នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម
សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

សម្តេចតេជោ ហ៊ុន សែន នាយករដ្ឋមន្រ្តី អញ្ជើញចូលរួមរាត្រីសមោលសកម្ពុជា

2022/05/25 09:03:44 am        543
Facebook Telegram Linkin
ភ្នំពេញ៖ នៅរាត្រីថ្ងៃទី២៤ ខែឧសភា ឆ្នាំ២០២២ អ្នកឧកញ៉ាសៀ ឬទ្ធី ប្រធានក្រុមប្រឹក្សាភិបាល នៃក្រុមហ៊ុន វើលដ៏ប្រ៊ីដ គ្រុប បានរៀបចំរាត្រីសមោលសកម្ពុជា (Cambodia Night) ដើម្បីបង្ហាញពីផលិតផលខ្មែរ ពិសេសមុខម្ហូបខ្មែរចំនួន១១មុខ ជូនដល់វាគ្មិនអន្តរជាតិ ដែលបានអញ្ជើញចូលរូមកិច្ចប្រជុំកំពូល នៃវេទិការពិភពលោក ឆ្នាំ២០២២ នៅទីក្រុងដាវ៉ូស ប្រទេសស្វីស។ពិធីដ៏មានអត្ថន័យនោះត្រូវបានការអញ្ជើញជាអធិបតីដ៏ខ្ពង់ខ្ពស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ព្រមទាំងវត្តមាន ឯកឧត្តម លោកជំទាវ ជាឥស្សរជនរាជរដ្ឋាភិបាលកម្ពុជា និងវាគ្មិននៃវេទិកាពិភពលោកជាច្រើនរូប ។ អ្នកឧកញ៉ាសៀ ឬទ្ធី មានប្រសាសន៍ថា ចាប់តាំងពីប្រទេសកម្ពុជា បានចូលជាសមាជិកអង្គការពាណិជ្ជកម្មពិភពលោក (WTO) ក្នុងឆ្នាំ២០០៤ ប្រទេសកម្ពុជាបានដើរលើមាគ៌ាយ៉ាងស្វាហាប់ទាំងក្នុងតំបន់ និងពិភពលោក ជាពិសេសកិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីកម្ពុជា សាធារណរដ្ឋកូរ៉េ ពិតជាមានតម្លៃមិនអាចកាត់ថ្លៃបាន។អ្នកឧកញ៉ា មានប្រសាសន៍បន្តថា ភាពជាដៃគូគ្រប់ជ្រុងក្នុងតំបន់ (RCEP) ដែលទើបតែចូលជាធរមាននៅឆ្នាំ២០២២នេះ ត្រូវបានរំពឹងថានឹងជំរុញទំនុកចិត្តផ្នែកសេដ្ឋកិច្ចរបស់ប្រទេស និងនាំមកនូវការវិនិយោគដោយផ្ទាល់ ពីបរទេសថ្មីៗ បន្ថែមទៀត។ជាមួយនិងលទ្ធភាពទាំងអស់នោះ កម្ពុជាគឺជាប្រទេសមួយក្នុងចំណោមប្រទេសដែលមានសេដ្ឋកិច្ចទីផ្សារសេរី រីកចម្រើនក្នុងតំបន់។ អ្នកឧកញ៉ាប្រធានក្រុមហ៊ុនមានប្រសាសន៍បន្តថា ក្នុងនាមធុរជនកម្ពុជា អ្នកឧកញ៉ាពិតជាមានមោទនភាពចំពោះអ្វីៗ ដែលប្រទេសកម្ពុជាសំរេចបាន ក្រោមការដឹកនាំប្រកបដោយគតិបណ្ឌិត និងប៉ិនប្រសព្វ និងចក្ខុវិស័យវែងឆ្ងាយរបស់សម្តេចតេជោ។ ប្រទេសកម្ពុជាមានស្ថិរភាព មានការគាំទ្រអាជីវកម្ម និងគាំទ្រវិស័យ ឯកជន ពិសេសស្វាគមន៍អ្នកវិនិយោគមកពីជុំវិញពិភពលោក។នៅក្នុងកម្មវិធីរាត្រីសមោលសកម្ពុជា (Cambodia Night) អ្នកឧកញ៉ាសៀ ឬទ្ធី ប្រធានក្រុមប្រឹក្សាភិបាល នៃក្រុមហ៊ុន វើលដ៏ប្រ៊ីដ គ្រុប បានរៀបចំបង្ហាញនូវមុខម្ហូបប្រពៃណីខ្មែរ ចំនួន១១មុខ រួមទាំងផលិតផលខ្មែរជាច្រើនមុខទៀត ដើម្បីបង្ហាញជូនដល់វាគ្មិនអន្តរជាតិ នានា បានភ្លក់នូវរស់ជាតិពិតៗ នៃម្ហូបប្រពៃណីខ្មែរ ដូចជានំបញ្ចុក សម្លកកូរ អាម៉ុក បង្អែម ខ្មែរ និងភេសជ្ជៈផលិតក្នុងប្រទេសកម្ពុជា។សម្តេចតេជោនាយករដ្ឋមន្រ្តី ដែលបានភ្លក់នូវរស់ជាតិមុខម្ហូបប្រពៃណីខ្មែរបានសំដែងនូវការកោតសរសើរ ចំពោះអ្នកឧកញ៉ាសៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន វើលដ៏ប្រ៊ីដ គ្រុប ដែលបានរៀបចំនូវរាត្រីសមោលសនេះឡើង ដើម្បីបង្ហាញដល់វាគ្មិនអន្តរជាតិ នៃវេទិកាសេដ្ឋកិច្ចពិភពលោក បានស្វែងយល់ និងភ្លក់នូវមុខម្ហូបប្រពៃណីជាតិ។សម្តេចតេជោនាយករដ្ឋមន្រ្តីបានលើកទឹកចិត្តដល់ក្រសួងពាណិជ្ជកម្ម ក៏ដូចជាអ្នកវិនិយោគទុនរបស់កម្ពុជា ត្រូវតែបង្កើននូវភាពប្រកួត ប្រជែងជាមួយនិងទីផ្សារអន្តរជាតិ អំពីផលិតផលខ្មែរ ពិសេសមុខម្ហូបប្រពៃណីជាតិ លើ គ្រប់វេទិកាអន្តរជាតិនានា ទាំងក្នុងតំបន់ និងពិភពលោក។អ្នកឧកញ៉ា សៀ ឬទ្ធី មានប្រសាសន៍ថា អ្នកឧកញ៉ាពិតជាមានមោទនភាព និងមានកិត្តិយសដ៏ឧត្តុង្គឧត្តម និងសូមណែនាំស្ថាបត្យករ នៃភាពជោគជ័យរបស់កម្ពុជា និងជាប្រមុខនៃរាជរដ្ឋាភិបាល ដែលបានធ្វើឲ្យកម្ពុជាមានការរីកចំរើន អភិវឌ្ឍ និងមានកំណើនដ៏អស្ចារ្យនោះ គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាស៊ានប្តូរវេន ឆ្នាំ២០២២។  

ក្រសួងសុខាភិបាល៖ ជំងឺអុតស្វា (Monkeypox )ត្រូវបានរកឃើញជាបន្តបន្ទាប់លើប្រទេសប្រមាណជា ១៩ ទូទាំងពិភពលោក

2022/05/25 08:46:15 am        238
Facebook Telegram Linkin
ភ្នំពេញ៖ ក្រសួងសុខាភិបាលប្រកាសណែនាំ លើវិធានការមួយចំនួនការពារជាមុននូវការចម្លងជំងឺអុតស្វា (Monkeypox ) ដែលកំពុងផ្ទុះឡើងនៅតំបន់អឺរ៉ុប និងបន្តឆ្លងយ៉ាងឆាប់រហ័ស នៅបណ្តាប្រទេសប្រមាណ ១៩ជាបន្តបន្ទាប់។

សម្ដេចតេជោ ហ៊ុន សែន ទទួលជួបពិភាក្សាការងារជាមួយ ស្ថាបនិកនិងប្រធានវេទិកាសេដ្ឋកិច្ចពិភពលោក

2022/05/24 07:13:55 pm        460
Facebook Telegram Linkin
ភ្នំពេញ៖ នៅព្រឹកថ្ងៃទី២៤ ខែឧសភា ឆ្នាំ ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោកសាស្ត្រាចារ្យ ក្លោស ឆ្វាប់ (Klaus Schwab) ស្ថាបនិក និងជាប្រធានវេទិកាសេដ្ឋកិច្ចពិភពលោក។នៅក្នុងជំនួបនេះ លោកសាស្ត្រាចារ្យ Klaus Schwab បានស្វាគមន៍សម្ដេចតេជោ ហ៊ុន សែន ដែលបានអញ្ជើញមកកាន់ទីក្រុងដាវ៉ូសប្រទេសស្វីសនៅពេលនេះ។ លោក ក៏បានអរគុណសម្ដេចតេជោដែលបានចូលរួមក្នុងវេទិកាសេដ្ឋកិច្ចពិភពលោកឆ្នាំ២០២២នេះ។ជាការឆ្លើយតប សម្ដេចតេជោ ហ៊ុន សែន មានប្រសាសន៍អរគុណចំពោះលោកសាស្ត្រាចារ្យ ដែលបានចំណាយពេលវេលាក្នុងជំនួបនាព្រឹកនេះ។ នៅក្នុងឱកាសនេះ សម្ដេចតេជោបានស្នើអញ្ជើញលោកសាស្ត្រាចារ្យ Klaus Schwab ដើម្បីអញ្ជើញចូលរួមក្នុងកិច្ចសន្ទនា អាស៊ានពិភពលោកលើកទី២ ដែលគ្រោងធ្វើនៅកម្ពុជា នៅខែវិច្ឆិកា ឆ្នាំ ២០២២ខាងមុខនេះ។សម្តេចតេជោបានមានប្រសាសន៍ថាកាលពីឆ្នាំ២០១២ ពេលដែលកម្ពុជាធ្វើជាប្រធានអាស៊ាននោះ កម្ពុជាក៏បានរៀបចំវេទិកាសន្ទនាអាស៊ានពិភពលោកទី១ដែរ ដែលកាលនោះ មានការចូលរួមពីប្រធានស្ថាប័ន មួយចំនួនដូចជា IMF ធនាគារពិភពលោក និងធនាគារអភិវឌ្ឍន៍អាស៊ី ជាដើម។ ហើយលើកនេះកិច្ចសន្ទនាអាស៊ានពិភពលោក ដែលគ្រោងធ្វើនៅខែវិច្ឆិកាឆ្នាំ២០២២នោះ សម្ដេចតេជោសូមអញ្ជើញលោកសាស្ត្រាចារ្យ ដើម្បីចូលរួមនៅក្នុងកិច្ចប្រជុំនោះ។សម្ដេចតេជោបានមានប្រសាសន៍ថា ដោយសារវេទិកាសេដ្ឋកិច្ចពីពិភពលោក គឺមានចំនុចជាច្រើនដែលធ្វើការងារប្រទាក់ក្រឡាគ្នាដែលបម្រើនូវផលប្រយោជន៍ដល់អាស៊ាន។ជាការឆ្លើយតប លោកសាស្ត្រាចារ្យKlaus Schwab បានមានប្រសាសន៍ថា គាត់ពិតជាអរគុណសម្ដេចតេជោដែលបានអញ្ជើញលោក ពីព្រោះវេទិកាសេដ្ឋកិច្ចពិភពលោកចាត់ទុកអាស៊ានពិតជាមានសារសំខាន់ណាស់ សម្រាប់វេទិកាសេដ្ឋកិច្ចពិភពលោក ហើយជាពិសេសលោកក៏បានគូសបញ្ជាក់ទៀតថា សម្ដេចតេជោនាយករដ្ឋមន្ត្រី គឺនឹងដើរតួនាទីយ៉ាងសំខាន់ព្រោះសម្ដេចជាប្រធានអាស៊ាននៅឆ្នាំនេះ។ លោកសាស្ត្រាចារ្យបានបន្ថែមទៀតថាលោកក៏ត្រូវបានការអញ្ជើញពីក្រុមប្រទេសG20 ផងដែរ ដើម្បីចូលរួមកិច្ចប្រជុំ G20 នៅប្រទេសឥណ្ឌូនេស៊ីផងដែរ។លោកបានបញ្ជាក់ថានេះគឺជាឱកាសដ៏ល្អ សម្រាប់លោកទៅទស្សនកិច្ចនៅប្រទេសកម្ពុជា ក្នុងការឃើញពីវឌ្ឍនភាព ភាពរីកចំរើនរបស់ប្រទេសកម្ពុជាផងដែរ។សម្តេចតេជោនាយករដ្ឋមន្ត្រីបានមានប្រសាសន៍ថាពេលដែលលោកសាស្ត្រាចារ្យមកកាន់ប្រទេសកម្ពុជា នឹងបានឃើញពីការរីកចម្រើនរបស់ប្រទេសកម្ពុជា ក្រោយពេលដែលប្រទេសកម្ពុជាទទួលរងនូវការខ្ទេចខ្ទាំដោយសារសង្គ្រាម ដូច្នេះលោកសាស្ត្រាចារ្យ នឹងបានឃើញផ្ទាល់ពីការអភិវឌ្ឍរបស់ប្រទេសកម្ពុជាក្រោយទទួលបាននូវសុខសន្តិភាពនោះ។លោកសាស្ត្រាចារ្យ ប្រធានវេទិកាសេដ្ឋកិច្ចពិភពលោក បានបន្ថែមទៀតថា លោកក៏ចង់ឃើញនូវការបង្កើត នូវមជ្ឈមណ្ឌលមួយដែលបង្កើតដោយវេទិកាសេដ្ឋកិច្ចពិភពលោក ដែលកន្លងមកបានធ្វើនៅតាមបណ្ដាប្រទេសជាច្រើន ដូចជានៅអាមេរិក ចិន និងជប៉ុន ជាដើម ហើយលោកមានបំណងថា តាមរយៈមជ្ឈមណ្ឌលនេះនឹងអាចទាញផលប្រយោជន៍ពីបដិវត្តន៍ឧស្សាហកម្មទី៤ ដែលត្រូវប្រើប្រាស់នូវបច្ចេកវិទ្យាជាច្រើន។ម្យ៉ាងវិញទៀតតាមរយៈការបង្កើតមជ្ឈមណ្ឌលនេះ នឹងអាចជួយប្រើប្រាស់នូវបច្ចេកវិទ្យាចុងក្រោយបំផុត ដូចដែលបានអនុវត្តតាមបណ្ដាប្រទេសផ្សេងទៀត ដូចជាការអនុវត្តប្រើប្រាស់ត្រូន ដឹកជញ្ជូនថ្នាំពេទ្យជាបន្ទាន់ទៅទីតាំងដាច់ស្រយាល ត្រូនប្រើក្នុងវិស័យកសិកម្ម ជាដើម។ ហើយក៏មានការងារមួយចំនួនទៀតដែលប្រើប្រាស់បច្ចេកវិទ្យាជាមួយនឹងប្រព័ន្ធធនាគារផងដែរ។ ឯកឧត្តមរំពឹងថាយើងនឹងអាចធ្វើការជាមួយគ្នា ហើយនឹងអាចចុះកិច្ចព្រមព្រៀងមួយរវាងកម្ពុជា និងវេទិកាសេដ្ឋកិច្ចពិភពលោកនាពេលខាងមុខនេះ ជាពិសេសនៅពេលដែលលោកសាស្ត្រាចារ្យអញ្ជើញមកកាន់ព្រះរាជាណាចក្រកម្ពុជាតែម្ដង។ជាការឆ្លើយតប សម្ដេចតេជោ ហ៊ុន សែន បានមានប្រសាសន៍ថា សម្ដេចនឹងចាត់ឲ្យមន្ត្រីទទួលបន្ទុក ធ្វើការងារនេះ ជាមួយនឹងខាងមន្ត្រីនៃវេទិកាសេដ្ឋកិច្ចពិភពលោក៕

ឯកឧត្តមទេសរដ្ឋមន្ត្រី លី ធុជ ស្នើឱ្យ​ UN ESCAP ពង្រីកសកម្មភាពគាំទ្រដល់វិស័យឯកជន ផ្តោតជាសំខាន់ទៅលើសហគ្រាសខ្នាតតូចបំផុត តូច និងមធ្យម

2022/05/24 12:27:24 pm        343
Facebook Telegram Linkin
ភ្នំពេញ៖ ឯកឧត្តម ទេសរដ្ឋមន្រ្តី លី ធុជ ប្រធានគណៈកម្មាធិការជាតិអេស្កាប់ បានជួបទេ្វភាគីជាមួយ លោកស្រី Armida Salsiah Alisjahbana អគ្គលេខាធិការរងអង្គការសហប្រជាជាតិ និងជាប្រធាន UN ESCAP នៅថ្ងៃទី ២៤ ខែឧសភា ឆ្នាំ ២០២២ ដើម្បីសម្តែងការគួរសម និងពង្រឹងនិងពង្រីកកិច្ចសហប្រតិបត្តិការ ជាពិសេសទៅលើវិស័យមីនដែលជាគោលដៅទី១៨ “កម្ពុជាគ្មានគ្រាប់មីន និងសំណល់ជាតិផ្ទុះពីសង្រ្គាម” នៃក្របខ័ណ្ឌគោលដៅអភិវឌ្ឍប្រកបដោយចីរភាពកម្ពុជាឆ្នាំ ២០១៦-២០៣០ ដែលយើងប្តេជ្ញាចិត្តថា “មិនឲ្យនៅសេសសល់ដីដែលមានការគម្រាមដោយសារសំណល់ជាតិផ្ទុះពីសង្រ្គាម”។ឯកឧត្តមទេសរដ្ឋមន្រ្តី លី ធុជ​ បានលើកឡើងអំពីកិច្ចសហប្រតិបត្តិការបច្ចុប្បន្នរវាងកម្ពុជា និង UN ESCAP នៅក្នុងវិស័យជាច្រើន មានដូចជា (១)អភិវឌ្ឍន៍សង្គម (២)ពាណិជ្ជកម្ម វិនិយោគ និងនវានុវត្តន៍ (៣)ស្ថិតិ (៤)បរិស្ថាន និងអភិវឌ្ឍន៍ (៥) គោលនយោបាយម៉ាក្រូសេដ្ឋកិច្ច និងហិរញ្ញប្បទានសម្រាប់អភិវឌ្ឍន៍ (៦)បច្ចេកវិទ្យាព័ត៌មាន និងទំនាក់ទំនង និងការគ្រប់គ្រងគ្រោះមហន្តរាយ (៧)ដឹកជញ្ជូន និង (៨)ថាមពល ជាដើម។ឯកឧត្តមបានស្នើសុំជាពិសេសឲ្យ UN ESCAP ពង្រីកសកម្មភាពគាំទ្រដល់វិស័យឯកជន ដែលផ្តោតជាសំខាន់ទៅលើសហគ្រាសខ្នាតតូចបំផុត តូច និងមធ្យម, ពិចារណាផ្តល់ ឱកាសដល់មន្រ្តីវ័យក្មេងកម្ពុជា មកហាត់ការនៅអគ្គលេខាធិការដ្ឋាន UN ESCAP ហើយនិងពិចារណាគាំទ្រលើការផ្តល់ជំនួយបច្ចេកទេសដល់វិស័យសកម្មភាពមីននៅកម្ពុជា ដែលរាជរដ្ឋាភិបាលបានដាក់កំណត់ជាគោលដៅទី១៨ នៃក្របខ័ណ្ឌគោលដៅអភិវឌ្ឍប្រកបដោយចីរភាពកម្ពុជា ដែលយើងប្តេជ្ញាចិត្តថា នឹង“មិនឲ្យនៅសេសសល់ដីដែលមានការគម្រាមដោយសារសំណល់ជាតិផ្ទុះពីសង្រ្គាម”។លោកស្រី Armida Salsiah Alisjahbana សូមថ្លែងអំណរគុណយ៉ាងជ្រាលជ្រៅជូនចំពោះសម្តេចតេជោ ដែលបានថ្លែងសុន្ទរកថាពិសេសក្នុងកម្មវិធីបើកកិច្ចប្រជុំគណៈកម្មការសេដ្ឋកិច្ច និងសង្គមសម្រាប់អាស៊ី និងប៉ាស៊ីហ្វិក នៃអង្គការសហប្រជាជាតិ (UN ESCAP) និងបានបញ្ជូនគណៈប្រតិភូកម្ពុជាចូលរួមក្នុងកិច្ចប្រជុំនេះ ។ លោកស្រី បានលើកឡើងថា សុន្ទរកថា របស់សម្តេច តេជោ ហ៊ុន សែន គឺជាធាតុចូលដ៏សំខាន់សម្រាប់ការរៀបចំផែនទីបង្ហាញទិសរបស់ UN ESCAP ជាពិសេសក្នុងនាមកម្ពុជាជាប្រធានអាស៊ាន។ លោកស្រី បានវាយតម្លៃខ្ពស់ចំពោះកិច្ចសហប្រតិបត្តិការ និងភាពជាដៃគូដ៏ល្អ រវាងរាជរដ្ឋាភិបាលកម្ពុជា និង UN ESCAP។ លោកស្រី បានបញ្ជាក់ថា UN ESCAP នឹងបន្តកិច្ចសហប្រតិបត្តិការឲ្យកាន់តែល្អប្រសើរឡើង ជាមួយប្រទេសកម្ពុជាក្នុងវិស័យសំខាន់ៗជាច្រើន រួមទាំង វិស័យពាណិជ្ជកម្ម ហិរញ្ញវត្ថុ សេដ្ឋកិច្ច ហិរញ្ញប្បទានប្រកបដោយចីរភាព ឌីជីថល បរិស្ថាន និងការប្រែប្រួលអាកាសធាតុ ព្រមទាំងសហគ្រាសខ្នាតតូចបំផុត តូច និងមធ្យម ជាដើម៕

WHO៖ ជំងឺ​អុត​ស្វា​​ពិតជា​ជំងឺ​បណ្ដាល​មក​ពី​ការ​មាន​ទំនាក់ទំនង​ជិតស្និទ្ធ

2022/05/24 12:22:31 pm        772
Facebook Telegram Linkin
​WHO៖ ប្រធាន​លេខាធិការដ្ឋាន​ផ្នែក​ជំងឺ​អុតស្វា​របស់​អង្គការ​សុខភាព​ពិភពលោក លោកស្រី​វេជ្ជបណ្ឌិត Rosamund Lewis បាន​និយាយ​ថា ​ជំងឺ​អុត​ស្វា​ពិតជា​ជំងឺ​បណ្តាលមកពី​ការ​មាន​ទំនាក់​ទំនង​ជិត​ស្និទ្ធ​។ ដូច្នេះ​ហើយ​ហានិភ័យ​ចំពោះ​សាធារណជន​ទូទៅ​នៅ​តែ​មាន​កម្រិត​ទាប​។ទោះយ៉ាងណា​ទំនាក់ទំនង​ដោយ​ផ្ទាល់​ជាមួយ​អ្នក​ដែល​អាច​ឆ្លង​វីរុស ឬ​អ្នក​ដែល​មាន​ករណី​ជំងឺ​អុត​ស្វា​មានន័យថា ហានិភ័យ​ជាក់ស្តែង​គឺ​ខ្ពស់ជាង​។ ថ្លែង​ទៅកាន់​អ្នកសារព័ត៌មាននៅ​ទីក្រុង​ហ្សឺ​ណែវ លោកស្រី​វេជ្ជបណ្ឌិត Rosamund Lewis បាន​និយាយថា ការផ្ទុះ​វីរុស​នេះ​មិនមែនជា​រឿង​ធម្មតា​នោះទេ ព្រោះ​ជាធម្មតា​យើង​គ្រាន់តែ​ឃើញ​ជំងឺ​អុត​ស្វា​មាន​ឆ្លង​តែ​នៅក្នុង​បណ្តា​ប្រទេស​ឆ្លង​តែ​ក្នុង​តំបន់​។ មានប្រទេស​ជាច្រើន​នៅ​អាហ្វ្រិក​កណ្តាល និង​ខាងលិចដែល​ជំងឺឆ្លង​នេះត្រូវបាន​គេ​ស្គាល់។​ ​លោកស្រី​និយាយថា យើង​បានឃើញ​ក្នុង​រយៈពេល​ប្រាំ​ឆ្នាំ​ចុង​ក្រោយនេះ ករណី​ជំងឺ​អុតស្វាដែលបាន​នាំចូល​មាន​ចំនួន 9ករណី​ដែល​មានន័យថា​ ជំងឺ​អុត​ស្វា​ត្រូវបាន​គេ​រកឃើញ​នៅលើអ្នកដំណើរមកពីប្រទេស​នី​ហ្សេ​រី​យ៉ា​។ ក្នុង​រយៈពេល​ប្រាំ​ឆ្នាំ​ចុង​ក្រោយនេះ យើង​បាន​រកឃើញ​ត្រឹមតែ​ 9ករណី​ប៉ុណ្ណោះ​។ ដូច្នេះ​ករណី​ទាំងអស់​ត្រូវបាន​ផ្សារភ្ជាប់​ទៅនឹង​ការធ្វើដំណើរ​ទៅ​អាហ្វ្រិក​ខាងលិច​។នោះ​ហើយ​ជា​មូល​ហេតុដែល​ករណី​ទាំងនេះ ពេលនេះ​លេចឡើង​នៅក្នុង​តំបន់ និងប្រទេស​ជាច្រើននៃ​ពិភពលោកដែលជា​ស្ថានភាព​ថ្មី​ទាំងស្រុង​។​ ​អ្វីដែល​យើង​បានដឹង​គឺ​ជំងឺ​អុត​ស្វា​ត្រូវបាន​ចម្លង​តាមរយៈ​ការជួប​មុខ​គ្នា​ជិតស្និត ឬ​ចម្លង​តាម​ការប៉ះពាល់​ស្បែក​ទៅ​ស្បែក​។ នេះ​គឺជា​អ្វីដែល​យើង​ដឹង​នៅពេលនេះ វា​គ្មាន​ការផ្លាស់ប្តូរ​នោះទេ​សម្រាប់​ពេលនេះ គំរូ​ដែល​យើង​កំពុង​រកឃើញ​ក្នុងករណី​ដែលការកើតឡើង នៅក្នុង​ប្រទេសក្រៅ​ទ្វីបអាហ្វ្រិក​ពេលនេះ​នៅតែ​ដដែល​។ អ្វីដែល​មនុស្ស​គ្រប់គ្នា​ត្រូវ​ដឹង​នោះ​គឺហានិភ័យ​ជាទូទៅមានកម្រិត​ទាប ហើយ​យើង​មិនគួរ​ព្រួយបារម្ភ​នោះទេ​។ អ្នកជំនាញ​របស់​អង្គការ​សុខភាព​ពិភពលោកបាន​និយាយថា ប្រសិនបើ​អ្នក​ត្រូវបាន​គេ​ពិនិត្យ​រោគវិនិច្ឆ័យ​ឃើញថា​ មាន​ជំងឺ​អុត​ស្វា ឬ​អ្នកព្រួយបារម្ភ​ថា អ្នក​អាចមាន​ជំងឺ​នេះ នោះ​រឿង​សំខាន់​គឺ​ត្រូវដាក់​ខ្លួន​អ្នក​ឱ្យនៅ​ដាច់ដោយឡែក​។​ ​លោកស្រី Lewis និយាយថា​ ការឆ្លង​កើតឡើង​តាមរយៈ​ទំនាក់ទំនង​ជិតស្និទ្ធ​ជា​ចម្បង ហើយយើង​អាច​ការពារ​ខ្លួន​យើង​ពី​ការឆ្លង​តាមរយៈ​ទំនាក់ទំនង​ជិតស្និទ្ធ​ ដោយ​រក្សា​គម្លាត​សុវត្ថិភាព និងដាក់ខ្លួន​ឲ្យ​នៅ​ដោយឡែក៕អត្ថបទ៖ ប៊ុនថន

ឯកឧត្តមទេសរដ្ឋមន្ត្រី លី ធុជ ៖ កម្ពុជាជំរុញឱ្យអាស៊ានក្លាយជាសហគមន៍ដ៏រស់រវើក ប្រកបដោយសុខដុមរមនា

2022/05/24 10:57:26 am        416
Facebook Telegram Linkin
ភ្នំពេញ៖ ឯកឧត្តមទេសរដ្ឋមន្ត្រី លី ធុជ ប្រធានគណៈកម្មាធិការជាតិអេស្កាប់ បានអញ្ជើញធ្វើសេចក្តីថ្លែងការណ៍​អំពីឆន្ទះរបស់រាជរដ្ឋាភិបាល​កម្ពុជា ក្នុងការចូលរួមកិច្ចសហប្រតិបត្តិការអន្តរជាតិ ក្រោមក្របខ័ណ្ឌពហុភាគី​និយម ដើម្បីស្តារឡើងវិញនូវស្ថានភាព​សង្គម-សេដ្ឋកិច្ច និងលើកកម្ពស់វិបុលភាពសម្រាប់ទាំងអស់គ្នា នៅក្នុងសន្និបាតប្រចាំឆ្នាំលើកទី ៧៨ របស់ UN ESCAP នៅថ្ងៃទី ២៣ ខែឧសភា ឆ្នាំ ២០២២ ។នៅក្នុងសេចក្តីថ្លែងការណ៍ ឯកឧត្តមទេសរដ្ឋមន្ត្រី លី ធុជ បានលើកឡើងថា ការប្តេជ្ញារបស់កម្ពុជាចូលរួមកិច្ចសហប្រតិបត្តិការអន្តរជាតិ និងអនុវត្តរបៀបវារៈរួម​ ត្រូវបានឆ្លុះបញ្ចាំងតាមរយៈការគាំទ្ររបស់ កម្ពុជា​ទៅលើការអនុម័តគោលដៅអភិវឌ្ឍន៍ប្រកបដោយចីរភាព នៅក្នុងមហាសន្និបាតអង្គការសហប្រជាជាតិក្នុងឆ្នាំ ២០១៥ និងការដាក់ចេញនូវក្របខ័ណ្ឌគោលដៅអភិវឌ្ឍប្រកបដោយចីរភាពកម្ពុជា ឆ្នាំ ២០១៦-២០៣០ ដែលមាន ១៨គោលដៅ ហើយគោលដៅទី១៨ គឺ “កម្ពុជាគ្មានគ្រាប់មីន និងសំណល់ជាតិផ្ទុះពីសង្រ្គាម”។ ឯកឧត្តមទេសរដ្ឋមន្ត្រី ក៏បានលើកឡើងផងដែរថា ការអនុវត្តរបៀបវារៈឆ្នាំ ២០៣០ ត្រូវបានរំខានដោយកត្តាជាច្រើនដែលមានដូចជា វិបត្តិនៃជំងឺកូវីដ-១៩ ការប្រកួតប្រជែងភូមិសាស្ត្រនយោបាយ និងការប្រែប្រួលអាកាសធាតុ ដែលជាហេតុទាមទារឱ្យសហគមន៍អន្តរជាតិបង្កើនកិច្ចសហប្រតិបត្តិការឱ្យកាន់តែស្អិតរមួត បង្កើនការតភ្ជាប់ដែលមានប្រសិទ្ធភាពខ្ពស់ និងបង្កើនភាពបើកចំហរនិងបរិយាប័ន្ននៃសេដ្ឋកិច្ចសកល។ ការដោះស្រាយបញ្ហាទាំងនេះ ទាមទារឱ្យមានការសម្រេចិត្តរួមគ្នា ក្រោមក្របខ័ណ្ឌពហុភាគីនិយម ដោយគោរពនូវច្បាប់អន្តរជាតិ និងអធិបតេយ្យភាពរបស់ប្រទេសនីមួយៗ ដោយមិនគិតលើទំហំ និងទ្រព្យសម្បត្តិឡើយ។ ឯកឧត្តមទេសរដ្ឋមន្រ្តី បានសង្កត់ធ្ងន់ថា កម្ពុជាបានត្រៀមខ្លួនរួចជាស្រេច ចូលរួមជាមួយដៃគូអភិវឌ្ឍន៍ ទាំងទ្វេភាគី និងពហុភាគី ក្នុងកិច្ចខិតខំប្រឹងប្រែងស្តារឡើងវិញនូវស្ថានភាពសង្គម-សេដ្ឋកិច្ច និងលើកកម្ពស់វិបុលភាពសម្រាប់ទាំងអស់គ្នា។ ឯកឧត្តមទេសរដ្ឋមន្ត្រី បានគូសបញ្ជាក់ថា ក្នុងនាមជាប្រធានអាស៊ាន កម្ពុជាកំពុងតែបន្តជំរុញដំណើរការកសាងសហគមន៍អាស៊ាន និងប្រែក្លាយអាស៊ានឱ្យទៅជាតំបន់ដ៏សំខាន់មួយសម្រាប់​ពាណិជ្ជកម្ម  ការវិនិយោគ  និងខ្សែច្រវ៉ាក់ផ្គត់ផ្គង់សកល  ហើយកម្ពុជានឹងបន្តជំរុញឱ្យអាស៊ានក្លាយជា សហគមន៍ដ៏រស់រវើក ប្រកបដោយសុខដុមរមនា និងមានការការពារពលករចំណាកស្រុក មានការអភិវឌ្ឍប្រកបដោយភាពបៃតងនិងបរិយាប័ន្ន និងជំរុញបរិវត្តិកម្មឌីជិថលសម្រាប់សហគ្រាសធុនតូច និងមធ្យម និងសហគ្រិនស្ត្រី និងសហគ្រិនវ័យក្មេង។ 

ប្រមុខ​ការទូត​រុស្ស៊ី​៖ ក្រុង Moscow មិន​ប្រាកដ​ថា​ ខ្លួន​នឹង​បន្ត​ទំនាក់ទំនង​ជាមួយ​លោក​ខាងលិច​ទៀត​ទេ ហើយ​ខ្លួន​នឹង​ងាក​ទៅ​រក​ចិន​

2022/05/24 10:51:51 am        1194
Facebook Telegram Linkin
រុស្ស៊ី៖ ​រដ្ឋមន្ត្រីការបរទេស​រុស្ស៊ី​បាន​និយាយ​កាលពី​ថ្ងៃ​ចន្ទ​ថា ក្រុង Moscow នឹង​ពិចារណា​សំណើ​ពី​លោក​ខាង​លិច​ក្នុង​ការ​ស្ដារ​ទំនាក់ទំនង​ឡើងវិញ និង​ពិចារណា​ថា ​តើ​រឿង​នោះ​វា​ចាំបាច់​ដែរ ​ឬ​អត់ ប៉ុន្តែ​នឹង​ផ្ដោតលើ​ទំនាក់ទំនង​ដែល​កំពុង​រីកចម្រើន​ជាមួយ​ប្រទេស​ចិន​។ ​នៅ​ក្នុង​អំឡុង​សួរ​សំនួរ​ និង​ចម្លើយ​នៅ​ព្រឹត្តិការណ៍​មួយ​ក្នុង​ទីក្រុង Moscow លោក Sergei Lavrov បាន​និយាយ​ថា បណ្ដា​ប្រទេស​លោក​ខាង​លិច​បាន​ដុត​បញ្ឆេះ​ឲ្យ​មាន​ជំងឺ​ខ្លាច​រុស្ស៊ី ចាប់​តាំង​ពី​រុស្ស៊ី​បើក​ការ​វាយ​លុក​ចូល​អ៊ុយ​ក្រែ​ន​ ដែល​ក្រុង Moscow ហៅថា​ជា​ប្រតិបត្តិការ​សឹក​ពិសេស។ ​លោក​ថា រុស្ស៊ី​កំពុង​ធ្វើ​ការ​ដើម្បី​ជំនួស​ទំនិញ​ដែល​ត្រូវ​បាន​នាំចូល​ពី​បណ្ដា​ប្រទេស​លោក​ខាង​លិច ហើយ​នៅ​ពេល​ខាង​មុខ​នឹង​ពឹង​ផ្អែកលើ​តែ​បណ្ដា​ប្រទេស​ដែល​អាច​ទុក​ចិត្ត​បាន ដោយ​មិន​សម្លឹង​លើ​លោក​ខាង​លិច​ទេ។​លោក Lavrov បាន​បង្ហាញ​ការ​សោកស្ដាយ​ជាមួយ​បណ្តា​ប្រទេស​លោក​ខាង​លិច ដែល​លោក​បាន​និយាយ​ថា បាន​ប្តេជ្ញា​ចិត្ត​ក្នុង​ការ​ផ្លាស់ប្តូ​រគោល​កា​នៃ​ទំនាក់ទំនង​អន្តរជាតិ ចំពោះ​ការ​ធ្វើ​ឲ្យ​ប៉ះពាល់​ដល់​ប្រទេស​រុស្ស៊ី​។​ លោក​បាន​និយាយ​ថា យើង​ត្រូវតែ​បញ្ឈប់​ការពឹងផ្អែក​តាម​មធ្យោបាយ​ណាមួយ ​លើ​ការ​ផ្គត់ផ្គង់​អ្វីៗ​គ្រប់យ៉ាង​ពី​លោក​ខាង​លិច ដើម្បី​ធានា​ការ​អភិវឌ្ឍ​វិស័យ​សំខាន់ៗ​សម្រាប់​សន្តិសុខ សេដ្ឋកិច្ច ឬ​សង្គម​នៃ​មាតុភូមិ​ដ៏​សំខាន់​របស់​យើង​៕អត្ថបទ៖ សុខមាន

រាជរដ្ឋាភិបាលសម្រេចឱ្យបងប្អូនកម្មករ-និយោជិត ឈប់សម្រាកមុន ១ថ្ងៃ និងក្រោយថ្ងៃឆ្នោត១ថ្ងៃ ដើម្បីទៅបោះឆ្នោតនៅថ្ងៃទី០៥ ខែមិថុនា ឆ្នាំ២០២២

2022/05/24 10:46:23 am        1800
Facebook Telegram Linkin
ភ្នំពេញ៖ រាជរដ្ឋាភិបាលប្រកាសសម្រេចអនុញ្ញាតឱ្យបងប្អូនកម្មករ និយោជិត នៅទូទាំងប្រទេស បានឈប់សម្រាកដើម្បីទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី០៥ ខែមិថុនា ឆ្នាំ២០២២ បានសម្រាកមុន ១ថ្ងៃ និងក្រោយថ្ងៃឆ្នោត ១ថ្ងៃ ។

ប្រទេស​ចិន​ព្រមាន​សហរដ្ឋអាមេរិក​ថា ​កំពុង​ប្រលែង​លេង​ជាមួយ​ភ្លើង​លើ​បញ្ហា​កោះ​តៃវ៉ាន់

2022/05/24 10:16:42 am        2469
Facebook Telegram Linkin
​ចិន៖ ប្រទេស​ចិន​បាន​ព្រមាន​ថា ​សហរដ្ឋអាមេរិក​កំពុង "​ប្រលែង​លេង​ជាមួយ​ភ្លើង​" បន្ទាប់ពី​ប្រធានាធិបតី​អាមេរិក​លោក Joe Biden បាន​និយាយ​ថា ​ទីក្រុង​វ៉ាស៊ីនតោន​នឹង​ការពារ​កោះ​តៃវ៉ាន់​ដោយ​យោធា ​ប្រសិនបើ​កោះ​ស្វ័យ​គ្រប់គ្រង​មួយ​នេះ​ត្រូវ​បាន​រង​ការវាយប្រហារ​ដោយ​ទីក្រុង​ប៉េកាំង​។​ ​ការិយាល័យ​កិច្ចការ​កោះ​តៃវ៉ាន់​របស់​ក្រុមប្រឹក្សារដ្ឋ​ចិន​បាន​និយាយ​កាលពី​ថ្ងៃ​ចន្ទ​ថា សហរដ្ឋ​អាមេរិក​កំពុង​ប្រើ '​សន្លឹក​បៀរ​កោះ​តៃវ៉ាន់​' ដើម្បី​ទប់ទល់​ប្រទេស​ចិន ហើយ​ខ្លួនឯង​នឹង​ត្រូវ​ដុត​បំផ្លាញ​ខ្លួនឯង​។​ សារព័ត៌មាន​រដ្ឋ Xinhua បាន​ដកស្រង់​សម្តី​អ្នកនាំពាក្យ​ការិយាល័យ​នេះ​លោកស្រី​ Zhu Fenglian ដោយ​និយាយ​ថា លោកស្រី​ជំរុញ​ឲ្យ​សហរដ្ឋ​អាមេរិក "​បញ្ឈប់​ការ​ប្រើ​ពាក្យសម្ដី ឬ​សកម្មភាព​ណាមួយ​ដែល​មាន​លក្ខ​ខណៈ​បែប​បំពាន​" ​លើ​គោលការណ៍​នានាដែល​បាន​បង្កើត​ឡើង​កាលពីមុន​រវាង​ទីក្រុង​ប៉េកាំង និង​ទីក្រុង​វ៉ាស៊ីនតោន​។ ​ថ្លែង​ពី​ទីក្រុង​តូ​ក្យូអំឡុង​ពេល​ធ្វើដំណើរ​ទៅកាន់​ទ្វីប​អាស៊ី​លោក Biden បាន​ឆ្លើយ​ដោយ​មិន​ច្បាស់លាស់​ថា "​មែនហើយ​" នៅ​ពេល​ក្រុម​អ្នក​សារព័ត៌មាន​សួរ​ថា ​តើ​សហរដ្ឋអាមេរិក​នឹង "​ចូលរួម​ខាង​យោធា​" ដើម្បី​ការពារ​កោះ​តៃវ៉ាន់​ដែរ​ទេ ប្រសិនបើ​កោះ​មួយ​នេះ​ត្រូវ​បាន​វាយប្រហារ​ដោយ​ប្រទេស​ចិន​នោះ​។​​លោក Biden បាន​និយាយ​ដោយ​សង្កត់ធ្ងន់​ទៅលើ​គោលនយោបាយ​ ដែល​អាច​មាន​ការ​ផ្លាស់ប្តូ​រ​របស់​សហរដ្ឋ​អាមេរិក​ថា "​នោះ​គឺជា​ការ​ប្តេជ្ញាចិត្ត​របស់​យើង​"។​ ​មើល​ស្ថានភាព​ពេលនេះ​ចុះ​ យើង​យល់ស្រប​នឹង​គោលនយោបាយ "​ចិន​តែមួយ​"​។ យើង​បាន​ចុះហត្ថលេខា​រួច​មក​ហើយ និង​កិច្ចព្រមព្រៀង​ទាំងអស់​ដែល​បានធ្វើ​ពី​ទីនោះ ប្រធានាធិបតី​អាមេរិក​រូប​នេះ​បាន​បន្ថែម​ថា ប៉ុន្តែ​គំនិត​ដែល​ថា​ វា​អាច​ត្រូវ​បាន​ប្រើ​ដោយ​កម្លាំង​ ដើម្បី​ដណ្ដើមយក​កោះ​នេះគឺ​មិន​ស័ក្ដិសម​ទេ​៕អត្ថបទ៖ សុខមាន

លោក Zelenskyy និយាយ​ថា ​លោក​ចង់​ជួប​លោក Putin ដើម្បី​បញ្ចប់សង្គ្រាម​

2022/05/24 09:44:51 am        1636
Facebook Telegram Linkin
​អ៊ុយ​ក្រែ​ន៖ លោក​ប្រធានាធិបតី​អ៊ុយ​ក្រែ​ន Volodymyr Zelenskyy បាន​និយាយ​កាលពី​ថ្ងៃ​ចន្ទ​ថា លោក​ប្រធានាធិបតី ​Vladimir Putin គឺជា​មន្ត្រី​រុស្ស៊ី​តែមួយ​រូប​គត់​ដែល​លោក​ចង់​ជួប ​ដើម្បី​ពិភាក្សា​ពី​វិធី​ដើម្បី​បញ្ចប់សង្គ្រាម​។ ​លោក Zelenskyy ដែល​បាន​ថ្លែង​សុន្ទរកថា​តាម​វីដេអូ​នៅ​វេទិកា​សេដ្ឋកិច្ច​ពិភពលោក​ក្នុង​ទីក្រុង Davos ប្រទេស​ស្វី​ស ក៏បាន​និយាយ​ផង​ដែរ​ថា ការរៀបចំ​កិច្ចចរចា​ណាមួយ​ជាមួយ​រុស្ស៊ី​កាន់តែ​មាន​ការ​លំបាក​ខ្លាំង​ឡើយ ដូច​អ្វី​ដែល​លោក​បាន​និយាយ​ថា អ៊ុយ​ក្រែ​ន​មាន​ភស្តុតាង​គ្រប់គ្រាន់​នៃ​សកម្មភាព​របស់​រុស្ស៊ី​ ដែល​បាន​ធ្វើ​លើ​ជន​ស៊ីវិល។ ​រុស្ស៊ី​ច្រានចោល​ការ​ដាក់​គោលដៅ​លើ​ជន​ស៊ីវិល សម្រាប់​អ្វីដែល​ខ្លួន​ហៅថា ​ជា​ប្រតិបត្តិការ​សឹក​ពិសេស​ដើម្បី​បំបាក់​សមត្ថភាព​យោធា​របស់​ប្រទេស​អ៊ុយ​ក្រែ​ន​។​​លោក Zelenskyy បាន​និយាយ​តាមរយៈ​អ្នកបកប្រែ​ថា ប្រធានាធិបតី​សហព័ន្ធ​រុស្ស៊ី​ជា​អ្នកចាត់ចែង​គ្រប់​ការ​សម្រេចចិត្ត​ទាំងអស់ ប្រសិនបើ​យើង​និយាយ​ពី​ការ​បញ្ចប់​សង្គ្រាម​ដោយ​ពុំបាន​ជួប​លោក​ Putin ​ដោយ​ផ្ទាល់​នោះ​ទេ អញ្ចឹង​ការសម្រេចចិត្ត​ទាំងឡាយ​នឹង​មិន​អាច​ធ្វើ​ទៅ​បាន​ឡើយ​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់​ថា នឹងធ្វើកិច្ចចរចាជាមួយកាតា ជុំវិញ​ទ្រព្យសម្បត្តិដែលត្រូវបានបង្កក
06/30/2026 08:06 PM
Facebook Telegram Linkin
អគារផ្ទះល្វែងមួយ ​ដួលរលំ នៅទីក្រុងអាតែន​របស់​ក្រិក​ ខណៈ​ក្រុមអ្នកជួយសង្គ្រោះស្វែងរកអ្នកជាប់ក្នុង​នោះ​
06/30/2026 08:06 PM
Facebook Telegram Linkin
កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកប​ដោយ​ការ​ស្ថាបនា» អំពីទាហាន​កូរ៉េខាងជើង
06/30/2026 08:06 PM
Facebook Telegram Linkin
នាយករដ្ឋមន្ត្រី​ជប៉ុន ស្វែងរកទំនាក់​ទំនង​កាន់តែស៊ីជម្រៅជាមួយ​ឥណ្ឌា លើផ្នែក​​ពាណិជ្ជកម្ម និងសន្តិសុខ
06/30/2026 07:06 PM
Facebook Telegram Linkin
មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិត​​នៅ​កាតា តែ​គ្មាន​ជំនួប​ជាមួយអ៊ីរ៉ង់ទេ
06/30/2026 07:06 PM
Facebook Telegram Linkin
ទីភ្នាក់ងារពាណិជ្ជកម្ម UN៖ វិបត្តិ​​ច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេល​យូរ
06/30/2026 07:06 PM
Facebook Telegram Linkin
លោក Zelenskyy៖ អ៊ុយក្រែនវាយប្រហារជាលើកទី ២ លើ​ទីតាំងផ្កាយរណប Dubna របស់រុស្ស៊ី
06/30/2026 07:06 PM
Facebook Telegram Linkin
ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬ​បំផ្លាញ នៅវ៉េណេស៊ុយអេឡា
06/30/2026 07:06 PM
Facebook Telegram Linkin
កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក
06/30/2026 06:06 PM
Facebook Telegram Linkin
រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង
06/30/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.