BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានសំខាន់ៗ

ក្រសួងការពារជាតិ សាងសង់ចេតិយតម្កល់អដ្ឋិធាតុអតីតយុទ្ធជន៤៩រូប ដែលបានពលីជីវិតនៅប្រទេសវៀតណាមក្នុងសម័យ ប៉ុល ពត

ត្បូងឃុំ៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការអន្តរក្រសួង សម្រាប់ការរៀបចំមាតុភូមិនិវត្តន៍អដ្ឋិធាតុយុទ្ធជនចំនួន៤៩រូប នៅថ្ងៃទី២០ ខែសីហា ឆ្នាំ២០២នេះ បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់ចេតិយតម្កល់អដ្ឋិធាតុ និងជាស្តូបរំលឹកគុណយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា នៅតំបន់ប្រវត្តិសាស្រ្តយោធាតេជោកោះថ្ម X-16 ស្ថិតក្នុងឃុំទន្លូង ស្រុកមេមត់ ខេត្តត្បូងឃ្មុំ។ ពិធីនេះក៏មានការចូលរួមពីក្រុមការងារអន្តរក្រសួង និងអាជ្ញាធរពាក់ព័ន្ធផងដែរ។សម្តេចពិជ័យសេនា ទៀ បាញ់ បានថ្លែងថា យោងតាមអនុសាសន៍ និងគំនិតផ្តួចផ្តើមរបស់សម្តេចតេជោ ហ៊ុន សែន នាយករដ្ឋមន្រ្តី ក្នុងការរៀបចំធ្វើមាតុភូមិនិវត្តន៍នូវអដ្ឋិធាតុរបស់អតីតយុទ្ធជនកម្ពុជា ក្រុមការងារអន្តរក្រសួងបានចាប់ផ្តើមនូវផែនការនៃការសាងសង់ចេតិយតម្កល់អដ្ឋិធាតុ ជាមុនសិន ដោយប្រើប្រាស់រយៈពេលសាងសង់យូរយ៉ាងហោច៧ខែ ដែលទទួលខុសត្រូវសាងសង់ដោយ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារបច្ចេកទេស ។សម្តេចពិជ័យសេនា ទៀ បាញ់ ថ្លែងថា ការសាងសង់ចេតិយតម្កល់អដ្ឋិធាតុនេះ គឺជាការឆ្លើយតបចំពោះគុណូបការៈ ពលី របស់យុទ្ធជនចំនួន៤៩រូប ដែលរួមចំណែកក្នុងដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត។សម្តេចពិជ័យសេនា ទៀ បាញ់ ថ្លែងទៀតថា ការកំណត់ទីតាំងសាងសង់នៅតំបន់ប្រវត្តិសាស្រ្តយោធាតេជោកោះថ្ម ដោយសារទីតាំង ប្រវត្តិសាស្ត្រនេះ គឺជាកន្លែងបញ្ចុះសពយុទ្ធជន កម្មាភិបាលពលី អតីតអង្គភាព១២៥ ចំនួន ៤៩នាក់ ដែលបានបូជាជីវិតក្នុងបុព្វហេតុរំដោះប្រទេសជាតិ និងអាយុជីវិតប្រជាជនកម្ពុជាពីរបបប្រល័យពូជសាសន៍ ប៉ុល ពត ហើយអង្គភាព១២៥ គឺជាឈ្មោះ អង្គភាពដំបូងនៃកងកម្លាំងសាមគ្គីសង្គ្រោះជាតិកម្ពុជា ដែលបានបង្កើតឡើងនៅថ្ងៃទី១២ ខែឧសភា ឆ្នាំ១៩៧៨ ជាចំណុចចាប់ផ្តើមដំបូងគេបង្អស់ នៃចលនាតស៊ូរបស់កម្ពុជា ចេញពីប្រទេសវៀតណាម ក្រោមការដឹកនាំដោយផ្ទាល់ពីសមមិត្ត ហ៊ុន សែន មុននឹងឈានដល់ការបង្កើតរណសិរ្ស សាមគ្គីសង្គ្រោះជាតិកម្ពុជា នៅថ្ងៃទី២ ខែធ្នូ ឆ្នាំ១៩៧៨។សម្តេចពិជ័យសេនា ទៀ បាញ់ បញ្ជាក់ថា បន្ទាប់ពីការសាងសង់បានបញ្ចប់នាខែឧសភា ឆ្នាំ២០២៣ ក្រុមការងារអន្តរក្រសួងនឹងរៀបចំពិធីតម្កល់អដ្ឋិធាតុយុទ្ធជនទាំង ៤៩រូប អំឡុងបំណាច់ឆ្នាំ២០២៣ ក្នុងឱកាសខួបលើកទី៤៥ ទិវាចងចាំនៃដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត។សូមបញ្ជាក់ថា អដ្ឋិធាតុរបស់យុទ្ធជនកម្ពុជាចំនួន ៤៩រូប បានតម្កល់ទុកនៅលើទឹកដីខេត្តដុងណាយ ប្រទេសវៀតណាម រាប់សិបឆ្នាំមកហើយ ហើយច្រើនឆ្នាំមកនេះរកសាច់ញាតិ និង ក្រុមគ្រួសាររបស់ពួកគេមិនឃើញ ដូច្នេះដើម្បីតបស្នងសងគុណចំពោះបងប្អូនពលី សម្តេចតេជោ ហ៊ុន សែន សម្រេចស្នើឱ្យធ្វើមាតុភូមិនិវត្តមកកម្ពុជាវិញនូវអដ្ឋិធាតុរបស់ពួកគេ ដោយតម្កល់នៅ ក្នុងតំបន់ X-16៕

ទស្សនកិច្ចរបស់ UN នៅក្រុង Odesa ផ្តោតលើគ្រាប់ធញ្ញជាតិអ៊ុយក្រែនត្រូវបាននាំចេញទៅកាន់ទីផ្សារពិភពលោក

អ៊ុយក្រែន៖ ប្រមុខអង្គការសហប្រជាជាតិពិនិត្យទីក្រុងកំពង់ផែ Odesa នៅថ្ងៃទី២ នៃទស្សនកិច្ចនៅអ៊ុយក្រែន អគ្គលេខាធិការអង្គការសហប្រជាជាតិលោក Antonio Guterres បានធ្វើទស្សនកិច្ចនៅទីក្រុងកំពង់ផែសមុទ្រខ្មៅ Odesa កាលពីថ្ងៃសុក្រក្នុងអំឡុងទស្សនកិច្ចនៅអ៊ុយក្រែន។ លោកទៅកាន់ទីនោះដោយផ្តោតលើកិច្ចព្រមព្រៀងមួយ ដើម្បីអនុញ្ញាតឱ្យគ្រាប់ធញ្ញជាតិអ៊ុយក្រែនត្រូវបានដឹកជញ្ជូនទៅកាន់ទីផ្សារពិភពលោក។ លោក Guterres និងប្រធានាធិបតីទួរគីលោក Recep Tayyip Erdogan បានជួបប្រជុំកម្រិតខ្ពស់ជាមួយប្រធានាធិបតីអ៊ុយក្រែនលោក Volodymyr Zelenskyy នៅភាគខាងកើតអ៊ុយក្រែនកាលពីថ្ងៃព្រហស្បតិ៍។ កាលពីដើមរដូវក្តៅនេះ អង្គការសហប្រជាជាតិ និងប្រទេសទួរគីបានចុះកិច្ចព្រមព្រៀងមួយ ដើម្បីត្រួសត្រាយផ្លូវសម្រាប់អ៊ុយក្រែនក្នុងការនាំចេញពោតចំនួន ២២លានតោន និងគ្រាប់ធញ្ញជាតិផ្សេងទៀតដែលជាប់គាំងនៅក្នុងកំពង់ផែសមុទ្រខ្មៅរបស់អ៊ុយក្រែន ចាប់តាំងពីការវាយលុករបស់រុស្ស៊ី។ការរាំងស្ទះការនាំចេញនេះបានធ្វើឱ្យការខ្វះខាត ស្បៀងអាហារពិភពលោកកាន់តែធ្ងន់ធ្ងរឡើង ជំរុញឱ្យតម្លៃទំនិញឡើងថ្លៃ និងការព្រួយបារម្ភពីគ្រោះទុរភិក្ស ជាពិសេសនៅទ្វីបអាហ្វ្រិក។ លោក Zelenskyy បាននិយាយកាលពីថ្ងៃព្រហស្បតិ៍ថា លោកបានស្នើឱ្យបន្ថែមការនាំចេញ។ លោក Guterres បានគូសបញ្ជាក់ជាថ្មីពីភាពរីករាយ ដែលលោកបានមើលឃើញស្រូវសាលីត្រូវបានផ្ទុកទៅលើនាវាដឹកទំនិញ ប៉ុន្តែលោកមានអារម្មណ៍សោកស្តាយ ដែលលោកបានឃើញចំណតកំពង់ផែគ្មានសកម្មភាពដោយសារតែសង្គ្រាម៕អត្ថបទ៖ ប៊ុនថន

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

ភ្នំពេញ៖ ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី ត្រាស់បង្គាប់បង្កើតសួនសត្វ ព្រៃការពារ និងសួនភូតគាម “ភ្នំតាម៉ៅ” ក្នុងគោលដៅធានានិរន្តរភាព នៃការថែរក្សា អភិរក្សព្រៃឈើ និងសត្វព្រៃ ការសង្គ្រោះ ព្យាបាល ស្តារលទ្ធភាពសត្វព្រៃ អប់រំ ផ្សព្វផ្សាយ ការសិក្សាស្រាវជ្រាវ និងសេវាទេសចរណ៍។

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ៊ុយក្រែន៖ អគ្គលេខាធិការអង្គការសហប្រជាជាតិលោក Antonio Guterres បាននិយាយថា លោកមានការព្រួយបារម្ភខ្លាំងអំពីការប្រយុទ្ធគ្នានៅជិតរោងចក្រនុយក្លេអ៊ែរ Zaporizhzhia ភាគខាងត្បូងប្រទេសអ៊ុយក្រែន។ លោកបានថ្លែងដូច្នេះក្នុងអំឡុងពេលជំនួបជាមួយប្រធានាធិបតីអ៊ុយក្រែនលោក Volodymyr Zelensky និងមេដឹកនាំទួរគីលោក Recep Tayyip Erdogan នៅទីក្រុង Lviv។ លោកអគ្គលេខាធិការ Antonio Guterres បាននិយាយថា តំបន់ជុំវិញរោងចក្រនុយក្លេអ៊ែរ Zaporizhzhia ភាគខាងត្បូងប្រទេសអ៊ុយក្រែនត្រូវតែគ្មានយោធាជាបន្ទាន់។ ទីក្រុងមូស្គូ និងទីក្រុងគីវបានចោទប្រកាន់គ្នាទៅវិញទៅមក ជុំវិញការបាញ់ផ្លោងនៅបរិវេណអគាររោងចក្រនេះ។ លោក Guterres និយាយថា កិច្ចព្រមព្រៀងនេះគឺចាំបាច់ជាបន្ទាន់ ដើម្បីចាប់ផ្តើមឡើងវិញសុវត្ថិភាពនៅរោងចក្រ Zaporizhzhia ជាហេដ្ឋារចនាសម្ព័ន្ធស៊ីវិលសុទ្ធសាធ និងដើម្បីធានាបានសុវត្ថិភាពនៅតំបន់នេះ។ យោងតាមគេហទំព័ររបស់ប្រធានាធិបតីបានឲ្យដឹងថា លោក Zelenskyy និងប្រមុខអង្គការសហប្រជាជាតិបានព្រមព្រៀងកាលពីថ្ងៃព្រហស្បតិ៍ លើការរៀបចំសម្រាប់បេសកកម្មទីភ្នាក់ងារថាមពលអាតូមិកអន្តរជាតិ (IAEA) មកកាន់រោងចក្រនេះ។ ប៉ុន្តែវាមិនច្បាស់ភ្លាមៗនោះទេថា តើវិមានក្រឹមឡាំងនឹងយល់ព្រមចំពោះលក្ខខណ្ឌនេះ។ចំពោះការដកកងទ័ពចេញ មន្ត្រីក្រសួងការបរទេសរុស្ស៊ីបាននិយាយកាលពីពេលមុនថា នឹងបណ្តាលឲ្យរោងចក្រនេះក្លាយជាទីតាំងងាយរងគ្រោះ។ ការព្រួយបារម្ភបានកើតមានឡើងនៅពេលដែលអាជ្ញាធររុស្ស៊ី និងអ៊ុយក្រែនបានចោទប្រកាន់គ្នាទៅវិញទៅមកថា បានរៀបចំផែនការវាយប្រហារទីតាំងនេះហើយ បន្ទាប់មកដាក់កំហុសភាគីម្ខាងទៀត។ ការបង្កើននៃការនាំចេញគ្រាប់ធញ្ញជាតិក៏ត្រូវបានពិភាក្សាផងដែរនៅក្នុងជំនួបនេះ។ អង្គការសហប្រជាជាតិ និងទួរគីបានចុះហត្ថលេខាលើកិច្ចព្រមព្រៀងមួយ ដើម្បីត្រួសត្រាយផ្លូវសម្រាប់អ៊ុយក្រែនក្នុងការនាំចេញពោតចំនួន ២២លានតោន និងគ្រាប់ធញ្ញជាតិផ្សេងទៀតដែលជាប់គាំងនៅកំពង់ផែសមុទ្រខ្មៅរបស់ខ្លួន ចាប់តាំងពីការវាយលុករបស់រុស្ស៊ី។ ការរាំងស្ទះនេះបានធ្វើឱ្យមានការខ្វះខាតស្បៀងអាហារពិភពលោកកាន់តែធ្ងន់ធ្ងរឡើង ជំរុញឱ្យតម្លៃទំនិញឡើងថ្លៃ និងការព្រួយបារម្ភពីគ្រោះទុរភិក្ស ជាពិសេសនៅទ្វីបអាហ្វ្រិក៕អត្ថបទ៖ ប៊ុនថន

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

អាល់ហ្សេរី៖ ក្រសួងការពារជនស៊ីវិលប្រទេសអាហ្វ្រិកខាងជើងបាននិយាយថា ភ្លើងឆេះព្រៃដែលបានឆាបឆេះព្រៃភាគខាងកើតប្រទេសអាល់ហ្សេរី បណ្តាលឲ្យមនុស្សយ៉ាងហោចណាស់ ៣៧នាក់ស្លាប់ និង ១៦១នាក់ផ្សេងទៀតបានរងរបួស។ ជនរងគ្រោះភាគច្រើនត្រូវបានគេរាយការណ៍ថា នៅក្នុងតំបន់ El Tarf ក្បែរព្រំដែនភាគខាងជើងប្រទេសអាល់ហ្សេរី-ទុយនេស៊ី ជាកន្លែងដែលមនុស្ស ៣៤នាក់ត្រូវបានរកឃើញស្លាប់។ អ្នកស្លាប់រួមមានគ្រួសារមួយមានសមាជិក ៥នាក់ដែលត្រូវបានរកឃើញនៅក្នុងលំនៅឋានរបស់ពួកគេ និងមនុស្ស ៨នាក់នៅលើរថយន្តក្រុងសាធារណៈដែលអ្នកបើកបរបាត់បង់ការគ្រប់គ្រងដោយអណ្តាតភ្លើង ខណៈពេលកំពុងធ្វើដំណើរនៅតំបន់ភ្នំ។ នាយករដ្ឋមន្ត្រីលោក Aïmene Benabderrahmane ដែលបានមកដល់ទីក្រុង El Tarf កាលពីថ្ងៃព្រហស្បតិ៍បាននិយាយថា ជនរងគ្រោះភាគច្រើនគឺជាអ្នកសម្រាកវិស្សមកាលបានមកកំសាន្តនៅឆ្នេរឋានសួគ៌ និងទេសភាពដែលគួរឱ្យទាក់ទាញ។ លោកនាយករដ្ឋមន្ត្រីនិយាយថា រដ្ឋអាល់ហ្សេរីនឹងជួយដល់គ្រួសារជនរងគ្រោះ និងចំណាយសម្រាប់ការងារជួសជុល និងសំណងសម្រាប់ការបាត់បង់សត្វពាហនៈ និងសំបុកឃ្មុំនៅក្នុងតំបន់ ដែលត្រូវបានគេស្គាល់សម្រាប់ឧស្សាហកម្មកសិកម្មរបស់រដ្ឋនេះ។ការិយាល័យការពារជនស៊ីវិលបានជូនដំណឹងថា ក្រុមអ្នកពន្លត់អគ្គីភ័យមកពីតំបន់ផ្សេងទៀតត្រូវបានដាក់ពង្រាយ ដើម្បីជួយពន្លត់ភ្លើងឆេះព្រៃ។ រថយន្តដឹកទំនិញដែលនាំយកស្បៀងអាហារ ទឹក ភួយ និងសំលៀកបំពាក់ត្រូវបានគេឃើញថា កំពុងធ្វើដំណើរឆ្ពោះទៅកាន់ទីក្រុង El Tarf។ ក្រសួងមហាផ្ទៃបានជូនដំណឹងថា ភ្លើងឆេះព្រៃចំនួន ៣៩កន្លែងបានកើតឡើងនៅក្នុងតំបន់ចំនួន ១៤ កាលពីថ្ងៃពុធតែមួយថ្ងៃ ហើយការឆាបឆេះបំផ្លាញព្រៃឈើចំនួន ៣,២០០ហិកតាចាប់តាំងពីដើមខែសីហាមក។ ភ្លើងឆេះព្រៃដ៏ធំនៅក្នុងប្រទេសអាល់ហ្សេរីកាលពីឆ្នាំមុនបណ្តាលមនុស្ស ១០៤នាក់ស្លាប់ក្នុងនោះមានទាហាន ៣៣នាក់។ កាលពីពាក់កណ្តាលខែមិថុនាអាជ្ញាធរប្រទេសអាល់ហ្សេរី បានជួលយន្តហោះពន្លត់អគ្គិភ័យមួយគ្រឿងពីប្រទេសរុស្ស៊ីរយៈពេល ៣ខែ៕អត្ថបទ៖ ប៊ុនថន

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់

ចិន៖ រដ្ឋបាលរបស់លោកប្រធានាធិបតីអាមេរិក Joe Biden បានប្រកាសកាលពីថ្ងៃព្រហស្បតិ៍ថា សហរដ្ឋអាមេរិកនឹងរៀបចំការពិភាក្សាពាណិជ្ជកម្មផ្លូវការ ជាមួយក្រុមមន្ត្រីកោះតៃវ៉ាន់នៅរដូវស្លឹកឈើជ្រុះនេះ។ សេចក្ដីប្រកាសនេះបានធ្វើឲ្យមានការគំរាម និងការថ្កោលទោសជុំថ្មីមួយទៀតពីរដ្ឋាភិបាលចិន ដែលបានព្រមានថា ក្រុងប៉េកាំងនឹងការពារអធិបតេយ្យភាពរបស់ខ្លួន។ ប្រទេសចិនបានអះអាងសិទ្ធិជាយូរមកហើយថា កោះតៃវ៉ាន់គឺជាផ្នែកមួយនៃដែនដីរបស់ខ្លួន ទោះបីកោះនេះមានរដ្ឋាភិបាលខ្លួនឯងក៏ដោយ។ អ្នកនាំពាក្យក្រសួងពាណិជ្ជកម្មចិនលោកស្រី Shu Jueting បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា ប្រទេសចិនជំទាស់យ៉ាងដាច់អហង្ការចំពោះការពិភាក្សាពាណិជ្ជកម្មផ្លូវការនេះ។ ភាពតានតឹងបានឡើងកម្ដៅក្នុងតំបន់នៅឆ្នាំនេះ ខណៈក្រុមតំណាងរាស្ត្រអាមេរិកបន្តធ្វើដំណើរទៅកាន់កោះតៃវ៉ាន់ ដើម្បីបង្ហាញការគាំទ្ររបស់ខ្លួន។ប្រធានសភាទី៥២ របស់សហរដ្ឋអាមេរិកលោកស្រី Nancy Pelosi គឺជាមន្ត្រីជាន់ខ្ពស់បំផុតរបស់សហរដ្ឋអាមេរិក ដែលបានធ្វើដំណើរទស្សនកិច្ចទៅកាន់កោះនេះចាប់តាំងពីឆ្នាំ១៩៩៧ ជាមួយប្រធានសភាទី៥០ របស់សហរដ្ឋអាមេរិកគឺលោក Newt Gingrich។ គួររម្លឹកថា កោះតៃវ៉ាន់បានបែកចេញពីប្រទេសចិន បន្ទាប់ពីកងកម្លាំងគាំទ្រប្រជាធិបតេយ្យចាញ់សង្គ្រាមស៊ីវិលជាមួយបក្សកុម្មុយនិស្តចិនឆ្នាំ១៩៤៩។ កោះនេះបានដឹកនាំស្វ័យគ្រប់គ្រងតាមបែបលទ្ធិប្រជាធិបតេយ្យចាប់តាំងពីពេលនោះមក ប៉ុន្តែនៅតែមានទំនាក់ទំនងពាណិជ្ជកម្មទំហំទឹកប្រាក់រាប់ពាន់លានដុល្លារអាមេរិកជាមួយចិនដីគោក៕អត្ថបទ៖ សុខមាន

កូរ៉េខាងជើងប្រាប់ប្រធានាធិបតីកូរ៉េខាងត្បូងឲ្យបិទមាត់ ក្រោយស្នើសុំផ្ដល់ជំនួយឲ្យទីក្រុងព្យុងយ៉ាង

កូរ៉េខាងជើង៖ លោកស្រី Kim Yo Jong ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក Kim Jong Un បាននិយាយនៅថ្ងៃសុក្រនេះថា ប្រធានាធិបតីកូរ៉េខាងត្បូងគួរតែបិទមាត់ទៅ ក្រោយលោកបានបញ្ជាក់ជាថ្មីថា ប្រទេសរបស់លោកមានបំណងផ្ដល់ជំនួយសេដ្ឋកិច្ច ជាថ្នូរនឹងការរំសាយនុយក្លេអ៊ែរ។ ការអត្ថាធិប្បាយរបស់លោកស្រីមានឡើងជាលើកដំបូង ដែលមន្ត្រីជាន់ខ្ពស់របស់កូរ៉េខាងជើងមួយរូបបានធ្វើអត្ថាធិប្បាយដោយផ្ទាល់ លើអ្វីដែលប្រធានាធិបតីកូរ៉េខាងត្បូងលោក Yoon Suk-yeol បានហៅថា ជាផែនការក្លាហាន ដែលបានស្នើដំបូងកាលពីខែឧសភា ដែលលោកបាននិយាយជាថ្មីកាលពីថ្ងៃពុធនៅសន្និសីទសារព័ត៌មានគម្រប់ខួប នៃការឡើងកាន់អំណាចដំបូងរយៈពេល ១០០ថ្ងៃរបស់លោក។លោកស្រី Kim Yo Jong បាននិយាយនៅក្នុងសេចក្ដីថ្លែងការណ៍មួយ ចេញផ្សាយដោយទីភ្នាក់ងារសារព័ត៌មានរដ្ឋ KCNA ថា យកល្អលោកគួរតែបិទមាត់ខ្លួនឯងទៅ ដោយហៅលោក Yoon ថា ជាមនុស្សនៅក្មេងខ្ចីនៅឡើយ និងនៅតែជាកូនក្មេងនៅឡើយ ដែលគិតថា លោកអាចធ្វើកិច្ចសហប្រតិបត្តិការសេដ្ឋកិច្ចពាណិជ្ជកម្មដោះដូរជាមួយកិត្តិយស និងអាវុធនុយក្លេអ៊ែររបស់កូរ៉េខាងជើង។ រដ្ឋមន្ត្រីក្រសួងបង្រួបបង្រួមជាតិកូរ៉េខាងត្បូងទទួលបន្ទុកទំនាក់ទំនងជាមួយកូរ៉េខាងជើង បានហៅការអត្ថាធិប្បាយរបស់លោកស្រី Kim ជាការប្រើពាក្យសម្ដីមិនសមរម្យ និងខ្វះការគោរព៕ អត្ថបទ៖ សុខមាន

ការស្រាវជ្រាវ៖ លោកខាងលិចលែងសន្យាផ្ដល់ជំនួយយោធាថ្មីដល់អ៊ុយក្រែន ៥ខែបន្ទាប់ពីសង្គ្រាម

អ៊ុយក្រែន៖ យោងតាមការស្រាវជ្រាវដែលបានចេញផ្សាយកាលពីថ្ងៃព្រហស្បតិ៍ បណ្ដារដ្ឋាភិបាលសំខាន់ៗរបស់អឺរ៉ុប លែងសន្យាផ្ដល់ជំនួយយោធាថ្មីដល់អ៊ុយក្រែនកាលពីខែកក្កដា ជាខែដំបូងចាប់តាំងពីរុស្ស៊ីវាយលុកចូលប្រទេសជិតខាងគាំទ្រដោយលោកខាងលិចមួយនេះ។ អ៊ុយក្រែនដែលពឹងផ្អែកទាំងស្រុងលើជំនួយយោធា និងសេដ្ឋកិច្ចរបស់សហភាពអឺរ៉ុបបានទទួលកញ្ចប់ថវិកាប្រហែល ១.៥ពាន់លានអឺរ៉ូ ឬស្មើ (១.៥ពាន់លានដុល្លារអាមេរិក) ក្នុងការសន្យាថ្មីនៃការគាំទ្រកាលពីខែកក្កដា ដែលនាំឲ្យទំហំថវិកាសរុបឡើងដល់ ៨៤.២ពាន់លានអឺរ៉ូនៅចន្លោះពាក់កណ្ដាលខែមករា និងដើមខែសីហា។ ប្រទេសដែលលែងសន្យាផ្ដល់ជំនួយគឺមានចក្រភពអង់គ្លេស បារាំង អាល្លឺម៉ង់ អេស្ប៉ាញ អ៊ីតាលី ឬប៉ូឡូញដែលជាក្រុមប្រទេសធំៗបំផុតនៅអឺរ៉ុប។លោក Christoph Trebesch ប្រធានវិទ្យាស្ថានឃៀល (Kiel) សម្រាប់ការតាមដានការគាំទ្រលើអ៊ុយក្រែនរបស់សេដ្ឋកិច្ចសកល ដែលបានវិភាគទិន្នន័យនេះបានឲ្យដឹងថា កាលពីខែកក្កដា ប្រទេសម្ចាស់ជំនួយកាលពីដំបូងស្ទើរតែមិនបានផ្ដល់ជំនួយថ្មីទាល់តែសោះ។ លោក Trebesch និងអ្នកតាមដានការគាំទ្រអ៊ុយក្រែនបានបង្ហាញថា ប្រទេសធំៗរបស់សហភាពអឺរ៉ុបមានអាល្លឺម៉ង់ បារាំង អ៊ីតាលី និងអេស្ប៉ាញពុំបានផ្ដល់ការសន្យាផ្ដល់ជំនួយថ្មីទាល់តែសោះ។ លោកថា ប្រទេសន័រវេសដែលមិនមែនជាសមាជិកសហភាពអឺរ៉ុបបានផ្ដល់ជំនួយ ១ពាន់លានអឺរ៉ូនៃកញ្ចប់ថវិកាចំនួន ១.៥ពាន់លានអឺរ៉ូដែលបានសន្យាកាលពីខែមុន៕អត្ថបទ៖ សុខមាន

កម្ពុជា ចូលរួមកិច្ចសន្ទនាគោលនយោបាយយុទ្ធសាស្រ្តអាស៊ានស្តីពីការគ្រប់គ្រងគ្រោះមហន្តរាយ

ភ្នំពេញ៖ នាព្រឹកថ្ងៃទី១៩ ខែកក្កដា ឆ្នាំ២០២២ លោក គីម វីរៈ ទីប្រឹក្សា និងជានាយកកម្មវិធីជាតិ និងលោក ម៉ា នរិទ្ធ អគ្គលេខាធិការរង គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចូលរួមកិច្ចសន្ទនាគោលនយោបាយយុទ្ធសាស្រ្តអាស៊ាន ស្តីពីការគ្រប់គ្រងគ្រោះមហន្តរាយ ក្រោមអធិបតីភាព លោកស្រី Josephie Teo រដ្ឋមន្រ្តីក្រសួងទំនាក់ទនង និងព័ត៌មាន និងជាអនុរដ្ឋមន្រ្តីក្រសួងមហាផ្ទៃ ដែលកិច្ចសន្ទនានេះធ្វេីឡេីងនៅប្រទេសសិង្ហបុរី។កិច្ចសន្ទនាគោលនយោបាយយុទ្ធសាស្រ្តអាស៊ានឆ្នាំ២០២២ គឺជាកិច្ចសន្ទនាលើកទី៧ក្រោមមូលបទ« អនាគតនៃភាពធន់នឹងគ្រោះមហន្តរាយនាពេលនេះ តើយើងបានត្រៀមខ្លួនហើយឫនៅ»។ កិច្ចសន្ទនានេះ បានយកចិត្តទុកដាក់ទៅលើបច្ចុប្បន្នភាពនៃបញ្ហាពិភពលោក និងបានទាក់ទាញចំណាប់អារម្មណ៍ពីអង្គការក្នុងតំបន់ និងអន្តរជាតិ ជាពិសេសផ្នែកជំនួយមនុស្សធម៌ និងការឆ្លើយតបចំពោះគ្រោះមហន្តរាយ៕

ការដើរនៅលើទីអវកាសរបស់រុស្ស៊ីត្រូវបញ្ឈប់ភ្លាមៗមុនការគ្រោងទុក បន្ទាប់ពីមានបញ្ហាថាមពលថ្ម

សហរដ្ឋអាមេរិក៖ ទីភ្នាក់ងារអវកាសអាមេរិក Nasa បាននិយាយថា អវកាសយានិករុស្ស៊ីមួយរូបបានបោះបង់ចោលការដើរនៅលើទីអវកាសភ្លាមៗ ដោយសារបញ្ហាថាមពលថ្មនៅលើអាវអវកាសរបស់លោក។ អង្គការ Nasa និយាយថា លោក Oleg Artemyev វ័យ ៥១ឆ្នាំមិនដែលជួបគ្រោះថ្នាក់ណាមួយឡើយ។ បេសកកម្មគ្រប់គ្រងខាងក្រៅទីក្រុង Moscow បានបញ្ជាឲ្យលោក Oleg Artemyev ត្រឡប់ចូលស្ថានីយអវកាសអន្តរជាតិវិញ នៅពេលថ្មរបស់លោកបានអស់ភ្លាមៗកាលពីថ្ងៃពុធ ដែលថ្មនោះប្រើបានតែ ២ម៉ោងប៉ុណ្ណោះក្នុងការដើរនៅលើទីអវកាស។ លោកបានប្រញាប់ត្រឡប់ទៅកាន់សោខ្យល់ និងបានថ្ពក់អាវអវកាសរបស់លោកភ្ជាប់ទៅនឹងស្ថានីយអវកាស។ ដៃគូដើរលើទីអវកាសរបស់លោកគឺលោក Denis Matveev វ័យ ៣៩ឆ្នាំនៅតែបន្តដើរនៅខាងក្រៅរយៈពេល ១ម៉ោងទៀត មុនពេលលោកបន្តដើរ លោកក៏ត្រូវបានបញ្ជាឲ្យត្រឡប់មកវិញដែរ។ទីភ្នាក់ងារសារព័ត៌មាន AFP បានរាយការណ៍ដោយសំអាងលើការផ្សាយផ្ទាល់ មានការបកប្រែជាភាសាអង់គ្លេសរបស់អង្គការ Nasa ថា លោក Matveev បានប្រាប់ថា លោក Artemyev បានទម្លាក់អ្វីៗទាំងអស់ចោល និងត្រឡប់មកវិញ។ អង្គការ Nasa និយាយថា អំឡុងការដើរនៅលើទីអវកាស អវកាសយានិកទាំង២ បានត្រៀមបញ្ចប់ការដំឡើងកាមេរ៉ា ២ នៅលើដៃរូបយន្តរបស់អឺរ៉ុបនៅលើស្ថានីយអវកាសអន្តរជាតិ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទស្សនកិច្ចរបស់ UN នៅក្រុង Odesa ផ្តោតលើគ្រាប់ធញ្ញជាតិអ៊ុយក្រែនត្រូវបាននាំចេញទៅកាន់ទីផ្សារពិភពលោក

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់

កូរ៉េខាងជើងប្រាប់ប្រធានាធិបតីកូរ៉េខាងត្បូងឲ្យបិទមាត់ ក្រោយស្នើសុំផ្ដល់ជំនួយឲ្យទីក្រុងព្យុងយ៉ាង

ការស្រាវជ្រាវ៖ លោកខាងលិចលែងសន្យាផ្ដល់ជំនួយយោធាថ្មីដល់អ៊ុយក្រែន ៥ខែបន្ទាប់ពីសង្គ្រាម

កម្ពុជា ចូលរួមកិច្ចសន្ទនាគោលនយោបាយយុទ្ធសាស្រ្តអាស៊ានស្តីពីការគ្រប់គ្រងគ្រោះមហន្តរាយ

ការដើរនៅលើទីអវកាសរបស់រុស្ស៊ីត្រូវបញ្ឈប់ភ្លាមៗមុនការគ្រោងទុក បន្ទាប់ពីមានបញ្ហាថាមពលថ្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

តំបន់សួនសត្វភ្នំតាម៉ៅ​ត្រូវបានការពារដោយព្រះក្រឹត្យ

UN៖ មានការ​ព្រួយបារម្ភ​ខ្លាំង​ចំពោះ​ការ​ប្រយុទ្ធ​នៅ​ជិត​រោងចក្រ​នុយក្លេអ៊ែរ Zaporizhzhia

អ្នក​ស្លាប់​ដោយ​ភ្លើង​ឆេះ​ព្រៃ​នៅ​ប្រទេស​អាល់​ហ្សេ​រី​កើន​ឡើង​ដល់​ ៣៧​នាក់ និង​របួស ​១៦១​នាក់

ចិន​គំរាម និង​ថ្កោលទោស​ជាថ្មី ក្រោយ​អាមេរិក​ប្រកាស​ការពិភាក្សា​ពាណិជ្ជកម្ម​ផ្លូវការ​ជាមួយ​កោះ​តៃវ៉ាន់

ការស្រាវជ្រាវ​៖ លោកខាងលិច​លែង​សន្យា​ផ្ដល់ជំនួយ​យោធា​ថ្មី​ដល់​អ៊ុយ​ក្រែ​ន ៥​ខែ​បន្ទាប់ពី​សង្គ្រាម

កម្ពុជា ចូលរួមកិច្ចសន្ទនាគោលនយោបាយយុទ្ធសាស្រ្តអាស៊ានស្តីពីការគ្រប់គ្រងគ្រោះមហន្តរាយ

ការដើរ​នៅលើ​ទី​អវកាស​របស់​រុស្ស៊ីត្រូវ​បញ្ឈប់​ភ្លាម​ៗមុន​ការគ្រោងទុក បន្ទាប់ពី​មាន​បញ្ហា​ថាមពល​ថ្ម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់

ការស្រាវជ្រាវ៖ លោកខាងលិចលែងសន្យាផ្ដល់ជំនួយយោធាថ្មីដល់អ៊ុយក្រែន ៥ខែបន្ទាប់ពីសង្គ្រាម

ការដើរនៅលើទីអវកាសរបស់រុស្ស៊ីត្រូវបញ្ឈប់ភ្លាមៗមុនការគ្រោងទុក បន្ទាប់ពីមានបញ្ហាថាមពលថ្ម