលមកកាន់តែជិត

រុស្ស៊ីអះអាងជ័យជម្នះក្នុងការបោះឆ្នោតប្រជាមតិក្នុងតំបន់ ៤ របស់អ៊ុយក្រែន

ជប៉ុននឹងបង្កើតរោងចក្រក្រុមហ៊ុនតូយ៉ូតា នៅប្រទេសកម្ពុជា

សម្តេចតេជោ ហ៊ុន សែន ដឹកនាំគណៈប្រតិភូចាកចេញពីជប៉ុន វិលត្រឡប់មកកាន់ប្រទេសកម្ពុជាវិញហើយនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រដ្ឋមន្ត្រី​ការពារជាតិ​រុស្ស៊ី​ពិនិត្យ​ការហ្វឹកហាត់​របស់​ក្រុម​ទាហាន​បម្រុង​ដែល​បាន​កេណ្ឌ​

សារព័ត៌មាន Bloomberg៖ ​អាមេរិក​កំពុង​ប្រុងប្រយ័ត្ន ខណៈ​អឺរ៉ុប​ជិត​អស់​អាវុធ​សម្រាប់​ផ្ដល់​ឲ្យ​អ៊ុយ​ក្រែ​ន​

ប្រទេស​ជាច្រើន​ថ្កោលទោស​រុស្ស៊ី​ចំពោះ​ការបោះឆ្នោត​ប្រជាមតិ​នៅ​តំបន់​របស់​អ៊ុយ​ក្រែ​ន

ចំនួន​អ្នកស្លាប់​ដោយសារ​លិច​សាឡាង​ក្រុម​អ្នក​ធម្ម​យាត្រា​នៅ​បង់​ក្លា​ដែ​សបាន​កើនឡើង​ដល់ ​៦៦​នាក់

រុស្ស៊ីអះអាង​ជ័យជម្នះ​ក្នុងការ​បោះឆ្នោត​ប្រជាមតិ​ក្នុង​តំបន់​ ៤ ​របស់​អ៊ុយ​ក្រែ​ន​

ជប៉ុននឹងបង្កើតរោងចក្រក្រុមហ៊ុនតូយ៉ូតា នៅប្រទេសកម្ពុជា

សម្តេចតេជោ ហ៊ុន សែន ដឹកនាំគណៈប្រតិភូចាកចេញពីជប៉ុន វិលត្រឡប់មកកាន់ប្រទេសកម្ពុជាវិញហើយនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន

ចំនួនអ្នកស្លាប់ដោយសារលិចសាឡាងក្រុមអ្នកធម្មយាត្រានៅបង់ក្លាដែសបានកើនឡើងដល់ ៦៦នាក់

រុស្ស៊ីអះអាងជ័យជម្នះក្នុងការបោះឆ្នោតប្រជាមតិក្នុងតំបន់ ៤ របស់អ៊ុយក្រែន