BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អាហ្វ្រិក៖ មន្ត្រីជាន់ខ្ពស់របស់អង្គការសុខភាពពិភពលោកបានជំរុញឱ្យប្រទេសនានា បន្ធូរបន្ថយវិធានការរឹតត្បិតលើការធ្វើដំណើរពីទ្វីបអាហ្វ្រិក ដោយលើកឡើងពីការថយចុះយ៉ាងខ្លាំងនៃចំនួនអ្នកឆ្លងវីរុសកូរ៉ូណាថ្មីនៅទ្វីបនេះ។ នាយកប្រចាំតំបន់របស់អង្គការសុខភាពពិភពលោក (WHO) ប្រចាំទ្វីបអាហ្វ្រិកលោកស្រី Matshidiso Moeti បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា ទ្វីបនេះកំពុងមើលឃើញការថយចុះគួរឱ្យកត់សម្គាល់ នៅក្នុងករណីឆ្លងវីរុសថ្មីជាលើកដំបូងចាប់តាំងពីការចាប់ផ្តើម នៃរលកដែលជំរុញដោយវីរុសបម្លែងខ្លួនថ្មី Omicron។លោកស្រី Moeti បាននិយាយថា ប្រទេសអាហ្វ្រិកខាងត្បូងដែលវីរុសបម្លែងខ្លួនថ្មី Omicron ត្រូវបានរកឃើញដំបូងបានកត់ត្រានិន្នាការធ្លាក់ចុះនៃករណីឆ្លងថ្មី។ ប៉ុន្តែលោកស្រីបានព្រមានថា ករណីឆ្លងបានកើនឡើងនៅអាហ្វ្រិកខាងជើង។ ការរាលដាលនៃវីរុសបម្លែងខ្លួនថ្មី Omicron នៅក្នុងទ្វីបអាហ្វ្រិកបានជំរុញឱ្យប្រទេសនានា ដាក់កម្រិតលើការធ្វើដំណើរពីប្រទេសនៅទ្វីបអាហ្វ្រិក និងដាក់ឱ្យធ្វើចត្តាឡីស័កលើអ្នកធ្វើដំណើរមកដល់ពីទ្វីបនេះក្នុងរយៈពេលយូរ។ លោកស្រី Moeti បានអំពាវនាវឱ្យមានការបន្ធូរបន្ថយវិធានការដោយលើកហេតុផលថា វិធានការទាំងនេះលែងជាហេតុផលទៀតហើយ ខណៈវីរុសបម្លែងខ្លួនថ្មី Omicron បានរាលដាលនៅជុំវិញពិភពលោក។ ជាគោលការណ៍ រដ្ឋាភិបាលជប៉ុនបានហាមប្រាមការចូលមកថ្មីរបស់ជនបរទេស ដើម្បីទប់ស្កាត់ការរាលដាលវីរុស Omicron។ វិធានការតម្រូវឱ្យប្រជាជនជប៉ុនដែលត្រឡប់មកពីក្រៅប្រទេស ធ្វើចត្តាឡីស័កនៅកន្លែងដែលបានកំណត់រយៈពេល ៣ ទៅ ១០ថ្ងៃ។ អ្នកមកដល់ពីប្រទេសអាហ្វ្រិកចំនួន ១១ប្រទេសរួមទាំងអាហ្វ្រិកខាងត្បូងត្រូវតែស្នាក់នៅ ក្នុងទីតាំងធ្វើចត្តាឡីស័ករយៈពេល ១០ថ្ងៃ។ ពាណិជ្ជករជប៉ុននៅអាហ្វ្រិកកំពុងអំពាវនាវឱ្យរដ្ឋាភិបាលពិនិត្យឡើងវិញ នូវរយៈពេលនៃការធ្វើចត្តាឡីស័ក៕អត្ថបទ៖ ប៊ុនថន

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

អឺរ៉ុប៖ ប្រធានប្លុកសហភាពអឺរ៉ុបបានព្រមានកាលពីថ្ងៃព្រហស្បតិ៍ថា សហភាពអឺរ៉ុបនឹងវាយបកទៅរុស្ស៊ីដោយការដាក់ទណ្ឌកម្មយ៉ាងធ្ងន់ធ្ងរលើផ្នែកសេដ្ឋកិច្ច និងហិរញ្ញវត្ថុ បើហ៊ានឈ្លានពានអ៊ុយក្រែន ខណៈដែលប្រមុខការទូតអាមេរិកបានរិះគន់ក្រុងម៉ូស្គូថា បានច្រានចោលឆន្ទៈស្មោះត្រង់ក្នុងកិច្ចខិតខំប្រឹងប្រែងខាងការទូត ដើម្បីដោះស្រាយវិបត្តិនេះ។នៅក្នុងសុន្ទរកថាដោយសេរីមុនកិច្ចចរចាវិបត្តិចុងក្រោយរវាងលោកខាងលិច និងទីក្រុងមូស្គូ លោកស្រី Ursula von der Leyen បានសន្យាថា សហភាពអឺរ៉ុបនឹងមិនព្រងើយកន្តើយឡើយ ហើយទុកឲ្យទីក្រុង Kiev កាន់អាវុធដោយខ្លួនឯងប្រឆាំងនឹងការឈ្លានពានរបស់រុស្ស៊ី ដែលចេះតែកើនឡើង។ លោកស្រីបាននិយាយថា ទីក្រុង Brussels បានត្រៀមខ្លួនយ៉ាងពេញលេញក្នុងការឆ្លើយតប ទៅនឹងការវាយប្រហារណាមួយពីសំណាក់រុស្ស៊ីមកលើប្រទេសជិតខាង ដែលជាអតីតសហភាពសូវៀតរបស់ខ្លួន ដោយបន្ថែមថាលោក Putin មានបំណងបំបែកបំបាក់ទំនាក់ទំនងរបស់សហភាពអឺរ៉ុប។ ប្រធានគណៈកម្មការសហភាពអឺរ៉ុបរូបនេះបាននិយាយថា ប្លុកដែលមានសមាជិក ២៧ប្រទេសនេះកំពុងមើលឃើញការប៉ុនប៉ងរបស់រុស្ស៊ីក្នុងការបំបែកបំបាក់ និងកាប់ចិញ្ច្រាំទ្វីបនេះជាផ្នែកតូចៗដោយសំអាងលើឥទ្ធិពលរបស់ខ្លួន៕អត្ថបទ៖ សុខមាន

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ

លីបង់៖ ទីភ្នាក់ងារអង្គការសហប្រជាជាតិមួយបានអំពាវនាវ ដល់សហគមន៍អន្តរជាតិឱ្យជួយផ្តល់មូលនិធិប្រាក់រាប់លានដុល្លារ ដើម្បីជួយធ្វើឲ្យប្រសើរឡើងជីវភាពរស់នៅរបស់ពលរដ្ឋប៉ាឡេស្ទីន នៅក្នុងប្រទេសលីបង់ដែលរងគ្រោះដោយវិបត្តិ។ទីភ្នាក់ងារសម្រាប់ជនភៀសខ្លួនប៉ាឡេស្ទីន ឬ UNRWA កំពុងស្នើសុំបន្ថែមថវិកាចំនួន ៨៧.៥លានដុល្លារអាមេរិកដើម្បីផ្តល់ជំនួយជាសាច់ប្រាក់ដល់ជនភៀសខ្លួនប៉ាឡេស្ទីន សម្រាប់ពលរដ្ឋក្រីក្រក្នុងការចំណាយលើមន្ទីរពេទ្យ ក៏ដូចជាមធ្យោបាយធ្វើដំណើរសម្រាប់កុមារ ដើម្បីឱ្យពួកគេអាចទៅសាលារៀនបាន។ ទីភ្នាក់ងារសម្រាប់ជនភៀសខ្លួនប៉ាឡេស្ទីន (UNRWA) និយាយថា ជនភៀសខ្លួនប៉ាឡេស្ទីនជាង ២១០,០០០នាក់ស្ថិតក្នុងចំណោមអ្នកដែលងាយរងគ្រោះបំផុត ហើយទំនិញប្រើប្រាស់ជាមូលដ្ឋានមួយចំនួនមិនអាចរកបានសម្រាប់ពលរដ្ឋជាច្រើន ខណៈប្រទេសលីបង់ធ្លាក់ចូលទៅក្នុងការដួលរលំសេដ្ឋកិច្ចកាន់តែខ្លាំង។ ទីភ្នាក់ងារនិយាយថា ជនភៀសខ្លួនប៉ាឡេស្ទីនជាង ៥៨% នៅទីនេះបានកាត់បន្ថយចំនួនអាហារដែលពួកគេបរិភោគជារៀងរាល់ថ្ងៃ។អ្នកសម្របសម្រួលផ្នែកមនុស្សធម៌ របស់អង្គការសហប្រជាជាតិរបស់ប្រទេសលីបង់លោក Najat Rochdi បាននិយាយថា ភាពតានតឹងកំពុងកើនឡើង ខណៈក្រុមគ្រួសារជាច្រើនបង្កើនសម្ពាធលើទីភ្នាក់ងារ ដើម្បីឲ្យផ្តល់សេវាទៀងទាត់ព្រមទាំងបង្កើនជំនួយសង្គ្រោះ ក្នុងពេលមានការធ្លាក់ថ្លៃខ្លាំងនៃប្រាក់ផោនប្រទេសលីបង់។ វិបត្តិរបស់ប្រទេសលីបង់បានផ្ទុះឡើងក្នុងខែតុលា ឆ្នាំ២០១៩ ដែលមានឫសគល់ពីអំពើពុករលួយ និងការគ្រប់គ្រងមិនត្រឹមត្រូវ ដែលបានធ្វើឱ្យប្រជាជនរាប់ម៉ឺននាក់គ្មានការងារធ្វើ ហើយជិត ៨០% នៃចំនួនប្រជាជនរបស់ប្រទេសជិត ៧លាននាក់រួមទាំងជនភៀសខ្លួនប្រទេសស៊ីរី និងប៉ាឡេស្ទីនប្រមាណ ១.៥លាននាក់រស់នៅក្នុងភាពក្រីក្រ៕អត្ថបទ៖ ប៊ុនថន

កូរ៉េខាងជើងបង្ហើបថា ខ្លួនអាចនឹងសាកល្បងនុយក្លេអ៊ែរ ឬមីស៊ីលរយៈចម្ងាយឆ្ងាយជាថ្មីទៀត

កូរ៉េខាងជើង៖ សារព័ត៌មានរដ្ឋបានរាយការណ៍ថា នៅថ្ងៃព្រហស្បតិ៍នេះប្រទេសកូរ៉េខាងជើងបានបង្ហើបថា ខ្លួនអាចនឹងសាកល្បងនុយក្លេអ៊ែរ ឬមីស៊ីលរយៈចម្ងាយឆ្ងាយជាថ្មីទៀត ខណៈដែលក្រុមមន្ត្រីជាន់ខ្ពស់របស់លោក Kim Jong Un បាននិយាយថា ប្រទេសនេះកំពុងត្រៀមសម្រាប់ការប្រឈមរយៈពេលវែងជាមួយសហរដ្ឋអាមេរិក។ទោះបីរងទណ្ឌកម្មដ៏ជូរចត់ពីអន្តរជាតិយ៉ាងណាក្ដី ទីក្រុងព្យុងយ៉ាងបានសាកល្បងអាវុធជាបន្តបន្ទាប់ចំនួន ៤លើករួចមកហើយនៅឆ្នាំនេះរួមមានមីស៊ីលល្បឿនលឿនជាងសំឡេង ខណៈមេដឹកនាំគឺលោក Kim Jong Un ព្យាយាមសម្រេចគោលដៅនៃការពង្រឹងវិស័យយោធាបន្ថែមទៀត។ ខណៈព្យាយាមទប់ផ្នែកសេដ្ឋកិច្ចដែលរងផលប៉ះពាល់ ពីការបិទប្រទេសដោយខ្លួនឯងទប់ស្កាត់ការឆ្លងវីរុសកូរ៉ូណា ប្រទេសកូរ៉េខាងជើងដែលក្រីក្រមិនបានឆ្លើយតបទៅនឹងសំណើ សុំជួបពិភាក្សាពីសំណាក់ទីក្រុងវ៉ាស៊ីនតោនទេ ខណៈបង្កើនការសាកល្បងអាវុធទ្វេដង និងប្តេជ្ញាថានឹងឆ្លើយតបកាន់តែខ្លាំង និងជាក់លាក់ទៅនឹងការប៉ុនប៉ងណាមួយមកលើខ្លួន។ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍ថា ជំនួបគណៈកម្មាធិការនយោបាយមជ្ឈិមបក្សបានផ្ដល់នូវការណែនាំដល់វិស័យមួយដែលមានក្ដីបារម្ភ ដើម្បីពិនិត្យមើលភ្លាមៗនូវបញ្ហានៃការចាប់ផ្តើមឡើងវិញ រាល់សកម្មភាពទាំងឡាយដែលត្រូវបានផ្អាកជាបណ្តោះអាសន្ន ដែលទំនងជាសំដៅទៅលើកម្មវិធីមីនុយក្លេអ៊ែរ និងមីស៊ីលបាលីស្ទីកអន្តរទ្វីប ICBM របស់ទីក្រុងព្យុងយ៉ាង៕អត្ថបទ៖ សុខមាន

ប្រធានអង្គការសុខភាពពិភពលោក៖ COVID-19 បន្តរាលដាលនៅទូទាំងពិភពលោក

WHO៖ អគ្គនាយកអង្គការសុខភាពពិភពលោកបានបង្ហាញពីការព្រួយបារម្ភចំពោះសេវាសុខភាព ខណៈដែលលោកបានព្រមានអំពីវីរុសបម្លែងខ្លួនថ្មី Omicron នៃវីរុសឆ្លង COVID-19 ដែលនៅតែបន្តរាលដាលនៅទូទាំងពិភពលោក។ ថ្លែងក្នុងអំឡុងសន្និសីទសារព័ត៌មាននៅទីក្រុងហ្សឺណែវ លោកវេជ្ជបណ្ឌិត Tedros Adhanom Ghebreyesus បាននិយាយថា មានករណីឆ្លងវីរុស COVID-19 ថ្មីចំនួនជាង ១៨លានករណីត្រូវបានរាយការណ៍កាលពីសប្តាហ៍មុន។លោកបាននិយាយថា ចំនួនអ្នកស្លាប់នៅតែមានស្ថិរភាពសម្រាប់ពេលនេះ។ ប៉ុន្តែយើងព្រួយបារម្ភអំពីផលប៉ះពាល់ដែលវីរុសបម្លែងខ្លួនថ្មី Omicron កំពុងមានលើបុគ្គលិកសុខាភិបាលដែលហត់នឿយរួចទៅហើយ និងប្រព័ន្ធសុខាភិបាលដែលហួសពីបន្ទុកសមត្ថភាព។ លោក Tedros បាននិយាយថា ទោះបីជាវីរុសបានលេចចេញនៅក្នុងប្រទេសមួយចំនួន ដែលកម្រិតខ្ពស់នៃរលកវីរុសបម្លែងខ្លួនថ្មី Ormicon បានឆ្លងកាត់រួចក៏ដោយ លោកបានព្រមានថា នៅមិនទាន់មានប្រទេសណាមួយបានរួចផុតនៅឡើយនោះទេ។ លោកបានបង្ហាញការព្រួយបារម្ភចំពោះអ្នកដែលមិនបានចាក់វ៉ាក់សាំងបង្ការនៅជុំវិញពិភពលោក និងបានអំពាវនាវឱ្យមានការបែងចែកវ៉ាក់សាំងឱ្យកាន់តែច្រើន។លោកនិយាយថា លោកមានការព្រួយបារម្ភ ប្រសិនបើយើងមិនផ្លាស់ប្តូរគំរូបច្ចុប្បន្ន យើងនឹងឈានចូលដំណាក់កាលទីពីរ និងជាដំណាក់កាន់តែបំផ្លាញចំពោះភាពមិនស្មើគ្នានៃវ៉ាក់សាំង។ ការអត្ថាធិប្បាយរបស់លោកធ្វើឡើង បន្ទាប់ពីប្រធានផ្នែកសង្គ្រោះបន្ទាន់នៅអង្គការសុខភាពពិភពលោកលោកវេជ្ជបណ្ឌិត Michael Ryan ដែលបាននិយាយកាលពីថ្ងៃអង្គារថា ជំងឺរាតត្បាតដ៏អាក្រក់បំផុតអាចបញ្ចប់នៅឆ្នាំនេះ ប្រសិនបើវិសមភាពនៃការចាក់វ៉ាក់សាំងបង្ការ និងឱសថត្រូវបានដោះស្រាយឆាប់រហ័ស៕អត្ថបទ៖ ប៊ុនថន

WHO៖ Omicron មិនមែនវីរុសបម្លែងខ្លួនថ្មីចុងក្រោយទេ ខណៈករណីឆ្លងសកលកើនឡើង ២០% ក្នុងមួយសប្ដាហ៍

WHO៖ អង្គការសុខភាពពិភពលោកកាលពីថ្ងៃអង្គារបាននិយាយថា វីរុសរាតត្បាតសកលនេះនឹងមិនចប់ទេ ខណៈវីរុសបម្លែងខ្លួនថ្មី Omicron បានឆ្លងរាលដាលនៅក្នុងប្រទេសជាច្រើន ដោយព្រមានថា កម្រិតនៃការចម្លងខ្ពស់ជុំវិញពិភពលោកនឹងទំនងជានាំឲ្យមានវីរុសបម្លែងខ្លួនថ្មីៗទៀត ខណៈវីរុសនេះមានសមត្ថភាពប្រែប្រួលយ៉ាងលឿន។លោកស្រី Maria Van Kerkhove ប្រធានក្រុមបច្ចេកទេសនៃវីរុស Covid-19 របស់អង្គការសុខភាពបាននិយាយអំឡុងសន្និសីទសារព័ត៌មាន ស្ដីពីការវិវឌ្ឍន៍នៃវីរុសកូរ៉ូណាក្នុងទីក្រុងហ្សឺណែវថា យើងបានលឺថា មនុស្សជាច្រើនលើកឡើងថា វីរុសបម្លែងខ្លួនថ្មី omicron គឺជាវីរុសបម្លែងខ្លួនចុងក្រោយ។ និយាយបែបនេះគឺវាមិនត្រូវទេ ព្រោះវីរុសនេះកំពុងធ្វើចរាចរណ៍ក្នុងសន្ទុះដ៏ខ្លាំងក្លាបំផុតក្នុងសកលលោក។ ការឆ្លងថ្មីបានកើនឡើងក្នុងរង្វង់ ២០% នៅទូទាំងពិភពលោកកាលពីសប្ដាហ៍មុន ដោយមានករណីឆ្លងថ្មីសរុបជិត ១៩លាននាក់ នេះបើយោងតាមអង្គការសុខភាពពិភពលោក។ លោកស្រី Van Kerkhove បានកត់សម្គាល់ថា ការឆ្លងថ្មីដែលពុំបានរាយការណ៍នឹងធ្វើឲ្យចំនួនពិតប្រាកដហក់ឡើងខ្ពស់។លោកស្រីបន្ថែមថា នៅពេលនេះមិនមែនជាពេលវេលា ដែលត្រូវបន្ធូរបន្ថយវិធានការសុខភាពសាធារណៈឡើយ ដូចជាការកាត់បន្ថយការពាក់ម៉ាស់ និងគម្លាតសុវត្ថិភាពជាដើម។ លោកស្រីបានអំពាវនាវដល់បណ្ដារដ្ឋាភិបាលនានា ពង្រឹងវិធានការទាំងនោះដើម្បីគ្រប់គ្រងការចម្លងវីរុសឲ្យបានល្អប្រសើរជាងនេះ និងទប់ស្កាត់រលកចម្លងនាពេលអនាគត ខណៈវីរុសបម្លែងខ្លួនថ្មីៗលេចវត្តមានជាបន្តបន្ទាប់៕អត្ថបទ៖ សុខមាន

ប្រមុខអង្គការ NATO បានអញ្ជើញរុស្ស៊ីឲ្យជួបចរចាជាថ្មី ខណៈវិបត្តិអ៊ុយក្រែនឡើងកម្ដៅ

NATO៖ អគ្គលេខាធិការអង្គការ NATO លោក Jens Stoltenberg បានអញ្ជើញរុស្ស៊ីឲ្យជួបចរចាបន្ថែមទៀតស្ដីពីវិបត្តិអ៊ុយក្រែន ខណៈមានក្ដីបារម្ភកាន់តែខ្លាំងថាអាចនឹងផ្ទុះជម្លោះនៅក្នុងតំបន់អឺរ៉ុប ប៉ុន្តែទីក្រុងម៉ូស្គូបាននិយាយថា ខ្លួនចង់បានចម្លើយពីលោកខាងលិចជុំវិញការទាមទារឲ្យធានាសន្តិសុខ មុនពេលចូលរួមការចរចាបន្ថែមទៀត។ថ្លែងប្រាប់ក្រុមអ្នកសារព័ត៌មាននៅក្នុងបែរឡាំងប្រទេសអាល្លឺម៉ង់កាលពីថ្ងៃអង្គារ លោក Stoltenberg បាននិយាយថា លោកបានស្នើឲ្យមានជំនួបជាបន្តបន្ទាប់ក្នុងក្រុមប្រឹក្សាណាតូ-រុស្ស៊ី ដើម្បីដោះស្រាយក្ដីបារម្ភទាំងរបស់ទីក្រុងម៉ូស្គូ ទាំងរបស់លោកខាងលិច និងព្យាយាមស្វែងរកមធ្យោបាយទប់ស្កាត់ការវាយប្រហារដោយយោធាណាមួយទៅលើអ៊ុយក្រែន។ លោកពុំបានផ្ដល់កាលបរិច្ឆេទច្បាស់លាស់ទេថា ជំនួបចរចាទាំងនោះនឹងធ្វើឡើងនៅពេលណា ប៉ុន្តែបានលើកឡើងថា ការពិភាក្សានោះនឹងកើតឡើងក្នុងពេលឆាប់ៗ។ ថ្លែងនៅឯសន្និសីទសារព័ត៌មានក្រោយការជជែកពិភាក្សាជាមួយអធិការបដីអាល្លឺម៉ង់លោក Olaf Scholz លោក Stoltenberg បាននិយាយថា កិច្ចការសំខាន់នៅពេលនេះគឺបង្កើតការរីកចម្រើនលើមាគារនយោបាយឆ្ពោះទៅមុខ។ ភាពប្រឈមនៃជម្លោះនេះគឺរឿងពិតប្រាកដ។ថ្មីៗនេះទីក្រុងម៉ូស្គូបានត្រួតពិនិត្យកងទ័ពដែលខ្លួនបានដាក់ពង្រាយជាង ១០ម៉ឺននាក់នៅជិតព្រំដែនអ៊ុយក្រែន ដែលជំរុញឲ្យមានក្ដីបារម្ភខ្លាំងនៅក្នុងទីក្រុងគៀវ (Kyiv) និងសម្ព័ន្ធមិត្តលោកខាងលិចថា អាចនឹងមានការឈ្លានពានក្នុងពេលឆាប់ៗនេះ។ រុស្ស៊ីដែលបានបញ្ចូលឧបទ្វីបគ្រីមៀរបស់ប្រទេសអ៊ុយក្រែន ដែលជាប្រទេសជិតខាងជាឧបសម្ព័ន្ធរបស់ខ្លួនកាលពីឆ្នាំ២០១៤ ហើយត្រូវបានចោទប្រកាន់ថាបានបង្កើតសង្គ្រាមបំបែកខ្លួន ដែលគាំទ្រដោយរុស្ស៊ីនៅភាគខាងកើតរបស់ប្រទេសនោះ បានបដិសេធថាមិនមានផែនការបែបនេះទេ៕អត្ថបទ៖ សុខមាន

អង្គការសហប្រជាជាតិ៖ ពលរដ្ឋអាហ្វហ្គានីស្ថានប្រឈមរដូវរងា ស្របពេលមានវិបត្តិមនុស្សធម៌

អាហ្វហ្គានីស្ថាន៖ ពលរដ្ឋអាហ្វហ្គានីស្ថានកំពុងប្រឈមនឹងអាកាសធាតុត្រជាក់ដ៏លំបាកបំផុតរបស់ពួកគេ ខណៈប្រទេសនេះធ្លាក់ចូលក្នុងវិបត្តិមនុស្សធម៌កាន់តែធ្ងន់ធ្ងរយ៉ាងឆាប់រហ័ស ក្រោយពួកតាលីបង់ដណ្ដើមគ្រប់គ្រងប្រទេសនេះកាលពីឆ្នាំមុន។ សេដ្ឋកិច្ចដែលពឹងផ្អែកលើជំនួយបរទេសរបស់ប្រទេសអាហ្វហ្គានីស្ថាន បានកំពុងទ្រុឌទ្រោមរួចស្រាប់ទៅហើយ នៅពេលក្រុមឧទ្ទាមតាលីបង់ក្ដោបក្ដាប់អំណាចកាលពីពាក់កណ្ដាលខែសីហា ឆ្នាំ២០២១ ស្របពេលកងទ័ពអាមេរិក និងសម្ព័ន្ធណាតូចាកចេញពីប្រទេសនេះយ៉ាងតក់ក្រហល់។សហគមន៍អន្តរជាតិបានបង្កកទ្រព្យសម្បត្តិនៅបរទេស និងផ្អាកការផ្ដល់មូលនិធិដោយមិនចង់ធ្វើការជាមួយរដ្ឋាភិបាលតាលីបង់ ដោយសារតែការដឹកនាំដ៏សាហាវឃោឃៅ ការបិទសិទ្ធិសេរីភាពស្ត្រីមិនឲ្យចេញទៅធ្វើការ និងមិនឲ្យក្មេងស្រីមានឱកាសទទួលបានការសិក្សាអប់រំរបស់ក្រុមនេះ អំឡុងការដឹកនាំប្រទេសកាលពី ២០ឆ្នាំមុន។ ដោយសារតែកង្វះមូលនិធិដែលចាំបាច់សម្រាប់ការផ្គត់ផ្គង់អាហារប្រចាំថ្ងៃ ពេលនេះពលរដ្ឋអាហ្វហ្គានីស្ថានកំពុងប្រឈមនឹងភាពអត់ឃ្លានធ្ងន់ធ្ងរ ហើយមនុស្សរាប់ពាន់នាក់ត្រូវបានភៀសខ្លួនស្នាក់នៅក្នុងជំរំតង់ ស្របពេលមានការគំរាមកំហែងពីវិបត្តិវីរុស COVID-19 និងភាពរាំងស្ងួត ព្រមទាំងខ្វះខាតថវិកា កំណើនអតិផរណា និងទំនិញឡើងថ្លៃដល់ទៅជាង ៥០% ខ្ពស់ជាងកាលពី ២ខែមុន។ពួកគេដុតសំរាម និងផ្លាស្ទិកដើម្បីចម្អិនអាហារ និងអាំងភ្លើងពេលរងា ហើយពេលខ្លះពួកគេដុតមែកឈើដោយសារតែពុំមានអូសគ្រប់គ្រាន់។ ពួកគេត្រូវស្នាក់នៅក្នុងបន្ទប់តូចចង្អៀត និងមានទឹកស្រក់ចេញពីពិដាននៃបន្ទប់ចាស់ៗ។ ទីភ្នាក់ងារជនភៀសខ្លួនរបស់អង្គការសហប្រជាជាតិហៅកាត់ថា UNCHR បានព្រមានថា ប្រជាជនជាងពាក់កណ្ដាលនៃចំនួនប្រជាជនអាហ្វហ្គានីស្ថានសរុប កំពុងប្រឈមនឹងភាពអត់ឃ្លានធ្ងន់ធ្ងរ និងជិត ៩លាននាក់កំពុងស្ថិតនៅមាត់ជ្រោះនៃគ្រោះទុរ្ភិក្ស៕អត្ថបទ៖ សុខមាន

កូរ៉េខាងជើងបាញ់សាកល្បងមីស៊ីលលើកទី៤ នៅថ្ងៃចន្ទនេះក្នុងរយៈពេល ១ខែដើមឆ្នាំ២០២២ នេះ

កូរ៉េខាងត្បូង៖ យោងតាមសេនាធិការចម្រុះរបស់កូរ៉េខាងត្បូងឲ្យដឹងថា កូរ៉េខាងជើងបានបាញ់អាវុធដែលគេសង្ស័យថា ជាមីស៊ីលបាលីស្ទីករយៈចម្ងាយខ្លីចំនួន ២គ្រាប់ចេញពីទីលានអាកាសយានដ្ឋានរដ្ឋធានី Pyongyang ចូលសមុទ្រខាងកើតនៅព្រឹកថ្ងៃចន្ទនេះ ជាការបាញ់លើកទី៤ ក្នុងរយៈពេល ១ខែនៅដើមឆ្នាំ២០២២ នេះ។ការិយាល័យនាយករដ្ឋមន្ត្រីជប៉ុនបាននិយាយនៅក្នុងបណ្ដាញសង្គមធ្វីធ័រថា កូរ៉េខាងជើងបានបាញ់អាវុធដែលទំនងជាមីស៊ីលបាលីស្ទីក។ ការបាញ់សាកល្បងនៅថ្ងៃចន្ទនេះធ្វើឡើងបន្ទាប់ពីការបាញ់កាលពី ២សប្ដាហ៍មុន និងកាលពី ១សប្ដាហ៍ថ្មីៗនេះ ខណៈទីក្រុងព្យុងយ៉ាងបន្តស្វែងរកការអភិវឌ្ឍន៍កម្មវិធីមីស៊ីលរបស់ខ្លួន។ យោងតាមទីភ្នាក់ងារសារព័ត៌មានរដ្ឋកូរ៉េខាងជើង KCNA ឲ្យដឹងថា កូរ៉េខាងជើងបានអះអាងថា ខ្លួនបានបាញ់សាកល្បងមីស៊ីលល្បឿនលឿនជាងសំឡេងដោយជោគជ័យ កាលពីថ្ងៃទី៥ និង ១១ខែមករា។កាលពីថ្ងៃសុក្រ ទី១៤ ខែមករាសប្ដាហ៍មុន កូរ៉េខាងជើងក៏បានបាញ់សាកល្បងមីស៊ីលបាលីស្ទីករយៈចម្ងាយខ្លីចំនួន ២គ្រាប់ផងដែរចេញពីរថភ្លើង។ នៅក្នុងសេចក្ដីថ្លែងការណ៍ថ្មីៗធ្វើឡើងដោយទីភ្នាក់ងារសារព័ត៌មានរដ្ឋកូរ៉េខាងជើង KCNA អ្នកនាំពាក្យមួយរូបរបស់ប្រទេសឯកាមួយនេះ បានចេញមុខការពារសិទ្ធិក្នុងការពង្រឹងឥទ្ធិពលអាវុធរបស់ខ្លួនដោយនិយាយថា ការអភិវឌ្ឍន៍ថ្មីៗនៃប្រភេទអាវុធថ្មីគ្រាន់តែជាផ្នែកនៃកិច្ចខិតខំប្រឹងប្រែង សម្រាប់ការធ្វើទំនើបកម្មសមត្ថភាពការពារជាតិរបស់ខ្លួនតែប៉ុណ្ណោះ៕អត្ថបទ៖ សុខមាន

មេដឹកនាំកម្ពុជា និងសិង្ហបុរីជួបពិភាក្សាគ្នាតាមប្រព័ន្ធវីដេអូពីចម្ងាយជុំវិញវិបត្តិនៅមីយ៉ាន់ម៉ា

ភ្នំពេញ៖ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ចាក់ថា សម្ដេច និងលោកនាយករដ្ឋមន្ត្រីសិង្ហបុរី លី ស៊ានឡុងបានឯកភាពគ្នាទុកបញ្ហាប្រទេសមីយ៉ាន់ម៉ា ឱ្យរដ្ឋមន្ត្រីការបរទេសអាស៊ានជជែកពិភាក្សាគ្នា។សម្ដេចតេជោ ហ៊ុន សែន បានឱ្យដឹងបែបនេះនៅលើទំព័រហ្វេសប៊ុកផ្លូវការរបស់សម្ដេចនៅល្ងាចថ្ងៃនេះ ក្រោយពីសម្ដេចបានជួបពិភាក្សាតាមប្រព័ន្ធវីដេអូពីចម្ងាយជាមួយនាយករដ្ឋមន្ត្រីសិង្ហបុរី លោក លី ស៊ានឡុង នៅថ្ងៃនេះ។ទំព័រហ្វេសប៊ុកសម្ដេចតេជោ ហ៊ុន សែន បានបញ្ជាក់ថា មេដឹកនាំប្រទេសទាំងពីរ បានផ្លាស់ប្ដូរមតិគ្នាទៅវិញទៅមកជុំវិញស្ថានភាពនៃជំងឺកូវីដ-១៩នៅក្នុងប្រទេសទាំងពីរ។សម្ដេចតេជោ ហ៊ុន សែន បញ្ជាក់ផងដែរថា សម្ដេចក៏បានជម្រាបជូនទៅមេដឹកនាំសិង្ហបុរីអំពីលទ្ធផល និងគោលបំណងនៃដំណើរទស្សនកិច្ចរបស់សម្ដេចទៅកាន់ប្រទេសមីយ៉ាន់ម៉ាផងដែរ។សម្ដេចបញ្ជាក់ប្រាប់មេដឹកនាំសិង្ហបុរីថា គោលបំណងនៃដំណើរទស្សនកិច្ចរបស់សម្ដេចទៅមីយ៉ាន់ម៉ា គឺដើម្បីដោះស្រាយវិបត្តិរបស់ប្រទេសសមាជិកអាស៊ានមួយនេះ ជាពិសេសការបញ្ឈប់អំពើហិង្សា និងបង្កើតឱ្យមានបទឈប់បាញ់គ្នាគ្រប់ភាគីទាំងអស់។សម្ដេចបញ្ជាក់បន្ថែមទៅថា គោលបំណងមួយទៀតនៃដំណើរទស្សនកិច្ច គឺដើម្បីផ្ដល់អំណោយមនុស្សធម៌ដល់ប្រជាជនមីយ៉ាន់ម៉ា ដែលត្រូវការជំនួយមនុស្សធម៌ជាចាំបាច់។បើតាមទំព័រហ្វេសប៊ុករបស់សម្ដេចតេជោ នាយករដ្ឋមន្ត្រីសិង្ហបុរី លោក លី ស៊ានឡុង បានបង្ហាញការគាំទ្រចំពោះគំនិតផ្ដួតចផ្ដើមរបស់សម្ដេចពាក់ព័ន្ធនឹងការស្វែងរកដំណោះស្រាយសម្រាប់ប្រទេសមីយ៉ាន់ម៉ា នៅក្នុងឋានៈកម្ពុជាជាប្រធានប្ដូរវេនរបស់អាស៊ាននៅឆ្នាំនេះ។ប្រមុខរាជរដ្ឋាភិបាលកម្ពុជា បញ្ជាក់ថា មេដឹកនាំកម្ពុជា និងសិង្ហបុរី បានឯកភាពគ្នាក្នុងការទុកការងារបន្តទៀត ឱ្យរដ្ឋមន្ត្រីការបរទេសអាស៊ានប្រជុំពិភាក្សាគ្នា និងក្រោមការសម្របសម្រួលដោយប្រេសិតពិសេសរបស់អាស៊ាន គឺឯកឧត្ដម ប្រាក់ សុខុន ដែលត្រូវបានកម្ពុជាតែងតាំងឱ្យទទួលកិច្ចការងារនេះ។ប្រទេសមីយ៉ាន់ម៉ា បានធ្លាក់ទៅក្នុងវិបត្តិចាប់តាំងពីរដ្ឋប្រហារដឹកនាំដោយឧត្ដមសេនីយ៍ មីន អ៊ុងឡាំង កាលពីខែកុម្ភៈឆ្នាំមុន ដែលបានដកហូតអំណាចពីរដ្ឋាភិបាលស៊ីវិលដឹកនាំដោយអ្នកស្រី អ៊ុងសាន ស៊ូជី៕អត្ថបទ ៖ សុធី

បណ្ដាញសង្គម

ព័ត៌មានថ្មីៗ

ស្នាដៃចម្លាក់ដីខ្សាច់របស់វិចិត្រករនៅរដ្ឋ Tamil Nadu ប្រទេសឥណ្ឌា ឆ្លុះបញ្ចាំងពីបាតុភូតធម្មជាតិអែលនីញ៉ូ

ក្រុមអ្នកសម្របសម្រួល (CLG) កម្ពុជា និងក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនចុះសង្កេតការណ៍ ផ្ទៀងផ្ទាត់ជាក់ស្តែងនៅតាមបង្គោលព្រំដែនលេខ៥២ ដល់លេខ៥៩ ស្ថិតនៅស្រុកកំរៀង ខេត្តបាត់ដំបង

ម្ចាស់ធុរកិច្ចនៅទីក្រុង La Guairaរបស់វេណេស៊ុយអេឡា រង់ចាំការវិលត្រឡប់មកវិញនៃវិស័យទេសចរណ៍

ចៅប្រុសរបស់អតីតប្រធានាធិបតីគុយបា បញ្ជាក់ថា បើកចំហ ចំពោះការចរចាជាមួយសហរដ្ឋអាមេរិក

វិមានក្រឹមឡាំងបញ្ជាក់ថា សមយុទ្ធកងទ័ពជើងទឹករុស្ស៊ី-ចិន មិនមែនជាការគំរាមដល់ប្រទេសដទៃឡើយ

ការបាក់ទឹកទំនប់បង្កឱ្យមានការជម្លៀសចេញ នៅភាគខាងត្បូងនៃប្រទេសចិន

ក្រសួងការពារជាតិ៖ យន្តហោះចម្បាំងរបស់អង់គ្លេស បានស្ទាក់យន្តហោះរុស្ស៊ី នៅសមុទ្រន័រវ៉ែស

យន្តហោះទម្លាក់ទឹក ខណៈភ្លើងឆេះព្រៃនៅបារាំងបង្ខំឲ្យមនុស្សរាប់ពាន់នាក់ជម្លៀសខ្លួន

លោករដ្ឋមន្រ្តីការពារជាតិ Wladyslaw ៖ ការឆ្លាស់វេនទាហានអាមេរិកនៅប៉ូឡូញ នឹងចាប់ផ្តើមឡើងវិញក្នុងពេលប៉ុន្មានសប្តាហ៍ទៀត

ទឹកជំនន់ដ៏គំហក់ និងបំណាក់ដីបង្កឡើងដោយភ្លៀងធ្លាក់ខ្លាំង បានបិទផ្លូវហាយវ៉េនៅភាគខាងជើងឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ

កូរ៉េខាងជើងបង្ហើបថា ខ្លួនអាចនឹងសាកល្បងនុយក្លេអ៊ែរ ឬមីស៊ីលរយៈចម្ងាយឆ្ងាយជាថ្មីទៀត

ប្រធានអង្គការសុខភាពពិភពលោក៖ COVID-19 បន្តរាលដាលនៅទូទាំងពិភពលោក

WHO៖ Omicron មិនមែនវីរុសបម្លែងខ្លួនថ្មីចុងក្រោយទេ ខណៈករណីឆ្លងសកលកើនឡើង ២០% ក្នុងមួយសប្ដាហ៍

ប្រមុខអង្គការ NATO បានអញ្ជើញរុស្ស៊ីឲ្យជួបចរចាជាថ្មី ខណៈវិបត្តិអ៊ុយក្រែនឡើងកម្ដៅ

អង្គការសហប្រជាជាតិ៖ ពលរដ្ឋអាហ្វហ្គានីស្ថានប្រឈមរដូវរងា ស្របពេលមានវិបត្តិមនុស្សធម៌

កូរ៉េខាងជើងបាញ់សាកល្បងមីស៊ីលលើកទី៤ នៅថ្ងៃចន្ទនេះក្នុងរយៈពេល ១ខែដើមឆ្នាំ២០២២ នេះ

មេដឹកនាំកម្ពុជា និងសិង្ហបុរីជួបពិភាក្សាគ្នាតាមប្រព័ន្ធវីដេអូពីចម្ងាយជុំវិញវិបត្តិនៅមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក​ជំរុញឱ្យ​បន្ធូរបន្ថយ​វិធានការ​រឹតត្បិត​ការធ្វើដំណើរ​ពី​អាហ្វ្រិក​

អឺរ៉ុប​ព្រមាន​លោក Putin ពី​ការ​រង​ទណ្ឌកម្ម​ធ្ងន់ធ្ងរ បើ​នៅតែ​បន្ត​ព្យាយាម​បំបែកបំបាក់​អឺរ៉ុប​

ទីភ្នាក់ងារ​អង្គការសហប្រជាជាតិ​និយាយ​ថា ពលរដ្ឋ​ប៉ា​ឡេ​ស្ទី​ន​នៅ​លី​បង់​ត្រូវការ​មូលនិធិ

កូរ៉េខាងជើង​បង្ហើប​ថា ​ខ្លួន​អាច​នឹង​សាកល្បង​នុយក្លេអ៊ែរ​ ឬ​មី​ស៊ី​ល​រយៈ​ចម្ងាយ​ឆ្ងាយ​ជា​ថ្មី​ទៀត

ប្រធាន​អង្គការ​សុខភាព​ពិភពលោក​៖ COVID-19 បន្ត​រាលដាល​នៅ​ទូទាំង​ពិភពលោក​

WHO៖ Omicron មិនមែន​វីរុស​ប​ម្លែ​ង​ខ្លួន​ថ្មី​ចុងក្រោយ​ទេ ខណៈ​ករណី​ឆ្លង​សកល​កើន​ឡើង​ ២០%​ ក្នុង​មួយ​សប្ដាហ៍​

ប្រមុខ​អង្គការ​ NATO បាន​អញ្ជើញ​រុស្ស៊ី​ឲ្យ​ជួប​ចរចា​ជាថ្មី ខណៈ​វិបត្តិ​អ៊ុយ​ក្រែ​ន​ឡើង​កម្ដៅ​

អង្គការសហប្រជាជាតិ៖ ពលរដ្ឋ​អា​ហ្វ​ហ្គា​នី​ស្ថាន​ប្រឈម​រដូវរងា ស្រប​ពេល​មាន​វិបត្តិ​មនុស្សធម៌​

កូរ៉េខាងជើង​បាញ់​សាកល្បង​មី​ស៊ី​ល​លើក​ទី​៤​ នៅ​ថ្ងៃ​ចន្ទ​នេះ​ក្នុង​រយៈពេល ​១​ខែ​ដើម​ឆ្នាំ​២០២២​ នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ

កូរ៉េខាងជើងបង្ហើបថា ខ្លួនអាចនឹងសាកល្បងនុយក្លេអ៊ែរ ឬមីស៊ីលរយៈចម្ងាយឆ្ងាយជាថ្មីទៀត

ប្រធានអង្គការសុខភាពពិភពលោក៖ COVID-19 បន្តរាលដាលនៅទូទាំងពិភពលោក

WHO៖ Omicron មិនមែនវីរុសបម្លែងខ្លួនថ្មីចុងក្រោយទេ ខណៈករណីឆ្លងសកលកើនឡើង ២០% ក្នុងមួយសប្ដាហ៍

ប្រមុខអង្គការ NATO បានអញ្ជើញរុស្ស៊ីឲ្យជួបចរចាជាថ្មី ខណៈវិបត្តិអ៊ុយក្រែនឡើងកម្ដៅ

អង្គការសហប្រជាជាតិ៖ ពលរដ្ឋអាហ្វហ្គានីស្ថានប្រឈមរដូវរងា ស្របពេលមានវិបត្តិមនុស្សធម៌

កូរ៉េខាងជើងបាញ់សាកល្បងមីស៊ីលលើកទី៤ នៅថ្ងៃចន្ទនេះក្នុងរយៈពេល ១ខែដើមឆ្នាំ២០២២ នេះ