BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

អ៊ុយក្រែន៖ រថភ្លើងជាច្រើនខ្សែនៅតែបន្តទៅដល់ទីក្រុង Przemys របស់ប្រទេសប៉ូឡូញកាលពីថ្ងៃព្រហស្បតិ៍ ដោយដឹកជនភៀសខ្លួនរាប់រយនាក់ដែលកំពុងរត់គេច ចេញពីការឈ្លានពានរបស់រុស្ស៊ីលើអ៊ុយក្រែន។ នៅក្នុងពេលឱបលាគ្នាទាំងទឹកភ្នែកនៅស្ថានីយរថភ្លើង Przemysl ស្ត្រីជនជាតិអ៊ុយក្រែនម្នាក់បានបែកពីកូនស្រីរបស់គាត់ ដោយរូបគាត់ត្រូវត្រឡប់ទៅកាន់ប្រទេសអ៊ុយក្រែនវិញ ដើម្បីបន្តការងារជាគិលានុបដ្ឋាកក្នុងមន្ទីរពេទ្យយោធា។ កងកម្លាំងរុស្ស៊ីបានបង្កើនសកម្មភាពសង្គ្រាមនៅអ៊ុយក្រែន កាលពីថ្ងៃព្រហស្បតិ៍ដោយរឹបអូសបានកំពង់ផែដែនសមុទ្រុជាយុទ្ធសាស្ត្រ ខណៈដែលភាគីទាំង២ ចរចានៅប្រទេសបេឡារុស។ នៅមួយផ្នែកទៀតនៃការភៀសខ្លួន ភាពក្ដុកក្ដួល និងការសម្រកទឹកភ្នែកបានកើនឡើងខ្លាំងក្នុងចំណោមជនភៀសខ្លួនអ៊ុយក្រែន ដែលកំពុងមកដល់ក្នុងប្រទេសរ៉ូម៉ានីកាលពីថ្ងៃព្រហស្បតិ៍ ខណៈស្ត្រីម្នាក់បានរំលឹកពីសម្ដីដែលរូបគាត់បាននិយាយជាមួយម្ដាយរបស់គាត់ មុនពេលលាគ្នាចាកចេញពីប្រទេសកំណើត ដោយមិនដឹងថាពេលណាបានជួបមុខគ្នាវិញ។ រឿងរ៉ាវរបស់គាត់ក៏មិនខុសគ្នាដែរពីមនុស្សចំនួន ១លាននាក់ទៀតដែលបានភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានឈ្លានពានអ៊ុយក្រែន៕អត្ថបទ៖ សុខមាន

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

អឺរ៉ុប៖ ជនភៀសខ្លួនអ៊ុយក្រែននឹងមានសិទ្ធិរស់នៅ និងធ្វើការក្នុងសហភាពអឺរ៉ុបរយៈពេល ៣ឆ្នាំក្រោមផែនការបន្ទាន់ ជាការឆ្លើយតបទៅនឹងអ្វីដែលកំពុងក្លាយជាវិបត្តិជនភៀសខ្លួនធំបំផុត របស់សហភាពអឺរ៉ុបនៅក្នុងរយៈពេល ១០០ឆ្នាំមកនេះ។យោងតាមទីភ្នាក់ងារអង្គការសហប្រជាជាតិ មនុស្សប្រមាណ ១លាននាក់បានភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានបើកការវាយប្រហារឈានដល់ថ្ងៃទី៩ ដោយបានព្រមានទៀតថា មនុស្ស ៤លាននាក់អាចចាកចេញពីប្រទេសនេះក្នុងរយៈពេលប៉ុន្មានសប្ដាហ៍ និងប៉ុន្មានខែខាងមុខនេះ បើរុស្ស៊ីនៅតែបន្តប្រតិបត្តិការយោធា។មនុស្សជាង ៤៥៤,០០០នាក់បានរត់ចូលប្រទេសប៉ូឡូញ ខណៈដែល ១១៦,០០០នាក់ទៀតបានចូលទៅក្នុងប្រទេសហុងការី, មនុស្ស ៦៧,០០០នាក់ចូលទៅកាន់ប្រទេសស្លូវ៉ាគី, មនុស្ស ៤៥,០០០នាក់ចូលទៅកាន់ប្រទេសរ៉ូម៉ានី និង ៧៩,០០០នាក់ផ្សេងទៀតចូលទៅកាន់ប្រទេសមូលដូវ៉ា ដែលមិនមែនជាសមាជិកសហភាពអឺរ៉ុបជាប្រទេសក្រីក្របំផុតនៅតំបន់អឺរ៉ុប៕អត្ថបទ៖ សុខមាន

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

អ៊ុយក្រែន៖ លោកប្រធានាធិបតីអ៊ុយក្រែន Zelenskyy បាននិយាយថា ការចរចាដោយផ្ទាល់ជាមួយលោក Putin គឺជាច្រកតែមួយគត់ដើម្បីបញ្ចប់សង្គ្រាមរវាងប្រទេសរុស្ស៊ី និងអ៊ុយក្រែន។ លោកប្រធានាធិបតីអ៊ុយក្រែន Volodymyr Zelenskyy បាននិយាយក្នុងសារផ្ញើជូនលោក Putin ថា ខ្ញុំមិនចេះខាំទេ។ តើអ្នកខ្លាចអី? ខណៈដែលអាមេរិក និងចក្រភពអង់គ្លេសបានបង្ហាញកញ្ចប់ទណ្ឌកម្មថ្មី លើក្រុមមេដឹកនាំធុរកិច្ចធំរបស់រុស្ស៊ី។ក្រុមគណៈប្រតិភូរុស្ស៊ី និងអ៊ុយក្រែនបានជួបគ្នាជុំទី២ ក្នុងទីក្រុង Brest ស្ថិតនៅតាមព្រំដែនរវាងប្រទេសប៉ូឡូញ និងបេឡារុសកាលពីថ្ងៃព្រហស្បតិ៍ម្សិលមិញនេះ។ ភាគីអ៊ុយក្រែនបានស្វែងរកការបើកច្រករបៀងមនុស្សធម៌ ខណៈពេលដែលរុស្ស៊ីបានទទូចថា ការពន្យារពេលណាមួយក្នុងការចរចានឹងនាំឱ្យមានការបន្ថែម តម្រូវការទៅលើបញ្ជីទាមទារ របស់ទីក្រុង Moscow។ ក្រោយការចរចាជុំទី២ រវាងក្រុមមន្ត្រីរបស់ប្រទេសទាំង២ ក្រុង Kyiv និង Moscow បានរាយការណ៍ថា បានព្រមព្រៀងលើការបង្កើតឲ្យមានច្រករបៀងមនុស្សធម៌ ដើម្បីជម្លៀសជនស៊ីវិល។លោក Mikhail Podolyak ទីប្រឹក្សាប្រធានការិយាល័យរបស់ប្រធានាធិបតីអ៊ុយក្រែន បានសរសេរនៅលើបណ្ដាញសង្គមធ្វីតធ័រថា ការចរចាជុំទី២ បានបញ្ចប់ហើយ តែគួរឲ្យស្ដាយព្រោះលទ្ធផលដែលអ៊ុយក្រែនចង់បាននោះ គឺមិនទាន់មាននៅឡើយទេ។ មានដំណោះស្រាយតែមួយគត់ សម្រាប់ការរៀបចំឲ្យមានច្រករបៀងមនុស្សធម៌៕អត្ថបទ៖ សុខមាន

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បានប្រកាសដាក់ទណ្ឌកម្មថ្មីកាលពីថ្ងៃព្រហស្បតិ៍លើមន្ត្រីជាន់ខ្ពស់រុស្ស៊ី និងអ្នកផ្សេងទៀតនៅក្នុងរង្វង់ផ្ទៃក្នុងរបស់ប្រធានាធិបតីលោក Vladimir Putin ខណៈកងកម្លាំងរុស្ស៊ីបន្តវាយប្រហារលើអ៊ុយក្រែន។ថ្លែងនៅក្នុងកិច្ចប្រជុំគណៈរដ្ឋមន្ត្រី លោក Biden និយាយថា លោកកំពុងបន្តដាក់ទណ្ឌកម្មសេដ្ឋកិច្ចធ្ងន់ធ្ងរលើមនុស្សជិតស្និទ្ធជាមួយលោក Putin។ ទណ្ឌកម្មថ្មីនេះផ្តោតទៅលើអ្នកនាំពាក្យរបស់លោក Putin គឺលោក Dmitry Peskov និងលោក Alisher Burhanovich Usmanov ជាបុគ្គលមានទ្រព្យបំផុតម្នាក់របស់រុស្ស៊ី និងជាសម្ព័ន្ធមិត្តជិតស្និទ្ធរបស់លោក Putin។ ក្រសួងការបរទេសសហរដ្ឋអាមេរិកប្រកាសថា ក្រសួងកំពុងដាក់បម្រាមទិដ្ឋាការលើមន្ត្រីរុស្ស៊ី ១៩នាក់ និងសមាជិកគ្រួសាររបស់ពួកគេ និងអ្នកជិតស្និទ្ធ។ សេតវិមានបានចាត់ទុកលោក Peskov អ្នកនាំពាក្យវិមានក្រឹមឡាំងថា ជាអ្នកផ្សព្វផ្សាយកំពូលម្នាក់នៃការឃោសនារបស់លោក Putin។ លោក Biden និយាយថា គោលបំណងនៃទណ្ឌកម្មគឺដើម្បីរក្សាយុទ្ធនាការផលប៉ះពាល់លើសេដ្ឋកិច្ច រួមខ្លាំងបំផុតរបស់លោក Putin ក្នុងប្រវត្តិសាស្ត្រទាំងអស់ ហើយលោកគិតថា កំពុងដំណើរការបានល្អលើការដាក់ទណ្ឌកម្មនេះ៕អត្ថបទ៖ ប៊ុនថន

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

បេឡារុស៖ អ្នកចរចានៃភាគីទាំងពីរបាននិយាយថា ប្រទេសអ៊ុយក្រែន និងរុស្ស៊ីបានព្រមព្រៀងគ្នាបង្កើតច្រករបៀងមនុស្សធម៌ដើម្បីជម្លៀសជនស៊ីវិល នៅក្នុងជុំទីពីរនៃកិច្ចចរចាចាប់តាំងពីទីក្រុងមូស្គូ បានឈ្លានពានចូលអ៊ុយក្រែនកាលពីសប្តាហ៍មុន។ទីប្រឹក្សាប្រធានាធិបតីអ៊ុយក្រែនលោក Mykhailo Podolyak បាននិយាយនៅលើបណ្តាញ Twitter ថា ជុំទីពីរនៃកិច្ចចរចាបានបញ្ចប់ហើយ ប៉ុន្តែអ៊ុយក្រែនមិនទាន់ទទួលបានលទ្ធផលដែលខ្លួនត្រូវការនៅឡើយ។ មានការសម្រេចតែលើការរៀបចំឲ្យមានច្រករបៀងមនុស្សធម៌ សម្រាប់ការជម្លៀសជនស៊ីវិលប៉ុណ្ណោះ។ ការចរចារវាងមន្ត្រីរុស្ស៊ី និងអ៊ុយក្រែនបានធ្វើឡើងនៅព្រំដែនប្រទេសប៉ូឡូញ-បេឡារុសនៅថ្ងៃទី៨ នៃការឈ្លានពានរបស់រុស្ស៊ីលើអ៊ុយក្រែន។ អ្នកចរចារុស្ស៊ីបានបញ្ជាក់ថា ភាគីទាំងពីរបានព្រមព្រៀងបង្កើតច្រកចេញសម្រាប់ជនស៊ីវិល។ អ្នកចរចាសំខាន់របស់រុស្ស៊ី ជាទីប្រឹក្សាប្រធានាធិបតីរុស្សីលោក Vladimir Putin លោក Vladimir Medinsky និយាយថា បញ្ហាចម្បងដែលយើងសម្រេចនៅថ្ងៃនេះគឺបញ្ហានៃការជួយសង្គ្រោះប្រជាជន និងជនស៊ីវិលដែលស្ថិតនៅក្នុងតំបន់នៃការប៉ះទង្គិចគ្នាផ្នែកយោធា។លោកនិយាយថា រុស្ស៊ីអំពាវនាវដល់ជនស៊ីវិលដែលមើលឃើញថា ខ្លួនស្ថិតក្នុងស្ថានភាពនេះ ប្រសិនបើសកម្មភាពយោធានៅតែបន្តត្រូវប្រើប្រាស់ច្រករបៀងមនុស្សធម៌ក្នុងការជម្លៀសខ្លួន។ ជាមួយគ្នានេះ រដ្ឋមន្ត្រីការបរទេសរុស្ស៊ីនិយាយថា រុស្ស៊ីនឹងបន្តទទូចថា កិច្ចព្រមព្រៀងសន្តិភាពណាមួយជាមួយអ៊ុយក្រែន ត្រូវតែរួមមានការសន្យាថា អ៊ុយក្រែននឹងគ្មានយោធា។ រុស្សីបានផ្តល់សញ្ញាថា ខ្លួនមានបំណងពិភាក្សាជាមួយអ៊ុយក្រែនឲ្យទទួលយកស្ថានភាពអព្យាក្រឹត និងយល់ព្រមបោះបង់មហិច្ឆតាក្នុងការចូលរួម ជាមួយសមាជិកអង្គការសន្ធិសញ្ញាអាត្លង់ទិកខាងជើង (NATO)៕អត្ថបទ៖ ប៊ុនថន

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

ភ្នំពេញ ៖ កម្ពុជា-ម៉ាឡេស៊ី បានកត់សម្គាល់អំពីបញ្ហាប្រឈមផ្នែកសន្តិសុខអន្តរជាតិ ដែលកំពុងកើតមាន ដូចជាបញ្ហាជំងឺរាតត្បាតជាដើម។ នេះបើតាមសេចក្តីប្រកាសព័ត៌មានរបស់កងទ័ពជើងគោកស្ដីពីទស្សនកិច្ចផ្លូវការរបស់មេបញ្ជាការកងទ័ពជើងគោកម៉ាឡេស៊ីនៅកម្ពុជា ចេញនៅថ្ងៃទី៣ ខែមីនា ឆ្នាំ២០២២។ប្រភពដដែលបន្តថាភាគីទាំងពីរក៏បានគូសបញ្ជាក់អំពីសារៈសំខាន់នៃការរក្សា និងការបង្កើនទំនាក់ទំនងកិច្ចសហប្រតិបត្តិការទ្វេភាគីរវាងកងទ័ពជើងគោកទាំងពីរកម្ពុជា-ម៉ាឡេស៊ី ដែលជាគន្លឹះមួយដ៏មានប្រសិទ្ធភាព រួមចំណែកជាមួយយន្តការពហុភាគីជាលក្ខណៈតំបន់ដែលមានស្រាប់ ដើម្បីជំរុញការកសាងទំនុកចិត្ត និងការយោគយល់គ្នាទៅវិញទៅមក សំដៅធ្វើយ៉ាងណារួមគ្នាដោះស្រាយបញ្ហាប្រឈមផ្នែកសន្តិសុខនានា និងបន្តគាំទ្រដល់សកម្មភាពនានាដែលនាំទៅដល់ការថែរក្សាសន្តិភាព និងស្ថិរភាពនៅក្នុងតំបន់។សូមបញ្ជាក់ផងដែរថានៅថ្ងៃទី៣ ខែមីនា ឆ្នាំ២០២២ នៅបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបពិភាក្សាការងារជាមួយឯកឧត្តមនាយឧត្តមសេនីយ៍ តាន់ស្រ៊ី ដាតុ សឺរី ហ្សាមរ៉ូស ប៊ីន ម៉ូហាម៉ាត់ ហ្ស៊ីន (Tan Sri Dato Seri Zamrose Bin Mohd Zain) មេបញ្ជាការកងទ័ពជើងគោកម៉ាឡេស៊ី ក្នុងឱកាសដែលឯកឧត្តមនាយឧត្តមសេនីយ៍បំពេញទស្សនកិច្ចផ្លូវការនៅកម្ពុជាចាប់ពីថ្ងៃទី២ ដល់ទី៣ ខែមីនា ឆ្នាំ២០២២។សេចក្ដីប្រកាសព័ត៌មានដដែលបន្ថែមថាក្រៅពីលើកឡើងពីបញ្ហាប្រឈមភាគីទាំងពីរកម្ពុជា-ម៉ាឡេស៊ី ក៏បានសម្តែងនូវការពេញចិត្តចំពោះការរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរកម្ពុជា-ម៉ាឡេស៊ី ក្នុងវិស័យសំខាន់ៗជាច្រើន រួមទាំងវិស័យការពារជាតិ។ កិច្ចសហប្រតិបត្តិការយោធាទ្វេភាគី គឺបានដំណើការបោះជំហានទៅមុខ និងទទួលបានលទ្ធផលផ្លែផ្កាជាច្រើន ជាអាទិ៍ ការបណ្តុះបណ្តាលសិក្ខាកាមយោធិនកម្ពុជាតាមរយៈកម្មវិធី Malaysian Defense Cooperation Program (MDCP) ចាប់តាំងពីឆ្នាំ២០០២, ការផ្លាស់ប្តូរទស្សនកិច្ចទៅវិញទៅមក និងការអញ្ជើញចូលរួមរបស់គណៈប្រតិភូយោធាជាន់ខ្ពស់កម្ពុជាក្នុងព្រឹត្តិការណ៍ពិព័រណ៍ការពារជាតិអាស៊ី(Defense Services Asia Exhibition-DSA) និងពិព័រណ៍ដែនអាកាស និងលម្ហសមុទ្រអន្តរជាតិឡាំងកាវី (Langkawi International Maritime and Aero- space Exhibition-LIMA) ជាដើម។ភាគីទាំងពីរក៏បានវាយតម្លៃខ្ពស់ចំពោះលទ្ធផលនៃដំណើរទស្សនកិច្ចនេះ ដែលជាការបើកទំព័រថ្មីនៃទំនាក់ទំនងកិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរឱ្យកាន់តែសកម្មស៊ីជម្រៅ និងរឹងមាំថែមទៀត។ភាគីទាំងពីរក៏បានពិភាក្សាគ្នាលើគោលគំនិត និងទិសដៅនៃកិច្ចសហប្រតិបត្តិការមួយចំនួនដែលមានសារៈសំខាន់ និងផ្តល់ផលប្រយោជន៍ទៅវិញទៅមកផងដែរ៕ អត្ថបទ ៖ គង់ ឌីន

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានផ្តល់ការវាយតម្លៃក្នុងភាពសុទិដ្ឋិនិយមនៃសង្គ្រាម តាមរយៈសេចក្ដីថ្លែងការណ៍តាមវីដេអូដែលបានចេញផ្សាយនៅថ្ងៃព្រហស្បតិ៍នេះ និងបានអំពាវនាវឲ្យប្រជាជនអ៊ុយក្រែនបន្តការទប់ទល់។ នៅក្នុងសេចក្ដីថ្លែងការណ៍លោក Zelenskyy បានអះអាងថា ជនជាតិរុស្ស៊ី ៩០០០នាក់ត្រូវបានសម្លាប់ក្នុងរយៈពេល ៧ថ្ងៃមកនេះចាប់តាំងពីការឈ្លានពាន។ លោកបាននិយាយយោងទៅរកអ្នកមានអាយុ ១៩ និង ២០ឆ្នាំជាអ្នកដែលត្រូវបានគេប្រើប្រាស់ ហើយបានប្រាប់ពួកគេឲ្យត្រឡប់ទៅប្រទេសវិញ ជាមួយទាហានរុស្ស៊ីទាំងអស់។ កងកម្លាំងប្រធានាធិបតីលោក Vladimir Putin របស់រុស្សីបានអះអាងថា បានគ្រប់គ្រងទាំងស្រុងទីក្រុង Kherson ប៉ុន្តែលោក Zelenskyy មិនបាននិយាយថា តើរុស្សីបានដណ្ដើមយកទីក្រុងណាខ្លះនោះទេ៕អត្ថបទ៖ ប៊ុនថន

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន

សហរដ្ឋអាមេរិក៖ ទាហានមកពីកងពលធំទី៣ កងទ័ពជើងគោករបស់កងទ័ពសហរដ្ឋអាមេរិក ដែលមានមូលដ្ឋាននៅតំបន់ Fort Stewart រដ្ឋ Georgia កំពុងដាក់ពង្រាយទៅកាន់ប្រទេសអាល្លឺម៉ង់ ដើម្បីហ្វឹកហាត់ជាមួយសម្ព័ន្ធមិត្ត NATO និងដើម្បីទប់ស្កាត់ការឈ្លានពានរបស់រុស្ស៊ីបន្ថែមទៀត បន្ទាប់ពីការវាយប្រហារលើអ៊ុយក្រែន។ ទាហានប្រមាណ ៣,៨០០នាក់ត្រូវបានបញ្ជាឱ្យដាក់ពង្រាយ។ពិភពលោកភាគច្រើនប្រឆាំងទីក្រុងមូស្គូនៅអង្គការសហប្រជាជាតិ ដើម្បីទាមទារឱ្យដកខ្លួនចេញពីអ៊ុយក្រែន ខណៈកងកម្លាំងរុស្ស៊ីបន្តការវាយប្រហារលើទីក្រុងធំបំផុតទី២ របស់ប្រទេសនេះ និងបានឡោមព័ទ្ធកំពង់ផែយុទ្ធសាស្ត្ររបស់ប្រទេស។ ប្រទេសរុស្ស៊ីបានរាយការណ៍ពីការស្លាប់ និងរងរបួសយោធារបស់ខ្លួនជាលើកដំបូង ចាប់តាំងពីការឈ្លានពានចាប់ផ្ដើមកាលពីសប្ដាហ៍មុនដោយនិយាយថា ទាហាន ៤៩៨នាក់ត្រូវបានសម្លាប់ និងជិត ១,៦០០នាក់បានរងរបួស។ អ៊ុយក្រែនបានទទូចថា ទាហានរបស់រុស្ស៊ីស្លាប់ច្រើនជាងចំនួននេះ ប៉ុន្តែមិនបានបង្ហាញភ្លាមៗអំពីការបាត់បង់ជីវិតទាហានរបស់ប្រទេសខ្លួននោះទេ៕អត្ថបទ៖ ប៊ុនថន

UN បោះឆ្នោតក្នុងកិច្ចប្រជុំបន្ទាន់ទាមទារឱ្យបញ្ឈប់ការវាយប្រហាររបស់ទីក្រុងមូស្គូលើអ៊ុយក្រែន

UN៖ មហាសន្និបាតអង្គការសហប្រជាជាតិ បានបោះឆ្នោតក្នុងសម័យប្រជុំពិសេសបន្ទាន់មួយកាលពីថ្ងៃពុធ ដើម្បីទាមទារឱ្យបញ្ឈប់ជាបន្ទាន់ ចំពោះការវាយប្រហាររបស់ទីក្រុងមូស្គូលើអ៊ុយក្រែន និងដកកងទ័ពរុស្ស៊ីទាំងអស់ ដោយមានការគាំទ្រយ៉ាងខ្លាំងពីប្រទេសសមាជិកចំនួន ១៩៣ប្រទេសរបស់អង្គការពិភពលោក។ការបោះឆ្នោតលើសេចក្តីសម្រេចត្រូវបានគេឲ្យឈ្មោះថា ការឈ្លានពានលើអ៊ុយក្រែនដែលមានសំឡេងគាំទ្រ ១៤១ ទល់ ៥ ជាមួយនឹង ៣៥អនុប្បវាទ។ រុស្ស៊ីទទួលបានការគាំទ្រចំពោះការអំពាវនាវរបស់ខ្លួន ឱ្យបោះឆ្នោតប្រឆាំងនឹងសេចក្តីសម្រេចពីប្រទេសបេឡារុស ស៊ីរី កូរ៉េខាងជើង និងអេរីទ្រី។ អនុប្បវាទរួមមានទាំងប្រទេសចិន និងឥណ្ឌា។ ឯកអគ្គរដ្ឋទូតសហរដ្ឋអាមេរិកលោកស្រី Linda Thomas-Greenfield បាននិយាយទៅកាន់អ្នកសារព័ត៌មានភ្លាមៗបន្ទាប់ពីការបោះឆ្នោតថា ពិភពលោកបាននិយាយដោយសំឡេងច្បាស់លាស់ និងមានសំឡេងរួមគ្នា ហើយការបោះឆ្នោតបង្ហាញថា រុស្ស៊ីនឹងឯកោ ហើយការខាតបង់នឹងបន្តកើនឡើងរហូតដល់រុស្ស៊ីបន្ទាបខ្លួន។ លោកស្រីបានជំរុញឱ្យប្រទេសទាំងអស់មានសន្ទុះបន្តទៅមុខ ធ្វើអ្វីគ្រប់យ៉ាងដែលអាចធ្វើទៅបានដើម្បីជួយប្រជាជនអ៊ុយក្រែន និងនាំយកប្រទេសរុស្សីឲ្យទទួលខុសត្រូវ៕អត្ថបទ៖ ប៊ុនថន

នគរបាលរុស្ស៊ីចាប់ខ្លួនពលរដ្ឋរាប់ពាន់នាក់នៅទូទាំងប្រទេសដោយសារតវ៉ាប្រឆាំងនឹងសង្គ្រាមអ៊ុយក្រែន

រុស្ស៊ី៖ បាតុកម្មប្រឆាំងសង្គ្រាមបានកើតឡើងនៅក្នុងទីក្រុងជាច្រើនរបស់ប្រទេសរុស្ស៊ី ចាប់តាំងពីលោកប្រធានាធិបតីរុស្ស៊ី Vladimir Putin បានបញ្ជូនកម្លាំងរបស់លោកចូលឈ្លានពានអ៊ុយក្រែន។ ក្រុមបាតុករបានដើរក្បួននៅក្នុងទីក្រុងជាច្រើនដោយស្រែកពាក្យថា គ្មានសង្គ្រាម។នៅក្នុងទីក្រុង St. Petersburg ជាទីដែលមនុស្សរាប់សិបនាក់បានប្រមូលផ្ដុំគ្នានៅកណ្ដាលទីក្រុង ហើយនគរបាលបង្ក្រាបកុបកម្មបានចាប់ខ្លួនអ្នកតវ៉ា និងអូសចូលរថយន្តនគរបាល ទោះបីនោះជាបាតុកម្មដោយសន្តិវិធីក៏ដោយ។ យោងតាម OVD-Info ដែលជាអង្គការតាមដានការតវ៉ានៅក្នុងប្រទេសរុស្ស៊ី មនុស្សជិត ៧,០០០នាក់ត្រូវបានចាប់ខ្លួនដោយនគរបាលរុស្ស៊ីនៅក្នុងការតវ៉ាផ្សេងៗគ្នាក្នុងទីក្រុងចំនួន៥០។ គេបានមើលឃើញក្រុមអ្នកតវ៉ាមួយចំនួន ត្រូវនគរបាលបង្ក្រាបកុបកម្មរុស្ស៊ីចាប់ខ្លួនក្នុងទីក្រុង St. Petersburg កាលពីល្ងាចថ្ងៃអង្គារ ខណៈពួកគេតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន។ការតវ៉ាប្រឆាំងសង្គ្រាមនៅក្នុងទីក្រុង St Petersburg បានបន្តមកដល់ថ្ងៃពុធ ខណៈការឈ្លានពានដោយយោធារបស់រុស្ស៊ីលើអ៊ុយក្រែននៅតែបន្តមកដល់ថ្ងៃទី៨។ ការតវ៉ាប្រឆាំងនឹងសង្គ្រាមតែងត្រូវបានកើតមានស្ទើររាល់ថ្ងៃនៅក្នុងទីក្រុងនេះ ព្រមទាំងនៅតំបន់ផ្សេងទៀតរបស់ប្រទេសរុស្ស៊ី ចាប់តាំងពីការឈ្លានពានកាលពីថ្ងៃព្រហស្បតិ៍៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមការងារមន្ទីរកសិកម្មខេត្តឧត្តរមានជ័យ បន្តប្រមូលផលបន្លែត្រកួន ក្តិបឪឡឹក និងស៊ុតទាជូនដល់ ពលរដ្ឋ សិស្សានុសិស្សកំពុងស្នាក់នៅបណ្តោះអាសន្ន ស្រុកចុងកាល់ និងកងកម្លាំងការពារព្រំដែនជួរមុខ

កម្ពុជា-អាល្លឺម៉ង់រួមគ្នាលើកកម្ពស់និរន្តរភាពវិស័យកាត់ដេរ ផលិតស្បែកជើង និងកាបូប តាមរយៈគម្រោង FABRIC Cambodia II

ក្រុមហាម៉ាសចោទអ៊ីស្រាអែលថា បានប្រើប្រាស់ការអះអាងរបស់យោធា ដើម្បីបង្ហាញអំពីភាពត្រឹមត្រូវនៃការរំលោភបំពាននៅហ្កាហ្សា

ប្រមុខណាតូ នឹងជួបបញ្ហាប្រឈមនៅជំនួបកំពូល ខណៈលោក TRUMP ទាមទារ«ភាពស្មោះត្រង់»

មេបញ្ជាការ យោធភូមិភាគទី៤ អញ្ជើញសំណេះសំណាល និងបំពាក់ឋានន្តរសក្តិ បំពាក់គ្រឿងឥស្សរិយយស ជូនដល់យោធិនចូលសោធននិវត្តន៍ផ្ទេរចេញពីក្របខ័ណ្ឌ នៃកងយោធពលខេមរភូមិន្ទ ឆ្នាំ២០២៥

មេបញ្ជាការរង IRGC៖ លោកខាងលិចចង់ធ្វើឲ្យរុស្ស៊ី និងអ៊ីរ៉ង់បរាជ័យ ប៉ុន្តែមិនអាចទៅរួច

ទូតកម្ពុជាប្រចាំនៅជប៉ុន បញ្ជាក់ជូនអគ្គនាយកផ្នែកកិច្ចការអន្តរជាតិនៃសភាជាន់ខ្ពស់ជប៉ុនពីអំពីការប្តេជ្ញាចិត្តរបស់កម្ពុជាចំពោះការដោះស្រាយបញ្ហាព្រំដែនដោយសន្តិវិធីជាមួយថៃ

កម្ពុជា និង EuroCham ពិភាក្សាលើការធ្វើឱ្យប្រសើរឡើងនៃការដឹកជញ្ជូន និងវិស័យភស្តុភារកម្មជាតិ

ទីផ្សារផលិតផលខ្មែរ កំពុងរីកចម្រើន ដោយមានការគាំទ្រកាន់តែច្រើនពីអ្នកប្រើប្រាស់

យុទ្ធនាការជំរឿនមន្ត្រីនៅទីស្តីការគណៈរដ្ឋមន្ត្រីចាប់ផ្តើមព្រឹកនេះ ដោយមានឧបនាយករដ្ឋមន្ត្រី ទេសរដ្ឋមន្ត្រី ថ្នាក់ដឹកនាំ និងមន្ត្រីគ្រប់ជាន់ថ្នាក់ កំពុងធ្វើជីវមាត្រដោយផ្ទាល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន

UN បោះឆ្នោតក្នុងកិច្ចប្រជុំបន្ទាន់ទាមទារឱ្យបញ្ឈប់ការវាយប្រហាររបស់ទីក្រុងមូស្គូលើអ៊ុយក្រែន

នគរបាលរុស្ស៊ីចាប់ខ្លួនពលរដ្ឋរាប់ពាន់នាក់នៅទូទាំងប្រទេសដោយសារតវ៉ាប្រឆាំងនឹងសង្គ្រាមអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ភាព​ក្ដុកក្ដួល និង​ការ​យំ​ស្រែក​របស់​សាច់ញាតិ​ជនភៀសខ្លួន​អ៊ុយ​ក្រែ​ន​ពេល​រត់​ទៅកាន់​អឺរ៉ុប​

ជនភៀសខ្លួន​អ៊ុយ​ក្រែ​ន​ត្រូវ​បាន​ផ្ដល់​សិទ្ធិ​ឲ្យ​រស់​នៅ​ក្នុង​សហភាព​អឺរ៉ុប​រយៈពេល ​៣​ឆ្នាំ

លោក​ប្រធានាធិបតី​អ៊ុយ​ក្រែ​ន Zelenskyy ស្នើ​លោក Putin​ ជួប​គ្នា​ដោយ​ផ្ទាល់​

លោក Biden ប្រកាស​ដាក់ទណ្ឌកម្ម​ថ្មី​លើ​រុស្ស៊ី​កាន់តែ​ធ្ងន់ធ្ងរ​

កិច្ចចរចា​ជុំ​ទី​២ រវាង​រុស្ស៊ី និង​អ៊ុយ​ក្រែ​ន​ព្រមព្រៀង​លើ​ការ​បើក​ច្រក​របៀង​មនុស្សធម៌

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

លោក Zelenskyy ប្រាប់​កងទ័ព​រុស្ស៊ី​ឲ្យ​ទៅ​ប្រទេស​វិញ​

ទាហាន​អាមេរិក​ប្រញាប់​ទៅកាន់​អឺរ៉ុប​ក្នុង​ពេល​មាន​សង្គ្រាម​នៅ​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន