BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

មានការវាយប្រយុទ្ធគ្នាដ៏ខ្លាំងក្លា ខណៈការបោះឆ្នោតចូលជាឧបសម្ព័ន្ធរុស្ស៊ីនៅអ៊ុយក្រែនចូលដល់ថ្ងៃចុងក្រោយ

អ៊ុយក្រែន៖ កងកម្លាំងអ៊ុយក្រែន និងរុស្ស៊ីកំពុងជាប់ដៃប្រយុទ្ធយ៉ាងខ្លាំងក្លា នៅក្នុងតំបន់ផ្សេងៗជាច្រើនក្នុងប្រទេសអ៊ុយក្រែននៅថ្ងៃអង្គារនេះ ខណៈការធ្វើប្រជាមតិរៀបចំដោយប្រទេសរុស្ស៊ីនៅក្នុងតំបន់ចំនួន៤ ដែលរុស្ស៊ីសង្ឃឹមថានឹងចូលជាឧបសម្ព័ន្ធជិតបញ្ចប់។ លោកប្រធានាធិបតី Volodymyr Zelenskiy បាននិយាយថា តំបន់ Donetsk ស្ថិតនៅភាគខាងកើតនៅតែជាដែនដីរបស់ប្រទេសលោក និងជាយុទ្ធសាស្ត្រអាទិភាពចម្បងបំផុតរបស់រុស្ស៊ី ដោយការវាយប្រយុទ្ធគ្នាកំពុងកើតឡើងនៅក្នុងទីក្រុងមួយចំនួន ស្របពេលទាហានរុស្ស៊ីព្យាយាមរុលចូលទៅក្នុងតំបន់ភាគខាងត្បូង និងខាងលិច។ ក៏មានការប៉ះទង្គិចគ្នាផងដែរនៅក្នុងតំបន់ Kharkiv ក្នុងភាគឦសាន ដោយផ្ដោតលើការវាយបករបស់ទាហានអ៊ុយក្រែននៅខែនេះ។ ហើយកងកម្លាំងអ៊ុយក្រែនបានវាយសន្ធាប់ខ្លាំងលើយុទ្ធនាការ ដើម្បីកាត់ផ្ដាច់ស្ពានចំនួន៤ និងផ្លូវឆ្លងកាត់ទន្លេផ្សេងទៀត ដើម្បីរំខានដល់ការផ្គត់ផ្គង់ដល់កងកម្លាំងរុស្ស៊ីក្នុងភាគខាងត្បូង។ទីបញ្ជាការកងកម្លាំងប្រដាប់អាវុធអ៊ុយក្រែនភាគខាងត្បូងបាននិយាយនៅថ្ងៃអង្គារនេះថា ការវាយបករបស់ខ្លួនក្នុងតំបន់ Kherson បានបណ្ដាលឲ្យសត្រូវបាត់បង់ទាហាន ៧៧នាក់, រថក្រោះ ៦គ្រឿង, កាំភ្លើងផ្លោង ៥គ្រឿង, កាំភ្លើងបាញ់យន្តហោះ ៣គ្រឿង និងរថពាសដែក ១៤គ្រឿង។ សារព័ត៌មាន Reuters មិនអាចផ្ទៀងផ្ទាត់របាយការណ៍សមរភូមិប្រយុទ្ធនេះបានភ្លាមៗនៅឡើយ៕អត្ថបទ៖ សុខមាន

ជប៉ុនគោរពដល់អតីតនាយករដ្ឋមន្ត្រី Shinzo Abe ដែលត្រូវបានគេធ្វើឃាត

ជប៉ុន៖ នៅថ្ងៃអង្គារនេះ ប្រទេសជប៉ុនបានគោរពដល់អតីតនាយករដ្ឋមន្ត្រីលោក Shinzo Abe ដែលត្រូវបានគេធ្វើឃាត ដែលលោកជាឥស្សរជនគ្រប់គ្រងនយោបាយសម័យទំនើប ជាមេដឹកនាំកាន់តំណែងយូរបំផុតរបស់ប្រទេស ដោយមានពិធីបុណ្យសពរដ្ឋដ៏កម្រត្រូវបានរៀបចំឡើង។ ពលរដ្ឋជាច្រើនបានដាក់ផ្កានៅកន្លែងរៀបចំពិធីបុណ្យសពរដ្ឋ សម្រាប់អតីតនាយករដ្ឋមន្ត្រីជប៉ុន Shinzo Abe នៅថ្ងៃអង្គារនេះ។ ក្នុងពេលមានសន្តិសុខតឹងរ៉ឹង សាធារណជនបានដាក់ផ្កានៅជុំវិញសាល Nippon Budokan ក្នុងទីក្រុងតូក្យូ។ ប្រជាជនជប៉ុនបានដាក់ផ្កាលើទីសក្ការៈបូជា ដើម្បីគោរពដល់អតីតនាយករដ្ឋមន្ត្រីលោក Abe Shinzo តាំងពីព្រឹកថ្ងៃអង្គារនេះ ដោយទីសក្ការៈចំនួន ២កន្លែងត្រូវបានបង្កើតឡើងនៅឧទ្យាន Kudanzaka ស្ថិតនៅជិតសាល Nippon Budokan ទីក្រុងតូក្យូ។ពិធីបុណ្យសពរដ្ឋសម្រាប់លោក Abe នឹងប្រារព្ធឡើងនៅសាល Nippon Budokan នៅរសៀលថ្ងៃអង្គារ។ ប្រជាជនបានចាប់ផ្តើមដាក់ផ្កាចាប់តាំងពីម៉ោងប្រហែល 9:30ព្រឹកដែលនោះលឿនជាងការគ្រោងទុក ដោយសារតែមនុស្សច្រើនជាងការរំពឹងទុកបានមកជួបជុំគ្នា។ អ្នកកាន់ទុក្ខបានរង់ចាំជាជួរ បន្ទាប់មកពួកគេបានដាក់ផ្កា និងបួងសួងនៅមុខរូបថតអតីតនាយករដ្ឋមន្ត្រី។ នគរបាលនៅក្នុងទីក្រុងតូក្យូស្ថិតក្នុងការប្រុងប្រយ័ត្នខ្ពស់ នៅថ្ងៃប្រារព្ធពិធីបុណ្យសពរដ្ឋសម្រាប់លោក Abe ដែលមន្ត្រីប្រមាណ ២ម៉ឺននាក់ត្រូវបានដាក់ពង្រាយដើម្បីធានាបានថា អ្វីៗនឹងដំណើរការដោយរលូន ខណៈមេដឹកនាំ មន្ត្រីជាន់ខ្ពស់បរទេស និងឯកអគ្គរដ្ឋទូតប្រមាណ ៧០០នាក់នឹងមកចូលរួមពិធីបុណ្យនេះ៕អត្ថបទ៖ ប៊ុនថន

ក្រុមអ្នកជួយសង្គ្រោះ ៥នាក់បានស្លាប់បន្ទាប់ពីព្យុះទីហ្វុង Noru វាយប្រហារប្រទេសហ្វីលីពីន

ហ្វីលីពីន៖ ក្រុមអ្នកជួយសង្គ្រោះ ៥នាក់បានស្លាប់នៅប្រទេសហ្វីលីពីន បន្ទាប់ពីព្យុះទីហ្វុង Noru បានវាយបោកបក់មកលើភាគខាងជើងប្រទេសបណ្តាលឱ្យមានទឹកជំនន់ និងកាត់ផ្តាច់ចរន្តអគ្គិសនី បង្ខំឱ្យមន្ត្រីផ្អាកថ្នាក់រៀន និងការងាររដ្ឋាភិបាលនៅក្នុងរដ្ឋធានី និងខេត្តនៅដាច់ស្រយាល។ ព្យុះទីហ្វុងដ៏មានឥទ្ធិពលបំផុតបានបោកបក់លើឆ្នេរសមុទ្រក្នុងទីក្រុង Burdeos ក្នុងខេត្ត Quezon កាលពីចុងសប្តាហ៍ បន្ទាប់មកបានចុះខ្សោយទៅវិញ ខណៈវាបានបោកបក់ពេញមួយយប់នៅទូទាំងតំបន់ Luzon។ មនុស្សរាប់ពាន់នាក់បានភៀសខ្លួនទៅកាន់ទីជម្រកសង្គ្រោះបន្ទាន់ដែលមួយចំនួនត្រូវបានបង្ខំ។ លោក Daniel Fernando អភិបាលខេត្ត Bulacan ភាគខាងជើងទីក្រុងម៉ានីលបាននិយាយថា ក្រុមអ្នកជួយសង្គ្រោះ ៥នាក់ដែលកំពុងប្រើប្រាស់ទូកដើម្បីជួយប្រជាជនជាប់ក្នុងទឹកជំនន់បានបុកជញ្ជាំងបាក់រលំ បន្ទាប់មកទំនងជាលង់ទឹកស្លាប់នៅក្នុងទឹកកំពុងហូរខ្លាំង។ លោក Fernando និយាយថា ពួកគេគឺជាវីរបុរសដែលធ្លាប់បានជួយសង្គ្រោះជីវិតជនរួមជាតិរបស់យើង ក្នុងពេលមានគ្រោះមហន្តរាយ ដែលការស្លាប់របស់ពួកគេពិតជាគួឲ្យសោកស្តាយខ្លាំង។ ក្រុមមន្ត្រីបាននិយាយថា មនុស្សជាង ១៧,០០០នាក់បានភៀសខ្លួនទៅកាន់ទីជម្រកសង្គ្រោះបន្ទាន់ពីសហគមន៍ ដែលមានហានិភ័យខ្ពស់ងាយនឹងមានការកើនឡើងទឹកជំនន់ និងបំណាក់ដីនៅក្នុងទីក្រុង Quezon។ទន្ទឹមនឹងនេះមនុស្សជាង ៣,០០០នាក់ត្រូវបានជម្លៀសទៅកាន់ទីទួលសុវត្ថិភាពនៅទីក្រុងម៉ានីល ដែលត្រូវបានបក់បោកដោយខ្យល់ខ្លាំង និងភ្លៀងពេញមួយយប់។ ប្រធានាធិបតីលោក Ferdinand Marcos Jr បានសរសើរក្រុមមន្ត្រីចំពោះការជម្លៀសប្រជាជនរាប់ពាន់នាក់ ទៅកាន់ទីទួលសុវត្ថិភាពជាការប្រុងប្រយ័ត្ន មុនពេលព្យុះទីហ្វុងវាយប្រហារ ដែលទប់ស្កាត់អ្នកស្លាប់ និងរងរបួសច្រើន ទោះបីជាកម្លាំងដ៏មហន្តរាយនៃព្យុះ Noru នឹងមានសក្តានុពលក៏ដោយ៕អត្ថបទ៖ ប៊ុនថន

ចំនួនអ្នកស្លាប់នៅសាលារៀនទីក្រុង Izhevsk កើនឡើងដល់ ១៧នាក់ និង ២៤នាក់រងរបួស

រុស្ស៊ី៖ ក្រុមអាជ្ញាធរបាននិយាយថា បាច់ផ្កា ប្រដាប់ប្រដាក្មេងលេង និងទៀនត្រូវបានដាក់នៅខាងក្រៅសាលារៀនមួយកន្លែងក្នុងប្រទេសរុស្ស៊ី បន្ទាប់ពីខ្មាន់កាំភ្លើងម្នាក់បានបាញ់ប្រហារកាលពីថ្ងៃចន្ទបណ្តាលឲ្យមនុស្ស ១៧នាក់ស្លាប់ និង ២៤នាក់ផ្សេងទៀតរងរបួសមុនពេលបាញ់សម្លាប់ខ្លួនឯង។ ការបាញ់ប្រហារនេះបានកើតឡើងនៅសាលារៀនមួយក្នុងទីក្រុង Izhevsk ជាទីក្រុងមានចម្ងាយ ៩៦០គីឡូម៉ែត្រភាគខាងកើតទីក្រុងមូស្គូក្នុងតំបន់ Udmurtia។ គណៈកម្មាធិការស៊ើបអង្កេតរបស់ប្រទេសរុស្ស៊ីបានកំណត់អត្តសញ្ញាណខ្មាន់កាំភ្លើងមានឈ្មោះ Artyom Kazantsev អាយុ ៣៤ឆ្នាំជានិស្សិតបញ្ចប់ការសិក្សានៅសាលារៀននេះ។ រដ្ឋាភិបាលតំបន់ Udmurtia និយាយថា មនុស្ស ១៧នាក់រួមមានកុមារ ១១នាក់បានស្លាប់នៅក្នុងការបាញ់ប្រហារនេះ។ យោងតាមគណៈកម្មាធិការស៊ើបអង្កេតរបស់រុស្ស៊ីបានឲ្យដឹងថា មនុស្ស ២៤នាក់ផ្សេងទៀតរួមមានកុមារ ២២នាក់បានរងរបួសក្នុងការវាយប្រហារនេះ។អាជ្ញាធរតំបន់និយាយថា ខ្មាន់កាំភ្លើងបានចុះឈ្មោះជាអ្នកជំងឺនៅមណ្ឌលព្យាបាលមនុស្សវិកលចរិត បានសម្លាប់ខ្លួនឯងបន្ទាប់ពីការវាយប្រហារ។ អ្នកនាំពាក្យវិមានក្រឹមឡាំងលោក Dmitry Peskov បានចាត់ទុកការបាញ់ប្រហារនេះថាជា «សកម្មភាពភេរវកម្ម» និងបាននិយាយថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានដាក់បទបញ្ជាចាំបាច់ទាំងអស់ដល់អាជ្ញាធរពាក់ព័ន្ធ។ ឆ្មាំជាតិរបស់រុស្ស៊ីបាននិយាយថា ខ្មាន់កាំភ្លើង Kazantsev បានប្រើប្រាស់កាំភ្លើងខ្លីចំនួន ២ដើមបាញ់គ្រាប់ពិត ដែលកាំភ្លើងទាំងនេះមិនបានចុះបញ្ជីជាមួយអាជ្ញាធរនោះទេ៕អត្ថបទ៖ ប៊ុនថន

អគ្គិភ័យឆេះផ្សារទំនើបនៅកូរ៉េខាងត្បូងបណ្តាលឲ្យមនុស្ស ៧នាក់ស្លាប់

កូរ៉េខាងត្បូង៖ ក្រុមមន្ត្រីបាននិយាយថា អគ្គិភ័យបានឆាបឆេះនៅបន្ទប់ក្រោមដីផ្សារទំនើបមួយកន្លែងក្នុងទីក្រុង Daejeon ប្រទេសកូរ៉េខាងត្បូងកាលពីថ្ងៃចន្ទ បណ្តាលឲ្យមនុស្សយ៉ាងហោចណាស់ ៧នាក់ស្លាប់។ លោក Go Seung-cheol មន្ត្រីទីស្នាក់ការកណ្តាលពន្លត់អគ្គិភ័យទីក្រុង Daejeon បាននិយាយថា ក្រុមអ្នកពន្លត់អគ្គិភ័យបានបន្តស្វែងរកអ្នកនៅរស់បន្ទាប់ពីបានពន្លត់ភ្លើង។ វាមិនដឹងទាន់ច្បាស់នៅឡើយនោះទេថា តើមានមនុស្សនៅបាត់ខ្លួន ឬអត់ ខណៈផ្សែងនៅតែមាននៅផ្នែកខ្លះក្នុងអគារ។ អគ្គិភ័យបានឆាបឆេះនៅពេលព្រឹក ហើយបានរាលដាលយ៉ាងលឿនពាសពេញកន្លែងផ្ទុកទំនិញក្នុងបន្ទប់ក្រោមដី ដោយបានជំរុញឱ្យជម្លៀសមនុស្សជាង ១១០នាក់រួមទាំងបុគ្គលិកផ្សារទំនើប និងអតិថិជននៅសណ្ឋាគារក្បែរនោះ។ មន្ត្រីអគ្គិភ័យនិយាយថា អ្នកពន្លត់អគ្គិភ័យជាង ៥០០នាក់ និងរថយន្ត ៩០គ្រឿងត្រូវបានដាក់ពង្រាយដើម្បីពន្លត់ភ្លើង។ មនុស្ស ៦នាក់ក្នុងចំណោមអ្នកដែលត្រូវបានគេរកឃើញស្លាប់គឺជាបុគ្គលិកផ្សារទំនើប ហើយក្រុមមន្ត្រីនៅព្យាយាមកំណត់អត្តសញ្ញាណជនរងគ្រោះម្នាក់ទៀត។ មន្ត្រីពន្លត់អគ្គិភ័យ និងនគរបាលកំពុងស្រាវជ្រាវរកមូលហេតុនៃអគ្គិភ័យនេះ ប៉ុន្តែប្រព័ន្ធផ្សព្វផ្សាយក្នុងស្រុកបានដកស្រង់សេចក្តីរាយការណ៍ ពីសាក្សីដែលឃើញហេតុការណ៍ថា អគ្គិភ័យអាចបណ្តាលមកពីការផ្ទុះរថយន្តអគ្គិសនីដែលឆាបឆេះនៅជាន់ក្រោមដី៕អត្ថបទ៖ ប៊ុនថន

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

រុស្ស៊ី៖ មនុស្សរាប់ពាន់នាក់កំពុងរត់គេចចេញពីប្រទេស ដើម្បីគេចចេញពីកោះហៅចូលសមរភូមិប្រយុទ្ធក្នុងប្រទេសអ៊ុយក្រែន បន្ទាប់ពីទីក្រុង Moscow បានប្រកាសការកែណ្ឌកម្លាំងយោធាលើកដំបូងចាប់តាំងពីសង្គ្រាមលោកលើកទី២ មក។ វិមានក្រមឡាំងនិយាយថា មិនទាន់មានការសម្រេចចិត្តណាមួយត្រូវបានធ្វើឡើងនៅឡើយទេ ថាតើត្រូវបិទព្រំដែនរុស្ស៊ី ឬអត់ ដើម្បីបញ្ឈប់ការចាកចេញរបស់ក្រុមបុរសគ្រប់វ័យ ចូលបម្រើកងទ័ពដែលកំពុងគេចចេញពីប្រទេស បន្ទាប់ពីភាពច្របូកច្របល់ប៉ុន្មានថ្ងៃនេះ អំឡុងការកែណ្ឌកម្លាំងទ័ពដោយផ្នែកសម្រាប់សង្គ្រាមរបស់ខ្លួននៅអ៊ុយក្រែន។ ពេលត្រូវបានសួរកាលពីថ្ងៃចន្ទអំពីផែនការបិទព្រំដែន អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា ខ្ញុំមិនដឹងទេចំពោះរឿងនេះ។ នៅពេលនេះពុំទាន់មានការសម្រេចចិត្តណាមួយត្រូវបានធ្វើឡើងនៅឡើយទេ។សំបុត្រយន្តហោះចាកចេញពីប្រទេសរុស្ស៊ីបានលក់អស់ ហើយរថយន្តតម្រង់ជួរគ្នានៅប៉ុស្តិ៍ត្រួតពិនិត្យតាមព្រំដែន ដោយមានសេចក្ដីរាយការណ៍ពីការឈរតម្រង់ជួរគ្នា ៤៨ម៉ោងនៅឯផ្លូវព្រំដែនឆ្ពោះទៅកាន់ប្រទេសហ្ស៊កហ្ស៊ី ជាប្រទេសជិតខាងគាំទ្រលោកខាងលិច ដ៏កម្រដែលអនុញ្ញាតឲ្យពលរដ្ឋរុស្ស៊ីចូលដោយគ្មានទិដ្ឋាការ៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឲ្យប្រធានក្រុមប្រឹក្សាអឺរ៉ុប ចូលជួបពិភាក្សាការងារ នៅទីក្រុងតូក្យូ ប្រទេសជប៉ុន

នៅព្រឹកថ្ងៃទី២៧ ខែកញ្ញា ឆ្នាំ២០២២ដដែលនេះ បន្ទាប់ពីទទួលទានអាហារការងារពេលព្រឹកជាមួយ ប្រធានរដ្ឋវៀតណាមរួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Charles Michel ប្រធានក្រុមប្រឹក្សាអឺរ៉ុប ចូលជួបសំដែងការគួរសម និងពិភាក្សាការងារ នៅទីក្រុងតូក្យូ ប្រទេសជប៉ុន ក្នុងឱកាសដែលសម្ដេចតេជោ និងឯកឧត្តមប្រធានក្រុមប្រឹក្សាអឺរ៉ុប ចូលរួមពិធីបុណ្យសពរបស់អតីតនាយករដ្ឋមន្ត្រីជប៉ុន ឯកឧត្តម សិនហ្សូ អាបេ ។នៅក្នុងជំនួបទ្វេភាគីនេះ សម្ដេចតេជោ ហ៊ុន សែន បានស្វាគមន៍ ឯកឧត្តមប្រធានក្រុមប្រឹក្សាអឺរ៉ុប និងគណៈប្រតិភូ ។ សម្ដេចបានបញ្ជាក់ថា សម្ដេចបានជួប ឯកឧត្តម នៅក្នុងមហាសន្និបាតអង្គការសហប្រជាជាតិលើកទី៧៧ ហើយបន្ទាប់មក សម្ដេចក៏បានអញ្ជើញទៅធ្វើទស្សនកិច្ចនៅប្រទេសគុយបា។ សម្ដេចបានបង្ហាញក្ដីរីករាយ ដែលបានជួប ឯកឧត្តម ដើម្បីផ្លាស់ប្ដូរមតិយោបល់គ្នា។ សម្ដេចបានអញ្ជើញ ឯកឧត្តមទៅធ្វើទស្សនកិច្ចនៅកម្ពុជា ដើម្បីចូលរួមកិច្ចប្រជុំអាស៊ី-បូព៌ា នៅពេលខាងមុខនេះ ជាពិសេស កិច្ចសន្ទនាអាស៊ានពិភពលោកនៅកម្ពុជាផងដែរ។ សម្ដេចតេជោ បានបញ្ជាក់ដែរថា យើងមានកិច្ចសហប្រតិបត្តិការរវាងអាស៊ាន និងអឺរ៉ុប ហើយសម្ដេចក៏នឹងអញ្ជើញចូលរួមកិច្ចប្រជុំអាស៊ាន-អឺរ៉ុប រំលឹកខួបអនុស្សាវរីយ៍នៅទីក្រុងព្រុចសែល តាមការអញ្ជើញរបស់អឺរ៉ុបនេះផងដែរ។ ឯកឧត្តម Charles Michel បានមានប្រសាសន៍ថា ឯកឧត្តម ពិតជារីករាយចំពោះកិច្ចសហប្រតិបត្តិការរបស់អឺរ៉ុបជាមួយនឹងអាស៊ាននាពេលនេះ។ ឯកឧត្តម ក៏បានសុំពិគ្រោះយោបល់ផ្លាស់ប្ដូរមតិជុំវិញសភាពការណ៍សង្គ្រាមនៅអ៊ុយក្រែន, បញ្ហាសមុទ្រចិនខាងត្បូង, កិច្ចការងារសន្តិភាពនៅមីយ៉ាន់ម៉ា ហើយក៏ពិភាក្សាពីស្ថានភាពជាទូទៅរបស់ពិភពលោកនេះផងដែរ។ក្នុងជំនួបនេះ សម្ដេចតេជោនាយករដ្ឋមន្ត្រី បានមានប្រសាសន៍ពាក់ព័ន្ធនឹងសភាពការណ៍នៅមីយ៉ាន់ម៉ាជូនទៅឯកឧត្តមប្រធានក្រុមប្រឹក្សាអឺរ៉ុប អំពីកិច្ចខិតខំរបស់សម្ដេច ក្នុងការជួយមីយ៉ាន់ម៉ា ក្នុងក្របខណ្ឌសម្ដេច ជាប្រធានអាស៊ាននៅឆ្នាំនេះ ដោយសម្ដេចចាត់ទុកថា ក្នុងនាមជាប្រធានអាស៊ានឆ្នាំនេះ កម្ពុជា មានការប្រឈមជាច្រើន ដោយសារស្ថានភាពតំបន់ និងពិភពលោក ជាពិសេសដូចជា មីយ៉ាន់ម៉ាជាដើម ដោយសម្ដេចនឹងព្យាយាមខិតខំ ទោះបីជាមានការលំបាកយ៉ាងណាក៏ដោយ។ ពាក់ព័ន្ធនឹងសមុទ្រចិនខាងត្បូង សម្ដេច បានគូសបញ្ជាក់ថា ឆ្នាំនេះ គឺជាខួបលើកទី២០ នៃសមុទ្រចិនខាងត្បូង ដែលបានចុះហត្ថលេខា រវាងអាស៊ាន ជាមួយប្រទេសចិន នៅរាជធានីភ្នំពេញ ឆ្នាំ២០០២ ឥឡូវនេះឆ្នាំ២០២២ ដូច្នេះអ្វីដែលសម្ដេចចង់ឃើញ គឺការបន្តអនុវត្តឲ្យបានពេញលេញនូវ DOC ហើយសម្ដេច ក៏បានគូសបញ្ជាក់អំពីចំណុចសំខាន់ គឺថាយើងខិតខំជំរុញការចរចា ដើម្បីចេញនៅ COC នៅពេលខាងមុខនេះ ទោះបីមានការលំបាកក៏ដោយ ។សម្ដេចតេជោ ក៏បានគូសបញ្ជាក់ផងដែរអំពីស្ថានភាពនៅអឺរ៉ុប ទាក់ទងនឹងសង្គ្រាមនៅអ៊ុយក្រែន ហើយឯកឧត្តម Charles Michel ក៏បានបញ្ជាក់ដែរពីការផ្លាស់ប្ដូរយោបល់ដោយមានការស្មោះត្រង់ ជាពិសេសទៀត ឲ្យមានការទុកចិត្តគ្នា ។ឯកឧត្តម Charles Michel បានថ្លែងអំណរគុណចំពោះសម្ដេចតេជោ ដែលបានអញ្ជើញឯកឧត្តម ទៅចូលរួមក្នុងកិច្ចប្រជុំនៅរាជធានីភ្នំពេញ ហើយឯកឧត្តមក៏បានអរគុណចំពោះសម្ដេចតេជោ ដែលនឹងទៅចូលរួមប្រជុំនៅទីក្រុងព្រុចសែល នាពេលខាងមុខនេះ ហើយជាពិសេសទៀត ឯកឧត្តមអរគុណសម្ដេច នូវការផ្ដល់ទស្សនៈទានចំពោះស្ថានភាពអន្តរជាតិ ជាពិសេសចំពោះបញ្ហាសមុទ្រចិនខាងត្បូង, ស្ថានភាពសង្គ្រាមនៅអ៊ុយក្រែន។ឯកឧត្តម Charles Michel ក៏បានចាត់ទុកទំនាក់ទំនងរវាងអឺរ៉ុប ជាមួយអាស៊ាន គឺមានសារៈសំខាន់ ជាពិសេសទៀត អ្វីដែលយើងកំពុងមានការប្រឈម និងមានការលំបាកក៏ដោយ ប៉ុន្តែយើងមានទស្សនៈដាច់ដោយឡែកដ៏សំខាន់ ដោយយើងខិតខំរកមធ្យោបាយ ដើម្បីបង្កើនកិច្ចសហប្រតិបត្តិការរវាងអឺរ៉ុប ជាមួយនឹងអាស៊ាន ហើយបានចែករំលែកនូវទស្សនៈអំពីភូមិសាស្ត្រនយោបាយរវាងសហរដ្ឋអាមេរិក និងចិន ក៏ដូចជាបញ្ហាទាក់ទងនឹងរុស្ស៊ីផងដែរ ៕

លោក Putin ផ្ដល់សញ្ជាតិរុស្ស៊ីដល់លោក Edward Snowden

រុស្ស៊ី៖ អតីតមន្ត្រីចារកម្មនៃទីភ្នាក់ងារសន្តិសុខជាតិអាមេរិកលោក Edward Snowden ត្រូវបានផ្ដល់សញ្ជាតិរុស្ស៊ី។ ដំណឹងនេះត្រូវបានបញ្ជាក់នៅក្នុងក្រឹត្យមួយដោយលោកប្រធានាធិបតីរុស្ស៊ី Vladimir Putin ដែលបានបង្ហោះនៅក្នុងគេហទំព័ររបស់វិមានក្រឹមឡាំងកាលពីថ្ងៃចន្ទ។ លោក Snowden បានមកដល់ប្រទេសរុស្ស៊ីលើកដំបូងក្នុងឆ្នាំ២០១៣ បន្ទាប់ពីលេចធ្លាយឯកសារសម្ងាត់ដែលបង្ហាញពីបណ្តាញដ៏ធំនៃការឃ្លាំមើលក្នុងស្រុក និងអន្តរជាតិដោយរដ្ឋាភិបាលសហរដ្ឋអាមេរិក។ ក្រោយមកវិមានក្រឹមឡាំងបានផ្តល់សិទ្ធិជ្រកកោនឲ្យលោក ទោះបីជាសហរដ្ឋអាមេរិកបានបន្តការចោទប្រកាន់ពីបទចារកម្មក៏ដោយ។ ក្នុងឆ្នាំ២០២០ លោក Snowden បានប្រកាសថា លោក និងភរិយាបានដាក់លិខិតស្នើសុំសញ្ជាតិរុស្ស៊ី ខណៈដែលអ្នកទាំង២ រំពឹងថានឹងមានកូនដំបូងអំឡុងជំងឺរាតត្បាតសកល។អ្នកទម្លាយព័ត៌មានសម្ងាត់រូបនេះបានអះអាង និងការពារភាពស្ងៀមស្ងាត់របស់លោកជុំវិញសកម្មភាពថ្មីៗរបស់វិមានក្រឹមឡាំងនៅក្នុងប្រទេសអ៊ុយក្រែន ដោយនិយាយថា ទស្សនៈរបស់លោកលែងមានប្រយោជន៍ទៀតហើយ បន្ទាប់ពីលោកបានទទូចដោយខុសឆ្គងថា ចារកម្មរបស់សហរដ្ឋអាមេរិកមានកំហុសក្នុងការវាយតម្លៃ លើការវាយប្រហាររបស់រុស្ស៊ីលើប្រទេសជិតខាងរបស់ខ្លួន៕អត្ថបទ៖ សុខមាន

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត

អ៊ីរ៉ង់៖ ប្រធានាធិបតីអ៊ីរ៉ង់បានប្ដេជ្ញាចាត់វិធានការប្រឆាំងក្រុមបាតុករ បន្ទាប់ពីការតវ៉ាប្រឆាំងរដ្ឋាភិបាលជាង ១សប្ដាហ៍មកនេះ។ លោកប្រធានាធិបតី Ebrahim Raisi ប្ដេជ្ញាដោះស្រាយឲ្យបានឆាប់រហ័សចំពោះការតវ៉ា ដែលពេលនេះបានរីករាលដាលស្ទើរតែពាសពេញទាំង ៣១ខេត្តរបស់អ៊ីរ៉ង់។ ក្រុមមន្ត្រីនិយាយថា មនុស្សចំនួន ៣៥នាក់បានស្លាប់ ចាប់តាំងពីការតវ៉ាបានផ្ទុះឡើងជុំវិញការស្លាប់ស្ត្រីម្នាក់ឈ្មោះ Mahsa Amini ក្នុងពេលឃុំខ្លួនរបស់នគរបាល។ ការប៉ះទង្គិចគ្នាជាបន្តបន្ទាប់នៅតែបន្តក្នុងទីក្រុងមួយចំនួន។ អ្នកស្រី Amini ត្រូវបានឃុំខ្លួនពីបទបំពានច្បាប់ស្បៃគ្របក្បាល។ ក្រុមមន្ត្រីត្រូវគេរាយការណ៍ពីការវាយដុំក្បាលរបស់អ្នកស្រីដោយប្រើដំបង និងបានបោកក្បាលរបស់អ្នកស្រីទៅនឹងរថយន្តរបស់ពួកគេ។ នគរបាលនិយាយថា គ្មានភស្តុតាងនៃការបញ្ជាក់ពីការធ្វើបាបឡើយ ហើយថាស្ត្រីរងគ្រោះស្លាប់ភ្លាមៗដោយសារគាំងបេះដូង។ហើយខណៈដែលលោក Raisi និយាយថា ការស្លាប់របស់ស្ត្រីរងគ្រោះនឹងត្រូវស៊ើបអង្កេត រដ្ឋមន្ត្រីក្រសួងមហាផ្ទៃរបស់លោកគឺលោក Ahmad Vahidi បានទទូចថា អ្នកស្រី Amini មិនត្រូវបានវាយដុំនោះទេ។ ប្រទេសអ៊ីរ៉ង់និយាយថា សហរដ្ឋអាមេរិកកំពុងប៉ុនប៉ងប្រើភាពរំជើបរំជួបនេះ ដើម្បីធ្វើឲ្យប្រទេសនេះចុះខ្សោយ៕អត្ថបទ៖ សុខមាន

រុស្ស៊ីបន្តបង្ក្រាបការតវ៉ាប្រឆាំងការកែណ្ឌកម្លាំងដែលចេះតែរីកធំ ខណៈការរិះគន់លើសេចក្ដីពង្រាងកើនឡើង

រុស្ស៊ី៖ ចំនួនមនុស្សត្រូវបានឃុំខ្លួនក្នុងប្រទេសរុស្ស៊ី ចំពោះការតវ៉ាប្រឆាំងការកែណ្ឌកម្លាំងទ័ពមួយចំនួនរបស់ប្រទេសនេះបានកើនឡើងជិត ២,៥០០នាក់នៅទូទាំងប្រទេស ខណៈក្រុមអ្នកគាំទ្រវិមានក្រឹមឡាំងដ៏លេចធ្លោរបានចាប់ផ្ដើមចោទសួរពីមធ្យោបាយ ដែលសេចក្ដីពង្រាងនេះកំពុងត្រូវបានអនុវត្តន៍។ OVD-Info ជាក្រុមឃ្លាំមើលសិទ្ធិមនុស្សដែលតាមដានការចាប់ខ្លួន ផ្នែកនយោបាយក្នុងប្រទេសរុស្ស៊ីបាននិយាយថា មនុស្ស ២,៣៥៣នាក់ត្រូវបានឃុំខ្លួនគិតត្រឹមថ្ងៃទី២៥ ខែកញ្ញា និងយ៉ាងហោចណាស់ការឃុំខ្លួនថ្មីចំនួន ១៤១នាក់ត្រូវបានកត់ត្រាគិតត្រឹមថ្ងៃទី២៦ ខែកញ្ញា។ ការឃុំខ្លួនដ៏ច្រើនបំផុតក្នុងរយៈពេលតែមួយថ្ងៃនេះបានកើតឡើងកាលពីថ្ងៃទី២១ ខែកញ្ញា នៅពេលការតវ៉ាត្រូវបានផ្ទុះឡើងភ្លាមៗនៅក្នុងទីក្រុងចំនួន៤៣ បន្ទាប់ពីសេចក្ដីពង្រាងនេះត្រូវបានប្រកាស។ក្រុមសិទ្ធិមនុស្សខាងលើនិយាយថា អាចមានអ្នកត្រូវបានឃុំខ្លួនច្រើនជាងចំនួនត្រូវបានបញ្ចេញដោយនគរបាល ហើយថា វាមានរបាយការណ៍ត្រឹមតែឈ្មោះប៉ុណ្ណោះដែលអាចផ្ទៀងផ្ទាត់បាន។ ការតវ៉ាទូទាំងប្រទេសបានផ្ទុះឡើងប៉ុន្មានម៉ោង បន្ទាប់ពីការប្រកាសរបស់លោកប្រធានាធិបតី Vladimir Putin អំពីការកែណ្ឌកម្លាំងយោធាមួយផ្នែកកាលពីថ្ងៃទី២១ ខែកញ្ញាដែលមានបំណងពង្រឹងកម្លាំងយោធារុស្ស៊ីបន្ថែមទៀត ក្នុងសមរភូមិប្រយុទ្ធនៅប្រទេសអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញក្នុងពិធីអបអរសាទរទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩

មេដឹកនាំពិភពលោកបញ្ចេញប្រតិកម្មចំពោះការប្រកាសអំពីកិច្ចព្រមព្រៀងសន្តិភាពរវាងអាមេរិក-អ៊ីរ៉ង់

[UPDATE] ប៉ាគីស្ថាន៖ អាមេរិក និងអ៊ីរ៉ង់ បានឈានដល់កិច្ចព្រមព្រៀងបញ្ចប់សង្គ្រាម ហើយការចុះហត្ថលេខាត្រូវធ្វើឡើងនៅថ្ងៃសុក្រ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មានការវាយប្រយុទ្ធគ្នាដ៏ខ្លាំងក្លា ខណៈការបោះឆ្នោតចូលជាឧបសម្ព័ន្ធរុស្ស៊ីនៅអ៊ុយក្រែនចូលដល់ថ្ងៃចុងក្រោយ

ជប៉ុនគោរពដល់អតីតនាយករដ្ឋមន្ត្រី Shinzo Abe ដែលត្រូវបានគេធ្វើឃាត

ក្រុមអ្នកជួយសង្គ្រោះ ៥នាក់បានស្លាប់បន្ទាប់ពីព្យុះទីហ្វុង Noru វាយប្រហារប្រទេសហ្វីលីពីន

ចំនួនអ្នកស្លាប់នៅសាលារៀនទីក្រុង Izhevsk កើនឡើងដល់ ១៧នាក់ និង ២៤នាក់រងរបួស

អគ្គិភ័យឆេះផ្សារទំនើបនៅកូរ៉េខាងត្បូងបណ្តាលឲ្យមនុស្ស ៧នាក់ស្លាប់

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

លោក Putin ផ្ដល់សញ្ជាតិរុស្ស៊ីដល់លោក Edward Snowden

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត

រុស្ស៊ីបន្តបង្ក្រាបការតវ៉ាប្រឆាំងការកែណ្ឌកម្លាំងដែលចេះតែរីកធំ ខណៈការរិះគន់លើសេចក្ដីពង្រាងកើនឡើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជប៉ុន​គោរព​ដល់​អតីត​នាយករដ្ឋមន្ត្រី Shinzo Abe ដែល​ត្រូវបាន​គេ​ធ្វើឃាត

ក្រុម​អ្នក​ជួយសង្គ្រោះ​ ៥​នាក់​បាន​ស្លាប់​បន្ទាប់ពី​ព្យុះ​ទី​ហ្វុ​ង Noru វាយប្រហារ​ប្រទេស​ហ្វីលីពីន​

ចំនួន​អ្នកស្លាប់​នៅ​សាលារៀន​ទីក្រុង Izhevsk កើនឡើង​ដល់ ១៧នាក់ និង ២៤នាក់​រងរបួស​

អគ្គិភ័យ​ឆេះ​ផ្សារ​ទំនើប​នៅ​កូរ៉េខាងត្បូង​បណ្តាល​ឲ្យ​មនុស្ស ៧​នាក់​ស្លាប់

វិមាន​ក្រឹម​ឡាំង​និយាយ​ថា មិនទាន់មាន​ការសម្រេច​ចិត្ត​បិទ​ព្រំដែន​រុស្ស៊ី​នៅឡើយ​ទេ ខណៈ​មាន​ភាព​វឹកវរ​

លោក Putin​ ផ្ដល់​សញ្ជាតិ​រុស្ស៊ី​ដល់​លោក Edward Snowden

ប្រធានាធិបតី​អ៊ីរ៉ង់​ប្ដេជ្ញា​ដោះស្រាយ​ឲ្យ​បាន​ឆាប់រហ័ស​ចំពោះ​ភាព​រំជើបរំជួល​ដែល​ចេះតែ​បន្ត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជប៉ុនគោរពដល់អតីតនាយករដ្ឋមន្ត្រី Shinzo Abe ដែលត្រូវបានគេធ្វើឃាត

ក្រុមអ្នកជួយសង្គ្រោះ ៥នាក់បានស្លាប់បន្ទាប់ពីព្យុះទីហ្វុង Noru វាយប្រហារប្រទេសហ្វីលីពីន

ចំនួនអ្នកស្លាប់នៅសាលារៀនទីក្រុង Izhevsk កើនឡើងដល់ ១៧នាក់ និង ២៤នាក់រងរបួស

អគ្គិភ័យឆេះផ្សារទំនើបនៅកូរ៉េខាងត្បូងបណ្តាលឲ្យមនុស្ស ៧នាក់ស្លាប់

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

លោក Putin ផ្ដល់សញ្ជាតិរុស្ស៊ីដល់លោក Edward Snowden

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត