BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

ស្រីលង្កា៖ ក្រុមសិទ្ធិមនុស្សបាននិយាយកាលពីថ្ងៃអាទិត្យថា ខ្លួនបានដាក់ពាក្យបណ្តឹងព្រហ្មទណ្ឌទៅរដ្ឋអាជ្ញារបស់ប្រទេសសិង្ហបុរី ដើម្បីស្វែងរកការចាប់ខ្លួនអតីតប្រធានាធិបតីប្រទេសស្រីលង្កា ពីបទឧក្រិដ្ឋកម្មសង្គ្រាមក្នុងអំឡុងពេលសង្គ្រាមស៊ីវិលរបស់ប្រទេសរបស់លោក។ លោក Gotabaya Rajapaksa ត្រូវបានបណ្តេញចេញពីតំណែងដោយសារការដួលរលំសេដ្ឋកិច្ចរបស់ស្រីលង្កា ហើយបានភៀសខ្លួនទៅកាន់ប្រទេសសិង្ហបុរីកាលពីដើមខែនេះ។ លោកគឺជារដ្ឋមន្ត្រីក្រសួងការពារជាតិ ក្នុងអំឡុងពេលសង្គ្រាមស៊ីវិលរបស់ប្រទេសស្រីលង្កាដែលបានបញ្ចប់កាលពីក្នុងឆ្នាំ២០០៩។ គម្រោងការពិត និងយុត្តិធម៌អន្តរជាតិ ជាអង្គការប្រមូលភស្តុតាងដែលគ្រប់គ្រងដោយមូលនិធិមិនស្វែងរកប្រាក់ចំណេញ មានមូលដ្ឋាននៅអាហ្វ្រិកខាងត្បូងបាននិយាយថា មេធាវីរបស់ខ្លួនបានដាក់ពាក្យបណ្តឹងស្នើសុំឱ្យចាប់ខ្លួនលោក Rajapaksa ជាបន្ទាន់។ ពាក្យបណ្តឹងនេះបានចោទប្រកាន់ថា អតីតប្រធានាធិបតីស្រីលង្ការូបនេះបានប្រព្រឹត្តបំពានយ៉ាងធ្ងន់ធ្ងរ លើអនុសញ្ញាទីក្រុងហ្សឺណែវក្នុងអំឡុងពេលសង្គ្រាមស៊ីវិល "ហើយថាទាំងនេះគឺជាឧក្រិដ្ឋកម្មដែលស្ថិតនៅក្រោមការកាត់ទោសក្នុងស្រុក នៅក្នុងប្រទេសសិង្ហបុរីក្រោមយុត្តាធិការសកល"។វិបត្តិសេដ្ឋកិច្ចរបស់ប្រទេសស្រីលង្កាបានធ្វើឱ្យប្រជាជន ២២លាននាក់របស់ប្រទេសនេះជួបការលំបាកដោយកង្វះខាតសម្ភារៈប្រើប្រាស់សំខាន់ៗ រួមទាំងថ្នាំពេទ្យ ប្រេងឥន្ធនៈ និងអាហារ។ ការតវ៉ាជាច្រើនខែបានផ្តោតលើខ្សែស្រឡាយនយោបាយរបស់លោក Rajapaksa ដែលបានគ្រប់គ្រងប្រទេសជិតពីរទសវត្សរ៍កន្លងមកនេះ។ នាយកប្រតិបត្តិរបស់គម្រោងការពិត និងយុត្តិធម៌អន្តរជាតិហៅកាត់ថា ITJP លោកស្រី Yasmin Sooka បាននិយាយថា "ការដួលរលំនៃសេដ្ឋកិច្ចបានធ្វើឱ្យរដ្ឋាភិបាលដួលរលំ ប៉ុន្តែវិបត្តិនៅក្នុងប្រទេសស្រីលង្កាគឺពិតជាត្រូវបានផ្សារភ្ជាប់ ទៅនឹងនិទ្ទណ្ឌភាពជារចនាសម្ព័ន្ធចំពោះឧក្រិដ្ឋកម្មអន្តរជាតិធ្ងន់ធ្ងរ ដែលនឹងត្រលប់មកវិញក្នុងរយៈពេល ៣ទសវត្សរ៍ ឬច្រើនជាងនេះ។ យោងតាមការប៉ាន់ប្រមាណរបស់អង្គការសហប្រជាជាតិអភិរក្សនិយម សង្គ្រាមស៊ីវិលរបស់ប្រទេសស្រីលង្កាបានសម្លាប់មនុស្ស ១០០,០០០នាក់។ គេជឿថា ចំនួនពិតប្រាកដមានច្រើនជាងនេះ។ របាយការណ៍ពីក្រុមអ្នកជំនាញរបស់អង្គការសហប្រជាជាតិបាននិយាយថា ជនស៊ីវិលជនជាតិភាគតិចតាមិលយ៉ាងហោចណាស់ ៤០,០០០នាក់ត្រូវបានសម្លាប់នៅក្នុងខែចុងក្រោយនៃការប្រយុទ្ធគ្នាតែមួយគត់៕អត្ថបទ៖ សុខមាន

រដ្ឋសភាបញ្ចូលសេចក្តីព្រាងច្បាប់ស្តីពីវិសោធនកម្មមាត្រាមួយចំនួននៃរដ្ឋធម្មនុញ្ញក្នុងសម័យប្រជុំពេញអង្គនៅថ្ងៃព្រហស្បតិ៍សប្តាហ៍នេះ

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នាព្រឹកថ្ងៃទី២៥ ខែកក្កដា ឆ្នាំ២០២២នេះ នៅវិមានរដ្ឋសភា។ ក្នុងនោះ កិច្ចប្រជុំបានអនុម័តកំណត់កាលបរិច្ឆេទបន្តសម័យប្រជុំរដ្ឋសភាលើកទី៧ នីតិកាលទី៦ និងរបៀបវារៈនៃកិច្ចប្រជុំពេញអង្គ។ កិច្ចប្រជុំគណៈកម្មាធិការអចិន្រ្តៃយ៍ បានអនុម័តកំណត់កាលបរិច្ឆេទបន្តសម័យប្រជុំរដ្ឋសភា លើកទី៧ នីតិកាលទី៦ នៅព្រឹកថ្ងៃព្រហស្បតិ៍ ទី២៨ ខែកក្កដា ឆ្នាំ២០២២ ដោយមានរបៀបវារៈចំនួន៥ នៅក្នុងនោះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ ថ្មី (មួយ) មាត្រា៨៩ មាត្រា៩៨ ថ្មី មាត្រា១០២ ថ្មី មាត្រា១១៩ ថ្មី (មួយ) និងមាត្រា១២៥ ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។ក្រៅពីសេចក្តីព្រាងច្បាប់ខាងលើនេះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ ស្តីពីការគ្រប់គ្រងចំណូលមិនមែនសារពើពន្ធ។ ការពិភាក្សា និងអនុម័តសេចក្តីព្រាងច្បាប់ស្តីពី ការអនុម័តយល់ព្រមលើ៖ កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃតំបន់សេដ្ឋកិច្ចពិសេសម៉ាកាវ នៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ និងការចៀសវាងពន្ធ និង កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋតួកគី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។ចំណែករបៀបវារៈមួយទៀត គឺការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមឱ្យព្រះរាជាណាចក្រ កម្ពុជាចូលជាភាគី នៃអនុសញ្ញាស្តីពីជំនួយក្នុងករណីមានគ្រោះមហន្តរាយនុយក្លេអ៊ែរ ឬគ្រោះអាសន្នវិទ្យុសកម្ម។ នៅក្នុងសម័យប្រជុំពេញអង្គរដ្ឋសភានាព្រឹកថ្ងៃទី២៨ កក្កដា ខាងមុខនេះ នឹងប្រកាសការសម្រេចអំពីសុពលភាពនៃអាណត្តិរបស់ ឯកឧត្តម ចាប ម៉ុច ជាតំណាងរាស្រ្តមណ្ឌលខេត្តកណ្តាល ជំនួស ឯកឧត្តមសន្តិបណ្ឌិត ឌុល គឿន ដែលបានទទួលមរណភាព ផងដែរ៕

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

រុស្ស៊ី៖ រុស្ស៊ីបាននិយាយថា កងកម្លាំងរបស់ខ្លួនបានវាយប្រហារលើនាវាចម្បាំងអ៊ុយក្រែន និងឃ្លាំងអាវុធមួយនៅទីក្រុង Odesa ដោយប្រើមីស៊ីលត្រង់ស៊ីបគោលដៅ ខណៈសង្គ្រាមបានឈានចូលដល់ខែទី៦ ឬមានរយៈពេល ១៥២ថ្ងៃ ដោយមិនមានសញ្ញានៃការធូរស្រាលនៅឡើយ។ យោធាអ៊ុយក្រែនបានរាយការណ៍ពីការបាញ់ផ្លោងរបស់រុស្ស៊ីនៅភាគខាងជើង ខាងត្បូង និងខាងកើត ហើយការវាយប្រហារជាថ្មីទៀតបានសំដៅទៅលើប្រតិបត្តិការរបស់រុស្ស៊ី ដែលបើកផ្លូវសម្រាប់ការវាយលុកលើទីក្រុង Bakhmut ក្នុងតំបន់ Donbas ភាគខាងកើត។ អ៊ុយក្រែនបានពន្លឿនការរុលទៅមុខជាមួយនឹងកិច្ចខិតខំប្រឹងប្រែង ដើម្បីចាប់ផ្តើមការនាំចេញគ្រាប់ធញ្ញជាតិឡើងវិញពីកំពង់ផែសមុទ្រខ្មៅរបស់ខ្លួន ក្រោមកិច្ចព្រមព្រៀងដែលមានគោលបំណងកាត់បន្ថយការកង្វះស្បៀងអាហារសកល ប៉ុន្តែបានព្រមានថា ការដឹកជញ្ជូននឹងរងការប៉ះពាល់ប្រសិនបើការវាយប្រហារដោយមីស៊ីលរបស់រុស្ស៊ីលើទីក្រុង Odesa គឺជាសញ្ញានៃការកើតឡើងភាពតានតឹងបន្ថែមទៀត។ លោកប្រធានាធិបតីអ៊ុយក្រែន Volodymyr Zelensky បានថ្កោលទោសការវាយប្រហារកាលពីថ្ងៃសៅរ៍ថាជា "អំពើព្រៃផ្សៃនិយម" ដែលបង្ហាញថា ទីក្រុង Moscow មិនអាចជឿទុកចិត្តបានក្នុងការអនុវត្តកិច្ចព្រមព្រៀង ដែលបានធ្វើឡើងមុនមួយថ្ងៃដោយមានការសម្របសម្រួលពីភាគីប្រទេសទួរគី និងអង្គការសហប្រជាជាតិ។ចំណែករុស្ស៊ីវិញនិយាយថា ការវាយប្រហារទៅលើកំពង់ផែអ៊ុយក្រែន ជាការដាក់គោលដៅទៅលើតែយោធាប៉ុណ្ណោះ។ យោធាអ៊ុយក្រែនដែលត្រូវបានដកស្រង់ដោយទូរទស្សន៍រដ្ឋ Suspilne បាននិយាយថា មីស៊ីលរបស់រុស្ស៊ីមិនបានប៉ះចំតំបន់ស្តុកគ្រាប់ធញ្ញជាតិរបស់កំពង់ផែ ឬបណ្តាលឱ្យខូចខាតធ្ងន់ធ្ងរនោះទេ។ ក្រុង Kyiv បាននិយាយថា ការរៀបចំដើម្បីបន្តការនាំចេញគ្រាប់ធញ្ញជាតិគឺកំពុងបន្ត។ កិច្ចព្រមព្រៀងដែលបានចុះហត្ថលេខាដោយទីក្រុង Moscow និងក្រុង Kyiv កាលពីថ្ងៃសុក្រសប្ដាហ៍មុនត្រូវបានសាទរថា ជាលទ្ធផលផ្លែផ្កាការទូតដែលនឹងជួយទប់ស្កាត់ការហក់ឡើងនៃតម្លៃស្បៀងអាហារពិភពលោក ដោយការស្ដារឡើងវិញនូវការនាំចេញគ្រាប់ធញ្ញជាតិរបស់អ៊ុយក្រែន ដល់កម្រិតមុនសង្គ្រាមចំនួន ៥លានតោនក្នុងមួយខែ។ យោងតាមកម្មវិធីស្បៀងអាហារពិភពលោកបានឱ្យដឹងថា ដោយសារតែការដាក់ទណ្ឌកម្មរបស់បណ្ដាប្រទេសលោកខាងលិចលើប្រទេសរុស្ស៊ី បានធ្វើឱ្យមានអតិផរណាតម្លៃស្បៀងអាហារ និងថាមពល ដែលជំរុញឱ្យមនុស្សប្រហែល ៤៧លាននាក់ធ្លាក់ចូលក្នុង "ភាពអត់ឃ្លានធ្ងន់ធ្ងរ"៕អត្ថបទ៖ សុខមាន

ព្រះករុណា ព្រះមហាក្សត្រ និងសម្តេចម៉ែ ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស

ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស។យោងតាមព្រះរាជសារចុះថ្ងៃទី២៥ ខែកក្កដា ឆ្នាំ២០២២នេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន ព្រះរាជទ្រព្យ ៥០ម៉ឺនដុល្លារអាមេរិក និងសម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលព្រះរាជទាន ព្រះរាជទ្រព្យ ១លានដុល្លារសហរដ្ឋអាមេរិក ចូលរួមជាមួយរាជរដ្ឋាភិបាល សម្រាប់ដោះស្រាយបញ្ហាគ្រាប់មីននៅទូទាំងប្រទេស៕

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong

ចិន៖ ប្រព័ន្ធផ្សព្វផ្សាយរដ្ឋបានរាយការណ៍ថា ប្រទេសចិនកាលពីថ្ងៃអាទិត្យបានបាញ់បង្ហោះម៉ូឌុលទី២ ក្នុងចំណោម ៣ ដែលចាំបាច់ដើម្បីបញ្ចប់ស្ថានីយអវកាសថ្មីរបស់ខ្លួន ដែលជាជំហានចុងក្រោយបង្អស់នៅក្នុងមហិច្ឆតាកម្មវិធីអវកាសរបស់ទីក្រុងប៉េកាំង។ យានគ្មានមនុស្សបើកមានឈ្មោះ Wentian ត្រូវបានបាញ់បង្ហោះដោយយានចម្លង Long March 5B នៅម៉ោង 2:22រសៀលម៉ោងក្នុងប្រទេសចិនពីមជ្ឈមណ្ឌលបាញ់បង្ហោះ Wenchang នៅលើកោះត្រូពិច Hainan របស់ប្រទេសចិន។ ប្រមាណ ១៥នាទីក្រោយមក មន្ត្រីមកពីទីភ្នាក់ងារអវកាសចិន China Manned Space Agency (CMSA) បានបញ្ជាក់ពី "ជោគជ័យ" នៃការបាញ់បង្ហោះនេះ។ មនុស្សរាប់រយនាក់បានប្រមូលផ្តុំគ្នានៅលើឆ្នេរក្បែរនោះ ដើម្បីថតសកម្មភាពរបស់កម្មវិធីបាញ់បង្ហោះនៅលើអាកាស ដែលកំពុងបញ្ចេញផ្សែងពណ៌សយ៉ាងខ្លាំង។ CMSA បាននិយាយថា បន្ទាប់ពីការហោះហើរប្រហែល ៨នាទី "ម៉ូឌុលដែលជាមន្ទីរពិសោធន៍ Wentian បានផ្ដាច់ខ្លួនចេញពីយានចម្លងដោយជោគជ័យ ហើយបានចូលទៅក្នុងគន្លងដែលបានកំណត់ ដែលធ្វើឱ្យការបាញ់បង្ហោះនេះទទួលបានជោគជ័យពេញលេញ។សូមរម្លឹកថា ទីក្រុងប៉េកាំងបានបាញ់បង្ហោះម៉ូឌុលកណ្តាលរបស់ស្ថានីយអវកាស Tiangong របស់ខ្លួនដែលមានន័យថា "ឋានសួគ៌" កាលពីខែមេសា ឆ្នាំ២០២១។ ដោយមានបណ្តោយប្រវែង ១៨ម៉ែត្រ ឬ (60ហ្វីត) និងមានទម្ងន់ ២២តោនឬ (48,500 ផោន) ម៉ូឌុលថ្មីនេះមានកន្លែងសម្រាប់ស្នាក់ និងជាកន្លែងសម្រាប់ពិសោធន៍វិទ្យាសាស្ត្រផ្សេងៗ។ ម៉ូឌុលទី៣ និងចុងក្រោយបង្អស់គ្រោងនឹងចូលចតនៅខែតុលា ហើយស្ថានីយអវកាស Tiangong ដែលគួរតែមានអាយុកាលយ៉ាងហោចណាស់ ១០ឆ្នាំត្រូវបានគេរំពឹងថានឹងអាចដំណើរការបានពេញលេញនៅចុងឆ្នាំនេះ៕អត្ថបទ៖ សុខមាន

លោកជំទាវ ហ៊ុន ម៉ាណា និង ឯកឧត្តម ឌី វិជ្ជា អញ្ជើញដឹកនាំក្រុមគ្រូពេទ្យស្ម័គ្រចិត្តចុះព្យាបាលជំងឺជូនប្រជាពលរដ្ឋ នៅស្រុកសំឡូត ខេត្តបាត់ដំបង

បាត់ដំបង ៖ នៅព្រឹកថ្ងៃអាទិត្យទី២៤ ខែកក្កដា ឆ្នាំ២០២២ លោកជំទាវ ហ៊ុន ម៉ាណា និងឯកឧត្តម ឌី វិជ្ជា រួមទាំងក្រុមការងារ បានអញ្ជើញដឹកនាំក្រុមវេជ្ជសាស្ត្រសម្តេចតេជោ ចុះពិនិត្យ និងព្យាបាលជំងឺជូនដល់កងទ័ព គ្រួសារកងទ័ព និងប្រជាពលរដ្ឋសរុប ចំនួន២៨៨៦នាក់ នៅក្នុងស្រុកសំឡូត ខេត្តបាត់ដំបង។ ពិធីនេះបានធ្វើឡើងនៅបរិវេនបញ្ជាការកងការពារព្រំដែនលេខ ៥០២ នៅភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង។ កម្មវិធីនេះ ក៏មានការអញ្ជើញចូលរួមពីសំណាក់ អាជ្ញាធរស្រុកសំឡូត មេបញ្ជាការកងការពារព្រំដែនលេខ៥០២ និងអាជ្ញាធរពាក់ព័ន្ធមួយចំនួនទៀត។ លោកជំទាវ ហ៊ុន ម៉ាណា ប្រធានក្រុមវេជ្ជសាស្រ្តសម្តេចតេជោ បានមានប្រសាសន៍សំណេះសំណាល និងពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដល់បងប្អូនប្រជាពលរដ្ឋដែលបានចូលរួម។ លោកជំទាវមានប្រសាសន៍ថា សម្តេចទាំង២ តែងតែគិតគូរ យកចិត្តទុកដាក់ដល់ប្រជាពលរដ្ឋ និងបងប្អូនកងទ័ពគ្រប់ទីកន្លែង និងគ្រប់ពេលវេលា។ លោកជំទាវបានថ្លែងអំណរគុណដល់អាជ្ញាធរគ្រប់លំដាប់ថ្នាក់នៃស្រុកសំឡូត ខេត្តបាត់ដំបងដែលបានសម្របសម្រួលដល់បងប្អូនប្រជាពលរដ្ឋឱ្យបានអញ្ជើញមកដល់ទីតាំងពិនិត្យ ពិគ្រោះ និងព្យាបាលជំងឺដោយឥតគិតថ្លៃនាថ្ងៃនេះ។ មុនការពិនិត្យ ពិគ្រោះ និងព្យាបាលជំងឺ ក្រុមការងារក៏បានផ្តល់ជូនអាហារសម្រន់នៅពេលព្រឹកមានជានំបញ្ចុក នំបុ័ង បបរ និងភេសជ្ជៈ ឲ្យប្រជាពលរដ្ឋទទួលទានផងដែរមុននឹងពិនិត្យព្យាបាល។ ក្រុមការងារបានចែកវែនតាសម្រាប់លោកយាយ លោកតាចំនួន៥០០នាក់,សម្ភារសិក្សាសម្រាប់សិស្សានុសិស្សជាច្រើននាក់, ខោអាវលោកយាយលោកតា និងចែករទេះរុញសម្រាប់ជនពិការចំនួន១០គ្រឿង ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត។ លទ្ធផលនៃការព្យាបាល រួមមាន: ការវះកាត់តូច ចំនួន៣៦នាក់ , ពិនិត្យព្យាបាលរោគស្ត្រីចំនួន៧១នាក់, ពិនិត្យជំងឺទូទៅចំនួន១១៥០នាក់, ពិនិត្យសម្ភព និងអេកូសាស្ត្រចំនួន៨៦នាក់, និងពិនិត្យ ព្យាបាលមាត់ធ្មេញចំនួន២១០នាក់, ចែកថ្នាំទំលាក់ដង្កូវពោះវៀន ២៥០នាក់ , អប់រំសុខភាពដល់ប្រជាជនចំនួន១៧០០នាក់៕

សមត្ថកិច្ចកម្ពុជារកឃើញបុរសជនជាតិនីហ្សេរីយ៉ាកើតជំងឺអុតស្វាហើយ

ភ្នំពេញ៖ ជនជាតិនីហ្សេរីយ៉ាដែលត្រូវបានរកឃើញថាមានជំងឺអុតស្វាដោយអាជ្ញាធរប្រទេសថៃ និងទទួលបានព័ត៌មានថាជនជាតិនីហ្សេរីយ៉ារូបនេះបានរត់គេចខ្លួនពីប្រទេសថៃចូលមកកាន់ប្រទេសកម្ពុជានៅព្រលប់ថ្ងៃទី២៣ ខែកក្កដា ឆ្នាំ២០២២នេះ សមត្ថកិច្ចរាជធានីភ្នំពេញបានរកឃើញនិងឃាត់ខ្លួនជនជាតិនីហ្សេរីយ៉ានេះហើយ។លោក វរសេនីយ៍ទោ មៀច ឈួនសុីម៉ូលីន អធិការរងទទួលផែនព្រហ្មទណ្ឌនៃអធិការនគរបាលខណ្ឌចំការមន បានប្រាប់ BTV ឲ្យដឹងថា សមត្ថកិច្ចបានឃាត់ខ្លួនជនជាតិនីហ្សេរីយ៉ានេះនៅត្រង់ចំណុចផ្ទះសំណាក់ពណ៌មាស ផ្លូវ៤៣០កែងផ្លូវ ៤៨០ ក្បែររង្វង់មូលផ្សារដើមថ្កូវ សង្កាត់ទូលទំពូង២ ខណ្ឌចំការមន រាជធានីភ្នំពេញ។

Update៖ បុរសជនជាតិនីហ្សេរីយ៉ា កេីតជំងឺអុតស្វា ដំបូងនៅប្រទេសថៃ មិនទាន់បានឆ្លងដែនចូលកម្ពុជាឡេីយ

បន្ទាយមានជ័យ៖ បុរសជនជាតិនីហ្សេរីយ៉ា ដែលកេីតជំងឺអុតស្វា ដំបូងគេនៅប្រទេសថៃ មិនទាន់បានឆ្លងដែនចូលកម្ពុជាឡេីយ ខណ:សមត្ថកិច្ចថៃកំពុងតាមស្វែងរកជនបរទេសរូបនេះក្នុងប្រទេសរបស់ខ្លួន។ នេះបេីតាមការអះអាងរបស់ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានប្រាប់BTV មុននេះបន្តិច។ឯកឧត្តម អ៊ុំ រាត្រី បានបញ្ជាក់ថា បន្ទាប់ពីទទួលបានព័ត៌មានអំពីការរត់គេច ខ្លួនរបស់បុរសម្នាក់ ជនជាតិនីហ្សេរីយ៉ា មានជំងឺអុតស្វាដំបូងគេនៅប្រទេសថៃ ភ្លាមៗ អាជ្ញាធរខេត្តស្រះកែវ ប្រទេសថៃ បានស្នេីសុំកិច្ចសហការពីអាជ្ញាធរខេត្តបន្ទាយមានជ័យ ដេីម្បីស្វែងរក ជនបរទេសខាងលេី។ឯកឧត្តមបញ្ជាក់ថា អាជ្ញាធរ និងសមត្ថកិច្ចតាមព្រំដែនទាំងអស់បន្តការតាមដានទៅលេីអត្តសញ្ញាណជនបរទេសរូបនេះ៕

UN៖ កិច្ចព្រមព្រៀងស្តីពីការបន្តនាំចេញគ្រាប់ធញ្ញជាតិរបស់អ៊ុយក្រែនក្នុងពេលមានសង្គ្រាមគឺជាសញ្ញានៃក្តីសង្ឃឹម

