BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

ទីក្រុង Sievierodonetsk រងការបំផ្លិចបំផ្លាញទាំងស្រុង ខណៈកងកម្លាំងរុស្ស៊ី និងអ៊ុយក្រែនវាយប្រយុទ្ធគ្នាដ៏ខ្លាំងក្លានៅភាគខាងកើត

អ៊ុយក្រែន៖ កងកម្លាំងរុស្ស៊ីបានវាយសម្រុករុលទៅមុខកាន់តែជ្រៅ ចូលទៅក្នុងទីក្រុងដ៏សំខាន់ភាគខាងកើតអ៊ុយក្រែនកាលពីថ្ងៃចន្ទ ដោយមានការវាយប្រយុទ្ធគ្នាចេញពីផ្លូវមួយទៅផ្លូវមួយជាមួយកងកម្លាំងរបស់ក្រុង Kyiv ក្នុងការវាយប្រយុទ្ធគ្នាដែលបានធ្វើឲ្យទីក្រុង Sievierodonetsk រងការបំផ្លិចបំផ្លាញ។ ខណៈការវាយសម្រុករុលទៅមុខរបស់ទីក្រុង Moscow ចេះតែកើនឡើង កងកម្លាំងរុស្ស៊ីក៏បានបាញ់ផ្លោងទៅលើតំបន់មួយចំនួននៃភាគខាងជើងរបស់អ៊ុយក្រែនផងដែរ។ ហើយការវាយប្រយុទ្ធគ្នាដណ្ដើមគ្រប់គ្រងតំបន់ភាគខាងត្បូងប្រទេសនេះនៅតែបន្ត។ ទន្ទឹមនឹងនេះដែរ លោកប្រធានាធិបតីអ៊ុយក្រែន Volodymyr Zelenskyy បាននិយាយថា ប្រទេសរុស្ស៊ីបានរារាំងការនាំចេញគ្រាប់ធញ្ញជាតិរបស់អ៊ុយក្រែនដល់ទៅ ២២លានតោន ដែលបណ្ដាលឲ្យមានវិបត្តិស្បៀងអាហារកើនឡើង។ ក្រុមអ្នកវិភាគយោធាបានហៅការវាយប្រយុទ្ធដណ្ដើមទីក្រុង Sievierodonetsk ថា ជាផ្នែកមួយនៃការប្រជែងពេលវេលារបស់វិមានក្រឹមឡាំង។ទីក្រុងនេះសំខាន់សម្រាប់កិច្ចខិតខំប្រឹងប្រែងរបស់រុស្ស៊ី ដណ្ដើមកាន់កាប់ឲ្យបានទាំងស្រុងយ៉ាងឆាប់រហ័សលើតំបន់ឧស្សាហកម្ម Donbas ភាគខាងកើត មុនពេលការមកដល់គ្រឿងសព្វាវុធបន្ថែមទៀតរបស់លោកខាងលិច ដើម្បីជួយពង្រឹងកម្លាំងការពារជាតិអ៊ុយក្រែន។ អភិបាលក្រុង Sievierodonetsk លោក Oleksandr Striuk បាននិយាយថា ទីក្រុងនេះត្រូវបានបំផ្លិចបំផ្លាញទាំងស្រុង។ លោកថា ការបាញ់ផ្លោងកាំភ្លើងធំបានកម្ទេចហេដ្ឋារចនាសម្ព័ន្ធសំខាន់ៗ និងខូចខាតអគារនានា ៩០% បណ្ដាញផ្គត់ផ្គង់ចរន្តអគ្គិសនី និងប្រព័ន្ធទំនាក់ទំនងផ្សេងៗត្រូវបានកាត់ផ្ដាច់យ៉ាងច្រើន ចូលទៅកាន់ទីក្រុងមួយនេះដែលមានប្រជាជនរស់នៅប្រមាណ ១សែននាក់៕អត្ថបទ៖ សុខមាន

ដំណឹងល្អ..! ថ្ងៃនេះ កម្ពុជាមានអ្នកជាសះស្បើយ ៣នាក់ និងមិនមានករណីស្លាប់ថ្មី និងករណីឆ្លងថ្មីជំងឺកូវីដ-១៩ទេ

