នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម
សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

លោក Blinken មាន​ទំនុក​ចិត្ត​ថា ហ្វាំ​ង​ឡង់​ និង​ស៊ុយអែត​នឹងចូលរួម​ជា​សមាជិក​ NATO

2022/05/28 12:08:01 pm        1119
Facebook Telegram Linkin
​សហរដ្ឋអាមេរិក៖ ​រដ្ឋមន្ត្រីការបរទេស​សហរដ្ឋអាមេរិកលោក Antony Blinken និយាយថា លោក​ជឿជាក់ថា ការស្នើសុំ​របស់​ប្រទេស​ហ្វាំ​ង​ឡង់ និង​ស៊ុយអែតដើម្បី​ចូល​ជា​សមាជិក​អង្គការ​សន្ធិសញ្ញា​អា​ត្ល​ង់​ទិ​ក​ខាងជើង ឬ NATO នឹង​ដំណើរការ​ទៅមុខ ទោះបីជា​មានការ​ជំទាស់​ពី​ប្រទេស​ទួរគី​ក៏ដោយ​។​លោក Blinken និយាយថា ប្រទេស​ហ្វាំ​ង​ឡង់ និង​ស៊ុយអែតកំពុងធ្វើការ​ដោយផ្ទាល់​ជាមួយប្រទេស​ទួរគី ដើម្បី​ដោះស្រាយ​កង្វល់​មួយចំនួនដែល​ទួរគី​បានលើកឡើង​។​ ​មានការ​ស្រប​មតិ​គ្នាច្រើន​នៅក្នុង​អង្គការ ​NATO សម្រាប់​ការចូល​ជា​សមាជិក​របស់​ប្រទេស​ហ្វាំ​ង​ឡង់ និង​ស៊ុយអែត ហើយ​លោក ​Blinken នៅតែមាន​ទំនុកចិត្ត​ថា នឹង​ធ្វើការ​តាមរយៈ​ដំណើរការ​នេះ​ឱ្យបាន​ឆាប់រហ័ស ហើយ​អ្វីៗ​នឹង​ដំណើរការ​ទៅមុខ​ជាមួយ​ប្រទេស​ទាំងពីរ​។​លោក Blinken បានលើកឡើង​ដូច្នេះ​ ក្នុងអំឡុងពេលដំណើរ​ទស្សនកិច្ច​រប​ស់​រដ្ឋមន្ត្រីការបរទេសហ្វាំ​ង​ឡង់​លោក Pekka Haavisto មកកាន់​ក្រសួងការបរទេស​សហ​រដ្ឋ​អាមេរិក​កាលពី​ថ្ងៃ​សុក្រ​។ ​បញ្ហា​នេះ​បាន​កើតឡើង​ ខណៈដែលរ​ដ្ឋ​មន្ត្រី​ការបរទេសទួរគី​និយាយថា ប្រទេសស៊ុយអែត និង​ហ្វាំ​ង​ឡង់ត្រូវតែមាន​វិធានការ​ជាក់ស្តែង​ ដើម្បី​កាត់បន្ថយកង្វល់សន្តិសុខ​របស់ប្រទេស​ខ្លួន ដើម្បី​យកឈ្នះ​លើ​ការជំទាស់​របស់​ទីក្រុង​អង់កា​រ៉ា ចំពោះ​បំណង​ក្លាយជា​សមាជិកភាពរបស់​អង្គការ​ណា​តូ៕អត្ថបទ៖ ប៊ុនថន

សម្តេចតេជោ រងការវាយប្រហារផ្លូវចិត្តដោយសារបន្តលាក់បងប្រុសទីមួយមិនអោយដឹងពីមរណភាពសម្តេចទេពញាណ ហ៊ុន ណេង

2022/05/27 06:16:12 pm        1664
Facebook Telegram Linkin
ភ្នំពេញ ៖ តាមរយៈទំព័រហ្វេសប៊ុកផ្លូវការនៅល្ងាចថ្ងៃទី២៧ ខែឧសភានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហោះរូបភាពជាច្រើនសន្លឹកបង្ហាញពីការនឹករលឹកសួរសុខទុក្ខបងប្រុសទីមួយរបស់សម្តេចគឺឯកឧត្តម ហ៊ុន សាន ដែលទើបតែត្រឡប់មកពីព្យាបាលជំងឺនៅប្រទេសថៃ។ សម្តេចតេជោ នៅតែបង្ហាញអារម្មណ៍រំជួលចិត្ត ខណៈដែលព្យាយាមបន្តលាក់ព័ត៌មានពីមរណភាពសម្តេចទេពញាណ ហ៊ុន ណេង ជាបងប្រុសទី២ មិនអោយបងប្រុសទីមួយដឹងពីរឿងនេះ។សម្តេចតេជោបានបង្ហោះក្នុងខ្លឹមសារដើមទាំងស្រុងថា :« ល្ងាចនេះទៅសួរសុខទុក្ខបងទីមួយដែលទើបវិលត្រឡប់ពីទីក្រុងបាងកកប្រទេសថៃក្រោយការវះកាត់។ទោះបីសុខភាពគាត់ប្រសើរជាងមុនក្តីតែខ្ញុំនៅតែមិនទាន់ហ៊ានប្រាប់គាត់ពីមរណភាពបងប្រុសទីពីរនៅឡើយ។២ថ្ងៃមុននេះជាខួបលើកទី៩ឆ្នាំនៃមរណភាពភរិយារបស់គាត់ដែលត្រូវជាបងថ្លៃរបស់ខ្ញុំ ប្រសិនខ្ញុំជំរាបគាត់ពីរឿងមរណភាពបងទីពីរទៀតប្រហែលគាត់ពិបាកទទួល។ខ្ញុំក៍ទទួលរងនូវការវាយប្រហារខាងផ្លូវចិត្តខ្លាំងណាស់ដែរនៅពេលដែលបងប្រុសខ្ញុំលើកដៃចង្អុលទៅរករូបថតដែលបងប្អូនខ្ញុំទាំង៦នាក់ថតជាមួយឪពុកខ្ញុំហើយនិយាយថាបងប្អូនយើងមាន៦នាក់ប្រុស៣នាក់ស្រី៣នាក់ប្រុស៣នាក់ដំបូងទើបមានស្រី៣នាក់ជាក្រោយដោយពុំមានឆ្លាស់គ្នាស្រីនិងប្រុសនោះទេតែគាត់ពុំបានដឹងថាពេលនេះនៅសល់តែ៥នាក់នោះឡើយ។ទឹកភ្នែកខ្ញុំស្ទើរតែហូរចេញមកហើយខ្ញុំបែរមុខទៅម្ខាងនិងងាកមកវិញបបួលគាត់ដូរនាឡិការដៃដើម្បីបញ្ចប់នូវរឿងសោកសៅ។ទ្រាំរក្សាទុកដំណឹងនេះមិនឱយគាត់ដឹងមួយរយះសិនដើម្បីសុខភាពគាត់។សង្ឃឹមថាបងទីមួយនិងវិញ្ញាក្ខន្ធបងទីពីរនឹងយល់ពីការលំបាករបស់ខ្ញុំនៅពេលនេះ» ៕ អត្ថបទ ៖ រក្សា

លោក ហ៊ុន ម៉ាណែត អញ្ជើញសំណេះសំណាលជាមួយថ្នាក់ដឹកនាំ និងសមាជិក សមាជិកា ក្រុមការងារ និងក្រុមសកម្មជនយុវជនគណបក្សប្រជាជនកម្ពុជាស្រុកស្រីសន្ធរ ខេត្តកំពង់ចាម

2022/05/27 03:38:21 pm        400
Facebook Telegram Linkin
កំពង់ចាម៖ លោក ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងប្រធានយុវជនគណបក្សថ្នាក់កណ្តាល បានអញ្ជើញសំណេះសំណាលជាមួយថ្នាក់ដឹកនាំ និងសមាជិក សមាជិកា ក្រុមការងារ និងក្រុមសកម្មជនយុវជនគណបក្សក្នុងស្រុកស្រីសន្ធរ ខេត្តកំពង់ចាម នៅព្រឹកថ្ងៃទី២៧ ខែឧសភា ឆ្នាំ២០២២។ លោក ហ៊ុន ម៉ាណែត មានប្រសាសន៍ថា ភាពសកម្មរស់រវើករបស់សមាជិក សមាជិកា និងអ្នកគាំទ្ររបស់គណបក្សប្រជាជនកម្ពុជានៅក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅក្នុងស្រុកស្រីសន្ធរ ក៏ដូចជានៅទូទាំងប្រទេស ពិតជាបានបង្ហាញឱ្យឃើញនូវកម្លាំងថាមពលដ៏ខ្លាំងក្លារបស់គណបក្សយើង ជាពិសេសការគាំទ្រប្រកបដោយការជឿជាក់មកលើការដឹកនាំដ៏ត្រឹមត្រូវរបស់គណបក្សគ្រប់អាណត្តិកន្លងមកនេះ ដោយបាននាំមកភាពសុខសាន្តសម្រាប់ជាតិ និងប្រជាជន។ ពិតណាស់ នៅក្នុងសង្គមប្រជាធិបតេយ្យ យើងអាចមានជម្រើសច្រើន ប៉ុន្តែយើងមិនត្រូវបោះឆ្នោតដើម្បីតែប្រយោជន៍របស់គណបក្សណាមួយនោះឡើយ។គណបក្សនយោបាយ គ្រាន់តែជាបេក្ខភាពដើម្បីបម្រើរាស្ត្រតែប៉ុណ្ណោះ។ ដូច្នេះ គឺជាការចាំបាច់ណាស់ ដែលយើងត្រូវបោះឆ្នោតដើម្បីខ្លួនឯង ដើម្បីគ្រួសារ និងដើម្បីសង្គមជាតិយើង។ លោក ហ៊ុន ម៉ាណែត បានសង្កត់ធ្ងន់ថា គណបក្សដែលល្អបំផុត គឺគណបក្សប្រជាជនកម្ពុជា ដែលជាគណបក្សតែងបានផ្តល់នូវភាពកក់ក្តៅជូនប្រជាពលរដ្ឋដោយគ្មានការរើសអើងបែងចែក និងជាគណបក្សដែលមានស្នាដៃបទពិសោធន៍ក្នុងអតីតកាល, មានសមត្ថភាពថែរក្សាលំនឹងស្ថិរភាពក្នុងបច្ចុប្បន្នកាល និងអាចធានាបាននូវទំនុកចិត្តសម្រាប់អនាគតមួយដ៏ភ្លឺស្វាង។ ជាក់ស្តែង ក្នុងរយៈពេល ៤៣ ឆ្នាំកន្លងមកនេះ ប្រទេសកម្ពុជា បានងើបចេញពីវាលពិឃាត និងគំនរផេះផង់ រហូតក្លាយខ្លួនជាកោះសន្តិភាព, ជាគោលដៅទេសចរណ៍លំដាប់ពិភពលោក, ជាប្រទេសដែលមានកំណើនសេដ្ឋកិច្ចខ្ពស់ជាប់ចំណាត់ថ្នាក់, ជាប្រទេសប្តូរពីមានចំណូលទាបមកជាចំណូលមធ្យម, ជាប្រទេសជាប់ចំណាត់ថ្នាក់លើការងារប្រយុទ្ធនឹងជំងឺកូវីដ-១៩ និងអ្វីដែលសំខាន់ជាប្រទេសដែលផ្តល់ឱកាស និងលំហរសេរីភាពគ្រប់បែបយ៉ាងដល់ប្រជាពលរដ្ឋ ជាពិសេសឱកាសសម្រាប់ការអភិវឌ្ឍខ្លួនដល់យុវជន និងកុមារ ក្នុងនាមជាអ្នកជំនាន់ក្រោយនៃសម័យកាលសង្គ្រាម។លោកបានបញ្ជាក់ថា ជារួម គឺគ្មានគណបក្សណាក្រៅពីគណបក្សប្រជាជនកម្ពុជា ដែលមានបទពិសោធន៍ដឹកនាំប្រទេសជាក់ស្តែង ទាំងថ្នាក់ជាតិ និងថ្នាក់មូលដ្ឋាន ហើយក៏បានចូលរួមនៅក្នុងការប្រកួតប្រជែងតាមបែបប្រជាធិបតេយ្យ ដោយមានការប្តេជ្ញាចិត្ត និងទំនុកចិត្តខ្ពស់បំផុត។ សូមឆ្លៀតឱកាសថ្លែងអំណរគុណចំពោះប្រជាពលរដ្ឋក្នុងស្រុកស្រីសន្ធរ ដែលតែងបានផ្តល់ការគាំទ្រយ៉ាងលើសលប់ និងបានបោះឆ្នោតជូនគណបក្សប្រជាជនក្នុងគ្រប់អាណត្តិកន្លងមក ពីព្រោះមានតែអ្នកស្រុកស្រីសន្ធរផ្ទាល់ ជាអ្នកបានឆ្លងកាត់ផ្ទាល់ និងស្គាល់ច្បាស់អំពីការអភិវឌ្ឍរីកចម្រើនជាក់ស្តែងនៅក្នុងមូលដ្ឋានរបស់ខ្លួន និងសូមបន្តគាំទ្រសំដៅធ្វើយ៉ាងណារក្សាប្រៀបឈ្នះ និងទទួលបានជោគជ័យឱ្យបានលើសលប់បន្តទៀត។ ការអភិវឌ្ឍរីកចម្រើន នៅក្នុងមូលដ្ឋាននេះ ទាំងក្នុងផ្នែកពុទ្ធចក្រ និងអាណាចក្រ រួមមាន វត្តអារាម ផ្លូវបេតុង ស្ពាន សាលារៀន មណ្ឌលសុខភាព ជាដើម ដែលទាំងអស់នេះ បានកើតឡើងពីការដឹកនាំ និងការបង្កលក្ខណៈរបស់រាជរដ្ឋាភិបាល ជាពិសេសការរួមកម្លាំងញើសឈើសឈាម និងកិច្ចខិតខំប្រឹងប្រែងដ៏យូរឆ្នាំរបស់អាជ្ញាធរដែនដី, ក្រុមការងារគ្រប់យន្តការ, សប្បុរសជន និងប្រជាពលរដ្ឋនៅក្នុងមូលដ្ឋានផ្ទាល់ រហូតសម្រេចបាននូវវឌ្ឍនភាពសម្រាប់ភូមិឃុំយើងក្រោមម្លប់និរន្តរភាពនៃសន្តិភាព ស្ថិរភាព ដូចពេលនេះ ដោយមិនអាចកើតឡើងក្នុងត្រឹមមួយប៉ប្រិចភ្នែកបានឡើយ។ទន្ទឹមនឹងនោះលោក ហ៊ុន ម៉ាណែត បានបន្តថា នៅថ្ងៃទី០៥ ខែមិថុនា ឆ្នាំ២០២២ ដែលនឹងឈានមកដល់ឆាប់ៗនេះ សូមបន្តរួមរស់នៅក្នុងភាពកក់ក្តៅ និងបន្តជឿទុកចិត្ត និងបោះឆ្នោតជូនគណបក្សប្រជាជនកម្ពុជា តាមរយៈយុទ្ធការ “សមាជិកបក្សម្នាក់ អ្នកគាំទ្របក្សម្នាក់ មានសន្លឹកឆ្នោតមួយសន្លឹកជូនបក្ស” ដើម្បីប្រើប្រាស់សិទ្ធិក្នុងនាមជាពលរដ្ឋម្ចាស់ប្រទេស ដោយសម្រេចជ្រើសរើសបក្ស ដែលមានការប្តេជ្ញាចិត្ត និងឆន្ទៈក្នុងការបម្រើសេវាជូនប្រជាពលរដ្ឋ និងអភិវឌ្ឍមូលដ្ឋាន ដូចដែលបានធ្វើកន្លងមក ហើយក៏នឹងខិតខំបន្តជំរុញប្រសិទ្ធភាពការងារទៅមុខទៀត តាមរយៈការពង្រឹងចំណុចខ្លាំង និងកែលម្អចំណុចខ្វះខាតដែលមាន ពីព្រោះនៅលើពិភពលោក មិនអាចមានរដ្ឋាភិបាលណាដែលអាចឆ្លើយតបនឹងសំណូមពរប្រជាពលរដ្ឋឱ្យគ្រប់ ១០០% នោះទេ។ រដ្ឋាភិបាលណាក៏ដោយ ទោះបីអាចដោះស្រាយបញ្ហាបានទាំងអស់ ក៏នឹងត្រូវខិតខំប្រឹងប្រែងបន្ថែមទៀត ដើម្បីឱ្យទាន់សំណូមពររបស់ប្រជាពលរដ្ឋដែលបន្តកើនឡើង។ ចំពោះជរដ្ឋាភិបាល និងរដ្ឋបាលថ្នាក់ក្រោមជាតិ ដែលដឹកនាំដោយគណបក្សប្រជាជនវិញ គឺតែងបានធ្វើការបូកសរុប និងវាយតម្លៃលទ្ធផលការងារជាប្រចាំក្នុងគ្រប់អាណត្តិនីមួយៗ ដើម្បីដកពិសោធន៍ចំណុចខ្លាំង ចំណុចខ្សោយ កែលម្អបញ្ហាអវិជ្ជមាន បំពេញបន្ថែមចំណុចខ្វះខាត សំដៅធ្វើយ៉ាងណាបម្រើប្រជាពលរដ្ឋឱ្យបានកាន់តែប្រសើរពីមួយអាណត្តិទៅមួយអាណត្តិ “បេះដូង និងឆន្ទៈរបស់មន្ត្រីបក្ស មានតែមួយប៉ុណ្ណោះ គឺបម្រើជាតិ និងប្រជាជន ដោយឥតរុញរាក្នុងគ្រប់កាលៈទេសៈទាំងអស់”៕

សម្តេចតេជោ ហ៊ុន សែន៖​ បើកូនខ្ញុំមិនល្អ ,មិនកើត ក៏គ្មានការឯកភាពផ្ទៃក្នុងបក្ស ឱ្យក្លាយជាបេក្ខភាពនាយករដ្ឋមន្ត្រីបន្តវេនដែរ

2022/05/27 12:23:23 pm        1373
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានប្រកាសជាថ្មី ឆ្លើយតបនឹងសំនួរអ្នកកាសែតអំពីបេក្ខភាពនាយករដ្ឋមន្ត្រីអនាគតសម្រាប់គណបក្សប្រជាជនកម្ពុជា ដោយសម្តេចបានបញ្ជាក់ថា អាចប្រព្រឹត្តិទៅនៅពេលណានោះ នៅមិនទាន់ច្បាស់នៅឡើយទេ។សម្តេចតេជោ ហ៊ុន សែន បានបញ្ជាក់ថា ការបោះឆ្នោតនាពេលខាងមុខនេះគឺនៅឆ្នាំ២០២៣ សម្តេចនៅតែបន្តជាបេក្ខភាពនាយករដ្ឋមន្ត្រី សម្រាប់គណបក្សប្រជាជនកម្ពុជាដដែល។សម្តេចតេជោ ហ៊ុ ន សែន ប្រកាសទៅអ្នកតិះទានរឿងបេក្ខភាពនាយករដ្ឋមន្ត្រីបន្តវេនសម្រាប់គណបក្សប្រជាជនកម្ពុជា គឺលោក ហ៊ុន ម៉ាណែត សូមអញ្ជើញបន្តតិះទានបន្តទៅទៀតចុះ តែសម្រាប់កម្ពុជា គឺអ្វីៗត្រូវធ្វើឡើងតាមរយៈការបោះឆ្នោតដ៏ត្រឹមត្រូវ និងទៀតទាត់ តាមបែបប្រជាធិបតេយ្យ សេរី ពហុបក្ស។សម្តេចតេជោ ហ៊ុន សែន បានប្រកាសថា បើ ហ៊ុន ម៉ាណែត មិនល្អ ឬមិនស័ក្តិសមសម្រាប់បេក្ខភាពនាយករដ្ឋមន្ត្រីបន្តវេន ក៏គ្មានការឯកភាពផ្ទៃក្នុងបក្សដែរ។ សម្តេចបញ្ជាក់ថា «បើកូនខ្ញុំមិនល្អ ក៏គ្មានការសម្រេចឯកភាពសម្រាប់បេក្ខភាពបន្តវេនដែរ...។ បើកូនខ្ញុំមិនកើត ខ្ញុំមិនអនុញ្ញាតឱ្យកូនគាត់មកបំផ្លាញគណបក្សប្រជាជនកម្ពុជា ដែលមានភាពចាស់ទុំ និងពលីកម្មគ្រប់បែបយ៉ាងដើម្បីជាតិ ប្រជាជន និងទឹកដីកម្ពុជានោះទេ»។សម្តេចតេជោ ហ៊ុន សែន ប្រកាសថា «ទោះហ៊ុន ម៉ាណែត ឬមិន ហ៊ុន ម៉ាណែត ជាបេក្ខភាពបន្តវេនក៏ដោយ វាអាស្រ័យលើការបោះឆ្នោតរបស់ប្រជាជនឯណោះទៅវិញទេ។...បើបក្សប្រជាជនកម្ពុជាចាញ់ឆ្នោត វាមិនត្រឹមតែបាត់ ហ៊ុន ម៉ាណែត ម្នាក់ឯងឡើយ ហ៊ុន សែន ក៏បាត់ដូចគ្នា ដូច្នេះមុននឹងមានការតិះទានលើបញ្ហានេះ សូមមើលឱ្យបានច្បាស់ពីទិដ្ឋភាពជាក់ស្តែង និងការប្រព្រឹត្តិទៅរបស់កម្ពុជាជាមុនសិន»។៕

សម្តេចតេជោ ហ៊ុន សែន ថ្លែងសារក្នុងសន្និសីទអន្តរជាតិលើកទី២៧ ស្តីពីអនាគតរបស់អាស៊ីក្រោមមូលបទ«ការកំណត់ឡើងវិញនូវតួនាទីរបស់ទ្វីបអាស៊ី នៅក្នុងពិភពលោកដែលបែកខ្ញែក»

2022/05/27 11:36:09 am        214
Facebook Telegram Linkin
ភ្នំពេញ៖ នៅព្រឹកថ្ងៃទី២៧ ខែឧសភា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីបានថ្លែងសារក្នុងសន្និសីទអន្តរជាតិលើកទី២៧ ស្តីពីអនាគតរបស់អាស៊ីក្រោមមូលបទ«ការកំណត់ឡើងវិញនូវតួនាទីរបស់ទ្វីបអាស៊ី នៅក្នុងពិភពលោកដែលបែកខ្ញែក»។សម្តេចតេជោ ហ៊ុន សែន បានប្រកាសថា ក្នុងបរិការណ៍ ដែលពិភពលោកបាន និង កំពុងទទួលរងនូវសម្ពាធពីបញ្ហាអស្ថិរភាព, ភាពមិនប្រាកដ-ប្រជា និង ជាពិសេសការបែកខ្ញែក, អាស៊ីមានសក្តានុពលខ្ពស់ និង អាចដើរតួនាទីជាតួអង្គស្នូល ក្នុងការ-សម្របសម្រួល, តភ្ជាប់ និង ផ្តួចផ្តើមដោះស្រាយបញ្ហាប្រឈមផ្សេងៗ ។ ក្នុងទិដ្ឋភាពសង្គម និង នយោបាយ, អាស៊ីធ្លាប់បានឆ្លងកាត់បញ្ហាប្រឈមជាច្រើនរហូតដល់ចុងសតវត្សរ៍ទី ២០ ។ នៅក្នុងសតវត្សរ៍ទី ២១ នេះ, ទោះបីជាបញ្ហាសង្គម និង នយោបាយនៅបន្តកើតមាន នៅក្នុងប្រទេសមួយចំនួន, អាស៊ីជារួម បានក្លាយជាទ្វីបមួយ ដែលមានសន្តិសុខ, សន្តិភាព និង ស្ថិរភាព ហើយក៏កំពុងស្ថិតនៅក្នុងដំណើរយ៉ាងលឿនឆ្ពោះទៅរកវិបុលភាពរួម ។ អ្វីដែលគួរឱ្យស្ញប់ស្ញែងបំផុតនោះ គឺសមិទ្ធផលទាំងនេះសម្រេចបាន​នៅក្នុងទ្វីបមួយ ដែលមានភាពខុសគ្នា និង ភាពចម្រុះនៃពូជសាសន៍, វប្បធម៌, សាសនា, និន្នាការនយោបាយ និង ប្រព័ន្ធសេដ្ឋកិច្ច។ 

សម្តេចតេជោ ហ៊ុន សែន បញ្ជាឱ្យមានការកំណត់ជាថ្មីព្រំប្រទល់តំបន់៣ និងតំបន់២ បឹងទន្លេសាប ដោយផ្អែកលើភាពចាំបាច់ និងជាក់ស្តែង

2022/05/27 10:39:06 am        439
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងសារពិសេសជូនជនរួមជាតិ ស្តីពីបឹងទន្លេសាប នៅព្រឹកថ្ងៃទី២៧ ខែឧសភា ឆ្នាំ២០២២ ដោយបញ្ជាឱ្យមានការកំណត់ជាថ្មីព្រំប្រទល់តំបន់៣ និងតំបន់២ បឹងទន្លេសាប ដោយផ្អែកលើភាពចាំបាច់ និងជាក់ស្តែង។សម្តេចតេជោ ហ៊ុន សែន បានបញ្ជាក់ថា បឹងទន្លេសាប មានវិសាលភាពធំទូលាយគ្របដណ្តប់លើខេត្តកំពង់ឆ្នាំង, ពោធិ៍សាត់, បាត់ដំបង,បន្ទាយមានជ័យ,សៀមរាប និងកំពង់ធំ ដែលមានការលំបាកក្នុងគ្រប់គ្រង ទាមទារឱ្យមានកិច្ចសហការខ្ពស់ ដើម្បីរក្សាផ្ទៃដីព្រៃលិចទឹកបឹងទន្លេសាបធានានិរន្តរភាពជីវចម្រុះ។សម្តេចតេជោ ហ៊ុន សែន បន្តថា ដើម្បីការពារផ្ទៃដីព្រៃលិចទឹកបឹងទន្លេសាប ទាមទារឱ្យមានការបែងចែកជាតំបន់៣,តំបន់២ និងតំបន់១ ដែលតំបន់ទាំងនោះមានកម្រិត នៃការគ្រប់គ្រងដាច់ដោយឡែកពីគ្នា តែមានគោលដៅរួម គឺការពារការទន្ទ្រានកាន់កាប់តំបន់ហាមឃាត់ព្រៃលិចទឹកដោយខុសច្បាប់។សម្តេចតេជោ ហ៊ុន សែន បានចេញបទបញ្ជាឱ្យឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ សហការជាមួយអាជ្ញាធរដែនដី ធ្វើការកែសម្រួលព្រំប្រទល់ តំបន់៣ និងតំបន់២ ដើម្បីធានាការរស់នៅ និងអាស្រ័យផលរបស់ប្រជាពលរដ្ឋ ដែលតាំងទីលំនៅជាច្រើនឆ្នាំមកហើយនៅតំបន់នោះ។សម្តេចតេជោ ហ៊ុន សែន បានដាក់ចេញបទបញ្ជាដល់ឯកឧត្តមឧបនាយករដ្ឋមន្ត្រី ជា សុផារ៉ា ពិនិត្យស្រាវជ្រាវបន្ថែមទៀតពីការកំណត់ព្រំប្រទល់តំបន់៣ និងតំបន់២ ដោយឈរលើគោការណ៍ចំនួន៣ ក្នុងនោះរួមមាន៖ ១/ ពិនិត្យ និងពិចារណា លើភាពជាក់ស្តែងរបស់ប្រជាពលរដ្ឋ នៃភូមិសាស្ត្រនីមួយៗ ដូចជា ភូមិដ្ឋាន, សាលារៀន,អគាររដ្ឋបាលឃុំ ឬវត្តអារាមជាដើម ២/ ត្រូវមានការកែសម្រួលតំបន់២ និងតំបន់៣ឡើងវិញ លើស្ថានភាពជាក់ស្តែង និងភាពសមហេតុសមផលដើម្បីការពារតំបន់ព្រៃលិចទឹក ៣/ អាជ្ញាធរបឹងទន្លេសាបត្រូវសហការជាមួយក្រសួងធនធានទឹក និងឧតុនិយម ,ក្រសួងកសិកម្ម រុក្ខាប្រមាញ់ និងនេសាទ និងខេត្តទាំង៦ជុំវិញបឹងទន្លេសាប អំពីភាពចាំបាច់ដែលត្រូវបូមស្តារតំបន់ដែលមានការគោករាក់។សម្តេចតេជោ ហ៊ុន សែន បានបញ្ជាក់ថា ទន្ទឹមនឹងការស្រាវជ្រាវជាក់ស្តែងលើការកំណត់ព្រំប្រទល់តំបន់៣ និងតំបន់២ រាជរដ្ឋាភិបាលបានធ្វើការកែសម្រួល ដោយកាត់ចេញក្បាលដីជាច្រើនហិកតាពីតំបន់៣ មកកាន់តំបន់២ នៅក្នុងភូមិសាស្ត្រខេត្តកំពង់ធំ,បន្ទាយមានជ័យ និងពោធិ៍សាត់ ជូនដល់ប្រជាពលរដ្ឋអាស្រ័យផល៕

ទីភ្នាក់ងារ​គ្រប់គ្រង​ជំងឺឆ្លង​អឺរ៉ុប​និយាយ​ថា ករណី​ឆ្លង​ជំងឺ​អុត​ស្វា​កើន​ឡើង​ជាង​ ២០០​ករណី​នៅ​ទូទាំង​ពិភពលោក​

2022/05/26 12:20:27 pm        2252
Facebook Telegram Linkin
​អឺរ៉ុប៖ យោង​តាម​ការ​ធ្វើ​បច្ចុប្បន្នភាព​ដែល​ចេញផ្សាយ​ ដោយ​ទីភ្នាក់ងារ​គ្រប់គ្រង​ជំងឺឆ្លង​របស់​សហភាព​អឺរ៉ុប ចំនួន​ករណី​ឆ្លង​ជំងឺ​អុត​ស្វា (monkeypox) បាន​កើន​ឡើង​ដល់ ២១៩​ករណី​នៅ​ខាង​ក្រៅ​ប្រទេស​នានា​ ជាទី​ដែល​វីរុស​នេះ​បាន​ឆ្លង​រាលដាល​។​ ​មជ្ឈមណ្ឌល​បង្ការ និង​គ្រប់គ្រង​ជំងឺឆ្លង​អឺរ៉ុប (ECDC) បាន​និយាយ​នៅ​ក្នុង​កំណត់​រោគវិនិច្ឆ័យ​ជំងឺ​រាត​ត្បាត​ ដែល​បាន​ចេញ​ផ្សាយ​កាលពី​យប់​ថ្ងៃ​ពុធ ទី២៥ ឧសភា​ថា ប្រទេស​ជាង​ ១០ ​ដែល​មាន​ករណី​ឆ្លង​ជំងឺ​អុត​ស្វា​ខុស​ពី​ធម្មតាភាគច្រើន​នៅ​អឺរ៉ុប​ បាន​រាយការណ៍​ពី​ករណី​ដែល​បាន​បញ្ជាក់​យ៉ាង​ហោច​ណាស់​មួយ​ករណី​។​ កំណត់​រោគវិនិច្ឆ័យ​ខាងលើ​និយាយ​ថា នេះ​គឺជា​លើកដំបូង​ដែល​ការ​ឆ្លង​ជា​ប្រព័ន្ធ​ត្រូវ​បាន​រាយការណ៍​នៅ​ក្នុង​តំបន់​អឺរ៉ុប ដោយ​ពុំ​បាន​ដឹង​ពី​ទំនាក់ទំនង​នៃ​ជំងឺឆ្លង​ទៅកាន់​លោក​ខាង​លិច ឬ​អាហ្វ្រិក​កណ្ដាល ជាទី​ដែល​ជំងឺ​នេះ​គឺជា​ជំងឺឆ្លង​។​ប្រភព​ដដែល​បាន​បន្ថែម​ថា ភាគច្រើន​នៃ​ករណី​ឆ្លង​ត្រូវ​បាន​រក​ឃើញ​លើ​បុរស​វ័យក្មេង ដែល​ក្រុម​ប្រុស​រួមភេទ​ជាមួយ​បុរស​ដូចគ្នា​។ ​ចក្រភព​អង់គ្លេស​ជាទី​ដែល​ផ្ទុះឡើង​នូវ​ជំងឺ​អុត​ស្វា​ដ៏​កម្រ ត្រូវ​បាន​រក​ឃើញ​ជា​លើកដំបូង​កាលពីដើម​ខែ​ឧសភា បច្ចុប្បន្ន​មានការ​បញ្ជាក់​ថាមាន​ករណី​ឆ្លង​ដ៏​ច្រើន​បំផុត​ដល់​ទៅ​ ៧១​នាក់​។ ​បន្ទាប់មក​គឺ​ប្រទេស​អេ​ស្ប៉ា​ញ​ដែល​មាន​ករណី​ឆ្លង ៥១​នាក់ និង​ព័រ​ទុយ​ហ្គា​ល់ ៣៧​នាក់​។ ​ក្រៅពី​តំបន់​អឺរ៉ុប ប្រទេស​កាណាដា​មាន ១៥​ករណី ហើយ​សហរដ្ឋអាមេរិក​មាន ៩​ករណី​៕អត្ថបទ៖ សុខមាន

ទួរគី​៖ ហ្វាំ​ង​ឡង់ និង​ស៊ុយអែតមិន​អាច​ចូល​ជា​សមាជិក​ណា​តូ​បាន​ឡើយ ​ដរាបណា​ក្ដី​បារម្ភ​របស់​ខ្លួន​ត្រូវ​បាន​ដោះស្រាយ

2022/05/26 11:07:54 am        635
Facebook Telegram Linkin
​ទួរគី៖ កាសែត Cumhuriyet របស់​ប្រទេស​ទួរគី​បាន​រាយការណ៍​ថា ការចរចា​រវាង​ក្រុម​មន្ត្រី​ទួរគី និង​ក្រុម​គណៈប្រតិភូ​មកពី​ប្រទេស​ស៊ុយអែត និង​ហ្វាំ​ង​ឡង់ ​ស្ដីពី​ការ​ចូល​ជា​សមាជិកភាព​សម្ព័ន្ធ​យោធា​ណា​តូ របស់​រដ្ឋ​ស្ថិតនៅ​អឺរ៉ុប​ខាងជើង​ទាំង​២ បាន​ចាប់ផ្ដើម​នៅ​វិមាន​ប្រធានាធិបតី​ក្នុង​ទីក្រុង​អង់កា​រ៉ាកាលពី​ថ្ងៃ​ពុធ​។ ​កាសែត​នេះ​បាន​និយាយ​ថា នៅ​ជំនួប​ចរចា​នោះ ប្រទេស​ទួរគី​ត្រូវ​បាន​តំណាង​ដោយ​អ្នកនាំពាក្យ​ប្រធានាធិបតី​គឺ​លោក Ibrahim Kalin និង​អនុរដ្ឋមន្ត្រី​ការបរទេស​លោក Sedat Onal​។ ​កាលពី​ថ្ងៃ​ទី​១៨ ខែ​ឧសភា​កន្លង​ទៅ​នេះ ឯកអគ្គរដ្ឋទូត​ហ្វាំ​ង​ឡង់ និង​ស៊ុយអែត​ប្រចាំ​អង្គការ​ណា​តូ​លោក Klaus Korhonen និង​លោក Axel Vernhoff បាន​ប្រគល់​ពាក្យ​សុំ​ចូល​ជា​សមាជិក NATO របស់​ប្រទេស​របស់​ពួកគេ​ដល់​អគ្គលេខាធិការ​នៃ​សម្ព័ន្ធ​ភាព​លោក Jens Stoltenberg។ ​ថ្លែង​នៅ​ក្នុង​កិច្ចប្រជុំ​កំពូល​នៃ​អង្គការ​សន្ធិសញ្ញា​សន្តិសុខ​រួម​នៅ​ទីក្រុង Moscow កាលពី​ថ្ងៃ​ទី១៦ ឧសភា លោក​ប្រធានាធិបតី​រុស្ស៊ី ​Vladimir Putin said បាន​និយាយ​ថា ​ទីក្រុង Moscow នឹង​សងសឹក​លើ​ការពង្រីក​ហេដ្ឋារចនាសម្ព័ន្ធ​យោធា​របស់​ណា​តូ​ទៅកាន់​ហ្វាំ​ង​ឡង់ និង​ស៊ុយអែត​។​​ជាមួយគ្នា​នោះ​ដែរមេដឹកនាំ​រុស្ស៊ី​បាន​លើក​ឡើង​ថា ការ​ស្វាគមន៍​របស់​ណា​តូ​ចំពោះ​ហ្វាំ​ង​ឡង់ និង​ស៊ុយអែតនឹង​មិន​បង្ក​ឲ្យ​មានការ​គំរាម​ដោយ​ផ្ទាល់​មក​លើ​រុស្ស៊ី​ទេ ព្រោះ​ទីក្រុង Moscow គ្មាន​បញ្ហា​អ្វី​ជាមួយ​ប្រទេស​ទាំង​នោះ​ទេ។​ ក្រោយ​ការចរចា​ក្នុង​ទីក្រុង​អង់កា​រ៉ា​កាលពី​ថ្ងៃ​ពុធ អ្នកនាំពាក្យ​រដ្ឋាភិបាល​ទួរគី​លោក Ibrahim Kalin បាន​ប្រាប់​ក្រុម​អ្នកសារព័ត៌មាន​ថា រដ្ឋាភិបាល​របស់​លោក​នឹង​មិន​អនុញ្ញាត​ឲ្យ​ប្រទេស​ហ្វាំ​ង​ឡង់ និង​ស៊ុយអែត​ចូល​ជា​សមាជិក​សម្ព័ន្ធ​ណា​តូ​ទេ ដរាបណា​ក្ដី​កង្វល់​ដ៏​ធំ​ផ្នែក​សន្តិសុខ​របស់​ទួរគី​ជុំវិញ​អំពើ​ភេរវកម្ម និង​ទណ្ឌកម្ម​ត្រូវ​បាន​ដោះស្រាយ​៕អត្ថបទ៖ សុខមាន

អ៊ុយ​ក្រែ​ន​រិះគន់​លោក Henry Kissinger ដែល​និយាយ​ថា ​ប្រទេស​នេះ​ត្រូវ​ប្រគល់​ដី​ឲ្យ​រុស្ស៊ី​ដើម្បី​បញ្ចប់​ជម្លោះ

2022/05/26 10:30:36 am        2960
Facebook Telegram Linkin
អ៊ុយក្រែន៖ រដ្ឋបុរស​អាមេរិក​លោក Henry Kissinger បាន​និយាយ​ថា អ៊ុយ​ក្រែ​ន​គួរតែ​លះបង់​ទឹកដី​ទៅ​ឲ្យ​រុស្ស៊ី​ដើម្បី​បញ្ចប់​ការ​លុកលុយ ហើយ​លោក​ខាង​លិច​គួរតែ​ចៀសវាង​ការស្វែងរក​ការ​បរាជ័យ​ដ៏​អាម៉ាស់​សម្រាប់​រុស្ស៊ី ព្រោះ​វា​នឹង​ធ្វើ​ឲ្យ​មាន​អស្ថិរភាព​ដល់​សណ្ដាប់ធ្នាប់​ពិភពលោក​។ ​អតីត​រដ្ឋមន្ត្រី​ការបរទេស​សហរដ្ឋអាមេរិក​សម័យ​សង្គ្រាម​វៀតណាម​វ័យ​ ៩៨​ឆ្នាំ​រូប​នេះ​បាន​និយាយ​នៅ​ក្នុង​សន្និសីទ​មួយ​ក្នុង​វេទិកា​សេដ្ឋកិច្ច​ពិភពលោក​ក្នុង​ទីក្រុង Davos ប្រទេស​ស្វី​ស​។ ​លោក Kissinger បាន​រំលឹក​លោក​ខាង​លិច​ពី​ទីតាំង​របស់​រុស្ស៊ី​នៅ​ក្នុង​តុល្យភាព​អំណាច​អឺរ៉ុប ហើយ​បាន​បង្ហើប​ថា អ៊ុយ​ក្រែ​ន​ត្រូវតែ​ចូល​មក​តុ​ចរចា​ក្នុង​ពេល​ឆាប់ៗ​នេះ​។ ​សារព័ត៌មាន The Telegraph បាន​ដកស្រង់​សម្តី​របស់​លោក​ថា ការចរចា​ត្រូវ​ចាប់ផ្តើម​ក្នុង​រយៈពេល​ពីរ​ខែ​ខាងមុខ មុន​ពេល​ស្ថាន​ការណ៍​បង្កើត​ឲ្យ​មាន​ភាព​ចលាចល​កាន់​តែ​ខ្លាំង និង​ភាព​តានតឹង​ដែល​នឹង​មិនអាច​ដោះស្រាយបាន​ដោយ​ងាយ​។ តាម​ឧត្ដមគតិ បន្ទាត់​បែងចែក​គួរតែ​ជា​ការ​ត្រលប់​ទៅ​ស្ថានភាព​ដើម​វិញ​។ ការ​រុញ​ឲ្យ​សង្គ្រាម​ឈាន​ហួស​ចំណុច​នោះ នឹង​មិនមែន​និយាយ​ពី​សេរីភាព​អ៊ុយ​ក្រែ​ន​ទេ ប៉ុន្តែ​ជា​សង្គ្រាម​ថ្មី​ប្រឆាំង​នឹង​រុស្ស៊ី​ខ្លួនឯង​។​ស្ថានភាព​ដែល​មាន​ពីមុខ​ស្រាប់​សំដៅ​លើ​ការ​ស្ដារ​ស្ថានការណ៍​ឡើងវិញ នៅ​ពេល​ដែល​រុស្ស៊ី​បាន​គ្រប់គ្រង​តំបន់គ្រី​​មៀ​ជា​ផ្លូវការ និង​បាន​កាន់កាប់​ក្រៅផ្លូវការ​លើ​តំបន់​ភាគ​ខាងកើត​ទាំង២ ​របស់​អ៊ុយ​ក្រែ​ន​គឺ Luhansk និង Donetsk។ ​ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​និយាយ​រួច​មក​ហើយ​ថា ផ្នែក​មួយ​នៃ​លក្ខខណ្ឌ​របស់​លោក​ សម្រាប់​ការ​ចាប់ផ្តើម​កិច្ចចរចា​សន្តិភាព​ជាមួយ​រុស្ស៊ី គឺជា​ការ​ស្ដារ​ឡើងវិញ​នូវ​ព្រំដែន​មុន​ពេល​មានការ​វាយលុក​។ ​កាលពី​ថ្ងៃ​ពុធ​ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​ច្រានចោល​យ៉ាង​ដាច់អហង្ការ​ចំពោះ​លោក​ខាង​លិច​ ដែល​បាន​ស្នើ​ឲ្យ​អ៊ុយ​ក្រែ​ន​បោះបង់​ការគ្រប់គ្រង​លើ​តំបន់ ​ដែល​កាន់កាប់​ដោយ​កងកម្លាំង​រុស្ស៊ី​ជា​ថ្នូរ​នឹង​កិច្ចព្រមព្រៀង​សន្តិភាព​៕អត្ថបទ៖ សុខមាន

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូមកដល់ប្រទេសកម្ពុជាវិញដោយសុវត្ថិភាព

2022/05/26 07:35:55 am        603
Facebook Telegram Linkin
ភ្នំពេញ៖នៅព្រឹកថ្ងៃទី២៦ ខែឧសភា ឆ្នាំ២០២២ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជាត្រឡប់មកដល់ប្រទេសកម្ពុជាវិញដោយសុវត្ថិភាពហើយ បន្ទាប់ពីបានអញ្ជើញទៅចូលរួមកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោក(WEF) នៅទីក្រុងដាវ៉ូស (Davos) ប្រទេសស្វីស រយៈពេល៥ថ្ងៃ។ ជាលទ្ធផលនៃកិច្ចប្រជុំវេទិកាសេដ្ឋកិច្ចពិភពលោកនៅទីក្រុងដាវ៉ូស ប្រទេសស្វីស គឺទទួលបានលទ្ធផលជោគជ័យយ៉ាងត្រចះត្រចង់ ដោយក្នុងនោះសម្តេចតេជោនាយករដ្ឋមន្ត្រី បានអញ្ជើញថ្លែងសុន្ទរកថា ប្រកបដោយអត្ថន័យខ្លឹមសារនៅក្នុងពិធីបិទកិច្ចពិភាក្សាជាមួយភាគីពាក់ព័ន្ធក្រោមប្រធានបទ “ទស្សនវិស័យយុទ្ធសាស្ត្រលើអាស៊ាន” និងប្រធានបទ «ការស្តារសន្តិភាព និងសណ្តាប់ធ្នាប់ឡើងវិញ»។ក្រៅពីអញ្ជើញចូលរួមក្នុងវេទិកានេះ សម្តេចតេជោនាយករដ្ឋមន្ត្រី ក៏បានជួបពិភាក្សាការងារជាមួយថ្នាក់ដឹកនាំវេទិកាសេដ្ឋកិច្ចពិភពលោក ឥស្សរជននយោបាយ និងធុរជនពិភពលោកជាច្រើនទៀតផងដែរ។ជាមួយគ្នានោះ សម្តេចតេជោនាយករដ្ឋមន្ត្រី ក៏បានជួបសំណេះសំណាលជាមួយបងប្អូនជនរួមជាតិខ្មែរ ដែលរស់នៅប្រទេសស្វីស និងបណ្តាប្រទេសក្នុងតំបន់អឺរ៉ុបជាច្រើននាក់ផងដែរ ដែលនេះបង្ហាញពីទឹកចិត្តគោរពស្រឡាញ់រាប់អានចំពោះសម្ដេចតេជោ ចំពោះរាជរដ្ឋាភិបាល ក្រោមការដឹកនាំរបស់គណបក្សប្រជាជនកម្ពុជា ដែលធ្វើឲ្យប្រទេសជាតិទទួលបាននូវសុខសន្តិភាព៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់​ថា នឹងធ្វើកិច្ចចរចាជាមួយកាតា ជុំវិញ​ទ្រព្យសម្បត្តិដែលត្រូវបានបង្កក
06/30/2026 08:06 PM
Facebook Telegram Linkin
អគារផ្ទះល្វែងមួយ ​ដួលរលំ នៅទីក្រុងអាតែន​របស់​ក្រិក​ ខណៈ​ក្រុមអ្នកជួយសង្គ្រោះស្វែងរកអ្នកជាប់ក្នុង​នោះ​
06/30/2026 08:06 PM
Facebook Telegram Linkin
កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកប​ដោយ​ការ​ស្ថាបនា» អំពីទាហាន​កូរ៉េខាងជើង
06/30/2026 08:06 PM
Facebook Telegram Linkin
នាយករដ្ឋមន្ត្រី​ជប៉ុន ស្វែងរកទំនាក់​ទំនង​កាន់តែស៊ីជម្រៅជាមួយ​ឥណ្ឌា លើផ្នែក​​ពាណិជ្ជកម្ម និងសន្តិសុខ
06/30/2026 07:06 PM
Facebook Telegram Linkin
មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិត​​នៅ​កាតា តែ​គ្មាន​ជំនួប​ជាមួយអ៊ីរ៉ង់ទេ
06/30/2026 07:06 PM
Facebook Telegram Linkin
ទីភ្នាក់ងារពាណិជ្ជកម្ម UN៖ វិបត្តិ​​ច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេល​យូរ
06/30/2026 07:06 PM
Facebook Telegram Linkin
លោក Zelenskyy៖ អ៊ុយក្រែនវាយប្រហារជាលើកទី ២ លើ​ទីតាំងផ្កាយរណប Dubna របស់រុស្ស៊ី
06/30/2026 07:06 PM
Facebook Telegram Linkin
ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬ​បំផ្លាញ នៅវ៉េណេស៊ុយអេឡា
06/30/2026 07:06 PM
Facebook Telegram Linkin
កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក
06/30/2026 06:06 PM
Facebook Telegram Linkin
រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង
06/30/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.