BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

ប៉ាគីស្ថាន៖ ប្រភពពីនគរបាលបាននិយាយថា យ៉ាងហោចណាស់អ្នកទេសចរ ២២នាក់បានស្លាប់នៅក្នុងសីតុណ្ហភាពត្រជាក់ បន្ទាប់ពីជាប់គាំងក្នុងព្រិលធ្លាក់ខ្លាំងនៅទីក្រុង Murree ភាគខាងជើងប្រទេសប៉ាគីស្ថាន។ រថយន្តជាង ១,០០០គ្រឿងបានជាប់គាំងនៅក្នុងទីក្រុងរមណីយដ្ឋានតំបន់ភ្នំ បន្ទាប់ពីការបិទផ្លូវដោយព្រិលធ្លាក់ខ្លាំង និងដើមឈើដួលរលំកាលពីចុងសប្តាហ៍កន្លងទៅនេះ។រដ្ឋាភិបាលក្នុងតំបន់បានបិទផ្លូវទាំងអស់ឡើងលើភ្នំ បន្ទាប់ពីព្រិលធ្លាក់ដោយអនុញ្ញាតឱ្យមានតែរថយន្តសង្គ្រោះប៉ុណ្ណោះឆ្លងកាត់។ អាជ្ញាធរ និងយោធាប៉ាគីស្ថានបានបញ្ជូនក្រុមជួយសង្គ្រោះ ដើម្បីស្វែងរកអ្នកទេសចរដែលជាប់គាំងនៅតំបន់ភ្នំ ដែលគ្របដណ្តប់ដោយព្រិលបន្ទាប់ពីព្យុះព្រិល។ អ្នកទេសចរម្នាក់និយាយថា យោធាប៉ាគីស្ថានបានជួយយើងយ៉ាងច្រើន។ ពួកគេមិនត្រឹមតែផ្តល់ឱ្យយើងនូវអាហារ និងកន្លែងស្នាក់នៅប៉ុណ្ណោះទេ ពួកគេថែមទាំងបានជួយរើរថយន្តរបស់យើងចេញពីព្រិល។ អ្នកទេសចរដែលជាប់គាំងច្រើននាក់ត្រូវបានបញ្ជូនទៅកាន់មន្ទីរពេទ្យ ដើម្បីព្យាបាលដោយក្រុមអ្នកជួយសង្គ្រោះមកពីសមាគមអឌ្ឍចន្ទក្រហមប៉ាគីស្ថាន។ វេជ្ជបណ្ឌិតមកពីមន្ទីរពេទ្យ Abbasi បាននិយាយថា យើងបានព្យាបាលអ្នកជំងឺប្រមាណ ៥០នាក់ដែលមិនស្រួលខ្លួនដោយសារអាកាសធាតុត្រជាក់ យើងបានផ្តល់ឱ្យពួកគេនូវអុកហ្សីសែន និងការព្យាបាលផ្សេងទៀត ហើយពួកគេភាគច្រើនបានចាកចេញបន្ទាប់ពីរោគសញ្ញាបានធូរស្រាល។នគរបាលក្នុងតំបន់បាននិយាយថា ព្យុះបានបន្សល់ទុកព្រិលកម្ពស់ជាង ១.២ម៉ែត្រនៅលើដី ជាអ្វីដែលមិនធ្លាប់បានឃើញពីមុនមក។ លើសពីនេះ លំហូរចូលនៃភ្ញៀវទេសចរបានធ្វើឱ្យលើសចំណុះនៃសណ្ឋាគារក្នុងស្រុក ធ្វើឱ្យមនុស្សជាច្រើនចំណាយពេលពេញមួយយប់នៅក្នុងរថយន្ត ហើយភ្ញៀវមួយចំនួនបានស្លាប់ដោយសារការពុលសារធាតុកាបូន។ នាយករដ្ឋមន្ត្រីប៉ាគីស្ថានលោក Imran Khan បាននិយាយថា លោកបានបញ្ជាឱ្យមានការស៊ើបអង្កេតលើឧបទ្ទវហេតុនេះ ហើយបានបញ្ជាឱ្យអាជ្ញាធរមូលដ្ឋានអនុវត្តការគ្រប់គ្រងតឹងរ៉ឹង ដើម្បីទប់ស្កាត់សោកនាដកម្មបែបនេះកុំឱ្យកើតឡើងម្តងទៀត៕អត្ថបទ៖ ប៊ុនថន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក

សហរដ្ឋអាមេរិក៖ មនុស្សយ៉ាងហោចណាស់ ១៩នាក់រួមទាំងកុមារ ៩នាក់បានស្លាប់បន្ទាប់ពីអគ្គិភ័យឆាបឆេះអគារអឹផាតមិននៅទីក្រុង New York សហរដ្ឋអាមេរិក។ យោងតាម Eric Adams អភិបាលក្រុង New York ឲ្យដឹងថា មនុស្ស ៣២នាក់ត្រូវបានបញ្ជូនទៅកាន់មន្ទីរពេទ្យក្នុងនោះអ្នករងរបួសមួយចំនួនមានស្ថានភាពធ្ងន់ធ្ងរ។ប្រធានអង្គភាពពន្លត់អគ្គិភ័យលោក Daniel Nigro បាននិយាយថា ពួកលោកបានរកឃើញជនរងគ្រោះនៅគ្រប់ជាន់ទាំងអស់នៃអគារកម្ពស់ ១៩ជាន់ ដោយនិយាយថា មានផ្សែងច្រើនខុសពីធម្មតា។ លោកថា ប្រជាពលរដ្ឋខ្លះមិនអាចគេចចេញពីអគ្គិភ័យបានដោយសារតែផ្សែងខ្លាំងពេក។ លោកបានប្រាប់សារព័ត៌មាន NBC News គេមិនធ្លាប់ឃើញចំនួនអ្នកស្លាប់ច្រើនបែបនេះទេនៅក្នុងទីក្រុង New York ក្នុងរយៈពេល ៣០ឆ្នាំមកនេះ។ ហេតុការណ៍នេះកើតឡើងប៉ុន្មានថ្ងៃ បន្ទាប់ពីមានអគ្គិភ័យឆាបឆេះអគារអឹផាតមិនមួយនៅក្នុងទីក្រុង Philadelphia សម្លាប់មនុស្ស ១២នាក់រួមទាំងកុមារ ៨នាក់កាលពីសប្ដាហ៍មុន។ ក្រុមមន្ត្រីនិយាយថា អគ្គិភ័យកាលពីថ្ងៃអាទិត្យបានឆាបឆេះនៅក្នុងអគារអឹផាតមិនមួយដែលបានកើតឡើងនៅជាន់ទី២ និងទី៣ នៅអគារអឹផាតមិន Bronx នៅម៉ោងប្រហែល ១១:០០នាទី៕អត្ថបទ៖ សុខមាន

ទូតជប៉ុនប្រចាំនៅកម្ពុជា សម្តែងការគាំទ្រដំណើរទស្សនកិច្ចសម្តេចតេជោទៅកាន់ប្រទេសមីយ៉ាន់ម៉ា

លោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា បានសម្តែងការគាំទ្រយ៉ាងពេញទំហឹង ក្នុងដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ទៅកាន់ប្រទេសមីយ៉ាន់ម៉ា កាលពីកន្លងទៅថ្មីៗនេះ ហើយរំពឹងថា កម្ពុជានឹងទទួលបានជោគជ័យគ្រប់យ៉ាង ខណៈកម្ពុជាធ្វើជាប្រធានអាស៊ានឆ្នាំ២០២២នេះ។ដើម្បីទទួលបានព័ត៌មានថ្មីៗ លឿនរហ័ស សូមចុច Join Channel Telegram BTV Newsថ្លែងក្នុងពិធីសម្ពោធដាក់ឱ្យប្រើប្រាស់ កំណាត់ផ្លូវជាតិលេខ៥ ប្រវែងជាង ៨០គីឡូម៉ែត្រ បាត់ដំបង-បន្ទាយមានជ័យ នាព្រឹកថ្ងៃទី១០ ខែមករា ឆ្នាំ២០២២នេះ នៅខេត្តបាត់ដំបង លោក មិកាមិ ម៉ាសាហ៊ីរ៉ូ បានលើកឡើងថា កម្ពុជានឹងទទួលបានជោគជ័យគ្រប់យ៉ាង សម្រាប់តួនាទីជាប្រធានអាស៊ាន និងស្វែងរកដំណោះស្រាយសន្តិភាព នៅប្រទេសមីយ៉ាន់ម៉ា ខណៈប្រទេសនេះបានកំពុងវឹកវរខ្លាំងនូវជម្លោះផ្ទៃក្នុងរបស់ខ្លួននោះ។សូមបញ្ជាក់ថា ក្នុងដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តីទៅកាន់ប្រទេសមីយ៉ាន់ម៉ា កាលពីថ្ងៃទី៧មករាកន្លងទៅនេះ ទទួលបានជោគជ័យជាច្រើនក្នុងកិច្ចការសន្ទនា ដើម្បីស្វែងរកដំណោះស្រាយសន្តិភាពប្រទេសនេះ ខណៈលទ្ធផលទទួលបាន គឺថ្នាក់ដឹកនាំរបបយោធារបស់មីយ៉ាន់ម៉ា គឺលោក មីន អោងឡាំង សម្រេចទទួលយកការស្នើសុំរបស់សម្តេចតេជោ ពន្យាពេលក្នុងការឈប់បាញ់គ្នា ទទួលយករាល់ជំនួយ សម្រាប់ជួយដល់ពលរដ្ឋរបស់ខ្លួន គាំទ្រប្រេសិតពិសេសរបស់ប្រធានអាស៊ានលើ បញ្ហានៅប្រទេសមីយ៉ាន់ម៉ា និងលទ្ធផលជាច្រើនទៀត។យ៉ាងណាក៏ដោយក្នុងដំណើរទស្សនកិច្ចរបស់សម្តេចទៅកាន់ប្រទេសមីយ៉ាន់ម៉ានេះ គឺមានគោលដៅតែ២គត់ដែលសំខាន់ គឺទី១ស្វែងរកការចរចារឲ្យមានការឈប់បាញ់ និងទី២ គឺដើម្បីផ្តល់ជំនួយមនុស្សធម៌ដល់ជនជាតិមីយ៉ាន់ម៉ា ដែលកំពុងរងគ្រោះ ដោយសារការប្រឈមនឹងអត់អាហារជាដើមនោះ។នៅក្នុងឱកាសអញ្ជើញសម្ពោធដាក់ឲ្យប្រើប្រាស់កំណាត់ផ្លូវលេខ៥ពីបាត់ដំបង-បន្ទាយមានជ័យនេះដែរ លោក មិកាមិ ម៉ាសាហីរ៉ូ ក៏បានថ្លែងកោតសរសើរចំពោះគោលនយោបាយរបស់សម្តេងតេជោ ហ៊ុន សែន ដែលបានធ្វើការទប់ស្កាត់ នៃការរីករាលដាលនូវមេរោគកូវីដ១៩ បានដោយជោគជ័យរហូតដល់បើកដំណើរការសេដ្ឋកិច្ចប្រទេសឡើងវិញ ខណៈប្រទេសមួយចំនួនទៀតនៅលើពិភពលោកបានកំពុងផ្ទុះរីករាលយ៉ាងខ្លាំងនៅឡើយ ចំពោះមេរោគកូវីដ១៩នេះ ជាពិសេសគឺមេរោគកូវីដ១៩ បំប្លែងថ្មីប្រភេទអូមីក្រុងនេះតែម្តងនោះ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ៥ (ពីបាត់ដំបង ដល់ក្រុងសិរីសោភ័ណ)

នៅព្រឹកថ្ងៃទី១០ ខែមករា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមជាមួយឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំនៅព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវកំណាត់ផ្លូវជាតិលេខ៥ ពីខេត្តបាត់ដំបង ទៅក្រុងសិរីសោភ័ណ ខេត្តបន្ទាយមានជ័យ។ដើម្បីទទួលបានព័ត៌មានថ្មីៗ លឿនរហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន បានរំលឹកពីគ្រាទឹកជំនន់នៅខេត្តបន្ទាយមានជ័យ និងការឆ្លងរីករាលដាលជំងឹកូវីដ-១៩ ដែលធ្វើឲ្យកម្ពុជារងភាពលំបាកលំបិន តែវឌ្ឍនភាពកម្ពុជានៅតែបន្តឥតឈប់ឈរ។- សម្តេចតេជោ ហ៊ុន សែន មានប្រសាសន៍ថា ជប៉ុនបានជួយកម្ពុជា ក្នុងការស្ថាបនាផ្លូវខ្សែក្រវ៉ាត់យុទ្ធសាស្ត្រ និងការតភ្ជាប់នៅក្នុងតំបន់ ដែលមានប្រវែងវែង និងប្រកបដោយគុណភាពខ្ពស់សម្រាប់កម្ពុជា។- សម្តេចតេជោ ហ៊ុន សែន ប្រកាសថ្លែងអំណរគុណដល់រដ្ឋាភិបាល និងប្រជាជនជប៉ុន ដែលតែងបានជួយដល់កម្ពុជា ក្នុងការស្តារនិងអភិវឌ្ឍន៍កម្ពុជា ដែលជាចំណែកមួយដ៏ធំក្នុងការស្វែងរកសន្តិភាពនៅកម្ពុជា និងវឌ្ឍនភាព ដែលមិនអាចកាត់ថ្លៃបាន។- សម្តេចតេជោ ហ៊ុន សែន បានរំលឹកពីការស្វែងរកសន្តិភាពនៅកម្ពុជា ដែលជប៉ុនបានដើរតួនាទីយ៉ាងសំខាន់សម្រាប់ការជួយឧបត្ថម្ភគាំទ្រ និងកិច្ចសម្របសម្រួលដើម្បីឲ្យគ្រប់ភាគីចូលតុចរចា។- សម្តេចតេជោ ហ៊ុន សែន បានប្រកាសថា មេរោគកូវីដ១៩បំប្លែងថ្មី ប្រភេទអូមីក្រុង បានឆ្លងចូលសហគមន៍ចំនួន៤ករណីហើយ ដោយក្នុងនោះកាលពីថ្ងៃទី៨ ខែមករា មានចំនួន១ករណី និងថ្ងៃទី៩ ខែមករាម្សិលមិញ ចំនួន៣ករណី។- សម្តេចតេជោ ហ៊ុន សែន ប្រកាសថា ទីតាំងដែលកំពុងរៀបចំសម្ពោធដាក់ឲ្យប្រើប្រាស់កំណាត់ផ្លូវជាតិលេខ៥ (បាត់ដំបង-សិរិសោភ័ណ)នាពេលនេះ គឺជាអតីតតំបន់សមរភូមិក្តៅ ដែលជាអតីតសង្គ្រាមផ្ទៃសម្លាប់ខ្មែរគ្នាឯង។- សម្តេចតេជោ ហ៊ុន សែន បញ្ជាក់ថា ក្នុងចិត្ត និងគោលគំនិតរបស់សម្តេច គឺមិនអាចយកសង្គ្រាមដើម្បីបញ្ចប់សង្គ្រាមបានឡើយ មានតែការចូលតុចរចាគ្នាតែប៉ុណ្ណោះ ដែលយើងអាចបញ្ចប់សង្គ្រាម និងស្វែងរកសុខសន្តិភាពបាន។- សម្តេចតេជោនាយករដ្ឋមន្ត្រីបានលើកឡើងថា តំបន់ដែលធ្លាប់ជាសមរភូមិក្តៅបំផុតនោះ បច្ចុប្បន្នបានក្លាយទៅជាតំបន់ទីផ្សារ និងការអភិវឌ្ឍ ខណៈតាមតំបន់ព្រំដែនជាមួយនឹងប្រទេសជិតខាង បានក្លាយជាព្រំដែនសន្តិភាព មិត្តភាព និងកិច្ចសហប្រតិបត្តិការ។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋកម្ពុជា ដែលគោរពតាមការសម្រេចចិត្ត និងការអំពាវនាវរបស់រាជរដ្ឋាភិបាល តាមរយៈការទទួលយកវ៉ាក់សាំងកូវីដ-១៩ និងវិធានការការពារការឆ្លងរីករាលដាលជំងឺកូវីដ-១៩ ក្នុងនោះវិធានស្វ័យការពារសម្រាប់បុគ្គលម្នាក់ និងគ្រួសារនីមួយៗ។- សម្តេចតេជោ ហ៊ុន សែន បានបញ្ជាអោយទិញវ៉ាក់សាំងកូវីដ១៩ ចំនួន៥លានដូសបន្ថែមទៀត ដើម្បីចាក់ដូសជំរុញជូនប្រជាពលរដ្ឋ ដើម្បីធានាថា ពលរដ្ឋមានវ៉ាក់សាំងចាក់គ្រប់គ្រាន់ ខណៈបច្ចុប្បន្នវ៉ាក់សាំងមានក្នុងស្តុកប្រមាណ ១០លានដូសផងដែរ។- សម្តេចតេជោ ហ៊ុន សែន បានអំពាវនាវឲ្យពន្លឿនក្នុងការចាក់វ៉ាក់សាំងដូសទី៣ ឬដូសជំរុញឲ្យបានលឿនបំផុត ដែលអាចធ្វើទៅបាន ខណៈដែលមេរោគកូវីដ១៩បំប្លែងថ្មីប្រភេទអូមីក្រុងបានឈានចូលក្នុងសហគមន៍ហើយ។- សម្តេចតេជោ ហ៊ុន សែន បានបញ្ជាក់ថា ចលនាទេសចរណ៍ផ្ទៃក្នុង ដើម្បីអបអរសាទរទិវាអនុស្សាវរីយ៍ជ័យជំនះ៧មករា ប៉ុន្មានថ្ងៃមកនេះ មានតួលេខរង្វង់ជាង ៤០ម៉ឺននាក់ ក្រោយពេលដំណើរការចាក់វ៉ាក់សាំងកូវីដ-១៩ មានកំណើនខ្ពស់ ហើយករណីឆ្លងរីករាលដាលកូវីដ-១៩ ក៏មានការថមថយផងដែរ។- សម្តេចតេជោ ហ៊ុន សែន បានប្រកាសថា នៅថ្ងៃទី១៤ ខែមករា ឆ្នាំ២០២២ខាងមុខនេះ សម្តេច និងភរិយា នឹងចាក់វ៉ាក់សាំងកូវីដ១៩ដូសជំរុញ ឬដូសទី៤ មុននឹងសម្តេចធ្វើដំណើរទៅឌូបៃ។- សម្តេចតេជោ ហ៊ុន សែន ប្រកាសថ្លែងអំណរគុណដល់ជប៉ុន ដែលបានគាំទ្របេសកកម្មសម្តច និងគណៈប្រតិភូកម្ពុជា នៅសហភាពមីយ៉ាន់ម៉ា ដែលជាបេសកកម្មជួយសម្របសម្រួលមីយ៉ាន់ម៉ា ស្វែងរកបទឈប់បាញ់ ការបើកច្រកទទួលជំនួយមនុស្សធម៌សង្គ្រោះបន្ទាន់ និងបើកផ្លូវឲ្យប្រេសិតពិសេសអាស៊ានចូលប្រទេសមីយ៉ាន់ម៉ា ជួបគ្រប់ភាគីវិវាទ ដើម្បីបញ្ចប់សង្គ្រាម ឆ្ពោះទៅរកសុខសន្តិភាព។- សម្តេចតេជោបញ្ជាក់ជាថ្មីថា គម្ពីរចំនួន២ ដែលសម្តេចយកទៅចរចាជាមួយមីយ៉ាន់ម៉ាកន្លងទៅគឺ កុងសង់ស៊ីស៥ចំនុចរបស់អាស៊ាន និង ធម្មនុញ្ញអាស៊ាន ខណៈគោលបំណងសំខាន់៣យ៉ាងគឺ ទី១. បទឈប់បាញ់ , ទី២. ការផ្តល់ជំនួយ និងទី៣ ការសន្ទនា។- សម្តេចតេជោ ហ៊ុន សែន សង្ឃឹមថា អាស៊ាននឹងរួមគ្នា ដើម្បីជួយសម្របសម្រួលស្វែងរកសន្តិភាពនៅមីយ៉ាន់ម៉ា ហើយបញ្ហាមីយ៉ាន់ម៉ា គឺមិនអាចបញ្ចប់ក្នុងអាណត្តិកម្ពុជាជាប្រធានអាស៊ានឡើយ ព្រោះបញ្ហានេះនៅវែងឆ្ងាយណាស់។-សម្តេចតេជោ ហ៊ុន សែន នាយករដ្ឋមន្រ្តី បានចោទសួរទៅក្រុមជ្រុលនិយមទាំងជនជាតិមីយ៉ាន់ម៉ា និងខ្មែរមួយចំនួនតួច ដែលជេរសម្តេចក្នុងកិច្ចការស្វែងរកសន្តិភាព និងពិភាក្សាជាមួយថ្នាក់ដឹកនាំមីយ៉ាន់ម៉ាថា តើពួកអ្នកទាំងនោះគាំទ្រឲ្យមានការឈប់បាញ់គ្នា ឬគាំទ្រឲ្យមានការបាញ់គ្នាបន្តទៀត នៅប្រទេសដែលជាសមាជិកអាស៊ានមួយនេះ។- សម្តេចតេជោ ហ៊ុន សែន បានលើកឡើងថា អ្នកដែលមិនចង់ឲ្យមីយ៉ានម៉ាសម្របសម្រួលគ្នា គឺមានន័យថា អ្នកនោះ ចង់ឲ្យមីយ៉ាន់ម៉ាមានសង្គ្រាមកាប់សម្លាប់គ្នា។- សម្តចតេជោ ហ៊ុន សែន បានបញ្ជាក់ថា បើអ្នកឯងមិនចង់ឲ្យមីយ៉ានម៉ាសម្របសម្រួលគ្នា គឺមានន័យថា អ្នកឯងចង់ឲ្យមីយ៉ាន់ម៉ាមានសង្គ្រាមកាប់សម្លាប់គ្នា។- សម្តេចតេជោ ហ៊ុន សែន ប្រកាសបង្វែរជំនួយវ៉ាក់សាំងកូវីដ-១៩ ចំណែកកម្ពុជា ក្នុងក្របខណ្ឌងអាស៊ានទៅឲ្យសហភាពមីយ៉ាន់ម៉ា ព្រោះកម្ពុជាមានវ៉ាក់សាំងច្រើន ហើយប្រជាពលរដ្ឋកម្ពុជាក៏បានទទួលវ៉ាក់សាំងច្រើនដូសហើយដែរ។-សម្តេចតេជោ ហ៊ុន សែន នាយករដ្ឋមន្រ្តី បានអះអាងថា ក្នុងដំណើរទស្សនកិច្ចរបស់សម្តេចទៅកាន់ប្រទេសមីយ៉ាន់ម៉ា សម្តេចសម្រេចបានការចរចារឲ្យមីយ៉ាន់ម៉ាធ្វើការអត់ធ្មត់បាន ហើយថែមទាំងជួយបានឲ្យប្រទេសនេះពន្យាពេលក្នុងការឈប់បាញ់គ្នាផងដែរ។-សម្តេចតេជោ ហ៊ុន សែន បានថ្លែងថា សម្តេចនឹងទៅចូលរួមសួរសុខទុក្ខយោធាជប៉ុន ដល់នាវាចម្បាំងជប៉ុនតែម្តង ខណៈដែលនាវានេះនឹងចូលមកសំចតនៅនកំពង់ផែក្រុងព្រះសីហនុ នាពេលខាងមុខនេះ។ប្រសាសន៍សម្តេចតេជោ ហ៊ុន សែន ចប់នៅវេលាម៉ោង៩ និង ៤៨នាទី

មនុស្ស ១៦៤នាក់ស្លាប់ និងជិត ៦ពាន់នាក់ត្រូវបានចាប់ខ្លួនក្នុងភាពរំជើបរំជួលនៅកាហ្សាក់ស្ថាន

កាហ្សាក់ស្ថាន៖ សារព័ត៌មានបានរាយការណ៍កាលពីថ្ងៃអាទិត្យដោយយោងលើក្រសួងសុខាភិបាលថា មនុស្សជាង ១៥០នាក់បានស្លាប់ និងជិត ៦,០០០នាក់ត្រូវបានចាប់ខ្លួននៅក្នុងប្រទេសកាហ្សាក់ស្ថាន ក្រោយកុបកម្មដោយហិង្សានៅក្នុងប្រទេសដ៏ធំបំផុតនៅតំបន់អាស៊ីកណ្ដាលមួយនេះនៅសប្ដាហ៍នេះ។ប្រទេសដែលសំបូរដោយថាមពលដែលមានប្រជាជនប្រមាណ ១៩លាននាក់ត្រូវបានញាំញីដោយភាពចលាចលរយៈពេល ១សប្ដាហ៍ ដោយមានជនបរទេសមួយចំនួនត្រូវបានឃុំខ្លួនជុំវិញភាពរំជើបរំជួលនេះ។ ចំនួនអ្នកស្លាប់ថ្មីដែលមិនអាចស្វែងរកការផ្ទៀងផ្ទាត់បាន បានធ្វើឲ្យចំនួនអ្នកស្លាប់កើនឡើង។ កាលពីកន្លងទៅក្រុមមន្ត្រីបាននិយាយថា ឧក្រិដ្ឋជនប្រដាប់អាវុធចំនួន ២៦នាក់បានស្លាប់ ហើយថា មន្ត្រីសន្តិសុខចំនួន ១៦នាក់បានស្លាប់ផងដែរ។ លោកប្រធានាធិបតីបាននិយាយនៅក្នុងសេចក្ដីថ្លែងការណ៍មួយកាលពីថ្ងៃអាទិត្យថា សរុបមានមនុស្សចំនួន ៥,៨០០នាក់ត្រូវបានចាប់ខ្លួនយកទៅសាកសួរ។សេចក្ដីថ្លែងការណ៍នោះបានបន្ថែមថា បន្ទាប់ពីលោកប្រធានាធិបតី Kassym-Jomart Tokayev រៀបចំជំនួបមួយដើម្បីដោះស្រាយវិបត្តិនេះស្ថានភាពនៅក្នុងតំបន់ទាំងអស់របស់ប្រទេសនេះមានភាពនឹងនរ ហើយកងកម្លាំងសន្តិសុខកំពុងបន្តធ្វើប្រតិបត្តិការបោសសម្អាត។ ការឡើងថ្លៃតម្លៃប្រេងបានបង្កឲ្យភាពរំជើបរំជួលដែលបានផ្ទុះឡើងកាលពី ១សប្ដាហ៍នៅក្នុងខេត្តមួយចំនួនភាគខាងលិច ប៉ុន្តែការតវ៉ា និងការបង្ក្រាបជាបន្តបន្ទាប់បានរាលដាលយ៉ាងឆាប់រហ័សដល់ទីក្រុងធំៗនានា រួមទាំងមជ្ឈមណ្ឌលពាណិជ្ជកម្ម Almaty ជាទីដែលកុបកម្មនានាបានផ្ទុះឡើង ហើយនគរបាលបានបាញ់គ្រាប់ពិតដើម្បីបង្ក្រាប និងបំបែកក្បួនតវ៉ាទាំងនោះ៕អត្ថបទ៖ សុខមាន

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

ភ្នំពេញ៖ ប្រមុខការទូតកម្ពុជា ឯកឧត្ដម ប្រាក់ សុខុន បញ្ជាក់ថា មេដឹកនាំយោធាមីយ៉ាន់ម៉ា នាយឧត្ដមសេនីយ៍ មីន អ៊ុងឡាំង បានសម្រេចបន្តបទឈប់បាញ់គ្នារហូតដល់ចុងឆ្នាំ២០២២នេះ ខណៈដែលបទឈប់បាញ់គ្នានៅប្រទេសមួយនេះ នឹងបញ្ចប់ទៅនៅខែកុម្ភៈខាងមុខនេះ។រដ្ឋមន្ត្រីការបរទេសកម្ពុជាឯកឧត្ដម ប្រាក់ សុខុន បានបញ្ជាក់បែបនេះនៅក្នុងសន្និសីទសារព័ត៌មាននៅឯអាកាសយានដ្ឋានអន្តរជាតិភ្នំពេញនៅថ្ងៃនេះ បន្ទាប់ពីដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នៅប្រទេសមីយ៉ាន់ម៉ា។ប្រតិភូកម្ពុជាដែលដឹកនាំដោយសម្ដេចតេជោ ហ៊ុន សែន បានធ្វើដំណើរទស្សនកិច្ចនៅប្រទេសមីយ៉ាន់ម៉ាកាលពីថ្ងៃម្សិលមិញនេះ ដោយបានជួបពិភាក្សាជាមួយមេដឹកនាំយោធាមីយ៉ាន់ម៉ា នាយឧត្ដមសេនីយ៍ជាន់ខ្ពស់ មីន អ៊ុងឡាំង។នៅក្នុងសន្និសីទនោះ ឯកឧត្ដមប្រាក់ សុខុន បញ្ជាក់ថា នាយឧត្ដមសេនីយ៍ មីន អ៊ុងឡាំង បានប្រកាសជាឯកតោភាគីនូវការពន្យាឈប់បាញ់គ្នារហូតដាច់ឆ្នាំ២០២២នេះ។បើតាមប្រមុខការទូតកម្ពុជា បទឈប់គ្នាមួយរវាងក្រុមយោធាភូមា និងក្រុមតស៊ូប្រដាប់អាវុធនៅមីយ៉ាន់ម៉ា នឹងត្រូវបញ្ចប់នៅក្នុងខែកុម្ភៈខាងមុខនេះ។ក្រុមយោធាមីយ៉ាន់ម៉ា បានឡើងកាន់អំណាចគ្រប់គ្រងប្រទេសសមាជិកអាស៊ានមួយនេះចាប់តាំងពីក្រោយរដ្ឋប្រហារទម្លាក់រដ្ឋាភិបាលស៊ីវិលដឹកនាំដោយអ្នកស្រី អ៊ុងសាន ស៊ូជី កាលពីដើមខែកុម្ភៈឆ្នាំ២០២១កន្លងមកនេះ៕

ឯកឧត្តមនាយឧត្តមសេនីយ៍ មីន អោងឡាំង Min Aung Hlaing ប្រធានក្រុមប្រឹក្សារដ្ឋបាលរដ្ឋ នៃ សាធារណរដ្ឋសហភាពមីយ៉ាន់ម៉ាប្រារព្ធពិធីលៀងសាយភោជន៍ជាមហាកិត្តិយស ជូនសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ក្នុងដំណើរទស្សនកិច្ចនៅសហភាពមីយ៉ាន់ម៉ា

នៅរាត្រីថ្ងៃទី៧មករា ឯកឧត្តមនាយឧត្តមសេនីយ៍ មីន អោងឡាំង Min Aung Hlaing ប្រធានក្រុមប្រឹក្សារដ្ឋបាលរដ្ឋ នៃ សាធារណរដ្ខសហភាពមីយ៉ាន់ម៉ារ ប្រារព្ធពិធីលៀងសាយភោជន៍ជាមហាកិត្តិយសដ៏ខ្ពង់ខ្ពស់បំផុត ជូនសម្តេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ដែលបានអញ្ជើញបំពេញទស្សនកិច្ចការងារ នៅរដ្ឋធានីណៃពិដោរ សាធារណរដ្ឋសហភាពមីយ៉ាន់ម៉ារ។ បើទោះបីមិនមានការថ្លែងសុន្ទរកថាក៏ពិតមែន មេដឹកនាំនៃប្រទេសទាំងពីរកម្ពុជា មីយ៉ាន់ម៉ារ បានសំដែងនូវការវាយតម្លៃខ្ពស់សាជាថ្មីម្តងទៀត ចំពោះលទ្ធផលនៃជំនួបពិភាក្សាដោយស្មោះត្រង់ទៅស្មោះត្រង់មក លើការពង្រឹងទំនាក់ទំនងកិច្ចសហប្រតិបត្តិការនៃប្រទេសទាំងពីរ ទាំងក្នុងក្របខណ្ឌទ្វេភាគី តំបន់ និងអន្តរជាតិ ដែលមានការយកចិត្តទុកដាក់ដូចគ្នា ពិសេសទាក់ទិនទៅនិងសភាពការណ៍ ក្នុងប្រទេសមីយ៉ាន់ម៉ារ។ ជាមួយគ្នានេះភាគីទាំងពីរ បានផ្លាស់ប្តូរទស្សនៈអំពីកិច្ចសហប្រតិបត្តិការទ្វេភាគី ដើម្បីពង្រឹងបន្ថែមទៀត នូវទំនាក់ទំនងមិត្តភាពដែលមានស្រាប់ រវាងប្រជាជនទាំងពីរ ជាពិសេសក្នុងបរិបទ នៃវិបត្តិសុខភាពពិភពលោក។ ឯកឧតត្តមនាយឧត្តមសេនីយ៍ មីនអោងឡាំង បានថ្លែងនូវអំណរគុណយ៉ាងជ្រាលជ្រៅបំផុត ជូនចំពោះសម្តេចតេជោនាយករដ្ឋមន្រ្តី និងរាជរដ្ឋាភិបាលនិងប្រជាជនកម្ពុជា ដែលបានផ្តល់ជំនួយសម្ភារៈបរិក្ខាវេជ្ជសាស្រ្ត ដើម្បីជួយដល់ប្រទេសមីយ៉ាន់ម៉ារ ក្នុងការប្រយុទ្ធប្រឆាំងនឹងជំងឺរាតត្បាតកូវីដ ១៩៕

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយឧត្តមសេនីយ៍ មីន អោង ឡាំង

ភ្នំពេញ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន បានជួបពិភាក្សាទ្វេភាគីជាមួយឯកឧត្តមនាយឧត្តមសេនីយ៍ មីន អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា នៅរសៀលថ្ងៃទី៧ ខែមករា ឆ្នាំ២០២២ នេះ ។ សម្តេចតេជោ ហ៊ុន សែន បានដឹកនាំគណៈប្រតិភូជាន់ខ្ពស់អញ្ជើញទៅបំពញទស្សនកិច្ចនៅមីយ៉ាន់ម៉ា កាលពីព្រឹកថ្ងៃទី៧ ខែមករា ឆ្នាំ២០២២។ បើតាមការបញ្ជាក់របស់ក្រសួងការបរទេសកម្ពុជា បានបញ្ជាក់ថា ក្នុងឱកាសនៃដំណើរទស្សនកិច្ចនេះ សម្តេចតេជោនាយករដ្ឋមន្ត្រី ហ៊ុន សែន មានជំនួបទ្វេភាគីជាមួយឯកឧត្តមនាយឧត្តមសេនីយ៍ជាន់ខ្ពស់ មីន អោងឡាំង ដើម្បីពិភាក្សា និងផ្លាស់ប្ដូរទស្សនៈអំពីកិច្ចសហប្រតិបត្តិការទ្វេភាគី និងពហុភាគី និងការវិវត្តថ្មីៗនៅក្នុងអាស៊ាន។តបតាមការអញ្ជើញរបស់ឯកឧត្តមនាយឧត្តមសេនីយ៍ជាន់ខ្ពស់ មីន អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់អញ្ជើញទៅបំពញទស្សនកិច្ចនៅសាធារណរដ្ឋសហភាពមីយ៉ាន់ម៉ា រយៈពេល២ថ្ងៃ ពីថ្ងៃទី០៧ ដល់ថ្ងៃទី០៨ ខែមករា ឆ្នាំ២០២២៕

WHO ព្រមានថា វីរុសបម្លែងខ្លួនថ្មី Omicron ដ៏គ្រោះថ្នាក់មិនគួរហៅថា វីរុសបង្កជំងឺស្រាលទេ

WHO៖ អង្គការសុខភាពពិភពលោកបានព្រមានថា វីរុសបម្លែងខ្លួនថ្មី Omicron ដ៏គ្រោះថ្នាក់មិនគួរហៅថា វីរុសបង្កជំងឺស្រាលនោះទេ ដោយនិយាយថា វីរុសនេះកំពុងសម្លាប់មនុស្សនៅទូទាំងពិភពលោក ខណៈកំពុងឆ្លងរាលដាលដល់ ១២៨ប្រទេស និងដែនដីជុំវិញពិភពលោក។ការសិក្សាថ្មីៗបង្ហាញថា វីរុស COVID-19 បម្លែងខ្លួន Omicron ទំនងជាបង្កឲ្យអ្នកជំងឺមានអាការៈស្រាលជាងវីរុសបម្លែងខ្លួនថ្មីប្រភេទមុនៗ យ៉ាងណាក៏ដោយ ប្រមុខអង្គការសុខភាពពិភពលោកគឺលោកវេជ្ជបណ្ឌិត Tedros Adhanom Ghebreyesus បាននិយាយថា ប៉ុន្តែចំនួនមនុស្សដែលឆ្លងបានវីរុសបម្លែងខ្លួនថ្មីបានដាក់បន្ទុកយ៉ាងធ្ងន់ធ្ងរទៅលើប្រព័ន្ធសុខភាព។ កាលពីថ្ងៃចន្ទសហរដ្ឋអាមេរិកបានកត់ត្រាករណីឆ្លងវីរុស Covid-19 ជាង ១លាននាក់ក្នុងរយៈពេល ២៤ម៉ោង។ អង្គការសុខភាពពិភពលោកដែលជាទីភ្នាក់ងារសុខភាព របស់អង្គការសហប្រជាជាតិបាននិយាយថា ចំនួនករណីឆ្លងទូទាំងពិភពលោកបានកើនឡើង ៧១% កាលពីសប្ដាហ៍មុនដោយឡែកនៅក្នុងទ្វីបអាមេរិកមានចំនួន ១០០%។ អង្គការនេះបាននិយាយថា ក្នុងចំណោមករណីឆ្លងធ្ងន់ធ្ងរទូទាំងពិភពលោកមាន ៩០% ជាអ្នកមិនបានចាក់វ៉ាក់សាំង។ប្រមុខអង្គការនេះបាននិយាយកាលពីថ្ងៃព្រហស្បតិ៍ថា ខណៈដែលមានការលើកឡើងថា វីរុសបម្លែងខ្លួនថ្មី Omicron ទំនងជាបង្កឲ្យមានភាពធ្ងន់ធ្ងរស្រាលជាងវីរុសបម្លែងខ្លួនថ្មី Delta ពិសេសអ្នកដែលបានចាក់វ៉ាក់សាំងរួច មិនមែនមានន័យថាវីរុសនេះអាចត្រូវបានចាត់ទុកថា វាស្រាលនោះទេ៕អត្ថបទ៖ សុខមាន

មនុស្ស ១៣នាក់រួមទាំងកុមារ ៧នាក់បានស្លាប់ក្នុងអគ្គិភ័យឆាបឆេះលំនៅឋានក្នុងទីក្រុង Philadelphia

សហរដ្ឋអាមេរិក៖ ក្រុមមន្ត្រីពន្លត់អគ្គិភ័យបាននិយាយថា អគ្គិភ័យបានឆាបឆេះអគារលំនៅឋានមួយកាលពីថ្ងៃពុធក្នុងទីក្រុង Philadelphia រដ្ឋ Pennsylvania សហរដ្ឋអាមេរិក សម្លាប់មនុស្ស ១៣នាក់រួមទាំងកុមារ ៧នាក់។មនុស្សយ៉ាងហោចណាស់ ២នាក់ត្រូវបានបញ្ជូនទៅកាន់មន្ទីរពេទ្យ ហើយក្រុមមន្ត្រីបានព្រមានថា ចំនួនអ្នកស្លាប់អាចនឹងកើនឡើងថែមទៀត ខណៈក្រុមអ្នកពន្លត់អគ្គិភ័យបានរុករកនៅក្នុងលំនៅឋាននោះ ជាទីដែលមានមនុស្ស ២៦នាក់កំពុងស្នាក់នៅ។ ក្រុមមន្ត្រីពន្លត់អគ្គិភ័យបាននិយាយថា ឧបករណ៍ប្រកាសអាសន្នផ្សែងកម្រិតទី៤ នៅក្នុងអគារនោះដែលជាលំនៅឋានសាធារណៈទំនងជាខូច ហើយមូលហេតុនាំឲ្យមានអគ្គិភ័យនេះគេមិនទាន់បានដឹងនៅឡើយទេ។ ក្រោយកើតហេតុ កាលពីថ្ងៃពុធពិធីអុជទៀនរំឭកវិញ្ញាណក្ខន្ធមួយបានធ្វើឡើងដល់ជនរងគ្រោះចំនួន ១៣នាក់។ អ្នកចូលរួមបានដាក់ផ្កានៅកន្លែងរំឭកវិញ្ញាណក្ខន្ធបណ្ដោះអាសន្នមួយ ខណៈពួកគេកាន់មរណទុក្ខជូនជនរងគ្រោះទាំងនោះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជាប្រកាសដាក់ឱ្យប្រើជាផ្លូវការនូវ «យុទ្ធសាស្ត្រ ការទូតបរិស្ថានកម្ពុជា ឆ្នាំ២០២៦–២០៣០»

ស្នាដៃចម្លាក់ដីខ្សាច់របស់វិចិត្រករនៅរដ្ឋ Tamil Nadu ប្រទេសឥណ្ឌា ឆ្លុះបញ្ចាំងពីបាតុភូតធម្មជាតិអែលនីញ៉ូ

ក្រុមអ្នកសម្របសម្រួល (CLG) កម្ពុជា និងក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនចុះសង្កេតការណ៍ ផ្ទៀងផ្ទាត់ជាក់ស្តែងនៅតាមបង្គោលព្រំដែនលេខ៥២ ដល់លេខ៥៩ ស្ថិតនៅស្រុកកំរៀង ខេត្តបាត់ដំបង

ម្ចាស់ធុរកិច្ចនៅទីក្រុង La Guairaរបស់វេណេស៊ុយអេឡា រង់ចាំការវិលត្រឡប់មកវិញនៃវិស័យទេសចរណ៍

ចៅប្រុសរបស់អតីតប្រធានាធិបតីគុយបា បញ្ជាក់ថា បើកចំហ ចំពោះការចរចាជាមួយសហរដ្ឋអាមេរិក

វិមានក្រឹមឡាំងបញ្ជាក់ថា សមយុទ្ធកងទ័ពជើងទឹករុស្ស៊ី-ចិន មិនមែនជាការគំរាមដល់ប្រទេសដទៃឡើយ

ការបាក់ទឹកទំនប់បង្កឱ្យមានការជម្លៀសចេញ នៅភាគខាងត្បូងនៃប្រទេសចិន

ក្រសួងការពារជាតិ៖ យន្តហោះចម្បាំងរបស់អង់គ្លេស បានស្ទាក់យន្តហោះរុស្ស៊ី នៅសមុទ្រន័រវ៉ែស

យន្តហោះទម្លាក់ទឹក ខណៈភ្លើងឆេះព្រៃនៅបារាំងបង្ខំឲ្យមនុស្សរាប់ពាន់នាក់ជម្លៀសខ្លួន

លោករដ្ឋមន្រ្តីការពារជាតិ Wladyslaw ៖ ការឆ្លាស់វេនទាហានអាមេរិកនៅប៉ូឡូញ នឹងចាប់ផ្តើមឡើងវិញក្នុងពេលប៉ុន្មានសប្តាហ៍ទៀត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក

ទូតជប៉ុនប្រចាំនៅកម្ពុជា សម្តែងការគាំទ្រដំណើរទស្សនកិច្ចសម្តេចតេជោទៅកាន់ប្រទេសមីយ៉ាន់ម៉ា

មនុស្ស ១៦៤នាក់ស្លាប់ និងជិត ៦ពាន់នាក់ត្រូវបានចាប់ខ្លួនក្នុងភាពរំជើបរំជួលនៅកាហ្សាក់ស្ថាន

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយឧត្តមសេនីយ៍ មីន អោង ឡាំង

WHO ព្រមានថា វីរុសបម្លែងខ្លួនថ្មី Omicron ដ៏គ្រោះថ្នាក់មិនគួរហៅថា វីរុសបង្កជំងឺស្រាលទេ

មនុស្ស ១៣នាក់រួមទាំងកុមារ ៧នាក់បានស្លាប់ក្នុងអគ្គិភ័យឆាបឆេះលំនៅឋានក្នុងទីក្រុង Philadelphia

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ភ្ញៀវ​ទេសចរ​ជាង​ ២០​នាក់​បាន​ស្លាប់​ដោយ​សារ​ព្រិល​នៅ​ប្រទេស​ប៉ាគីស្ថាន​

មនុស្ស​ ១៩​នាក់​ស្លាប់​ក្នុង​អគ្គិភ័យ​ឆេះ​អគារ​អឹ​ផាត​មិន​នៅ​ក្នុង​ទីក្រុង New York សហរដ្ឋអាមេរិក​

ទូតជប៉ុនប្រចាំនៅកម្ពុជា សម្តែងការគាំទ្រដំណើរទស្សនកិច្ចសម្តេចតេជោទៅកាន់ប្រទេសមីយ៉ាន់ម៉ា

ប្រមុខ​ការទូត​កម្ពុជា​បញ្ជាក់​ថា យោធា​មីយ៉ាន់ម៉ា​ប្រកាស​បន្ត​បទ​ឈប់​បាញ់​គ្នា​រហូត​ដាច់​ឆ្នាំ​នេះ

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយឧត្តមសេនីយ៍ មីន អោង ឡាំង

WHO ព្រមាន​ថា ​វីរុស​ប​ម្លែ​ង​ខ្លួន​ថ្មី Omicron ដ៏​គ្រោះថ្នាក់​មិន​គួរ​ហៅថា ​វីរុស​បង្ក​ជំងឺ​ស្រាល​ទេ

មនុស្ស​ ១៣​នាក់​រួម​ទាំង​កុមារ​ ៧​នាក់​បាន​ស្លាប់​ក្នុង​អគ្គិភ័យ​ឆាបឆេះ​លំនៅឋាន​ក្នុង​ទីក្រុង Philadelphia

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

WHO ព្រមានថា វីរុសបម្លែងខ្លួនថ្មី Omicron ដ៏គ្រោះថ្នាក់មិនគួរហៅថា វីរុសបង្កជំងឺស្រាលទេ

មនុស្ស ១៣នាក់រួមទាំងកុមារ ៧នាក់បានស្លាប់ក្នុងអគ្គិភ័យឆាបឆេះលំនៅឋានក្នុងទីក្រុង Philadelphia