(រូបភាព៖ ឯកសារ)ភ្នំពេញ៖ ក្រសួងុសខាភិបាលប្រកាសថា អ្នកជំងឺកូវីដ-១៩ ចំនួន ៣នាក់បានជាសះស្បើយ នៅថ្ងៃទី៣១ ខែឧសភា ឆ្នាំ២០២២នេះ ខណៈដែលនៅថ្ងៃនេះផងដែរ មិនមានអ្នកឆ្លងថ្មី និងមិនមានករណីស្លាប់ថ្មី ដោយជំងឺកូវីដ-១៩ទេ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩សរុបចំនួន ១៣៦.២៦២នាក់ ,ជាសះស្បើយសរុបចំនួន ១៣៣.២០៤នាក់ និងករណីស្លាប់សរុបចំនួន ៣.០៥៦នាក់។

តម្លៃប្រេងហក់ឡើងខ្ពស់ បន្ទាប់ពីសហភាពអឺរ៉ុបហាមប្រាមការនាំចូលប្រេងភាគច្រើនពីរុស្ស៊ី

អឺរ៉ុប៖ តម្លៃប្រេងបានកើនឡើងនៅក្នុងពាណិជ្ជកម្មអាស៊ីភ្លាមៗកាលពីថ្ងៃអង្គារ បន្ទាប់ពីបណ្ដាមេដឹកនាំសហភាពអឺរ៉ុបបាននិយាយថា ពួកគេបានយល់ព្រមកាត់បន្ថយ 90% នៃការនាំចូលប្រេងពីប្រទេសរុស្ស៊ីនៅចុងឆ្នាំនេះ។ភាគហ៊ុនប្រេងឆៅរបស់ក្រុមហ៊ុន Brent សម្រាប់ខែកក្កដាដែលនឹងផុតកំណត់នៅថ្ងៃអង្គារនេះបានកើនឡើង 63សេនដល់ 122.30ដុល្លារក្នុងមួយបារ៉ែលនៅម៉ោង 12ម៉ោងសកល។ ភាគហ៊ុនប្រេងឆៅរបស់អាមេរិក West Texas Intermediate (WTI) កំពុងជួញដូរនៅតម្លៃ 117.65ដុល្លារក្នុងមួយបារ៉ែលកើនឡើង 2.58ដុល្លារពីការបិទកាលពីថ្ងៃសុក្រ។ មិនមានការដោះស្រាយទេកាលពីថ្ងៃចន្ទ ដោយសារថ្ងៃឈប់សម្រាកសាធារណៈរបស់សហរដ្ឋអាមេរិក។ ការហាមប្រាមលើការនាំចូលប្រេងរបស់រុស្ស៊ីត្រូវបានគេរំពឹងថា នឹងរឹតបន្តឹងទីផ្សារប្រេងឆៅពិភពលោក ដែលបានប្រឈមនឹងឧបសគ្គផ្គត់ផ្គង់រួចស្រាប់ទៅហើយ ស្របពេលមានតម្រូវការឡើងវិញក្រោយជំងឺរាតត្បាតសកល Covid-19៕អត្ថបទ៖ សុខមាន

រុស្ស៊ីបណ្ដេញសមាជិកទាហានឯកជនរបស់លោក Putin ជាង ១០០នាក់ចេញពីការងារ ព្រោះមិនព្រមចូលប្រយុទ្ធនៅអ៊ុយក្រែន

រុស្ស៊ី៖ យោងតាមសេចក្ដីរាយការណ៍ព័ត៌មានជាច្រើនបានឲ្យដឹងថា ទាហានជាង ១០០នាក់នៃសមាជិកអង្គភាពឆ្មាំជាតិរុស្ស៊ីត្រូវបានបណ្ដេញចេញពីការងារ ដោយសារតែមិនស្ដាប់បញ្ជាឲ្យចូលប្រយុទ្ធនៅសមរភូមិក្នុងប្រទេសអ៊ុយក្រែន។ សារព័ត៌មាន The Guardian បានរាយការណ៍ថា ក្រុមឆ្មាំជាតិចំនួន ១១៥នាក់គឺជាផ្នែកមួយនៃទាហានសហព័ន្ធរុស្ស៊ី Rosgvardia ជាកងកម្លាំងដាច់ដោយឡែកពីយោធា ដែលជារឿយៗត្រូវបានប្រើប្រាស់ដោយវិមានក្រឹមឡាំង ជាកម្លាំងសន្តិសុខផ្ទៃក្នុងប្រឆាំងនឹងអំពើភេរវកម្ម និងដើម្បីកម្ចាត់ក្រុមប្រឆាំង។ ការបណ្ដេញឆ្មាំទាំង ១១៥នាក់នេះបានកើតឡើងកាលពីថ្ងៃទី២៥ ខែឧសភា បន្ទាប់ពីតុលាការយោធារុស្ស៊ីបានច្រានចោលបណ្ដឹងរបស់ពួកគេ ជំទាស់ទៅនឹងការបញ្ចប់មុខតំណែងការងាររបស់ពួកគេ។ក្នុងសេចក្តីសម្រេចមួយដែលបានបង្ហោះតាមអ៊ីនធឺណិតកាលពីសប្តាហ៍មុន ចៅក្រមបានសម្រេចថា ទាហានទាំងនោះត្រូវបានបណ្តេញចេញដោយស្របច្បាប់។ យោងតាមសារព័ត៌មាន The Guardian តុលាការបាននិយាយថា ទាហានទាំងនោះបានប្រកែកមិនស្ដាប់បញ្ជា ហើយបានវិលត្រឡប់ទៅអង្គភាពវិញ ដោយមិនទទួលបញ្ជាឲ្យចូលរួមការប្រយុទ្ធនៅក្នុងប្រទេសអ៊ុយក្រែន៕អត្ថបទ៖ សុខមាន

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

នេប៉ាល់៖ ទាហាននេប៉ាល់បាននិយាយនៅក្នុងសេចក្ដីថ្លែងការណ៍នៅថ្ងៃចន្ទនេះថា ក្រុមអាជ្ញាធរនេប៉ាល់បានរកឃើញសាកសពចំនួន ១៤នាក់ពីទីតាំងធ្លាក់យន្តហោះខ្នាតតូចដែលបានបាត់ការទាក់ទងដោយមានអ្នកដំណើរ ២២នាក់នៅលើយន្តហោះនោះ ខណៈកិច្ចខិតខំប្រឹងប្រែងជួយសង្គ្រោះបានបន្តនៅថ្ងៃទី២។អ្នកនាំពាក្យទាហានលោក Narayan Silwal បានសរសេរនៅលើបណ្ដាញសង្គម Twitter ថា ទាហានបានរកឃើញទីតាំងដែលយន្តហោះបានធ្លាក់នោះហើយ។ អាជ្ញាធរអាកាសចរណ៍ស៊ីវិលនេប៉ាល់បាននិយាយថា យន្តហោះដែលត្រូវបានធ្វើប្រតិបត្តិការដោយក្រុមហ៊ុនអាកាសចរណ៍ Tara Air របស់ប្រទេសនេប៉ាល់បានហោះចេញពីទីក្រុង Pokhara ទៅកាន់ទីក្រុងទេសចរណ៍ដ៏ពេញនិយម Jomsom ក្នុងប្រទេសនេប៉ាល់ភាគកណ្ដាលកាលពីថ្ងៃអាទិត្យ នៅពេលយន្តហោះបាត់ការទាក់ទងជាមួយប្រព័ន្ធគ្រប់គ្រងដែនអាកាសប្រហែល ១២នាទីពេលកំពុងធ្វើដំណើរ។ ការហោះហើររវាងទីក្រុងទាំង ២ តាមធម្មតាប្រើរយៈពេលចន្លោះពី ២០ ទៅ ២៥នាទីប៉ុណ្ណោះ។យោងតាមលោក Binod B.K មន្ត្រីនៅក្រសួងមាតុភូមិរបស់នេប៉ាល់បានឲ្យដឹងថា ក្រុមអាជ្ញាធរជឿថា ឧបទ្ទវហេតុនេះបណ្ដាលមកពីអាកាសធាតុអាប់អួ។ យោងតាមក្រសួងខាងលើឲ្យដឹងថា មានអ្នកដំណើរនៅលើយន្តហោះចំនួន ១៩នាក់ និងសមាជិកអាកាសយានិក ៣នាក់។ ក្នុងនោះមានជនជាតិអាល្លឺម៉ង់ ២នាក់, ឥណ្ឌា ៤នាក់ និងជនជាតិនេប៉ាល់ ១៣នាក់។ ចំណែកអ្នកដំណើរ ២នាក់ទៀតគេមិនទាន់បានដឹងថាជាជនជាតិអ្វីនៅឡើយទេ៕អត្ថបទ៖ សុខមាន

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

ប្រេស៊ីល៖ អាជ្ញាធរបាននិយាយថា បំណាក់ដីដែលបណ្តាលមកពីភ្លៀងធ្លាក់ខ្លាំងបានសម្លាប់មនុស្សយ៉ាងហោចណាស់ 79នាក់នៅក្នុងរដ្ឋ Pernambuco ភាគឦសានប្រទេសប្រេស៊ីល។ នៅរដ្ឋ Alagoas ជារដ្ឋមួយផ្សេងទៀតនៅក្នុងតំបន់ មនុស្សពីរនាក់បានស្លាប់នៅពេលដែលពួកគេត្រូវបានហូរនាំទៅឆ្ងាយដោយទឹកជំនន់ទន្លេ។ មន្ត្រីការពារស៊ីវិលបាននិយាយថា មនុស្សជាង 1,000នាក់ត្រូវបានបង្ខំឱ្យចាកចេញពីលំនៅឋានរបស់ពួកគេ ដោយសារតែទឹកជំនន់នៅរដ្ឋ Pernambuco។ មន្ត្រីប្រតិបត្តិនៃទីភ្នាក់ងារការពារជនស៊ីវិលនៅរដ្ឋ Pernambuco លោក Leonardo Rodrigues បាននិយាយនៅក្នុងវីដេអូមួយដែលបានបង្ហោះនៅលើបណ្តាញ Instagram ថា ប្រមាណ 32,000គ្រួសារបានរស់នៅក្នុងតំបន់ដែលមានហានិភ័យនៃការបាក់ដី ឬទឹកជំនន់នៅក្នុងរដ្ឋនេះ។ សាលារៀននៅក្នុងទីក្រុង Recife ត្រូវបានបើកដើម្បីទទួលជាទីជម្រកអ្នកភៀសខ្លួន។ នៅក្នុងរដ្ឋ Alagoas រដ្ឋាភិបាលរដ្ឋបាននិយាយថា ក្រុងចំនួន 33 បានប្រកាសអាសន្នដោយសារតែឥទ្ធិពលភ្លៀងធ្លាក់ខ្លាំងក្នុងរយៈពេលប៉ុន្មានថ្ងៃកន្លងមកនេះ។រដ្ឋាភិបាលនិយាយថា មនុស្សជាង 100នាក់កំពុងបាត់ខ្លួន ខណៈបំណាក់ដី និងទឹកជំនន់បង្កឡើងដោយភ្លៀងធ្លាក់ខ្លាំងនៅក្នុងរដ្ឋចំនួន 2 របស់ប្រទេសប្រេស៊ីល។ ប្រធានាធិបតីលោក Jair Bolsonaro បាននិយាយនៅលើបណ្តាញ Twitter ថា ក្រុមមកពីក្រសួងអភិវឌ្ឍន៍ក្នុងតំបន់ និងកងកម្លាំងប្រដាប់អាវុធនឹងត្រូវបញ្ជូនទៅរដ្ឋ Pernambuco និងទៅកាន់រដ្ឋ Alagoas សម្រាប់ការផ្តល់ជំនួយសង្គ្រោះបន្ទាន់ និងជំនួយមនុស្សធម៌៕អត្ថបទ៖ ប៊ុនថន

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

WHO៖ អង្គការសុខភាពពិភពលោកបាននិយាយកាលពីថ្ងៃអាទិត្យថា ជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល បន្ទាប់ពីករណីឆ្លងជាច្រើនត្រូវបានរាយការណ៍នៅក្នុងប្រទេសមួយចំនួន ដែលពុំមានការឆ្លងរាលដាលនៃវីរុសនេះ។ អង្គការសុខភាពពិភពលោកបាននិយាយថា ការគំរាមកំហែងសុខភាពសាធារណៈអាចធ្ងន់ធ្ងរជាងនេះ ប្រសិនបើវីរុសនេះមានឱកាសវិវឌ្ឍន៍ខ្លួនជាភ្នាក់ងារបង្ករោគរបស់មនុស្ស ហើយរាលដាលដល់ក្រុមមនុស្សដែលមានហានិភ័យខ្ពស់នៃជំងឺធ្ងន់ធ្ងរដូចជាកុមារតូច និងអ្នកដែលមានភាពស៊ាំខ្លាំង។ ទីភ្នាក់ងារសុខភាពមួយនេះបាននិយាយនៅក្នុងសេចក្ដីថ្លែងការណ៍ថា គិតត្រឹមថ្ងៃទី26 ខែឧសភាមានករណីឆ្លងសរុបចំនួន 257នាក់ និងករណីសង្ស័យចំនួន 120នាក់ត្រូវបានរាយការណ៍ពីរដ្ឋជាសមាជិក 23ប្រទេសដែលវីរុសនេះមិនមែនជាជំងឺរាតត្បាត។មកដល់ពេលនេះពុំមានរបាយការណ៍ពីករណីស្លាប់នោះទេ។ អង្គការសុខភាពពិភពលោកក៏បាននិយាយផងដែរថា ការផ្ទុះរាលដាលភ្លាមៗនៃជំងឺអុតស្វាក្នុងពេលតែមួយ នៅក្នុងប្រទេសមួយចំនួនដែលពុំមានប្រវត្តិឆ្លងវីរុសនេះ បង្ហាញពីការឆ្លងដែលមិនអាចរកឃើញនៅពេលខ្លះ និងករណីឆ្លងរាលដាលថ្មីៗ៕អត្ថបទ៖ សុខមាន

សហភាពអឺរ៉ុបបរាជ័យកិច្ចព្រមព្រៀងដាក់បម្រាមនាំចូលប្រេងពីរុស្ស៊ី តែនឹងព្យាយាមម្ដងទៀតមុនជំនួបកំពូលនៅថ្ងៃចន្ទនេះ

អឺរ៉ុប៖ ក្រុមមន្ត្រីបាននិយាយកាលពីថ្ងៃអាទិត្យថា សហភាពអឺរ៉ុបមិនអាចឈានដល់កិច្ចព្រមព្រៀងលើការដាក់បម្រាមនាំចូលប្រេងពីប្រទេសរុស្ស៊ីទេ ប៉ុន្តែក្រុមអ្នកការទូតនឹងព្យាយាមជាថ្មីទៀតនៅមុនជំនួបកំពូលដែលនឹងប្រព្រឹត្តទៅនៅថ្ងៃចន្ទ និងអង្គារសប្ដាហ៍នេះ លើការបញ្ឈប់ការបញ្ជូនប្រេងតាមបំពង់បង្ហូរប្រេងទៅកាន់បណ្ដាប្រទេសនៅអឺរ៉ុបកណ្ដាល។ ទោះយ៉ាងណាក៏ដោយ អ្នកការទូតជាន់ខ្ពស់មួយរូបរបស់សហភាពអឺរ៉ុបបាននិយាយថា នៅមានព័ត៌មានលម្អិតច្រើនទៀតក្នុងការដោះស្រាយ ដើម្បីបង្កើតក្ដីសង្ឃឹមសម្រាប់កិច្ចព្រមព្រៀងមួយ មុនពេលក្រុមមេដឹកនាំសហភាពអឺរ៉ុបជួបជុំគ្នាក្នុងទីក្រុង Brussels នៅរសៀលថ្ងៃចន្ទនេះ។ សំណើទណ្ឌកម្មលើការនាំចូលប្រេងនេះគឺជាផ្នែកមួយនៃកញ្ចប់ទណ្ឌកម្មទី៦ របស់សហភាពអឺរ៉ុបដាក់លើប្រទេសរុស្ស៊ី ដោយសារតែការវាយលុករបស់ខ្លួនចូលប្រទេសអ៊ុយក្រែន។កញ្ចប់ទណ្ឌកម្មនេះរួមមានការកាត់ផ្ដាច់ធនាគារ Sberbank ដ៏ធំបំផុតរបស់រុស្ស៊ីចេញពីប្រព័ន្ធទូទាត់ប្រាក់សកល SWIFT, ហាមក្រុមហ៊ុនប្រព័ន្ធផ្សព្វផ្សាយរបស់រុស្ស៊ីផ្សាយចេញពីសហភាពអឺរ៉ុប និងបន្ថែមមនុស្សទៅក្នុងតារាងឈ្មោះបុគ្គលដែលទ្រព្យសម្បត្តិរបស់ពួកគេត្រូវបានបង្កក និងមិនអាចជាន់ទឹកដីសហភាពអឺរ៉ុបបាន៕អត្ថបទ៖ សុខមាន

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow

រុស្ស៊ី៖ ប្រមុខការទូតរុស្ស៊ីលោក Sergei Lavrov បាននិយាយកាលពីថ្ងៃអាទិត្យថា ការរំដោះតំបន់ Donbas របស់អ៊ុយក្រែនគឺជាចំណុចអាទិភាពដោយគ្មានលក្ខខណ្ឌ ចំណែកដែនដីនានារបស់អ៊ុយក្រែនគួរតែសម្រេចអនាគតខ្លួនឯង។ ការថ្លែងរបស់លោក Lavrov ធ្វើឡើងនៅក្នុងបទសម្ភាសន៍មួយជាមួយប៉ុស្តិ៍ទូរទស្សន៍ TF1 របស់បារាំង ខណៈកងកម្លាំងរុស្ស៊ីបង្កើនការវាយរុលទៅមុខ ដើម្បីដណ្ដើមគ្រប់គ្រងទីប្រជុំជនសំខាន់ៗក្នុងតំបន់ Donbas ជាតំបន់ឧស្សាហកម្មប្រពៃណីរបស់អ៊ុយក្រែនដែលរួមមានតំបន់ ២ គឺ Donetsk និងLuhansk។ លោកបានបញ្ជាក់ឡើងវិញលើការអះអាងរបស់ក្រុង Moscow ថា ប្រតិបត្តិការសឹកពិសេសរបស់ខ្លួននៅក្នុងប្រទេសអ៊ុយក្រែន គឺដើម្បីធ្វើឲ្យប្រទេសជិតខាងរបស់ខ្លួនមួយនេះក្លាយជាប្រទេសគ្មានយោធា បន្ទាប់ពីការពង្រីកខ្លួនចូលទៅភាគខាងកើតរបស់សម្ព័ន្ធយោធាណាតូ និងបោសសម្អាតនូវអ្វីដែលខ្លួនមើលឃើញថា ជាតិនិយមខួរក្បាលរបបណាស៊ី។ ទីក្រុង Kyiv និងបណ្ដាប្រទេសលោកខាងលិចមើលឃើញថា ការអះអាងទាំងនោះជាលេសគ្មានមូលដ្ឋានក្នុងការដណ្ដើមទឹកដី។យោងតាមអត្ថបទមួយច្បាប់ចេញផ្សាយដោយក្រសួងការបរទេសរុស្ស៊ីលោក Lavrov បាននិយាយថា ការរំដោះយកតំបន់ Donetsk និង Luhansk ដែលត្រូវបានទទួលស្គាល់ដោយសហព័ន្ធរុស្ស៊ីថា ជារដ្ឋឯករាជ្យគឺជាចំណុចអាទិភាពដោយគ្មានលក្ខខណ្ឌ។ ចំណែកលោកប្រធានាធិបតីរុស្ស៊ី Vladimir Putin វិញបានព្រមានប្រធានាធិបតីបារាំងលោក Emmanuel Macron និងអធិការបតីអាល្លឺម៉ង់លោក Olaf Scholz ទល់នឹងការបង្កើនការផ្គត់ផ្គង់ជំនួយគ្រឿងសព្វាវុធឲ្យទៅអ៊ុយក្រែន ដោយនិយាយថា ការដឹកជញ្ជូនអាវុធនេះអាចនឹងបង្កឲ្យមានអស្ថិរភាពថែមទៀត៕អត្ថបទ៖ សុខមាន

ឯកឧត្តម ហ៊ុន ម៉ាណែត សំណេះសំណាលជាមួយក្រុមជំនួយការលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល

ភ្នំពេញ៖ ឯកឧត្តម ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញសំណេះសំណាលជាមួយក្រុមជំនួយការលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល នៅថ្ងៃទី២៩ ខែឧសភា ឆ្នាំ២០២២។ឯកឧត្តម ហ៊ុន ម៉ាណែត បានអោយដឹងងថា ការជួបជុំនាពេលនេះ បញ្ជាក់អំពីការគោរពស្រលាញ់ និងជំនឿទុកចិត្តរបស់គណបក្សប្រជាជនកម្ពុជា ជូនដល់ថ្នាក់ដឹកនាំ និងសមាជិក សមាជិកា ក្រុមជំនួយការ នៃលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល ដែលបានខិតខំបម្រើស្ថាប័នប្រកបដោយមោទកភាព ភាពស្មោះត្រង់ ព្រមជាមួយនឹងឆន្ទៈប្តូរផ្តាច់បម្រើជាតិ និងប្រជាពលរដ្ឋស្របតាមគោលនយោបាយរបស់គណបក្ស និងមាគ៌ាដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។ឯកឧត្តមបានអោយដឹងថា ទន្ទឹមនឹងនេះ ក៏បានបង្ហាញឱ្យឃើញអំពីភាពរឹងមាំ និងដំណើរការប្រកបដោយប្រសិទ្ធភាព នៃរចនាសម្ព័ន្ធអង្គការចាត់តាំងរបស់យុវជនគណបក្សប្រជាជនកម្ពុជាថ្នាក់កណ្តាល ព្រមទាំងជាការបង្ហាញនូវកិត្តិយស និងមោទកភាពរបស់យុវជនក្នុងការឈានជើងចូលរួមក្នុងជីវភាពនយោបាយជាមួយគណបក្សប្រជាជនកម្ពុជា ដ៏មានឧត្តមភាព និងប្រកបដោយស្នាដៃ និងគុណបំណាច់ធំធេងជាប្រវត្តិសាស្ត្រជាច្រើនមក។ ជាពិសេស គណបក្សយើង គឺជាមហាគ្រួសារដ៏ធំ ដែលតែងបានប្តេជ្ញាបំពេញភារកិច្ចក្នុងបុព្វហេតុរួម គឺការរក្សាការពារសុខសន្តិភាព សិ្ថរភាព និងការអភិវឌ្ឍជាតិលើគ្រប់វិស័យ ដើម្បីភាពសុខសាន្ត និងសេចក្តីចម្រុងចម្រើនជូនប្រជាពលរដ្ឋ។ឯកឧត្តម ហ៊ុន ម៉ាណែត បានបញ្ជាក់ថា យុវជនគណបក្សប្រជាជនកម្ពុជាមានតួនាទីមិនប្រួលប្រែ ជាមួយបុព្វហេតុឥតងាករេ ក្នុងការបម្រើគណបក្សអស់រយៈពេលជាង៧០ឆ្នាំ កន្លងមកនេះ ហើយក៏នឹងបន្តធានាប្រសិទ្ធភាពក្នុងការបំពេញការងាររបស់ខ្លួន ជាពិសេសក្នុងបរិបទនៃការវិវឌ្ឍប្រែប្រួលរបស់សង្គមជាតិ ក្នុងនាមជាកោសិកាបន្តវេន ដែលគណបក្សបានយកចិត្តទុកដាក់រៀបចំថ្នាល ថែទាំ និងកសាងសមត្ថភាពជាប់ជាប្រចាំតាំងពីដើមរៀងមក។ឯកឧត្តមបញ្ជាក់ថា គណបក្សប្រជាជនកម្ពុជា បានខិតខំយកចិត្តទុកដាក់បម្រើប្រជាពលរដ្ឋតាមមូលដ្ឋានជាប់ប្រចាំដូចជាភ្លៀងរលឹម ហើយក៏នឹងបន្តខិតខំប្រឹងប្រែងបន្ថែមទៀតឱ្យស័ក្តិសមទៅនឹងទំនុកទុកចិត្តពីសំណាក់ប្រជាពលរដ្ឋ។ ក្នុងន័យនេះ យុវជនត្រូវចងចាំថា មូលដ្ឋានគឺជាកម្លាំងពិត ដែលតែងបានគាំទ្រគណបក្សយើងនៅគ្រប់ការបោះឆ្នោត ព្រោះប្រជាពលរដ្ឋនៅតាមមូលដ្ឋាននីមួយៗ ជាអ្នកដែលរស់នៅ និងបានឃើញជាក់ស្តែងនូវការអភិវឌ្ឍហេដ្ឋារចនាសម្ព័ន្ធ, បរិយាកាសភូមិ-ឃុំមានសុវត្ថីភាព និងសណ្តាប់ធ្នាប់របៀបរៀបរយ ព្រមទាំងការយកចិត្តផ្តល់សេវាសាធារណៈកាន់តែកៀកជិតនឹងប្រជាពលរដ្ឋ៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ដំណឹងល្អ..! ថ្ងៃនេះ កម្ពុជាមានអ្នកជាសះស្បើយ ៣នាក់ និងមិនមានករណីស្លាប់ថ្មី និងករណីឆ្លងថ្មីជំងឺកូវីដ-១៩ទេ

តម្លៃប្រេងហក់ឡើងខ្ពស់ បន្ទាប់ពីសហភាពអឺរ៉ុបហាមប្រាមការនាំចូលប្រេងភាគច្រើនពីរុស្ស៊ី

រុស្ស៊ីបណ្ដេញសមាជិកទាហានឯកជនរបស់លោក Putin ជាង ១០០នាក់ចេញពីការងារ ព្រោះមិនព្រមចូលប្រយុទ្ធនៅអ៊ុយក្រែន

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ដំណឹងល្អ..! ថ្ងៃនេះ កម្ពុជាមានអ្នកជាសះស្បើយ ៣នាក់ និងមិនមានករណីស្លាប់ថ្មី និងករណីឆ្លងថ្មីជំងឺកូវីដ-១៩ទេ

តម្លៃ​ប្រេង​ហក់​ឡើង​ខ្ពស់ ​បន្ទាប់ពី​សហភាព​អឺរ៉ុប​ហាមប្រាម​ការ​នាំ​ចូល​ប្រេង​ភាគច្រើន​ពី​រុស្ស៊ី

ក្រុមអាជ្ញាធរនេប៉ាល់រកឃើញសាកសព ​១៤​នាក់​ពី​ការធ្លាក់​​​យន្តហោះ​​​

បំណាក់​ដី និង​ទឹកជំនន់​សម្លាប់​មនុស្ស ​79​នាក់​នៅ​ភាគ​ឦសាន​ប្រទេស​ប្រេ​ស៊ី​ល​

WHO៖ ការ​ផ្ទុះ​ជំងឺ​អុត​ស្វា​បង្ក​ការ​គំរាម​កំហែង​កម្រិត​មធ្យម​ចំពោះ​សុខភាព​សាធារណៈ​សកល​

ប្រមុខ​ការទូត​រុស្ស៊ី​និយាយ​ថា ​តំបន់ Donbas របស់​អ៊ុយ​ក្រែ​ន​គឺជា​អាទិភាព​គ្មាន​លក្ខខណ្ឌ​សម្រាប់​ក្រុង Moscow

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តម្លៃប្រេងហក់ឡើងខ្ពស់ បន្ទាប់ពីសហភាពអឺរ៉ុបហាមប្រាមការនាំចូលប្រេងភាគច្រើនពីរុស្ស៊ី

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow