BTV NEWS

បង្រ្កាបអគារប្រព្រឹត្តបទល្មើស Online Scams នៅទីតាំង ១កន្លែង ក្នុងក្រុងប៉ោយប៉ែត ឃាត់ខ្លួនមនុស្សប្រមាណ ៣០០នាក់

កម្លាំងគណៈបញ្ជាការឯកភាពរាជធានី បន្តប្រតិបត្តិការឆ្មក់ចុះបង្ក្រាប Online Scams នៅខណ្ឌ៧មករា ឃាត់ជនបរទេស៤០នាក់

ជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា

ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត

សន្តិសុខ និង សង្គម

មនុស្ស១៨នាក់ស្លាប់៧០បាត់ខ្លួន ខណៈទូកដឹកអ្នកដំណើរលិច នៅទន្លេប្រទេសនីហ្សេរីយ៉ា

មន្ត្រីសង្គ្រោះបន្ទាន់ បាននិយាយកាលពីថ្ងៃចន្ទថា ក្រុមសង្គ្រោះ នៅក្នុងប្រទេសនីហ្សេរីយ៉ា កំពុងស្វែងរក មនុស្សជាង៧០នាក់ ដែលបានបាត់ខ្លួនកាលពីចុងសប្តាហ៍កន្លងទៅនេះ បន្ទាប់ពីទូកមួយគ្រឿង ដឹកអាជីវករក្នុងតំបន់ បានលិចនៅទន្លេភាគឦសានប្រទេស។ ការដឹកជញ្ចូនតាមដងទន្លេគឺជាមធ្យោបាយធម្មតានៅក្នុងប្រទេសនីហ្សេរីយ៉ា ប៉ុន្តែឧបទ្ទវហេតុលិចទូក បានកើតឡើងជាញឹកញាប់ នៅតាមផ្លូវទឹកដែលគ្រប់គ្រងខ្សោយ ដោយសារតែ ដាក់មនុស្សច្រើនលើសចំណុះ និងខ្វះការថែទំា ជាពិសេសនៅក្នុងរដូវវស្សា នៅពេលទឹកទន្លេនឹងបឹង ពេញហៀរដោយមានទឹកជំនន់។ កាណូត ដែលដឹកមនុស្សជាង១០០នាក់ រួមមានអាជីវករ និងកុមារ បានក្រឡាប់នៅរដ្ឋ Taraba កាលពីថ្ងៃសៅរ៍ ក្នុងផ្លូវធ្វើដំណើរទៅកាន់ផ្សារមួយកន្លែង ក្នុងភូមិ Mayo Ranewa នៅត្រើយម្ខាងនៃទន្លេ ពីស្រុក Karim Lamido ។ ប្រធានទីភ្នាក់ងារ គ្រប់គ្រងសង្គ្រោះបន្ទាន់ប្រទេសនីហ្សេរីយ៉ា បាននិយាយថា មនុស្ស៧៣នាក់ នៅបាត់ខ្លួននៅឡើយក្នុងឧបទ្ទវហេតុលិចទូក ដោយសាកសព១៧នាក់ ត្រូវបានរកឃើញរហូតមកដល់ពេលនេះនៅទន្លេ។ នៅក្នុងឧបទ្ទវហេតុនេះ អ្នកដំណើរ១៤នាក់ត្រូវបានជួយសង្គ្រោះ ខណៈមានមនុស្ស១០៤នាក់ ជិះនៅលើទូកនេះ។

ពលរដ្ឋអាហ្វហ្គានីស្ថាន វិលត្រឡប់ដោយស្ទាក់ស្ទើរមកកាន់របបតាលីបង់ ខណៈប៉ាគីស្ថាននឹងបណ្តេញចេញជនអន្តោប្រវេសន៍គ្មានឯកសារ ១,៧ លាននាក់

ខណៈនាឡិកាបានបន្លឺសូរដល់ថ្ងៃផុតកំណត់នៅថ្ងៃទី ១ ខែវិច្ឆិកា ប្រទេសប៉ាគីស្ថាន បានកំណត់សម្រាប់ជនអន្តោប្រវេសន៍ដែលគ្មានឯកសារប្រមាណ១,៧លាននាក់ឲ្យចាកចេញ លោកMuhammad Rahim បានឡើងជិះលើរថយន្តក្រុងធ្វើដំណើរពីទីក្រុង Karachi ទៅកាន់ព្រំដែនប្រទេសអាហ្វហ្គានីស្ថាន។ លោក Rahim គឺជាជនជាតិអាហ្វហ្គានីស្ថានម្នាក់ក្នុងចំណោមជនជាតិអាហ្វហ្គានីស្ថានជាច្រើន ដែលត្រូវបានបង្ខំឱ្យចាកចេញ ដោយសារលោកពុំមានឯកសារបញ្ជាក់អត្តសញ្ញាណប៉ាគីស្ថាន។ រដ្ឋាភិបាលក្រុមតាលីបង់ នៅក្នុងប្រទេសអាហ្វហ្គានីស្ថាន ដែលនៅជិតខាងបាននិយាយថា ពលរដ្ឋអាហ្វហ្គានីស្ថានចំនួន ៦០.000នាក់បានវិលត្រឡប់មកវិញនៅចន្លោះថ្ងៃទី 23 ខែកញ្ញា ដល់ថ្ងៃទី 22 ខែតុលា ពីប្រទេសប៉ាគីស្ថាន បន្ទាប់ពីខ្លួនបានប្រកាសកាលពីថ្ងៃទី ៤ ខែតុលាថានឹងបណ្តេញជនអន្តោប្រវេសន៍ដែលគ្មានឯកសារ ដែលមិនព្រមចាកចេញ។ យោងតាមទីក្រុងអ៊ីស្លាម៉ាបាដ បានឲ្យដឹងថា ប្រទេសប៉ាគីស្ថាន ជាជម្រករបស់ជនភៀសខ្លួនអាហ្វហ្គានីស្ថានជាងបួនលាននាក់ ។ ពលរដ្ឋអាហ្វហ្គានីស្ថាន បង្កើតជាចំណែកធំបំផុតនៃជនអន្តោប្រវេសន៍ ដែលភាគច្រើន បានកើតឡើងបន្ទាប់ពីក្រុមតាលីបង់បានដណ្តើមយកមកវិញប្រទេសអាហ្វហ្គានីស្ថាន នៅឆ្នាំ ២០២១ ប៉ុន្តែចំនួនដ៏ច្រើនបានកើតមានឡើងចាប់តាំងពីការឈ្លានពានរបស់សូវៀតឆ្នាំ ១៩៧៩។ ការគំរាមបណ្តេញចេញ បានកើតឡើង បន្ទាប់ពីការបំផ្ទុះគ្រាប់បែកអត្តឃាតនៅឆ្នាំនេះ ដែលរដ្ឋាភិបាលមិនបានផ្តល់ភស្តុតាង និយាយថាមានជាប់ពាក់ព័ន្ធជាមួយជនជាតិអាហ្វហ្គានីស្ថាន។ ទីក្រុងអ៊ីស្លាម៉ាបាដ បានដាក់កំហុសលើពួកគេចំពោះការវាយប្រហាររបស់ក្រុមសកម្មប្រយុទ្ធផ្សេងទៀត ព្រមទាំងការជាប់ពាក់ព័ន្ធក្នុងសកម្មភាពរត់ពន្ធ។ ប្រទេសប៉ាគីស្ថានដែលជាប់គាំងសាច់ប្រាក់ កំពុងឆ្លងកាត់អតិផរណាខ្ពស់ និងកម្មវិធីសង្គ្រោះរបស់មូលនិធិរូបិយវត្ថុអន្តរជាតិ (IMF) ដ៏តានតឹង បាននិយាយថា ជនអន្តោប្រវេសន៍ដែលគ្មានឯកសារ បានចំណាយធនធានរបស់ខ្លួនអស់រយៈពេលជាច្រើនទសវត្សរ៍មកហើយ។

ហ្ស៊កដានី ស្នើឲ្យអាមេរិកដាក់ពង្រាយប្រព័ន្ធការពារដែនអាកាស Patriot ក្នុងទឹកដីរបស់ខ្លួន

អ្នកនាំពាក្យកងទ័ពហ្ស៊កដានី លោកឧត្តមសេនីយ៍ត្រី Mustafa Hiyari បាននិយាយថា ប្រទេសហ្ស៊កដានី បានស្នើឲ្យសហរដ្ឋអាមេរិក ដាក់ពង្រាយប្រព័ន្ធការពារដែនអាកាស Patriot នៅលើទឹកដីរបស់ខ្លួន។ លោកបានថ្លែងប្រាប់ប្រព័ន្ធផ្សព្វផ្សាយរដ្ឋ កាលពីថ្ងៃទី២៩ ខែតុលាថា៖«ប្រព័ន្ធនេះ គឺជាប្រព័ន្ធដែលមានតម្លៃថ្លៃហើយមិនមានវិធីដើម្បីទទួលបានវាដោយប្រើធនធានក្នុងស្រុកទេ»«យើងត្រូវការដៃគូយុទ្ធសា ស្ត្រ»។លោកបានបន្ថែមថា៖«មានការគំរាមកំហែងមីស៊ីលបាលិស្ទិកដ៏ខ្លាំងក្លាប្រឆាំងនឹងប្រទេសហ្ស៊កដានី» ដោយពុំបានបញ្ជាក់ថាពួកវាទាំងនោះមកពីខាងណាទេ។ លោក Hiyari បាននិយាយថា ប្រទេសហ្ស៊កដានី មិនផ្តល់ទីតាំងសម្រាប់មូលដ្ឋានទ័ពអាមេរិកទេ ប៉ុន្តែសហរដ្ឋអាមេរិក មានវត្តមាននៅក្នុងប្រទេសនេះ ដើម្បីបណ្តុះបណ្តាលកងកម្លាំងហ្ស៊កដានី និងផ្តល់ការធ្វើឲ្យល្អប្រសើរឡើង និងការថែទាំដល់សម្ភារៈបរិក្ខារ។ នៅខែមករា ឆ្នាំ២០២១ ប្រទេសទាំងនេះ បានចុះហត្ថលេខាលើកិច្ចព្រមព្រៀងសហប្រតិបត្តិការការពារជាតិ ដែលផ្តល់ឲ្យសហរដ្ឋអាមេរិកនូវ«ការចូលគ្មានការហាមឃាត់»ទៅកាន់មូលដ្ឋានជាក់លាក់មួយចំនួនរបស់ហ្ស៊កដានី។កាលពីថ្ងៃអាទិត្យផងដែរ បញ្ជាការទូទៅនៃកងកម្លាំងប្រដាប់អាវុធហ្ស៊កដានី បានច្រានចោលការចោទប្រកាន់ថាយន្តហោះអាមេរិក កំពុងប្រើប្រាស់មូលដ្ឋានទ័ពអាកាសក្នុងស្រុក ដើម្បីផ្គត់ផ្គង់ដល់អ៊ីស្រាអែលនូវឧបករណ៍ និងគ្រាប់រំសេវសម្រាប់ប្រើប្រាស់ក្នុងសង្គ្រាមអ៊ីស្រាអែល-ហាម៉ាស។

បាតុករគាំទ្រប៉ាឡេស្ទីន ប្រលែងសត្វកណ្ដុរជាច្រើនឲ្យចូលទៅក្នុងភោជនីយដ្ឋាន McDonald's នៅចក្រភពអង់គ្លេស

សកម្មជនគាំទ្រប៉ាឡេស្ទីនម្នាក់ បានប្រលែងសត្វកណ្ដុរជាច្រើន ដែលមានពណ៌ទង់ជាតិប៉ាឡេស្ទីន ទៅក្នុងភោជនីយដ្ឋាន McDonald's នៅចក្រភពអង់គ្លេស។អ្នកនាំពាក្យម្នាក់ បានប្រាប់ក្រុមហ៊ុនសេវាដឹកជញ្ជូនLBCថា៖«បន្ទាប់ពីចាប់យកសត្វកណ្ដុរទាំងនោះចេញ ភោជនីយដ្ឋាន ត្រូវបានសម្អាតយ៉ាងហ្មត់ចត់ ហើយដៃគូកម្ចាត់សត្វល្អិតរបស់យើង ត្រូវបានឲ្យធ្វើការត្រួតពិនិត្យពេញលេញ។ខ្សែសង្វាក់ម្ហូបអាហារឆាប់រហ័ស បានស្ថិតនៅក្រោមការត្រួតពិនិត្យយ៉ាងហ្មត់ចត់សម្រាប់ការផ្តល់អាហារដោយឥតគិតថ្លៃដល់ទាហានកងកម្លាំងការពារអ៊ីស្រាអែល។

អ័ព្ទ និងផ្សែងអ័ព្ទ គ្របដណ្តប់លើរដ្ឋធានីហិរញ្ញវត្ថុរបស់ប្រទេសឥណ្ឌា

គុណភាពខ្យល់នៅទីក្រុង Mumbai ត្រូវបានកត់ត្រាថាមាន «កម្រិតមធ្យម» ទោះបីជាស្រទាប់ផ្សែងអ័ព្ទបានបន្តកាត់បន្ថយគុណភាពខ្យល់នៅក្នុងរដ្ឋធានីហិរញ្ញវត្ថុរបស់ប្រទេសឥណ្ឌា នៅថ្ងៃអង្គារ ទី ៣១ ខែតុលា នេះក៏ដោយ។ ពលរដ្ឋ បាននិយាយថា ការបំពុលបរិយាកាស នៅពេលព្រឹក និងពេលល្ងាច មានច្រើន ដែលមនុស្សជាច្រើនកំពុងប្រឈមបញ្ហាដកដង្ហើម ហើយបានស្នើសុំឱ្យរដ្ឋាភិបាល និងអាជ្ញាធរមានចំណាត់ការ និងផ្តល់ការជួយសង្គ្រោះបន្ទាន់ដល់ប្រជាជនជាង២០លាននាក់។ គុណភាពខ្យល់នៅទីក្រុង Mumbai យោងទៅតាមប្រព័ន្ធ SAFAR ជាប្រព័ន្ធគុណភាពខ្យល់ ការព្យាករណ៍អាកាសធាតុ និងការស្រាវជ្រាវ ថាមានកម្រិត ១២០ ខណៈកម្រិតដែលលើសពី ៦០ ត្រូវបានចាត់ទុកថាមានផលប៉ះពាល់ដល់សុខភាព។កង្វក់បរិយាកាស គឺជាបញ្ហាដែលកំពុងកើនឡើងនៅក្នុងប្រទេសឥណ្ឌា ដែលរដ្ឋធានីរបស់ប្រទេសនេះ ត្រូវបានគ្របដណ្ដប់ដោយស្រទាប់ក្រាស់នៃផ្សែងអ័ព្ទជារៀងរាល់រដូវរងា ខណៈអាកាសធាតុត្រជាក់ មានការបំភាយពីយានយន្ត ផ្សែង និងធូលី បណ្តាលឱ្យពលរដ្ឋមួយចំនួនពិបាកដកដង្ហើម។ មនុស្សប្រហែល ១,១ លាននាក់ក្នុងមួយឆ្នាំ បានស្លាប់ដោយសារផលប៉ះពាល់នៃកង្វក់ខ្យល់អាកាសនៅក្នុងប្រទេសឥណ្ឌា នេះបើយោងតាមការវាស់ស្ទង់ ឆ្នាំ ២០១៥ ដោយវិទ្យាស្ថានផលប៉ះពាល់សុខភាព ដែលមានមូលដ្ឋាននៅសហរដ្ឋអាមេរិក។ វាមានប្រហែលមួយភាគបួននៃចំនួនអ្នកស្លាប់ដោយសារការបំពុលបរិយាកាសសរុបនៅទូទាំងពិភពលោក។

រុស្ស៊ីកំពុងដាក់ពង្រាយកងទ័ពបន្ថែមទៀតនៅជុំវិញតំបន់ Avdiivka របស់អ៊ុយក្រែន

ការប្រយុទ្ធដ៏ខ្លាំង បានបន្តនៅក្នុងតំបន់ Donetsk របស់អ៊ុយក្រែនភាគខាងកើត ខណៈយោធារុស្ស៊ី ទំនងជា កំពុងផ្តោតការវាយលុករបស់ខ្លួន ទៅលើតំបន់ Avdiivka ជាទីតាំងបន្ទាយក្នុងតំបន់របស់កងកម្លាំងអ៊ុយក្រែន។ការវាយលុករបស់រុស្ស៊ី ក្នុងក្រុង Avdiivka កាន់តែខ្លាំងឡើង ចាប់តាំងពីដើមខែតុលា។ វិទ្យាស្ថានសិក្សាពីសង្គ្រាមរបស់សហរដ្ឋអាមេរិក បាននិយាយថា នៅក្នុងការវិភាគរបស់ខ្លួនដែលបានចេញផ្សាយកាលពីថ្ងៃអាទិត្យថា បច្ចុប្បន្នរុស្ស៊ី មានកងទ័ព៤០.០០០នាក់ ក្នុងទិសដៅក្នុងក្រុង Avdiivka និងកំពុងផ្ទេរកម្លាំងបន្ថែមទៀត ទៅកាន់តំបន់នេះ។រុស្ស៊ី ត្រូវបានគេនិយាយថា មានអ្នកស្លាប់និងរងរបួសច្រើន ក្នុងការប្រយុទ្ធគ្នាក្នុងក្រុង Avdiivka។ យោធាអ៊ុយក្រែន និយាយកាលពីថ្ងៃចន្ទថា យន្តហោះរុស្ស៊ី៦គ្រឿង រួមមានទាំងយន្តហោះ Sukhoi ត្រូវបានបាញ់ទម្លាក់។ ការវាយបករបស់អ៊ុយក្រែន បានបន្តនៅភាគខាងត្បូង។ នៅក្នុងតំបន់ Kherson កងទ័ពអ៊ុយក្រែន ទំនងជាបានឆ្លងកាត់ទៅកាន់ផ្នែកនៃទន្លេ Dnipro ភាគខាងកើតដែលកាន់កាប់ដោយរុស្ស៊ី។តាមសេចក្តីរាយការណ៍ យោធារុស្ស៊ី បានបណ្តេញចេញប្រធានក្រុមប្រយុទ្ធ នៅក្នុងតំបន់ Kherson។ ប្រព័ន្ធផ្សព្វផ្សាយរុស្ស៊ី បានរាយការណ៍ថា ឧត្តមសេនីយ៍ឯក Mikhail Teplinsky មេបញ្ជាការកងកម្លាំងទ័ពអាកាសរុស្ស៊ី ត្រូវបានតែងតាំងថ្មី។

ហៃទី បានផ្អាកជើងហោះហើរទៅកាន់ នីការ៉ាហ្គ័រ ធ្វើឲ្យប៉ះពាល់ដល់ពលរដ្ឋតំបន់ ដែលភៀសខ្លួនចេញពីភាពអសន្តិសុខរ៉ាំរ៉ៃ

រដ្ឋាភិបាល ប្រទេសហៃទី បានផ្អាកជើងហោះហើរទៅកាន់ប្រទេសនីការ៉ាហ្គ័រទាំងអស់ ចាកចេញពីរដ្ឋធានីរបស់ខ្លួន Miami Herald ដែលត្រូវបានរាយការណ៍កាលពីថ្ងៃចន្ទ បណ្តាលឲ្យមានការបញ្ចប់បណ្តោះអាសន្នចំពោះផ្លូវដ៍សំខាន់សម្រាប់ជនអន្តោប្រវេសន៍ហៃទី កំពុងព្យាយាមចូលទៅដល់សហរដ្ឋអាមេរិក។ រដ្ឋាភិបាលប្រទេសហៃទី ជាប្រទេសក្រីក្របំផុតនៅអឌ្ឍគោលខាងលិច ពុំបានធ្វើការប្រកាសជាសាធារណៈ អំពីជើងហោះហើរ និងពុំបានឆ្លើយតប ទៅកាន់សំណើរបស់សារព័ត៌មានរ៉យទ័រសម្រាប់សុំការអធិប្បាយ អំពីការផ្អាកជើងហោះហើរនោះទេ។ នៅខាងក្រៅអាកាសយានដ្ឋានអន្តរជាតិ Touissant Louverture ក្នុងទីក្រុងព័រអូប្រាំង សារព័ត៌មានរ៉យទ័រ បានមើលឃើញពីរបៀបដែលអ្នកដំណើររាប់សិបនាក់ បានជាប់គាំងដំណើរ បន្ទាប់ពីការសម្រេចនេះ ដោយមានវ៉ាលីឥវ៉ាន់និងសំពាយ នៅក្នុងដៃ។ជើងហោះហើរពីទីក្រុងព័រអូប្រាំង ទៅកាន់ទីក្រុង Managua បានចាប់ផ្តើមកាលពីខែសីហា ហើយបានធ្វើប្រតិបត្តិការភាគច្រើនដោយក្រុមហ៊ុនយន្តហោះដឹកអ្នកដំណើរ។ នៅក្នុងប៉ុន្មានសប្តាហ៍ថ្មីៗនេះ ជើងហោះហើរ ១៥ជើង ក្នុងមួយថ្ងៃ បានដឹកជញ្ចូនពលរដ្ឋហៃទីរាប់ពាន់នាក់ ទៅកាន់ប្រទេស នីការ៉ាហ្គ័រ ដែលពុំតម្រូវឲ្យពលរដ្ឋហៃទី បង្ហាញទិដ្ឋាការដើម្បីចូលទៅកាន់ប្រទេសអាមេរិកកណ្តាលមួយនេះឡើយ។ ជើងហោះហើរទៅកាន់ប្រទេសនីការរ៉ាហ្គ័រ បានបង្ហាញពីមធ្យោបាយមួយក្នុងចំណោមមធ្យោបាយមួយចំនួន សម្រាប់ជនអន្តោប្រវេសន៍ហៃទី ចាប់ផ្តើមដំណើររបស់ពួកគេទៅកាន់ព្រំដែនអាមេរិក-ម៉ិកស៊ិក ពីប្រទេសអាមេរិកកណ្តាល ដែលខុសពីអ្នកដ៏ទៃជាច្រើនទៀត ដែលបានជ្រើសរើសយកផ្លូវវែងឆ្ងាយ និងពិបាក ដែលចាប់ផ្តើមនៅប្រទេសអាមេរិកខាងត្បូង។

តុលាការកំពូលរបស់វ៉េណេហ្ស៊ុយអេឡា ព្យួរលទ្ធផលនៃការបោះឆ្នោតបឋមរបស់ប្រធានាធិបតីបក្សប្រឆាំង

តុលាការកំពូលនៃប្រទេសវ៉េណេហ្ស៊ុយអេឡា បាននិយាយកាលពីថ្ងៃចន្ទថា ខ្លួនបានព្យួរលទ្ធផលនៃការបោះឆ្នោតបឋមរបស់ប្រធានាធិបតីប្រឆាំង ដែលបានធ្វើឡើងក្នុងខែនេះ ទោះបីជាកិច្ចព្រមព្រៀងបោះឆ្នោតរវាងរដ្ឋាភិបាល និងគណបក្សប្រឆាំងដែលអនុញ្ញាតឲ្យភាគីនីមួយៗជ្រើសរើសបេក្ខជនរបស់ខ្លួនក៏ដោយ។សេចក្តីសម្រេចនេះ អាចមានហានិភ័យពីកំហឹងរបស់សហរដ្ឋអាមេរិក ដែលក្នុងខែនេះ បានកាត់បន្ថយនូវទណ្ឌកម្មឧស្សាហកម្មប្រេង និងឧស្ម័ន និងពាណិជ្ជកម្មមូលបត្របំណុល ជាថ្នូរនឹងកិច្ចព្រមព្រៀងបោះឆ្នោត។ក្រសួងការបរទេសអាមេរិក បាននិយាយរួចហើយថា ខ្លួននឹងដាក់ទណ្ឌកម្មឡើងវិញ ប្រសិនបើរដ្ឋាភិបាលរបស់លោកប្រធានាធិបតី នីកូឡាស ម៉ាឌូរ៉ូ (Nicolas Maduro) មិនដកបម្រាមលើបេក្ខជនបក្សប្រឆាំងមួយចំនួន និងដោះលែងអ្នកទោសនយោបាយ និងជនជាតិអាមេរិក ដែលត្រូវឃុំខ្លួនដោយខុសច្បាប់»នៅចុងខែវិច្ឆិកា។សេចក្តីសម្រេចរបស់តុលាការ ដែលគណបក្សប្រឆាំងចាត់ទុកថាជាអាវុធរបស់រដ្ឋាភិបាល ធ្វើឡើង បន្ទាប់ពីអគ្គមេធាវី បានប្រកាសកាលពីសប្តាហ៍មុនថា ការិយាល័យរបស់លោក កំពុងស៊ើបអង្កេតបឋម និងសមាជិកនៃគណៈកម្មការរៀបចំរបស់ខ្លួនចំពោះការរំលោភការបោះឆ្នោត ឧក្រិដ្ឋកម្មហិរញ្ញវត្ថុ និងការសមគំនិត។

មនុស្ស២នាក់ស្លាប់ ខណៈកម្មកររោងចក្រកាត់ដេរបង់ក្លាដែស តវ៉ាពីប្រាក់ឈ្នួលទាប

នគរបាលនិយាយថា កម្មកររោងចក្រកាត់ដេររាប់ពាន់នាក់ នៅក្នុងប្រទេសបង់ក្លាដែស បានដើរចេញពីការងារ ក្នុងការតវ៉ាចំពោះប្រាក់ឈ្នួលទាប កាលពីថ្ងៃចន្ទ បង្កឲ្យមានការប៉ះទង្គិចគ្នា ជាមួយកងកម្លាំងសន្តិសុខ និងបានធ្វើឲ្យខូចខាតរោងចក្រជាច្រើនកន្លែង នៅក្នុងភាពចលាចល បណ្តាលឲ្យមនុស្ស២នាក់ស្លាប់។ប្រទេសបង់ក្លាដែស គឺជាអ្នកនាំចេញផលិផលកាត់ដេរធំបំផុតមួយនៅលើពិភពលោក ដោយឧស្សាហកម្មនេះ មាន៨៥ភាគរយនៃចំនូនទឹកប្រាក់៥៥ពាន់លានដុល្លាររបស់ប្រទេសនៅអាស៊ីខាងត្បូងមួយនេះក្នុងការនាំចេញប្រចាំឆ្នាំ ប៉ុន្តែលក្ខខណ្ឌជាច្រើន គឺធ្ងន់ធ្ងរសម្រាប់កម្មកររោងចក្រកាត់ដេរ៤លាននាក់របស់ខ្លួន។ នគរបាល បាននិយាយថា កម្មករយ៉ាងហោចណាស់ ១០.០០០នាក់ បានចាកចេញពីការងារប្តូរវេនរបស់ពួកគេ និងធ្វើការតវ៉ា នៅទីក្រុង Gazipur ជាទីក្រុងឧស្សាហកម្មធំបំផុតរបស់ប្រទេស ជាកន្លែងដែលរោងចក្រកម្ពស់៦ជាន់ ត្រូវបានដុតបំផ្លាញ។អាជ្ញាធរនិយាយថា មនុស្ស៧.០០០នាក់ផ្សេងទៀតបានតវ៉ានៅក្នុងទីក្រុង Ashulia និងទីក្រុង Hemayetpur ។ មេដឹកនាំសហជីពរោងចក្រទីក្រុង Ashulia លោក Mohammad Ibrahim បានជំទាស់ទៅនឹងតួលេខរបស់នគរបាល ដោយនិយាយថាមានអ្នកតវ៉ា ជាង១០០.០០០នាក់។ អំពើហិង្សាដ៏អាក្រក់បំផុត បានផ្ទុះឡើង នៅលើផ្លូវហាយវ៉េ ភាគខាងជើងរដ្ឋធានី Dhaka រហូតដល់ទីក្រុង Mymensingh ជាកន្លែងដែលកម្មករយ៉ាងហោចណាស់ ៤.០០០នាក់ បានប៉ះទង្គិចជាមួយនគរបាល ដែលបានបិទផ្លូវ និងដុតរថយន្ត។លោក Sarwar Alam ប្រធានអង្គភាពនគរបាលឧស្សាហកម្ម ក្នុងទីក្រុង Gazipur បាននិយាយថា កម្មកររោងចក្រកាត់ដេរម្នាក់ បានរងរបួស អំឡុងការប៉ះទង្គិចគ្នា ហើយបានស្លាប់ ខណៈត្រូវបាននាំទៅកាន់មន្ទីរពេទ្យ។ ពួកគេបានគប់ដុំថ្ម មកលើមន្ត្រីរបស់យើង ដូចទឹកភ្លៀង។ នគរបាលមួយចំនួន បានរងរបួស អំឡុងការប៉ះទង្គិចគ្នា។ យើងបានបាញ់ឧស្ម័នបង្ហៀរទឹកភ្នែក និងគ្រាប់បែកផ្សែងដើម្បីបំបែកកម្មករ។

លោក Netanyahu និយាយថា ចំណាត់ការតាមដីគោកនៅតំបន់ហ្កាហ្សា បង្កើតលទ្ធភាពសម្រាប់ការដោះលែងចំណាប់ថ្នូរ

នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃចន្ទថា យុទ្ធនាការតាមដីគោករបស់ប្រទេសអ៊ីស្រាអែល នៅក្នុងតំបន់ហ្កាហ្សា បានបង្កើតលទ្ធភាពសម្រាប់ការដោះលែងចំណាប់ថ្នូរជាង ២០០នាក់ ដែលត្រូវបានចាប់ខ្លួនដោយក្រុមសកម្មប្រយុទ្ធហាម៉ាស់។ លោក Netanyahuបាននិយាយក្នុងការឆ្លើយតបទៅនឹងសំនួររបស់អ្នកសារព័ត៌មានក្នុងទីក្រុង Tel Aviv ថា យើងគិតថានេះគឺជាវិធីសាស្ត្រមានការរំពឹងទុក ដែលលោកនិយាយថាយុទ្ធនាការនេះ បានដាក់សម្ពាធលើក្រុមហាម៉ាស់។ អ៊ីស្រអែល បាននិយាយកាលពីថ្ងៃចន្ទថា កងកម្លាំង បានដោះលែងទាហានម្នាក់ ដែលត្រូវបានកំណត់អត្តសញ្ញាណឈ្មោះ Ori Megidish ពីការចាប់ជាចំណាប់ថ្នូររបស់ក្រុមហាម៉ាស់អំឡុងការវាយលុកតាមដីគោកនៅក្នុងតំបន់ហ្កាហ្សា។ នៅក្នុងសុន្ទកថា ដែលបានរៀបចំមុនពេលលោកទទួលសំណួរ លោក Netanyahu បាននិយាយថា អ៊ីស្រាអែលពុំបានត្រៀមខ្លួនដើម្បីព្រមព្រៀងចំពោះបទឈប់បាញ់ជាមួយក្រុមហាម៉ាស់នោះទេ។ ការវាយលុកតាមដីគោកទ្រង់ទ្រាយធំរបស់អ៊ីស្រាអែល នៅក្នុងតំបន់ហ៊ុមព័ទ្ធប៉ាឡេស្ទីន បានបង្កឲ្យមានការអំពាវនាវពីអន្តរជាតិបន្ថែមទៀត សម្រាប់ជនស៊ីវិល ឲ្យត្រូវបានការពារនៅក្នុងតំបន់ហ្កាហ្សា ជាកន្លែងដែលពលរដ្ឋប៉ាឡេស្ទីន ត្រូវការជាខ្លាំង ប្រេងឥន្ធនៈ ស្បៀងអាហារ និងទឹកស្អាត ខណៈសង្គ្រាមឈានចូលដល់សប្តាហ៍ទី៤។

បណ្ដាញសង្គម

ព័ត៌មានថ្មីៗ

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ

សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា

ការងារជោគជ័យអាស្រ័យមន្រ្តីមាន «សុខភាពល្អ»

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”

ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន

អ៊ីរ៉ង់និយាយថាខ្លួន បានត្រៀមរួចរាល់ហើយដើម្បីទប់ទល់នឹងការគំរាមកំហែងគ្រប់បែបយ៉ាង

មនុស្ស១៤ នាក់បានស្លាប់ក្នុងការបំផ្ទុះគ្រាប់បែកនៅភាគនិរតីរបស់ប្រទេសកូឡុំប៊ី

អតីតសកម្មជនបក្សប្រឆាំងជាច្រើននាក់ទៀត នៅស្រុកត្រាំកក់ សម្រេចចូលរួមជីវភាពនយោបាយ ជាមួយគណប្រជាជនកម្ពុជា

អាជ្ញាធរខេត្តប៉ៃលិន បន្តចុះត្រួតពិនិត្យជនបរទេសដែលលួចចូលមករស់នៅខុសច្បាប់ ក្នុងខេត្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877