ទួរគី៖ ប្រទេសរុស្ស៊ី និងអ៊ុយក្រែនបានចុះហត្ថលេខាលើកិច្ចព្រមព្រៀងដាច់ដោយឡែកពីគ្នាកាលពីថ្ងៃសុក្រ ដោយប្រទេសទួរគី និងអង្គការសហប្រជាជាតិជួយសម្របសម្រួលសម្រាប់ ការនាំចេញគ្រាប់ធញ្ញជាតិអ៊ុយក្រែនរាប់លានតោន ព្រមទាំងគ្រាប់ធញ្ញជាតិ និងជីរបស់រុស្ស៊ី ដោយបញ្ចប់ការប្រឈមមុខដាក់គ្នាក្នុងពេលសង្គ្រាម ដែលបានគំរាមកំហែងដល់សន្តិសុខស្បៀងនៅជុំវិញពិភពលោក។ អគ្គលេខាធិការអង្គការសហប្រជាជាតិលោក Antonio Guterres បានថ្លែងក្នុងពិធីចុះហត្ថលេខានៅទីក្រុង Istanbul ប្រទេសទួរគីថា កិច្ចព្រមព្រៀងដែលមិនធ្លាប់មានពីមុនមក ស្តីពីការបន្តការនាំចេញគ្រាប់ធញ្ញជាតិរបស់អ៊ុយក្រែនតាមច្រកសមុទ្រខ្មៅ ក្នុងពេលមានសង្គ្រាមគឺជាសញ្ញានៃក្តីសង្ឃឹមនៅទូទាំងពិភពលោក ដែលត្រូវការជាចាំបាច់។ ផែនការរបស់អង្គការសហប្រជាជាតិដែលត្រួសត្រាយផ្លូវសម្រាប់គ្រាប់ធញ្ញជាតិ និងជីរបស់រុស្សីឈានទៅដល់ទីផ្សារពិភពលោក នឹងជួយរក្សាស្ថិរភាពតម្លៃស្បៀងអាហារនៅទូទាំងពិភពលោក និងទប់ស្កាត់គ្រោះទុរ្ភិក្សដែលប៉ះពាល់ដល់មនុស្សរាប់លាននាក់។ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របាននិយាយថា កិច្ចព្រមព្រៀងគ្រាប់ធញ្ញជាតិដែលបានឈានដល់រវាងអ៊ុយក្រែន និងរុស្ស៊ីនៅទីក្រុងអ៊ីស្តង់ប៊ុល គឺជាសញ្ញាមួយផ្សេងទៀតដែលថា អ៊ុយក្រែនអាចទប់ទល់នឹងសង្គ្រាមនេះបាន។ លោកបាននិយាយថា គ្រាប់ធញ្ញជាតិប្រមាណ ២០លានតោនដែលមានតម្លៃ ១០ពាន់លានដុល្លារនឹងត្រូវនាំចេញ។កិច្ចព្រមព្រៀងនេះនឹងស្ថិតនៅជាធរមានសម្រាប់រយៈពេល ១២០ថ្ងៃគិតចាប់ពីថ្ងៃចុះហត្ថលេខាកាលពីថ្ងៃសុក្រ ហើយអាចបន្តដោយស្វ័យប្រវត្តិសម្រាប់រយៈពេលដូចគ្នា លុះត្រាតែរុស្ស៊ី ឬអ៊ុយក្រែនជូនដំណឹងដល់ភាគីផ្សេងទៀតថា ពួកគេមានបំណងកែប្រែ ឬបញ្ចប់វា។ ទន្ទឹមនឹងនេះ រដ្ឋមន្ត្រីការបរទេសរុស្ស៊ីលោក Sergey Lavrov កាលពីថ្ងៃសុក្របានសាទរចំពោះកិច្ចព្រមព្រៀងស្តីពីការនាំចេញស្បៀងអាហារ ដែលត្រូវបានចុះហត្ថលេខានៅទីក្រុងអ៊ីស្តង់ប៊ុល និងបាននិយាយថា វាបង្ហាញពីអ្វីដែលប្រទេសលោកខាងលិចកំពុងផ្លាស់ប្តូរ ការដាក់កំហុសលើទីក្រុងមូស្គូចំពោះបញ្ហាផ្គត់ផ្គង់គ្រាប់ធញ្ញជាតិ។ លោកសង្ឃឹមថា កិច្ចព្រមព្រៀងដែលបានចុះហត្ថលេខានឹងត្រូវបានអនុវត្តប្រកបដោយប្រសិទ្ធភាពនាពេលខាងមុខ ហើយរុស្ស៊ីនឹងបន្តភាពស្មោះត្រង់ចំពោះកាតព្វកិច្ចរបស់ខ្លួននៅក្នុងតំបន់នេះ៕អត្ថបទ៖ ប៊ុនថន

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី

ស្រីលង្កា៖ នគរបាលនៅក្នុងទីក្រុងកូឡំបូបានចាប់ខ្លួនក្រុមអ្នកតវ៉ាកាលពីល្ងាចថ្ងៃព្រហស្បតិ៍ បន្ទាប់ពីអ្នកនយោបាយជើងចាស់លោក Ranil Wickremesinghe បានស្បថចូលកាន់តំណែងជាប្រធានាធិបតីថ្មីរបស់ប្រទេសស្រីលង្កា។ យោធាស្រីលង្កាបានចូលគ្រប់គ្រងការិយាល័យប្រធានាធិបតីក្នុងរដ្ឋធានី បន្ទាប់ពីវាយប្រហារយ៉ាងព្រៃផ្សៃលើក្រុមបាតុករ។ ទាហានស្រីលង្កាបានបំផ្លាញតង់នៅទីតាំងតវ៉ា ដោយចាប់ខ្លួនមេដឹកនាំបាតុករជាច្រើននាក់ និងឡោមព័ទ្ធតំបន់នេះដែលមានបាតុករប្រហែល 100នាក់។ ក្រុមបាតុករត្រូវបានគេឃើញស្ថិតនៅក្នុងមន្ទីរឃុំឃាំង របស់នគរបាលក្បែរការិយាល័យប្រធានាធិបតី ហើយកងកម្លាំងសន្តិសុខជាច្រើនត្រូវបានដាក់ពង្រាយ នៅខាងក្រៅការិយាល័យប្រធានាធិបតីនៅព្រឹកថ្ងៃសុក្រនេះ។ ប្រជាជនស្រីលង្កាបានធ្វើបាតុកម្មជាច្រើនខែមកហើយ ដើម្បីទាមទារឱ្យមេដឹកនាំកំពូលរបស់ពួកគេលាលែងពីតំណែង ដើម្បីទទួលខុសត្រូវចំពោះភាពចលាចលផ្នែកសេដ្ឋកិច្ ចដែលបានបណ្តាលឱ្យប្រជាជន 22លាននាក់របស់ប្រទេសនេះជួបការលំបាក ដោយកង្វះសម្ភារៈចាំបាច់រួមទាំងថ្នាំពេទ្យ ប្រេងឥន្ធនៈ និងស្បៀងអាហារ។លោក Wickremesinghe មិនដែលបានកាន់តំណែងកំពូលនេះទេ ប៉ុន្តែលោកបានទទួលជ័យជំនះក្នុងការបោះឆ្នោតសម្ងាត់របស់សមាជិកសភាកាលពីថ្ងៃពុធ ដើម្បីបញ្ចប់អាណត្តិរបស់អតីតប្រធានាធិបតីលោក Gotabaya Rajapaksa ដែលបានភៀសខ្លួនចេញពីប្រទេស បន្ទាប់ពីក្រុមអ្នកតវ៉ាបានសម្រុកចូលលំនៅឋានរបស់លោកកាលពីសប្តាហ៍មុន និងបានលាលែងពីតំណែង។ ការតែងតាំងរបស់លោកទទួលបានប្រតិកម្មចម្រុះ ដោយមានអ្នកគាំទ្រខ្លះដុតផាវ ខណៈក្រុមអ្នកតវ៉ាផ្សេងទៀតបន្តទាមទារឲ្យលោកលាលែងពីតំណែង។ លោក Ranil Wickremesinghe បានស្បថសច្ចាប្រណិធានចូលកាន់តំណែងជាប្រធានាធិបតីថ្មីប្រទេសស្រីលង្កា ដើម្បីទទួលយកការងារប្រទេសជាតិដែលកំពុងញាំញី ដោយសារវិបត្តិសេដ្ឋកិច្ចមិនធ្លាប់ដែលមានពីមុនមក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong

សមត្ថកិច្ចកម្ពុជារកឃើញបុរសជនជាតិនីហ្សេរីយ៉ាកើតជំងឺអុតស្វាហើយ

Update៖ បុរសជនជាតិនីហ្សេរីយ៉ា កេីតជំងឺអុតស្វា ដំបូងនៅប្រទេសថៃ មិនទាន់បានឆ្លងដែនចូលកម្ពុជាឡេីយ

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុម​សិទ្ធិមនុស្ស​ស្វែងរក​ការ​ចាប់​ខ្លួន​អតីត​ប្រធានាធិបតី​ស្រី​លង្កា​នៅ​ប្រទេស​សិង្ហ​បុរី​

សង្គ្រាម​នៅ​អ៊ុយ​ក្រែ​ន​ឈាន​ចូលដល់​ខែ​ទី​៦ ដោយ​មិនមាន​សញ្ញា​ធូរស្រាល​នៅឡើយ​

​ចិន​បាញ់​បង្ហោះ​ម៉ូឌុល​ទី​ពីរ​បាន​ដោយ​ជោគជ័យ​ទៅកាន់​ស្ថានីយ​អវកាស Tiangong

សមត្ថកិច្ចកម្ពុជារកឃើញបុរសជនជាតិនីហ្សេរីយ៉ាកើតជំងឺអុតស្វាហើយ

Update៖ បុរសជនជាតិនីហ្សេរីយ៉ា កេីតជំងឺអុតស្វា ដំបូងនៅប្រទេសថៃ មិនទាន់បានឆ្លងដែនចូលកម្ពុជាឡេីយ

នគរបាល​ទីក្រុង​កូឡុំបូ​បាន​ចាប់ខ្លួន​បាតុករ​នៅ​ខាងក្រៅ​ការិយាល័យ​ប្រធានាធិបតី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី