នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម
សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត
ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

សម្ដេចក្រឡាហោម៖ បក្សប្រជាជនប្ដេជ្ញាអនុវត្តគោលនយោបាយអភិវឌ្ឍមូលដ្ឋាន និងកសាងនូវ​សមិទ្ធផលថ្មីៗ​បន្ថែមទៀត

2022/05/21 11:53:43 am        1050
Facebook Telegram Linkin
បាត់ដំបង៖ សម្ដេចក្រឡាហោម ស ខេង ប្រធានក្រុមការងារ​គណបក្ស​ប្រជាជន​កម្ពុជា​ចុះមូលដ្ឋាន​ខេត្តបាត់ដំបង និងខេត្តព្រៃវែង បានថ្លែងថា គណបក្សប្រជាជនកម្ពុជា បន្ត​ប្ដេជ្ញា​អនុវត្ត​នូវគោលយោបាយអភិវឌ្ឍមូលដ្ឋាន ដោយកសាងនូវសមិទ្ធផលថ្មីៗបន្ថែមទៀត ដើម្បី​បម្រើ​ផល​ប្រយោជន៍​របស់ប្រជាពលរដ្ឋ។ក្នុងពិធីបើកយុទ្ធនាការឃោសនារកសំឡេងឆ្នោត ដោយមានការចូលរួម យ៉ា​ង​ច្រើន​កុះករ​ពី​សមាជិក សមាជិកា និងអ្នកគាំទ្រ​គណបក្សប្រជាជនកម្ពុជា សម្ដេចក្រឡាហោម ស ខេង មាន​ប្រសាសន៍​ថា នាថ្ងៃទី៥ ខែមិថុនា ឆ្នាំ២០២២ខាងមុខនេះ ជាថ្ងៃ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់ អាណត្តិទី៥ ដែលជាការបោះឆ្នោតដ៏មានសារៈសំខាន់បំផុត សម្រាប់ប្រទេសជាតិ ក៏ដូច​ជា​សម្រាប់​ការអភិវឌ្ឍឃុំ-សង្កាត់ នីមួយៗ ។សម្ដេចបានបន្តថា ជនរួមជាតិបានឃើញច្បាស់រួចហើយ នូវសកម្មភាពសមិទ្ធផល និង​គោល​នយោបាយ​ដ៏​ត្រឹមត្រូវរបស់គណបក្សប្រជាជនកម្ពុជា សូមអញ្ជើញទៅបោះឆ្នោត និង​បោះឆ្នោត​ជូន​គណបក្សប្រជាជនកម្ពុជា ដែលមានរូបទេវតាបាចផ្កា ជាសញ្ញាសម្គាល់ ឱ្យ​បាន​គ្រប់ៗ​គ្នា​កុំ​បីខាន​នៅ​តាមការិយាល័យបោះឆ្នោតឃុំ-សង្កាត់ របស់បងប្អូន ។សម្ដេច​ក្រឡាហោម បានបន្ថែមថា គណបក្សប្រជាជនកម្ពុជា ប្ដេជ្ញាអនុវត្តរាល់គោលការណ៍ និង​ទិសដៅ​គោលនយោបាយអភិវឌ្ឍន៍ឃុំ-សង្កាត់ អាណត្តិទី៥ ឆ្នាំ២០២២-២០២៧ ឱ្យបាន​សម្រេច​លទ្ធផល​ខ្ពស់ បង្កើតជាសមិទ្ធផលធំៗ ថ្មីៗទៀតជូនជាតិ និងបំណងប្រាថ្នារបស់ប្រជាជនគ្រប់រូប នៅ​គ្រប់មូលដ្ឋានក្នុងជំហរ ហ៊ានគិត ហ៊ានធ្វើ និងហ៊ានទទួលខុសត្រូវ រួមជាមួយ​នឹង​ការ​គាំទ្រ​យ៉ាង​ធំធេង​ពីប្រជាជន ។គួរបញ្ជាក់ថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ធ្វើឡើងចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២ ។ សម្រាប់​ខេត្តបាត់ដំបង មានគណបក្សនយោបាយចំនួន១០ បាន​ចុះឈ្មោះប្រកួត​ប្រជែង​ការ​បោះឆ្នោត​ជ្រើស​រើស​ក្រុមប្រឹក្សាឃុំ-សង្កាត់ អាណត្តិទី៥នេះ ចំណែកការិយាល័យបោះឆ្នោតមានចំនួន ១៦៨៥ លើ១០៣ឃុំ-សង្កាត់ ។ ចំពោះប្រជាពលរដ្ឋមានអាយុចាប់ពី១៨ឆ្នាំឡើង ដែល​បាន​ចុះ​ឈ្មោះបោះឆ្នោ​ត​មា​នជាង ៧៣ម៉ឺននាក់ ៕ អត្ថបទ៖ នឿត សុភក្ត្រា

ព្យុះ Tornado វាយ​បោកបក់​លើ​ប្រទេស​អាល្លឺម៉ង់​បណ្ដាល​ឲ្យ​មនុស្ស​យ៉ាងតិច ​30នាក់​រង​របួស​

2022/05/21 11:24:11 am        677
Facebook Telegram Linkin
​អាល្លឺម៉ង់៖ អាជ្ញាធរ​បាន​និយាយ​ថា ព្យុះ Tornado បាន​បោកបក់​ឆ្លងកាត់​ទីក្រុង Paderborn ភាគ​ខាងលិច​ប្រទេស​អាល្លឺម៉ង់​កាលពី​ថ្ងៃ​សុក្របណ្ដាល​ឲ្យ​មនុស្ស​យ៉ាងហោចណាស់​ 30​នាក់​រង​របួស ខណៈ​ព្យុះ​នេះ​បាន​បោកបក់​បំប៉ើង​ដំបូល​ផ្ទះ ​ផ្ដួល​រលំ​ដើមឈើ និង​បាន​បំ​ប៉ើង​កម្ទេចកំទី​ហោះ​ទៅ​លើ​អាកាស​។ ​ក្រុម​មន្ត្រី​ឧតុនិយម​ព្រមាន​ថា​នឹង​មាន​ភ្លៀង និង​ព្រិល​ធ្លាក់​ខ្លាំង​នៅ​ភាគ​ខាងលិច និង​ភាគ​កណ្ដាលប្រទេស​អាល្លឺម៉ង់​ជាមួយ​នឹង​ព្យុះ​ដែល​បង្កើត​កម្លាំង​ខ្យល់​បក់​រហូតដល់ ​130គីឡូម៉ែត្រ​ក្នុង​មួយ​ម៉ោង​។​ ​ព្យុះ​កាលពី​ថ្ងៃ​ព្រហស្បតិ៍​បាន​បង្អាក់​ចរាចរណ៍​រួច​ទៅ​ហើយ ផ្តួល​រំលំ​ដើមឈើ​ដែល​បាន​ដួល​មក​លើផ្លូវ​រថភ្លើង និង​ផ្លូវថ្នល់ ហើយ​ជំនន់​ទឹកភ្លៀង​បាន​ជន់​លិច​បន្ទប់​ក្រោម​ដី​រាប់​រយ​កន្លែង​នៅ​ភាគ​ខាង​លិច​ប្រទេស​អាល្លឺម៉ង់​។​នគរបាល​ទីក្រុង Paderborn បាន​និយាយ​កាលពី​ថ្ងៃ​សុក្រ​ថា ​មនុស្ស​ពី 30 ទៅ 40នាក់​បាន​រង​របួស ហើយ​យ៉ាងហោចណាស់​ 10​នាក់​ក្នុងចំណោម​ពួកគេ​រង​របួស​ធ្ងន់​។ ​នគរបាល​បាន​ជំរុញ​ប្រជាជន​ឱ្យ​ស្នាក់​នៅ​ក្នុង​លំនៅឋាន​ ដើម្បី​កុំ​ឱ្យ​រាំងស្ទះ​ដល់​កិច្ចប្រឹងប្រែង​ជួយ​សង្គ្រោះ ឬ​បង្ក​គ្រោះថ្នាក់​ដល់​ខ្លួនឯង៕អត្ថបទ៖ ប៊ុនថន

សម្ដេចតេជោ ហ៊ុន សែន អញ្ជើញដឹកនាំគណៈប្រតិភូកម្ពុជាទៅចូលរួមវេទិកាសេដ្ឋកិច្ច​ពិភពលោក រយៈពេល៥ថ្ងៃ នៅប្រទេសស្វីស

2022/05/21 06:06:30 am        1020
Facebook Telegram Linkin
ភ្នំពេញ៖ នៅរាត្រីថ្ងៃទី២០ ឈានចូលថ្ងៃទី២១ ខែឧសភា ឆ្នាំ២០២២ វេលាម៉ោង ០០:៣០នាទី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន​អញ្ជើញ​ដឹកនាំគណៈប្រតិភូជាន់ខ្ពស់កម្ពុជា ធ្វើដំណើរ​ចាក​ចេញ​ពី​ប្រទេស​កម្ពុ​ជា​ឆ្ពោះទៅ​កាន់​ប្រទេសស្វីស ដើម្បីទៅចូលរួមកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោក ក្រោម​មូលបទ “ការត្រៀមខ្លួនសម្រាប់យុគសម័យក្រោយជំងឺកូវីដ” ដែលនឹងប្រព្រឹត្តទៅចាប់ពីថ្ងៃទី២២ ដល់ ថ្ងៃទី២៦ ខែឧសភា ឆ្នាំ២០២២ នៅទីក្រុងដាវ៉ស-ក្លូស្ទ័រ (Davos-Klosters) ប្រទេសស្វីស។ការអញ្ជើញ​ចូលរួមកិច្ចប្រជុំខាងលើនេះ ធ្វើឡើងតបតាមការអញ្ជើញរបស់លោកសាស្រ្តាចារ្យ ក្លោស ឆ្វាប់ (Klaus Schwab) ស្ថាបនិក និងជាប្រធានប្រតិបត្តិវេទិកាសេដ្ឋកិច្ចពិភពលោក។អញ្ជើញអមសម្តេចតេជោនាយករដ្ឋមន្រ្តី នៅក្នុងកិច្ចប្រជុំនេះ រួមមានឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន, ឯកឧត្តម ប៉ាន សូរស័ក្តិ រដ្ឋមន្រ្តីក្រសួងណាពិជ្ជកម្ម និងមន្ត្រីជាន់ខ្ពស់ នៃរាជរដ្ឋាភិបាលកម្ពុជាមួយចំនួនផ្សេងទៀត ព្រមទាំងសមាជិកមួយចំនួនរបស់សភាពាណិជ្ជកម្មកម្ពុជាផងដែរ។ក្នុងឱកាសចូលរួមក្នុងវេទិកានេះ សម្តេចតេជោនាយករដ្ឋមន្រ្តី ហ៊ុន សែន នឹងអញ្ជើញថ្លែងសុន្ទរកថា ប្រកបដោយអត្ថន័យខ្លឹមសារនៅក្នុងពិធីបិទកិច្ចពិភាក្សាជាមួយភាគីពាក់ព័ន្ធក្រោមប្រធានបទ “ទស្សនវិស័យយុទ្ធសាស្ត្រលើអាស៊ាន” និងនៅក្នុងកម្មវិធីអាហារការងារថ្ងៃត្រង់ក្រៅផ្លូវការជាមួយថ្នាក់ដឹកនាំសេដ្ឋកិច្ចពិភពលោក ក្រោមប្រធានបទ «ការស្តារសន្តិភាព និងសណ្តាប់ធ្នាប់ឡើងវិញ»។ក្រៅពីអញ្ជើញចូលរួមក្នុងវេទិកាខាងលើ សម្តេចតេជោនាយករដ្ឋមន្រ្តី ក៏រំពឹងថា នឹងមានជំនួបពិភាក្សាការងារជាមួយថ្នាក់ដឹកនាំនៃប្រទេសមួយចំនួន ក៏ដូចជាទទួលការចូលជួបសម្តែងការគួរសមពីសំណាក់ឥស្សរជននយោបាយ និងធុរជនពិភពលោកផងដែរ។ក្នុងឱកាសស្នាក់នៅប្រទេសស្វីស សម្តេចតេជោនាយករដ្ឋមន្ត្រី ហ៊ុន សែន នឹងអញ្ជើញថ្លែងសុន្ទរកថាបើក “រាត្រីកម្ពុជា” (CAMBODIA NIGHT) ដែលជាព្រឹត្តការណ៍រៀបចំដោយក្រុមហ៊ុន វើលដ៏ ប្រ៊ីជ គ្រុប (WorldBridge Group) ក្នុងគោលបំណង ដើម្បីលើកស្ទួយអំពីធុរកិច្ចបរទេសនៅក្នុងប្រទេសកម្ពុជា។ ជាមួយគ្នានោះ សម្តេចតេជោ ហ៊ុន សែន ក៏នឹងជួបសំណេះសំណាលជាមួយបងប្អូនជនរួមជាតិខ្មែរ ដែលរស់នៅប្រទេសស្វីស និងបណ្តាប្រទេសអឺរ៉ុបផងដែរ៕

សម្តេចតេជោ ហ៊ុន សែន៖ ដំណើរការចាក់វ៉ាក់សាំងកូវីដ-១៩ ដូសជំរុញទី៥ នឹងចាប់ផ្តើមនៅថ្ងៃទី០៩ មិថុនា ឆ្នាំ២០២២

2022/05/20 06:44:29 pm        637
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រកាសសម្រេចបើកយុទ្ធនាការចាក់វ៉ាក់សាំងកូវីដ-១៩ ដូសជំរុញទី៥ នៅថ្ងៃទី០៩ ខែមិថុនា ឆ្នាំ២០២២ តទៅ។ យោងតាមសារសំឡេងសម្តេចតេជោ ហ៊ុន សែន ប្រកាសប្រាប់ជនរួមជាតិ នៅល្ងាចថ្ងៃទី២០ ខែឧសភា បញ្ជាក់ថា សម្រាប់អ្នកដែលត្រូវទទួលបានវ៉ាក់សាំងដូសជំរុញទី៤រួចរាល់ហើយ និងមានថេរវេលាកំណត់ជាក់លាក់ សម្រេចដោយគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខ័ណ្ឌទូទាំងប្រទេស យ៉ាងតិចចំនួន៣ខែ ទើបអាចទទួលវ៉ាក់សាំងដូសទី៥បាន។ ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្ត្រី ក៏បានផ្ញើសារជូនជនរួមជាតិពីដំណើរទៅកាន់ទីក្រុងដាវ៉ូស ប្រទេសស្វីស នៅរំលងអាធ្រាត្រឈានឆ្លងចូលថ្ងៃទី២១ ខែឧសភានេះ និងស្ថានភាពកាន់តែធូរស្រាល នៃជំងឺកូវីដ-១៩នៅកម្ពុជាផងដែរ។ សម្តេចតេជោ ហ៊ុន សែន បានប្រកាសថា រយៈពេល១៤ថ្ងៃជាប់ៗនេះ កម្ពុជាមិនមានករណីឆ្លងថ្មី និងករណីស្លាប់ថ្មីដោយជំងឺកូវីដ-១៩ទេ ហើយករណីជាសះស្បើយ បានបន្តជាសះស្បើយជាបន្តបន្ទាប់ ដែលមកទល់នឹងពេលនេះ មានអ្នកជំងឺកូវីដ-១៩ តែចំនួន ៨នាក់ប៉ុណ្ណោះ កំពុងសម្រាកព្យាបាលបន្តតាមមន្ទីរពេទ្យនានា។ សម្តេចតេជោ ហ៊ុន សែន បានបញ្ជាក់ថា ក្នុងចំណោម ៨នាក់ ដែលកំពុងសម្រាកព្យាបាល គឺពួកគាត់មានជំងឺផ្សេងៗទៀត មិនត្រឹមតែកូវីដ-១៩នោះទេ ដែលទាមទារឲ្យពួកគាត់ត្រូវនៅសម្រាកព្យាបាលបន្ត និងទទួលបានការយកចិត្តទុកដាក់ខ្ពស់ពីក្រុមគ្រូពេទ្យ៕

សម្តេចអគ្គមហាពញាចក្រីហេង សំរិន៖ រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ ត្រឹមត្រូវ បានធ្វើឱ្យសង្គមជាតិមានការអភិវឌ្ឍរីកចម្រើនមិននឹកស្មានដល់

2022/05/20 11:02:57 am        748
Facebook Telegram Linkin
ត្បូងឃ្មុំ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានមានប្រសាសន៍លើកឡើងថា រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ និងមានមាគ៌ាត្រឹមត្រូវ ច្បាស់លាស់ បានធ្វើសង្គមជាតិមានការអភិវឌ្ឍ រីកចម្រើនជឿនលឿនដែលមិននឹកស្មានដល់ ពីព្រោះថាក្រោយថ្ងៃរំដោះ៧មករាឆ្នាំ១៩៧៩ គឺគ្មានអ្វីទំាងអស់។ របបប៉ុលពតបានបំផ្លិចបំផ្លាញសង្គមជាតិទំាងធនធានមនុស្សនិងហេដ្ឋារចនាសម្ព័ន្ធសង្គម។ សម្តេចប្រធានរដ្ឋសភាបានលើកឡើងថា បច្ចុប្បន្ននេះប្រជាជនរស់នៅតំបន់ដាច់ស្រយាលនានា លែងជួបការលំបាកដូចពេលមុនៗទៀតហើយ ការធ្វើដំណើរទៅមក បានឆាប់រហ័សទាន់ចិត្ដ ជីវភាពរស់នៅរបស់ប្រជាជនមានភាពប្រែប្រួលថ្មី។ បណ្ដាទីក្រុង ដូចជា រាជធានីភ្នំពេញ និងនៅតាមបណ្ដាខេត្ដ ទីប្រជុំជន មានផ្សារទំនើបធំៗ អគារបុរីនានា ភូមិគ្រឹះទំនើបៗ និងអគារខ្ពស់ៗរាប់សិបជាន់ បានសាងសង់រួច និងកំពុងសាងសង់ គួរឱ្យមានមោទនភាពចំពោះការរីកចម្រើនយ៉ាងឆាប់រហ័ស ស័ក្តិសមជា «ប្រទេសកំពុងអភិវឌ្ឍន៍»។ សម្តេចប្រធានរដ្ឋសភាបានលើកឡើងដូច្នេះ នៅក្នុងឱកាសសម្តេច បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីសម្ពោធ ដាក់ឱ្យប្រើប្រាស់ជាផ្លូវការនូវ អាគារសិក្សាថ្មី១ខ្នង កម្ពស់ ២ជាន់ មាន១២បន្ទប់ រួមទាំងទីចាត់ការ បណ្ណាល័យ បន្ទប់ពិសោធន៍ និងបន្ទប់កុំព្យូទ័រ ដែលបំពាក់ទៅដោយសម្ភារៈ បរិក្ខាសិក្សាទំនើប នៅវិទ្យាល័យសម្តេចចក្រី ហេង សំរិន អន្លង់ជ្រៃ ស្ថិតនៅឃុំកក់ ស្រុកពញាក្រែក ខេត្តត្បូងឃ្មុំ ព្រមទាំងសមិទ្ធផលផ្សេងទៀតដូចជា ផ្លូវបេតុង តារាងបាល់បោះ របងខ្លោងទ្វារថ្មី និងការជួសជុលអាគារសិក្សាចាស់ចំនួន៦ខ្នង អមដោយសួនច្បារថ្មីផងដែរ។សមិទ្ធផលទំាងដែលសម្ពោធដាក់ឲ្យប្រើប្រាស់នៅព្រឹកថ្ងៃទី២០ ខែឧសភា ឆ្នាំ២០២២នេះ ជាចំណងដៃថ្មីមួយទៀត របស់សម្តេចនិងសម្តេចធម្មវិសុទ្ធវង្សា សៅ ទី ហេង សំរិន ដែលបានចូលរួមអភិវឌ្ឍន៍យ៉ាងច្រើន ជូនប្រជាពលរដ្ឋ នៅឃុំកក់ ស្រុកពញាក្រែក ខេត្តត្បូងឃ្មុំ ដែលជាស្រុកកំណើតរបស់សម្តេចផ្ទាល់ ជារៀងរហូតមកទំាងខាងវិស័យពុទ្ធចក្រ និងអាណាចក្រ មានវត្តអារាម ផ្លូវថ្នល់ មន្ទីរពេទ្យ មណ្ឌលសុខភាព ប្រឡាយទឹករួមនិងលំនៅដ្ឋាន ជាដើម។ នៅក្នុងឱកាសនោះ សម្តេចអគ្គមហាពញាចក្រី ហេង សំរិន បានថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ ជាពិសេសក្រុមការងារដែលបានបរិច្ចាគទាំងកម្លាំងកាយ កម្លាំងចិត្ត ធនធានសម្ភារៈ និងថវិកា ដើម្បីរួមចំណែកដល់ការកសាងអាគារសិក្សាថ្មីនេះឱ្យមានជារូបរាងឡើង។ សម្តេចប្រធានរដ្ឋសភា បានសម្តែងនូវការនឹករលឹក និងសួរសុខទុក្ខជូនចំពោះលោកគ្រូ អ្នកគ្រូ មន្រ្តីរាជការទាំងអស់ ពិសេស លោកគ្រូ អ្នកគ្រូ ដែលបានចូលនិវត្តន៍ និងសូមថ្លែងអំណរគុណចំពោះគុណូបការៈ កិច្ចខិតខំប្រឹងប្រែង និងការលះបង់ដ៏មានតម្លៃមិនអាចកាត់ថ្លៃបានរបស់អ្នកទាំងអស់គ្នា ក្នុងការផ្តល់ការអប់រំ សិលធម៌ និងចំណេះដឹងដល់កូនចៅប្រជាពរដ្ឋនៅទូទាំងស្រុកពញាក្រែក ឱ្យក្លាយជាធនធានមនុស្សដ៏ល្អសម្រាប់សង្គមជាតិយើង។ សម្តេចបានបញ្ជាក់រាជរដ្ឋាភិបាលបានលើកកម្ពស់តម្លៃវិជ្ជាជីវៈ និងកិត្តិយសគ្រូបង្រៀន តាមរយៈការប្រារព្ធទិវាគ្រូបង្រៀនជារៀងរាល់ឆ្នាំ នៅថ្ងៃទី៥ តុលា ដែលជាទិវារំលឹកគុណគ្រូសម្រាប់ជាការចងចាំរបស់យុវជនគ្រប់ជំនាន់។សម្តេចអគ្គមហាពញាចក្រីហេង សំរិន បានអំពាវនាវនិងលើកទឹកចិត្តដល់ប្រជាពលរដ្ឋនៅស្រុកពញាក្រែក ខេត្តត្បូងឃ្មុំ ក៍ដូចជានៅទូទំាងប្រទេសនាំកូនចៅទៅចុះសិក្សាឲ្យបានគ្រប់គ្នា មានតែចំណេះដឹងទេដែលជាស្ពានពន្លឺផ្លូវជីវិតដ៏ត្រចេះត្រចង់របស់កូនៗគ្រប់រូប ទៅថ្ងៃអនាគត។ សម្តេចក៏បានលើកទឹកចិត្តដល់គណៈគ្រប់គ្រងសាលា លោកគ្រូ អ្នកគ្រូ ត្រូវបំផុសផ្សព្វផ្សាយកម្មវិធីអប់រំ សុខភាព សីលធម៌ និងគុណធម៌ ឱ្យបានទូលំទូលាយ និងបង្កើតស្មារតីស្រឡាញ់ បរិស្ថានធម្មជាតិ បង្កើនការដាំដុះរុក្ខជាតិតាមសាលារៀន ប្រែក្លាយបរិវេណសាលារៀនឱ្យពោរពេញដោយបរិស្ថាន ធម្មជាតិ រំលេចភាពបៃតង ដើម្បីទាក់ទាញឱ្យស្រឡាញ់ការសិក្សារៀនសូត្រនៅតាមសាលារៀន៕

ប្រជាពលរដ្ឋខ្មែរនាំគ្នាបានប្រារព្ធទិវាចងចាំ ២០ឧសភា រំលឹកដល់វិញ្ញាណក្ខន្ធជនរងគ្រោះ ដែលបានស្លាប់ដោយប្រល័យពូជសាសន៍ប៉ុលពត ៣ឆ្នាំ ៨ខែ និង២០ថ្ងៃ

2022/05/20 10:51:28 am        805
Facebook Telegram Linkin
ភ្នំពេញ៖ ប្រជាពលរដ្ឋខ្មែរ បាននាំគ្នាបានប្រារព្ធទិវាចងចាំ ២០ឧសភា នៅសារមន្ទីរជើងឯក ស្ថិតនៅក្នុង ភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ ដែលជាទីតម្តល់សពពលរដ្ឋដ៏ធំ ដែលបានស្លាប់ក្នុងរបបប្រល័យពូជសាសន៍ប៉ុលពត ៣ឆ្នាំ ៨ខែ និង២០ថ្ងៃ។ពិធីរំលឹកទិវាចងចាំ ២០ឧសភានេះ រៀបចំឡើងដោយរដ្ឋបាលរាជធានីភ្នំពេញ ក្រោមអធិបតីភាពឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ នៃព្រឹទ្ធសភា និងមានការចូលរួមពីថ្នាក់ដឹកនាំ មន្ត្រីរាជការ អាជ្ញាធរដែនដី និងប្រជាពលរដ្ឋជាច្រើននៅរាជធានីភ្នំពេញ។ទិវានេះ ជាការរំលឹកដល់វិញ្ញាណក្ខន្ធដល់ជនរងគ្រោះជាង៣លាននាក់ដែលបានស្លាប់បាត់បង់ជីវិតនៅក្នុងរបបប្រល័យពូជសាសន៍ ប៉ុល ពត។យោងងតាមសារសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រជាពលរដ្ឋកម្ពុជាភាគច្រើនលើសលប់បានដឹង និងបានយល់ច្បាស់អំពីរឿងរ៉ាវសោកនាដកម្មដ៏ជូរចត់ដែលប្រជាពលរដ្ឋខ្មែរបានឆ្លងកាត់ជិត៣ទសវត្សរ៍ក្នុងភ្នក់ភ្លើងសង្គ្រាម និងទឹកភ្នែក ការកាប់សម្លាប់ ការបំផ្លិចបំផ្លាញ ការជម្លៀសចេញពីទីលំនៅរបស់ខ្លួនដោយបង្ខំ និងការបង្ខំឱ្យធ្វើការដូចសត្វធាតុជាដើម។មិនតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ ហើយសូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ។សម្តេចតេជោ ហ៊ុន សែន ប្រកាសថា “ដើម្បីកុំអោយរបបនេះវិលត្រឡប់មកវិញ យើងត្រូវចូលរួមថែរក្សាការពារសន្តិភាពឱ្យបានគង់វង្សពីព្រោះសន្តិភាពបានផ្តល់ឱកាសគ្រប់យ៉ាងក្នុងការកសាងសង្គមគ្រួសារ សហគមន៍ និងប្រទេសជាតិ ឱ្យកាន់តែរីកចម្រើនទៅមុខទៀត”៕

លោកឧត្តមសេនីយ៍ឯក ហ៊ុន ម៉ាណែត ផ្តល់អំណោយជូនប្រជាពលរដ្ឋចំនួន៥៧គ្រួសារ ក្នុងខេត្តបន្ទាយមានជ័យ

2022/05/20 10:33:24 am        528
Facebook Telegram Linkin
បន្ទាយមានជ័យ៖ នៅថ្ងៃទី២០ ខែឧសភា ឆ្នាំ២០២២ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មេីរជេីងលេខ៥១ បាននាំយកអំណោយរបស់លោកឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក និងលោកស្រី ផ្តល់ជូនដល់និវត្តជន និងគ្រួសារកងទ័ព ស្ថិតនៅភូមិភ្នំជញ្ជាំង ឃុំជប់ ស្រុកព្រះនេត្រព្រះ ខេត្តបន្ទាយមានជ័យ។ លោកឧត្តមសេនីយ៍ត្រី បានបញ្ជាក់ថា ថ្នាក់ដឹកនាំគ្រប់លំដាប់ថ្នាក់តែងតែគិតគូ ដល់សុខទុក្ខនិវត្តជន និងគ្រួសារកងទ័ពដែលជួបការលំបាក ជាពិសេសលោក ហ៊ុន ម៉ាណែត និងលោកស្រី ជានិច្ចកាលបានផ្តល់អំណោយ ជាគ្រឿងឧបភោគបរិភោក និងថវិកា ជួយសម្រួលការលំបាក។ជាក់ស្តែងនៅថ្ងៃនេះនិវត្តជន និងគ្រួសារកងទ័ព ចំនួន៥៧គ្រួសារ ទទួលបានអំណោយ ក្នុងមួយគ្រួសារទទួលបានគ្រឿងឧបភោគបរិភោគចំនួន៨មុខ និងថវិកាមួយចំនួន។ នាឱកាសនោះដែរ និវត្តជន និងគ្រួសារកងទ័ពទាំងអស់ បានថ្លែងអំណរគុណយ៉ាងជ្រាលជ្រៅបំផុតជូនចំពោះលោក ហ៊ុន ម៉ាណែត និងលោកស្រី សូមមានសុខភាពល្អទទួលជោគជ័យគ្រប់ភារកិច្ច ជូនជាតិមាតុភូមិនិងប្រជាជន និងសូមគាំទ្រលោក ហ៊ុន ម៉ាណែត ជាបេក្ខភាពនាយករដ្ឋមន្រ្តី នាពេលអនាគត ដើម្បីអភិវឌ្ឍន៍ប្រទេសកម្ពុជា ឱ្យមានការរីកចម្រើនជារៀងនិរន្តតទៅ៕

គ.ជ.ប ដឹកនាំកិច្ចប្រជុំជាមួយភាគីពាក់ព័ន្ធស្តីពីការឃោសនាបោះឆ្នោតក្រុមប្រឹក្សាឃុំ-សង្កាត់

2022/05/20 10:20:49 am        566
Facebook Telegram Linkin
ភ្នំពេញ៖ ឯកឧត្តម ឯម សូផាត សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) នាព្រឹកថ្ងៃទី២០ ខែឧសភា ឆ្នាំ២០២២ អញ្ជើញដឹកនាំកិច្ចប្រជុំផ្សព្វផ្សាយជាមួយភាគីពាក់ព័ន្ធស្តីពីការចាប់ផ្តើមបើកដំណើរការនៃការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២។កិច្ចប្រជុំនេះមានការអញ្ជើញចូលរួមពីតំណាងស្ថាប័ន តំណាងគណបក្សនយោបាយ និងតំណាងអង្គការសង្គមស៊ីវិល ។ ដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ មានរយះពេល២សប្តាហ៍ ចាប់ពីថ្ងៃទី២១ ខែឧសភា រហូតដល់ថ្ងៃទី៣ ខែមិថុនា ឆ្នាំ២០២២ និងមានគណបក្សនយោបាយសរុបចំនួន១៧ចូលរួមការឃោសនាបោះឆ្នោត៕

សង្គ្រាម​រវាង​រុស្ស៊ី​ និង​អ៊ុយ​ក្រែ​ន​អូស​បន្លាយ​ដល់​ជាង​ ១០​សប្ដាហ៍ ខណៈ​មនុស្ស​ស្លាប់ និង​ជនភៀសខ្លួន​បន្ត​កើន​ឡើង

2022/05/20 10:19:58 am        1064
Facebook Telegram Linkin
​អ៊ុយក្រែន៖ រយៈពេល ​១២​សប្ដាហ៍​នៃ​ការ​វាយ​លុក​របស់​រុស្ស៊ី​ចូល​ប្រទេស​អ៊ុយ​ក្រែ​ន ​បាន​មើល​ឃើញកងកម្លាំង​របស់​ទីក្រុង Kyiv បន្ត​បង្កើន​ការវាយប្រហារ​របស់​ពួកគេ​ប្រឆាំង​នឹង​កងកម្លាំង​រុស្ស៊ី​។​ ​ឧត្ដមស្នងការ​ទទួល​បន្ទុក​ជនភៀសខ្លួនរ​បស់​អង្គការសហប្រជាជាតិ​ហៅ​កាត់​ថា​ (UNHCR) និយាយ​ថា ជនជាតិ​អ៊ុយ​ក្រែ​ន​ជាង ​៦​លាន​នាក់​បាន​ភៀសខ្លួន​ចូល​ទៅ​កាន់​ប្រទេសជិតខាង​។​ ​ការ​ជម្លៀស​ក្រុម​អ្នក​ប្រយុទ្ធ​ចេញពី​រោងចក្រ​ដែកថែប Azovstal បានចាប់ផ្ដើម​ធ្វើឡើង​ក្រោម​កិច្ច​ព្រម​ព្រៀង​ដោះដូរ​អ្នកទោស​ជាមួយ​ឈ្លើយសឹក​រុស្ស៊ី។ បន្ទាប់មក​បាន​ឈាន​ដល់​ការដោះដូរ​បន្ថែម ​សម្រាប់​ក្រុម​អ្នក​ប្រយុទ្ធ​រាប់​រយ​នាក់ ខណៈ​យោធា​អ៊ុយ​ក្រែ​ន​ប្រកាស​បញ្ចប់​បេសកកម្ម​ប្រយុទ្ធ​នៅ​រោងចក្រ Azovstal ក្នុង​ទីក្រុង Mariupol​។ ​លោក​ប្រធានាធិបតី​អ៊ុយ​ក្រែ​ន Volodymyr Zelenskyy និយាយ​ថា ក្រុម​អ្នកចរចា​កំពុង​ព្យាយាម​ធានា​ឲ្យ​មានការ​រំដោះ​ក្រុម​អ្នក​ប្រយុទ្ធ​ស្នេហា​ជាតិ​អ៊ុយ​ក្រែ​ន ​ដែល​នៅ​សេសសល់​ក្នុង​រោងចក្រ​ដែកថែប Azovstal ​ដែល​គេ​ប៉ាន់ប្រមាណ​ថា​មាន​ជាង 600​នាក់​។ ​ចំណែក​ខាង​ភាគី​ក្រសួងការពារជាតិ​រុស្ស៊ី​ឯណោះ​វិញ​បាន​បញ្ជាក់​ថា ជនជាតិ​អ៊ុយ​ក្រែ​ន 265​នាក់​បាន​ទម្លាក់អាវុធ​ចុះ​ប្រគល់​ខ្លួន​ក្នុងចំណោម​ពួកគេ​មាន ​51នាក់​រងរបួស​។ ​ទោះយ៉ាងណា​ក៏ដោយ​ជោគវាសនា​របស់​ក្រុម​អ្នក​ប្រយុទ្ធ​ស្នេហា​ជាតិ​អ៊ុយ​ក្រែ​ន ​នៅ​រោងចក្រ​ដែកថែប Azovstal របស់​ទីក្រុង Mariupol នៅតែ​មិនទាន់មាន​ភាពច្បាស់លាស់​នៅឡើយ​កាលពី​ថ្ងៃ​អង្គារ បន្ទាប់ពី​ក្រុម​អ្នក​ប្រយុទ្ធ​រាប់​រយ​នាក់​បានប្រគល់​ខ្លួន និង​ត្រូវបាន​បញ្ជូន​ទៅកាន់​ដែនដី​គ្រប់គ្រង​ដោយ​រុស្ស៊ី​។​​ក្នុងអំឡុង​ដើមខែ​មេសា ក្រុម​អ្នកសារព័ត៌មាន​ឯករាជ្យ​បាន​ចូល​ទៅកាន់​ទីក្រុង​មួយ ​របស់​អ៊ុយ​ក្រែ​ន​នោះ​គឺ​ទីក្រុង Bucha ដែល​ស្ថិតនៅ​ភាគ​ខាង​ភាគ​ពាយ័ព្យ​រដ្ឋធានី Kyiv ដោយ​បាន​មើល​ឃើញ​សាក​សព​រណូករណែល​នៅ​តាម​ដង​ផ្លូវ​នានា​។ អ្នកស្លាប់​ទាំងនោះ​ស្លៀក​សម្លៀកបំពាក់​បែប​ជន​ស៊ីវិល ហើយ​ខ្លះ​ចងដៃ​ព័ទ្ធ​ទៅ​ក្រោយ​ដែល​ទំនងជា​ត្រូវបាន​ប្រហារជីវិត​។ ហើយ​យោង​តាម​អភិបាលក្រុង​នេះ​បាន​ឲ្យ​ដឹង​ថា ​ប្រជាពលរដ្ឋ​ជាង 300​នាក់​បាន​ស្លាប់ ដែល​រុស្ស៊ី​ និង​អ៊ុយ​ក្រែ​ន​បាន​ចោទ​ដាក់គ្នា​អំពី​ការ​សម្លាប់​រង្គាល​នេះ​។​ ​កាលពី​ថ្ងៃ​ទី​១១ ​ខែ​ឧសភា​ ​កងទ័ព​អ៊ុយ​ក្រែ​នប​ន្ត​បង្កើន​ការ​វាយ​ប្រយុទ្ធ​រុល​ចូល​ទៅកាន់​ភាគ​ខាងជើង​ទីក្រុង Kharkiv ដោយ​ដណ្ដើម​បាន​ភូមិ Pytomnyk និង​វាយ​រុញ​កងកម្លាំង​រុស្ស៊ី​ត្រឡប់​ក្រោយ។​ ​កាល​ពី​ថ្ងៃ​ទី​១២ ​ខែ​ឧសភា ​កងកម្លាំង​រុស្ស៊ី​បាន​ប្រើ​កាំភ្លើង​ធំ​ដើម្បី​ពន្យឺត​ការ​រុល​ទៅ​មុខ ​របស់​ទាហាន​អ៊ុយ​ក្រែ​ន​នៅ​ភាគ​ខាងជើង​ទីក្រុង Kharkiv​។ ​កាលពី​ថ្ងៃ​ទី​១៣ ​ខែ​ឧសភា នាយសេនាធិការ​ចម្រុះ​អ៊ុយ​ក្រែ​នបាន​រាយការណ៍​ជា​លើកដំបូង​ថា អង្គភាព​យោធា​ជាច្រើន​របស់​រុស្ស៊ី​កំពុង​ត្រៀម​ដកថយ​ពី​ទីក្រុង Kharkiv​។ កងកម្លាំង​រុស្ស៊ី​បាន​បរាជ័យ​ក្នុង​ការ​ព្យាយាម​វាយ​បំបែក​សមរភូមិ​មុខ​ចំនួន​២ នៅ​ខាងក្រៅ​ទីក្រុង Izyum និង​ឆ្ពោះ​ទៅ​វាយ​ដណ្ដើមយក​ទីក្រុង Slovyansk​។​អគ្គសេនាធិការ​ចម្រុះ​អ៊ុយ​ក្រែ​ន​និយាយ​ថា ​ក្រុមបច្ចេកទេស​កងវរសេនាតូច​ចំនួន​២ ​របស់​រុស្ស៊ី​ត្រូវ​បាន​ផ្លាស់​ទៅកាន់​តំបន់ Severodonets ក្នុង​តំបន់ Donbas និង​ត្រៀម​វាយប្រហារ​លើ​ទីក្រុង Soledar និង​ទីក្រុង Bakhmut​។ ​តំណាង​ជាន់ខ្ពស់​របស់​សហភាព​អឺរ៉ុប​លោក Josep Borrell ប្រកាស​ផ្ដល់​កញ្ចប់​ជំនួយ​មួយ​ផ្សេងទៀត​ដល់​យោធា​ជួយ​អ៊ុយ​ក្រែ​ន ​ដែល​មាន​ទំហំ​ទឹកប្រាក់ ​500លានអឺរ៉ូដែល​នាំ​ឲ្យ​ជំនួយ​សរុប​របស់​សហ​ភាព​អឺរ៉ុប​កើន​ឡើង​ដល់ 2​ពាន់​លាន​អឺរ៉ូ ($2.1bn)​។​ លោក​ថា ប្រាក់​ទាំងនោះ​នឹង​យក​ទៅ​ទិញរថក្រោះ រថពាសដែក កាំភ្លើង​ធំ ​និង​គ្រាប់រំសេវ​ជាដើម​។​ ស៊ុយ​អែត និង​ហ្វាំ​ង​ឡង់​ប្រកាស​ថា ​ខ្លួន​នឹង​ដាក់​ពាក្យ​សុំ​ចូល​ជា​សមាជិក​សម្ព័ន្ធ​យោធា​ណា​តូ ជា​ការ​បញ្ចប់​ជំហរ​អព្យាក្រឹត្យ​រយៈពេល​ ២​សតវត្សរ៍​មកនេះ​។ ​កាលពី​ថ្ងៃទី​១៦​ ខែឧសភា ក្រសួង​ការពារ​ជាតិ​អ៊ុយ​ក្រែ​ន​និយាយ​ថា ទាហាន​របស់​ខ្លួន​បាន​វាយ​ចូល​ទៅ​ដល់​ព្រំដែន​រុស្ស៊ី​ចម្ងាយ ​40km ភាគ​ខាងជើង​ទីក្រុង Kharkiv​។ ​ការិយាល័យ​ឧត្ដមស្នងការ​ទទួលបន្ទុក​សិទ្ធិមនុស្ស​ របស់​អង្គការសហប្រជាជាតិ ឬ OHCHR និយាយ​ថា គិត​ត្រឹម​ថ្ងៃ​អង្គារ​សប្ដាហ៍​នេះ ជន​ស៊ីវិល​យ៉ាង​ហោចណាស់​ 3,778នាក់​បាន​ស្លាប់​ក្នុង​ប្រទេស​អ៊ុយ​ក្រែ​ន ចាប់​តាំង​ពី​ការ​វាយ​លុក​របស់​រុស្ស៊ី​បាន​ចាប់ផ្ដើម​កាលពី​ថ្ងៃទី​២៤ ​ខែ​កុម្ភៈ​។​ ទិន្នន័យ​នេះ​រួម​ទាំង​កុមារ​ចំនួន 251​នាក់​ផង​ដែរ​៕ អត្ថបទ៖ សុខមាន

សម្តេចតេជោ ហ៊ុន សែន៖ ថ្ងៃទី២០ឧសភាជាថ្ងៃរំលឹកទិវាជាតិនៃការចងចាំ ដែលប្រជាជនកម្ពុជាគ្រប់ៗរូបចងចាំមិនអាចបំភ្លេចបានក្នុងរបបកម្ពុជាប្រជាធិបតេយ្យ ដែលជារបបដ៏ឃោរឃៅ និងខ្មៅងងឹត

2022/05/20 06:42:08 am        1070
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា ថ្ងៃទី២០ឧសភា នេះ ជាថ្ងៃរំលឹកទិវាជាតិនៃការចងចាំ ដែលប្រជាជនកម្ពុជាគ្រប់ៗរូបចងចាំមិនអាចបំភ្លេចបានក្នុងរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ ប៉ុល ពត (១៧ មេសា ១៩៧៥ – ៦ មករា ១៩៧៩) ដែលជារបបដ៏ឃោរឃៅនិងខ្មៅងងឹត។ទិវានេះ ជាការរំលឹកដល់វិញ្ញាណក្ខន្ធដល់ជនរងគ្រោះជាង៣លាននាក់ដែលបានស្លាប់បាត់បង់ជីវិតនៅក្នុងរបបប្រល័យពូជសាសន៍ ប៉ុល ពត។សម្តេចតេជោ ហ៊ុន សែន បញ្ជាក់ថាប្រជាពលរដ្ឋកម្ពុជាភាគច្រើនលើសលប់បានដឹង និងបានយល់ច្បាស់អំពីរឿងរ៉ាវសោកនាដកម្មដ៏ជូរចត់ដែលប្រជាពលរដ្ឋខ្មែរបានឆ្លងកាត់ជិត៣ទសវត្សរ៍ក្នុងភ្នក់ភ្លើងសង្គ្រាម និងទឹកភ្នែក ការកាប់សម្លាប់ ការបំផ្លិចបំផ្លាញ ការជម្លៀសចេញពីទីលំនៅរបស់ខ្លួនដោយបង្ខំ និងការបង្ខំឱ្យធ្វើការដូចសត្វធាតុជាដើម។មិនតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ ហើយសូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ។សម្តេចប្រកាសថា “ដើម្បីកុំអោយរបបនេះវិលត្រឡប់មកវិញ យើងត្រូវចូលរួមថែរក្សាការពារសន្តិភាពឱ្យបានគង់វង្សពីព្រោះសន្តិភាពបានផ្តល់ឱកាសគ្រប់យ៉ាងក្នុងការកសាងសង្គមគ្រួសារ សហគមន៍ និងប្រទេសជាតិ ឱ្យកាន់តែរីកចម្រើនទៅមុខទៀត”៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់​ថា នឹងធ្វើកិច្ចចរចាជាមួយកាតា ជុំវិញ​ទ្រព្យសម្បត្តិដែលត្រូវបានបង្កក
06/30/2026 08:06 PM
Facebook Telegram Linkin
អគារផ្ទះល្វែងមួយ ​ដួលរលំ នៅទីក្រុងអាតែន​របស់​ក្រិក​ ខណៈ​ក្រុមអ្នកជួយសង្គ្រោះស្វែងរកអ្នកជាប់ក្នុង​នោះ​
06/30/2026 08:06 PM
Facebook Telegram Linkin
កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកប​ដោយ​ការ​ស្ថាបនា» អំពីទាហាន​កូរ៉េខាងជើង
06/30/2026 08:06 PM
Facebook Telegram Linkin
នាយករដ្ឋមន្ត្រី​ជប៉ុន ស្វែងរកទំនាក់​ទំនង​កាន់តែស៊ីជម្រៅជាមួយ​ឥណ្ឌា លើផ្នែក​​ពាណិជ្ជកម្ម និងសន្តិសុខ
06/30/2026 07:06 PM
Facebook Telegram Linkin
មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិត​​នៅ​កាតា តែ​គ្មាន​ជំនួប​ជាមួយអ៊ីរ៉ង់ទេ
06/30/2026 07:06 PM
Facebook Telegram Linkin
ទីភ្នាក់ងារពាណិជ្ជកម្ម UN៖ វិបត្តិ​​ច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេល​យូរ
06/30/2026 07:06 PM
Facebook Telegram Linkin
លោក Zelenskyy៖ អ៊ុយក្រែនវាយប្រហារជាលើកទី ២ លើ​ទីតាំងផ្កាយរណប Dubna របស់រុស្ស៊ី
06/30/2026 07:06 PM
Facebook Telegram Linkin
ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬ​បំផ្លាញ នៅវ៉េណេស៊ុយអេឡា
06/30/2026 07:06 PM
Facebook Telegram Linkin
កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក
06/30/2026 06:06 PM
Facebook Telegram Linkin
រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង
06/30/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.