BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

អង្គការសហប្រជាជាតិ៖ ពលរដ្ឋមីយ៉ាន់ម៉ាជាង ១៤លាននាក់ត្រូវការជំនួយមនុស្សធម៌បន្ទាន់

មីយ៉ាន់ម៉ា៖ ទីភ្នាក់ងារអង្គការសហប្រជាជាតិនិយាយថា ប្រជាជនជាង ១៤លាននាក់នៅសហភាពមីយ៉ាន់ម៉ាប្រហែលមួយភាគបួន នៃចំនួនប្រជាជនរបស់ប្រទេសនេះនឹងត្រូវការជំនួយមនុស្សធម៌នៅឆ្នាំនេះ។ ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ ឬ OCHA បានចេញផ្សាយរបាយការណ៍មួយស្តីពីតម្រូវការមនុស្សធម៌នៅមីយ៉ាន់ម៉ា។របាយការណ៍បាននិយាយថា តម្លៃស្បៀងអាហារ និងប្រេងឥន្ធនៈបានកើនឡើង បន្ទាប់ពីយោធាបានដណ្ដើមអំណាចក្នុងរដ្ឋប្រហារកាលពីខែកុម្ភៈ។ របាយការណ៍ដដែលនេះក៏បាននិយាយផងដែរថា ជំងឺរាតត្បាតសកលបានធ្វើឱ្យស្ថានភាពមនុស្សធម៌របស់ប្រទេសនេះកាន់តែធ្ងន់ធ្ងរទៅៗ។ អង្គការនេះបានប៉ាន់ប្រមាណថា មនុស្ស ១៤.៤លាននាក់នឹងត្រូវការជំនួយដូចជាអាហារ និងការផ្គត់ផ្គង់វេជ្ជសាស្ត្រ។ ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ បានសម្ដែងការព្រួយបារម្ភអំពីផលប៉ះពាល់នៃវីរុសរាតត្បាតសកលលើការអប់រំ។អង្គការខាងលើនេះបានកត់សម្គាល់ថា ការសិក្សាត្រូវបានរំខានដល់កុមារប្រហែល ១២លាននាក់ក្នុងឆ្នាំ២០២០ និង ២០២១ ដោយសារការបិទសាលារៀន។ របាយការណ៍បាននិយាយថា "ប្រជាជនមីយ៉ាន់ម៉ាកំពុងប្រឈមនឹងវិបត្តិនយោបាយ សេដ្ឋកិច្ចសង្គម សិទ្ធិមនុស្ស និងមនុស្សធម៌ដែលមិនធ្លាប់មានពីមុនមក ខណៈមានតម្រូវការខ្ពស់សម្រាប់ជីវភាពប្រចាំថ្ងៃ។ កាលពីចុងខែធ្នូ ឆ្នាំ២០២១ ការវាយប្រយុទ្ធគ្នារវាងរដ្ឋាភិបាលមីយ៉ាន់ម៉ាគ្រប់គ្រងដោយយោធា និងក្រុមទ័ពព្រៃជនជាតិភាគបានបង្ខំឲ្យអ្នកស្រុកជាង ៤,០០០នាក់រត់គេចខ្លួនឆ្លងព្រំដែនចូលទៅប្រទេសថៃ៕អត្ថបទ៖ សុខមាន

មហាអំណាចពិភពលោកប្ដេជ្ញាទប់ស្កាត់ការរីកសាយអាវុធនុយក្លេអ៊ែរ

ពិភពលោក៖ មហាអំណាចនុយក្លេអ៊ែរពិភពលោកចំនួន ៥ បានសន្យាកាលពីថ្ងៃចន្ទដើម្បីទប់ស្កាត់ការរីកសាយនៃអាវុធបរមាណូ និងដើម្បីបញ្ចៀសជម្លោះនុយក្លេអ៊ែរនៅក្នុងសេចក្ដីថ្លែងការណ៍រួមដ៏កម្រមួយ ដែលទុកដោយឡែកពីការកើនឡើងនៃភាពតានតឹងរវាងបណ្ដាប្រទេសលោកខាងលិច និងអឺរ៉ុបខាងកើត ដើម្បីបញ្ជាក់ឡើងវិញនូវគោលដៅរបស់ពិភពលោកដែលគ្មាននុយក្លេអ៊ែរ។សេចក្ដីថ្លែងការណ៍កាលពីថ្ងៃចន្ទបាននិយាយថា សហរដ្ឋអាមេរិក ចក្រភពអង់គ្លេស រុស្ស៊ី ចិន និងបារាំង ដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ចាត់ទុកការប្ដេជ្ញានេះជាទំនួលខុសត្រូវចម្បងរបស់ពួកគេ ក្នុងការបញ្ចៀសសង្គ្រាមរវាងរដ្ឋនុយក្លេអ៊ែរ និងកាត់បន្ថយហានិភ័យជាយុទ្ធសាស្ត្រ ខណៈដែលមានបំណងធ្វើការជាមួយប្រទេសទាំងអស់ ដើម្បីបង្កើតបរិយាកាសសន្តិសុខ។ សេចក្ដីថ្លែងការណ៍នេះត្រូវបានចេញផ្សាយបន្ទាប់ពីការពិនិត្យឡើងវិញចុងក្រោយ នៃសន្ធិសញ្ញាស្ដីពីការមិនរីកសាយភាយអាវុធនុយក្លេអ៊ែរ (NPT) ដែលបានចូលជាធរមានដំបូងក្នុងឆ្នាំ១៩៧០ ត្រូវបានពន្យារពេលពីកាលបរិច្ឆេទដែលបានកំណត់ទុកនៅថ្ងៃទី៤ ខែមករាដល់ចុងឆ្នាំដោយសារតែវីរុសរាតត្បាតសកល COVID-19។ ទោះបីជាភាពតានតឹងនាពេលថ្មីៗនេះរវាងចិន និងរុស្ស៊ី និងដៃគូលោកខាងលិចរបស់ពួកគេក៏ដោយ ក៏មហាអំណាចទាំង ៥ បាននិយាយថា ពួកគេមើលឃើញការបញ្ចៀសសង្គ្រាមរវាងបណ្ដារដ្ឋអាវុធនុយក្លេអ៊ែរ និងការកាត់បន្ថយហានិភ័យជាយុទ្ធសាស្ត្រជាទំនួលខុសត្រូវចម្បងរបស់ពួកគេ។សេចក្ដីថ្លែងការណ៍នេះធ្វើឡើង ខណៈភាពតានតឹងរវាងរុស្ស៊ី និងសហរដ្ឋអាមេរិកបានឈានដល់កម្រិតខ្ពស់ ដែលកម្របានឃើញចាប់តាំងពីសង្គ្រាមត្រជាក់ ជុំវិញការបង្កើនកម្លាំងកងទ័ពរុស្ស៊ីនៅជិតព្រំដែនអ៊ុយក្រែន។ ទន្ទឹមនឹងនេះការកើនឡើងឥទ្ធិពលរបស់ប្រទេសចិនក្រោមការដឹកនាំរបស់លោកប្រធានាធិបតី Xi Jinping ក៏បានលើកឡើងពីការព្រួយបារម្ភថា ភាពតានតឹងជាមួយទីក្រុងវ៉ាស៊ីនតោនអាចបង្កឱ្យមានជម្លោះ ជាពិសេសលើបញ្ហាកោះតៃវ៉ាន់។ សេចក្តីថ្លែងការណ៍រួមនេះក៏បានកើតឡើងផងដែរ ស្របពេលដែលមហាអំណាចពិភពលោកព្យាយាមឈានដល់កិច្ចព្រមព្រៀងជាមួយអ៊ីរ៉ង់ ស្តីពីការស្រោចស្រង់ឡើងវិញនូវកិច្ចព្រមព្រៀងឆ្នាំ២០១៥ ជុំវិញការបង្កើនការផលិតនុយក្លេអ៊ែរដ៏ចម្រូងចម្រាសរបស់ខ្លួន ដែលត្រូវបានធ្វើឱ្យរង្គោះរង្គើដោយសារសហរដ្ឋអាមេរិក ដើរចេញពីកិច្ចព្រមព្រៀងក្នុងឆ្នាំ២០១៨ ក្រោមរដ្ឋបាលលោក Trump៕អត្ថបទ៖ សុខមាន

កំណើនករណីឆ្លងវីរុស COVID-19 កើនឡើងជិតដល់ ៣០០លាននាក់លើពិភពលោក

ពិភពលោក៖ ខណៈមានការកើនឡើងជាសកលនៃករណីវីរុស COVID-19 ខិតជិតដល់ ៣០០លាននាក់ ប្រទេសមួយចំនួនបានមើលឃើញស្ថានភាពជំងឺរាតត្បាតកាន់តែធ្ងន់ធ្ងរ ក្នុងរយៈពេលប៉ុន្មានថ្ងៃថ្មីៗនេះដោយមានករណីឆ្លងថ្មី និងស្លាប់ដែលមិនគួរឱ្យជឿកើនឡើងគួរឱ្យព្រួយបារម្ភ។ រហូតមកដល់ពេលនេះករណីឆ្លងវីរុស COVID-19 នៅទូទាំងពិភពលោកបានកើនឡើងដល់ ២៩០,៤៣៩,៤៤៣ករណី និងមានអ្នកស្លាប់ ៥,៤៥៩,៨០០នាក់។សហរដ្ឋអាមេរិកមានកំណត់ត្រាថ្មីជាច្រើននៅក្នុងសូចនាករវីរុស COVID-19 នៅពេលដែលជំងឺរាតត្បាតឈានចូលដល់ឆ្នាំទី៣ របស់ខ្លួន ហើយអ្នកជំនាញសុខភាពបានព្រមានអំពីរលកនៃជំងឺរាតត្បាតនៅឆ្នាំ២០២២ នេះ។ យោងតាមទិន្នន័យចុងក្រោយរបស់សកលវិទ្យាល័យ Johns Hopkins បានឲ្យដឹងថា សហរដ្ឋអាមេរិកបានបំបែកកំណត់ត្រាករណីឆ្លងវីរុស COVID-19 ប្រចាំថ្ងៃម្តងទៀត ខណៈករណីឆ្លងប្រចាំថ្ងៃមានជាង ៥៨០,០០០ករណីត្រូវបានកត់ត្រាទូទាំងប្រទេសនៅថ្ងៃទី៣០ ខែធ្នូ។ សហរដ្ឋអាមេរិកមានករណីឆ្លងសរុប ៥៦,០៥២,៦៣៨ករណី និងមានអ្នកស្លាប់ ៨៤៧,៣០០នាក់។ ការកើនឡើងថ្មីនៃវីរុសឆ្លងជាមួយនឹងវីរុសបម្លែងខ្លួនថ្មីទាំង Omicron និង Delta បានធ្វើឱ្យសហរដ្ឋអាមេរិកស្ថិតក្នុងភាពវឹកវរដ៏ស្មុគស្មាញ នៃសេវាវេជ្ជសាស្ត្រដែលគ្មានមានបុគ្គលិក ក៏ដូចជាការលុបចោលជើងហោះហើររាប់ពាន់ជើង។ ចក្រភពអង់គ្លេសមានករណីឆ្លងវីរុស COVID-19 សរុប ១៣,២៣៥,៤០១ករណី និងមានអ្នកស្លាប់ចំនួន ១៤៨,៨៥១នាក់។ ចំនួនសរុបនៃករណីវីរុស COVID-19 នៅប្រទេសបារាំងមានចំនួន ១០,២៥០,៣៥៨ករណី និងមានអ្នកស្លាប់ ១២៣,៩៤២នាក់។ វាជាថ្ងៃទី៤ ជាប់ៗគ្នាដែលប្រទេសបារាំងបានរាយការណ៍ពីចំនួនករណីឆ្លងជំងឺ COVID-19 ប្រចាំថ្ងៃជាង ២០០,០០០ករណី។ ក្រសួងសុខាភិបាលបារាំងបានប្រកាសថា ប្រជាជនជិត ៥៣លាននាក់បានចាក់វ៉ាក់សាំងយ៉ាងហោចណាស់ដូសទី១ ដែលស្មើនឹងប្រមាណ ៧៨.៥% នៃចំនួនប្រជាជនរបស់ប្រទេស ហើយប្រមាណ ២៥លាននាក់បានចាក់វ៉ាក់សាំងដូសជំរុញ៕អត្ថបទ៖ ប៊ុនថន

អឺរ៉ុបមានករណីឆ្លងវីរុស Covid-19 ជាង ១០០លាននាក់ចាប់តាំងពីជំងឺរាតត្បាតសកលផ្ទុះឡើង

អឺរ៉ុប៖ តួលេខសរុបរបស់សារព័ត៌មាន AFP កាលពីចុងសប្ដាហ៍នេះបានបង្ហាញថា ទ្វីបអឺរ៉ុបបានកត់ត្រាករណីឆ្លងវីរុសកូរ៉ូណាជាង ១០០លាននាក់ ច្រើនជាងមួយភាគបីនៃការឆ្លងវីរុសសរុបនៅទូទាំងពិភពលោក ចាប់តាំងពីការចាប់ផ្តើមផ្ទុះនៃជំងឺរាតត្បាតសកលនេះ។ ទ្វីបនេះបានក្លាយជាចំណុចកណ្តាល នៃការផ្ទុះជំងឺរាតត្បាតសកលជាថ្មីទៀតក្នុងរយៈពេលប៉ុន្មានខែថ្មីៗនេះ ហើយកំពុងប្រយុទ្ធប្រឆាំងនឹងការកើនឡើងនៃករណីឆ្លងដែលបង្កឡើងដោយវីរុសបម្លែងខ្លួនថ្មី Omicron ដែលអាចចម្លងបានឆាប់រហ័ស។ករណីឆ្លងជិត ៥លាននាក់នៅអឺរ៉ុបត្រូវបានរាយការណ៍ក្នុងរយៈពេល ៧ថ្ងៃចុងក្រោយដោយមាន ១៧ប្រទេស ឬដែនដីចំនួនក្នុងចំណោម ៥២ប្រទេស ឬដែនដីដែលធ្វើឲ្យទ្វីបអឺរ៉ុបបំបែកកំណត់ត្រា ជាទ្វីបដែលមានករណីឆ្លងថ្មីខ្ពស់បំផុតក្នុងពេល ១ថ្ងៃដោយសារការឆ្លងខ្លាំងនៃវីរុសបម្លែងខ្លួនថ្មី Omicron នេះបើតាមទីភ្នាក់ងារសារព័ត៌មានបារាំងបានរាយការណ៍កាលពីថ្ងៃសៅរ៍។ សារព័ត៌មាន Reuters បានរាយការណ៍ថា ករណីឆ្លងជាង ១លាននាក់ត្រូវបានរាយការណ៍នៅក្នុងប្រទេសបារាំង ដែលបានក្លាយជាប្រទេសមានករណីឆ្លងខ្ពស់បំផុតមួយក្នុងចំណោមប្រទេសជាច្រើន ដូចសហរដ្ឋអាមេរិក ឥណ្ឌា ប្រេស៊ីល អង់គ្លេស និងរុស្ស៊ី និងបានធ្វើឲ្យបារាំងក្លាយជាប្រទេសទី៦ ដែលមានករណីជាង ១០លាននាក់ចាប់តាំងពីជំងឺរាតត្បាតសកលបានចាប់ផ្តើម។ តំបន់អឺរ៉ុបរួមទាំងប្រទេស និងដែនដីចំនួន ៥២ ចាប់ពីឆ្នេរសមុទ្រអាត្លង់ទិករហូតដល់ប្រទេសអាហ្ស៊ែបៃហ្សង់ និងរុស្ស៊ីបានកត់ត្រាការឆ្លងវីរុស Covid-19 ចំនួន ១០០,០៧៤,៧៥៣នាក់ក្នុងរយៈពេលពីរឆ្នាំកន្លងមកនេះ៕អត្ថបទ៖ សុខមាន

លោក Biden ប្រាប់អ៊ុយក្រែនថា សហរដ្ឋអាមេរិកនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានបន្ថែមទៀត

អាមេរិក៖ សេតវិមានបាននិយាយនៅក្នុងសេចក្ដីថ្លែងការណ៍មួយថា លោកប្រធានាធិបតីអាមេរិក Joe Biden កាលពីថ្ងៃអាទិត្យបានប្រាប់ប្រធានាធិបតីអ៊ុយក្រែនលោក Volodymyr Zelenskiy ថា សហរដ្ឋអាមេរិក និងសម្ព័ន្ធមិត្តនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានអ៊ុយក្រែនបន្ថែមទៀត។ការសន្យានេះបានធ្វើឡើងប៉ុន្មានថ្ងៃបន្ទាប់ពីលោក Biden បានជួបសន្ទនាតាមទូរស័ព្ទលើកទី២ ក្នុងរយៈពេលមួយខែជាមួយប្រធានាធិបតីរុស្ស៊ីលោក Vladimir Putin ស្របពេលមានភាពតានតឹងនៅតាមព្រំដែនរុស្ស៊ីជាមួយអ៊ុយក្រែន ជាទីដែលរុស្ស៊ីបានប្រមូលផ្តុំកងទ័ពប្រហែល ១០០,០០០នាក់។ អ្នកនាំពាក្យសេតវិមានលោកស្រី Jen Psaki បាននិយាយនៅក្នុងសេចក្ដីថ្លែងការណ៍មួយ បន្ទាប់ពីមានការហៅទូរស័ព្ទរវាងលោក Biden និងប្រធានាធិបតីអ៊ុយក្រែនថា ប្រធានាធិបតី Biden បានបញ្ជាក់យ៉ាងច្បាស់ថា សហរដ្ឋអាមេរិក និងសម្ព័ន្ធមិត្ត និងដៃគូរបស់ខ្លួននឹងឆ្លើយតបយ៉ាងម៉ឺងម៉ាត់ ប្រសិនបើប្រទេសរុស្ស៊ីបន្តឈ្លានពានអ៊ុយក្រែនទៀត។ យោងតាមសេតវិមាន លោក Biden និងលោក Zelenskiy បានពិភាក្សាអំពីការត្រៀមរៀបចំសម្រាប់កិច្ចប្រជុំការទូតជាបន្តបន្ទាប់ ដើម្បីដោះស្រាយវិបត្តិនេះ។លោក Zelenskiy បាននិយាយនៅលើបណ្ដាញសង្គម Twitter ថា ពួកលោកបានពិភាក្សាអំពីសកម្មភាពរួមគ្នាលើការរក្សាសន្តិភាពនៅអឺរ៉ុប និងការទប់ស្កាត់កុំឲ្យការគំរាមកំហែងកើនឡើងបន្ថែមទៀត។ ក្រុមមន្ត្រីអ្នកតំណាងមកពីសហរដ្ឋអាមេរិក និងរុស្ស៊ីគ្រោងនឹងជួបពិភាក្សាគ្នានៅថ្ងៃទី៩ ដល់ថ្ងៃទី១០ ខែមករានៅទីក្រុងហ្សឺណែវ បន្ទាប់ពីការពិភាក្សាក្រុមប្រឹក្សារុស្ស៊ី-ណាតូ និងកិច្ចប្រជុំនៃអង្គការសន្តិសុខ និងកិច្ចសហប្រតិបត្តិការនៅអឺរ៉ុប៕អត្ថបទ៖ សុខមាន

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ភ្នំពេញ៖ អ្នកនាំពាក្យក្រសួងការបរទេសកម្ពុជា ឯកឧត្តម កុយ គួង ថ្លែងប្រាប់អ្នកសារព័ត៌មានBTVថា ពិតជាមានការផ្ទុះគ្រាប់បែកចំនួន ២គ្រាប់ នៅក្បែរស្ថានទូតកម្ពុជាប្រចាំនៅប្រទេសមីយ៉ាន់ម៉ា កាលពីព្រឹកថ្ងៃទី៣១ ខែធ្នូ ឆ្នាំ២០២១ នេះ ចន្លោះពីម៉ោង ១០ ទៅម៉ោង ១០:៣០នាទី ប៉ុន្តែមិនមានប៉ះពាល់ដល់មន្ត្រីទូតដែលបម្រើការនៅក្នុងស្ថានទូតនោះទេ។ ឯកឧត្តម កុយ គួង បានបន្តថា មន្ត្រីទូតបានឮសម្លេងផ្ទុះទី១ ដោយពិនិត្យមើលទៅចម្ងាយពីរបងស្ថានទូតប្រហែលជា ១០០ម៉ែត្រ និងសម្លេងផ្ទុះទី២ មានចម្ងាយពីរបងស្ថានទូតប្រហែល ១៥០ម៉ែត្រ។ ហើយតាមការបញ្ជាក់របស់អាជ្ញាធរមីយ៉ាន់ម៉ាគេពិនិត្យមើលទៅ គឺជាគ្រាប់បែកកែច្នៃ គ្រាន់តែវាធ្វើឲ្យឮសម្លេងខ្លាំងៗ និងមិនមានផលប៉ះពាល់ដល់អ្នកណាទាំងអស់ ពោលគឺមិនមានអ្នករងរបួសគ្រោះថ្នាក់អ្វីទេ។ អ្នកនាំពាក្យក្រសួងការបរទេសកម្ពុជាបានបន្តថា បន្ទាប់ពីមានការផ្ទុះ គឺមន្ត្រីទូតកម្ពុជានៅតែបំពេញការងារជាប្រក្រតី ហើយអាជ្ញាធរមីយ៉ាន់ម៉ាគេពង្រឹងសន្តិសុខកាន់តែខ្លាំងឡើង គឺទាំងស្ថានទូត និងផ្ទះមន្ត្រីទូតកម្ពុជាស្នាក់នៅទាំងអស់ គឺអាជ្ញាធរមីយ៉ាន់ម៉ា គេយកចិត្តទុកដាក់ខ្ពស់៕ អត្ថបទ៖ រក្សា

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

រុស្ស៊ី៖ ទិន្នន័យពីសេវាស្ថិតិរដ្ឋរបស់រុស្ស៊ី និងការគណនារបស់សារព័ត៌មាន Reuters បានបង្ហាញកាលពីថ្ងៃព្រហស្បតិ៍ថា រុស្ស៊ីបានវ៉ាដាច់ប្រេស៊ីលដែលមានចំនួនអ្នកស្លាប់ខ្ពស់បំផុតទី២ របស់ពិភពលោកដោយសារជំងឺរាតត្បាតសកល COVID-19 បន្ទាប់ពីក្រោយសហរដ្ឋអាមេរិក។សេវាស្ថិតិ Rosstat បាននិយាយថា មនុស្ស ៨៧,៥២៧នាក់បានស្លាប់ដោយសារមូលហេតុទាក់ទងនឹងវីរុសកូរ៉ូណានៅក្នុងខែវិច្ឆិកា ដែលបានក្លាយជាខែដែលមានមនុស្សស្លាប់ច្រើនបំផុតនៅក្នុងប្រទេសរុស្ស៊ី ចាប់តាំងពីការចាប់ផ្តើមផ្ទុះជំងឺរាតត្បាតសកលនេះ។ ចំនួនអ្នកស្លាប់ដោយសារជំងឺរាតត្បាតសកលសរុបរបស់ប្រទេសរុស្ស៊ីបានឈានដល់ ៦៥៨,៦៣៤នាក់ នេះបើយោងតាមការគណនារបស់សារព័ត៌មាន Reuters ដោយផ្អែកលើតួលេខពីសេវាស្ថិតិ Rosstat រហូតដល់ចុងខែវិច្ឆិកា និងទិន្នន័យពីក្រុមការងារនៃគ្រប់គ្រងជំងឺឆ្លងសម្រាប់ខែធ្នូ ដោយវ៉ាដាច់ប្រទេសប្រេស៊ីលដែលបានកត់ត្រាការស្លាប់ចំនួន ៦១៨,៨០០នាក់។ចំនួនអ្នកស្លាប់នៅក្នុងសហរដ្ឋអាមេរិកមានខ្ពស់ជាងនេះគឺនៅ ៨២៥,៦៦៣នាក់ នេះបើយោងតាមតួលេខរបស់សារព័ត៌មាន Reuters ដដែល ប៉ុន្តែចំនួនប្រជាជនរបស់សហរដ្ឋអាមេរិកមានច្រើនជាង ២ដងនៃចំនួនប្រជាជនរុស្ស៊ី។ ការគណនារបស់សារព័ត៌មាន Reuters ក៏បានបង្ហាញផងដែរថា ប្រទេសរុស្ស៊ីបានកត់ត្រាចំនួនមនុស្សស្លាប់លើស ៨៣៥,០០០នាក់ចាប់តាំងពីការចាប់ផ្តើមនៃការផ្ទុះឡើងនៅក្នុងខែមេសាឆ្នាំ២០២០ ដល់ដំណាច់ខែវិច្ឆិកា បើប្រៀបធៀបទៅនឹងអត្រាមរណៈជាមធ្យមនៅក្នុងឆ្នាំ២០១៥-២០១៩៕ អត្ថបទ៖ សុខមាន

ថៃព្រមានពីការហក់ឡើងខ្ពស់នៃករណីឆ្លងវីរុស COVID-19 បន្ទាប់ពីព្រឹត្តិការណ៍ឆ្លងដែលមានមនុស្សច្រើន

ថៃ៖ ក្រុមអាជ្ញាធរសុខាភិបាលថៃបានព្រមានកាលពីថ្ងៃពុធ (២៩ ធ្នូ) ថា ប្រជាពលរដ្ឋគួរតែត្រៀមខ្លួនសម្រាប់ការកើនឡើងខ្ពស់នៃករណីឆ្លងវីរុសកូរ៉ូណា បន្ទាប់ពីបានចាត់ថ្នាក់ករណីឆ្លងវីរុសបម្លែងខ្លួនថ្មីប្រភេទ Omicron ជាលើកដំបូងរបស់ប្រទេសជាព្រឹត្តិការណ៍ឆ្លងដែលមានមនុស្សច្រើន។ ការឆ្លងជាក្រុមនៃវីរុសបម្លែងខ្លួនថ្មី Omicron ត្រូវបានរកឃើញនៅក្នុងខេត្ត Kalasin ភាគឦសាននៅថ្ងៃបុណ្យណូអែល ជាប់ពាក់ព័ន្ធនឹងប្ដីប្រពន្ធ ២នាក់ដែលបានធ្វើដំណើរមកពីប្រទេសបែលហ្សិក ហើយបានទៅលេងបារ ការប្រគំតន្ត្រី និងទីផ្សារនានា។ មន្ត្រីសុខាភិបាលជាន់ខ្ពស់លោក Opas Karnkawinpong បាននិយាយថា ការចម្លងជាក្រុមបានបន្តឆ្លងដល់មនុស្សរាប់រយនាក់ ដោយករណីទាំងនោះបានរីករាលដាលដល់ខេត្តចំនួន ១១ផ្សេងទៀត ដោយលើកឡើងពីវិធីដែលបារមួយក្នុងចំណោមបារជាច្រើន បានពាក់ព័ន្ធនឹងការចម្លងគ្នាជាក្រុម និងមិនមានខ្យល់ចេញចូលបានល្អគ្រប់គ្រាន់។ លោក Opas បានប្រាប់សារព័ត៌មានថា ក្នុងឱកាសចូលឆ្នាំថ្មីនេះ ប្រសិនបើអ្នកទៅលេងកន្លែងណាហើយមើលទៅមិនមានសុវត្ថិភាពទេសូមកុំទៅ។ក្រសួងសុខាភិបាលសាធារណៈបាននិយាយកាលពីថ្ងៃពុធថា ការឆ្លងវីរុសបម្លែងខ្លួនថ្មី Omicron នៅក្នុងប្រទេសថៃកំពុងកើនឡើងដល់ ៧៤០នាក់ក្នុងខេត្តចំនួន ៣៣ ក្នុងនោះមានករណីឆ្លងនាំចូលចំនួន ៤៨៩នាក់។ គិតត្រឹមព្រឹកថ្ងៃព្រហស្បតិ៍នេះ ប្រទេសថៃមានករណីឆ្លងវីរុស COVID-19 សរុបចំនួន ២,២១៧,២៨៧នាក់បន្ទាប់ពីមានករណីឆ្លងថ្មីចំនួន ២,៥៧៥នាក់បន្ថែមទៀត និងមនុស្សស្លាប់សរុបចំនួន ២១,៦៤៧នាក់បន្ទាប់ពីមានអ្នកស្លាប់ថ្មីចំនួន ១៧នាក់៕អត្ថបទ៖ សុខមាន

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

UN៖ ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធ ទី២៩ ខែធ្នូបានថ្កោលទោសការសម្លាប់រង្គាលកាលពីសប្តាហ៍មុន នៅក្នុងសហភាពមីយ៉ាន់ម៉ាដែលមានមនុស្សជាង ៣០នាក់រួមទាំងបុគ្គលិកអង្គការ Save the Children ពីរនាក់ដែលត្រូវបានដាក់ការស្តីបន្ទោសលើកងទ័ពរបបយោធា។ការសម្លាប់នេះបានកើតឡើងចំថ្ងៃណូអែលក្នុងរដ្ឋ Kayah ភាគខាងកើត ជាកន្លែងដែលពួកឧទ្ទាមគាំទ្រលទ្ធិប្រជាធិបតេយ្យបាននឹងកំពុងប្រយុទ្ធជាមួយយោធា ដែលបានកាន់កាប់រដ្ឋាភិបាលពីរដ្ឋបាលជាប់ឆ្នោតតាមលទ្ធិប្រជាធិបតេយ្យ កាលពីខែកុម្ភៈដើមឆ្នាំ២០២១ នេះ។ នៅក្នុងសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃពុធ សមាជិកក្រុមប្រឹក្សាសន្តិសុខបានសង្កត់ធ្ងន់ទៅលើភាពចាំបាច់ ក្នុងការធានាឱ្យមានការទទួលខុសត្រូវចំពោះទង្វើនេះ។ ពួកគេក៏បានអំពាវនាវផងដែរឲ្យបញ្ឈប់ជាបន្ទាន់រាល់អំពើហិង្សាទាំងឡាយ និងបានសង្កត់ធ្ងន់លើសារៈសំខាន់នៃការគោរពសិទ្ធិមនុស្ស និងការធានាសុវត្ថិភាពរបស់ជនស៊ីវិល។សេចក្តីថ្លែងការណ៍បាននិយាយថា មនុស្សយ៉ាងហោចណាស់ ៣៥នាក់រួមទាំងកុមារ ៤នាក់ និងបុគ្គលិក ២នាក់នៃអង្គការសប្បុរសធម៌ Save the Children ត្រូវបានសម្លាប់នៅក្នុងការវាយប្រហារនេះ។ ក្រុមប្រឹក្សាសន្តិសុខក៏បានសង្កត់ធ្ងន់លើតភាពចាំបាច់ សម្រាប់ការបើកច្រកដឹកជញ្ជូនមនុស្សធម៌ចូលប្រកបដោយសុវត្ថិភាព និងគ្មានការរារាំងដល់មនុស្សទាំងអស់ដែលត្រូវការជំនួយ និងសម្រាប់ការការពារពេញលេញលើសុវត្ថិភាព និងសន្តិសុខរបស់បុគ្គលិកមនុស្សធម៌ និងក្រុមគ្រូពេទ្យ។ ក្រុមអ្នកប្រយុទ្ធប្រឆាំងរបបសឹកបាននិយាយថា ពួកគេបានរកឃើញសាកសពជាង ៣០នាក់ដែលត្រូវបានដុតរួមទាំងស្ត្រី និងកុមារនៅលើផ្លូវហាយវ៉េក្នុងរដ្ឋ Kayah បន្ទាប់ពីការវាយប្រហារ៕អត្ថបទ៖ សុខមាន

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល

ប្រេស៊ីល៖ ទីក្រុងសរុបចំនួន ១១៦ នៅក្នុងរដ្ឋ Bahia ភាគឦសានប្រទេសប្រេស៊ីលបានស្ថិតក្នុងរដ្ឋក្នុងភាពអាសន្ន ដោយសារតែទឹកជំនន់កាលពីថ្ងៃអង្គារបណ្ដាលមកពីភ្លៀងធ្លាក់ខ្លាំង។ ទីក្រុងនៅក្នុងរដ្ឋយ៉ាងហោចណាស់ ៥ផ្សេងទៀតនៅភាគខាងជើង និងភាគអាគ្នេយ៍របស់ប្រទេសប្រេស៊ីលត្រូវបានជន់លិចផងដែរនៅក្នុងប៉ុន្មានថ្ងៃថ្មីៗនេះ។នៅរដ្ឋ Bahia ទឹកជំនន់បានធ្វើឲ្យប៉ះពាល់ដល់ប្រជាជនជាង ៤៧០.០០០នាក់។ យ៉ាងហោចណាស់នៅក្នុងទីក្រុងចំនួន ៥០ ទឹកបានហូរចូលទៅក្នុងលំនៅឋាន និងអាជីវកម្ម ហើយប្រជាជនត្រូវបានបង្ខំឱ្យបោះបង់ចោលទ្រព្យសម្បត្តិរបស់ពួកគេ។ ទិន្នន័យផ្លូវការពីរដ្ឋាភិបាលរដ្ឋបាននិយាយថា ប្រជាជន ៣៤,១៦៣នាក់គ្មានផ្ទះសម្បែង និងជិត ៤៣,០០០នាក់ត្រូវផ្លាស់ទីលំនៅ។ មនុស្សសរុប ២១នាក់បានស្លាប់ និងរបួស ៣៥៨នាក់ដោយសារគ្រោះធម្មជាតិនេះចាប់តាំងពីដើមខែមក។ យោងតាមគេហទំព័ររបស់មជ្ឈមណ្ឌលជាតិសម្រាប់ការតាមដាន និងការជូនដំណឹងអំពីគ្រោះមហន្តរាយធម្មជាតិ ដែលជាទីភ្នាក់ងាររដ្ឋាភិបាលបាននិយាយថា នេះជាអំឡុងពេលធ្លាក់ភ្លៀងធ្លាក់ខ្លាំងបំផុតសម្រាប់រដ្ឋ Bahia ក្នុងរយៈពេល ៣២ឆ្នាំចុងក្រោយនេះ។ នៅភាគខាងត្បូងរដ្ឋ Bahia ប្រទេសប្រស៊ីលមានភ្លៀងធ្លាក់ច្រើនជាង ៥ដងនៃបរិមាណទឹកភ្លៀងធម្មតាសម្រាប់ពេលនេះនៃឆ្នាំនេះ។ កាលពីថ្ងៃអង្គារ ប្រជាជនយ៉ាងហោចណាស់នៅក្នុងក្រុងចំនួន ៤ នៃរដ្ឋ Bahia បានទទួលការព្រមានឱ្យចាកចេញពីលំនៅឋានរបស់ពួកគេ ដោយសារតែការកើនឡើងនៃលំហូរនៃទន្លេ Pardo ដោយសារតែការបើកទ្វារទំនប់ទឹក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ម្ចាស់ផ្ទះ World Cup 2026 ធ្លាក់អស់ហើយ! ក្រោយអាមេរិកចាញ់ប៊ែលហ្ស៊ិកធ្លាក់ត្រឹមវគ្គ ១៦ ក្រុមចុងក្រោយ

យានដ្រូនអ៊ុយក្រែន វាយប្រហាររោងចក្រចម្រាញ់ប្រេងធំជាងគេរបស់រុស្ស៊ី ជាការវាយប្រហារដ៏ជ្រៅបំផុតមួយទៀត

សម្ដេចធិបតី៖ រដ្ឋាភិបាលបានដាក់ចេញវិធានការបន្ទាន់ ដើម្បីការពារ និងលើកតម្លៃប្រាសាទព្រះវិហារ ខណៈសង្គ្រាមឈ្លានពានរបស់ថៃកាលពីឆ្នាំ២០២៥ បង្កការខូចខាតយ៉ាងធ្ងន់ធ្ងរដល់ប្រាសាទចំនួន ៥៦២កន្លែង

Ronaldo មិនទាន់សម្រេចចិត្តចូលនិវត្តន៍ពីជម្រើសជាតិក្រោយព័រទុយហ្គាល់ធ្លាក់ចេញពី World Cup

Merino ស៊ុតគ្រាប់ជ័យចុងម៉ោងឱ្យអេស្ប៉ាញទម្លាក់ព័រទុយហ្គាល់ ឡើងវគ្គ៨ក្រុមចុងក្រោយបាល់ទាត់ពិភពលោក

សម្តេចតេជោ ហ៊ុន សែន៖ កម្ពុជាកំពុងដើរចំចំណុចខ្លាំង ដែលនាំឲ្យកម្ពុជាអភិវឌ្ឍក្រោយឆ្នាំ២០៣០ ផ្អែកលើ កសិ-ឧស្សាហកម្មនិងធនធានរ៉ែ

អ៊ុយក្រែនអំពាវនាវឱ្យអង្គការណាតូផ្តល់មីស៊ីល Patriot បន្ថែមទៀតបន្ទាប់ពីការវាយប្រហាររបស់រុស្ស៊ីលើទីក្រុងគីវ

លោក Trump និយាយថា នឹងមានកិច្ចព្រមព្រៀងជាមួយអ៊ីរ៉ង់ ឬសហរដ្ឋអាមេរិកនឹងបញ្ចប់ការងារនេះ

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តមណ្ឌលគិរី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិ៖ ពលរដ្ឋមីយ៉ាន់ម៉ាជាង ១៤លាននាក់ត្រូវការជំនួយមនុស្សធម៌បន្ទាន់

មហាអំណាចពិភពលោកប្ដេជ្ញាទប់ស្កាត់ការរីកសាយអាវុធនុយក្លេអ៊ែរ

កំណើនករណីឆ្លងវីរុស COVID-19 កើនឡើងជិតដល់ ៣០០លាននាក់លើពិភពលោក

អឺរ៉ុបមានករណីឆ្លងវីរុស Covid-19 ជាង ១០០លាននាក់ចាប់តាំងពីជំងឺរាតត្បាតសកលផ្ទុះឡើង

លោក Biden ប្រាប់អ៊ុយក្រែនថា សហរដ្ឋអាមេរិកនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានបន្ថែមទៀត

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

ថៃព្រមានពីការហក់ឡើងខ្ពស់នៃករណីឆ្លងវីរុស COVID-19 បន្ទាប់ពីព្រឹត្តិការណ៍ឆ្លងដែលមានមនុស្សច្រើន

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការសហប្រជាជាតិ​៖ ពលរដ្ឋ​មី​យ៉ាន់​ម៉ា​ជាង ​១៤​លាន​នាក់​ត្រូវការ​ជំនួយ​មនុស្សធម៌​បន្ទាន់​

មហាអំណាច​ពិភពលោក​ប្ដេជ្ញា​ទប់ស្កាត់​ការ​រីក​សាយ​អាវុធ​នុយក្លេអ៊ែរ​

កំណើន​ករណី​ឆ្លង​វីរុស COVID-19 កើន​ឡើង​ជិត​ដល់ ៣០០​លាន​នាក់​លើ​ពិភព​លោក​

អឺរ៉ុប​មាន​ករណី​ឆ្លង​វីរុស ​Covid-19 ​ជាង ​១០០​លាន​នាក់​ចាប់​តាំងពី​ជំងឺ​រាតត្បាត​សកល​ផ្ទុះឡើង​

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ចំនួន​អ្នក​ស្លាប់​ដោយសារ COVID-19 នៅ​រុស្សី​ឡើង​ដល់​កម្រិត​ខ្ពស់​បំផុត​ទី​២ ​របស់​ពិភពលោក

ក្រុមប្រឹក្សាសន្តិសុខ​អង្គការសហប្រជាជាតិថ្កោលទោស​ការ​សម្លាប់​រង្គាល​នៅ​មី​យ៉ាន់​ម៉ា​

មនុស្ស ២១​នាក់​ស្លាប់​ក្នុង​គ្រោះ​មហន្តរាយ​ទឹក​ជំនន់​ដ៏​ធ្ងន់ធ្ងរ​បំផុត​នៅ​ប្រេស៊ីល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិ៖ ពលរដ្ឋមីយ៉ាន់ម៉ាជាង ១៤លាននាក់ត្រូវការជំនួយមនុស្សធម៌បន្ទាន់

មហាអំណាចពិភពលោកប្ដេជ្ញាទប់ស្កាត់ការរីកសាយអាវុធនុយក្លេអ៊ែរ

កំណើនករណីឆ្លងវីរុស COVID-19 កើនឡើងជិតដល់ ៣០០លាននាក់លើពិភពលោក

អឺរ៉ុបមានករណីឆ្លងវីរុស Covid-19 ជាង ១០០លាននាក់ចាប់តាំងពីជំងឺរាតត្បាតសកលផ្ទុះឡើង

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល