BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

អង្គការសហប្រជាជាតិ៖ ការស្លាប់ជនស៊ីវិល និងភាពចលាចលក្នុងការវាយប្រយុទ្ធគ្នាជាថ្មីទៀតនៅអ៊ុយក្រែន

អ៊ុយក្រែន៖ យោងតាមអ្នកនាំពាក្យរបស់អគ្គលេខាធិការអង្គការសហប្រជាជាតិលោក Antonio Guterres រលកចុងក្រោយបំផុតនៃការវាយប្រយុទ្ធគ្នា ដែលបានមើលឃើញកងកម្លាំងអ៊ុយក្រែនដណ្ដើមបានទឹកដីដ៏ធំ នៅក្នុងប្រទេសរបស់ខ្លួនពីទាហានរុស្ស៊ី ដែលបានសម្លាប់ជនស៊ីវិលមួយចំនួន និងការរំខានដល់ការផ្គត់ផ្គង់ចរន្តអគ្គិសនី និងប្រព័ន្ធទឹកដ៏សំខាន់នៅក្នុងតំបន់មួយចំនួន៦។ លោក Stéphane Dujarric បាននិយាយថា អង្គការសហប្រជាជាតិគ្រោងបញ្ជូនប្រេសិតពិសេសផ្នែកមនុស្សធម៌មួយរូប នៅសប្ដាហ៍នេះទៅកាន់តំបន់នានារបស់អ៊ុយក្រែន ដែលកងកម្លាំងរដ្ឋាភិបាលដណ្ដើមបានមកវិញពីរុស្ស៊ី។ ទាហានអ៊ុយក្រែនដណ្ដើមបានដែនដីដ៏ធំមកវិញពីរុស្ស៊ី និងបានរុញទាហានរុស្ស៊ីឲ្យត្រឡប់ក្រោយទៅកាន់ព្រំដែនភាគឦសាននៅក្នុងទីតាំងមួយចំនួន។ យោធាអ៊ុយក្រែនក៏បានរាយការណ៍ពីការចាប់ខ្លួនទាហានរុស្ស៊ីជាច្រើននាក់ផងដែរ។ ការដណ្ដើមបាននេះគឺជាផ្នែកនៃការវាយរុលទៅមុខដ៏ឆាប់រហ័ស ដែលបានបង្ខំឲ្យទីក្រុង Moscow ដកទ័ពយ៉ាងប្រញាប់ប្រញាល់ចេញពីដែនដីដែលខ្លួនបានគ្រប់គ្រង។កាលពីថ្ងៃចន្ទ ក្រសួងការពារជាតិរុស្ស៊ីបាននិយាយថា ខ្លួនកំពុងបន្តការវាយប្រហារតាមអាកាសដាក់គោលដៅលើតំបន់ Kharkiv ដែលមានសេចក្ដីរាយការណ៍ពីការខាតបង់លើភាគីយោធាអ៊ុយក្រែន។ អ្នកនាំពាក្យក្រសួងខាងលើលោក Igor Konashenkov បាននិយាយថា សត្រូវបានខាតបង់កងទ័ព ២៥០នាក់ និងជាង ២០អង្គភាពនៃយុទ្ធោបករណ៍យោធា។ កាលពីថ្ងៃទី២ មិថុនា លោក Zellenskyy បានលើកឡើងថា ២០% នៃដែនដីអ៊ុយក្រែនត្រូវបានធ្លាក់ទៅក្នុងដៃរបស់កងទ័ពរុស្ស៊ី ពោលគឺប្រមាណ ១២៥,០០០គីឡូម៉ែត្រការ៉េដែលក្នុងនោះគឺរាប់ទាំងតំបន់គ្រីម៉េ និងតំបន់ទំនាប Donbass ដែលមានទំហំប្រមាណ ៤៣,០០០គីឡូម៉ែត្រការ៉េដែលធ្លាក់ទៅក្នុងដៃរុស្ស៊ីតាំងតែពីមុនការប្រកាសសង្គ្រាមថ្ងៃទី២៤ កុម្ភៈ៕អត្ថបទ៖ សុខមាន

ពិធីគោរពវិញ្ញាណក្ខន្ធថ្វាយព្រះមហាក្សត្រី Elizabeth II ប្រារព្ធឡើងក្រោមព្រះរាជវត្តមានព្រះមហាក្សត្រ Charles III

អង់គ្លេស៖ ពិធីគោរពព្រះវិញ្ញាណក្ខន្ធសម្រាប់ព្រះមហាក្សត្រី Elizabeth ទី II ត្រូវបានធ្វើឡើងនៅព្រះវិហារ St. Giles’ ក្នុងទីក្រុង Edinburgh កាលពីថ្ងៃចន្ទ ក្រោមព្រះរាជវត្តមានរបស់ព្រះមហាក្សត្រ Charles ទី III និងសមាជិកគ្រួសាររាជវង្សផ្សេងទៀត។ ពិធីនេះក៏ត្រូវបានចូលរួមដោយលោកស្រីនាយករដ្ឋមន្ត្រីអង់គ្លេស Liz Truss និងបណ្ដាអតីតមេដឹកនាំមួយចំនួន រួមទាំងអតីតនាយករដ្ឋមន្ត្រីលោក Gordon Brown ផងដែរ។ ព្រះមជ្ឈូសាត្រូវបានតម្កល់នៅលើជើងទម្រឈើ និងគ្របដណ្ដប់ដោយមកុដមាសរបស់ដែនដីស្កុតឡិន ដែលត្រូវបានដាំដោយត្បូង ២២គ្រាប់ និងត្បូងដ៏មានតម្លៃ ២០គ្រាប់រួមជាមួយគុជទឹកសាបពីទន្លេរបស់ដែនដីស្កុតឡិន។ ក្រុមអ្នកចម្រៀងបានច្រៀងបទចម្រៀងដែលមានចំណងជើងថា "The Lord is My Shepherd" ដោយត្រូវបានគេពិពណ៌នាថា ជាចម្រៀងមួយក្នុងចំណោមចម្រៀងសាសនាដែលព្រះមហាក្សត្រីសព្វព្រះទ័យបំផុត។បន្ទាប់ពីពិធីនេះបានបញ្ចប់ទៅព្រះវិហារនេះត្រូវបានបើកជាសាធារណៈ ដល់អ្នកដែលមានចំណងគោរពព្រះវិញ្ញាណក្ខន្ធចុងក្រោយចំពោះព្រះមហាក្សត្រី។ ព្រះមជ្ឈូសាព្រះមហាក្សត្រីត្រូវតម្កល់នៅក្នុងមហាវិហារសតវត្សរ៍ទី១២ រហូតដល់ថ្ងៃអង្គារនេះ ដោយត្រូវបានអមការពារដោយក្រុមរាជង្គរក្សរបស់ទ្រង់ផ្ទាល់៕អត្ថបទ៖ សុខមាន

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន

សៀមរាប៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា ទោះបីជាលោកហ៊ុន ម៉ាណែត ជាកូនអ្នកណាក៏ដោយក៏សម្តេចគាំទ្រឲ្យធ្វើជាបេក្ខភាពនាយករដ្ឋមន្ត្រីនាពេលអនាគតដែរ ពីព្រោះថា លោកហ៊ុន ម៉ាណែត ជាមនុស្សមានលក្ខណៈសម្បត្តិគ្រប់គ្រាន់សមនឹងធ្វើជាអ្នកដឹកនាំប្រទេស និងសមជាអ្នកដឹកនាំរបស់គណបក្សប្រជាជនកម្ពុជា។ការលើកឡើងរបស់សម្តេចតេជោ ហ៊ុន សែន បែបនេះគឺជាការឆ្លើយតបបន្ទាប់ពីក្រុមអ្នកវិភាគច្រំដែលៗមួយចំនួន ដែលបានលើកឡើងម្តងហើយម្តងទៀតថា ការដាក់លោកហ៊ុន ម៉ាណែត ជាបេក្ខភាពនាយករដ្ឋមន្រ្តីនាពេលខាងមុខ គឺជាបក្សពួកនិយម និងលើកបន្ទុកដល់កូនខ្លួនឯងនោះ។ថ្លែងនៅក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ស្ថិតនៅឃុំរុនតាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី១៣ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថាបើលោកហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំទេនោះ ក៏សម្តេចមិនគាំទ្រឲ្យដឹកនាំដែរ ពីព្រោះថាសម្តេចមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជនកម្ពុជា និងរាជរដ្ឋាភិបាលនោះទេ ខណៈគណបក្សប្រជាជនកម្ពុជាបានដឹកនាំប្រទេសឲ្យមានសុខសន្តិភាព និងការអភិវឌ្ឍរហូតដល់សព្វថ្ងៃ។សូមជម្រាបថា លោក ហ៊ុន ម៉ាណែត កូនប្រុសច្បងរបស់សម្តេចតេជោហ៊ុន សែន កាលពីថ្ងៃទី២៤ ខែធ្នូ ឆ្នាំ២០២១ កន្លងទៅត្រូវបានសន្និបាតគណៈកម្មាធិការកណ្តាលរបស់គណបក្សប្រជាជនកម្ពុជា បានបោះឆ្នោតជ្រើសតាំងជាបេក្ខជននាយករដ្ឋមន្ត្រី។ ការបោះឆ្នោតជ្រើសតាំងលោក ហ៊ុន ម៉ាណែត ជាបេក្ខភាពនាយកររដ្ឋមន្រ្តីបន្តវេនពីសម្តេចតេជោនេះ គឺមានសមាជិក-សមាជិកា គណៈកម្មាធិការកណ្តាលចំនួន៧៧៥នាក់៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ

សៀមរាប៖ សម្ដេចតេជោ ហ៊ុន សែន នាយករដ្ឋមន្ត្រីនៅព្រឹកថ្ងៃទី១៣កញ្ញានេះ បានអញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋ ដែលបានយល់ពីភាពចាំបាច់ និងករណីកិច្ច បម្រើឱ្យផលប្រយោជន៍រួមរបស់ជាតិ ដែលបានចាកចេញពីតំបន់រមនីយដ្ឋានអង្គរ និងតំបន់ហាមឃាត់មករស់នៅតំបន់អភិវឌ្ឍន៍រុនតាឯក។- សម្តេចតេជោ ហ៊ុន សែន ប្រកាសថ្លែងអំណរគុណដល់ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ក្រសួងវប្បធម៌ និងវិចិត្រសិល្បៈ ក្រសួងបរិស្ថាន និងអាជ្ញាធរខេត្តសៀមរាប និងព្រមទាំងផ្នែកពាក់ព័ន្ធ ដែលបានរួមគ្នា ដោះស្រាយបញ្ហាលំនៅដ្ឋានប្រជាពលរដ្ឋនៅតំបន់រមនីយដ្ឋានអង្គរ បានដោយជោគជ័យ និងស្នាមញញឹម។- សម្តេចតេជោ ហ៊ុន សែន រំលឹកពីស្នាព្រះរាជរបស់ព្រះវររាជបិតាជាតិខ្មែរ សម្តេច ព្រះបរមរតនកោដ្ឋ ដែលជំនះ រហូតដល់មានការយល់ព្រម ដាក់តំបន់ប្រាសាទអង្គរវត្ត ចូលជាសម្បត្តិបេតិកភណ្ឌពិភពរបស់អង្គការយូណេស្កូ។- សម្តេចតេជោ ហ៊ុន សែន រំលឹកពីអតីតកាលប្រទាញប្រទង់គ្នា ក្នុងគ្រាកម្ពុជាមានតំបន់ត្រួតត្រាច្រើន និងមានសង្គ្រាមផ្ទុះអាវុធស្ទើររៀងរាល់ថ្ងៃ ដែលពេលនោះ ការគិតពីផលប្រយោជន៍ជាតិ និងប្រជាជននៅមានកម្រិតនៅឡើយ។- សម្តេចតេជោ ហ៊ុន សែន បញ្ជាក់ថា ការដោះស្រាយបញ្ហាលំនៅដ្ឋានចេញពីតំបន់រមនីយដ្ឋានអង្គរ និងតំបន់ហាមឃាត់នានា គឺដើម្បីរក្សានិរន្តរភាពតំបន់រមនីយដ្ឋានអង្គរជាសម្បត្តិបេតិកភណ្ឌពិភពលោក ។- សម្តេចតេជោ ហ៊ុន សែន បញ្ជាក់ថា មិនថាប្រទេសតូច ឬប្រទេសធំ ,ប្រទេសអ្នកមាន ឬប្រទេសអ្នកក្រទេ ឱ្យតែខុសលក្ខន្តិកៈរបស់UNISCO គឺគេដកចេញ ដោយគ្មានការយោគយល់ទេ។ សម្តេចបញ្ជាក់ថា «បើគេដកអង្គរយើងចេញ ពីបញ្ជីបេតិកភណ្ឌពិភពលោកដោយសារខុសលក្ខន្តិកៈនោះ ដែលជាការបាត់បង់ដ៏ធំធេងណាស់របស់ជាតិទាំងមូល»។- សម្តេចតេជោ ហ៊ុន សែន ប្រកាសពីលក្ខណៈ នៃភាពជាអ្នកដឹកនាំរបស់លោក ហ៊ុន ម៉ាណែត ដែលជាបេក្ខភាពនាយករដ្ឋមន្ត្រីអនាគត សម្រាប់កម្ពុជា។ សម្តេចបញ្ជាក់ថា «វាខុសត្រង់ហ៊ុន ម៉ាណែត ជាកូននាយករដ្ឋមន្ត្រី, ទោះជា ហ៊ុន ម៉ាណែត ជាកូន ជា សុផារ៉ា ឬកូន ចម ប្រសិទ្ធ ក៏ខ្ញុំគាំទ្រ ហ៊ុន ម៉ាណែត ជាបេក្ខភាពនាយករដ្ឋមន្ត្រីអនាគត សម្រាប់គណបក្សប្រជាជនកម្ពុជាដែរ»។- សម្តេចតេជោ ហ៊ុន សែន បញ្ជាក់ថា «បើហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំ ក៏ខ្ញុំមិនគាំទ្រដែរ, ខ្ញុំមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជន និងរាជរដ្ឋាភិបាលទេ»។- សម្តេចតេជោ ហ៊ុន សែន បញ្ជាក់ថា ចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា ឆ្នាំ២០២២ ក្រុមការងារចម្រុះបានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣.៣៥១ក្បាលដី ទំហំ ១០.៩៤៥ហិកតា។- សម្តេចតេជោ ហ៊ុន សែន បញ្ជាក់ថា កិច្ចខិតខំប្រឹងប្រែងទាំងនោះបានកំណត់ក្បាលដីមានសំណង់ចំនួន ៣៩.០៤០ក្បាលដី, ក្បាលដីគ្មានសំណង់ចំនួន ៤៧.៣៤០ក្បាលដី និងក្បាលដីស្រែចម្ការចំនួន ៦.៩៩១ក្បាលដី។- សម្តេចតេជោ ហ៊ុន សែន បញ្ជាឱ្យកងពលទទួលទិសសៀមរាប ទទួលបន្ទុកដឹកប្រជាពលរដ្ឋចេញពីតំបន់រុះរើ ក្នុងតំបន់រមនីយដ្ឋានអង្គរ និងតំបន់ហាមឃាត់ មកទីតាំងថ្មីនៅតំបន់រុនតាឯក ដោយយកតែប្រជាពលរដ្ឋណា ដែលមានក្បាលដីដែលឈូសឆាយរួចតែប៉ុណ្ណោះ ដើម្បីឱ្យពួកគាត់សាង់លំនៅឋាន និងដាំដុះ។- សម្តេចតេជោ ហ៊ុន សែន ប្រកាសឧបត្ថម្ភដល់ប្រជាពលរដ្ឋ ដែលមកតាំងលំនៅឋានថ្មីនៅតំបន់រុនតាឯកក្នុងមួយគ្រួសារ ១លានរៀល ដើម្បីសាងសង់លំនៅឋាន និងឧបត្ថម្ភសម្ភារៈ(សាងសង់ផ្ទះមួយចំនួន) ព្រមទាំងគ្រឿងឧបភោគបរិភោគជាច្រើនផង។- សម្តេចតេជោ ហ៊ុន សែន ប្រកាសផ្តល់ប័ណ្ណស្ត្រីមានផ្ទៃពោះ និងប័ណ្ណក្រីក្រ ដែលត្រូវទទួលបានប្រាក់ឧបត្ថម្ភ សម្រាប់ជួយក្នុងវិបត្តិកូវីដ-១៩ ដល់ប្រជាពលរដ្ឋដែលមកតាំងទីលំនៅឋានថ្មី នៅតំបន់រុនតាឯក បន្ថែមលើការឧបត្ថម្ភ ដែលរដ្ឋបានកំណត់កន្លងមក។- សម្តេចតេជោ ហ៊ុន សែន ប្រកាសថា ប្រពលរដ្ឋដែលរស់នៅតំបន់អភិវឌ្ឍន៍រុនតាឯក ដែលបានចាកចេញពីតំបន់រុះរើ នៃមរនីយដ្ឋានអង្គរ នឹងទទួលបានប័ណ្ណសមធម៌ និងការឧបត្ថម្ភដល់ស្រ្តីមានផ្ទៃពោះ រយះពេល១០ឆ្នាំ ទោះថ្ងៃក្រោយពួកគាត់ មានជីវភាពធូរធាក៏ដោយ។- សម្តេចតេជោ ហ៊ុន សែន ប្រកាសទស្សនវិស័យធ្វើយ៉ាងណា ឱ្យតំបន់អភិវឌ្ឍន៍រុនតាឯក ក្លាយទៅជា កូនក្រុងមួយរបស់ខេត្តសៀមរាប ដោយទឹកស្អាតប្រើប្រាស់, ផ្លូវកៅស៊ូងាយស្រួលធ្វើដំណើរ និងភ្លើងរដ្ឋប្រើប្រាស់បានតម្លៃសមរម្យ ព្រមទាំងមានអភិវឌ្ឍន៍លើគ្រប់វិស័យ។- សម្តេចតេជោ ហ៊ុន សែន ប្រកាសឱ្យតំបន់អភិវឌ្ឍន៍រុនតាឯក មានអនុវិទ្យាល័យ និងវិទ្យាល័យ សម្រាប់ផ្តល់ការអប់រំបណ្តុះបណ្តាលដល់សិស្សានុសិស្សនៅតំបន់នោះ ដោយមិនឱ្យសិស្សានុសិស្សធ្វើដំណើរទៅរៀនសូត្រឆ្ងាយនោះទេ។- សម្តេចតេជោ ហ៊ុន សែន ប្រកាសអំពាវនាវដល់គ្រឹះស្ថានមីក្រូហិរញ្ញវត្ថុនានា ពិចារណា យោគយល់ និងផ្តល់ឱកាស សម្រាប់ការផ្តល់ប្រាក់កំចីដល់ប្រជាពលរដ្ឋដែលមកតាំងទីលំនៅថ្មីនៅតំបន់អភិវឌ្ឍន៍រុនតាឯក ដោយមានអត្រាកាប្រាក់ទាប និងលក្ខណពិសេសតាមដែលអាចធ្វើទៅបាន។- សម្តេចតេជោ ហ៊ុន សែន ប្រកាសអំពាវនាវដល់គ្រប់បក្សនយោបាយទាំងអស់ សូមកុំយកអ្វីដែលសម្តេច និងរាជរដ្ឋាភិបាលបានធ្វើដើម្បីជាតិ និងប្រជាជន ធ្វើជាអាវុធសម្រាប់វាយប្រហារសម្តេចយកសន្លឹកឆ្នោត ក្នុងពេលបោះឆ្នោតនាពេលខាងមុខនេះ។- សម្តេចតេជោ ហ៊ុន សែន ប្រកាសថា ទោះជាសម្តេចចាកចេញពីតំណែងនាយករដ្ឋមន្ត្រីនាពេលអនាគតក៏ដោយ ក៏នាយករដ្ឋមន្ត្រីថ្មី ដែលកើតចេញពីគណបក្សប្រជាជនកម្ពុជា នៅតែបន្តគោលនយោបាយគាំពារសង្គម និងប្រជាពលរដ្ឋដដែល ដោយរដ្ឋបានចំណាយច្រើនណាស់ក្នុង១ខែៗ ដើម្បីរឿងនេះ ដែលជាគោលនយោបាយជាតិរយៈពេលវែង។- សម្តេចតេជោ ហ៊ុន សែន ប្រកាសថា «ចំណុចខ្លាំងរបស់ ហ៊ុន សែន គឺអ្នកឯងវិភាគរឿង ហ៊ុន សែន ខុសទាំងអស់...[]..នេះចំណុចខ្លាំងលើចំណុចខ្លាំងរបស់ ហ៊ុន សែន»។- សម្តេចតេជោ ហ៊ុន សែន ប្រកាសជាថ្មីថា ឆ្នាំនេះ សម្តេចមិនបានចូលរួមបុណ្យភ្ជុំបិណ្ឌទេ ដោយសម្តេចជាប់បេសកកម្មនៅក្រៅប្រទេស រួមមាន៖ ចូលរួមមហាសន្និបាតUN នៅញូយ៉ក ពីថ្ងៃទី២១-២៣ ខែកញ្ញា, ទស្សនកិច្ចផ្លូវការនៅគុយបា ពីថ្ងៃទី២៣-២៥ ខែកញ្ញា និងចូលរួមគោរពវិញ្ញាណក្ខន្ធសពឯកឧត្តម ស៊ីន ហ្សូអាបេ អតីតនាយករដ្ឋមន្ត្រីជប៉ុន ទៅទីក្រុងតូក្យូ ពីថ្ងៃទី២៦-២៨ ខែកញ្ញា ឆ្នាំ២០២២។- សម្តេចតេជោ ហ៊ុន សែន បន្តអំពាវនាវដល់ប្រជាពលរដ្ឋ ឱ្យប្រុងប្រុងប្រយ័ត្នពីការឆ្លងរីករាលដាលជំងឺកូវីដ-១៩ ក្នុងឱកាសកាន់បិណ្ឌ និងភ្ជុំបិណ្ឌ ដោយរក្សាវិធានការសុខាភិបាល និងវិធានការ ៣ការពារ និង៣កុំ ឱ្យបានខ្ជាប់ខ្ជួន។ សម្តេចតេជោ ហ៊ុន សែន បញ្ជាក់ថា «ការពារជិវិតបាន ទើបយើងមានឱកាសធ្វើអ្វីៗនៅថ្ងៃនេះ»។- សម្តេចតេជោ ហ៊ុន សែន បញ្ជាក់ថា បុណ្យកាន់បិណ្ឌឆ្នាំនេះ ខុសដាច់ស្រលះពីបុណ្យកាន់បិណ្ឌកាលពីឆ្នាំមុន ដែលយើងអាចកាន់បិណ្ឌបានតែបិណ្ឌទី១ និងទី២ប៉ុណ្ណោះ ហើយក៏ត្រូវផ្អាកទៅវិញ ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ និងការពារអាយុជីវីតប្រជាពលរដ្ឋពីការវាយប្រហារដោយកូវីដ-១៩។- សម្តេចតេជោ ហ៊ុន សែន បានប្រកាសជាឱឡារិកជាសាធារណៈ មិនឱ្យព្រះករុណា ព្រះមហាក្សត្រ និងប្រជាពលរដ្ឋ ខកព្រះទ័យ និងខកចិត្ត ដែលបានគាំទ្ររាជរដ្ឋាភិបាល ដែលកើតចេញពីគណបក្សប្រជាជនកម្ពុជានោះទេ។- សម្តេចតេជោ ហ៊ុន សែន បញ្ជាក់ថា កម្ពុជាមានអត្រាឆ្លងកូវីដ-១៩កម្រិតសូន្យរយៈពេល៥២ថ្ងៃ និងគ្មានករណីស្លាប់ថ្មីដោយជំងឺកូវីដ-១៩ តាំងពីខែមេសា ឆ្នាំ២០២២មកម្លេះ(រយៈ៦ខែ) ដែលជាភាពជោគជ័យដ៏ធំធេងរបស់កម្ពុជា និងជាការចាប់ផ្តើម នៃដំណើរការសេដ្ឋកិច្ច-សង្គម ដោយសារនយោបាយវ៉ាក់សាំងដ៏ត្រឹមត្រូវរបស់កម្ពុជា។- សម្តេចតេជោ ហ៊ុន សែន ប្រកាសដល់លោក ខឹម វាសនា ប្រធានគណបក្ស LDP ឱ្យចេញមុខបកស្រាយទៅកាន់សាធារណជន ដែលមានការចោទថា សម្តេចនៅពីក្រោយ ការតាំងខ្លួនជាព្រះព្រហ្ម និងការប្រមូលផ្តុំរបស់លោក ខឹម វាសនា និងអ្នកគាំទ្រគណបក្សLDP នៅចំការម្រេចក្បែរជើងភ្នំគូលែន ខេត្តសៀមរាប។- សម្តេចតេជោ ហ៊ុន សែន បានប្រកាសមិនប្រើកម្លាំងប្រដាប់អាវុធ ទប់នឹងកម្លាំងអបិយជំនឿឥតសមហេតុផល របស់ក្រុម លោក ខឹម វាសនា នោះទេ ព្រោះមិនមានភាពចាំបាច់ និងមិនមែនជារឿងសមហេតុផលនោះឡើយ។- សម្តេចតេជោ ហ៊ុន សែន បានប្រកាសអំពាវនាវដល់អ្នកចាញ់ការឃោសនារបស់លោក ខឹម វាសនា រឿងទឹកលិចពិភពលោក បែកបាក់ប្តី-ប្រពន្ធ-កូន សូមមេត្តាយោគយល់គ្នាឱ្យបានកម្រិតខ្ពស់បំផុត និងទទួលយកគ្នា ឬជាគ្នាវិញ ដោយស្មារតីអាណិតស្រលាញ់គ្នា។សង្កថាសម្តេចតេជោ ហ៊ុន សែន ចប់នៅវេលាម៉ោង១០ និង២០នាទី

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

សៀមរាប៖ នៅព្រឹកថ្ងៃអង្គារ ទី១៣ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា។ពិធីសំណេះសំណាលនេះ ធ្វើឡើងនៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដែលជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា។រាជរដ្ឋាភិបាលកម្ពុជា កាលពីខែសីហា កន្លងទៅនេះ តាមរយៈគណៈកម្មការអន្តរក្រសួងមួយដឹកនាំដោយឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបើកយុទ្ធនាការទ្រង់ទ្រាយធំក្នុងការវាស់វែង កំណត់និយាមកាក្បាលដី និងរមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ក៏ដូចជារុះរើសំណង់ខុសច្បាប់ចេញពីតំបន់ទាំងនេះ។ការបើកយុទ្ធនាការនេះ បានធ្វើឡើងបន្ទាប់ពីប្រាសាទក្នុងតំបន់រមណីយអង្គរ បានរងការព្រមានពីអង្គការយូណេស្កូ ក្នុងការដកប្រាសាទតំបន់រមណីយដ្ឋានអង្គរចេញពីបញ្ជីសម្បត្តិបេតិកភណ្ឌពិភពលោក ព្រោះតែសំណង់ជាច្រើនត្រូវបានសង់ឡើងនៅតំបន់រមណីយដ្ឋានអង្គរផ្ទុយពីលក្ខខណ្ឌកំណត់ដោយអង្គការយូណេស្កូ ក្រោយពេលដាក់បញ្ចូលក្នុងបញ្ជីសម្បត្តិបេតិកភណ្ឌពិភពលោកនាថ្ងៃទី១៤ ខែធ្នូឆ្នាំ១៩៩២។ គិតចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា បានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣,៣៥១ក្បាលដី ទំហំ ១០,៩៤៥ហិកតា។ ក្នុងនោះក្បាលដីមានសំណង់ចំនួន ៣៩,០៤០ក្បាលដី, ក្បាលដីគ្មានសំណង់ចំនួន ៤៧,៣៤០ក្បាលដី និងក្បាលដីជាំដីស្រែចម្ការចំនួន ៦,៩៩១ក្បាលដី៕

សម្តេចតេជោ ហ៊ុន សែន ដឹកនាំប្រតិភូជាន់ខ្ពស់រាជរដ្ឋាភិបាលកម្ពុជា គោរពព្រះវិញ្ញាណក្ខន្ធ ព្រះមហាក្សត្រីយ៍ អេលីហ្សាប៊ែត ទី២ នៃចក្រភពអង់គ្លេស

ភ្នំពេញ៖ សម្តេចតេជោ ហ៊ុន សែន នាយកយករដ្ឋមន្ត្រី បានដឹកនាំប្រតិភូជាន់ខ្ពស់ នៃរាជរដ្ឋាភិបាលកម្ពុជា គោរពព្រះវិញ្ញាណក្ខន្ធ ព្រះមហាក្សត្រីយ៍ អេលីហ្សាប៊ែត ទី២ នៃចក្រភពអង់គ្លេស ដែលបានសោយទីវង្គត កាលពីថ្ងៃទី០៨ ខែកញ្ញា ឆ្នាំ២០២២ នៅព្រះរាជដំណាក់ បលម៉ូរ៉ល ទីក្រុងឡុងដ៍ ចក្រភអង់គ្លេស។សម្តេចតេជោ ហ៊ុន សែន បានសម្តែងសមានទុក្ខដ៏ក្រៀមក្រំ នៅពេលទទួលដំណឹង នៃការយាងសោយព្រះទីវង្គតរបស់ព្រះមហាក្សត្រីយ៍ អេលីហ្សាប៊ែត ទី២ ដែលជាការបាត់បងដ៏មហិមា មិនត្រឹមតែចក្រភពអង់គ្លេស និងបណ្តាប្រទេស កំមិនវែលប៉ុណ្ណោះទេ តែជាការបាត់ចំពោះពិភពលោក ទាំងមូលផងដែរ។ ខ្លឹមសារសម្តេចតេជោ ហ៊ុន សែន បញ្ជាក់ថា “ក្នុងរាជរដ្ឋាភិបាល និងប្រជាជនកម្ពុជា ខ្ញុំសូមសម្តែងសមានទុក្ខដ៏ក្រៀមក្រំជាមួយរាជរដ្ឋាភិបាល និងប្រជាជនចក្រភពអង់គ្លេស ជាពិសេសជាមួយព្រះរាជវង្សានុវង្សរបស់ទ្រង់ ចំពោះការបាត់បង់ដ៏ធំធេងនេះ”៕

អ៊ីស្រាអែលមើលមិនឃើញកិច្ចព្រមព្រៀងនុយក្លេអ៊ែរថ្មីជាមួយអ៊ីរ៉ង់ មុនការបោះឆ្នោតពាក់កណ្ដាលអាណត្តិនៅអាមេរិក

អ៊ីស្រាអែល៖ មន្ត្រីអ៊ីស្រាអែលបាននិយាយកាលពីថ្ងៃអាទិត្យ បន្ទាប់ពីភាគីនានារបស់សហភាពអឺរ៉ុបក្នុងការចរចាបានសម្ដែងការខកចិត្តចំពោះទីក្រុងតេអេរ៉ង់ថា អ៊ីស្រាអែលមិនរំពឹងពីការបន្ថែមពេលវេលានៃកិច្ចព្រមព្រៀងនុយក្លេអ៊ែរអ៊ីរ៉ង់ ជាមួយមហាអំណាចពិភពលោកមុនការបោះឆ្នោតពាក់កណ្ដាលអាណត្តិ របស់សហរដ្ឋអាមេរិកនៅខែវិច្ឆិកាខាងមុខនោះទេ។ ក្រោយការដកសហរដ្ឋអាមេរិករបស់អតីតប្រធានាធិបតីលោក Donald Trump ចេញពីកិច្ចព្រមព្រៀងនុយក្លេអ៊ែរឆ្នាំ២០១៥ ដែលវាត្រូវបានរឹតត្បិតសមត្ថភាពអ៊ីរ៉ង់តិចពេក អ៊ីស្រាអែលបានប្រកែកស្រដៀងគ្នាប្រឆាំងនឹងការវិលត្រឡប់ចូលកិច្ចព្រមព្រៀងឡើងវិញ ដោយរដ្ឋបាលអាមេរិកបច្ចុប្បន្ន។ កាលពីថ្ងៃសៅរ៍ ចក្រភពអង់គ្លេស បារាំង និងអាល្លឺម៉ង់បាននិយាយថា ពួកលោកមានមន្ទិលជាខ្លាំងអំពីចេតនារបស់អ៊ីរ៉ង់ បន្ទាប់ពីបានព្យាយាមស្រោចស្រង់កិច្ចព្រមព្រៀង ដោយបិទការស៊ើបអង្កេតរបស់ទីភ្នាក់ងារឃ្លាំមើលថាមពលនុយក្លេអ៊ែរ របស់អង្គការសហប្រជាជាតិ ដើម្បីតាមដានការចម្រាញ់សាធាតុអ៊ុយរ៉ានីញ៉ូមនៅរោងចក្រនុយក្លេអ៊ែរចំនួន៣ របស់ខ្លួន។មន្ត្រីអ៊ីស្រាអែលមួយរូបបានប្រាប់ក្រុមអ្នកសារព័ត៌មាន ដោយមិនបញ្ចេញអត្តសញ្ញាណថា នៅពេលនេះកិច្ចព្រមព្រៀងជាមួយអ៊ីរ៉ង់ទំនងនឹងមិនត្រូវបានចុះហត្ថលេខាទេ រហូតការបោះឆ្នោតពាក់កណ្ដាលអាណត្តិរបស់សហរដ្ឋអាមេរិកចប់។ ក្រុមអ្នកអត្ថាធិប្បាយអ៊ីស្រាអែលមួយចំនួនបានមើលឃើញការអត្ថាធិប្បាយនេះថា ខណៈលោកប្រធានាធិបតីអាមេរិកលោក Joe Biden មានការស្ទាក់ស្ទើរក្នុងការធ្វើឲ្យកិច្ចព្រមព្រៀងនោះមានអត្ថន័យគ្រប់គ្រាន់ សម្រាប់ឲ្យគូប្រជែងប្រជាធិបតេយ្យបោះឆ្នោតគាំទ្រ ដោយប្រើប្រាស់ជាយុទ្ធនាការក្នុងស្រុកប្រឆាំងនឹងគណបក្សប្រជាធិបតេយ្យរបស់លោក៕អត្ថបទ៖ សុខមាន

លោក Zelenskyy ប្រារព្ធខួប ២០០ថ្ងៃនៃសង្គ្រាម និងបានសរសើរកងទ័ព ខណៈអ៊ុយក្រែនបង្ហាញទីក្រុងដែលដណ្តើមបានមកវិញ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានប្រារព្ធខួប ២០០ថ្ងៃចាប់តាំងពីសង្គ្រាមរបស់ប្រទេសប្រឆាំងប្រទេសរុស្ស៊ីចាប់ផ្តើម ដោយបានការគោរពដល់យោធារបស់ប្រទេសអង្គភាពសេវាសង្គ្រោះបន្ទាន់ និងអ្នកដែលកំពុងរងគ្រោះពីជម្លោះនេះ។ នៅក្នុងសុន្ទរកថាកាលពីល្ងាចថ្ងៃអាទិត្យ លោកបានអរគុណពួកគេសម្រាប់ការបំផ្លាញរថក្រោះសត្រូវចំនួន ២,០០០គ្រឿង, រថពាសដែកចំនួន ៤,៥០០គ្រឿង ប្រព័ន្ធកាំភ្លើងធំរបស់សត្រូវជាង ១,០០០គ្រឿង, យន្តហោះ ២៥០គ្រឿង, ឧទ្ធម្ភាគចក្រចំនួន ២០០គ្រឿង, យានដ្រូន ១,០០០គ្រឿង, នាវាចំនួន ១៥គ្រឿង និងទូក ព្រមទាំងយុទ្ធោបករណ៍សត្រូវរាប់ពាន់គ្រឿងផ្សេងទៀត។ លោក Zelenskyy និយាយថា លោកប្រាកដថាអ៊ុយក្រែននឹងឆ្លងកាត់ផ្លូវដ៏លំបាក ដើម្បីទទួលជ័យជម្នះ។ លោកបាននិយាយថា កងទ័ពអ៊ុយក្រែនទទួលបានជោគជ័យ ក្នុងការវាយលុកយ៉ាងរហ័សរបស់ពួកគេនៅក្នុងតំបន់ភាគឦសានប្រទេស។ សកម្មភាពរបស់ទីក្រុង Kyiv ក្នុងការដណ្តើមយកមកវិញនូវតំបន់កាន់កាប់ដោយរុស្ស៊ីនៅក្នុងទីក្រុង Kharkiv បានបង្ខំទីក្រុងមូស្គូឱ្យដកទ័ពរបស់ខ្លួនដើម្បីការពារពួកគេពីការឡោមព័ទ្ធ ដោយបន្សល់ទុកនូវអាវុធ និងគ្រាប់រំសេវជាច្រើននៅក្នុងពេលដកថយយ៉ាងប្រញាប់ប្រញាល់។កងទ័ពអ៊ុយក្រែនកាលពីថ្ងៃអាទិត្យ បានជោគជ័យក្នុងការវាយលុកយ៉ាងរហ័សរបស់ពួកគេនៅតំបន់ភាគឦសានប្រទេស និងនៅរោងចក្រថាមពលនុយក្លេអ៊ែរនៅភាគខាងត្បូងដែលកាន់កាប់ដោយរុស្ស៊ី ដែលបានបិទទាំងស្រុងក្នុងគោលបំណងទប់ស្កាត់គ្រោះមហន្តរាយវិទ្យុសកម្ម ខណៈការប្រយុទ្ធគ្នាបានកើតឡើងនៅក្បែរនោះ។ នៅក្នុងវីដេអូចេញផ្សាយដោយកងកម្លាំងប្រដាប់អាវុធអ៊ុយក្រែន នៅលើបណ្តាញសង្គមបានឲ្យដឹងថា ទាហានត្រូវបានគេឃើញឈរជាមួយនឹងទង់ជាតិអ៊ុយក្រែននៅទីក្រុង Hoptivka៕អត្ថបទ៖ ប៊ុនថន

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង

អ៊ុយក្រែន៖ ប្រទេសអ៊ុយក្រែនបានលើកឡើងថា ប្រតិបត្តិការទាំងអស់នៅរោងចក្រថាមពលនុយក្លេអ៊ែរធំបំផុតរបស់អឺរ៉ុបមួយនេះ ត្រូវបានបញ្ឈប់ទាំងស្រុង។ យោងតាមសេចក្ដីថ្លែងការណ៍ចេញដោយក្រុមហ៊ុន Energoatom ដែលជាប្រតិបត្តិករថាមពលអាតូមិករបស់អ៊ុយក្រែន ម៉ាស៊ីនរ៉េអាក់ទ័រចុងក្រោយនៃម៉ាស៊ីនរ៉េអាក់ទ័រទាំង៦ របស់រោងចក្រ Zaporizhzhia ត្រូវបានកាត់ផ្ដាច់ពីបណ្ដាញផ្គត់ផ្គង់ថាមពលនៅម៉ោង 3.41នាទីទៀបភ្លឺម៉ោងក្នុងស្រុក។ ស្ថិតក្រោមការគ្រប់គ្រងរបស់រុស្ស៊ីចាប់តាំងពីខែមីនាមក រោងចក្រថាមពលនៅក្នុងប្រទេសអ៊ុយក្រែនភាគអាគ្នេយ៍មួយនេះ ត្រូវបានកាត់ផ្ដាច់ចេញពីបណ្ដាញផ្គត់ផ្គង់ថាមពលរបស់ប្រទេសនេះកាលពីថ្ងៃចន្ទកន្លងទៅ ស្របពេលមានក្ដីបារម្ភពីគ្រមហន្តរាយនុយក្លេអ៊ែរ ខណៈដែលទីក្រុង Moscow និងទីក្រុង Kyiv ចោទដាក់គ្នាពីការវាយប្រហារទៅលើបរិវេនរោងចក្រនេះ។ ក្រុមហ៊ុន Energoatom បាននិយាយថា បណ្ដាញផ្គត់ផ្គង់ថាមពលត្រូវបានស្ដារឡើងវិញកាលពីថ្ងៃសៅរ៍ ដើម្បីអនុញ្ញាតឲ្យក្រុមមន្ត្រីបិទម៉ាស៊ីនរ៉េអាក់ទ័រទី៦ និងផ្ទេរទៅកាន់ទីតាំងដែលមានសុវត្ថិភាពបំផុត។ ទីភ្នាក់ងារនេះបានព្រមានថា ហានិភ័យនៃការខូចខាតបន្ថែមទៀត និងការកាត់ផ្ដាច់ថាមពលនៅខាងក្រៅជាថ្មីនៅតែជាកម្រិតខ្ពស់នៅឡើយ៕អត្ថបទ៖ សុខមាន

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន នៅព្រឹកថ្ងៃទី១២កញ្ញានេះ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ ក្រោមប្រធានបទ «ភាពជាដៃគូស្អិតរមួត និងការឆ្លើយតបរហ័សរបស់អាស៊ាន» ។ក្នុងវេទិកាដែលប្រារព្ធនៅសណ្ឋាគារហៃយ៉ាតរីជិនស៊ី ភ្នំពេញ សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ ដោយសម្តេចបញ្ជាក់ថា ក្នុងក្របខណ្ឌតំបន់អាស៊ានភាពជាអ្នកដឹកនាំ និងភាពជាដៃគូគឺជាកត្តាចម្បងដែលធ្វើឲ្យយើងអាចជំនះគ្រប់ឧបសគ្គនិងប្រែក្លាយតំបន់អាស៊ានទៅជាតំបន់មួយលេចធ្លោ និងមានការរីកចម្រើនលើគ្រប់វិស័យ។ក្នុងស្មារតីនេះ ស្ថិតក្នុង ស្ថានភាពសង្គមសេដ្ឋកិច្ចបច្ចុប្បន្ន យើងមិនត្រឹមតែមិនបែកបាក់សាមគ្គីប៉ុណ្ណោះទេ តែផ្ទុយទៅវិញយើងត្រូវពង្រឹងភាពជាដៃគូរ និងកិច្ចសហប្រតិបត្តិការឲ្យកាន់តែស្អិតល្មួតថែមទៀតស្របតាមមូលបទអាស៊ានរួមគ្នាធ្វើដោះស្រាយបញ្ហាប្រឈមទាំងអស់គ្នាដែលកម្ពុជាបានកំណត់ក្នុងនាមជាប្រធានអាស៊ាននៅឆ្នាំ ២០២២នេះ ដើម្បីបន្តរក្សាភាពរីកចម្រើនទៅមុខចំពោះអនាគតភ្លឺស្វាង និងវិបុលភាពរួម។សម្រាប់វេទិកានេះ សម្ដេចបានលើកទឹកចិត្ត ឱ្យមានការពិភាក្សាដោយត្រង់ទៅ ត្រង់មក ក្នុងស្មារតីយោគយល់គ្នាទៅវិញទៅមក ដើម្បីអាចទទួលបានលទ្ធផលជាផ្លែផ្កា និងពិតប្រាកដ និងបង្ហាញឲ្យសកលលោកបានឃើញពីឆន្ទៈ និងការបន្តពង្រឹងភាពជាអ្នកដឹកនាំ និងភាពជាដៃគូរបស់អាស៊ានដោយយកការសន្ទនាដោយសន្តិវិធីជាយន្តការដោះស្រាយបញ្ហា ទោះបីស្ថិតក្នុង បរិការមួយដែលច្របូកច្របល់ និងមានការធ្លាក់ចុះនៃការជឿទុកចិត្តគ្នាទៅវិញទៅមកយ៉ាងណាក៏ដោយ។ដើម្បីជាធាតុចូលបន្ថែម សម្ដេចតេជោ ហ៊ុន សែន បានចូលរួមផ្តល់យោបល់ផ្ទាល់ខ្លួនមួយចំនួន ដូចខាងក្រោម៖ទី១. ការអភិវឌ្ឍសង្គម-សេដ្ឋកិច្ច មិនអាចសម្រេចបានឡើយ ដរាបណាមិនមានស្ថិរភាព និងសុខសន្តិភាពពេញលេញ ក្នុងន័យនេះ, អាស៊ាន ត្រូវបញ្ចៀសឱ្យ បាននូវភ្លើងសង្គ្រាមដែលគ្មានអ្នកឈ្នះ និងអ្នកចាញ់ ប៉ុន្តែមានតែការវិនាស ហិនហោច និងការបាត់បង់អាយុជីវិតរបស់ប្រជាជនកម្ពុជា ដែលជាប្រទេស ធ្លាប់បានឆ្លងកាត់ប្រវត្តិជូរចត់ជាច្រើន ដោយសារភ្លើងសង្គ្រាម សូមក្រើនរំលឹក យ៉ាងទទូចថា ការដោះស្រាយជម្លោះដោយសន្តិវិធីប្រកបដោយស្មារតីយោគយល់ គ្នាទៅវិញទៅមក និងការកំណត់សុខុមាលភាពប្រជាជនជាអាទិភាពចម្បង បំផុត គឺជានយោបាយឈ្នះ-ឈ្នះ នាំទៅរកសុខសន្តិភាព និងវិបុលភាពយ៉ាង ពិតប្រាកដ។ទី២. ក្នុងបរិការណ៍ដែលការប្រកួតប្រជែងផ្នែកភូមិសាស្ត្រនយោបាយ កំពុងតែមានភាពក្តៅគគុក, អាស៊ាន ត្រូវធ្វើខ្លួនជាតំបន់គំរូ និងត្រូវរួមគ្នាធានាឱ្យបាននូវ សុខសន្តិភាព, ស្ថិរភាព និងវិបុលភាពក្នុងតំបន់ តាមរយៈការពង្រឹងឯកភាព និងមជ្ឈភាពអាស៊ាន និងការប្រកាន់ខ្ជាប់ជានិច្ចនូវភាពជាដៃគូ និងយន្តការ ពហុភាគីនិយមក្នុងការដោះស្រាយបញ្ហាប្រឈមនានា បន្ថែមលើនេះ, អាស៊ាន ក៏ត្រូវប្រកាន់ខ្ជាប់នូវភាពជាកណ្តាល និងដើរតួនាទីជាវេទិការួមមួយសម្រាប់ ការសន្ទនា និងកិច្ចសហប្រតិបត្តិការជាមួយនឹងការពង្រឹងនិម្មាបនកម្មតំបន់ដែលមានលក្ខណៈបើកចំហ, តម្លាភាព, បរិយាបន្ន និងយកច្បាប់ជាគោល។ទី៣. ដើម្បីសម្រេចបាននូវការងើបឡើងវិញនៃសេដ្ឋកិច្ច ប្រកបដោយចីរភាព និងបរិយាបន្ន, យើងត្រូវបន្តជំរុញការធ្វើសមាហរណកម្មសេដ្ឋកិច្ច និងប្រែក្លាយ តំបន់អាស៊ានឱ្យទៅជាមជ្ឈមណ្ឌលពាណិជ្ជកម្ម និងការវិនិយោគប្រកបដោយ ភាពទាក់ទាញ និងជីវភាព ជាពិសេសតាមរយៈ ការដោះស្រាយបញ្ហារបាំងពន្ធ និងមិនមែនពន្ធ, និងការផ្តល់នូវការគាំទ្រឱ្យគ្នាទៅវិញទៅមក ដើម្បីពនឿនការ អនុវត្ត និងទាញយកប្រយោជន៍ឱ្យអស់លទ្ធភាពពីកិច្ចព្រមព្រៀងពាណិជ្ជកម្មសេរីនានា ជាពិសេស កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីដ៏ធំបំផុតក្នុងប្រវត្តិសាស្ត្រសកលលោក។ទី៤. អាស៊ាន ត្រូវយកចិត្តដាក់ជាពិសេសលើការលើកកម្ពស់សន្តិសុខសេដ្ឋកិច្ច សំដៅបំពេញរាល់តម្រូវការចាំបាច់របស់ប្រជាជន និងធានាការទទួលបាននូវផល ប្រយោជន៍ប្រកបដោយបរិយាបន្ន និងសមធម៌ ពីកំណើនសេដ្ឋកិច្ចក្នុងប្រទេស និងក្នុងតំបន់ តាមរយៈ ការអភិវឌ្ឍហេដ្ឋារចនាសម្ព័ន្ធយុទ្ធសាស្ត្រ, ការពង្រឹង សហគ្រិនភាព និងផ្តល់ការគាំទ្រដល់សហគ្រាសធុនមីក្រូ, តូច និង មធ្យម, ការពង្រឹងវិស័យអប់រំ, សុខាភិបាល និងកិច្ចគាំពារសង្គម, ការកាត់បន្ថយគម្លាត នៃការអភិវឌ្ឍ, ការបង្កើតការងារ និងកាត់បន្ថយវិសមភាពប្រាក់ចំណូល និងការ ធានាសន្តិសុខស្បៀង។ទី៥. អាស៊ាន ត្រូវសម្លឹងឆ្ពោះទៅមុខ និងរួមគ្នាទាញយកផលប្រយោជន៍ឱ្យបានជាអតិបរមាពីសក្តានុពល និងកាលានុវត្តភាព ដែលកើតចេញពីនិន្នាការសកល ដូចជា សេដ្ឋកិច្ចវិលជុំ, សេដ្ឋកិច្ចបៃតង និងជាពិសេស ការធ្វើឌីជីថលូបនីយកម្ម ដែលនឹងក្លាយជាកម្លាំងចលករគន្លឹះក្នុងការលើកកម្ពស់ការតភ្ជាប់គ្រប់វិស័យ ទាំងផ្នែកសង្គម-សេដ្ឋកិច្ច, ការវិនិយោគ, ពាណិជ្ជកម្ម និងនយោបាយ ក៏ដូចជា ការរួមគ្នាឆ្លើយតបទៅនឹងបញ្ហាប្រឈមនានា ដូចជាការប្រែប្រួលអាកាសធាតុឱ្យបានយ៉ាងឆាប់រហ័ស ស្របតាមមូលបទរបស់យើងក្នុងថ្ងៃនេះ ។សម្តេចបានបន្តថា ក្នុងនាមជាប្រធានអាស៊ានឆ្នាំ ២០២២នេះ កម្ពុជាបាននឹងកំពុងចូលរួមយ៉ាងសកម្មក្នុងការពង្រីកនិងពង្រឹងកិច្ចសហប្រតិបត្តិការនិងភាពជាដៃគូក្នុងការគ្រប់គ្រងក្នុងគ្រប់ទម្រង់និងគ្រប់វិស័យ ទាំងផ្នែកសង្គមសេដ្ឋកិច្ច ពាណិជ្ជកម្ម ការវិនិយោគនិងនយោបាយជាមួយនឹងប្រទេស ជាមិត្តនិងសហគមន៍អន្តរជាតិទាំងក្នុងក្របខណ្ឌប្រទេសនិងតំបន់ ជាពិសេសតាមរយៈការរៀបចំវេទិកាសន្ទនាដែលមានការចូលរួមពីគ្រប់ភាគីពាក់ព័ន្ធ។ កម្ពុជាចង់ឃើញតំបន់អាស៊ានក៏ដូចជាសាកលលោកទាំងមូលមានសុខសន្តិភាព ស្ថេរភាពនិងវិបុលភាព ប្រកបដោយចីរភាព និងបរិយាប័នយ៉ាងពិតប្រាកដ ជាមួយនឹងអធិបតេយ្យភាពនៃប្រទេសនីមួយៗ ការអនុវត្តតាមច្បាប់អន្តរជាតិ ជាពិសេសធម្មនុញ្ញអង្គការសហប្រជាជាតិនិងការប្រកាន់ខ្ជាប់ជានិច្ចនូវយន្តការពហុភាគីនិយមដែលមានការចូលរួមសន្ទនាពីគ្រប់ភាគីពាក់ព័ន្ធនិងការរួមគ្នាស្វែងរកដំណោះស្រាយបញ្ហាប្រឈមដោយសន្តិវិធីជាមួយនឹងស្មារតីបើកចំហយោគយល់និងអត់ធ្មត់ឲ្យគ្នាទៅវិញទៅមក៕

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិ៖ ការស្លាប់ជនស៊ីវិល និងភាពចលាចលក្នុងការវាយប្រយុទ្ធគ្នាជាថ្មីទៀតនៅអ៊ុយក្រែន

ពិធីគោរពវិញ្ញាណក្ខន្ធថ្វាយព្រះមហាក្សត្រី Elizabeth II ប្រារព្ធឡើងក្រោមព្រះរាជវត្តមានព្រះមហាក្សត្រ Charles III

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

លោក Zelenskyy ប្រារព្ធខួប ២០០ថ្ងៃនៃសង្គ្រាម និងបានសរសើរកងទ័ព ខណៈអ៊ុយក្រែនបង្ហាញទីក្រុងដែលដណ្តើមបានមកវិញ

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ៖ លោក ហ៊ុន ម៉ាណែត​មានលក្ខណៈសម្បត្តិគ្រប់គ្រាន់​ក្នុងការដឹកនាំ​ប្រទេស​ និង​គណបក្សប្រជាជន

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

អ៊ុយ​ក្រែ​ននិយាយថា ប្រតិបត្តិការ​នៅ​រោងចក្រ​ថាមពលនុយក្លេអ៊ែរ Zaporizhzhia ត្រូវបាន​បញ្ឈប់​ទាំងស្រុង​

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង